नरक और स्वर्ग ले जाने वाले कर्म

श्लोक 1 (padma.2.96.1)

सुबाहुरुवाच- कीदृशैः कर्मभिः प्रेत्य गच्छंति नरकं नराः । स्वर्गं तु कीदृशैः प्रेत्य तन्मे त्वं वक्तुमर्हसि

subāhuruvāca- kīdṛśaiḥ karmabhiḥ pretya gacchaṁti narakaṁ narāḥ svargaṁ tu kīdṛśaiḥ pretya tanme tvaṁ vaktumarhasi

सुबाहु ने कहा - कैसे कर्मों से मनुष्य मरणोपरांत नरक जाते हैं, और कैसे कर्मों से स्वर्ग? वह मुझे बताने योग्य हैं आप।

श्लोक 2 (padma.2.96.2)

जैमिनिरुवाच- ब्राह्मण्यं पुण्यमुत्सृज्य ये द्विजा लोभमोहिताः । कुकर्माण्युपजीवंति ते वै निरयगामिनः

jaiminiruvāca- brāhmaṇyaṁ puṇyamutsṛjya ye dvijā lobhamohitāḥ kukarmāṇyupajīvaṁti te vai nirayagāminaḥ

जैमिनि ने कहा - जो द्विज पुण्यमय ब्राह्मणत्व को त्यागकर, लोभ से मोहित होकर, कुकर्मों से जीवन-यापन करते हैं, वे निश्चय ही नरकगामी हैं।

श्लोक 3 (padma.2.96.3)

नास्तिका भिन्नमर्यादाः कंदर्पविषयोन्मुखाः । दांभिकाश्च कृतघ्नाश्च ते वै निरयगामिनः

nāstikā bhinnamaryādāḥ kaṁdarpaviṣayonmukhāḥ dāṁbhikāśca kṛtaghnāśca te vai nirayagāminaḥ

नास्तिक, मर्यादा तोड़ने वाले, काम-विषयों की ओर उन्मुख, दंभी और कृतघ्न - वे निश्चय ही नरकगामी हैं।

श्लोक 4 (padma.2.96.4)

ब्राह्मणेभ्यः प्रतिश्रुत्य न प्रयच्छंति ये धनम् । ब्रह्मस्वानां च हर्तारो नरा निरयगामिनः

brāhmaṇebhyaḥ pratiśrutya na prayacchaṁti ye dhanam brahmasvānāṁ ca hartāro narā nirayagāminaḥ

जो ब्राह्मणों को वचन देकर भी धन नहीं देते, और ब्रह्म-स्व (ब्राह्मणों की संपत्ति) के हरने वाले - ऐसे मनुष्य नरकगामी हैं।

श्लोक 5 (padma.2.96.5)

पुरुषाः पिशुनाश्चैव मानिनोऽनृतवादिनः । असंबद्धप्रलापाश्च ते वै निरयगामिनः

puruṣāḥ piśunāścaiva mānino'nṛtavādinaḥ asaṁbaddhapralāpāśca te vai nirayagāminaḥ

चुगलखोर, अभिमानी, झूठ बोलने वाले, और असंबद्ध प्रलाप करने वाले - वे निश्चय ही नरकगामी हैं।

श्लोक 6 (padma.2.96.6)

ये परस्वापहर्तारः परदूषणसूचकाः । परस्त्रीगामिनो ये च ते वै निरयगामिनः

ye parasvāpahartāraḥ paradūṣaṇasūcakāḥ parastrīgāmino ye ca te vai nirayagāminaḥ

जो दूसरों का धन हरण करते हैं, दूसरों के दोष बताते फिरते हैं, और जो परस्त्रीगामी हैं - वे निश्चय ही नरकगामी हैं।

श्लोक 7 (padma.2.96.7)

प्राणिनां प्राणहिंसायां ये नरा निरताः सदा । परनिंदारता ये वै ते वै निरयगामिनः

prāṇināṁ prāṇahiṁsāyāṁ ye narā niratāḥ sadā paraniṁdāratā ye vai te vai nirayagāminaḥ

प्राणियों के प्राण-हिंसा में सदा रत मनुष्य, और दूसरों की निंदा में रत मनुष्य - वे निश्चय ही नरकगामी हैं।

श्लोक 8 (padma.2.96.8)

सुकूपानां तडागानां प्रपानां च परंतप । सरसां चैव भेत्तारो नरा निरयगामिनः

sukūpānāṁ taḍāgānāṁ prapānāṁ ca paraṁtapa sarasāṁ caiva bhettāro narā nirayagāminaḥ

हे परंतप! अच्छे कुओं, तालाबों, प्याऊ और सरोवरों को नष्ट करने वाले मनुष्य नरकगामी हैं।

श्लोक 9 (padma.2.96.9)

विपर्यस्यंति ये दाराञ्छिशून्भृत्यातिथींस्तथा । उत्सन्नपितृदेवेज्या नरा निरयगामिनः

viparyasyaṁti ye dārāñchiśūnbhṛtyātithīṁstathā utsannapitṛdevejyā narā nirayagāminaḥ

जो पत्नी, बच्चों, सेवकों और अतिथियों के साथ दुर्व्यवहार करते हैं, और जो पितरों-देवताओं की पूजा छोड़ देते हैं - वे मनुष्य नरकगामी हैं।

श्लोक 10 (padma.2.96.10)

प्रव्रज्यादूषका राजन्ये चैवाश्रमदूषकाः । सखीनां दूषकाश्चैव ते वै निरयगामिनः

pravrajyādūṣakā rājanye caivāśramadūṣakāḥ sakhīnāṁ dūṣakāścaiva te vai nirayagāminaḥ

हे राजन्! जो संन्यास को दूषित करते हैं, जो आश्रमों को दूषित करते हैं, और जो मित्रताओं को दूषित करते हैं - वे निश्चय ही नरकगामी हैं।

श्लोक 11 (padma.2.96.11)

आद्यं पुरुषमीशानं सर्वलोकमहेश्वरम् । न चिंतयंति ये विष्णुं ते वै निरयगामिनः

ādyaṁ puruṣamīśānaṁ sarvalokamaheśvaram na ciṁtayaṁti ye viṣṇuṁ te vai nirayagāminaḥ

जो आदि पुरुष, ईश्वर, समस्त लोकों के महेश्वर विष्णु का चिंतन नहीं करते - वे निश्चय ही नरकगामी हैं।

श्लोक 12 (padma.2.96.12)

प्रयाजानां मखानां च कन्यानां सुहृदां तथा । साधूनां च गुरूणां च दूषका निरयगामिनः

prayājānāṁ makhānāṁ ca kanyānāṁ suhṛdāṁ tathā sādhūnāṁ ca gurūṇāṁ ca dūṣakā nirayagāminaḥ

प्रयाज (यज्ञ की प्रारंभिक विधि), यज्ञों, कन्याओं, मित्रों, साधुओं और गुरुओं को दूषित करने वाले नरकगामी हैं।

श्लोक 13 (padma.2.96.13)

काष्ठैर्वा शंकुभिर्वापि शून्यैरश्मभिरेव वा । ये मार्गानुपरुंधंति ते वै निरयगामिनः

kāṣṭhairvā śaṁkubhirvāpi śūnyairaśmabhireva vā ye mārgānuparuṁdhaṁti te vai nirayagāminaḥ

जो लकड़ी, खूँटों, व्यर्थ वस्तुओं या पत्थरों से मार्गों को अवरुद्ध करते हैं - वे निश्चय ही नरकगामी हैं।

श्लोक 14 (padma.2.96.14)

सर्वभूतेष्वविश्वस्ताः कामेनार्तास्तथैव च । सर्वभूतेषु जिह्माश्च ते वै निरयगामिनः

sarvabhūteṣvaviśvastāḥ kāmenārtāstathaiva ca sarvabhūteṣu jihmāśca te vai nirayagāminaḥ

सभी प्राणियों के प्रति अविश्वासी, तथा वैसे ही काम से पीड़ित, और सभी प्राणियों के प्रति कुटिल - वे निश्चय ही नरकगामी हैं।

श्लोक 15 (padma.2.96.15)

आगतान्भोजनार्थं तु ब्राह्मणान्वृत्तिकर्शितान् । प्रतिषेधं च कुर्वंति ते वै निरयगामिनः

āgatānbhojanārthaṁ tu brāhmaṇānvṛttikarśitān pratiṣedhaṁ ca kurvaṁti te vai nirayagāminaḥ

आजीविका से क्षीण होकर भोजन के लिए आए ब्राह्मणों को जो मना कर देते हैं - वे निश्चय ही नरकगामी हैं।

श्लोक 16 (padma.2.96.16)

क्षेत्रवृत्तिगृहच्छेदं प्रीतिच्छेदं च ये नराः । आशाच्छेदं प्रकुर्वंति ते वै निरयगामिनः

kṣetravṛttigṛhacchedaṁ prīticchedaṁ ca ye narāḥ āśācchedaṁ prakurvaṁti te vai nirayagāminaḥ

जो मनुष्य किसी के खेत, आजीविका या घर को नष्ट करते हैं, प्रेम को नष्ट करते हैं, और आशा को नष्ट करते हैं - वे निश्चय ही नरकगामी हैं।

श्लोक 17 (padma.2.96.17)

शस्त्राणां चैव कर्त्तारः शल्यानां धनुषां तथा । विक्रेतारश्च राजेंद्र नरा निरयगामिनः

śastrāṇāṁ caiva karttāraḥ śalyānāṁ dhanuṣāṁ tathā vikretāraśca rājeṁdra narā nirayagāminaḥ

हे राजेंद्र! शस्त्रों, बाणों और धनुषों के निर्माता, और उनके विक्रेता मनुष्य नरकगामी हैं।

श्लोक 18 (padma.2.96.18)

अनाथं विक्लवं दीनं रोगार्त्तं वृद्धमेव च । नानुकंपंति ये मूढास्ते वै निरयगामिनः

anāthaṁ viklavaṁ dīnaṁ rogārttaṁ vṛddhameva ca nānukaṁpaṁti ye mūḍhāste vai nirayagāminaḥ

जो मूर्ख अनाथ, व्याकुल, दीन, रोगी और वृद्ध पर दया नहीं करते - वे निश्चय ही नरकगामी हैं।

श्लोक 19 (padma.2.96.19)

नियमान्पूर्वमादाय ये पश्चादजितेंद्रियाः । अतिक्रामंति चांचल्यात्ते वै निरयगामिनः

niyamānpūrvamādāya ye paścādajiteṁdriyāḥ atikrāmaṁti cāṁcalyātte vai nirayagāminaḥ

जो पहले नियम लेकर, बाद में इंद्रियों पर विजय न पाकर, चंचलता से उनका उल्लंघन करते हैं - वे निश्चय ही नरकगामी हैं।

श्लोक 20 (padma.2.96.20)

इत्येते कथिता राजन्नरा निरयगामिनः । स्वर्गलोकस्य गंतारो ये जनास्तान्निबोध मे

ityete kathitā rājannarā nirayagāminaḥ svargalokasya gaṁtāro ye janāstānnibodha me

हे राजन्! इस प्रकार मैंने नरकगामी मनुष्यों को बताया। अब मुझसे उन लोगों को जानो जो स्वर्गलोक जाते हैं।

श्लोक 21 (padma.2.96.21)

सत्येन तपसा क्षांत्या दानेनाध्ययनेन च । ये धर्ममनुवर्तंते ते नराः स्वर्गगामिनः

satyena tapasā kṣāṁtyā dānenādhyayanena ca ye dharmamanuvartaṁte te narāḥ svargagāminaḥ

सत्य, तप, क्षमा, दान और अध्ययन के द्वारा जो धर्म का पालन करते हैं - वे मनुष्य स्वर्गगामी हैं।

श्लोक 22 (padma.2.96.22)

ये च होमपरा ध्यानदेवतार्चनतत्पराः । आददाना महात्मानस्ते नराः स्वर्गगामिनः

ye ca homaparā dhyānadevatārcanatatparāḥ ādadānā mahātmānaste narāḥ svargagāminaḥ

जो होम में तत्पर रहते हैं, ध्यान और देव-अर्चन में तत्पर रहते हैं, ऐसे महात्मा जो इसे अपनाते हैं - वे मनुष्य स्वर्गगामी हैं।

श्लोक 23 (padma.2.96.23)

शुचयश्च शुचौ देशे वासुदेवपरायणाः । पठंति विष्णुं गायंति ते नराः स्वर्गगामिनः

śucayaśca śucau deśe vāsudevaparāyaṇāḥ paṭhaṁti viṣṇuṁ gāyaṁti te narāḥ svargagāminaḥ

पवित्र स्थान में पवित्र होकर, वासुदेव में परायण, जो विष्णु का पाठ और गुणगान करते हैं - वे मनुष्य स्वर्गगामी हैं।

श्लोक 24 (padma.2.96.24)

मातापित्रोश्च शुश्रूषां ये कुर्वंति सदादृताः । वर्जयंति दिवास्वप्नं ते नराः स्वर्गगामिनः

mātāpitrośca śuśrūṣāṁ ye kurvaṁti sadādṛtāḥ varjayaṁti divāsvapnaṁ te narāḥ svargagāminaḥ

जो सदा आदरपूर्वक माता-पिता की सेवा करते हैं, और दिन में सोना छोड़ देते हैं - वे मनुष्य स्वर्गगामी हैं।

श्लोक 25 (padma.2.96.25)

सर्वहिंसानिवृत्ताश्च साधुसंगाश्च ये नराः । सर्वस्यापि हिते युक्तास्ते नराः स्वर्गगामिनः

sarvahiṁsānivṛttāśca sādhusaṁgāśca ye narāḥ sarvasyāpi hite yuktāste narāḥ svargagāminaḥ

जो सभी प्रकार की हिंसा से दूर रहते हैं, साधुओं की संगति करते हैं, और सबके हित में तत्पर रहते हैं - वे मनुष्य स्वर्गगामी हैं।

श्लोक 26 (padma.2.96.26)

सर्वलोभनिवृत्ताश्च सर्वसाहाश्च ये नराः । सर्वस्याश्रयभूताश्च ते नराः स्वर्गगामिनः

sarvalobhanivṛttāśca sarvasāhāśca ye narāḥ sarvasyāśrayabhūtāśca te narāḥ svargagāminaḥ

जो सभी लोभ से दूर रहते हैं, सब कुछ सहने में समर्थ हैं, और सबके लिए आश्रय बनते हैं - वे मनुष्य स्वर्गगामी हैं।

श्लोक 27 (padma.2.96.27)

शुश्रूषाभिस्तपोभिश्च गुरूणां मानदा नराः । प्रतिग्रहनिवृत्ता ये ते नराः स्वर्गगामिनः

śuśrūṣābhistapobhiśca gurūṇāṁ mānadā narāḥ pratigrahanivṛttā ye te narāḥ svargagāminaḥ

जो सेवा और तप से गुरुओं का सम्मान करते हैं, और उपहार स्वीकार करने से दूर रहते हैं - वे मनुष्य स्वर्गगामी हैं।

श्लोक 28 (padma.2.96.28)

सहस्रपरिवेष्टारस्तथैव च सहस्रदाः । त्रातारश्च सहस्राणां ते नराः स्वर्गगामिनः

sahasrapariveṣṭārastathaiva ca sahasradāḥ trātāraśca sahasrāṇāṁ te narāḥ svargagāminaḥ

जो सहस्रों को भोजन कराते हैं, वैसे ही सहस्रों को दान देते हैं, और सहस्रों के रक्षक बनते हैं - वे मनुष्य स्वर्गगामी हैं।

श्लोक 29 (padma.2.96.29)

भयात्पापात्तपाच्छोकाद्दारिद्र्यव्याधिकर्शितान् । विमुंचंति च ये जंतूंस्ते नराः स्वर्गगामिनः

bhayātpāpāttapācchokāddāridryavyādhikarśitān vimuṁcaṁti ca ye jaṁtūṁste narāḥ svargagāminaḥ

जो भय, पाप, कष्ट, शोक, दरिद्रता और रोग से पीड़ित प्राणियों को मुक्त करते हैं - वे मनुष्य स्वर्गगामी हैं।

श्लोक 30 (padma.2.96.30)

आत्मस्वरूपवंतश्च यौवनस्थाश्च भारत । ये वै जितेंद्रिया धीरास्ते नराः स्वर्गगामिनः

ātmasvarūpavaṁtaśca yauvanasthāśca bhārata ye vai jiteṁdriyā dhīrāste narāḥ svargagāminaḥ

हे भारत! जो अपने वास्तविक स्वरूप को जानने वाले हैं, और यौवन में स्थित होते हुए भी जितेंद्रिय और धीर हैं - वे मनुष्य स्वर्गगामी हैं।

श्लोक 31 (padma.2.96.31)

सुवर्णस्य च दातारो गवां भूमेश्च भारत । अन्नानां वाससां चैव ते नराः स्वर्गगामिनः

suvarṇasya ca dātāro gavāṁ bhūmeśca bhārata annānāṁ vāsasāṁ caiva te narāḥ svargagāminaḥ

हे भारत! स्वर्ण, गायों, भूमि, अन्न और वस्त्रों के दाता - वे मनुष्य स्वर्गगामी हैं।

श्लोक 32 (padma.2.96.32)

ये याचिताः प्रहृष्यंति प्रियं दत्वा वदंति च । त्यक्तदानफलेच्छाश्च ते नराः स्वर्गगामिनः

ye yācitāḥ prahṛṣyaṁti priyaṁ datvā vadaṁti ca tyaktadānaphalecchāśca te narāḥ svargagāminaḥ

जो माँगे जाने पर प्रसन्न होते हैं, प्रिय वचन बोलकर देते हैं, और दान के फल की इच्छा त्याग चुके हैं - वे मनुष्य स्वर्गगामी हैं।

श्लोक 33 (padma.2.96.33)

निवेशनानां धान्यानां नराणां च परंतप । स्वयमुत्पाद्य दातारः पुरुषाः स्वर्गगामिनः

niveśanānāṁ dhānyānāṁ narāṇāṁ ca paraṁtapa svayamutpādya dātāraḥ puruṣāḥ svargagāminaḥ

हे परंतप! जो स्वयं घर और अन्न उत्पन्न कर मनुष्यों को देते हैं - ऐसे पुरुष स्वर्गगामी हैं।

श्लोक 34 (padma.2.96.34)

द्विषतामपि ये दोषान्न वदंति कदाचन । कीर्तयंति गुणान्ये च ते नराः स्वर्गगामिनः

dviṣatāmapi ye doṣānna vadaṁti kadācana kīrtayaṁti guṇānye ca te narāḥ svargagāminaḥ

जो शत्रुओं के भी दोष कभी नहीं बोलते, और उनके गुणों का ही बखान करते हैं - वे मनुष्य स्वर्गगामी हैं।

श्लोक 35 (padma.2.96.35)

ये परेषां श्रियं दृष्ट्वा न वितप्यंति मत्सरात् । प्रहृष्टाश्चाभिनंदंति ते नराः स्वर्गगामिनः

ye pareṣāṁ śriyaṁ dṛṣṭvā na vitapyaṁti matsarāt prahṛṣṭāścābhinaṁdaṁti te narāḥ svargagāminaḥ

जो दूसरों की समृद्धि देखकर ईर्ष्या से संतप्त नहीं होते, बल्कि प्रसन्न होकर बधाई देते हैं - वे मनुष्य स्वर्गगामी हैं।

श्लोक 36 (padma.2.96.36)

प्रवृत्तौ च निवृत्तौ च श्रुतिशास्त्रोक्तमेव च । आचरंति महात्मानस्ते नराः स्वर्गगामिनः

pravṛttau ca nivṛttau ca śrutiśāstroktameva ca ācaraṁti mahātmānaste narāḥ svargagāminaḥ

जो महात्मा प्रवृत्ति और निवृत्ति में श्रुति-शास्त्र के अनुसार ही आचरण करते हैं - वे मनुष्य स्वर्गगामी हैं।

श्लोक 37 (padma.2.96.37)

ये नराणां वचो वक्तुं न जानंति च विप्रियम् । प्रियवाक्यैकविज्ञातास्ते नराः स्वर्गगामिनः

ye narāṇāṁ vaco vaktuṁ na jānaṁti ca vipriyam priyavākyaikavijñātāste narāḥ svargagāminaḥ

जो दूसरों से अप्रिय वचन बोलना नहीं जानते, केवल प्रिय वचन बोलने के लिए जाने जाते हैं - वे मनुष्य स्वर्गगामी हैं।

श्लोक 38 (padma.2.96.38)

ये नामभागान्कुर्वंति क्षुत्तृष्णा श्रमपीडिताः । हंतकारस्य कर्तारस्ते नराः स्वर्गगामिनः

ye nāmabhāgānkurvaṁti kṣuttṛṣṇā śramapīḍitāḥ haṁtakārasya kartāraste narāḥ svargagāminaḥ

जो भूख-प्यास और थकान से पीड़ित होते हुए भी अपने भाग [देवताओं-अतिथियों के लिए] निकालते हैं, और शुभ कर्म करने वाले हैं - वे मनुष्य स्वर्गगामी हैं।

श्लोक 39 (padma.2.96.39)

वापीकूपतडागानां प्रपानां चैव वेश्मनाम् । आरामाणां च कर्तारस्ते नराः स्वर्गगामिनः

vāpīkūpataḍāgānāṁ prapānāṁ caiva veśmanām ārāmāṇāṁ ca kartāraste narāḥ svargagāminaḥ

जो बावड़ियों, कुओं, तालाबों, प्याऊओं, घरों और उद्यानों के निर्माता हैं - वे मनुष्य स्वर्गगामी हैं।

श्लोक 40 (padma.2.96.40)

असत्येष्वपि ये सत्या ऋजवो नार्जवेष्वपि । रिपुष्वपिहिता ये च ते नराः स्वर्गगामिनः

asatyeṣvapi ye satyā ṛjavo nārjaveṣvapi ripuṣvapihitā ye ca te narāḥ svargagāminaḥ

जो असत्य के बीच भी सत्यवादी हैं, कुटिलों के बीच भी सरल हैं, और शत्रुओं का भी हित चाहते हैं - वे मनुष्य स्वर्गगामी हैं।

श्लोक 41 (padma.2.96.41)

यस्मिन्कस्मिन्कुले जाता बहुपुत्राः शतायुषः । सानुक्रोशाः सदाचारास्ते नराः स्वर्गगामिनः

yasminkasminkule jātā bahuputrāḥ śatāyuṣaḥ sānukrośāḥ sadācārāste narāḥ svargagāminaḥ

जिस किसी भी कुल में जन्मे हों, बहुपुत्र, सौ वर्ष जीने वाले, दयालु और सदाचारी - वे मनुष्य स्वर्गगामी हैं।

श्लोक 42 (padma.2.96.42)

कुर्वंत्यवंध्यं दिवसं धर्मेणैकेन सर्वदा । व्रतं गृह्णंति ये नित्यं ते नराः स्वर्गगामिनः

kurvaṁtyavaṁdhyaṁ divasaṁ dharmeṇaikena sarvadā vrataṁ gṛhṇaṁti ye nityaṁ te narāḥ svargagāminaḥ

जो सदा एक ही धर्म-कार्य से दिन को सफल बनाते हैं, और जो नित्य व्रत लेते हैं - वे मनुष्य स्वर्गगामी हैं।

श्लोक 43 (padma.2.96.43)

आक्रोशंतं स्तुवंतं च तुल्यं पश्यंति ये नराः । शांतात्मानो जितात्मानस्ते नराः स्वर्गगामिनः

ākrośaṁtaṁ stuvaṁtaṁ ca tulyaṁ paśyaṁti ye narāḥ śāṁtātmāno jitātmānaste narāḥ svargagāminaḥ

जो कोसने वाले और स्तुति करने वाले दोनों को समान दृष्टि से देखते हैं, शांत आत्मा वाले, जितात्मा - वे मनुष्य स्वर्गगामी हैं।

श्लोक 44 (padma.2.96.44)

ये चापि भयसंत्रस्तान्ब्राह्मणांश्च तथा स्त्रियः । सार्थान्वा परिरक्षंति ते नराः स्वर्गगामिनः

ye cāpi bhayasaṁtrastānbrāhmaṇāṁśca tathā striyaḥ sārthānvā parirakṣaṁti te narāḥ svargagāminaḥ

और जो भय से त्रस्त ब्राह्मणों और स्त्रियों की, या यात्रियों के समूह की रक्षा करते हैं - वे मनुष्य स्वर्गगामी हैं।

श्लोक 45 (padma.2.96.45)

गंगायां पुष्करे तीर्थे गयायां च विशेषतः । पितृपिंडप्रदातारस्ते नराः स्वर्गगामिनः

gaṁgāyāṁ puṣkare tīrthe gayāyāṁ ca viśeṣataḥ pitṛpiṁḍapradātāraste narāḥ svargagāminaḥ

जो गंगा में, पुष्कर तीर्थ में, और विशेष रूप से गया में पितरों को पिंड-दान देते हैं - वे मनुष्य स्वर्गगामी हैं।

श्लोक 46 (padma.2.96.46)

न वशे चेंद्रियाणां च ये नराः संयमस्थिताः । त्यक्तलोभभयक्रोधास्ते नराः स्वर्गगामिनः

na vaśe ceṁdriyāṇāṁ ca ye narāḥ saṁyamasthitāḥ tyaktalobhabhayakrodhāste narāḥ svargagāminaḥ

जो इंद्रियों के वश में न होकर भी संयम में स्थित रहते हैं, लोभ-भय-क्रोध का त्याग किए हुए - वे मनुष्य स्वर्गगामी हैं।

श्लोक 47 (padma.2.96.47)

यूका मत्कुणदंशादीन्ये जंतूंस्तुदतस्तनुम् । पुत्रवत्परिरक्षंति ते नराः स्वर्गगामिनः

yūkā matkuṇadaṁśādīnye jaṁtūṁstudatastanum putravatparirakṣaṁti te narāḥ svargagāminaḥ

जो अपने शरीर को काटने वाले जूँ, खटमल आदि जंतुओं की भी पुत्रवत् रक्षा करते हैं - वे मनुष्य स्वर्गगामी हैं।

श्लोक 48 (padma.2.96.48)

अज्ञानाच्च यथोक्तेन विधिना संचयंति च । सर्वद्वंद्वसहा लोके ते नराः स्वर्गगामिनः

ajñānācca yathoktena vidhinā saṁcayaṁti ca sarvadvaṁdvasahā loke te narāḥ svargagāminaḥ

जो अज्ञानवश यथोक्त विधि से धन का संचय भी करते हैं, फिर भी संसार में सभी द्वंद्वों को सहन करते हैं - वे मनुष्य स्वर्गगामी हैं।

श्लोक 49 (padma.2.96.49)

ये पूताः परदारांश्च कर्मणा मनसा गिरा । रमयंति न सत्वस्थास्ते नराः स्वर्गगामिनः

ye pūtāḥ paradārāṁśca karmaṇā manasā girā ramayaṁti na satvasthāste narāḥ svargagāminaḥ

जो कर्म, मन और वाणी से पवित्र हैं, और सामर्थ्य होते हुए भी दूसरों की पत्नियों के साथ रमण नहीं करते - वे मनुष्य स्वर्गगामी हैं।

श्लोक 50 (padma.2.96.50)

निंदितानि न कुर्वंति कुर्वंति विहितानि च । आत्मशक्तिं विजानंति ते नराः स्वर्गगामिनः

niṁditāni na kurvaṁti kurvaṁti vihitāni ca ātmaśaktiṁ vijānaṁti te narāḥ svargagāminaḥ

जो निंदित कर्म नहीं करते और विहित कर्म करते हैं, और जो अपनी शक्ति को भलीभाँति जानते हैं - वे मनुष्य स्वर्गगामी हैं।

श्लोक 51 (padma.2.96.51)

एवं ते कथितं सर्वं मया तत्त्वेन पार्थिव । दुर्गतिः सद्गतिश्चैव प्राप्यते कर्मभिर्यथा

evaṁ te kathitaṁ sarvaṁ mayā tattvena pārthiva durgatiḥ sadgatiścaiva prāpyate karmabhiryathā

हे राजन्! इस प्रकार मैंने आपको तत्त्व से यह सब बताया - कि कर्मों से किस प्रकार दुर्गति और सद्गति प्राप्त होती है।

श्लोक 52 (padma.2.96.52)

नरः परेषां प्रतिकूलमाचरन्प्रयाति घोरं नरकं सुदारुणम् । सदानुकूलस्य नरस्य जीविनः सुखावहा मुक्तिरदूरसंस्थिता

naraḥ pareṣāṁ pratikūlamācaranprayāti ghoraṁ narakaṁ sudāruṇam sadānukūlasya narasya jīvinaḥ sukhāvahā muktiradūrasaṁsthitā

जो मनुष्य दूसरों के प्रतिकूल आचरण करता है, वह भयंकर और अत्यंत दारुण नरक को प्राप्त होता है; सदा अनुकूल आचरण करने वाले जीवित मनुष्य के लिए सुखदायी मुक्ति दूर नहीं है।