गोभिल का छल

श्लोक 1 (padma.2.49.1)

ब्राह्मण्युवाच- एकदा तु महाभाग गता सा पर्वतोत्तमे । रमणीयं वनं दृष्ट्वा कदलीखंडमंडितम्

brāhmaṇyuvāca- ekadā tu mahābhāga gatā sā parvatottame ramaṇīyaṁ vanaṁ dṛṣṭvā kadalīkhaṁḍamaṁḍitam

ब्राह्मणी ने कहा — हे महाभाग! एक दिन वह किसी उत्तम पर्वत पर गई और केले के झुरमुटों से सुशोभित एक रमणीय वन देखा।

श्लोक 2 (padma.2.49.2)

शालैस्तालैस्तमालैश्च नालिकेरैस्तथोत्कटैः । पूगीफलैर्मातुलिगैर्नारंगैश्चारुजंबुकैः

śālaistālaistamālaiśca nālikeraistathotkaṭaiḥ pūgīphalairmātuligairnāraṁgaiścārujaṁbukaiḥ

शाल, ताल, तमाल तथा ऊँचे नारियल के वृक्षों से, सुपारी, मातुलुंग, नारंगी और सुंदर जामुन के वृक्षों से —

श्लोक 3 (padma.2.49.3)

चंपकैः पाटलैः पुण्यैः पुष्पितैः कुटकैर्वटैः । अशोकबकुलोपेतं नानावृक्षैरलंकृतम्

caṁpakaiḥ pāṭalaiḥ puṇyaiḥ puṣpitaiḥ kuṭakairvaṭaiḥ aśokabakulopetaṁ nānāvṛkṣairalaṁkṛtam

—चंपक, पाटल, पवित्र पुष्पित कुटज और वट वृक्षों से, अशोक और बकुल सहित नाना वृक्षों से वह अलंकृत था।

श्लोक 4 (padma.2.49.4)

पर्वतं पुण्यवंतं तं पुष्पितैश्च नगोत्तमैः । सर्वत्र दृश्यते रम्यो नानाधातुसमाकुलः

parvataṁ puṇyavaṁtaṁ taṁ puṣpitaiśca nagottamaiḥ sarvatra dṛśyate ramyo nānādhātusamākulaḥ

वह पुण्यमय पर्वत, पुष्पित श्रेष्ठ वृक्षों से युक्त, सर्वत्र रमणीय दिखाई देता था, नाना धातुओं से भरा हुआ।

श्लोक 5 (padma.2.49.5)

तडागं सर्वतोभद्रं पुण्यतोयेन पूरितम् । कमलैः पुष्पितैश्चान्यैः सुगंधैः कनकोत्पलैः

taḍāgaṁ sarvatobhadraṁ puṇyatoyena pūritam kamalaiḥ puṣpitaiścānyaiḥ sugaṁdhaiḥ kanakotpalaiḥ

वहाँ एक सर्वतोभद्र सरोवर था, पुण्य जल से भरा हुआ, खिले हुए कमलों तथा अन्य सुगंधित स्वर्णिम कमलिनियों से युक्त।

श्लोक 6 (padma.2.49.6)

श्वेतोत्पलैर्विभासंतं रक्तोत्पलसुपुष्पितैः । नीलोत्पलैश्च कह्लारैर्हंसैश्च जलकुक्कुटैः

śvetotpalairvibhāsaṁtaṁ raktotpalasupuṣpitaiḥ nīlotpalaiśca kahlārairhaṁsaiśca jalakukkuṭaiḥ

वह श्वेत कमलों और लाल कमलों से, नील कमलों और कह्लार पुष्पों से, हंसों और जलकुक्कुटों से शोभायमान था।

श्लोक 7 (padma.2.49.7)

पक्षिभिर्जलजैश्चान्यैर्नानाधातुसमाकुलः । तडागं सर्वतः शुभ्रं नानापक्षिगणैर्युतम्

pakṣibhirjalajaiścānyairnānādhātusamākulaḥ taḍāgaṁ sarvataḥ śubhraṁ nānāpakṣigaṇairyutam

अन्य जलचर पक्षियों से युक्त, नाना धातुओं से भरा हुआ — वह सरोवर सर्वत्र उज्ज्वल, नाना पक्षि-समूहों से युक्त था।

श्लोक 8 (padma.2.49.8)

कोकिलानां रुतैः पुण्यैः सुस्वरैः परिशोभितः । मधुराणां तथा शब्दैः सर्वत्र मधुरायते

kokilānāṁ rutaiḥ puṇyaiḥ susvaraiḥ pariśobhitaḥ madhurāṇāṁ tathā śabdaiḥ sarvatra madhurāyate

वह कोयलों की मधुर, पुण्य कूक से सुशोभित था, और सर्वत्र मधुर ध्वनियों से गुंजायमान था।

श्लोक 9 (padma.2.49.9)

षट्पदानां सुनादेन सर्वत्र परिशोभते । एवंविधं गिरिं रम्यं तदेव वनमुत्तमम्

ṣaṭpadānāṁ sunādena sarvatra pariśobhate evaṁvidhaṁ giriṁ ramyaṁ tadeva vanamuttamam

वह सर्वत्र भ्रमरों की मधुर गुंजार से सुशोभित था। ऐसा ही वह रमणीय पर्वत था, और वही वन उत्तम था।

श्लोक 10 (padma.2.49.10)

तडागं सर्वतोभद्रं ददृशे नृपनंदिनी । वैदर्भी क्रीडमाना सा सखीभिः सहिता तदा

taḍāgaṁ sarvatobhadraṁ dadṛśe nṛpanaṁdinī vaidarbhī krīḍamānā sā sakhībhiḥ sahitā tadā

उस नृपनंदिनी वैदर्भी ने उस सर्वतोभद्र सरोवर को देखा, वह तब अपनी सखियों के साथ क्रीड़ा कर रही थी।

श्लोक 11 (padma.2.49.11)

समालोक्य वनं पुण्यं सर्वत्र कुसुमाकुलम् । चापल्येन प्रभावेण स्त्रीभावेन च लीलया

samālokya vanaṁ puṇyaṁ sarvatra kusumākulam cāpalyena prabhāveṇa strībhāvena ca līlayā

उस पुण्य वन को सर्वत्र पुष्पों से भरा देखकर, अपनी चंचलता, स्वभाव तथा स्त्रीसुलभ लीला से —

श्लोक 12 (padma.2.49.12)

पद्मावती सरस्तीरे सखीभिः सहिता तदा । जलक्रीडा समालीना हसते गायते पुनः

padmāvatī sarastīre sakhībhiḥ sahitā tadā jalakrīḍā samālīnā hasate gāyate punaḥ

पद्मावती वहाँ सरोवर के तट पर अपनी सखियों के साथ जल-क्रीड़ा में लीन होकर बार-बार हँसती और गाती रही।

श्लोक 13 (padma.2.49.13)

रममाणा च सा तस्मिंस्तस्मिन्सरसि भामिनी । एवं विप्र तदा सा तु सुखेन परिवर्तयेत्

ramamāṇā ca sā tasmiṁstasminsarasi bhāminī evaṁ vipra tadā sā tu sukhena parivartayet

वह भामिनी उसी सरोवर में रमण करती रही; हे विप्र! इस प्रकार वह वहाँ सुखपूर्वक समय बिताती रही।

श्लोक 14 (padma.2.49.14)

विष्णुरुवाच- गोभिलो नाम वै दैत्यो भृत्यो वैश्रवणस्य च । दिव्येनापि विमानेन सर्वभोगपरिप्लुतः

viṣṇuruvāca- gobhilo nāma vai daityo bhṛtyo vaiśravaṇasya ca divyenāpi vimānena sarvabhogapariplutaḥ

विष्णु ने कहा — गोभिल नामक एक दैत्य था, जो वैश्रवण (कुबेर) का सेवक था; वह दिव्य विमान में सभी भोगों में डूबा रहता था।

श्लोक 15 (padma.2.49.15)

याति चाकाशमार्गेण गोभिलो दैत्यसत्तमः । तेन दृष्टा विशालाक्षी वैदर्भी निर्भया तदा

yāti cākāśamārgeṇa gobhilo daityasattamaḥ tena dṛṣṭā viśālākṣī vaidarbhī nirbhayā tadā

वह दैत्यश्रेष्ठ गोभिल आकाश-मार्ग से जा रहा था; उसने उस विशाल नेत्रों वाली, निर्भय वैदर्भी को वहाँ देखा।

श्लोक 16 (padma.2.49.16)

सर्वयोषिद्वरा सा हि उग्रसेनस्य वै प्रिया । रूपेणाप्रतिमा लोके सर्वांगेषु विराजते

sarvayoṣidvarā sā hi ugrasenasya vai priyā rūpeṇāpratimā loke sarvāṁgeṣu virājate

वह सभी स्त्रियों में श्रेष्ठ, उग्रसेन की प्रिया थी; संसार में अनुपम रूप वाली वह अपने सभी अंगों में सुशोभित होती थी।

श्लोक 17 (padma.2.49.17)

रतिर्वै मन्मथस्यापि किं वापीयं हरिप्रिया । किं वापि पार्वती देवी शची किं वा भविष्यति

ratirvai manmathasyāpi kiṁ vāpīyaṁ haripriyā kiṁ vāpi pārvatī devī śacī kiṁ vā bhaviṣyati

'क्या यह मन्मथ की रति है? या क्या यह हरि की प्रिया है? क्या यह देवी पार्वती है, या शची होगी?'

श्लोक 18 (padma.2.49.18)

यादृशी दृश्यते चेयं नारीणां प्रवरोत्तमा । अन्यापि ईदृशी नास्ति द्वितीया क्षितिमंडले

yādṛśī dṛśyate ceyaṁ nārīṇāṁ pravarottamā anyāpi īdṛśī nāsti dvitīyā kṣitimaṁḍale

'जैसी यह दिखाई देती है, वैसी ही यह स्त्रियों में सर्वश्रेष्ठ है; इस पृथ्वीमंडल में इसके समान दूसरी कोई नहीं है।'

श्लोक 19 (padma.2.49.19)

नक्षत्रेषु यथा चंद्रः संपूर्णो भाति शोभनः । गुणरूपकलाभिस्तु तथा भाति वरानना

nakṣatreṣu yathā caṁdraḥ saṁpūrṇo bhāti śobhanaḥ guṇarūpakalābhistu tathā bhāti varānanā

'जैसे नक्षत्रों में पूर्ण चंद्रमा शोभायमान होता है, वैसे ही यह वरानना अपने गुण, रूप और कला से शोभित हो रही है।'

श्लोक 20 (padma.2.49.20)

पुष्करेषु यथा हंसस्तथेयं चारुहासिनी । अहो रूपमहोभाव अस्यास्तु परिदृश्यते

puṣkareṣu yathā haṁsastatheyaṁ cāruhāsinī aho rūpamahobhāva asyāstu paridṛśyate

'जैसे कमल-वनों में हंस, वैसे ही यह चारुहासिनि है। अहो! इसका कैसा रूप, कैसा महिमामय भाव दिखाई दे रहा है!'

श्लोक 21 (padma.2.49.21)

का कस्य शोभना बाला चारुवृत्तपयोधरा । व्यमृशद्गोभिलो दैत्यः पद्मावतीं वराननाम्

kā kasya śobhanā bālā cāruvṛttapayodharā vyamṛśadgobhilo daityaḥ padmāvatīṁ varānanām

'यह सुंदर, गोलाकार पयोधरों वाली शोभना बाला किसकी है?' — इस प्रकार दैत्य गोभिल उस वरानना पद्मावती के विषय में विचार करने लगा।

श्लोक 22 (padma.2.49.22)

चिंतयित्वा क्षणं विप्र का कस्यापि भविष्यति । ज्ञानेन महता ज्ञात्वा वैदर्भीति न संशयः

ciṁtayitvā kṣaṇaṁ vipra kā kasyāpi bhaviṣyati jñānena mahatā jñātvā vaidarbhīti na saṁśayaḥ

हे विप्र! क्षणभर विचार कर, 'यह किसकी है' — यह अपने महान ज्ञान से जान लिया कि यह निःसंदेह वैदर्भी है।

श्लोक 23 (padma.2.49.23)

दयिता उग्रसेनस्य पतिव्रतपरायणा । आत्मबलेन तिष्ठंती दुष्प्राप्या पुरुषैरपि

dayitā ugrasenasya pativrataparāyaṇā ātmabalena tiṣṭhaṁtī duṣprāpyā puruṣairapi

'यह उग्रसेन की प्रिया है, पातिव्रत्य में परायण; अपने ही बल पर स्थिर, अन्य पुरुषों के लिए भी दुष्प्राप्य है।'

श्लोक 24 (padma.2.49.24)

उग्रसेनो महामूर्खः प्रेषिता येन वै वरा । पितुर्गेहमियं बाला स तु भाग्येन वर्जितः

ugraseno mahāmūrkhaḥ preṣitā yena vai varā piturgehamiyaṁ bālā sa tu bhāgyena varjitaḥ

'वह महामूर्ख उग्रसेन, जिसने इस उत्तम बाला को पिता के घर भेज दिया, वह तो भाग्यहीन है।'

श्लोक 25 (padma.2.49.25)

अनया विना स जीवेच्च कथं कूटमतिः सदा । किं वा नपुंसको राजा एनां यो हि परित्यजेत्

anayā vinā sa jīvecca kathaṁ kūṭamatiḥ sadā kiṁ vā napuṁsako rājā enāṁ yo hi parityajet

'भला वह मूढ़बुद्धि इसके बिना सदा कैसे जीवित रह सकता है? या क्या वह राजा नपुंसक है, जो इसे इस प्रकार त्याग सकता है?'

श्लोक 26 (padma.2.49.26)

तां दृष्ट्वा स तु कामात्मा संजातस्तत्क्षणादपि । इयं पतिव्रता बाला दुष्प्राप्या पुरुषैरपि

tāṁ dṛṣṭvā sa tu kāmātmā saṁjātastatkṣaṇādapi iyaṁ pativratā bālā duṣprāpyā puruṣairapi

उसे देखते ही वह तत्क्षण काम से आविष्ट हो गया; फिर भी सोचा — 'यह पतिव्रता बाला अन्य पुरुषों के लिए भी दुष्प्राप्य है।'

श्लोक 27 (padma.2.49.27)

कथं भोक्ष्याम्यहं गत्वा कामो मामति पीडयेत् । अभुक्त्वैनां यदा यास्ये तत्स्यान्मृत्युर्ममैव हि

kathaṁ bhokṣyāmyahaṁ gatvā kāmo māmati pīḍayet abhuktvaināṁ yadā yāsye tatsyānmṛtyurmamaiva hi

'मैं वहाँ जाकर इसे कैसे प्राप्त करूँ? काम मुझे अत्यंत पीड़ित कर रहा है। यदि इसे प्राप्त किए बिना मैं लौट गया, तो यही मेरी मृत्यु होगी।'

श्लोक 28 (padma.2.49.28)

अद्यैव हि न संदेहो यतः कामो महाबलः । इति चिंतापरो भूत्वा गोभिलो मनसैक्षत

adyaiva hi na saṁdeho yataḥ kāmo mahābalaḥ iti ciṁtāparo bhūtvā gobhilo manasaikṣata

'आज ही, इसमें संदेह नहीं — क्योंकि काम अत्यंत बलवान् है।' इस प्रकार चिंतामग्न होकर गोभिल ने मन ही मन विचार किया।

श्लोक 29 (padma.2.49.29)

कृत्वा मायामयं रूपमुग्रसेनस्य भूपतेः । यादृशस्तूग्रसेनश्च सांगोपांगो महानृपः

kṛtvā māyāmayaṁ rūpamugrasenasya bhūpateḥ yādṛśastūgrasenaśca sāṁgopāṁgo mahānṛpaḥ

राजा उग्रसेन का मायामय रूप धारण करके — जैसा वह महाराज उग्रसेन अपने सभी अंगों-उपांगों सहित था —

श्लोक 30 (padma.2.49.30)

गोभिलस्तादृशो भूत्वा गत्या च स्वरभाषया । यथावस्त्रो यथावेशो वयसा च तथा पुनः

gobhilastādṛśo bhūtvā gatyā ca svarabhāṣayā yathāvastro yathāveśo vayasā ca tathā punaḥ

—वैसा ही गोभिल बन गया, उसी की चाल, उसी के स्वर-भाषा, उसी के वस्त्र, वेश और आयु में भी वैसा ही।

श्लोक 31 (padma.2.49.31)

दिव्यमाल्यांबरधरो दिव्यगंधानुलेपनः । सर्वाभरणशोभांगो यादृशो माथुरेश्वरः

divyamālyāṁbaradharo divyagaṁdhānulepanaḥ sarvābharaṇaśobhāṁgo yādṛśo māthureśvaraḥ

दिव्य माला-वस्त्र धारण किए, दिव्य सुगंध से अनुलिप्त, सभी आभूषणों से सुशोभित अंगों वाला — ठीक वैसा ही जैसा मथुरेश्वर था।

श्लोक 32 (padma.2.49.32)

भूत्वाथ तादृशो दैत्य उग्रसेनमयस्तदा । मायया परया युक्तो रूपलावण्यसंपदा

bhūtvātha tādṛśo daitya ugrasenamayastadā māyayā parayā yukto rūpalāvaṇyasaṁpadā

इस प्रकार वह दैत्य उग्रसेनमय होकर, परम माया से युक्त होकर, उसी रूप-लावण्य की संपदा से युक्त हो गया।

श्लोक 33 (padma.2.49.33)

पर्वताग्रे अशोकस्यच्छायामाश्रित्य संस्थितः । शिलातलस्थो दुष्टात्मा वीणादंडेन वीरकः

parvatāgre aśokasyacchāyāmāśritya saṁsthitaḥ śilātalastho duṣṭātmā vīṇādaṁḍena vīrakaḥ

वह पर्वत के शिखर पर अशोक वृक्ष की छाया का आश्रय लेकर बैठ गया; वह दुष्टात्मा शिला पर बैठकर वीणा-दंड लिए हुए था।

श्लोक 34 (padma.2.49.34)

सुस्वरं गायमानस्तु गीतं विश्वप्रमोहनम् । तालमानक्रियोपेतं सप्तस्वरविभूषितम्

susvaraṁ gāyamānastu gītaṁ viśvapramohanam tālamānakriyopetaṁ saptasvaravibhūṣitam

वह मधुर स्वर में एक ऐसा गीत गाने लगा जो सारे संसार को मोहित करने वाला था, ताल-मान से युक्त तथा सातों स्वरों से अलंकृत।

श्लोक 35 (padma.2.49.35)

गीतं गायति दुष्टात्मा तस्या रूपेण मोहितः । पर्वताग्रे स्थितो विप्र हर्षेण महतान्वितः

gītaṁ gāyati duṣṭātmā tasyā rūpeṇa mohitaḥ parvatāgre sthito vipra harṣeṇa mahatānvitaḥ

वह दुष्टात्मा उसके रूप से मोहित होकर, हे विप्र! पर्वत के शिखर पर खड़ा होकर, अत्यंत हर्षित होकर गीत गाने लगा।

श्लोक 36 (padma.2.49.36)

सखीमध्यगता सा तु पद्मावती वरानना । शुश्रुवे सुस्वरं गीतं तालमानलयान्वितम्

sakhīmadhyagatā sā tu padmāvatī varānanā śuśruve susvaraṁ gītaṁ tālamānalayānvitam

अपनी सखियों के बीच बैठी वह वरानना पद्मावती ने ताल-मान-लय से युक्त उस मधुर गीत को सुना।

श्लोक 37 (padma.2.49.37)

कोऽयं गायति धर्मात्मा महत्सौख्यप्रदायकम् । गीतं हि सत्क्रियोपेतं सर्वभावसमन्वितम्

ko'yaṁ gāyati dharmātmā mahatsaukhyapradāyakam gītaṁ hi satkriyopetaṁ sarvabhāvasamanvitam

'यह कौन धर्मात्मा है जो इतना सुखदायक गीत गा रहा है, जो सत्-क्रिया से युक्त और सभी भावों से परिपूर्ण है?'

श्लोक 38 (padma.2.49.38)

सखीभिः सहिता गत्वा औत्सुक्येन नृपात्मजा । अशोकच्छायामाश्रित्य विमले सुशिलातले

sakhībhiḥ sahitā gatvā autsukyena nṛpātmajā aśokacchāyāmāśritya vimale suśilātale

उत्सुकतावश वह राजकुमारी अपनी सखियों सहित वहाँ गई, जहाँ अशोक की छाया में, स्वच्छ शिला पर —

श्लोक 39 (padma.2.49.39)

ददर्श भूपवेषेण गोभिलं दानवाधमम् । पुष्पमालांबरधरं दिव्यगंधानुलेपनम्

dadarśa bhūpaveṣeṇa gobhilaṁ dānavādhamam puṣpamālāṁbaradharaṁ divyagaṁdhānulepanam

—उसने राजरूप धारण किए हुए अधम दानव गोभिल को देखा, जो पुष्पमाला-वस्त्र पहने, दिव्य सुगंध से अनुलिप्त था।

श्लोक 40 (padma.2.49.40)

सर्वाभरणशोभांगं पद्मावती पतिव्रता । मथुरेशः समायातः कदा धर्मपरायणः

sarvābharaṇaśobhāṁgaṁ padmāvatī pativratā mathureśaḥ samāyātaḥ kadā dharmaparāyaṇaḥ

वह पतिव्रता पद्मावती उसे सभी आभूषणों से सुशोभित अंगों वाला देखकर सोचने लगी — 'वह धर्मपरायण मथुरेश्वर यहाँ कब आ पहुँचे?'

श्लोक 41 (padma.2.49.41)

मम नाथो महात्मा वै राज्यं त्यक्त्वा प्रदूरतः । यावद्धि चिंतयेत्सा च तावत्पापेन तेन सा

mama nātho mahātmā vai rājyaṁ tyaktvā pradūrataḥ yāvaddhi ciṁtayetsā ca tāvatpāpena tena sā

'क्या मेरे महात्मा स्वामी अपने राज्य को इतनी दूर छोड़कर यहाँ आए हैं?' वह अभी यही सोच ही रही थी कि उस पापी ने —

श्लोक 42 (padma.2.49.42)

समाहूता तुरीभूय एहि त्वं हि प्रिये मम । चकिताशंकितासाचकथंभर्त्तासमागतः

samāhūtā turībhūya ehi tvaṁ hi priye mama cakitāśaṁkitāsācakathaṁbharttāsamāgataḥ

—उसे तत्काल पुकारा — 'हे मेरी प्रिये! आओ।' चकित और आशंकित होकर उसने सोचा — 'मेरे पति यहाँ कैसे आ गए?'

श्लोक 43 (padma.2.49.43)

लज्जिता दुःखिता जाता अधःकृत्वा ततो मुखम् । अहं पापा दुराचारा निःशंका परिवर्तिता

lajjitā duḥkhitā jātā adhaḥkṛtvā tato mukham ahaṁ pāpā durācārā niḥśaṁkā parivartitā

वह लज्जित और दुःखी हो गई, अपना मुख नीचे कर लिया, सोचने लगी — 'मैं पापिनी, दुराचारिणी, यहाँ इतने निःशंक भाव से घूमती रही।'

श्लोक 44 (padma.2.49.44)

कोपमेवं महाभागः करिष्यति न संशयः । यावद्धि चिंतयेत्सा च तावत्तेनापि पापिना

kopamevaṁ mahābhāgaḥ kariṣyati na saṁśayaḥ yāvaddhi ciṁtayetsā ca tāvattenāpi pāpinā

'वह महाभाग निश्चय ही मुझसे क्रुद्ध होंगे।' वह यही सोच ही रही थी कि उस पापी ने —

श्लोक 45 (padma.2.49.45)

समाहूता तुरीभूय एह्येहि त्वं मम प्रिये । त्वया विना कृतो देवि प्राणान्धर्तुं वरानने

samāhūtā turībhūya ehyehi tvaṁ mama priye tvayā vinā kṛto devi prāṇāndhartuṁ varānane

—उसे पुनः तत्काल बुलाया — 'आओ, आओ, हे मेरी प्रिये! हे देवि! हे वरानने! तुम्हारे बिना मैं अपने प्राणों को धारण भी नहीं कर सका।'

श्लोक 46 (padma.2.49.46)

न हि शक्नोम्यहं कांते जीवितं प्रियमेव च । तव स्नेहेन लुब्धोस्मि त्वां त्यक्त्वा नोत्सहे भृशम्

na hi śaknomyahaṁ kāṁte jīvitaṁ priyameva ca tava snehena lubdhosmi tvāṁ tyaktvā notsahe bhṛśam

'हे कांते! मैं जीवन को, किसी भी प्रिय वस्तु को सहन नहीं कर सकता। तुम्हारे स्नेह का मैं लोभी हूँ; तुम्हें छोड़कर मैं अत्यंत असमर्थ हो गया था।'

श्लोक 47 (padma.2.49.47)

ब्राह्मण्युवाच- एवमुक्ता गतापश्यत्सुमुखं लज्जयान्विता । समालिंग्य ततो दैत्यः सतीं पद्मावतीं तदा

brāhmaṇyuvāca- evamuktā gatāpaśyatsumukhaṁ lajjayānvitā samāliṁgya tato daityaḥ satīṁ padmāvatīṁ tadā

ब्राह्मणी ने कहा — इस प्रकार संबोधित होकर वह लज्जायुक्त होकर उसके सुंदर मुख की ओर देखते हुए गई; तब उस दैत्य ने सती पद्मावती का आलिंगन किया।

श्लोक 48 (padma.2.49.48)

एकांतं तु समानीता सुभुक्ता इच्छया ततः । दैत्येन गोभिलेनापि सत्यकेतोः सुता तदा

ekāṁtaṁ tu samānītā subhuktā icchayā tataḥ daityena gobhilenāpi satyaketoḥ sutā tadā

उसे एकांत स्थान में ले जाकर, सत्यकेतु की पुत्री को दैत्य गोभिल ने उसकी सहमति से अपनाया।

श्लोक 49 (padma.2.49.49)

सुकलोवाच- मुष्कस्थानेस्य संकेतं नाविंदत वरानना । स्ववस्त्रं सा परिगृह्य शंकिता दुःखिता ह्यभूत्

sukalovāca- muṣkasthānesya saṁketaṁ nāviṁdata varānanā svavastraṁ sā parigṛhya śaṁkitā duḥkhitā hyabhūt

सुकल ने कहा — किंतु उस वरानना को उसके गुह्य अंग पर वह पहचान-चिह्न नहीं मिला जिसे वह जानती थी; अपने वस्त्र समेटकर वह शंकित और दुःखी हो उठी।

श्लोक 50 (padma.2.49.50)

सा सक्रोधा वचः प्राह गोभिलं दानवाधमम् । कस्त्वं पापसमाचारो निर्घृणो दानवाकृतिः

sā sakrodhā vacaḥ prāha gobhilaṁ dānavādhamam kastvaṁ pāpasamācāro nirghṛṇo dānavākṛtiḥ

क्रोध से भरकर उसने उस अधम दानव गोभिल से कहा — 'तुम कौन हो, पाप-आचरण वाले, निर्दय, दानव-स्वरूप?'

श्लोक 51 (padma.2.49.51)

शप्तुकामा समुद्युक्ता दुःखेनाकुलितेक्षणा । वेपमाना तदा राजन्दुःखभारेण पीडिता

śaptukāmā samudyuktā duḥkhenākulitekṣaṇā vepamānā tadā rājanduḥkhabhāreṇa pīḍitā

उसे शाप देने का निश्चय कर, दुःख से व्याकुल नेत्रों वाली, हे राजन्! दुःख के भार से पीड़ित और काँपती हुई वह —

श्लोक 52 (padma.2.49.52)

मम कांतच्छलेनैव त्वयागत्य दुरात्मवन् । नाशितं धर्ममेवाग्र्यं पातिव्रत्यमनुत्तमम्

mama kāṁtacchalenaiva tvayāgatya durātmavan nāśitaṁ dharmamevāgryaṁ pātivratyamanuttamam

'हे दुरात्मन्! मेरे पति के छल से यहाँ आकर तुमने मेरे सर्वोपरि धर्म, मेरे अनुपम पातिव्रत्य को नष्ट कर दिया है।'

श्लोक 53 (padma.2.49.53)

सुस्वरं रुदितं कृत्वा मम जन्म त्वया हृतम् । पश्य मे बलमत्रैव शापं दास्ये सुदारुणम्

susvaraṁ ruditaṁ kṛtvā mama janma tvayā hṛtam paśya me balamatraiva śāpaṁ dāsye sudāruṇam

फूट-फूटकर रोते हुए उसने कहा — 'तुमने मेरे जन्म को ही हर लिया। मेरा बल देखो — मैं यहीं तुम्हें अत्यंत भयंकर शाप दूँगी।'

श्लोक 54 (padma.2.49.54)

एवं संभाषमाणा तं शप्तुकामा तु गोभिलम्

evaṁ saṁbhāṣamāṇā taṁ śaptukāmā tu gobhilam

इस प्रकार कहते हुए, गोभिल को शाप देने के लिए तत्पर होकर —