सुनीथा का दुःख, सखियों का सांत्वन तथा अंग का प्रथम दर्शन

श्लोक 1 (padma.2.34.1)

सूत उवाच- यथा शप्ता वने पूर्वं सुशंखेन महात्मना । तासु सर्वं समाख्यातं सखीष्वेव विचेष्टितम्

sūta uvāca- yathā śaptā vane pūrvaṁ suśaṁkhena mahātmanā tāsu sarvaṁ samākhyātaṁ sakhīṣveva viceṣṭitam

सूत जी ने कहा - जिस प्रकार वह पहले वन में महात्मा सुशंख द्वारा शापित हुई थी, वह सारा वृत्तांत उसने उन सखियों को ही सुना दिया।

श्लोक 2 (padma.2.34.2)

आत्मनश्च महाभागा दुःखेनातिप्रपीडिता । सुनीथोवाच- अन्यच्चैव प्रवक्ष्यामि सख्यः शृण्वंतु सांप्रतम्

ātmanaśca mahābhāgā duḥkhenātiprapīḍitā sunīthovāca- anyaccaiva pravakṣyāmi sakhyaḥ śṛṇvaṁtu sāṁpratam

अपने ही दुःख से अत्यंत पीड़ित वह महाभागा - सुनीथा बोली - अब मैं एक और बात कहूँगी, हे सखियो, अब सुनो।

श्लोक 3 (padma.2.34.3)

मदीयरूपसंपत्ति वयः सगुणसंपदः । विलोक्य तातश्चिंतात्मा संजातो मम कारणात्

madīyarūpasaṁpatti vayaḥ saguṇasaṁpadaḥ vilokya tātaściṁtātmā saṁjāto mama kāraṇāt

मेरे रूप-संपत्ति, आयु और गुण-संपदा को देखकर मेरे पिता मेरे कारण चिंतित हो उठे।

श्लोक 4 (padma.2.34.4)

देवेभ्यो दातुकामोऽसौ मुनिभ्यस्तु महायशाः । मां च हस्ते विगृह्यैव सर्वान्वाक्यमुदाहरत्

devebhyo dātukāmo'sau munibhyastu mahāyaśāḥ māṁ ca haste vigṛhyaiva sarvānvākyamudāharat

वे यशस्वी मुझे देवताओं या मुनियों को देना चाहते थे; और मेरा हाथ पकड़कर उन्होंने सबसे यह वचन कहा -

श्लोक 5 (padma.2.34.5)

गुणयुक्ता सुता बाला ममेयं चारुलोचना । दातुकामोस्मि भद्रं वो गुणिने सुमहात्मने

guṇayuktā sutā bālā mameyaṁ cārulocanā dātukāmosmi bhadraṁ vo guṇine sumahātmane

'गुणों से युक्त, सुनयना, मेरी यह बाला पुत्री - हे भद्र, मैं इसे किसी गुणवान महात्मा को देना चाहता हूँ।'

श्लोक 6 (padma.2.34.6)

मृत्योर्वाक्यं ततो देवा ऋषयः शुश्रुवुस्तदा । तमूचुर्भाषमाणं ते देवा इंद्र पुरोगमाः

mṛtyorvākyaṁ tato devā ṛṣayaḥ śuśruvustadā tamūcurbhāṣamāṇaṁ te devā iṁdra purogamāḥ

तब मृत्यु के इस वचन को देवताओं और ऋषियों ने सुना; और इंद्र सहित उन देवताओं ने ऐसा कहते हुए उनसे कहा -

श्लोक 7 (padma.2.34.7)

तव कन्या गुणाढ्येयं शीलानां परमो निधिः । दोषेणैकेन संदुष्टा ऋषिशापेन तेन वै

tava kanyā guṇāḍhyeyaṁ śīlānāṁ paramo nidhiḥ doṣeṇaikena saṁduṣṭā ṛṣiśāpena tena vai

'तुम्हारी यह कन्या गुणों से समृद्ध और शील का परम भंडार है, परंतु उस ऋषि के शाप से एक ही दोष से दूषित हो गई है।

श्लोक 8 (padma.2.34.8)

अस्यामुत्पत्स्यते पुत्रो यस्य वीर्यात्पुमान्किल । भविता स महापापी पुण्यवंशविनाशकः

asyāmutpatsyate putro yasya vīryātpumānkila bhavitā sa mahāpāpī puṇyavaṁśavināśakaḥ

इससे जो पुत्र उत्पन्न होगा, जिसके पराक्रम से मनुष्य [पीड़ित होंगे] - वह महापापी और पुण्यवंश का नाशक होगा।

श्लोक 9 (padma.2.34.9)

गंगातोयेन संपूर्णः कुंभ एव प्रदृश्यते । सुरायाबिन्दुनालिप्तो मद्यकुम्भः प्रजायते

gaṁgātoyena saṁpūrṇaḥ kuṁbha eva pradṛśyate surāyābindunālipto madyakumbhaḥ prajāyate

गंगाजल से भरा कुंभ शुद्ध ही दिखाई देता है, पर मदिरा की एक बूँद से लिप्त होकर वही मद्य का घड़ा बन जाता है।

श्लोक 10 (padma.2.34.10)

पापस्य पापसंसर्गात्कुलं पापि प्रजायते । आरनालस्य वै बिंदुः क्षीरमध्ये प्रयाति चेत्

pāpasya pāpasaṁsargātkulaṁ pāpi prajāyate āranālasya vai biṁduḥ kṣīramadhye prayāti cet

पाप के पाप-संसर्ग से समूचा कुल पापी हो जाता है; यदि खट्टे अरनाल की एक बूँद दूध में जा मिले,

श्लोक 11 (padma.2.34.11)

पश्चान्नाशयते क्षीरमात्मरूपं प्रकाशयेत् । तद्वद्विनाशयेद्वंशं पापः पुत्रो न संशयः

paścānnāśayate kṣīramātmarūpaṁ prakāśayet tadvadvināśayedvaṁśaṁ pāpaḥ putro na saṁśayaḥ

तो वह बाद में दूध को बिगाड़कर अपने ही रूप में बदल देती है; उसी प्रकार पापी पुत्र समूचे वंश को नष्ट कर देगा, इसमें संदेह नहीं।

श्लोक 12 (padma.2.34.12)

अनेनापि हि दोषेण तवेयं पापभागिनी । अन्यस्मै दीयतां गच्छ देवैरुक्तः पिता मम

anenāpi hi doṣeṇa taveyaṁ pāpabhāginī anyasmai dīyatāṁ gaccha devairuktaḥ pitā mama

इसी दोष से तुम्हारी यह पुत्री पापभागिनी है, इसे किसी और को दे दो, जाओ' - इस प्रकार देवताओं द्वारा कहे जाने पर मेरे पिता,

श्लोक 13 (padma.2.34.13)

देवैश्चापि सगंधर्वैर्ऋषिभिश्च महात्मभिः । तैश्चापि संपरित्यक्तः पिता मे दुःखपीडितः

devaiścāpi sagaṁdharvairṛṣibhiśca mahātmabhiḥ taiścāpi saṁparityaktaḥ pitā me duḥkhapīḍitaḥ

देवताओं, गंधर्वों और महात्मा ऋषियों द्वारा भी त्याग दिए गए, और उनके द्वारा भी परित्यक्त होकर मेरे पिता दुःख से पीड़ित हो उठे।

श्लोक 14 (padma.2.34.14)

ममान्ये चापि स्वीकारं न कुर्वंति हि सज्जनाः । एवं पापमयं कर्म मया चैव पुरा कृतम्

mamānye cāpi svīkāraṁ na kurvaṁti hi sajjanāḥ evaṁ pāpamayaṁ karma mayā caiva purā kṛtam

अन्य सज्जन भी मुझे स्वीकार नहीं करते; इस प्रकार पहले मेरे ही द्वारा यह पापमय कर्म किया गया था।

श्लोक 15 (padma.2.34.15)

संतप्ता दुःखशोकेन वनमेव समाश्रिता । तप एव चरिष्यामि करिष्ये कायशोषणम्

saṁtaptā duḥkhaśokena vanameva samāśritā tapa eva cariṣyāmi kariṣye kāyaśoṣaṇam

दुःख और शोक से संतप्त होकर मैं इसी वन में आ बसी हूँ; मैं यहाँ तप ही करूँगी, अपने शरीर को क्षीण करूँगी।

श्लोक 16 (padma.2.34.16)

भवतीभिः सुपृष्टाहं कार्यकारणमेव हि । मम चिंतानुगं कर्म मया तद्वः प्रकाशितम्

bhavatībhiḥ supṛṣṭāhaṁ kāryakāraṇameva hi mama ciṁtānugaṁ karma mayā tadvaḥ prakāśitam

तुमने मुझसे इसका कारण भली-भाँति पूछा था, इसलिए मैंने अपने चिंतायुक्त कर्म को तुम्हें बता दिया।

श्लोक 17 (padma.2.34.17)

एवमुक्त्वा सुनीथा सा मृत्योः कन्या यशस्विनी । विरराम च दुःखार्ता किंचिन्नोवाच वै पुनः

evamuktvā sunīthā sā mṛtyoḥ kanyā yaśasvinī virarāma ca duḥkhārtā kiṁcinnovāca vai punaḥ

इस प्रकार कहकर मृत्यु की वह यशस्विनी कन्या सुनीथा, दुःख से व्याकुल होकर चुप हो गई और फिर कुछ नहीं बोली।

श्लोक 18 (padma.2.34.18)

सख्य ऊचुः- दुःखमेव महाभागे त्यज कायविनाशनम् । नास्ति कस्य कुले दोषो देवैः पापं समाश्रितम्

sakhya ūcuḥ- duḥkhameva mahābhāge tyaja kāyavināśanam nāsti kasya kule doṣo devaiḥ pāpaṁ samāśritam

सखियों ने कहा - हे महाभागे, इस शरीर-नाशक दुःख को त्याग दो; किसके कुल में दोष नहीं है? देवताओं ने भी पाप का आश्रय लिया है।

श्लोक 19 (padma.2.34.19)

जिह्ममुक्तं पुरा तेन ब्रह्मणा हरसंनिधौ । देवैश्चापि स हि त्यक्तो ब्रह्माऽपूज्यतमोऽभवत्

jihmamuktaṁ purā tena brahmaṇā harasaṁnidhau devaiścāpi sa hi tyakto brahmā'pūjyatamo'bhavat

पहले हर (शिव) के समक्ष स्वयं ब्रह्मा ने ही कुटिल कर्म किया था, और देवताओं द्वारा भी वे त्यागे गए - ब्रह्मा सबसे कम पूजनीय हो गए।

श्लोक 20 (padma.2.34.20)

ब्रह्महत्या प्रयुक्तोऽसौ देवराजोपि पश्य भोः । देवैः सार्धं महाभागस्त्रैलोक्यं परिभुंजति

brahmahatyā prayukto'sau devarājopi paśya bhoḥ devaiḥ sārdhaṁ mahābhāgastrailokyaṁ paribhuṁjati

देवराज इंद्र पर भी ब्रह्महत्या का पाप लगा था, फिर भी देखो - वे महाभाग देवताओं के साथ तीनों लोकों का उपभोग करते हैं।

श्लोक 21 (padma.2.34.21)

गौतमस्य प्रियां भार्यामहल्यां गतवान्पुरा । परदाराभिगामी स देवत्वे परिवर्त्तते

gautamasya priyāṁ bhāryāmahalyāṁ gatavānpurā paradārābhigāmī sa devatve parivarttate

पहले वे गौतम की प्रिय पत्नी अहल्या के पास गए थे; वह परस्त्रीगामी होकर भी अपने देवत्व में बना रहा।

श्लोक 22 (padma.2.34.22)

ब्रह्महत्योपमं कर्म दारुणं कृतवान्हरः । ब्रह्मणस्तु कपालेन चाद्यापि परिवर्तते

brahmahatyopamaṁ karma dāruṇaṁ kṛtavānharaḥ brahmaṇastu kapālena cādyāpi parivartate

हर (शिव) ने भी ब्रह्महत्या के समान भीषण कर्म किया था; ब्रह्मा की उसी खोपड़ी को लेकर वे आज भी घूमते हैं।

श्लोक 23 (padma.2.34.23)

देवानमंतितं देवमृषयो वेदपारगाः । आदित्यः कुष्ठसंयुक्तस्त्रैलोक्यं च प्रकाशयेत्

devānamaṁtitaṁ devamṛṣayo vedapāragāḥ ādityaḥ kuṣṭhasaṁyuktastrailokyaṁ ca prakāśayet

देवताओं द्वारा पूजित उस देव को, वेदपारगामी ऋषियों को भी देखो - सूर्य कुष्ठरोग से युक्त होकर भी तीनों लोकों को प्रकाशित करते हैं।

श्लोक 24 (padma.2.34.24)

लोकानमंतितं देवं देवाद्याः सचराचराः । कृष्णो भुंक्ते महाशापं भार्गवेण कृतं पुरा

lokānamaṁtitaṁ devaṁ devādyāḥ sacarācarāḥ kṛṣṇo bhuṁkte mahāśāpaṁ bhārgaveṇa kṛtaṁ purā

समस्त लोकों द्वारा वंदित उस देव को, देवताओं और चराचर सहित सबको देखो - कृष्ण भी भृगुवंशी के द्वारा दिए गए महाशाप को पूर्वकाल में भोगते हैं।

श्लोक 25 (padma.2.34.25)

गुरुभार्यांगतश्चंद्रः क्षयी तेन प्रजायते । भविष्यति महातेजा राजराजः प्रतापवान्

gurubhāryāṁgataścaṁdraḥ kṣayī tena prajāyate bhaviṣyati mahātejā rājarājaḥ pratāpavān

गुरु-पत्नी के पास जाने वाले चंद्रमा उसी के कारण क्षीण होते रहते हैं; [फिर भी] एक महातेजस्वी, प्रतापी राजाओं का राजा उत्पन्न होगा -

श्लोक 26 (padma.2.34.26)

पांडुपुत्रो महाप्राज्ञो धर्मात्मा स युधिष्ठिरः । गुरोश्चैव वधार्थाय अनृतं स वदिष्यति

pāṁḍuputro mahāprājño dharmātmā sa yudhiṣṭhiraḥ guroścaiva vadhārthāya anṛtaṁ sa vadiṣyati

पांडु का पुत्र, महाप्राज्ञ, धर्मात्मा युधिष्ठिर - वह भी अपने ही गुरु के वध के लिए असत्य वचन बोलेगा।

श्लोक 27 (padma.2.34.27)

एतेष्वेव महत्पापं वर्तते च महत्सु च । वैगुण्यं कस्य वै नास्ति कस्य नास्ति च लांछनम्

eteṣveva mahatpāpaṁ vartate ca mahatsu ca vaiguṇyaṁ kasya vai nāsti kasya nāsti ca lāṁchanam

इन्हीं महान् पुरुषों में भी महापाप विद्यमान रहता है; किसमें दोष नहीं है, और किसमें कलंक नहीं है?

श्लोक 28 (padma.2.34.28)

भवती स्वल्पदोषेण विलिप्तासि वरानने । उपकारं करिष्यामस्तवैव वरवर्णिनि

bhavatī svalpadoṣeṇa viliptāsi varānane upakāraṁ kariṣyāmastavaiva varavarṇini

तुम केवल एक छोटे-से दोष से लिप्त हो, हे वरानने; हम तुम्हारा ही उपकार करेंगी, हे वरवर्णिनी।

श्लोक 29 (padma.2.34.29)

तवांगे ये गुणाः संति सत्यस्त्रीणां यथा शुभे । अन्यत्रापि न पश्यामस्तान्गुणांश्चारुलोचने

tavāṁge ye guṇāḥ saṁti satyastrīṇāṁ yathā śubhe anyatrāpi na paśyāmastānguṇāṁścārulocane

तुम्हारे शरीर में जो गुण विद्यमान हैं, जैसे सती स्त्रियों में होते हैं, हे शुभे - वैसे गुण हमने कहीं और नहीं देखे, हे चारुलोचने।

श्लोक 30 (padma.2.34.30)

रूपमेव गुणः स्त्रीणां प्रथमं भूषणं शुभे । शीलमेव द्वितीयं च तृतीयं सत्यमेव च

rūpameva guṇaḥ strīṇāṁ prathamaṁ bhūṣaṇaṁ śubhe śīlameva dvitīyaṁ ca tṛtīyaṁ satyameva ca

स्त्रियों का पहला भूषण रूप ही गुण है, हे शुभे; दूसरा शील है और तीसरा सत्य ही है।

श्लोक 31 (padma.2.34.31)

आर्जवत्वं चतुर्थं च पंचमं धर्ममेव हि । मधुरत्वं ततः प्रोक्तं षष्ठमेव वरानने

ārjavatvaṁ caturthaṁ ca paṁcamaṁ dharmameva hi madhuratvaṁ tataḥ proktaṁ ṣaṣṭhameva varānane

चौथा सरलता है और पाँचवाँ धर्म ही है; छठा गुण मधुरता कहा गया है, हे वरानने।

श्लोक 32 (padma.2.34.32)

शुद्धत्वं सप्तमं बाले अंतर्बाह्येषु योषितम् । अष्टमं हि पितुर्भावः शुश्रूषा नवमं किल

śuddhatvaṁ saptamaṁ bāle aṁtarbāhyeṣu yoṣitam aṣṭamaṁ hi piturbhāvaḥ śuśrūṣā navamaṁ kila

सातवाँ गुण है, हे बाले, स्त्री का भीतर और बाहर से शुद्ध होना; आठवाँ है पिता के प्रति स्नेह-भाव, और नवाँ है सेवा-भाव।

श्लोक 33 (padma.2.34.33)

सहिष्णुर्दशमं प्रोक्तं रतिश्चैकादशं तथा । पातिव्रत्यं ततः प्रोक्तं द्वादशं वरवर्णिनि

sahiṣṇurdaśamaṁ proktaṁ ratiścaikādaśaṁ tathā pātivratyaṁ tataḥ proktaṁ dvādaśaṁ varavarṇini

दसवाँ गुण सहनशीलता कहा गया है, और ग्यारहवाँ है [पति के प्रति] प्रेम; बारहवाँ, हे वरवर्णिनी, पातिव्रत्य कहा गया है।

श्लोक 34 (padma.2.34.34)

तैस्त्वं संभूषिता बाले मा बिभेषि वरानने । येनोपायेन ते भर्ता भविष्यति सुधर्मधृक्

taistvaṁ saṁbhūṣitā bāle mā bibheṣi varānane yenopāyena te bhartā bhaviṣyati sudharmadhṛk

इन सबसे तुम सुशोभित हो, हे बाले, डरो मत, हे वरानने; जिस उपाय से तुम्हें सुधर्मपरायण पति प्राप्त होगा -

श्लोक 35 (padma.2.34.35)

तमुपायं प्रपश्यामस्तवार्थं वयमेव हि । तामूचुस्ता वराः सख्यो मा त्वं वै साहसं कुरु

tamupāyaṁ prapaśyāmastavārthaṁ vayameva hi tāmūcustā varāḥ sakhyo mā tvaṁ vai sāhasaṁ kuru

वह उपाय तुम्हारे ही लिए हम स्वयं ढूँढ़ेंगी।' उन उत्तम सखियों ने उससे कहा - 'तुम कोई साहसिक कदम मत उठाना।'

श्लोक 36 (padma.2.34.36)

सूत उवाच- एवमुक्ता सुनीथा सा पुनरूचे सखीस्तु ताः । कथयध्वं ममोपायं येन भर्ता भविष्यति

sūta uvāca- evamuktā sunīthā sā punarūce sakhīstu tāḥ kathayadhvaṁ mamopāyaṁ yena bhartā bhaviṣyati

सूत जी ने कहा - इस प्रकार कहे जाने पर सुनीथा ने फिर उन सखियों से कहा - 'मुझे वह उपाय बताओ जिससे मुझे पति प्राप्त होगा।'

श्लोक 37 (padma.2.34.37)

तामूचुस्ता वरा नार्यो रंभाद्याश्चारुलोचनाः । रूपमाधुर्यसंयुक्ता भवती भूतिवर्द्धनी

tāmūcustā varā nāryo raṁbhādyāścārulocanāḥ rūpamādhuryasaṁyuktā bhavatī bhūtivarddhanī

रंभा आदि उन सुंदर नयनों वाली उत्तम स्त्रियों ने उससे कहा - 'तुम रूप और मधुरता से युक्त हो, तुम समृद्धि को बढ़ाने वाली हो -

श्लोक 38 (padma.2.34.38)

ब्रह्मशापेन संभीता वयमत्र समागताः । तां प्रोचुश्च विशालाक्षीं मृत्योः कन्यां सुलोचनाम्

brahmaśāpena saṁbhītā vayamatra samāgatāḥ tāṁ procuśca viśālākṣīṁ mṛtyoḥ kanyāṁ sulocanām

'ब्रह्मा के शाप से भयभीत होकर हम यहाँ आई हैं।' उन्होंने विशाल नेत्रों वाली, सुंदर नयनों वाली मृत्यु की उस कन्या से कहा -

श्लोक 39 (padma.2.34.39)

विद्यामेकां प्रदास्यामः पुरुषाणां प्रमोहिनीम् । सर्वमायाविदां भद्रे सर्वभद्रप्रदायिनीम्

vidyāmekāṁ pradāsyāmaḥ puruṣāṇāṁ pramohinīm sarvamāyāvidāṁ bhadre sarvabhadrapradāyinīm

'हम तुम्हें एक विद्या देंगी, जो पुरुषों को मोहित कर देती है, हे भद्रे, जो समस्त माया-विदों में श्रेष्ठ है और समस्त कल्याण देने वाली है।'

श्लोक 40 (padma.2.34.40)

विद्याबलं ततो दद्युस्तस्यैताः सुखदायकम् । यं यं मोहयितुं भद्रे इच्छस्येवं सुरादिकम्

vidyābalaṁ tato dadyustasyaitāḥ sukhadāyakam yaṁ yaṁ mohayituṁ bhadre icchasyevaṁ surādikam

तब उन्होंने उसे वह सुखदायक विद्या-बल प्रदान किया - 'हे भद्रे, जिस किसी को भी - देवता आदि को भी - तुम मोहित करना चाहो,

श्लोक 41 (padma.2.34.41)

तं तं सद्यो मोहय वा इत्युक्ता सा तथाऽकरोत् । विद्यायां हि सुसिद्धायां सा सुनीथा सुनंदिता

taṁ taṁ sadyo mohaya vā ityuktā sā tathā'karot vidyāyāṁ hi susiddhāyāṁ sā sunīthā sunaṁditā

'उसे तुरंत ही मोहित कर लो।' ऐसा कहे जाने पर उसने वैसा ही किया; और वह विद्या भली-भाँति सिद्ध हो जाने पर, आनंदित सुनीथा -

श्लोक 42 (padma.2.34.42)

भ्रमत्येवं सखीभिस्तु पुरुषान्सा विपश्यति । अटमानागता पुण्यं नंदनं वनमुत्तमम्

bhramatyevaṁ sakhībhistu puruṣānsā vipaśyati aṭamānāgatā puṇyaṁ naṁdanaṁ vanamuttamam

अपनी सखियों के साथ इस प्रकार घूमती हुई पुरुषों को देखने लगी; घूमते-घूमते वह उस पवित्र, उत्तम नंदन वन में जा पहुँची।

श्लोक 43 (padma.2.34.43)

गंगातीरे ततो दृष्ट्वा ब्राह्मणं रूपसंयुतम् । सर्वलक्षणसंपन्नं सूर्यतेजः समप्रभम्

gaṁgātīre tato dṛṣṭvā brāhmaṇaṁ rūpasaṁyutam sarvalakṣaṇasaṁpannaṁ sūryatejaḥ samaprabham

वहाँ गंगा के तट पर उसने रूपवान, समस्त शुभ लक्षणों से युक्त, सूर्य के समान तेजस्वी एक ब्राह्मण को देखा -

श्लोक 44 (padma.2.34.44)

रूपेणाप्रतिमं लोके द्वितीयमिव मन्मथम् । देवरूपं महाभागं भाग्यवंतं सुभाग्यदम्

rūpeṇāpratimaṁ loke dvitīyamiva manmatham devarūpaṁ mahābhāgaṁ bhāgyavaṁtaṁ subhāgyadam

रूप में संसार में अद्वितीय, मानो दूसरा कामदेव; देवतुल्य, महाभाग्यशाली और शुभ भाग्य देने वाला,

श्लोक 45 (padma.2.34.45)

अनौपम्यं महात्मानं विष्णुतेजः समप्रभम् । वैष्णवं सर्वपापघ्नं विष्णुतुल्यपराक्रमम्

anaupamyaṁ mahātmānaṁ viṣṇutejaḥ samaprabham vaiṣṇavaṁ sarvapāpaghnaṁ viṣṇutulyaparākramam

अनुपम, महात्मा, विष्णु के तेज के समान तेजस्वी; विष्णुभक्त, समस्त पापों का नाशक, विष्णु के समान पराक्रमी,

श्लोक 46 (padma.2.34.46)

कामक्रोधविहीनं तमत्रिवंशविभूषणम्

kāmakrodhavihīnaṁ tamatrivaṁśavibhūṣaṇam

काम और क्रोध से रहित, अत्रि के वंश का वह भूषण।

श्लोक 47 (padma.2.34.47)

दृष्ट्वा सुरूपं तपसां स्वरूपं दिव्यप्रभावं परितप्यमानम् । पप्रच्छ रंभां सुसखीं सरागा कोयं दिविष्ठः प्रवरो महात्मा

dṛṣṭvā surūpaṁ tapasāṁ svarūpaṁ divyaprabhāvaṁ paritapyamānam papraccha raṁbhāṁ susakhīṁ sarāgā koyaṁ diviṣṭhaḥ pravaro mahātmā

उस सुंदर, तप के साक्षात् स्वरूप, दिव्य प्रभाव से युक्त, तप में लीन पुरुष को देखकर, अनुराग से भरी सुनीथा ने अपनी प्रिय सखी रंभा से पूछा - 'यह स्वर्ग-सा दिखने वाला श्रेष्ठ महात्मा कौन है?'