कंस-जन्म और सुदेवा की वापसी

श्लोक 1 (padma.2.51.1)

ब्राह्मण्युवाच- गते तस्मिन्दुराचारे गोभिले पापचेतसि । पद्मावती रुरोदाथ दुःखेन महतान्विता

brāhmaṇyuvāca- gate tasmindurācāre gobhile pāpacetasi padmāvatī rurodātha duḥkhena mahatānvitā

ब्राह्मणी ने कहा — जब वह दुराचारी, पापचित्त गोभिल चला गया, तो पद्मावती महान दुःख से युक्त होकर रोने लगी।

श्लोक 2 (padma.2.51.2)

तस्यास्तु रुदितं श्रुत्वा सख्यः सर्वा द्विजोत्तम । पप्रच्छुस्तां राजकन्यां ताः सर्वाश्च वराननाः

tasyāstu ruditaṁ śrutvā sakhyaḥ sarvā dvijottama papracchustāṁ rājakanyāṁ tāḥ sarvāśca varānanāḥ

हे द्विजोत्तम! उसका रुदन सुनकर उसकी सभी सखियाँ, वे वरानना, उस राजकन्या से पूछने लगीं।

श्लोक 3 (padma.2.51.3)

कस्माद्रोदिषि भद्रं ते कथयस्व हि चेष्टितम् । क्व गतोऽसौ महाराजो माथुराधिपतिस्तव

kasmādrodiṣi bhadraṁ te kathayasva hi ceṣṭitam kva gato'sau mahārājo māthurādhipatistava

'तुम क्यों रो रही हो, हे भद्रे? हमें अपनी बात बताओ। तुम्हारे वे महाराज, मथुराधिपति, कहाँ गए?'

श्लोक 4 (padma.2.51.4)

येन त्वं हि समाहूता प्रियेत्युक्त्वा वदस्व नः । ता उवाच सुदुःखेन रोदमाना पुनः पुनः

yena tvaṁ hi samāhūtā priyetyuktvā vadasva naḥ tā uvāca suduḥkhena rodamānā punaḥ punaḥ

'—जिसने तुम्हें "प्रिये" कहकर पुकारा था — हमें उसके विषय में बताओ।' वह अत्यंत दुःख से बार-बार रोते हुए उनसे बोली।

श्लोक 5 (padma.2.51.5)

तया आवेदितं सर्वं यज्जातं दोषसंभवम् । ताभिर्नीता पितुर्गेहं वेपमाना सुदुःखिता

tayā āveditaṁ sarvaṁ yajjātaṁ doṣasaṁbhavam tābhirnītā piturgehaṁ vepamānā suduḥkhitā

उसने उन्हें वह सब कुछ बता दिया जो हुआ था, वह पाप-प्रसंग; और वे उसे काँपती हुई, अत्यंत दुःखी अवस्था में पिता के घर ले गईं।

श्लोक 6 (padma.2.51.6)

मातुः समक्षं तस्यास्तु आचचक्षुस्तदा स्त्रियः । समाकर्ण्य ततो देवी गता सा भर्तृमंदिरम्

mātuḥ samakṣaṁ tasyāstu ācacakṣustadā striyaḥ samākarṇya tato devī gatā sā bhartṛmaṁdiram

उन स्त्रियों ने उसकी माता के सामने सब कुछ बता दिया; यह सुनकर वह रानी अपने पति के महल में गई।

श्लोक 7 (padma.2.51.7)

भर्तारं श्रावयामास सुतावृत्तांतमेव हि । समाकर्ण्य ततो राजा महादुःखी अजायत

bhartāraṁ śrāvayāmāsa sutāvṛttāṁtameva hi samākarṇya tato rājā mahāduḥkhī ajāyata

उसने अपने पति को अपनी पुत्री का सारा वृत्तांत सुनाया; यह सुनकर राजा अत्यंत दुःखी हो गया।

श्लोक 8 (padma.2.51.8)

यानाच्छादनकं दत्वा परिवारसमन्विताम् । मथुरां प्रेषयामास गता सा प्रियमंदिरम्

yānācchādanakaṁ datvā parivārasamanvitām mathurāṁ preṣayāmāsa gatā sā priyamaṁdiram

उसे वाहन और वस्त्र देकर, परिवार सहित उसे मथुरा भेज दिया गया; और वह अपने प्रिय के घर गई।

श्लोक 9 (padma.2.51.9)

सुतादोषं समाच्छाद्य पितामाता द्विजोत्तम । उग्रसेनस्तु धर्मात्मा पद्मावतीं समागताम्

sutādoṣaṁ samācchādya pitāmātā dvijottama ugrasenastu dharmātmā padmāvatīṁ samāgatām

हे द्विजोत्तम! माता-पिता ने अपनी पुत्री के दोष को छिपा दिया; और जब पद्मावती वहाँ आ पहुँची तो धर्मात्मा उग्रसेन —

श्लोक 10 (padma.2.51.10)

स दृष्ट्वा मुमुदे चाशु उवाचेदं वचः पुनः । त्वया विना न शक्तोस्मि जीवितुं हि वरानने

sa dṛṣṭvā mumude cāśu uvācedaṁ vacaḥ punaḥ tvayā vinā na śaktosmi jīvituṁ hi varānane

—उसे देखते ही तुरंत हर्षित हो उठे और पुनः यह वचन कहा — 'हे वरानने! तुम्हारे बिना मैं जीवित नहीं रह सकता।'

श्लोक 11 (padma.2.51.11)

बहुप्रभासि मे प्रीता गुणशीलैस्तु सर्वदा । भक्त्या सत्येन ते कांते पतिदैवत्यकैर्गुणैः

bahuprabhāsi me prītā guṇaśīlaistu sarvadā bhaktyā satyena te kāṁte patidaivatyakairguṇaiḥ

'तुम अपने अनेक गुणों और शील से सदा मुझे प्रिय रही हो; अपनी भक्ति, सत्य और हे कांते! पतिदेवत्व के गुणों से भी।'

श्लोक 12 (padma.2.51.12)

समाभाष्य प्रियां भार्यां पद्मावतीं नरेश्वरः । तया सार्धं स वै रेमे उग्रसेनो नृपोत्तमः

samābhāṣya priyāṁ bhāryāṁ padmāvatīṁ nareśvaraḥ tayā sārdhaṁ sa vai reme ugraseno nṛpottamaḥ

अपनी प्रिय पत्नी पद्मावती से इस प्रकार बात कर, वह नरेश्वर उग्रसेन, नृपोत्तम, फिर से उसके साथ सुखपूर्वक रहने लगा।

श्लोक 13 (padma.2.51.13)

ववृधे दारुणो गर्भः सर्वलोकभयप्रदः । पद्मावती विजानाति तस्य गर्भस्य कारणम्

vavṛdhe dāruṇo garbhaḥ sarvalokabhayapradaḥ padmāvatī vijānāti tasya garbhasya kāraṇam

वह भयंकर गर्भ बढ़ने लगा, जो सभी लोकों के लिए भय उत्पन्न करने वाला था; पद्मावती ही उस गर्भ का कारण जानती थी।

श्लोक 14 (padma.2.51.14)

स्वोदरे वर्द्धमानस्य चिंतयंती दिवानिशम् । अनेन किमु जातेन लोकनाशकरेण वै

svodare varddhamānasya ciṁtayaṁtī divāniśam anena kimu jātena lokanāśakareṇa vai

अपने गर्भ में बढ़ते हुए उसके विषय में दिन-रात सोचती हुई वह सोचती — 'इस लोक-विनाशकारी के जन्म से क्या लाभ?'

श्लोक 15 (padma.2.51.15)

अनेनापि न मे कार्यं दुष्टपुत्रेण सांप्रतम् । औषधीं पृच्छते सा तु गर्भपातस्य सर्वतः

anenāpi na me kāryaṁ duṣṭaputreṇa sāṁpratam auṣadhīṁ pṛcchate sā tu garbhapātasya sarvataḥ

'मुझे अब इस दुष्ट पुत्र से कोई प्रयोजन नहीं है।' वह सर्वत्र गर्भपात के लिए औषधि खोजने लगी।

श्लोक 16 (padma.2.51.16)

नारी महौषधीं सा हि विंदंती च दिने दिने । गर्भस्य पातनायैव उपाया बहुशः कृताः

nārī mahauṣadhīṁ sā hi viṁdaṁtī ca dine dine garbhasya pātanāyaiva upāyā bahuśaḥ kṛtāḥ

वह स्त्री प्रतिदिन महौषधियाँ खोजती रही; गर्भ को गिराने के लिए उसने अनेक उपाय किए।

श्लोक 17 (padma.2.51.17)

ववृधे दारुणो गर्भः सर्वलोकभयंकरः । तामुवाच ततो गर्भः पद्मावतीं च मातरम्

vavṛdhe dāruṇo garbhaḥ sarvalokabhayaṁkaraḥ tāmuvāca tato garbhaḥ padmāvatīṁ ca mātaram

फिर भी वह भयंकर गर्भ, समस्त लोकों के लिए भयकारक, बढ़ता ही रहा; तब उस गर्भ ने अपनी माता पद्मावती से कहा —

श्लोक 18 (padma.2.51.18)

कस्मात्त्वं व्यथसे मातरौषधीभिर्दिनेदिने । पुण्येन वर्द्धते चायुः पापेनाल्पं तु जीवितम्

kasmāttvaṁ vyathase mātarauṣadhībhirdinedine puṇyena varddhate cāyuḥ pāpenālpaṁ tu jīvitam

'—"हे माता! तुम प्रतिदिन इन औषधियों से स्वयं को क्यों कष्ट देती हो? पुण्य से आयु बढ़ती है, और पाप से जीवन अल्प हो जाता है।"'

श्लोक 19 (padma.2.51.19)

आत्मकर्मविपाकेन जीवंति च म्रियंति च । आमगर्भाः प्रयांत्यन्ये अपक्वास्तु महीतले

ātmakarmavipākena jīvaṁti ca mriyaṁti ca āmagarbhāḥ prayāṁtyanye apakvāstu mahītale

'"अपने ही कर्मों के फल से प्राणी जीते हैं और मरते हैं। कुछ अपरिपक्व गर्भ के रूप में ही इस पृथ्वी पर चले जाते हैं।"'

श्लोक 20 (padma.2.51.20)

जातमात्रा म्रियंतेऽन्ये कति ते यौवनान्विताः । बाला वृद्धाश्च तरुणा आयुषोवशतां गताः

jātamātrā mriyaṁte'nye kati te yauvanānvitāḥ bālā vṛddhāśca taruṇā āyuṣovaśatāṁ gatāḥ

'"कुछ अन्य जन्म लेते ही मर जाते हैं; कितने ही यौवन में मरते हैं। बालक, वृद्ध और तरुण — सभी अपनी-अपनी आयु के अधीन होते हैं।"'

श्लोक 21 (padma.2.51.21)

सर्वे कर्मविपाकेन जीवंति च म्रियंति च । ओषध्यो मंत्रदेवाश्च निमित्ताः स्युर्न संशयः

sarve karmavipākena jīvaṁti ca mriyaṁti ca oṣadhyo maṁtradevāśca nimittāḥ syurna saṁśayaḥ

'"सभी प्राणी कर्मों के फल से ही जीते और मरते हैं; औषधियाँ, मंत्र और देवता तो निःसंदेह केवल निमित्त मात्र होते हैं।"'

श्लोक 22 (padma.2.51.22)

मामेव हि न जानासि भवती यादृशो ह्यहम् । दृष्टः श्रुतस्त्वया पूर्वं कालनेमिर्महाबलः

māmeva hi na jānāsi bhavatī yādṛśo hyaham dṛṣṭaḥ śrutastvayā pūrvaṁ kālanemirmahābalaḥ

'"तुम मुझे नहीं जानतीं कि मैं वास्तव में कौन हूँ। क्या तुमने पहले महाबली कालनेमि के विषय में सुना या जाना नहीं है?"'

श्लोक 23 (padma.2.51.23)

दानवानां महावीर्यस्त्रैलोक्यस्य भयप्रदः । देवासुरे महायुद्धे हतोहं विष्णुना पुरा

dānavānāṁ mahāvīryastrailokyasya bhayapradaḥ devāsure mahāyuddhe hatohaṁ viṣṇunā purā

'"—दानवों में महावीर्यशाली, त्रैलोक्य को भय देने वाला। देव-असुर के महायुद्ध में विष्णु द्वारा मैं पूर्वकाल में मारा गया था।"'

श्लोक 24 (padma.2.51.24)

साधयितुं च तद्वैरमागतोऽस्मि तवोदरम् । साहसं च श्रमं मातर्मा कुरुष्व दिन दिने

sādhayituṁ ca tadvairamāgato'smi tavodaram sāhasaṁ ca śramaṁ mātarmā kuruṣva dina dine

'"उसी वैर को साधने के लिए मैं तुम्हारे गर्भ में आया हूँ। हे माता! प्रतिदिन इतना परिश्रम और साहस मत करो।"'

श्लोक 25 (padma.2.51.25)

एवमुक्त्वा द्विजश्रेष्ठ मातरं विरराम सः । मातोद्यमं परित्यज्य महादुःखादभूत्तदा

evamuktvā dvijaśreṣṭha mātaraṁ virarāma saḥ mātodyamaṁ parityajya mahāduḥkhādabhūttadā

हे द्विजश्रेष्ठ! ऐसा कहकर वह अपनी माता के सामने चुप हो गया; और माता उस प्रयास को छोड़कर तब महान दुःख में डूब गई।

श्लोक 26 (padma.2.51.26)

दशाब्दाश्च गता यावत्तावद्वृद्धिमवाप्तवान् । पश्चाज्जज्ञे महातेजाः कंसोभूत्स महाबलः

daśābdāśca gatā yāvattāvadvṛddhimavāptavān paścājjajñe mahātejāḥ kaṁsobhūtsa mahābalaḥ

जब तक दस वर्ष बीत गए, तब तक वह बढ़ता रहा; और तत्पश्चात् उत्पन्न होकर वह महातेजस्वी, महाबली कंस बना।

श्लोक 27 (padma.2.51.27)

येन संत्रासिता लोकास्त्रैलोक्यस्य निवासिनः । यो हतो वासुदेवेन गतो मोक्षं न संशयः

yena saṁtrāsitā lokāstrailokyasya nivāsinaḥ yo hato vāsudevena gato mokṣaṁ na saṁśayaḥ

जिसने त्रैलोक्य के निवासियों को भयभीत किया, और जो वासुदेव के पुत्र द्वारा मारा जाकर निःसंदेह मोक्ष को प्राप्त हुआ।

श्लोक 28 (padma.2.51.28)

एवं श्रुतं मया कांत भविष्यं तु भविष्यति । पुराणेष्वेव सर्वेषु निश्चितं कथितं तव

evaṁ śrutaṁ mayā kāṁta bhaviṣyaṁ tu bhaviṣyati purāṇeṣveva sarveṣu niścitaṁ kathitaṁ tava

'हे कांत! इस प्रकार मैंने सुना है — जो होनहार है वह अवश्य होगा ही; यह सभी पुराणों में निश्चित रूप से तुमसे कहा गया है।'

श्लोक 29 (padma.2.51.29)

पितृगेहेस्थिता कन्या नाशमेवं प्रयाति सा । गृहावासाय मे कांत कन्या मोहं न कारयेत्

pitṛgehesthitā kanyā nāśamevaṁ prayāti sā gṛhāvāsāya me kāṁta kanyā mohaṁ na kārayet

'पिता के घर में रहने वाली कन्या इसी प्रकार नाश को प्राप्त होती है। इसलिए हे कांत! हमारी कन्या घर में रहने का मोह न करे।'

श्लोक 30 (padma.2.51.30)

इमां दुष्टां महापापां परित्यज्य स्थिरो भव । प्राप्तव्यं तु महापापं दुःखं दारुणमेव च

imāṁ duṣṭāṁ mahāpāpāṁ parityajya sthiro bhava prāptavyaṁ tu mahāpāpaṁ duḥkhaṁ dāruṇameva ca

'इस दुष्ट, महापापिनी कन्या को त्यागकर स्थिर रहिए। अन्यथा महापाप और भयंकर दुःख ही प्राप्त होगा।'

श्लोक 31 (padma.2.51.31)

लोके श्रेयःकरं कांत तद्भुंक्ष्व त्वं मया सह । शूकर्युवाच- एतद्वाक्यं सुमंत्रं तु श्रुत्वा स हि द्विजोत्तमः

loke śreyaḥkaraṁ kāṁta tadbhuṁkṣva tvaṁ mayā saha śūkaryuvāca- etadvākyaṁ sumaṁtraṁ tu śrutvā sa hi dvijottamaḥ

'हे कांत! इस लोक में जो कल्याणकारी है, उसका मेरे साथ उपभोग कीजिए।' शूकरी ने कहा — इस सुविचारित वचन को सुनकर वह द्विजोत्तम —

श्लोक 32 (padma.2.51.32)

त्यागे मतिं चकारासौ समाहूता ह्यहं तदा । सकलं वस्त्रशृंगारं मम दत्तं शुभे शृणु

tyāge matiṁ cakārāsau samāhūtā hyahaṁ tadā sakalaṁ vastraśṛṁgāraṁ mama dattaṁ śubhe śṛṇu

—मुझे त्यागने का निश्चय कर लिया; और मुझे तब बुलाया गया। हे शुभे! सुनो, मेरे सभी वस्त्र-शृंगार मुझे वापस दे दिए गए।

श्लोक 33 (padma.2.51.33)

तवैव दुर्नयैर्विप्रः शिवशर्मा द्विजोत्तमः । गतो वै मतिमान्दुष्टे कुलदुष्टप्रचारिणि

tavaiva durnayairvipraḥ śivaśarmā dvijottamaḥ gato vai matimānduṣṭe kuladuṣṭapracāriṇi

'"हे दुष्टे! हे कुल-कलंकिनी! तुम्हारे ही दुराचरण के कारण वह बुद्धिमान द्विजोत्तम विप्र शिवशर्मा चले गए हैं।"'

श्लोक 34 (padma.2.51.34)

यत्र ते तिष्ठते भर्ता तत्र गच्छ न संशयः । तव यद्रोचते स्थानं यथादिष्टं तथा कुरु

yatra te tiṣṭhate bhartā tatra gaccha na saṁśayaḥ tava yadrocate sthānaṁ yathādiṣṭaṁ tathā kuru

'"जहाँ भी तुम्हारे पति निवास करते हों, वहीं निःसंदेह जाओ। तुम्हें जो स्थान अच्छा लगे, वहाँ जैसा आदेश हो वैसा करो।"'

श्लोक 35 (padma.2.51.35)

एवमुक्त्वा महाभागे पितृमातृकुटुंबकैः । परित्यक्ता गता शीघ्रं निर्लज्जाहं वरानने

evamuktvā mahābhāge pitṛmātṛkuṭuṁbakaiḥ parityaktā gatā śīghraṁ nirlajjāhaṁ varānane

हे महाभागे! ऐसा कहकर, पिता-माता-कुटुंब द्वारा त्यागी गई, मैं निर्लज्जा शीघ्र ही वहाँ से चली गई, हे वरानने!

श्लोक 36 (padma.2.51.36)

न लभाम्यहमेवापि वासस्थानं सुखं शुभे । भर्त्सयंति च मां लोकाः पुंश्चलीयं समागता

na labhāmyahamevāpi vāsasthānaṁ sukhaṁ śubhe bhartsayaṁti ca māṁ lokāḥ puṁścalīyaṁ samāgatā

'हे शुभे! मुझे कहीं सुखपूर्वक ठहरने का स्थान भी नहीं मिला। लोग मुझे धिक्कारते थे — "यह पुंश्चली आ गई!"'

श्लोक 37 (padma.2.51.37)

अटमाना गता देशात्कुलमानेन वर्जिता । देशे गुर्जरके पुण्ये सौराष्ट्रे शिवमंदिरे

aṭamānā gatā deśātkulamānena varjitā deśe gurjarake puṇye saurāṣṭre śivamaṁdire

भटकती हुई, अपने कुल के सम्मान से रहित, मैं उस देश से निकल गई; पुण्यमय गुर्जर देश में, सौराष्ट्र में, एक शिव-मंदिर की ओर।

श्लोक 38 (padma.2.51.38)

वनस्थलेति विख्यातं नगरं वृद्धिसंकुलम् । अतीव पीडिता देवि क्षुधयाहं तदा शृणु

vanasthaleti vikhyātaṁ nagaraṁ vṛddhisaṁkulam atīva pīḍitā devi kṣudhayāhaṁ tadā śṛṇu

वहाँ वनस्थल नामक एक समृद्ध नगर था। हे देवी! सुनो, मैं तब अत्यंत भूख से पीड़ित थी।

श्लोक 39 (padma.2.51.39)

कर्परं हि करे गृह्य भिक्षार्थमुपचक्रमे । गृहिणां द्वारदेशेषु प्रविशामि सुदुःखिता

karparaṁ hi kare gṛhya bhikṣārthamupacakrame gṛhiṇāṁ dvāradeśeṣu praviśāmi suduḥkhitā

हाथ में भिक्षा-पात्र लेकर मैं भिक्षा माँगने निकली; अत्यंत दुःखी होकर मैं गृहस्थों के द्वार-द्वार जाने लगी।

श्लोक 40 (padma.2.51.40)

मम रूपं विपश्यंति लोकाः कुत्संति भामिनि । न ददंते च मे भिक्षां पापा चेयं समागता

mama rūpaṁ vipaśyaṁti lokāḥ kutsaṁti bhāmini na dadaṁte ca me bhikṣāṁ pāpā ceyaṁ samāgatā

'हे भामिनि! लोग मेरा रूप देखकर तिरस्कार करते थे — "यह पापिनी आ गई है!" और मुझे भिक्षा नहीं देते थे।'

श्लोक 41 (padma.2.51.41)

एवं दुःखसमाहारा दारिद्र्यपरिपीडिता । अटंत्या च मया दृष्टं गृहमेकमनुत्तमम्

evaṁ duḥkhasamāhārā dāridryaparipīḍitā aṭaṁtyā ca mayā dṛṣṭaṁ gṛhamekamanuttamam

इस प्रकार दुःख पर दुःख सहती, दरिद्रता से पीड़ित, भटकते हुए मैंने एक उत्तम घर देखा।

श्लोक 42 (padma.2.51.42)

तुंगप्राकारसंवेष्टं वेदशालासमन्वितम् । वेदध्वनिसमाकीर्णं बहुविप्रसमाकुलम्

tuṁgaprākārasaṁveṣṭaṁ vedaśālāsamanvitam vedadhvanisamākīrṇaṁ bahuviprasamākulam

ऊँची प्राचीर से घिरा हुआ, वेदशाला से युक्त, वेदध्वनि से गूँजता हुआ, अनेक विप्रों से भरा हुआ वह घर था।

श्लोक 43 (padma.2.51.43)

धनधान्यसमाकीर्णं दासीदासैरलंकृतम् । प्रविवेश गृहं रम्यं लक्ष्मीमुदितमेव तत्

dhanadhānyasamākīrṇaṁ dāsīdāsairalaṁkṛtam praviveśa gṛhaṁ ramyaṁ lakṣmīmuditameva tat

धन-धान्य से भरा हुआ, दासी-दासों से सुशोभित — मैं उस रमणीय, लक्ष्मी से शोभित घर में प्रविष्ट हुई।

श्लोक 44 (padma.2.51.44)

तद्गृहं सर्वतोभद्रं तस्यैव शिवशर्मणः । भिक्षां देहीत्युवाचाथ सुदेवा दुःखपीडिता

tadgṛhaṁ sarvatobhadraṁ tasyaiva śivaśarmaṇaḥ bhikṣāṁ dehītyuvācātha sudevā duḥkhapīḍitā

वह सर्वतोभद्र घर वास्तव में उसी शिवशर्मा का था। दुःख से पीड़ित सुदेवा ने कहा — 'मुझे भिक्षा दो।'

श्लोक 45 (padma.2.51.45)

शिवशर्माथ शुश्राव भिक्षाशब्दं द्विजोत्तमः । मंगलां नाम वै भार्यां लक्ष्मीरूपां वराननाम्

śivaśarmātha śuśrāva bhikṣāśabdaṁ dvijottamaḥ maṁgalāṁ nāma vai bhāryāṁ lakṣmīrūpāṁ varānanām

द्विजोत्तम शिवशर्मा ने भिक्षा की पुकार सुनी; उसकी पत्नी का नाम मंगला था, वह लक्ष्मी के समान रूपवती वरानना थी।

श्लोक 46 (padma.2.51.46)

तां हसन्प्राह धर्मात्मा शिवशर्मा महामतिः । इयं हि दुर्बला प्राप्ता भिक्षार्थं द्वारमागता

tāṁ hasanprāha dharmātmā śivaśarmā mahāmatiḥ iyaṁ hi durbalā prāptā bhikṣārthaṁ dvāramāgatā

मुस्कुराते हुए धर्मात्मा, महामति शिवशर्मा ने उससे कहा — 'यह दुर्बल स्त्री भिक्षा के लिए हमारे द्वार पर आई है।'

श्लोक 47 (padma.2.51.47)

समाहूय प्रिये चैनां देहि त्वं भोजनं शुभे । कृपया परयाविष्टा ज्ञात्वा मां तु समागताम्

samāhūya priye caināṁ dehi tvaṁ bhojanaṁ śubhe kṛpayā parayāviṣṭā jñātvā māṁ tu samāgatām

'हे प्रिये! इसे बुलाकर भोजन दो, हे शुभे!' परम कृपा से भरकर, यह जानकर कि मैं इस प्रकार आई हूँ —

श्लोक 48 (padma.2.51.48)

प्रोवाच मंगला कांतं दास्यामि प्रिय भोजनम् । एवमुक्त्वा च भर्तारं मंगला मंगलान्विता

provāca maṁgalā kāṁtaṁ dāsyāmi priya bhojanam evamuktvā ca bhartāraṁ maṁgalā maṁgalānvitā

—मंगला ने अपने पति से कहा — 'मैं इसे भोजन दूँगी, हे प्रिय।' अपने पति से यह कहकर वह मंगलमयी मंगला —

श्लोक 49 (padma.2.51.49)

पुनर्मां भोजयामास मिष्टान्नेन सुदुर्बलाम् । मामुवाच स धर्मात्मा शिवशर्मा महामुनिः

punarmāṁ bhojayāmāsa miṣṭānnena sudurbalām māmuvāca sa dharmātmā śivaśarmā mahāmuniḥ

—फिर उसने मुझ अत्यंत दुर्बल को मिष्ठान्न से भोजन कराया। तब उस धर्मात्मा महामुनि शिवशर्मा ने मुझसे कहा —

श्लोक 50 (padma.2.51.50)

का त्वमत्र समायाता कस्य वा भ्रमसे जगत् । केन कार्येण सर्वत्र कथयस्व ममाग्रतः

kā tvamatra samāyātā kasya vā bhramase jagat kena kāryeṇa sarvatra kathayasva mamāgrataḥ

'तुम कौन हो, जो यहाँ आई हो? तुम किसकी हो, जो इस संसार में इस प्रकार भटक रही हो? किस कारण से सर्वत्र भटक रही हो, मुझे स्पष्ट बताओ।'

श्लोक 51 (padma.2.51.51)

एवमाकर्ण्य तद्वाक्यं भर्तुश्चैव महात्मनः । स्वरेण लक्षितः कांतो मया वै पापया तदा

evamākarṇya tadvākyaṁ bhartuścaiva mahātmanaḥ svareṇa lakṣitaḥ kāṁto mayā vai pāpayā tadā

उस महात्मा — मेरे ही पति — के इन वचनों को सुनकर, मैंने, पापिनी ने, उनके स्वर से ही अपने प्रियतम को पहचान लिया।

श्लोक 52 (padma.2.51.52)

व्रीडयाधोमुखीजाता दृष्टो भर्ता यदा मया । मंगला चारुसर्वांगी भर्तारमिदमब्रवीत्

vrīḍayādhomukhījātā dṛṣṭo bhartā yadā mayā maṁgalā cārusarvāṁgī bhartāramidamabravīt

लज्जा से मैं अपना मुख नीचे कर बैठी, जब मैंने अपने पति को पहचाना; और सर्वांग-सुंदरी मंगला ने अपने पति से यह कहा —

श्लोक 53 (padma.2.51.53)

का चेयं हि समाचक्ष्व त्वां दृष्ट्वा हि विलज्जति । कथयस्व प्रसादेन का च एषा भविष्यति

kā ceyaṁ hi samācakṣva tvāṁ dṛṣṭvā hi vilajjati kathayasva prasādena kā ca eṣā bhaviṣyati

'बताइए, यह कौन है? आपको देखकर यह लज्जित हो रही है। कृपापूर्वक बताइए, यह कौन होगी?'