कैलास पर कपिंजल का अपूर्व दर्शन

श्लोक 1 (padma.2.101.1)

सूत उवाच । देवदेवो हृषीकेशस्त्वंगपुत्रं नृपोत्तमम् । समाचष्ट महाश्रेय आख्यानं पापनाशनम्

sūta uvāca devadevo hṛṣīkeśastvaṁgaputraṁ nṛpottamam samācaṣṭa mahāśreya ākhyānaṁ pāpanāśanam

सूत ने कहा — देवाधिदेव हृषीकेश (विष्णु) ने अंग-पुत्र उस श्रेष्ठ राजा (वेन) को महाकल्याणकारी, पापनाशक आख्यान सुनाया।

श्लोक 2 (padma.2.101.2)

श्रूयतामभिधास्यामि चरित्रं श्रेयदायकम् । द्विजस्यापि च वृत्तांतं कुंजलस्य महात्मनः

śrūyatāmabhidhāsyāmi caritraṁ śreyadāyakam dvijasyāpi ca vṛttāṁtaṁ kuṁjalasya mahātmanaḥ

सुनो, मैं कल्याणदायक चरित्र कहता हूँ — महात्मा द्विज कुंजल का भी वृत्तांत।

श्लोक 3 (padma.2.101.3)

विष्णुरुवाच । कुंजलश्चापि धर्मात्मा चतुर्थं पुत्रमेव च । समाहूय मुदायुक्त उवाचैनं कपिंजलम्

viṣṇuruvāca kuṁjalaścāpi dharmātmā caturthaṁ putrameva ca samāhūya mudāyukta uvācainaṁ kapiṁjalam

विष्णु ने कहा — धर्मात्मा कुंजल ने भी अपने चौथे पुत्र कपिंजल को बुलाकर, हर्षित होकर उससे कहा —

श्लोक 4 (padma.2.101.4)

किं नु पुत्र त्वया दृष्टमपूर्वं कथयस्व मे । भोजनार्थं तु यासि त्वमितः कस्मिन्सुतोत्तम

kiṁ nu putra tvayā dṛṣṭamapūrvaṁ kathayasva me bhojanārthaṁ tu yāsi tvamitaḥ kasminsutottama

'हे पुत्र! तुमने क्या अपूर्व देखा है, मुझे बताओ। हे श्रेष्ठ पुत्र! तुम भोजन के लिए यहाँ से किस स्थान को जाते हो?'

श्लोक 5 (padma.2.101.5)

तदाचक्ष्व महाभाग यदि दृष्टं सुपुण्यदम् । कपिंजल उवाच । यच्च तात त्वया पृष्टमपूर्वं प्रवदाम्यहम्

tadācakṣva mahābhāga yadi dṛṣṭaṁ supuṇyadam kapiṁjala uvāca yacca tāta tvayā pṛṣṭamapūrvaṁ pravadāmyaham

'हे महाभाग! यदि तुमने कोई अत्यंत पुण्यदायक वस्तु देखी हो, तो वह मुझसे कहो।' कपिंजल ने कहा — 'हे तात! आपने जो अपूर्व बात पूछी है, वह मैं कहता हूँ।'

श्लोक 6 (padma.2.101.6)

यन्न दृष्टं श्रुतं केन कस्मान्नैव श्रुतं मया । तदिहैव प्रवक्ष्यामि श्रूयतामधुना पितः

yanna dṛṣṭaṁ śrutaṁ kena kasmānnaiva śrutaṁ mayā tadihaiva pravakṣyāmi śrūyatāmadhunā pitaḥ

'जो न किसी ने देखा, न सुना, और जो मैंने भी पहले कभी नहीं सुना — वही मैं यहाँ कहूँगा; हे पिता, अब सुनिए।'

श्लोक 7 (padma.2.101.7)

शृण्वंतु भ्रातरः सर्वे मातस्त्वं शृणु सांप्रतम् । कैलासः पर्वतश्रेष्ठो धवलश्चंद्र सन्निभः

śṛṇvaṁtu bhrātaraḥ sarve mātastvaṁ śṛṇu sāṁpratam kailāsaḥ parvataśreṣṭho dhavalaścaṁdra sannibhaḥ

'सभी भाई सुनें, और हे माता! आप भी अभी सुनिए — कैलास, पर्वतों में श्रेष्ठ, श्वेत, चंद्रमा के समान —'

श्लोक 8 (padma.2.101.8)

नानाधातुसमाकीर्णो नानावृक्षोपशोभितः । गंगाजलैः शुभैः पुण्यैः क्षालितः सर्वतः पितः

nānādhātusamākīrṇo nānāvṛkṣopaśobhitaḥ gaṁgājalaiḥ śubhaiḥ puṇyaiḥ kṣālitaḥ sarvataḥ pitaḥ

'नाना धातुओं से व्याप्त, नाना वृक्षों से सुशोभित, गंगा के शुभ पुण्य जल से सर्वत्र प्रक्षालित, हे पिता।'

श्लोक 9 (padma.2.101.9)

नदीनां तु सहस्राणि दिव्यानि विविधानि च । यस्मात्तात प्रसूतानि जलानि विविधानि च

nadīnāṁ tu sahasrāṇi divyāni vividhāni ca yasmāttāta prasūtāni jalāni vividhāni ca

'जिससे, हे तात, सहस्रों प्रकार की दिव्य विविध नदियाँ तथा विविध जलधाराएँ उत्पन्न होती हैं,'

श्लोक 10 (padma.2.101.10)

तडागानि सहस्राणि सोदकानि महागिरौ । नद्यः संति विशालिन्यो हंससारससेविताः

taḍāgāni sahasrāṇi sodakāni mahāgirau nadyaḥ saṁti viśālinyo haṁsasārasasevitāḥ

'उस महागिरि पर सहस्रों जल से भरे सरोवर हैं; वहाँ हंस-सारसों से सेवित विशाल नदियाँ भी हैं।'

श्लोक 11 (padma.2.101.11)

तस्मिञ्छिखरिणां श्रेष्ठे पुण्यदाः पापनाशनाः । वनानि विविधान्येव पुष्पितानि फलानि च

tasmiñchikhariṇāṁ śreṣṭhe puṇyadāḥ pāpanāśanāḥ vanāni vividhānyeva puṣpitāni phalāni ca

'शिखरों में उस श्रेष्ठ पर्वत पर पुण्यदायक, पापनाशक विविध वन हैं, फूलों और फलों से युक्त,'

श्लोक 12 (padma.2.101.12)

नानावृक्षोपयुक्तानि हरितानि शुभानि च । किन्नराणां गणैर्युक्तश्चाप्सरोभिः समाकुलः

nānāvṛkṣopayuktāni haritāni śubhāni ca kinnarāṇāṁ gaṇairyuktaścāpsarobhiḥ samākulaḥ

'नाना वृक्षों से भरे, हरे-भरे और शोभायमान; किन्नरों के समूहों और अप्सराओं से व्याप्त,'

श्लोक 13 (padma.2.101.13)

गंधर्वचारणैः सिद्धैर्देववृंदैः सुशोभितः । दिव्यवृक्षवनोपेतो दिव्यभावैः समाकुलः

gaṁdharvacāraṇaiḥ siddhairdevavṛṁdaiḥ suśobhitaḥ divyavṛkṣavanopeto divyabhāvaiḥ samākulaḥ

'गंधर्वों, चारणों, सिद्धों और देवसमूहों से सुशोभित, दिव्य वृक्षों के वनों से युक्त, दिव्य भावों से परिपूर्ण,'

श्लोक 14 (padma.2.101.14)

दिव्यगंधैः सुशोभाढ्यैर्नानारत्नसमन्वितः । शिलाभिः स्फटिकस्यापि शुक्लाभिस्तु सुशोभनः

divyagaṁdhaiḥ suśobhāḍhyairnānāratnasamanvitaḥ śilābhiḥ sphaṭikasyāpi śuklābhistu suśobhanaḥ

'दिव्य सुगंधों से समृद्ध, नाना रत्नों से युक्त, श्वेत स्फटिक-शिलाओं से अत्यंत शोभायमान,'

श्लोक 15 (padma.2.101.15)

सूर्यतेजोमयो राजंस्तेजोभिस्तु समाकुलः । चंदनैश्चारुगंधैश्च बकुलैर्नीलपुष्पकैः

sūryatejomayo rājaṁstejobhistu samākulaḥ caṁdanaiścārugaṁdhaiśca bakulairnīlapuṣpakaiḥ

'हे राजन्! सूर्य के तेज से युक्त, तेज से परिपूर्ण, सुगंधित चंदन से, बकुल और नील पुष्पों से सुशोभित,'

श्लोक 16 (padma.2.101.16)

नानापुष्पमयैर्वृक्षैः सर्वत्र समलंकृतः । पक्षिणां सुनिनादैश्च दिव्यानां मधुरायते

nānāpuṣpamayairvṛkṣaiḥ sarvatra samalaṁkṛtaḥ pakṣiṇāṁ suninādaiśca divyānāṁ madhurāyate

'नाना पुष्पों से लदे वृक्षों से सर्वत्र सुसज्जित; दिव्य पक्षियों के मधुर स्वरों से मानो संगीतमय;'

श्लोक 17 (padma.2.101.17)

षट्पदानां निनादैश्च वृक्षौघैर्मधुरायते । रुतैश्च कोकिलानां तु शोभते स वनो गिरिः

ṣaṭpadānāṁ ninādaiśca vṛkṣaughairmadhurāyate rutaiśca kokilānāṁ tu śobhate sa vano giriḥ

'भ्रमरों के गुंजार और वृक्षसमूहों से मधुर, कोयलों की कूक से वह पर्वत-वन शोभित होता है।'

श्लोक 18 (padma.2.101.18)

गणकोटिसमाकीर्णं तत्रास्ति शिवमंदिरम् । अंशुभिर्धवलं पुण्यं पुण्यराशिशिलोच्चयम्

gaṇakoṭisamākīrṇaṁ tatrāsti śivamaṁdiram aṁśubhirdhavalaṁ puṇyaṁ puṇyarāśiśiloccayam

'वहाँ करोड़ों गणों से भरा शिवमंदिर है, अपनी किरणों से श्वेत, पवित्र, पुण्यराशि-सी शिलाओं वाला,'

श्लोक 19 (padma.2.101.19)

सिंहैश्च गर्जमानैश्च सैरिभैः कुंजरैस्ततः । दिग्गजानां सुघोषैश्च शब्दितं च समंततः

siṁhaiśca garjamānaiśca sairibhaiḥ kuṁjaraistataḥ diggajānāṁ sughoṣaiśca śabditaṁ ca samaṁtataḥ

'गरजते सिंहों, भैंसों, हाथियों और दिग्गजों की गंभीर गर्जना से चारों ओर गूंजता हुआ,'

श्लोक 20 (padma.2.101.20)

नानामृगैः समाकीर्णं शाखामृगगणाकुलम् । मयूरकेकाघोषैश्च गुहासु च विनादितम्

nānāmṛgaiḥ samākīrṇaṁ śākhāmṛgagaṇākulam mayūrakekāghoṣaiśca guhāsu ca vināditam

'नाना पशुओं से भरा, वानरसमूहों से व्याप्त, मयूरों की केका-ध्वनि से गुफाओं में निनादित,'

श्लोक 21 (padma.2.101.21)

कंदरैर्लेपनैः कूटैः सानुभिश्च विराजितम् । नानाप्रस्रवणोपेतमोषधीभिर्विराजितम्

kaṁdarairlepanaiḥ kūṭaiḥ sānubhiśca virājitam nānāprasravaṇopetamoṣadhībhirvirājitam

'कंदराओं, ढलानों और शिखरों से सुशोभित, अनेक झरनों और औषधियों से देदीप्यमान,'

श्लोक 22 (padma.2.101.22)

दिव्यं दिव्यगुणं पुण्यं पुण्यधाम समाकुलम् । सेवितं पुण्यलोकैश्च पुण्यराशिं महागिरिम्

divyaṁ divyaguṇaṁ puṇyaṁ puṇyadhāma samākulam sevitaṁ puṇyalokaiśca puṇyarāśiṁ mahāgirim

'दिव्य, दिव्यगुणों से युक्त, पवित्र, पुण्यधामों से भरा, पुण्यजनों द्वारा सेवित वह पुण्यराशि महागिरि,'

श्लोक 23 (padma.2.101.23)

पुलिंदभिल्लकोलैश्च सेवितं पर्वतोत्तमम् । विकटैः शिखरैः कोटैरद्रिराजः प्रकाशते

puliṁdabhillakolaiśca sevitaṁ parvatottamam vikaṭaiḥ śikharaiḥ koṭairadrirājaḥ prakāśate

'पुलिंद, भील और कोल जनों से सेवित वह श्रेष्ठ पर्वत — विकट शिखरों और कगारों से वह गिरिराज शोभित होता है,'

श्लोक 24 (padma.2.101.24)

अन्यैर्नानाविधैः पुण्यैः कौतुकैर्मंगलैः शुभैः । गंगोदकप्रवाहैश्च महाशब्दं प्रसुस्रुवे

anyairnānāvidhaiḥ puṇyaiḥ kautukairmaṁgalaiḥ śubhaiḥ gaṁgodakapravāhaiśca mahāśabdaṁ prasusruve

'तथा अन्य नाना प्रकार के पुण्य, कौतुक और शुभ मंगलों से; गंगा के जलप्रवाहों से महाघोष उत्पन्न होता है।'

श्लोक 25 (padma.2.101.25)

शंकरस्य गृहं तत्र कैलासं गतवानहम् । तत्राश्चर्यं मया दृष्टं यन्न दृष्टं कदा श्रुतम्

śaṁkarasya gṛhaṁ tatra kailāsaṁ gatavānaham tatrāścaryaṁ mayā dṛṣṭaṁ yanna dṛṣṭaṁ kadā śrutam

'मैं शंकर के उस निवास कैलास पर गया था। वहाँ मैंने ऐसा आश्चर्य देखा जो न पहले कभी देखा गया और न सुना गया।'

श्लोक 26 (padma.2.101.26)

श्रूयतामभिधास्यामि तात सर्वं मयोदितम् । शिखराद्गिरिराजस्य मेरोः पुण्यान्महोदयात्

śrūyatāmabhidhāsyāmi tāta sarvaṁ mayoditam śikharādgirirājasya meroḥ puṇyānmahodayāt

'सुनिए, हे पिता, मैं वह सब कहता हूँ — गिरिराज मेरु के पुण्यमय, महान् शिखर से,'

श्लोक 27 (padma.2.101.27)

हिमक्षीरसुवर्णस्तु प्रवाहः पतते भुवि । गंगायाश्च महाभाग रंहसा घोषभूषितः

himakṣīrasuvarṇastu pravāhaḥ patate bhuvi gaṁgāyāśca mahābhāga raṁhasā ghoṣabhūṣitaḥ

'हिम, दुग्ध और स्वर्ण की एक धारा पृथ्वी पर गिरती है; और हे महाभाग, गंगा की वेगपूर्ण गर्जना से सुशोभित होकर,'

श्लोक 28 (padma.2.101.28)

कैलासस्य शिरः प्राप्य तत्र विस्तरतां गतः । दशयोजनमानेन तत्र गंगा ह्रदो महान्

kailāsasya śiraḥ prāpya tatra vistaratāṁ gataḥ daśayojanamānena tatra gaṁgā hrado mahān

'कैलास के शिखर पर पहुँचकर वहाँ विस्तृत हो जाती है; वहाँ दस योजन के विस्तार में गंगा का एक विशाल ह्रद है,'

श्लोक 29 (padma.2.101.29)

महातोयेन पुण्येन विमलेन विराजते । सर्वतोभद्रतां प्राप्तो महाहंसैः प्रशोभते

mahātoyena puṇyena vimalena virājate sarvatobhadratāṁ prāpto mahāhaṁsaiḥ praśobhate

'जो पवित्र, निर्मल, विपुल जल से सुशोभित है; सब ओर से मंगलमय और महाहंसों से शोभायमान है।'

श्लोक 30 (padma.2.101.30)

सामोच्चारेण पुण्येन दिव्येन मधुरेण च । हंसास्तत्र प्रकूजंति सरस्तेन विराजते

sāmoccāreṇa puṇyena divyena madhureṇa ca haṁsāstatra prakūjaṁti sarastena virājate

'वहाँ हंस पवित्र, दिव्य, मधुर सामगान की ध्वनि में कूजते हैं; उस स्वर से वह सरोवर सुशोभित होता है।'

श्लोक 31 (padma.2.101.31)

तस्य तीरे शिलायां वै हिमकन्या महामते । आसीना मुक्तकेशांता रूपद्रविणशालिनी

tasya tīre śilāyāṁ vai himakanyā mahāmate āsīnā muktakeśāṁtā rūpadraviṇaśālinī

'हे बुद्धिमान् पिता! उसी के तट पर एक शिला पर हिमकन्या (पार्वती) खुले केशों के साथ बैठी थी, रूप और सौभाग्य से संपन्न,'

श्लोक 32 (padma.2.101.32)

दिव्यरूपसुसंपन्ना सगुणा दिव्यलक्षणा । दिव्यालंकारभूषा च तस्यास्तीरे विराजते

divyarūpasusaṁpannā saguṇā divyalakṣaṇā divyālaṁkārabhūṣā ca tasyāstīre virājate

'दिव्य रूप से संपन्न, गुणों से युक्त, दिव्य लक्षणों वाली, दिव्य आभूषणों से भूषित — वह उस तट पर देदीप्यमान थी।'

श्लोक 33 (padma.2.101.33)

न जाने गिरिराजस्य तनया वा महोदधेः । नो वास्ति ब्रह्मणः पत्नी सा वा स्वाहा भविष्यति

na jāne girirājasya tanayā vā mahodadheḥ no vāsti brahmaṇaḥ patnī sā vā svāhā bhaviṣyati

'मैं नहीं जान सका कि वह गिरिराज की पुत्री है, या महासागर की, अथवा ब्रह्मा की पत्नी है, या स्वयं स्वाहा है,'

श्लोक 34 (padma.2.101.34)

इंद्राणी वा महाभागा रोहिणी वा भविष्यति । ईदृशी रूपसंपत्तिर्युवतीनां न दृश्यते

iṁdrāṇī vā mahābhāgā rohiṇī vā bhaviṣyati īdṛśī rūpasaṁpattiryuvatīnāṁ na dṛśyate

'या महाभाग्यशालिनी इंद्राणी है, या रोहिणी — क्योंकि युवतियों में ऐसी रूप-संपदा कभी नहीं देखी जाती।'

श्लोक 35 (padma.2.101.35)

अन्यासां च सुदिव्यानां नारीणां तात सर्वथा । यादृशं रूपसंभावं गुणशीलं प्रदृश्यते

anyāsāṁ ca sudivyānāṁ nārīṇāṁ tāta sarvathā yādṛśaṁ rūpasaṁbhāvaṁ guṇaśīlaṁ pradṛśyate

'हे तात! अन्य दिव्य नारियों में जो रूप-सौंदर्य, गुण और शील देखा जाता है,'

श्लोक 36 (padma.2.101.36)

अप्सरसां कदा नास्ति तादृशं रूपलक्षणम् । यादृशं तु मया दृष्टं तदंगं विश्वमोहनम्

apsarasāṁ kadā nāsti tādṛśaṁ rūpalakṣaṇam yādṛśaṁ tu mayā dṛṣṭaṁ tadaṁgaṁ viśvamohanam

'वैसा रूप-लक्षण अप्सराओं में भी कभी नहीं होता, जैसा मैंने उसके अंग में देखा — जो विश्व को मोहित करने वाला था।'

श्लोक 37 (padma.2.101.37)

शिलापदे समासीना दुःखेनापि समाकुला । रुदते सुस्वरैर्बाला अनेकैः स्वजनैर्विना

śilāpade samāsīnā duḥkhenāpi samākulā rudate susvarairbālā anekaiḥ svajanairvinā

'वह बाला शिला पर बैठी हुई, दुःख से अभिभूत, बिना किसी स्वजन के, मधुर स्वरों में रो रही थी।'

श्लोक 38 (padma.2.101.38)

अश्रूणि मुंचमाना सा मुक्ताभानि बहूनि च । निर्मलानि सरस्यत्र पतंत्येव महामते

aśrūṇi muṁcamānā sā muktābhāni bahūni ca nirmalāni sarasyatra pataṁtyeva mahāmate

'हे बुद्धिमान् पिता! वह मोतियों के समान अनेक निर्मल आँसू बहा रही थी, जो सरोवर में गिर रहे थे।'

श्लोक 39 (padma.2.101.39)

बिंदवो मौक्तिकाभास्ते निपतंति महोदके । तेभ्यो भवंति पद्मानि हृद्यानि सुरभीणि तु

biṁdavo mauktikābhāste nipataṁti mahodake tebhyo bhavaṁti padmāni hṛdyāni surabhīṇi tu

'वे मोतियों जैसी बूँदें उस विशाल जल में गिरतीं, और उनसे हृदयहारी, सुगंधित कमल उत्पन्न होते।'

श्लोक 40 (padma.2.101.40)

पद्मानि जज्ञिरे तेभ्यो नेत्राश्रुभ्यो महामते । गंगांभसि तरंत्येव असंख्यातानि तानि तु

padmāni jajñire tebhyo netrāśrubhyo mahāmate gaṁgāṁbhasi taraṁtyeva asaṁkhyātāni tāni tu

'हे बुद्धिमान् पिता! उसके नेत्रों के उन आँसुओं से कमल उत्पन्न होते हैं, जो असंख्य होकर गंगाजल में तैरते रहते हैं।'

श्लोक 41 (padma.2.101.41)

पतितानि सुहृद्यानि रंहसा यानि तानि तु । गंगाप्रवाहमध्ये तु हंसवृंदैः सुसेविते

patitāni suhṛdyāni raṁhasā yāni tāni tu gaṁgāpravāhamadhye tu haṁsavṛṁdaiḥ susevite

'वे प्रिय कमल जो वेगपूर्वक वहाँ गिरते हैं, हंसों के समूहों से सेवित गंगा की धारा के बीच —'

श्लोक 42 (padma.2.101.42)

भागीरथ्याः प्रवाहस्तु तस्मात्स्थानाद्विनिर्गतः । कैलासशिखरं प्राप्य रत्नाख्यं चारुकंदरम्

bhāgīrathyāḥ pravāhastu tasmātsthānādvinirgataḥ kailāsaśikharaṁ prāpya ratnākhyaṁ cārukaṁdaram

'उसी स्थान से भागीरथी की धारा निकलती है, और कैलास शिखर पर पहुँचकर, रत्न नामक सुंदर कंदरा में,'

श्लोक 43 (padma.2.101.43)

वर्तते तोयपूर्णस्तु योजनद्वयविस्तृतः । हंसवृंदसमाकीर्णो जलपक्षि समाकुलः

vartate toyapūrṇastu yojanadvayavistṛtaḥ haṁsavṛṁdasamākīrṇo jalapakṣi samākulaḥ

'दो योजन विस्तार में जल से भरी हुई ठहरती है; वह हंसों के समूहों से व्याप्त, जलपक्षियों से भरी हुई है।'

श्लोक 44 (padma.2.101.44)

नानावर्णविशेषाणि संति पद्मानि तत्र च । प्रवाहे निर्मले तात मुनिवृंदनिषेविते

nānāvarṇaviśeṣāṇi saṁti padmāni tatra ca pravāhe nirmale tāta munivṛṁdaniṣevite

'हे पिता! वहाँ उस निर्मल, मुनिसमूहों से सेवित प्रवाह में नाना रंगों के विशेष कमल हैं,'

श्लोक 45 (padma.2.101.45)

अश्रुभ्यो यानि जातानि प्रभाते कमलानि तु । गंगोदकप्लुतान्येव सौरभाणि महांति च

aśrubhyo yāni jātāni prabhāte kamalāni tu gaṁgodakaplutānyeva saurabhāṇi mahāṁti ca

'जो प्रातःकाल उन आँसुओं से उत्पन्न हुए कमल हैं, गंगाजल में डूबे हुए, अत्यंत सुगंधित,'

श्लोक 46 (padma.2.101.46)

प्रतरंति प्रवाहे तु निर्मले जलपूरिते । मध्ये मध्ये सुहंसैश्च जलपक्षिनिनादिते

prataraṁti pravāhe tu nirmale jalapūrite madhye madhye suhaṁsaiśca jalapakṣininādite

'उस निर्मल, जल से परिपूर्ण प्रवाह में तैरते रहते हैं, बीच-बीच में सुंदर हंसों और जलपक्षियों की ध्वनि से गूंजते हुए।'

श्लोक 47 (padma.2.101.47)

सूत उवाच । रत्नाख्ये तु गिरौ तस्मिन्रत्नेश्वरमहेश्वरः । देवदैत्यसुपूज्योपि तिष्ठते तात सर्वदा

sūta uvāca ratnākhye tu girau tasminratneśvaramaheśvaraḥ devadaityasupūjyopi tiṣṭhate tāta sarvadā

सूत ने कहा — उस रत्न-नामक पर्वत पर रत्नेश्वर महेश्वर, जो देव-दैत्यों द्वारा भी पूजित हैं, हे तात, सदा विराजमान रहते हैं।

श्लोक 48 (padma.2.101.48)

तत्र दृष्टो मया तात कश्चित्पुण्यमयो मुनिः । जटाभारसमाक्रांतो निर्वासा दंडधारकः

tatra dṛṣṭo mayā tāta kaścitpuṇyamayo muniḥ jaṭābhārasamākrāṁto nirvāsā daṁḍadhārakaḥ

'वहाँ मैंने, हे पिता, एक पुण्यात्मा मुनि को देखा — जटाओं के भार से लदा, वस्त्रहीन, दंडधारी,'

श्लोक 49 (padma.2.101.49)

निराधारो निराहारस्तपसातीव दुर्बलः । कृशांगोऽप्यस्थिसंघातस्त्वचामात्रेण वेष्टितः

nirādhāro nirāhārastapasātīva durbalaḥ kṛśāṁgo'pyasthisaṁghātastvacāmātreṇa veṣṭitaḥ

'बिना किसी सहारे, बिना भोजन के, तपस्या से अत्यंत क्षीण, कृशांग, हड्डियों का ढाँचा-मात्र, केवल त्वचा से लिपटा हुआ,'

श्लोक 50 (padma.2.101.50)

भस्मोद्धूलितमात्राणि सर्वांगानि महात्मनः । शुष्कपत्राणि भक्षेत शीर्णानि पतितानि च

bhasmoddhūlitamātrāṇi sarvāṁgāni mahātmanaḥ śuṣkapatrāṇi bhakṣeta śīrṇāni patitāni ca

'उस महात्मा के समस्त अंग केवल भस्म से धूसरित थे; वह मुरझाए, गिरे हुए सूखे पत्तों का ही भक्षण करता था।'

श्लोक 51 (padma.2.101.51)

शिवभक्तिसमासीनो दुराधारो महातपाः । अश्रुभ्यो यानि जातानि पद्मानि सुरभीणि च

śivabhaktisamāsīno durādhāro mahātapāḥ aśrubhyo yāni jātāni padmāni surabhīṇi ca

'शिवभक्ति में लीन, अत्यंत दुष्कर तपस्या में स्थित वह — उन आँसुओं से उत्पन्न सुगंधित कमलों को'

श्लोक 52 (padma.2.101.52)

गंगातोयात्समानीय देवदेवं प्रपूजयेत् । रत्नेश्वरं महाभागो गीतनृत्यविशारदः

gaṁgātoyātsamānīya devadevaṁ prapūjayet ratneśvaraṁ mahābhāgo gītanṛtyaviśāradaḥ

'गंगाजल से लाकर देवाधिदेव रत्नेश्वर की पूजा करता; वह महाभाग्यशाली, गीत-नृत्य में भी निपुण था।'

श्लोक 53 (padma.2.101.53)

गायते नृत्यते तस्य द्वारस्थस्त्रिपुरद्विषः । मठमागत्य धर्मात्मा रोदते सुस्वरैरपि

gāyate nṛtyate tasya dvārasthastripuradviṣaḥ maṭhamāgatya dharmātmā rodate susvarairapi

'वह धर्मात्मा त्रिपुरारि (शिव) के द्वार पर खड़ा गाता और नाचता है; और मठ में आकर मधुर स्वरों में रोता भी है।'

श्लोक 54 (padma.2.101.54)

एतद्दृष्टं मया तात अपूर्वं वदतांवर । कथयस्व प्रसादान्मे यदि त्वं वेत्सि कारणम्

etaddṛṣṭaṁ mayā tāta apūrvaṁ vadatāṁvara kathayasva prasādānme yadi tvaṁ vetsi kāraṇam

'हे वाणी में श्रेष्ठ पिता! यह मैंने अपूर्व दृश्य देखा है। यदि आप इसका कारण जानते हों, तो कृपा करके मुझे बताइए।'

श्लोक 55 (padma.2.101.55)

सा का नारी महाभागा कस्मात्तात प्ररोदिति । कस्मात्स देवपुरुषो देवमर्चेन्महेश्वरम्

sā kā nārī mahābhāgā kasmāttāta praroditi kasmātsa devapuruṣo devamarcenmaheśvaram

'वह महाभाग्यशालिनी स्त्री कौन है, और हे पिता, वह क्यों रोती है? और वह देवतुल्य पुरुष महेश्वर की पूजा क्यों करता है?'

श्लोक 56 (padma.2.101.56)

तन्मे त्वं विस्तराद्ब्रूहि सर्वसंदेहकारणम् । एवमुक्तो महाप्राज्ञः कुंजलोपि सुतेन हि

tanme tvaṁ vistarādbrūhi sarvasaṁdehakāraṇam evamukto mahāprājñaḥ kuṁjalopi sutena hi

'वह सब मुझसे विस्तारपूर्वक कहिए, जो मेरे संपूर्ण संदेह का कारण बने।' इस प्रकार अपने पुत्र कपिंजल द्वारा पूछे जाने पर महाबुद्धिमान् कुंजल भी,

श्लोक 57 (padma.2.101.57)

कपिंजलेन प्रोवाच विस्तराच्छृण्वतो मुनेः

kapiṁjalena provāca vistarācchṛṇvato muneḥ

उस सुनते हुए मुनि (कपिंजल) से विस्तारपूर्वक कहने लगे।