तुलसी-स्तव माहात्म्य

श्लोक 1 (padma.1.61.1)

द्विजाऊचुः- तुलसीपुष्पमाहात्म्यं श्रुतं त्वत्तो हरेः शुभम्। तस्या स्तोत्रं कृतं पुण्यं श्रोतुमिच्छामहे वयम्

dvijāūcuḥ- tulasīpuṣpamāhātmyaṁ śrutaṁ tvatto hareḥ śubham tasyā stotraṁ kṛtaṁ puṇyaṁ śrotumicchāmahe vayam

द्विजों ने कहा — हमने आपसे हरि की तुलसी-पुष्प की शुभ महिमा सुनी; अब हम उसके पुण्यमय स्तोत्र को भी सुनना चाहते हैं।

श्लोक 2 (padma.1.61.2)

व्यास उवाच- पुरा स्कंदपुराणे च यन्मया कीर्तितं द्विजाः। कथयामि पुराणं च पुरतो मोक्षहेतवे

vyāsa uvāca- purā skaṁdapurāṇe ca yanmayā kīrtitaṁ dvijāḥ kathayāmi purāṇaṁ ca purato mokṣahetave

व्यास जी ने कहा — हे द्विजो! पूर्वकाल में स्कंदपुराण में जो मैंने कहा था, वह पुराण-कथन मैं मोक्ष की प्राप्ति हेतु पुनः कहता हूँ।

श्लोक 3 (padma.1.61.3)

शतानंद मुनेः शिष्याः सर्वे ते संशितव्रताः। प्रणिपत्य गुरुं विप्राः पप्रच्छुः पुण्यतो हितम्

śatānaṁda muneḥ śiṣyāḥ sarve te saṁśitavratāḥ praṇipatya guruṁ viprāḥ papracchuḥ puṇyato hitam

दृढ़-व्रत शतानंद मुनि के वे सभी शिष्य विप्र, गुरु को प्रणाम करके पुण्यकारी हित-वचन पूछने लगे।

श्लोक 4 (padma.1.61.4)

पूर्वं ब्रह्ममुखान्नाथ यच्छ्रुतं तुलसीस्तवम्। तद्वयं श्रोतुमिच्छामस्त्वत्तो ब्रह्मविदांवर

pūrvaṁ brahmamukhānnātha yacchrutaṁ tulasīstavam tadvayaṁ śrotumicchāmastvatto brahmavidāṁvara

'हे नाथ! पूर्वकाल में ब्रह्मा के मुख से जो तुलसी-स्तव सुना गया था, वह हम आपसे सुनना चाहते हैं, हे ब्रह्मवेत्ताओं में श्रेष्ठ!'

श्लोक 5 (padma.1.61.5)

शतानंद उवाच- नामोच्चारे कृते तस्याः प्रीणात्यसुरदर्पहा। पापानि विलयं यांति पुण्यं भवति चाक्षयम्

śatānaṁda uvāca- nāmoccāre kṛte tasyāḥ prīṇātyasuradarpahā pāpāni vilayaṁ yāṁti puṇyaṁ bhavati cākṣayam

शतानंद ने कहा — उसका नाम-उच्चारण मात्र करने से असुरों के दर्प को नष्ट करने वाले हरि प्रसन्न हो जाते हैं; पाप विलीन हो जाते हैं और पुण्य अक्षय हो जाता है।

श्लोक 6 (padma.1.61.6)

सा कथं तुलसी लोकैः पूज्यते वंद्यते नहि। दर्शनादेव यस्यास्तु दानं कोटिगवां भवेत्

sā kathaṁ tulasī lokaiḥ pūjyate vaṁdyate nahi darśanādeva yasyāstu dānaṁ koṭigavāṁ bhavet

फिर वह तुलसी संसार में पूजित और वंदित क्यों न हो? उसके दर्शन मात्र से करोड़ों गायों के दान का फल मिलता है।

श्लोक 7 (padma.1.61.7)

धन्यास्ते मानवा लोके यद्गृहे विद्यते कलौ। सालग्रामशिलार्थं तु तुलसी प्रत्यहं क्षितौ

dhanyāste mānavā loke yadgṛhe vidyate kalau sālagrāmaśilārthaṁ tu tulasī pratyahaṁ kṣitau

इस कलियुग में वे मनुष्य धन्य हैं जिनके घर में शालिग्राम-शिला के निमित्त प्रतिदिन तुलसी पृथ्वी पर विद्यमान रहती है।

श्लोक 8 (padma.1.61.8)

तुलसीं ये विचिन्वंति धन्यास्ते करपल्लवाः। केशवार्थं कलौ ये च रोपयंतीह भूतले

tulasīṁ ye vicinvaṁti dhanyāste karapallavāḥ keśavārthaṁ kalau ye ca ropayaṁtīha bhūtale

जो तुलसी-दल चुनते हैं, उनके कोमल हाथ धन्य हैं; और धन्य हैं वे भी जो इस कलियुग में केशव के लिए इस भूतल पर तुलसी रोपते हैं।

श्लोक 9 (padma.1.61.9)

किं करिष्यति संरुष्टो यमोपि सह किंकरैः। तुलसीदलेन देवेशः पूजितो येन दुःखहा

kiṁ kariṣyati saṁruṣṭo yamopi saha kiṁkaraiḥ tulasīdalena deveśaḥ pūjito yena duḥkhahā

जिसने तुलसी-दल से दुःखहारी देवेश की पूजा की हो, उसका क्रुद्ध यमराज भी अपने किंकरों सहित क्या कर सकता है?

श्लोक 10 (padma.1.61.10)

तीर्थयात्रादिगमनैः फलैः सिध्यति किन्नरः। स्नाने दाने तथा ध्याने प्राशने केशवार्चने

tīrthayātrādigamanaiḥ phalaiḥ sidhyati kinnaraḥ snāne dāne tathā dhyāne prāśane keśavārcane

तीर्थयात्रा आदि के फल से मनुष्य किन्नर-पद सिद्ध करता है। स्नान में, दान में, ध्यान में, [प्रसाद] ग्रहण में तथा केशव-अर्चन में—

श्लोक 11 (padma.1.61.11)

तुलसी दहते पापं कीर्तने रोपणे कलौ। तुलस्यमृतजन्मासि सदा त्वं केशवप्रिये

tulasī dahate pāpaṁ kīrtane ropaṇe kalau tulasyamṛtajanmāsi sadā tvaṁ keśavapriye

—तुलसी इस कलियुग में, चाहे कीर्तन में हो या रोपण में, पाप को जला डालती है। [हे तुलसी!] तुम सदा अमृत से जन्मी हो, केशव की प्रिय हो—

श्लोक 12 (padma.1.61.12)

केशवार्थं चिनोमि त्वां वरदा भव शोभने। त्वदंगसंभवैर्नित्यं पूजयामि यथाहरिम्

keśavārthaṁ cinomi tvāṁ varadā bhava śobhane tvadaṁgasaṁbhavairnityaṁ pūjayāmi yathāharim

'केशव के लिए ही मैं तुम्हें चुनता हूँ, हे शोभने! वरदायिनी बनो। तुम्हारे अंग से उत्पन्न पत्रों से मैं नित्य हरि की पूजा करता हूँ,

श्लोक 13 (padma.1.61.13)

तथा कुरु पवित्रांगि कलौ मलविनाशिनि। मंत्रेणानेन यः कुर्याद्विचित्य तुलसीदलम्

tathā kuru pavitrāṁgi kalau malavināśini maṁtreṇānena yaḥ kuryādvicitya tulasīdalam

—हे पवित्रांगि! कलियुग की मलिनता का नाश करने वाली, ऐसा ही करना।' इस मंत्र से जो कोई तुलसी-दल चुनकर पूजा करता है,

श्लोक 14 (padma.1.61.14)

पूजनं वासुदेवस्य लक्षकोटिगुणं भवेत्। प्रभावं तव देवेशि गायंति सुरसत्तमाः

pūjanaṁ vāsudevasya lakṣakoṭiguṇaṁ bhavet prabhāvaṁ tava deveśi gāyaṁti surasattamāḥ

—उसकी वासुदेव-पूजा लाखों-करोड़ों गुना फलदायी हो जाती है। हे देवेशि! तुम्हारे प्रभाव को श्रेष्ठ देवगण गाते हैं।

श्लोक 15 (padma.1.61.15)

मुनयः सिद्धगंधर्वाः पाताले नागराट्स्वयम्। न ते प्रभावं जानंति देवताः केशवादृते

munayaḥ siddhagaṁdharvāḥ pātāle nāgarāṭsvayam na te prabhāvaṁ jānaṁti devatāḥ keśavādṛte

मुनि, सिद्ध, गंधर्व, तथा पाताल में स्वयं नागराज — देवता भी केशव के अतिरिक्त तुम्हारे प्रभाव को नहीं जानते।

श्लोक 16 (padma.1.61.16)

गुणानां परिमाणं तु कल्पकोटिशतैरपि। कृष्णानंदात्समुद्भूता क्षीरोदमथनोद्यमे

guṇānāṁ parimāṇaṁ tu kalpakoṭiśatairapi kṛṣṇānaṁdātsamudbhūtā kṣīrodamathanodyame

तुम्हारे गुणों का परिमाण सैकड़ों करोड़ कल्पों में भी नहीं कहा जा सकता। तुम क्षीरसागर-मंथन के उद्यम में कृष्ण के आनंद से प्रकट हुई—

श्लोक 17 (padma.1.61.17)

उत्तमांगे पुरा येन तुलसी विष्णुना धृता। प्राप्यैतानि त्वया देवि विष्णोरंगानि सर्वशः

uttamāṁge purā yena tulasī viṣṇunā dhṛtā prāpyaitāni tvayā devi viṣṇoraṁgāni sarvaśaḥ

—और उन्हीं विष्णु ने पूर्वकाल में तुम्हें अपने उत्तमांग (मस्तक) पर धारण किया। हे देवि! इस प्रकार तुमने विष्णु के सभी अंगों को सर्वथा प्राप्त किया—

श्लोक 18 (padma.1.61.18)

पवित्रता त्वया प्राप्ता तुलसीं त्वां नमाम्यहम्। त्वदंगसंभवैः पत्रैः पूजयामि यथा हरिम्

pavitratā tvayā prāptā tulasīṁ tvāṁ namāmyaham tvadaṁgasaṁbhavaiḥ patraiḥ pūjayāmi yathā harim

—और तुमने पवित्रता प्राप्त की। हे तुलसी! मैं तुम्हें नमस्कार करता हूँ। तुम्हारे अंग से उत्पन्न पत्रों से मैं हरि की पूजा करता हूँ—

श्लोक 19 (padma.1.61.19)

तथा कुरुष्व मेऽविघ्नं यतो यामि परां गतिम्। रोपिता गोमतीतीरे स्वयं कृष्णेन पालिता

tathā kuruṣva me'vighnaṁ yato yāmi parāṁ gatim ropitā gomatītīre svayaṁ kṛṣṇena pālitā

—इसी प्रकार मेरे लिए विघ्नरहित मार्ग बनाओ, जिससे मैं परम गति को प्राप्त हो सकूँ।' तुम गोमती तट पर रोपी गई, स्वयं कृष्ण द्वारा पालित हुई—

श्लोक 20 (padma.1.61.20)

जगद्धिताय तुलसी गोपीनां हितहेतवे। वृंदावने विचरता सेविता विष्णुना स्वयम्

jagaddhitāya tulasī gopīnāṁ hitahetave vṛṁdāvane vicaratā sevitā viṣṇunā svayam

—हे तुलसी! जगत् के हित के लिए, गोपियों के कल्याण हेतु; वृंदावन में विचरण करते हुए विष्णु ने स्वयं तुम्हारी सेवा की—

श्लोक 21 (padma.1.61.21)

गोकुलस्य विवृद्ध्यर्थं कंसस्य निधनाय च। वसिष्ठवचनात्पूर्वं रामेण सरयूतटे

gokulasya vivṛddhyarthaṁ kaṁsasya nidhanāya ca vasiṣṭhavacanātpūrvaṁ rāmeṇa sarayūtaṭe

—गोकुल की वृद्धि के लिए और कंस के वध के लिए। पूर्वकाल में वसिष्ठ के वचन से, सरयू-तट पर राम द्वारा—

श्लोक 22 (padma.1.61.22)

राक्षसानां वधार्थाय रोपिता त्वं जगत्प्रिये। रोपिता तपसो वृद्ध्यै तुलसीं त्वां नमाम्यहम्

rākṣasānāṁ vadhārthāya ropitā tvaṁ jagatpriye ropitā tapaso vṛddhyai tulasīṁ tvāṁ namāmyaham

—हे जगत्प्रिये! तुम राक्षसों के वध के लिए रोपी गई थीं। तप की वृद्धि के लिए रोपी गई हे तुलसी! मैं तुम्हें नमस्कार करता हूँ।

श्लोक 23 (padma.1.61.23)

वियोगे वासुदेवस्य ध्यात्वा त्वां जनकात्मजा। अशोकवनमध्ये तु प्रियेण सह संगता

viyoge vāsudevasya dhyātvā tvāṁ janakātmajā aśokavanamadhye tu priyeṇa saha saṁgatā

वासुदेव (राम) के वियोग में जनकनंदिनी सीता ने तुम्हारा ध्यान करते हुए, अशोक-वन के मध्य में ही अपने प्रियतम से पुनर्मिलन प्राप्त किया —

श्लोक 24 (padma.1.61.24)

शङ्करार्थं पुरा देवि पार्वत्या त्वं हिमालये। रोपिता तपसो वृद्ध्यै तुलसीं त्वां नमाम्यहम्

śaṅkarārthaṁ purā devi pārvatyā tvaṁ himālaye ropitā tapaso vṛddhyai tulasīṁ tvāṁ namāmyaham

—हे देवि! शंकर की प्राप्ति के लिए पूर्वकाल में पार्वती द्वारा हिमालय में तुम रोपी गई थीं, तप की वृद्धि हेतु। हे तुलसी! मैं तुम्हें नमस्कार करता हूँ।

श्लोक 25 (padma.1.61.25)

सर्वाभिर्देवपत्नीभिः किन्नरैश्चापि नंदने। दुःस्वप्ननाशनार्थाय सेविता त्वं नमोस्तु ते

sarvābhirdevapatnībhiḥ kinnaraiścāpi naṁdane duḥsvapnanāśanārthāya sevitā tvaṁ namostu te

नंदनवन में समस्त देवपत्नियों और किन्नरों द्वारा भी दुःस्वप्न के नाश के लिए तुम्हारी सेवा की जाती है। तुम्हें नमस्कार हो।

श्लोक 26 (padma.1.61.26)

धर्मारण्ये गयायां च सेविता पितृभिः स्वयम्। सेविता तुलसी पुण्या आत्मनो हितमिच्छता

dharmāraṇye gayāyāṁ ca sevitā pitṛbhiḥ svayam sevitā tulasī puṇyā ātmano hitamicchatā

धर्मारण्य में और गया में स्वयं पितरों द्वारा तुम्हारी सेवा की जाती है; अपने कल्याण की इच्छा रखने वाला हर व्यक्ति पुण्यमयी तुलसी की सेवा करता है।

श्लोक 27 (padma.1.61.27)

रोपिता रामचंद्रेण सेविता लक्ष्मणेन च। पालिता सीतया भक्त्या तुलसी दंडके वने

ropitā rāmacaṁdreṇa sevitā lakṣmaṇena ca pālitā sītayā bhaktyā tulasī daṁḍake vane

रामचंद्र द्वारा रोपी गई, लक्ष्मण द्वारा भी सेवित, और सीता द्वारा भक्तिपूर्वक पालित — ऐसी थी दंडकवन में तुलसी।

श्लोक 28 (padma.1.61.28)

त्रैलोक्यव्यापिनी गंगा यथा शास्त्रेषु गीयते। तथैव तुलसी देवी दृश्यते सचराचरे

trailokyavyāpinī gaṁgā yathā śāstreṣu gīyate tathaiva tulasī devī dṛśyate sacarācare

जैसे त्रैलोक्यव्यापिनी गंगा शास्त्रों में गाई जाती है, वैसे ही तुलसी देवी चराचर सृष्टि में सर्वत्र दिखाई देती हैं।

श्लोक 29 (padma.1.61.29)

ऋश्यमूके च वसता कपिराजेन सेविता। तुलसी वालिनाशाय तारासंगम हेतवे

ṛśyamūke ca vasatā kapirājena sevitā tulasī vālināśāya tārāsaṁgama hetave

ऋष्यमूक पर्वत पर निवास करने वाले वानरराज सुग्रीव द्वारा भी सेवित, तुलसी वालि-वध और तारा-संगम के हेतु [स्मरण की गई]।

श्लोक 30 (padma.1.61.30)

प्रणम्य तुलसीदेवीं सागरोत्क्रमणं कृतम्। कृतकार्यः प्रहृष्टश्च हनूमान्पुनरागतः

praṇamya tulasīdevīṁ sāgarotkramaṇaṁ kṛtam kṛtakāryaḥ prahṛṣṭaśca hanūmānpunarāgataḥ

तुलसी देवी को प्रणाम करके ही हनुमान ने समुद्र-लंघन किया था; और कार्य पूर्ण करके अत्यंत हर्षित होकर हनुमान पुनः लौट आए।

श्लोक 31 (padma.1.61.31)

तुलसीग्रहणं कृत्वा विमुक्तो याति पातकैः। अथवा मुनिशार्दूल ब्रह्महत्यां व्यपोहति

tulasīgrahaṇaṁ kṛtvā vimukto yāti pātakaiḥ athavā muniśārdūla brahmahatyāṁ vyapohati

तुलसी को धारण करके मनुष्य समस्त पापों से मुक्त हो जाता है; हे मुनिशार्दूल! अथवा वह ब्रह्महत्या तक के पाप को भी दूर कर देता है।

श्लोक 32 (padma.1.61.32)

तुलसीपत्रगलितं यस्तोयं शिरसा वहेत्। गंगास्नानमवाप्नोति दशधेनुफलप्रदम्

tulasīpatragalitaṁ yastoyaṁ śirasā vahet gaṁgāsnānamavāpnoti daśadhenuphalapradam

जो तुलसी-पत्र से टपके हुए जल को अपने सिर पर धारण करता है, वह गंगा-स्नान का फल पाता है, जो दस गायों के दान के समान फलदायी है।

श्लोक 33 (padma.1.61.33)

प्रसीद देवि देवेशि प्रसीद हरिवल्लभे। क्षीरोदमथनोद्भूते तुलसि त्वां नमाम्यहम्

prasīda devi deveśi prasīda harivallabhe kṣīrodamathanodbhūte tulasi tvāṁ namāmyaham

हे देवेशि! प्रसन्न होइए। हे हरिप्रिये! प्रसन्न होइए। हे क्षीरसागर-मंथन से प्रकट हुई तुलसी! मैं तुम्हें नमस्कार करता हूँ।

श्लोक 34 (padma.1.61.34)

द्वादश्यां जागरे रात्रौ यः पठेत्तुलसीस्तवम्। द्वात्रिंशदपराधांश्च क्षमते तस्य केशवः

dvādaśyāṁ jāgare rātrau yaḥ paṭhettulasīstavam dvātriṁśadaparādhāṁśca kṣamate tasya keśavaḥ

जो द्वादशी की रात्रि में जागरण करते हुए इस तुलसी-स्तव का पाठ करता है, केशव उसके बत्तीस अपराधों को क्षमा कर देते हैं।

श्लोक 35 (padma.1.61.35)

यत्पापं यौवने बाल्ये कौमारे वार्द्धके कृतम्। तत्सर्वं विलयं याति तुलसीस्तव पाठतः

yatpāpaṁ yauvane bālye kaumāre vārddhake kṛtam tatsarvaṁ vilayaṁ yāti tulasīstava pāṭhataḥ

यौवन में, बाल्यकाल में, कौमार्य में अथवा वृद्धावस्था में जो भी पाप किया गया हो, वह सब तुलसी-स्तव के पाठ से विलीन हो जाता है।

श्लोक 36 (padma.1.61.36)

प्रीतिमायाति देवेशस्तुष्टो लक्ष्मीं प्रयच्छति। कुरुते शत्रुनाशं च सुखं विद्यां प्रयच्छति

prītimāyāti deveśastuṣṭo lakṣmīṁ prayacchati kurute śatrunāśaṁ ca sukhaṁ vidyāṁ prayacchati

देवेश प्रेम को प्राप्त होते हैं और प्रसन्न होकर लक्ष्मी प्रदान करते हैं। वे शत्रुओं का नाश करते हैं तथा सुख और विद्या प्रदान करते हैं।

श्लोक 37 (padma.1.61.37)

तुलसीनाममात्रेण देवा यच्छंति वांछितम्। गर्ह्याणमपि देवेशो मुक्तिं यच्छति देहिनाम्

tulasīnāmamātreṇa devā yacchaṁti vāṁchitam garhyāṇamapi deveśo muktiṁ yacchati dehinām

तुलसी के नाममात्र से ही देवगण मनोवांछित फल प्रदान करते हैं। देवेश अत्यंत निंदनीय प्राणियों को भी मुक्ति प्रदान करते हैं।

श्लोक 38 (padma.1.61.38)

तुलसी स्तवसंतुष्टा सुखं वृद्धिं ददाति च। उद्गतं हेलया विद्धि पापं यमपथे स्थितम्

tulasī stavasaṁtuṣṭā sukhaṁ vṛddhiṁ dadāti ca udgataṁ helayā viddhi pāpaṁ yamapathe sthitam

इस स्तव से संतुष्ट होकर तुलसी सुख और वृद्धि प्रदान करती हैं। जानो कि यमपथ पर स्थित पाप भी सहज ही मिट जाता है।

श्लोक 39 (padma.1.61.39)

यस्मिन्गृहे च लिखितो विद्यते तुलसीस्तवः। नाशुभं विद्यते तस्य शुभमाप्नोति निश्चितम्

yasmingṛhe ca likhito vidyate tulasīstavaḥ nāśubhaṁ vidyate tasya śubhamāpnoti niścitam

जिस घर में यह तुलसी-स्तव लिखित रूप में विद्यमान है, वहाँ कोई अशुभ नहीं होता; वह निश्चित रूप से शुभ ही प्राप्त करता है।

श्लोक 40 (padma.1.61.40)

सर्वं च मंगलं तस्य नास्ति किंचिदमंगलम्। सुभिक्षं सर्वदा तस्य धनं धान्यं च पुष्कलम्

sarvaṁ ca maṁgalaṁ tasya nāsti kiṁcidamaṁgalam subhikṣaṁ sarvadā tasya dhanaṁ dhānyaṁ ca puṣkalam

उसका सब कुछ मंगलमय होता है, कुछ भी अमंगल नहीं होता। उसके यहाँ सदैव सुभिक्ष रहता है, धन और धान्य प्रचुर होते हैं।

श्लोक 41 (padma.1.61.41)

निश्चला केशवे भक्तिर्न वियोगश्च वैष्णवैः। जीवति व्याधिनिर्मुक्तो नाधर्मे जायते मतिः

niścalā keśave bhaktirna viyogaśca vaiṣṇavaiḥ jīvati vyādhinirmukto nādharme jāyate matiḥ

केशव में उसकी भक्ति अटल रहती है, और वैष्णवों से उसका वियोग नहीं होता। वह रोगमुक्त होकर जीता है, और उसकी बुद्धि कभी अधर्म में नहीं जाती।

श्लोक 42 (padma.1.61.42)

द्वादश्यां जागरे रात्रौ यः पठेत्तुलसीस्तवम्। तीर्थकोटिसहस्रैस्तु यत्फलं लक्षकोटिभिः

dvādaśyāṁ jāgare rātrau yaḥ paṭhettulasīstavam tīrthakoṭisahasraistu yatphalaṁ lakṣakoṭibhiḥ

जो द्वादशी की रात्रि में जागरण करते हुए तुलसी-स्तव का पाठ करता है — करोड़ों-अरबों तीर्थों से जो फल मिलता है—

श्लोक 43 (padma.1.61.43)

तत्फलं समवाप्नोति पठित्वा तुलसीस्तवम्

tatphalaṁ samavāpnoti paṭhitvā tulasīstavam

—वही फल तुलसी-स्तव का पाठ करके पूर्णतः प्राप्त कर लेता है।