अशोकसुंदरी का जन्म

श्लोक 1 (padma.2.102.1)

कुञ्जल उवाच । सर्वं वत्स प्रवक्ष्यामि यत्त्वयोक्तं ममाधुना। उभयोर्देवनं यत्तु यस्माज्जातं द्विजोत्तम

kuñjala uvāca sarvaṁ vatsa pravakṣyāmi yattvayoktaṁ mamādhunā ubhayordevanaṁ yattu yasmājjātaṁ dvijottama

कुंजल ने कहा — हे श्रेष्ठ द्विज! तुमने अभी जो मुझसे पूछा, वह सब मैं कहूँगा — दोनों (शिव-पार्वती) की वह लीला, जिससे यह सब उत्पन्न हुआ।

श्लोक 2 (padma.2.102.2)

एकदा तु महादेवी पार्वती प्रमदोत्तमा। क्रीडमाना महात्मानमीश्वरं वाक्यमब्रवीत्

ekadā tu mahādevī pārvatī pramadottamā krīḍamānā mahātmānamīśvaraṁ vākyamabravīt

एक बार महादेवी पार्वती, स्त्रियों में उत्तम, क्रीड़ा करते हुए महात्मा ईश्वर से यह वचन बोलीं —

श्लोक 3 (padma.2.102.3)

ममोरसि महादेव जातं महत्सु दोहदम्। दर्शयस्व ममाग्रे त्वं काननं काननोत्तमम्

mamorasi mahādeva jātaṁ mahatsu dohadam darśayasva mamāgre tvaṁ kānanaṁ kānanottamam

'हे महादेव! मेरे हृदय में एक बड़ी अभिलाषा उत्पन्न हुई है — आप मुझे सर्वश्रेष्ठ वन दिखाइए, वनों में सबसे उत्तम।'

श्लोक 4 (padma.2.102.4)

श्रीमहादेवउवाच । एवमस्तु महादेवि नन्दनं देवसङ्कुलम् । दर्शयिष्यामि ते पुण्यं द्विजसिद्धनिषेवितम्

śrīmahādevauvāca evamastu mahādevi nandanaṁ devasaṅkulam darśayiṣyāmi te puṇyaṁ dvijasiddhaniṣevitam

श्री महादेव ने कहा — 'हे महादेवी! ऐसा ही हो। मैं तुम्हें देवताओं से भरा हुआ, द्विजों और सिद्धों द्वारा सेवित वह पवित्र नंदन वन दिखाऊँगा।'

श्लोक 5 (padma.2.102.5)

एवमाभाष्य तां देवीं तया सह गणैस्ततः । स गन्तुमुत्सुको देवो नन्दनं वनमेव तु

evamābhāṣya tāṁ devīṁ tayā saha gaṇaistataḥ sa gantumutsuko devo nandanaṁ vanameva tu

देवी से ऐसा कहकर, फिर उनके और अपने गणों के साथ, वह उत्सुक देव नंदन वन को जाने के लिए —

श्लोक 6 (padma.2.102.6)

सर्वगं सुन्दरं दिव्यपृष्ठमाभरणैर्युतम्। घंटामालाभिसंयुक्तं किङ्किणीजालमालिनम्

sarvagaṁ sundaraṁ divyapṛṣṭhamābharaṇairyutam ghaṁṭāmālābhisaṁyuktaṁ kiṅkiṇījālamālinam

— सर्वव्यापी, सुंदर, दिव्य पीठ वाले, आभूषणों से युक्त, घंटामालाओं से संयुक्त, किंकिणियों के जाल से सुशोभित,

श्लोक 7 (padma.2.102.7)

चामरैः पट्टसूत्रैश्च मुक्तामालासुशोभितम्। हंसचंद्रप्रतीकाशं वृषभं चारुलक्षणम्

cāmaraiḥ paṭṭasūtraiśca muktāmālāsuśobhitam haṁsacaṁdrapratīkāśaṁ vṛṣabhaṁ cārulakṣaṇam

चामरों और रेशमी डोरियों से, मोतियों की मालाओं से सुशोभित, हंस और चंद्रमा के समान श्वेत, सुंदर लक्षणों वाले उस वृषभ पर,

श्लोक 8 (padma.2.102.8)

समारूढो महादेवो गणकोटिसमावृतः। नन्दिभृङ्गिमहाकालस्कन्दचण्डमनोहराः

samārūḍho mahādevo gaṇakoṭisamāvṛtaḥ nandibhṛṅgimahākālaskandacaṇḍamanoharāḥ

महादेव सवार हुए, करोड़ों गणों से घिरे हुए — नंदी, भृंगी, महाकाल, स्कंद, चंड, मनोहर,

श्लोक 9 (padma.2.102.9)

वीरभद्रो गणेशश्च पुष्पदन्तो मणीश्वरः । अतिबलःसुबलो नाम मेघनादो घटावहः

vīrabhadro gaṇeśaśca puṣpadanto maṇīśvaraḥ atibalaḥsubalo nāma meghanādo ghaṭāvahaḥ

वीरभद्र, गणेश, पुष्पदंत, मणीश्वर, अतिबल, सुबल नामक, मेघनाद, घटावह,

श्लोक 10 (padma.2.102.10)

घण्टाकर्णश्च कालिन्दः पुलिन्दो वीरबाहुकः। केशरी किंकरो नाम चण्डहासः प्रजापतिः

ghaṇṭākarṇaśca kālindaḥ pulindo vīrabāhukaḥ keśarī kiṁkaro nāma caṇḍahāsaḥ prajāpatiḥ

घंटाकर्ण, कालिंद, पुलिंद, वीरबाहुक, केशरी, किंकर नामक, चंडहास, प्रजापति —

श्लोक 11 (padma.2.102.11)

एते चान्ये च बहवः सनकाद्यास्तपोबलाः। गणैश्च कोटिसंख्यातैः सशिवः परिवारितः

ete cānye ca bahavaḥ sanakādyāstapobalāḥ gaṇaiśca koṭisaṁkhyātaiḥ saśivaḥ parivāritaḥ

ये और तपोबल संपन्न सनक आदि अन्य अनेक — करोड़ों गणों से घिरे हुए शिव,

श्लोक 12 (padma.2.102.12)

नन्दनं वनमेवापि सेवितं देवकिन्नरैः। प्रविवेश महादेवो गणैर्देव्यासमन्वितः

nandanaṁ vanamevāpi sevitaṁ devakinnaraiḥ praviveśa mahādevo gaṇairdevyāsamanvitaḥ

देवों और किन्नरों से सेवित उस नंदन वन में, अपने गणों और देवी सहित प्रवेश कर गए।

श्लोक 13 (padma.2.102.13)

दर्शयामास देवेशो गिरिजायै सुशोभनम् । नानापादपसम्पन्नं बहुपुष्पसमाकुलम्

darśayāmāsa deveśo girijāyai suśobhanam nānāpādapasampannaṁ bahupuṣpasamākulam

देवेश (शिव) ने गिरिजा को वह सुंदर स्थान दिखाया — नाना वृक्षों से संपन्न, अनेक पुष्पों से भरा,

श्लोक 14 (padma.2.102.14)

दिव्यं रम्भावनाकीर्णं पुष्पवद्भिस्तु चम्पकैः । मल्लिकाभिः सुपुष्पाभिर्मालतीजालसंकुलम्

divyaṁ rambhāvanākīrṇaṁ puṣpavadbhistu campakaiḥ mallikābhiḥ supuṣpābhirmālatījālasaṁkulam

दिव्य, केले के वृक्षों के झुरमुटों से भरा, पुष्पित चंपकों से युक्त, सुंदर मालती-पुष्पों के जाल से घिरे मल्लिका-पुष्पों से भरा,

श्लोक 15 (padma.2.102.15)

नित्यं पुष्पितशाखाभिः पाटलानां वनोत्तमैः। राजमानं महावृक्षैश्चंदनैश्चारुगंधिभिः

nityaṁ puṣpitaśākhābhiḥ pāṭalānāṁ vanottamaiḥ rājamānaṁ mahāvṛkṣaiścaṁdanaiścārugaṁdhibhiḥ

नित्य पुष्पित शाखाओं वाले पाटल के उत्तम वनों से, चंदन के सुगंधित महावृक्षों से सुशोभित,

श्लोक 16 (padma.2.102.16)

देवदारुवनैर्जुष्टं तुंगवृक्षैः समाकुलम्। सरलैर्नालिकेरैश्च तद्वत्पूगीफलद्रुमैः

devadāruvanairjuṣṭaṁ tuṁgavṛkṣaiḥ samākulam saralairnālikeraiśca tadvatpūgīphaladrumaiḥ

देवदारु के वनों से युक्त, ऊँचे वृक्षों से भरा, सरल, नारियल तथा सुपारी के वृक्षों से युक्त,

श्लोक 17 (padma.2.102.17)

खर्जूरपनसैर्दिव्यैः फलभारावनामितैः। परिमलोद्गारसंयुक्तैर्गुरुवृक्षसमाकुलम्

kharjūrapanasairdivyaiḥ phalabhārāvanāmitaiḥ parimalodgārasaṁyuktairguruvṛkṣasamākulam

फलों के भार से झुके हुए दिव्य खजूर और कटहल के वृक्षों से, सुगंध बिखेरते भारी वृक्षों से भरा,

श्लोक 18 (padma.2.102.18)

अग्नितेजः समाभासैः सप्तपर्णैः सुशोभितम् । राजवृक्षैः कदंबैश्च पुष्पशोभान्वितं सदा

agnitejaḥ samābhāsaiḥ saptaparṇaiḥ suśobhitam rājavṛkṣaiḥ kadaṁbaiśca puṣpaśobhānvitaṁ sadā

अग्नि के तेज-सी कांति वाले सप्तपर्ण वृक्षों से सुशोभित, राजवृक्षों और कदंबों से सदा पुष्पशोभा से युक्त,

श्लोक 19 (padma.2.102.19)

जंबूनिंबमहावृक्षैर्मातुलिगैः समाकुलम् । नारंगैः सिंधुवारैश्च प्रियालैः शालतिंदुकैः

jaṁbūniṁbamahāvṛkṣairmātuligaiḥ samākulam nāraṁgaiḥ siṁdhuvāraiśca priyālaiḥ śālatiṁdukaiḥ

जामुन, नीम और बिजौरा नींबू के महावृक्षों से भरा, नारंगी, सिंधुवार, प्रियाल, शाल और तेंदू के वृक्षों से युक्त,

श्लोक 20 (padma.2.102.20)

उदुंबरैः कपित्थैश्च जंबूपादपशोभितम् । लकुचैः पुष्पसौगंधैः स्फुटनागैः समाकुलम्

uduṁbaraiḥ kapitthaiśca jaṁbūpādapaśobhitam lakucaiḥ puṣpasaugaṁdhaiḥ sphuṭanāgaiḥ samākulam

गूलर और कैथ से सुशोभित, जामुन के वृक्षों से शोभित, सुगंधित लकुच-पुष्पों और खिले हुए नागकेसरों से भरा,

श्लोक 21 (padma.2.102.21)

चूतैश्च फलराजाद्यैर्नीलैश्चैव घनोपमैः । नीलैः शालवनैर्दिव्यैर्जालानां तु वनैस्ततः

cūtaiśca phalarājādyairnīlaiścaiva ghanopamaiḥ nīlaiḥ śālavanairdivyairjālānāṁ tu vanaistataḥ

आमों तथा अन्य श्रेष्ठ फलदार, मेघ के समान श्याम वृक्षों से, दिव्य श्याम शाल-वनों और जाल-वृक्षों के वनों से युक्त,

श्लोक 22 (padma.2.102.22)

तमालैस्तु विशालैश्च सेवितं तपनोपमैः । शोभितं नंदनं पुण्यं शिवेन परिदर्शितम्

tamālaistu viśālaiśca sevitaṁ tapanopamaiḥ śobhitaṁ naṁdanaṁ puṇyaṁ śivena paridarśitam

विशाल तमाल वृक्षों से सेवित, सूर्य के समान तेजस्वी — शिव द्वारा दिखलाया गया वह पवित्र नंदन वन इस प्रकार सुशोभित था,

श्लोक 23 (padma.2.102.23)

शोभितं च द्रुमैश्चान्यैः सर्वैर्नीलवनोपमैः । सर्वकामफलोपेतैः कल्याणफलदायकैः

śobhitaṁ ca drumaiścānyaiḥ sarvairnīlavanopamaiḥ sarvakāmaphalopetaiḥ kalyāṇaphaladāyakaiḥ

और अन्य श्याम-वन-सदृश वृक्षों से भी सुशोभित था — जो सभी कामनाओं के फल देने वाले, कल्याणकारी फल प्रदान करने वाले थे।

श्लोक 24 (padma.2.102.24)

कल्पद्रुमैर्महापुण्यैः शोभितं नंदनं वनम् । नानापक्षिनिनादैश्च संकुलं मधुरस्वरैः

kalpadrumairmahāpuṇyaiḥ śobhitaṁ naṁdanaṁ vanam nānāpakṣininādaiśca saṁkulaṁ madhurasvaraiḥ

अत्यंत पवित्र कल्पवृक्षों से सुशोभित वह नंदन वन नाना पक्षियों की मधुर ध्वनियों से भरा था।

श्लोक 25 (padma.2.102.25)

कोकिलानां रुतैः पुण्यैरुद्घुष्टं मधुकारिभिः । मकरंदविलुब्धानां पक्षिणां रुतनादितम्

kokilānāṁ rutaiḥ puṇyairudghuṣṭaṁ madhukāribhiḥ makaraṁdavilubdhānāṁ pakṣiṇāṁ rutanāditam

कोयलों की पवित्र, मधुकारी कूक से गुंजायमान, तथा मकरंद पर लुभाए पक्षियों की ध्वनियों से निनादित,

श्लोक 26 (padma.2.102.26)

नानवृक्षैः समाकीर्णं नानामृगगणायुतम् । वृक्षेभ्यो विविधैः पुष्पैस्सौगंधैः पतितैर्भुवि

nānavṛkṣaiḥ samākīrṇaṁ nānāmṛgagaṇāyutam vṛkṣebhyo vividhaiḥ puṣpaissaugaṁdhaiḥ patitairbhuvi

नाना वृक्षों से भरा, नाना पशुसमूहों से युक्त, वृक्षों से गिरे हुए विविध सुगंधित पुष्पों से भूमि आच्छादित थी।

श्लोक 27 (padma.2.102.27)

सा च भू राजते पुत्र पूजिते वसुगंधिभिः । तत्र वाप्यो महापुण्याः पद्मसौगंधनिर्मलाः

sā ca bhū rājate putra pūjite vasugaṁdhibhiḥ tatra vāpyo mahāpuṇyāḥ padmasaugaṁdhanirmalāḥ

हे पुत्र! वह भूमि, मानो उन सुगंधों से पूजित होकर देदीप्यमान हो रही थी। वहाँ बड़ी-बड़ी पुण्यमयी बावड़ियाँ थीं, कमलों की सुगंध से निर्मल,

श्लोक 28 (padma.2.102.28)

तोयैस्ताः पूरिताः पुत्र हंसकारंडसेविताः। तडागैः सागरप्रख्यैस्तोयसौगंधपूजितैः

toyaistāḥ pūritāḥ putra haṁsakāraṁḍasevitāḥ taḍāgaiḥ sāgaraprakhyaistoyasaugaṁdhapūjitaiḥ

हे पुत्र! जल से भरी, हंसों और कारंडव पक्षियों से सेवित; तथा समुद्र-सदृश तालाबों से, सुगंधित जल से पूजित।

श्लोक 29 (padma.2.102.29)

नंदनं भाति सर्वत्र गणैरप्सरसां महत्। विमानैः कलशैः शुभ्रैर्हेमदंडैः सुशोभनैः

naṁdanaṁ bhāti sarvatra gaṇairapsarasāṁ mahat vimānaiḥ kalaśaiḥ śubhrairhemadaṁḍaiḥ suśobhanaiḥ

नंदन वन सर्वत्र अप्सराओं के समूहों से, विमानों से, स्वर्ण-दंडों वाले शुभ्र, सुंदर कलशों से अत्यंत शोभायमान था।

श्लोक 30 (padma.2.102.30)

नंदनो वनराजस्तु प्रासादैस्तु सुधान्वितैः। यत्र तत्र प्रभात्येव किन्नराणां महागणैः

naṁdano vanarājastu prāsādaistu sudhānvitaiḥ yatra tatra prabhātyeva kinnarāṇāṁ mahāgaṇaiḥ

वनों का राजा वह नंदन, चूने-पुते प्रासादों से युक्त — जहाँ-तहाँ किन्नरों के महासमूहों से प्रकाशित होता था,

श्लोक 31 (padma.2.102.31)

गंधर्वैरप्सरोभिश्च सुरूपाभिर्द्विजोत्तम । देवतानां विनोदैश्च मुनिवृंदैः सुयोगिभिः

gaṁdharvairapsarobhiśca surūpābhirdvijottama devatānāṁ vinodaiśca munivṛṁdaiḥ suyogibhiḥ

हे श्रेष्ठ द्विज! सुंदर रूप वाले गंधर्वों और अप्सराओं से, देवताओं की क्रीड़ाओं से, सुयोगी मुनिवृंदों से भरा हुआ —

श्लोक 32 (padma.2.102.32)

सर्वत्र शुशुभे पुण्यसंस्थानं नंदनस्य च

sarvatra śuśubhe puṇyasaṁsthānaṁ naṁdanasya ca

सर्वत्र नंदन का वह पवित्र स्थान इसी प्रकार शोभित होता था।

श्लोक 33 (padma.2.102.33)

एवं समालोक्य महानुभावो भवः सुदेव्यासहितो महात्मा। श्रीनंदनं पुण्यवतां निवासं सुखाकरं शांतिगुणोपपन्नम्

evaṁ samālokya mahānubhāvo bhavaḥ sudevyāsahito mahātmā śrīnaṁdanaṁ puṇyavatāṁ nivāsaṁ sukhākaraṁ śāṁtiguṇopapannam

इस प्रकार देखकर, देवी सहित वह महानुभाव महात्मा भव — पुण्यवानों के निवासस्थान, सुखकारी, शांतिगुण से युक्त उस पवित्र नंदन को देखते हुए —

श्लोक 34 (padma.2.102.34)

आदित्यतेजः समतेजसां गणैः प्रभाति वै रश्मिभिर्जातरूपः। पुष्पैः फलैः कामगुणोपपन्नः कल्पद्रुमो नंदनकाननेपि

ādityatejaḥ samatejasāṁ gaṇaiḥ prabhāti vai raśmibhirjātarūpaḥ puṣpaiḥ phalaiḥ kāmaguṇopapannaḥ kalpadrumo naṁdanakānanepi

— सूर्य के तेज-सी किरणों वाले, समान तेजस्वी समूहों से युक्त, अपनी ही आभा से देदीप्यमान, फूलों और फलों से मनचाहे गुणों से युक्त कल्पवृक्ष को भी उन्होंने वहाँ नंदन वन में देखा।

श्लोक 35 (padma.2.102.35)

एवंविधं पादपराजमेव संवीक्ष्य देवी च शिवं बभाषे। अस्याभिधानं कथयस्व नाथ सर्वस्य पुण्यस्य नगस्य पुण्यम्

evaṁvidhaṁ pādaparājameva saṁvīkṣya devī ca śivaṁ babhāṣe asyābhidhānaṁ kathayasva nātha sarvasya puṇyasya nagasya puṇyam

इस प्रकार उस श्रेष्ठ वृक्ष को देखकर देवी ने शिव से कहा — 'हे नाथ! मुझे इस पूर्णतः पवित्र वृक्ष का नाम और इसका पुण्य बताइए।'

श्लोक 36 (padma.2.102.36)

तेजस्विनां सूर्यवरः समंतात्स देव देवीं च शिवो बभाषे । शिव उवाच । अस्य प्रतिष्ठा महती शुभाख्या देवेषु मुख्यो मधुसूदनश्च

tejasvināṁ sūryavaraḥ samaṁtātsa deva devīṁ ca śivo babhāṣe śiva uvāca asya pratiṣṭhā mahatī śubhākhyā deveṣu mukhyo madhusūdanaśca

तेजस्वियों में सूर्य के समान श्रेष्ठ, सब ओर से तेजोमय वह देव शिव देवी से बोले। शिव ने कहा — 'इसकी महिमा महान् और शुभनामी है; देवताओं में जैसे मधुसूदन प्रमुख हैं,'

श्लोक 37 (padma.2.102.37)

नदीषु मुख्या सुरनिम्नगापि विसृष्टिकर्त्तापि यथैव धाता । सुखावहानां च यथा सुचंद्रो भूतेषु मुख्या च यथैव पृथ्वी

nadīṣu mukhyā suranimnagāpi visṛṣṭikarttāpi yathaiva dhātā sukhāvahānāṁ ca yathā sucaṁdro bhūteṣu mukhyā ca yathaiva pṛthvī

'नदियों में जैसे देव-नदी (गंगा) प्रमुख है, सृष्टिकर्ताओं में जैसे स्वयं विधाता; सुख देने वालों में जैसे चंद्रमा, प्राणियों में जैसे पृथ्वी प्रमुख है,'

श्लोक 38 (padma.2.102.38)

नगेंद्रराजो हि यथा नगानां जलाशयेष्वेव यथा समुद्रः । महौषधीनामिव देवि चान्नं महीधराणां हिमवान्यथैव

nageṁdrarājo hi yathā nagānāṁ jalāśayeṣveva yathā samudraḥ mahauṣadhīnāmiva devi cānnaṁ mahīdharāṇāṁ himavānyathaiva

'जैसे पर्वतों में गिरिराज, जलाशयों में जैसे समुद्र प्रमुख है; हे देवी! जैसे महौषधियों में अन्न, पर्वतों में जैसे हिमवान् प्रमुख है,'

श्लोक 39 (padma.2.102.39)

विद्यासु मध्ये च यथात्मविद्या लोकेषु सर्वेषु यथा नरेंद्रः। तथैव मुख्यस्तरुराज एष सर्वातिथिर्देवपतेः प्रियोयम्

vidyāsu madhye ca yathātmavidyā lokeṣu sarveṣu yathā nareṁdraḥ tathaiva mukhyastarurāja eṣa sarvātithirdevapateḥ priyoyam

'विद्याओं में जैसे आत्मविद्या, समस्त लोकों में जैसे राजा प्रमुख है — उसी प्रकार यह वृक्षों का राजा प्रमुख है, देवपति का प्रिय, समस्त अतिथियों का आश्रयदाता।'

श्लोक 40 (padma.2.102.40)

श्रीपार्वत्युवाच । गुणान्नु शंभो मम कीर्त्तयस्व वृक्षाधिपस्यास्य शुभान्सुपुण्यान् । आकर्ण्य देवो वचनं बभाषे देव्यास्तु सर्वं सुतरोर्हि तस्य

śrīpārvatyuvāca guṇānnu śaṁbho mama kīrttayasva vṛkṣādhipasyāsya śubhānsupuṇyān ākarṇya devo vacanaṁ babhāṣe devyāstu sarvaṁ sutarorhi tasya

श्री पार्वती ने कहा — 'हे शंभु! मुझे इस वृक्षाधिपति के शुभ और पवित्र गुण कह सुनाइए।' यह सुनकर देव ने देवी से उस श्रेष्ठ वृक्ष के सारे गुण बता दिए।

श्लोक 41 (padma.2.102.41)

यं यं कल्पयंति सुपुण्यदेवा देवोपमा देववराश्च कांते । तं तं हि तेभ्यः प्रददाति वृक्षः कल्पद्रुमो नाम वरिष्ठ एषः

yaṁ yaṁ kalpayaṁti supuṇyadevā devopamā devavarāśca kāṁte taṁ taṁ hi tebhyaḥ pradadāti vṛkṣaḥ kalpadrumo nāma variṣṭha eṣaḥ

'हे प्रिये! अत्यंत पुण्यशाली देवतुल्य देवगण जो-जो कामना करते हैं, यह श्रेष्ठतम वृक्ष, कल्पद्रुम नाम वाला, उन्हें वही-वही प्रदान करता है।'

श्लोक 42 (padma.2.102.42)

अस्माच्च सर्वे प्रभवंति पुण्या दुःप्राप्यमत्रैव तपोधिकास्ते। जीवाधिकं रत्नमयं सुदिव्यं देवास्तु भुंजंति महाप्रधानाः

asmācca sarve prabhavaṁti puṇyā duḥprāpyamatraiva tapodhikāste jīvādhikaṁ ratnamayaṁ sudivyaṁ devāstu bhuṁjaṁti mahāpradhānāḥ

'इससे ही समस्त पवित्र वस्तुएँ उत्पन्न होती हैं, जो यहाँ बड़े-बड़े तपस्वियों के लिए भी दुर्लभ हैं; महाप्रधान देवगण इससे प्राणों से भी अधिक मूल्यवान, दिव्य रत्न प्राप्त कर भोगते हैं।'

श्लोक 43 (padma.2.102.43)

शुश्राव देवी वचनं शिवस्य आश्चर्यभूतं मनसा विचिंत्य । तस्यानुमत्या परिकल्पितं च स्त्रीरत्नमेकं सुगुणं सुरूपम्

śuśrāva devī vacanaṁ śivasya āścaryabhūtaṁ manasā viciṁtya tasyānumatyā parikalpitaṁ ca strīratnamekaṁ suguṇaṁ surūpam

देवी ने शिव का यह वचन सुना, और मन में उस आश्चर्य पर विचार करके, उन्हीं की अनुमति से — गुणवती, सुंदर रूप वाली एक स्त्री-रत्न वहाँ रची गई।

श्लोक 44 (padma.2.102.44)

सर्वांगरूपां सगुणां सुरूपां तस्मात्सुवृक्षाद्गिरिजा प्रलेभे। विश्वस्य मोहाय यथोपविष्टा साहाय्यरूपा मकरध्वजस्य

sarvāṁgarūpāṁ saguṇāṁ surūpāṁ tasmātsuvṛkṣādgirijā pralebhe viśvasya mohāya yathopaviṣṭā sāhāyyarūpā makaradhvajasya

उस श्रेष्ठ वृक्ष से गिरिजा को सर्वांगसुंदर, गुणवती, सुरूपा एक कन्या प्राप्त हुई — मानो विश्व को मोहित करने के लिए विराजमान, कामदेव की सहायिका के रूप में।

श्लोक 45 (padma.2.102.45)

क्रीडानिधानं सुखसिद्धिरूपं सर्वोपपन्ना कमलायताक्षी । पद्मानना पद्मकरा सुपद्मा चामीकरस्यापि यथा सुमूर्तिः

krīḍānidhānaṁ sukhasiddhirūpaṁ sarvopapannā kamalāyatākṣī padmānanā padmakarā supadmā cāmīkarasyāpi yathā sumūrtiḥ

वह क्रीड़ा का भंडार, सुख और सिद्धि का साक्षात् रूप, सर्वगुणसंपन्न, कमल-सी विशाल आँखों वाली, पद्मानना, पद्मकरा, स्वर्ण की भी सुंदर प्रतिमा-सी सुपद्मा थी।

श्लोक 46 (padma.2.102.46)

प्रभासु तद्वद्विमला सुतेजा लीला सुतेजाश्च सुकुंचितास्ते । प्रलंबकेशाः परिसूक्ष्मबद्धाः पुष्पैः सुगंधैः परिलेपिताश्च

prabhāsu tadvadvimalā sutejā līlā sutejāśca sukuṁcitāste pralaṁbakeśāḥ parisūkṣmabaddhāḥ puṣpaiḥ sugaṁdhaiḥ parilepitāśca

अपनी आभा में भी वह निर्मल और तेजस्वी थी, चंचल किंतु तेजयुक्त, घुँघराले, लंबे और सूक्ष्मता से बँधे केशों वाली, सुगंधित पुष्पों से अलंकृत।

श्लोक 47 (padma.2.102.47)

प्रबद्धकुंता दृढकेशबंधैर्विभाति सा रूपवरेण बाला। सीमंतमार्गे च मुक्ताफलानां माला विभात्येव यथा तरूणाम्

prabaddhakuṁtā dṛḍhakeśabaṁdhairvibhāti sā rūpavareṇa bālā sīmaṁtamārge ca muktāphalānāṁ mālā vibhātyeva yathā tarūṇām

दृढ़ केश-बंधों से बँधी अलकों के साथ वह बाला अपने श्रेष्ठ रूप से सुशोभित होती थी; उसके सीमंत-मार्ग में मोतियों की माला ऐसे सुशोभित थी जैसे वृक्षों पर पुष्पमाला।

श्लोक 48 (padma.2.102.48)

सीमंतमूले तिलकं सुदेव्या यथोदितो दैत्यगुरुः सतेजाः । भालेषु पद्मे मृगनाभिपद्म समुत्थतेजः प्रकरैर्विभाति

sīmaṁtamūle tilakaṁ sudevyā yathodito daityaguruḥ satejāḥ bhāleṣu padme mṛganābhipadma samutthatejaḥ prakarairvibhāti

सीमंत के मूल में उस देवी का तिलक ऐसे तेजस्वी था मानो उदित हुआ दैत्यगुरु (शुक्र); उसके ललाट पर कस्तूरी-तिलक की किरणें कमल-सी आभा से देदीप्यमान थीं।

श्लोक 49 (padma.2.102.49)

सीमंतमूले तिलकस्य तेजः प्रकाशयेद्रूपश्रियं सुलोके । केशेषु मुक्ताफलके च भाले तस्याः सुशोभां विकरोति नित्यम्

sīmaṁtamūle tilakasya tejaḥ prakāśayedrūpaśriyaṁ suloke keśeṣu muktāphalake ca bhāle tasyāḥ suśobhāṁ vikaroti nityam

सीमंत के मूल में तिलक का तेज उसकी रूप-शोभा को इस लोक में प्रकाशित करता था; केशों में और ललाट पर मोती के आभूषण से उसकी शोभा सदा और बढ़ जाती थी।

श्लोक 50 (padma.2.102.50)

यथा सुचंद्रः परिभाति भासा सा रम्यचेष्टेव विभाति तद्वत्। संपूर्णचंद्रोपि यथा विभाति ज्योत्स्नावितानेन हिमांशुजालः

yathā sucaṁdraḥ paribhāti bhāsā sā ramyaceṣṭeva vibhāti tadvat saṁpūrṇacaṁdropi yathā vibhāti jyotsnāvitānena himāṁśujālaḥ

जैसे सुंदर चंद्रमा अपनी आभा से देदीप्यमान होता है, वैसे ही वह अपनी मनोरम चेष्टाओं से देदीप्यमान होती थी; और जैसे पूर्णचंद्र अपनी चाँदनी के आवरण से, शीतल किरणों के समूह से देदीप्यमान होता है —

श्लोक 51 (padma.2.102.51)

तस्यास्तु वक्त्रं परिभाति तद्वच्छोभाकरं विश्वविशारदं च। हिमांशुरेवापि कलंकयुक्तः संक्षीयते नित्यकलाविहीनः

tasyāstu vaktraṁ paribhāti tadvacchobhākaraṁ viśvaviśāradaṁ ca himāṁśurevāpi kalaṁkayuktaḥ saṁkṣīyate nityakalāvihīnaḥ

— वैसे ही उसका मुख शोभा का स्रोत, संपूर्ण विश्व को मोहित करने में निपुण, देदीप्यमान होता था; जबकि चंद्रमा तो कलंकयुक्त है और अपनी कलाओं से रहित होकर सदा क्षीण होता रहता है।

श्लोक 52 (padma.2.102.52)

संपूर्णमस्त्येव सदैव हृष्टं तस्यास्तु वक्त्रं परिनिष्कलंकम् । गंधं विकाशं कमले स्वकीयं ततः समालोक्य सुखं न लेभे

saṁpūrṇamastyeva sadaiva hṛṣṭaṁ tasyāstu vaktraṁ pariniṣkalaṁkam gaṁdhaṁ vikāśaṁ kamale svakīyaṁ tataḥ samālokya sukhaṁ na lebhe

उसका मुख सदा पूर्ण, सदा प्रसन्न और सर्वथा निष्कलंक ही रहता था। अपनी सुगंध और खिलावट को देखकर कमल भी सुख नहीं पा सका।

श्लोक 53 (padma.2.102.53)

पद्मानना सर्वगुणोपपन्ना मदीयभावैःपरिनिर्मितेयम्। गंधं स्वकीयं तु विपश्य पद्मं तस्या मुखाद्वाति जगत्समीरः

padmānanā sarvaguṇopapannā madīyabhāvaiḥparinirmiteyam gaṁdhaṁ svakīyaṁ tu vipaśya padmaṁ tasyā mukhādvāti jagatsamīraḥ

पद्मानना, सर्वगुणसंपन्न वह मानो मेरे ही (शिव के) भावों से रची गई थी। अपनी सुगंध को उससे मात खाते देख कमल म्लान हो गया; उसके मुख से ही मानो जगत् की समस्त सुगंधित वायु प्रवाहित होती थी।

श्लोक 54 (padma.2.102.54)

लज्जाभियुक्तः सहसा बभूव जलं समाश्रित्य सदैव तिष्ठति । कतिमतिनियतबुद्ध्यासौ धियो वदंति सुमदननृपतेः कोशं समुद्र कलाभिः

lajjābhiyuktaḥ sahasā babhūva jalaṁ samāśritya sadaiva tiṣṭhati katimatiniyatabuddhyāsau dhiyo vadaṁti sumadananṛpateḥ kośaṁ samudra kalābhiḥ

(कमल) लज्जा से अभिभूत होकर तुरंत जल में जा छिपा और सदा से वहीं जल के आश्रय में रहता है — इसी निश्चित बुद्धि से बुद्धिजन उसे कामदेव के कोश (भंडार) के समान, चंद्रमा की कलाओं से युक्त कहते हैं।

श्लोक 55 (padma.2.102.55)

सुवरदशनरत्नैर्हास्यलीलाभियुक्ता अरुणअधरबिंबंशोभमानस्तु आस्यः

suvaradaśanaratnairhāsyalīlābhiyuktā aruṇaadharabiṁbaṁśobhamānastu āsyaḥ

उसके श्रेष्ठ दाँत रत्नों के समान थे, वह हास-विलास से युक्त थी, और उसका मुख अरुण बिंब-अधर से सुशोभित था।

श्लोक 56 (padma.2.102.56)

सुभ्रूः सुनासिका तस्याः सुकर्णौ रत्नभूषितौ । हेमकांतिसमोपेतौ कपोलौ दीप्तिसंयुतौ

subhrūḥ sunāsikā tasyāḥ sukarṇau ratnabhūṣitau hemakāṁtisamopetau kapolau dīptisaṁyutau

उसकी भौंहें और नासिका सुंदर थीं, उसके दोनों कान रत्नों से भूषित थे; उसके दोनों कपोल स्वर्ण-कांति से युक्त, तेज से परिपूर्ण थे।

श्लोक 57 (padma.2.102.57)

रेखात्रयं प्रशोभेत ग्रीवायां परिसंस्थितम् । सौभाग्यशीलशृंगारैस्तिस्रो रेखा इहैव हि

rekhātrayaṁ praśobheta grīvāyāṁ parisaṁsthitam saubhāgyaśīlaśṛṁgāraistisro rekhā ihaiva hi

उसकी ग्रीवा पर तीन रेखाएँ सुशोभित थीं; ये तीन रेखाएँ यहाँ सौभाग्य, शील और शृंगार की सूचक थीं।

श्लोक 58 (padma.2.102.58)

सुस्तनौ कठिनौ पीनौ वर्तुलाकारसन्निभौ । तस्याः कंदर्पकलशावभिषेकाय कल्पितौ

sustanau kaṭhinau pīnau vartulākārasannibhau tasyāḥ kaṁdarpakalaśāvabhiṣekāya kalpitau

उसके दोनों स्तन सुंदर, दृढ़, पुष्ट और गोल आकार के थे — मानो कामदेव के अभिषेक के लिए बनाए गए दो कलश हों।

श्लोक 59 (padma.2.102.59)

अंसावतीव शोभेते सुसमौ मानसान्वितौ। सुभुजौ वर्तुलौ श्लक्ष्णौ सुवर्णौ लक्षणान्वितौ

aṁsāvatīva śobhete susamau mānasānvitau subhujau vartulau ślakṣṇau suvarṇau lakṣaṇānvitau

उसके कंधे अत्यंत सुंदर, सुसमान और मनोहर थे; उसकी दोनों भुजाएँ गोल, कोमल, स्वर्ण-वर्ण और शुभ लक्षणों से युक्त थीं।

श्लोक 60 (padma.2.102.60)

सुसमौ करपद्मौ तु पद्मवर्णौ सुशीतलौ । दिव्यलक्षणसंपन्नौ पद्मस्वस्तिकसंयुतौ

susamau karapadmau tu padmavarṇau suśītalau divyalakṣaṇasaṁpannau padmasvastikasaṁyutau

उसके कमल-सम, सम, शीतल दोनों हाथ दिव्य लक्षणों से युक्त थे, कमल और स्वस्तिक के चिह्नों वाले।

श्लोक 61 (padma.2.102.61)

सरलाः पद्मसंयुक्ता अंगुल्यस्तु नखान्विताः। नखानि च सुतीक्ष्णानि जलबिंदुनिभानि च

saralāḥ padmasaṁyuktā aṁgulyastu nakhānvitāḥ nakhāni ca sutīkṣṇāni jalabiṁdunibhāni ca

उसकी उँगलियाँ सीधी, कमल-चिह्नों वाली और नखों से युक्त थीं; उसके नख अत्यंत तीक्ष्ण और जल की बूँदों के समान थे।

श्लोक 62 (padma.2.102.62)

पद्मगर्भप्रतीकाशो वर्णस्तदंगसंभवः । पद्मगंधा च सर्वांगे पद्मेव भाति भामिनी

padmagarbhapratīkāśo varṇastadaṁgasaṁbhavaḥ padmagaṁdhā ca sarvāṁge padmeva bhāti bhāminī

उसका वर्ण, उसके अंगों से उत्पन्न, कमल के गर्भ-सा प्रतीत होता था; समस्त अंगों में कमल-सी सुगंध लिए वह सुंदरी कमल के समान ही देदीप्यमान थी।

श्लोक 63 (padma.2.102.63)

सर्वलक्षणसंपन्ना नगकन्या सुशोभना। रक्तोत्पलनिभौ पादौ सुश्लक्ष्णौ चातिशोभनौ

sarvalakṣaṇasaṁpannā nagakanyā suśobhanā raktotpalanibhau pādau suślakṣṇau cātiśobhanau

सर्वलक्षणों से संपन्न वह पर्वत-कन्या अत्यंत सुंदर थी; उसके दोनों चरण लाल कमल के समान, अत्यंत कोमल और शोभायमान थे।

श्लोक 64 (padma.2.102.64)

रत्नज्योतिः समाकारा नखाः पादाग्रसंभवाः। यथोद्दिष्टं च शास्त्रेषु तथा चांगेषु दृश्यते

ratnajyotiḥ samākārā nakhāḥ pādāgrasaṁbhavāḥ yathoddiṣṭaṁ ca śāstreṣu tathā cāṁgeṣu dṛśyate

उसके चरणों के अग्रभाग में उत्पन्न नख रत्न-ज्योति के समान आकार वाले थे; जैसा शास्त्रों में वर्णित है, वैसा ही उसके अंगों में दिखाई देता था।

श्लोक 65 (padma.2.102.65)

सर्वाभरणशोभांगी हारकंकणनूपुरा। मेखलाकटिसूत्रेण कांचीनादेन राजते

sarvābharaṇaśobhāṁgī hārakaṁkaṇanūpurā mekhalākaṭisūtreṇa kāṁcīnādena rājate

वह समस्त आभूषणों से सुशोभित अंगों वाली थी — हार, कंकण, नूपुर से युक्त; करधनी की कटि-डोरी की झंकार से वह और भी शोभायमान थी।

श्लोक 66 (padma.2.102.66)

नीलेन पट्टवस्त्रेण परां शोभां गता शुभा । कंचुकेनापि दिव्येन सुरक्तेन गुणान्विता

nīlena paṭṭavastreṇa parāṁ śobhāṁ gatā śubhā kaṁcukenāpi divyena suraktena guṇānvitā

नीले रेशमी वस्त्र में वह शुभा परम शोभा को प्राप्त थी; दिव्य, गहरे रंग के अंगिया से भी वह गुणों से युक्त प्रतीत होती थी।

श्लोक 67 (padma.2.102.67)

पार्वती कल्पिताद्भावाद्गुणं प्राप्ता महोदयम्। कल्पद्रुमान्मुदं लेभे शंकरं वाक्यमब्रवीत्

pārvatī kalpitādbhāvādguṇaṁ prāptā mahodayam kalpadrumānmudaṁ lebhe śaṁkaraṁ vākyamabravīt

इस प्रकार पार्वती ने अपने संकल्पित भाव से यह महान् गुणसंपन्न कन्या प्राप्त की; कल्पवृक्ष से उन्हें हर्ष प्राप्त हुआ, और उन्होंने शंकर से यह वचन कहा —

श्लोक 68 (padma.2.102.68)

यथोक्तं तु त्वया देव तथा दृष्टो मया द्रुमः । यादृशं कल्प्यते भावस्तादृशं परिदृश्यते

yathoktaṁ tu tvayā deva tathā dṛṣṭo mayā drumaḥ yādṛśaṁ kalpyate bhāvastādṛśaṁ paridṛśyate

'हे देव! जैसा आपने कहा था, वैसा ही मैंने इस वृक्ष को देखा — जैसी भावना की जाए, वैसा ही यहाँ प्रत्यक्ष हो जाता है।'

श्लोक 69 (padma.2.102.69)

सूत उवाच । अथ सा चारुसर्वांगी तयोः पार्श्वं समेत्य च । पादांबुजं ननामाथ सा भक्त्या भवयोस्तदा

sūta uvāca atha sā cārusarvāṁgī tayoḥ pārśvaṁ sametya ca pādāṁbujaṁ nanāmātha sā bhaktyā bhavayostadā

सूत ने कहा — तब वह सर्वांगसुंदरी उन दोनों के पास जाकर, भक्तिपूर्वक शिव-पार्वती के चरणकमलों में नमन करके,

श्लोक 70 (padma.2.102.70)

उवाच वचनं स्निग्धं हृद्यं हारि च सा तदा। कस्मात्सृष्टा त्वया नाथ मातर्वद स्वकारणम्

uvāca vacanaṁ snigdhaṁ hṛdyaṁ hāri ca sā tadā kasmātsṛṣṭā tvayā nātha mātarvada svakāraṇam

स्नेहयुक्त, हृदयस्पर्शी और मनोहर वचन बोली — 'हे नाथ! मैं किसलिए रची गई हूँ? हे माता! मुझे मेरा कारण बताइए।'

श्लोक 71 (padma.2.102.71)

श्रीदेव्युवाच । वृक्षस्य कौतुकाद्भावान्मया वै प्रत्ययः कृतः । सद्यः प्राप्तं फलं भद्रे भवती रूपसंपदा

śrīdevyuvāca vṛkṣasya kautukādbhāvānmayā vai pratyayaḥ kṛtaḥ sadyaḥ prāptaṁ phalaṁ bhadre bhavatī rūpasaṁpadā

श्री देवी ने कहा — 'इस वृक्ष के प्रति उत्पन्न कौतुकपूर्ण भाव से मैंने एक संकल्प किया था; हे भद्रे! तुम उसी संकल्प के फलस्वरूप, अपने रूप-सौंदर्य सहित, तत्काल प्राप्त हुई हो।'

श्लोक 72 (padma.2.102.72)

अशोकसुंदरी नाम्ना लोके ख्यातिं प्रयास्यसि । सर्वसौभाग्यसंपन्ना मम पुत्री न संशयः

aśokasuṁdarī nāmnā loke khyātiṁ prayāsyasi sarvasaubhāgyasaṁpannā mama putrī na saṁśayaḥ

'तुम संसार में अशोकसुंदरी नाम से प्रसिद्धि प्राप्त करोगी; तुम सर्वसौभाग्य से संपन्न मेरी पुत्री हो, इसमें संदेह नहीं।'

श्लोक 73 (padma.2.102.73)

सोमवंशेषु विख्यातो यथा देवः पुरंदरः । नहुषोनाम राजेंद्रस्तव नाथो भविष्यति

somavaṁśeṣu vikhyāto yathā devaḥ puraṁdaraḥ nahuṣonāma rājeṁdrastava nātho bhaviṣyati

'सोमवंश में इंद्र के समान विख्यात नहुष नामक राजेंद्र तुम्हारे स्वामी (पति) होंगे।'

श्लोक 74 (padma.2.102.74)

एवं दत्वा वरं तस्यै जगाम गिरिजा गिरिम् । कैलासं शंकरेणापि मुदा परमया युता

evaṁ datvā varaṁ tasyai jagāma girijā girim kailāsaṁ śaṁkareṇāpi mudā paramayā yutā

इस प्रकार उसे वर देकर गिरिजा शंकर के साथ, परम आनंद से युक्त होकर, पर्वत कैलास को चली गईं।