विज्वल का पिता के पास लौटना

श्लोक 1 (padma.2.100.1)

विष्णुरुवाच । नर्मदायास्तटे रम्ये वटे तिष्ठति वै पिता । विज्वलोऽपि समायातः पितरं प्रणिपत्य सः

viṣṇuruvāca narmadāyāstaṭe ramye vaṭe tiṣṭhati vai pitā vijvalo'pi samāyātaḥ pitaraṁ praṇipatya saḥ

विष्णु ने कहा — नर्मदा के रमणीय तट पर, एक वट वृक्ष के नीचे, पिता (कुंजल) ठहरे हुए थे। विज्वल भी वहाँ आ पहुँचा और पिता को प्रणाम करके,

श्लोक 2 (padma.2.100.2)

वासुदेवाभिधानस्य स्तोत्रस्यापि महामतिः । समाचष्टे स धर्मात्मा महिमानं पितुः पुरः

vāsudevābhidhānasya stotrasyāpi mahāmatiḥ samācaṣṭe sa dharmātmā mahimānaṁ pituḥ puraḥ

उस बुद्धिमान् धर्मात्मा ने पिता के समक्ष 'वासुदेव' नामक स्तोत्र की महिमा का वर्णन किया।

श्लोक 3 (padma.2.100.3)

यथा विष्णुः समागत्य ददौ तस्मै वरं शुभम् । तत्सर्वं कथयामास सुप्रसन्नेन चेतसा

yathā viṣṇuḥ samāgatya dadau tasmai varaṁ śubham tatsarvaṁ kathayāmāsa suprasannena cetasā

किस प्रकार विष्णु स्वयं आकर उसे शुभ वर दे गए — यह सब उसने प्रसन्न चित्त से कह सुनाया।

श्लोक 4 (padma.2.100.4)

कुंजलोपि च वृत्तांतं समाकर्ण्य स भूपतेः । हर्षेण महताविष्टः पुत्रमालिंग्य विज्वलम्

kuṁjalopi ca vṛttāṁtaṁ samākarṇya sa bhūpateḥ harṣeṇa mahatāviṣṭaḥ putramāliṁgya vijvalam

कुंजल भी राजा का यह वृत्तांत सुनकर अत्यंत हर्ष से भर उठे और अपने पुत्र विज्वल को गले लगाकर —

श्लोक 5 (padma.2.100.5)

आह पुण्यं कृतं वत्स त्वया राज्ञे महात्मने । उपकारं महापुण्यं वासुदेवस्य कीर्तनात्

āha puṇyaṁ kṛtaṁ vatsa tvayā rājñe mahātmane upakāraṁ mahāpuṇyaṁ vāsudevasya kīrtanāt

कहा — हे वत्स! तुमने उस महात्मा राजा के लिए पुण्य कार्य किया है; वासुदेव के कीर्तन से यह महान् और पवित्र उपकार हुआ है।

श्लोक 6 (padma.2.100.6)

एवमाभाष्य तं पुत्रमाशीर्भिरभिनंद्य च । पुत्रं देवसमोपेतं स्तुत्वा चैव पुनः पुनः

evamābhāṣya taṁ putramāśīrbhirabhinaṁdya ca putraṁ devasamopetaṁ stutvā caiva punaḥ punaḥ

अपने पुत्र से इस प्रकार कहकर, उसे आशीर्वादों से अभिनंदित करते हुए, देवतुल्य उस पुत्र की बार-बार स्तुति करते हुए —

श्लोक 7 (padma.2.100.7)

स्थितः सरित्तटे रम्ये च्यवनस्योपपश्यतः । एतत्ते सर्वमाख्यातं तेषां वृत्तं महात्मनाम्

sthitaḥ sarittaṭe ramye cyavanasyopapaśyataḥ etatte sarvamākhyātaṁ teṣāṁ vṛttaṁ mahātmanām

वे च्यवन के देखते-देखते उस रमणीय नदी-तट पर ठहर गए। हे राजन्! उन महात्माओं का यह सब वृत्तांत मैंने तुम्हें कह सुनाया।

श्लोक 8 (padma.2.100.8)

वैष्णवानां महाराज अन्यत्किं ते वदाम्यहम् । वेन उवाच । अमृतं शंखपात्रेण पानार्थं मम चार्पितम्

vaiṣṇavānāṁ mahārāja anyatkiṁ te vadāmyaham vena uvāca amṛtaṁ śaṁkhapātreṇa pānārthaṁ mama cārpitam

हे महाराज! उन वैष्णवजनों के विषय में और क्या कहूँ? वेन ने कहा — मुझे तो शंख-पात्र से अमृत पीने के लिए दिया गया है।

श्लोक 9 (padma.2.100.9)

तस्मात्कस्य न च श्रद्धा पातुं मर्त्यस्य भूतले । उत्तमं वैष्णवं ज्ञानं पानानामिह सर्वदा

tasmātkasya na ca śraddhā pātuṁ martyasya bhūtale uttamaṁ vaiṣṇavaṁ jñānaṁ pānānāmiha sarvadā

इस पृथ्वी पर ऐसा कौन मरणधर्मा मनुष्य होगा जिसे इसे पीने की श्रद्धा न हो — यह उत्तम वैष्णव ज्ञान सभी पेयों में सदा सर्वश्रेष्ठ है।

श्लोक 10 (padma.2.100.10)

त्वयैवं कथ्यमानस्य पाने तृप्तिर्न जायते । श्रोतुं हि देवदेवेश मम श्रद्धा विवर्द्धते

tvayaivaṁ kathyamānasya pāne tṛptirna jāyate śrotuṁ hi devadeveśa mama śraddhā vivarddhate

आपके द्वारा इस प्रकार कहे जाने पर भी इसे पीने में मुझे तृप्ति नहीं होती। हे देवाधिदेव! इसे सुनने की मेरी श्रद्धा और भी बढ़ती जा रही है।

श्लोक 11 (padma.2.100.11)

कथयस्व प्रसादान्मे कुंजलस्यापि चेष्टितम् । महात्मना किमुक्तं च चतुर्थं तनयं प्रति

kathayasva prasādānme kuṁjalasyāpi ceṣṭitam mahātmanā kimuktaṁ ca caturthaṁ tanayaṁ prati

कृपा करके मुझे कुंजल के आगे के आचरण के विषय में भी बताइए — उस महात्मा ने अपने चौथे पुत्र से क्या कहा?

श्लोक 12 (padma.2.100.12)

तत्त्वं सुविस्तरादेव कृपया कथयस्व मे । श्रीभगवानुवाच । श्रूयतामभिधास्यामि चरित्रं कुंजलस्य च

tattvaṁ suvistarādeva kṛpayā kathayasva me śrībhagavānuvāca śrūyatāmabhidhāsyāmi caritraṁ kuṁjalasya ca

वह सब मुझे कृपापूर्वक विस्तार से कहिए। श्रीभगवान् ने कहा — सुनो, मैं कुंजल का चरित्र कहता हूँ,

श्लोक 13 (padma.2.100.13)

बहुश्रेयः समायुक्तं चरित्रं च्यवनस्य च । इदं पुण्यं नरश्रेष्ठ आख्यानं पापनाशनम्

bahuśreyaḥ samāyuktaṁ caritraṁ cyavanasya ca idaṁ puṇyaṁ naraśreṣṭha ākhyānaṁ pāpanāśanam

जो अनेक कल्याणों से युक्त है, और च्यवन का भी चरित्र। हे नरश्रेष्ठ! यह पवित्र आख्यान पापों का नाशक है।

श्लोक 14 (padma.2.100.14)

यः शृणोति नरो भक्त्या गोसहस्रफलं लभेत्

yaḥ śṛṇoti naro bhaktyā gosahasraphalaṁ labhet

जो मनुष्य इसे भक्तिपूर्वक सुनता है, वह सहस्र गौओं के दान का फल प्राप्त करता है।