ययाति द्वारा कमल-कन्या का दर्शन और जरा की उत्पत्ति-कथा

श्लोक 1 (padma.2.77.1)

सुकर्मोवाच- कामस्य गीतलास्येन हास्येन ललितेन च । मोहितो राजराजेंद्रो नटरूपेण पिप्पल

sukarmovāca- kāmasya gītalāsyena hāsyena lalitena ca mohito rājarājeṁdro naṭarūpeṇa pippala

सुकर्मा ने कहा - हे पिप्पल! काम के गीत-नृत्य, हास्य और मनोहर चेष्टाओं से, अभिनेता के रूप में, वह राजाओं का राजा मोहित हो गया।

श्लोक 2 (padma.2.77.2)

कृत्वा मूत्रं पुरीषं च स राजा नहुषात्मजः । अकृत्वा पादयोः शौचमासने उपविष्टवान्

kṛtvā mūtraṁ purīṣaṁ ca sa rājā nahuṣātmajaḥ akṛtvā pādayoḥ śaucamāsane upaviṣṭavān

नहुषपुत्र उस राजा ने मूत्र और मल त्याग करके, पैरों की शुद्धि किए बिना ही आसन पर बैठ लिया।

श्लोक 3 (padma.2.77.3)

तदंतरं तु संप्राप्य संचचार जरा नृपम् । कामेनापि नृपश्रेष्ठ इंद्रकार्यं कृतं हितम्

tadaṁtaraṁ tu saṁprāpya saṁcacāra jarā nṛpam kāmenāpi nṛpaśreṣṭha iṁdrakāryaṁ kṛtaṁ hitam

उसी अवसर को पाकर जरा (वृद्धावस्था) राजा में प्रविष्ट हो गई; हे नृपश्रेष्ठ! काम के द्वारा भी इंद्र का हितकारी कार्य पूर्ण हो गया।

श्लोक 4 (padma.2.77.4)

निवृत्ते नाटके तस्मिन्गतेषु तेषु भूपतिः । जराभिभूतो धर्मात्मा कामसंसक्तमानसः

nivṛtte nāṭake tasmingateṣu teṣu bhūpatiḥ jarābhibhūto dharmātmā kāmasaṁsaktamānasaḥ

वह नाटक समाप्त होने पर, अभिनेताओं के चले जाने पर, धर्मात्मा राजा जरा से अभिभूत होकर काम में आसक्त-मन हो गया।

श्लोक 5 (padma.2.77.5)

मोहितः काममोहेन विह्वलो विकलेंद्रियः । अतीव मुग्धो धर्मात्मा विषयैश्चापवाहितः

mohitaḥ kāmamohena vihvalo vikaleṁdriyaḥ atīva mugdho dharmātmā viṣayaiścāpavāhitaḥ

वह काम के मोह से मोहित, व्याकुल, इंद्रियों से विचलित हो गया; अत्यंत मुग्ध वह धर्मात्मा विषयों में बह गया।

श्लोक 6 (padma.2.77.6)

एकदा तु गतो राजा मृगया व्यसनातुरः । वने च क्रीडते सोपि मोहरागवशं गतः

ekadā tu gato rājā mṛgayā vyasanāturaḥ vane ca krīḍate sopi moharāgavaśaṁ gataḥ

एक दिन शिकार के व्यसन से आतुर राजा वन में गया और क्रीड़ा करने लगा, वह भी मोह और राग के वश में हो गया था।

श्लोक 7 (padma.2.77.7)

सरसं क्रीडमानस्य नृपतेश्च महात्मनः । मृगश्चैकः समायातश्चतुःशृंगो ह्यनौपमः

sarasaṁ krīḍamānasya nṛpateśca mahātmanaḥ mṛgaścaikaḥ samāyātaścatuḥśṛṁgo hyanaupamaḥ

जब वह महात्मा राजा सरोवर के पास क्रीड़ा कर रहा था, तब एक अनुपम चार सींगों वाला मृग वहाँ आया।

श्लोक 8 (padma.2.77.8)

सर्वांगसुंदरो राजन्हेमरूपतनूरुहः । रत्नज्योतिः सुचित्रांगो दर्शनीयो मनोहरः

sarvāṁgasuṁdaro rājanhemarūpatanūruhaḥ ratnajyotiḥ sucitrāṁgo darśanīyo manoharaḥ

हे राजन्! वह सर्वांग सुंदर, स्वर्ण के समान शरीर वाला, रत्न-ज्योति से सुशोभित, दर्शनीय और मनोहर था।

श्लोक 9 (padma.2.77.9)

अभ्यधावत्स वेगेन बाणपाणिर्धनुर्द्धरः । इत्यमन्यत मेधावी कोपि दैत्यः समागतः

abhyadhāvatsa vegena bāṇapāṇirdhanurddharaḥ ityamanyata medhāvī kopi daityaḥ samāgataḥ

वह वेगपूर्वक दौड़ पड़ा; बाणपाणि, धनुर्धर बुद्धिमान राजा ने सोचा - 'कोई दैत्य यहाँ आया है।'

श्लोक 10 (padma.2.77.10)

मृगेण च स तेनापि दूरमाकर्षितो नृपः । गतः सरथवेगेन श्रमेण परिखेदितः

mṛgeṇa ca sa tenāpi dūramākarṣito nṛpaḥ gataḥ sarathavegena śrameṇa parikheditaḥ

उस मृग के द्वारा दूर तक खींचा गया राजा रथ की गति से चलते-चलते श्रम से बहुत थक गया।

श्लोक 11 (padma.2.77.11)

वीक्षमाणस्य तस्यापि मृगश्चांतरधीयत । स पश्यति वनं तत्र नंदंनोपममद्भुतम्

vīkṣamāṇasya tasyāpi mṛgaścāṁtaradhīyata sa paśyati vanaṁ tatra naṁdaṁnopamamadbhutam

उसके देखते-देखते वह मृग अंतर्धान हो गया; उसने वहाँ नंदनवन के समान अद्भुत वन देखा।

श्लोक 12 (padma.2.77.12)

चारुवृक्षसमाकीर्णं भूतपंचकशोभितम् । गुरुभिश्चंदनैः पुण्यैः कदलीखंडमंडितैः

cāruvṛkṣasamākīrṇaṁ bhūtapaṁcakaśobhitam gurubhiścaṁdanaiḥ puṇyaiḥ kadalīkhaṁḍamaṁḍitaiḥ

वह सुंदर वृक्षों से भरा, पंचभूतों से सुशोभित था; महान पवित्र चंदन के वृक्षों से और केले के झुरमुटों से अलंकृत था।

श्लोक 13 (padma.2.77.13)

बकुलाशोकपुंनागैर्नालिकेरैश्च तिंदुकैः । पूगीफलैश्च खर्जूरैः कुमुदैः सप्तपर्णकैः

bakulāśokapuṁnāgairnālikeraiśca tiṁdukaiḥ pūgīphalaiśca kharjūraiḥ kumudaiḥ saptaparṇakaiḥ

बकुल, अशोक, पुन्नाग, नारियल और तिंदुक वृक्षों से, सुपारी और खजूर के फलों से, कुमुद और सप्तपर्ण वृक्षों से युक्त था।

श्लोक 14 (padma.2.77.14)

पुष्पितैः कर्णिकारैश्च नानावृक्षैः सदाफलैः । पुष्पितामोदसंयुक्तैः केतकैः पाटलैस्ततः

puṣpitaiḥ karṇikāraiśca nānāvṛkṣaiḥ sadāphalaiḥ puṣpitāmodasaṁyuktaiḥ ketakaiḥ pāṭalaistataḥ

फूले हुए कर्णिकार वृक्षों से, सदा फल देने वाले नाना वृक्षों से, सुगंधित केतकी और पाटल के फूलों से युक्त था।

श्लोक 15 (padma.2.77.15)

वीक्षमाणो महाराज ददर्श सर उत्तमम् । पुण्योदकेन संपूर्णं विस्तीर्णं पंचयोजनम्

vīkṣamāṇo mahārāja dadarśa sara uttamam puṇyodakena saṁpūrṇaṁ vistīrṇaṁ paṁcayojanam

हे महाराज! चारों ओर देखते हुए उसने एक उत्तम सरोवर देखा, जो पवित्र जल से भरा और पाँच योजन विस्तृत था।

श्लोक 16 (padma.2.77.16)

हंसकारंडवाकीर्णं जलपक्षिविनादितम् । कमलैश्चापि मुदितं श्वेतोत्पलविराजितम्

haṁsakāraṁḍavākīrṇaṁ jalapakṣivināditam kamalaiścāpi muditaṁ śvetotpalavirājitam

वह हंसों और कारंडवों से भरा, जलपक्षियों के कलरव से गूँजता, कमलों से प्रसन्न और श्वेत कमलों से सुशोभित था।

श्लोक 17 (padma.2.77.17)

रक्तोत्पलैः शोभमानं हाटकोत्पलमंडितम् । नीलोत्पलैः प्रकाशितं कल्हारैरतिशोभितम्

raktotpalaiḥ śobhamānaṁ hāṭakotpalamaṁḍitam nīlotpalaiḥ prakāśitaṁ kalhārairatiśobhitam

वह लाल कमलों से शोभित, स्वर्ण-कमलों से अलंकृत, नील कमलों से प्रकाशित और कल्हार पुष्पों से अत्यंत सुशोभित था।

श्लोक 18 (padma.2.77.18)

मत्तैर्मधुकरैश्चपि सर्वत्र परिनादितम् । एवं सर्वगुणोपेतं ददर्श सर उत्तमम्

mattairmadhukaraiścapi sarvatra parināditam evaṁ sarvaguṇopetaṁ dadarśa sara uttamam

वह सर्वत्र मतवाले भ्रमरों की गुंजार से गूँज रहा था; इस प्रकार सभी गुणों से युक्त उस उत्तम सरोवर को उसने देखा।

श्लोक 19 (padma.2.77.19)

पंचयोजनविस्तीर्णं दशयोजनदीर्घकम् । तडागं सर्वतोभद्रं दिव्यभावैरलंकृतम्

paṁcayojanavistīrṇaṁ daśayojanadīrghakam taḍāgaṁ sarvatobhadraṁ divyabhāvairalaṁkṛtam

पाँच योजन चौड़ा, दस योजन लंबा वह तालाब सब ओर से मंगलमय और दिव्य गुणों से अलंकृत था।

श्लोक 20 (padma.2.77.20)

रथवेगेन संखिन्नः किंचिच्छ्रमनिपीडितः । निषसाद तटे तस्य चूतच्छायां सुशीतलाम्

rathavegena saṁkhinnaḥ kiṁcicchramanipīḍitaḥ niṣasāda taṭe tasya cūtacchāyāṁ suśītalām

रथ की गति से थका हुआ, कुछ श्रम से पीड़ित राजा उसके तट पर आम की शीतल छाया में बैठ गया।

श्लोक 21 (padma.2.77.21)

स्नात्वा पीत्वा जलं शीतं पद्मसौगंध्यवासितम् । सर्वश्रमोपशमनममृतोपममेव तत्

snātvā pītvā jalaṁ śītaṁ padmasaugaṁdhyavāsitam sarvaśramopaśamanamamṛtopamameva tat

स्नान करके और कमल की सुगंध से बसे शीतल जल को पीकर, जो अमृत के समान समस्त थकान को दूर करने वाला था -

श्लोक 22 (padma.2.77.22)

वृक्षच्छाये ततस्तस्मिन्नुपविष्टेन भूभृता । गीतध्वनिः समाकर्णि गीयमानो यथा तथा

vṛkṣacchāye tatastasminnupaviṣṭena bhūbhṛtā gītadhvaniḥ samākarṇi gīyamāno yathā tathā

वह भूपति उस वृक्ष की छाया में बैठा ही था कि उसे कहीं गाया जाता हुआ एक गीत-ध्वनि सुनाई दी।

श्लोक 23 (padma.2.77.23)

यथा स्त्री गायते दिव्या तथायं श्रूयते ध्वनिः । गीतप्रियो महाराज एव चिंतां परां गतः

yathā strī gāyate divyā tathāyaṁ śrūyate dhvaniḥ gītapriyo mahārāja eva ciṁtāṁ parāṁ gataḥ

जैसे कोई दिव्य स्त्री गाती हो, वैसी ही वह ध्वनि सुनाई पड़ी। गीत-प्रेमी महाराज तब गहरी चिंता में पड़ गए।

श्लोक 24 (padma.2.77.24)

चिंताकुलस्तु धर्मात्मा यावच्चिंतयते क्षणम् । तावन्नारी वरा काचित्पीनश्रोणी पयोधरा

ciṁtākulastu dharmātmā yāvacciṁtayate kṣaṇam tāvannārī varā kācitpīnaśroṇī payodharā

चिंता में डूबे उस धर्मात्मा राजा के क्षणभर सोचते-सोचते ही, स्थूल नितंबों और उन्नत वक्षस्थल वाली एक श्रेष्ठ नारी -

श्लोक 25 (padma.2.77.25)

नृपतेः पश्यतस्तस्य वने तस्मिन्समागता । सर्वाभरणशोभांगी शीललक्षणसंपदा

nṛpateḥ paśyatastasya vane tasminsamāgatā sarvābharaṇaśobhāṁgī śīlalakṣaṇasaṁpadā

उस राजा के देखते-देखते उस वन में आ पहुँची, समस्त आभूषणों से सुशोभित शरीर वाली, शील, रूप और सद्गुणों से संपन्न।

श्लोक 26 (padma.2.77.26)

तस्मिन्वने समायाता नृपतेः पुरतः स्थिता । तामुवाच महाराजः का हि कस्य भविष्यसि

tasminvane samāyātā nṛpateḥ purataḥ sthitā tāmuvāca mahārājaḥ kā hi kasya bhaviṣyasi

उस वन में आकर वह राजा के सामने खड़ी हो गई। महाराज ने उससे कहा - 'तुम कौन हो, किसकी हो?'

श्लोक 27 (padma.2.77.27)

किमर्थं हि समायाता तन्मे त्वं कारणं वद । पृष्टा सती तदा तेन न किंचिदपि पिप्पल

kimarthaṁ hi samāyātā tanme tvaṁ kāraṇaṁ vada pṛṣṭā satī tadā tena na kiṁcidapi pippala

'तुम किसलिए आई हो, मुझे वह कारण बताओ।' हे पिप्पल! इस प्रकार पूछे जाने पर भी उसने कुछ नहीं कहा -

श्लोक 28 (padma.2.77.28)

शुभाशुभं च भूपालं प्रत्यवोचद्वरानना । प्रहस्यैव गता शीघ्रं वीणादंडकराऽबला

śubhāśubhaṁ ca bhūpālaṁ pratyavocadvarānanā prahasyaiva gatā śīghraṁ vīṇādaṁḍakarā'balā

उस सुंदरी ने राजा को कोई अच्छा-बुरा उत्तर नहीं दिया; और वीणा-दंड हाथ में लिए वह सुंदरी हँसकर शीघ्र ही चली गई।

श्लोक 29 (padma.2.77.29)

विस्मयेनापि राजेंद्रो महता व्यापितस्तदा । मया संभाषिता चेयं मां न ब्रूते स्म सोत्तरम्

vismayenāpi rājeṁdro mahatā vyāpitastadā mayā saṁbhāṣitā ceyaṁ māṁ na brūte sma sottaram

राजाओं का राजा तब महान विस्मय से भर गया - 'मैंने इससे बात की, फिर भी इसने मुझे कोई उत्तर नहीं दिया।'

श्लोक 30 (padma.2.77.30)

पुनश्चिंतां समापेदे ययातिः पृथिवीपतिः । यो वै मृगो मया दृष्टश्चतुःशृंगः सुवर्णकः

punaściṁtāṁ samāpede yayātiḥ pṛthivīpatiḥ yo vai mṛgo mayā dṛṣṭaścatuḥśṛṁgaḥ suvarṇakaḥ

पृथ्वीपति ययाति फिर से चिंता में पड़ गए - 'जो चार सींगों वाला स्वर्ण-मृग मैंने देखा था -'

श्लोक 31 (padma.2.77.31)

तस्मान्नारी समुद्भूता तत्सत्यं प्रतिभाति मे । मायारूपमिदं सत्यं दानवानां भविष्यति

tasmānnārī samudbhūtā tatsatyaṁ pratibhāti me māyārūpamidaṁ satyaṁ dānavānāṁ bhaviṣyati

'उसी से यह नारी उत्पन्न हुई है, यह मुझे सत्य प्रतीत होता है। यह मायारूप निश्चय ही दानवों की रचना होगी।'

श्लोक 32 (padma.2.77.32)

चिंतयित्वा क्षणं राजा ययातिर्नहुषात्मजः । यावच्चिंतयते राजा तावन्नारी महावने

ciṁtayitvā kṣaṇaṁ rājā yayātirnahuṣātmajaḥ yāvacciṁtayate rājā tāvannārī mahāvane

नहुषपुत्र राजा ययाति क्षणभर विचार करते ही रहे, कि उतने में ही वह नारी उस महावन में -

श्लोक 33 (padma.2.77.33)

अंतर्धानं गता विप्र प्रहस्य नृपनंदनम् । एतस्मिन्नंतरे गीतं सुस्वरं पुनरेव तत्

aṁtardhānaṁ gatā vipra prahasya nṛpanaṁdanam etasminnaṁtare gītaṁ susvaraṁ punareva tat

हे विप्र! राजपुत्र को हँसकर अंतर्धान हो गई। इसी बीच वही मधुर गीत पुनः सुनाई पड़ा -

श्लोक 34 (padma.2.77.34)

शुश्रुवे परमं दिव्यं मूर्छनातानसंयुतम् । जगाम सत्वरं राजा यत्र गीतध्वनिर्महान्

śuśruve paramaṁ divyaṁ mūrchanātānasaṁyutam jagāma satvaraṁ rājā yatra gītadhvanirmahān

जो अत्यंत दिव्य और स्वर-लहरियों से युक्त था। राजा तुरंत वहाँ गए जहाँ से वह महान गीत-ध्वनि आ रही थी।

श्लोक 35 (padma.2.77.35)

जलांते पुष्करं चैव सहस्रदलमुत्तमम् । तस्योपरि वरा नारी शीलरूपगुणान्विता

jalāṁte puṣkaraṁ caiva sahasradalamuttamam tasyopari varā nārī śīlarūpaguṇānvitā

जल के किनारे सहस्रदल कमल था, और उसके ऊपर शील, रूप और सद्गुणों से संपन्न एक श्रेष्ठ नारी थी।

श्लोक 36 (padma.2.77.36)

दिव्यलक्षणसंपन्ना दिव्याभरणभूषिता । दिव्यैर्भावैः प्रभात्येका वीणादंडकराविला

divyalakṣaṇasaṁpannā divyābharaṇabhūṣitā divyairbhāvaiḥ prabhātyekā vīṇādaṁḍakarāvilā

वह दिव्य लक्षणों से संपन्न, दिव्य आभूषणों से भूषित, दिव्य भावों से अकेली ही प्रकाशित होती हुई वीणा-दंड हाथ में लिए थी।

श्लोक 37 (padma.2.77.37)

गायंती सुस्वरं गीतं तालमानलयान्वितम् । तेन गीतप्रभावेण मोहयंती चराचरान्

gāyaṁtī susvaraṁ gītaṁ tālamānalayānvitam tena gītaprabhāveṇa mohayaṁtī carācarān

वह ताल, मान और लय से युक्त मधुर गीत गा रही थी, और उस गीत के प्रभाव से चराचर को मोहित कर रही थी -

श्लोक 38 (padma.2.77.38)

देवान्मुनिगणान्सर्वान्दैत्यान्गंधर्वकिन्नरान् । तां दृष्ट्वा स विशालाक्षीं रूपतेजोपशालिनीम्

devānmunigaṇānsarvāndaityāngaṁdharvakinnarān tāṁ dṛṣṭvā sa viśālākṣīṁ rūpatejopaśālinīm

देवताओं, समस्त मुनिगणों, दैत्यों, गंधर्वों और किन्नरों को। उस विशाल नेत्रों वाली, रूप और तेज से सुशोभित नारी को देखकर -

श्लोक 39 (padma.2.77.39)

संसारे नास्ति चैवान्या नारीदृशी चराचरे । पुरा नटो जरायुक्तो नृपतेः कायमेव हि

saṁsāre nāsti caivānyā nārīdṛśī carācare purā naṭo jarāyukto nṛpateḥ kāyameva hi

चराचर संसार में उसके समान अन्य कोई नारी नहीं है। पहले जरा से युक्त हुए अभिनेता (काम) ने राजा के शरीर में ही -

श्लोक 40 (padma.2.77.40)

संचारितो महाकामस्तदासौ प्रकटोभवत् । घृतं स्पृष्ट्वा यथा वह्नी रश्मिवान्संप्रजायते

saṁcārito mahākāmastadāsau prakaṭobhavat ghṛtaṁ spṛṣṭvā yathā vahnī raśmivānsaṁprajāyate

संचार किया था, अतः महान काम प्रकट हो गया। जैसे घी को छूकर अग्नि किरणों सहित प्रज्वलित हो उठती है -

श्लोक 41 (padma.2.77.41)

तां च दृष्ट्वा तथा कामस्तत्कायात्प्रकटोऽभवत् । मन्मथाविष्टचित्तोसौ तां दृष्ट्वा चारुलोचनाम्

tāṁ ca dṛṣṭvā tathā kāmastatkāyātprakaṭo'bhavat manmathāviṣṭacittosau tāṁ dṛṣṭvā cārulocanām

वैसे ही उसे देखकर काम उस शरीर से प्रकट हो गया; मन्मथ से आविष्ट-चित्त वह राजा उस सुनयना को देखकर -

श्लोक 42 (padma.2.77.42)

ईदृग्रूपा न दृष्टा मे युवती विश्वमोहिनी । चिंतयित्वा क्षणं राजा कामसंसक्तमानसः

īdṛgrūpā na dṛṣṭā me yuvatī viśvamohinī ciṁtayitvā kṣaṇaṁ rājā kāmasaṁsaktamānasaḥ

'ऐसे रूप वाली, विश्व को मोहित करने वाली युवती मैंने कभी नहीं देखी।' क्षणभर विचार कर काम में आसक्त-मन राजा -

श्लोक 43 (padma.2.77.43)

तस्याः सविरहेणापि लुब्धोभून्नृपतिस्तदा । कामाग्निना दह्यमानः कामज्वरेणपीडितः

tasyāḥ saviraheṇāpi lubdhobhūnnṛpatistadā kāmāgninā dahyamānaḥ kāmajvareṇapīḍitaḥ

उससे विरह होने की भी आशंका से लोभी हो गया; काम की अग्नि से जलता हुआ, काम-ज्वर से पीड़ित -

श्लोक 44 (padma.2.77.44)

कथं स्यान्मम चैवेयं कथं भावो भविष्यति । यदा मां गूहते बाला पद्मास्या पद्मलोचना

kathaṁ syānmama caiveyaṁ kathaṁ bhāvo bhaviṣyati yadā māṁ gūhate bālā padmāsyā padmalocanā

'यह मुझे कैसे प्राप्त होगी? इसका भाव क्या होगा? यदि यह कमल-मुखी, कमल-नयना बाला मुझे अपना ले -'

श्लोक 45 (padma.2.77.45)

यदीयं प्राप्यते तर्हि सफलं जीवितं भवेत् । एवं विचिंत्य धर्मात्मा ययातिः पृथिवीपतिः

yadīyaṁ prāpyate tarhi saphalaṁ jīvitaṁ bhavet evaṁ viciṁtya dharmātmā yayātiḥ pṛthivīpatiḥ

'यदि यह प्राप्त हो जाए तो मेरा जीवन सफल हो जाएगा।' ऐसा विचारकर धर्मात्मा पृथ्वीपति ययाति ने -

श्लोक 46 (padma.2.77.46)

तामुवाच वरारोहां का त्वं कस्यापि वा शुभे । पूर्वं दृष्टा तु या नारी सा दृष्टा पुनरेव च

tāmuvāca varārohāṁ kā tvaṁ kasyāpi vā śubhe pūrvaṁ dṛṣṭā tu yā nārī sā dṛṣṭā punareva ca

उस सुंदरी से कहा - 'हे शुभे! तुम कौन हो, किसकी हो? जो नारी मैंने पहले देखी थी, क्या वही फिर से दिखाई दी है?'

श्लोक 47 (padma.2.77.47)

तां पप्रच्छ स धर्मात्मा का चेयं तव पार्श्वगा । सर्वं कथय कल्याणि अहं हि नहुषात्मजः

tāṁ papraccha sa dharmātmā kā ceyaṁ tava pārśvagā sarvaṁ kathaya kalyāṇi ahaṁ hi nahuṣātmajaḥ

उस धर्मात्मा ने उससे पूछा - 'तुम्हारे साथ चलने वाली यह कौन है? हे कल्याणी! सब कुछ बताओ, मैं नहुष का पुत्र हूँ।'

श्लोक 48 (padma.2.77.48)

सोमवंशप्रसूतोहं सप्तद्वीपाधिपः शुभे । ययातिर्नाम मे देवि ख्यातोहं भुवनत्रये

somavaṁśaprasūtohaṁ saptadvīpādhipaḥ śubhe yayātirnāma me devi khyātohaṁ bhuvanatraye

'मैं सोमवंश में उत्पन्न, सप्तद्वीप का अधिपति हूँ, हे शुभे! मेरा नाम ययाति है, हे देवी! मैं तीनों लोकों में विख्यात हूँ।'

श्लोक 49 (padma.2.77.49)

तव संगमने चेतो भावमेवं प्रवांछते । देहि मे संगमं भद्रे कुरु सुप्रियमेव हि

tava saṁgamane ceto bhāvamevaṁ pravāṁchate dehi me saṁgamaṁ bhadre kuru supriyameva hi

'तुम्हारे संगम की ओर मेरा मन इस प्रकार भाव रखता है। हे भद्रे! मुझे अपना संगम दो, मुझ पर यह उपकार अवश्य करो।'

श्लोक 50 (padma.2.77.50)

यं यं हि वांछसे भद्रे तद्ददामि न संशयः । दुर्जयेनापि कामेन हतोहं वरवर्णिनि

yaṁ yaṁ hi vāṁchase bhadre taddadāmi na saṁśayaḥ durjayenāpi kāmena hatohaṁ varavarṇini

'हे भद्रे! तुम जो कुछ चाहो, वह मैं तुम्हें दूँगा, इसमें संशय नहीं। हे वरवर्णिनी! मैं दुर्जय काम के द्वारा आहत हूँ।'

श्लोक 51 (padma.2.77.51)

तस्मात्त्राहि सुदीनं मां प्रपन्नं शरणं तव । राज्यं च सकलामुर्वीं शरीरमपि चात्मनः

tasmāttrāhi sudīnaṁ māṁ prapannaṁ śaraṇaṁ tava rājyaṁ ca sakalāmurvīṁ śarīramapi cātmanaḥ

'इसलिए तुम्हारी शरण में आए इस अत्यंत दीन मुझको बचाओ। अपना राज्य, यह समूची पृथ्वी और अपना शरीर भी -'

श्लोक 52 (padma.2.77.52)

संगमे तव दास्यामि त्रैलोक्यमिदमेव ते । तस्य राज्ञो वचः श्रुत्वा सा स्त्री पद्मनिभानना

saṁgame tava dāsyāmi trailokyamidameva te tasya rājño vacaḥ śrutvā sā strī padmanibhānanā

'तुम्हारे संगम में मैं दे दूँगा - यह त्रिलोक भी तुम्हें ही दूँगा।' राजा के इस वचन को सुनकर वह कमल-मुखी स्त्री -

श्लोक 53 (padma.2.77.53)

विशालां स्वसखीं प्राह ब्रूहि राजानमागतम् । नाम चोत्पत्तिस्थानं च पितरं मातरं शुभे

viśālāṁ svasakhīṁ prāha brūhi rājānamāgatam nāma cotpattisthānaṁ ca pitaraṁ mātaraṁ śubhe

अपनी सखी विशाला से बोली - 'यहाँ आए इस राजा को बताओ - हे शुभे! मेरा नाम, मेरी उत्पत्ति का स्थान, मेरे माता-पिता -'

श्लोक 54 (padma.2.77.54)

ममापि भावमेकाग्रमस्याग्रे च निवेदय । तस्याश्च वांछितं ज्ञात्वा विशाला भूपतिं तदा

mamāpi bhāvamekāgramasyāgre ca nivedaya tasyāśca vāṁchitaṁ jñātvā viśālā bhūpatiṁ tadā

'और इसके समक्ष मेरा एकाग्र भाव भी बता दो।' उसकी इच्छा जानकर विशाला ने तब राजा से -

श्लोक 55 (padma.2.77.55)

उवाच मधुरालापैः श्रूयतां नृपनंदन । विशालोवाच- काम एष पुरा दग्धो देवदेवेन शंभुना

uvāca madhurālāpaiḥ śrūyatāṁ nṛpanaṁdana viśālovāca- kāma eṣa purā dagdho devadevena śaṁbhunā

मधुर वाणी में कहा - 'हे नृपनंदन! सुनिए।' विशाला ने कहा - यह काम पहले देवाधिदेव शंभु द्वारा भस्म कर दिया गया था -

श्लोक 56 (padma.2.77.56)

रुरोद सा रतिर्दुःखाद्भर्त्राहीनापि सुस्वरम् । अस्मिन्सरसि राजेंद्र सा रतिर्न्यवसत्तदा

ruroda sā ratirduḥkhādbhartrāhīnāpi susvaram asminsarasi rājeṁdra sā ratirnyavasattadā

'और पति से रहित रति करुण स्वर में रोई थी। हे राजराजेंद्र! इसी सरोवर में वह रति तब निवास करती थी -'

श्लोक 57 (padma.2.77.57)

तस्य प्रलापमेवं सा सुस्वरं करुणान्वितम् । समाकर्ण्य ततो देवाः कृपया परयान्विताः

tasya pralāpamevaṁ sā susvaraṁ karuṇānvitam samākarṇya tato devāḥ kṛpayā parayānvitāḥ

'उसके इस करुणापूर्ण मधुर विलाप को सुनकर, देवता अत्यंत कृपायुक्त होकर -'

श्लोक 58 (padma.2.77.58)

संजाता राजराजेंद्र शंकरं वाक्यमब्रुवन् । जीवयस्व महादेव पुनरेव मनोभवम्

saṁjātā rājarājeṁdra śaṁkaraṁ vākyamabruvan jīvayasva mahādeva punareva manobhavam

'हे राजराजेंद्र! एकत्र होकर शंकर से यह वचन बोले - हे महादेव! मन्मथ को पुनः जीवित कीजिए -'

श्लोक 59 (padma.2.77.59)

वराकीयं महाभाग भर्तृहीना हि कीदृशी । कामेनापि समायुक्तामस्मत्स्नेहात्कुरुष्व हि

varākīyaṁ mahābhāga bhartṛhīnā hi kīdṛśī kāmenāpi samāyuktāmasmatsnehātkuruṣva hi

'हे महाभाग! देखिए, पति से रहित यह बेचारी कैसी है; हमारे स्नेह के कारण इसे काम से पुनः युक्त कीजिए।'

श्लोक 60 (padma.2.77.60)

तच्छ्रुत्वा च वचः प्राह जीवयामि मनोभवम् । कायेनापि विहीनोयं पंचबाणो मनोभवः

tacchrutvā ca vacaḥ prāha jīvayāmi manobhavam kāyenāpi vihīnoyaṁ paṁcabāṇo manobhavaḥ

यह सुनकर उन्होंने कहा - 'मैं मन्मथ को जीवित करता हूँ; यह पाँच बाणों वाला मन्मथ, शरीर से रहित होकर भी -'

श्लोक 61 (padma.2.77.61)

भविष्यति न संदेहो माधवस्य सखा पुनः । दिव्येनापि शरीरेण वर्तयिष्यति नान्यथा

bhaviṣyati na saṁdeho mādhavasya sakhā punaḥ divyenāpi śarīreṇa vartayiṣyati nānyathā

'निश्चय ही पुनः माधव का सखा बनेगा; वह दिव्य शरीर के बिना ही रहेगा, अन्यथा नहीं।'

श्लोक 62 (padma.2.77.62)

महादेवप्रसादाच्च मीनकेतुः स जीवितः । आशीर्भिरभिनंद्यैवं देव्याः कामं नरोत्तम

mahādevaprasādācca mīnaketuḥ sa jīvitaḥ āśīrbhirabhinaṁdyaivaṁ devyāḥ kāmaṁ narottama

महादेव की कृपा से मीनकेतु (काम) पुनर्जीवित हो गया। हे नरोत्तम! इस प्रकार आशीर्वाद से देवी को प्रसन्न करके -

श्लोक 63 (padma.2.77.63)

गच्छ काम प्रवर्तस्व प्रियया सह नित्यशः । एवमाह महातेजाः स्थितिसंहारकारकः

gaccha kāma pravartasva priyayā saha nityaśaḥ evamāha mahātejāḥ sthitisaṁhārakārakaḥ

'जाओ काम, अपनी प्रिया के साथ सदा रहो।' ऐसा उस महातेजस्वी, स्थिति और संहार करने वाले शिव ने कहा।

श्लोक 64 (padma.2.77.64)

पुनः कामः सरःप्राप्तो यत्रास्ते दुःखिता रतिः । इदं कामसरो राजन्रतिरत्र सुसंस्थिता

punaḥ kāmaḥ saraḥprāpto yatrāste duḥkhitā ratiḥ idaṁ kāmasaro rājanratiratra susaṁsthitā

काम पुनः उसी सरोवर में आया जहाँ दुःखी रति थी; हे राजन्! यही वह काम-सरोवर है जहाँ रति ठहरी रहती थी -

श्लोक 65 (padma.2.77.65)

दग्धे सति महाभागे मन्मथे दुःखधर्षिता । रत्याः कोपात्समुत्पन्नः पावको दारुणाकृतिः

dagdhe sati mahābhāge manmathe duḥkhadharṣitā ratyāḥ kopātsamutpannaḥ pāvako dāruṇākṛtiḥ

जब महाभाग मन्मथ भस्म हो गए थे, तब वह दुःख से अत्यंत व्याकुल हो गई थी; रति के क्रोध से एक भयंकर अग्नि उत्पन्न हुई -

श्लोक 66 (padma.2.77.66)

अतीवदग्धा तेनापि सा रतिर्मोहमूर्छिता । अश्रुपातं मुमोचाथ भर्तृहीना नरोत्तम

atīvadagdhā tenāpi sā ratirmohamūrchitā aśrupātaṁ mumocātha bhartṛhīnā narottama

उससे भी वह अत्यंत दग्ध और मोह से मूर्च्छित हो गई; हे नरोत्तम! पति से रहित वह तब अश्रु बहाने लगी।

श्लोक 67 (padma.2.77.67)

नेत्राभ्यां हि जले तस्याः पतिता अश्रुबिंदवः । तेभ्यो जातो महाशोकः सर्वसौख्यप्रणाशकः

netrābhyāṁ hi jale tasyāḥ patitā aśrubiṁdavaḥ tebhyo jāto mahāśokaḥ sarvasaukhyapraṇāśakaḥ

उसके नेत्रों से जल में अश्रु-बिंदु गिरे; उनसे समस्त सुख का नाश करने वाला महाशोक उत्पन्न हुआ।

श्लोक 68 (padma.2.77.68)

जरा पश्चात्समुत्पन्ना अश्रुभ्यो नृपसत्तम । वियोगो नाम दुर्मेधास्तेभ्यो जज्ञे प्रणाशकः

jarā paścātsamutpannā aśrubhyo nṛpasattama viyogo nāma durmedhāstebhyo jajñe praṇāśakaḥ

हे नृपसत्तम! उन्हीं अश्रुओं से बाद में जरा उत्पन्न हुई; और उन्हीं से दुर्बुद्धि विनाशकारी वियोग भी उत्पन्न हुआ।

श्लोक 69 (padma.2.77.69)

दुःखसंतापकौ चोभौ जज्ञाते दारुणौ तदा । मूर्छा नाम ततो जज्ञे दारुणा सुखनाशिनी

duḥkhasaṁtāpakau cobhau jajñāte dāruṇau tadā mūrchā nāma tato jajñe dāruṇā sukhanāśinī

तब उन्हीं से भयंकर दुःख और संताप दोनों उत्पन्न हुए; फिर सुख का नाश करने वाली भयंकर मूर्छा उत्पन्न हुई।

श्लोक 70 (padma.2.77.70)

शोकाज्जज्ञे महाराज कामज्वरोथ विभ्रमः । प्रलापो विह्वलश्चैव उन्मादो मृत्युरेव च

śokājjajñe mahārāja kāmajvarotha vibhramaḥ pralāpo vihvalaścaiva unmādo mṛtyureva ca

हे महाराज! शोक से काम-ज्वर और विभ्रम उत्पन्न हुए; प्रलाप, व्याकुलता, उन्माद और मृत्यु भी उत्पन्न हुए।

श्लोक 71 (padma.2.77.71)

तस्याश्च अश्रुबिंदुभ्यो जज्ञिरे विश्वनाशकाः । रत्याः पार्श्वे समुत्पन्नाः सर्वे तापांगधारिणः

tasyāśca aśrubiṁdubhyo jajñire viśvanāśakāḥ ratyāḥ pārśve samutpannāḥ sarve tāpāṁgadhāriṇaḥ

उसके अश्रु-बिंदुओं से ये सब विश्व-विनाशक उत्पन्न हुए, सब रति के पास ही उत्पन्न हुए, सब संताप का रूप धारण किए हुए।

श्लोक 72 (padma.2.77.72)

मूर्तिमंतो महाराज सद्भावगुणसंयुताः । काम एष समायातः केनाप्युक्तं तदा नृप

mūrtimaṁto mahārāja sadbhāvaguṇasaṁyutāḥ kāma eṣa samāyātaḥ kenāpyuktaṁ tadā nṛpa

हे महाराज! वे मूर्तिमान और सद्भाव के गुणों से युक्त थे। तभी किसी ने कहा - 'हे राजन्! यह काम आ गया है।'

श्लोक 73 (padma.2.77.73)

महानंदेन संयुक्ता दृष्ट्वा कामं समागतम् । नेत्राभ्यामश्रुपूर्णाभ्यां पतिता अश्रुबिन्दवः

mahānaṁdena saṁyuktā dṛṣṭvā kāmaṁ samāgatam netrābhyāmaśrupūrṇābhyāṁ patitā aśrubindavaḥ

काम को आया हुआ देखकर वह महाआनंद से भर गई; उसके अश्रुपूर्ण नेत्रों से आनंद के अश्रु-बिंदु गिरने लगे।

श्लोक 74 (padma.2.77.74)

अप्सु मध्ये महाराज चापल्याज्जज्ञिरे प्रजाः । प्रीतिर्नाम तदा जज्ञे ख्यातिर्लज्जा नरोत्तम

apsu madhye mahārāja cāpalyājjajñire prajāḥ prītirnāma tadā jajñe khyātirlajjā narottama

हे महाराज! उस जल के बीच उस हर्ष-कंपन से संतानें उत्पन्न हुईं - तब प्रीति उत्पन्न हुई, हे नरोत्तम! तथा ख्याति और लज्जा भी।

श्लोक 75 (padma.2.77.75)

तेभ्यो जज्ञे महानंद शांतिश्चान्या नृपोत्तम । जज्ञाते द्वे शुभे कन्ये सुखसंभोगदायिके

tebhyo jajñe mahānaṁda śāṁtiścānyā nṛpottama jajñāte dve śubhe kanye sukhasaṁbhogadāyike

हे नृपोत्तम! उनसे महाआनंद और एक अन्य - शांति - उत्पन्न हुई; सुखद संभोग देने वाली दो शुभ कन्याएँ उत्पन्न हुईं -

श्लोक 76 (padma.2.77.76)

लीलाक्रीडा मनोभाव संयोगस्तु महान्नृप । रत्यास्तु वामनेत्राद्वै आनंदादश्रुबिंदवः

līlākrīḍā manobhāva saṁyogastu mahānnṛpa ratyāstu vāmanetrādvai ānaṁdādaśrubiṁdavaḥ

हे राजन्! लीला, क्रीड़ा, मनोभाव और महान संयोग भी उत्पन्न हुए। और रति के बाएँ नेत्र से, आनंद के अश्रु-बिंदु -

श्लोक 77 (padma.2.77.77)

जलांते पतिता राजंस्तस्माज्जज्ञे सुपंकजम् । तस्मात्सुपंकजाज्जाता इयं नारी वरानना

jalāṁte patitā rājaṁstasmājjajñe supaṁkajam tasmātsupaṁkajājjātā iyaṁ nārī varānanā

हे राजन्! जल के किनारे गिरे, और उनसे एक सुंदर कमल उत्पन्न हुआ; उसी सुंदर कमल से यह सुमुखी नारी उत्पन्न हुई -

श्लोक 78 (padma.2.77.78)

अश्रुबिंदुमती नाम रतिपुत्री नरोत्तम । तस्याः प्रीत्या सुखं कृत्वा नित्यं वर्त्ते समीपगा

aśrubiṁdumatī nāma ratiputrī narottama tasyāḥ prītyā sukhaṁ kṛtvā nityaṁ vartte samīpagā

हे नरोत्तम! अश्रुबिंदुमती नाम की, रति की पुत्री। उसके प्रेम से सुख पाकर मैं सदा उसके समीप रहती हूँ -

श्लोक 79 (padma.2.77.79)

सखीभावस्वभावेन संहृष्टा सर्वदा शुभा । विशाला नाम मे ख्यातं वरुणस्य सुता नृप

sakhībhāvasvabhāvena saṁhṛṣṭā sarvadā śubhā viśālā nāma me khyātaṁ varuṇasya sutā nṛpa

सखी-भाव के स्वभाव से सदा प्रसन्न और शुभ रहती हूँ; हे राजन्! मेरा नाम विशाला है, मैं वरुण की पुत्री कही जाती हूँ।

श्लोक 80 (padma.2.77.80)

अस्याश्चांते प्रवर्तामि स्नेहात्स्निग्धास्मि सर्वदा । एतत्ते सर्वमाख्यातमस्याश्चात्मन एव ते

asyāścāṁte pravartāmi snehātsnigdhāsmi sarvadā etatte sarvamākhyātamasyāścātmana eva te

मैं इसी के लिए सदा प्रयत्नशील रहती हूँ, स्नेह से सदा इसके प्रति स्निग्ध हूँ। यह सब मैंने तुम्हें इसके और अपने विषय में बता दिया।

श्लोक 81 (padma.2.77.81)

तपश्चचार राजेंद्र पतिकामा वरानना । राजोवाच- सर्वमेव त्वयाख्यातं मया ज्ञातं शुभे शृणु

tapaścacāra rājeṁdra patikāmā varānanā rājovāca- sarvameva tvayākhyātaṁ mayā jñātaṁ śubhe śṛṇu

हे राजेंद्र! वह सुंदरी पति की कामना से तप करने लगी। राजा ने कहा - हे शुभे! तुमने सब कुछ बता दिया, अब मेरी बात सुनो।

श्लोक 82 (padma.2.77.82)

मामेवं हि भजत्वेषा रतिपुत्री वरानना । यमेषा वांछते बाला तत्सर्वं तु ददाम्यहम्

māmevaṁ hi bhajatveṣā ratiputrī varānanā yameṣā vāṁchate bālā tatsarvaṁ tu dadāmyaham

'यह रति-पुत्री, यह सुंदरी मुझे ही अपना ले; यह बाला जो कुछ चाहती है, वह सब मैं दूँगा।'

श्लोक 83 (padma.2.77.83)

तथा कुरुष्व कल्याणि यथा मे वश्यतां व्रजेत् । विशालोवाच- अस्या व्रतं प्रवक्ष्यामि तदाकर्णय भूपते

tathā kuruṣva kalyāṇi yathā me vaśyatāṁ vrajet viśālovāca- asyā vrataṁ pravakṣyāmi tadākarṇaya bhūpate

'हे कल्याणी! ऐसा करो जिससे वह मेरे वश में आ जाए।' विशाला ने कहा - मैं उसका व्रत बताती हूँ, हे भूपते! उसे सुनिए।

श्लोक 84 (padma.2.77.84)

पुरुषं यौवनोपेतं सर्वज्ञं वीरलक्षणम् । देवराजसमं राजन्धर्माचारसमन्वितम्

puruṣaṁ yauvanopetaṁ sarvajñaṁ vīralakṣaṇam devarājasamaṁ rājandharmācārasamanvitam

'हे राजन्! युवावस्था से युक्त, सर्वज्ञ, वीरता के लक्षणों वाला, देवराज के समान, धर्माचार से युक्त पुरुष -'

श्लोक 85 (padma.2.77.85)

तेजस्विनं महाप्राज्ञं दातारं यज्विनां वरम् । गुणानां धर्मभावस्य ज्ञातारं पुण्यभाजनम्

tejasvinaṁ mahāprājñaṁ dātāraṁ yajvināṁ varam guṇānāṁ dharmabhāvasya jñātāraṁ puṇyabhājanam

'तेजस्वी, महाबुद्धिमान, दानी, यज्ञ करने वालों में श्रेष्ठ, गुणों और धर्मभाव का ज्ञाता, पुण्य का पात्र -'

श्लोक 86 (padma.2.77.86)

लोक इंद्रसमं राजन्सुयज्ञैर्धर्मतत्परम् । सर्वैश्वर्यसमोपेतं नारायणमिवापरम्

loka iṁdrasamaṁ rājansuyajñairdharmatatparam sarvaiśvaryasamopetaṁ nārāyaṇamivāparam

'हे राजन्! लोक में इंद्र के समान, उत्तम यज्ञों से धर्म में तत्पर, सर्व-ऐश्वर्य से युक्त, मानो दूसरा नारायण -'

श्लोक 87 (padma.2.77.87)

देवानां सुप्रियं नित्यं ब्राह्मणानामतिप्रियम् । ब्रह्मण्यं वेदतत्त्वज्ञं त्रैलोक्ये ख्यातविक्रमम्

devānāṁ supriyaṁ nityaṁ brāhmaṇānāmatipriyam brahmaṇyaṁ vedatattvajñaṁ trailokye khyātavikramam

'सदा देवताओं का अत्यंत प्रिय, ब्राह्मणों का अतिप्रिय, ब्राह्मणभक्त, वेदतत्त्व का ज्ञाता, त्रिलोक में विख्यात पराक्रमी -'

श्लोक 88 (padma.2.77.88)

एवंगुणैः समुपेतं त्रैलोक्येन प्रपूजितम् । सुमतिं सुप्रियं कांतं मनसा वरमीप्सति

evaṁguṇaiḥ samupetaṁ trailokyena prapūjitam sumatiṁ supriyaṁ kāṁtaṁ manasā varamīpsati

'इन गुणों से युक्त, त्रिलोक द्वारा पूजित, सुबुद्धि, अत्यंत प्रिय, मनोहर वर - ऐसा ही वर वह मन से चाहती है।'

श्लोक 89 (padma.2.77.89)

ययातिरुवाच- एवं गुणैः समुपेतं विद्धि मामिह चागतम् । अस्यानुरूपो भर्त्ताहं सृष्टो धात्रा न संशयः

yayātiruvāca- evaṁ guṇaiḥ samupetaṁ viddhi māmiha cāgatam asyānurūpo bharttāhaṁ sṛṣṭo dhātrā na saṁśayaḥ

ययाति ने कहा - जानिए, मैं यहाँ इन्हीं गुणों से युक्त होकर आया हूँ; निश्चय ही विधाता ने मुझे इसके योग्य पति बनाकर रचा है।

श्लोक 90 (padma.2.77.90)

विशालोवाच- भवंतं पुण्यसंवृद्धं जाने राजञ्जगत्त्रये । पूर्वोक्ता ये गुणाः सर्वे मयोक्ताः संति ते त्वयि

viśālovāca- bhavaṁtaṁ puṇyasaṁvṛddhaṁ jāne rājañjagattraye pūrvoktā ye guṇāḥ sarve mayoktāḥ saṁti te tvayi

विशाला ने कहा - हे राजन्! मैं जानती हूँ कि आप तीनों लोकों में पुण्य से महान हैं; जो गुण मैंने पहले बताए, वे सब आपमें विद्यमान हैं -

श्लोक 91 (padma.2.77.91)

एकेनापि च दोषेण त्वामेषा हि न मन्यते । एष मे संशयो जातो भवान्विष्णुमयो नृप

ekenāpi ca doṣeṇa tvāmeṣā hi na manyate eṣa me saṁśayo jāto bhavānviṣṇumayo nṛpa

किंतु एक ही दोष के कारण यह आपको स्वीकार नहीं करती। हे राजन्! मुझे यह संशय है कि क्या आप पूर्णतः विष्णुमय हैं या नहीं।

श्लोक 92 (padma.2.77.92)

ययातिरुवाच- समाचक्ष्व महादोषं यमेषा नानुमन्यते । तत्त्वेन चारुसर्वांगी प्रसादसुमुखी भव

yayātiruvāca- samācakṣva mahādoṣaṁ yameṣā nānumanyate tattvena cārusarvāṁgī prasādasumukhī bhava

ययाति ने कहा - वह महादोष बताओ जिसके कारण यह स्वीकार नहीं करती; हे सर्वांग-सुंदरी! सच्चाई से बताओ और प्रसन्न मुख हो जाओ।

श्लोक 93 (padma.2.77.93)

विशालोवाच- आत्मदोषं न जानासि कस्मात्त्वं जगतीपते । जरया व्याप्तकायस्त्वमनेनेयं न मन्यते

viśālovāca- ātmadoṣaṁ na jānāsi kasmāttvaṁ jagatīpate jarayā vyāptakāyastvamaneneyaṁ na manyate

विशाला ने कहा - हे पृथ्वीपते! आप अपना ही दोष क्यों नहीं जानते? आपका शरीर जरा से व्याप्त है, इसीलिए यह आपको स्वीकार नहीं करती।

श्लोक 94 (padma.2.77.94)

एवं श्रुत्वा महद्वाक्यमप्रियं जगतीपतिः । दुःखेन महताविष्टस्तामुवाच पुनर्नृपः

evaṁ śrutvā mahadvākyamapriyaṁ jagatīpatiḥ duḥkhena mahatāviṣṭastāmuvāca punarnṛpaḥ

यह महान अप्रिय वचन सुनकर पृथ्वीपति अत्यंत दुःख से भर गया, और राजा ने उससे फिर कहा -

श्लोक 95 (padma.2.77.95)

जरादोषो न मे भद्रे संसर्गात्कस्यचित्कदा । समुद्भूतं ममांगे वै तं न जाने जरागमम्

jarādoṣo na me bhadre saṁsargātkasyacitkadā samudbhūtaṁ mamāṁge vai taṁ na jāne jarāgamam

'हे भद्रे! मुझमें जरा का दोष किसी संपर्क से कभी उत्पन्न नहीं हुआ; मैं अपने शरीर में ऐसी किसी जरा के आगमन को नहीं जानता।'

श्लोक 96 (padma.2.77.96)

यं यं हि वांछते चैषा त्रैलोक्ये दुर्लभं शुभे । तमस्यै दातुकामोहं व्रियतां वर उत्तमः

yaṁ yaṁ hi vāṁchate caiṣā trailokye durlabhaṁ śubhe tamasyai dātukāmohaṁ vriyatāṁ vara uttamaḥ

'यह जो कुछ चाहती है, त्रिलोक में जो भी दुर्लभ हो, हे शुभे! वह मैं इसे देने को तैयार हूँ; उत्तम वर चुन लिया जाए।'

श्लोक 97 (padma.2.77.97)

विशालोवाच- जराहीनो यदा स्यास्त्वं तदा ते सुप्रिया भवेत् । एतद्विनिश्चितं राजन्सत्यं सत्यं वदाम्यहम्

viśālovāca- jarāhīno yadā syāstvaṁ tadā te supriyā bhavet etadviniścitaṁ rājansatyaṁ satyaṁ vadāmyaham

विशाला ने कहा - 'जब आप जरा-रहित हो जाएँगे, तब आप इसे प्रिय होंगे; हे राजन्! यह निश्चित है, मैं सत्य ही सत्य कह रही हूँ।'

श्लोक 98 (padma.2.77.98)

श्रुतिरेवं वदेद्राजन्पुत्रे भ्रातरि भृत्यके । जरा संक्राम्यते यस्य तस्यांगे परिसंचरेत्

śrutirevaṁ vadedrājanputre bhrātari bhṛtyake jarā saṁkrāmyate yasya tasyāṁge parisaṁcaret

'हे राजन्! श्रुति ऐसा कहती है - पुत्र, भाई या सेवक में से जिसमें भी जरा संक्रमित की जाए -'

श्लोक 99 (padma.2.77.99)

तारुण्यं तस्य वै गृह्य तस्मै दत्वा जरां पुनः । उभयोः प्रीतिसंवादः सुरुच्या जायते शुभः

tāruṇyaṁ tasya vai gṛhya tasmai datvā jarāṁ punaḥ ubhayoḥ prītisaṁvādaḥ surucyā jāyate śubhaḥ

'उसका यौवन लेकर, उसे अपनी जरा देकर, दोनों के बीच सद्भावपूर्ण, शुभ प्रीति-संबंध उत्पन्न होता है।'

श्लोक 100 (padma.2.77.100)

यथात्मदानपुण्यस्य कृपया यो ददाति च । फलं राजन्हि तत्तस्य जायते नात्र संशयः

yathātmadānapuṇyasya kṛpayā yo dadāti ca phalaṁ rājanhi tattasya jāyate nātra saṁśayaḥ

'जैसे कोई कृपा से अपने आत्मदान के पुण्य का फल दूसरे को दे देता है, हे राजन्! उसका फल उसे ही प्राप्त होता है, इसमें संशय नहीं।'

श्लोक 101 (padma.2.77.101)

दुःखेनोपार्जितं पुण्यमन्यस्मै हि प्रदीयते । सुपुण्यं तद्भवेत्तस्य पुण्यस्य फलमश्नुते

duḥkhenopārjitaṁ puṇyamanyasmai hi pradīyate supuṇyaṁ tadbhavettasya puṇyasya phalamaśnute

'कष्ट से अर्जित पुण्य जब किसी अन्य को दिया जाता है, तो वह उसका ही महापुण्य बन जाता है, और वही उस पुण्य का फल भोगता है।'

श्लोक 102 (padma.2.77.102)

पुत्राय दीयतां राजंस्तस्मात्तारुण्यमेव च । प्रगृह्यैव समागच्छ सुंदरत्वेन भूपते

putrāya dīyatāṁ rājaṁstasmāttāruṇyameva ca pragṛhyaiva samāgaccha suṁdaratvena bhūpate

'हे राजन्! इसलिए वह यौवन अपने पुत्र को दे दीजिए; उसे लेकर सौंदर्य सहित मेरे पास आइए।'

श्लोक 103 (padma.2.77.103)

यदा त्वमिच्छसे भोक्तुं तदा त्वं कुरुभूपते । एवमाभाष्य सा भूपं विशाला विरराम ह

yadā tvamicchase bhoktuṁ tadā tvaṁ kurubhūpate evamābhāṣya sā bhūpaṁ viśālā virarāma ha

'जब आप मुझे भोगना चाहें, हे भूपते! तब ऐसा ही कीजिए।' राजा से यह कहकर विशाला चुप हो गई।

श्लोक 104 (padma.2.77.104)

सुकर्मोवाच- एवमाकर्ण्य राजेंद्रो विशालामवदत्तदा । राजोवाच- एवमस्तु महाभागे करिष्ये वचनं तव

sukarmovāca- evamākarṇya rājeṁdro viśālāmavadattadā rājovāca- evamastu mahābhāge kariṣye vacanaṁ tava

सुकर्मा ने कहा - यह सुनकर राजाओं के राजा ने विशाला से कहा। राजा ने कहा - हे महाभागे! ऐसा ही हो, मैं तुम्हारे वचन का पालन करूँगा।

श्लोक 105 (padma.2.77.105)

कामासक्तः समूढस्तु ययातिः पृथिवीपतिः । गृहं गत्वा समाहूय सुतान्वाक्यमुवाच ह

kāmāsaktaḥ samūḍhastu yayātiḥ pṛthivīpatiḥ gṛhaṁ gatvā samāhūya sutānvākyamuvāca ha

काम में आसक्त, मोहग्रस्त पृथ्वीपति ययाति घर जाकर, अपने पुत्रों को बुलाकर यह वचन बोले।

श्लोक 106 (padma.2.77.106)

तुरुं पूरुं कुरुं राजा यदुं च पितृवत्सलम् । कुरुध्वं पुत्रकाः सौख्यं यूयं हि मम शासनात्

turuṁ pūruṁ kuruṁ rājā yaduṁ ca pitṛvatsalam kurudhvaṁ putrakāḥ saukhyaṁ yūyaṁ hi mama śāsanāt

राजा ने तुरु, पूरु, कुरु और पितृभक्त यदु से कहा - 'हे पुत्रो! मेरी आज्ञा से मेरा सुख करो।'

श्लोक 107 (padma.2.77.107)

पुत्रा ऊचुः- पितृवाक्यं प्रकर्तव्यं पुत्रैश्चापि शुभाशुभम् । उच्यतां तात तच्छीघ्रं कृतं विद्धि न संशयः

putrā ūcuḥ- pitṛvākyaṁ prakartavyaṁ putraiścāpi śubhāśubham ucyatāṁ tāta tacchīghraṁ kṛtaṁ viddhi na saṁśayaḥ

पुत्रों ने कहा - 'पिता का वचन, चाहे शुभ हो या अशुभ, पुत्रों को अवश्य करना चाहिए। हे तात! शीघ्र कहिए, जान लीजिए कि वह कर दिया जाएगा, इसमें संशय नहीं।'

श्लोक 108 (padma.2.77.108)

एवमाकर्ण्यतद्वाक्यं पुत्राणां पृथिवीपतिः । आचचक्षे पुनस्तेषु हर्षेणाकुलमानसः

evamākarṇyatadvākyaṁ putrāṇāṁ pṛthivīpatiḥ ācacakṣe punasteṣu harṣeṇākulamānasaḥ

पुत्रों के इस वचन को सुनकर पृथ्वीपति ने हर्ष से व्याकुल मन होकर उनसे पुनः यह कहा।