वेन का उद्धार, वासुदेव-स्तोत्र तथा दान के काल, तीर्थ और पात्र का उपदेश

श्लोक 1 (padma.2.39.1)

ऋषय ऊचुः- कथं वेनो गतः स्वर्गं पापं त्यक्त्वा प्रदूरतः । तन्नो विस्तरतोऽत्रापि वद सत्यवतां वर

ṛṣaya ūcuḥ- kathaṁ veno gataḥ svargaṁ pāpaṁ tyaktvā pradūrataḥ tanno vistarato'trāpi vada satyavatāṁ vara

ऋषियों ने कहा - पाप को दूर करके वेन किस प्रकार स्वर्ग को गया? हे सत्यवादियों में श्रेष्ठ, यह भी हमें विस्तार से बताइए।

श्लोक 2 (padma.2.39.2)

सूतउवाच- ऋषीणां पुण्यसंसर्गात्संवादाच्च द्विजोत्तम । कायस्य मथनात्पापो बहिस्तस्य विनिर्गतः

sūtauvāca- ṛṣīṇāṁ puṇyasaṁsargātsaṁvādācca dvijottama kāyasya mathanātpāpo bahistasya vinirgataḥ

सूत जी ने कहा - ऋषियों की पवित्र संगति और उनके संवाद से, हे द्विजोत्तम, शरीर के मंथन से वह पाप उसके भीतर से बाहर निकल गया।

श्लोक 3 (padma.2.39.3)

पश्चाद्वेनः स पुण्यात्मा ज्ञानं लेभे च शाश्वतम् । रेवाया दक्षिणे कूले तपश्चचार स द्विजाः

paścādvenaḥ sa puṇyātmā jñānaṁ lebhe ca śāśvatam revāyā dakṣiṇe kūle tapaścacāra sa dvijāḥ

तत्पश्चात् वह पुण्यात्मा वेन शाश्वत ज्ञान को प्राप्त हुआ; हे द्विजो, उसने नर्मदा के दक्षिण तट पर तप किया,

श्लोक 4 (padma.2.39.4)

तृणबिन्दोर्ऋषेश्चैव आश्रमे पापनाशने । वर्षाणां तु शतं साग्रं कामक्रोधविवर्जितः

tṛṇabindorṛṣeścaiva āśrame pāpanāśane varṣāṇāṁ tu śataṁ sāgraṁ kāmakrodhavivarjitaḥ

पाप का नाश करने वाले उस त्रिणबिंदु ऋषि के आश्रम में, सौ वर्षों से भी अधिक समय तक, काम और क्रोध से रहित होकर।

श्लोक 5 (padma.2.39.5)

तस्योग्रतपसादेवः शंखचक्रगदाधरः । प्रसन्नोभून्महाभागा निष्पापस्य नृपस्य वै

tasyogratapasādevaḥ śaṁkhacakragadādharaḥ prasannobhūnmahābhāgā niṣpāpasya nṛpasya vai

उसके उग्र तप से प्रसन्न होकर शंख-चक्र-गदाधारी देव उस महाभाग्यशाली, निष्पाप राजा पर प्रसन्न हो गए।

श्लोक 6 (padma.2.39.6)

उवाच च प्रसन्नोऽस्मि व्रियतां वरउत्तमः । वेन उवाच- यदि देव प्रसन्नोऽसि देहि मे वरमुत्तमम्

uvāca ca prasanno'smi vriyatāṁ varauttamaḥ vena uvāca- yadi deva prasanno'si dehi me varamuttamam

उन्होंने कहा - 'मैं प्रसन्न हूँ, उत्तम वर माँगो।' वेन ने कहा - 'हे देव, यदि आप प्रसन्न हैं तो मुझे उत्तम वर दीजिए -

श्लोक 7 (padma.2.39.7)

अनेनापि शरीरेण गंतुमिच्छामि त्वत्पदम् । पित्रा सार्धं महाभाग मात्रा चैव सुरेश्वर । तवैव तेजसा देव तद्विष्णोः परमं पदम्

anenāpi śarīreṇa gaṁtumicchāmi tvatpadam pitrā sārdhaṁ mahābhāga mātrā caiva sureśvara tavaiva tejasā deva tadviṣṇoḥ paramaṁ padam

इसी शरीर के साथ मैं आपके पद को जाना चाहता हूँ, हे महाभाग, अपने माता-पिता के साथ, हे सुरेश्वर - आपके ही तेज से, हे देव, वह विष्णु का परम पद।'

श्लोक 8 (padma.2.39.8)

श्रीवासुदेव उवाच- क्वगतोऽसौ महामोहो येन त्वं मोहितो नृप । लोभेन मोहयुक्तेन तमोमार्गे निपातितः

śrīvāsudeva uvāca- kvagato'sau mahāmoho yena tvaṁ mohito nṛpa lobhena mohayuktena tamomārge nipātitaḥ

श्री वासुदेव ने कहा - 'वह महामोह कहाँ गया, जिससे तुम मोहित हुए थे, हे राजन? लोभ से युक्त मोह के द्वारा अंधकार के मार्ग में गिरा दिए गए थे -

श्लोक 9 (padma.2.39.9)

वेन उवाच- यन्मे पूर्वकृतं पापं तेनाहं मोहितो विभो । अतो मामुद्धरास्मात्त्वं पापाच्चैव सुदारुणात्

vena uvāca- yanme pūrvakṛtaṁ pāpaṁ tenāhaṁ mohito vibho ato māmuddharāsmāttvaṁ pāpāccaiva sudāruṇāt

वेन ने कहा - 'मेरे द्वारा पूर्वजन्म में किए गए पाप से ही मैं मोहित हुआ था, हे प्रभु; इसलिए इस अत्यंत भीषण पाप से मुझे उद्धारिए।

श्लोक 10 (padma.2.39.10)

प्रजप्तव्यमथो पठ्यं तद्वदानुग्रहाद्विभो । भगवानुवाच- साधु भूप महाभाग पापं ते नाशमागतम्

prajaptavyamatho paṭhyaṁ tadvadānugrahādvibho bhagavānuvāca- sādhu bhūpa mahābhāga pāpaṁ te nāśamāgatam

जो जपने योग्य हो या पढ़ने योग्य हो, वह मुझे अपनी कृपा से बताइए, हे प्रभु।' भगवान ने कहा - 'साधु-साधु, हे महाभाग्यशाली राजन, तुम्हारा पाप नष्ट हो चुका है।

श्लोक 11 (padma.2.39.11)

शुद्धोसि तपसा च त्वं ततः पुण्यं वदाम्यहम् । पुरा वै ब्रह्मणा तात पृष्टोहं भवता यथा

śuddhosi tapasā ca tvaṁ tataḥ puṇyaṁ vadāmyaham purā vai brahmaṇā tāta pṛṣṭohaṁ bhavatā yathā

तप से तुम शुद्ध हो चुके हो, इसलिए अब मैं तुम्हें पुण्यमय वस्तु बताता हूँ। हे तात, पहले जिस प्रकार ब्रह्मा ने मुझसे पूछा था,

श्लोक 12 (padma.2.39.12)

तस्मै यदुदितं वत्स तत्ते सर्वं वदाम्यहम् । एकदा ब्रह्मणा ध्यानस्थितेन नाभिपंकजे

tasmai yaduditaṁ vatsa tatte sarvaṁ vadāmyaham ekadā brahmaṇā dhyānasthitena nābhipaṁkaje

हे वत्स, उन्हें जो कहा गया था, वह सब मैं तुम्हें बताता हूँ। एक बार, नाभि-कमल में ध्यानस्थ ब्रह्मा के समक्ष -

श्लोक 13 (padma.2.39.13)

प्रादुरास तदा तस्य वरदानाय सुव्रत । तेन पृष्टं महत्पुण्यं स्तोत्रं पापप्रणाशनम्

prādurāsa tadā tasya varadānāya suvrata tena pṛṣṭaṁ mahatpuṇyaṁ stotraṁ pāpapraṇāśanam

- मैं उन्हें वर देने के लिए प्रकट हुआ, हे सुव्रत। उनके द्वारा वह महान्, पापनाशक, पुण्यमय स्तोत्र पूछा गया,

श्लोक 14 (padma.2.39.14)

वासुदेवाभिधानं च सुगतिप्रदमिच्छता । स्तोत्राणां परमं तस्मै वासुदेवाभिधं महत्

vāsudevābhidhānaṁ ca sugatipradamicchatā stotrāṇāṁ paramaṁ tasmai vāsudevābhidhaṁ mahat

वासुदेव नामक, सुगति की इच्छा रखने वाले उस ब्रह्मा के लिए; मैंने उन्हें उस स्तोत्रों में परम, महान् वासुदेव नामक स्तोत्र -

श्लोक 15 (padma.2.39.15)

सर्वसौख्यप्रदं नॄणां पठतां जपतां सदा । उपादिशं महाभाग विष्णुप्रीतिकरं परम्

sarvasaukhyapradaṁ nṝṇāṁ paṭhatāṁ japatāṁ sadā upādiśaṁ mahābhāga viṣṇuprītikaraṁ param

- जो सदा पढ़ने और जपने वालों को समस्त सुख देने वाला है, वह मैंने उन्हें बता दिया, हे महाभाग, जो विष्णु को अत्यंत प्रिय करने वाला है।

श्लोक 16 (padma.2.39.16)

विष्णुरुवाच- एतत्सर्वं जगद्व्याप्तं मया त्वव्यक्तमूर्तिना । अतो मां मुनयः प्राहुर्विष्णुं विष्णुपरायणाः

viṣṇuruvāca- etatsarvaṁ jagadvyāptaṁ mayā tvavyaktamūrtinā ato māṁ munayaḥ prāhurviṣṇuṁ viṣṇuparāyaṇāḥ

विष्णु ने कहा - 'यह समस्त जगत मेरे द्वारा ही, अव्यक्त-स्वरूप के रूप में, व्याप्त है; इसीलिए विष्णुपरायण मुनि मुझे विष्णु कहते हैं।

श्लोक 17 (padma.2.39.17)

वसंति यत्र भूतानि वसत्येषु च यो विभुः । स वासुदेवो विज्ञेयो विद्वद्भिरहमादरात्

vasaṁti yatra bhūtāni vasatyeṣu ca yo vibhuḥ sa vāsudevo vijñeyo vidvadbhirahamādarāt

जहाँ प्राणी निवास करते हैं और उनमें जो सर्वव्यापी विभु निवास करता है, उसे विद्वानों द्वारा आदरपूर्वक वासुदेव के रूप में जाना जाता है।

श्लोक 18 (padma.2.39.18)

संकर्षति प्रजाश्चांते ह्यव्यक्ताय यतो विभुः । ततः संकर्षणो नाम्ना विज्ञेयः शरणागतैः

saṁkarṣati prajāścāṁte hyavyaktāya yato vibhuḥ tataḥ saṁkarṣaṇo nāmnā vijñeyaḥ śaraṇāgataiḥ

चूँकि वह विभु अंत में प्रजाओं को अव्यक्त की ओर खींच लेता है, इसीलिए शरणागतों के द्वारा उसे संकर्षण नाम से जाना जाता है।

श्लोक 19 (padma.2.39.19)

इंगिते कामरूपोहं बहु स्यामिति काम्यया । प्रद्युम्नोहं बुधैस्तस्माद्विज्ञेयोस्मि सुतार्थिभिः

iṁgite kāmarūpohaṁ bahu syāmiti kāmyayā pradyumnohaṁ budhaistasmādvijñeyosmi sutārthibhiḥ

इच्छामात्र से इच्छित रूप धारण करने वाला मैं, "मैं बहुत हो जाऊँ" - इस कामना से, बुद्धिमानों द्वारा और संतान चाहने वालों द्वारा प्रद्युम्न के रूप में जाना जाता हूँ।

श्लोक 20 (padma.2.39.20)

अत्र लोके विना चेशौ सर्वेशौ हरकेशवौ । निरुद्धोहं योगबलान्न केनातोनिरुद्धवत्

atra loke vinā ceśau sarveśau harakeśavau niruddhohaṁ yogabalānna kenātoniruddhavat

इस लोक में हर और केशव, इन दो सर्वेश्वरों के अतिरिक्त, मैं योगबल से निरुद्ध (संयत) रहता हूँ, [फिर भी] किसी के द्वारा निरुद्ध नहीं होता।

श्लोक 21 (padma.2.39.21)

विश्वाख्योहं प्रतिजगज्ज्ञानविज्ञानसंयुतः । अहमित्यभिमानी च जाग्रच्चिंतासमाकुलः

viśvākhyohaṁ pratijagajjñānavijñānasaṁyutaḥ ahamityabhimānī ca jāgracciṁtāsamākulaḥ

प्रत्येक जगत के प्रति मैं विश्व नाम से जाना जाता हूँ, ज्ञान-विज्ञान से युक्त; मैं ही "मैं" इस अभिमान से युक्त, जाग्रत अवस्था की चिंता से व्याकुल हूँ।

श्लोक 22 (padma.2.39.22)

तैजसोहं जगच्चेष्टामयश्चेंद्रियरूपवान् । ज्ञानकर्मसमुद्रिक्तः स्वप्नावस्थां गतो ह्यहम्

taijasohaṁ jagacceṣṭāmayaśceṁdriyarūpavān jñānakarmasamudriktaḥ svapnāvasthāṁ gato hyaham

मैं तैजस हूँ, जगत की क्रिया से युक्त, इंद्रियों के रूप से युक्त; ज्ञान और कर्म से ऊपर उठकर मैं स्वप्न-अवस्था को प्राप्त हुआ हूँ।

श्लोक 23 (padma.2.39.23)

प्राज्ञोहमधिदैवात्मा विश्वाधिष्ठानगोचरः । सुषुप्तावास्थितो लोकादुदासीनो विकल्पितः

prājñohamadhidaivātmā viśvādhiṣṭhānagocaraḥ suṣuptāvāsthito lokādudāsīno vikalpitaḥ

मैं प्राज्ञ हूँ, देवताओं का अधिष्ठाता आत्मा, समस्त विश्व के आधार का विषय; लोक से उदासीन, सुषुप्ति में स्थित, कल्पित।

श्लोक 24 (padma.2.39.24)

तुरीयोऽहं निर्विकारी गुणावस्थाविवर्जितः । निर्लिप्तः साक्षिवद्विश्व प्रतिबिंबित विग्रहः

turīyo'haṁ nirvikārī guṇāvasthāvivarjitaḥ nirliptaḥ sākṣivadviśva pratibiṁbita vigrahaḥ

मैं तुरीय हूँ, निर्विकार, गुणों की अवस्थाओं से रहित; अलिप्त, साक्षी के समान, जिसका स्वरूप ही विश्व का प्रतिबिंब है।

श्लोक 25 (padma.2.39.25)

चिदाभासश्चिदानंदश्चिन्मयश्चित्स्वरूपवान् । नित्योक्षरो ब्रह्मरूपो ब्रह्मन्नेवमवेहि माम्

cidābhāsaścidānaṁdaścinmayaścitsvarūpavān nityokṣaro brahmarūpo brahmannevamavehi mām

मैं चित् का आभास हूँ, चित् का आनंद हूँ, चिन्मय हूँ, चित्-स्वरूप हूँ; नित्य, अक्षर, ब्रह्मरूप - हे ब्रह्मन्, मुझे इसी प्रकार जानो।'

श्लोक 26 (padma.2.39.26)

भगवानुवाच- इत्युक्त्वांतर्दधे विष्णुः स्वरूपं ब्रह्मणे पुरा । सोपि ज्ञात्वा जगद्व्याप्तिं कृतात्मा समभूत्क्षणात्

bhagavānuvāca- ityuktvāṁtardadhe viṣṇuḥ svarūpaṁ brahmaṇe purā sopi jñātvā jagadvyāptiṁ kṛtātmā samabhūtkṣaṇāt

भगवान ने कहा - इस प्रकार कहकर, विष्णु ने पूर्वकाल में ब्रह्मा के समक्ष से अपना स्वरूप अंतर्धान कर लिया; उन्होंने भी जगत की उस व्याप्ति को जानकर, उसी क्षण कृतार्थ हो गए।

श्लोक 27 (padma.2.39.27)

राजंस्त्वमपि शुद्धात्मा पृथोर्जन्मन एव च । तथाप्याराधय विभुं स्तोत्रेणानेन सुव्रत

rājaṁstvamapi śuddhātmā pṛthorjanmana eva ca tathāpyārādhaya vibhuṁ stotreṇānena suvrata

हे राजन्, तुम भी पृथु के जन्म से ही शुद्ध-आत्मा हो; फिर भी इसी स्तोत्र से उस विभु की आराधना करो, हे सुव्रत।

श्लोक 28 (padma.2.39.28)

तुष्टो विष्णुस्तमभ्याह वरं वरय मानद । वेन उवाच- सुगतिं देहि मे विष्णो दुष्कृतात्तारयस्व माम्

tuṣṭo viṣṇustamabhyāha varaṁ varaya mānada vena uvāca- sugatiṁ dehi me viṣṇo duṣkṛtāttārayasva mām

प्रसन्न होकर विष्णु ने उससे कहा - 'हे मानद, वर माँगो।' वेन ने कहा - 'हे विष्णु, मुझे सुगति दीजिए, इस दुष्कृत्य से मुझे तार दीजिए।

श्लोक 29 (padma.2.39.29)

शरणं त्वां प्रपन्नोस्मि कारणं वद सद्गतेः । विष्णुरुवाच- पूर्वमेव महाभाग त्वंगेनापि महात्मना

śaraṇaṁ tvāṁ prapannosmi kāraṇaṁ vada sadgateḥ viṣṇuruvāca- pūrvameva mahābhāga tvaṁgenāpi mahātmanā

मैं आपकी शरण में आया हूँ, मुझे सुगति का कारण बताइए।' विष्णु ने कहा - 'हे महाभाग, पहले ही महात्मा अंग द्वारा भी -

श्लोक 30 (padma.2.39.30)

अहमाराधितस्तेन तस्मै दत्तो वरो मया । प्रयास्यसि महाभाग वैष्णवं लोकमुत्तमम्

ahamārādhitastena tasmai datto varo mayā prayāsyasi mahābhāga vaiṣṇavaṁ lokamuttamam

- मेरी आराधना की गई थी, और उसे मेरे द्वारा एक वर दिया गया था - "हे महाभाग, तुम श्रेष्ठ वैष्णव लोक को प्राप्त होगे,

श्लोक 31 (padma.2.39.31)

कर्मणा स्वेन विप्रेंद्र पुण्येन नृपनंदन । आत्मार्थे त्वं महाभाग वरमेव प्रयाचय

karmaṇā svena vipreṁdra puṇyena nṛpanaṁdana ātmārthe tvaṁ mahābhāga varameva prayācaya

- अपने ही पुण्यकर्म से, हे विप्रेंद्र, हे नृपनंदन।" तुम भी, हे महाभाग, अपने ही लिए एक वर माँगो।

श्लोक 32 (padma.2.39.32)

शृणु वेन महाभाग वृत्तांतं पूर्वसंभवम् । तव मात्रे पुरा दत्तः शापः क्रुद्धेन भूपते

śṛṇu vena mahābhāga vṛttāṁtaṁ pūrvasaṁbhavam tava mātre purā dattaḥ śāpaḥ kruddhena bhūpate

सुनो, हे वेन, हे महाभाग, यह पूर्वकाल की घटना - तुम्हारी माता को पहले, हे भूपते, क्रोधित होकर एक शाप दिया गया था,

श्लोक 33 (padma.2.39.33)

सुशंखेन सुनीथायै बाल्ये पूर्वं महात्मना । ततस्त्वंगे वरो दत्तो मयैव विदितात्मना

suśaṁkhena sunīthāyai bālye pūrvaṁ mahātmanā tatastvaṁge varo datto mayaiva viditātmanā

- महात्मा सुशंख द्वारा, सुनीथा को, बचपन में ही; तब मेरे द्वारा ही, सर्वज्ञ स्वरूप में, अंग को वर दिया गया था -

श्लोक 34 (padma.2.39.34)

त्वां समुद्धर्त्तुकामेन सुपुत्रस्ते भविष्यति । एवमुक्त्वा तु पितरं तवाहं गुणवत्सल

tvāṁ samuddharttukāmena suputraste bhaviṣyati evamuktvā tu pitaraṁ tavāhaṁ guṇavatsala

- तुम्हें उद्धार करने की इच्छा से - "तुम्हें एक श्रेष्ठ पुत्र प्राप्त होगा।" यह पिता से कहकर, हे गुणवत्सल,

श्लोक 35 (padma.2.39.35)

भवदंगात्समुद्भूतः करिष्ये लोकपालनम् । दिवींद्रो हि यथा भाति तथाहं भूतले स्थितः

bhavadaṁgātsamudbhūtaḥ kariṣye lokapālanam divīṁdro hi yathā bhāti tathāhaṁ bhūtale sthitaḥ

- मैं तुम्हारे शरीर से उत्पन्न होकर लोक-पालन करूँगा; जैसे इंद्र स्वर्ग में शोभित होते हैं, वैसे ही मैं भूतल पर स्थित रहूँगा।

श्लोक 36 (padma.2.39.36)

आत्मा वै जायते पुत्र इति सत्यवती श्रुतिः । अतस्त्वं सुगतिं वत्स लभिष्यसि वरान्मम

ātmā vai jāyate putra iti satyavatī śrutiḥ atastvaṁ sugatiṁ vatsa labhiṣyasi varānmama

"आत्मा ही पुत्र के रूप में जन्म लेता है" - यह सत्य श्रुति-वचन है। इसीलिए, हे वत्स, तुम मेरे वर से सुगति को प्राप्त करोगे।

श्लोक 37 (padma.2.39.37)

गत्यर्थमात्मनो राजन्दानमेकं समाचर । यस्त्वां पातकरूपोऽहं सुनीथायाः परंतप

gatyarthamātmano rājandānamekaṁ samācara yastvāṁ pātakarūpo'haṁ sunīthāyāḥ paraṁtapa

अपनी गति के लिए, हे राजन्, एक दान अवश्य करो। मैं ही, हे परंतप, सुनीथा के लिए, उस पापी के रूप में -

श्लोक 38 (padma.2.39.38)

अब्रुवन्नग्नरूपेण कर्तुं त्वां तु विधर्मगम् । अन्यथा तु सुशंखस्य वाक्यमेवान्यथा भवेत्

abruvannagnarūpeṇa kartuṁ tvāṁ tu vidharmagam anyathā tu suśaṁkhasya vākyamevānyathā bhavet

- नग्न रूप धारण कर तुम्हें अधर्म की ओर ले जाने के लिए बोला था; अन्यथा तो सुशंख का वह वचन ही मिथ्या हो जाता।

श्लोक 39 (padma.2.39.39)

अतो विधिर्निषेधश्च ह्यहमेव नृपोत्तम । कर्मानुरूपफलदो बुद्ध्यतीतो गुणाग्रहः

ato vidhirniṣedhaśca hyahameva nṛpottama karmānurūpaphalado buddhyatīto guṇāgrahaḥ

इसलिए विधि और निषेध, दोनों मैं ही हूँ, हे नृपोत्तम; कर्म के अनुरूप फल देने वाला, बुद्धि से परे, गुणों का ग्रहणकर्ता।

श्लोक 40 (padma.2.39.40)

दानमेव परं श्रेष्ठं दानं सर्वप्रभावकम् । तस्माद्दानं ददस्व त्वं दानात्पुण्यं प्रवर्तते

dānameva paraṁ śreṣṭhaṁ dānaṁ sarvaprabhāvakam tasmāddānaṁ dadasva tvaṁ dānātpuṇyaṁ pravartate

दान ही सर्वश्रेष्ठ है, दान ही सबका प्रभावकर्ता है; इसलिए दान दो, दान से ही पुण्य उत्पन्न होता है।

श्लोक 41 (padma.2.39.41)

दानेन नश्यते पापं तस्माद्दानं ददस्व हि । अश्वमेधादिभिर्यज्ञैर्यजस्व नृपसत्तम

dānena naśyate pāpaṁ tasmāddānaṁ dadasva hi aśvamedhādibhiryajñairyajasva nṛpasattama

दान से पाप नष्ट होता है, इसलिए दान अवश्य दो; अश्वमेध आदि यज्ञों से यजन करो, हे नृपसत्तम।

श्लोक 42 (padma.2.39.42)

भूमिदानादिकं दानं ब्राह्मणेभ्यो ददस्व वै । सुदानात्प्राप्यते भोगः सुदानात्प्राप्यते यशः

bhūmidānādikaṁ dānaṁ brāhmaṇebhyo dadasva vai sudānātprāpyate bhogaḥ sudānātprāpyate yaśaḥ

भूमिदान आदि दान ब्राह्मणों को दो; अच्छे दान से भोग प्राप्त होता है, अच्छे दान से यश प्राप्त होता है।

श्लोक 43 (padma.2.39.43)

सुदानाज्जायते कीर्तिः सुदानात्प्राप्यते सुखम् । दानेन स्वर्गमाप्नोति फलं तत्र भुनक्ति च

sudānājjāyate kīrtiḥ sudānātprāpyate sukham dānena svargamāpnoti phalaṁ tatra bhunakti ca

अच्छे दान से कीर्ति उत्पन्न होती है, अच्छे दान से सुख प्राप्त होता है; दान से स्वर्ग प्राप्त होता है, और वहाँ उसका फल भोगा जाता है।

श्लोक 44 (padma.2.39.44)

दत्तस्यापि सुदानस्य श्रद्धायुक्तस्य सत्तम । काले प्राप्ते व्रजेत्तीर्थं पुण्यस्यापि फलं त्विदम्

dattasyāpi sudānasya śraddhāyuktasya sattama kāle prāpte vrajettīrthaṁ puṇyasyāpi phalaṁ tvidam

श्रद्धा से युक्त होकर दिए गए अच्छे दान का, हे सत्तम, समय आने पर तीर्थ भी प्राप्त होता है - यह भी उसी पुण्य का फल है।

श्लोक 45 (padma.2.39.45)

पात्रभूताय विप्राय श्रद्धापूतेन चेतसा । यो ददाति महादानं मयि भावं निवेश्य च

pātrabhūtāya viprāya śraddhāpūtena cetasā yo dadāti mahādānaṁ mayi bhāvaṁ niveśya ca

पात्ररूप ब्राह्मण को, श्रद्धा से पवित्र हुए चित्त के साथ, जो मुझमें भाव लगाकर महादान देता है,

श्लोक 46 (padma.2.39.46)

तस्याहं सकलं दद्मि मनसा यंयमिच्छति । वेन उवाच- कालं दानस्य मे ब्रूहि कीदृक्कालस्य लक्षणम्

tasyāhaṁ sakalaṁ dadmi manasā yaṁyamicchati vena uvāca- kālaṁ dānasya me brūhi kīdṛkkālasya lakṣaṇam

- उसे मैं मन से जो कुछ भी वह चाहता है, वह सब दे देता हूँ।' वेन ने कहा - 'मुझे दान के काल के लक्षण बताइए, वह काल कैसा होता है?

श्लोक 47 (padma.2.39.47)

तीर्थस्यापि च यद्रूपं पात्रस्यापि सुलक्षणम् । दानस्यापि जगन्नाथ विधिं विस्तरतो वद

tīrthasyāpi ca yadrūpaṁ pātrasyāpi sulakṣaṇam dānasyāpi jagannātha vidhiṁ vistarato vada

तीर्थ का रूप भी, और पात्र का भी उत्तम लक्षण; और दान की विधि भी, हे जगन्नाथ, मुझे विस्तार से बताइए,

श्लोक 48 (padma.2.39.48)

प्रसादसुमुखो भूत्वा दया मे यदि वर्त्तते । श्रीकृष्ण उवाच-। दानकालं प्रवक्ष्यामि नित्यं नैमित्तिकं नृप

prasādasumukho bhūtvā dayā me yadi varttate śrīkṛṣṇa uvāca- dānakālaṁ pravakṣyāmi nityaṁ naimittikaṁ nṛpa

यदि आप प्रसन्न मुख होकर मुझ पर कृपा रखते हैं।' श्रीकृष्ण ने कहा - 'मैं दान के काल को बताता हूँ - नित्य, नैमित्तिक, हे राजन्,

श्लोक 49 (padma.2.39.49)

काम्यं चान्यं महाराज चतुर्थप्रापकं पुनः । सूर्योदयस्य वेलायां पापं नश्यति सर्वतः

kāmyaṁ cānyaṁ mahārāja caturthaprāpakaṁ punaḥ sūryodayasya velāyāṁ pāpaṁ naśyati sarvataḥ

काम्य, और चौथा एक और, जो चतुर्थ पुरुषार्थ (मोक्ष) देने वाला है, हे महाराज। सूर्योदय के समय पाप सब ओर से नष्ट हो जाता है।

श्लोक 50 (padma.2.39.50)

अंधकाराधिका घोरा नराणां नाशकारकाः । दिवि सूर्यो ममांशोऽयं तेजसां कल्पितो निधिः

aṁdhakārādhikā ghorā narāṇāṁ nāśakārakāḥ divi sūryo mamāṁśo'yaṁ tejasāṁ kalpito nidhiḥ

अंधकार, जो सब ओर बढ़ने वाला और भयंकर है, मनुष्यों का विनाशक है। आकाश में सूर्य मेरा ही अंश है, तेज का मानो भंडार है।

श्लोक 51 (padma.2.39.51)

तस्यैव तेजसा दग्धा भस्मतां यांति किल्बिषाः । उदयंतं ममांशं यो दृष्ट्वा दत्ते तु वार्यपि

tasyaiva tejasā dagdhā bhasmatāṁ yāṁti kilbiṣāḥ udayaṁtaṁ mamāṁśaṁ yo dṛṣṭvā datte tu vāryapi

उसी के तेज से जलकर पाप भस्म हो जाते हैं। मेरे उस उदयमान अंश को देखकर जो जल भी अर्पित करता है,

श्लोक 52 (padma.2.39.52)

तस्य किं कथ्यते भूप नित्यं पुण्यविवर्द्धनम् । संप्राप्तायां सुवेलायां तस्यां पुण्यकरो नरः

tasya kiṁ kathyate bhūpa nityaṁ puṇyavivarddhanam saṁprāptāyāṁ suvelāyāṁ tasyāṁ puṇyakaro naraḥ

उसके विषय में क्या कहा जाए, हे भूप? वह सदैव पुण्य को बढ़ाने वाला है। उस शुभ बेला के आने पर पुण्यकर्मा पुरुष -

श्लोक 53 (padma.2.39.53)

स्नात्वाभ्यर्च्य पितॄन्देवान्दानदाता भवेत्पुनः । यथाशक्तिप्रभावेन श्रद्धापूतेन चेतसा

snātvābhyarcya pitṝndevāndānadātā bhavetpunaḥ yathāśaktiprabhāvena śraddhāpūtena cetasā

- स्नान कर पितरों और देवताओं का पूजन करके पुनः दानदाता बने, अपनी शक्ति और सामर्थ्य के अनुसार, श्रद्धा से पवित्र मन के साथ,

श्लोक 54 (padma.2.39.54)

अन्नं पयः फलं पुष्पं वस्त्रं तांबूलभूषणम् । हेमरत्नादिकं चैव तस्य पुण्यमनंतकम्

annaṁ payaḥ phalaṁ puṣpaṁ vastraṁ tāṁbūlabhūṣaṇam hemaratnādikaṁ caiva tasya puṇyamanaṁtakam

- अन्न, दूध, फल, फूल, वस्त्र, ताम्बूल, आभूषण, स्वर्ण-रत्न आदि दे - उसका पुण्य अनंत होता है।

श्लोक 55 (padma.2.39.55)

मध्याह्ने तु ततो राजन्नपराह्णे तथैव च । मामुद्दिश्य च यो दद्यात्तस्य पुण्यमनंतकम्

madhyāhne tu tato rājannaparāhṇe tathaiva ca māmuddiśya ca yo dadyāttasya puṇyamanaṁtakam

मध्याह्न में, हे राजन्, और वैसे ही अपराह्न में भी, जो मुझे उद्देश्य बनाकर दान देता है, उसका पुण्य अनंत होता है।

श्लोक 56 (padma.2.39.56)

खाद्यपानादिकं मिष्ट लेपनं गंधकुंकुमम् । कर्पूरादिकमेवापि वस्त्रालंकारसंयुतम्

khādyapānādikaṁ miṣṭa lepanaṁ gaṁdhakuṁkumam karpūrādikamevāpi vastrālaṁkārasaṁyutam

मीठे खाद्य-पेय, लेपन, गंध, कुंकुम, कपूर आदि, वस्त्र और आभूषणों से युक्त -

श्लोक 57 (padma.2.39.57)

अविच्छिन्नं ददात्येवं भोगसौख्यप्रदायकम् । नित्यकालो मया ख्यातो दानपूजार्थिनां शुभः

avicchinnaṁ dadātyevaṁ bhogasaukhyapradāyakam nityakālo mayā khyāto dānapūjārthināṁ śubhaḥ

- जो निरंतर देता है, वह भोग-सुख देने वाला बन जाता है। यह नित्यकाल मैंने दान और पूजा के इच्छुक लोगों के लिए शुभ बताया है।

श्लोक 58 (padma.2.39.58)

अथातः संप्रवक्ष्यामि नैमित्तिकमनुत्तमम् । त्रिकालेष्वपि दातव्यं दानमेव न संशयः

athātaḥ saṁpravakṣyāmi naimittikamanuttamam trikāleṣvapi dātavyaṁ dānameva na saṁśayaḥ

अब मैं इसके बाद उत्तम नैमित्तिक काल बताता हूँ। तीनों काल में भी दान अवश्य देना चाहिए, इसमें संदेह नहीं।

श्लोक 59 (padma.2.39.59)

शून्यं दिनं न कर्तव्यमात्मनो हितमिच्छता । यस्मिन्काले प्रदत्तं हि किंचिद्दानं नराधिप

śūnyaṁ dinaṁ na kartavyamātmano hitamicchatā yasminkāle pradattaṁ hi kiṁciddānaṁ narādhipa

अपने कल्याण की इच्छा रखने वाले को कोई भी दिन खाली नहीं जाने देना चाहिए। हे नराधिप, जिस काल में जो भी दान दिया जाता है,

श्लोक 60 (padma.2.39.60)

तत्प्रभावान्महाप्राज्ञो बहुसामर्थ्यसंयुतः । धनाढ्यो गुणवान्प्राज्ञः पंडितोऽपि विचक्षणः

tatprabhāvānmahāprājño bahusāmarthyasaṁyutaḥ dhanāḍhyo guṇavānprājñaḥ paṁḍito'pi vicakṣaṇaḥ

- उसके प्रभाव से मनुष्य महाप्राज्ञ, अनेक सामर्थ्यों से युक्त, धनाढ्य, गुणवान, प्राज्ञ और विचक्षण पंडित भी बन जाता है।

श्लोक 61 (padma.2.39.61)

पक्षं मासं दिनं यावन्न दत्तं वै यदाशनम् । तमेव वारयाम्येव भक्ष्याच्चैव नरोत्तमम्

pakṣaṁ māsaṁ dinaṁ yāvanna dattaṁ vai yadāśanam tameva vārayāmyeva bhakṣyāccaiva narottamam

जिस मनुष्य ने पक्ष, मास या दिन-भर तक जो भोजन नहीं दिया, उसी भोजन से मैं उस उत्तम मनुष्य को रोक देता हूँ।

श्लोक 62 (padma.2.39.62)

स्वमलं भक्षितं चैव अदत्वा दानमुत्तमम् । उत्पादयाम्यहं रोगं सर्वभोगनिवारणम्

svamalaṁ bhakṣitaṁ caiva adatvā dānamuttamam utpādayāmyahaṁ rogaṁ sarvabhoganivāraṇam

अपने ही मल का भक्षण करता हुआ, उत्तम दान न देकर, मैं उसमें समस्त भोग को रोकने वाला रोग उत्पन्न कर देता हूँ।

श्लोक 63 (padma.2.39.63)

तेषां कायेष्वसंतुष्टो बहुपीडाप्रदायकम् । मंदानलेन संयुक्तं ज्वरसंतापकारकम्

teṣāṁ kāyeṣvasaṁtuṣṭo bahupīḍāpradāyakam maṁdānalena saṁyuktaṁ jvarasaṁtāpakārakam

उनके शरीर में असंतोष, बहुत पीड़ा देने वाला, मंद अग्नि से युक्त, ज्वर का संताप उत्पन्न करने वाला रोग होता है।

श्लोक 64 (padma.2.39.64)

त्रिकालेषु न दत्तं यैर्ब्राह्मणेषु सुरेषु च । स्वयमश्नाति मिष्टं तु तेन पापं महत्कृतम्

trikāleṣu na dattaṁ yairbrāhmaṇeṣu sureṣu ca svayamaśnāti miṣṭaṁ tu tena pāpaṁ mahatkṛtam

जो तीनों काल में ब्राह्मणों और देवताओं को कुछ नहीं देते, और स्वयं ही मीठा भोजन करते हैं, उनके द्वारा महान् पाप किया जाता है।

श्लोक 65 (padma.2.39.65)

प्रायश्चित्तेन रौद्रेण तमेवं परिशोधयेत् । उपवासैर्महाराज कायशोषकरादिकैः

prāyaścittena raudreṇa tamevaṁ pariśodhayet upavāsairmahārāja kāyaśoṣakarādikaiḥ

भीषण प्रायश्चित्त से उसे इस प्रकार शुद्ध करना चाहिए - उपवासों से, हे महाराज, और शरीर को क्षीण करने वाली अन्य विधियों से भी।

श्लोक 66 (padma.2.39.66)

चर्मकारो यथा चर्म कुंडस्थोपरि निर्घृणः । शोधयेच्च कषायैश्च तच्चर्मस्फोटयेद्यथा

carmakāro yathā carma kuṁḍasthopari nirghṛṇaḥ śodhayecca kaṣāyaiśca taccarmasphoṭayedyathā

जैसे चर्मकार निर्दयतापूर्वक कुंड के ऊपर चमड़े को कषायों से शुद्ध करता है, ताकि वह चमड़ा फैल जाए,

श्लोक 67 (padma.2.39.67)

तथाहं पापकर्तारं शोधयामि न संशयः । औषधीनां सुयोगाच्च कषायैः कटुकैर्ध्रुवम्

tathāhaṁ pāpakartāraṁ śodhayāmi na saṁśayaḥ auṣadhīnāṁ suyogācca kaṣāyaiḥ kaṭukairdhruvam

- उसी प्रकार मैं भी उस पापकर्ता को शुद्ध करता हूँ, इसमें संदेह नहीं - औषधियों के उचित प्रयोग से, कड़वे कषायों से निश्चय ही,

श्लोक 68 (padma.2.39.68)

उष्णोदकैश्च संतापैर्वैद्यरूपेण नान्यथा । अन्ये भुंजन्ति तस्योग्र भोगान्पुण्यान्मनोनुगान्

uṣṇodakaiśca saṁtāpairvaidyarūpeṇa nānyathā anye bhuṁjanti tasyogra bhogānpuṇyānmanonugān

- गरम जल से और संतापों से, वैद्य के रूप में, अन्यथा नहीं। अन्य लोग उसके उन तीव्र, पुण्यमय, मन के अनुकूल भोगों को भोगते हैं -

श्लोक 69 (padma.2.39.69)

किं करोति समर्थश्च न दत्तं दानमुत्तमम् । महता पापरूपेण तमेवं परितापये

kiṁ karoti samarthaśca na dattaṁ dānamuttamam mahatā pāparūpeṇa tamevaṁ paritāpaye

- वह समर्थ होकर भी क्या करता है, जिसने उत्तम दान नहीं दिया? उस महापाप-स्वरूप से मैं इस प्रकार उसे संतप्त करता हूँ।

श्लोक 70 (padma.2.39.70)

नित्यकालस्य यद्दानमात्मार्थं पापिभिर्यथा । न दत्तं राजराजेंद्र श्रद्धापूतेन चेतसा

nityakālasya yaddānamātmārthaṁ pāpibhiryathā na dattaṁ rājarājeṁdra śraddhāpūtena cetasā

जैसे पापी लोग नित्यकाल का दान अपने ही लाभ के लिए, श्रद्धा से पवित्र मन के साथ, नहीं देते, हे राजराजेंद्र -

श्लोक 71 (padma.2.39.71)

तथा ताञ्जारयाम्येतानुपायैर्दारुणैः किल । वासुदेव उवाच- नैमित्तिकं तथा कालं पुण्यं चैव तवाग्रतः

tathā tāñjārayāmyetānupāyairdāruṇaiḥ kila vāsudeva uvāca- naimittikaṁ tathā kālaṁ puṇyaṁ caiva tavāgrataḥ

- उसी प्रकार भीषण उपायों से मैं उन्हें क्षीण करता हूँ, निश्चय ही।' वासुदेव ने कहा - 'नैमित्तिक काल और उसका पुण्य भी तुम्हारे समक्ष -

श्लोक 72 (padma.2.39.72)

प्रवक्ष्यामि नरश्रेष्ठ सुबुद्ध्या शृणु तत्परः । अमावास्या महाराज पौर्णमासी तथैव च

pravakṣyāmi naraśreṣṭha subuddhyā śṛṇu tatparaḥ amāvāsyā mahārāja paurṇamāsī tathaiva ca

- मैं बताऊँगा, हे नरश्रेष्ठ, सुबुद्धि से, ध्यानपूर्वक सुनो। अमावस्या, हे महाराज, और वैसे ही पूर्णिमा,

श्लोक 73 (padma.2.39.73)

यदा भवति संक्रांतिर्व्यतीपातो नरेश्वर । वैधृतिश्च यदा प्रोक्ता यदा एकादशी भवेत्

yadā bhavati saṁkrāṁtirvyatīpāto nareśvara vaidhṛtiśca yadā proktā yadā ekādaśī bhavet

- जब संक्रांति होती है, व्यतीपात होता है, हे नरेश्वर, और जब वैधृति कही जाती है, जब एकादशी होती है,

श्लोक 74 (padma.2.39.74)

महामाघी तथाषाढी वैशाखी कार्तिकी तथा । अमासोमसमायोगे मन्वादिषु युगादिषु

mahāmāghī tathāṣāḍhī vaiśākhī kārtikī tathā amāsomasamāyoge manvādiṣu yugādiṣu

- महामाघी, तथा आषाढी, वैशाखी, कार्तिकी भी; अमावस्या के सोम के साथ योग में, मन्वंतरों और युगों के आरंभ में,

श्लोक 75 (padma.2.39.75)

गजच्छाया तथा प्रोक्ता पितृक्षया तथैव च । एते नैमित्तिकाः ख्यातास्तवाग्रे नृपसत्तम

gajacchāyā tathā proktā pitṛkṣayā tathaiva ca ete naimittikāḥ khyātāstavāgre nṛpasattama

- गजच्छाया भी कही गई है, और वैसे ही पितरों की क्षय-तिथि भी; ये सब, हे नृपसत्तम, तुम्हारे समक्ष नैमित्तिक काल के रूप में प्रसिद्ध हैं।

श्लोक 76 (padma.2.39.76)

एतेषु दीयते दानं तस्य दानस्य यत्फलम् । तत्फलं तु प्रवक्ष्यामि श्रूयतां नृपसत्तम

eteṣu dīyate dānaṁ tasya dānasya yatphalam tatphalaṁ tu pravakṣyāmi śrūyatāṁ nṛpasattama

इन अवसरों पर जो दान दिया जाता है, उस दान का जो फल है, वह फल मैं बताऊँगा - सुनो, हे नृपसत्तम।

श्लोक 77 (padma.2.39.77)

मामुद्दिश्य नरो भक्त्या ब्राह्मणाय प्रयच्छति । तस्याहं निर्विकल्पेन प्रयच्छामि न संशयः

māmuddiśya naro bhaktyā brāhmaṇāya prayacchati tasyāhaṁ nirvikalpena prayacchāmi na saṁśayaḥ

मुझे उद्देश्य बनाकर जो मनुष्य भक्ति से ब्राह्मण को [कुछ] देता है, उसे मैं बिना किसी संकोच के देता हूँ, इसमें संदेह नहीं -

श्लोक 78 (padma.2.39.78)

गृहं सौख्यं महाराज स्वर्गमोक्षादिकं बहु । काम्यं कालं प्रवक्ष्यामि दानस्य फलदायकम्

gṛhaṁ saukhyaṁ mahārāja svargamokṣādikaṁ bahu kāmyaṁ kālaṁ pravakṣyāmi dānasya phaladāyakam

- घर, सुख, हे महाराज, स्वर्ग-मोक्ष आदि बहुत कुछ। अब मैं काम्य-काल बताऊँगा, जो दान के फल का दाता है।

श्लोक 79 (padma.2.39.79)

व्रतानामेव सर्वेषां देवादीनां तथैव च । दानस्य पुण्यकालं तु संप्रोक्तं द्विजसत्तमैः

vratānāmeva sarveṣāṁ devādīnāṁ tathaiva ca dānasya puṇyakālaṁ tu saṁproktaṁ dvijasattamaiḥ

समस्त व्रतों के लिए, और वैसे ही देवताओं आदि के लिए भी, दान का पुण्यकाल श्रेष्ठ द्विजों द्वारा बताया गया है।

श्लोक 80 (padma.2.39.80)

आभ्युदयिकमेवापि कालं वक्ष्यामि ते नृप । मखानामेव सर्वेषां वैवाहिकमनुत्तमम्

ābhyudayikamevāpi kālaṁ vakṣyāmi te nṛpa makhānāmeva sarveṣāṁ vaivāhikamanuttamam

अभ्युदयिक नामक काल भी मैं तुम्हें बताऊँगा, हे राजन् - समस्त यज्ञों के लिए, विवाह के लिए उत्तम काल,

श्लोक 81 (padma.2.39.81)

पुत्रस्य जातमात्रस्य चौलमौंज्यादिकं तथा । प्रासादध्वजदेवानां प्रतिष्ठादिककर्मणि

putrasya jātamātrasya caulamauṁjyādikaṁ tathā prāsādadhvajadevānāṁ pratiṣṭhādikakarmaṇi

- नवजात पुत्र के चूड़ाकरण और उपनयन आदि के लिए, प्रासाद, ध्वज और देवताओं की प्रतिष्ठा आदि कर्मों के लिए,

श्लोक 82 (padma.2.39.82)

वापीकूपतडागानां गृहवास्तुमयं नृप । तदाभ्युदयिकं प्रोक्तं मातॄणां यत्र पूजनम्

vāpīkūpataḍāgānāṁ gṛhavāstumayaṁ nṛpa tadābhyudayikaṁ proktaṁ mātṝṇāṁ yatra pūjanam

- बावड़ी, कुएँ और तालाब के लिए, और गृह-वास्तु के लिए भी, हे राजन्। यह अभ्युदयिक काल कहा गया है, जिसमें मातृकाओं का पूजन होता है।

श्लोक 83 (padma.2.39.83)

तस्मिन्काले ददेद्दानं सर्वसिद्धिप्रदायकम् । आभ्युदयिक एवायं कालः प्रोक्तो नृपोत्तम

tasminkāle dadeddānaṁ sarvasiddhipradāyakam ābhyudayika evāyaṁ kālaḥ prokto nṛpottama

उस काल में समस्त सिद्धि देने वाला दान देना चाहिए। यही अभ्युदयिक काल कहा गया है, हे नृपोत्तम।

श्लोक 84 (padma.2.39.84)

अन्यच्चैव प्रवक्ष्यामि पापपीडानिवारणम् । मृत्युकाले च संप्राप्ते क्षयं ज्ञात्वा नरोत्तम

anyaccaiva pravakṣyāmi pāpapīḍānivāraṇam mṛtyukāle ca saṁprāpte kṣayaṁ jñātvā narottama

अब मैं और भी बताऊँगा, जो पाप की पीड़ा को दूर करने वाला है - मृत्यु का समय आने पर, अपने क्षय को जानकर, हे नरोत्तम,

श्लोक 85 (padma.2.39.85)

तत्र दानं प्रदातव्यं यममार्गसुखप्रदम् । नित्यनैमित्तिकाः कालाः काम्याभ्युदयिकास्तथा

tatra dānaṁ pradātavyaṁ yamamārgasukhapradam nityanaimittikāḥ kālāḥ kāmyābhyudayikāstathā

- उस समय दान देना चाहिए, जो यम-मार्ग में सुख देने वाला है। नित्य, नैमित्तिक और वैसे ही काम्य और अभ्युदयिक काल,

श्लोक 86 (padma.2.39.86)

अंत्यःकालो महाराज समाख्यातस्तवाग्रतः । एते कालाः समाख्याताः स्वकर्मफलदायकाः

aṁtyaḥkālo mahārāja samākhyātastavāgrataḥ ete kālāḥ samākhyātāḥ svakarmaphaladāyakāḥ

- और अंतिम काल भी, हे महाराज, तुम्हारे समक्ष बताया गया। ये सब काल बताए गए, जो अपने-अपने कर्म का फल देने वाले हैं।

श्लोक 87 (padma.2.39.87)

तीर्थस्य लक्षणं राजन्प्रवक्ष्यामि तवाग्रतः । सुतीर्थानामियं गंगा भाति पुण्या सरस्वती

tīrthasya lakṣaṇaṁ rājanpravakṣyāmi tavāgrataḥ sutīrthānāmiyaṁ gaṁgā bhāti puṇyā sarasvatī

तीर्थ का लक्षण, हे राजन्, अब मैं तुम्हारे समक्ष बताऊँगा। उत्तम तीर्थों में गंगा और पवित्र सरस्वती शोभा पाती हैं,

श्लोक 88 (padma.2.39.88)

रेवा च यमुना तापी तथा चर्मण्वती नदी । सरयूर्घर्घरा वेणा सर्वपापप्रणाशिनी

revā ca yamunā tāpī tathā carmaṇvatī nadī sarayūrghargharā veṇā sarvapāpapraṇāśinī

- और रेवा, यमुना, तापी, वैसे ही चर्मण्वती नदी, सरयू, घर्घरा, वेणा - जो समस्त पापों की नाशक है,

श्लोक 89 (padma.2.39.89)

कावेरी कपिला चान्या विशाला विश्वतारणी । गोदावरी समाख्याता तुंगभद्रा नरोत्तम

kāverī kapilā cānyā viśālā viśvatāraṇī godāvarī samākhyātā tuṁgabhadrā narottama

- कावेरी, कपिला, और अन्य विशाला - जो विश्व को तार देने वाली है; गोदावरी नाम से प्रसिद्ध, और तुंगभद्रा भी, हे नरोत्तम,

श्लोक 90 (padma.2.39.90)

पापानां भीतिदा नित्यं भीमरथ्या प्रपठ्यते । देविका कृष्णगंगा च अन्याः सरिद्वरोत्तमाः

pāpānāṁ bhītidā nityaṁ bhīmarathyā prapaṭhyate devikā kṛṣṇagaṁgā ca anyāḥ saridvarottamāḥ

- भीमरथी, जो पापियों को सदा भयभीत करने वाली कही जाती है, देविका, कृष्णगंगा, और अन्य श्रेष्ठ नदियाँ भी -

श्लोक 91 (padma.2.39.91)

एतासां पुण्यकालेषु संति तीर्थान्यनेकशः । ग्रामे वा यदि वारण्ये नद्यः सर्वत्र पावनाः

etāsāṁ puṇyakāleṣu saṁti tīrthānyanekaśaḥ grāme vā yadi vāraṇye nadyaḥ sarvatra pāvanāḥ

- इन सबके पुण्यकालों में अनेक तीर्थ विद्यमान रहते हैं। ग्राम में हो या वन में, नदियाँ सर्वत्र पवित्र करने वाली होती हैं;

श्लोक 92 (padma.2.39.92)

तत्र तत्र प्रकर्तव्याः स्नानदानादिकाः क्रियाः । यदा न ज्ञायते नाम तासां तीर्थस्य सत्तमाः

tatra tatra prakartavyāḥ snānadānādikāḥ kriyāḥ yadā na jñāyate nāma tāsāṁ tīrthasya sattamāḥ

- वहाँ-वहाँ स्नान-दान आदि क्रियाएँ करनी चाहिए। जब उन तीर्थों का नाम ज्ञात न हो, हे सत्तमो,

श्लोक 93 (padma.2.39.93)

नामोच्चारं प्रकुर्वीत विष्णुतीर्थमिदं नृप । तीर्थस्य देवता तद्वदहमेव न संशयः

nāmoccāraṁ prakurvīta viṣṇutīrthamidaṁ nṛpa tīrthasya devatā tadvadahameva na saṁśayaḥ

- तब यह नाम-उच्चारण करना चाहिए - "यह विष्णु का तीर्थ है, हे राजन्; उस तीर्थ की देवता मैं ही हूँ, इसमें संदेह नहीं।"

श्लोक 94 (padma.2.39.94)

मामेवमुच्चरेद्यो वै तीर्थे देवेषु साधकः । तस्य पुण्यफलं जातं मन्नाम्ना नृपनंदन

māmevamuccaredyo vai tīrthe deveṣu sādhakaḥ tasya puṇyaphalaṁ jātaṁ mannāmnā nṛpanaṁdana

जो साधक तीर्थ में, देवताओं के बीच, इस प्रकार मेरा ही नाम उच्चारित करता है, हे नृपनंदन, उसका पुण्यफल मेरे नाम से ही उत्पन्न होता है।

श्लोक 95 (padma.2.39.95)

अज्ञातानां सुतीर्थानां देवानां नृपसत्तम । स्नाने दाने महाराज मन्नाम हि समुच्चरेत्

ajñātānāṁ sutīrthānāṁ devānāṁ nṛpasattama snāne dāne mahārāja mannāma hi samuccaret

अज्ञात उत्तम तीर्थों और देवताओं के स्नान और दान में भी, हे नृपसत्तम, हे महाराज, मेरा ही नाम उच्चारित करना चाहिए।

श्लोक 96 (padma.2.39.96)

तीर्थानामेव राजेंद्र धात्रा धात्र्य इमाः कृताः । सिंधवः सर्वपुण्यानां सर्वस्थाः क्षितिमंडले

tīrthānāmeva rājeṁdra dhātrā dhātrya imāḥ kṛtāḥ siṁdhavaḥ sarvapuṇyānāṁ sarvasthāḥ kṣitimaṁḍale

हे राजेंद्र, ये नदियाँ विधाता द्वारा ही तीर्थ के रूप में बनाई गई हैं, समस्त पुण्यों की धाराएँ, जो पृथ्वी-मंडल पर सर्वत्र स्थित हैं।

श्लोक 97 (padma.2.39.97)

यत्रतत्र प्रकर्त्तव्यं स्नानदानादिकं नृप । अक्षयं फलमाप्नोति सुतीर्थानां प्रसादतः

yatratatra prakarttavyaṁ snānadānādikaṁ nṛpa akṣayaṁ phalamāpnoti sutīrthānāṁ prasādataḥ

जहाँ-तहाँ स्नान-दान आदि करना चाहिए, हे राजन्; उत्तम तीर्थों की कृपा से अक्षय फल प्राप्त होता है।

श्लोक 98 (padma.2.39.98)

तीर्थरूपा महापुण्याः सागरा सप्त एव च । मानसाद्यास्तथा राजन्सरस्यश्च प्रकीर्तिताः

tīrtharūpā mahāpuṇyāḥ sāgarā sapta eva ca mānasādyāstathā rājansarasyaśca prakīrtitāḥ

तीर्थ-स्वरूप, महापुण्यमय सातों समुद्र भी हैं, और मानस आदि सरोवर भी, हे राजन्, [तीर्थ के रूप में] कहे गए हैं।

श्लोक 99 (padma.2.39.99)

निर्झराः पल्वलाः प्रोक्तास्तीर्थरूपा न संशयः । स्वल्पा नद्यो महाराज तासु तीर्थं प्रतिष्ठितम्

nirjharāḥ palvalāḥ proktāstīrtharūpā na saṁśayaḥ svalpā nadyo mahārāja tāsu tīrthaṁ pratiṣṭhitam

झरने और छोटे तालाब भी तीर्थ-स्वरूप कहे गए हैं, इसमें संदेह नहीं। छोटी नदियाँ भी, हे महाराज, उनमें तीर्थ प्रतिष्ठित है।

श्लोक 100 (padma.2.39.100)

खातेष्वेवं च सर्वेषु वर्जयित्वा च कूपकम् । पर्वतास्तीर्थरूपाश्च मेर्वाद्याश्च महीतले

khāteṣvevaṁ ca sarveṣu varjayitvā ca kūpakam parvatāstīrtharūpāśca mervādyāśca mahītale

इस प्रकार खोदे गए समस्त जलाशयों में, केवल कुएँ को छोड़कर, [तीर्थ हो सकता है]; और पर्वत भी तीर्थ-स्वरूप हैं, मेरु आदि, इस धरातल पर।

श्लोक 101 (padma.2.39.101)

यज्ञभूमिश्च यज्ञश्च अग्निहोत्रे यथा स्थितः । श्राद्धभूमिस्तथा शुद्धा देवशाला तथा पुनः

yajñabhūmiśca yajñaśca agnihotre yathā sthitaḥ śrāddhabhūmistathā śuddhā devaśālā tathā punaḥ

यज्ञ की भूमि और यज्ञ स्वयं भी, जैसा अग्निहोत्र में स्थित है; उसी प्रकार श्राद्ध की शुद्ध भूमि, और वैसे ही देवालय भी,

श्लोक 102 (padma.2.39.102)

होमशाला तथा प्रोक्ता वेदाध्ययनवेश्म च । गृहेषु पुण्यसंयुक्तं गोस्थानं वरमुत्तमम्

homaśālā tathā proktā vedādhyayanaveśma ca gṛheṣu puṇyasaṁyuktaṁ gosthānaṁ varamuttamam

- होमशाला भी कही गई है, और वेदाध्ययन का स्थान भी; घरों में गोशाला भी पुण्य से युक्त, अत्यंत उत्तम है।

श्लोक 103 (padma.2.39.103)

सोमपायी भवेद्यत्र तीर्थं तत्र प्रतिष्ठितम् । आरामो यत्र वै पुण्यो अश्वत्थो यत्र तिष्ठति

somapāyī bhavedyatra tīrthaṁ tatra pratiṣṭhitam ārāmo yatra vai puṇyo aśvattho yatra tiṣṭhati

जहाँ सोमपान करने वाला निवास करे, वहाँ तीर्थ प्रतिष्ठित है। जहाँ पवित्र उद्यान हो, जहाँ पीपल का वृक्ष स्थित हो,

श्लोक 104 (padma.2.39.104)

ब्रह्मवृक्षो भवेद्यत्र वटवृक्षस्तथैव च । अन्ये च वन्यसंस्थाने तत्र तीर्थं प्रतिष्ठितम्

brahmavṛkṣo bhavedyatra vaṭavṛkṣastathaiva ca anye ca vanyasaṁsthāne tatra tīrthaṁ pratiṣṭhitam

- जहाँ ब्रह्मवृक्ष हो, और वैसे ही जहाँ वटवृक्ष हो, और अन्य वन-स्थानों में भी, वहाँ तीर्थ प्रतिष्ठित है।

श्लोक 105 (padma.2.39.105)

एते तीर्थाः समाख्याताः पितामाता तथैव च । पुराणं पठ्यते यत्र गुरुर्यत्र स्वयं स्थितः

ete tīrthāḥ samākhyātāḥ pitāmātā tathaiva ca purāṇaṁ paṭhyate yatra gururyatra svayaṁ sthitaḥ

ये सब तीर्थ कहे गए हैं, और वैसे ही माता-पिता भी; जहाँ पुराण का पाठ हो, जहाँ गुरु स्वयं स्थित हों,

श्लोक 106 (padma.2.39.106)

सुभार्या तिष्ठते यत्र तत्र तीर्थं न संशयः । सुपुत्रस्तिष्ठते यत्र तत्र तीर्थं न संशयः

subhāryā tiṣṭhate yatra tatra tīrthaṁ na saṁśayaḥ suputrastiṣṭhate yatra tatra tīrthaṁ na saṁśayaḥ

- जहाँ सुशीला पत्नी निवास करे, वहाँ तीर्थ है, इसमें संदेह नहीं; जहाँ सुयोग्य पुत्र निवास करे, वहाँ भी तीर्थ है, इसमें संदेह नहीं।

श्लोक 107 (padma.2.39.107)

एते तीर्थाः समाख्याता राजवेश्म तथैव च । वेन उवाच- पात्रस्य लक्षणं ब्रूहि यस्मै देयं सुरोत्तम

ete tīrthāḥ samākhyātā rājaveśma tathaiva ca vena uvāca- pātrasya lakṣaṇaṁ brūhi yasmai deyaṁ surottama

ये सब तीर्थ कहे गए हैं, और वैसे ही राजा का महल भी।' वेन ने कहा - 'पात्र का लक्षण बताइए, जिसे दान देना चाहिए, हे सुरोत्तम,

श्लोक 108 (padma.2.39.108)

प्रसादसुमुखो भूत्वा कृपया मम माधव । वासुदेव उवाच- शृणु राजन्महाप्राज्ञ पात्रस्यापि सुलक्षणम्

prasādasumukho bhūtvā kṛpayā mama mādhava vāsudeva uvāca- śṛṇu rājanmahāprājña pātrasyāpi sulakṣaṇam

- प्रसन्न मुख होकर, कृपापूर्वक, हे माधव।' वासुदेव ने कहा - 'सुनो, हे महाप्राज्ञ राजन्, पात्र का भी उत्तम लक्षण -

श्लोक 109 (padma.2.39.109)

यस्मै देयं सुदानं च श्रद्धापूतैर्महात्मभिः । ब्राह्मणं सुकुलोपेतं वेदाध्ययनतत्परम्

yasmai deyaṁ sudānaṁ ca śraddhāpūtairmahātmabhiḥ brāhmaṇaṁ sukulopetaṁ vedādhyayanatatparam

- जिसे श्रद्धा से पवित्र महात्माओं द्वारा उत्तम दान दिया जाना चाहिए - सुकुल में उत्पन्न, वेदाध्ययन में तत्पर ब्राह्मण,

श्लोक 110 (padma.2.39.110)

शांतं दांतं तपोयुक्तं शुक्लमेव विशेषतः । प्रज्ञावंतं ज्ञानवंतं देवपूजनतत्परम्

śāṁtaṁ dāṁtaṁ tapoyuktaṁ śuklameva viśeṣataḥ prajñāvaṁtaṁ jñānavaṁtaṁ devapūjanatatparam

- शांत, संयमी, तप से युक्त, और विशेष रूप से शुद्ध; प्रज्ञावान, ज्ञानवान, देव-पूजन में तत्पर,

श्लोक 111 (padma.2.39.111)

सत्यवंतं महापुण्यं वैष्णवं ज्ञानपंडितम् । धर्मज्ञं मुक्तलौल्यं च पाखंडैस्तु विवर्जितम्

satyavaṁtaṁ mahāpuṇyaṁ vaiṣṇavaṁ jñānapaṁḍitam dharmajñaṁ muktalaulyaṁ ca pākhaṁḍaistu vivarjitam

- सत्यवान, महापुण्यशाली, विष्णुभक्त, ज्ञान में निपुण; धर्मज्ञ, चंचलता से मुक्त, और पाखंडों से रहित -

श्लोक 112 (padma.2.39.112)

एवं पात्रं समाख्यातमन्यदेवं वदाम्यहम् । एवमेतैर्गुणैर्युक्तं स्वसृपुत्रं नरोत्तमम्

evaṁ pātraṁ samākhyātamanyadevaṁ vadāmyaham evametairguṇairyuktaṁ svasṛputraṁ narottamam

- इस प्रकार पात्र बताया गया है; अब मैं और भी बताता हूँ - इन्हीं गुणों से युक्त अपनी बहन के पुत्र को भी, हे नरोत्तम,

श्लोक 113 (padma.2.39.113)

एतं पात्रं विजानीहि दुहितुस्तनयं ततः । जामातरं महाराज भावैरेतैश्च संयुतम्

etaṁ pātraṁ vijānīhi duhitustanayaṁ tataḥ jāmātaraṁ mahārāja bhāvairetaiśca saṁyutam

- इस पात्र के रूप में जानो; फिर पुत्री के पुत्र को, हे महाराज, और इन्हीं गुणों से युक्त दामाद को भी,

श्लोक 114 (padma.2.39.114)

गुरुं च दीक्षितं चैव पात्रभूतं नरोत्तम । एतान्येव सुपात्राणि दानयोग्यानि सत्तम

guruṁ ca dīkṣitaṁ caiva pātrabhūtaṁ narottama etānyeva supātrāṇi dānayogyāni sattama

- गुरु को, और दीक्षित व्यक्ति को भी, जो पात्र बन गया हो, हे नरोत्तम - ये ही उत्तम पात्र हैं, दान के योग्य, हे सत्तम।

श्लोक 115 (padma.2.39.115)

वेदाचारसमोपेतस्तृप्तिं नैव च गच्छति । वर्जयेत्किल तं विप्रं तथा काणं सुधूर्तकम्

vedācārasamopetastṛptiṁ naiva ca gacchati varjayetkila taṁ vipraṁ tathā kāṇaṁ sudhūrtakam

जो वेदाचार से युक्त होकर भी कभी संतोष को प्राप्त नहीं होता, ऐसे ब्राह्मण को त्याग देना चाहिए, वैसे ही काने और बड़े धूर्त को भी।

श्लोक 116 (padma.2.39.116)

अतिकृष्णं महाराज कपिलं परिवर्जयेत् । कर्कटाक्षं सुनीलं च श्यावदन्तं विवर्जयेत्

atikṛṣṇaṁ mahārāja kapilaṁ parivarjayet karkaṭākṣaṁ sunīlaṁ ca śyāvadantaṁ vivarjayet

अत्यंत काले वर्ण वाले को, हे महाराज, और कपिल वर्ण वाले को त्याग देना चाहिए; केकड़े जैसी आँखों वाले, गहरे नीले नेत्रों वाले, और काले दाँतों वाले को भी त्याग देना चाहिए।

श्लोक 117 (padma.2.39.117)

नीलदंतं तथा राजन्पीतदंतं तथैव च । गोघ्नं सुकृष्णदंतं च बर्बरं चातिपांशुलम्

nīladaṁtaṁ tathā rājanpītadaṁtaṁ tathaiva ca goghnaṁ sukṛṣṇadaṁtaṁ ca barbaraṁ cātipāṁśulam

वैसे ही, हे राजन्, नीले दाँतों वाले को, और पीले दाँतों वाले को भी; गौ-हत्यारे को, अत्यंत काले दाँतों वाले को, बर्बर को, और अत्यंत मैले को भी त्याग देना चाहिए।

श्लोक 118 (padma.2.39.118)

हीनांगमधिकांगं च कुष्ठिनं कुनखं तथा । दुश्चर्माणं महाराज खल्वाटं परिवर्जयेत्

hīnāṁgamadhikāṁgaṁ ca kuṣṭhinaṁ kunakhaṁ tathā duścarmāṇaṁ mahārāja khalvāṭaṁ parivarjayet

अंगहीन को और अधिक अंग वाले को, कोढ़ी को और बुरे नाखून वाले को भी; बुरी त्वचा वाले को, हे महाराज, और गंजे को भी त्याग देना चाहिए।

श्लोक 119 (padma.2.39.119)

अन्यायेषु रता यस्य जाया विप्रस्य कस्य च । तस्मै दानं न दातव्यं यदि ब्रह्मसमो भवेत्

anyāyeṣu ratā yasya jāyā viprasya kasya ca tasmai dānaṁ na dātavyaṁ yadi brahmasamo bhavet

जिस किसी ब्राह्मण की पत्नी अन्याय में लीन रहती हो, उसे दान नहीं देना चाहिए, चाहे वह ब्रह्मा के समान ही क्यों न हो।

श्लोक 120 (padma.2.39.120)

स्त्रीजिताय न दातव्यं शाखारंडे महामते । व्याधिताय न दातव्यं मृतभोजिषु भूपते

strījitāya na dātavyaṁ śākhāraṁḍe mahāmate vyādhitāya na dātavyaṁ mṛtabhojiṣu bhūpate

स्त्री के वश में रहने वाले को नहीं देना चाहिए, हे महामते, न ही नपुंसक को; रोगी को नहीं देना चाहिए, हे भूपते, न ही श्राद्ध के मृत-अन्न खाने वालों को।

श्लोक 121 (padma.2.39.121)

चोराय च न दातव्यं स यद्यत्रिसमो भवेत् । अतृप्ताय न दातव्यं शावं तु परिवर्जयेत्

corāya ca na dātavyaṁ sa yadyatrisamo bhavet atṛptāya na dātavyaṁ śāvaṁ tu parivarjayet

चोर को भी नहीं देना चाहिए, चाहे वह अत्रि के समान ही क्यों न हो; असंतुष्ट को नहीं देना चाहिए, और शोक-ग्रस्त को भी त्याग देना चाहिए।

श्लोक 122 (padma.2.39.122)

अतिस्तब्धाय नो देयं शठाय च विशेषतः । वेदशास्त्रसमायुक्तः सदाचारेण वर्जितः

atistabdhāya no deyaṁ śaṭhāya ca viśeṣataḥ vedaśāstrasamāyuktaḥ sadācāreṇa varjitaḥ

अत्यंत हठी को नहीं देना चाहिए, और विशेष रूप से धूर्त को भी नहीं; जो वेद-शास्त्रों से युक्त होकर भी सदाचार से रहित है,

श्लोक 123 (padma.2.39.123)

श्राद्धे दाने च राजेंद्र नैव युक्तः कदा भवेत् । अथ दानं प्रवक्ष्यामि सफलं पुण्यदायकम्

śrāddhe dāne ca rājeṁdra naiva yuktaḥ kadā bhavet atha dānaṁ pravakṣyāmi saphalaṁ puṇyadāyakam

- वह, हे राजेंद्र, श्राद्ध में और दान में कभी योग्य नहीं होता। अब मैं फलदायक, पुण्यदायक दान के विषय में बताऊँगा।

श्लोक 124 (padma.2.39.124)

कालतीर्थसुपात्राणां श्रद्धा योगात्प्रजायते । नास्ति श्रद्धासमं पुण्यं नास्ति श्रद्धासमं सुखम्

kālatīrthasupātrāṇāṁ śraddhā yogātprajāyate nāsti śraddhāsamaṁ puṇyaṁ nāsti śraddhāsamaṁ sukham

काल, तीर्थ और सुपात्र के योग से श्रद्धा उत्पन्न होती है; श्रद्धा के समान न कोई पुण्य है, न श्रद्धा के समान कोई सुख है,

श्लोक 125 (padma.2.39.125)

नास्ति श्रद्धासमं तीर्थं संसारे प्राणिनां नृप । श्रद्धाभावेन संयुक्तो मामेवं परिसंस्मरेत्

nāsti śraddhāsamaṁ tīrthaṁ saṁsāre prāṇināṁ nṛpa śraddhābhāvena saṁyukto māmevaṁ parisaṁsmaret

- और न श्रद्धा के समान कोई तीर्थ है, इस संसार में प्राणियों के लिए, हे राजन्। श्रद्धा-भाव से युक्त होकर मुझे ही इस प्रकार सदा स्मरण करना चाहिए।

श्लोक 126 (padma.2.39.126)

पात्रहस्ते प्रदातव्यं स्वल्पमेव नृपोत्तम । एवंविधस्य दानस्य विधियुक्तस्य यत्फलम्

pātrahaste pradātavyaṁ svalpameva nṛpottama evaṁvidhasya dānasya vidhiyuktasya yatphalam

पात्र के हाथ में थोड़ा-सा भी दान अवश्य देना चाहिए, हे नृपोत्तम। इस प्रकार विधिपूर्वक दिए गए दान का जो फल है -

श्लोक 127 (padma.2.39.127)

अनंतं तदवाप्नोति मत्प्रसादात्सुखी भवेत्

anaṁtaṁ tadavāpnoti matprasādātsukhī bhavet

- वह अनंत ही प्राप्त होता है; मेरी कृपा से मनुष्य सुखी होता है।'