नहुष का विवाह और घर वापसी

श्लोक 1 (padma.2.116.1)

कुंजल उवाच । अशोकसुंदरी पुण्या रंभया सह हर्षिता । नहुषं प्राप्य विक्रांतं तमुवाच तपस्विनी

kuṁjala uvāca aśokasuṁdarī puṇyā raṁbhayā saha harṣitā nahuṣaṁ prāpya vikrāṁtaṁ tamuvāca tapasvinī

कुंजल ने कहा — रंभा सहित हर्षित हुई पुण्यशालिनी अशोकसुंदरी, उस पराक्रमी नहुष को पाकर, तपस्विनी वह बोली —

श्लोक 2 (padma.2.116.2)

अहं ते धर्मतः पत्नी देवैर्दिष्टा तपस्विनी । उद्वाहयस्व मां वीर यदि धर्ममिहेच्छसि

ahaṁ te dharmataḥ patnī devairdiṣṭā tapasvinī udvāhayasva māṁ vīra yadi dharmamihecchasi

'मैं धर्मतः तुम्हारी पत्नी हूँ, देवताओं द्वारा ही यह ठहराया गया है, हे तपस्विनी। हे वीर! यदि तुम धर्म चाहते हो, तो मुझसे विवाह करो।'

श्लोक 3 (padma.2.116.3)

सदैव चिंत्यमाना च त्वामहं तपसि स्थिता । भवान्धर्मप्रसादेन मया प्राप्तो नृपोत्तम

sadaiva ciṁtyamānā ca tvāmahaṁ tapasi sthitā bhavāndharmaprasādena mayā prāpto nṛpottama

'सदा तुम्हारा ही चिंतन करती हुई मैं तप में स्थित रही। धर्म की ही कृपा से, हे राजश्रेष्ठ, मुझे तुम प्राप्त हुए हो।'

श्लोक 4 (padma.2.116.4)

नहुष उवाच । मदर्थे नियता भद्रे यदि त्वं तपसि स्थिता । गुरोर्वाक्यान्मुहूर्तेन तव भर्ता भवाम्यहम्

nahuṣa uvāca madarthe niyatā bhadre yadi tvaṁ tapasi sthitā gurorvākyānmuhūrtena tava bhartā bhavāmyaham

नहुष ने कहा — 'हे भद्रे! यदि तुम मेरे ही लिए निश्चित होकर तप में स्थित रही हो, तो गुरु की आज्ञा से इसी क्षण मैं तुम्हारा पति बनूँगा।'

श्लोक 5 (padma.2.116.5)

अनया रंभया सार्द्धमावां गच्छाव भामिनि । समारोप्य रथे तां तु तां रंभां तु मनोरमाम्

anayā raṁbhayā sārddhamāvāṁ gacchāva bhāmini samāropya rathe tāṁ tu tāṁ raṁbhāṁ tu manoramām

'हे भामिनी! इसी रंभा के साथ हम दोनों चलें।' उस मनोरम रंभा को भी रथ पर चढ़ाकर,

श्लोक 6 (padma.2.116.6)

तेनैव रथवर्येण वशिष्ठस्याश्रमं प्रति । जगाम लघुवेगेन ताभ्यां सह महायशाः

tenaiva rathavaryeṇa vaśiṣṭhasyāśramaṁ prati jagāma laghuvegena tābhyāṁ saha mahāyaśāḥ

— उसी श्रेष्ठ रथ से, उन दोनों (स्त्रियों) के साथ, वह महायशस्वी, वेगपूर्वक वसिष्ठ के आश्रम की ओर चला गया।

श्लोक 7 (padma.2.116.7)

तमाश्रमगतं विप्रं समालोक्य प्रणम्य च । तया सार्द्धं महातेजा हर्षेण महतान्वितः

tamāśramagataṁ vipraṁ samālokya praṇamya ca tayā sārddhaṁ mahātejā harṣeṇa mahatānvitaḥ

आश्रम में स्थित उस विप्र (वसिष्ठ) को देखकर, प्रणाम करके, उस देवी सहित वह महातेजस्वी, अत्यंत हर्ष से भरकर,

श्लोक 8 (padma.2.116.8)

यथा युद्धं रणे जातं निहतो दानवाधमः । निवेदयामास सर्वं वशिष्ठाय महात्मने

yathā yuddhaṁ raṇe jātaṁ nihato dānavādhamaḥ nivedayāmāsa sarvaṁ vaśiṣṭhāya mahātmane

— युद्ध में जो कुछ हुआ था, अधम दानव किस प्रकार मारा गया, वह सब महात्मा वसिष्ठ को निवेदन किया।

श्लोक 9 (padma.2.116.9)

वशिष्ठोऽपि समाकर्ण्य नहुषस्य विचेष्टितम् । हर्षेण महताविष्ट आशीर्भिरभिनंद्य तम्

vaśiṣṭho'pi samākarṇya nahuṣasya viceṣṭitam harṣeṇa mahatāviṣṭa āśīrbhirabhinaṁdya tam

वसिष्ठ भी नहुष का यह पराक्रम सुनकर अत्यंत हर्ष से भर उठे, और आशीर्वादों से उसका अभिनंदन करने लगे।

श्लोक 10 (padma.2.116.10)

तिथौ लग्ने शुभे प्राप्ते तयोस्तु मुनिपुंगवः । विवाहं कारयामास अग्निब्राह्मणसन्निधौ

tithau lagne śubhe prāpte tayostu munipuṁgavaḥ vivāhaṁ kārayāmāsa agnibrāhmaṇasannidhau

शुभ तिथि और लग्न आने पर, उस मुनिश्रेष्ठ ने अग्नि और ब्राह्मणों की उपस्थिति में उन दोनों का विवाह संपन्न कराया।

श्लोक 11 (padma.2.116.11)

आशीर्भिरभिनंद्यैव मिथुनं प्रेषितं पुनः । मातरं पितरं पश्य द्रुतं गत्वा महामते

āśīrbhirabhinaṁdyaiva mithunaṁ preṣitaṁ punaḥ mātaraṁ pitaraṁ paśya drutaṁ gatvā mahāmate

आशीर्वादों से अभिनंदित करके उस युगल को फिर विदा किया — 'हे महाबुद्धिमान्! शीघ्र जाकर माता-पिता को देखो।'

श्लोक 12 (padma.2.116.12)

त्वां च दृष्ट्वा हि ते माता पितासौ तव सुव्रत । हर्षेण वृद्धिमाप्नोतु पर्वणीव तु सागरः

tvāṁ ca dṛṣṭvā hi te mātā pitāsau tava suvrata harṣeṇa vṛddhimāpnotu parvaṇīva tu sāgaraḥ

'हे सुव्रत! तुम्हें देखकर तुम्हारी माता और तुम्हारे पिता हर्ष से उसी प्रकार बढ़ेंगे, जैसे पूर्णिमा को सागर बढ़ता है।'

श्लोक 13 (padma.2.116.13)

एवं संप्रेषितो वीरो मुनिना ब्रह्मसूनुना । तेनैव रथवर्येण जगाम लघुविक्रमः

evaṁ saṁpreṣito vīro muninā brahmasūnunā tenaiva rathavaryeṇa jagāma laghuvikramaḥ

इस प्रकार ब्रह्मपुत्र मुनि द्वारा विदा किया गया वह वीर, उसी श्रेष्ठ रथ से फुर्तीले पराक्रम से चल पड़ा।

श्लोक 14 (padma.2.116.14)

नमस्कृत्य द्विजेंद्रं तं गतो मातलिना तदा । स्वपुरं पितरं द्रष्टुं तथैव च स्वमातरम्

namaskṛtya dvijeṁdraṁ taṁ gato mātalinā tadā svapuraṁ pitaraṁ draṣṭuṁ tathaiva ca svamātaram

उस श्रेष्ठ द्विज को नमस्कार करके, मातलि के साथ, वह अपने नगर, अपने पिता और अपनी माता को देखने के लिए चला गया।

श्लोक 15 (padma.2.116.15)

सूत उवाच । अप्सरा मेनिका नाम प्रेषिता दैवतैस्ततः । आयोर्भार्या सुदुःखेन पतिता शोकसागरे

sūta uvāca apsarā menikā nāma preṣitā daivataistataḥ āyorbhāryā suduḥkhena patitā śokasāgare

सूत ने कहा — तब मेनिका नाम की अप्सरा को देवताओं ने भेजा, क्योंकि आयु की पत्नी अत्यंत दुःख से शोक-सागर में डूबी हुई थी।

श्लोक 16 (padma.2.116.16)

तामुवाच महाभागां देवीमिंदुमतीं प्रति । मुंच शोकं महाभागे तनयं पश्य सस्नुषम्

tāmuvāca mahābhāgāṁ devīmiṁdumatīṁ prati muṁca śokaṁ mahābhāge tanayaṁ paśya sasnuṣam

उस महाभागा देवी इंदुमती से उसने कहा — 'हे महाभागे! शोक छोड़ो, अपने पुत्र को और अपनी पुत्रवधू को देखो —'

श्लोक 17 (padma.2.116.17)

निहत्य दानवं पापं तव पुत्रापहारकम् । समायांतं सभायां च वीरश्रियासमन्वितम्

nihatya dānavaṁ pāpaṁ tava putrāpahārakam samāyāṁtaṁ sabhāyāṁ ca vīraśriyāsamanvitam

'— तुम्हारे पुत्र के हरणकर्ता उस पापी दानव को मारकर, वीरश्री से युक्त होकर, वह सभा में आ रहा है।'

श्लोक 18 (padma.2.116.18)

सुवृत्तं संगरे तस्य नहुषेण यथा कृतम् । तस्यै निवेदयामास इंदुमत्यै च मेनिका

suvṛttaṁ saṁgare tasya nahuṣeṇa yathā kṛtam tasyai nivedayāmāsa iṁdumatyai ca menikā

संग्राम में नहुष द्वारा किया गया वह पूरा वृत्तांत मेनिका ने उस इंदुमती को सुना दिया।

श्लोक 19 (padma.2.116.19)

मेनिकाया वचः श्रुत्वा हर्षेण महतान्विता । सखि सत्यं ब्रवीषि त्वमित्युवाच सगद्गदम्

menikāyā vacaḥ śrutvā harṣeṇa mahatānvitā sakhi satyaṁ bravīṣi tvamityuvāca sagadgadam

मेनिका के इस वचन को सुनकर, अत्यंत हर्ष से भरकर, उसने गद्गद स्वर में कहा — 'हे सखी! तुम सत्य कहती हो।'

श्लोक 20 (padma.2.116.20)

सामृतं सुप्रियं प्रोक्तं मनःप्रोत्साहकारकम् । जीवादिकं मया देयं त्वयि सर्वस्वमेव हि

sāmṛtaṁ supriyaṁ proktaṁ manaḥprotsāhakārakam jīvādikaṁ mayā deyaṁ tvayi sarvasvameva hi

'तुमने अमृत-सी प्रिय बात कही है, जो मन को उत्साहित करने वाली है — मैं तुम्हें अपना प्राण, अपना सब कुछ दे दूँ, फिर भी कम है।'

श्लोक 21 (padma.2.116.21)

एवमाभाष्य तां देवी राजानमिदमब्रवीत् । तव पुत्रो महाबाहुः समायातो हि सांप्रतम्

evamābhāṣya tāṁ devī rājānamidamabravīt tava putro mahābāhuḥ samāyāto hi sāṁpratam

ऐसा कहकर उस देवी ने राजा से भी यह कहा — 'तुम्हारा महाबाहु पुत्र अब आ पहुँचा है।'

श्लोक 22 (padma.2.116.22)

आख्याति च महाराज एषा मे वै वराप्सराः । भर्तारमेवमाभाष्य विरराम सुहर्षिता

ākhyāti ca mahārāja eṣā me vai varāpsarāḥ bhartāramevamābhāṣya virarāma suharṣitā

'हे महाराज! यह उत्तम अप्सरा मुझे यही बता रही है।' अपने पति से यह कहकर वह अत्यंत हर्षित होकर चुप हो गई।

श्लोक 23 (padma.2.116.23)

समाकर्ण्य नृपेंद्रस्तु तामुवाच प्रियां प्रति । पुरा प्रोक्तं महाभागे मुनिना नारदेन हि

samākarṇya nṛpeṁdrastu tāmuvāca priyāṁ prati purā proktaṁ mahābhāge muninā nāradena hi

यह सुनकर राजेंद्र ने अपनी प्रिय पत्नी से कहा — 'हे महाभागे! पहले मुनि नारद ने यही कहा था —'

श्लोक 24 (padma.2.116.24)

पुत्रं प्रति न कर्तव्यं दुःखं राजंस्त्वया कदा । तं निहत्य सुवीर्येण दानवं चैष्यते सुतः

putraṁ prati na kartavyaṁ duḥkhaṁ rājaṁstvayā kadā taṁ nihatya suvīryeṇa dānavaṁ caiṣyate sutaḥ

'— हे राजन्! अपने पुत्र के विषय में तुम्हें कभी दुःख नहीं करना चाहिए। वह पुत्र अपने ही महापराक्रम से उस दानव को मारकर लौटेगा।'

श्लोक 25 (padma.2.116.25)

संजातं सत्यमेवं वै मुनिना भाषितं पुरा । अन्यथा वचनं तस्य कथं देवि भविष्यति

saṁjātaṁ satyamevaṁ vai muninā bhāṣitaṁ purā anyathā vacanaṁ tasya kathaṁ devi bhaviṣyati

'यह सब सत्य ही घटित हुआ है, जैसा उस मुनि ने पहले कहा था। हे देवी! उनका वचन अन्यथा कैसे हो सकता था?'

श्लोक 26 (padma.2.116.26)

दत्तात्रेयो मुनिश्रेष्ठः साक्षाद्देवो भविष्यति । शुश्रूषितस्त्वया देवि मया च तपसा पुरा

dattātreyo muniśreṣṭhaḥ sākṣāddevo bhaviṣyati śuśrūṣitastvayā devi mayā ca tapasā purā

'मुनिश्रेष्ठ दत्तात्रेय स्वयं साक्षात् देव ही थे। हे देवी! उन्हीं की मैंने और तुमने पहले तप से सेवा की थी।'

श्लोक 27 (padma.2.116.27)

पुत्ररत्नं तेन दत्तं वैष्णवांशप्रधारकम् । सदा हनिष्यति परं दानवं पापचेतनम्

putraratnaṁ tena dattaṁ vaiṣṇavāṁśapradhārakam sadā haniṣyati paraṁ dānavaṁ pāpacetanam

'उन्होंने ही हमें यह पुत्ररत्न दिया, जो विष्णु के अंश को धारण करने वाला है। वह सदा उस श्रेष्ठ, पापचित्त दानव का वध करने वाला ही होगा।'

श्लोक 28 (padma.2.116.28)

सर्वदैत्यप्रहर्ता च प्रजापालो महाबलः । दत्तात्रेयेण मे दत्तो वैष्णवांशः सुतोत्तमः

sarvadaityaprahartā ca prajāpālo mahābalaḥ dattātreyeṇa me datto vaiṣṇavāṁśaḥ sutottamaḥ

'समस्त दैत्यों का संहारक, प्रजा का पालक, महाबली — दत्तात्रेय द्वारा मुझे दिया गया वह विष्णु के अंशरूप श्रेष्ठ पुत्र है।'

श्लोक 29 (padma.2.116.29)

एवं संभाष्य तां देवीं राजा चेंदुमतीं तदा । महोत्सवं ततश्चक्रे पुत्रस्यागमनं प्रति

evaṁ saṁbhāṣya tāṁ devīṁ rājā ceṁdumatīṁ tadā mahotsavaṁ tataścakre putrasyāgamanaṁ prati

इस प्रकार अपनी उस देवी इंदुमती से बातें करते हुए, राजा ने अपने पुत्र के आगमन के उपलक्ष्य में एक महोत्सव का आयोजन किया।

श्लोक 30 (padma.2.116.30)

हर्षेण महताविष्टो विष्णुं सस्मार वै पुनः

harṣeṇa mahatāviṣṭo viṣṇuṁ sasmāra vai punaḥ

अत्यंत हर्ष से भरकर उसने पुनः विष्णु का स्मरण किया —

श्लोक 31 (padma.2.116.31)

सर्वोपपन्नं सुरवर्गयुक्तमानंदरूपं परमार्थमेकम् । क्लेशापहं सौख्यप्रदं नराणां सद्वैष्णवानामिह मोक्षदं परम्

sarvopapannaṁ suravargayuktamānaṁdarūpaṁ paramārthamekam kleśāpahaṁ saukhyapradaṁ narāṇāṁ sadvaiṣṇavānāmiha mokṣadaṁ param

— उस सर्वसंपन्न, देवगणों से युक्त, आनंदस्वरूप, एकमात्र परमार्थ, क्लेशों को हरने वाले, सुख देने वाले, तथा श्रेष्ठ वैष्णवजनों को यहाँ परम मोक्ष प्रदान करने वाले प्रभु का।