वसिष्ठ द्वारा बताए अन्य तीर्थ: अर्बुद, प्रभास और द्वारावती

श्लोक 1 (padma.3.24.1)

युधिष्ठिर उवाच । अथान्यानि तु तीर्थानि वसिष्ठोक्तानि मे वद । श्रुत्वा यानि च पापानि विलयं यांति नारद

yudhiṣṭhira uvāca athānyāni tu tīrthāni vasiṣṭhoktāni me vada śrutvā yāni ca pāpāni vilayaṁ yāṁti nārada

युधिष्ठिर ने कहा — अब वसिष्ठ द्वारा बताए गए अन्य तीर्थों को मुझे कहिए, हे नारद, जिन्हें सुनकर पाप विलीन हो जाते हैं।

श्लोक 2 (padma.3.24.2)

नारद उवाच । शृणुष्वात्र हि तीर्थानि वसिष्ठोक्तानि पार्थिव । दक्षिणं सिंधुमासाद्य ब्रह्मचारी जितेंद्रियः

nārada uvāca śṛṇuṣvātra hi tīrthāni vasiṣṭhoktāni pārthiva dakṣiṇaṁ siṁdhumāsādya brahmacārī jiteṁdriyaḥ

नारद जी ने कहा — हे राजन! वसिष्ठ द्वारा बताए गए तीर्थों को यहाँ सुनिए। दक्षिणी सिंधु को पाकर जितेंद्रिय ब्रह्मचारी,

श्लोक 3 (padma.3.24.3)

अग्निष्टोममवाप्नोति विमानं चाधिरोहति । चर्मण्वतीं समासाद्य नियतो नियताशनः

agniṣṭomamavāpnoti vimānaṁ cādhirohati carmaṇvatīṁ samāsādya niyato niyatāśanaḥ

अग्निष्टोम का फल पाता है और विमान पर आरूढ़ होता है। चर्मण्वती को पाकर संयमित और नियंत्रित आहार से,

श्लोक 4 (padma.3.24.4)

रंतिदेवाभ्यनुज्ञातो अग्निष्टोमफलं लभेत् । ततो गच्छेत धर्मज्ञ हिमवत्सुतमर्बुदम्

raṁtidevābhyanujñāto agniṣṭomaphalaṁ labhet tato gaccheta dharmajña himavatsutamarbudam

रंतिदेव द्वारा अनुमत होकर अग्निष्टोम का फल मिलता है। फिर, हे धर्मज्ञ! हिमालय-पुत्र अर्बुद पर्वत को जाए,

श्लोक 5 (padma.3.24.5)

पृथिव्या यत्र वै छिद्रं पूर्वमासीद्युधिष्ठिर । तत्राश्रमो वसिष्ठस्य त्रिषु लोकेषु विश्रुतं

pṛthivyā yatra vai chidraṁ pūrvamāsīdyudhiṣṭhira tatrāśramo vasiṣṭhasya triṣu lokeṣu viśrutaṁ

हे युधिष्ठिर! जहाँ पूर्वकाल में पृथ्वी में एक विवर था; वहाँ वसिष्ठ का आश्रम है, जो तीनों लोकों में विख्यात है।

श्लोक 6 (padma.3.24.6)

तत्रोष्य रजनीमेकां गोसहस्रफलं लभेत् । पिंगातीर्थमुपस्पृश्य ब्रह्मचारी नराधिप

tatroṣya rajanīmekāṁ gosahasraphalaṁ labhet piṁgātīrthamupaspṛśya brahmacārī narādhipa

वहाँ एक रात्रि निवास करने से सहस्र गौओं का फल मिलता है। हे नराधिप! पिंगातीर्थ का स्पर्श करके ब्रह्मचारी,

श्लोक 7 (padma.3.24.7)

कपिलानां नरव्याघ्र शतस्य फलमाप्नुयात् । ततो गच्छेत धर्मज्ञ प्रभासं लोकविश्रुतम्

kapilānāṁ naravyāghra śatasya phalamāpnuyāt tato gaccheta dharmajña prabhāsaṁ lokaviśrutam

हे नरव्याघ्र! सौ कपिला गौओं का फल पाता है। फिर, हे धर्मज्ञ! लोकविख्यात प्रभास को जाए,

श्लोक 8 (padma.3.24.8)

यत्र सन्निहितो नित्यं स्वयमेव हुताशनः । देवतानां मुखं वीर अनलोऽनिलसारथिः

yatra sannihito nityaṁ svayameva hutāśanaḥ devatānāṁ mukhaṁ vīra analo'nilasārathiḥ

जहाँ स्वयं हुताशन (अग्नि) सदा उपस्थित रहते हैं, देवताओं का मुख — हे वीर! अनल, अनिल (वायु) को सारथी बनाए हुए।

श्लोक 9 (padma.3.24.9)

तस्मिंस्तीर्थवरे स्नात्वा शुचिः प्रयतमानसः । अग्निष्टोमातिरात्राभ्यां फलं प्राप्नोति मानवः

tasmiṁstīrthavare snātvā śuciḥ prayatamānasaḥ agniṣṭomātirātrābhyāṁ phalaṁ prāpnoti mānavaḥ

उस श्रेष्ठ तीर्थ में स्नान करके, पवित्र और संयत मन से, मनुष्य अग्निष्टोम और अतिरात्र का फल पाता है।

श्लोक 10 (padma.3.24.10)

ततो गत्वा सरस्वत्याः सागरस्य च संगमम् । गोसहस्रफलं प्राप्य स्वर्गलोके महीयते

tato gatvā sarasvatyāḥ sāgarasya ca saṁgamam gosahasraphalaṁ prāpya svargaloke mahīyate

फिर सरस्वती और समुद्र के संगम को जाकर, सहस्र गौओं का फल पाकर, मनुष्य स्वर्गलोक में सम्मानित होता है,

श्लोक 11 (padma.3.24.11)

दीप्यमानोऽग्निवन्नित्यं प्रभया भरतर्षभ । तीर्थे सलिलराजस्य स्नात्वा प्रयतमानसः

dīpyamāno'gnivannityaṁ prabhayā bharatarṣabha tīrthe salilarājasya snātvā prayatamānasaḥ

हे भरतर्षभ! अग्नि के समान सदा तेज से प्रकाशमान होता हुआ। जल के राजा (समुद्र) के तीर्थ में स्नान करके, संयत मन से,

श्लोक 12 (padma.3.24.12)

त्रिरात्रमुषितस्तत्र तर्पयेत्पितृदेवताः । विराजति यथा सोमो वाजिमेधं च विंदति

trirātramuṣitastatra tarpayetpitṛdevatāḥ virājati yathā somo vājimedhaṁ ca viṁdati

वहाँ तीन रात्रि निवास करके पितर-देवताओं का तर्पण करना चाहिए; वह चंद्रमा के समान चमकता है और वाजिमेध (अश्वमेध) का फल पाता है।

श्लोक 13 (padma.3.24.13)

वरदानं ततो गच्छेत्तीर्थं भरतसत्तम । विष्णोर्दुर्वाससा यत्र वरो दत्तो युधिष्ठिर

varadānaṁ tato gacchettīrthaṁ bharatasattama viṣṇordurvāsasā yatra varo datto yudhiṣṭhira

फिर, हे भरतसत्तम! वरदान-तीर्थ को जाए, जहाँ दुर्वासा द्वारा विष्णु को वरदान दिया गया था, हे युधिष्ठिर।

श्लोक 14 (padma.3.24.14)

वरदाने नरः स्नात्वा गोसहस्रफलं लभेत् । ततो द्वारवतीं गच्छेन्नियतो नियताशनः

varadāne naraḥ snātvā gosahasraphalaṁ labhet tato dvāravatīṁ gacchenniyato niyatāśanaḥ

वरदान में स्नान करके मनुष्य सहस्र गौओं का फल पाता है। फिर संयमित और नियंत्रित आहार से द्वारावती को जाए;

श्लोक 15 (padma.3.24.15)

पिंडारके नरः स्नात्वा लभेद्बहुसुवर्णकम्

piṁḍārake naraḥ snātvā labhedbahusuvarṇakam

पिंडारक में स्नान करके मनुष्य प्रचुर सुवर्ण पाता है।

श्लोक 16 (padma.3.24.16)

तस्मिंस्तीर्थे महाराज पद्मलक्षणलक्षिताः । अद्यापि मुद्रा दृश्यंते तदद्भुतमरिंदम

tasmiṁstīrthe mahārāja padmalakṣaṇalakṣitāḥ adyāpi mudrā dṛśyaṁte tadadbhutamariṁdama

हे महाराज! उस तीर्थ में कमल-चिह्न से युक्त मुद्राएँ आज भी दिखाई देती हैं — यह अद्भुत है, हे शत्रुदमन।

श्लोक 17 (padma.3.24.17)

त्रिशूलांकानि पद्मानि दृश्यंते कुरुनंदन । महादेवस्य सान्निध्यं तत्रैव भरतर्षभ

triśūlāṁkāni padmāni dṛśyaṁte kurunaṁdana mahādevasya sānnidhyaṁ tatraiva bharatarṣabha

हे कुरुनंदन! त्रिशूल-चिह्न वाले कमल भी वहाँ दिखाई देते हैं; हे भरतर्षभ! वहीं महादेव का सान्निध्य भी है।

श्लोक 18 (padma.3.24.18)

सागरस्य च सिंधोश्च संगमं प्राप्य भारत । तीर्थे सलिलराजस्य स्नात्वा प्रयतमानसः

sāgarasya ca siṁdhośca saṁgamaṁ prāpya bhārata tīrthe salilarājasya snātvā prayatamānasaḥ

हे भारत! समुद्र और सिंधु के संगम को पाकर, जल के राजा के तीर्थ में स्नान करके, संयत मन से,

श्लोक 19 (padma.3.24.19)

तर्पयित्वा पितॄन्देवानृषींश्च भरतर्षभ । प्राप्नोति वारुणं लोकं दीप्यमानः स्वतेजसा

tarpayitvā pitṝndevānṛṣīṁśca bharatarṣabha prāpnoti vāruṇaṁ lokaṁ dīpyamānaḥ svatejasā

हे भरतर्षभ! पितरों, देवताओं और ऋषियों का तर्पण करके, अपने ही तेज से दीप्तिमान होता हुआ मनुष्य वारुण-लोक को प्राप्त करता है।

श्लोक 20 (padma.3.24.20)

शंकुकर्णेश्वरं देवमर्चयित्वा युधिष्ठिर । अश्वमेधं दशगुणं प्रवदंति मनीषिणः

śaṁkukarṇeśvaraṁ devamarcayitvā yudhiṣṭhira aśvamedhaṁ daśaguṇaṁ pravadaṁti manīṣiṇaḥ

हे युधिष्ठिर! शंकुकर्णेश्वर देव की पूजा करने से विद्वान लोग अश्वमेध से दस गुना फल बताते हैं।

श्लोक 21 (padma.3.24.21)

प्रदक्षिणमुपावृत्य गच्छेत भरतर्षभ । तीर्थं कुरुवरश्रेष्ठ त्रिषु लोकेषु विश्रुतम्

pradakṣiṇamupāvṛtya gaccheta bharatarṣabha tīrthaṁ kuruvaraśreṣṭha triṣu lokeṣu viśrutam

प्रदक्षिणा करके, हे भरतर्षभ, हे कुरुश्रेष्ठ! तीनों लोकों में विख्यात एक तीर्थ को जाना चाहिए,

श्लोक 22 (padma.3.24.22)

तिमीति नाम्ना विख्यातं सर्वपापप्रमोचनम् । यत्र शक्रादयो देवा उपासंते महेश्वरम्

timīti nāmnā vikhyātaṁ sarvapāpapramocanam yatra śakrādayo devā upāsaṁte maheśvaram

जो तिमि नाम से विख्यात है, समस्त पापों से मुक्त करने वाला, जहाँ इंद्र आदि देवगण महेश्वर की उपासना करते हैं।

श्लोक 23 (padma.3.24.23)

तत्र स्नात्वार्चयित्वा च रुद्रं देवगणैर्वृतम् । जन्मप्रभृति पापानि कृतानि नुदते नरः

tatra snātvārcayitvā ca rudraṁ devagaṇairvṛtam janmaprabhṛti pāpāni kṛtāni nudate naraḥ

वहाँ स्नान करके, गणों से घिरे रुद्र की पूजा करके, मनुष्य जन्म से किए गए पापों को दूर कर देता है।

श्लोक 24 (padma.3.24.24)

तिमिरत्र नरश्रेष्ठ सर्वदेवैरभिष्टुतः । तत्र स्नात्वा नरश्रेष्ठ हयमेधमवाप्नुयात्

timiratra naraśreṣṭha sarvadevairabhiṣṭutaḥ tatra snātvā naraśreṣṭha hayamedhamavāpnuyāt

हे नरश्रेष्ठ! वहाँ तिमि की समस्त देवताओं द्वारा स्तुति की जाती है; वहाँ स्नान करके, हे नरश्रेष्ठ! मनुष्य हयमेध (अश्वमेध) का फल पाता है।

श्लोक 25 (padma.3.24.25)

जित्वा तत्र महाप्राज्ञ विष्णुना दितिनंदनम् । पुरा शौचं कृतं राजन्हत्वा दैवतकंटकान्

jitvā tatra mahāprājña viṣṇunā ditinaṁdanam purā śaucaṁ kṛtaṁ rājanhatvā daivatakaṁṭakān

हे महाप्राज्ञ! वहाँ विष्णु की सहायता से दिति-पुत्र को जीतकर, हे राजन! देवताओं के कंटकों को मारकर पूर्वकाल में शुद्धि की गई थी।

श्लोक 26 (padma.3.24.26)

ततो गच्छेत धर्मज्ञ वसुधारामभिष्टुताम् । गमनादेव तस्यां हि हयमेधमवाप्नुयात्

tato gaccheta dharmajña vasudhārāmabhiṣṭutām gamanādeva tasyāṁ hi hayamedhamavāpnuyāt

फिर, हे धर्मज्ञ! प्रशंसित वसुधारा को जाए; वहाँ जाने मात्र से ही हयमेध का फल मिलता है।

श्लोक 27 (padma.3.24.27)

स्नात्वा कुरुवरश्रेष्ठ प्रयतात्मा तु मानवः । तर्पयित्वा पितॄन्देवान्विष्णुलोके महीयते

snātvā kuruvaraśreṣṭha prayatātmā tu mānavaḥ tarpayitvā pitṝndevānviṣṇuloke mahīyate

हे कुरुश्रेष्ठ! स्नान करके, संयत आत्मा वाला मनुष्य पितरों और देवताओं का तर्पण करके विष्णुलोक में सम्मानित होता है।

श्लोक 28 (padma.3.24.28)

तीर्थं चापि परं तत्र वसूनां भरतर्षभ । तत्र स्नात्वा च पीत्वा च वसूनां संमतो भवेत्

tīrthaṁ cāpi paraṁ tatra vasūnāṁ bharatarṣabha tatra snātvā ca pītvā ca vasūnāṁ saṁmato bhavet

हे भरतर्षभ! वहाँ वसुओं का भी श्रेष्ठ तीर्थ है; वहाँ स्नान करके और जल पीकर मनुष्य वसुओं द्वारा सम्मानित होता है।

श्लोक 29 (padma.3.24.29)

सिंधुतममिति ख्यातं सर्वपापप्रणाशनम् । तत्र स्नात्वा नरश्रेष्ठ लभेद्बहुसुवर्णकम्

siṁdhutamamiti khyātaṁ sarvapāpapraṇāśanam tatra snātvā naraśreṣṭha labhedbahusuvarṇakam

सिंधुतम नाम से विख्यात, समस्त पापों का नाश करने वाला; वहाँ स्नान करके, हे नरश्रेष्ठ! मनुष्य प्रचुर सुवर्ण पाता है।

श्लोक 30 (padma.3.24.30)

ब्रह्मतुंगं समासाद्य शुचिः प्रयतमानसः । ब्रह्मलोकमवाप्नोति सुकृती विरजा नरः

brahmatuṁgaṁ samāsādya śuciḥ prayatamānasaḥ brahmalokamavāpnoti sukṛtī virajā naraḥ

ब्रह्मतुंग को पाकर, पवित्र और संयत मन वाला, पुण्यात्मा, वासनारहित मनुष्य ब्रह्मलोक को प्राप्त करता है।

श्लोक 31 (padma.3.24.31)

कुमारिकाणां शक्रस्य तीर्थं सिद्धनिषेवितम् । तत्र स्नात्वा नरश्रेष्ठ शक्रलोकमवाप्नुयात्

kumārikāṇāṁ śakrasya tīrthaṁ siddhaniṣevitam tatra snātvā naraśreṣṭha śakralokamavāpnuyāt

कुमारिकाओं का, इंद्र का तीर्थ है, जो सिद्धों द्वारा सेवित है; वहाँ स्नान करके, हे नरश्रेष्ठ! मनुष्य इंद्रलोक को प्राप्त करता है।

श्लोक 32 (padma.3.24.32)

रेणुकायाश्च तत्रैव तीर्थं देवनिषेवितम् । स्नात्वा तत्र भवेद्विप्रो विमलश्चंद्रमा इव

reṇukāyāśca tatraiva tīrthaṁ devaniṣevitam snātvā tatra bhavedvipro vimalaścaṁdramā iva

वहीं रेणुका का भी तीर्थ है, जो देवताओं द्वारा सेवित है; वहाँ स्नान करके ब्राह्मण चंद्रमा के समान निर्मल हो जाता है।

श्लोक 33 (padma.3.24.33)

अथ पंचनदं गत्वा नियतो नियताशनः । पंचयज्ञानवाप्नोति क्रमशो ये तु कीर्तिताः

atha paṁcanadaṁ gatvā niyato niyatāśanaḥ paṁcayajñānavāpnoti kramaśo ye tu kīrtitāḥ

फिर पंचनद को जाकर, संयमित और नियंत्रित आहार से, मनुष्य क्रमशः बताए गए पाँचों यज्ञों का फल पाता है।

श्लोक 34 (padma.3.24.34)

ततो गच्छेत धर्मज्ञ भीमायाः स्थानमुत्तमम् । तत्र स्नात्वा न योन्यां वै नरो भरतसत्तम

tato gaccheta dharmajña bhīmāyāḥ sthānamuttamam tatra snātvā na yonyāṁ vai naro bharatasattama

फिर, हे धर्मज्ञ! भीमा के श्रेष्ठ स्थान को जाए; हे भरतसत्तम! वहाँ स्नान करके मनुष्य पुनः गर्भ में नहीं जाता —

श्लोक 35 (padma.3.24.35)

देव्याः पुत्रो भवेद्राजन्तत्र कुंडलविग्रहः । गवां शतसहस्रस्य फलं चैवाप्नुयान्महत्

devyāḥ putro bhavedrājantatra kuṁḍalavigrahaḥ gavāṁ śatasahasrasya phalaṁ caivāpnuyānmahat

हे राजन! वह देवी का पुत्र, कुंडलधारी रूप में, वहाँ [जन्म लेता है], और एक लाख गौओं का महान फल भी पाता है।

श्लोक 36 (padma.3.24.36)

गिरिकुंजं समासाद्य त्रिषु लोकेषु विश्रुतम् । पितामहं नमस्कृत्य गोसहस्रफलं लभेत्

girikuṁjaṁ samāsādya triṣu lokeṣu viśrutam pitāmahaṁ namaskṛtya gosahasraphalaṁ labhet

तीनों लोकों में विख्यात गिरिकुंज को पाकर, पितामह को नमस्कार करके, सहस्र गौओं का फल मिलता है।

श्लोक 37 (padma.3.24.37)

ततो गच्छेत धर्मज्ञ विमलं तीर्थमुत्तमम् । अद्यापि यत्र दृश्यंते मत्स्याः सौवर्णराजताः

tato gaccheta dharmajña vimalaṁ tīrthamuttamam adyāpi yatra dṛśyaṁte matsyāḥ sauvarṇarājatāḥ

फिर, हे धर्मज्ञ! श्रेष्ठ विमल-तीर्थ को जाए, जहाँ आज भी सुवर्ण और चाँदी के समान मछलियाँ दिखाई देती हैं।

श्लोक 38 (padma.3.24.38)

तत्र स्नात्वा नरश्रेष्ठ वाजपेयमवाप्नुयात् । सर्वपापविशुद्धात्मा गच्छेत्परमिकां गतिम्

tatra snātvā naraśreṣṭha vājapeyamavāpnuyāt sarvapāpaviśuddhātmā gacchetparamikāṁ gatim

वहाँ स्नान करके, हे नरश्रेष्ठ! मनुष्य वाजपेय यज्ञ का फल पाता है; समस्त पापों से शुद्ध आत्मा होकर वह परम गति को प्राप्त होता है।