हुंड का शाप और दत्तात्रेय का वरदान

श्लोक 1 (padma.2.103.1)

'कुञ्जल उवाच । अशोकसुन्दरी जाता सर्वयोषिद्वरा तदा। रेमे सुनन्दने पुण्ये सर्वकामगुणान्विते

'kuñjala uvāca aśokasundarī jātā sarvayoṣidvarā tadā reme sunandane puṇye sarvakāmaguṇānvite

कुंजल ने कहा — तब उत्पन्न हुई अशोकसुंदरी, समस्त स्त्रियों में श्रेष्ठ, समस्त कामनाओं के गुणों से युक्त उस पवित्र नंदन वन में विचरण करने लगी।

श्लोक 2 (padma.2.103.2)

सुरूपाभिः सुकन्याभिर्देवानां चारुहासिनी । सर्वान्भोगान्प्रभुञ्जाना गीतनृत्यविचक्षणा

surūpābhiḥ sukanyābhirdevānāṁ cāruhāsinī sarvānbhogānprabhuñjānā gītanṛtyavicakṣaṇā

देवताओं की सुंदर कन्याओं के साथ, मधुर हास्य वाली वह समस्त भोगों का उपभोग करती, गीत-नृत्य में निपुण थी।

श्लोक 3 (padma.2.103.3)

विप्रचित्तेः सुतो हुण्डो रौद्रस्तीव्रश्च सर्वदा । स्वेच्छाचारो महाकामी नन्दनं प्रविवेश ह

vipracitteḥ suto huṇḍo raudrastīvraśca sarvadā svecchācāro mahākāmī nandanaṁ praviveśa ha

विप्रचित्ति का पुत्र हुंड, सदा रौद्र और उग्र स्वभाव वाला, स्वेच्छाचारी, अत्यंत कामी, नंदन वन में प्रवेश कर गया।

श्लोक 4 (padma.2.103.4)

अशोकसुन्दरीं दृष्ट्वा सर्वालङ्कारसंयुताम् । तस्यास्तु दर्शनाद्दैत्यो विद्धः कामस्य मार्गणैः

aśokasundarīṁ dṛṣṭvā sarvālaṅkārasaṁyutām tasyāstu darśanāddaityo viddhaḥ kāmasya mārgaṇaiḥ

समस्त आभूषणों से युक्त अशोकसुंदरी को देखकर, उसके दर्शन मात्र से वह दैत्य कामदेव के बाणों से विद्ध हो गया।

श्लोक 5 (padma.2.103.5)

तामुवाच महाकायः का त्वं कस्यासि वा शुभे । कस्मात्त्वं कारणाच्चात्र आगतासि वनोत्तमम्

tāmuvāca mahākāyaḥ kā tvaṁ kasyāsi vā śubhe kasmāttvaṁ kāraṇāccātra āgatāsi vanottamam

उस विशालकाय ने उससे कहा — 'हे शुभे! तुम कौन हो, किसकी पुत्री हो? किस कारण तुम इस श्रेष्ठ वन में आई हो?'

श्लोक 6 (padma.2.103.6)

'अशोकसुन्दर्युवाच । शिवस्यापि सुपुण्यस्य सुताहं शृणु साम्प्रतम् । स्वसाहं कार्तिकेयस्य जननी गोत्रजापि मे

'aśokasundaryuvāca śivasyāpi supuṇyasya sutāhaṁ śṛṇu sāmpratam svasāhaṁ kārtikeyasya jananī gotrajāpi me

अशोकसुंदरी ने कहा — 'मैं परम पुण्यशाली शिव की पुत्री हूँ, यह सुन लो; मैं कार्तिकेय की बहन हूँ, वही मेरे भी माता-पिता हैं।'

श्लोक 7 (padma.2.103.7)

बालभावेन सम्प्राप्ता लीलया नन्दनं वनम् । भवान्कोहि किमर्थं तु मामेवं परिपृच्छति

bālabhāvena samprāptā līlayā nandanaṁ vanam bhavānkohi kimarthaṁ tu māmevaṁ paripṛcchati

'मैं बाल-स्वभाव से लीलावश इस नंदन वन में आई हूँ। तुम कौन हो, और किसलिए मुझसे इस प्रकार पूछ रहे हो?'

श्लोक 8 (padma.2.103.8)

हुण्ड उवाच । विप्रचित्तेः सुतश्चाहं गुणलक्षणसंयुतः। हुण्डेति नाम्ना विख्यातो बलवीर्यमदोद्धतः

huṇḍa uvāca vipracitteḥ sutaścāhaṁ guṇalakṣaṇasaṁyutaḥ huṇḍeti nāmnā vikhyāto balavīryamadoddhataḥ

हुंड ने कहा — 'मैं विप्रचित्ति का पुत्र हूँ, गुण और लक्षणों से युक्त; बल और वीर्य के मद से उन्मत्त, हुंड नाम से विख्यात हूँ।'

श्लोक 9 (padma.2.103.9)

दैत्यानामप्यहं श्रेष्ठो मत्समो नास्ति राक्षसः । देवेषु मर्त्यलोकेषु तपसा यशसा कुले

daityānāmapyahaṁ śreṣṭho matsamo nāsti rākṣasaḥ deveṣu martyalokeṣu tapasā yaśasā kule

'दैत्यों में भी मैं श्रेष्ठ हूँ, मेरे समान कोई राक्षस नहीं है — न देवताओं में, न मनुष्यलोक में, न तप में, न यश में, न कुल में।'

श्लोक 10 (padma.2.103.10)

अन्येषु नागलोकेषु धनभोगैर्वरानने । दर्शनात्ते विशालाक्षि हतः कन्दर्पमार्गणैः

anyeṣu nāgalokeṣu dhanabhogairvarānane darśanātte viśālākṣi hataḥ kandarpamārgaṇaiḥ

'न अन्य नागलोकों में, हे सुमुखी! धन और भोग में। हे विशाललोचना! तुम्हारे दर्शन मात्र से मैं कामदेव के बाणों से आहत हो गया हूँ।'

श्लोक 11 (padma.2.103.11)

शरणं ते ह्यहं प्राप्तः प्रसादसुमुखी भव । भव स्ववल्लभा भार्या मम प्राणसमा प्रिया

śaraṇaṁ te hyahaṁ prāptaḥ prasādasumukhī bhava bhava svavallabhā bhāryā mama prāṇasamā priyā

'मैं तुम्हारी शरण में आया हूँ, तुम प्रसन्नमुखी होकर मुझ पर कृपा करो। तुम मेरी प्रिय, प्राणसम प्यारी पत्नी बन जाओ।'

श्लोक 12 (padma.2.103.12)

अशोकसुन्दर्युवाच । श्रूयतामभिधास्यामि सर्वसंबंधकारणम्। भवितव्या सुजातस्य लोके स्त्री पुरुषस्य हि

aśokasundaryuvāca śrūyatāmabhidhāsyāmi sarvasaṁbaṁdhakāraṇam bhavitavyā sujātasya loke strī puruṣasya hi

अशोकसुंदरी ने कहा — 'सुनो, मैं सारा कारण बताती हूँ। इस लोक में जो पुरुष उत्तम कुल में जन्मा हो, उसके लिए एक स्त्री निश्चित होती है।'

श्लोक 13 (padma.2.103.13)

भवितव्यस्तथा भर्ता स्त्रिया यः सदृशो गुणैः । संसारे लोकमार्गोयं शृणु हुण्ड यथाविधि

bhavitavyastathā bhartā striyā yaḥ sadṛśo guṇaiḥ saṁsāre lokamārgoyaṁ śṛṇu huṇḍa yathāvidhi

'वैसे ही स्त्री के लिए भी वही पति निश्चित होता है जो गुणों में उसके समान हो। यह संसार का नियम है, हे हुंड! विधिपूर्वक सुनो।'

श्लोक 14 (padma.2.103.14)

अस्त्येव कारणं चात्र यथा तेन भवाम्यहम् । सुभार्या दैत्यराजेन्द्र शृणुष्व यतमानसः

astyeva kāraṇaṁ cātra yathā tena bhavāmyaham subhāryā daityarājendra śṛṇuṣva yatamānasaḥ

'इसका एक निश्चित कारण है, जिससे मैं इस प्रकार हूँ। हे दैत्यराजेंद्र! मैं किस श्रेष्ठ पुरुष की पत्नी बनूँगी, यह मन लगाकर सुनो।'

श्लोक 15 (padma.2.103.15)

वृक्षराजादहं जाता यदा काले महामते । शम्भोर्भावं सुसङ्गृह्य पार्वत्या कल्पिता ह्यहम्

vṛkṣarājādahaṁ jātā yadā kāle mahāmate śambhorbhāvaṁ susaṅgṛhya pārvatyā kalpitā hyaham

'हे बुद्धिमान्! जब समय आने पर मैं कल्पवृक्ष से उत्पन्न हुई, तब शिव के भाव को ग्रहण कर पार्वती द्वारा मैं रची गई।'

श्लोक 16 (padma.2.103.16)

देवस्यानुमते देव्या सृष्टो भर्ता ममैव हि । सोमवंशे महाप्राज्ञः स धर्मात्मा भविष्यति

devasyānumate devyā sṛṣṭo bhartā mamaiva hi somavaṁśe mahāprājñaḥ sa dharmātmā bhaviṣyati

'देव की अनुमति से देवी द्वारा ही मेरा पति भी सृजित/निश्चित किया गया — वह सोमवंश में महाबुद्धिमान्, धर्मात्मा होगा।'

श्लोक 17 (padma.2.103.17)

जिष्णुर्जिष्णुसमो वीर्ये तेजसा पावकोपमः। सर्वज्ञः सत्यसन्धश्च त्यागे वैश्रवणोपमः

jiṣṇurjiṣṇusamo vīrye tejasā pāvakopamaḥ sarvajñaḥ satyasandhaśca tyāge vaiśravaṇopamaḥ

'विजयशील, पराक्रम में विजय के समान, तेज में अग्नि के समान, सर्वज्ञ, सत्यप्रतिज्ञ, त्याग में कुबेर के समान होगा।'

श्लोक 18 (padma.2.103.18)

यज्वा दानपतिः सोपि रूपेण मन्मथोपमः । नहुषोनाम धर्मात्मा गुणशील महानिधिः

yajvā dānapatiḥ sopi rūpeṇa manmathopamaḥ nahuṣonāma dharmātmā guṇaśīla mahānidhiḥ

'यज्ञ करने वाला, दान का स्वामी, रूप में कामदेव के समान, नहुष नाम से विख्यात, धर्मात्मा, गुण-शील का महान् भंडार होगा।'

श्लोक 19 (padma.2.103.19)

देव्या देवेन मे दत्तःख्यातोभर्ताभविष्यति । तस्मात्सर्वगुणोपेतं पुत्रमाप्स्यामि सुन्दरम्

devyā devena me dattaḥkhyātobhartābhaviṣyati tasmātsarvaguṇopetaṁ putramāpsyāmi sundaram

'देवी और देव द्वारा मुझे दिया गया वह प्रसिद्ध पति होगा। उसी से मुझे सर्वगुणसंपन्न सुंदर पुत्र प्राप्त होगा —'

श्लोक 20 (padma.2.103.20)

इन्द्रोपेन्द्र समं लोके ययातिं जनवल्लभम्। लप्स्याम्यहं रणे धीरं तस्माच्छम्भोः प्रसादतः

indropendra samaṁ loke yayātiṁ janavallabham lapsyāmyahaṁ raṇe dhīraṁ tasmācchambhoḥ prasādataḥ

'इंद्र और उपेंद्र के समान संसार में प्रिय ययाति; युद्ध में धैर्यवान् उस पुत्र को मैं, शिव की कृपा से, प्राप्त करूँगी।'

श्लोक 21 (padma.2.103.21)

अहं पतिव्रता वीर परभार्या विशेषतः। अतस्त्वं सर्वथा हुण्ड त्यज भ्रान्तिमितोव्रज

ahaṁ pativratā vīra parabhāryā viśeṣataḥ atastvaṁ sarvathā huṇḍa tyaja bhrāntimitovraja

'हे वीर! मैं पतिव्रता हूँ, विशेष रूप से पराई पत्नी के समान (अर्थात् किसी और के लिए अगम्य) हूँ। इसलिए, हे हुंड! तुम सब प्रकार से यह भ्रम त्याग दो और यहाँ से चले जाओ।'

श्लोक 22 (padma.2.103.22)

प्रहस्यैव वचो ब्रूते अशोकसुन्दरीं प्रति। 'हुण्ड उवाच । नैव युक्तं त्वया प्रोक्तं देव्या देवेन चैव हि

prahasyaiva vaco brūte aśokasundarīṁ prati 'huṇḍa uvāca naiva yuktaṁ tvayā proktaṁ devyā devena caiva hi

वह हँसते हुए ही अशोकसुंदरी से यह वचन बोला — हुंड ने कहा — 'देवी और देव के द्वारा जो तुमसे कहा गया, वह उचित प्रतीत नहीं होता।'

श्लोक 23 (padma.2.103.23)

नहुषोनाम धर्मात्मा सोमवंशे भविष्यति। भवती वयसा श्रेष्ठा कनिष्ठो न स युज्यते

nahuṣonāma dharmātmā somavaṁśe bhaviṣyati bhavatī vayasā śreṣṭhā kaniṣṭho na sa yujyate

'सोमवंश में धर्मात्मा नहुष नाम का जो होगा — तुम आयु में उससे बड़ी हो, और छोटा वर उपयुक्त नहीं होता।'

श्लोक 24 (padma.2.103.24)

कनिष्ठा स्त्री प्रशस्ता तु पुरुषो न प्रशस्यते । कदा स पुरुषो भद्रे तव भर्ता भविष्यति

kaniṣṭhā strī praśastā tu puruṣo na praśasyate kadā sa puruṣo bhadre tava bhartā bhaviṣyati

'छोटी उम्र की स्त्री प्रशंसनीय होती है, परंतु छोटी उम्र का पुरुष प्रशंसनीय नहीं होता। हे भद्रे! वह पुरुष कब तुम्हारा पति बन पाएगा?'

श्लोक 25 (padma.2.103.25)

तारुण्यं यौवनं चापि नाशमेवं प्रयास्यति। यौवनस्य बलेनापि रूपवत्यः सदा स्त्रियः

tāruṇyaṁ yauvanaṁ cāpi nāśamevaṁ prayāsyati yauvanasya balenāpi rūpavatyaḥ sadā striyaḥ

'तुम्हारा तारुण्य और यौवन तब तक व्यर्थ ही नष्ट हो जाएगा। यौवन के बल से ही रूपवती स्त्रियाँ सदा —'

श्लोक 26 (padma.2.103.26)

पुरुषाणां वल्लभत्वं प्रयान्ति वरवर्णिनि । तारुण्यं हि महामूलं युवतीनां वरानने

puruṣāṇāṁ vallabhatvaṁ prayānti varavarṇini tāruṇyaṁ hi mahāmūlaṁ yuvatīnāṁ varānane

'— हे वरवर्णिनी! पुरुषों की प्रियता को प्राप्त होती हैं। हे वरानने! यौवन ही युवतियों का महामूल है।'

श्लोक 27 (padma.2.103.27)

तस्या धारेण भुंजंति भोगान्कामान्मनोनुगान् । कदा सोभ्येष्यते भद्रे आयोः पुत्रः शृणुष्व मे

tasyā dhāreṇa bhuṁjaṁti bhogānkāmānmanonugān kadā sobhyeṣyate bhadre āyoḥ putraḥ śṛṇuṣva me

'उसी के सहारे वे मनचाहे भोग और कामनाएँ भोगती हैं। हे भद्रे! आयु का वह पुत्र कब बड़ा होगा, मुझसे सुनो।'

श्लोक 28 (padma.2.103.28)

यौवनं वर्ततेऽद्यैव वृथा चैव भविष्यति। गर्भत्वं च शिशुत्वं च कौमारं च निशामय

yauvanaṁ vartate'dyaiva vṛthā caiva bhaviṣyati garbhatvaṁ ca śiśutvaṁ ca kaumāraṁ ca niśāmaya

'तुम्हारा यौवन अभी है और व्यर्थ ही बीत जाएगा। गर्भावस्था, शैशव और कौमार अवस्था को भी देखो —'

श्लोक 29 (padma.2.103.29)

कदासौ यौवनोपेतस्तव योग्यो भविष्यति । यौवनस्य प्रभावेन पिबस्व मधुमाधवीम्

kadāsau yauvanopetastava yogyo bhaviṣyati yauvanasya prabhāvena pibasva madhumādhavīm

'— वह यौवनयुक्त होकर तुम्हारे योग्य कब होगा? यौवन के प्रभाव में अभी मधु-माधवी का पान करो।'

श्लोक 30 (padma.2.103.30)

मया सह विशालाक्षि रमस्व त्वं सुखेन वै। हुण्डस्य वचनं श्रुत्वा शिवस्य तनया पुनः

mayā saha viśālākṣi ramasva tvaṁ sukhena vai huṇḍasya vacanaṁ śrutvā śivasya tanayā punaḥ

'हे विशाललोचना! मेरे साथ सुखपूर्वक रमण करो।' हुंड का यह वचन सुनकर शिव की पुत्री ने फिर से —

श्लोक 31 (padma.2.103.31)

उवाच दानवेन्द्रं तं साध्वसेन समन्विता। अष्टाविञ्शतिके प्राप्ते द्वापराख्ये युगे तदा

uvāca dānavendraṁ taṁ sādhvasena samanvitā aṣṭāviñśatike prāpte dvāparākhye yuge tadā

— भय से युक्त होते हुए भी उस दानवेंद्र से यह कहा — जब द्वापर नाम का अट्ठाईसवाँ युग आएगा, तब —

श्लोक 32 (padma.2.103.32)

शेषावतारो धर्मात्मा वसुदेवसुतो बलः। रेवतस्य सुतां दिव्यां भार्यां स च करिष्यति

śeṣāvatāro dharmātmā vasudevasuto balaḥ revatasya sutāṁ divyāṁ bhāryāṁ sa ca kariṣyati

'शेष के अवतार, धर्मात्मा, वसुदेव के पुत्र बल (बलराम) — रेवत की दिव्य कन्या को अपनी पत्नी बनाएँगे।'

श्लोक 33 (padma.2.103.33)

सापि जाता महाभाग कृताख्ये हि युगोत्तमे । युगत्रयप्रमाणेन सा हि ज्येष्ठा बलादपि

sāpi jātā mahābhāga kṛtākhye hi yugottame yugatrayapramāṇena sā hi jyeṣṭhā balādapi

'हे महाभाग! वह कन्या भी सतयुग नामक श्रेष्ठ युग में उत्पन्न हुई थी — तीन युगों जितनी आयु में वह बल से भी ज्येष्ठ है।'

श्लोक 34 (padma.2.103.34)

बलस्य सा प्रिया जाता रेवती प्राणसम्मिता। भविष्यद्वापरे प्राप्त इह सा तु भविष्यति

balasya sā priyā jātā revatī prāṇasammitā bhaviṣyadvāpare prāpta iha sā tu bhaviṣyati

'बल की प्रिय रेवती, उसे प्राणों के समान प्रिय, उत्पन्न हो चुकी है — और वह द्वापर के आने पर ही यहाँ (उसकी पत्नी) बनेगी।'

श्लोक 35 (padma.2.103.35)

मायावती पुरा जाता गन्धर्वतनया वरा । अपहृत्य नियम्यैव शम्बरो दानवोत्तमः

māyāvatī purā jātā gandharvatanayā varā apahṛtya niyamyaiva śambaro dānavottamaḥ

'पूर्वकाल में गंधर्व की श्रेष्ठ पुत्री मायावती उत्पन्न हुई थी, जिसे श्रेष्ठ दानव शंबर ने हरकर बंदी बना लिया था।'

श्लोक 36 (padma.2.103.36)

तस्या भर्ता समाख्यातो माधवस्य सुतो बली। प्रद्युम्नो नाम वीरेशो यादवेश्वरनन्दनः

tasyā bhartā samākhyāto mādhavasya suto balī pradyumno nāma vīreśo yādaveśvaranandanaḥ

'उसका पति, यह बताया गया है, माधव (कृष्ण) का बलशाली पुत्र होगा — यादवेश्वर का पुत्र, वीरों का स्वामी प्रद्युम्न नाम से।'

श्लोक 37 (padma.2.103.37)

तस्मिन्युगे भविष्येत भाव्यं दृष्टं पुरातनैः। व्यासादिभिर्महाभागैर्ज्ञानवद्भिर्महात्मभिः

tasminyuge bhaviṣyeta bhāvyaṁ dṛṣṭaṁ purātanaiḥ vyāsādibhirmahābhāgairjñānavadbhirmahātmabhiḥ

'वह उसी युग में होगा — यह भावी बात व्यास आदि प्राचीन, ज्ञानी और महात्मा महर्षियों द्वारा भी देखी गई है।'

श्लोक 38 (padma.2.103.38)

एवं हि दृश्यते दैत्य वाक्यं देव्या तदोदितम्। मां प्रति हि जगद्धात्र्या पुत्र्या हिमवतस्तदा

evaṁ hi dṛśyate daitya vākyaṁ devyā tadoditam māṁ prati hi jagaddhātryā putryā himavatastadā

'हे दैत्य! इस प्रकार, जगत् की माता उन देवी (पार्वती) की कही हुई बात, हिमवान् की उस पुत्री के विषय में — यह सत्य ही सिद्ध होती है।'

श्लोक 39 (padma.2.103.39)

त्वं तु लोभेन कामेन लुब्धो वदसि दुष्कृतम् । किल्बिषेण समाजुष्टं वेदशास्त्रविवर्जितम्

tvaṁ tu lobhena kāmena lubdho vadasi duṣkṛtam kilbiṣeṇa samājuṣṭaṁ vedaśāstravivarjitam

'परंतु तुम लोभ और काम से अंधे होकर दुष्ट वचन बोल रहे हो — पापयुक्त, वेद-शास्त्र से रहित वचन।'

श्लोक 40 (padma.2.103.40)

यद्यस्यदिष्टमेवास्ति शुभं वाप्यशुभं दृढम् । पूर्वकर्मानुसारेण तत्तस्य परिजायते

yadyasyadiṣṭamevāsti śubhaṁ vāpyaśubhaṁ dṛḍham pūrvakarmānusāreṇa tattasya parijāyate

'जो भी किसी के लिए निश्चित है, चाहे शुभ हो या अशुभ, वह अटल है — वह पूर्वकर्म के अनुसार ही उसे प्राप्त होता है।'

श्लोक 41 (padma.2.103.41)

देवानां ब्राह्मणानां च वदने यत्सुभाषितम्। निःसरेद्यदि सत्यं तदन्यथा नैव जायते

devānāṁ brāhmaṇānāṁ ca vadane yatsubhāṣitam niḥsaredyadi satyaṁ tadanyathā naiva jāyate

'देवताओं और ब्राह्मणों के मुख से जो सुभाषित निकले, यदि वह सत्य है, तो वह अन्यथा कभी नहीं होता।'

श्लोक 42 (padma.2.103.42)

मद्भाग्यादेवमाज्ञातं नहुषस्यापि तस्य च। समायोगं विचार्यैवं देव्या प्रोक्तं शिवेन च

madbhāgyādevamājñātaṁ nahuṣasyāpi tasya ca samāyogaṁ vicāryaivaṁ devyā proktaṁ śivena ca

'मेरे भाग्य से ही ऐसा जाना गया — नहुष के साथ मेरा वह संयोग देवी और शिव द्वारा विचार करके ही कहा गया है।'

श्लोक 43 (padma.2.103.43)

एवं ज्ञात्वा शमं गच्छ त्यज भ्रान्तिं मनःस्थिताम्। नैव शक्तो भवान्दैत्य मे मनश्चालितुं ध्रुवम्

evaṁ jñātvā śamaṁ gaccha tyaja bhrāntiṁ manaḥsthitām naiva śakto bhavāndaitya me manaścālituṁ dhruvam

'यह जानकर शांत हो जाओ, अपने मन में बसा यह भ्रम त्याग दो। हे दैत्य! तुम निश्चय ही मेरे मन को विचलित करने में समर्थ नहीं हो।'

श्लोक 44 (padma.2.103.44)

पतिव्रता दृढा चित्ते स को मे चालितुं क्षमः। महाशापेन धक्ष्यामि इतो गच्छ महासुर

pativratā dṛḍhā citte sa ko me cālituṁ kṣamaḥ mahāśāpena dhakṣyāmi ito gaccha mahāsura

'मेरा हृदय पतिव्रत में दृढ़ है — मुझे कौन विचलित कर सकता है? हे महासुर! अन्यथा मैं महाशाप से तुम्हें भस्म कर दूँगी — यहाँ से चले जाओ।'

श्लोक 45 (padma.2.103.45)

एवमाकर्ण्य तद्वाक्यं हुण्डो वै दानवो बली । मनसा चिन्तयामास कथं भार्या भवेदियम्

evamākarṇya tadvākyaṁ huṇḍo vai dānavo balī manasā cintayāmāsa kathaṁ bhāryā bhavediyam

बलशाली दानव हुंड यह वचन सुनकर मन में विचार करने लगा कि यह किस प्रकार उसकी पत्नी बने।

श्लोक 46 (padma.2.103.46)

विचिन्त्य हुण्डो मायावी अन्तर्धानं समागतः । ततो निष्क्रम्य वेगेन तस्मात्स्थानाद्विहाय ताम्। अन्यस्मिन्दिवसे प्राप्ते मायां कृत्वा तमोमयीम्

vicintya huṇḍo māyāvī antardhānaṁ samāgataḥ tato niṣkramya vegena tasmātsthānādvihāya tām anyasmindivase prāpte māyāṁ kṛtvā tamomayīm

विचार करके मायावी हुंड वहाँ से अंतर्धान हो गया। फिर वेगपूर्वक उस स्थान से निकलकर, उसे छोड़कर, दूसरे दिन आने पर तमोमयी माया रचकर —

श्लोक 47 (padma.2.103.47)

दिव्यं मायामयं रूपं कृत्वा नार्यास्तु दानवः । मायया कन्यका रूपो बभूव मम नन्दन

divyaṁ māyāmayaṁ rūpaṁ kṛtvā nāryāstu dānavaḥ māyayā kanyakā rūpo babhūva mama nandana

— उस दानव ने एक स्त्री का दिव्य, मायामय रूप धारण किया। हे पुत्र! माया से वह एक कन्या के रूप में बन गया।

श्लोक 48 (padma.2.103.48)

सा कन्यापि वरारोहा मायारूपागमत्ततः। हास्यलीला समायुक्ता यत्रास्ते भवनन्दिनी

sā kanyāpi varārohā māyārūpāgamattataḥ hāsyalīlā samāyuktā yatrāste bhavanandinī

वह सुंदर कन्या-रूप माया वहाँ पहुँची, जहाँ हास्य-विलास में लीन शिव-पुत्री बैठी थी।

श्लोक 49 (padma.2.103.49)

उवाच वाक्यं स्निग्धेव अशोकसुन्दरीं प्रति । कासि कस्यासि सुभगे तिष्ठसि त्वं तपोवने

uvāca vākyaṁ snigdheva aśokasundarīṁ prati kāsi kasyāsi subhage tiṣṭhasi tvaṁ tapovane

उसने अशोकसुंदरी से स्नेहभरा वचन कहा — 'तुम कौन हो, किसकी पुत्री हो, हे सुभगे! तुम इस तपोवन में क्यों ठहरी हो?'

श्लोक 50 (padma.2.103.50)

किमर्थं क्रियते बाले कामशोषणकं तपः। तन्ममाचक्ष्व सुभगे किन्निमित्तं सुदुष्करम्

kimarthaṁ kriyate bāle kāmaśoṣaṇakaṁ tapaḥ tanmamācakṣva subhage kinnimittaṁ suduṣkaram

'हे बाला! तुम किसलिए काम को क्षीण करने वाला यह कठोर तप कर रही हो? हे सुभगे! वह मुझे बताओ — किस कारण यह अत्यंत दुष्कर तप?'

श्लोक 51 (padma.2.103.51)

तन्निशम्य शुभं वाक्यं दानवेनापि भाषितम् । मायारूपेण छन्नेन साभिलाषेण सत्वरम्

tanniśamya śubhaṁ vākyaṁ dānavenāpi bhāṣitam māyārūpeṇa channena sābhilāṣeṇa satvaram

उस दानव के छद्म माया-रूप से कहे गए इस शुभ, प्रेमपूर्ण वचन को सुनकर, अशोकसुंदरी ने शीघ्र ही —

श्लोक 52 (padma.2.103.52)

आत्मसृष्टि सुवृत्तान्तं प्रवृत्तं तु यथा पुरा । तपसः कारणं सर्वं समाचष्ट सुदुःखिता

ātmasṛṣṭi suvṛttāntaṁ pravṛttaṁ tu yathā purā tapasaḥ kāraṇaṁ sarvaṁ samācaṣṭa suduḥkhitā

— अपनी उत्पत्ति का सारा वृत्तांत जैसा पहले हुआ था, और अपने तप का सारा कारण, अत्यंत दुःखी होकर बता दिया।

श्लोक 53 (padma.2.103.53)

उपप्लवं तु तस्यापि दानवस्य दुरात्मनः। मायारूपं न जानाति सौहृदात्कथितं तया

upaplavaṁ tu tasyāpi dānavasya durātmanaḥ māyārūpaṁ na jānāti sauhṛdātkathitaṁ tayā

उस दुरात्मा दानव की माया को न पहचानते हुए, स्नेहवश उसने अपनी उस विपत्ति की बात भी उसे कह सुनाई।

श्लोक 54 (padma.2.103.54)

"हुण्ड उवाच । पतिव्रतासि हे देवि साधुव्रतपरायणा। साधुशीलसमाचारा साधुचारा महासती

"huṇḍa uvāca pativratāsi he devi sādhuvrataparāyaṇā sādhuśīlasamācārā sādhucārā mahāsatī

हुंड ने (स्त्री-रूप में) कहा — 'हे देवी! तुम पतिव्रता हो, सज्जन-व्रत में तत्पर, सदाचारिणी और महासती हो।'

श्लोक 55 (padma.2.103.55)

अहं पतिव्रता भद्रे पतिव्रतपरायणा। तपश्चरामि सुभगे भर्तुरर्थे महासती

ahaṁ pativratā bhadre pativrataparāyaṇā tapaścarāmi subhage bharturarthe mahāsatī

'हे सुभगे! मैं भी पतिव्रता हूँ, पतिव्रत में तत्पर हूँ; हे महासती! मैं भी अपने पति के लिए ही यह तप कर रही हूँ।'

श्लोक 56 (padma.2.103.56)

मम भर्ता हतस्तेन हुंडेनापि दुरात्मना। तस्य नाशाय वै घोरं तपस्यामि महत्तपः

mama bhartā hatastena huṁḍenāpi durātmanā tasya nāśāya vai ghoraṁ tapasyāmi mahattapaḥ

'मेरे पति को उसी दुरात्मा हुंड ने मार डाला। उसी के नाश के लिए मैं यह घोर, महान् तप कर रही हूँ।'

श्लोक 57 (padma.2.103.57)

एहि मे स्वाश्रमे पुण्ये गंगातीरे वसाम्यहम्। अन्यैर्मनोहरैर्वाक्यैरुक्ता प्रत्ययकारकैः

ehi me svāśrame puṇye gaṁgātīre vasāmyaham anyairmanoharairvākyairuktā pratyayakārakaiḥ

'आओ, मेरे पवित्र आश्रम में — मैं गंगातट पर निवास करती हूँ।' — इसी प्रकार के अन्य मनोहर, विश्वासजनक वचनों से —

श्लोक 58 (padma.2.103.58)

हुंडेन सखिभावेन मोहिता शिवनंदिनी। समाकृष्टा सुवेगेन महामोहेन मोहिता

huṁḍena sakhibhāvena mohitā śivanaṁdinī samākṛṣṭā suvegena mahāmohena mohitā

— सखी-भाव से हुंड ने शिव-पुत्री को मोहित कर दिया। वह महामोह से मोहित होकर वेगपूर्वक खिंच गई।

श्लोक 59 (padma.2.103.59)

आनीतात्मगृहं दिव्यमनौपम्यं सुशोभनम्। मेरोस्तु शिखरे पुत्र वैडूर्याख्यं पुरोत्तमम्

ānītātmagṛhaṁ divyamanaupamyaṁ suśobhanam merostu śikhare putra vaiḍūryākhyaṁ purottamam

वह अपने ही दिव्य, अनुपम, अत्यंत सुंदर घर ले आया गया — हे पुत्र! मेरु के शिखर पर स्थित वैडूर्य नामक श्रेष्ठ नगर में,

श्लोक 60 (padma.2.103.60)

अस्ति सर्वगुणोपेतं कांचनाख्यं महाशिवम्। तुंगप्रासादसंबाधैः कलशैर्दंडचामरैः

asti sarvaguṇopetaṁ kāṁcanākhyaṁ mahāśivam tuṁgaprāsādasaṁbādhaiḥ kalaśairdaṁḍacāmaraiḥ

जो सर्वगुणसंपन्न, कांचन नामक, अत्यंत शिवमय (कल्याणकारी) है — ऊँचे प्रासादों, कलशों, दंड और चामरों से युक्त,

श्लोक 61 (padma.2.103.61)

नानवृक्षसमोपेतैर्वनैर्नीलैर्घनोपमैः। वापीकूपतडागैश्च नदीभिस्तु जलाशयैः

nānavṛkṣasamopetairvanairnīlairghanopamaiḥ vāpīkūpataḍāgaiśca nadībhistu jalāśayaiḥ

नाना वृक्षों से युक्त, मेघ-सदृश श्याम वनों से, बावड़ियों, कुओं, तालाबों और नदियों के जलाशयों से,

श्लोक 62 (padma.2.103.62)

शोभमानं महारत्नैः प्राकारैर्हेमसंयतैः। सर्वकामसमृद्धार्थं सम्पूर्णं दानवस्य हि

śobhamānaṁ mahāratnaiḥ prākārairhemasaṁyataiḥ sarvakāmasamṛddhārthaṁ sampūrṇaṁ dānavasya hi

बड़े-बड़े रत्नों और स्वर्णिम प्राचीरों से शोभायमान — उस दानव का यह नगर समस्त कामनाओं की समृद्धि से परिपूर्ण था।

श्लोक 63 (padma.2.103.63)

ददृशे सा पुरं रम्यमशोकसुन्दरी तदा। कस्य देवस्य संस्थानं कथयस्व सखे मम

dadṛśe sā puraṁ ramyamaśokasundarī tadā kasya devasya saṁsthānaṁ kathayasva sakhe mama

अशोकसुंदरी ने उस रमणीय नगर को देखकर कहा — 'यह किस देवता का निवासस्थान है? हे सखी, मुझे बताओ।'

श्लोक 64 (padma.2.103.64)

सोवाच दानवेन्द्रस्य दृष्टपूर्वस्य वै त्वया। तस्य स्थानं महाभागे सोऽहं दानवपुङ्गवः

sovāca dānavendrasya dṛṣṭapūrvasya vai tvayā tasya sthānaṁ mahābhāge so'haṁ dānavapuṅgavaḥ

उसने उत्तर दिया — 'हे महाभागे! यह उसी दानवेंद्र का स्थान है, जिसे तुमने पहले देखा था — मैं ही वह श्रेष्ठ दानव हूँ।'

श्लोक 65 (padma.2.103.65)

मया त्वं तु समानीता मायया वरवर्णिनि । तामाभाष्य गृहं नीता शातकौम्भं सुशोभनम्

mayā tvaṁ tu samānītā māyayā varavarṇini tāmābhāṣya gṛhaṁ nītā śātakaumbhaṁ suśobhanam

'हे वरवर्णिनी! तुम्हें मैंने माया से यहाँ ला दिया है।' उससे यह कहकर वह उसे उस सुंदर स्वर्णिम भवन में ले गया,

श्लोक 66 (padma.2.103.66)

नानावेश्मैः समाजुष्टं कैलासशिखरोपमम्। निवेश्य सुंदरीं तत्र दोलायां कामपीडितः

nānāveśmaiḥ samājuṣṭaṁ kailāsaśikharopamam niveśya suṁdarīṁ tatra dolāyāṁ kāmapīḍitaḥ

जो अनेक भवनों से भरा, कैलास शिखर के समान था। उस सुंदरी को वहाँ एक झूले पर बिठाकर, काम से पीड़ित होकर,

श्लोक 67 (padma.2.103.67)

पुनः स्वरूपी दैत्येन्द्रः कामबाणप्रपीडितः। करसम्पुटमाबध्य उवाच वचनं तदा

punaḥ svarūpī daityendraḥ kāmabāṇaprapīḍitaḥ karasampuṭamābadhya uvāca vacanaṁ tadā

वह दैत्येंद्र फिर से अपने ही रूप में लौट आया, कामबाण से अत्यंत व्यथित; हाथ जोड़कर उसने यह वचन कहा —

श्लोक 68 (padma.2.103.68)

यं यं त्वं वाञ्छसे भद्रे तं तं दद्मि न संशयः। भज मां त्वं विशालाक्षिभजन्तं कामपीडितम्

yaṁ yaṁ tvaṁ vāñchase bhadre taṁ taṁ dadmi na saṁśayaḥ bhaja māṁ tvaṁ viśālākṣibhajantaṁ kāmapīḍitam

'हे भद्रे! तुम जो-जो चाहो, वह मैं तुम्हें दूँगा, इसमें संशय नहीं। हे विशाललोचना! काम से पीड़ित मुझ भजने वाले को तुम भी भजो।'

श्लोक 69 (padma.2.103.69)

'श्रीदेव्युवाच । नैव चालयितुं शक्तो भवान्मां दानवेश्वरः। मनसापि न वै धार्यं मम मोहं समागतम्

'śrīdevyuvāca naiva cālayituṁ śakto bhavānmāṁ dānaveśvaraḥ manasāpi na vai dhāryaṁ mama mohaṁ samāgatam

श्री देवी ने कहा — 'हे दानवेश्वर! तुम मुझे किसी भी प्रकार विचलित करने में समर्थ नहीं हो। मुझ पर आया यह मोह मन से भी स्वीकार करने योग्य नहीं है।'

श्लोक 70 (padma.2.103.70)

भवादृशैर्महापापैर्देवैर्वा दानवाधमैः। दुष्प्राप्याहं न संदेहो मा वदस्व पुनः पुनः

bhavādṛśairmahāpāpairdevairvā dānavādhamaiḥ duṣprāpyāhaṁ na saṁdeho mā vadasva punaḥ punaḥ

'तुम्हारे जैसे महापापी या अधम दानव, अथवा देवता भी — मुझे प्राप्त नहीं कर सकते, इसमें संदेह नहीं। बार-बार यह मत कहो।'

श्लोक 71 (padma.2.103.71)

स्कन्दानुजा सा तपसाभियुक्ता जाज्वल्यमाना महता रुषा च। संहर्तुकामा परि दानवं तं कालस्य जिह्वेव यथा स्फुरन्ती

skandānujā sā tapasābhiyuktā jājvalyamānā mahatā ruṣā ca saṁhartukāmā pari dānavaṁ taṁ kālasya jihveva yathā sphurantī

स्कंद की वह अनुजा (छोटी बहन), तप में लीन, महाक्रोध से प्रज्वलित होकर, उस दानव का संहार करने की इच्छा से, काल की जिह्वा के समान स्फुरित होने लगी।

श्लोक 72 (padma.2.103.72)

पुनरुवाच सा देवी तमेवं दानवाधमम् । उग्रं कर्म कृतं पाप चात्मनाशनहेतवे

punaruvāca sā devī tamevaṁ dānavādhamam ugraṁ karma kṛtaṁ pāpa cātmanāśanahetave

वह देवी उस अधम दानव से पुनः बोली — 'हे पापी! तुमने अपने ही विनाश के लिए यह भयंकर कर्म किया है।'

श्लोक 73 (padma.2.103.73)

आत्मवञ्शस्य नाशाय स्वजनस्यास्य वै त्वया। दीप्ता स्वगृहमानीता सुशिखा कृष्णवर्त्मनः

ātmavañśasya nāśāya svajanasyāsya vai tvayā dīptā svagṛhamānītā suśikhā kṛṣṇavartmanaḥ

'अपने कुल और स्वजनों के नाश के लिए ही तुमने — मुझ जलती हुई, काले पथ की प्रज्वलित शिखा को अपने घर में ला रखा है।'

श्लोक 74 (padma.2.103.74)

यथाऽशुभः कूटपक्षी सर्वशोकैः समुद्गतः। गृहं तु विशते यस्य तस्य नाशं प्रयच्छति

yathā'śubhaḥ kūṭapakṣī sarvaśokaiḥ samudgataḥ gṛhaṁ tu viśate yasya tasya nāśaṁ prayacchati

'जैसे अशुभ, समस्त शोकों से भरा उल्लू पक्षी जिसके घर में प्रवेश करता है, उसी के नाश का कारण बनता है —

श्लोक 75 (padma.2.103.75)

स्वजनस्य च सर्वस्य सधनस्य कुलस्य च। स द्विजो नाशमिच्छेत विशत्येव यदा गृहम्

svajanasya ca sarvasya sadhanasya kulasya ca sa dvijo nāśamiccheta viśatyeva yadā gṛham

'— वैसे ही जो कोई द्विज अपने समस्त स्वजनों, धनी कुल के नाश की कामना करता है, वही उसके घर में प्रवेश करता है।'

श्लोक 76 (padma.2.103.76)

तथा तेहं गृहं प्राप्ता तव नाशं समीहती । पुत्राणां धनधान्यस्य तव वंशस्य साम्प्रतम्

tathā tehaṁ gṛhaṁ prāptā tava nāśaṁ samīhatī putrāṇāṁ dhanadhānyasya tava vaṁśasya sāmpratam

'उसी प्रकार मैं भी तुम्हारे घर में आ पहुँची हूँ, और अब तुम्हारे पुत्रों, धन-धान्य और तुम्हारे वंश के नाश की कामना करती हूँ।'

श्लोक 77 (padma.2.103.77)

जीवं कुलं धनं धान्यं पुत्रपौत्रादिकं तव। सर्वं ते नाशयित्वाहं यास्यामि च न संशयः

jīvaṁ kulaṁ dhanaṁ dhānyaṁ putrapautrādikaṁ tava sarvaṁ te nāśayitvāhaṁ yāsyāmi ca na saṁśayaḥ

'तुम्हारे प्राण, कुल, धन, धान्य, पुत्र-पौत्रादि — इन सबका नाश करके ही मैं यहाँ से जाऊँगी, इसमें संशय नहीं।'

श्लोक 78 (padma.2.103.78)

यथा त्वयाहमानीता चरन्ती परमं तपः । पतिकामा प्रवाञ्च्छन्ती नहुषं चायुनन्दनम्

yathā tvayāhamānītā carantī paramaṁ tapaḥ patikāmā pravāñcchantī nahuṣaṁ cāyunandanam

'जिस प्रकार तुमने मुझे यहाँ ले आकर, मुझसे परम तप कराया — जबकि मैं तो पति की कामना से आयु के पुत्र नहुष को ही चाहती थी —

श्लोक 79 (padma.2.103.79)

तथा त्वां मम भर्ता च नाशयिष्यति दानव । मन्निमित्तउपायोऽयं दृष्टो देवेन वै पुरा

tathā tvāṁ mama bhartā ca nāśayiṣyati dānava mannimittaupāyo'yaṁ dṛṣṭo devena vai purā

'— वैसे ही, हे दानव! मेरा पति तुम्हारा नाश करेगा। यह उपाय मेरे ही निमित्त पहले देवता द्वारा देखा गया है।'

श्लोक 80 (padma.2.103.80)

सत्येयं लौकिकी गाथा यां गायन्ति विदो जनाः। प्रत्यक्षं दृश्यते लोके न विन्दन्ति कुबुद्धयः

satyeyaṁ laukikī gāthā yāṁ gāyanti vido janāḥ pratyakṣaṁ dṛśyate loke na vindanti kubuddhayaḥ

'यह लौकिक कथा सत्य है, जिसे ज्ञानी जन गाते हैं — यह लोक में प्रत्यक्ष देखी जाती है, पर कुबुद्धि लोग इसे नहीं समझते।'

श्लोक 81 (padma.2.103.81)

येन यत्र प्रभोक्तव्यं यस्माद्दुःखसुखादिकम्। स एव भुंजते तत्र तस्मादेव न संशयः

yena yatra prabhoktavyaṁ yasmādduḥkhasukhādikam sa eva bhuṁjate tatra tasmādeva na saṁśayaḥ

'जिसे जहाँ जो भोगना है, जिससे जो दुःख-सुख आदि प्राप्त होना है, वह वहीं वही भोगता है — इसमें कोई संदेह नहीं।'

श्लोक 82 (padma.2.103.82)

कर्मणोस्य फलं भुङ्क्ष्व स्वकीयस्य महीतले। यास्यसे निरयस्थानं परदाराभिमर्शनात्

karmaṇosya phalaṁ bhuṅkṣva svakīyasya mahītale yāsyase nirayasthānaṁ paradārābhimarśanāt

'तुम अपने ही इस कर्म का फल इस पृथ्वी पर भोगो — पराई स्त्री को स्पर्श करने के कारण तुम नरक में जाओगे।'

श्लोक 83 (padma.2.103.83)

सुतीक्ष्णं हि सुधारं तु सुखड्गं च विघट्टति। अङ्गुल्यग्रेण कोपाय तथा मां विद्धि साम्प्रतम्

sutīkṣṇaṁ hi sudhāraṁ tu sukhaḍgaṁ ca vighaṭṭati aṅgulyagreṇa kopāya tathā māṁ viddhi sāmpratam

'जैसे कोई क्रोधवश तीक्ष्ण धार वाली तलवार को उँगली के अगले भाग से छूता है — मुझे अभी वैसा ही जानो।'

श्लोक 84 (padma.2.103.84)

सिंहस्य सम्मुखं गत्वा क्रुद्धस्य गर्जितस्य च। को लुनाति मुखात्केशान्साहसाकारसंयुतः

siṁhasya sammukhaṁ gatvā kruddhasya garjitasya ca ko lunāti mukhātkeśānsāhasākārasaṁyutaḥ

'गरजते हुए क्रुद्ध सिंह के सम्मुख जाकर, दुस्साहसपूर्वक उसके मुख से केश कौन उखाड़ता है?'

श्लोक 85 (padma.2.103.85)

सत्याचारां दमोपेतां नियतां तपसि स्थिताम्। निधनं चेच्छते यो वै स वै मां भोक्तुमिच्छति

satyācārāṁ damopetāṁ niyatāṁ tapasi sthitām nidhanaṁ cecchate yo vai sa vai māṁ bhoktumicchati

'जो सत्याचरण से युक्त, इंद्रियसंयमी, नियमपूर्वक तप में स्थित स्त्री का विनाश चाहता है, वह मानो मुझ जैसी को ही भोगना चाहता है।'

श्लोक 86 (padma.2.103.86)

समणिं कृष्णसर्पस्य जीवमानस्य साम्प्रतम् । गृहीतुमिच्छते सो हि यथा कालेन प्रेषितः

samaṇiṁ kṛṣṇasarpasya jīvamānasya sāmpratam gṛhītumicchate so hi yathā kālena preṣitaḥ

'जीवित काले सर्प की मणि को छीनना चाहता है वह — मानो काल द्वारा ही भेजा गया हो, ऐसा वह है।'

श्लोक 87 (padma.2.103.87)

भवांस्तु प्रेषितो मूढ कालेन कालमोहितः । तदा ते ईदृशी जाता कुमतिः किं नपश्यसि

bhavāṁstu preṣito mūḍha kālena kālamohitaḥ tadā te īdṛśī jātā kumatiḥ kiṁ napaśyasi

'हे मूढ़! तुम भी काल द्वारा भेजे गए, काल से ही मोहित हुए हो। तुम्हारी ऐसी कुबुद्धि उत्पन्न हो गई है — क्या तुम नहीं देखते?'

श्लोक 88 (padma.2.103.88)

ऋते तु आयुपुत्रेण समालोकयते हि कः। अन्यो हि निधनं याति ममरूपावलोकनात्

ṛte tu āyuputreṇa samālokayate hi kaḥ anyo hi nidhanaṁ yāti mamarūpāvalokanāt

'आयु के पुत्र (नहुष) को छोड़कर और कौन मुझे देख सकता है? इसके अतिरिक्त जो कोई मेरे रूप को देखता है, वह मृत्यु को ही प्राप्त होता है।'

श्लोक 89 (padma.2.103.89)

एवमाभाषयित्वा तं गङ्गातीरं गता सती । सशोका दुःखसंविग्ना नियतानि यमान्विता

evamābhāṣayitvā taṁ gaṅgātīraṁ gatā satī saśokā duḥkhasaṁvignā niyatāni yamānvitā

इस प्रकार कहकर वह सती गंगातट को चली गई — शोकयुक्त, दुःख से व्याकुल, संयम के नियमों से बंधी हुई।

श्लोक 90 (padma.2.103.90)

पूर्वमाचरितं घोरं पतिकामनया तपः। तव नाशार्थमिच्छंती चरिष्ये दारुणं पुनः

pūrvamācaritaṁ ghoraṁ patikāmanayā tapaḥ tava nāśārthamicchaṁtī cariṣye dāruṇaṁ punaḥ

'पूर्व में जो घोर तप मैंने पति की कामना से किया था, वही तुम्हारे नाश के लिए फिर से घोर तप करूँगी।'

श्लोक 91 (padma.2.103.91)

यदा त्वां निहतं दुष्टं नहुषेण महात्मना। निशितैर्वज्रसङ्काशैर्बाणैराशीविषोपमैः

yadā tvāṁ nihataṁ duṣṭaṁ nahuṣeṇa mahātmanā niśitairvajrasaṅkāśairbāṇairāśīviṣopamaiḥ

'जब महात्मा नहुष तीक्ष्ण, वज्र-सदृश, आशीविष-सम बाणों से तुम दुष्ट को मार गिराएँगे,'

श्लोक 92 (padma.2.103.92)

रणे निपतितं पाप मुक्तकेशं सलोहितम् । गतासुं च प्रपश्यामि तदा यास्याम्यहं पतिम्

raṇe nipatitaṁ pāpa muktakeśaṁ salohitam gatāsuṁ ca prapaśyāmi tadā yāsyāmyahaṁ patim

'हे पापी! रणभूमि में गिरे, बिखरे केशों और रक्त से लथपथ, प्राणहीन तुम्हें देखकर ही, मैं अपने पति के पास जाऊँगी।'

श्लोक 93 (padma.2.103.93)

एवं सुनियमं कृत्वा गंगातीरमनुत्तमम्। संस्थिता हुंडनाशाय निश्चला शिवनंदिनी

evaṁ suniyamaṁ kṛtvā gaṁgātīramanuttamam saṁsthitā huṁḍanāśāya niścalā śivanaṁdinī

इस प्रकार दृढ़ नियम करके, शिव-पुत्री हुंड के नाश के लिए, निश्चल भाव से उस श्रेष्ठ गंगातट पर स्थिर हो गई।

श्लोक 94 (padma.2.103.94)

वह्नेर्यथादीप्तिमती शिखोज्ज्वला तेजोभियुक्ता प्रदहेत्सुलोकान्। क्रोधेन दीप्ता विबुधेशपुत्री गङ्गातटे दुश्चरमाचरत्तपः

vahneryathādīptimatī śikhojjvalā tejobhiyuktā pradahetsulokān krodhena dīptā vibudheśaputrī gaṅgātaṭe duścaramācarattapaḥ

अग्नि की भाँति दीप्तिमती, उज्ज्वल शिखा वाली, तेज से युक्त, मानो सारे लोकों को दग्ध कर देने वाली — क्रोध से प्रज्वलित वह देवपुत्री गंगातट पर अत्यंत दुष्कर तप करने लगी।

श्लोक 95 (padma.2.103.95)

"कुञ्जल उवाच । एवमुक्ता महाभाग शिवस्य तनया गता । गङ्गांभसि ततः स्नात्वा स्वपुरे काञ्चनाह्वये

"kuñjala uvāca evamuktā mahābhāga śivasya tanayā gatā gaṅgāṁbhasi tataḥ snātvā svapure kāñcanāhvaye

कुंजल ने कहा — हे महाभाग! इस प्रकार कहकर शिव की वह पुत्री चली गई। तब गंगाजल में स्नान करके अपने ही नगर कांचन में —

श्लोक 96 (padma.2.103.96)

तपश्चचार तन्वङ्गी हुण्डस्य वधहेतवे । अशोकसुन्दरी बाला सत्येन च समन्विता

tapaścacāra tanvaṅgī huṇḍasya vadhahetave aśokasundarī bālā satyena ca samanvitā

— उस कोमलांगी अशोकसुंदरी बाला ने हुंड के वध के लिए तप किया, सत्य से युक्त होकर।

श्लोक 97 (padma.2.103.97)

हुण्डोपि दुःखितोभूतः शापदग्धेन चेतसा। चिंतयामास सन्तप्त अतीव वचनानलैः

huṇḍopi duḥkhitobhūtaḥ śāpadagdhena cetasā ciṁtayāmāsa santapta atīva vacanānalaiḥ

हुंड भी शाप से दग्ध हृदय होकर दुःखी हो गया। वह अत्यंत संतप्त, मानो वचनों की अग्नि से जल उठा और विचार करने लगा।

श्लोक 98 (padma.2.103.98)

समाहूय अमात्यं तं कम्पनाख्यमथाब्रवीत् । समाचष्ट स वृत्तान्तं तस्याः शापोद्भवं महत्

samāhūya amātyaṁ taṁ kampanākhyamathābravīt samācaṣṭa sa vṛttāntaṁ tasyāḥ śāpodbhavaṁ mahat

उसने कंपन नामक अपने मंत्री को बुलाकर उसे शाप से उत्पन्न हुआ वह महान् वृत्तांत कह सुनाया।

श्लोक 99 (padma.2.103.99)

शप्तोस्म्यशोकसुंदर्या शिवस्यापि सुकन्यया। नहुषस्यापि मे भर्त्तुस्त्वं तु हस्तान्मरिष्यसि

śaptosmyaśokasuṁdaryā śivasyāpi sukanyayā nahuṣasyāpi me bharttustvaṁ tu hastānmariṣyasi

'मुझे शिव की उस सुपुत्री अशोकसुंदरी ने शाप दिया है कि मैं उसके पति नहुष के ही हाथों मरूँगा।'

श्लोक 100 (padma.2.103.100)

नैव जातस्त्वसौ गर्भ आयोर्भार्या च गुर्विणी। यथा सत्याद्व्यलीकस्तु तस्याः शापस्तथा कुरु

naiva jātastvasau garbha āyorbhāryā ca gurviṇī yathā satyādvyalīkastu tasyāḥ śāpastathā kuru

'वह गर्भ अभी उत्पन्न भी नहीं हुआ है — आयु की पत्नी अभी गर्भवती ही है। जैसे भी हो, इस सत्य वचन से उपजे उसके शाप को झूठा करो।'

श्लोक 101 (padma.2.103.101)

कम्पन उवाच । अपहृत्य प्रियां तस्य आयोश्चापि समानय । अनेनापि प्रकारेण तव शत्रुर्न जायते

kampana uvāca apahṛtya priyāṁ tasya āyoścāpi samānaya anenāpi prakāreṇa tava śatrurna jāyate

कंपन ने कहा — 'आयु की प्रिय पत्नी का ही हरण करके उसे यहाँ ले आओ। इस उपाय से भी तुम्हारा शत्रु उत्पन्न नहीं हो सकेगा।'

श्लोक 102 (padma.2.103.102)

नो वा प्रपातयस्व त्वं गर्भं तस्याः प्रभीषणैः । अनेनापि प्रकारेण तव शत्रुर्न जायते

no vā prapātayasva tvaṁ garbhaṁ tasyāḥ prabhīṣaṇaiḥ anenāpi prakāreṇa tava śatrurna jāyate

'अथवा भयंकर उपायों से उसके गर्भ को ही गिरा दो। इस प्रकार से भी तुम्हारा शत्रु उत्पन्न नहीं होगा।'

श्लोक 103 (padma.2.103.103)

जन्मकालं प्रतीक्षस्व नहुषस्य दुरात्मनः । अपहृत्य समानीय जहि त्वं पापचेतनम्

janmakālaṁ pratīkṣasva nahuṣasya durātmanaḥ apahṛtya samānīya jahi tvaṁ pāpacetanam

'अथवा उस दुरात्मा नहुष के जन्म-समय की प्रतीक्षा करो — जन्म लेते ही उसे हरकर, उस पापी को मार डालो।'

श्लोक 104 (padma.2.103.104)

एवं समंत्र्य तेनापि कंपनेन स दानवः । अभूत्स उद्यमोपेतो नहुषस्य प्रणाशने

evaṁ samaṁtrya tenāpi kaṁpanena sa dānavaḥ abhūtsa udyamopeto nahuṣasya praṇāśane

इस प्रकार उस कंपन के साथ मंत्रणा करके वह दानव नहुष के विनाश के लिए उद्यत हो गया।

श्लोक 105 (padma.2.103.105)

'विष्णुरुवाच । एलपुत्रो महाभाग आयुर्नाम क्षितीश्वरः। सार्वभौमः स धर्मात्मा सत्यव्रतपरायणः

'viṣṇuruvāca elaputro mahābhāga āyurnāma kṣitīśvaraḥ sārvabhaumaḥ sa dharmātmā satyavrataparāyaṇaḥ

विष्णु ने कहा — हे महाभाग! इला के पुत्र आयु नामक पृथ्वीपति, चक्रवर्ती सम्राट्, धर्मात्मा और सत्यव्रत में तत्पर था।

श्लोक 106 (padma.2.103.106)

इन्द्रोपेन्द्रसमो राजा तपसा यशसा बलैः। दानयज्ञैः सुपुण्यैश्च सत्येन नियमेन च

indropendrasamo rājā tapasā yaśasā balaiḥ dānayajñaiḥ supuṇyaiśca satyena niyamena ca

वह राजा इंद्र और उपेंद्र के समान तप, यश और बल से युक्त था — दान, यज्ञ, पवित्रता और नियम से भी संपन्न था।

श्लोक 107 (padma.2.103.107)

एकच्छत्रेण वै राज्यं चक्रे भूपतिसत्तमः। पृथिव्यां सर्वधर्मज्ञः सोमवंशस्य भूषणम्

ekacchatreṇa vai rājyaṁ cakre bhūpatisattamaḥ pṛthivyāṁ sarvadharmajñaḥ somavaṁśasya bhūṣaṇam

वह श्रेष्ठ भूपति एकच्छत्र होकर राज्य करता था — पृथ्वी पर समस्त धर्मों का ज्ञाता, सोमवंश का भूषण।

श्लोक 108 (padma.2.103.108)

पुत्रं न विंदते राजा तेन दुःखी व्यजायत। चिंतयामास धर्मात्मा कथं मे जायते सुतः

putraṁ na viṁdate rājā tena duḥkhī vyajāyata ciṁtayāmāsa dharmātmā kathaṁ me jāyate sutaḥ

राजा को कोई पुत्र प्राप्त नहीं था, जिससे वह दुःखी रहता था। वह धर्मात्मा सोचता रहता — 'मुझे पुत्र कैसे प्राप्त होगा?'

श्लोक 109 (padma.2.103.109)

इति चिन्तां समापेदे आयुश्च पृथिवीपतिः। पुत्रार्थं परमं यत्नमकरोत्सुसमाहितः

iti cintāṁ samāpede āyuśca pṛthivīpatiḥ putrārthaṁ paramaṁ yatnamakarotsusamāhitaḥ

पृथ्वीपति आयु इसी चिंता में पड़ा रहा, और पुत्र-प्राप्ति के लिए अत्यंत सावधान होकर परम प्रयत्न करने लगा।

श्लोक 110 (padma.2.103.110)

अत्रिपुत्रो महात्मा वै दत्तात्रेयो महामुनिः। क्रीडमानः स्त्रिया सार्द्धं मदिरारुणलोचनः

atriputro mahātmā vai dattātreyo mahāmuniḥ krīḍamānaḥ striyā sārddhaṁ madirāruṇalocanaḥ

अत्रि के पुत्र, महात्मा दत्तात्रेय महामुनि, मदिरा से लाल नेत्रों वाले, एक स्त्री के साथ क्रीड़ा करते हुए —

श्लोक 111 (padma.2.103.111)

वारुण्या मत्त धर्मात्मा स्त्रीवृन्दैश्च समावृतः। अङ्के युवतिमाधाय सर्वयोषिद्वरां शुभाम्

vāruṇyā matta dharmātmā strīvṛndaiśca samāvṛtaḥ aṅke yuvatimādhāya sarvayoṣidvarāṁ śubhām

— वारुणी (मदिरा) से उन्मत्त वह धर्मात्मा, स्त्रियों के समूह से घिरा, अपनी गोद में एक युवती को, समस्त स्त्रियों में श्रेष्ठ शुभा को बिठाए हुए,

श्लोक 112 (padma.2.103.112)

गायते नृत्यते विप्रः सुरां च पिबते भृशम्। विना यज्ञोपवीतेन महायोगीश्वरोत्तमः

gāyate nṛtyate vipraḥ surāṁ ca pibate bhṛśam vinā yajñopavītena mahāyogīśvarottamaḥ

वह ब्राह्मण गाता, नाचता और खूब मदिरा पीता था — यज्ञोपवीत के बिना ही, वह महायोगीश्वरों में श्रेष्ठ था।

श्लोक 113 (padma.2.103.113)

पुष्पमालाभिर्दिव्याभिर्मुक्ताहारपरिच्छदैः । चंदनागुरुदिग्धांगो राजमानो मुनीश्वरः

puṣpamālābhirdivyābhirmuktāhāraparicchadaiḥ caṁdanāgurudigdhāṁgo rājamāno munīśvaraḥ

दिव्य पुष्पमालाओं और मोतियों के हारों से सुसज्जित, चंदन तथा अगर से लिप्त अंगों वाला वह मुनीश्वर सुशोभित हो रहा था।

श्लोक 114 (padma.2.103.114)

तस्याश्रमं नृपो गत्वा तं दृष्ट्वा द्विजसत्तमम् । प्रणाममकरोन्मूर्ध्ना दण्डवत्सुसमाहितः

tasyāśramaṁ nṛpo gatvā taṁ dṛṣṭvā dvijasattamam praṇāmamakaronmūrdhnā daṇḍavatsusamāhitaḥ

राजा उसके आश्रम में जाकर, उस श्रेष्ठ द्विज को देखकर, अत्यंत सावधानचित्त होकर मस्तक झुकाकर दंडवत् प्रणाम करने लगा।

श्लोक 115 (padma.2.103.115)

अत्रिपुत्रः स धर्मात्मा समालोक्य नृपोत्तमम्। आगतं पुरतो भक्त्या अथ ध्यानं समास्थितः

atriputraḥ sa dharmātmā samālokya nṛpottamam āgataṁ purato bhaktyā atha dhyānaṁ samāsthitaḥ

अत्रि के उस धर्मात्मा पुत्र ने उस श्रेष्ठ राजा को अपने आगे भक्तिपूर्वक आया हुआ देखकर ध्यान में लीन हो जाने का बहाना किया।

श्लोक 116 (padma.2.103.116)

एवं वर्षशतं प्राप्तं तस्य भूपस्य सत्तम। निश्चलं शान्तिमापन्नं मानसं भक्तितत्परम्

evaṁ varṣaśataṁ prāptaṁ tasya bhūpasya sattama niścalaṁ śāntimāpannaṁ mānasaṁ bhaktitatparam

हे श्रेष्ठ! इस प्रकार उस राजा को सौ वर्ष बीत गए — उसका मन निश्चल, शांत और सर्वथा भक्ति में तत्पर बना रहा।

श्लोक 117 (padma.2.103.117)

समाहूय उवाचेदं किमर्थं क्लिश्यसे नृप। ब्रह्माचारेण हीनोस्मि ब्रह्मत्वं नास्ति मे कदा

samāhūya uvācedaṁ kimarthaṁ kliśyase nṛpa brahmācāreṇa hīnosmi brahmatvaṁ nāsti me kadā

तब उसे बुलाकर मुनि ने कहा — 'हे राजन्! तुम किसलिए इतना कष्ट उठा रहे हो? मैं तो ब्रह्मचर्य से रहित हूँ, मुझमें ब्राह्मणत्व कभी नहीं है।'

श्लोक 118 (padma.2.103.118)

सुरामांसप्रलुब्धोऽस्मि स्त्रियासक्तः सदैव हि । वरदाने न मे शक्तिरन्यं शुश्रूष ब्राह्मणम्

surāmāṁsapralubdho'smi striyāsaktaḥ sadaiva hi varadāne na me śaktiranyaṁ śuśrūṣa brāhmaṇam

'मैं तो सुरा-मांस का लोभी हूँ, सदा स्त्रियों में आसक्त रहता हूँ। मुझमें वरदान देने की शक्ति नहीं है — किसी अन्य ब्राह्मण की सेवा करो।'

श्लोक 119 (padma.2.103.119)

"आयुरुवाच । भवादृशो महाभाग नास्ति ब्राह्मणसत्तमः। सर्वकामप्रदाता वै त्रैलोक्ये परमेश्वरः

"āyuruvāca bhavādṛśo mahābhāga nāsti brāhmaṇasattamaḥ sarvakāmapradātā vai trailokye parameśvaraḥ

आयु ने कहा — 'हे महाभाग! आपके समान श्रेष्ठ कोई ब्राह्मण नहीं है। आप ही त्रिलोक में समस्त कामनाओं को देने वाले परमेश्वर हैं।'

श्लोक 120 (padma.2.103.120)

अत्रिवंशे महाभाग गोविंदः परमेश्वरः। ब्राह्मणस्य स्वरूपेण भवान्वै गरुडध्वजः

atrivaṁśe mahābhāga goviṁdaḥ parameśvaraḥ brāhmaṇasya svarūpeṇa bhavānvai garuḍadhvajaḥ

'अत्रि के वंश में आप ही महाभाग परमेश्वर गोविंद हैं — ब्राह्मण के रूप में आप स्वयं गरुड़ध्वज (विष्णु) हैं।'

श्लोक 121 (padma.2.103.121)

नमोऽस्तु देवदेवेश नमोऽस्तु परमेश्वर। त्वामहं शरणं प्राप्तः शरणागतवत्सल

namo'stu devadeveśa namo'stu parameśvara tvāmahaṁ śaraṇaṁ prāptaḥ śaraṇāgatavatsala

'हे देवाधिदेव! आपको नमस्कार, हे परमेश्वर! आपको नमस्कार। हे शरणागतवत्सल! मैं आपकी शरण में आया हूँ।'

श्लोक 122 (padma.2.103.122)

उद्धरस्व हृषीकेश मायां कृत्वा प्रतिष्ठसि । विश्वस्थानां प्रजानां तु विद्वांसंविश्वनायकम्

uddharasva hṛṣīkeśa māyāṁ kṛtvā pratiṣṭhasi viśvasthānāṁ prajānāṁ tu vidvāṁsaṁviśvanāyakam

'हे हृषीकेश! मेरा उद्धार कीजिए। आप ही माया धारण करके स्थित हैं, विश्व की समस्त प्रजाओं के ज्ञानवान् विश्वनायक।'

श्लोक 123 (padma.2.103.123)

जानाम्यहं जगन्नाथं भवन्तं मधुसूदनम्। मामेव रक्ष गोविन्द विश्वरूप नमोस्तु ते

jānāmyahaṁ jagannāthaṁ bhavantaṁ madhusūdanam māmeva rakṣa govinda viśvarūpa namostu te

'मैं आपको जगन्नाथ, मधुसूदन के रूप में जानता हूँ। हे गोविंद! मेरी रक्षा कीजिए, हे विश्वरूप! आपको नमस्कार है।'

श्लोक 124 (padma.2.103.124)

"कुञ्जल उवाच । गते बहुतिथे काले दत्तात्रेयो नृपोत्तमम्। उवाच मत्तरूपेण कुरुष्व वचनं मम

"kuñjala uvāca gate bahutithe kāle dattātreyo nṛpottamam uvāca mattarūpeṇa kuruṣva vacanaṁ mama

कुंजल ने कहा — बहुत समय बीत जाने पर दत्तात्रेय ने उस श्रेष्ठ राजा से, अपने ही उन्मत्त रूप में, कहा — 'मेरी बात मानो —

श्लोक 125 (padma.2.103.125)

कपाले मे सुरां देहि पाचितं मांसभोजनम्। एवमाकर्ण्य तद्वाक्यं स चायुः पृथिवीपतिः

kapāle me surāṁ dehi pācitaṁ māṁsabhojanam evamākarṇya tadvākyaṁ sa cāyuḥ pṛthivīpatiḥ

'— मुझे कपाल में मदिरा और पकाया हुआ मांस-भोजन दो।' यह वचन सुनकर पृथ्वीपति आयु —

श्लोक 126 (padma.2.103.126)

उत्सुकस्तु कपालेन सुरामाहृत्य वेगवान्। पलं सुपाचितं चैव च्छित्त्वा हस्तेन सत्वरम्

utsukastu kapālena surāmāhṛtya vegavān palaṁ supācitaṁ caiva cchittvā hastena satvaram

— उत्सुक होकर वेगपूर्वक कपाल में मदिरा ले आया, और भलीभाँति पकाया हुआ मांस अपने ही हाथ से शीघ्र काटकर,

श्लोक 127 (padma.2.103.127)

नृपेन्द्रः प्रददौ चापि दत्तात्रेयाय सत्तम। अथ प्रसन्नचेताः स संजातो मुनिपुङ्गवः

nṛpendraḥ pradadau cāpi dattātreyāya sattama atha prasannacetāḥ sa saṁjāto munipuṅgavaḥ

हे श्रेष्ठ! उस श्रेष्ठ राजा ने वह सब दत्तात्रेय को अर्पित किया। तब वे मुनिश्रेष्ठ प्रसन्नचित्त हो गए।

श्लोक 128 (padma.2.103.128)

दृष्ट्वा भक्तिं प्रभावं च गुरुशुश्रूषणं परम्। समुवाच नृपेन्द्रं तमायुं प्रणतमानसम्

dṛṣṭvā bhaktiṁ prabhāvaṁ ca guruśuśrūṣaṇaṁ param samuvāca nṛpendraṁ tamāyuṁ praṇatamānasam

उसकी भक्ति, प्रभाव और गुरु की परम सेवा को देखकर, उन्होंने विनम्रचित्त उस राजा आयु से कहा —

श्लोक 129 (padma.2.103.129)

वरं वरय भद्रं ते दुर्लभं भुवि भूपते। सर्वमेव प्रदास्यामि यंयमिच्छसि साम्प्रतम्

varaṁ varaya bhadraṁ te durlabhaṁ bhuvi bhūpate sarvameva pradāsyāmi yaṁyamicchasi sāmpratam

'हे राजन्! वर माँगो, तुम्हारा कल्याण हो — जो इस लोक में दुर्लभ हो। जो कुछ भी तुम अभी चाहो, वह सब मैं तुम्हें दूँगा।'

श्लोक 130 (padma.2.103.130)

"राजोवाच । भवान्दाता वरं सत्यं कृपया मुनिसत्तम। पुत्रं देहि गुणोपेतं सर्वज्ञं गुणसंयुतम्

"rājovāca bhavāndātā varaṁ satyaṁ kṛpayā munisattama putraṁ dehi guṇopetaṁ sarvajñaṁ guṇasaṁyutam

राजा ने कहा — 'हे मुनिश्रेष्ठ! आप ही सच्चे वरदाता हैं। कृपा करके मुझे गुणवान्, सर्वज्ञ और सद्गुणों से युक्त पुत्र दीजिए —

श्लोक 131 (padma.2.103.131)

देववीर्यं सुतेजं च अजेयं देवदानवैः। क्षत्रियै राक्षसैर्घोरैर्दानवैः किन्नरैस्तथा

devavīryaṁ sutejaṁ ca ajeyaṁ devadānavaiḥ kṣatriyai rākṣasairghorairdānavaiḥ kinnaraistathā

'— देवतुल्य पराक्रम और तेज वाला, देवों और दानवों द्वारा अजेय; क्षत्रियों, भयंकर राक्षसों, दानवों और किन्नरों द्वारा भी अजेय;'

श्लोक 132 (padma.2.103.132)

देवब्राह्मणसम्भक्तः प्रजापालो विशेषतः। यज्वा दानपतिः शूरः शरणागतवत्सलः

devabrāhmaṇasambhaktaḥ prajāpālo viśeṣataḥ yajvā dānapatiḥ śūraḥ śaraṇāgatavatsalaḥ

'देवताओं और ब्राह्मणों का परम भक्त, विशेष रूप से प्रजापालक; यज्ञकर्ता, दानपति, शूरवीर, शरणागतवत्सल;'

श्लोक 133 (padma.2.103.133)

दाता भोक्ता महात्मा च वेदशास्त्रेषु पण्डितः। धनुर्वेदेषु निपुणः शास्त्रेषु च परायणः

dātā bhoktā mahātmā ca vedaśāstreṣu paṇḍitaḥ dhanurvedeṣu nipuṇaḥ śāstreṣu ca parāyaṇaḥ

'दाता, भोक्ता, महात्मा, वेद-शास्त्रों में पंडित; धनुर्वेद में निपुण और शास्त्रों में सदा तत्पर;'

श्लोक 134 (padma.2.103.134)

अनाहतमतिर्धीरः संग्रामेष्वपराजितः। एवं गुणः सुरूपश्च यस्माद्वञ्शः प्रसूयते

anāhatamatirdhīraḥ saṁgrāmeṣvaparājitaḥ evaṁ guṇaḥ surūpaśca yasmādvañśaḥ prasūyate

'अटूट बुद्धि वाला, धैर्यवान्, संग्रामों में अपराजित — इन्हीं गुणों और सुंदर रूप से युक्त कोई, जिससे मेरा वंश आगे बढ़े।'

श्लोक 135 (padma.2.103.135)

देहि पुत्रं महाभाग ममवंशप्रधारकम्। यदि चापि वरो देयस्त्वया मे कृपया विभो

dehi putraṁ mahābhāga mamavaṁśapradhārakam yadi cāpi varo deyastvayā me kṛpayā vibho

'हे महाभाग! मुझे ऐसा पुत्र दीजिए जो मेरे वंश को धारण करे। हे विभो! यदि आप कृपापूर्वक मुझे वर देना ही चाहते हैं।'

श्लोक 136 (padma.2.103.136)

"दत्तात्रेय उवाच । एवमस्तु महाभाग तव पुत्रो भविष्यति। गृहे वंशकरः पुण्यः सर्वजीवदयाकरः

"dattātreya uvāca evamastu mahābhāga tava putro bhaviṣyati gṛhe vaṁśakaraḥ puṇyaḥ sarvajīvadayākaraḥ

दत्तात्रेय ने कहा — 'हे महाभाग! ऐसा ही हो, तुम्हारे घर में पुत्र उत्पन्न होगा — वंश को आगे बढ़ाने वाला, पुण्यशाली, समस्त प्राणियों पर दया करने वाला,'

श्लोक 137 (padma.2.103.137)

एभिर्गुणैस्तु संयुक्तो वैष्णवांशेन संयुतः । राजा च सार्वभौमश्च इन्द्रतुल्यो नरेश्वरः

ebhirguṇaistu saṁyukto vaiṣṇavāṁśena saṁyutaḥ rājā ca sārvabhaumaśca indratulyo nareśvaraḥ

'इन्हीं गुणों से युक्त, विष्णु के अंश से युक्त — वह राजा, चक्रवर्ती सम्राट्, इंद्र के समान नरेश्वर होगा।'

श्लोक 138 (padma.2.103.138)

एवं खलु वरं दत्वा ददौ फलमनुत्तमम्। भूपमाह महायोगी सुभार्यायै प्रदीयताम्

evaṁ khalu varaṁ datvā dadau phalamanuttamam bhūpamāha mahāyogī subhāryāyai pradīyatām

इस प्रकार वर देकर, उस महायोगी ने उसका फल भी बताया। उन्होंने राजा से कहा — 'यह अपनी उत्तम पत्नी को दे देना।'

श्लोक 139 (padma.2.103.139)

एवमुक्त्वा विसृज्यैव तमायुं प्रणतं पुरः। आशीर्भिरभिनन्द्यैव अन्तर्द्धानमधीयत

evamuktvā visṛjyaiva tamāyuṁ praṇataṁ puraḥ āśīrbhirabhinandyaiva antarddhānamadhīyata

ऐसा कहकर, अपने सामने विनम्रचित्त खड़े उस आयु को विदा करते हुए, आशीर्वादों से अभिनंदित करके, वे अंतर्धान हो गए।