नर्मदा के जल से मुक्ति

श्लोक 1 (padma.3.23.1)

नारद उवाच । एवं बहुतिथे काले लोमशो मुनिसत्तमः । आगतश्च महाभागस्तत्र यादृच्छिको मुनि

nārada uvāca evaṁ bahutithe kāle lomaśo munisattamaḥ āgataśca mahābhāgastatra yādṛcchiko muni

नारद जी ने कहा — इस प्रकार बहुत समय बीतने पर, मुनिश्रेष्ठ लोमश, वह महाभाग्यशाली मुनि, संयोगवश वहाँ आ पहुँचे।

श्लोक 2 (padma.3.23.2)

तं दृष्ट्वा ब्राह्मणं सर्वे पिशाचाः क्षुत्समाकुलाः । धावंतो ह्यत्तुकामास्ते मिलित्वा यूथवर्तिनः

taṁ dṛṣṭvā brāhmaṇaṁ sarve piśācāḥ kṣutsamākulāḥ dhāvaṁto hyattukāmāste militvā yūthavartinaḥ

उस ब्राह्मण को देखकर भूख से व्याकुल सभी पिशाच, झुंड बनाकर, उसे खाने की इच्छा से दौड़ पड़े।

श्लोक 3 (padma.3.23.3)

दह्यमानास्तु तीव्रेण तेजसा लोमशस्य तु । असमर्थाः पुरः स्थातुं ते सर्वे दूरतः स्थिताः

dahyamānāstu tīvreṇa tejasā lomaśasya tu asamarthāḥ puraḥ sthātuṁ te sarve dūrataḥ sthitāḥ

किंतु लोमश के तीव्र तेज से दग्ध होकर, उसके सामने खड़े होने में असमर्थ होकर, वे सभी दूर ही खड़े रह गए।

श्लोक 4 (padma.3.23.4)

तत्र पूर्वकर्मबलात्पिशाचः सह वै द्विजः । समीक्ष्य लोमशं राजन्साष्टांगं प्रणिपत्य च

tatra pūrvakarmabalātpiśācaḥ saha vai dvijaḥ samīkṣya lomaśaṁ rājansāṣṭāṁgaṁ praṇipatya ca

वहाँ पूर्वजन्म के कर्मों के बल से, हे राजन! वह पिशाच द्विज (पूर्व-ब्रह्मचारी) लोमश को देखकर साष्टांग प्रणाम करके,

श्लोक 5 (padma.3.23.5)

उवाच सूनृतां वाचं बद्ध्वा शिरसि चांजलिम् । महाभाग्योदये विप्र साधूनां संगतिर्भवेत्

uvāca sūnṛtāṁ vācaṁ baddhvā śirasi cāṁjalim mahābhāgyodaye vipra sādhūnāṁ saṁgatirbhavet

सिर पर हाथ जोड़कर सत्य और मधुर वाणी में बोला — 'हे विप्र! महाभाग्य के उदय होने पर ही सज्जनों की संगति प्राप्त होती है।'

श्लोक 6 (padma.3.23.6)

गंगादिपुण्यतीर्थेषु यो नरः स्नाति सर्वथा । यः करोति सतां संगं तयोः सत्संगमो वरः

gaṁgādipuṇyatīrtheṣu yo naraḥ snāti sarvathā yaḥ karoti satāṁ saṁgaṁ tayoḥ satsaṁgamo varaḥ

'गंगा आदि पुण्यतीर्थों में जो मनुष्य सदा स्नान करता है, और जो सज्जनों की संगति करता है — उन दोनों में सत्संग ही श्रेष्ठ है।'

श्लोक 7 (padma.3.23.7)

गुरूणां संगमो विप्र दृष्टादृष्टफलो भुवि । स्वर्गदो रोगहारी च किं तमोपहरो मतः

gurūṇāṁ saṁgamo vipra dṛṣṭādṛṣṭaphalo bhuvi svargado rogahārī ca kiṁ tamopaharo mataḥ

'हे विप्र! विद्वानों की संगति संसार में दृष्ट और अदृष्ट दोनों फल देती है, स्वर्ग देती है, रोग हरती है — क्या यह अज्ञान का नाश करने वाली नहीं मानी जाती?'

श्लोक 8 (padma.3.23.8)

इत्युक्त्वा कथयामास पूर्ववृत्तांतमद्भुतम् । इमा गंधर्वकन्यास्ता मुने सोऽहं द्विजात्मजः

ityuktvā kathayāmāsa pūrvavṛttāṁtamadbhutam imā gaṁdharvakanyāstā mune so'haṁ dvijātmajaḥ

यह कहकर उसने पूर्व का सारा अद्भुत वृत्तांत सुनाया — 'हे मुने! ये गंधर्व-कन्याएँ हैं, और मैं वह द्विज-पुत्र हूँ।'

श्लोक 9 (padma.3.23.9)

सर्वे पिशाचरूपेण मिथः शापविमोहिताः । दीनाननास्सुतिष्ठामस्तवाग्रे मुनिसत्तम

sarve piśācarūpeṇa mithaḥ śāpavimohitāḥ dīnānanāssutiṣṭhāmastavāgre munisattama

'हम सब पारस्परिक शाप से मोहित होकर पिशाच के रूप में हैं, हे मुनिश्रेष्ठ! हम दीन मुख लिए तुम्हारे सामने खड़े हैं।'

श्लोक 10 (padma.3.23.10)

त्वद्दर्शनेन बालानां निस्तारो नो भविष्यति । सूर्योदये तमस्तोमः किं नु लीयेत पुष्करे

tvaddarśanena bālānāṁ nistāro no bhaviṣyati sūryodaye tamastomaḥ kiṁ nu līyeta puṣkare

'तुम्हारे दर्शन से इन बालकों का उद्धार होगा। सूर्योदय होने पर अंधकार का समूह क्या नष्ट न होगा — पुष्कर में तो और भी नहीं?'

श्लोक 11 (padma.3.23.11)

श्रुत्वैतल्लोमशो वाक्यं कृपार्द्रीकृतमानसः । प्रत्युवाच महातेजा दुःखितं तं मुनेः सुतम्

śrutvaitallomaśo vākyaṁ kṛpārdrīkṛtamānasaḥ pratyuvāca mahātejā duḥkhitaṁ taṁ muneḥ sutam

यह वचन सुनकर, करुणा से द्रवित हृदय वाले उस महातेजस्वी लोमश ने मुनि के उस दुःखी पुत्र को उत्तर दिया —

श्लोक 12 (padma.3.23.12)

मत्प्रसादाच्च सर्वेषां स्मृतिः सपदि जायताम् । धर्मे च वर्ततां येन मिथः शापो लयं व्रजेत्

matprasādācca sarveṣāṁ smṛtiḥ sapadi jāyatām dharme ca vartatāṁ yena mithaḥ śāpo layaṁ vrajet

'मेरी कृपा से तुम सबकी स्मृति शीघ्र लौट आए, जिससे तुम धर्म में स्थित होकर इस पारस्परिक शाप से मुक्त हो सको।'

श्लोक 13 (padma.3.23.13)

पिशाच उवाच । महर्षे कथ्यतां धर्मो मुच्येम येन किल्बिषात् । नायं कालो विलंबस्य शापाग्निर्दारुणो यतः

piśāca uvāca maharṣe kathyatāṁ dharmo mucyema yena kilbiṣāt nāyaṁ kālo vilaṁbasya śāpāgnirdāruṇo yataḥ

पिशाच ने कहा — हे महर्षि! वह धर्म बताइए जिससे हम इस पाप से मुक्त हो सकें; अब विलंब का समय नहीं, क्योंकि शाप की अग्नि भयंकर है।

श्लोक 14 (padma.3.23.14)

लोमश उवाच । मया सार्द्धं प्रकुर्वंतु रेवास्नानं विधानतः । शापान्मोक्ष्यति वो रेवा नान्यथा निष्कृतिर्भवेत्

lomaśa uvāca mayā sārddhaṁ prakurvaṁtu revāsnānaṁ vidhānataḥ śāpānmokṣyati vo revā nānyathā niṣkṛtirbhavet

लोमश ने कहा — मेरे साथ विधिपूर्वक रेवा में स्नान करो; रेवा ही तुम्हें इस शाप से मुक्त करेगी, अन्यथा कोई निवारण नहीं है।

श्लोक 15 (padma.3.23.15)

शृणुष्वावहितो विप्र पापनाशो ध्रुवं नृणाम् । रेवास्नानेन जायेत इति मे निश्चिता मतिः

śṛṇuṣvāvahito vipra pāpanāśo dhruvaṁ nṛṇām revāsnānena jāyeta iti me niścitā matiḥ

हे विप्र! ध्यानपूर्वक सुनो — मनुष्यों के पापों का नाश निश्चय ही रेवा-स्नान से होता है, यह मेरी दृढ़ मान्यता है।

श्लोक 16 (padma.3.23.16)

सप्तजन्मकृतं पापं वर्तमानं च पातकम् । रेवास्नानं दहेत्सर्वं तूलराशिमिवानलः

saptajanmakṛtaṁ pāpaṁ vartamānaṁ ca pātakam revāsnānaṁ dahetsarvaṁ tūlarāśimivānalaḥ

सात जन्मों में किया गया पाप और वर्तमान पाप भी — रेवा-स्नान उन सबको उसी प्रकार जला देता है जैसे अग्नि रूई के ढेर को।

श्लोक 17 (padma.3.23.17)

प्रायाश्चित्तं न पश्यंति यस्मिन्पापे पिशाचक । तत्सर्वं नर्मदातोये स्नानमात्रेण नश्यति

prāyāścittaṁ na paśyaṁti yasminpāpe piśācaka tatsarvaṁ narmadātoye snānamātreṇa naśyati

हे पिशाचक! जिस पाप का प्रायश्चित्त नहीं दिखता, वह सब भी नर्मदा के जल में स्नान करने मात्र से नष्ट हो जाता है।

श्लोक 18 (padma.3.23.18)

ज्ञानकृन्नर्म्मदास्नानमतो मोक्षफला हि सा । हिमवत्पुण्यतीर्थानि सर्वपापहराणि वै

jñānakṛnnarmmadāsnānamato mokṣaphalā hi sā himavatpuṇyatīrthāni sarvapāpaharāṇi vai

नर्मदा-स्नान ज्ञान उत्पन्न करने वाला है, इसलिए यह मोक्ष का फल देने वाला है। हिमालय के पुण्य तीर्थ समस्त पापों को हरने वाले हैं,

श्लोक 19 (padma.3.23.19)

इंद्रलोकप्रदं हीदं निर्मितं ब्रह्मवादिभिः । सर्वकामफला रेवा मोक्षदा परिकीर्तिता

iṁdralokapradaṁ hīdaṁ nirmitaṁ brahmavādibhiḥ sarvakāmaphalā revā mokṣadā parikīrtitā

और यह इंद्रलोक प्रदान करने वाली है, ब्रह्मवादियों द्वारा रचित; सर्वकामना पूर्ण करने वाली रेवा को मोक्ष देने वाली कहा गया है।

श्लोक 20 (padma.3.23.20)

पापघ्नी पापहारिणी सर्वकामफलप्रदा । विष्णुलोकदआप्लावो नार्मदः पापनाशनः

pāpaghnī pāpahāriṇī sarvakāmaphalapradā viṣṇulokadaāplāvo nārmadaḥ pāpanāśanaḥ

पापनाशिनी, पापहारिणी, समस्त कामनाओं का फल देने वाली; नर्मदा में डुबकी लगाना विष्णुलोक देने वाला और पाप का नाशक है।

श्लोक 21 (padma.3.23.21)

यामुनः सूर्यलोकाय भवेदाप्लाव उत्तमः । सारस्वतोघविध्वंसी ब्रह्मलोकफलप्रदः

yāmunaḥ sūryalokāya bhavedāplāva uttamaḥ sārasvatoghavidhvaṁsī brahmalokaphalapradaḥ

यमुना में डुबकी सूर्यलोक के लिए उत्तम है; सरस्वती में डुबकी पाप-समूह का नाश करने वाली और ब्रह्मलोक का फल देने वाली है।

श्लोक 22 (padma.3.23.22)

विशालफलदा प्रोक्ता विशाला हि पिशाचक । पापेंधनदवाग्निस्तु गर्भहेतुक्रियापहः

viśālaphaladā proktā viśālā hi piśācaka pāpeṁdhanadavāgnistu garbhahetukriyāpahaḥ

हे पिशाचक! सरस्वती को विशाल फल देने वाली कहा गया है, क्योंकि वह विशाल है; परंतु रेवा तो पाप के ईंधन को जलाने वाली दावाग्नि है, जो गर्भ-प्रवेश के मूल कारण को ही हर लेती है।

श्लोक 23 (padma.3.23.23)

विष्णुलोकाय मोक्षाय नार्मदः परिकीर्तितः । सरयूगंडकीसिंधुश्चंद्रभागा च कौशिकी

viṣṇulokāya mokṣāya nārmadaḥ parikīrtitaḥ sarayūgaṁḍakīsiṁdhuścaṁdrabhāgā ca kauśikī

नर्मदा विष्णुलोक और मोक्ष देने वाली कही गई है। सरयू, गंडकी, सिंधु, चंद्रभागा और कौशिकी,

श्लोक 24 (padma.3.23.24)

तापी गोदावरी भीमा पयोष्णी कृष्णवेणिका । कावेरी तुंगभद्रा च अन्याश्चापि समुद्रगाः

tāpī godāvarī bhīmā payoṣṇī kṛṣṇaveṇikā kāverī tuṁgabhadrā ca anyāścāpi samudragāḥ

तापी, गोदावरी, भीमा, पयोष्णी, कृष्णवेणिका, कावेरी, तुंगभद्रा और समुद्र में मिलने वाली अन्य नदियाँ भी —

श्लोक 25 (padma.3.23.25)

तासु रेवा परा प्रोक्ता विष्णुलोकप्रदायिनी । रेवा तु प्राप्यते पुण्यैः पूर्वजन्मकृतैर्द्विज । अपुनर्भवदं तत्र मज्जनं मुनिपुत्रक

tāsu revā parā proktā viṣṇulokapradāyinī revā tu prāpyate puṇyaiḥ pūrvajanmakṛtairdvija apunarbhavadaṁ tatra majjanaṁ muniputraka

इन सबमें रेवा को श्रेष्ठ कहा गया है, विष्णुलोक देने वाली। किंतु, हे द्विज! रेवा पूर्वजन्म के पुण्यों से ही प्राप्त होती है; हे मुनिपुत्र! वहाँ डुबकी लगाना पुनर्जन्म से मुक्ति देने वाला है।

श्लोक 26 (padma.3.23.26)

गायंति देवाः सततं दिविष्ठा रेवा कदा दृष्टिगता हि नो भवेत् । स्नाता नरा यत्र न गर्भवेदनां पश्यंति तिष्ठंति च विष्णुसन्निधौ

gāyaṁti devāḥ satataṁ diviṣṭhā revā kadā dṛṣṭigatā hi no bhavet snātā narā yatra na garbhavedanāṁ paśyaṁti tiṣṭhaṁti ca viṣṇusannidhau

स्वर्ग में स्थित देवता सदा गाते हैं — 'रेवा कब हमारी दृष्टि में आएगी?' जहाँ स्नान किए हुए मनुष्य गर्भ की पीड़ा नहीं देखते और विष्णु के समीप निवास करते हैं।

श्लोक 27 (padma.3.23.27)

मज्जंति ये प्रत्यहमत्र मानवा रेवासुतो ये बहुपापकंचुकाः । मज्जंति ते नो निरयेषु धर्म्मतः स्वर्गे तु ते चारुचरंति देववत्

majjaṁti ye pratyahamatra mānavā revāsuto ye bahupāpakaṁcukāḥ majjaṁti te no nirayeṣu dharmmataḥ svarge tu te cārucaraṁti devavat

जो मनुष्य यहाँ प्रतिदिन डुबकी लगाते हैं, चाहे वे अनेक पापों के वस्त्र से ढके हों, रेवा-पुत्र होने के कारण वे धर्मानुसार नरकों में नहीं डूबते; बल्कि स्वर्ग में देवताओं के समान सुंदर विचरण करते हैं।

श्लोक 28 (padma.3.23.28)

तीव्रैर्व्रतैर्दानतपोभिरध्वरैः सार्धं विधात्रा तुलया धृता पुरा । रेवापिशाचाशु तयोर्द्वयोरभूद्रेवा वरा तत्र च मोक्षसाधिका

tīvrairvratairdānatapobhiradhvaraiḥ sārdhaṁ vidhātrā tulayā dhṛtā purā revāpiśācāśu tayordvayorabhūdrevā varā tatra ca mokṣasādhikā

एक बार तीव्र व्रतों, दान, तप और यज्ञों के साथ विधाता ने उसे तराजू में तौला था; उस तुला में रेवा उन दोनों से शीघ्र भारी सिद्ध हुई — वहाँ रेवा श्रेष्ठ ठहरी और मोक्ष की साधिका सिद्ध हुई।

श्लोक 29 (padma.3.23.29)

नारद उवाच । एतच्छ्रुत्वा वचस्तस्य लोमशस्य पिशाचकाः । तेन सार्द्धं ययुः शीघ्रं रेवामज्जनहेतवे

nārada uvāca etacchrutvā vacastasya lomaśasya piśācakāḥ tena sārddhaṁ yayuḥ śīghraṁ revāmajjanahetave

नारद जी ने कहा — लोमश के इन वचनों को सुनकर वे पिशाच उनके साथ रेवा में डुबकी लगाने के लिए शीघ्र चल पड़े।

श्लोक 30 (padma.3.23.30)

ततो दैवात्समुत्पन्नो रेवारोधसि मारुतः । तेषां प्रवाहस्पृष्टानां गात्रे जलकणप्रदः

tato daivātsamutpanno revārodhasi mārutaḥ teṣāṁ pravāhaspṛṣṭānāṁ gātre jalakaṇapradaḥ

तब दैवयोग से रेवा के तट पर एक पवन उत्पन्न हुआ, जिसने उसकी धारा से स्पर्शित उनके शरीरों पर जल-कण गिराए।

श्लोक 31 (padma.3.23.31)

रेवाजलकणस्पर्शात्पैशाच्यात्ते विमोचिताः । तत्क्षणाद्दिव्यवपुषः प्रशशंसुश्च नर्मदाम्

revājalakaṇasparśātpaiśācyātte vimocitāḥ tatkṣaṇāddivyavapuṣaḥ praśaśaṁsuśca narmadām

रेवा के जल-कण के स्पर्श से वे पिशाचत्व से मुक्त हो गए; उसी क्षण दिव्य शरीर प्राप्त कर वे नर्मदा की प्रशंसा करने लगे।

श्लोक 32 (padma.3.23.32)

ततो लोमशवाक्येन ताश्च गंधर्वकन्यकाः । परिणीताः सुखं तेन विप्रेण नर्मदातटे

tato lomaśavākyena tāśca gaṁdharvakanyakāḥ pariṇītāḥ sukhaṁ tena vipreṇa narmadātaṭe

फिर लोमश के वचन से वे गंधर्व-कन्याएँ नर्मदा के तट पर उस ब्राह्मण के साथ सुखपूर्वक विवाहित हुईं।

श्लोक 33 (padma.3.23.33)

उवास सुचिरं कालं स्नानपानावगाहनैः । अर्चित्वा नर्मदामत्र विष्णुलोकं गताश्च ते

uvāsa suciraṁ kālaṁ snānapānāvagāhanaiḥ arcitvā narmadāmatra viṣṇulokaṁ gatāśca te

वह वहाँ स्नान, पान और अवगाहन करते हुए दीर्घ काल तक निवास करता रहा; वहाँ नर्मदा की पूजा करके वे विष्णुलोक को गए।

श्लोक 34 (padma.3.23.34)

एवं ते कथितो राजन्नर्मदागुणसंश्रयः । इतिहासो महापुण्यः श्रवणात्पापनाशनः

evaṁ te kathito rājannarmadāguṇasaṁśrayaḥ itihāso mahāpuṇyaḥ śravaṇātpāpanāśanaḥ

हे राजन! इस प्रकार मैंने आपको नर्मदा के गुणों पर आश्रित यह अत्यंत पुण्यमय इतिहास कहा, जो सुनने मात्र से पापों का नाश करने वाला है।