अच्छोद सरोवर पर पाँच अप्सराओं का शाप

श्लोक 1 (padma.3.22.1)

नारद उवाच । एवं ते कथितं राजन्नर्मदातीर्थमुत्तमम् । पुरा गंधर्वकन्यानां शापजं भयमुल्बणम्

nārada uvāca evaṁ te kathitaṁ rājannarmadātīrthamuttamam purā gaṁdharvakanyānāṁ śāpajaṁ bhayamulbaṇam

नारद जी ने कहा — हे राजन! इस प्रकार मैंने आपको नर्मदा के श्रेष्ठ तीर्थ का वर्णन किया। पूर्वकाल में गंधर्व-कन्याओं पर एक भयंकर शाप का भय उत्पन्न हुआ था,

श्लोक 2 (padma.3.22.2)

नाशितं तन्महाराज रेवाजलकणाग्निना । रेवाजलकणस्पर्शान्मुक्तो भवति मानवः

nāśitaṁ tanmahārāja revājalakaṇāgninā revājalakaṇasparśānmukto bhavati mānavaḥ

हे महाराज! जो रेवा के जल की एक बूँद की अग्नि से नष्ट हो गया; रेवा के जल-कण के स्पर्श मात्र से मनुष्य मुक्त हो जाता है।

श्लोक 3 (padma.3.22.3)

युधिष्ठिर उवाच । भगवन्बहुकन्याभिः शापो लंभि कथं कुतः । कस्यापत्यानि तास्तासां नाम किं कीदृशं वयः

yudhiṣṭhira uvāca bhagavanbahukanyābhiḥ śāpo laṁbhi kathaṁ kutaḥ kasyāpatyāni tāstāsāṁ nāma kiṁ kīdṛśaṁ vayaḥ

युधिष्ठिर ने कहा — हे भगवन! अनेक कन्याओं को यह शाप कैसे और कहाँ से मिला? वे किसकी संतान थीं, उनके नाम क्या थे, और उनकी अवस्था कैसी थी?

श्लोक 4 (padma.3.22.4)

कथं रेवाजलस्पर्शाद्विपाकाच्छापसंभवात् । विमुक्ताः कुत्र ताः सस्नुः सर्वं मे कथय प्रभो

kathaṁ revājalasparśādvipākācchāpasaṁbhavāt vimuktāḥ kutra tāḥ sasnuḥ sarvaṁ me kathaya prabho

रेवा के जल के स्पर्श से शाप के परिपाक से वे कैसे मुक्त हुईं, और कहाँ उन्होंने स्नान किया? हे प्रभो! यह सब मुझे कहिए।

श्लोक 5 (padma.3.22.5)

नर्मदातीर्थमाहात्म्यं चमत्कारकरं भवेत् । श्रवणादपि पापानां मलनाशनमुच्यते

narmadātīrthamāhātmyaṁ camatkārakaraṁ bhavet śravaṇādapi pāpānāṁ malanāśanamucyate

नर्मदा-तीर्थ की महिमा चमत्कार उत्पन्न करने वाली है; कहा जाता है कि केवल इसे सुनने मात्र से भी पापों की मलिनता नष्ट हो जाती है।

श्लोक 6 (padma.3.22.6)

नर्मदानर्मदाशब्दो येन केनचिदुच्यते । तस्य स्याच्छाश्वती मुक्तिर्यावदाचंद्र तारकम्

narmadānarmadāśabdo yena kenaciducyate tasya syācchāśvatī muktiryāvadācaṁdra tārakam

जो कोई किसी भी प्रकार से 'नर्मदा' या 'रेवा' शब्द का उच्चारण करता है, उसे जब तक चंद्र-तारे रहते हैं, तब तक शाश्वत मुक्ति प्राप्त होती है।

श्लोक 7 (padma.3.22.7)

व्याहृतं भवता पूर्वं रेवामाहात्म्यमुत्तमम् । तथापि चरितं साधो यदेतत्तन्निगद्यताम्

vyāhṛtaṁ bhavatā pūrvaṁ revāmāhātmyamuttamam tathāpi caritaṁ sādho yadetattannigadyatām

आपने पहले ही रेवा की श्रेष्ठ महिमा का वर्णन किया है; फिर भी, हे साधो! वह चरित कथा — वह भी कहिए।

श्लोक 8 (padma.3.22.8)

अथ चोत्तमवार्ताया सेवितव्या मनीषिभिः । अतः पृच्छामि विप्रेंद्र रेवामाहात्म्यमुत्तमम् । इतिहासं वद विभो कन्यानां चरितोज्ज्वलम्

atha cottamavārtāyā sevitavyā manīṣibhiḥ ataḥ pṛcchāmi vipreṁdra revāmāhātmyamuttamam itihāsaṁ vada vibho kanyānāṁ caritojjvalam

उत्तम कथा विद्वानों द्वारा सुनी जाने योग्य होती है; इसलिए मैं पूछता हूँ, हे विप्रेंद्र! रेवा की श्रेष्ठ महिमा — हे विभो! कन्याओं का उज्ज्वल इतिहास मुझे कहिए।

श्लोक 9 (padma.3.22.9)

नारद उवाच । श्रूयतां राजशार्दूल धर्मगर्भापरा कथा । यथारणिर्वह्निगर्भा धर्म्मस्तु ब्रह्मसूरिव

nārada uvāca śrūyatāṁ rājaśārdūla dharmagarbhāparā kathā yathāraṇirvahnigarbhā dharmmastu brahmasūriva

नारद जी ने कहा — हे राजशार्दूल! एक और कथा सुनिए, धर्म से गर्भित — जैसे अरणि अग्नि से गर्भित होती है, वैसे ही धर्म ब्रह्मा के पुत्र के समान है।

श्लोक 10 (padma.3.22.10)

गंधर्वः शुकसंगीतिस्तस्य कन्या प्रमोहिनी । सुशीलस्य सुशीला च सुस्वरा स्वरवेदिनः

gaṁdharvaḥ śukasaṁgītistasya kanyā pramohinī suśīlasya suśīlā ca susvarā svaravedinaḥ

शुकसंगीति नामक एक गंधर्व थे, उनकी कन्या प्रमोहिनी थी; सुशील की कन्या सुशीला, स्वरवेदिन की सुस्वरा,

श्लोक 11 (padma.3.22.11)

सुतारा चंद्रकांतस्य चंद्रिका सुप्रभस्य च । इमानि वरनामानि तासामप्सरसां नृप

sutārā caṁdrakāṁtasya caṁdrikā suprabhasya ca imāni varanāmāni tāsāmapsarasāṁ nṛpa

चंद्रकांत की सुतारा, और सुप्रभ की चंद्रिका — हे राजन! इन अप्सराओं के ये श्रेष्ठ नाम थे।

श्लोक 12 (padma.3.22.12)

कुमार्यः पंच सर्वास्ता वयसा सुभगाः पुनः । भाषंते च मिथस्तास्तु भगिन्य इव सर्वदा

kumāryaḥ paṁca sarvāstā vayasā subhagāḥ punaḥ bhāṣaṁte ca mithastāstu bhaginya iva sarvadā

वे पाँचों कुमारियाँ समान आयु की और सौभाग्यशाली थीं; वे सदा आपस में बहनों के समान बातचीत करती थीं।

श्लोक 13 (padma.3.22.13)

चंद्रादिव विनिष्क्रांताश्चंद्रिका इव सोज्ज्वलाः । चंद्राननाः सुकेश्यश्च चंद्रकांताइवोज्ज्वलाः

caṁdrādiva viniṣkrāṁtāścaṁdrikā iva sojjvalāḥ caṁdrānanāḥ sukeśyaśca caṁdrakāṁtāivojjvalāḥ

मानो चंद्रमा से ही निकली हों, चांदनी के समान उज्ज्वल, चंद्रमुखी, सुंदर केशों वाली, चंद्रकांत मणि के समान चमकती हुई,

श्लोक 14 (padma.3.22.14)

देवेष्वेता विलासिन्यः कौमुद्यः कैरवेष्विव । लावण्यपिंडसंभूता दिव्यरूपा मनोहराः

deveṣvetā vilāsinyaḥ kaumudyaḥ kairaveṣviva lāvaṇyapiṁḍasaṁbhūtā divyarūpā manoharāḥ

देवताओं के बीच विलासिनी, कुमुदिनी वन में चांदनी के समान, सौंदर्य की साक्षात मूर्ति, दिव्य रूप वाली और मनोहर,

श्लोक 15 (padma.3.22.15)

उद्भिन्नकुचपद्मिन्यः केतक्य इव माधवे । उत्पन्नयौवनैः कांता वल्लीव नवपल्लवैः

udbhinnakucapadminyaḥ ketakya iva mādhave utpannayauvanaiḥ kāṁtā vallīva navapallavaiḥ

जिनके स्तन कमल-कलियों के समान खिल रहे थे, मानो वसंत में केतकी के पुष्प हों, नवीन यौवन से युक्त, नई कोंपलों वाली लता के समान सुंदर,

श्लोक 16 (padma.3.22.16)

हेमगौराश्च हेमाभा हेमाभरणभूषिताः । हेमचंपकमालिन्यो हेमच्छविसुवाससः

hemagaurāśca hemābhā hemābharaṇabhūṣitāḥ hemacaṁpakamālinyo hemacchavisuvāsasaḥ

स्वर्ण के समान गौर वर्ण और स्वर्ण के समान कांतिमान, स्वर्णाभूषणों से सुसज्जित, स्वर्ण-चंपक की मालाओं वाली, स्वर्ण-कांति और सुंदर वस्त्रों वाली,

श्लोक 17 (padma.3.22.17)

स्वरग्रामावलीहासु विविधा मूर्च्छनासु च । तालवाद्यविनोदेषु वेणुवीणाप्रवादने

svaragrāmāvalīhāsu vividhā mūrcchanāsu ca tālavādyavinodeṣu veṇuvīṇāpravādane

स्वर-सप्तक की हास्ययुक्त क्रीड़ाओं में, विविध मूर्च्छनाओं में, ताल-वाद्य के विनोदों में, वेणु और वीणा के वादन में,

श्लोक 18 (padma.3.22.18)

मृदंगनादसंभिन्नलास्यमध्यलयेषु च । चित्रादिषु विनोदेषु कलासु च विशारदाः

mṛdaṁganādasaṁbhinnalāsyamadhyalayeṣu ca citrādiṣu vinodeṣu kalāsu ca viśāradāḥ

मृदंग की ध्वनि से युक्त मध्यलय के नृत्य में, चित्रकला आदि विनोदों और कलाओं में निपुण थीं।

श्लोक 19 (padma.3.22.19)

एवंभूताश्च ताः कन्या मुमुहुः क्रीडनैर्वरैः । पितृभिर्लालिताः सर्वाश्चेरुश्च धनदालये

evaṁbhūtāśca tāḥ kanyā mumuhuḥ krīḍanairvaraiḥ pitṛbhirlālitāḥ sarvāśceruśca dhanadālaye

ऐसी वे कन्याएँ श्रेष्ठ क्रीड़ाओं में मोहित रहती थीं; अपने पिताओं द्वारा लाड़-प्यार से पाली गई वे सभी कुबेर के धाम में विचरण करती थीं।

श्लोक 20 (padma.3.22.20)

कौतुकादेकदा पंच मिलित्वा मासि माधवे । कन्या मंदारपुष्पाणि विचिन्वंत्यो वनाद्वनम्

kautukādekadā paṁca militvā māsi mādhave kanyā maṁdārapuṣpāṇi vicinvaṁtyo vanādvanam

एक बार कुतूहलवश माधव मास में पाँचों कन्याएँ एकत्र होकर वन-वन में मंदार-पुष्प चुनती हुईं,

श्लोक 21 (padma.3.22.21)

गौरीं समाराधयितुं स्वरांगनाः कदाचिदच्छोदसरोवरं ययुः । हेमांबुजानि प्रवराणि ताः पुनस्तस्मादुपादाय वरोत्पलैः सह

gaurīṁ samārādhayituṁ svarāṁganāḥ kadācidacchodasarovaraṁ yayuḥ hemāṁbujāni pravarāṇi tāḥ punastasmādupādāya varotpalaiḥ saha

गौरी की आराधना करने के लिए वे स्वर्गांगनाएँ किसी समय अच्छोद सरोवर को गईं; वहाँ से श्रेष्ठ स्वर्ण-कमल तथा उत्तम नील कमल भी लेकर,

श्लोक 22 (padma.3.22.22)

वैडूर्यशुद्धस्फटिकप्रकुट्टिमे स्नात्वा तु घट्टे परिधाय चांबरम् । मौनेन च स्थंडिलपिंडिकामयीं सुवर्णमुक्ताभरणां विनिर्ममुः

vaiḍūryaśuddhasphaṭikaprakuṭṭime snātvā tu ghaṭṭe paridhāya cāṁbaram maunena ca sthaṁḍilapiṁḍikāmayīṁ suvarṇamuktābharaṇāṁ vinirmamuḥ

वैडूर्य और स्फटिक से बने शुद्ध घाट पर स्नान करके, वस्त्र धारण करके, मौन रहकर उन्होंने स्वर्ण-मुक्ताओं से सुसज्जित एक वेदी बनाई।

श्लोक 23 (padma.3.22.23)

समर्चितां चंदनगंधकुंकुमैरभ्यर्च्य गौरीं वरपंकजादिभिः । नानोपहारैः शुभभक्तिभाविता लास्यप्रयोगैर्ननृतुः कुमारिकाः

samarcitāṁ caṁdanagaṁdhakuṁkumairabhyarcya gaurīṁ varapaṁkajādibhiḥ nānopahāraiḥ śubhabhaktibhāvitā lāsyaprayogairnanṛtuḥ kumārikāḥ

चंदन, गंध और कुंकुम से, तथा उत्तम कमलों आदि से गौरी की पूजा करके, नाना उपहारों और शुभ भक्ति से भावित होकर वे कुमारियाँ नृत्य की मुद्राओं में नाचने लगीं।

श्लोक 24 (padma.3.22.24)

गांधर्वमाश्रित्य परं स्वरं ततो गेयं स्वभावध्वनिभिः समूर्छनम् । एणीदृशस्ताः प्रजगुः कलाक्षरं तारप्रवृद्धं गतिभिश्च सुस्वरम्

gāṁdharvamāśritya paraṁ svaraṁ tato geyaṁ svabhāvadhvanibhiḥ samūrchanam eṇīdṛśastāḥ prajaguḥ kalākṣaraṁ tārapravṛddhaṁ gatibhiśca susvaram

फिर गांधर्व स्वर का सहारा लेकर, स्वाभाविक ध्वनियों में मूर्च्छना सहित गाते हुए, वे मृगनयनी सुस्वर से, ऊँची और मधुर स्वरलहरियों में स्पष्ट शब्दों में गाने लगीं।

श्लोक 25 (padma.3.22.25)

तस्मिन्सुभावे रसवर्षहर्षं कन्यास्वलं निर्भरचित्तवृत्तिषु । अच्छोदतीर्थे प्रवरे तदागतः स्नातुं मुनेर्वेदनिधेः सुतोग्रजः

tasminsubhāve rasavarṣaharṣaṁ kanyāsvalaṁ nirbharacittavṛttiṣu acchodatīrthe pravare tadāgataḥ snātuṁ munervedanidheḥ sutograjaḥ

उस मनोहर भाव में, रस के हर्ष से पूरित मन वाली कन्याएँ जब उस श्रेष्ठ अच्छोद तीर्थ में लीन थीं, तभी वहाँ स्नान करने के लिए वेदनिधि मुनि के बड़े पुत्र आए।

श्लोक 26 (padma.3.22.26)

रूपेण निःसीमतरो वराननः प्रफुल्लपद्मायतलोचनो युवा । विस्तीर्णवक्षाः सुभुजोऽतिसुंदरः श्यामच्छविः कामइवापरो हि सः

rūpeṇa niḥsīmataro varānanaḥ praphullapadmāyatalocano yuvā vistīrṇavakṣāḥ subhujo'tisuṁdaraḥ śyāmacchaviḥ kāmaivāparo hi saḥ

रूप में असीम, सुंदर मुख वाला, खिले हुए कमल के समान विशाल नेत्रों वाला युवक, चौड़ी छाती वाला, सुंदर भुजाओं वाला, अत्यंत सुंदर, श्याम वर्ण, मानो दूसरा कामदेव।

श्लोक 27 (padma.3.22.27)

स ब्रह्मचारी सुशिखो हि शोभते दंडेन युक्तो धनुषेव मन्मथः । एणाजिनप्रावरणः समुद्रधृग्हेमाभमौंजीकटिमेखलः परः

sa brahmacārī suśikho hi śobhate daṁḍena yukto dhanuṣeva manmathaḥ eṇājinaprāvaraṇaḥ samudradhṛghemābhamauṁjīkaṭimekhalaḥ paraḥ

वह ब्रह्मचारी सुंदर शिखा वाला, दंड से युक्त होकर मानो धनुष धारण किए मन्मथ के समान शोभायमान था; काले मृग की खाल पहने, यज्ञोपवीत धारण किए, स्वर्ण के समान मुंज की मेखला वाला, अतुलनीय।

श्लोक 28 (padma.3.22.28)

तं दृष्ट्वा ब्राह्मणं बालास्तास्तत्र सरसस्तटे । जहृषुः कौतुकाविष्टा अयं नो भवितातिथिः

taṁ dṛṣṭvā brāhmaṇaṁ bālāstāstatra sarasastaṭe jahṛṣuḥ kautukāviṣṭā ayaṁ no bhavitātithiḥ

सरोवर के तट पर उस ब्राह्मण को देखकर वे बालाएँ कुतूहल से भर उठीं — 'यह हमारा अतिथि होगा!'

श्लोक 29 (padma.3.22.29)

संत्यक्तगीतनृत्यास्तास्तस्यालोकनलालसाः । हरिण्यो लुब्धकेनेव विद्धाः कामेन सायकैः

saṁtyaktagītanṛtyāstāstasyālokanalālasāḥ hariṇyo lubdhakeneva viddhāḥ kāmena sāyakaiḥ

गीत-नृत्य छोड़कर, उसे देखने के लिए लालायित वे, कामदेव के बाणों से बींधी हुई हिरणियों के समान हो गईं।

श्लोक 30 (padma.3.22.30)

पश्यपश्येति जल्पंत्यो मुग्धाः पंच ससंभ्रमम् । तस्मिन्विप्रवरे यूनि कामदेवभ्रमं ययुः

paśyapaśyeti jalpaṁtyo mugdhāḥ paṁca sasaṁbhramam tasminvipravare yūni kāmadevabhramaṁ yayuḥ

'देखो, देखो!' कहती हुई, विह्वल और घबराई हुई वे पाँचों, उस श्रेष्ठ ब्राह्मण युवक में कामदेव का भ्रम कर बैठीं।

श्लोक 31 (padma.3.22.31)

पुनःपुनस्तमभ्यर्च्य नयनैः पंकजैरिव । पश्चाद्विचारमारब्धमप्सरोभिः परस्परम्

punaḥpunastamabhyarcya nayanaiḥ paṁkajairiva paścādvicāramārabdhamapsarobhiḥ parasparam

बार-बार उसकी कमल-सदृश नेत्रों से पूजा करते हुए, फिर उन अप्सराओं में आपस में विचार आरंभ हुआ —

श्लोक 32 (padma.3.22.32)

यद्ययं कामदेवो हि रतिहीनः कथं भवेत् । अथवाह्यश्विनौ देवौ तावुभौ युगचारिणौ

yadyayaṁ kāmadevo hi ratihīnaḥ kathaṁ bhavet athavāhyaśvinau devau tāvubhau yugacāriṇau

'यदि यह कामदेव है, तो रति से रहित कैसे हो सकता है? अथवा शायद ये दोनों अश्विनी देव हैं, जो युगल में विचरण करते हैं?'

श्लोक 33 (padma.3.22.33)

गंधर्वः किन्नरो वाथ सिद्धो वा कामरूपधृक् । ऋषिपुत्रोऽथवा कश्चित्कश्चिद्वा मनुजोत्तमः

gaṁdharvaḥ kinnaro vātha siddho vā kāmarūpadhṛk ṛṣiputro'thavā kaścitkaścidvā manujottamaḥ

'अथवा गंधर्व है, या किन्नर, या इच्छानुसार रूप धारण करने वाला सिद्ध? अथवा किसी ऋषि का पुत्र, या कोई श्रेष्ठ मनुष्य?'

श्लोक 34 (padma.3.22.34)

अस्ति वा कश्चिदेवायं धात्रा सृष्टो हि नः कृते । यथाभाग्यवतामर्थे निधानं पूर्वकर्मभिः

asti vā kaścidevāyaṁ dhātrā sṛṣṭo hi naḥ kṛte yathābhāgyavatāmarthe nidhānaṁ pūrvakarmabhiḥ

'या फिर यह विधाता द्वारा हमारे ही लिए रचा गया कोई विशेष है — पूर्वजन्म के कर्मों से सौभाग्यशालियों के लिए निधि के समान।'

श्लोक 35 (padma.3.22.35)

तथास्माकं कुमारीणां गौर्यानीतो वरोत्तमः । करुणाजलकल्लोल लब्धाद्री र्कृ!तचित्तया

tathāsmākaṁ kumārīṇāṁ gauryānīto varottamaḥ karuṇājalakallola labdhādrī rkṛ!tacittayā

'इसी प्रकार हम कुमारियों के लिए गौरी ने अपनी करुणा की तरंगों से यह श्रेष्ठ वर लाया है — उन्होंने इसे अपने चित्त में धारण किया है।'

श्लोक 36 (padma.3.22.36)

मया वृतस्त्वया चायं त्वया वृतस्तथानया । एवं पंचसुकन्यासु वदंतीषु नृपोत्तम

mayā vṛtastvayā cāyaṁ tvayā vṛtastathānayā evaṁ paṁcasukanyāsu vadaṁtīṣu nṛpottama

'मैंने इसे वरण किया है' — कहा एक ने; 'और तुमने भी इसे वरण किया है' — दूसरी ने; 'यह इसके द्वारा भी वरण किया गया है' — इस प्रकार, हे नृपश्रेष्ठ! पाँचों कन्याएँ बोलने लगीं।

श्लोक 37 (padma.3.22.37)

श्रुत्वा तद्वचनं तत्र कृतमाध्याह्निकक्रियः । चिंतयामास मेधावी किं कृत्वा सुकृतं भवेत्

śrutvā tadvacanaṁ tatra kṛtamādhyāhnikakriyaḥ ciṁtayāmāsa medhāvī kiṁ kṛtvā sukṛtaṁ bhavet

उनकी यह वाणी सुनकर, वहाँ मध्याह्न-क्रिया संपन्न करके, वह मेधावी युवक विचार करने लगा कि कौन-सा सुकृत्य करना उचित होगा।

श्लोक 38 (padma.3.22.38)

गाधिसंभवपराशरादयः कंडुदेवलमुखाश्च ये द्विजाः । तेऽपि योगि बलिनो विमोहिताः लीलया तदबलाभिरद्भुतम्

gādhisaṁbhavaparāśarādayaḥ kaṁḍudevalamukhāśca ye dvijāḥ te'pi yogi balino vimohitāḥ līlayā tadabalābhiradbhutam

गाधि के पुत्र, पराशर आदि, तथा कंडु, देवल आदि ब्राह्मण — वे भी बलशाली योगीजन ऐसी बालाओं की लीला और उनके अद्भुत सौंदर्य से मोहित हो गए थे।

श्लोक 39 (padma.3.22.39)

योषितां नयनतीक्ष्णसायकैर्भ्रूलतासुदृढचापनिर्गतैः । धन्विना मकरकेतुना हतः कस्य नो पतति वामनो मृगः

yoṣitāṁ nayanatīkṣṇasāyakairbhrūlatāsudṛḍhacāpanirgataiḥ dhanvinā makaraketunā hataḥ kasya no patati vāmano mṛgaḥ

स्त्रियों के तीक्ष्ण नयन-बाणों से, जो उनकी दृढ़ भ्रू-रूपी धनुषों से छूटते हैं, मकर-ध्वज धनुर्धारी (काम) द्वारा आहत — किसका दीन हृदय-मृग नहीं गिर पड़ता?

श्लोक 40 (padma.3.22.40)

तावदेव नयधीर्विराजते तावदेव जनताभयं भवेत् । तावदेव धृतचित्तता भृशं तावदेव गणना कुलस्य च

tāvadeva nayadhīrvirājate tāvadeva janatābhayaṁ bhavet tāvadeva dhṛtacittatā bhṛśaṁ tāvadeva gaṇanā kulasya ca

तभी तक न्यायबुद्धि शोभा पाती है, तभी तक कोई लोगों के भय का निवारक बनता है, तभी तक चित्त की दृढ़ता होती है, तभी तक कुल की गणना होती है,

श्लोक 41 (padma.3.22.41)

तावदेव तपसः प्रगल्भता तावदेव शमसेवनं नृणाम् । यावदेव ललनेक्षणा स वैर्माद्यते द्रुतमदैर्न पूरुषः

tāvadeva tapasaḥ pragalbhatā tāvadeva śamasevanaṁ nṛṇām yāvadeva lalanekṣaṇā sa vairmādyate drutamadairna pūruṣaḥ

तभी तक तप का साहस रहता है, तभी तक मनुष्य शांति का सेवन करते हैं — जब तक पुरुष सुंदरी के नेत्रों से शीघ्र उन्मत्त होकर मत्त नहीं होता।

श्लोक 42 (padma.3.22.42)

मोहयंति मदयंति रागिणं योषितः स्वललितैर्मनोहरैः । मोदयंति मदयंति मामिमा धर्मरक्षणपरं हि स्वैर्गुणैः

mohayaṁti madayaṁti rāgiṇaṁ yoṣitaḥ svalalitairmanoharaiḥ modayaṁti madayaṁti māmimā dharmarakṣaṇaparaṁ hi svairguṇaiḥ

स्त्रियाँ अपने सुंदर, मनोहर लावण्य से रागी पुरुष को मोहित और मत्त कर देती हैं — 'ये मुझे भी, जो धर्म-रक्षण में तत्पर हूँ, अपने ही गुणों से आनंदित और मत्त कर रही हैं।'

श्लोक 43 (padma.3.22.43)

मांसरक्तमलमूत्रनिर्मिते योषितां वपुषि निर्गुणेऽशुचौ । कामिनस्तु परिकल्प्य चारुतामाविशंति सुविमूढचेतसः

māṁsaraktamalamūtranirmite yoṣitāṁ vapuṣi nirguṇe'śucau kāminastu parikalpya cārutāmāviśaṁti suvimūḍhacetasaḥ

मांस, रक्त, मल और मूत्र से बनी, निर्गुण और अपवित्र स्त्री-देह में, अत्यंत मोहित चित्त वाले कामी लोग सौंदर्य की कल्पना करके उसमें आसक्त हो जाते हैं।

श्लोक 44 (padma.3.22.44)

दारुणा हि परिकीर्तितांगना साधुभिर्विमलबुद्धिभिर्बुधैः । यावदेव न समीपगा इमास्तावदेव हि गृहं व्रजाम्यहम्

dāruṇā hi parikīrtitāṁganā sādhubhirvimalabuddhibhirbudhaiḥ yāvadeva na samīpagā imāstāvadeva hi gṛhaṁ vrajāmyaham

स्त्रियाँ साधु और निर्मल बुद्धि वाले विद्वानों द्वारा भयंकर कही गई हैं। 'जब तक ये मेरे समीप नहीं आतीं, तभी तक मैं घर लौट जाऊँगा।'

श्लोक 45 (padma.3.22.45)

समीपं तस्य यावन्न आगच्छंति वरस्त्रियः । वैष्णवेन प्रभावेण तावदंतर्दधे द्विजः

samīpaṁ tasya yāvanna āgacchaṁti varastriyaḥ vaiṣṇavena prabhāveṇa tāvadaṁtardadhe dvijaḥ

जब तक वे श्रेष्ठ स्त्रियाँ उसके समीप नहीं आ पाईं, तब तक वैष्णव प्रभाव से वह ब्राह्मण अंतर्धान हो गया।

श्लोक 46 (padma.3.22.46)

तस्य योगबलाद्भूप गतस्यादर्शनं तदा । दृष्ट्वा तदद्भुतं कर्म वैष्णवब्रह्मचारिणः

tasya yogabalādbhūpa gatasyādarśanaṁ tadā dṛṣṭvā tadadbhutaṁ karma vaiṣṇavabrahmacāriṇaḥ

हे राजन! अपने योगबल से वह वहाँ से अदृश्य हो गया; उस वैष्णव ब्रह्मचारी के इस अद्भुत कर्म को देखकर,

श्लोक 47 (padma.3.22.47)

वित्रस्तनयना बाला कुरंग्य इव कातराः । संक्रांतनयनाः शून्या ददृशुस्ता दिशोदश

vitrastanayanā bālā kuraṁgya iva kātarāḥ saṁkrāṁtanayanāḥ śūnyā dadṛśustā diśodaśa

भयभीत नेत्रों वाली, भयातुर हिरणियों के समान वे बालाएँ, विचलित दृष्टि से, शून्य होकर दसों दिशाओं को देखने लगीं।

श्लोक 48 (padma.3.22.48)

कन्या ऊचुः । इंद्रजालं स्फुटं वेत्ति मायां जानाति वा पुनः । दृष्टोऽप्यदृष्टरूपोभूदित्यूचुस्ताः परस्परम्

kanyā ūcuḥ iṁdrajālaṁ sphuṭaṁ vetti māyāṁ jānāti vā punaḥ dṛṣṭo'pyadṛṣṭarūpobhūdityūcustāḥ parasparam

कन्याओं ने कहा — 'क्या यह इंद्रजाल स्पष्ट रूप से जानता है, या फिर माया को जानता है? दिखकर भी अदृश्य रूप हो गया' — इस प्रकार वे आपस में बोलने लगीं।

श्लोक 49 (padma.3.22.49)

व्याप्तं च हृदयं तासां तदैव विरहाग्निना । ज्वलद्दावानलेनेव सुस्निग्धं सर्वकाननम्

vyāptaṁ ca hṛdayaṁ tāsāṁ tadaiva virahāgninā jvaladdāvānaleneva susnigdhaṁ sarvakānanam

उसी क्षण उनके हृदय विरह की अग्नि से उसी प्रकार व्याप्त हो गए, जैसे धधकता दावानल किसी पूरे कोमल वन को घेर लेता है।

श्लोक 50 (padma.3.22.50)

त्यजेंद्रजालिकां विद्यां कांत दर्शय सत्वरम् । आत्मानं न हि ते युक्तं प्राग्ग्रासे मक्षिकोपमम्

tyajeṁdrajālikāṁ vidyāṁ kāṁta darśaya satvaram ātmānaṁ na hi te yuktaṁ prāggrāse makṣikopamam

'हे प्रिय! अपनी इंद्रजाल विद्या त्याग दो, अपने आपको शीघ्र दिखाओ; तुम्हारे लिए यह उचित नहीं कि निगले जाने से पहले मक्खी के समान बन जाओ।'

श्लोक 51 (padma.3.22.51)

हा कष्टं दर्शितः कस्माद्धात्रा त्वं घटितः कुतः । ज्ञातं महानुसंतापहेतुर्नः स्वं विनिर्मितः

hā kaṣṭaṁ darśitaḥ kasmāddhātrā tvaṁ ghaṭitaḥ kutaḥ jñātaṁ mahānusaṁtāpaheturnaḥ svaṁ vinirmitaḥ

'हाय, क्या दुःख है! विधाता ने तुम्हें हमें क्यों दिखाया, और कहाँ से तुम्हें गढ़ा? अब हमें ज्ञात हुआ कि तुम स्वयं हमारे महान संताप के कारण बनाए गए हो।'

श्लोक 52 (padma.3.22.52)

कच्चित्ते निर्दयं चेतः कच्चिदस्मासु नो मतिः । कच्चित्क्रूरोऽसि हे कांत कच्चिन्मुष्णासि नो मनः

kaccitte nirdayaṁ cetaḥ kaccidasmāsu no matiḥ kaccitkrūro'si he kāṁta kaccinmuṣṇāsi no manaḥ

'क्या तुम्हारा हृदय निर्दय है? क्या हमारे प्रति तुम्हारा कोई भाव नहीं? क्या तुम क्रूर हो, हे प्रिय? क्या तुम हमारा मन चुराते हो?'

श्लोक 53 (padma.3.22.53)

कच्चिन्न प्रत्ययोस्मा सु कच्चिदस्मान्परीक्षसे । कच्चिन्निर्ममता शीलः कच्चिन्मायाविशारदः

kaccinna pratyayosmā su kaccidasmānparīkṣase kaccinnirmamatā śīlaḥ kaccinmāyāviśāradaḥ

'क्या तुम्हें हम पर विश्वास नहीं? क्या तुम हमारी परीक्षा लेते हो? क्या तुम्हारा स्वभाव ममतारहित है? क्या तुम माया में निपुण हो?'

श्लोक 54 (padma.3.22.54)

कच्चिच्चित्ते प्रवेष्टुं च वेत्सि विज्ञानलाघवम् । कच्चिन्निष्क्रमणोपायं न जानासि कुतः पुनः

kacciccitte praveṣṭuṁ ca vetsi vijñānalāghavam kaccinniṣkramaṇopāyaṁ na jānāsi kutaḥ punaḥ

'क्या तुम हृदय में प्रवेश करने की सूक्ष्म कला जानते हो? क्या तुम उससे निकलने का उपाय नहीं जानते — तो फिर कैसे [प्रवेश किया]?'

श्लोक 55 (padma.3.22.55)

कच्चिद्विनापराधं तु किमस्मासु प्रकुप्यसे । कच्चिद्दुःखं न जानासि परेषां विप्रलंभनम्

kaccidvināparādhaṁ tu kimasmāsu prakupyase kaccidduḥkhaṁ na jānāsi pareṣāṁ vipralaṁbhanam

'क्या हमने बिना किसी अपराध के तुम्हें कुछ किया है, जो तुम हम पर क्रोधित हो रहे हो? क्या तुम दूसरों को छलने की पीड़ा नहीं जानते?'

श्लोक 56 (padma.3.22.56)

त्वद्दर्शनं विना नष्टा हृदयेश्वर सांप्रतम् । न जीवामोऽथ जीवामः पुनस्त्वद्दर्शनाशया

tvaddarśanaṁ vinā naṣṭā hṛdayeśvara sāṁpratam na jīvāmo'tha jīvāmaḥ punastvaddarśanāśayā

'हे हृदयेश्वर! अभी तुम्हारे दर्शन के बिना हम नष्ट हो गई हैं; न हम जीती हैं, न मरती हैं — केवल तुम्हारे पुनर्दर्शन की आशा में।'

श्लोक 57 (padma.3.22.57)

वयं च नीयतां तत्र शीघ्रं यत्र गतो भवान् । त्वद्दर्शनहरो धाता व्यधान्मोदांकुरच्छिदाम्

vayaṁ ca nīyatāṁ tatra śīghraṁ yatra gato bhavān tvaddarśanaharo dhātā vyadhānmodāṁkuracchidām

'हमें भी शीघ्र वहीं ले चलो जहाँ तुम गए हो; विधाता ने तुम्हारे दर्शन को हरकर हमारे आनंद के अंकुर को ही काट डाला है।'

श्लोक 58 (padma.3.22.58)

सर्वथा दर्शनं देहि कारुण्यं भज सर्वथा । पर्य्यंतं न प्रपश्यंति कस्य चित्सुजना जनाः

sarvathā darśanaṁ dehi kāruṇyaṁ bhaja sarvathā paryyaṁtaṁ na prapaśyaṁti kasya citsujanā janāḥ

'हर प्रकार से हमें दर्शन दो, हर प्रकार से करुणा करो — क्या सज्जन लोग कभी किसी की चरम आवश्यकता की उपेक्षा करते हैं?'

श्लोक 59 (padma.3.22.59)

इत्थं विलप्यताः कन्याः प्रतीक्ष्य च बहुक्षणम् । पितुर्भयाद्गृहं गंतुं शीघ्रमारेभिरे ततः

itthaṁ vilapyatāḥ kanyāḥ pratīkṣya ca bahukṣaṇam piturbhayādgṛhaṁ gaṁtuṁ śīghramārebhire tataḥ

इस प्रकार विलाप करती और बहुत देर तक प्रतीक्षा करके, वे कन्याएँ फिर पिता के भय से शीघ्र घर लौटने लगीं।

श्लोक 60 (padma.3.22.60)

तत्प्रेमनिगडैर्बद्धा भृशं विरहविक्लवाः । कथंचिद्धैर्यमालंब्य ताः स्वंस्वं गृहमागताः

tatpremanigaḍairbaddhā bhṛśaṁ virahaviklavāḥ kathaṁciddhairyamālaṁbya tāḥ svaṁsvaṁ gṛhamāgatāḥ

प्रेम की बेड़ियों से बँधी, विरह से अत्यंत विह्वल, किसी प्रकार धैर्य धारण करके, वे अपने-अपने घर पहुँचीं।

श्लोक 61 (padma.3.22.61)

आगत्य पतिताः सर्वा मातॄणां तु समीपतः । किमेतन्मातृभिः पृष्टाः कुतः कालात्ययोऽभवत्

āgatya patitāḥ sarvā mātṝṇāṁ tu samīpataḥ kimetanmātṛbhiḥ pṛṣṭāḥ kutaḥ kālātyayo'bhavat

वहाँ पहुँचकर वे सब अपनी माताओं के समीप गिर पड़ीं। 'यह क्या है?' — माताओं ने पूछा — 'इतनी देर क्यों हुई?'

श्लोक 62 (padma.3.22.62)

क्रीडंत्यः किन्नरीभिस्तु सार्द्धं संगतकं यदा । संस्थितास्तेन न ज्ञातो दिवसोऽच्छोदसरोवरे

krīḍaṁtyaḥ kinnarībhistu sārddhaṁ saṁgatakaṁ yadā saṁsthitāstena na jñāto divaso'cchodasarovare

'किन्नरियों के साथ खेलते हुए हम इतनी लीन हो गईं कि अच्छोद सरोवर में दिन बीतने का पता ही नहीं चला।'

श्लोक 63 (padma.3.22.63)

पथि श्रांता वयं मातः संतापस्तेन नस्तनौ । मोहेन महता वक्तुं न केनाप्युत्सहामहे

pathi śrāṁtā vayaṁ mātaḥ saṁtāpastena nastanau mohena mahatā vaktuṁ na kenāpyutsahāmahe

'हे माता! हम मार्ग में थकी हुई हैं, इसलिए हमारे शरीर में यह संताप है।' अत्यंत मोह के कारण वे किसी से भी यह बात कह पाने में असमर्थ थीं।

श्लोक 64 (padma.3.22.64)

इत्युक्त्वा लुठितास्तत्र मणिभूमौ कुमारिकाः । आकारं गोपयंत्यस्ता मुग्धा जल्पंति मातृभिः

ityuktvā luṭhitāstatra maṇibhūmau kumārikāḥ ākāraṁ gopayaṁtyastā mugdhā jalpaṁti mātṛbhiḥ

यह कहकर वे कुमारियाँ मणिजड़ित भूमि पर लोट गईं; अपनी असली स्थिति छिपाती हुईं, वे व्याकुल होकर माताओं से केवल इतना ही कहती रहीं।

श्लोक 65 (padma.3.22.65)

काचिन्नर्तयति क्रीडामयूरं न मुदा तदा । न पाठयति तं कीरं पंजरेऽन्या कुतूहलात्

kācinnartayati krīḍāmayūraṁ na mudā tadā na pāṭhayati taṁ kīraṁ paṁjare'nyā kutūhalāt

कोई अपने क्रीड़ा-मयूर को आनंद से नाचना नहीं सिखाती थी; कोई कुतूहलवश पिंजरे में तोते को बोलना नहीं सिखाती थी।

श्लोक 66 (padma.3.22.66)

लालयेन्नकुलं नान्या नोल्लापयति सारिकाम् । अपरातीव संमुग्धा नैव खेलति सारसैः

lālayennakulaṁ nānyā nollāpayati sārikām aparātīva saṁmugdhā naiva khelati sārasaiḥ

कोई अपने नेवले को दुलारती नहीं थी; कोई अपनी मैना को नहीं बुलाती थी; कोई अत्यंत मोहित होकर सारसों के साथ नहीं खेलती थी।

श्लोक 67 (padma.3.22.67)

भेजिरे न विनोदं ता रेमिरे नैव मंदिरे । ऊचिरे बांधवैर्नालं वीणावाद्यं न चक्रिरे

bhejire na vinodaṁ tā remire naiva maṁdire ūcire bāṁdhavairnālaṁ vīṇāvādyaṁ na cakrire

उन्होंने विनोद में रुचि नहीं ली, अपने कक्षों में आनंद नहीं मनाया, बंधुजनों से पर्याप्त बात नहीं की और वीणा-वादन भी नहीं किया।

श्लोक 68 (padma.3.22.68)

कल्पद्रुमप्रसूनं यत्सर्वं तच्चानलोपमम् । मंदारकुसुमामोदि न पपुर्मधुरं मधु

kalpadrumaprasūnaṁ yatsarvaṁ taccānalopamam maṁdārakusumāmodi na papurmadhuraṁ madhu

कल्पवृक्ष का पुष्प भी उन्हें अग्नि के समान लगने लगा; मंदार-पुष्पों की सुगंध वाला मधुर मधु भी उन्होंने नहीं पिया।

श्लोक 69 (padma.3.22.69)

योगिन्य इव ताः कन्या नासाग्रन्यस्तलोचनाः । अलक्ष्यध्यानसंतानाः पुरुषोत्तममानसाः

yoginya iva tāḥ kanyā nāsāgranyastalocanāḥ alakṣyadhyānasaṁtānāḥ puruṣottamamānasāḥ

योगिनियों के समान वे कन्याएँ नासाग्र पर दृष्टि टिकाए, अगोचर ध्यान की धारा में लीन, उस श्रेष्ठ पुरुष में मन लगाए रहती थीं।

श्लोक 70 (padma.3.22.70)

चंद्रकांतमणिच्छन्ने स्रवद्वारिणि कंदरे । क्षणं वातायने स्थित्वा जलयंत्रगृहेक्षणम्

caṁdrakāṁtamaṇicchanne sravadvāriṇi kaṁdare kṣaṇaṁ vātāyane sthitvā jalayaṁtragṛhekṣaṇam

चंद्रकांतमणि से आच्छादित, जल बहती हुई एक गुफा में, क्षणभर जल-यंत्र-गृह की खिड़की पर खड़ी होकर,

श्लोक 71 (padma.3.22.71)

रचयंति क्षणं शय्यां दीर्घिकां भोजिनीदलैः । वीज्यमानाः सखीभिस्ताः शीतलैर्नलिनीदलैः

racayaṁti kṣaṇaṁ śayyāṁ dīrghikāṁ bhojinīdalaiḥ vījyamānāḥ sakhībhistāḥ śītalairnalinīdalaiḥ

वे क्षणभर के लिए कमल-पत्तों से एक शय्या तालाब के किनारे रचती थीं, सखियों द्वारा शीतल कमल-दलों से पंखा किए जाते हुए।

श्लोक 72 (padma.3.22.72)

इत्थं युगसमां रात्रिमनयंस्ता वरस्त्रियः । कथंचिद्धारणं कृत्वा विह्वलाः सज्वरा इव

itthaṁ yugasamāṁ rātrimanayaṁstā varastriyaḥ kathaṁciddhāraṇaṁ kṛtvā vihvalāḥ sajvarā iva

इस प्रकार वे श्रेष्ठ स्त्रियाँ युग के समान लंबी उस रात्रि को व्यतीत करती रहीं, ज्वरग्रस्त के समान व्याकुल होकर, किसी प्रकार धैर्य धारण करके।

श्लोक 73 (padma.3.22.73)

प्रातर्व्योममणिं दृष्ट्वा मन्यमानाः स्वजीवितम् । विज्ञाप्य मातरं स्वांस्वां गौरीं पूजयितुं गताः

prātarvyomamaṇiṁ dṛṣṭvā manyamānāḥ svajīvitam vijñāpya mātaraṁ svāṁsvāṁ gaurīṁ pūjayituṁ gatāḥ

प्रातःकाल आकाश-मणि (सूर्य) को देखकर, अपने जीवन को उसी में मानती हुई, अपनी-अपनी माताओं को सूचित करके वे गौरी की पूजा करने गईं।

श्लोक 74 (padma.3.22.74)

स्नात्वा तेन विधानेन पुष्पैर्धूपैस्तथा पुनः । विधाय पूजनं देव्या गायंत्यस्तत्र ताः स्थिताः

snātvā tena vidhānena puṣpairdhūpaistathā punaḥ vidhāya pūjanaṁ devyā gāyaṁtyastatra tāḥ sthitāḥ

स्नान करके विधिपूर्वक फिर फूलों और धूप से देवी की पूजा करके वे वहाँ खड़ी होकर गाने लगीं।

श्लोक 75 (padma.3.22.75)

एतस्मिन्नंतरे विप्रः स्नातुं सोऽपि समागतः । पितुराश्रमतस्तस्मादच्छोदेऽत्र सरोवरे

etasminnaṁtare vipraḥ snātuṁ so'pi samāgataḥ piturāśramatastasmādacchode'tra sarovare

इसी बीच वह ब्राह्मण भी अपने पिता के आश्रम से इस अच्छोद सरोवर में स्नान करने के लिए फिर आया।

श्लोक 76 (padma.3.22.76)

मित्रं दृष्ट्वैव रात्र्यंते पद्मिन्य इव कन्यकाः । तत्फुल्लनयना जातास्तं दृष्ट्वा ब्रह्मचारिणम्

mitraṁ dṛṣṭvaiva rātryaṁte padminya iva kanyakāḥ tatphullanayanā jātāstaṁ dṛṣṭvā brahmacāriṇam

रात्रि के अंत में अपने मित्र (सूर्य) को देखकर कमलिनी के समान वे कन्याएँ, उस ब्रह्मचारी को देखकर उनके नेत्र खिल उठे।

श्लोक 77 (padma.3.22.77)

गत्वा तत्रैव ताः कन्या समीपं ब्रह्मचारिणः । सव्यापसव्यबंधेन भुजपाशं च चक्रिरे

gatvā tatraiva tāḥ kanyā samīpaṁ brahmacāriṇaḥ savyāpasavyabaṁdhena bhujapāśaṁ ca cakrire

वे कन्याएँ जाकर उस ब्रह्मचारी के समीप पहुँचीं और दाएँ-बाएँ हाथों से बाँधकर उसे भुजाओं की शृंखला में जकड़ लिया।

श्लोक 78 (padma.3.22.78)

गतोऽसि प्रिय पूर्वेद्युर्गंतुमद्य न लभ्यते । वृतस्त्वं नूनमस्माभिर्नात्र तेऽस्ति विचारणा

gato'si priya pūrvedyurgaṁtumadya na labhyate vṛtastvaṁ nūnamasmābhirnātra te'sti vicāraṇā

'हे प्रिय! तुम कल चले गए थे, पर आज जाने नहीं दिया जाएगा; तुम निश्चय ही हमारे द्वारा वरण किए जा चुके हो — इसमें कोई विचार नहीं करना।'

श्लोक 79 (padma.3.22.79)

इत्युक्तो ब्राह्मणः प्राह प्रहसन्बाहुपाशगः । युष्माभिरुच्यते भद्रमनुकूलं प्रियं वचः

ityukto brāhmaṇaḥ prāha prahasanbāhupāśagaḥ yuṣmābhirucyate bhadramanukūlaṁ priyaṁ vacaḥ

इस प्रकार कहे जाने पर वह ब्राह्मण, भुजाओं की उस शृंखला में बँधा हुआ, हँसते हुए बोला — 'तुम जो कहती हो, हे भद्रे, वह प्रिय और अनुकूल वचन है।'

श्लोक 80 (padma.3.22.80)

प्रथमाश्रमनिष्ठस्य किंतु नश्येत मे व्रतम् । विद्याभ्यसनशीलस्य नाभूत्पारं गुरोः कुले

prathamāśramaniṣṭhasya kiṁtu naśyeta me vratam vidyābhyasanaśīlasya nābhūtpāraṁ guroḥ kule

'किंतु मैं प्रथम आश्रम (ब्रह्मचर्य) में स्थित हूँ, इससे मेरा व्रत नष्ट हो जाएगा। विद्याभ्यास में तत्पर व्यक्ति को गुरु के कुल में पार पहुँचे बिना [इस मार्ग को नहीं अपनाना चाहिए]।'

श्लोक 81 (padma.3.22.81)

आश्रमे यत्र यो धर्मो रक्षणीयः सुपंडितैः । विवाहोऽयमतो मन्ये न धर्म इति कन्यकाः

āśrame yatra yo dharmo rakṣaṇīyaḥ supaṁḍitaiḥ vivāho'yamato manye na dharma iti kanyakāḥ

'जिस आश्रम में जो धर्म है, वह विद्वानों द्वारा रक्षणीय है। इसलिए मैं मानता हूँ कि यह विवाह धर्म नहीं है' — इस प्रकार उन कन्याओं से उसने कहा।

श्लोक 82 (padma.3.22.82)

आकर्ण्य विप्रवाक्यानि विप्रमूचुर्वरस्त्रियः । सकलध्वनिसोत्कंठ्यो कोकिलाइव माधवे

ākarṇya vipravākyāni vipramūcurvarastriyaḥ sakaladhvanisotkaṁṭhyo kokilāiva mādhave

ब्राह्मण के वचन सुनकर वे श्रेष्ठ स्त्रियाँ उससे बोलीं, वसंत में कोयलों के समान समस्त स्वरों में उत्कंठित होकर —

श्लोक 83 (padma.3.22.83)

धर्मादर्थोऽर्थतः कामः कामात्सुखफलोदयः । इत्येवं निश्चयज्ञास्ते वर्णयंति विपश्चितः

dharmādartho'rthataḥ kāmaḥ kāmātsukhaphalodayaḥ ityevaṁ niścayajñāste varṇayaṁti vipaścitaḥ

'धर्म से अर्थ, अर्थ से काम, और काम से सुख-फल का उदय होता है' — इस प्रकार निश्चयज्ञ विद्वान वर्णन करते हैं।

श्लोक 84 (padma.3.22.84)

सकामो धर्मबाहुल्यात्पुरतस्ते समुत्थितः । सेव्यतां विविधैर्भोगैः स्वच्छाभूमिरियं यतः

sakāmo dharmabāhulyātpurataste samutthitaḥ sevyatāṁ vividhairbhogaiḥ svacchābhūmiriyaṁ yataḥ

'तुम धर्म की अधिकता से पहले से ही काम-सहित उठे हो; इस स्वच्छ भूमि में नाना भोगों से इसका सेवन करना चाहिए, क्योंकि यह उपयुक्त स्थान है।'

श्लोक 85 (padma.3.22.85)

श्रुत्वा तद्वचनं तासां प्राह गंभीरया गिरा । तथ्यं वो वचनं किंतु ममाप्यावश्यकं व्रतम्

śrutvā tadvacanaṁ tāsāṁ prāha gaṁbhīrayā girā tathyaṁ vo vacanaṁ kiṁtu mamāpyāvaśyakaṁ vratam

उनके वचन सुनकर उसने गंभीर वाणी से कहा — 'तुम्हारा कथन सत्य है, किंतु मेरा व्रत भी अनिवार्य है।'

श्लोक 86 (padma.3.22.86)

प्राप्यानुज्ञां गुरोः कुर्वे विवाहकर्म नान्यथा । इत्युक्ताः पुनरूचुस्ताः स्फुटं मूढोऽसि सुंदर

prāpyānujñāṁ guroḥ kurve vivāhakarma nānyathā ityuktāḥ punarūcustāḥ sphuṭaṁ mūḍho'si suṁdara

'गुरु की अनुमति पाकर ही मैं विवाह-कर्म करूँगा, अन्यथा नहीं।' इस प्रकार कहे जाने पर वे फिर स्पष्ट बोलीं — 'तुम मूर्ख हो, हे सुंदर!'

श्लोक 87 (padma.3.22.87)

सिद्धौषधं ब्रह्मधिया रसायनं सिद्धिर्निधिः साधुकुला वरांगनाः । मंत्रस्तथा सिद्धरसश्च धर्मतो मुने निषेव्याः सुधिया समागताः

siddhauṣadhaṁ brahmadhiyā rasāyanaṁ siddhirnidhiḥ sādhukulā varāṁganāḥ maṁtrastathā siddharasaśca dharmato mune niṣevyāḥ sudhiyā samāgatāḥ

'सिद्ध औषध, ब्रह्म-ज्ञान से प्राप्त रसायन, सिद्धि का निधान, सुकुल की श्रेष्ठ कन्याएँ, मंत्र, तथा सिद्ध रसायन भी — हे मुने! जब ये धर्मपूर्वक सुबुद्धि के पास आते हैं, तब इनका सेवन करना चाहिए।'

श्लोक 88 (padma.3.22.88)

कार्यं नु दैवाद्यदि सिद्धिमागतं तस्मिन्नुपेक्षां न च यांति नीतिगाः । यस्मादुपेक्षा न पुनः फलप्रदा तस्मान्न दीर्घीकरणं प्रशस्यते

kāryaṁ nu daivādyadi siddhimāgataṁ tasminnupekṣāṁ na ca yāṁti nītigāḥ yasmādupekṣā na punaḥ phalapradā tasmānna dīrghīkaraṇaṁ praśasyate

'यदि कोई कार्य भाग्य से सिद्धि को प्राप्त हो जाए, तो नीतिज्ञ लोग उसकी उपेक्षा नहीं करते — क्योंकि उपेक्षा फिर फल नहीं देती; इसलिए विलंब करना प्रशंसनीय नहीं है।'

श्लोक 89 (padma.3.22.89)

विषादप्यमृतं ग्राह्यममेध्यादपि कांचनम् । नीचादप्युत्तमां विद्यां स्त्रीरत्नं दुष्कुलादपि

viṣādapyamṛtaṁ grāhyamamedhyādapi kāṁcanam nīcādapyuttamāṁ vidyāṁ strīratnaṁ duṣkulādapi

'विष से भी अमृत ग्रहण करना चाहिए, अपवित्र वस्तु से भी सुवर्ण, नीच से भी उत्तम विद्या, और दुष्कुल से भी स्त्री-रत्न लेना चाहिए।'

श्लोक 90 (padma.3.22.90)

सांद्रानुरागाः कुलजन्मनिर्मलाः स्नेहार्द्रचित्ता सुगिरः स्वयंवराः । कन्या सुरूपाः खलु चारुयौवना धन्या लभंतेऽत्र नरास्तु नेतरे

sāṁdrānurāgāḥ kulajanmanirmalāḥ snehārdracittā sugiraḥ svayaṁvarāḥ kanyā surūpāḥ khalu cāruyauvanā dhanyā labhaṁte'tra narāstu netare

'सघन अनुराग वाली, कुलीन जन्म से निर्मल, स्नेह से आर्द्र चित्त वाली, मधुरभाषिणी, स्वयं वर चुनने वाली, सुंदर रूप और मनोहर यौवन वाली कन्याएँ — जो पुरुष यहाँ इन्हें प्राप्त करते हैं, वे धन्य हैं, अन्य नहीं।'

श्लोक 91 (padma.3.22.91)

क्व वयं सुरसुंदर्य्यः क्व भवांस्तापसो बटुः । दुर्घटस्य विधानेन मन्ये धातैव पंडितः

kva vayaṁ surasuṁdaryyaḥ kva bhavāṁstāpaso baṭuḥ durghaṭasya vidhānena manye dhātaiva paṁḍitaḥ

'कहाँ हम स्वर्ग-सुंदरियाँ, और कहाँ तुम तपस्वी ब्रह्मचारी! मैं मानती हूँ कि विधाता ही इस असंभव जैसे संयोग को रचने में निपुण है।'

श्लोक 92 (padma.3.22.92)

तस्मादस्मानिदानीं तु स्वीकुर्य्यात्मंगलं भवान् । गांधर्वेण विवाहेन अन्यथा नोपजीवनम्

tasmādasmānidānīṁ tu svīkuryyātmaṁgalaṁ bhavān gāṁdharveṇa vivāhena anyathā nopajīvanam

'इसलिए अब तुम्हें हमें शुभ रूप से स्वीकार करना चाहिए, गांधर्व विवाह के द्वारा — अन्यथा हमारा जीवित रहना संभव नहीं।'

श्लोक 93 (padma.3.22.93)

श्रुत्वा वाक्यं ततः प्राह ब्राह्मणो धर्मवित्तमः । भो मृगाक्ष्यः कथं त्याज्यो धर्मो धर्मधनैर्नरैः

śrutvā vākyaṁ tataḥ prāha brāhmaṇo dharmavittamaḥ bho mṛgākṣyaḥ kathaṁ tyājyo dharmo dharmadhanairnaraiḥ

उनके वचन सुनकर धर्म के परम ज्ञाता उस ब्राह्मण ने कहा — 'हे मृगनयनियों! धर्म-धन वाले पुरुषों द्वारा धर्म कैसे त्यागा जा सकता है?'

श्लोक 94 (padma.3.22.94)

धर्मश्चार्थश्चकामश्च मोक्षश्चैतच्चतुष्टयम् । यथोक्तं फलदं ज्ञेयं विपरीतं तु निष्फलम्

dharmaścārthaścakāmaśca mokṣaścaitaccatuṣṭayam yathoktaṁ phaladaṁ jñeyaṁ viparītaṁ tu niṣphalam

'धर्म, अर्थ, काम और मोक्ष — ये चारों, यथाविधि किए जाने पर ही फलदायी माने जाते हैं; विपरीत रूप से किए जाने पर निष्फल होते हैं।'

श्लोक 95 (padma.3.22.95)

नाकालेऽहं व्रती कुर्यामतो दारपरिग्रहम् । न क्रिया फलमाप्नोति क्रियाकालं न वेत्ति यः

nākāle'haṁ vratī kuryāmato dāraparigraham na kriyā phalamāpnoti kriyākālaṁ na vetti yaḥ

'व्रतधारी होने के कारण मैं असमय में पत्नी ग्रहण नहीं करूँगा; जो व्यक्ति क्रिया के उचित समय को नहीं जानता, उसकी क्रिया फल नहीं पाती।'

श्लोक 96 (padma.3.22.96)

यतो धर्मविचारेऽस्मिन्प्रसक्तं मम मानसम् । तस्माच्छृणुत हे कन्या न समीहे स्वयंवरम्

yato dharmavicāre'sminprasaktaṁ mama mānasam tasmācchṛṇuta he kanyā na samīhe svayaṁvaram

'चूँकि मेरा मन इसी धर्म-विचार में लगा है, इसलिए, हे कन्याओ! सुनो — मैं स्वयंवर की इच्छा नहीं करता।'

श्लोक 97 (padma.3.22.97)

एवं ज्ञात्वाशयं तस्य समीक्ष्यैव परस्परम् । करात्करं विमुच्याथ जग्राहांघ्रिं प्रमोहिनी

evaṁ jñātvāśayaṁ tasya samīkṣyaiva parasparam karātkaraṁ vimucyātha jagrāhāṁghriṁ pramohinī

इस प्रकार उसका आशय जानकर, और आपस में एक-दूसरे को देखकर, हाथ से हाथ छुड़ाकर प्रमोहिनी ने उसका पैर पकड़ लिया।

श्लोक 98 (padma.3.22.98)

भुजौ जगृहतुस्तस्य सुशीला सुस्वरा तथा । आलिलिंग सुतारा च वक्त्रं चुंबति चंद्रिका

bhujau jagṛhatustasya suśīlā susvarā tathā āliliṁga sutārā ca vaktraṁ cuṁbati caṁdrikā

सुशीला और सुस्वरा ने उसकी दोनों भुजाएँ पकड़ लीं; सुतारा ने आलिंगन किया, और चंद्रिका उसके मुख को चूमने लगी।

श्लोक 99 (padma.3.22.99)

तथापि निर्विकारोऽसौ प्रलयानलसन्निभः । शशाप ब्रह्मचारी ताः क्रोधेनात्यंतमूर्छितः

tathāpi nirvikāro'sau pralayānalasannibhaḥ śaśāpa brahmacārī tāḥ krodhenātyaṁtamūrchitaḥ

फिर भी वह प्रलय की अग्नि के समान निर्विकार रहा; अत्यंत क्रोध से मूर्छित होकर उस ब्रह्मचारी ने उन्हें शाप दे दिया —

श्लोक 100 (padma.3.22.100)

पिशाच्य इव मां लग्ना तत्पिशाच्यो भविष्यथ । एवं तेनाशु शप्तास्तास्तं त्यक्त्वा पुरतः स्थिताः

piśācya iva māṁ lagnā tatpiśācyo bhaviṣyatha evaṁ tenāśu śaptāstāstaṁ tyaktvā purataḥ sthitāḥ

'जैसे पिशाचिनियों के समान तुम मुझसे चिपकी हो, वैसे ही तुम पिशाचिनियाँ बन जाओगी।' इस प्रकार शीघ्र शाप दिए जाने पर वे उसे छोड़कर सामने खड़ी हो गईं।

श्लोक 101 (padma.3.22.101)

किमेतच्चेष्टितं पापं ह्यनागसि विचेष्टया । प्रियंकृतोऽप्रियंकृत्वा धिक्त्वां धर्मकृतांतकम्

kimetacceṣṭitaṁ pāpaṁ hyanāgasi viceṣṭayā priyaṁkṛto'priyaṁkṛtvā dhiktvāṁ dharmakṛtāṁtakam

'यह कैसा पापपूर्ण कृत्य है — हम निर्दोष पर एक साधारण चेष्टा के लिए! प्रिय करने वाली को अप्रिय करके तुम्हें धिक्कार है, हे धर्म को ही नष्ट करने वाले!'

श्लोक 102 (padma.3.22.102)

अनुरक्तेषु भक्तेषु मित्रेषु द्रोहकारिणः । पुंसो लोकोभयोः सौख्यं नाशमेतीति नः श्रुतम्

anurakteṣu bhakteṣu mitreṣu drohakāriṇaḥ puṁso lokobhayoḥ saukhyaṁ nāśametīti naḥ śrutam

'हमने सुना है कि जो पुरुष अनुरागी भक्तों और मित्रों के प्रति द्रोह करता है, उसका दोनों लोकों में सुख नष्ट हो जाता है।'

श्लोक 103 (padma.3.22.103)

तस्मात्त्वमपि नः शापात्पिशाचो भव सत्वरम् । इत्युक्त्वापि च ता बाला निःश्वसंत्यः क्रुधाकुलाः

tasmāttvamapi naḥ śāpātpiśāco bhava satvaram ityuktvāpi ca tā bālā niḥśvasaṁtyaḥ krudhākulāḥ

'इसलिए तुम भी हमारे शाप से शीघ्र पिशाच बन जाओ!' यह कहकर भी वे बालाएँ क्रोध से व्याकुल होकर आहें भरने लगीं।

श्लोक 104 (padma.3.22.104)

तदेवान्योन्यसंरंभात्तस्मिन्सरसि पार्थिव । ताः कन्या ब्रह्मचारी च सर्वे पैशाच्यमागताः

tadevānyonyasaṁraṁbhāttasminsarasi pārthiva tāḥ kanyā brahmacārī ca sarve paiśācyamāgatāḥ

हे राजन! उसी क्षण, उनके पारस्परिक क्रोध के कारण, उस सरोवर में वे कन्याएँ और वह ब्रह्मचारी, सभी पिशाचत्व को प्राप्त हो गए।

श्लोक 105 (padma.3.22.105)

स पिशाचः पिशाच्यस्ताः क्रंदमानाः सुदारुणम् । क्षपयंति विपाकांस्तान्पूर्वोपात्तस्य कर्म्मणः

sa piśācaḥ piśācyastāḥ kraṁdamānāḥ sudāruṇam kṣapayaṁti vipākāṁstānpūrvopāttasya karmmaṇaḥ

वह पिशाच बना और वे पिशाचिनियाँ, अत्यंत भयंकर रूप से क्रंदन करती हुईं, अपने पूर्वसंचित कर्मों के परिपाक को भोगने लगीं।

श्लोक 106 (padma.3.22.106)

स्वकाले प्रभवत्येव पूर्वोपात्तं शुभाशुभम् । स्वच्छायामिव दुर्वारं देवानामपि पार्थिव

svakāle prabhavatyeva pūrvopāttaṁ śubhāśubham svacchāyāmiva durvāraṁ devānāmapi pārthiva

पूर्वकाल में संचित शुभ या अशुभ कर्म अपने ही समय में फलित होता है, अपनी ही छाया के समान अनिवार्य — देवताओं के लिए भी, हे राजन।

श्लोक 107 (padma.3.22.107)

क्रंदंति पितरस्तासां मातरस्तत्र तत्र च । भ्रातरश्चैव बालानां दैवं हि दुरतिक्रमम्

kraṁdaṁti pitarastāsāṁ mātarastatra tatra ca bhrātaraścaiva bālānāṁ daivaṁ hi duratikramam

उन कन्याओं के पिता और यहाँ-वहाँ माताएँ रोने लगीं, और बालकों के भाई भी — क्योंकि भाग्य को टालना अत्यंत कठिन है।

श्लोक 108 (padma.3.22.108)

अतऊर्ध्वं पिशाचास्ते आहारार्थं सुदुःखिताः । इतस्ततश्च धावंतो वसंति सरसस्तटे

ataūrdhvaṁ piśācāste āhārārthaṁ suduḥkhitāḥ itastataśca dhāvaṁto vasaṁti sarasastaṭe

इसके बाद वे पिशाच, भोजन के अभाव में अत्यंत दुःखी होकर, इधर-उधर दौड़ते हुए उस सरोवर के तट पर निवास करने लगे।