सुकल का देह-अनित्यता उपदेश

श्लोक 1 (padma.2.53.1)

सुकलोवाच- एवं धर्मं श्रुतं पूर्वं पुराणेषु तदा मया । पतिहीना कथं भोगं करिष्ये पापनिश्चया

sukalovāca- evaṁ dharmaṁ śrutaṁ pūrvaṁ purāṇeṣu tadā mayā patihīnā kathaṁ bhogaṁ kariṣye pāpaniścayā

सुकल ने कहा — इस प्रकार का यह धर्म मैंने पूर्वकाल में पुराणों में सुना था। पति से रहित होकर मैं, पाप में निश्चित होकर, भला भोग कैसे करूँ?

श्लोक 2 (padma.2.53.2)

कांतेन तु विना तेन जीवं काये न धारये । विष्णुरुवाच- एवमुक्त्वा परं धर्मं पतिव्रतमनुत्तमम्

kāṁtena tu vinā tena jīvaṁ kāye na dhāraye viṣṇuruvāca- evamuktvā paraṁ dharmaṁ pativratamanuttamam

'उस प्रियतम के बिना मैं इस शरीर में प्राण धारण नहीं करूँगी।' विष्णु ने कहा — इस प्रकार परम, अनुपम पतिव्रत-धर्म कहकर —

श्लोक 3 (padma.2.53.3)

तास्तु सख्यो वरा नार्यो हर्षेण महतान्विताः । श्रुत्वा धर्मं परं पुण्यं नारीणां गतिदायकम्

tāstu sakhyo varā nāryo harṣeṇa mahatānvitāḥ śrutvā dharmaṁ paraṁ puṇyaṁ nārīṇāṁ gatidāyakam

—उसकी सखियाँ, वे श्रेष्ठ स्त्रियाँ, अत्यंत हर्ष से भरकर, स्त्रियों को गति देने वाले उस परम पुण्य धर्म को सुनकर —

श्लोक 4 (padma.2.53.4)

स्तुवंति तां महाभागां सुकलां धर्मवत्सलाम् । ब्राह्मणाश्च सुराः सर्वे पुण्यस्त्रियो नरोत्तम

stuvaṁti tāṁ mahābhāgāṁ sukalāṁ dharmavatsalām brāhmaṇāśca surāḥ sarve puṇyastriyo narottama

—उस महाभागा, धर्मवत्सला सुकल की प्रशंसा करने लगीं; और हे नरोत्तम! ब्राह्मण, समस्त देवता तथा पुण्यशील स्त्रियाँ भी —

श्लोक 5 (padma.2.53.5)

तस्या ध्यानं प्रकुर्वंति पतिकामप्रभावतः । अत्यर्थं दृढतामिंद्र सुःविचिंत्य सुरेश्वरः

tasyā dhyānaṁ prakurvaṁti patikāmaprabhāvataḥ atyarthaṁ dṛḍhatāmiṁdra suḥviciṁtya sureśvaraḥ

—उसके पति-प्रेम के प्रभाव के कारण उसका ध्यान करने लगे। इंद्र, देवताओं के स्वामी, उसकी अत्यंत दृढ़ता पर गहन विचार कर —

श्लोक 6 (padma.2.53.6)

सुकलायाः परं भावं सुविचार्यामरेश्वरः । चालये धैर्यमस्याश्च पतिस्नेहं न संशयः

sukalāyāḥ paraṁ bhāvaṁ suvicāryāmareśvaraḥ cālaye dhairyamasyāśca patisnehaṁ na saṁśayaḥ

—अमरेश्वर ने सुकल के इस उत्कृष्ट भाव पर भलीभाँति विचार कर सोचा — 'मैं इसके धैर्य और पति-स्नेह को अवश्य ही डिगाऊँगा।'

श्लोक 7 (padma.2.53.7)

सस्मार मन्मथं देवं त्वरमाणः सुराधिपः । पुष्पचापं स संगृह्य मीनकेतुः समागतः

sasmāra manmathaṁ devaṁ tvaramāṇaḥ surādhipaḥ puṣpacāpaṁ sa saṁgṛhya mīnaketuḥ samāgataḥ

देवताओं के अधिपति ने शीघ्रता से मन्मथ देव का स्मरण किया; और मीनकेतु (कामदेव) पुष्प-धनुष लेकर वहाँ आ पहुँचे।

श्लोक 8 (padma.2.53.8)

प्रियया च तया युक्तो रत्या दृष्टमहाबलः । बद्धांजलिपुटो भूत्वा सहस्राक्षमुवाच सः

priyayā ca tayā yukto ratyā dṛṣṭamahābalaḥ baddhāṁjalipuṭo bhūtvā sahasrākṣamuvāca saḥ

अपनी प्रिया रति के साथ, वह महाबली वहाँ आया; और हाथ जोड़कर उसने सहस्राक्ष इंद्र से कहा —

श्लोक 9 (padma.2.53.9)

कस्मादहं त्वया नाथ अधुना संस्मृतो विभो । आदेशो दीयतां मेद्य सर्वभावेन मानद

kasmādahaṁ tvayā nātha adhunā saṁsmṛto vibho ādeśo dīyatāṁ medya sarvabhāvena mānada

'—"हे नाथ! हे विभो! आपने अभी मुझे किस कारण से स्मरण किया है? हे मानद! मुझे आज्ञा दीजिए, मैं सर्वभाव से तत्पर हूँ।"'

श्लोक 10 (padma.2.53.10)

इंद्र उवाच- सुकलेयं महाभागा पतिव्रतपरायणा । शृणुष्व कामदेव त्वं कुरु साहाय्यमुत्तमम्

iṁdra uvāca- sukaleyaṁ mahābhāgā pativrataparāyaṇā śṛṇuṣva kāmadeva tvaṁ kuru sāhāyyamuttamam

इंद्र ने कहा — 'यह सुकल एक महाभागा, पतिव्रत-परायणा स्त्री है। हे कामदेव! सुनो, तुम मुझे उत्तम सहायता दो।'

श्लोक 11 (padma.2.53.11)

निष्कर्षय महाभागां सुकलां पुण्यमंगलाम् । तच्छ्रुत्वा वचनं तस्य शक्रस्य तमथाब्रवीत्

niṣkarṣaya mahābhāgāṁ sukalāṁ puṇyamaṁgalām tacchrutvā vacanaṁ tasya śakrasya tamathābravīt

'उस महाभागा, परम पुण्यमंगला सुकल की परीक्षा लो।' शक्र के इस वचन को सुनकर उसने उनसे कहा —

श्लोक 12 (padma.2.53.12)

एवमस्तु सहस्राक्ष करिष्यामि न संशयः । साहाय्यं देवदेवेश तव कौतुककारणात्

evamastu sahasrākṣa kariṣyāmi na saṁśayaḥ sāhāyyaṁ devadeveśa tava kautukakāraṇāt

'हे सहस्राक्ष! ऐसा ही होगा, मैं निःसंदेह यह करूँगा। हे देवदेवेश! आपकी जिज्ञासा के कारण मैं सहायता करूँगा।'

श्लोक 13 (padma.2.53.13)

एवमुक्त्वा महातेजाः कंदर्पो मुनिदुर्जयः । देवाञ्जेतुं समर्थोऽहं समुनीनृषिसत्तमान्

evamuktvā mahātejāḥ kaṁdarpo munidurjayaḥ devāñjetuṁ samartho'haṁ samunīnṛṣisattamān

ऐसा कहकर वह महातेजस्वी, मुनियों द्वारा भी अजेय कंदर्प (कामदेव) बोला — 'मैं देवताओं को तथा मुनि-ऋषि-श्रेष्ठों को भी जीतने में समर्थ हूँ।'

श्लोक 14 (padma.2.53.14)

किं पुनः कामिनीं देव यस्या अंगे न वै बलम् । कामिनीनामहं देव अंगेषु निवसाम्यहम्

kiṁ punaḥ kāminīṁ deva yasyā aṁge na vai balam kāminīnāmahaṁ deva aṁgeṣu nivasāmyaham

'फिर हे देव! उस स्त्री की तो बात ही क्या, जिसके अंगों में तो कोई बल है ही नहीं। हे देव! मैं तो स्त्रियों के अंगों में ही निवास करता हूँ।'

श्लोक 15 (padma.2.53.15)

भाले कुचेषु नेत्रेषु कचाग्रेषु च सर्वदा । नाभौ कट्यां पृष्ठदेशे जघने योनिमंडले

bhāle kuceṣu netreṣu kacāgreṣu ca sarvadā nābhau kaṭyāṁ pṛṣṭhadeśe jaghane yonimaṁḍale

'—सदा माथे में, स्तनों में, नेत्रों में, केशों के अग्र भाग में; नाभि में, कटि में, पीठ में, जघन में, योनि-मंडल में —'

श्लोक 16 (padma.2.53.16)

अधरे दंतभागेषु कक्षायां हि न संशयः । अंगेष्वेवं प्रत्यंगेषु सर्वत्र निवसाम्यहम्

adhare daṁtabhāgeṣu kakṣāyāṁ hi na saṁśayaḥ aṁgeṣvevaṁ pratyaṁgeṣu sarvatra nivasāmyaham

'—अधर में, दंत-पंक्तियों में, तथा कक्ष में भी, इसमें संदेह नहीं — इस प्रकार सभी अंगों और प्रत्यंगों में सर्वत्र मैं निवास करता हूँ।'

श्लोक 17 (padma.2.53.17)

नारी मम गृहं देव सदा तत्र वसाम्यहम् । तत्रस्थः पुरुषान्सर्वान्मारयामि न संशयः

nārī mama gṛhaṁ deva sadā tatra vasāmyaham tatrasthaḥ puruṣānsarvānmārayāmi na saṁśayaḥ

'हे देव! स्त्री मेरा घर है, मैं सदा वहीं निवास करता हूँ। वहीं स्थित होकर मैं समस्त पुरुषों को मार डालता हूँ, इसमें संदेह नहीं।'

श्लोक 18 (padma.2.53.18)

स्वभावेनाबलादेव संतप्ता मम मार्गणैः । पितरं मातरं दृष्ट्वा अन्यं स्वजनबांधवम्

svabhāvenābalādeva saṁtaptā mama mārgaṇaiḥ pitaraṁ mātaraṁ dṛṣṭvā anyaṁ svajanabāṁdhavam

'स्वभाव से अबला होते हुए भी, जब मेरे बाणों से संतप्त होती है, तो वह पिता, माता या अन्य किसी स्वजन-बंधु की परवाह किए बिना —'

श्लोक 19 (padma.2.53.19)

सुरूपं सगुणं देव मम बाणा हता सती । चलते नात्र संदेहो विपाकं नैव चिंतयेत्

surūpaṁ saguṇaṁ deva mama bāṇā hatā satī calate nātra saṁdeho vipākaṁ naiva ciṁtayet

'—हे देव! सुरूपवती, सद्गुणी सती स्त्री भी मेरे बाणों से आहत होकर विचलित हो जाती है, इसमें संदेह नहीं, और परिणाम की चिंता नहीं करती।'

श्लोक 20 (padma.2.53.20)

योनिः स्पंदेत नारीणां स्तनाग्रौ च सुरेश्वर । नास्ति धैर्यं सुरेशान सुकलां नाशयाम्यहम्

yoniḥ spaṁdeta nārīṇāṁ stanāgrau ca sureśvara nāsti dhairyaṁ sureśāna sukalāṁ nāśayāmyaham

'हे सुरेश्वर! स्त्री की योनि तथा स्तनों के अग्रभाग स्पंदित हो उठते हैं — कोई धैर्य नहीं टिकता। हे सुरेशान! मैं सुकल के धैर्य को भी नष्ट कर दूँगा।'

श्लोक 21 (padma.2.53.21)

इंद्र उवाच- पुरुषोहं भविष्यामि रूपवान्गुणवान्धनी । कौतुकार्थमिमां नारीं चालयामि मनोभव

iṁdra uvāca- puruṣohaṁ bhaviṣyāmi rūpavānguṇavāndhanī kautukārthamimāṁ nārīṁ cālayāmi manobhava

इंद्र ने कहा — 'मैं स्वयं रूपवान्, गुणवान् और धनवान् पुरुष बनूँगा। हे मनोभव! जिज्ञासावश मैं इस स्त्री को डिगाऊँगा।'

श्लोक 22 (padma.2.53.22)

नैव कामान्न संत्रासान्न वा लोभान्न कारणात् । न वै मोहान्न वै क्रोधात्सत्यं सत्यं रतिप्रिय

naiva kāmānna saṁtrāsānna vā lobhānna kāraṇāt na vai mohānna vai krodhātsatyaṁ satyaṁ ratipriya

'न काम से, न भय से, न लोभ से, न किसी कारण से; न मोह से, न क्रोध से — हे रतिप्रिय! यह सत्य है, केवल सत्य है।'

श्लोक 23 (padma.2.53.23)

कथं मे दृश्यते तस्या महत्सत्यं पतिव्रतम् । निष्कर्षिष्य इतो गत्वा भवन्मोहोत्र कारणम्

kathaṁ me dṛśyate tasyā mahatsatyaṁ pativratam niṣkarṣiṣya ito gatvā bhavanmohotra kāraṇam

'मैं केवल यह देखना चाहता हूँ कि उसका पतिव्रत सत्य कितना महान है। यहाँ से जाकर मैं उसकी परीक्षा लूँगा — इसमें तुम्हारा मोह ही कारण होगा।'

श्लोक 24 (padma.2.53.24)

एवं कामं च संदिश्य जगाम सुरराट्स्वयम् । आत्मविकृतिसंभूतो रूपवान्गुणवान्स्वयम्

evaṁ kāmaṁ ca saṁdiśya jagāma surarāṭsvayam ātmavikṛtisaṁbhūto rūpavānguṇavānsvayam

इस प्रकार कामदेव को आदेश देकर देवराज इंद्र स्वयं चले गए, अपनी ही माया से रूपवान्, गुणवान् पुरुष बनकर।

श्लोक 25 (padma.2.53.25)

सर्वाभरणशोभांगः सर्वभोगसमन्वितः । भोगलीलासमाकीर्णः सर्वदौदार्यसंयुतः

sarvābharaṇaśobhāṁgaḥ sarvabhogasamanvitaḥ bhogalīlāsamākīrṇaḥ sarvadaudāryasaṁyutaḥ

सभी आभूषणों से सुशोभित अंगों वाला, सभी भोगों से युक्त, भोग-विलास से परिपूर्ण, सर्वप्रकार की उदारता से संपन्न —

श्लोक 26 (padma.2.53.26)

यत्र सा तिष्ठते देवी कृकलस्य प्रिया नृप । आत्मलीलां स्वरूपं च गुणं भावं प्रदर्शयेत्

yatra sā tiṣṭhate devī kṛkalasya priyā nṛpa ātmalīlāṁ svarūpaṁ ca guṇaṁ bhāvaṁ pradarśayet

—हे नृप! जहाँ कृकल की प्रिया वह देवी रहती थी, वहाँ वह गया; और उसने अपनी लीला, रूप, गुण और भाव प्रदर्शित किए।

श्लोक 27 (padma.2.53.27)

नैव पश्यति सा तं तु पुरुषं रूपसंपदम् । यत्रयत्र व्रजेत्सा हि तत्र तां पश्यते नृप

naiva paśyati sā taṁ tu puruṣaṁ rūpasaṁpadam yatrayatra vrajetsā hi tatra tāṁ paśyate nṛpa

किंतु उस रूप-संपन्न पुरुष को उसने देखा तक नहीं; हे नृप! फिर भी वह जहाँ-जहाँ जाती, वह वहाँ-वहाँ उसे देखता रहता।

श्लोक 28 (padma.2.53.28)

साभिलाषेण मनसा तामेवं परिपश्यति । कामचेष्टां सहस्राक्षोऽदर्शयत्सर्वभावकैः

sābhilāṣeṇa manasā tāmevaṁ paripaśyati kāmaceṣṭāṁ sahasrākṣo'darśayatsarvabhāvakaiḥ

इच्छा से भरे मन से वह उसे इस प्रकार निहारता रहा; और सहस्राक्ष इंद्र ने सभी भावों से कामुक चेष्टाएँ प्रदर्शित कीं।

श्लोक 29 (padma.2.53.29)

चतुष्पथे पथे तीर्थे यत्र देवी प्रयाति सा । तत्रतत्र सहस्राक्षस्तामेव परिपश्यति

catuṣpathe pathe tīrthe yatra devī prayāti sā tatratatra sahasrākṣastāmeva paripaśyati

चौराहे पर, मार्ग पर, तीर्थ पर — जहाँ-जहाँ वह देवी जाती, वहाँ-वहाँ सहस्राक्ष उसे ही निहारता रहता।

श्लोक 30 (padma.2.53.30)

इंद्रेण प्रेषिता दूती सुकलां प्रति सा गता । सुकलां सुमहाभागां प्रत्युवाच प्रहस्य वै

iṁdreṇa preṣitā dūtī sukalāṁ prati sā gatā sukalāṁ sumahābhāgāṁ pratyuvāca prahasya vai

इंद्र द्वारा भेजी गई एक दूती सुकल के पास गई; और मुस्कुराते हुए उसने उस महाभागा सुकल से कहा —

श्लोक 31 (padma.2.53.31)

अहो सत्यमहोधैर्यमहो कांतिरहो क्षमा । अस्या रूपेण संसारे नास्ति नारी वरानना

aho satyamahodhairyamaho kāṁtiraho kṣamā asyā rūpeṇa saṁsāre nāsti nārī varānanā

'अहो! क्या सत्य है! अहो! क्या धैर्य है! अहो! क्या कांति है! अहो! क्या क्षमा है! इसके रूप के समान संसार में कोई वरानना नहीं है!'

श्लोक 32 (padma.2.53.32)

का त्वं भवसि कल्याणि कस्य भार्या भविष्यसि । यस्य त्वं सगुणा भार्या स धन्यः पुण्यभाग्भुवि

kā tvaṁ bhavasi kalyāṇi kasya bhāryā bhaviṣyasi yasya tvaṁ saguṇā bhāryā sa dhanyaḥ puṇyabhāgbhuvi

'हे कल्याणि! तुम कौन हो? तुम किसकी पत्नी हो? जिसकी तुम सद्गुणी पत्नी हो, वह इस पृथ्वी पर धन्य और भाग्यशाली है।'

श्लोक 33 (padma.2.53.33)

तस्यास्तु वचनं श्रुत्वा तामुवाच मनस्विनी । वैश्यजात्यां समुत्पन्नो धर्मात्मा सत्यवत्सलः

tasyāstu vacanaṁ śrutvā tāmuvāca manasvinī vaiśyajātyāṁ samutpanno dharmātmā satyavatsalaḥ

उसकी बात सुनकर उस मनस्विनी ने उससे कहा — 'वैश्य-जाति में उत्पन्न, धर्मात्मा, सत्यवत्सल —'

श्लोक 34 (padma.2.53.34)

तस्याहं हि प्रिया भार्या सत्यसंधस्य धीमतः । कृकलस्यापि वैश्यस्य सत्यमेव वदामि ते

tasyāhaṁ hi priyā bhāryā satyasaṁdhasya dhīmataḥ kṛkalasyāpi vaiśyasya satyameva vadāmi te

'—उस बुद्धिमान, सत्य-प्रतिज्ञ वैश्य कृकल की मैं प्रिय पत्नी हूँ। मैं तुम्हें सत्य ही कह रही हूँ।'

श्लोक 35 (padma.2.53.35)

मम भर्ता स धर्मात्मा तीर्थयात्रां गतः सुधीः । तस्मिन्गते महाभागे मम भर्तरि संप्रति

mama bhartā sa dharmātmā tīrthayātrāṁ gataḥ sudhīḥ tasmingate mahābhāge mama bhartari saṁprati

'मेरे पति, वह धर्मात्मा, सुधी, तीर्थयात्रा पर गए हैं। जब से वह महाभाग, मेरे पति, गए हैं —'

श्लोक 36 (padma.2.53.36)

अतिक्रांताः शृणुष्व त्वं त्रयश्चैवापि वत्सराः । ततोहं दुःखिता जाता विना तेन महात्मना

atikrāṁtāḥ śṛṇuṣva tvaṁ trayaścaivāpi vatsarāḥ tatohaṁ duḥkhitā jātā vinā tena mahātmanā

'—तब से तीन वर्ष बीत चुके हैं, यह सुनो। तब से मैं उस महात्मा के बिना दुःखी हो गई हूँ।'

श्लोक 37 (padma.2.53.37)

एतत्ते सर्वमाख्यातमात्मवृत्तांतमेव ते । भवती पृच्छते मां का भविष्यति वदस्व मे

etatte sarvamākhyātamātmavṛttāṁtameva te bhavatī pṛcchate māṁ kā bhaviṣyati vadasva me

'यह मेरा सारा वृत्तांत तुम्हें बता दिया। अब तुम मुझसे पूछती हो कि तुम कौन हो — मुझे बताओ।'

श्लोक 38 (padma.2.53.38)

सुकलाया वचः श्रुत्वा दूत्या आभाषितं पुनः । मामेवं पृच्छसे भद्रे तत्ते सर्वं वदाम्यहम्

sukalāyā vacaḥ śrutvā dūtyā ābhāṣitaṁ punaḥ māmevaṁ pṛcchase bhadre tatte sarvaṁ vadāmyaham

सुकल के वचन सुनकर दूती ने पुनः कहा — 'हे भद्रे! तुम मुझसे इस प्रकार पूछती हो, तो मैं तुम्हें सब कुछ बताती हूँ।'

श्लोक 39 (padma.2.53.39)

अहं तवांतिकं प्राप्ता कार्यार्थं वरवर्णिनि । श्रूयतामभिधास्यामि श्रुत्वा चैवाव धार्यताम्

ahaṁ tavāṁtikaṁ prāptā kāryārthaṁ varavarṇini śrūyatāmabhidhāsyāmi śrutvā caivāva dhāryatām

'हे वरवर्णिनि! मैं किसी कार्य के लिए तुम्हारे पास आई हूँ। सुनो, मैं बताती हूँ; सुनकर भलीभाँति ग्रहण करना।'

श्लोक 40 (padma.2.53.40)

गतस्ते निर्घृणो भर्ता त्वां त्यक्त्वा तु वरानने । किं करिष्यसि तेनापि प्रियाघातकरेण च

gataste nirghṛṇo bhartā tvāṁ tyaktvā tu varānane kiṁ kariṣyasi tenāpi priyāghātakareṇa ca

'हे वरानने! तुम्हारा निर्दय पति तुम्हें छोड़कर चला गया। उस प्रियघातक से अब तुम्हें क्या प्रयोजन?'

श्लोक 41 (padma.2.53.41)

यस्त्वां त्यक्त्वा गतः पापी साध्व्याचारसमन्विताम् । किं वा स ते गतो बाले तत्र जीवति वै मृतः

yastvāṁ tyaktvā gataḥ pāpī sādhvyācārasamanvitām kiṁ vā sa te gato bāle tatra jīvati vai mṛtaḥ

'जो पापी सदाचारिणी तुम्हें छोड़कर चला गया — हे बाले! क्या पता वह वहाँ जीवित है भी या मर चुका है?'

श्लोक 42 (padma.2.53.42)

किं करिष्यति तेनैवं भवती खिद्यते वृथा । कस्मान्नाशयते चांगं दिव्यं हेमसमप्रभम्

kiṁ kariṣyati tenaivaṁ bhavatī khidyate vṛthā kasmānnāśayate cāṁgaṁ divyaṁ hemasamaprabham

'उससे तुम्हें अब क्या करना है, कि तुम व्यर्थ ही खिन्न होती हो? अपने इस दिव्य, स्वर्ण-सम कांतिमय अंग को क्यों नष्ट करती हो?'

श्लोक 43 (padma.2.53.43)

बाल्ये वयसि संप्राप्ते मानवो न च विंदति । एकं सुखं महाभागे बालक्रीडां विना शुभे

bālye vayasi saṁprāpte mānavo na ca viṁdati ekaṁ sukhaṁ mahābhāge bālakrīḍāṁ vinā śubhe

'हे महाभागे! हे शुभे! बाल्यावस्था में मनुष्य को बालक्रीड़ा के अतिरिक्त और कोई सुख नहीं मिलता।'

श्लोक 44 (padma.2.53.44)

वार्द्धके दुःखसंप्राप्तिर्जरा कायं प्रहिंसयेत् । तारुण्ये भुज्यते भोगः सुखात्सर्वो वरानने

vārddhake duḥkhasaṁprāptirjarā kāyaṁ prahiṁsayet tāruṇye bhujyate bhogaḥ sukhātsarvo varānane

'वृद्धावस्था में दुःख की प्राप्ति होती है, जरा शरीर को क्षीण कर देती है। हे वरानने! यौवन में ही समस्त सुख और भोग भोगे जाते हैं।'

श्लोक 45 (padma.2.53.45)

यावत्तिष्ठति तारुण्यं तावद्भुंजंति मानवाः । सुखभोगादिकं सर्वं स्वेच्छया रमते नरः

yāvattiṣṭhati tāruṇyaṁ tāvadbhuṁjaṁti mānavāḥ sukhabhogādikaṁ sarvaṁ svecchayā ramate naraḥ

'जब तक यौवन रहता है, तभी तक मनुष्य भोग भोगते हैं; तभी तक मनुष्य अपनी इच्छा से सभी सुख-भोगों में रमण करता है।'

श्लोक 46 (padma.2.53.46)

यावत्तिष्ठति तारुण्यं तावद्भोगान्प्रभुंजते । वयस्यपि गते भद्रे तारुण्ये किं करिष्यति

yāvattiṣṭhati tāruṇyaṁ tāvadbhogānprabhuṁjate vayasyapi gate bhadre tāruṇye kiṁ kariṣyati

'जब तक यौवन रहता है, तभी तक भोग भोगे जाते हैं। हे भद्रे! यौवन-आयु के बीत जाने पर फिर क्या किया जा सकता है?'

श्लोक 47 (padma.2.53.47)

संप्राप्ते वार्द्धके देवि किंचित्कार्यं न सिध्यति । स्थविरश्चिंतयेन्नित्यं सुखकार्यं न गच्छति

saṁprāpte vārddhake devi kiṁcitkāryaṁ na sidhyati sthaviraściṁtayennityaṁ sukhakāryaṁ na gacchati

'हे देवी! वृद्धावस्था आने पर कोई भी कार्य सिद्ध नहीं होता। वृद्ध व्यक्ति सदा सुख का चिंतन करता है, किंतु सुख-कार्य नहीं हो पाता।'

श्लोक 48 (padma.2.53.48)

वयस्यपि गते बाले क्रियते सेतुबंधनम् । तादृशोयं भवेत्कायस्तारुण्ये तु गते शुभे

vayasyapi gate bāle kriyate setubaṁdhanam tādṛśoyaṁ bhavetkāyastāruṇye tu gate śubhe

'हे बाले! जैसे बाढ़ बीत जाने पर बाँध बाँधा जाता है, हे शुभे! यौवन बीत जाने पर यह शरीर भी वैसा ही निष्फल हो जाता है।'

श्लोक 49 (padma.2.53.49)

तस्माद्भुंक्ष्व सुखेनापि पिबस्व मधुमाधवीम् । कामाबाणा दहंत्यंगं तवेमे चारुलोचने

tasmādbhuṁkṣva sukhenāpi pibasva madhumādhavīm kāmābāṇā dahaṁtyaṁgaṁ taveme cārulocane

'इसलिए सुखपूर्वक भोग करो, मधुर माधवी का पान करो। हे चारुलोचने! ये काम के बाण तुम्हारे अंगों को जला रहे हैं।'

श्लोक 50 (padma.2.53.50)

अयमेकः समायातः पुरुषो रूपवान्गुणी । अयं हि पुरुषव्याघ्रः सर्वज्ञो गुणवान्धनी

ayamekaḥ samāyātaḥ puruṣo rūpavānguṇī ayaṁ hi puruṣavyāghraḥ sarvajño guṇavāndhanī

'यह एक रूपवान्, गुणवान् पुरुष यहाँ आया है; यह पुरुषव्याघ्र सर्वज्ञ, गुणवान् और धनवान् है।'

श्लोक 51 (padma.2.53.51)

तवार्थे नित्यसंयुक्तः स्नेहेन वरवर्णिनि । सुकलोवाच- बाल्यं नास्त्यपि जीवस्य तारुण्यं नास्ति जीविते

tavārthe nityasaṁyuktaḥ snehena varavarṇini sukalovāca- bālyaṁ nāstyapi jīvasya tāruṇyaṁ nāsti jīvite

'हे वरवर्णिनि! वह सदा तुम्हारे ही लिए, स्नेहपूर्वक तत्पर है।' सुकल ने कहा — 'जीव (आत्मा) का न कोई बचपन है, न जीवात्मा में कोई यौवन है।'

श्लोक 52 (padma.2.53.52)

वृद्धत्वं नास्ति चैवास्य स्वयंसिद्धः सुसिद्धिदः । अमरो निर्जरो व्यापी सुसिद्धः सर्ववित्तमः

vṛddhatvaṁ nāsti caivāsya svayaṁsiddhaḥ susiddhidaḥ amaro nirjaro vyāpī susiddhaḥ sarvavittamaḥ

'उसमें बुढ़ापा भी नहीं है; वह स्वयंसिद्ध और सुसिद्धिदाता है। वह अमर, अजर, व्यापक, सुसिद्ध और सर्वज्ञ है।'

श्लोक 53 (padma.2.53.53)

अकामः कामदो लोके आत्मरूपेण वर्तते । यथा गेहस्य संस्थानं तथा कायस्य दृश्यते

akāmaḥ kāmado loke ātmarūpeṇa vartate yathā gehasya saṁsthānaṁ tathā kāyasya dṛśyate

'वह स्वयं निष्काम रहते हुए भी इस लोक में कामनाओं का दाता है, आत्मस्वरूप में स्थित। जैसे घर की संरचना होती है, वैसी ही शरीर की संरचना भी देखी जाती है।'

श्लोक 54 (padma.2.53.54)

यथा वार्द्धकिना कायस्तथा सूत्रेण मंदिरम् । अनेककाष्ठसंघातैर्नाना दारुसमुच्चयैः

yathā vārddhakinā kāyastathā sūtreṇa maṁdiram anekakāṣṭhasaṁghātairnānā dārusamuccayaiḥ

'जैसे बढ़ई द्वारा शरीर बनता है, वैसे ही सूत्र (मापने की डोरी) से भवन बनता है — अनेक काष्ठों के संयोग से, नाना लकड़ियों के समूह से —'

श्लोक 55 (padma.2.53.55)

मृत्तिकयोदकेनापि समंतात्परिणामयेत् । लिपितं लेपकैः काष्ठं चित्रं भवति चित्रकैः

mṛttikayodakenāpi samaṁtātpariṇāmayet lipitaṁ lepakaiḥ kāṣṭhaṁ citraṁ bhavati citrakaiḥ

'—और चारों ओर मिट्टी-जल से इसे परिष्कृत किया जाता है। पलस्तर करने वालों से लिपा हुआ काष्ठ चित्रकारों द्वारा चित्रित होकर सुंदर बनता है।'

श्लोक 56 (padma.2.53.56)

प्रथमं रूपमायाति गृहं सूत्रेण सूत्रितम् । पुष्णंति च स्वयं तत्तु लेपनाद्वै दिने दिने

prathamaṁ rūpamāyāti gṛhaṁ sūtreṇa sūtritam puṣṇaṁti ca svayaṁ tattu lepanādvai dine dine

'पहले सूत्र से नापा गया घर आकार लेता है; और प्रतिदिन लेपन से वह स्वयं पुष्ट होता जाता है।'

श्लोक 57 (padma.2.53.57)

वायुनांदोलितं नित्यं गृहं च मलिनायते । मध्यमो वर्तुतः कालो गृहस्य परिकथ्यते

vāyunāṁdolitaṁ nityaṁ gṛhaṁ ca malināyate madhyamo vartutaḥ kālo gṛhasya parikathyate

'हवा से सदा हिलता-डुलता वह घर धीरे-धीरे मलिन होने लगता है; उसका मध्य काल ही घर का प्रौढ़-काल कहलाता है।'

श्लोक 58 (padma.2.53.58)

रूपहानिर्भवेत्तस्य गृहस्वामी विलेपयेत् । स्वेच्छया च गृहस्वामी रूपवत्त्वं नयेद्गृहम्

rūpahānirbhavettasya gṛhasvāmī vilepayet svecchayā ca gṛhasvāmī rūpavattvaṁ nayedgṛham

'जब उसकी शोभा घटने लगती है, तब घर का स्वामी उसे फिर से लिपवा देता है; अपनी इच्छा से स्वामी घर को पुनः सुंदर बना देता है।'

श्लोक 59 (padma.2.53.59)

तारुण्यं तस्य गेहस्य दूतिके परिकथ्यते । काष्ठसंघैश्च जीर्णत्वं बहुकालैः प्रयाति सः

tāruṇyaṁ tasya gehasya dūtike parikathyate kāṣṭhasaṁghaiśca jīrṇatvaṁ bahukālaiḥ prayāti saḥ

'हे दूतिके! वही उस घर का यौवन कहलाता है। किंतु बहुत समय बीतने पर उसके काष्ठ जीर्ण होने लगते हैं।'

श्लोक 60 (padma.2.53.60)

स्थानभ्रष्टाः प्रजायंते मूलाग्रे प्रचलंति ते । न सहेल्लेपनाभारमाधारेण प्रतिष्ठति

sthānabhraṣṭāḥ prajāyaṁte mūlāgre pracalaṁti te na sahellepanābhāramādhāreṇa pratiṣṭhati

'वे अपने स्थान से हट जाते हैं, जड़ और सिरे पर हिलने लगते हैं; वह घर लेपन का भार सहन नहीं कर पाता, और केवल किसी सहारे से खड़ा रहता है।'

श्लोक 61 (padma.2.53.61)

एतद्गृहस्य वार्द्धक्यं कथितं शृणु दूतिके । पतमानं गृहं दृष्ट्वा गृहस्वामी परित्यजेत्

etadgṛhasya vārddhakyaṁ kathitaṁ śṛṇu dūtike patamānaṁ gṛhaṁ dṛṣṭvā gṛhasvāmī parityajet

'हे दूतिके! यही घर का बुढ़ापा कहलाता है, सुनो। गिरते हुए घर को देखकर उसका स्वामी उसे त्याग देता है।'

श्लोक 62 (padma.2.53.62)

गृहमन्यं प्रवेशाय प्रयात्येव हि सत्वरम् । तथा बाल्यं च तारुण्यं नृणां वृद्धत्वमेव च

gṛhamanyaṁ praveśāya prayātyeva hi satvaram tathā bālyaṁ ca tāruṇyaṁ nṛṇāṁ vṛddhatvameva ca

'वह शीघ्र ही दूसरे घर में प्रवेश करने चला जाता है। मनुष्यों का बचपन, यौवन और बुढ़ापा भी इसी प्रकार का है।'

श्लोक 63 (padma.2.53.63)

स बाल्ये बालरूपश्च ज्ञानहीनं प्रकारयेत् । चित्रयेत्कायमेवापि वस्त्रालंकारभूषणैः

sa bālye bālarūpaśca jñānahīnaṁ prakārayet citrayetkāyamevāpi vastrālaṁkārabhūṣaṇaiḥ

'बचपन में मनुष्य बालरूप और ज्ञानहीन होता है; फिर वह इसी शरीर को वस्त्रों और आभूषणों से सजाने लगता है —'

श्लोक 64 (padma.2.53.64)

लेपनैश्चंदनैश्चान्यैस्तांबूलप्रभवादिभिः । कायस्तरुणतां याति अतिरूपो विजायते

lepanaiścaṁdanaiścānyaistāṁbūlaprabhavādibhiḥ kāyastaruṇatāṁ yāti atirūpo vijāyate

'—लेपों, चंदन और अन्य वस्तुओं से, ताम्बूल आदि से। शरीर तब तरुणाई को प्राप्त होकर अत्यंत सुंदर हो जाता है।'

श्लोक 65 (padma.2.53.65)

बाह्याभ्यंतरमेवापि रसैः सर्वैः प्रपोषयेत् । तेन पोषणभावेन परिपुष्टः प्रजायते

bāhyābhyaṁtaramevāpi rasaiḥ sarvaiḥ prapoṣayet tena poṣaṇabhāvena paripuṣṭaḥ prajāyate

'बाहर और भीतर से भी सभी प्रकार के रसों से इसका पोषण होता है; उस पोषण से यह भलीभाँति परिपुष्ट हो जाता है।'

श्लोक 66 (padma.2.53.66)

जायते मांसवृद्धिस्तु रसैश्चापि नवोत्तमा । यांति विस्तरतां राजन्नंगान्याप्यायितान्यपि

jāyate māṁsavṛddhistu rasaiścāpi navottamā yāṁti vistaratāṁ rājannaṁgānyāpyāyitānyapi

'रसों से मांस की वृद्धि होती है, नित नूतन और उत्तम; और हे राजन्! पुष्ट हुए अंग विस्तार को प्राप्त होते हैं।'

श्लोक 67 (padma.2.53.67)

प्रत्यंगानि रसैश्चैव स्वंस्वं रूपं प्रयांति वै । दंताधरौ स्तनौ बाहू कटिपृष्ठमुरू उभे

pratyaṁgāni rasaiścaiva svaṁsvaṁ rūpaṁ prayāṁti vai daṁtādharau stanau bāhū kaṭipṛṣṭhamurū ubhe

'रसों से प्रत्येक अंग अपना-अपना विशिष्ट रूप प्राप्त करता है — दाँत, अधर, स्तन, भुजाएँ, कटि, पीठ, दोनों जंघाएँ —'

श्लोक 68 (padma.2.53.68)

हस्तपादतलौ तद्वद्वृद्धित्वं प्रतिपेदिरे । उभाभ्यामपि तान्येव वृद्धिमायांति तानि वै

hastapādatalau tadvadvṛddhitvaṁ pratipedire ubhābhyāmapi tānyeva vṛddhimāyāṁti tāni vai

'—और वैसे ही हाथों-पैरों के तलवे भी वृद्धि को प्राप्त करते हैं; इन्हीं रसों से वे सभी बढ़ते हैं।'

श्लोक 69 (padma.2.53.69)

अंगानि रसमांसाभ्यां सुरूपाणि भवंति ते । तैः स्वरूपैर्भवेन्मर्त्यो रसबद्धश्च दूतिके

aṁgāni rasamāṁsābhyāṁ surūpāṇi bhavaṁti te taiḥ svarūpairbhavenmartyo rasabaddhaśca dūtike

'रस और मांस से अंग सुंदर रूप को प्राप्त होते हैं; हे दूतिके! इन्हीं रूपों से मनुष्य रस में बँध जाता है।'

श्लोक 70 (padma.2.53.70)

सुरूपः कथ्यते मर्त्यो लोके केन प्रियो भवेत् । विष्ठामूत्रस्य वै कोशः काय एष च दूतिके

surūpaḥ kathyate martyo loke kena priyo bhavet viṣṭhāmūtrasya vai kośaḥ kāya eṣa ca dūtike

'तब मनुष्य को सुरूप कहा जाता है — किंतु वह वास्तव में किस कारण प्रिय होता है? हे दूतिके! यह शरीर तो मल-मूत्र का ही कोश है।'

श्लोक 71 (padma.2.53.71)

अपवित्रशरीरोयं सदा स्रवति निर्घृणः । तस्य किं वर्ण्यते रूपं जलबुद्बुदवच्छुभे

apavitraśarīroyaṁ sadā sravati nirghṛṇaḥ tasya kiṁ varṇyate rūpaṁ jalabudbudavacchubhe

'यह अपवित्र शरीर सदा निर्दयतापूर्वक स्रवित होता रहता है। हे शुभे! फिर इसके रूप का क्या वर्णन किया जाए — यह तो जल के बुलबुले के समान है।'

श्लोक 72 (padma.2.53.72)

यावत्पंचाशद्वर्षाणि तावत्तिष्ठति वै दृढः । पश्चाच्च जायते हानिस्तस्यैवापि दिनेदिने

yāvatpaṁcāśadvarṣāṇi tāvattiṣṭhati vai dṛḍhaḥ paścācca jāyate hānistasyaivāpi dinedine

'पचास वर्ष तक तो यह दृढ़ बना रहता है; किंतु उसके बाद प्रतिदिन इसका भी क्षय होने लगता है।'

श्लोक 73 (padma.2.53.73)

दंताः शिथिलतां यांति तथा लालायते मुखम् । चक्षुर्भ्यामपि पश्येन्न कर्णाभ्यां न शृणोति च

daṁtāḥ śithilatāṁ yāṁti tathā lālāyate mukham cakṣurbhyāmapi paśyenna karṇābhyāṁ na śṛṇoti ca

'दाँत ढीले पड़ जाते हैं और मुख से लार गिरने लगती है; आँखों से देखना और कानों से सुनना भी नहीं हो पाता।'

श्लोक 74 (padma.2.53.74)

गतिं कर्तुं न शक्नोति हस्तपादैश्च दूतिके । अक्षमो जायते कायो जराकालेन पीडितः

gatiṁ kartuṁ na śaknoti hastapādaiśca dūtike akṣamo jāyate kāyo jarākālena pīḍitaḥ

'हे दूतिके! हाथ-पैरों से चलना भी नहीं हो पाता; बुढ़ापे के समय से पीड़ित होकर शरीर असमर्थ हो जाता है।'

श्लोक 75 (padma.2.53.75)

तद्रसः शोषमायाति जराग्नितापशोषितः । अक्षमो जायते दूति केन रूपत्वमिष्यते

tadrasaḥ śoṣamāyāti jarāgnitāpaśoṣitaḥ akṣamo jāyate dūti kena rūpatvamiṣyate

'उसका रस सूख जाता है, जरा की अग्नि से झुलसकर; वह असमर्थ हो जाता है, हे दूति! फिर उसके रूप की कामना किससे की जाए?'

श्लोक 76 (padma.2.53.76)

यथा जीर्णं गृहं याति क्षयमेवं न संशयः । तथा संक्षयमायाति वार्द्धके तु कलेवरम्

yathā jīrṇaṁ gṛhaṁ yāti kṣayamevaṁ na saṁśayaḥ tathā saṁkṣayamāyāti vārddhake tu kalevaram

'जैसे जीर्ण घर नष्ट हो जाता है, निःसंदेह वैसे ही वृद्धावस्था में यह शरीर भी नष्ट हो जाता है।'

श्लोक 77 (padma.2.53.77)

ममरूपं समायातं वर्णस्येवं दिने दिने । केनाहं रूपसंयुक्ता केन रूपत्वमिष्यते

mamarūpaṁ samāyātaṁ varṇasyevaṁ dine dine kenāhaṁ rūpasaṁyuktā kena rūpatvamiṣyate

'इस प्रकार प्रतिदिन मेरा भी रूप-वर्ण क्षीण होता जाएगा। मैं किस कारण रूपवती हूँ? रूप की कामना किस कारण की जाती है?'

श्लोक 78 (padma.2.53.78)

यथा जीर्णं गृहं याति केनासौ पुरुषो बली । यस्यार्थमागता दूति भवती केन शंसति

yathā jīrṇaṁ gṛhaṁ yāti kenāsau puruṣo balī yasyārthamāgatā dūti bhavatī kena śaṁsati

'जैसे घर जीर्ण होता जाता है, वैसे ही वह बलवान पुरुष भी होगा। हे दूति! तुम जिसके लिए आई हो, वह किसके कहने पर बोल रहा है?'

श्लोक 79 (padma.2.53.79)

किमु चैव त्वया दृष्टं ममांगे वद सांप्रतम् । तस्यांगादिह हीनं च दूति नास्त्यधिकं तथा

kimu caiva tvayā dṛṣṭaṁ mamāṁge vada sāṁpratam tasyāṁgādiha hīnaṁ ca dūti nāstyadhikaṁ tathā

'तुमने मेरे अंग में ऐसा क्या देखा है — अभी बताओ। हे दूति! न इसमें उसके अंग से कुछ कम है, न कुछ अधिक।'

श्लोक 80 (padma.2.53.80)

यथा त्वं च तथासौवै तथाहं नात्र संशयः । कस्य रूपं न विद्येत रूपवान्नास्ति भूतले

yathā tvaṁ ca tathāsauvai tathāhaṁ nātra saṁśayaḥ kasya rūpaṁ na vidyeta rūpavānnāsti bhūtale

'जैसी तुम हो, वैसा ही वह है, और वैसी ही मैं भी हूँ — इसमें संदेह नहीं। किसका रूप नहीं होता? इस पृथ्वी पर कोई सच्चा रूपवान है ही नहीं।'

श्लोक 81 (padma.2.53.81)

उच्छ्रायाः पतनांताश्च नगास्तु गिरयः शुभे । कालेन पीडिता यांति तद्वद्भूताश्च नान्यथा

ucchrāyāḥ patanāṁtāśca nagāstu girayaḥ śubhe kālena pīḍitā yāṁti tadvadbhūtāśca nānyathā

'हे शुभे! ऊँचे उठे हुए पर्वत और पहाड़ियाँ भी अंततः गिर जाते हैं; काल से पीड़ित होकर वे भी नष्ट हो जाते हैं — और सभी प्राणी भी इससे भिन्न नहीं हैं।'

श्लोक 82 (padma.2.53.82)

अरूपो रूपवान्दिव्य आत्मा सर्वगतः शुचिः । स्थावरेष्वेव सर्वेषु जंगमेषु च दूतिके

arūpo rūpavāndivya ātmā sarvagataḥ śuciḥ sthāvareṣveva sarveṣu jaṁgameṣu ca dūtike

'रूपरहित होते हुए भी रूपवान, दिव्य, सर्वव्यापी, शुद्ध — हे दूतिके! आत्मा समस्त स्थावर और जंगम प्राणियों में समान रूप से विद्यमान है।'

श्लोक 83 (padma.2.53.83)

एको निवसते शुद्धो घटेष्वेकं यथोदकम् । घटनाशात्प्रयात्येकमेकत्वं त्वं न बुध्यसे

eko nivasate śuddho ghaṭeṣvekaṁ yathodakam ghaṭanāśātprayātyekamekatvaṁ tvaṁ na budhyase

'वह एक, शुद्ध आत्मा सबमें वैसे ही निवास करता है जैसे एक ही जल अनेक घड़ों में। घड़े के नष्ट होने पर वह एक जल में ही मिल जाता है — तुम इस एकत्व को नहीं समझती।'

श्लोक 84 (padma.2.53.84)

पिंडनाशादयं चात्मा एकरूपो विजायते । एकं रूपं मया दृष्टं संसारे वसता सदा

piṁḍanāśādayaṁ cātmā ekarūpo vijāyate ekaṁ rūpaṁ mayā dṛṣṭaṁ saṁsāre vasatā sadā

'शरीर के नष्ट होने पर यह आत्मा पुनः एकरूप हो जाता है। संसार में सदा रहते हुए मैंने केवल यही एक सच्चा रूप देखा है।'

श्लोक 85 (padma.2.53.85)

एवं वद स्वतं ज्ञात्वा यस्यार्थमिह चागता । दर्शयस्व अपूर्वं मे यदि भोक्तुमिहेच्छसि

evaṁ vada svataṁ jñātvā yasyārthamiha cāgatā darśayasva apūrvaṁ me yadi bhoktumihecchasi

'यह जानकर अपने उद्देश्य को स्पष्ट कहो, जिसके लिए तुम यहाँ आई हो। यदि तुम चाहती हो कि मैं यहाँ भोग करूँ, तो मुझे कोई अपूर्व वस्तु दिखाओ।'

श्लोक 86 (padma.2.53.86)

व्याधिना पीड्यमानस्य कफेनापि वृतस्य च । अंगाद्विचलते शोणः स्थानभ्रष्टोभिजायते

vyādhinā pīḍyamānasya kaphenāpi vṛtasya ca aṁgādvicalate śoṇaḥ sthānabhraṣṭobhijāyate

'रोग से पीड़ित और कफ से आच्छादित शरीर में रक्त भी अंगों से विचलित हो जाता है, और वह अपने स्थान से भ्रष्ट हो जाता है।'

श्लोक 87 (padma.2.53.87)

अंगसंधिषु सर्वासु पलत्वं चांतरं गतः । एकतो नाशमायाति स्वं हि रूपं परित्यजेत्

aṁgasaṁdhiṣu sarvāsu palatvaṁ cāṁtaraṁ gataḥ ekato nāśamāyāti svaṁ hi rūpaṁ parityajet

'शरीर की सभी संधियों में भीतर से क्षय प्रवेश कर जाता है; एक ओर से यह नष्ट होने लगता है और अपने ही रूप को त्याग देता है।'

श्लोक 88 (padma.2.53.88)

विष्ठात्वं जायते शीघ्रं कृमिभिश्च भवेत्किल । तद्वद्दुःखकरं वापि निजरूपं परित्यजेत्

viṣṭhātvaṁ jāyate śīghraṁ kṛmibhiśca bhavetkila tadvadduḥkhakaraṁ vāpi nijarūpaṁ parityajet

'यह शीघ्र ही मल के समान हो जाता है, और कीड़ों का घर बन जाता है; इस प्रकार अत्यंत दुःखदायी ढंग से यह अपने ही रूप को त्याग देता है।'

श्लोक 89 (padma.2.53.89)

श्रूयतां जायते पश्चात्कृमिदुर्गंधसंकुलम् । जायंते तत्र वै यूकाः कृमयो वा न संशयः

śrūyatāṁ jāyate paścātkṛmidurgaṁdhasaṁkulam jāyaṁte tatra vai yūkāḥ kṛmayo vā na saṁśayaḥ

'आगे और सुनो: पश्चात् यह कृमियों और दुर्गंध से भर जाता है; वहाँ जूँ और कीड़े उत्पन्न हो जाते हैं, इसमें संदेह नहीं।'

श्लोक 90 (padma.2.53.90)

सकृमिः कुरुते स्फोटं कंडूं च परिदारुणाम् । व्यथामुत्पादयेद्यूका सर्वांगं परिचालयेत्

sakṛmiḥ kurute sphoṭaṁ kaṁḍūṁ ca paridāruṇām vyathāmutpādayedyūkā sarvāṁgaṁ paricālayet

'कृमियों से युक्त शरीर में फफोले और भयंकर खुजली होने लगती है; जूँ पीड़ा उत्पन्न करती हैं और सारे शरीर को व्याकुल कर देती हैं।'

श्लोक 91 (padma.2.53.91)

नखाग्रैर्घृष्यमाणा सा कंडूः शांता प्रजायते । तद्वत्तैश्च शृणुष्वैव सुरतस्य न संशयः

nakhāgrairghṛṣyamāṇā sā kaṁḍūḥ śāṁtā prajāyate tadvattaiśca śṛṇuṣvaiva suratasya na saṁśayaḥ

'नखों की नोक से खुजाने पर वह खुजली शांत हो जाती है। हे दूति! सुनो, संभोग का स्वरूप भी निःसंदेह वैसा ही है।'

श्लोक 92 (padma.2.53.92)

भुंजत्येव रसान्मर्त्यः सुभिक्षान्पिबते पुनः । वायुना तेन प्राणेन पाकस्थानं प्रणीयते

bhuṁjatyeva rasānmartyaḥ subhikṣānpibate punaḥ vāyunā tena prāṇena pākasthānaṁ praṇīyate

'मनुष्य रसों का सेवन करता है, उत्तम भोजन खाता है और पीता है; और उस प्राण-वायु द्वारा वह पाचन-स्थान तक पहुँचाया जाता है।'

श्लोक 93 (padma.2.53.93)

यद्भक्तं प्राणिभिर्दूति पाकस्थानं गतं पुनः । सर्वं तत्पिहितं तत्र वायुर्वै पातयेन्मलम्

yadbhaktaṁ prāṇibhirdūti pākasthānaṁ gataṁ punaḥ sarvaṁ tatpihitaṁ tatra vāyurvai pātayenmalam

'हे दूति! प्राणियों द्वारा खाया गया जो भी भोजन पाचन-स्थान तक पहुँचता है, वह सब वहाँ संसाधित होता है, और वायु मल को बाहर गिरा देती है।'

श्लोक 94 (padma.2.53.94)

सारभूतो रसस्तत्र तद्रक्तश्च प्रजायते । निर्मलः शुद्धवीर्यस्तु ब्रह्मस्थानं प्रयाति च

sārabhūto rasastatra tadraktaśca prajāyate nirmalaḥ śuddhavīryastu brahmasthānaṁ prayāti ca

'उसका सारतत्त्व रस बनता है, और उससे रक्त उत्पन्न होता है। उसका शुद्ध, निर्मल वीर्य फिर ब्रह्म-स्थान (मस्तक) तक जाता है।'

श्लोक 95 (padma.2.53.95)

आकृष्टः स समानेन नीतस्तेनापि वायुना । स्थानं न लभते वीर्यं चंचलत्वेन वर्तते

ākṛṣṭaḥ sa samānena nītastenāpi vāyunā sthānaṁ na labhate vīryaṁ caṁcalatvena vartate

'समान वायु द्वारा खींचा जाकर, उसी वायु द्वारा ले जाया जाकर, वीर्य को कोई स्थिर स्थान नहीं मिलता, वह सदा चंचल रहता है।'

श्लोक 96 (padma.2.53.96)

प्राणिनां हि कपालेषु कृमयः संति पंच वै । द्वावेतौ कर्णमूले तु नेत्रस्थाने ततः पुनः

prāṇināṁ hi kapāleṣu kṛmayaḥ saṁti paṁca vai dvāvetau karṇamūle tu netrasthāne tataḥ punaḥ

'प्राणियों की खोपड़ी में पाँच कृमि होते हैं: दो कानों की जड़ में, और फिर आँखों के स्थान पर —'

श्लोक 97 (padma.2.53.97)

कनिष्ठांगुलिमानेन रक्तपुच्छाश्च दूतिके । नवनीतस्य वर्णेन कृष्णपुच्छा न संशयः

kaniṣṭhāṁgulimānena raktapucchāśca dūtike navanītasya varṇena kṛṣṇapucchā na saṁśayaḥ

'—हे दूतिके! कनिष्ठिका उंगली के आकार के, लाल पूँछ वाले; और मक्खन के रंग के, काली पूँछ वाले, इसमें संदेह नहीं।'

श्लोक 98 (padma.2.53.98)

तेषां नामापि भद्रे त्वं मत्तो निगदितं शृणु । पिंगली शृंखली नाम द्वौ कृमी कर्णमूलयोः

teṣāṁ nāmāpi bhadre tvaṁ matto nigaditaṁ śṛṇu piṁgalī śṛṁkhalī nāma dvau kṛmī karṇamūlayoḥ

'हे भद्रे! उनके नाम भी मुझसे सुनो — पिंगली और शृंखली नामक दो कृमि कानों की जड़ में होते हैं।'

श्लोक 99 (padma.2.53.99)

चपलः पिप्पलश्चैव द्वावेतौ नासिकाग्रयोः । शृंगली जंगली चान्यौ नेत्रयोरंतरस्थितौ

capalaḥ pippalaścaiva dvāvetau nāsikāgrayoḥ śṛṁgalī jaṁgalī cānyau netrayoraṁtarasthitau

'चपल और पिप्पल — ये दो नासिका के अग्रभाग में होते हैं; शृंगली और जंगली — ये दो अन्य नेत्रों के भीतर स्थित होते हैं।'

श्लोक 100 (padma.2.53.100)

कृमीणां शतपंचाशत्तादृग्भूता न संशयः । भालांतेवस्थिताः सर्वे राजिकायाः प्रमाणतः

kṛmīṇāṁ śatapaṁcāśattādṛgbhūtā na saṁśayaḥ bhālāṁtevasthitāḥ sarve rājikāyāḥ pramāṇataḥ

'ऐसे डेढ़ सौ कृमि होते हैं, इसमें संदेह नहीं; वे सभी माथे के किनारे राई के दाने के बराबर आकार में स्थित रहते हैं।'

श्लोक 101 (padma.2.53.101)

कपालरोगिणः सर्वे विकुर्वंति न संशयः । केशद्वयं मुखे तस्य विद्यते शृणु दूतिके

kapālarogiṇaḥ sarve vikurvaṁti na saṁśayaḥ keśadvayaṁ mukhe tasya vidyate śṛṇu dūtike

'खोपड़ी के रोगी में ये सभी विकृत हो जाते हैं, इसमें संदेह नहीं। हे दूतिके! सुनो, इसके मुख में दो बाल होते हैं।'

श्लोक 102 (padma.2.53.102)

प्राणिनां संक्षयं विद्धि तत्क्षणे हि न संशयः । स्वस्थाने संस्थितस्यापि प्राजापत्यस्य वै मुखे

prāṇināṁ saṁkṣayaṁ viddhi tatkṣaṇe hi na saṁśayaḥ svasthāne saṁsthitasyāpi prājāpatyasya vai mukhe

'जान लो कि इससे प्राणियों का उसी क्षण विनाश हो जाता है, इसमें संदेह नहीं — भले ही वह अपने स्थान पर, प्राजापत्य के मुख पर ही स्थित हो।'

श्लोक 103 (padma.2.53.103)

तद्वीर्यं रसरूपेण पतते नात्र संशयः । मुखेन पिबते वीर्यं तेन मत्तः प्रजायते

tadvīryaṁ rasarūpeṇa patate nātra saṁśayaḥ mukhena pibate vīryaṁ tena mattaḥ prajāyate

'वह वीर्य रस-रूप में गिरता है, इसमें संदेह नहीं; उसे मुख से पीकर मनुष्य उन्मत्त हो जाता है।'

श्लोक 104 (padma.2.53.104)

तालुमध्यप्रदेशे च चंचलत्वेन वर्तते । इडा च पिंगला नाडी सुषुम्णाख्या च संस्थिता

tālumadhyapradeśe ca caṁcalatvena vartate iḍā ca piṁgalā nāḍī suṣumṇākhyā ca saṁsthitā

'यह तालु के मध्य प्रदेश में चंचलतापूर्वक विचरण करता है, जहाँ इडा, पिंगला और सुषुम्ना नामक नाड़ियाँ स्थित हैं।'

श्लोक 105 (padma.2.53.105)

सुबलेनापि तस्यैव नाडिका जालपंजरे । कामकंडूर्भवेद्दूति सर्वेषां प्राणिनां किल

subalenāpi tasyaiva nāḍikā jālapaṁjare kāmakaṁḍūrbhaveddūti sarveṣāṁ prāṇināṁ kila

'उसी के बल से उस नाड़ी-जाल में, हे दूति! समस्त प्राणियों में काम की खुजली उत्पन्न होती है।'

श्लोक 106 (padma.2.53.106)

पुंसश्च स्फुरते लिंगं नार्या योनिश्च दूतिके । स्त्रीपुंसौ संप्रमत्तौ तु व्रजतः संगमं ततः

puṁsaśca sphurate liṁgaṁ nāryā yoniśca dūtike strīpuṁsau saṁpramattau tu vrajataḥ saṁgamaṁ tataḥ

'हे दूतिके! तब पुरुष का लिंग और स्त्री की योनि स्पंदित होने लगते हैं; और स्त्री-पुरुष दोनों उन्मत्त होकर संगम को प्राप्त होते हैं।'

श्लोक 107 (padma.2.53.107)

कायेन कायसंघृष्टिर्मैथुनेन हि जायते । क्षणमात्रं सुखं काये पुनः कंडूश्च तादृशी

kāyena kāyasaṁghṛṣṭirmaithunena hi jāyate kṣaṇamātraṁ sukhaṁ kāye punaḥ kaṁḍūśca tādṛśī

'मैथुन में शरीर से शरीर का घर्षण होता है; क्षणभर के लिए शरीर में सुख होता है, और फिर वही खुजली पुनः लौट आती है।'

श्लोक 108 (padma.2.53.108)

सर्वत्र दृश्यते दूति भाव एवंविधः किल । व्रज त्वमात्मनः स्थानं नैवास्त्यत्र अपूर्वता

sarvatra dṛśyate dūti bhāva evaṁvidhaḥ kila vraja tvamātmanaḥ sthānaṁ naivāstyatra apūrvatā

'हे दूति! सर्वत्र यही स्वरूप देखा जाता है। तुम अपने स्थान को लौट जाओ — यहाँ कुछ भी अपूर्व नहीं है।'

श्लोक 109 (padma.2.53.109)

अपूर्वं नास्ति मे किंचित्करोम्येव न संशयः

apūrvaṁ nāsti me kiṁcitkaromyeva na saṁśayaḥ

'मेरे लिए यहाँ करने योग्य कुछ भी अपूर्व नहीं है, इसमें संदेह नहीं।'