विहुंड और कामोदा की कथा

श्लोक 1 (padma.2.118.1)

कपिंजल उवाच । गंगामुखे पुरा तात रोदमाना वरांगना । नेत्राभ्यामश्रुबिंदूनि पतंति च महाजले

kapiṁjala uvāca gaṁgāmukhe purā tāta rodamānā varāṁganā netrābhyāmaśrubiṁdūni pataṁti ca mahājale

कपिंजल ने कहा — हे तात! पहले गंगा के उद्गम पर एक श्रेष्ठ स्त्री रोती हुई थी, जिसके नेत्रों से आँसुओं की बूँदें उस विशाल जल में गिरती थीं।

श्लोक 2 (padma.2.118.2)

गंगामध्ये निमज्जंति भवंति कमलानि च । पुष्पाणि दिव्यरूपाणि सौगंधानि महांति च

gaṁgāmadhye nimajjaṁti bhavaṁti kamalāni ca puṣpāṇi divyarūpāṇi saugaṁdhāni mahāṁti ca

गंगा के मध्य में डूबकर वे कमल बन जाते थे — दिव्य रूप वाले, अत्यंत सुगंधित, बड़े-बड़े पुष्प।

श्लोक 3 (padma.2.118.3)

तस्यास्तात सुनेत्राभ्यां किमर्थं प्रपतंति च । गंगोदके महाभाग निर्मला अश्रुबिंदवः

tasyāstāta sunetrābhyāṁ kimarthaṁ prapataṁti ca gaṁgodake mahābhāga nirmalā aśrubiṁdavaḥ

हे तात! उसकी सुंदर आँखों से किसलिए गंगाजल में वे निर्मल आँसू-बूँदें गिरा करती थीं, हे महाभाग?

श्लोक 4 (padma.2.118.4)

अस्थिचर्मावशेषस्तु जटाचीरधरः पुनः । तानि सौगंधयुक्तानि पद्मानि विचिनोति सः

asthicarmāvaśeṣastu jaṭācīradharaḥ punaḥ tāni saugaṁdhayuktāni padmāni vicinoti saḥ

हड्डी और चमड़ी मात्र शेष रह गए, जटा और वल्कल धारण किए हुए एक पुरुष उन सुगंधित कमलों को चुनता था।

श्लोक 5 (padma.2.118.5)

हेमवर्णानि दिव्यानि नीत्वा शिवं समर्चयेत् । सा का नारी समाचक्ष्व स वा को हि महामते

hemavarṇāni divyāni nītvā śivaṁ samarcayet sā kā nārī samācakṣva sa vā ko hi mahāmate

उन दिव्य, स्वर्ण-वर्ण कमलों को लेकर वह शिव की पूजा करता था। वह स्त्री कौन थी, यह मुझसे कहिए, और वह पुरुष भी कौन था, हे बुद्धिमान्?

श्लोक 6 (padma.2.118.6)

अर्चयित्वा शिवं सोथ कस्मात्पश्चात्प्रदेवति । एतन्मे सर्वमाचक्ष्व यद्यहं वल्लभस्तव

arcayitvā śivaṁ sotha kasmātpaścātpradevati etanme sarvamācakṣva yadyahaṁ vallabhastava

शिव की पूजा करके वह फिर से क्यों रोता था? यह सब मुझसे कहिए, यदि मैं आपको प्रिय हूँ।

श्लोक 7 (padma.2.118.7)

कुंजल उवाच । शृणु वत्स प्रवक्ष्यामि वृत्तांतं देवनिर्मितम् । चरित्रं सर्वपापघ्नं विष्णोश्चैव महात्मनः

kuṁjala uvāca śṛṇu vatsa pravakṣyāmi vṛttāṁtaṁ devanirmitam caritraṁ sarvapāpaghnaṁ viṣṇoścaiva mahātmanaḥ

कुंजल ने कहा — सुनो वत्स, मैं देवताओं द्वारा रची गई वह घटना कहता हूँ — समस्त पापों का नाश करने वाला, महात्मा विष्णु का ही यह चरित्र।

श्लोक 8 (padma.2.118.8)

योसौ हुंडो महावीर्यो नहुषेण हतो रणे । तस्य पुत्रस्तु विख्यातो विहुंडस्तप आस्थितः

yosau huṁḍo mahāvīryo nahuṣeṇa hato raṇe tasya putrastu vikhyāto vihuṁḍastapa āsthitaḥ

जो वह महापराक्रमी हुंड नहुष द्वारा युद्ध में मारा गया था, उसका पुत्र, विख्यात विहुंड, तप में स्थित हो गया।

श्लोक 9 (padma.2.118.9)

निहतं पितरं श्रुत्वा सामात्यं सपरिच्छदम् । आयुपुत्रेण वीरेण नहुषेण बलीयसा

nihataṁ pitaraṁ śrutvā sāmātyaṁ saparicchadam āyuputreṇa vīreṇa nahuṣeṇa balīyasā

अपने पिता को, मंत्रियों और परिवार सहित, बलशाली आयु-पुत्र वीर नहुष द्वारा मारा गया सुनकर,

श्लोक 10 (padma.2.118.10)

तपस्तपति सक्रोधाद्देवान्हंतुं समुद्यतः । पौरुषं तस्य दुष्टस्य तपसा वर्द्धितस्य च

tapastapati sakrodhāddevānhaṁtuṁ samudyataḥ pauruṣaṁ tasya duṣṭasya tapasā varddhitasya ca

वह क्रोधवश तप करने लगा, देवताओं का वध करने के लिए उद्यत होकर। तप से बढ़े हुए उस दुष्ट के पराक्रम को —

श्लोक 11 (padma.2.118.11)

जानंति देवताः सर्वा दुःसहं समरांगणे । हुंडात्मजो विहुंडस्तु त्रैलोक्यं हंतुमुद्यतः

jānaṁti devatāḥ sarvā duḥsahaṁ samarāṁgaṇe huṁḍātmajo vihuṁḍastu trailokyaṁ haṁtumudyataḥ

— समस्त देवता युद्धभूमि में असह्य जानते थे। हुंड-पुत्र विहुंड त्रैलोक्य के विनाश के लिए उद्यत हो गया।

श्लोक 12 (padma.2.118.12)

पितुर्वैरं करिष्यामि हनिष्ये मानवान्सुरान् । एवं समुद्यतः पापी देवब्राह्मणकंटकः

piturvairaṁ kariṣyāmi haniṣye mānavānsurān evaṁ samudyataḥ pāpī devabrāhmaṇakaṁṭakaḥ

'मैं अपने पिता का वैर लूँगा, मनुष्यों और देवताओं का वध करूँगा' — इस प्रकार उद्यत होकर वह पापी, देवताओं और ब्राह्मणों का कंटक,

श्लोक 13 (padma.2.118.13)

उपद्रवं समारेभे प्रजाः पीडयते च सः । तस्यैव तेजसा दग्धा देवाश्चेंद्रपुरोगमाः

upadravaṁ samārebhe prajāḥ pīḍayate ca saḥ tasyaiva tejasā dagdhā devāśceṁdrapurogamāḥ

उत्पात मचाने लगा और प्रजा को पीड़ित करने लगा। उसी के तेज से इंद्र आदि देवता जलने लगे,

श्लोक 14 (padma.2.118.14)

शरणं देवदेवस्य जग्मुर्विष्णोर्महात्मनः । देवदेवं जगन्नाथं शंखचक्रगदाधरम्

śaraṇaṁ devadevasya jagmurviṣṇormahātmanaḥ devadevaṁ jagannāthaṁ śaṁkhacakragadādharam

और वे देवाधिदेव, महात्मा विष्णु की शरण में गए। शंख-चक्र-गदा धारण करने वाले उस देवाधिदेव, जगन्नाथ से —

श्लोक 15 (padma.2.118.15)

ऊचुश्च पाहि नो नित्यं विहुंडस्य महाभयात् । श्रीविष्णुरुवाच । वर्द्धंतु देवताः सर्वाः सुसुखेन महेश्वराः

ūcuśca pāhi no nityaṁ vihuṁḍasya mahābhayāt śrīviṣṇuruvāca varddhaṁtu devatāḥ sarvāḥ susukhena maheśvarāḥ

— उन्होंने कहा — 'विहुंड के महाभय से हमारी सदा रक्षा कीजिए।' श्रीविष्णु ने कहा — 'हे महेश्वरो! तुम सभी देवता अब सुख से बढ़ते रहो।'

श्लोक 16 (padma.2.118.16)

विहुंडं नाशयिष्यामि पापिष्ठं देवकंटकम् । एवमाभाष्य तान्देवान्मायां कृत्वा जनार्दनः

vihuṁḍaṁ nāśayiṣyāmi pāpiṣṭhaṁ devakaṁṭakam evamābhāṣya tāndevānmāyāṁ kṛtvā janārdanaḥ

'मैं उस पापिष्ठ, देवताओं के कंटक विहुंड का नाश करूँगा।' उन देवताओं से यह कहकर जनार्दन ने माया रचकर,

श्लोक 17 (padma.2.118.17)

स्वयमेवस्थितस्तत्र नंदने सुमहायशाः । मायामयं चकाराथ स्त्रीरूपं च गुणान्वितम्

svayamevasthitastatra naṁdane sumahāyaśāḥ māyāmayaṁ cakārātha strīrūpaṁ ca guṇānvitam

वह महायशस्वी स्वयं वहीं नंदन वन में रह गए, और गुणों से युक्त एक मायामय स्त्री का रूप रच दिया।

श्लोक 18 (padma.2.118.18)

विष्णुमाया महाभागा सर्वविश्वप्रमोहिनी । चकार रूपमतुलं विष्णोर्मायाप्रमोहिनी

viṣṇumāyā mahābhāgā sarvaviśvapramohinī cakāra rūpamatulaṁ viṣṇormāyāpramohinī

विष्णु की वह महामाया, संपूर्ण विश्व को मोहित करने वाली, उस अतुलनीय रूप को रचती गई — विष्णु की वह मायाशक्ति, विश्वमोहिनी,

श्लोक 19 (padma.2.118.19)

विहुंडस्य वधार्थाय रूपलावण्यशालिनी । कुंजल उवाच । स देवानां वधार्थाय दिव्यमार्गं जगाम ह

vihuṁḍasya vadhārthāya rūpalāvaṇyaśālinī kuṁjala uvāca sa devānāṁ vadhārthāya divyamārgaṁ jagāma ha

— उसने रूप और लावण्य से संपन्न वह रूप विहुंड के वध के लिए रचा। कुंजल ने कहा — वह (मायास्वरूपा) उस दानव के विनाश के लिए, उस दिव्य मार्ग पर चल पड़ी।

श्लोक 20 (padma.2.118.20)

नंदनांते ततो मायामपश्यद्दितिजेश्वरः । तया विमोहितो दैत्यः कामबाणकृतांतरः

naṁdanāṁte tato māyāmapaśyadditijeśvaraḥ tayā vimohito daityaḥ kāmabāṇakṛtāṁtaraḥ

तब नंदन वन के छोर पर उस दैत्येंद्र ने उस माया को देखा। उससे मोहित हो गया वह दैत्य, जिसका मन कामबाणों से बिंध चुका था,

श्लोक 21 (padma.2.118.21)

आत्मनाशं न जानाति कालरूपां वरस्त्रियम् । तां दृष्ट्वा नवहेमाभां रूपद्रविणशालिनीम्

ātmanāśaṁ na jānāti kālarūpāṁ varastriyam tāṁ dṛṣṭvā navahemābhāṁ rūpadraviṇaśālinīm

— उस काल-स्वरूपा श्रेष्ठ स्त्री से अपने ही विनाश को नहीं पहचान सका। ताज़े स्वर्ण के समान, रूप और सौंदर्य-संपन्न उसे देखकर,

श्लोक 22 (padma.2.118.22)

लुब्धो विहुंडः पापात्मा तामुवाच वरांगनाम् । कासि कस्य वरारोहे ममचित्तप्रमाथिनि

lubdho vihuṁḍaḥ pāpātmā tāmuvāca varāṁganām kāsi kasya varārohe mamacittapramāthini

लोभवश वह पापात्मा विहुंड उस श्रेष्ठ स्त्री से बोला — 'तुम कौन हो, किसकी हो, हे वरारोहे! जो मेरे मन को व्यथित कर रही हो?'

श्लोक 23 (padma.2.118.23)

संगमं देहि मे भद्रे रक्षरक्ष वरानने । संगमात्तव देवेशि यद्यदिच्छसि सांप्रतम्

saṁgamaṁ dehi me bhadre rakṣarakṣa varānane saṁgamāttava deveśi yadyadicchasi sāṁpratam

'हे भद्रे! मुझे अपना संग दो — रक्षा करो, रक्षा करो, हे वरानने! तुम्हारे साथ मिलन के लिए, हे देवेशी, तुम अभी जो भी चाहती हो —'

श्लोक 24 (padma.2.118.24)

तत्तद्दद्मि महाभागे दुर्लभं देवदानवैः । मायोवाच । मामेव भोक्तुमिच्छा चेद्दायं मे देहि दानव

tattaddadmi mahābhāge durlabhaṁ devadānavaiḥ māyovāca māmeva bhoktumicchā ceddāyaṁ me dehi dānava

'— वह सब, हे महाभागे, मैं तुम्हें दूँगा, चाहे वह देवताओं और दानवों के लिए भी दुर्लभ क्यों न हो।' माया ने कहा — 'हे दानव! यदि मुझे भोगने की इच्छा है, तो मुझे मेरा मूल्य दो —'

श्लोक 25 (padma.2.118.25)

सप्तकोटिमितैश्चैव पुष्पैः पूजय शंकरम् । कामोदसंभवैर्दिव्यैः सौगंधैर्देवदुर्लभैः

saptakoṭimitaiścaiva puṣpaiḥ pūjaya śaṁkaram kāmodasaṁbhavairdivyaiḥ saugaṁdhairdevadurlabhaiḥ

'— सात करोड़ पुष्पों से शंकर की पूजा करो — कामोद-वृक्ष से उत्पन्न, दिव्य, अत्यंत सुगंधित, देवताओं को भी दुर्लभ पुष्पों से।'

श्लोक 26 (padma.2.118.26)

तेषां पुष्पकृतां मालां मम कंठे तु दानव । आरोपय महाभाग एतद्दायं प्रदेहि मे

teṣāṁ puṣpakṛtāṁ mālāṁ mama kaṁṭhe tu dānava āropaya mahābhāga etaddāyaṁ pradehi me

'उन्हीं पुष्पों की एक माला बनाकर, हे दानव, मेरे कंठ में पहनाओ, हे महाभाग — यही मूल्य मुझे दो।'

श्लोक 27 (padma.2.118.27)

तदाहं सुप्रिया भार्या भविष्यामि न संशयः । विहुंड उवाच । एवं देवि करिष्यामि वरं दद्मि प्रयाचितम्

tadāhaṁ supriyā bhāryā bhaviṣyāmi na saṁśayaḥ vihuṁḍa uvāca evaṁ devi kariṣyāmi varaṁ dadmi prayācitam

'तब मैं तुम्हारी परम प्रिय पत्नी बनूँगी, इसमें कोई संशय नहीं।' विहुंड ने कहा — 'हे देवी! ऐसा ही करूँगा, तुमने जो वर माँगा है, वह मैं तुम्हें देता हूँ।'

श्लोक 28 (padma.2.118.28)

वनानि यानि पुण्यानि दिव्यानि दितिजेश्वरः । बभ्राममन्मथाविष्टो न च पश्यति तं द्रुमम्

vanāni yāni puṇyāni divyāni ditijeśvaraḥ babhrāmamanmathāviṣṭo na ca paśyati taṁ drumam

वह दैत्येंद्र काम से आविष्ट होकर जितने भी पुण्य और दिव्य वन थे, उन सबमें घूमने लगा, पर वह वृक्ष उसे कहीं दिखाई नहीं दिया।

श्लोक 29 (padma.2.118.29)

कामोदकाख्यं पप्रच्छ यत्रतत्र गतः स्वयम् । कामोदाख्यद्रुमो नास्ति वदंत्येवं महाजनाः

kāmodakākhyaṁ papraccha yatratatra gataḥ svayam kāmodākhyadrumo nāsti vadaṁtyevaṁ mahājanāḥ

वह स्वयं जहाँ-तहाँ जाकर 'कामोद' नामक (वृक्ष) के विषय में पूछता रहा। 'कामोद नाम का कोई वृक्ष नहीं है' — ऐसा ही बड़े-बड़े लोग कहते थे।

श्लोक 30 (padma.2.118.30)

पृच्छमानः स दुष्टात्मा कामबाणैः प्रपीडितः । पप्रच्छ भार्गवं गत्वा भक्त्या नमित कंधरः

pṛcchamānaḥ sa duṣṭātmā kāmabāṇaiḥ prapīḍitaḥ papraccha bhārgavaṁ gatvā bhaktyā namita kaṁdharaḥ

पूछता हुआ वह दुष्टात्मा, कामबाणों से अत्यंत पीड़ित, भार्गव (शुक्राचार्य) के पास जाकर, भक्तिपूर्वक सिर झुकाकर पूछने लगा —

श्लोक 31 (padma.2.118.31)

कामोदकं द्रुमं ब्रूहि कांतं पुष्पसमन्वितम् । शुक्र उवाच । कामोदः पादपो नास्ति योषिदेवास्ति दानव

kāmodakaṁ drumaṁ brūhi kāṁtaṁ puṣpasamanvitam śukra uvāca kāmodaḥ pādapo nāsti yoṣidevāsti dānava

'मुझे उस कामोदक वृक्ष के विषय में बताइए, जो मनोहर है, पुष्पों से युक्त है।' शुक्र ने कहा — 'हे दानव! कामोद नाम का कोई वृक्ष नहीं है, एक स्त्री है जिसका यह नाम है।'

श्लोक 32 (padma.2.118.32)

यदा सा हसते चैव प्रसंगेन प्रहर्षिता । तद्धासाज्जज्ञिरे दैत्य सुगंधीनि वराण्यपि

yadā sā hasate caiva prasaṁgena praharṣitā taddhāsājjajñire daitya sugaṁdhīni varāṇyapi

'जब वह किसी बात पर प्रसन्न होकर हँसती है, तो उसी हँसी से, हे दैत्य, उत्तम सुगंधित पुष्प उत्पन्न होते हैं।'

श्लोक 33 (padma.2.118.33)

सुमान्येतानि दिव्यानि कामोदाया न संशयः । हृद्यानि पीतपुष्पाणि सौरभेण युतानि च

sumānyetāni divyāni kāmodāyā na saṁśayaḥ hṛdyāni pītapuṣpāṇi saurabheṇa yutāni ca

'ये सुंदर, दिव्य पुष्प कामोदा के ही हैं, इसमें कोई संशय नहीं — हृदयहारी, पीले रंग के, सुगंध से युक्त।'

श्लोक 34 (padma.2.118.34)

तेनाप्येकेन पुष्पेण यः समर्चति शंकरम् । तस्येप्सितं महाकामं संपूरयति शंकरः

tenāpyekena puṣpeṇa yaḥ samarcati śaṁkaram tasyepsitaṁ mahākāmaṁ saṁpūrayati śaṁkaraḥ

'उन्हीं में से एक ही पुष्प से जो कोई शंकर की पूजा करता है, शंकर उसकी बड़ी से बड़ी मनोकामना भी पूर्ण कर देते हैं।'

श्लोक 35 (padma.2.118.35)

अस्याश्च रोदनाद्दैत्य प्रभवंति न संशयः । तादृशान्येव पुष्पाणि लोहितानि महांति च

asyāśca rodanāddaitya prabhavaṁti na saṁśayaḥ tādṛśānyeva puṣpāṇi lohitāni mahāṁti ca

'हे दैत्य! उसके रोने से भी, इसमें कोई संशय नहीं, वैसे ही बड़े-बड़े लाल पुष्प उत्पन्न होते हैं।'

श्लोक 36 (padma.2.118.36)

सौरभेण विना दैत्य तेषां स्पर्शं न कारयेत् । एवमाकर्णितं तेन वाक्यं शुक्रस्य भाषितम्

saurabheṇa vinā daitya teṣāṁ sparśaṁ na kārayet evamākarṇitaṁ tena vākyaṁ śukrasya bhāṣitam

'हे दैत्य! उनकी सुगंध के बिना उन्हें छूना भी नहीं चाहिए।' शुक्र द्वारा कहा गया यह वचन सुनकर,

श्लोक 37 (padma.2.118.37)

उवाच सा तु कुत्रास्ति कामोदा भृगुनंदन । शुक्र उवाच । गंगाद्वारे महापुण्ये महापातकनाशने

uvāca sā tu kutrāsti kāmodā bhṛgunaṁdana śukra uvāca gaṁgādvāre mahāpuṇye mahāpātakanāśane

उसने पूछा — 'हे भृगुनंदन! वह कामोदा कहाँ है?' शुक्र ने कहा — 'गंगाद्वार में, अत्यंत पवित्र, महापातकों का नाश करने वाले स्थान में,'

श्लोक 38 (padma.2.118.38)

कामोदाख्यं पुरं तत्र निर्मितं विश्वकर्मणा । कामोदपत्तने नारी दिव्यभोगैरलंकृता

kāmodākhyaṁ puraṁ tatra nirmitaṁ viśvakarmaṇā kāmodapattane nārī divyabhogairalaṁkṛtā

'— वहाँ कामोद नामक नगर है, जिसे विश्वकर्मा ने निर्मित किया है। कामोद-नगर में वह स्त्री दिव्य भोगों से सुसज्जित रहती है,'

श्लोक 39 (padma.2.118.39)

तथा चाभरणैर्भाति सर्वदेवैः सुपूजिता । त्वया तत्रैव गंतव्यं पूजितव्या वराप्सराः

tathā cābharaṇairbhāti sarvadevaiḥ supūjitā tvayā tatraiva gaṁtavyaṁ pūjitavyā varāpsarāḥ

'तथा आभूषणों से भी सुशोभित होती है, और समस्त देवताओं द्वारा भी पूजित है। तुम्हें वहीं जाना चाहिए, उस श्रेष्ठ अप्सरा की पूजा करनी चाहिए,'

श्लोक 40 (padma.2.118.40)

उपायेनापि पुण्येन तां प्रहासय दानव । एवमुक्त्वा तु योगींद्र सः शुक्रो दानवं प्रति

upāyenāpi puṇyena tāṁ prahāsaya dānava evamuktvā tu yogīṁdra saḥ śukro dānavaṁ prati

'और किसी पुण्य उपाय से, हे दानव, उसे हँसाओ।' इस प्रकार उस योगीश्वर शुक्र ने उस दानव से कहकर,

श्लोक 41 (padma.2.118.41)

विरराम महातेजाः स्वकार्यायोद्यतोऽभवत्

virarāma mahātejāḥ svakāryāyodyato'bhavat

— वह महातेजस्वी चुप हो गए, और वह दानव अपने कार्य में जुट गया।