सुदेवा की स्वीकारोक्ति

श्लोक 1 (padma.2.47.1)

सुकलोवाच- सुदेवा चारुसर्वांगी तामुवाचाथ सूकरीम् । पशुयोनिं गता त्वं हि कथं वदसि संस्कृतम्

sukalovāca- sudevā cārusarvāṁgī tāmuvācātha sūkarīm paśuyoniṁ gatā tvaṁ hi kathaṁ vadasi saṁskṛtam

सुकल ने कहा — सर्वांग-सुंदरी सुदेवा ने तब उस शूकरी से कहा — 'तुम पशु-योनि में जन्मी हो, फिर भी संस्कृत कैसे बोलती हो?'

श्लोक 2 (padma.2.47.2)

एवंविधं महाज्ञानं कस्माद्भूतं वदस्व मे । कथं जानासि वै भर्तुश्चरित्रमात्मनः शुभे

evaṁvidhaṁ mahājñānaṁ kasmādbhūtaṁ vadasva me kathaṁ jānāsi vai bhartuścaritramātmanaḥ śubhe

'यह इतना महान ज्ञान तुम्हें कहाँ से प्राप्त हुआ, मुझे बताओ। हे शुभे! तुम अपने पति के चरित्र को और अपने चरित्र को कैसे जानती हो?'

श्लोक 3 (padma.2.47.3)

शूकर्युवाच- पशोर्भावेन मोहेन मुष्टाहं वरवर्णिनि । निहता खड्गबाणैश्च पतिता रणमूर्धनि

śūkaryuvāca- paśorbhāvena mohena muṣṭāhaṁ varavarṇini nihatā khaḍgabāṇaiśca patitā raṇamūrdhani

शूकरी ने कहा — 'हे वरवर्णिनि! मैं पशु-भाव के मोह से मूढ़ हो गई थी; अब खड्ग और बाणों से आहत होकर रणभूमि के मध्य गिर पड़ी हूँ।'

श्लोक 4 (padma.2.47.4)

मूर्च्छयाभिपरिक्लिन्ना ज्ञानहीना वरानने । त्वयाभिषिक्ता येनाहं पुण्यहस्तेन सुंदरि

mūrcchayābhipariklinnā jñānahīnā varānane tvayābhiṣiktā yenāhaṁ puṇyahastena suṁdari

'हे वरानने! मूर्च्छा से व्याकुल और ज्ञानहीन हो गई थी, किंतु हे सुंदरी! तुमने अपने पुण्य हाथ से मुझे सींचा है।'

श्लोक 5 (padma.2.47.5)

पुण्योदकेन शीतेन तव हस्तगतेन वै । अभिषिक्ते हि मे काये मोहो नष्टो विहाय माम्

puṇyodakena śītena tava hastagatena vai abhiṣikte hi me kāye moho naṣṭo vihāya mām

'तुम्हारे हाथ से आए हुए उस पुण्य शीतल जल से, मेरे शरीर के सिंचित होते ही, मेरा मोह नष्ट होकर मुझसे दूर हो गया।'

श्लोक 6 (padma.2.47.6)

यथा विनाशं तेजोभिरंधकारः प्रयाति सः । तथा तवाभिषेकेण मम पापं गतं शुभे

yathā vināśaṁ tejobhiraṁdhakāraḥ prayāti saḥ tathā tavābhiṣekeṇa mama pāpaṁ gataṁ śubhe

'जैसे प्रकाश से अंधकार नष्ट हो जाता है, वैसे ही हे शुभे! तुम्हारे इस अभिषेक से मेरा पाप दूर हो गया।'

श्लोक 7 (padma.2.47.7)

प्रसादात्तव चार्वंगि लब्धं ज्ञानं पुरातनम् । पुण्यां गतिं प्रयास्यामि इति ज्ञातं मया शुभे

prasādāttava cārvaṁgi labdhaṁ jñānaṁ purātanam puṇyāṁ gatiṁ prayāsyāmi iti jñātaṁ mayā śubhe

'हे चारु-अंगी! तुम्हारी कृपा से मुझे अपना पुरातन ज्ञान पुनः प्राप्त हो गया है; और हे शुभे! अब मैं जान गई हूँ कि मैं पुण्य गति को प्राप्त करूँगी।'

श्लोक 8 (padma.2.47.8)

श्रूयतामभिधास्यामि पूर्वं वृत्तांतमात्मनः । यत्कृतं तु मया भद्रे पापया दुष्कृतं बहु

śrūyatāmabhidhāsyāmi pūrvaṁ vṛttāṁtamātmanaḥ yatkṛtaṁ tu mayā bhadre pāpayā duṣkṛtaṁ bahu

'सुनो, मैं अपना पूर्व-वृत्तांत कहती हूँ — हे भद्रे! मैंने, पापिनी ने, पूर्वकाल में कितना दुष्कर्म किया था।'

श्लोक 9 (padma.2.47.9)

कलिंगाख्ये महादेशे श्रीपुरंनाम पत्तनम् । सर्वसिद्धिसमाकीर्णं चतुर्वर्णनिषेवितम्

kaliṁgākhye mahādeśe śrīpuraṁnāma pattanam sarvasiddhisamākīrṇaṁ caturvarṇaniṣevitam

'कलिंग नामक महादेश में श्रीपुर नामक एक नगर था, जो सभी सिद्धियों से परिपूर्ण और चारों वर्णों द्वारा बसाया हुआ था।'

श्लोक 10 (padma.2.47.10)

वसति स्म द्विजः कोपि वसुदत्त इति श्रुतः । ब्रह्माचारपरोनित्यं सत्यधर्मपरायणः

vasati sma dvijaḥ kopi vasudatta iti śrutaḥ brahmācāraparonityaṁ satyadharmaparāyaṇaḥ

'वहाँ वसुदत्त नामक एक द्विज निवास करते थे, जो सदा ब्रह्मचर्य-निष्ठ तथा सत्य और धर्म में परायण थे।'

श्लोक 11 (padma.2.47.11)

वेदवेत्ता ज्ञानवेत्ता शुचिमान्गुणवान्धनी । धनधान्यसमाकीर्णः पुत्रपौत्रैरलंकृतः

vedavettā jñānavettā śucimānguṇavāndhanī dhanadhānyasamākīrṇaḥ putrapautrairalaṁkṛtaḥ

'वे वेद और ज्ञान के ज्ञाता, पवित्र, गुणवान् और धनवान् थे; धन-धान्य से परिपूर्ण तथा पुत्र-पौत्रों से सुशोभित थे।'

श्लोक 12 (padma.2.47.12)

तस्याहं तनया भद्रे सोदरैः स्वजनबांधवैः । अलंकारैस्तु शृंगारैर्भूषितास्मि वरानने

tasyāhaṁ tanayā bhadre sodaraiḥ svajanabāṁdhavaiḥ alaṁkāraistu śṛṁgārairbhūṣitāsmi varānane

'हे भद्रे! मैं उन्हीं की पुत्री थी, अपने भाइयों और सगे-संबंधियों के साथ; और हे वरानने! मैं आभूषणों और श्रृंगार से सुसज्जित रहती थी।'

श्लोक 13 (padma.2.47.13)

सुदेवानाम मे तातश्चकार स महामतिः । तस्याहं दयिता नित्यं पितुश्चापि महामते

sudevānāma me tātaścakāra sa mahāmatiḥ tasyāhaṁ dayitā nityaṁ pituścāpi mahāmate

'उन महामति पिता ने मेरा नाम सुदेवा रखा था; और हे महामते! मैं सदा अपने पिता की प्रिय पुत्री रही।'

श्लोक 14 (padma.2.47.14)

रूपेणाप्रतिमा जाता संसारे नास्ति तादृशी । रूपयौवनगर्वेण मत्ताहं चारुहासिनी

rūpeṇāpratimā jātā saṁsāre nāsti tādṛśī rūpayauvanagarveṇa mattāhaṁ cāruhāsinī

'मैं अनुपम रूपवती थी, संसार में मेरे समान कोई न था; और हे चारुहासिनि! मैं अपने रूप-यौवन के गर्व से उन्मत्त रहती थी।'

श्लोक 15 (padma.2.47.15)

अहं कन्या सुरूपा वै सर्वालंकारशोभिता । मां च दृष्ट्वा ततो लोकाः सर्वे स्वजनवर्गकाः

ahaṁ kanyā surūpā vai sarvālaṁkāraśobhitā māṁ ca dṛṣṭvā tato lokāḥ sarve svajanavargakāḥ

'मैं, अत्यंत सुंदर कन्या, सभी आभूषणों से सुशोभित रहती थी; मुझे देखकर सभी लोग, स्वजन-वर्ग सहित —'

श्लोक 16 (padma.2.47.16)

मामेवं याचमानास्ते विवाहार्थे वरानने । याचिताहं द्विजैः सर्वैर्न ददाति पिता मम

māmevaṁ yācamānāste vivāhārthe varānane yācitāhaṁ dvijaiḥ sarvairna dadāti pitā mama

'—सभी विवाह के लिए मुझे माँगते थे, हे वरानने! सभी द्विज मुझे माँगते थे, किंतु मेरे पिता मुझे किसी को नहीं देते थे।'

श्लोक 17 (padma.2.47.17)

स्नेहाच्चैव महाभागे मुमोह स महामतिः । न दत्ताहं तदा तेन पित्रा चैव महात्मना

snehāccaiva mahābhāge mumoha sa mahāmatiḥ na dattāhaṁ tadā tena pitrā caiva mahātmanā

'हे महाभागे! स्नेह के कारण ही वह महामति मोहग्रस्त हो गए थे; इसलिए उस महात्मा पिता ने तब मुझे किसी को नहीं दिया।'

श्लोक 18 (padma.2.47.18)

संप्राप्तं यौवनं बाले मयि भावसमन्वितम् । रूपं मे तादृशं दृष्ट्वा मम माता सुदुःखिता

saṁprāptaṁ yauvanaṁ bāle mayi bhāvasamanvitam rūpaṁ me tādṛśaṁ dṛṣṭvā mama mātā suduḥkhitā

'मुझ बालिका पर यौवन आ चुका था, भाव से परिपूर्ण; मेरा वैसा रूप देखकर मेरी माता अत्यंत दुःखी हो उठीं।'

श्लोक 19 (padma.2.47.19)

पितरं मे उवाचाथ कस्मात्कन्या न दीयते । त्वं कस्मै सुद्विजायैव ब्राह्मणाय महात्मने

pitaraṁ me uvācātha kasmātkanyā na dīyate tvaṁ kasmai sudvijāyaiva brāhmaṇāya mahātmane

'उन्होंने मेरे पिता से कहा — "हमारी कन्या को किसी अच्छे द्विज को, किसी महात्मा ब्राह्मण को, आप क्यों नहीं देते?"'

श्लोक 20 (padma.2.47.20)

देहि कन्यां महाभाग संप्राप्ता यौवनं त्वियम् । वसुदत्तो द्विजश्रेष्ठः प्रत्युवाच द्विजोत्तमः

dehi kanyāṁ mahābhāga saṁprāptā yauvanaṁ tviyam vasudatto dvijaśreṣṭhaḥ pratyuvāca dvijottamaḥ

'"हे महाभाग! इस कन्या को दे दीजिए, यह पूर्ण यौवन को प्राप्त हो चुकी है।" तब द्विजश्रेष्ठ वसुदत्त ने उत्तर दिया —'

श्लोक 21 (padma.2.47.21)

मातरं मे महाभागे श्रूयतां वचनं मम । महामोहेनमुग्धोऽस्मि सुताया वरवर्णिनि

mātaraṁ me mahābhāge śrūyatāṁ vacanaṁ mama mahāmohenamugdho'smi sutāyā varavarṇini

'—मेरी माता से — "हे महाभागे! मेरी बात सुनो। हे वरवर्णिनि! मैं अपनी पुत्री के प्रति अत्यंत मोहग्रस्त हो गया हूँ।"'

श्लोक 22 (padma.2.47.22)

यो मे गृहस्थो विप्रो वै भविष्यति शुभे शृणु । तस्मै कन्यां प्रदास्यामि जामात्रे तु न संशयः

yo me gṛhastho vipro vai bhaviṣyati śubhe śṛṇu tasmai kanyāṁ pradāsyāmi jāmātre tu na saṁśayaḥ

'"हे शुभे! सुनो, जो भी योग्य गृहस्थ विप्र होगा, उसी को दामाद बनाकर मैं निःसंदेह अपनी कन्या दे दूँगा।"'

श्लोक 23 (padma.2.47.23)

मम प्राणप्रिया चैषा सुदेवा नात्र संशयः । एवमूचे मदर्थे स वसुदत्तः पिता मम

mama prāṇapriyā caiṣā sudevā nātra saṁśayaḥ evamūce madarthe sa vasudattaḥ pitā mama

'"यह सुदेवा मुझे प्राणों के समान प्रिय है, इसमें संदेह नहीं।" इस प्रकार मेरे पिता वसुदत्त ने मेरे लिए कहा।'

श्लोक 24 (padma.2.47.24)

कौशिकस्य कुले जातः सर्वविद्याविशारदः । ब्राह्मणानां गुणैर्युक्तः शीलवान्गुणवाञ्छुचिः

kauśikasya kule jātaḥ sarvavidyāviśāradaḥ brāhmaṇānāṁ guṇairyuktaḥ śīlavānguṇavāñchuciḥ

'कौशिक के कुल में उत्पन्न, सभी विद्याओं में निपुण, ब्राह्मणोचित गुणों से युक्त, शीलवान्, गुणवान् और पवित्र एक व्यक्ति था।'

श्लोक 25 (padma.2.47.25)

वेदाध्ययनसंपन्नं पठमानं हि सुस्वरम् । भिक्षार्थं द्वारमायांतं पितृमातृविवर्जितम्

vedādhyayanasaṁpannaṁ paṭhamānaṁ hi susvaram bhikṣārthaṁ dvāramāyāṁtaṁ pitṛmātṛvivarjitam

'वेदाध्ययन में निपुण, मधुर स्वर में पाठ करता हुआ, वह माता-पिता से रहित होकर भिक्षा माँगने द्वार पर आया।'

श्लोक 26 (padma.2.47.26)

तं दृष्ट्वासमनुप्राप्तं रूपं वीक्ष्य महामतिः । तं प्रोवाच पिता एवं को भवान्वै भविष्यति

taṁ dṛṣṭvāsamanuprāptaṁ rūpaṁ vīkṣya mahāmatiḥ taṁ provāca pitā evaṁ ko bhavānvai bhaviṣyati

'उसे इस प्रकार आया देखकर और उसका रूप देखकर उस महामति पिता ने उससे कहा — "आप कौन हैं?"'

श्लोक 27 (padma.2.47.27)

किं ते नाम कुलं गोत्रमाचारं वद सांप्रतम् । समाकर्ण्य पितुर्वाक्यं वसुदत्तमुवाच सः

kiṁ te nāma kulaṁ gotramācāraṁ vada sāṁpratam samākarṇya piturvākyaṁ vasudattamuvāca saḥ

'"आपका नाम, कुल, गोत्र और आचार क्या है? अभी बताइए।" पिता के वचन सुनकर उसने वसुदत्त से कहा —'

श्लोक 28 (padma.2.47.28)

कौशिकस्यान्वये जातो वेदवेदांगपारगः । शिवशर्मेति मे नाम पितृमातृविवर्जितः

kauśikasyānvaye jāto vedavedāṁgapāragaḥ śivaśarmeti me nāma pitṛmātṛvivarjitaḥ

'"मैं कौशिक के वंश में उत्पन्न हूँ, वेद-वेदांगों का पारगामी हूँ; मेरा नाम शिवशर्मा है, और मैं माता-पिता से रहित हूँ।"'

श्लोक 29 (padma.2.47.29)

संति मे भ्रातरश्चान्ये चत्वारो वेदपारगाः । एवं कुलं समाख्यातमाचारः कुलसंभवः

saṁti me bhrātaraścānye catvāro vedapāragāḥ evaṁ kulaṁ samākhyātamācāraḥ kulasaṁbhavaḥ

'"मेरे चार अन्य भाई भी हैं, जो सभी वेदपारगामी हैं।" इस प्रकार उसका कुल और उसके कुल के अनुरूप आचार बताया गया।'

श्लोक 30 (padma.2.47.30)

एवं सर्वं समाख्यातं पितरं शिवशर्मणा । शुभे लग्ने तिथौ प्राप्ते नक्षत्रे भगदैवते

evaṁ sarvaṁ samākhyātaṁ pitaraṁ śivaśarmaṇā śubhe lagne tithau prāpte nakṣatre bhagadaivate

'इस प्रकार शिवशर्मा ने पिता को सब कुछ बता दिया; तब शुभ लग्न, तिथि और भग देवता वाले नक्षत्र में —'

श्लोक 31 (padma.2.47.31)

पित्रा दत्तास्मि सुभगे तस्मै विप्राय वै तदा । पितृगेहे वसाम्येका तेन सार्धं महात्मना

pitrā dattāsmi subhage tasmai viprāya vai tadā pitṛgehe vasāmyekā tena sārdhaṁ mahātmanā

'—मेरे पिता ने मुझे उस विप्र को दे दिया; और मैं उस महात्मा के साथ अपने पिता के घर में ही रहने लगी।'

श्लोक 32 (padma.2.47.32)

नैव शुश्रूषितो भर्ता मया स पापया तदा । पितृमातृसुद्रव्येण गर्वेणापि प्रमोहिता

naiva śuśrūṣito bhartā mayā sa pāpayā tadā pitṛmātṛsudravyeṇa garveṇāpi pramohitā

'किंतु मैं, पापिनी, ने तब कभी अपने पति की सेवा नहीं की; अपने माता-पिता के धन के गर्व से मोहग्रस्त होकर —'

श्लोक 33 (padma.2.47.33)

अंगसंवाहनं तस्य न कृतं हि मया कदा । रतिभावेन स्नेहेन वचनेन मया शुभे

aṁgasaṁvāhanaṁ tasya na kṛtaṁ hi mayā kadā ratibhāvena snehena vacanena mayā śubhe

'—मैंने कभी उसके अंगों की सेवा-मालिश नहीं की; और हे शुभे! न कभी प्रेम-भाव से, स्नेह से, मीठे वचनों से उसे संबोधित किया।'

श्लोक 34 (padma.2.47.34)

क्रूरबुद्ध्या हि दृष्टोसौ सर्वदा पापया मया । पुंश्चलीनां प्रसंगेन तद्भावं हि गता शुभे

krūrabuddhyā hi dṛṣṭosau sarvadā pāpayā mayā puṁścalīnāṁ prasaṁgena tadbhāvaṁ hi gatā śubhe

'मैं, पापिनी, सदा उसे क्रूर दृष्टि से देखती थी; हे शुभे! दुष्ट स्वभाव वाली स्त्रियों की संगति से मैं भी उन्हीं जैसे स्वभाव को प्राप्त हो गई थी।'

श्लोक 35 (padma.2.47.35)

मातापित्रोश्च भर्तुश्च भ्रातॄणां हितमेव च । न करोम्यहमेवापि यत्रयत्र व्रजाम्यहम्

mātāpitrośca bhartuśca bhrātṝṇāṁ hitameva ca na karomyahamevāpi yatrayatra vrajāmyaham

'माता-पिता, पति और भाइयों के हित के लिए मैं कुछ भी नहीं करती थी, जहाँ-जहाँ भी मैं जाती थी।'

श्लोक 36 (padma.2.47.36)

एवं मे दुष्कृतं दृष्ट्वा शिवशर्मा पतिर्मम । स्नेहाच्छ्वशुरवर्गस्य मम भर्त्ता महामतिः

evaṁ me duṣkṛtaṁ dṛṣṭvā śivaśarmā patirmama snehācchvaśuravargasya mama bharttā mahāmatiḥ

'मेरे इस दुष्कर्म को देखकर भी मेरे पति शिवशर्मा, अपने श्वसुर-परिवार के प्रति स्नेह के कारण, वह महामति —'

श्लोक 37 (padma.2.47.37)

न किंचिद्वक्ति मां सोपि क्षमते दुष्कृतं मम । वार्यमाणा कुटुंबेन अहमेवं सुपापिनी

na kiṁcidvakti māṁ sopi kṣamate duṣkṛtaṁ mama vāryamāṇā kuṭuṁbena ahamevaṁ supāpinī

'—मुझसे कुछ भी न कहते, मेरे दुष्कर्मों को क्षमा करते रहे; परिवार द्वारा रोके जाने पर भी मैं, महापापिनी, ऐसी ही बनी रही।'

श्लोक 38 (padma.2.47.38)

तस्य शीलं विदित्वा ते साधुत्वं शिवशर्मणः । पितामाता च मे सर्वे मम पापेन दुःखिताः

tasya śīlaṁ viditvā te sādhutvaṁ śivaśarmaṇaḥ pitāmātā ca me sarve mama pāpena duḥkhitāḥ

'शिवशर्मा के उस उत्तम शील और साधुता को जानकर, मेरे पाप से मेरे माता-पिता तथा सभी लोग दुःखी थे।'

श्लोक 39 (padma.2.47.39)

भर्त्ता मे दुष्कृतं दृष्ट्वा स्वगृहान्निर्गतो बहिः । तं देशं ग्राममेनं च परित्यज्य गतस्ततः

bharttā me duṣkṛtaṁ dṛṣṭvā svagṛhānnirgato bahiḥ taṁ deśaṁ grāmamenaṁ ca parityajya gatastataḥ

'मेरे दुष्कर्म को देखकर मेरे पति अपने घर से बाहर निकल गए; उस देश और उस गाँव को त्यागकर वे वहाँ से चले गए।'

श्लोक 40 (padma.2.47.40)

गते भर्तरि मे तातः संजातश्चिंतयान्वितः । मम दुःखेन दुःखात्मा यथा रोगेण पीडितः

gate bhartari me tātaḥ saṁjātaściṁtayānvitaḥ mama duḥkhena duḥkhātmā yathā rogeṇa pīḍitaḥ

'पति के चले जाने पर मेरे पिता चिंता से व्याकुल हो गए; मेरे दुःख से दुःखी उनका मन मानो किसी रोग से पीड़ित हो गया।'

श्लोक 41 (padma.2.47.41)

मम माता उवाचैनं भर्तारं दुःखपीडितम् । कस्माच्चिंतयसे कांत वद दुःखं ममाग्रतः

mama mātā uvācainaṁ bhartāraṁ duḥkhapīḍitam kasmācciṁtayase kāṁta vada duḥkhaṁ mamāgrataḥ

'मेरी माता ने अपने दुःख-पीड़ित पति से कहा — "हे कांत! आप क्यों चिंतित हैं? मुझे अपना दुःख बताइए।"'

श्लोक 42 (padma.2.47.42)

वसुदत्त उवाचैनां मातरं मम नंदने । सुतां त्यक्त्वा गतो विप्रो जामाता शृणु वल्लभे

vasudatta uvācaināṁ mātaraṁ mama naṁdane sutāṁ tyaktvā gato vipro jāmātā śṛṇu vallabhe

'वसुदत्त ने मेरी माता से कहा — "हे नंदिनि! हे वल्लभे! सुनो, हमारा दामाद, वह विप्र, हमारी पुत्री को त्यागकर चला गया है।"'

श्लोक 43 (padma.2.47.43)

इयं पापसमाचारा निर्घृणा पापचारिणी । अनया हि परित्यक्तः शिवशर्मा महामतिः

iyaṁ pāpasamācārā nirghṛṇā pāpacāriṇī anayā hi parityaktaḥ śivaśarmā mahāmatiḥ

'"यह हमारी पुत्री दुराचारिणी, निर्दय और पापाचारिणी है; इसी के कारण वह महामति शिवशर्मा त्याग कर चले गए हैं।"'

श्लोक 44 (padma.2.47.44)

समस्तस्य कुटुंबस्य दाक्षिण्येन महामतिः । ममायं स द्विजः कांते सुदेवां नैव भाषते

samastasya kuṭuṁbasya dākṣiṇyena mahāmatiḥ mamāyaṁ sa dvijaḥ kāṁte sudevāṁ naiva bhāṣate

'"हे कांते! हमारे पूरे परिवार के प्रति शिष्टाचार के कारण, वह हमारा महामति द्विज सुदेवा के विषय में कभी कुछ नहीं कहता था।"'

श्लोक 45 (padma.2.47.45)

वसते सौम्यभावेन नैव निंदति कुत्सति । सुदेवां पापसंचारां स वै पंडितबुद्धिमान्

vasate saumyabhāvena naiva niṁdati kutsati sudevāṁ pāpasaṁcārāṁ sa vai paṁḍitabuddhimān

'"वह सौम्य भाव से रहता था, कभी निंदा या तिरस्कार नहीं करता था — वह पंडित-बुद्धिमान् व्यक्ति, यद्यपि सुदेवा पाप-आचरण में लिप्त थी।"'

श्लोक 46 (padma.2.47.46)

भविष्यति त्वियं दुष्टा सुदेवा कुलनाशिनी । अहमेनां परित्यज्य व्रजामि गृहवासिनि

bhaviṣyati tviyaṁ duṣṭā sudevā kulanāśinī ahamenāṁ parityajya vrajāmi gṛhavāsini

'"यह दुष्ट सुदेवा हमारे कुल का नाश करने वाली बनेगी; हे गृहवासिनि! मैं इसे त्यागकर चला जाता हूँ।"'

श्लोक 47 (padma.2.47.47)

ब्राह्मण्युवाच- अद्य ज्ञातं त्वया कांत सुताया गुणदूषणम् । तव मोहेन स्नेहेन नष्टेयं शृणु सांप्रतम्

brāhmaṇyuvāca- adya jñātaṁ tvayā kāṁta sutāyā guṇadūṣaṇam tava mohena snehena naṣṭeyaṁ śṛṇu sāṁpratam

ब्राह्मणी ने कहा — "हे कांत! आज आपने अपनी पुत्री के दोष जान लिए। अब सुनिए — आपके ही मोह और अत्यधिक स्नेह से यह बिगड़ी है।"

श्लोक 48 (padma.2.47.48)

तावद्विलाडयेत्पुत्रं यावत्स्यात्पंचवार्षिकः । शिक्षाबुद्ध्या सदा कांत पुनर्मोहेन पोषयेत्

tāvadvilāḍayetputraṁ yāvatsyātpaṁcavārṣikaḥ śikṣābuddhyā sadā kāṁta punarmohena poṣayet

"पुत्र को केवल पाँच वर्ष की आयु तक ही दुलार करना चाहिए; हे कांत! उसके बाद उसे सदा शिक्षा-बुद्धि से पालना चाहिए, पुनः मोहवश नहीं।"

श्लोक 49 (padma.2.47.49)

स्नानाच्छादनकैर्भक्ष्यैर्भोज्यैः पेयैर्न संशयः । गुणेषु योजयेत्कांत सद्विद्यासु च तं सुतम्

snānācchādanakairbhakṣyairbhojyaiḥ peyairna saṁśayaḥ guṇeṣu yojayetkāṁta sadvidyāsu ca taṁ sutam

"स्नान, वस्त्र, भोजन, पेय — इन सबके साथ, हे कांत! उस पुत्र को गुणों और सद्विद्याओं में लगाना चाहिए, इसमें संदेह नहीं।"

श्लोक 50 (padma.2.47.50)

गुणशिक्षार्थंनिर्मोहः पिता भवति सर्वदा । पालने पोषणे कांत संमोहः परिजायते

guṇaśikṣārthaṁnirmohaḥ pitā bhavati sarvadā pālane poṣaṇe kāṁta saṁmohaḥ parijāyate

"गुण-शिक्षा के लिए पिता को सदा मोहरहित रहना चाहिए। हे कांत! केवल पालन-पोषण में तो मोह ही उत्पन्न होता है।"

श्लोक 51 (padma.2.47.51)

सगुणं न वदेत्पुत्रं कुत्सयेच्च दिनेदिने । काठिन्यं च वदेन्नित्यं वचनैः परिपीडयेत्

saguṇaṁ na vadetputraṁ kutsayecca dinedine kāṭhinyaṁ ca vadennityaṁ vacanaiḥ paripīḍayet

"पुत्र को सदा गुणवान् कहकर नहीं बल्कि प्रतिदिन उसकी त्रुटियाँ दिखाकर सुधारना चाहिए; सदा कठोर वचनों से उसे अनुशासित करना चाहिए।"

श्लोक 52 (padma.2.47.52)

यथाहि साधयेन्नित्यं सुविद्यां ज्ञानतत्परः । अभिमानेच्छलेनापि पापं त्यक्त्वा प्रदूरतः

yathāhi sādhayennityaṁ suvidyāṁ jñānatatparaḥ abhimānecchalenāpi pāpaṁ tyaktvā pradūrataḥ

"जिससे वह ज्ञान में तत्पर होकर सदा सुविद्या को सिद्ध करे, अभिमान और छल-पाप को दूर से ही त्याग दे।"

श्लोक 53 (padma.2.47.53)

नैपुण्यं जायते नित्यं विद्यासु च गुणेषु च । माता च ताडयेत्कन्यां स्नुषां श्वश्रूर्विताडयेत्

naipuṇyaṁ jāyate nityaṁ vidyāsu ca guṇeṣu ca mātā ca tāḍayetkanyāṁ snuṣāṁ śvaśrūrvitāḍayet

"इस प्रकार ही विद्याओं और गुणों में सदा निपुणता उत्पन्न होती है। माता को अपनी कन्या को अनुशासित करना चाहिए, सास को अपनी पुत्रवधू को।"

श्लोक 54 (padma.2.47.54)

गुरुश्च ताडयेच्छिष्यं ततः सिध्यंति नान्यथा । भार्यां च ताडयेत्कांत अमात्यं नृपतिस्तथा

guruśca tāḍayecchiṣyaṁ tataḥ sidhyaṁti nānyathā bhāryāṁ ca tāḍayetkāṁta amātyaṁ nṛpatistathā

"गुरु को शिष्य को अनुशासित करना चाहिए, तभी वे सफल होते हैं, अन्यथा नहीं। हे कांत! पति को पत्नी का, और राजा को मंत्री का मार्गदर्शन इसी प्रकार करना चाहिए।"

श्लोक 55 (padma.2.47.55)

हयं च ताडयेद्धीरो गजं मात्रो दिनेदिने । शिक्षाबुद्ध्या प्रसिध्यंति ताडनात्पालनाद्विभो

hayaṁ ca tāḍayeddhīro gajaṁ mātro dinedine śikṣābuddhyā prasidhyaṁti tāḍanātpālanādvibho

"धीर पुरुष को घोड़े को और महावत को हाथी को प्रतिदिन अनुशासित करना चाहिए। हे विभो! अनुशासन और पालन दोनों से ही, बुद्धिपूर्वक, वे सफल होते हैं।"

श्लोक 56 (padma.2.47.56)

त्वयेयं नाशिता नाथ सर्वदैव न संशयः । सार्धं सुब्राह्मणेनापि भवता शिवशर्मणा

tvayeyaṁ nāśitā nātha sarvadaiva na saṁśayaḥ sārdhaṁ subrāhmaṇenāpi bhavatā śivaśarmaṇā

"हे नाथ! आपने ही इसे सदा बिगाड़ा है, इसमें संदेह नहीं — उस उत्तम ब्राह्मण शिवशर्मा के साथ रहते हुए भी।"

श्लोक 57 (padma.2.47.57)

निरंकुशा कृता गेहे तेन नष्टा महामते । तावद्धि धारयेत्कन्यां गृहे कांतवचः शृणु

niraṁkuśā kṛtā gehe tena naṣṭā mahāmate tāvaddhi dhārayetkanyāṁ gṛhe kāṁtavacaḥ śṛṇu

"हे महामते! आपने ही इसे घर में निरंकुश बना दिया, इसीलिए यह बिगड़ी। हे कांत! सुनिए, कन्या को घर में कब तक रखा जाना चाहिए —"

श्लोक 58 (padma.2.47.58)

अष्टवर्षान्विता यावत्प्रबलां नैव धारयेत् । पितुर्गेहस्थिता पुत्री यत्पापं हि प्रकुर्वती

aṣṭavarṣānvitā yāvatprabalāṁ naiva dhārayet piturgehasthitā putrī yatpāpaṁ hi prakurvatī

"—केवल आठ वर्ष की आयु तक ही; बड़ी हो चुकी कन्या को घर में नहीं रखना चाहिए। पिता के घर में रहती हुई पुत्री जो भी पाप करती है —"

श्लोक 59 (padma.2.47.59)

उभाभ्यामपि तत्पापं पितृभ्यामपि विंदति । तस्मान्न धार्यते कन्या समर्था निजमंदिरे

ubhābhyāmapi tatpāpaṁ pitṛbhyāmapi viṁdati tasmānna dhāryate kanyā samarthā nijamaṁdire

"—वह पाप उसके दोनों माता-पिता को भी प्राप्त होता है। इसलिए योग्य कन्या को अपने ही घर में नहीं रखना चाहिए।"

श्लोक 60 (padma.2.47.60)

यस्य दत्ता भवेत्सा च तस्य गेहे प्रपोषयेत् । तत्रस्था साधयेत्कांतं सगुणं भक्तिपूर्वकम्

yasya dattā bhavetsā ca tasya gehe prapoṣayet tatrasthā sādhayetkāṁtaṁ saguṇaṁ bhaktipūrvakam

"जिसे वह दी गई हो, उसी के घर में उसका पालन-पोषण होना चाहिए; वहीं रहकर वह भक्तिपूर्वक अपने गुणी पति की सेवा करे।"

श्लोक 61 (padma.2.47.61)

कुलस्य जायते कीर्तिः पिता सुखेन जीवति । तत्रस्था कुरुते पापं तत्पापं भुंजते पतिः

kulasya jāyate kīrtiḥ pitā sukhena jīvati tatrasthā kurute pāpaṁ tatpāpaṁ bhuṁjate patiḥ

"इससे कुल की कीर्ति बढ़ती है और पिता सुखपूर्वक जीवन बिताता है। वहाँ रहती हुई यदि वह पाप करे, तो वह पाप उसका पति भोगता है।"

श्लोक 62 (padma.2.47.62)

तत्रस्था वर्द्धते नित्यं पुत्रैः पौत्रैः सदैव सा । पिता कीर्तिमवाप्नोति सुतायाः सुगुणैः प्रिय

tatrasthā varddhate nityaṁ putraiḥ pautraiḥ sadaiva sā pitā kīrtimavāpnoti sutāyāḥ suguṇaiḥ priya

"वहाँ रहती हुई वह सदा पुत्रों-पौत्रों से समृद्ध होती है; और हे प्रिय! पिता अपनी पुत्री के सद्गुणों से कीर्ति प्राप्त करता है।"

श्लोक 63 (padma.2.47.63)

तस्मान्न धारयेत्कांत गेहे पुत्रीं सभर्तृकाम् । इत्यर्थे श्रूयते कांत इतिहासो भविष्यति

tasmānna dhārayetkāṁta gehe putrīṁ sabhartṛkām ityarthe śrūyate kāṁta itihāso bhaviṣyati

"इसलिए, हे कांत! विवाहित पुत्री को अपने घर में नहीं रखना चाहिए। हे कांत! इस विषय में एक इतिहास सुना जाता है, वह अब कहा जाएगा —"

श्लोक 64 (padma.2.47.64)

अष्टविंशतिके प्राप्ते युगे द्वापरके महान् । उग्रसेनस्य वीरस्य यदुज्येष्ठस्य यत्प्रभो

aṣṭaviṁśatike prāpte yuge dvāparake mahān ugrasenasya vīrasya yadujyeṣṭhasya yatprabho

"—अट्ठाईसवें महान् द्वापर युग में, यदुवंश के ज्येष्ठ, वीर उग्रसेन के विषय में, हे प्रभो! —"

श्लोक 65 (padma.2.47.65)

चरित्रं ते प्रवक्ष्यमि शृणुष्वैकमना द्विज

caritraṁ te pravakṣyami śṛṇuṣvaikamanā dvija

"—मैं तुम्हें उसका चरित्र सुनाऊँगी; हे द्विज! एकाग्रचित्त होकर सुनो।"