दैत्यों को कश्यप का परामर्श तथा तप करने का उनका संकल्प

श्लोक 1 (padma.2.10.1)

ऋषय ऊचुः- ततस्ते दानवाः सर्वे हिरण्यकशिपूत्तराः । युद्धाद्भग्नास्तु किं कुर्युर्व्यवसायं महामते

ṛṣaya ūcuḥ- tataste dānavāḥ sarve hiraṇyakaśipūttarāḥ yuddhādbhagnāstu kiṁ kuryurvyavasāyaṁ mahāmate

ऋषियों ने कहा — तब हिरण्यकशिपु के नेतृत्व में वे सभी दानव, युद्ध से पराजित होकर, क्या करने का विचार करने लगे, हे महामते?

श्लोक 2 (padma.2.10.2)

विस्तरेणापि नो ब्रूहि तेषां वृत्तमनुत्तमम् । श्रोतुमिच्छामहे सर्वे त्वत्तो वै सांप्रतं द्विज

vistareṇāpi no brūhi teṣāṁ vṛttamanuttamam śrotumicchāmahe sarve tvatto vai sāṁprataṁ dvija

उनका वह अत्युत्तम वृत्तांत हमें विस्तार से बताइए; हम सब आपसे यह अभी सुनना चाहते हैं, हे द्विज।

श्लोक 3 (padma.2.10.3)

सूत उवाच- भग्ना रणात्तु ते सर्वे बलहीनास्तु वै तदा । गतदर्पाः सुदुःखार्ता दैत्यास्ते पितरं गताः

sūta uvāca- bhagnā raṇāttu te sarve balahīnāstu vai tadā gatadarpāḥ suduḥkhārtā daityāste pitaraṁ gatāḥ

सूत जी ने कहा — युद्ध से पराजित, बलहीन होकर, अभिमान से रहित, अत्यंत दुःखार्त वे दैत्य तब अपने पिता कश्यप के पास गए।

श्लोक 4 (padma.2.10.4)

भक्त्या प्रणम्य ते सर्वे समूचुः कश्यपं तदा । दानवा ऊचुः- भवद्वीर्यात्समुत्पत्तिरस्माकं द्विजसत्तम

bhaktyā praṇamya te sarve samūcuḥ kaśyapaṁ tadā dānavā ūcuḥ- bhavadvīryātsamutpattirasmākaṁ dvijasattama

भक्तिपूर्वक प्रणाम कर उन सबने तब कश्यप से कहा। दानवों ने कहा — 'हे द्विजसत्तम! आपके ही वीर्य से हमारी उत्पत्ति हुई है —

श्लोक 5 (padma.2.10.5)

देवतानां महाभाग दानवानां तथैव च । वयं च दानवाः सर्वे बलवीर्यपराक्रमाः

devatānāṁ mahābhāga dānavānāṁ tathaiva ca vayaṁ ca dānavāḥ sarve balavīryaparākramāḥ

—देवताओं की भी, हे महाभाग, और दानवों की भी। हम सभी दानव बल, वीर्य और पराक्रम से युक्त हैं —

श्लोक 6 (padma.2.10.6)

उपायज्ञाः सुधीराश्च उद्यमेन समन्विताः । वयं तु बहवस्तात देवास्त्वल्पास्तथैव च

upāyajñāḥ sudhīrāśca udyamena samanvitāḥ vayaṁ tu bahavastāta devāstvalpāstathaiva ca

—उपायों को जानने वाले, धीर और उद्यमशील। हम तो, हे तात, संख्या में अधिक हैं, जबकि देवता कम हैं —

श्लोक 7 (padma.2.10.7)

कथं जयंति ते सर्वे वयं भग्ना महाहवात् । तत्किं वै कारणं तात बलतेजः समन्विताः

kathaṁ jayaṁti te sarve vayaṁ bhagnā mahāhavāt tatkiṁ vai kāraṇaṁ tāta balatejaḥ samanvitāḥ

—फिर वे सब कैसे विजयी होते हैं, जबकि हम इस महासंग्राम से पराजित हुए हैं? इसका क्या कारण है, हे तात, हम जो बल-तेज से युक्त हैं?

श्लोक 8 (padma.2.10.8)

मत्तनागसहस्राणामेकैकस्य महामते । बलमस्ति च दैत्यस्य नास्ति देवेषु तादृशम्

mattanāgasahasrāṇāmekaikasya mahāmate balamasti ca daityasya nāsti deveṣu tādṛśam

प्रत्येक दैत्य में, हे महामते, हजारों मत्त हाथियों का बल होता है; ऐसा बल देवताओं में नहीं है —

श्लोक 9 (padma.2.10.9)

जयश्च दृश्यते तात देवेष्वेव महाहवे । तत्सर्वं कथयस्वैव संशयंछेत्तुमर्हसि

jayaśca dṛśyate tāta deveṣveva mahāhave tatsarvaṁ kathayasvaiva saṁśayaṁchettumarhasi

—फिर भी विजय, हे तात, महासंग्राम में देवताओं की ही देखी जाती है। यह सब हमें बताइए ही, आप हमारा संदेह मिटाने योग्य हैं।'

श्लोक 10 (padma.2.10.10)

कश्यप उवाच- शृणुध्वं पुत्रकाः सर्वे जयस्यापि च कारणम् । यस्माद्धि देवताः सर्वे समरे जयिनोऽभवन्

kaśyapa uvāca- śṛṇudhvaṁ putrakāḥ sarve jayasyāpi ca kāraṇam yasmāddhi devatāḥ sarve samare jayino'bhavan

कश्यप ने कहा — 'हे सभी पुत्रो! सुनो, विजय का भी कारण — जिससे देवगण युद्ध में सदा विजयी हुए हैं।

श्लोक 11 (padma.2.10.11)

वीर्यनिर्वापकस्तातो माताक्षेत्रमिदं सदा । धारणे पालने चैव पोषणे च यथैव हि

vīryanirvāpakastāto mātākṣetramidaṁ sadā dhāraṇe pālane caiva poṣaṇe ca yathaiva hi

पिता वीर्य को प्रदान करने वाला होता है, माता सदा यह क्षेत्र होती है — धारण, पालन और पोषण में जैसे —

श्लोक 12 (padma.2.10.12)

किं कुर्याद्विषमार्थे तु पिता पुत्रे च वै तथा । अत्र प्रधानं कर्मैव मामेवं बुद्धिराश्रिता

kiṁ kuryādviṣamārthe tu pitā putre ca vai tathā atra pradhānaṁ karmaiva māmevaṁ buddhirāśritā

—पिता और पुत्र क्या ही विषम कर सकते हैं? यहाँ कर्म ही प्रधान है — यही मेरी बुद्धि का आश्रय है।

श्लोक 13 (padma.2.10.13)

द्वैविध्यं कर्मसंबंधं पापपुण्यसमुद्भवम् । सत्यमेव समाश्रित्य क्रियते धर्म उत्तमः

dvaividhyaṁ karmasaṁbaṁdhaṁ pāpapuṇyasamudbhavam satyameva samāśritya kriyate dharma uttamaḥ

कर्म-संबंध दो प्रकार का होता है — पाप से उत्पन्न और पुण्य से उत्पन्न; सत्य का ही आश्रय लेकर उत्तम धर्म किया जाता है।

श्लोक 14 (padma.2.10.14)

तपोध्यानसमायुक्तं तारणाय हि तं सुताः । पतनाय पातकं प्रोक्तं सर्वदैव न संशयः

tapodhyānasamāyuktaṁ tāraṇāya hi taṁ sutāḥ patanāya pātakaṁ proktaṁ sarvadaiva na saṁśayaḥ

तप और ध्यान से युक्त वही धर्म, हे पुत्रो, उद्धार के लिए है; पाप सदा ही पतन के लिए कहा गया है, इसमें संदेह नहीं।

श्लोक 15 (padma.2.10.15)

बलेन परिवारेण आभिजात्येन पुत्रकाः । पुण्यहीनस्य पुंसो वै तद्बलं विकलायते

balena parivāreṇa ābhijātyena putrakāḥ puṇyahīnasya puṁso vai tadbalaṁ vikalāyate

बल से, परिवार से, कुलीनता से, हे पुत्रो — पुण्यहीन मनुष्य का वह बल भी निष्फल हो जाता है।

श्लोक 16 (padma.2.10.16)

उन्नता गिरिदुर्गेषु वृक्षाः संति सुपुत्रकाः । पतंति वातवेगेन समूलास्तु घनास्तथा

unnatā giridurgeṣu vṛkṣāḥ saṁti suputrakāḥ pataṁti vātavegena samūlāstu ghanāstathā

पर्वतों के दुर्गों में उगे हुए ऊँचे वृक्ष, हे सुपुत्रो, चाहे कितने ही सघन और विशाल हों, वायु के वेग से जड़ सहित गिर पड़ते हैं —

श्लोक 17 (padma.2.10.17)

सत्यधर्मविहीनास्ते तथायांति यमक्षयम् । साधारणः प्राणिनां च धर्म एष सुपुत्रकाः

satyadharmavihīnāste tathāyāṁti yamakṣayam sādhāraṇaḥ prāṇināṁ ca dharma eṣa suputrakāḥ

—सत्य और धर्म से रहित वे लोग भी यम के क्षय को प्राप्त होते हैं। यह धर्म, हे सुपुत्रो, समस्त प्राणियों के लिए साधारण है —

श्लोक 18 (padma.2.10.18)

येन संतरते जंतुरिह चैव परत्र च । तद्युष्माभिः परित्यक्तं सत्यं धर्मसमन्वितम्

yena saṁtarate jaṁturiha caiva paratra ca tadyuṣmābhiḥ parityaktaṁ satyaṁ dharmasamanvitam

—जिससे प्राणी इस लोक में और परलोक में भी पार होता है। वह सत्य, जो धर्म से युक्त है, तुम सबने त्याग दिया है।

श्लोक 19 (padma.2.10.19)

अधर्ममास्थितं पुत्रा युष्माभिः सत्यवर्जितैः । सत्यधर्मतपोभ्रष्टाः पतिता दुःखसागरे

adharmamāsthitaṁ putrā yuṣmābhiḥ satyavarjitaiḥ satyadharmatapobhraṣṭāḥ patitā duḥkhasāgare

सत्यरहित तुम पुत्रों द्वारा अधर्म का आश्रय लिया गया है; सत्य, धर्म और तप से भ्रष्ट होकर तुम दुःख-सागर में गिर पड़े हो।

श्लोक 20 (padma.2.10.20)

देवाश्च सत्यसंपन्नाः श्रेयसा च समन्विताः । तपः शांतिदमोपेताः सुपुण्या पापवर्जिताः

devāśca satyasaṁpannāḥ śreyasā ca samanvitāḥ tapaḥ śāṁtidamopetāḥ supuṇyā pāpavarjitāḥ

देवगण सत्य से संपन्न हैं और कल्याण से युक्त हैं; तप, शांति और संयम से युक्त, पुण्यशाली, पापरहित।

श्लोक 21 (padma.2.10.21)

यत्र सत्यं च धर्मश्च तपः पुण्यं तथैव च । यत्र विष्णुर्हृषीकेशो जयस्तत्र प्रदृश्यते

yatra satyaṁ ca dharmaśca tapaḥ puṇyaṁ tathaiva ca yatra viṣṇurhṛṣīkeśo jayastatra pradṛśyate

जहाँ सत्य और धर्म हैं, तप और पुण्य भी हैं, जहाँ हृषीकेश विष्णु हैं — वहीं विजय दिखाई देती है।

श्लोक 22 (padma.2.10.22)

तेषां सहायः संभूतो वासुदेवः सनातनः । तस्माज्जयंति ते देवाः सत्यधर्मसमन्विताः

teṣāṁ sahāyaḥ saṁbhūto vāsudevaḥ sanātanaḥ tasmājjayaṁti te devāḥ satyadharmasamanvitāḥ

उनके सहायक सनातन वासुदेव स्वयं हैं; इसीलिए वे देवगण, सत्य-धर्म से युक्त होकर, विजयी होते हैं।

श्लोक 23 (padma.2.10.23)

सहायेन बलेनैव पौरुषेण तथैव च । भवंतः किल वै पुत्रास्तपः सत्यविवर्जिताः

sahāyena balenaiva pauruṣeṇa tathaiva ca bhavaṁtaḥ kila vai putrāstapaḥ satyavivarjitāḥ

केवल सहायकों, बल और पौरुष से — तुम पुत्र, तप और सत्य से रहित, ऐसे ही हो।

श्लोक 24 (padma.2.10.24)

यस्य विष्णुः सहायश्च तपश्चैव बलं तथा । तस्यैव च जयो दृष्ट इति धर्मविदो विदुः

yasya viṣṇuḥ sahāyaśca tapaścaiva balaṁ tathā tasyaiva ca jayo dṛṣṭa iti dharmavido viduḥ

जिसका सहायक विष्णु है, और जिसके पास तप तथा बल भी है, उसी की विजय देखी जाती है — ऐसा धर्मवेत्ता जानते हैं।

श्लोक 25 (padma.2.10.25)

यूयं धर्मविहीनास्तु तपः सत्यविवर्जिताः । ऐंद्रं पदं बलेनैव प्राप्तवंतश्च पूर्वतः

yūyaṁ dharmavihīnāstu tapaḥ satyavivarjitāḥ aiṁdraṁ padaṁ balenaiva prāptavaṁtaśca pūrvataḥ

तुम धर्महीन हो, तप और सत्य से रहित हो; इंद्रपद तुमने पहले केवल बल से ही प्राप्त किया था।

श्लोक 26 (padma.2.10.26)

तपो विना महाप्राज्ञा धर्मेण यशसा विना । बलदर्पगुणैः पुत्रा न प्राप्यमैन्द्रकं पदम्

tapo vinā mahāprājñā dharmeṇa yaśasā vinā baladarpaguṇaiḥ putrā na prāpyamaindrakaṁ padam

तप के बिना, हे महाप्राज्ञो, धर्म और यश के बिना, केवल बल-अभिमान के गुणों से इंद्रपद प्राप्त नहीं किया जा सकता।

श्लोक 27 (padma.2.10.27)

प्राप्याप्यैंद्रं पदं पुत्रास्ततो भ्रष्टा भवंति हि । तस्माद्यूयं प्रकुर्वंतु तपः पुत्राः समन्विताः

prāpyāpyaiṁdraṁ padaṁ putrāstato bhraṣṭā bhavaṁti hi tasmādyūyaṁ prakurvaṁtu tapaḥ putrāḥ samanvitāḥ

इंद्रपद प्राप्त करके भी, हे पुत्रो, तुम उससे भ्रष्ट हो जाते हो। इसलिए तुम सब मिलकर तप करो, हे पुत्रो —

श्लोक 28 (padma.2.10.28)

अविरोधेन संयुक्ता ज्ञानध्यानसमन्विताः । वैरं चैव न कर्तव्यं केशवेन समं कदा

avirodhena saṁyuktā jñānadhyānasamanvitāḥ vairaṁ caiva na kartavyaṁ keśavena samaṁ kadā

—अविरोध से युक्त होकर, ज्ञान-ध्यान से संपन्न होकर; और केशव से कभी भी वैर नहीं करना चाहिए।

श्लोक 29 (padma.2.10.29)

एवंविधा यदा पुत्रा यूयं धन्या भविष्यथ । परां सिद्धिं तदा सर्वे प्रयास्यथ न संशयः

evaṁvidhā yadā putrā yūyaṁ dhanyā bhaviṣyatha parāṁ siddhiṁ tadā sarve prayāsyatha na saṁśayaḥ

जब तुम इस प्रकार के हो जाओगे, हे पुत्रो, तभी तुम धन्य बनोगे; तब तुम सब निश्चय ही परम सिद्धि को प्राप्त करोगे।'

श्लोक 30 (padma.2.10.30)

एवं संभाषितास्ते तु कश्यपेन महात्मना । समाकर्ण्य पितुर्वाक्यं दानवास्ते महौजसः

evaṁ saṁbhāṣitāste tu kaśyapena mahātmanā samākarṇya piturvākyaṁ dānavāste mahaujasaḥ

इस प्रकार महात्मा कश्यप द्वारा कहे जाने पर, और पिता के वचन को सुनकर, वे महातेजस्वी दानव —

श्लोक 31 (padma.2.10.31)

प्रणम्य कश्यपं भक्त्या समुत्थाय त्वरान्विताः । सुमंत्रं चक्रिरे दैत्याः परस्परसमाहिताः

praṇamya kaśyapaṁ bhaktyā samutthāya tvarānvitāḥ sumaṁtraṁ cakrire daityāḥ parasparasamāhitāḥ

—भक्तिपूर्वक कश्यप को प्रणाम कर, शीघ्रतापूर्वक उठकर, आपस में मिलकर उन दैत्यों ने विचार-विमर्श किया।

श्लोक 32 (padma.2.10.32)

हिरण्यकशिपू राजा तानुवाचाथ दानवान् । तपश्चैव करिष्यामो दुष्करं सर्वदायकम्

hiraṇyakaśipū rājā tānuvācātha dānavān tapaścaiva kariṣyāmo duṣkaraṁ sarvadāyakam

राजा हिरण्यकशिपु ने तब उन दानवों से कहा — 'हम दुष्कर, सर्वदायक तप ही करेंगे।'

श्लोक 33 (padma.2.10.33)

हिरण्याक्षस्तदोवाच करिष्ये दारुणं तपः । ततो बलेन त्रैलोक्यं ग्रहीष्ये नात्र संशयः

hiraṇyākṣastadovāca kariṣye dāruṇaṁ tapaḥ tato balena trailokyaṁ grahīṣye nātra saṁśayaḥ

हिरण्याक्ष ने तब कहा — 'मैं भयंकर तप करूँगा; फिर बल से त्रिभुवन को प्राप्त करूँगा, इसमें संदेह नहीं।

श्लोक 34 (padma.2.10.34)

रणे निर्जित्य गोविंदं तमिमं पापचेतसम् । व्यापाद्य देवताः सर्वाः पदमैंद्रं व्रजाम्यहम्

raṇe nirjitya goviṁdaṁ tamimaṁ pāpacetasam vyāpādya devatāḥ sarvāḥ padamaiṁdraṁ vrajāmyaham

युद्ध में उस पापी-चित्त गोविंद को जीतकर और समस्त देवताओं का नाश कर मैं इंद्रपद प्राप्त करूँगा।'

श्लोक 35 (padma.2.10.35)

बलिरुवाच- एवं न युज्यते कर्तुं युष्माभिर्दितिजेश्वराः । विष्णुना सह यद्वैरं तद्वैरं नाशकारणम्

baliruvāca- evaṁ na yujyate kartuṁ yuṣmābhirditijeśvarāḥ viṣṇunā saha yadvairaṁ tadvairaṁ nāśakāraṇam

बलि ने कहा — 'हे दितिपुत्रों के स्वामियो! तुम्हारे लिए ऐसा करना उचित नहीं है; विष्णु के साथ जो वैर है, वही वैर विनाश का कारण है।

श्लोक 36 (padma.2.10.36)

दानधर्मैस्तथा पुण्यैस्तपोभिर्यज्ञयाजनैः । तमाराध्य हृषीकेशं सुखं गच्छंति मानवाः

dānadharmaistathā puṇyaistapobhiryajñayājanaiḥ tamārādhya hṛṣīkeśaṁ sukhaṁ gacchaṁti mānavāḥ

दान, धर्म, पुण्य, तप और यज्ञ-याजन से हृषीकेश की आराधना कर मनुष्य सुख को प्राप्त होते हैं।'

श्लोक 37 (padma.2.10.37)

हिरण्यकशिपुरुवाच- अहमेवं न करिष्ये हरेराराधनं कदा । स्वभावं तु परित्यज्य शत्रुसेवा प्रचर्यते

hiraṇyakaśipuruvāca- ahamevaṁ na kariṣye harerārādhanaṁ kadā svabhāvaṁ tu parityajya śatrusevā pracaryate

हिरण्यकशिपु ने कहा — 'मैं ऐसा कभी नहीं करूँगा — हरि की आराधना कभी नहीं। अपने स्वभाव को त्यागकर ही शत्रु की सेवा की जाती है।

श्लोक 38 (padma.2.10.38)

मरणादधिकं तं तु मानयंति हि पंडिताः । विष्णोः सेवा न वै कार्या मया चान्यैश्च दानवैः

maraṇādadhikaṁ taṁ tu mānayaṁti hi paṁḍitāḥ viṣṇoḥ sevā na vai kāryā mayā cānyaiśca dānavaiḥ

उसे तो पंडितजन मृत्यु से भी बढ़कर मानते हैं। मुझसे और अन्य दानवों से विष्णु की सेवा कदापि नहीं की जाएगी।'

श्लोक 39 (padma.2.10.39)

तमुवाच महात्मानं बलिः पितामहं पुनः । धर्मशास्त्रेषु यद्दृष्टं मुनिभिस्तत्त्ववेदिभिः

tamuvāca mahātmānaṁ baliḥ pitāmahaṁ punaḥ dharmaśāstreṣu yaddṛṣṭaṁ munibhistattvavedibhiḥ

बलि ने पुनः उस महात्मा पितामह से कहा — 'तत्त्ववेत्ता मुनियों द्वारा धर्मशास्त्रों में जो देखा गया है —

श्लोक 40 (padma.2.10.40)

राजनीतियुतं मंत्रं शत्रोश्चैव प्रधानतः । हीनमात्मानमाज्ञाय रिपुं तं बलिनं तथा

rājanītiyutaṁ maṁtraṁ śatroścaiva pradhānataḥ hīnamātmānamājñāya ripuṁ taṁ balinaṁ tathā

—वह राजनीतियुक्त परामर्श यह है — शत्रु को ही प्रधान मानकर, अपने आप को हीन जानकर, और उस बलवान शत्रु को —

श्लोक 41 (padma.2.10.41)

तस्य पार्श्वे प्रगत्वैव जयकालं प्रतीक्षयेत् । दीपच्छायां समाश्रित्य तमो वसति सर्वदा

tasya pārśve pragatvaiva jayakālaṁ pratīkṣayet dīpacchāyāṁ samāśritya tamo vasati sarvadā

—उसी के समीप जाकर विजय के समय की प्रतीक्षा करनी चाहिए। दीपक की छाया का आश्रय लेकर अंधकार सदा वहाँ निवास करता है —

श्लोक 42 (padma.2.10.42)

स्नेहं दशागतं प्रेक्ष्य दीपस्यापि महाबलम् । प्रकाशं याति वेगेन तमश्च वर्द्धते पुनः

snehaṁ daśāgataṁ prekṣya dīpasyāpi mahābalam prakāśaṁ yāti vegena tamaśca varddhate punaḥ

—बत्ती में तेल पहुँचता देख, दीपक के महान बल को भी, वह वेग से प्रकाश में परिणत होता है, किंतु फिर अंधकार भी बढ़ जाता है।

श्लोक 43 (padma.2.10.43)

तथा प्रसादयेच्छन्नः स्नेहं निर्दिश्य तत्त्वतः । स्नेहं कृत्वासुरैः सार्द्धं धर्मभावैः सुरद्विषः

tathā prasādayecchannaḥ snehaṁ nirdiśya tattvataḥ snehaṁ kṛtvāsuraiḥ sārddhaṁ dharmabhāvaiḥ suradviṣaḥ

उसी प्रकार छिपे हुए को स्नेह दिखाकर, वास्तव में उससे भिन्न भाव रखकर प्रसन्न करना चाहिए; धर्म के बाह्य भावों से देवताओं के साथ स्नेह करके, हे सुरद्विष —

श्लोक 44 (padma.2.10.44)

पूर्वमुक्तं सुमंत्रं तु मुनिना कश्यपेन हि । तेन मंत्रेण राजेंद्र कुरु कार्यं स्वमात्मवान्

pūrvamuktaṁ sumaṁtraṁ tu muninā kaśyapena hi tena maṁtreṇa rājeṁdra kuru kāryaṁ svamātmavān

—मुनि कश्यप द्वारा पहले कहे गए उस उत्तम परामर्श से, उसी परामर्श से, हे राजेंद्र, स्वयं संयत होकर कार्य कीजिए।'

श्लोक 45 (padma.2.10.45)

तस्य तद्वचनं श्रुत्वा प्राह दैत्यः प्रतापवान् । पौत्र नैवं करिष्येहं मानभंगं तथात्मनः

tasya tadvacanaṁ śrutvā prāha daityaḥ pratāpavān pautra naivaṁ kariṣyehaṁ mānabhaṁgaṁ tathātmanaḥ

उसका यह वचन सुनकर उस प्रतापी दैत्य ने कहा — 'हे पौत्र! मैं ऐसा नहीं करूँगा, यह तो अपना ही मानभंग होगा।'

श्लोक 46 (padma.2.10.46)

अन्ये च बांधवाः सर्वे तमूचुर्नयपंडितम् । बलिनोक्तं च यत्पुण्यं देवतानां प्रियंकरम्

anye ca bāṁdhavāḥ sarve tamūcurnayapaṁḍitam balinoktaṁ ca yatpuṇyaṁ devatānāṁ priyaṁkaram

अन्य सभी बांधवों ने भी उस नीतिपंडित से कहा — 'बलि द्वारा कहा गया जो पुण्यकर्म देवताओं के लिए प्रिय है —

श्लोक 47 (padma.2.10.47)

शक्रमानकरं प्रोक्तं दानवानां भयंकरम् । करिष्यामो वयं सर्वे तप एवमनुत्तमम्

śakramānakaraṁ proktaṁ dānavānāṁ bhayaṁkaram kariṣyāmo vayaṁ sarve tapa evamanuttamam

—वह शक्र के मान को बढ़ाने वाला और दानवों के लिए भयंकर कहा गया है। हम सब इसके बजाय यह सर्वोत्तम तप ही करेंगे —

श्लोक 48 (padma.2.10.48)

तपसा निर्जित्य देवान्हरिष्यामः स्वकं पदम् । एवमामंत्र्य ते सर्वे निराकृत्य बलिं तदा

tapasā nirjitya devānhariṣyāmaḥ svakaṁ padam evamāmaṁtrya te sarve nirākṛtya baliṁ tadā

—तप से देवताओं को जीतकर हम अपना पद पुनः प्राप्त करेंगे।' ऐसा निश्चय कर, बलि के परामर्श को अस्वीकार कर —

श्लोक 49 (padma.2.10.49)

विष्णोः सार्द्धं महावैरं हृदि कृत्वा महासुराः । तपश्चक्रुस्ततः सर्वे गिरिदुर्गेषु सानुषु

viṣṇoḥ sārddhaṁ mahāvairaṁ hṛdi kṛtvā mahāsurāḥ tapaścakrustataḥ sarve giridurgeṣu sānuṣu

—विष्णु के साथ हृदय में महान वैर धारण कर, वे महासुर सभी पर्वतों के दुर्गों और शिखरों पर तप करने लगे।

श्लोक 50 (padma.2.10.50)

एवं ते दानवाः सर्वे त्यक्तरागाः सुनिश्चिताः । कामक्रोधविहीनाश्च निराहारा जितक्लमाः

evaṁ te dānavāḥ sarve tyaktarāgāḥ suniścitāḥ kāmakrodhavihīnāśca nirāhārā jitaklamāḥ

इस प्रकार वे सभी दानव, राग त्यागकर, दृढ़ निश्चयी होकर, काम-क्रोध से रहित, निराहार, थकान को जीतकर —