गर्भ में आत्मा — वैराग्य, विवेक और मोक्ष का मार्ग

श्लोक 1 (padma.2.8.1)

कश्यप उवाच- स गर्भे व्याकुलो जातः खिद्यमानो दिने दिने । दुःखाक्रांतो हि धर्मात्मा सर्वपीडाभिपीडितः

kaśyapa uvāca- sa garbhe vyākulo jātaḥ khidyamāno dine dine duḥkhākrāṁto hi dharmātmā sarvapīḍābhipīḍitaḥ

कश्यप ने कहा — वह आत्मा गर्भ में व्याकुल होकर उत्पन्न हुआ, दिन-प्रतिदिन खिन्न होता गया; दुःख से आक्रांत वह धर्मात्मा समस्त पीड़ाओं से पीड़ित —

श्लोक 2 (padma.2.8.2)

अधोमुखस्तु गर्भस्थो मोहजालेन बंधितः । आधिव्याधिसमाक्रांतो हाहाभूतो विचेतनः

adhomukhastu garbhastho mohajālena baṁdhitaḥ ādhivyādhisamākrāṁto hāhābhūto vicetanaḥ

—सिर नीचे किए हुए गर्भस्थ, मोह के जाल से बंधा हुआ; आधि-व्याधि से आक्रांत, त्राहि-त्राहि करता हुआ, चेतनाहीन —

श्लोक 3 (padma.2.8.3)

दुःखेन महताविष्टो ज्ञानमाह प्रपीडितः । आत्मोवाच- तव वाक्यं महाप्राज्ञ न कृतं तु मया तदा

duḥkhena mahatāviṣṭo jñānamāha prapīḍitaḥ ātmovāca- tava vākyaṁ mahāprājña na kṛtaṁ tu mayā tadā

—महान दुःख से आविष्ट, पीड़ित होकर उसने ज्ञान से कहा। आत्मा ने कहा — 'हे महाप्राज्ञ! तुम्हारा वचन तब मेरे द्वारा नहीं माना गया —

श्लोक 4 (padma.2.8.4)

ध्यानेन वार्यमाणोपि पतितो मोहसंकटे । तस्माद्रक्ष महाप्राज्ञ गर्भवासात्सुदारुणात्

dhyānena vāryamāṇopi patito mohasaṁkaṭe tasmādrakṣa mahāprājña garbhavāsātsudāruṇāt

—ध्यान द्वारा रोके जाने पर भी मैं मोह के संकट में गिर गया। इसलिए, हे महाप्राज्ञ, इस अत्यंत भयंकर गर्भवास से मेरी रक्षा करो।'

श्लोक 5 (padma.2.8.5)

ज्ञानमुवाच- मया त्वं वारितो ह्यात्मन्कृतं वाक्यं न चैव मे । पंचात्मकैर्महाक्रूरैः पातितो गर्भसंकटे

jñānamuvāca- mayā tvaṁ vārito hyātmankṛtaṁ vākyaṁ na caiva me paṁcātmakairmahākrūraiḥ pātito garbhasaṁkaṭe

ज्ञान ने कहा — 'मैंने तुम्हें रोका था, हे आत्मन्, किंतु मेरा वचन नहीं माना गया; अत्यंत क्रूर पंचतत्त्वों की संगति से तुम गर्भ के संकट में गिरा दिए गए।

श्लोक 6 (padma.2.8.6)

इदानीं गच्छ त्वं ध्यानं तस्मात्संप्राप्स्यसे सुखम् । गर्भवासाद्भविष्यस्ते मोक्ष एव न संशयः

idānīṁ gaccha tvaṁ dhyānaṁ tasmātsaṁprāpsyase sukham garbhavāsādbhaviṣyaste mokṣa eva na saṁśayaḥ

अब तुम ध्यान के पास जाओ, वहाँ से तुम्हें सुख प्राप्त होगा। गर्भवास से तुम्हें मोक्ष ही प्राप्त होगा, इसमें संदेह नहीं।'

श्लोक 7 (padma.2.8.7)

तस्य तद्वचनं श्रुत्वा ज्ञात्वा ज्ञानस्य तत्त्वताम् । ध्यानमाहूय प्रोवाच श्रूयतां वचनं मम

tasya tadvacanaṁ śrutvā jñātvā jñānasya tattvatām dhyānamāhūya provāca śrūyatāṁ vacanaṁ mama

उसका यह वचन सुनकर और ज्ञान की सच्चाई को जानकर उसने ध्यान को बुलाया और कहा — 'मेरा वचन सुनो —

श्लोक 8 (padma.2.8.8)

त्वामहं शरणं प्राप्तो ध्यान मां रक्ष नित्यशः । एवमस्तु महाप्राज्ञ ध्यानमाह महामतिम्

tvāmahaṁ śaraṇaṁ prāpto dhyāna māṁ rakṣa nityaśaḥ evamastu mahāprājña dhyānamāha mahāmatim

—मैं तुम्हारी शरण में आया हूँ, हे ध्यान! सदा मेरी रक्षा करो।' 'ऐसा ही हो, हे महाप्राज्ञ' — ध्यान ने उस महामति से कहा।

श्लोक 9 (padma.2.8.9)

एतद्वाक्यं ततः श्रुत्वा आत्मा वै ध्यानमागतः । ध्यानेन हि समं गर्भे संस्थितो मोहवर्जितः

etadvākyaṁ tataḥ śrutvā ātmā vai dhyānamāgataḥ dhyānena hi samaṁ garbhe saṁsthito mohavarjitaḥ

यह वचन सुनकर आत्मा ध्यान के पास आ गया; ध्यान के साथ ही गर्भ में स्थित होकर वह मोह से मुक्त हो गया।

श्लोक 10 (padma.2.8.10)

यदा ध्यानं गतो ह्यात्मा विस्मृतं गर्भजं भयम् । स द्वाभ्यां सहितस्तत्र आत्मा मोह विना कृतः

yadā dhyānaṁ gato hyātmā vismṛtaṁ garbhajaṁ bhayam sa dvābhyāṁ sahitastatra ātmā moha vinā kṛtaḥ

जब आत्मा ध्यान के पास पहुँचा, तब गर्भ-जनित भय को वह भूल गया; उन दोनों — ज्ञान और ध्यान — के साथ रहकर वह आत्मा मोहरहित बन गया।

श्लोक 11 (padma.2.8.11)

चिंतयन्नेव वै नित्यमात्मकं सुखमेव हि । इतो निष्क्रांतमात्रस्तु त्यजे पंचात्मकं वपुः

ciṁtayanneva vai nityamātmakaṁ sukhameva hi ito niṣkrāṁtamātrastu tyaje paṁcātmakaṁ vapuḥ

वह सदा केवल आत्मिक सुख का ही चिंतन करता रहा — 'जैसे ही मैं यहाँ से निकलूँगा, इस पंचतत्त्वमय शरीर को त्याग दूँगा।'

श्लोक 12 (padma.2.8.12)

एवं चिंतयते नित्यं गर्भवासगतः प्रभुः । सूतिकाले तु संप्राप्ते प्राजापत्ये वरानने

evaṁ ciṁtayate nityaṁ garbhavāsagataḥ prabhuḥ sūtikāle tu saṁprāpte prājāpatye varānane

इस प्रकार वह प्रभु गर्भवास में सदा यही चिंतन करता रहा। जब प्रजापति द्वारा निर्धारित प्रसवकाल आया, हे वरानने —

श्लोक 13 (padma.2.8.13)

वायुना चलितो गर्भः प्राणेनापि बलीयसा । योनिर्विकासमायाति चतुर्विंशांगुलं तदा

vāyunā calito garbhaḥ prāṇenāpi balīyasā yonirvikāsamāyāti caturviṁśāṁgulaṁ tadā

—तब वायु से गर्भ चलायमान हुआ, और बलवान प्राण से भी; तब योनि चौबीस अंगुल तक विकसित हो जाती है।

श्लोक 14 (padma.2.8.14)

पंचविंशांगुलो गर्भस्तेन पीडा विजायते । एवं संपीड्यमानस्तु मूर्च्छया मूर्च्छितः प्रिये

paṁcaviṁśāṁgulo garbhastena pīḍā vijāyate evaṁ saṁpīḍyamānastu mūrcchayā mūrcchitaḥ priye

गर्भ पच्चीस अंगुल का होता है, इसी से पीड़ा उत्पन्न होती है। इस प्रकार पीड़ित होकर वह मूर्च्छा से मूर्छित हो गया, हे प्रिये —

श्लोक 15 (padma.2.8.15)

पतितो भूमिभागे तु ज्ञानध्यानसमन्वितः । प्राजापत्येन दिव्येन वायुना स पृथक्कृतः

patito bhūmibhāge tu jñānadhyānasamanvitaḥ prājāpatyena divyena vāyunā sa pṛthakkṛtaḥ

—और भूमि पर गिर पड़ा, ज्ञान-ध्यान से युक्त होकर ही; प्रजापति द्वारा निर्धारित दिव्य वायु द्वारा वह गर्भ से पृथक् किया गया।

श्लोक 16 (padma.2.8.16)

भूमिसंस्पर्शमात्रेण ज्ञानध्याने तु विस्मृते । संसारबंधसंदिग्ध आत्मा प्रियतया स्थितः

bhūmisaṁsparśamātreṇa jñānadhyāne tu vismṛte saṁsārabaṁdhasaṁdigdha ātmā priyatayā sthitaḥ

भूमि के स्पर्शमात्र से ज्ञान और ध्यान भुला दिए गए; संसार-बंधन में संशयग्रस्त होकर आत्मा प्रियता में लीन हो गया।

श्लोक 17 (padma.2.8.17)

गुणदोषसमाक्रांतो महामोहसमन्वितः । खाद्यं पानादिकं सर्वमिच्छत्येव दिनेदिने

guṇadoṣasamākrāṁto mahāmohasamanvitaḥ khādyaṁ pānādikaṁ sarvamicchatyeva dinedine

गुण-दोषों से आक्रांत, महामोह से युक्त, वह प्रतिदिन खाने-पीने आदि की समस्त वस्तुओं की इच्छा करने लगा।

श्लोक 18 (padma.2.8.18)

एवं संपुष्यमाणस्तु आत्मा पंचात्मकैः सह । व्यापितो हींद्रियैः सर्वैर्विषयैः पापकारिभिः

evaṁ saṁpuṣyamāṇastu ātmā paṁcātmakaiḥ saha vyāpito hīṁdriyaiḥ sarvairviṣayaiḥ pāpakāribhiḥ

इस प्रकार पंचतत्त्वों के साथ बढ़ता हुआ आत्मा समस्त इंद्रियों और उनके पापकारी विषयों से व्याप्त हो गया।

श्लोक 19 (padma.2.8.19)

बांधवानां समोहेन भार्यादीनां तथैव च । आकुलव्याकुलो देवि जायते च दिनेदिने

bāṁdhavānāṁ samohena bhāryādīnāṁ tathaiva ca ākulavyākulo devi jāyate ca dinedine

बांधवों के मोह से, और वैसे ही पत्नी आदि के मोह से, हे देवी, वह दिन-प्रतिदिन अत्यंत व्याकुल होता गया।

श्लोक 20 (padma.2.8.20)

महामोहेन संदिग्धो मोहजालगतः प्रभुः । कैवर्तेन यथा बद्धः शकुलो जालबंधनैः

mahāmohena saṁdigdho mohajālagataḥ prabhuḥ kaivartena yathā baddhaḥ śakulo jālabaṁdhanaiḥ

महामोह से संशयग्रस्त, मोह-जाल में फँसा वह प्रभु — जैसे मछुआरे द्वारा जाल के बंधनों में बँधी मछली —

श्लोक 21 (padma.2.8.21)

चलितुं नैव शक्तोस्ति तथात्मासीत्प्रबंधितः । मोहजालैस्तु तैः सर्वैर्दृढबंधैस्तु बंधितः

calituṁ naiva śaktosti tathātmāsītprabaṁdhitaḥ mohajālaistu taiḥ sarvairdṛḍhabaṁdhaistu baṁdhitaḥ

—हिल भी नहीं पाती, वैसे ही आत्मा बंध गया, उन सभी मोह-जालों के दृढ़ बंधनों से बँधकर।

श्लोक 22 (padma.2.8.22)

एवमादिप्रपंचेन व्यापितो व्यापकेन हि । ज्ञानविज्ञानविभ्रष्टो रागद्वेषादिभिर्हतः

evamādiprapaṁcena vyāpito vyāpakena hi jñānavijñānavibhraṣṭo rāgadveṣādibhirhataḥ

इस प्रकार इस व्यापक माया-प्रपंच से व्याप्त होकर, ज्ञान-विज्ञान से भ्रष्ट, राग-द्वेष आदि से आहत होकर —

श्लोक 23 (padma.2.8.23)

कामेन पीड्यमानस्तु क्रोधेनैव तथैव वा । प्रकृत्या कर्मणाबद्धो महामूढो व्यजायत

kāmena pīḍyamānastu krodhenaiva tathaiva vā prakṛtyā karmaṇābaddho mahāmūḍho vyajāyata

—काम से पीड़ित होकर, तथा क्रोध से भी, प्रकृति और कर्म से बंधकर वह महामूढ़ हो गया।

श्लोक 24 (padma.2.8.24)

सूत उवाच- एवं मूढो यदात्मासौ कामक्रोधवशंगतः । लोभरागादिभिः सर्वैर्व्यापृतस्तैर्दुरात्मभिः

sūta uvāca- evaṁ mūḍho yadātmāsau kāmakrodhavaśaṁgataḥ lobharāgādibhiḥ sarvairvyāpṛtastairdurātmabhiḥ

सूत जी ने कहा — इस प्रकार जब वह आत्मा मूढ़ होकर काम-क्रोध के वश में चला गया, लोभ-राग आदि उन सभी दुष्ट भावों से व्याप्त होकर —

श्लोक 25 (padma.2.8.25)

इयं भार्या ह्ययं पुत्र इदं मित्रमिदं गृहम् । एवं संसारजालेन महामोहेन बंधितः

iyaṁ bhāryā hyayaṁ putra idaṁ mitramidaṁ gṛham evaṁ saṁsārajālena mahāmohena baṁdhitaḥ

—'यह मेरी पत्नी है, यह मेरा पुत्र, यह मित्र, यह घर' — इस प्रकार संसार-जाल के महामोह से बंध गया।

श्लोक 26 (padma.2.8.26)

पुत्रशोकादिभिर्दुःखैर्विविधैराकुलस्तदा । जरयाव्याधिभिश्चैव संग्रस्तश्चाधिभिस्तथा

putraśokādibhirduḥkhairvividhairākulastadā jarayāvyādhibhiścaiva saṁgrastaścādhibhistathā

पुत्रशोक आदि नाना दुःखों से व्याकुल होकर, वृद्धावस्था और व्याधियों से, तथा मानसिक पीड़ाओं से भी ग्रस्त होकर —

श्लोक 27 (padma.2.8.27)

एवमात्मा संप्रतप्तो दुःखमोहैः सुदारुणैः । अभिमानैर्मानभंगैर्नानादुःखैश्च खंडितः

evamātmā saṁpratapto duḥkhamohaiḥ sudāruṇaiḥ abhimānairmānabhaṁgairnānāduḥkhaiśca khaṁḍitaḥ

—इस प्रकार आत्मा अत्यंत भयंकर दुःख-मोहों से संतप्त होकर, अभिमान, मानभंग और नाना दुःखों से खंडित हो गया।

श्लोक 28 (padma.2.8.28)

वृद्धत्वेन तथा देवि शबलत्वेन पीडितः । दुःखं चिंतयते नित्यं हाहाभूतो विचेतनः

vṛddhatvena tathā devi śabalatvena pīḍitaḥ duḥkhaṁ ciṁtayate nityaṁ hāhābhūto vicetanaḥ

वृद्धावस्था से और शिथिलता से पीड़ित होकर, हे देवी, वह सदा दुःख का चिंतन करता, त्राहि-त्राहि करता, चेतनाहीन —

श्लोक 29 (padma.2.8.29)

रात्रौ स्वप्नान्प्रपश्येत दिवा चैतन्यवर्जितः । वैकल्येन तथांगानां व्याप्तो देवि दिनेदिने

rātrau svapnānprapaśyeta divā caitanyavarjitaḥ vaikalyena tathāṁgānāṁ vyāpto devi dinedine

—रात्रि में स्वप्न देखता, दिन में भी चेतनारहित; अंगों की विकलता से, हे देवी, वह दिन-प्रतिदिन व्याप्त होता गया।

श्लोक 30 (padma.2.8.30)

संसारे भ्रममाणेन वैराग्यं तत्र दर्शितम् । निःशंकं बंधुहीनं च प्रशांतं तुष्टमेव च

saṁsāre bhramamāṇena vairāgyaṁ tatra darśitam niḥśaṁkaṁ baṁdhuhīnaṁ ca praśāṁtaṁ tuṣṭameva ca

संसार में इस प्रकार भ्रमण करते हुए उसे वहाँ वैराग्य दिखाई दिया — निःशंक, बांधवरहित, प्रशांत और संतुष्ट।

श्लोक 31 (padma.2.8.31)

तमुवाच तदात्मा वै कामक्रोधविवर्जितम् । को भवान्नग्नरूपेण कथं मित्रैर्न लज्जसे

tamuvāca tadātmā vai kāmakrodhavivarjitam ko bhavānnagnarūpeṇa kathaṁ mitrairna lajjase

तब आत्मा ने उस काम-क्रोध रहित पुरुष से कहा — 'तुम कौन हो, इस नग्न रूप में? मित्रों के बीच तुम्हें लज्जा क्यों नहीं आती?

श्लोक 32 (padma.2.8.32)

यत्र लोकाः स्त्रियो वृद्धा युवत्यो मातरस्तथा । एतासां हि गतो मध्ये न बिभेषि अनावृतः

yatra lokāḥ striyo vṛddhā yuvatyo mātarastathā etāsāṁ hi gato madhye na bibheṣi anāvṛtaḥ

जहाँ लोग हैं — वृद्धा, युवती, माता स्त्रियाँ भी — इनके मध्य जाकर भी, अनावृत होकर तुम्हें कोई भय नहीं होता?'

श्लोक 33 (padma.2.8.33)

वीतराग उवाच- को ह्यत्र नग्नो दृश्येत न नग्नोस्मीति वै कदा । सुसंबद्धस्त्वमेवापि परिधान समन्वितः

vītarāga uvāca- ko hyatra nagno dṛśyeta na nagnosmīti vai kadā susaṁbaddhastvamevāpi paridhāna samanvitaḥ

वीतराग ने कहा — 'यहाँ कौन नग्न दिखाई देता है? मैं तो कभी नग्न नहीं हूँ। तुम स्वयं ही, यद्यपि वस्त्र-वेष से भली-भाँति युक्त हो —

श्लोक 34 (padma.2.8.34)

न नग्नोस्मि कदा दिव्यभवान्नग्नः प्रदृश्यते । इंद्रियार्थवशेवर्ती मर्यादापरिवर्जितः

na nagnosmi kadā divyabhavānnagnaḥ pradṛśyate iṁdriyārthavaśevartī maryādāparivarjitaḥ

—मैं कभी नग्न नहीं हूँ; तुम्हीं दिव्य होते हुए भी नग्न दिखाई देते हो, इंद्रियों के विषयों के वश में रहने वाले, मर्यादाहीन।'

श्लोक 35 (padma.2.8.35)

आत्मोवाच- पुरुषस्य का हि मर्यादा तामाचक्ष्व च सुव्रत । विस्तरेण महाप्राज्ञ यदि जानासि निश्चितम्

ātmovāca- puruṣasya kā hi maryādā tāmācakṣva ca suvrata vistareṇa mahāprājña yadi jānāsi niścitam

आत्मा ने कहा — 'पुरुष की क्या मर्यादा है? वह मुझे बताओ, हे सुव्रत! विस्तार से, हे महाप्राज्ञ, यदि निश्चय ही तुम जानते हो।'

श्लोक 36 (padma.2.8.36)

वीतरागो महाप्राज्ञस्तमुवाच महामतिः । सुस्थैर्यं भजते चित्तं सुखदुःखेषु नित्यदा

vītarāgo mahāprājñastamuvāca mahāmatiḥ susthairyaṁ bhajate cittaṁ sukhaduḥkheṣu nityadā

महाप्राज्ञ, महामति वीतराग ने उससे कहा — 'जो चित्त सुख-दुःख दोनों में सदा दृढ़ स्थिरता धारण करता है —

श्लोक 37 (padma.2.8.37)

क्लेशितं सर्वभावैश्च तेषुतेषु परित्यजेत् । अथ लज्जां प्रवक्ष्यामि मनो या निर्विशत्यलम्

kleśitaṁ sarvabhāvaiśca teṣuteṣu parityajet atha lajjāṁ pravakṣyāmi mano yā nirviśatyalam

—और समस्त भावों से क्लेशित होते हुए भी उन-उनका परित्याग कर देता है, वही मर्यादा है। अब मैं लज्जा के विषय में कहता हूँ, जो मन में पूर्णतः प्रवेश करती है —

श्लोक 38 (padma.2.8.38)

मयाद्यैवं न कर्तव्यं नग्नः स्थानविवर्जितः । पश्चात्तापे सुसंलीनः सा लज्जा परिकथ्यते

mayādyaivaṁ na kartavyaṁ nagnaḥ sthānavivarjitaḥ paścāttāpe susaṁlīnaḥ sā lajjā parikathyate

—"मुझसे यह इस प्रकार नहीं किया जाना चाहिए था" — नग्न, स्थानविहीन — और पश्चाताप में पूर्णतः लीन हो जाना, वही लज्जा कहलाती है।

श्लोक 39 (padma.2.8.39)

कस्य लज्जा प्रकर्तव्या द्वितीयो नास्ति सर्वदा । एकश्च पुरुषो दिव्यः कस्य किंचिन्न नाशयेत्

kasya lajjā prakartavyā dvitīyo nāsti sarvadā ekaśca puruṣo divyaḥ kasya kiṁcinna nāśayet

फिर किसके समक्ष लज्जा करनी चाहिए? यहाँ कोई 'दूसरा' सदा है ही नहीं। एक ही दिव्य पुरुष है — वह किसका क्या नष्ट करे?

श्लोक 40 (padma.2.8.40)

अथ लोकान्प्रवक्ष्यामि ये त्वया परिकीर्तिताः । यथा कुलालकश्चक्रे मृत्पिंडं च निधापयेत्

atha lokānpravakṣyāmi ye tvayā parikīrtitāḥ yathā kulālakaścakre mṛtpiṁḍaṁ ca nidhāpayet

अब मैं उन 'लोकों' के विषय में कहता हूँ, जिनका तुमने वर्णन किया। जैसे कुम्हार चाक पर मिट्टी का पिंड रखता है —

श्लोक 41 (padma.2.8.41)

भ्रामयित्वा तु सूत्रेण नानाभेदान्प्रकाशयेत् । भांडानां तु सहस्राणि स्वेच्छया मतिसंस्थितः

bhrāmayitvā tu sūtreṇa nānābhedānprakāśayet bhāṁḍānāṁ tu sahasrāṇi svecchayā matisaṁsthitaḥ

—और उसे डोरी से घुमाकर नाना भेद प्रकट करता है — अपनी इच्छा और स्थिर बुद्धि से हजारों प्रकार के बर्तन बनाता है —

श्लोक 42 (padma.2.8.42)

तथायं सृजते धाता नानारूपाणि नान्यथा । पश्चाद्विनाशमायांति येनकेनापि हेतुना

tathāyaṁ sṛjate dhātā nānārūpāṇi nānyathā paścādvināśamāyāṁti yenakenāpi hetunā

—वैसे ही यह विधाता नाना रूपों की रचना करता है, अन्यथा नहीं; और फिर वे किसी न किसी कारण से विनाश को प्राप्त होते हैं।

श्लोक 43 (padma.2.8.43)

सर्वदैव स्थिता ये च ये लोकाश्च सनातनाः । तेषां लज्जा प्रकर्तव्या नावर्तंते हि ते भुवि

sarvadaiva sthitā ye ca ye lokāśca sanātanāḥ teṣāṁ lajjā prakartavyā nāvartaṁte hi te bhuvi

जो सदा स्थिर रहते हैं और जो लोक सनातन हैं — उन्हीं के समक्ष लज्जा करनी चाहिए, क्योंकि वे इस भूमि पर पुनः नहीं लौटते।

श्लोक 44 (padma.2.8.44)

आकाशवायुतेजांसि पृथ्वी चापश्च पंचमः । अमी लोकाः प्रकाशंते ये च सर्वत्र संस्थिताः

ākāśavāyutejāṁsi pṛthvī cāpaśca paṁcamaḥ amī lokāḥ prakāśaṁte ye ca sarvatra saṁsthitāḥ

आकाश, वायु, तेज, पृथ्वी, और पाँचवाँ जल — ये ही वे 'लोक' हैं जो प्रकाशित होते हैं, जो सर्वत्र स्थित हैं —

श्लोक 45 (padma.2.8.45)

सत्त्वानामंगदेशेषु पंचैतेषु सुसंस्थिताः । सर्वत्रैव च वर्तंते कस्य लज्जा विधीयते

sattvānāmaṁgadeśeṣu paṁcaiteṣu susaṁsthitāḥ sarvatraiva ca vartaṁte kasya lajjā vidhīyate

—प्राणियों के अंगों में भली-भाँति स्थित इन्हीं पाँचों में; ये सर्वत्र ही विद्यमान हैं — फिर किसके समक्ष लज्जा की जाए?

श्लोक 46 (padma.2.8.46)

स्त्रीणां रूपं प्रवक्ष्यामि श्रूयतां तात सांप्रतम् । यथाघटसहस्रेषुसोदकेषुविराजते

strīṇāṁ rūpaṁ pravakṣyāmi śrūyatāṁ tāta sāṁpratam yathāghaṭasahasreṣusodakeṣuvirājate

अब मैं स्त्रियों के रूप के विषय में कहता हूँ, हे तात, अभी सुनो। जैसे जल से भरे हजारों घड़ों में —

श्लोक 47 (padma.2.8.47)

एकश्चंद्रो हि सर्वत्र भवांस्तद्वद्विराजते । गतो जंतुसहस्रेषु मोहचक्रे महात्मवान्

ekaścaṁdro hi sarvatra bhavāṁstadvadvirājate gato jaṁtusahasreṣu mohacakre mahātmavān

—एक ही चंद्रमा सर्वत्र प्रतिबिंबित होता है, वैसे ही तुम भी उसी प्रकार, हे महात्मन्, हजारों जीवों में मोह-चक्र में जाकर प्रतिबिंबित होते हो।

श्लोक 48 (padma.2.8.48)

स्थावरेषु च सर्वेषु जंगमेषु तथा भवान् । योनिद्वारेण पापेन मायामोहमयेन वै

sthāvareṣu ca sarveṣu jaṁgameṣu tathā bhavān yonidvāreṇa pāpena māyāmohamayena vai

समस्त स्थावर और जंगम प्राणियों में तुम्हीं व्याप्त हो, माया-मोहमय पापपूर्ण योनि-द्वार से।

श्लोक 49 (padma.2.8.49)

कुचाभ्यां च नितंबाभ्यां वयसा च विराजते । हृन्मांसस्याधिका वृद्धिर्दृष्टा चात्र न संशयः

kucābhyāṁ ca nitaṁbābhyāṁ vayasā ca virājate hṛnmāṁsasyādhikā vṛddhirdṛṣṭā cātra na saṁśayaḥ

स्तन और नितंब से, और यौवन से स्त्री सुशोभित दिखती है — किंतु यहाँ हृदय-प्रदेश के मांस की अधिक वृद्धि ही देखी जाती है, इसमें संदेह नहीं।

श्लोक 50 (padma.2.8.50)

पतनाय च लोकानां मोहरूपं विदर्शितम् । नभवत्येव सा नारी या त्वया परिकीर्तिता

patanāya ca lokānāṁ moharūpaṁ vidarśitam nabhavatyeva sā nārī yā tvayā parikīrtitā

लोगों के पतन के लिए ही यह मोहरूप दिखाया गया है; जिसे तुमने 'नारी' कहा, वह वास्तव में है ही नहीं।

श्लोक 51 (padma.2.8.51)

लीलया कुरुते धाता विनोदाय सदात्मनः । यथा नार्यास्तथा पुंसो जीवः सर्वत्र संस्थितः

līlayā kurute dhātā vinodāya sadātmanaḥ yathā nāryāstathā puṁso jīvaḥ sarvatra saṁsthitaḥ

विधाता अपने ही मनोरंजन के लिए लीलावश यह रचता है। जैसे स्त्री में, वैसे ही पुरुष में भी — जीव तो सर्वत्र समान रूप से स्थित है।

श्लोक 52 (padma.2.8.52)

कुचयोनिविहीना ये जीवन्मुक्ताः सदैव हि । नरस्तु पुरुषः प्रोक्तो नारी प्रकृतिरुच्यते

kucayonivihīnā ye jīvanmuktāḥ sadaiva hi narastu puruṣaḥ prokto nārī prakṛtirucyate

स्तन और योनि से रहित जो हैं, वे सदा जीवन्मुक्त ही हैं। नर को ही वास्तव में 'पुरुष' कहा गया है, और नारी को 'प्रकृति' कहा जाता है।

श्लोक 53 (padma.2.8.53)

रमते तेन वै सार्द्धं न मुक्ता हि कदाचन । भवान्प्रकृतिसंयुक्तः पुरुषेषु प्रदृश्यते

ramate tena vai sārddhaṁ na muktā hi kadācana bhavānprakṛtisaṁyuktaḥ puruṣeṣu pradṛśyate

उसी के साथ रमण करता है जीव, और वह कभी मुक्त नहीं होता। तुम भी प्रकृति से संयुक्त होकर पुरुषों में इसी प्रकार दिखाई देते हो।

श्लोक 54 (padma.2.8.54)

कः कस्य कुरुते लज्जामेवं ज्ञात्वा सुखं व्रज । वृद्धां स्त्रियं प्रवक्ष्यामि सदावृद्धां वरानने

kaḥ kasya kurute lajjāmevaṁ jñātvā sukhaṁ vraja vṛddhāṁ striyaṁ pravakṣyāmi sadāvṛddhāṁ varānane

कौन किसके समक्ष लज्जा करता है? यह जानकर सुखपूर्वक चलो। अब मैं 'वृद्धा स्त्री' के विषय में कहता हूँ — जो सदा वृद्धा है, हे वरानने —

श्लोक 55 (padma.2.8.55)

त्वचा जर्जरतां याता यस्याप्यंगे वरानने । श्वेतैश्चैव तथाकेशैः पलितैश्च समाकुला

tvacā jarjaratāṁ yātā yasyāpyaṁge varānane śvetaiścaiva tathākeśaiḥ palitaiśca samākulā

—जिसके अंगों की त्वचा जर्जर हो गई है, हे वरानने, और जो श्वेत तथा पके हुए केशों से व्याप्त है —

श्लोक 56 (padma.2.8.56)

बलहीनाथ दीनापि व्यापिता वलिना तदा । नेयं वृद्धा भवेन्नारी परं वृद्धा च कथ्यते

balahīnātha dīnāpi vyāpitā valinā tadā neyaṁ vṛddhā bhavennārī paraṁ vṛddhā ca kathyate

—बलहीन और दीन होकर झुर्रियों से व्याप्त — यह वृद्धा नारी नहीं है, इसे केवल 'वृद्धा' कहा जाता है।

श्लोक 57 (padma.2.8.57)

एतस्या लक्षणं प्रोक्तं युवतीं प्रवदाम्यहम् । ज्ञानेन वर्द्धते नित्यं जीवपार्श्वे समाश्रिता

etasyā lakṣaṇaṁ proktaṁ yuvatīṁ pravadāmyaham jñānena varddhate nityaṁ jīvapārśve samāśritā

यह इसका लक्षण कहा गया। अब मैं 'युवती' के विषय में कहता हूँ — जो ज्ञान से सदा बढ़ती है, जीव के निकट आश्रित रहकर —

श्लोक 58 (padma.2.8.58)

सुमतिर्नाम संप्रोक्ता सा वृद्धा युवतीति च । नारी पुरुषलोकेषु सर्वदैव प्रतिष्ठिता

sumatirnāma saṁproktā sā vṛddhā yuvatīti ca nārī puruṣalokeṣu sarvadaiva pratiṣṭhitā

—सुमति नाम से कही गई वही वृद्धा और युवती दोनों है। यही नारी पुरुष-लोकों में सदा प्रतिष्ठित है —

श्लोक 59 (padma.2.8.59)

लज्जा तस्याः प्रकर्तव्या अन्यच्चैव वदाम्यहम् । मातरं वै प्रवक्ष्यामि या त्वया परिकीर्तिता

lajjā tasyāḥ prakartavyā anyaccaiva vadāmyaham mātaraṁ vai pravakṣyāmi yā tvayā parikīrtitā

—उसी के समक्ष लज्जा करनी चाहिए। अब मैं एक और बात कहता हूँ — 'माता' के विषय में कहूँगा, जिसका तुमने वर्णन किया।

श्लोक 60 (padma.2.8.60)

प्राणिनामंगदेशेषु सदैव चेतना स्थिता । परज्ञानप्रदा या च सा प्रज्ञा परिकथ्यते

prāṇināmaṁgadeśeṣu sadaiva cetanā sthitā parajñānapradā yā ca sā prajñā parikathyate

प्राणियों के अंग-प्रदेशों में सदा स्थित चेतना, जो परम ज्ञान प्रदान करती है, वही 'प्रज्ञा' कही जाती है।

श्लोक 61 (padma.2.8.61)

प्रज्ञा माता समाख्याता प्राणिनां पालनाय सा । संस्थिता सर्वलोकेषु पोषणाय हिताय वा

prajñā mātā samākhyātā prāṇināṁ pālanāya sā saṁsthitā sarvalokeṣu poṣaṇāya hitāya vā

प्रज्ञा को ही माता कहा गया है, वह प्राणियों के पालन के लिए है; वह सभी लोकों में पोषण और हित के लिए स्थित है।

श्लोक 62 (padma.2.8.62)

सुमतिर्नाम या प्रोक्ता सा माता परिकथ्यते । संसारद्वारमार्गाणि यानि रूपाणि नित्यशः

sumatirnāma yā proktā sā mātā parikathyate saṁsāradvāramārgāṇi yāni rūpāṇi nityaśaḥ

जिसे 'सुमति' नाम से कहा गया, वही माता कही जाती है। संसार के द्वार और मार्ग जो रूप सदा —

श्लोक 63 (padma.2.8.63)

भवंति मातरो ह्येता बहुदुःखप्रदर्शिकाः । मातृरूपं समाख्यातमन्यत्किं ते वदाम्यहम्

bhavaṁti mātaro hyetā bahuduḥkhapradarśikāḥ mātṛrūpaṁ samākhyātamanyatkiṁ te vadāmyaham

—बनते हैं, वे सांसारिक माताएँ अनेक दुःख दिखाने वाली होती हैं। यह माता का सच्चा रूप बताया गया। और क्या कहूँ तुम्हें?'

श्लोक 64 (padma.2.8.64)

आत्मोवाच- भवान्को हि समायातो मम संतापनाशकः । विस्तरेण समाख्याहि स्वरूपमात्मनः स्वयम्

ātmovāca- bhavānko hi samāyāto mama saṁtāpanāśakaḥ vistareṇa samākhyāhi svarūpamātmanaḥ svayam

आत्मा ने कहा — 'तुम कौन हो जो मेरे संताप को नष्ट करने आए हो? स्वयं अपना स्वरूप विस्तार से बताओ।'

श्लोक 65 (padma.2.8.65)

वीतराग उवाच- यस्मात्कामानि वर्तंते निराशाः सर्व एव ते । यं दुष्टत्वान्न पश्यंति कर्माण्येतानि नान्यथा

vītarāga uvāca- yasmātkāmāni vartaṁte nirāśāḥ sarva eva te yaṁ duṣṭatvānna paśyaṁti karmāṇyetāni nānyathā

वीतराग ने कहा — 'जिससे कामनाएँ उत्पन्न होती हैं, वे सभी निराश ही रह जाती हैं; जिसे दुष्टता के कारण लोग नहीं देख पाते, ये कर्म भी वैसे ही हैं, अन्यथा नहीं —

श्लोक 66 (padma.2.8.66)

यत्समीपं हि नायाति आशा चैव कदाचन । क्रोधो लोभस्तथा मोहो यद्भयात्प्रलयं गताः

yatsamīpaṁ hi nāyāti āśā caiva kadācana krodho lobhastathā moho yadbhayātpralayaṁ gatāḥ

—जिसके समीप आशा भी कभी नहीं आती; क्रोध, लोभ और मोह जिसके भय से नष्ट हो जाते हैं —

श्लोक 67 (padma.2.8.67)

वीतरागोस्मि भद्रं ते विवेको मम बांधवः । आत्मोवाच- कीदृशोऽसौ तव भ्राता विवेको नाम नामतः

vītarāgosmi bhadraṁ te viveko mama bāṁdhavaḥ ātmovāca- kīdṛśo'sau tava bhrātā viveko nāma nāmataḥ

—मैं वीतराग हूँ, तुम्हारा कल्याण हो; विवेक मेरा बांधव है।' आत्मा ने कहा — 'कैसा है वह तुम्हारा भाई, जो विवेक नाम से जाना जाता है?

श्लोक 68 (padma.2.8.68)

तस्य त्वं लक्षणं ब्रूहि भ्रातुरात्मन एव च । वीतराग उवाच- तस्यैव लक्षणं रूपं न वदामि तवाग्रतः

tasya tvaṁ lakṣaṇaṁ brūhi bhrāturātmana eva ca vītarāga uvāca- tasyaiva lakṣaṇaṁ rūpaṁ na vadāmi tavāgrataḥ

उसका लक्षण बताओ, अपने उस भाई का।' वीतराग ने कहा — 'उसका लक्षण और रूप मैं तुम्हारे समक्ष नहीं बताता —

श्लोक 69 (padma.2.8.69)

भ्रातुस्तस्य महाभाग आह्वानं च करोम्यहम् । भोभो विवेक मे भ्रातरावयोस्त्वं वचः शृणु

bhrātustasya mahābhāga āhvānaṁ ca karomyaham bhobho viveka me bhrātarāvayostvaṁ vacaḥ śṛṇu

—बल्कि, हे महाभाग, मैं उस भाई को स्वयं बुलाता हूँ। हे विवेक! हम दोनों भाइयों का यह वचन सुनो —

श्लोक 70 (padma.2.8.70)

एह्येहि सुमहाभाग मम स्नेहान्महामते । कश्यप उवाच- शांतिक्षमाभ्यां संयुक्तो भार्याभ्यां च समागतः

ehyehi sumahābhāga mama snehānmahāmate kaśyapa uvāca- śāṁtikṣamābhyāṁ saṁyukto bhāryābhyāṁ ca samāgataḥ

—आओ, आओ, हे महाभाग, मेरे स्नेह के कारण, हे महामते!' कश्यप ने कहा — शांति और क्षमा नामक अपनी दोनों पत्नियों सहित वह आया —

श्लोक 71 (padma.2.8.71)

सर्वदृक्सर्वगो व्यापी सर्वतत्त्वपरायणः । संदेहानां च सर्वेषां यो रिपुर्ज्ञानवत्सलः

sarvadṛksarvago vyāpī sarvatattvaparāyaṇaḥ saṁdehānāṁ ca sarveṣāṁ yo ripurjñānavatsalaḥ

—सर्वद्रष्टा, सर्वगामी, व्यापक, सर्वतत्त्वपरायण; जो समस्त संदेहों का शत्रु और ज्ञान का प्रिय है —

श्लोक 72 (padma.2.8.72)

धारणा धीश्च द्वे पुत्र्यौ तस्यैव हि महात्मनः । तस्य योगः सुतो ज्येष्ठो मोक्षो यस्य महागुरुः

dhāraṇā dhīśca dve putryau tasyaiva hi mahātmanaḥ tasya yogaḥ suto jyeṣṭho mokṣo yasya mahāguruḥ

धारणा और धी नामक दो पुत्रियाँ उसी महात्मा की हैं; योग उसका ज्येष्ठ पुत्र है, और मोक्ष उसका महागुरु है।

श्लोक 73 (padma.2.8.73)

निर्मलो निरहंकारो निराशो निष्परिग्रहः । सर्ववेलाप्रसन्नात्मा गतद्वंद्वो महामतिः

nirmalo nirahaṁkāro nirāśo niṣparigrahaḥ sarvavelāprasannātmā gatadvaṁdvo mahāmatiḥ

निर्मल, निरहंकार, निराश, निष्परिग्रह, सदा प्रसन्न आत्मा वाला, द्वंद्वातीत, महामति —

श्लोक 74 (padma.2.8.74)

स विवेकः समायातो गुणरत्नैर्विभूषितः । यस्यामात्यौ महात्मानौ धर्मसत्यौ महामती

sa vivekaḥ samāyāto guṇaratnairvibhūṣitaḥ yasyāmātyau mahātmānau dharmasatyau mahāmatī

—वह विवेक गुणरूपी रत्नों से विभूषित होकर वहाँ आया; धर्म और सत्य नामक उसके दोनों महात्मा, महामति मंत्री हैं।

श्लोक 75 (padma.2.8.75)

क्षमाशांतिसमायुक्तः स विवेकः समागतः । वीतरागमुवाचेदमाहूतोहं समागतः

kṣamāśāṁtisamāyuktaḥ sa vivekaḥ samāgataḥ vītarāgamuvācedamāhūtohaṁ samāgataḥ

क्षमा और शांति से युक्त वह विवेक आया, और वीतराग से कहा — 'बुलाए जाने पर मैं आ गया हूँ।

श्लोक 76 (padma.2.8.76)

तद्भ्रातः कारणं सर्वं कथ्यतां हि ममाग्रतः । यमाश्रित्य त्वयाद्यैव कृतमाह्वानमेव मे

tadbhrātaḥ kāraṇaṁ sarvaṁ kathyatāṁ hi mamāgrataḥ yamāśritya tvayādyaiva kṛtamāhvānameva me

हे भ्राता! सारा कारण मुझे बताओ, जिसका आश्रय लेकर तुमने आज मुझे बुलाया है।'

श्लोक 77 (padma.2.8.77)

वीतराग उवाच- पुमान्स्थितो यः पुरतो महापाशैर्नियंत्रितः । मोहस्य बाणैः संभ्रांतः संसारस्य च बंधनैः

vītarāga uvāca- pumānsthito yaḥ purato mahāpāśairniyaṁtritaḥ mohasya bāṇaiḥ saṁbhrāṁtaḥ saṁsārasya ca baṁdhanaiḥ

वीतराग ने कहा — 'यह पुरुष जो सामने खड़ा है, महापाशों से बंधा हुआ, मोह के बाणों से भ्रमित, संसार के बंधनों से युक्त —

श्लोक 78 (padma.2.8.78)

सर्वस्य व्यापकः स्वामी अयमात्मा ममैव च । पंचतत्त्वैः समाविष्टो ज्ञानध्यानविवर्जितः

sarvasya vyāpakaḥ svāmī ayamātmā mamaiva ca paṁcatattvaiḥ samāviṣṭo jñānadhyānavivarjitaḥ

—यह सर्वव्यापी स्वामी, यही आत्मा, मेरा ही स्वजन, पंचतत्त्वों से व्याप्त होकर ज्ञान-ध्यान से रहित हो गया है।

श्लोक 79 (padma.2.8.79)

पृच्छतामेनमात्मानं भवांस्तत्त्वेषु पंडितः । वीतरागवचः श्रुत्वा विवेको वाक्यमब्रवीत्

pṛcchatāmenamātmānaṁ bhavāṁstattveṣu paṁḍitaḥ vītarāgavacaḥ śrutvā viveko vākyamabravīt

इस आत्मा से तुम स्वयं पूछो, तुम तो तत्त्वों में पंडित हो।' वीतराग का वचन सुनकर विवेक ने यह कहा —

श्लोक 80 (padma.2.8.80)

विवेक उवाच- सुखेन स्थीयते देव भवता विश्वनायक । आगते त्वयि संसारे किं किं भुक्तं सुखं स्वयम्

viveka uvāca- sukhena sthīyate deva bhavatā viśvanāyaka āgate tvayi saṁsāre kiṁ kiṁ bhuktaṁ sukhaṁ svayam

विवेक ने कहा — 'हे देव! हे विश्वनायक! क्या तुम सुखपूर्वक रहते हो? इस संसार में आने के बाद तुमने कौन-कौन सा सुख स्वयं भोगा है?'

श्लोक 81 (padma.2.8.81)

आत्मोवाच- गर्भवासो महद्दुःखमसह्यं दारुणं मया । भुक्तमेव महाप्राज्ञ ज्ञानहीनेन वै सदा

ātmovāca- garbhavāso mahadduḥkhamasahyaṁ dāruṇaṁ mayā bhuktameva mahāprājña jñānahīnena vai sadā

आत्मा ने कहा — 'गर्भवास का महान, असह्य, भयंकर दुःख ही मैंने, हे महाप्राज्ञ, ज्ञानरहित होकर सदा भोगा है।

श्लोक 82 (padma.2.8.82)

देहेपि ज्ञानविभ्रष्टः सोहं जातो ह्यनेकधा । बाल्यावस्थां गतेनाथ कृत्याकृत्यं कृतं मया

dehepi jñānavibhraṣṭaḥ sohaṁ jāto hyanekadhā bālyāvasthāṁ gatenātha kṛtyākṛtyaṁ kṛtaṁ mayā

इस शरीर में भी ज्ञान से भ्रष्ट होकर मैं अनेक बार जन्मा। बाल्यावस्था को प्राप्त होकर मैंने कृत्य-अकृत्य किए —

श्लोक 83 (padma.2.8.83)

तारुण्येन कृता क्रीडा भुक्ता भार्या ह्यनेकशः । वार्धकं प्राप्य संतप्तः पुत्रशोकादिभिस्तथा

tāruṇyena kṛtā krīḍā bhuktā bhāryā hyanekaśaḥ vārdhakaṁ prāpya saṁtaptaḥ putraśokādibhistathā

—तारुण्य में क्रीड़ाएँ कीं, अनेक बार पत्नी का सुख भोगा। वृद्धावस्था प्राप्त कर पुत्रशोक आदि से संतप्त हुआ —

श्लोक 84 (padma.2.8.84)

भार्यादीनां वियोगैस्तु दग्धोस्म्यहमहर्निशम् । दुःखैरनेकसंवर्णैः संतप्तोस्मि दिनेदिने

bhāryādīnāṁ viyogaistu dagdhosmyahamaharniśam duḥkhairanekasaṁvarṇaiḥ saṁtaptosmi dinedine

—पत्नी आदि के वियोग से मैं दिन-रात जलता रहा; अनेक प्रकार के दुःखों से मैं दिन-प्रतिदिन संतप्त हुआ।

श्लोक 85 (padma.2.8.85)

दिवारात्रौ महाप्राज्ञ न विंदामि सुखं क्वचित् । एवं दुःखै सुसंतप्तः किं करोमि महामते

divārātrau mahāprājña na viṁdāmi sukhaṁ kvacit evaṁ duḥkhai susaṁtaptaḥ kiṁ karomi mahāmate

दिन-रात, हे महाप्राज्ञ, मुझे कहीं भी सुख नहीं मिलता। इस प्रकार दुःखों से अत्यंत संतप्त होकर मैं क्या करूँ, हे महामते?

श्लोक 86 (padma.2.8.86)

तमुपायं वदस्वैव सुखं विंदामि येन वै । अस्मात्संसारजालौघान्मोचयाद्य सुबंधनात्

tamupāyaṁ vadasvaiva sukhaṁ viṁdāmi yena vai asmātsaṁsārajālaughānmocayādya subaṁdhanāt

वह उपाय बताओ जिससे मैं सुख प्राप्त करूँ; इस संसार-जाल के प्रवाह के दृढ़ बंधन से आज ही मुझे मुक्त कर दो।'

श्लोक 87 (padma.2.8.87)

विवेक उवाच- भवाञ्छुद्धोसि निर्द्वन्द्वो ह्यपापोसि जगत्पते । एनं गच्छ महात्मानं वीतरागं सुखप्रदम्

viveka uvāca- bhavāñchuddhosi nirdvandvo hyapāposi jagatpate enaṁ gaccha mahātmānaṁ vītarāgaṁ sukhapradam

विवेक ने कहा — 'तुम शुद्ध हो, द्वंद्वरहित, निष्पाप हो, हे जगत्पते! इस महात्मा वीतराग के पास जाओ, जो सुखदायक है —

श्लोक 88 (padma.2.8.88)

निःसंशयं त्वया दृष्टं नग्नमाचारवर्जितम् । सुखप्रदर्शको ह्येष सर्वसंतापनाशकः

niḥsaṁśayaṁ tvayā dṛṣṭaṁ nagnamācāravarjitam sukhapradarśako hyeṣa sarvasaṁtāpanāśakaḥ

—तुमने उसे निःसंदेह देखा है, नग्न, आचारविहीन। यही सुख का दर्शक है, समस्त संतापों का नाशक है।'

श्लोक 89 (padma.2.8.89)

एवमाकर्ण्य शुद्धात्मा वीतरागं गतः पुनः । तमुवाच श्वसन्दीनः श्रूयतां वचनं मम

evamākarṇya śuddhātmā vītarāgaṁ gataḥ punaḥ tamuvāca śvasandīnaḥ śrūyatāṁ vacanaṁ mama

यह सुनकर वह शुद्धात्मा पुनः वीतराग के पास गया और श्वास लेते हुए, दीन होकर उससे कहा — 'मेरा वचन सुनो —

श्लोक 90 (padma.2.8.90)

सुखं विंदामि येनाहं तं मार्गं मम दर्शय । एवमस्तु महाप्राज्ञ करिष्ये वचनं तव

sukhaṁ viṁdāmi yenāhaṁ taṁ mārgaṁ mama darśaya evamastu mahāprājña kariṣye vacanaṁ tava

—जिससे मैं सुख प्राप्त करूँ, वह मार्ग मुझे दिखाओ।' 'ऐसा ही हो, हे महाप्राज्ञ! मैं तुम्हारा वचन मानूँगा —

श्लोक 91 (padma.2.8.91)

पुनर्गच्छ विवेकं हि सुखवार्ता कृता त्वया । सुखमार्गस्य वै वक्ता तव एष भविष्यति

punargaccha vivekaṁ hi sukhavārtā kṛtā tvayā sukhamārgasya vai vaktā tava eṣa bhaviṣyati

—पुनः विवेक के पास जाओ, तुमने जिससे सुख की बात की थी। वही तुम्हें सुख के मार्ग का वक्ता बनेगा।'

श्लोक 92 (padma.2.8.92)

वीतरागेण पुण्येन प्रेषितो गतवान्प्रभुः । तमुवाच महात्मानं विवेकं शुद्धसत्तमम्

vītarāgeṇa puṇyena preṣito gatavānprabhuḥ tamuvāca mahātmānaṁ vivekaṁ śuddhasattamam

पुण्यात्मा वीतराग द्वारा भेजा गया वह प्रभु गया, और उस महात्मा, शुद्ध सत्तम विवेक से कहा —

श्लोक 93 (padma.2.8.93)

सुखं मे दर्शय त्वं हि वीतरागेण प्रेषितः । भवच्छरणमापन्नो रक्ष संसारदारुणात्

sukhaṁ me darśaya tvaṁ hi vītarāgeṇa preṣitaḥ bhavaccharaṇamāpanno rakṣa saṁsāradāruṇāt

'मुझे सुख दिखाओ, मैं वीतराग द्वारा भेजा गया हूँ। तुम्हारी शरण में आया हूँ, इस भयंकर संसार से मेरी रक्षा करो।'

श्लोक 94 (padma.2.8.94)

विवेक उवाच- ज्ञानं गच्छमहाप्राज्ञ स ते सर्वं वदिष्यति । आत्मा तथोक्तः संप्राप्तो यत्र ज्ञानं प्रतिष्ठितम्

viveka uvāca- jñānaṁ gacchamahāprājña sa te sarvaṁ vadiṣyati ātmā tathoktaḥ saṁprāpto yatra jñānaṁ pratiṣṭhitam

विवेक ने कहा — 'हे महाप्राज्ञ! ज्ञान के पास जाओ, वह तुम्हें सब कुछ बताएगा।' इस प्रकार कहे जाने पर आत्मा वहाँ पहुँचा जहाँ ज्ञान स्थित था —

श्लोक 95 (padma.2.8.95)

भोभो ज्ञान महातेजः सर्वभावप्रदर्शक । शरणं त्वामहं प्राप्तः सुखमार्गं प्रदर्शय

bhobho jñāna mahātejaḥ sarvabhāvapradarśaka śaraṇaṁ tvāmahaṁ prāptaḥ sukhamārgaṁ pradarśaya

—'हे ज्ञान! हे महातेज! हे सर्वभावप्रदर्शक! मैं तुम्हारी शरण में आया हूँ, मुझे सुख का मार्ग दिखाओ।'

श्लोक 96 (padma.2.8.96)

ज्ञानमुवाच- भृत्योहं तव लोकेश त्वं मां वेत्सि न सुव्रत । मया ध्यानेन वै पूर्वं वारितस्त्वं पुनःपुनः

jñānamuvāca- bhṛtyohaṁ tava lokeśa tvaṁ māṁ vetsi na suvrata mayā dhyānena vai pūrvaṁ vāritastvaṁ punaḥpunaḥ

ज्ञान ने कहा — 'हे लोकेश! मैं तुम्हारा सेवक हूँ, किंतु तुम मुझे नहीं पहचानते, हे सुव्रत! मैंने और ध्यान ने पहले भी तुम्हें बार-बार रोका था —

श्लोक 97 (padma.2.8.97)

पंचात्मकानां संगेन आपदं प्राप्तवान्भवान् । ध्यानं गच्छ महाप्राज्ञ स ते दाता सुखस्य च

paṁcātmakānāṁ saṁgena āpadaṁ prāptavānbhavān dhyānaṁ gaccha mahāprājña sa te dātā sukhasya ca

—पंचतत्त्वों की संगति से तुम आपदा में पड़ गए। हे महाप्राज्ञ! अब ध्यान के पास जाओ, वही तुम्हें सुख देगा।'

श्लोक 98 (padma.2.8.98)

ज्ञानेन प्रेषितो ह्यात्मा ध्यानमाश्रित्य संस्थितः । सुखमत्यंतसिद्धं च ध्यानं मे दर्शयस्व ह

jñānena preṣito hyātmā dhyānamāśritya saṁsthitaḥ sukhamatyaṁtasiddhaṁ ca dhyānaṁ me darśayasva ha

ज्ञान द्वारा भेजा गया आत्मा ध्यान की शरण में स्थित हो गया — 'मुझे वह अत्यंत सिद्ध सुख दिखाओ, हे ध्यान —

श्लोक 99 (padma.2.8.99)

भवच्छरणमायातं मामेवं परिरक्षय । एवं संभाषितं तस्य ध्यानमाकर्ण्य तद्वचः

bhavaccharaṇamāyātaṁ māmevaṁ parirakṣaya evaṁ saṁbhāṣitaṁ tasya dhyānamākarṇya tadvacaḥ

—तुम्हारी शरण में आए मेरी रक्षा करो।' उसका यह वचन सुनकर ध्यान ने —

श्लोक 100 (padma.2.8.100)

समुवाच पुनश्चापि तमात्मानं प्रहृष्टवान् । नैव त्याज्योस्म्यहं तात सर्वकर्मसुनिश्चितः

samuvāca punaścāpi tamātmānaṁ prahṛṣṭavān naiva tyājyosmyahaṁ tāta sarvakarmasuniścitaḥ

—अत्यंत प्रसन्न होकर पुनः उस आत्मा से कहा — 'मैं कभी त्याज्य नहीं हूँ, हे तात! मैं समस्त कर्मों में सुनिश्चित हूँ —

श्लोक 101 (padma.2.8.101)

त्वयैव वीतरागेण विवेकेन सदैव हि । ध्यानयुक्तो भवस्व त्वमात्मानमवलोकय

tvayaiva vītarāgeṇa vivekena sadaiva hi dhyānayukto bhavasva tvamātmānamavalokaya

—तुम, वीतराग और विवेक के साथ सदा रहकर, ध्यान से युक्त बनो और अपनी आत्मा का अवलोकन करो।

श्लोक 102 (padma.2.8.102)

आत्मवांस्त्वं स्थिरो भूत्वा निरातंको विकल्पितः । यथा दीपो निवातस्थः कज्जलं वमते स्थिरः

ātmavāṁstvaṁ sthiro bhūtvā nirātaṁko vikalpitaḥ yathā dīpo nivātasthaḥ kajjalaṁ vamate sthiraḥ

आत्मवान बनकर, स्थिर होकर, निर्भय और विकल्परहित — जैसे वायुरहित स्थान में स्थित दीपक स्थिरता से काजल छोड़ता है —

श्लोक 103 (padma.2.8.103)

तथा दोषान्प्रज्वलित्वा निर्वाणं हि प्रयास्यति । एकांतस्थो निराहारो मिताशी भव सर्वदा

tathā doṣānprajvalitvā nirvāṇaṁ hi prayāsyati ekāṁtastho nirāhāro mitāśī bhava sarvadā

—वैसे ही दोषों को जलाकर वह जीव निर्वाण को प्राप्त होगा। एकांतवासी, निराहार या मिताहारी सदा बनो।

श्लोक 104 (padma.2.8.104)

निर्द्वंद्वः शब्दसंहीनो निश्चलो ह्यासने स्थितः । आत्मानमात्मना ध्यायन्ममैव स्थिरबुद्धिना

nirdvaṁdvaḥ śabdasaṁhīno niścalo hyāsane sthitaḥ ātmānamātmanā dhyāyanmamaiva sthirabuddhinā

द्वंद्वरहित, शब्दरहित, निश्चल आसन में स्थित होकर, मेरे ही समान स्थिर बुद्धि से आत्मा द्वारा आत्मा का ध्यान करते हुए —

श्लोक 105 (padma.2.8.105)

प्राप्स्यसे परमं स्थानं तद्विष्णोः परमं पदम्

prāpsyase paramaṁ sthānaṁ tadviṣṇoḥ paramaṁ padam

—तुम परम स्थान को प्राप्त करोगे, वह विष्णु का परम पद।'