पुष्करिणी आदि का धर्म-माहात्म्य

श्लोक 1 (padma.1.58.1)

व्यास उवाच- शाखिनामेव सर्वेषां फलं वक्ष्यामि यादृशम्। तच्छृणुध्वं महाभागा रोपणे च पृथक्पृथक्

vyāsa uvāca- śākhināmeva sarveṣāṁ phalaṁ vakṣyāmi yādṛśam tacchṛṇudhvaṁ mahābhāgā ropaṇe ca pṛthakpṛthak

व्यास जी ने कहा — अब मैं समस्त वृक्षों के फल का वर्णन करूँगा। हे महाभागो! उन्हें अलग-अलग रोपने का फल सुनो।

श्लोक 2 (padma.1.58.2)

यस्तु रोपयते तीरे पुण्यवृक्षान्समंततः। तस्य पुण्यफलं ज्ञातुं कथितुं नैव शक्यते

yastu ropayate tīre puṇyavṛkṣānsamaṁtataḥ tasya puṇyaphalaṁ jñātuṁ kathituṁ naiva śakyate

जो पुण्यकारी वृक्षों को नदी-तट पर सर्वत्र रोपता है, उसके पुण्य-फल को जानना अथवा कहना संभव ही नहीं है।

श्लोक 3 (padma.1.58.3)

अन्यत्र रोपणं कृत्वा शाखिनां यत्फलं लभेत्। ततो जलसमीपे तु लक्षकोटिगुणं भवेत्

anyatra ropaṇaṁ kṛtvā śākhināṁ yatphalaṁ labhet tato jalasamīpe tu lakṣakoṭiguṇaṁ bhavet

अन्यत्र वृक्ष रोपने से जो फल मिलता है, वही फल जल के समीप रोपने से लाखों-करोड़ों गुना हो जाता है।

श्लोक 4 (padma.1.58.4)

स्वयं पुष्करिणी तीरे त्वनंतं फलमश्नुते। तस्माच्छतगुणं ब्रूमः शाखिनां पुण्यकारिणाम्

svayaṁ puṣkariṇī tīre tvanaṁtaṁ phalamaśnute tasmācchataguṇaṁ brūmaḥ śākhināṁ puṇyakāriṇām

पुष्करिणी के तट पर तो स्वयं अनंत फल प्राप्त होता है; उससे भी पुण्यकारी वृक्षों का फल हम सौ गुना कहते हैं।

श्लोक 5 (padma.1.58.5)

अश्वत्थरोपणं कृत्वा जलाशयसमीपतः। यत्फलं लभते मर्त्यो न तत्क्रतुशतैरपि

aśvattharopaṇaṁ kṛtvā jalāśayasamīpataḥ yatphalaṁ labhate martyo na tatkratuśatairapi

जलाशय के समीप अश्वत्थ (पीपल) रोपने से मनुष्य जो फल प्राप्त करता है, वह सौ यज्ञों से भी नहीं मिलता।

श्लोक 6 (padma.1.58.6)

पतंति यानि पत्राणि जले पर्वणि पर्वणि। तानि पिंडसमानीह पितॄणामक्षयं ययुः

pataṁti yāni patrāṇi jale parvaṇi parvaṇi tāni piṁḍasamānīha pitṝṇāmakṣayaṁ yayuḥ

प्रत्येक पर्व पर जो पत्ते जल में गिरते हैं, वे यहाँ पितरों के लिए अक्षय पिंड के समान हो जाते हैं।

श्लोक 7 (padma.1.58.7)

खादंति पतगास्तत्र फलानि कामतो ध्रुवम्। ब्रह्मभक्ष्यसमं तस्य पुण्यं भवति चाक्षयम्

khādaṁti patagāstatra phalāni kāmato dhruvam brahmabhakṣyasamaṁ tasya puṇyaṁ bhavati cākṣayam

वहाँ पक्षी इच्छानुसार निश्चित रूप से उसके फल खाते हैं; इससे रोपने वाले को ब्राह्मण-भोजन के समान अक्षय पुण्य प्राप्त होता है।

श्लोक 8 (padma.1.58.8)

अश्वत्थेनैव भक्ष्येण रोपणेनैव यत्फलम्। तद्वै क्रतुशतैर्नैव पुत्रैरेव शतैरपि

aśvatthenaiva bhakṣyeṇa ropaṇenaiva yatphalam tadvai kratuśatairnaiva putraireva śatairapi

अश्वत्थ के फल खिलाने और उसे रोपने मात्र से जो फल प्राप्त होता है, वह सौ यज्ञों से भी नहीं मिलता, सौ पुत्रों से भी नहीं।

श्लोक 9 (padma.1.58.9)

उष्णेच्छायां प्रगृह्णंति गावो देवद्विजातयः। कर्तुः पितृगणानां च स्वर्गो भवति चाक्षयः

uṣṇecchāyāṁ pragṛhṇaṁti gāvo devadvijātayaḥ kartuḥ pitṛgaṇānāṁ ca svargo bhavati cākṣayaḥ

गर्मी में गायें, देवता और द्विजगण इसकी छाया का आश्रय लेते हैं; इससे रोपने वाले और उसके पितृगणों को अक्षय स्वर्ग प्राप्त होता है।

श्लोक 10 (padma.1.58.10)

कर्तुं स्वस्थस्य वै विघ्नमक्षयत्वान्न शक्यते। तस्मात्सर्वप्रयत्नेन रोपयेद्वृक्षमाधवम्

kartuṁ svasthasya vai vighnamakṣayatvānna śakyate tasmātsarvaprayatnena ropayedvṛkṣamādhavam

इस अक्षय पुण्य के कारण, इसमें स्थित रहने वाले के लिए कोई विघ्न उत्पन्न नहीं किया जा सकता। इसलिए सम्पूर्ण प्रयत्न से माधव-प्रिय इस वृक्ष को रोपना चाहिए।

श्लोक 11 (padma.1.58.11)

एकं वृक्षं समारोप्य नरः स्वर्गान्न हीयते। तस्मादेव महावृक्षं रोपयध्वं द्विजोत्तमाः

ekaṁ vṛkṣaṁ samāropya naraḥ svargānna hīyate tasmādeva mahāvṛkṣaṁ ropayadhvaṁ dvijottamāḥ

एक ही वृक्ष रोपकर मनुष्य स्वर्ग से वंचित नहीं होता। इसलिए, हे द्विजोत्तमो! इस महावृक्ष को अवश्य रोपो।

श्लोक 12 (padma.1.58.12)

जलानां निकटे रम्ये रसानां क्रयविक्रये। मार्गे जलाशये वृक्षान्रोपयेद्यो महाशयः

jalānāṁ nikaṭe ramye rasānāṁ krayavikraye mārge jalāśaye vṛkṣānropayedyo mahāśayaḥ

जो महाशय जल के समीप रमणीय स्थानों में, रस-विक्रय के स्थानों में, मार्गों में और जलाशयों में वृक्ष रोपता है—

श्लोक 13 (padma.1.58.13)

अश्वत्थादीन्समारोप्य स्वर्गं याति मनोरमम्। अर्चयित्वा तु यत्पुण्यं प्रवक्ष्यामि द्विजातयः

aśvatthādīnsamāropya svargaṁ yāti manoramam arcayitvā tu yatpuṇyaṁ pravakṣyāmi dvijātayaḥ

—अश्वत्थ आदि रोपकर वह मनोरम स्वर्ग को प्राप्त होता है। हे द्विजो! अब मैं इसकी पूजा से प्राप्त पुण्य के विषय में कहूँगा।

श्लोक 14 (padma.1.58.14)

स्नात्वाश्वत्थं स्पृशेद्यस्तु सर्वपापैः प्रमुच्यते। अस्नातो यः स्पृशेन्मर्त्यो लभते स्नानजं फलम्

snātvāśvatthaṁ spṛśedyastu sarvapāpaiḥ pramucyate asnāto yaḥ spṛśenmartyo labhate snānajaṁ phalam

स्नान करके जो अश्वत्थ का स्पर्श करता है, वह समस्त पापों से मुक्त हो जाता है; बिना स्नान किए भी जो मनुष्य इसे स्पर्श करता है, उसे स्नान का फल प्राप्त होता है।

श्लोक 15 (padma.1.58.15)

दृष्ट्वा च नाशयेत्पापं स्पृष्ट्वा लक्ष्मीं प्रपद्यते। प्रदक्षिणे भवेदायुः सदाश्वत्थ नमोस्तु ते

dṛṣṭvā ca nāśayetpāpaṁ spṛṣṭvā lakṣmīṁ prapadyate pradakṣiṇe bhavedāyuḥ sadāśvattha namostu te

इसे देखकर पाप नष्ट होता है, स्पर्श करके लक्ष्मी की प्राप्ति होती है; प्रदक्षिणा से आयु बढ़ती है — हे अश्वत्थ! तुम्हें सदा नमस्कार हो।

श्लोक 16 (padma.1.58.16)

चलद्दलाय वृक्षाय सदा विष्णुस्थिताय च। बोधिसत्वाय योग्याय सदाश्वत्थ नमोस्तु ते

caladdalāya vṛkṣāya sadā viṣṇusthitāya ca bodhisatvāya yogyāya sadāśvattha namostu te

हे सदा हिलते हुए पत्तों वाले वृक्ष! सदा विष्णु-निवासस्थल! बोधिस्वरूप! योग्य! हे अश्वत्थ! तुम्हें सदा नमस्कार हो।

श्लोक 17 (padma.1.58.17)

अश्वत्थाय तु हव्यं तु पयो नैवेद्यमेव च। पुष्पं धूपं दीपकं च दत्वा स्वर्गान्न हीयते

aśvatthāya tu havyaṁ tu payo naivedyameva ca puṣpaṁ dhūpaṁ dīpakaṁ ca datvā svargānna hīyate

अश्वत्थ को हव्य, दूध, नैवेद्य, पुष्प, धूप और दीपक अर्पित करके मनुष्य कभी स्वर्ग से वंचित नहीं होता।

श्लोक 18 (padma.1.58.18)

सपुत्रं चाक्षयं विद्धि धनवृद्धियशस्करम्। विजयं मानदं भद्रमश्वत्थस्य प्रपूजनम्

saputraṁ cākṣayaṁ viddhi dhanavṛddhiyaśaskaram vijayaṁ mānadaṁ bhadramaśvatthasya prapūjanam

जानो कि अश्वत्थ की पूजा पुत्र-प्राप्ति सहित अक्षय फल, धन-वृद्धि, यश, विजय, सम्मान और मंगल प्रदान करने वाली है।

श्लोक 19 (padma.1.58.19)

यज्जप्तं च हुतं स्तोत्रं यन्त्रमंत्रादिकं च यत्। सर्वं कोटिगुणं प्रोक्तं मूले चलदलस्य च

yajjaptaṁ ca hutaṁ stotraṁ yantramaṁtrādikaṁ ca yat sarvaṁ koṭiguṇaṁ proktaṁ mūle caladalasya ca

जो भी जप, हवन, स्तोत्र, यंत्र-मंत्र आदि किया जाता है, वह सब इस चलदल वृक्ष के मूल में करोड़ों गुना फलदायी कहा गया है।

श्लोक 20 (padma.1.58.20)

यस्य मूले स्थितो विष्णुर्मध्ये तिष्ठति शंकरः। अग्रभागे स्थितो ब्रह्मा कस्तं जगति नार्चयेत्

yasya mūle sthito viṣṇurmadhye tiṣṭhati śaṁkaraḥ agrabhāge sthito brahmā kastaṁ jagati nārcayet

जिसके मूल में विष्णु, मध्य में शंकर और अग्रभाग में ब्रह्मा स्थित हैं, उसे इस जगत में कौन नहीं पूजेगा?

श्लोक 21 (padma.1.58.21)

सोमवारे त्वमायां च स्नानं यन्मौनिना कृतम्। दानस्य गोसहस्रस्य फलं चाश्वत्थवंदने

somavāre tvamāyāṁ ca snānaṁ yanmauninā kṛtam dānasya gosahasrasya phalaṁ cāśvatthavaṁdane

सोमवार को अमावस्या के दिन मौन रहकर जो स्नान किया जाता है — उसका फल सहस्र गायों के दान के समान — अश्वत्थ को नमन करने से भी प्राप्त होता है।

श्लोक 22 (padma.1.58.22)

सप्तप्रदक्षिणेनैव गवामयुतजं फलम्। प्रचुराल्लक्षकोटिश्च तस्मात्कार्या हि सा सदा

saptapradakṣiṇenaiva gavāmayutajaṁ phalam pracurāllakṣakoṭiśca tasmātkāryā hi sā sadā

केवल सात प्रदक्षिणाओं से दस सहस्र गायों के दान का फल मिलता है, वह भी प्रचुर मात्रा में, लाखों-करोड़ों गुना; इसलिए यह सदा करनी चाहिए।

श्लोक 23 (padma.1.58.23)

यत्किंचिद्दीयते तत्र फलमूलजलादिकम्। सर्वं तच्चाक्षयफलं जन्मजन्मसु जायते

yatkiṁciddīyate tatra phalamūlajalādikam sarvaṁ taccākṣayaphalaṁ janmajanmasu jāyate

वहाँ जो कुछ भी अर्पित किया जाता है — फल, मूल, जल आदि — वह सब जन्म-जन्मांतर में अक्षय फलदायी हो जाता है।

श्लोक 24 (padma.1.58.24)

अहोश्वत्थसमो नास्ति वृक्षरूपी हरिर्भुवि। यथा पूज्यो द्विजो लोके यथा गावो यथामराः

ahośvatthasamo nāsti vṛkṣarūpī harirbhuvi yathā pūjyo dvijo loke yathā gāvo yathāmarāḥ

अहो! अश्वत्थ के समान पृथ्वी पर वृक्षरूपी हरि दूसरा कोई नहीं है। जैसे लोक में द्विज पूज्य है, जैसे गायें और देवता पूज्य हैं—

श्लोक 25 (padma.1.58.25)

तथाश्वत्थवृक्षरूपी देवः पूज्यतमः स्मृतः। रोपणे रक्षणे स्पर्शे पूजाकर्मणि वै सदा

tathāśvatthavṛkṣarūpī devaḥ pūjyatamaḥ smṛtaḥ ropaṇe rakṣaṇe sparśe pūjākarmaṇi vai sadā

—वैसे ही अश्वत्थ-वृक्षरूपी देव सर्वाधिक पूज्य स्मरण किए गए हैं — रोपण में, रक्षण में, स्पर्श में और पूजा-कर्म में, सदैव—

श्लोक 26 (padma.1.58.26)

ददाति वित्तं पुत्रांश्च स्वर्गं मोक्षं पुनः क्रमात्। किंचिच्छेदं तु यः कुर्यादश्वत्थस्य तनौ नरः

dadāti vittaṁ putrāṁśca svargaṁ mokṣaṁ punaḥ kramāt kiṁcicchedaṁ tu yaḥ kuryādaśvatthasya tanau naraḥ

—यह धन, पुत्र, स्वर्ग और फिर क्रमशः मोक्ष प्रदान करता है। परंतु जो मनुष्य अश्वत्थ के शरीर में थोड़ा भी छेदन करता है—

श्लोक 27 (padma.1.58.27)

कल्पैकं निरयं भुक्त्वा चांडालादौ प्रजायते। मूलच्छेदेन तस्यैव स च यात्यपुनर्भवम्

kalpaikaṁ nirayaṁ bhuktvā cāṁḍālādau prajāyate mūlacchedena tasyaiva sa ca yātyapunarbhavam

—वह एक कल्प तक नरक भोगकर चांडाल आदि योनियों में जन्म लेता है। और उसके मूल के छेदन से तो वह ऐसी गति को प्राप्त होता है जहाँ से लौटना ही नहीं होता।

श्लोक 28 (padma.1.58.28)

पुरुषास्तस्य तिष्ठंति रौरवे घोरदर्शने। अश्वत्थस्यैकवृक्षस्य रोपणे यत्फलं भवेत्

puruṣāstasya tiṣṭhaṁti raurave ghoradarśane aśvatthasyaikavṛkṣasya ropaṇe yatphalaṁ bhavet

उसके सहभागी पुरुष घोर दर्शन वाले रौरव नरक में निवास करते हैं। अब [सुनो] अकेले एक अश्वत्थ वृक्ष के रोपण से जो फल प्राप्त होता है—

श्लोक 29 (padma.1.58.29)

तथैव चंपकेर्के च त्रयाणां रोपणेपि च। अष्टौ बिल्वस्य वृक्षाश्च न्यग्रोधाश्चैव सप्त च

tathaiva caṁpakerke ca trayāṇāṁ ropaṇepi ca aṣṭau bilvasya vṛkṣāśca nyagrodhāścaiva sapta ca

—उतना ही फल तीन चंपक अथवा अर्क वृक्षों के रोपण से भी प्राप्त होता है; आठ बिल्व वृक्षों से, और सात न्यग्रोध (बरगद) वृक्षों से भी—

श्लोक 30 (padma.1.58.30)

निंबस्य दशवृक्षाश्च फलं चैषां समं भवेत्। एकैकस्य फलं चोक्तं वृक्षाणां रोपणे द्विजाः

niṁbasya daśavṛkṣāśca phalaṁ caiṣāṁ samaṁ bhavet ekaikasya phalaṁ coktaṁ vṛkṣāṇāṁ ropaṇe dvijāḥ

—और दस नीम वृक्षों से भी यही फल समान होता है। हे द्विजो! इस प्रकार इन वृक्षों में से प्रत्येक के रोपण का फल कहा गया है।

श्लोक 31 (padma.1.58.31)

एवं बुध्वा तु धर्मात्मा यः कुर्यात्कृत्रिमं वनम्। कल्पकोटिसहस्राणि कल्पकोटिशतानि च

evaṁ budhvā tu dharmātmā yaḥ kuryātkṛtrimaṁ vanam kalpakoṭisahasrāṇi kalpakoṭiśatāni ca

इस प्रकार जानकर जो धर्मात्मा कृत्रिम वन (उपवन) का निर्माण करता है, वह सहस्रों करोड़ों कल्पों तक, सैकड़ों करोड़ों कल्पों तक—

श्लोक 32 (padma.1.58.32)

नाकमेति स चूतस्य समारोप्य सहस्रकम्। ततो द्वित्रिगुणेनैव न्यूने वा प्रचुरेपि वा

nākameti sa cūtasya samāropya sahasrakam tato dvitriguṇenaiva nyūne vā pracurepi vā

—स्वर्ग को प्राप्त होता है। सहस्र आम्र-वृक्ष रोपकर, फिर चाहे दो-तीन गुना अधिक हो या कम अथवा प्रचुर हो—

श्लोक 33 (padma.1.58.33)

भुंक्ते भुक्त्वा पुनः कुर्यान्नृपो वाथ सदीश्वरः। स्वर्गं भोग्यं ततो राज्यं कल्याणं मंगलं शुभम्

bhuṁkte bhuktvā punaḥ kuryānnṛpo vātha sadīśvaraḥ svargaṁ bhogyaṁ tato rājyaṁ kalyāṇaṁ maṁgalaṁ śubham

—वह [तदनुसार स्वर्ग-सुख] भोगता है; और भोगकर वह पुनः राजा अथवा ईश्वर बनता है। तत्पश्चात् स्वर्ग-भोग, फिर राज्य, कल्याण, मंगल, शुभ—

श्लोक 34 (padma.1.58.34)

आरोग्यं शौर्यसंपन्नमारामादेव जायते। फलानि यस्य खादंति जंतवोथ सहस्रशः

ārogyaṁ śauryasaṁpannamārāmādeva jāyate phalāni yasya khādaṁti jaṁtavotha sahasraśaḥ

—आरोग्य और शौर्य से संपन्नता, यह सब उसी आराम (उपवन) से उत्पन्न होता है। जिसके फलों को सहस्रों प्राणी खाते हैं—

श्लोक 35 (padma.1.58.35)

आश्रिता विहगाः कीटाः पतगाः शलभादयः। छायाश्रिताश्च ये सत्वास्तत्संख्याताः पृथग्जनाः

āśritā vihagāḥ kīṭāḥ patagāḥ śalabhādayaḥ chāyāśritāśca ye satvāstatsaṁkhyātāḥ pṛthagjanāḥ

—पक्षी, कीट, उड़ने वाले जीव, पतंगे आदि जो उसका आश्रय लेते हैं, और जितने भी प्राणी उसकी छाया का आश्रय लेते हैं, उतने ही भिन्न-भिन्न लोग—

श्लोक 36 (padma.1.58.36)

तस्य किंकरतां यांति शतशो देवतार्चिताः। ये च वृक्षा महासत्वास्सर्वे ते देवरूपिणः

tasya kiṁkaratāṁ yāṁti śataśo devatārcitāḥ ye ca vṛkṣā mahāsatvāssarve te devarūpiṇaḥ

—सैकड़ों की संख्या में उसके सेवक बन जाते हैं, देवताओं द्वारा पूजित होकर। और जो वृक्ष महान् सत्वयुक्त होते हैं, वे सभी देवरूप ही होते हैं।

श्लोक 37 (padma.1.58.37)

तदर्चा पितृवत्कार्या शुश्रूषां जलपिंडकम्। मर्त्यलोके च ते पुत्रास्तस्य जन्मनि जन्मनि

tadarcā pitṛvatkāryā śuśrūṣāṁ jalapiṁḍakam martyaloke ca te putrāstasya janmani janmani

उनकी पूजा पितरों के समान करनी चाहिए — सेवा, जल और पिंड देकर। मृत्युलोक में वे जन्म-जन्मांतर में उसके पुत्र बनते हैं—

श्लोक 38 (padma.1.58.38)

सुरूपाः सुविनीताश्च सदापुण्यक्रिया शुभाः। एवं गणेशतां यांति जंतवश्चूतलग्नकाः

surūpāḥ suvinītāśca sadāpuṇyakriyā śubhāḥ evaṁ gaṇeśatāṁ yāṁti jaṁtavaścūtalagnakāḥ

—सुंदर रूप वाले, सुविनीत, सदा पुण्यकर्म करने वाले, शुभ। इस प्रकार आम्र-वृक्ष से जुड़े प्राणी भी गणेश्वर-पद को प्राप्त होते हैं।

श्लोक 39 (padma.1.58.39)

धात्री हरीतकी चान्ये कटुतिक्ताम्लसंभवाः। सर्वे चारामतः शुद्धाः फलदाः शिवदाः सदा

dhātrī harītakī cānye kaṭutiktāmlasaṁbhavāḥ sarve cārāmataḥ śuddhāḥ phaladāḥ śivadāḥ sadā

आँवला, हरीतकी और अन्य कटु, तिक्त, अम्ल फल देने वाले वृक्ष — सभी सुव्यवस्थित उद्यान से शुद्ध, फलदायी और सदा कल्याणकारी होते हैं।

श्लोक 40 (padma.1.58.40)

प्रासादा यत्र सौवर्णाः सर्वरत्नविभूषिताः। सर्वाभरणसंयुक्ता विमानाश्चानिलोपमाः

prāsādā yatra sauvarṇāḥ sarvaratnavibhūṣitāḥ sarvābharaṇasaṁyuktā vimānāścānilopamāḥ

वहाँ सोने के महल हैं, सर्वरत्नों से विभूषित; सर्व-आभूषणों से युक्त विमान, वायु के समान वेगवान्—

श्लोक 41 (padma.1.58.41)

शातकुंभमया वृक्षाः सदैव सर्वदायिनः। सर्वर्तुसुखदाः सौम्यकन्यका अप्सरस्समाः

śātakuṁbhamayā vṛkṣāḥ sadaiva sarvadāyinaḥ sarvartusukhadāḥ saumyakanyakā apsarassamāḥ

—सोने के बने वृक्ष, सदा सर्वदाता; सभी ऋतुओं में सुख देने वाली, अप्सराओं के समान सौम्य कन्याएँ—

श्लोक 42 (padma.1.58.42)

गीतनृत्यपराधीरास्तत्र तिष्ठंति वृक्षदाः। पुष्करिण्यो विशेषेण खातान्यन्यानि यानि च

gītanṛtyaparādhīrāstatra tiṣṭhaṁti vṛkṣadāḥ puṣkariṇyo viśeṣeṇa khātānyanyāni yāni ca

—गीत-नृत्य में तल्लीन, वहाँ वृक्षों के प्रताप से निवास करती हैं। वहाँ विशेष रूप से पुष्करिणियाँ, और अन्य जलाशय भी होते हैं—

श्लोक 43 (padma.1.58.43)

शुद्धोपलांतरचिता नद्यः पायसकर्द्दमाः। पुनर्दुग्धसफेनाश्च अन्नादिषड्रसान्विताः

śuddhopalāṁtaracitā nadyaḥ pāyasakarddamāḥ punardugdhasaphenāśca annādiṣaḍrasānvitāḥ

—शुद्ध पाषाणों से जड़ी हुई; नदियाँ जिनका कीचड़ भी खीर जैसा है; पुनः दूध से फेनयुक्त, अन्न आदि षड्रसों से युक्त—

श्लोक 44 (padma.1.58.44)

मर्त्यलोके यथा भोग्यं पुनः स्वर्गे पुनर्भुवि। पुनरेव तदभ्यासात्खातमारामकं पुनः

martyaloke yathā bhogyaṁ punaḥ svarge punarbhuvi punareva tadabhyāsātkhātamārāmakaṁ punaḥ

—जैसे मृत्युलोक में भोग्य होता है, वैसे ही पुनः स्वर्ग में और पुनः पृथ्वी पर [जन्म लेने पर भी]। बारंबार इसी अभ्यास से पुनः जलाशय और पुनः उपवन [प्राप्त होते हैं]—

श्लोक 45 (padma.1.58.45)

यथा पुण्यादिकं कृत्वा स्वर्गमर्त्याधिपः पुमान्। अशक्तस्तु प्रपां कृत्वा पुष्करिण्याः फलं लभेत्

yathā puṇyādikaṁ kṛtvā svargamartyādhipaḥ pumān aśaktastu prapāṁ kṛtvā puṣkariṇyāḥ phalaṁ labhet

—इस प्रकार पुण्य आदि करके मनुष्य स्वर्ग और पृथ्वी दोनों का अधिपति बन जाता है। परंतु जो असमर्थ है, वह प्याऊ (जल-शाला) बनवाकर भी पुष्करिणी का फल प्राप्त कर सकता है।

श्लोक 46 (padma.1.58.46)

प्रपाया लक्षणं चात्र सर्वपापहरं परं। सर्वभोगप्रदं शुद्धं स्वर्गापवर्गदं स्थिरं

prapāyā lakṣaṇaṁ cātra sarvapāpaharaṁ paraṁ sarvabhogapradaṁ śuddhaṁ svargāpavargadaṁ sthiraṁ

यहाँ प्याऊ का लक्षण यह है — यह समस्त पापों को हरने वाली, सर्वभोग-प्रदायिनी, शुद्ध, स्वर्ग और मोक्ष दोनों देने वाली, स्थिर होनी चाहिए।

श्लोक 47 (padma.1.58.47)

लक्षणं च प्रवक्ष्यामि प्रपायाः कीर्तिवर्धनम्। निर्जलेऽध्वनि पृक्ते च स्थाने कृत्वा च मंडपम्

lakṣaṇaṁ ca pravakṣyāmi prapāyāḥ kīrtivardhanam nirjale'dhvani pṛkte ca sthāne kṛtvā ca maṁḍapam

अब मैं यश-वर्धक प्याऊ का लक्षण कहूँगा। निर्जल मार्ग पर, चौराहे जैसे भीड़ भरे स्थान पर मंडप बनवाकर—

श्लोक 48 (padma.1.58.48)

बहुपान्थे समायाते ग्रीष्मवर्षाशरत्स्वपि। अगरुकादि सौगंध्यं जलं पूगं सचंद्रकम्

bahupānthe samāyāte grīṣmavarṣāśaratsvapi agarukādi saugaṁdhyaṁ jalaṁ pūgaṁ sacaṁdrakam

—जहाँ अनेक यात्री आते हों, ग्रीष्म, वर्षा और शरद ऋतु में भी; अगरु आदि से सुगंधित जल, सुपारी और चंदन सहित—

श्लोक 49 (padma.1.58.49)

आसनं चैव तांबूलं दत्वा स्वर्गान्न हीयते। एवं वर्षत्रयेणैव पुष्करिण्याः फलं लभेत्

āsanaṁ caiva tāṁbūlaṁ datvā svargānna hīyate evaṁ varṣatrayeṇaiva puṣkariṇyāḥ phalaṁ labhet

—आसन और ताम्बूल भी देकर, मनुष्य स्वर्ग से कभी वंचित नहीं होता। इस प्रकार केवल तीन वर्षों में ही पुष्करिणी का फल प्राप्त हो जाता है।

श्लोक 50 (padma.1.58.50)

स्वर्गाच्चैवाच्युतो मर्त्यो देवैरपि प्रपूज्यते। मासमेकं तु यो दद्यात्प्रपां ग्रीष्मेथ निर्जले

svargāccaivācyuto martyo devairapi prapūjyate māsamekaṁ tu yo dadyātprapāṁ grīṣmetha nirjale

वह मनुष्य स्वर्ग से भी अच्युत होकर देवताओं द्वारा भी पूजित होता है। और जो ग्रीष्म ऋतु में निर्जल स्थान पर एक मास तक भी प्याऊ लगाता है—

श्लोक 51 (padma.1.58.51)

कल्पैकं तु वसेत्स्वर्गे स्वर्गाद्भ्रष्टो महीयते। प्रपादास्तत्र तिष्ठंति यत्र पुष्करिणीप्रदाः

kalpaikaṁ tu vasetsvarge svargādbhraṣṭo mahīyate prapādāstatra tiṣṭhaṁti yatra puṣkariṇīpradāḥ

—वह एक कल्प तक स्वर्ग में निवास करता है, और स्वर्ग से गिरने पर भी पूजित होता है। प्याऊ देने वाले वहीं निवास करते हैं जहाँ पुष्करिणी देने वाले निवास करते हैं।

श्लोक 52 (padma.1.58.52)

नोचेद्धर्मघटो देयः पुण्यः पापक्षयाय च। एष धर्मघटो ज्ञेयो ब्रह्मविष्णुशिवात्मकः

noceddharmaghaṭo deyaḥ puṇyaḥ pāpakṣayāya ca eṣa dharmaghaṭo jñeyo brahmaviṣṇuśivātmakaḥ

अन्यथा, पाप के नाश के लिए पुण्यकारी 'धर्मघट' का दान करना चाहिए। यह धर्मघट ब्रह्मा, विष्णु और शिव तीनों का स्वरूप जानना चाहिए।

श्लोक 53 (padma.1.58.53)

तवप्रसादात्सफलाः मम संतु मनोरथाः। स्वर्णमाषं चतुर्भागं दक्षिणार्थं घटस्य च

tavaprasādātsaphalāḥ mama saṁtu manorathāḥ svarṇamāṣaṁ caturbhāgaṁ dakṣiṇārthaṁ ghaṭasya ca

'आपकी कृपा से मेरे सभी मनोरथ सफल हों।' [ऐसा कहकर] घट की दक्षिणा के लिए एक चतुर्भाग स्वर्ण-माषा दिया जाता है।

श्लोक 54 (padma.1.58.54)

एवं वर्षत्रयेणैव प्रपादानफलं लभेत्। यः पठेच्छ्रावयेद्वापि पुष्करिण्यादिजं फलम्

evaṁ varṣatrayeṇaiva prapādānaphalaṁ labhet yaḥ paṭhecchrāvayedvāpi puṣkariṇyādijaṁ phalam

इस प्रकार तीन वर्षों में ही प्याऊ-दान का फल प्राप्त होता है। जो इसे पढ़ता या सुनाता है, उसे पुष्करिणी आदि से उत्पन्न फल प्राप्त होता है।

श्लोक 55 (padma.1.58.55)

साक्षात्पापाद्भवेन्मुक्तस्तत्प्रसादात्तु सद्गतिः। जनेषु श्रावयेद्यस्तु पुण्याख्यानमिदं शुभम्

sākṣātpāpādbhavenmuktastatprasādāttu sadgatiḥ janeṣu śrāvayedyastu puṇyākhyānamidaṁ śubham

वह साक्षात् पाप से मुक्त हो जाता है, और उस कृपा से सद्गति को प्राप्त होता है। जो भी इस शुभ पुण्याख्यान को लोगों में सुनाता है—

श्लोक 56 (padma.1.58.56)

कल्पकोटिसहस्राणि सुरलोके स तिष्ठति

kalpakoṭisahasrāṇi suraloke sa tiṣṭhati

—वह सहस्रों करोड़ों कल्पों तक देवलोक में निवास करता है।