ययाति द्वारा समस्त पृथ्वी पर विष्णु-नाम की उद्घोषणा

श्लोक 1 (padma.2.73.1)

पिप्पल उवाच- गते तस्मिन्महाभागे दूत इंद्रस्य वै पुनः । किं चकार स धर्मात्मा ययातिर्नहुषात्मजः

pippala uvāca- gate tasminmahābhāge dūta iṁdrasya vai punaḥ kiṁ cakāra sa dharmātmā yayātirnahuṣātmajaḥ

पिप्पल ने कहा - इंद्र का वह महाभाग दूत चले जाने पर, धर्मात्मा नहुषपुत्र ययाति ने फिर क्या किया?

श्लोक 2 (padma.2.73.2)

सुकर्मोवाच- तस्मिन्गते देववरस्य दूते स चिंतयामास नरेंद्रसूनुः । आहूय दूतान्प्रवरान्स सत्वरं धर्मार्थयुक्तं वच आदिदेश

sukarmovāca- tasmingate devavarasya dūte sa ciṁtayāmāsa nareṁdrasūnuḥ āhūya dūtānpravarānsa satvaraṁ dharmārthayuktaṁ vaca ādideśa

सुकर्मा ने कहा - देवश्रेष्ठ के दूत के चले जाने पर उस नरेंद्र-पुत्र ने विचार किया; उसने तुरंत श्रेष्ठ दूतों को बुलाकर धर्म और अर्थ से युक्त यह वचन आदेश दिया।

श्लोक 3 (padma.2.73.3)

गच्छंतु दूताः प्रवराः पुरोत्तमे देशेषु द्वीपेष्वखिलेषु लोके । कुर्वंतु वाक्यं मम धर्मयुक्तं व्रजंतु लोकाः सुपथा हरेश्च

gacchaṁtu dūtāḥ pravarāḥ purottame deśeṣu dvīpeṣvakhileṣu loke kurvaṁtu vākyaṁ mama dharmayuktaṁ vrajaṁtu lokāḥ supathā hareśca

श्रेष्ठ दूत नगरों में, समस्त देशों में और सभी द्वीपों में जाएँ; वे मेरे धर्मयुक्त वचन का पालन कराएँ, और लोग हरि के सुपथ पर चलें।

श्लोक 4 (padma.2.73.4)

भावैः सुपुण्यैरमृतोपमानैर्ध्यानैश्च ज्ञानैर्यजनैस्तपोभिः । यज्ञैश्च दानैर्मधुसूदनैकमर्चंतु लोका विषयान्विहाय

bhāvaiḥ supuṇyairamṛtopamānairdhyānaiśca jñānairyajanaistapobhiḥ yajñaiśca dānairmadhusūdanaikamarcaṁtu lokā viṣayānvihāya

पवित्र, अमृत-तुल्य भावों से, ध्यान और ज्ञान से, यज्ञ और तप से, यज्ञों और दानों से, लोग विषयों को त्यागकर एकमात्र मधुसूदन की अर्चना करें।

श्लोक 5 (padma.2.73.5)

सर्वत्र पश्यंत्वसुरारिमेकं शुष्केषु चार्द्रेष्वपि स्थावरेषु । अभ्रेषु भूमौ सचराचरेषु स्वीयेषु कायेष्वपि जीवरूपम्

sarvatra paśyaṁtvasurārimekaṁ śuṣkeṣu cārdreṣvapi sthāvareṣu abhreṣu bhūmau sacarācareṣu svīyeṣu kāyeṣvapi jīvarūpam

वे उस असुरों के शत्रु को सर्वत्र देखें - सूखे और गीले पदार्थों में, स्थावर वस्तुओं में, बादलों में, पृथ्वी में, चराचर में, और अपने ही शरीरों में जीव-रूप से।

श्लोक 6 (padma.2.73.6)

देवं तमुद्दिश्य ददंतु दानमातिथ्यभावैः परिपैत्रिकैश्च । नारायणं देववरं यजध्वं दोषैर्विमुक्ता अचिराद्भविष्यथ

devaṁ tamuddiśya dadaṁtu dānamātithyabhāvaiḥ paripaitrikaiśca nārāyaṇaṁ devavaraṁ yajadhvaṁ doṣairvimuktā acirādbhaviṣyatha

उसी देवता का ध्यान रखकर अतिथि-भाव और पितृ-कार्यों से दान दें; देवश्रेष्ठ नारायण की पूजा करें, शीघ्र ही आप दोषों से मुक्त हो जाएँगे।

श्लोक 7 (padma.2.73.7)

यो मामकं वाक्यमिहैव मानवो लोभाद्विमोहादपि नैव कारयेत् । स शास्यतां यास्यति निर्घृणो ध्रुवं ममापि चौरो हि यथा निकृष्टः

yo māmakaṁ vākyamihaiva mānavo lobhādvimohādapi naiva kārayet sa śāsyatāṁ yāsyati nirghṛṇo dhruvaṁ mamāpi cauro hi yathā nikṛṣṭaḥ

जो मनुष्य लोभ से या मोह से भी मेरे इस वचन का पालन यहाँ नहीं करेगा, वह दंडित हो, वह निश्चय ही मुझ जैसे राजा के लिए एक नीच चोर के समान निर्दयतापूर्वक दंडनीय है।

श्लोक 8 (padma.2.73.8)

आकर्ण्य वाक्यं नृपतेश्च दूताःसंहृष्टभावाः सकलां च पृथ्वीम् । आचख्युरेवं नृपतेः प्रणीतमादेशभावं सकलं प्रजासु

ākarṇya vākyaṁ nṛpateśca dūtāḥsaṁhṛṣṭabhāvāḥ sakalāṁ ca pṛthvīm ācakhyurevaṁ nṛpateḥ praṇītamādeśabhāvaṁ sakalaṁ prajāsu

राजा के वचन सुनकर दूत प्रसन्नचित्त होकर समस्त पृथ्वी पर गए और राजा के इस आदेश का पूरा अभिप्राय प्रजा को बता दिया।

श्लोक 9 (padma.2.73.9)

विप्रादिमर्त्या अमृतं सुपुण्यमानीतमेवं भुवि तेन राज्ञा । पिबंतु पुण्यं परिवैष्णवाख्यं दोषैर्विहीनं परिणाममिष्टम्

viprādimartyā amṛtaṁ supuṇyamānītamevaṁ bhuvi tena rājñā pibaṁtu puṇyaṁ parivaiṣṇavākhyaṁ doṣairvihīnaṁ pariṇāmamiṣṭam

इस प्रकार उस राजा ने विप्र आदि मनुष्यों के लिए पृथ्वी पर यह पवित्र अमृत ला दिया; वे इस दोषरहित, इष्ट फलदायी वैष्णव पुण्य का पान करें।

श्लोक 10 (padma.2.73.10)

श्रीकेशवं क्लेशहरं वरेण्यमानंदरूपं परमार्थमेवम् । नामामृतं दोषहरं सुराज्ञा आनीतमस्त्येव पिबंतु लोकाः

śrīkeśavaṁ kleśaharaṁ vareṇyamānaṁdarūpaṁ paramārthamevam nāmāmṛtaṁ doṣaharaṁ surājñā ānītamastyeva pibaṁtu lokāḥ

श्रीकेशव, क्लेशहर्ता, वरेण्य, आनंदस्वरूप, परम अर्थ-स्वरूप - यह नाम-अमृत, दोषहर्ता, उस सुराजा द्वारा लाया गया है; लोग इसका पान करें।

श्लोक 11 (padma.2.73.11)

सखड्गपाणिं मधुसूदनाख्यं तं श्रीनिवासं सगुणं सुरेशम् । नामामृतं दोषहरं सुराज्ञा आनीतमस्त्येव पिबंतु लोकाः

sakhaḍgapāṇiṁ madhusūdanākhyaṁ taṁ śrīnivāsaṁ saguṇaṁ sureśam nāmāmṛtaṁ doṣaharaṁ surājñā ānītamastyeva pibaṁtu lokāḥ

हाथ में खड्ग धारण करने वाले, मधुसूदन नाम वाले, श्रीनिवास, सद्गुणों से युक्त सुरेश्वर - यह नाम-अमृत, दोषहर्ता, उस सुराजा द्वारा लाया गया है; लोग इसका पान करें।

श्लोक 12 (padma.2.73.12)

श्रीपद्मनाथं कमलेक्षणं च आधाररूपं जगतां महेशम् । नामामृतं दोषहरं सुराज्ञा आनीतमस्त्येव पिबंतु लोकाः

śrīpadmanāthaṁ kamalekṣaṇaṁ ca ādhārarūpaṁ jagatāṁ maheśam nāmāmṛtaṁ doṣaharaṁ surājñā ānītamastyeva pibaṁtu lokāḥ

श्री पद्मनाथ, कमलनयन, जगत के आधार-रूप महेश्वर - यह नाम-अमृत, दोषहर्ता, उस सुराजा द्वारा लाया गया है; लोग इसका पान करें।

श्लोक 13 (padma.2.73.13)

पापापहं व्याधिविनाशरूपमानंददं दानवदैत्यनाशनम् । नामामृतं दोषहरं सुराज्ञा आनीतमस्त्येव पिबंतु लोकाः

pāpāpahaṁ vyādhivināśarūpamānaṁdadaṁ dānavadaityanāśanam nāmāmṛtaṁ doṣaharaṁ surājñā ānītamastyeva pibaṁtu lokāḥ

पाप का नाशक, व्याधि का विनाशक, आनंददाता, दानवों और दैत्यों का संहारक - यह नाम-अमृत, दोषहर्ता, उस सुराजा द्वारा लाया गया है; लोग इसका पान करें।

श्लोक 14 (padma.2.73.14)

यज्ञांगरूपं चरथांगपाणिं पुण्याकरं सौख्यमनंतरूपम् । नामामृतं दोषहरं सुराज्ञा आनीतमस्त्येव पिबंतु लोकाः

yajñāṁgarūpaṁ carathāṁgapāṇiṁ puṇyākaraṁ saukhyamanaṁtarūpam nāmāmṛtaṁ doṣaharaṁ surājñā ānītamastyeva pibaṁtu lokāḥ

यज्ञ के अंगस्वरूप, हाथ में चक्र धारण करने वाले, पुण्य की खान, सुख-स्वरूप, अनंत-रूप - यह नाम-अमृत, दोषहर्ता, उस सुराजा द्वारा लाया गया है; लोग इसका पान करें।

श्लोक 15 (padma.2.73.15)

विश्वाधिवासं विमलं विरामं रामाभिधानं रमणं मुरारिम् । नामामृतं दोषहरं सुराज्ञा आनीतमस्त्येव पिबंतु लोकाः

viśvādhivāsaṁ vimalaṁ virāmaṁ rāmābhidhānaṁ ramaṇaṁ murārim nāmāmṛtaṁ doṣaharaṁ surājñā ānītamastyeva pibaṁtu lokāḥ

विश्व के निवासस्थान, निर्मल, विश्राम-स्वरूप, राम नाम से पुकारे जाने वाले, रमण करने वाले, मुरारि - यह नाम-अमृत, दोषहर्ता, उस सुराजा द्वारा लाया गया है; लोग इसका पान करें।

श्लोक 16 (padma.2.73.16)

आदित्यरूपं तमसां विनाशं बंधस्यनाशं मतिपंकजानाम् । नामामृतं दोषहरं सुराज्ञा आनीतमस्त्येव पिबंतु लोकाः

ādityarūpaṁ tamasāṁ vināśaṁ baṁdhasyanāśaṁ matipaṁkajānām nāmāmṛtaṁ doṣaharaṁ surājñā ānītamastyeva pibaṁtu lokāḥ

सूर्य के समान रूप वाले, अंधकार के नाशक, मन के कमल के बंधन को तोड़ने वाले - यह नाम-अमृत, दोषहर्ता, उस सुराजा द्वारा लाया गया है; लोग इसका पान करें।

श्लोक 17 (padma.2.73.17)

नामामृतं सत्यमिदं सुपुण्यमधीत्य यो मानव विष्णुभक्तः । प्रभातकाले नियतो महात्मा स याति मुक्तिं न हि कारणं च

nāmāmṛtaṁ satyamidaṁ supuṇyamadhītya yo mānava viṣṇubhaktaḥ prabhātakāle niyato mahātmā sa yāti muktiṁ na hi kāraṇaṁ ca

जो विष्णुभक्त मनुष्य इस सत्य और परम पुण्यमय नाम-अमृत का प्रातःकाल नियमपूर्वक पाठ करता है, वह महात्मा मुक्ति को प्राप्त होता है, इसमें अन्य कोई कारण अपेक्षित नहीं।