विद्वर द्वारा अशोकसुंदरी को सांत्वना

श्लोक 1 (padma.2.109.1)

कुंजल उवाच । प्रणिपत्य प्रसाद्यैव वशिष्ठं तपतां वरम् । आमंत्र्य निर्जगामाथ बाणपाणिर्धनुर्धरः

kuṁjala uvāca praṇipatya prasādyaiva vaśiṣṭhaṁ tapatāṁ varam āmaṁtrya nirjagāmātha bāṇapāṇirdhanurdharaḥ

कुंजल ने कहा — तपस्वियों में श्रेष्ठ वसिष्ठ को प्रणाम करके, उन्हें प्रसन्न करके, और उनसे आज्ञा लेकर, बाण-धनुष धारण किए वह (नहुष) निकल पड़ा।

श्लोक 2 (padma.2.109.2)

एणस्य मांसं सुविपाच्यभोजितं बालस्तया रक्षित एव बुद्ध्या । आयोः सुपुत्रः सगुणः सुरूपो देवोपमो देवगुणैश्च युक्तः

eṇasya māṁsaṁ suvipācyabhojitaṁ bālastayā rakṣita eva buddhyā āyoḥ suputraḥ saguṇaḥ surūpo devopamo devaguṇaiśca yuktaḥ

(पीछे कहानी में) — मृग का मांस भलीभाँति पकाकर उस दासी ने बुद्धिपूर्वक ही उस बालक की रक्षा की थी — आयु का वह गुणवान्, सुरूप, देवोपम, देवगुणों से युक्त पुत्र।

श्लोक 3 (padma.2.109.3)

तेनैव मांसेन सुसंस्कृतेन मृष्टेन पक्वेन रसानुगेन । तमेव दैत्यं परिभाष्य सूदो दुष्टं सुहर्षेण व्यभोजयत्तदा

tenaiva māṁsena susaṁskṛtena mṛṣṭena pakvena rasānugena tameva daityaṁ paribhāṣya sūdo duṣṭaṁ suharṣeṇa vyabhojayattadā

उसी सुसंस्कारित, स्वादिष्ट, रसयुक्त पके हुए मांस से, उस दैत्य को समझाकर, रसोइए ने उसे हर्षपूर्वक भोजन कराया।

श्लोक 4 (padma.2.109.4)

बुभुजे दानवो मांसं रसस्वादुसमन्वितम् । हर्षेणापि समाविष्टो जगामाशोकसुंदरीम्

bubhuje dānavo māṁsaṁ rasasvādusamanvitam harṣeṇāpi samāviṣṭo jagāmāśokasuṁdarīm

उस दानव ने रस से युक्त वह मांस खाया, और अत्यंत हर्ष से भरकर अशोकसुंदरी के पास गया।

श्लोक 5 (padma.2.109.5)

तामुवाच ततस्तूर्णं कामोपहतचेतनः । आयुपुत्रो मया भद्रे भक्षितः पतिरेव ते

tāmuvāca tatastūrṇaṁ kāmopahatacetanaḥ āyuputro mayā bhadre bhakṣitaḥ patireva te

काम से आहत चित्त वाले उसने तत्काल उससे कहा — 'हे भद्रे! मैंने आयु के पुत्र को, तुम्हारे ही उस पति को, खा लिया है।'

श्लोक 6 (padma.2.109.6)

मामेव भज चार्वंगि भुंक्ष्व भोगान्मनोनुगान् । किं करिष्यसि तेन त्वं मानुषेण गतायुषा

māmeva bhaja cārvaṁgi bhuṁkṣva bhogānmanonugān kiṁ kariṣyasi tena tvaṁ mānuṣeṇa gatāyuṣā

'हे सुंदर अंगों वाली! अब मुझ को ही भजो, मनचाहे भोगों का सेवन करो। उस मानव से, जिसकी आयु समाप्त हो चुकी, तुम्हें अब क्या करना है?'

श्लोक 7 (padma.2.109.7)

प्रत्युवाच समाकर्ण्य शिवकन्या तपस्विनी । भर्ता मे दैवतैर्दत्तो अजरो दोषवर्जितः

pratyuvāca samākarṇya śivakanyā tapasvinī bhartā me daivatairdatto ajaro doṣavarjitaḥ

यह सुनकर वह तपस्विनी शिव-कन्या ने उत्तर दिया — 'मेरा पति देवताओं द्वारा ही दिया गया है, अजर और दोषरहित है।'

श्लोक 8 (padma.2.109.8)

तस्य मृत्युर्न वै दृष्टो देवैरपि महात्मभिः । एवमाकर्ण्य तद्वाक्यं दानवो दुष्टचेष्टितः

tasya mṛtyurna vai dṛṣṭo devairapi mahātmabhiḥ evamākarṇya tadvākyaṁ dānavo duṣṭaceṣṭitaḥ

'उसकी मृत्यु महात्मा देवताओं द्वारा भी कभी नहीं देखी गई।' यह वचन सुनकर वह दुराचारी दानव —

श्लोक 9 (padma.2.109.9)

तामुवाच विशालाक्षीं प्रहस्यैव पुनः पुनः । अद्यैव भक्षितं मांसमायुपुत्रस्य सुंदरि

tāmuvāca viśālākṣīṁ prahasyaiva punaḥ punaḥ adyaiva bhakṣitaṁ māṁsamāyuputrasya suṁdari

— उस विशाललोचना से बार-बार हँसते हुए बोला — 'हे सुंदरी! आज ही मैंने आयु के पुत्र —'

श्लोक 10 (padma.2.109.10)

जातमात्रस्य बालस्य नहुषस्य दुरात्मनः । एवमाकर्ण्य सा वाक्यं कोपं चक्रे सुदारुणम्

jātamātrasya bālasya nahuṣasya durātmanaḥ evamākarṇya sā vākyaṁ kopaṁ cakre sudāruṇam

'— उस अभी-अभी जन्मे दुरात्मा बालक नहुष के मांस का भक्षण किया है।' यह सुनकर उस देवी को अत्यंत क्रोध आया,

श्लोक 11 (padma.2.109.11)

प्रोवाच सत्यसंस्था सा तपसा भाविता पुनः । तप एव मया तप्तं मनसा नियमेन वै । आयुसुतश्चिरायुश्च सत्येनैव भविष्यति

provāca satyasaṁsthā sā tapasā bhāvitā punaḥ tapa eva mayā taptaṁ manasā niyamena vai āyusutaścirāyuśca satyenaiva bhaviṣyati

और सत्य में स्थित, तप से पूत उस सती ने फिर कहा — 'मैंने ही मन और नियम से यह तप किया है — सत्य के ही बल से आयु का पुत्र दीर्घायु होगा।'

श्लोक 12 (padma.2.109.12)

इतो गच्छ दुराचार यदि जीवितुमिच्छसि । अन्यथा त्वामहं शप्स्ये पुनरेव न संशयः

ito gaccha durācāra yadi jīvitumicchasi anyathā tvāmahaṁ śapsye punareva na saṁśayaḥ

'हे दुराचारी! यहाँ से चले जाओ, यदि जीवित रहना चाहते हो। अन्यथा मैं तुम्हें फिर से शाप दूँगी, इसमें कोई संदेह नहीं।'

श्लोक 13 (padma.2.109.13)

एवमाकर्णितं तस्याः सूदेन नृपतिं प्रति । परित्यज्य महाराज एतामन्यां समाश्रय

evamākarṇitaṁ tasyāḥ sūdena nṛpatiṁ prati parityajya mahārāja etāmanyāṁ samāśraya

यह सुनकर रसोइए ने राजा (हुंड) से यह कहलवाया — 'हे महाराज! इसे छोड़कर किसी दूसरी का आश्रय लो।'

श्लोक 14 (padma.2.109.14)

सूदेन प्रेषितो दैत्यः स हुंडः पापचेतनः । निर्जगाम त्वरायुक्तः स स्वां भार्यां प्रियां प्रति

sūdena preṣito daityaḥ sa huṁḍaḥ pāpacetanaḥ nirjagāma tvarāyuktaḥ sa svāṁ bhāryāṁ priyāṁ prati

रसोइए द्वारा भेजा गया वह पापचित्त दैत्य हुंड शीघ्रता से अपनी प्रिय पत्नी के पास चला गया।

श्लोक 15 (padma.2.109.15)

चेष्टितं नैव जानाति दास्या सूदेन यत्कृतम् । तस्यै निवेदितं सर्वं प्रियायै वृत्तमेव च

ceṣṭitaṁ naiva jānāti dāsyā sūdena yatkṛtam tasyai niveditaṁ sarvaṁ priyāyai vṛttameva ca

वह दासी और रसोइए द्वारा किए गए कार्य को बिल्कुल भी नहीं जान सका। उसने अपनी प्रिया को वह सब वृत्तांत कह सुनाया।

श्लोक 16 (padma.2.109.16)

सूत उवाच । अशोकसुंदरी सा च महता तपसा किल । दुःखशोकेन संतप्ता कृशीभूता तपस्विनी

sūta uvāca aśokasuṁdarī sā ca mahatā tapasā kila duḥkhaśokena saṁtaptā kṛśībhūtā tapasvinī

सूत ने कहा — इधर वह अशोकसुंदरी अत्यंत तप से, दुःख और शोक से संतप्त होकर कृशकाय हो गई थी, वह तपस्विनी।

श्लोक 17 (padma.2.109.17)

चिंतयंती प्रियं कांतं तं ध्यायति पुनः पुनः । किं न कुर्वंति वै दैत्या उपायैर्विविधैरपि

ciṁtayaṁtī priyaṁ kāṁtaṁ taṁ dhyāyati punaḥ punaḥ kiṁ na kurvaṁti vai daityā upāyairvividhairapi

अपने प्रिय पति का ही चिंतन करती, बार-बार उसी का ध्यान करती रहती — 'दैत्य लोग नाना उपायों से क्या-क्या नहीं करते!'

श्लोक 18 (padma.2.109.18)

उपायज्ञाः सदा बुद्ध्या उद्यमेनापि सर्वदा । वर्तंते दनुजश्रेष्ठा नानाभावैश्च सर्वदा

upāyajñāḥ sadā buddhyā udyamenāpi sarvadā vartaṁte danujaśreṣṭhā nānābhāvaiśca sarvadā

'ये दानवश्रेष्ठ सदा बुद्धि से उपायों को जानने वाले, सदा प्रयत्नशील, नाना भावों से युक्त रहते हैं।'

श्लोक 19 (padma.2.109.19)

मायोपायेन योगेन हृताहं पापिना पुरा । तथा स घातितः पुत्र आयोश्चैव भविष्यति

māyopāyena yogena hṛtāhaṁ pāpinā purā tathā sa ghātitaḥ putra āyoścaiva bhaviṣyati

'पहले उस पापी ने मुझे माया के उपाय से, छल से हर लिया था; क्या उसी तरह आयु के उस पुत्र को भी मार डाला होगा?'

श्लोक 20 (padma.2.109.20)

यं दृष्ट्वा दैवयोगेन भवितारमनामयम् । उद्यमेनापि पश्येत किं वा नश्यति वा न वा

yaṁ dṛṣṭvā daivayogena bhavitāramanāmayam udyamenāpi paśyeta kiṁ vā naśyati vā na vā

'जिसे देखकर, दैवयोग से जो होने वाला और निर्दोष है — क्या उद्यम (प्रयत्न) से भी देखा जाए, कि वह नष्ट हो सकता है या नहीं?'

श्लोक 21 (padma.2.109.21)

किं वा स उद्यमः श्रेष्ठः किं वा तत्कर्मजं फलम् । भाविभावः कथं नश्येत्ततो वेदः प्रतिष्ठति

kiṁ vā sa udyamaḥ śreṣṭhaḥ kiṁ vā tatkarmajaṁ phalam bhāvibhāvaḥ kathaṁ naśyettato vedaḥ pratiṣṭhati

'क्या वह श्रेष्ठ उद्यम है, या उस कर्म से उत्पन्न फल है? भावी बात कैसे नष्ट हो सकती है — इसी से तो वेद की प्रतिष्ठा है।'

श्लोक 22 (padma.2.109.22)

विशेषो भावितो देवैः स कथं चान्यथा भवेत् । एवमेवं महाभागा चिंतयंती पुनः पुनः

viśeṣo bhāvito devaiḥ sa kathaṁ cānyathā bhavet evamevaṁ mahābhāgā ciṁtayaṁtī punaḥ punaḥ

'देवताओं द्वारा जो विशेष रूप से निश्चित किया गया है, वह अन्यथा कैसे हो सकता है?' इस प्रकार वह महाभागा बार-बार विचार करती रही।

श्लोक 23 (padma.2.109.23)

किन्नरो विद्वरो नाम बृहद्वंशोमहातनुः । सनाभ्योर्धनरः कायः पक्षाभ्यां हि विवर्जितः

kinnaro vidvaro nāma bṛhadvaṁśomahātanuḥ sanābhyordhanaraḥ kāyaḥ pakṣābhyāṁ hi vivarjitaḥ

तभी विद्वर नाम का एक किन्नर, विशाल वंश (कुल) वाला, महाकाय — जिसका शरीर नाभि से ऊपर मनुष्य के समान, किंतु पंखों से रहित था,

श्लोक 24 (padma.2.109.24)

द्विभुजो वंशहस्तस्तु हारकंकणशोभितः । दिव्यगंधानुलिप्तांगो भार्यया सह चागतः

dvibhujo vaṁśahastastu hārakaṁkaṇaśobhitaḥ divyagaṁdhānuliptāṁgo bhāryayā saha cāgataḥ

दो भुजाओं वाला, हाथ में बाँसुरी लिए, हार-कंकण से सुशोभित, दिव्य सुगंध से लिप्त अंगों वाला — वह अपनी पत्नी के साथ वहाँ आया।

श्लोक 25 (padma.2.109.25)

तामुवाच निरानंदां स सुतां शंकरस्यहि । किमर्थं चिंतसे देवि विद्वरं विद्धि चागतम्

tāmuvāca nirānaṁdāṁ sa sutāṁ śaṁkarasyahi kimarthaṁ ciṁtase devi vidvaraṁ viddhi cāgatam

उसने शिव की उस निराश पुत्री से कहा — 'हे देवी! तुम किसलिए चिंतित हो? जानो, यह विद्वर आया हुआ है —'

श्लोक 26 (padma.2.109.26)

किन्नरं विष्णुभक्तं मां प्रेषितं देवसत्तमैः । दुःखमेवं न कर्तव्यं भवत्या नहुषं प्रति

kinnaraṁ viṣṇubhaktaṁ māṁ preṣitaṁ devasattamaiḥ duḥkhamevaṁ na kartavyaṁ bhavatyā nahuṣaṁ prati

'— मैं विष्णुभक्त किन्नर हूँ, देवताओं में श्रेष्ठों द्वारा भेजा गया हूँ। नहुष के विषय में तुम्हें ऐसा दुःख नहीं करना चाहिए।'

श्लोक 27 (padma.2.109.27)

हुंडेन पापचारेण वधार्थं तस्य धीमतः । कृतमेवाखिलं कर्म हृतश्चायुसुतः शुभे

huṁḍena pāpacāreṇa vadhārthaṁ tasya dhīmataḥ kṛtamevākhilaṁ karma hṛtaścāyusutaḥ śubhe

'हे शुभे! उस बुद्धिमान् नहुष के वध के लिए पापाचारी हुंड ने यह सारा षड्यंत्र रचा और आयु के पुत्र को हरा —'

श्लोक 28 (padma.2.109.28)

स तु वै रक्षितो देवैरुपायैर्विविधैरपि । हुंड एवं विजानाति आयुपुत्रो हृतो मया

sa tu vai rakṣito devairupāyairvividhairapi huṁḍa evaṁ vijānāti āyuputro hṛto mayā

'— परंतु देवताओं ने ही उसे नाना उपायों से बचा लिया। हुंड यही समझता है कि आयु के पुत्र को मैंने हर लिया,'

श्लोक 29 (padma.2.109.29)

भक्षितस्तु विशालाक्षि इति जानाति वै शुभे । भवतां श्रावयित्वा हि गतोसौ दानवोऽधमः

bhakṣitastu viśālākṣi iti jānāti vai śubhe bhavatāṁ śrāvayitvā hi gatosau dānavo'dhamaḥ

'— और हे विशाललोचने! वह यही जानता है कि उसे भक्षण भी कर लिया है। तुम्हें भी यही बताकर वह अधम दानव लौट गया है।'

श्लोक 30 (padma.2.109.30)

स्वेनकर्मविपाकेन पुण्यस्यापि महायशाः । पूर्वजन्मार्जितेनैव तव भर्त्ता स जीवति

svenakarmavipākena puṇyasyāpi mahāyaśāḥ pūrvajanmārjitenaiva tava bharttā sa jīvati

'हे महायशस्विनी! अपने ही पूर्वजन्म-अर्जित पुण्य के परिपाक से, हे महाभागे! तुम्हारा पति जीवित है।'

श्लोक 31 (padma.2.109.31)

पुण्यस्यापि बलेनैव येषामायुर्विनिर्मितम् । स्वर्जितस्य महाभागे नाशमिच्छंति घातकाः

puṇyasyāpi balenaiva yeṣāmāyurvinirmitam svarjitasya mahābhāge nāśamicchaṁti ghātakāḥ

'जिनका आयुष्य पुण्य के बल से ही रचा गया हो, हे महाभागे! घातक लोग उन्हीं का, उनके स्वार्जित (स्वयं अर्जित) पुण्य के नाश की कामना करते हैं।'

श्लोक 32 (padma.2.109.32)

दुष्टात्मानो महापापाः परतेजोविदूषकाः । तेषां यशोविनाशार्थं प्रपंचंति दिने दिने

duṣṭātmāno mahāpāpāḥ paratejovidūṣakāḥ teṣāṁ yaśovināśārthaṁ prapaṁcaṁti dine dine

'दुष्टात्मा, महापापी, दूसरों के तेज को दूषित करने वाले — वे प्रतिदिन उनके यश के विनाश के लिए षड्यंत्र रचते हैं।'

श्लोक 33 (padma.2.109.33)

नानाविधैरुपायैस्ते विषशस्त्रादिभिस्ततः । हंतुमिच्छंति तं पुण्यं पुण्यकर्माभिरक्षितम्

nānāvidhairupāyaiste viṣaśastrādibhistataḥ haṁtumicchaṁti taṁ puṇyaṁ puṇyakarmābhirakṣitam

'नाना प्रकार के उपायों से, विष-शस्त्र आदि के द्वारा, वे उस पुण्यवान् को, जो अपने ही पुण्यकर्मों से सुरक्षित है, मार डालना चाहते हैं।'

श्लोक 34 (padma.2.109.34)

पापिनश्चैव हुंडाद्या मोहनस्तंभनादिभिः । पीडयंति महापापा नानाभेदैर्बलाविलैः

pāpinaścaiva huṁḍādyā mohanastaṁbhanādibhiḥ pīḍayaṁti mahāpāpā nānābhedairbalāvilaiḥ

'हुंड आदि पापी, बलपूर्वक नाना भेदों से, मोहन-स्तंभन आदि (तांत्रिक) प्रयोगों से उसे पीड़ा पहुँचाना चाहते हैं।'

श्लोक 35 (padma.2.109.35)

सुकृतस्य प्रयोगेण पूर्वजन्मार्जितेन हि । पुण्यस्यापि महाभागे पुण्यवंतं सुरक्षितम्

sukṛtasya prayogeṇa pūrvajanmārjitena hi puṇyasyāpi mahābhāge puṇyavaṁtaṁ surakṣitam

'किंतु पूर्वजन्म में अर्जित सुकृत के प्रयोग से, हे महाभागे! उस पुण्यवान् की भलीभाँति रक्षा होती है।'

श्लोक 36 (padma.2.109.36)

वैफल्यं यांति तेषां वै उपायाः पापिनां शुभे । यंत्रतंत्राणि मंत्राश्च शस्त्राग्निविषबंधनाः

vaiphalyaṁ yāṁti teṣāṁ vai upāyāḥ pāpināṁ śubhe yaṁtrataṁtrāṇi maṁtrāśca śastrāgniviṣabaṁdhanāḥ

'हे शुभे! उन पापियों के सारे उपाय विफल हो जाते हैं। यंत्र, तंत्र, मंत्र, शस्त्र, अग्नि, विष और बंधन —'

श्लोक 37 (padma.2.109.37)

रक्षयंति महात्मानं देवपुण्यैः सुरक्षितम् । कर्तारो भस्मतां यांति स वै तिष्ठति पुण्यभाक्

rakṣayaṁti mahātmānaṁ devapuṇyaiḥ surakṣitam kartāro bhasmatāṁ yāṁti sa vai tiṣṭhati puṇyabhāk

'— वे उस महात्मा की, जो देवताओं के पुण्य से सुरक्षित है, रक्षा ही करते हैं। उसके करने वाले (शत्रु) ही भस्म हो जाते हैं, और वह पुण्यवान् बना रहता है।'

श्लोक 38 (padma.2.109.38)

आयुपुत्रस्य वीरस्य रक्षका देवताः शुभे । पुण्यस्य संचयं सर्वे तपसां निधिमेव तु

āyuputrasya vīrasya rakṣakā devatāḥ śubhe puṇyasya saṁcayaṁ sarve tapasāṁ nidhimeva tu

'हे शुभे! उस वीर आयु-पुत्र के रक्षक स्वयं देवता हैं, और उसका सारा पुण्य-संचय, उसकी तपस्या का समस्त निधि भी।'

श्लोक 39 (padma.2.109.39)

तस्माच्च रक्षितो वीरो नहुषो बलिनां वरः । सत्येन तपसा तेन पुण्यैश्च संयमैर्दमैः

tasmācca rakṣito vīro nahuṣo balināṁ varaḥ satyena tapasā tena puṇyaiśca saṁyamairdamaiḥ

'इसीलिए वह वीर नहुष, बलवानों में श्रेष्ठ, सत्य से, तप से, पुण्यों से, संयम और दम से रक्षित है।'

श्लोक 40 (padma.2.109.40)

मा कृथा दारुणं दुःखं मुंच शोकमकारणम् । स हि जीवति धर्मात्मा मात्रा पित्रा विना वने

mā kṛthā dāruṇaṁ duḥkhaṁ muṁca śokamakāraṇam sa hi jīvati dharmātmā mātrā pitrā vinā vane

'ऐसा भयंकर दुःख मत करो, यह निष्कारण शोक त्याग दो। वह धर्मात्मा माता-पिता से दूर वन में ही जीवित है।'

श्लोक 41 (padma.2.109.41)

तपोवनेव सत्येकस्तपस्वि परिपालितः । वेदवेदांगतत्त्वज्ञो धनुर्वेदस्य पारगः

tapovaneva satyekastapasvi paripālitaḥ vedavedāṁgatattvajño dhanurvedasya pāragaḥ

'तपोवन में ही, अकेला, सत्य में स्थित, एक तपस्वी द्वारा पाला-पोसा गया — वेद-वेदांगों के तत्त्व का ज्ञाता और धनुर्वेद में पारंगत।'

श्लोक 42 (padma.2.109.42)

यथा शशी विराजेत स्वकलाभिः स्वतेजसा । तथा विराजते सोऽपि स्वकलाभिः सुमध्यमे

yathā śaśī virājeta svakalābhiḥ svatejasā tathā virājate so'pi svakalābhiḥ sumadhyame

'जैसे चंद्रमा अपनी कलाओं और तेज से देदीप्यमान होता है, वैसे ही हे सुमध्यमे! वह भी अपनी कलाओं से देदीप्यमान है।'

श्लोक 43 (padma.2.109.43)

विद्याभिस्तु महापुण्यैस्तपोभिर्यशसा तथा । राजते परवीरघ्नो रिपुहा सुरवल्लभः

vidyābhistu mahāpuṇyaistapobhiryaśasā tathā rājate paravīraghno ripuhā suravallabhaḥ

'विद्याओं से, महापुण्यों से, तपों से और यश से भी वह शत्रुसंहारक, रिपुनाशक, देवताओं का प्रिय, शोभायमान हो रहा है।'

श्लोक 44 (padma.2.109.44)

हुंडं निहत्य दैत्येंद्रं त्वामेवं हि प्रलप्स्यते । त्वया सार्द्धं स्त्रिया चैव पृथिव्यामेकभूपतिः

huṁḍaṁ nihatya daityeṁdraṁ tvāmevaṁ hi pralapsyate tvayā sārddhaṁ striyā caiva pṛthivyāmekabhūpatiḥ

'दैत्येंद्र हुंड को मारकर वह तुम्हें ही प्राप्त करेगा। तुम्हारे साथ ही, हे स्त्रि, वह पृथ्वी का एकच्छत्र राजा बनेगा।'

श्लोक 45 (padma.2.109.45)

भविष्यति महायोगी यथा स्वर्गे तु वासवः । त्वं तस्मात्प्राप्स्यसे भद्रे सुपुत्रं वासवोपमम्

bhaviṣyati mahāyogī yathā svarge tu vāsavaḥ tvaṁ tasmātprāpsyase bhadre suputraṁ vāsavopamam

'वह महायोगी, स्वर्ग में इंद्र के समान (पृथ्वी पर) होगा। हे भद्रे! तुम्हें भी उससे इंद्र के समान श्रेष्ठ पुत्र प्राप्त होगा —'

श्लोक 46 (padma.2.109.46)

ययातिं नामधर्मज्ञं प्रजापालनतत्परम् । तथा कन्याशतं चापि रूपौदार्यगुणान्वितम्

yayātiṁ nāmadharmajñaṁ prajāpālanatatparam tathā kanyāśataṁ cāpi rūpaudāryaguṇānvitam

'— ययाति नाम का धर्मज्ञ, प्रजापालन में तत्पर; और साथ ही रूप, औदार्य और गुणों से युक्त सौ कन्याएँ भी।'

श्लोक 47 (padma.2.109.47)

यासां पुण्यैर्महाराज इंद्रलोकं प्रयास्यति । इंद्रत्वं भोक्ष्यते देवि नहुषः पुण्यविक्रमः

yāsāṁ puṇyairmahārāja iṁdralokaṁ prayāsyati iṁdratvaṁ bhokṣyate devi nahuṣaḥ puṇyavikramaḥ

'जिनके पुण्यों से, हे महाराज (राजपुत्री)! वह इंद्रलोक को प्राप्त होगा। हे देवी! वह नहुष, पुण्य से पराक्रमी होकर, इंद्रपद का भी भोग करेगा।'

श्लोक 48 (padma.2.109.48)

ययातिर्नाम धर्मात्मा आत्मजस्ते भविष्यति । प्रजापालो महाराजः सर्वजीवदयापरः

yayātirnāma dharmātmā ātmajaste bhaviṣyati prajāpālo mahārājaḥ sarvajīvadayāparaḥ

'धर्मात्मा ययाति नाम का तुम्हारा ही पुत्र होगा — प्रजा का पालक, महान् राजा, समस्त प्राणियों पर दया करने वाला।'

श्लोक 49 (padma.2.109.49)

तस्य पुत्रास्तु चत्वारो भविष्यंति महौजसः । बलवीर्यसमोपेता धनुर्वेदस्य पारगाः

tasya putrāstu catvāro bhaviṣyaṁti mahaujasaḥ balavīryasamopetā dhanurvedasya pāragāḥ

'उसके भी चार महातेजस्वी पुत्र होंगे — बल और पराक्रम से संपन्न, धनुर्वेद में पारंगत।'

श्लोक 50 (padma.2.109.50)

प्रथमश्च तुरुर्नाम पुरुर्नाम द्वितीयकः । उरुर्नाम तृतीयश्च चतुर्थो वीर्यवान्यदुः

prathamaśca tururnāma pururnāma dvitīyakaḥ ururnāma tṛtīyaśca caturtho vīryavānyaduḥ

'पहला तुरु नाम का, दूसरा पुरु नाम का, तीसरा उरु नाम का, और चौथा पराक्रमी यदु नाम का।'

श्लोक 51 (padma.2.109.51)

एवं पुत्रा महावीर्यास्तेजस्विनो महाबलाः । भविष्यंति महात्मानः सर्वतेजः समन्विताः

evaṁ putrā mahāvīryāstejasvino mahābalāḥ bhaviṣyaṁti mahātmānaḥ sarvatejaḥ samanvitāḥ

'इस प्रकार वे महापराक्रमी, तेजस्वी, महाबली पुत्र — सब महात्मा, समस्त तेज से युक्त होंगे।'

श्लोक 52 (padma.2.109.52)

यदोश्चैव सुता वीराः सिंहतुल्यपराक्रमाः । तेषां नामानि भद्रं ते गदतः शृणु सांप्रतम्

yadoścaiva sutā vīrāḥ siṁhatulyaparākramāḥ teṣāṁ nāmāni bhadraṁ te gadataḥ śṛṇu sāṁpratam

'यदु के भी पुत्र वीर होंगे, सिंह के समान पराक्रमी। हे कल्याणी! उनके नाम अब मुझसे सुनो, जैसा मैं कहता हूँ —'

श्लोक 53 (padma.2.109.53)

भोजश्च भीमकश्चापि अंधकः कुञ्जरस्तथा । वृष्णिर्नाम सुधर्मात्मा सत्याधारो भविष्यति

bhojaśca bhīmakaścāpi aṁdhakaḥ kuñjarastathā vṛṣṇirnāma sudharmātmā satyādhāro bhaviṣyati

'भोज, भीमक, अंधक, कुंजर, तथा वृष्णि नाम का धर्मात्मा, सत्य में स्थित —'

श्लोक 54 (padma.2.109.54)

षष्ठस्तु श्रुतसेनश्च श्रुताधारस्तु सप्तमः । कालदंष्ट्रो महावीर्यः समरे कालजिद्बली

ṣaṣṭhastu śrutasenaśca śrutādhārastu saptamaḥ kāladaṁṣṭro mahāvīryaḥ samare kālajidbalī

'छठा श्रुतसेन, सातवाँ श्रुताधार, और महापराक्रमी कालदंष्ट्र, युद्ध में काल को भी जीतने वाला, बलवान्।'

श्लोक 55 (padma.2.109.55)

यदोः पुत्रा महावीर्या यादवाख्या वरानने । तेषां तु पुत्राः पौत्रास्ते भविष्यंति सहस्रशः

yadoḥ putrā mahāvīryā yādavākhyā varānane teṣāṁ tu putrāḥ pautrāste bhaviṣyaṁti sahasraśaḥ

'हे वरानने! यदु के वे महापराक्रमी पुत्र यादव कहलाएँगे। उनके भी पुत्र-पौत्र सहस्रों की संख्या में होंगे।'

श्लोक 56 (padma.2.109.56)

एवं नहुषवंशो वै तव देवि भविष्यति । दुःखमेवं परित्यज्य सुखेनानुप्रवर्तय

evaṁ nahuṣavaṁśo vai tava devi bhaviṣyati duḥkhamevaṁ parityajya sukhenānupravartaya

'हे देवी! इस प्रकार तुम्हारा यह नहुष-वंश होगा। इस दुःख को त्यागकर सुखपूर्वक जीवन बिताओ।'

श्लोक 57 (padma.2.109.57)

समेष्यति महाप्राज्ञस्तव भर्ता शुभानने । निहत्य दानवं हुंडं त्वामेवं परिणेष्यति

sameṣyati mahāprājñastava bhartā śubhānane nihatya dānavaṁ huṁḍaṁ tvāmevaṁ pariṇeṣyati

'हे शुभानने! वह महाबुद्धिमान् तुम्हारा पति दानव हुंड को मारकर तुमसे मिलेगा, और तुमसे विवाह करेगा।'

श्लोक 58 (padma.2.109.58)

दुःखजातानि सोष्णानि नेत्राभ्यां हि पतंति च । अश्रूणि चेंदुमत्याश्च संमार्जयति मानदः

duḥkhajātāni soṣṇāni netrābhyāṁ hi pataṁti ca aśrūṇi ceṁdumatyāśca saṁmārjayati mānadaḥ

'दुःख से उत्पन्न, गर्म-गर्म आँसू जो तुम्हारे नेत्रों से बह रहे हैं — उन आँसुओं को, और इंदुमती के आँसुओं को भी, वह मानप्रद (सम्माननीय) पुरुष पोंछ देगा।'

श्लोक 59 (padma.2.109.59)

आयोश्च दुःखमुद्धृत्य स्वकुलं तारयिष्यति । सुखिनं पितरं कृत्वा प्रजापालो भविष्यति

āyośca duḥkhamuddhṛtya svakulaṁ tārayiṣyati sukhinaṁ pitaraṁ kṛtvā prajāpālo bhaviṣyati

'आयु के दुःख को दूर करके वह अपने कुल का उद्धार करेगा। अपने पिता को सुखी बनाकर वह प्रजा का पालक बनेगा।'

श्लोक 60 (padma.2.109.60)

एतत्ते सर्वमाख्यातं देवानां कथनं शुभे । दुःखं शोकं परित्यज्य सुखेन परिवर्त्तय

etatte sarvamākhyātaṁ devānāṁ kathanaṁ śubhe duḥkhaṁ śokaṁ parityajya sukhena parivarttaya

'हे शुभे! यह सब मैंने तुम्हें बता दिया, जो स्वयं देवताओं का ही कथन है। दुःख और शोक त्यागकर सुख की ओर लौट आओ।'

श्लोक 61 (padma.2.109.61)

अशोकसुंदर्युवाच । कदा ह्येष्यति मे भर्त्ता विहितो दैवतैर्यदि । सत्यं वद स्वधर्मज्ञ मम सौख्यं विवर्द्धय

aśokasuṁdaryuvāca kadā hyeṣyati me bharttā vihito daivatairyadi satyaṁ vada svadharmajña mama saukhyaṁ vivarddhaya

अशोकसुंदरी ने कहा — 'यदि देवताओं द्वारा यह निश्चित ही है, तो मेरा पति कब आएगा? हे धर्मज्ञ! सत्य कहो, मेरे सुख को बढ़ाओ।'

श्लोक 62 (padma.2.109.62)

विद्वर उवाच । अचिराद्द्रक्ष्यसि भर्तारं त्वमेवं शृणु सुंदरि । एवमुक्त्वा जगामाथ गंधर्वो विबुधालयम्

vidvara uvāca acirāddrakṣyasi bhartāraṁ tvamevaṁ śṛṇu suṁdari evamuktvā jagāmātha gaṁdharvo vibudhālayam

विद्वर ने कहा — 'हे सुंदरी! शीघ्र ही तुम अपने पति को देखोगी, यह सुनो।' इतना कहकर वह गंधर्व देवलोक को चला गया।

श्लोक 63 (padma.2.109.63)

अशोकसुंदरी सा च तपस्तेपे हि तत्र वै । कामं क्रोधं परित्यज्य लोभं चापि शिवात्मजा

aśokasuṁdarī sā ca tapastepe hi tatra vai kāmaṁ krodhaṁ parityajya lobhaṁ cāpi śivātmajā

तब वह शिव-पुत्री अशोकसुंदरी, काम, क्रोध और लोभ को त्यागकर, वहाँ तप करती रही।