पृथु द्वारा पृथ्वी का समतलीकरण तथा प्रजा के लिए दोहन

श्लोक 1 (padma.2.29.1)

पृथुरुवाच- हते चैव महापापे एकस्मिन्पापचारिणि । लोकाः सुखेन जीवंति साधवः पुण्यदर्शिनः

pṛthuruvāca- hate caiva mahāpāpe ekasminpāpacāriṇi lokāḥ sukhena jīvaṁti sādhavaḥ puṇyadarśinaḥ

पृथु ने कहा — 'एक महापापी, पापाचारी के मारे जाने पर लोक सुखपूर्वक जीते हैं, और साधुजन पुण्य को देखते हैं।

श्लोक 2 (padma.2.29.2)

तस्मादेकं प्रहर्तव्यं पापिष्ठं पापचेतनम् । तस्मात्त्वां हि हनिष्यामि सर्वसत्त्वप्रणाशिनीम्

tasmādekaṁ prahartavyaṁ pāpiṣṭhaṁ pāpacetanam tasmāttvāṁ hi haniṣyāmi sarvasattvapraṇāśinīm

इसलिए एक पापिष्ठ, पापी-चित्त को मार डालना चाहिए। इसीलिए मैं तुम्हें ही मारूँगा, हे समस्त प्राणियों की नाशिका!

श्लोक 3 (padma.2.29.3)

त्वया बीजानि सर्वाणि लुप्तान्येतानि सांप्रतम् । ग्रासं कृत्वा स्थिरीभूत्वा प्रजां हत्वा क्व यास्यसि

tvayā bījāni sarvāṇi luptānyetāni sāṁpratam grāsaṁ kṛtvā sthirībhūtvā prajāṁ hatvā kva yāsyasi

तुमने अभी ये सारे बीज नष्ट कर दिए हैं; उन्हें ग्रस लेकर, अस्थिर बनकर, प्रजा को मारकर तुम कहाँ जाओगी?

श्लोक 4 (padma.2.29.4)

हते पापे दुराचारे सुखं जीवंतिसाधवः । तस्मात्पापं प्रहंतव्यं सत्यमेवं न संशयः

hate pāpe durācāre sukhaṁ jīvaṁtisādhavaḥ tasmātpāpaṁ prahaṁtavyaṁ satyamevaṁ na saṁśayaḥ

पापी, दुराचारी के मारे जाने पर साधुजन सुखपूर्वक जीते हैं; इसलिए पाप को मार डालना चाहिए — यह सत्य है, इसमें संदेह नहीं।

श्लोक 5 (padma.2.29.5)

पालितव्यं प्रयत्नेन यस्माद्धर्मः प्रवर्द्धते । भवत्या तु महत्पापं प्रजासंक्षयकारकम्

pālitavyaṁ prayatnena yasmāddharmaḥ pravarddhate bhavatyā tu mahatpāpaṁ prajāsaṁkṣayakārakam

जिससे धर्म बढ़ता है, उसका प्रयत्नपूर्वक पालन करना चाहिए; किंतु तुमने महापाप किया है, प्रजा का विनाश करने वाला।

श्लोक 6 (padma.2.29.6)

एकस्यार्थेन यो हन्यादात्मनो वा परस्य वा । लोकोपतापकं हत्वा न भवेत्तस्य पातकम्

ekasyārthena yo hanyādātmano vā parasya vā lokopatāpakaṁ hatvā na bhavettasya pātakam

जो एक के लिए, स्वयं के लिए या दूसरे के लिए, लोक को संताप देने वाले को मारता है, उसे कोई पाप नहीं लगता —

श्लोक 7 (padma.2.29.7)

सुखमेष्यंति बहवो यस्मिंस्तु निहते शुभे । वसुधे निहते दुष्टे पातकं नोपपातकम्

sukhameṣyaṁti bahavo yasmiṁstu nihate śubhe vasudhe nihate duṣṭe pātakaṁ nopapātakam

—जिसके मारे जाने पर बहुत से लोग सुख पाते हैं, हे शुभे! दुष्ट के मारे जाने पर, हे वसुधे, कोई पाप या उपपाप नहीं होता।

श्लोक 8 (padma.2.29.8)

प्रजानिमित्तं त्वामेव हनिष्यामि न संशयः । यदि मे पुण्यसंयुक्तं वचनं न करिष्यति

prajānimittaṁ tvāmeva haniṣyāmi na saṁśayaḥ yadi me puṇyasaṁyuktaṁ vacanaṁ na kariṣyati

प्रजा के लिए ही मैं तुम्हें मारूँगा, इसमें संदेह नहीं, यदि तुम मेरा पुण्ययुक्त वचन नहीं मानोगी —

श्लोक 9 (padma.2.29.9)

जगतोऽस्य हितार्थाय साधु चैव वसुंधरे । हनिष्ये त्वां शितैर्बाणैर्मद्वाक्यात्तु पराङ्मुखीम्

jagato'sya hitārthāya sādhu caiva vasuṁdhare haniṣye tvāṁ śitairbāṇairmadvākyāttu parāṁmukhīm

—इस जगत के हित के लिए ही, और उचित रूप से, हे वसुंधरे! मेरे वचन से मुँह फेर लेने पर मैं तुम्हें तीक्ष्ण बाणों से मारूँगा।

श्लोक 10 (padma.2.29.10)

स्वीयेन तेजसा चैव पुण्यां त्रैलोक्यवासिनीम् । प्रजां चैव धरिष्यामि धर्मेणापि न संशयः

svīyena tejasā caiva puṇyāṁ trailokyavāsinīm prajāṁ caiva dhariṣyāmi dharmeṇāpi na saṁśayaḥ

अपने ही तेज से मैं तुम्हें, त्रैलोक्य-निवासिनी पुण्यमयी को, और प्रजा को भी धर्म से धारण करूँगा, इसमें संदेह नहीं —

श्लोक 11 (padma.2.29.11)

मच्छासनं समास्थाय धर्मयुक्तं वसुंधरे । इमाः प्रजा आज्ञया मे संजीवय सदैव हि

macchāsanaṁ samāsthāya dharmayuktaṁ vasuṁdhare imāḥ prajā ājñayā me saṁjīvaya sadaiva hi

—मेरी धर्मयुक्त आज्ञा को स्वीकार कर, हे वसुंधरे! मेरी आज्ञा से इन प्रजाओं को सदा जीवित रखो।

श्लोक 12 (padma.2.29.12)

एवं मे शासनं भद्रे अद्य यर्हि करिष्यसि । ततः प्रीतोऽस्मि ते नित्यं गोपायिष्यामि सर्वदा

evaṁ me śāsanaṁ bhadre adya yarhi kariṣyasi tataḥ prīto'smi te nityaṁ gopāyiṣyāmi sarvadā

यदि तुम आज मेरी यह आज्ञा मानोगी, हे भद्रे, तो मैं तुमसे सदा प्रसन्न रहूँगा, सदा तुम्हारी रक्षा करूँगा —

श्लोक 13 (padma.2.29.13)

त्वामेव हि न संदेह अन्ये चैव नृपोत्तमाः । धेनुरूपेण सा पृथ्वी बाणांचितकलेवरा

tvāmeva hi na saṁdeha anye caiva nṛpottamāḥ dhenurūpeṇa sā pṛthvī bāṇāṁcitakalevarā

—तुम्हारी ही, इसमें संदेह नहीं, और अन्य नृपोत्तम भी।' वह पृथ्वी, गौ का रूप धारण किए, बाणों से बिंधे शरीर वाली —

श्लोक 14 (padma.2.29.14)

उवाचेदं पृथुं वैन्यं धर्माधारं महामतिम् । धरण्युवाच-। तवादेशं महाराज सत्यपुण्यार्थसंयुतम्

uvācedaṁ pṛthuṁ vainyaṁ dharmādhāraṁ mahāmatim dharaṇyuvāca- tavādeśaṁ mahārāja satyapuṇyārthasaṁyutam

—वह धर्म के आधार, महामति वेन-पुत्र पृथु से यह बोली। धरती ने कहा — 'आपकी सत्य-पुण्य-अर्थ से युक्त यह आज्ञा —

श्लोक 15 (padma.2.29.15)

प्रजानिमित्तमत्यर्थं विधास्यामि न संशयः । उद्यमेनापि पुण्येन उपायेन नरेश्वर

prajānimittamatyarthaṁ vidhāsyāmi na saṁśayaḥ udyamenāpi puṇyena upāyena nareśvara

—मैं प्रजा के लिए ही अत्यंत रूप से पालन करूँगी, इसमें संदेह नहीं, उद्यम, पुण्य और उपाय से, हे नरेश्वर —

श्लोक 16 (padma.2.29.16)

समारंभाः प्रसिद्ध्यंति पुण्याश्चैवाप्युपक्रमाः । उपायं पश्य राजेंद्र येन त्वं सत्यवान्भवेः

samāraṁbhāḥ prasiddhyaṁti puṇyāścaivāpyupakramāḥ upāyaṁ paśya rājeṁdra yena tvaṁ satyavānbhaveḥ

—प्रयत्न सफल होते हैं, और पुण्यमय उद्यम भी। उपाय देखिए, हे राजेंद्र, जिससे आप सत्यवान बनें —

श्लोक 17 (padma.2.29.17)

धारयेथाः प्रजाश्चेमा येन सर्वाः प्रवर्द्धये । संलग्नाश्चोत्तमा बाणा ममांगे ते शिलाशिताः

dhārayethāḥ prajāścemā yena sarvāḥ pravarddhaye saṁlagnāścottamā bāṇā mamāṁge te śilāśitāḥ

—जिससे आप इन प्रजाओं को धारण करें, जिससे मैं सबको बढ़ाऊँ। आपके ये उत्तम, पत्थर पर तेज किए गए बाण मेरे शरीर में लगे हुए हैं —

श्लोक 18 (padma.2.29.18)

समुद्धर स्वयं राजंश्छल्यंति भृशमेव ते । समां कुरु महाराज तिष्ठेन्मयि यथा पयः

samuddhara svayaṁ rājaṁśchalyaṁti bhṛśameva te samāṁ kuru mahārāja tiṣṭhenmayi yathā payaḥ

—उन्हें स्वयं निकालिए, हे राजन्, वे मुझे अत्यंत पीड़ा दे रहे हैं। मुझे समतल कीजिए, हे महाराज, जिससे मुझमें दूध रह सके।'

श्लोक 19 (padma.2.29.19)

सूत उवाच-। धनुषोग्रेण ताञ्छैलान्नानारूपान्गुरूंस्तथा । उत्सारयंस्ततः सर्वां समरूपां चकार सः

sūta uvāca- dhanuṣogreṇa tāñchailānnānārūpāngurūṁstathā utsārayaṁstataḥ sarvāṁ samarūpāṁ cakāra saḥ

सूत जी ने कहा — अपने भयंकर धनुष से उन नाना रूप वाले, भारी पर्वतों को हटाते हुए उसने फिर उसे पूर्णतः समतल बना दिया।

श्लोक 20 (padma.2.29.20)

तदाप्रभृति ते शैला वृद्धिमापुर्द्विजोत्तमाः । तस्या अंगात्स्वयं बाणान्स्वकीयान्नृपनंदनः

tadāprabhṛti te śailā vṛddhimāpurdvijottamāḥ tasyā aṁgātsvayaṁ bāṇānsvakīyānnṛpanaṁdanaḥ

तब से वे पर्वत बढ़ने लगे, हे द्विजोत्तमो। उसके शरीर से अपने ही बाणों को —

श्लोक 21 (padma.2.29.21)

समुद्धृत्य ततो वैन्यः प्रीतेन मनसा तदा । गर्ताश्च कंदराश्चैव बाणाघातैः समीकृताः

samuddhṛtya tato vainyaḥ prītena manasā tadā gartāśca kaṁdarāścaiva bāṇāghātaiḥ samīkṛtāḥ

—निकालकर, वह वेन-पुत्र, प्रसन्न मन से, देखा कि बाणों के प्रहार से बने गड्ढे और खोहें समतल हो गईं।

श्लोक 22 (padma.2.29.22)

एवं पृथ्वद्यंसमां सर्वां चकार पुण्यवर्द्धनः । समीकृत्य महाभागो वत्सं तस्या व्यकल्पयत्

evaṁ pṛthvadyaṁsamāṁ sarvāṁ cakāra puṇyavarddhanaḥ samīkṛtya mahābhāgo vatsaṁ tasyā vyakalpayat

इस प्रकार उस पुण्यवर्धक ने पृथ्वी को आज के समान पूर्णतः समतल बना दिया; समतल करके उस महाभाग ने उसके लिए एक बछड़ा भी नियत किया —

श्लोक 23 (padma.2.29.23)

मनुं स्वायंभुवं पूर्वं परिचिंत्य पुनः पुनः । अतीतेष्वथ सर्वेषु मन्वंतरेषु सत्तमाः

manuṁ svāyaṁbhuvaṁ pūrvaṁ pariciṁtya punaḥ punaḥ atīteṣvatha sarveṣu manvaṁtareṣu sattamāḥ

—पहले स्वायंभुव मनु का बार-बार विचार करके, फिर बीते हुए समस्त मन्वंतरों में, हे सत्तमो —

श्लोक 24 (padma.2.29.24)

विषमत्वं गता भूमिः पंथा नासीच्च कुत्रचित् । समानि विषमाण्येवं स्वयमासन्द्विजोत्तमाः

viṣamatvaṁ gatā bhūmiḥ paṁthā nāsīcca kutracit samāni viṣamāṇyevaṁ svayamāsandvijottamāḥ

—भूमि विषम हो गई थी, कहीं मार्ग नहीं था; समतल और विषम भाग स्वयं ही उत्पन्न हो गए थे, हे द्विजोत्तमो।

श्लोक 25 (padma.2.29.25)

पूर्वं मनोश्चाक्षुषस्य प्राप्ते चैवांतरे तदा । जाते पूर्वविसर्गे च विषमे च धरातले

pūrvaṁ manoścākṣuṣasya prāpte caivāṁtare tadā jāte pūrvavisarge ca viṣame ca dharātale

पहले चाक्षुष मनु के अंतर में, जब वह पूर्ववर्ती सृष्टि हुई थी, और भूतल विषम था —

श्लोक 26 (padma.2.29.26)

ग्रामाणां च पुराणां च पत्तनानां तथैव च । देशानां क्षेत्रपन्नानां मर्यादा न हि दृश्यते

grāmāṇāṁ ca purāṇāṁ ca pattanānāṁ tathaiva ca deśānāṁ kṣetrapannānāṁ maryādā na hi dṛśyate

—तब गाँवों, नगरों, पत्तनों, तथा देशों और क्षेत्रों की कोई सीमा नहीं दिखाई देती थी।

श्लोक 27 (padma.2.29.27)

कृषिर्नैव न वाणिज्यं न गोरक्षा प्रवर्तते । नानृतं भाषते कश्चिन्न लोभो न च मत्सरः

kṛṣirnaiva na vāṇijyaṁ na gorakṣā pravartate nānṛtaṁ bhāṣate kaścinna lobho na ca matsaraḥ

न कृषि थी, न व्यापार, न गोरक्षा प्रचलित थी; कोई असत्य नहीं बोलता था, न लोभ था, न मत्सर —

श्लोक 28 (padma.2.29.28)

नाभिमानं च वै पापं न करोति कदा किल । वैवस्वतस्य संप्राप्ते अंतरे द्विजसत्तम

nābhimānaṁ ca vai pāpaṁ na karoti kadā kila vaivasvatasya saṁprāpte aṁtare dvijasattama

—न कभी अभिमानरूपी पाप कोई करता था। वैवस्वत के अंतर के प्राप्त होने पर, हे द्विजसत्तम —

श्लोक 29 (padma.2.29.29)

वैन्यस्य संभवात्पूर्वं प्रजानामेव संभवः । इमाः प्रजा द्विजाः सर्वा निवासं समरोचयन्

vainyasya saṁbhavātpūrvaṁ prajānāmeva saṁbhavaḥ imāḥ prajā dvijāḥ sarvā nivāsaṁ samarocayan

—वेन-पुत्र के उत्पन्न होने से पहले ही प्रजाओं की भी उत्पत्ति हुई थी। ये सभी प्रजाएँ, हे द्विजो, निवास की इच्छा करने लगीं —

श्लोक 30 (padma.2.29.30)

क्वचिद्भूमौ गिरौ क्वापि नदीतीरेषु वै तदा । कुंजेषु सर्वतीर्थेषु सागरस्य तटेषु च

kvacidbhūmau girau kvāpi nadītīreṣu vai tadā kuṁjeṣu sarvatīrtheṣu sāgarasya taṭeṣu ca

—कहीं भूमि पर, कहीं पर्वत पर, कहीं नदी-तटों पर, कहीं कुंजों में, समस्त तीर्थों में, और समुद्र के तटों पर भी —

श्लोक 31 (padma.2.29.31)

निवासं चक्रिरे सर्वाः प्रजाः पुण्येन वै तदा । तासामाहारः संजातः फलमूलमधुस्तथा

nivāsaṁ cakrire sarvāḥ prajāḥ puṇyena vai tadā tāsāmāhāraḥ saṁjātaḥ phalamūlamadhustathā

—सभी प्रजाओं ने पुण्य से निवास किया उस समय; उनका आहार फल-मूल और मधु था।

श्लोक 32 (padma.2.29.32)

महता कृच्छ्रेण तासामाहारश्च द्विजोत्तमाः । पृथुर्वैन्यः समालोक्य प्रजानां कष्टमेव हि

mahatā kṛcchreṇa tāsāmāhāraśca dvijottamāḥ pṛthurvainyaḥ samālokya prajānāṁ kaṣṭameva hi

महान कष्ट से ही उनका आहार होता था, हे द्विजोत्तमो। वेन-पुत्र पृथु ने प्रजा के इस कष्ट को देखकर —

श्लोक 33 (padma.2.29.33)

स्वायंभुवो मनुर्वत्सः कल्पितस्तेन भूभुजा । स्वपाणिः कल्पितस्तेन पात्रमेवं महामते

svāyaṁbhuvo manurvatsaḥ kalpitastena bhūbhujā svapāṇiḥ kalpitastena pātramevaṁ mahāmate

—स्वायंभुव मनु को उस भूपति ने बछड़ा बनाया; अपने ही हाथ को उसने पात्र बनाया, हे महामते —

श्लोक 34 (padma.2.29.34)

स पृथुः पुरुषव्याघ्रो दुदोह वसुधां तदा । सर्वसस्यमयं क्षीरं ससर्वान्नं गुणान्वितम्

sa pṛthuḥ puruṣavyāghro dudoha vasudhāṁ tadā sarvasasyamayaṁ kṣīraṁ sasarvānnaṁ guṇānvitam

—वह पृथु, पुरुषों में व्याघ्र, तब पृथ्वी को दुहने लगा — समस्त सस्यों से युक्त दूध, समस्त अन्नों और गुणों से युक्त।

श्लोक 35 (padma.2.29.35)

तेन पुण्येन चान्नेन सुधाकल्पेन ताः प्रजाः । तृप्तिं नयंति देवान्वै प्रजाः पितॄंस्तथापरान्

tena puṇyena cānnena sudhākalpena tāḥ prajāḥ tṛptiṁ nayaṁti devānvai prajāḥ pitṝṁstathāparān

उस पुण्यमय अन्न से, अमृत के समान, वे प्रजाएँ तृप्ति प्राप्त करने लगीं, देवताओं और पितरों तथा अन्य को भी अर्पित कर —

श्लोक 36 (padma.2.29.36)

प्रसादात्तस्य वैन्यस्य सुखं जीवंति ताः प्रजाः । देवेभ्यश्च पितृभ्यश्च दत्वा चान्नं प्रजास्ततः

prasādāttasya vainyasya sukhaṁ jīvaṁti tāḥ prajāḥ devebhyaśca pitṛbhyaśca datvā cānnaṁ prajāstataḥ

वेन-पुत्र की कृपा से वे प्रजाएँ सुखपूर्वक जीने लगीं। देवताओं और पितरों को अन्न देकर, प्रजाएँ फिर —

श्लोक 37 (padma.2.29.37)

ब्राह्मणेभ्यो विशेषेणअतिथिभ्यस्तथैव च । पश्चाद्भुंजंति पुण्यास्ताः प्रजाः सर्वा द्विजोत्तमाः

brāhmaṇebhyo viśeṣeṇaatithibhyastathaiva ca paścādbhuṁjaṁti puṇyāstāḥ prajāḥ sarvā dvijottamāḥ

—विशेष रूप से ब्राह्मणों को, और वैसे ही अतिथियों को भी देकर, बाद में वे पुण्य प्रजाएँ खाती थीं, हे द्विजोत्तमो।

श्लोक 38 (padma.2.29.38)

यज्ञैश्चान्ये यजंत्येव तर्पयंति जनार्दनम् । तेन चान्नेन देवेशं तृप्तिं गच्छंति देवताः

yajñaiścānye yajaṁtyeva tarpayaṁti janārdanam tena cānnena deveśaṁ tṛptiṁ gacchaṁti devatāḥ

अन्य लोग यज्ञों से यजन करते हुए जनार्दन को तृप्त करते थे; उस अन्न से देवेश देवगण भी तृप्ति प्राप्त करते थे।

श्लोक 39 (padma.2.29.39)

पुनर्वर्षति पर्जन्यः प्रेषितो माधवेन च । तस्मात्पुण्या महौषध्यः संभवंति सुपुण्यदाः

punarvarṣati parjanyaḥ preṣito mādhavena ca tasmātpuṇyā mahauṣadhyaḥ saṁbhavaṁti supuṇyadāḥ

फिर माधव द्वारा भेजा गया मेघ वर्षा करता; उससे पुण्यमय महौषधियाँ, अत्यंत पुण्यदायी, उत्पन्न होतीं।

श्लोक 40 (padma.2.29.40)

सस्यजातानि सर्वाणि पृथुर्वैन्यः प्रजापतिः । तेनान्नेन प्रजाः सर्वा वर्तंतेऽद्यापि नित्यशः

sasyajātāni sarvāṇi pṛthurvainyaḥ prajāpatiḥ tenānnena prajāḥ sarvā vartaṁte'dyāpi nityaśaḥ

समस्त सस्य-जातियाँ, वेन-पुत्र प्रजापति पृथु द्वारा उत्पन्न; उस अन्न से समस्त प्रजाएँ आज भी सदा जीवित रहती हैं।

श्लोक 41 (padma.2.29.41)

ऋषिभिश्चैव मिलितैर्दुग्धा चेयं वसुंधरा । पुनर्विप्रैर्महाभाग्यैः सत्यवद्भिः सुरैस्तथा

ṛṣibhiścaiva militairdugdhā ceyaṁ vasuṁdharā punarviprairmahābhāgyaiḥ satyavadbhiḥ suraistathā

एकत्रित हुए ऋषियों द्वारा भी यह वसुंधरा दुही गई; फिर महाभाग्यशाली, सत्यवादी विप्रों और देवताओं द्वारा भी —

श्लोक 42 (padma.2.29.42)

सोमो वत्सस्वरूपोभूद्दोग्धा देवगुरुः स्वयम् । ऊर्जं क्षीरं पयः कल्पं येन जीवंति चामराः

somo vatsasvarūpobhūddogdhā devaguruḥ svayam ūrjaṁ kṣīraṁ payaḥ kalpaṁ yena jīvaṁti cāmarāḥ

—सोम बछड़े के रूप में हुए, देवगुरु स्वयं दोहनकर्ता बने। ऊर्जा, क्षीर, अमृतमय दूध — जिससे देवगण जीवित रहते हैं —

श्लोक 43 (padma.2.29.43)

तेषां सत्येन पुण्येन सर्वे जीवंति जंतवः । सत्यपुण्ये प्रवर्तंते ऋषिदुग्धा वसुंधरा

teṣāṁ satyena puṇyena sarve jīvaṁti jaṁtavaḥ satyapuṇye pravartaṁte ṛṣidugdhā vasuṁdharā

—उनके सत्य और पुण्य से समस्त प्राणी जीते हैं; सत्य-पुण्य में प्रवृत्त — यह ऋषियों द्वारा दुही गई वसुंधरा है।

श्लोक 44 (padma.2.29.44)

अथातः संप्रवक्ष्यामि यथा दुग्धा इयं धरा । पितृभिश्च पुरा वत्स विधिना येन वै तदा

athātaḥ saṁpravakṣyāmi yathā dugdhā iyaṁ dharā pitṛbhiśca purā vatsa vidhinā yena vai tadā

अब मैं बताता हूँ कि किस विधि से यह भूमि पितरों द्वारा भी पूर्वकाल में, हे वत्स, दुही गई थी —

श्लोक 45 (padma.2.29.45)

सुपात्रं राजतं कृत्वा स्वधा क्षीरं सुधान्वितम् । परिकल्प्य यमं वत्सं दोग्धा चांतक एव सः

supātraṁ rājataṁ kṛtvā svadhā kṣīraṁ sudhānvitam parikalpya yamaṁ vatsaṁ dogdhā cāṁtaka eva saḥ

—रजत का उत्तम पात्र बनाकर, स्वधा नामक अमृतयुक्त दूध, यम को बछड़ा बनाकर, अंतक स्वयं ही दोहनकर्ता बने।

श्लोक 46 (padma.2.29.46)

नागैः सर्पैस्ततो दुग्धा तक्षकं वत्समेव च । अलाबुपात्रमादाय विषं क्षीरं द्विजोत्तमाः

nāgaiḥ sarpaistato dugdhā takṣakaṁ vatsameva ca alābupātramādāya viṣaṁ kṣīraṁ dvijottamāḥ

फिर नागों और सर्पों द्वारा दुही गई, तक्षक को ही बछड़ा बनाकर; तूंबे का पात्र लेकर विष को दूध बनाकर, हे द्विजोत्तमो —

श्लोक 47 (padma.2.29.47)

नागानां तु तथा दोग्धा धृतराष्ट्रः प्रतापवान् । सर्पा नागा द्विजश्रेष्ठास्तेन वर्तंति चातुलाः

nāgānāṁ tu tathā dogdhā dhṛtarāṣṭraḥ pratāpavān sarpā nāgā dvijaśreṣṭhāstena vartaṁti cātulāḥ

—नागों के लिए वैसे ही प्रतापी धृतराष्ट्र दोहनकर्ता बने। सर्प और नाग, हे द्विजश्रेष्ठो, उसी से अतुल जीते हैं —

श्लोक 48 (padma.2.29.48)

नागा वर्तंति तेनापि ह्यत्युग्रेण द्विजोत्तमाः । विषेण घोररूपेण सर्पाश्चैव भयानकाः

nāgā vartaṁti tenāpi hyatyugreṇa dvijottamāḥ viṣeṇa ghorarūpeṇa sarpāścaiva bhayānakāḥ

—नाग भी उसी अत्यंत उग्र, घोर रूप वाले विष से जीते हैं, हे द्विजोत्तमो, और भयानक सर्प भी —

श्लोक 49 (padma.2.29.49)

तेनैव वर्तयंत्युग्रा महाकाया महाबलाः । तदाहारास्तदाचारास्तद्वीर्यास्तत्पराक्रमाः

tenaiva vartayaṁtyugrā mahākāyā mahābalāḥ tadāhārāstadācārāstadvīryāstatparākramāḥ

—उसी से वे उग्र, महाकाय, महाबली जीते हैं; उनका आहार, आचार, वीर्य और पराक्रम भी वैसा ही है।

श्लोक 50 (padma.2.29.50)

अथातः संप्रवक्ष्यामि यथा दुग्धा वसुंधरा । असुरैर्दानवैः सर्वैः कल्पयित्वा द्विजोत्तमाः

athātaḥ saṁpravakṣyāmi yathā dugdhā vasuṁdharā asurairdānavaiḥ sarvaiḥ kalpayitvā dvijottamāḥ

अब मैं बताता हूँ कि किस प्रकार यह वसुंधरा असुरों और समस्त दानवों द्वारा दुही गई, उन्होंने बनाकर, हे द्विजोत्तमो —

श्लोक 51 (padma.2.29.51)

पात्रमत्रान्नसदृशमायसं सर्वकामिकम् । क्षीरं मायामयं कृत्वा सर्वारातिविनाशनम्

pātramatrānnasadṛśamāyasaṁ sarvakāmikam kṣīraṁ māyāmayaṁ kṛtvā sarvārātivināśanam

—लोहे का पात्र, जो भोजन-पात्र जैसा, सर्वकामप्रद; मायामय दूध बनाकर, समस्त शत्रुओं का विनाशक —

श्लोक 52 (padma.2.29.52)

तेषामभूत्स वै वत्सो विरोचनः प्रतापवान् । ऋत्विग्द्विमूर्द्धा दैत्यानां मधुर्दोग्धा महाबलः

teṣāmabhūtsa vai vatso virocanaḥ pratāpavān ṛtvigdvimūrddhā daityānāṁ madhurdogdhā mahābalaḥ

—उनका बछड़ा वह प्रतापी विरोचन हुआ; ऋत्विक, द्विमूर्धा, दैत्यों में महाबली मधु, दोहनकर्ता हुआ।

श्लोक 53 (padma.2.29.53)

तया हि मायया दैत्याः प्रवर्त्तंते महाबलाः । महाप्रज्ञा महाकाया महातेजः पराक्रमाः

tayā hi māyayā daityāḥ pravarttaṁte mahābalāḥ mahāprajñā mahākāyā mahātejaḥ parākramāḥ

उसी माया से महाबली दैत्य आचरण करते हैं — महाप्राज्ञ, महाकाय, महातेज और पराक्रम वाले —

श्लोक 54 (padma.2.29.54)

तद्बलं पौरुषं तेषां तेन जीवंति दानवाः । तयैते माययाद्यापि सर्वमाया द्विजोत्तमाः

tadbalaṁ pauruṣaṁ teṣāṁ tena jīvaṁti dānavāḥ tayaite māyayādyāpi sarvamāyā dvijottamāḥ

—वही उनका बल और पौरुष है, उसी से दानव जीते हैं; उसी माया से आज भी वे सर्वमाया हैं, हे द्विजोत्तमो —

श्लोक 55 (padma.2.29.55)

प्रवर्तंते मितप्रज्ञास्ते तदेषामिदं बलम् । तथा तु दुग्धा यक्षैः सा सर्वाधारासु मेदिनी

pravartaṁte mitaprajñāste tadeṣāmidaṁ balam tathā tu dugdhā yakṣaiḥ sā sarvādhārāsu medinī

—वे मितप्रज्ञ हो जाते हैं, यही उनका बल है। वैसे ही यह सर्वाधार मेदिनी यक्षों द्वारा भी दुही गई —

श्लोक 56 (padma.2.29.56)

इति शुश्रुम विप्रेंद्राः पुराकल्पे महात्मभिः । अंतर्धानमयं क्षीरमयस्पात्रे सुविस्तरे

iti śuśruma vipreṁdrāḥ purākalpe mahātmabhiḥ aṁtardhānamayaṁ kṣīramayaspātre suvistare

—ऐसा हमने सुना है, हे विप्रेंद्रो, पूर्वकल्प के महात्माओं से; दूध अंतर्धान की शक्ति थी, विस्तृत लोहे के पात्र में।

श्लोक 57 (padma.2.29.57)

वैश्रवणो महाप्राज्ञस्तदा वत्सः प्रकल्पितः । मणिधरस्य पिता पुण्यः प्राज्ञो बुद्धिमतां वरः

vaiśravaṇo mahāprājñastadā vatsaḥ prakalpitaḥ maṇidharasya pitā puṇyaḥ prājño buddhimatāṁ varaḥ

महाप्राज्ञ वैश्रवण तब बछड़ा बनाए गए; मणिधर के पुण्यशाली, प्राज्ञ, बुद्धिमानों में श्रेष्ठ पिता —

श्लोक 58 (padma.2.29.58)

दोग्धा रजतनाभस्तु तस्याश्चासीन्महामतिः । सर्वज्ञः सर्वधर्मज्ञो यक्षराजसुतो बली

dogdhā rajatanābhastu tasyāścāsīnmahāmatiḥ sarvajñaḥ sarvadharmajño yakṣarājasuto balī

—रजतनाभ, वह उसका महामति दोहनकर्ता था — सर्वज्ञ, समस्त धर्मों का ज्ञाता, यक्षराज का बलवान पुत्र —

श्लोक 59 (padma.2.29.59)

अष्टबाहुर्महातेजा द्विशीर्षः सुमहातपाः । यक्षावर्तंत तेनापि सर्वदैव द्विजोत्तमाः

aṣṭabāhurmahātejā dviśīrṣaḥ sumahātapāḥ yakṣāvartaṁta tenāpi sarvadaiva dvijottamāḥ

—आठ भुजाओं वाला, महातेजस्वी, दो मस्तक वाला, अत्यंत महातपस्वी। यक्षगण उसी से सदा जीते हैं, हे द्विजोत्तमो।

श्लोक 60 (padma.2.29.60)

पुनर्दुग्धा इयं पृथ्वी राक्षसैश्च महाबलैः । तथा चैषा पिशाचैश्च सातुरैर्दग्धवारिभिः

punardugdhā iyaṁ pṛthvī rākṣasaiśca mahābalaiḥ tathā caiṣā piśācaiśca sāturairdagdhavāribhiḥ

फिर यह पृथ्वी महाबली राक्षसों द्वारा दुही गई; वैसे ही भूखे, जले हुए जल पीने वाले पिशाचों द्वारा भी —

श्लोक 61 (padma.2.29.61)

उत्प्लुतं नृकपालं तं शावपात्रमयः कृतम् । सुप्रजां भोक्तुकामास्ते तीव्रकोपपराक्रमाः

utplutaṁ nṛkapālaṁ taṁ śāvapātramayaḥ kṛtam suprajāṁ bhoktukāmāste tīvrakopaparākramāḥ

—मानव-कपाल को उछालकर, वह शव-पात्र लोहे का बनाकर; तीव्र क्रोध और पराक्रम वाले वे प्रजा को भोगने की इच्छा वाले —

श्लोक 62 (padma.2.29.62)

दोग्धा रजतनाभस्तु तेषामासीन्महाबलः । सुमाली नाम वत्सश्च शोणितं क्षीरमेव च

dogdhā rajatanābhastu teṣāmāsīnmahābalaḥ sumālī nāma vatsaśca śoṇitaṁ kṣīrameva ca

—रजतनाभ, वह महाबली, उनका भी दोहनकर्ता था; सुमाली नामक बछड़ा, और रक्त ही दूध था।

श्लोक 63 (padma.2.29.63)

रक्षांसि यातुधानाश्च पिशाचाश्च महाबलाः । यक्षास्तेन च जीवंति भूतसङ्घाश्च दारुणाः

rakṣāṁsi yātudhānāśca piśācāśca mahābalāḥ yakṣāstena ca jīvaṁti bhūtasaṁghāśca dāruṇāḥ

राक्षस, यातुधान, महाबली पिशाच, यक्षगण भी उसी से जीते हैं, और भयंकर भूतगण भी।

श्लोक 64 (padma.2.29.64)

गंधर्वैरप्सरोभिश्च पुनर्दुग्धा वसुंधरा । कृत्वा वत्सं सुविद्वांसं तैश्च चित्ररथं पुनः

gaṁdharvairapsarobhiśca punardugdhā vasuṁdharā kṛtvā vatsaṁ suvidvāṁsaṁ taiśca citrarathaṁ punaḥ

गंधर्वों और अप्सराओं द्वारा फिर वसुंधरा दुही गई, विद्वान चित्ररथ को बछड़ा बनाकर फिर —

श्लोक 65 (padma.2.29.65)

दुदुहुः पद्मपात्रे तु गांधर्वं गीतसंकुलम् । सुरुचिर्नाम गंधर्वस्तेषामासीन्महामतिः

duduhuḥ padmapātre tu gāṁdharvaṁ gītasaṁkulam surucirnāma gaṁdharvasteṣāmāsīnmahāmatiḥ

—कमल-पात्र में उन्होंने गांधर्व, गीत से भरा हुआ, दुहा; सुरुचि नामक गंधर्व उनका महामति दोहनकर्ता था —

श्लोक 66 (padma.2.29.66)

दोग्धा पुण्यतमश्चैव तस्याश्च द्विजसत्तमाः । शुचिगीतं महात्मानः सुक्षीरं दुदुहुस्तदा

dogdhā puṇyatamaścaiva tasyāśca dvijasattamāḥ śucigītaṁ mahātmānaḥ sukṣīraṁ duduhustadā

—वह अत्यंत पुण्यशाली दोहनकर्ता था; हे द्विजसत्तमो, उन महात्माओं ने शुद्ध गीत, उत्तम दूध, उससे दुहा —

श्लोक 67 (padma.2.29.67)

गंधर्वास्तेन जीवंति अन्याश्चाप्सरसस्तथा । पर्वतैश्च महापुण्यैर्दुग्धा चेयं वसुंधरा

gaṁdharvāstena jīvaṁti anyāścāpsarasastathā parvataiśca mahāpuṇyairdugdhā ceyaṁ vasuṁdharā

—गंधर्व उसी से जीते हैं, और अन्य अप्सराएँ भी। महापुण्य पर्वतों द्वारा भी यह वसुंधरा दुही गई —

श्लोक 68 (padma.2.29.68)

रत्नानि विविधान्येव ओषधीश्चामृतोपमाः । वत्सश्चैव महाभागो हिमवान्परिकल्पितः

ratnāni vividhānyeva oṣadhīścāmṛtopamāḥ vatsaścaiva mahābhāgo himavānparikalpitaḥ

—नाना प्रकार के रत्न और अमृततुल्य औषधियाँ दुही गईं; और महाभाग हिमवान बछड़ा नियत किया गया —

श्लोक 69 (padma.2.29.69)

मेरुर्दोग्धा च संजातः पात्रं कृत्वा तु शैलजम् । तेन क्षीरेण संवृद्धाः शैलाः सर्वे महौजसः

merurdogdhā ca saṁjātaḥ pātraṁ kṛtvā tu śailajam tena kṣīreṇa saṁvṛddhāḥ śailāḥ sarve mahaujasaḥ

—मेरु दोहनकर्ता बना, पर्वत से बना पात्र लेकर; उस दूध से समस्त महातेजस्वी पर्वत बढ़े।

श्लोक 70 (padma.2.29.70)

पुनर्दुग्धा महावृक्षैः पुण्यैः कल्पद्रुमादिभिः । पालाशं पात्रामानिन्युश्छिन्नदग्धप्ररोहणम्

punardugdhā mahāvṛkṣaiḥ puṇyaiḥ kalpadrumādibhiḥ pālāśaṁ pātrāmāninyuśchinnadagdhaprarohaṇam

फिर पुण्यमय, कल्पवृक्ष आदि महावृक्षों द्वारा दुही गई; पलाश का पात्र लाए, जो कटने-जलने पर भी पुनः उग जाता है —

श्लोक 71 (padma.2.29.71)

शालो दुदोह पुष्पांगः प्लक्षो वत्सोऽभवत्तदा । गुह्यकैश्चारणैः सिद्धैर्विद्याधरगणैस्तदा

śālo dudoha puṣpāṁgaḥ plakṣo vatso'bhavattadā guhyakaiścāraṇaiḥ siddhairvidyādharagaṇaistadā

—पुष्प-अंग वाले शाल ने दुहा; पीपल तब बछड़ा बना। गुह्यकों, चारणों, सिद्धों और विद्याधरगणों द्वारा तब —

श्लोक 72 (padma.2.29.72)

दुग्धा चेयं सर्वधात्री सर्वकामप्रदायिनी । यं यमिच्छंति ये लोकाः पात्रवत्सविशेषणैः

dugdhā ceyaṁ sarvadhātrī sarvakāmapradāyinī yaṁ yamicchaṁti ye lokāḥ pātravatsaviśeṣaṇaiḥ

—यह सर्वधात्री, सर्वकामप्रदायिनी दुही गई। जो-जो लोग जो-जो चाहते हैं, पात्र-बछड़े के विशेषण से —

श्लोक 73 (padma.2.29.73)

तैस्तैस्तेषां ददात्येव क्षीरं सद्भावमीदृशम् । इयं धात्री विधात्री तु इयं श्रेष्ठा वसुंधरा

taistaisteṣāṁ dadātyeva kṣīraṁ sadbhāvamīdṛśam iyaṁ dhātrī vidhātrī tu iyaṁ śreṣṭhā vasuṁdharā

—उन-उन के लिए वह वैसा ही सद्भावयुक्त दूध देती है। यह धात्री, विधात्री है, यह श्रेष्ठ वसुंधरा है —

श्लोक 74 (padma.2.29.74)

सर्वकामदुघा धेनुरियं पुण्यैरलंकृता । इयं ज्येष्ठा प्रतिष्ठा तु इयं सृष्टिरियं प्रजा

sarvakāmadughā dhenuriyaṁ puṇyairalaṁkṛtā iyaṁ jyeṣṭhā pratiṣṭhā tu iyaṁ sṛṣṭiriyaṁ prajā

—यह सर्वकामनापूर्ण धेनु है, पुण्यों से अलंकृत; यह ज्येष्ठ प्रतिष्ठा है, यह सृष्टि है, यह प्रजा है —

श्लोक 75 (padma.2.29.75)

पावनी पुण्यदा पुण्या सर्वसस्य प्ररोहिणी । चराचरस्य सर्वस्य प्रतिष्ठा योनिरेव च

pāvanī puṇyadā puṇyā sarvasasya prarohiṇī carācarasya sarvasya pratiṣṭhā yonireva ca

—पावन, पुण्यदायी, पुण्यमयी, समस्त सस्यों को उगाने वाली; समस्त चराचर की प्रतिष्ठा और योनि भी।

श्लोक 76 (padma.2.29.76)

महालक्ष्मीरियं विद्या सर्वविश्वमयी सदा । सर्वकामदुघा दोग्ध्री सर्वबीजप्ररोहिणी

mahālakṣmīriyaṁ vidyā sarvaviśvamayī sadā sarvakāmadughā dogdhrī sarvabījaprarohiṇī

यह महालक्ष्मी है, यह विद्या है, सदा समस्त विश्वमयी; सर्वकामनापूर्ण दोहनकर्त्री, समस्त बीजों को उगाने वाली —

श्लोक 77 (padma.2.29.77)

सर्वेषां श्रेयसां माता सर्वलोकधरा इयम् । पंचानामपि भूतानां प्रकाशो रूपमेव च

sarveṣāṁ śreyasāṁ mātā sarvalokadharā iyam paṁcānāmapi bhūtānāṁ prakāśo rūpameva ca

—समस्त कल्याणों की माता, समस्त लोकों की धारक; पाँचों भूतों का प्रकाश और स्वरूप भी।

श्लोक 78 (padma.2.29.78)

असीदियं समुद्रांता मेदिनीति परिश्रुता । मधुकैटभयोः कृत्स्ना मेदसा समभिप्लुता

asīdiyaṁ samudrāṁtā medinīti pariśrutā madhukaiṭabhayoḥ kṛtsnā medasā samabhiplutā

यह समुद्र-सीमा वाली 'मेदिनी' नाम से विख्यात हुई — मधु और कैटभ के मेद से पूर्णतः प्लावित —

श्लोक 79 (padma.2.29.79)

तेनेयं मेदिनी नाम प्रोच्यते ब्रह्मवादिभिः । ततोभ्युपगमात्प्राज्ञ पृथोर्वैन्यस्य सत्तमाः

teneyaṁ medinī nāma procyate brahmavādibhiḥ tatobhyupagamātprājña pṛthorvainyasya sattamāḥ

—इसीलिए इसे ब्रह्मवादियों द्वारा 'मेदिनी' नाम से कहा जाता है। फिर, हे प्राज्ञ, उस वेन-पुत्र पृथु के पास आने से, हे सत्तमो —

श्लोक 80 (padma.2.29.80)

दुहितृत्वमनुप्राप्ता देवी पृथ्वीति चोच्यते । तेन राज्ञा द्विजश्रेष्ठाः पालितेयं वसुंधरा

duhitṛtvamanuprāptā devī pṛthvīti cocyate tena rājñā dvijaśreṣṭhāḥ pāliteyaṁ vasuṁdharā

—वह देवी पुत्रीत्व को प्राप्त हुई और 'पृथ्वी' कही जाने लगी। उस राजा द्वारा, हे द्विजश्रेष्ठो, यह वसुंधरा पालित हुई —

श्लोक 81 (padma.2.29.81)

ग्रामाधारं गृहाणां च पुरपत्तनमालिनी । सस्याकरवती स्फीता सर्वतीर्थमयी द्विजाः

grāmādhāraṁ gṛhāṇāṁ ca purapattanamālinī sasyākaravatī sphītā sarvatīrthamayī dvijāḥ

—गाँवों और घरों का आधार, नगर-पत्तनों की माला वाली; सस्यों और खानों से भरी, समृद्ध, समस्त तीर्थमयी, हे द्विजो।

श्लोक 82 (padma.2.29.82)

एवं वसुमती देवी सर्वलोकमयी सदा । एवं प्रभावो राजेंद्रः पुराणे परिपठ्यते

evaṁ vasumatī devī sarvalokamayī sadā evaṁ prabhāvo rājeṁdraḥ purāṇe paripaṭhyate

इस प्रकार वह देवी वसुमती सदा सर्वलोकमयी है। ऐसा प्रभाव, हे राजेंद्रो, पुराण में पढ़ा जाता है —

श्लोक 83 (padma.2.29.83)

पृथुर्वैन्यो महाभागः सर्वकर्मप्रकाशकः । यथा विष्णुर्यथा ब्रह्मा यथा रुद्रः सनातनः

pṛthurvainyo mahābhāgaḥ sarvakarmaprakāśakaḥ yathā viṣṇuryathā brahmā yathā rudraḥ sanātanaḥ

—वेन-पुत्र पृथु, वह महाभाग, समस्त कर्मों का प्रकाशक; जैसे विष्णु, जैसे ब्रह्मा, जैसे सनातन रुद्र —

श्लोक 84 (padma.2.29.84)

नमस्कार्यास्त्रयो देवा देवाद्यैर्ब्रह्मवादिभिः । ब्राह्मणैर्ऋषिभिः सर्वैर्नमस्कार्यो नृपोत्तमः

namaskāryāstrayo devā devādyairbrahmavādibhiḥ brāhmaṇairṛṣibhiḥ sarvairnamaskāryo nṛpottamaḥ

—वे तीनों देवता देवताओं और ब्रह्मवादियों द्वारा नमस्करणीय हैं, वैसे ही वह नृपोत्तम ब्राह्मणों और समस्त ऋषियों द्वारा नमस्करणीय है —

श्लोक 85 (padma.2.29.85)

वर्णानामाश्रमाणां यः स्थापकः सर्वलोकधृक् । पार्थिवैश्च महाभागैः पार्थिवत्वमिहेप्सुभिः

varṇānāmāśramāṇāṁ yaḥ sthāpakaḥ sarvalokadhṛk pārthivaiśca mahābhāgaiḥ pārthivatvamihepsubhiḥ

—जो वर्णों और आश्रमों का स्थापक, समस्त लोकों का धारक है; पार्थिव राजाओं द्वारा भी, जो यहाँ राजत्व चाहते हैं —

श्लोक 86 (padma.2.29.86)

आदिराजो नमस्कार्यः पृथुर्वैन्यः प्रतापवान् । धनुर्वेदार्थिभिर्योधैः सदैव जयकांक्षिभिः

ādirājo namaskāryaḥ pṛthurvainyaḥ pratāpavān dhanurvedārthibhiryodhaiḥ sadaiva jayakāṁkṣibhiḥ

—वह आदिराजा, प्रतापी वेन-पुत्र पृथु नमस्करणीय है; धनुर्वेद के अभिलाषी योद्धाओं द्वारा, सदा विजय की कामना करने वालों द्वारा —

श्लोक 87 (padma.2.29.87)

नमस्कार्यो महाराजो वृत्तिदाता महीभृताम् । एवं पात्रविशेषाश्च मया ख्याता द्विजोत्तमाः

namaskāryo mahārājo vṛttidātā mahībhṛtām evaṁ pātraviśeṣāśca mayā khyātā dvijottamāḥ

—वह महाराजा, पृथ्वी के राजाओं का वृत्तिदाता, नमस्करणीय है। इस प्रकार पात्रों के विशेष प्रकार मेरे द्वारा बताए गए, हे द्विजोत्तमो —

श्लोक 88 (padma.2.29.88)

वत्सानां सुविशेषाश्च दोग्धॄणां भवदग्रतः । क्षीरस्यापि विशेषं तु यथोद्दिष्टं हि भूभुजा

vatsānāṁ suviśeṣāśca dogdhṝṇāṁ bhavadagrataḥ kṣīrasyāpi viśeṣaṁ tu yathoddiṣṭaṁ hi bhūbhujā

—बछड़ों के विशेष प्रकार और दोहनकर्ताओं के, आपके समक्ष; दूध की विशेषता भी, जैसा उस भूपति द्वारा निर्दिष्ट —

श्लोक 89 (padma.2.29.89)

समाख्यातं तथाग्रे च भवतां वै यथार्थतः । धन्यं यशस्यमारोग्यं पुण्यं पापप्रणाशनम्

samākhyātaṁ tathāgre ca bhavatāṁ vai yathārthataḥ dhanyaṁ yaśasyamārogyaṁ puṇyaṁ pāpapraṇāśanam

—आपके समक्ष यथार्थ रूप से कहा गया। धन्य, यशस्य, आरोग्यदायक, पुण्यमय, पापनाशक —

श्लोक 90 (padma.2.29.90)

पृथोर्वैन्यस्य चरितं यः शृणोति द्विजोत्तमाः । तस्य भागीरथी स्नानमहन्यहनि जायते

pṛthorvainyasya caritaṁ yaḥ śṛṇoti dvijottamāḥ tasya bhāgīrathī snānamahanyahani jāyate

—वेन-पुत्र पृथु के इस चरित्र को जो सुनता है, हे द्विजोत्तमो, उसे प्रतिदिन भागीरथी में स्नान का फल प्राप्त होता है —

श्लोक 91 (padma.2.29.91)

सर्वपापविशुद्धात्मा विष्णुलोकं प्रयाति सः

sarvapāpaviśuddhātmā viṣṇulokaṁ prayāti saḥ

—समस्त पापों से शुद्ध आत्मा होकर वह विष्णुलोक को जाता है।