यमुना की महिमा

श्लोक 1 (padma.3.29.1)

नारदउवाच । ततो गच्छेत राजेंद्र कालिंदीतीर्थमुत्तमम् । तत्र स्नात्वा नरो राजन्न दुर्गतिमवाप्नुयात्

nāradauvāca tato gaccheta rājeṁdra kāliṁdītīrthamuttamam tatra snātvā naro rājanna durgatimavāpnuyāt

नारद जी ने कहा — फिर, हे राजेंद्र! कालिंदी (यमुना) के श्रेष्ठ तीर्थ को जाए; वहाँ स्नान करके, हे राजन! मनुष्य दुर्गति को प्राप्त नहीं होता।

श्लोक 2 (padma.3.29.2)

पुष्करे तु कुरुक्षेत्रे ब्रह्मावर्त्ते पृथूदके । अविमुक्ते सुवर्णाख्ये यत्फलं लभते नरः

puṣkare tu kurukṣetre brahmāvartte pṛthūdake avimukte suvarṇākhye yatphalaṁ labhate naraḥ

पुष्कर में, कुरुक्षेत्र में, ब्रह्मावर्त में, पृथूदक में, अविमुक्त में और सुवर्णाख्य में जो फल मनुष्य को मिलता है,

श्लोक 3 (padma.3.29.3)

तत्फलं समवाप्नोति यमुनायां नरोत्तम । स्वर्गभोगेतिरागो वै येषां मनसि वर्तते

tatphalaṁ samavāpnoti yamunāyāṁ narottama svargabhogetirāgo vai yeṣāṁ manasi vartate

हे नरोत्तम! वही फल यमुना में प्राप्त होता है। जिनके मन में स्वर्ग-भोग की आसक्ति रहती है,

श्लोक 4 (padma.3.29.4)

यमुनायां विशेषेण स्नानदानेन सत्तम । आयुरारोग्यसंपत्तौ रूपयौवनता गुणे

yamunāyāṁ viśeṣeṇa snānadānena sattama āyurārogyasaṁpattau rūpayauvanatā guṇe

हे श्रेष्ठ! विशेष रूप से यमुना में स्नान और दान से [उसे प्राप्त करते हैं]। आयु, आरोग्य, संपदा, रूप, यौवन और गुण में,

श्लोक 5 (padma.3.29.5)

येषां मनोरथस्तैस्तु न त्याज्यं यमुनाजलम् । ये बिभ्यति नरकादेर्दारिद्र्योऽत्र संति च

yeṣāṁ manorathastaistu na tyājyaṁ yamunājalam ye bibhyati narakāderdāridryo'tra saṁti ca

जिनकी मनोकामना हो, उन्हें यमुना का जल कभी नहीं त्यागना चाहिए। जो नरक आदि से भयभीत हैं, और जो यहाँ दरिद्र हैं,

श्लोक 6 (padma.3.29.6)

सर्वथा तैः प्रयत्नेन तत्र कार्यं निमज्जनम् । दारिद्र्य पाप दौर्भाग्य पंक प्रक्षालनाय वै

sarvathā taiḥ prayatnena tatra kāryaṁ nimajjanam dāridrya pāpa daurbhāgya paṁka prakṣālanāya vai

उन्हें सब प्रकार से प्रयत्नपूर्वक वहाँ डुबकी लगानी चाहिए — दरिद्रता, पाप और दुर्भाग्य के दलदल को धोने के लिए।

श्लोक 7 (padma.3.29.7)

ऋते वै यामुनं तोयं न चान्योस्ति युधिष्ठिर । श्रद्धाहीनानि कर्माणि मतान्यर्धफलानि वै । फलं ददाति संपूर्णं यामुनं स्नानमात्रतः

ṛte vai yāmunaṁ toyaṁ na cānyosti yudhiṣṭhira śraddhāhīnāni karmāṇi matānyardhaphalāni vai phalaṁ dadāti saṁpūrṇaṁ yāmunaṁ snānamātrataḥ

हे युधिष्ठिर! यामुन जल के अतिरिक्त अन्य कुछ नहीं है; श्रद्धारहित कर्म आधा फल देने वाले माने गए हैं, किंतु यामुन स्नान केवल स्नान मात्र से ही पूर्ण फल देता है।

श्लोक 8 (padma.3.29.8)

अकामो वा सकामो वा यामुने सलिले नृप । इहामुत्र च दुःखानि मज्जनान्नैव पश्यति

akāmo vā sakāmo vā yāmune salile nṛpa ihāmutra ca duḥkhāni majjanānnaiva paśyati

हे राजन! इच्छारहित हो या इच्छासहित, यमुना के जल में डुबकी लगाने वाला इस लोक और परलोक में दुःख नहीं देखता।

श्लोक 9 (padma.3.29.9)

पक्षद्वये यथा चंद्र क्षीःयते वर्द्धते तथा । पातकं नश्यते तत्र स्नानात्पुण्यं विवर्द्धते

pakṣadvaye yathā caṁdra kṣīḥyate varddhate tathā pātakaṁ naśyate tatra snānātpuṇyaṁ vivarddhate

जैसे चंद्रमा दोनों पक्षों में क्षीण और वृद्ध होता है, वैसे ही वहाँ स्नान से पाप नष्ट होता है और पुण्य बढ़ता है।

श्लोक 10 (padma.3.29.10)

यथाब्धौ सुखमायांति रत्नानि विविधानि च । आयुर्वित्तं कलत्राणि संपदः संभवंति च

yathābdhau sukhamāyāṁti ratnāni vividhāni ca āyurvittaṁ kalatrāṇi saṁpadaḥ saṁbhavaṁti ca

जैसे समुद्र में नाना प्रकार के रत्न सुखपूर्वक प्राप्त होते हैं, वैसे ही आयु, धन, पत्नियाँ और संपदाएँ उत्पन्न होती हैं।

श्लोक 11 (padma.3.29.11)

कामधेनुर्यथा कामं चिंतामणिर्विचिंतितम् । ददाति यमुनास्नानं तद्वत्सर्वं मनोरथम्

kāmadhenuryathā kāmaṁ ciṁtāmaṇirviciṁtitam dadāti yamunāsnānaṁ tadvatsarvaṁ manoratham

जैसे कामधेनु इच्छित वस्तु देती है और चिंतामणि चिंतित वस्तु देता है, वैसे ही यमुना-स्नान समस्त मनोरथ देता है।

श्लोक 12 (padma.3.29.12)

कृते तपः परं ज्ञानं त्रेतायां यजनं तथा । द्वापरे च कलौ दानं कालिंदी सर्वदा शुभा

kṛte tapaḥ paraṁ jñānaṁ tretāyāṁ yajanaṁ tathā dvāpare ca kalau dānaṁ kāliṁdī sarvadā śubhā

कृतयुग में तप श्रेष्ठ है, त्रेता में यज्ञ; द्वापर और कलियुग में दान — किंतु कालिंदी सदा ही शुभ है।

श्लोक 13 (padma.3.29.13)

सर्वेषां सर्ववर्णानामाश्रमाणां च भूपते । यामुने मज्जनं धर्मं धाराभिः खलु वर्षति

sarveṣāṁ sarvavarṇānāmāśramāṇāṁ ca bhūpate yāmune majjanaṁ dharmaṁ dhārābhiḥ khalu varṣati

हे भूपते! सभी वर्णों और आश्रमों के लिए, यमुना में डुबकी लगाना धर्म को धाराओं में बरसाता है।

श्लोक 14 (padma.3.29.14)

अस्मिन्वै भारते वर्षे कर्मभूमौ विशेषतः । कालिंद्यस्नायिनां नॄणां निष्फलं जन्मकीर्त्तितम्

asminvai bhārate varṣe karmabhūmau viśeṣataḥ kāliṁdyasnāyināṁ nṝṇāṁ niṣphalaṁ janmakīrttitam

इस भारतवर्ष में, विशेष रूप से इस कर्मभूमि में, जो मनुष्य कालिंदी में स्नान नहीं करते, उनका जन्म निष्फल कहा गया है।

श्लोक 15 (padma.3.29.15)

नैश्वर्यं गगने यद्वच्चांद्रे ऽमायां तु मंडले । तद्वन्न भाति सत्कर्म यमुनामज्जनं विना

naiśvaryaṁ gagane yadvaccāṁdre 'māyāṁ tu maṁḍale tadvanna bhāti satkarma yamunāmajjanaṁ vinā

जैसे अमावस्या को चंद्रमंडल में ऐश्वर्य नहीं चमकता, वैसे ही यमुना-स्नान के बिना सत्कर्म नहीं चमकता।

श्लोक 16 (padma.3.29.16)

व्रतैर्दानैस्तपोभिश्च न तथा प्रीयते हरिः । तत्र मज्जनमात्रेण यथा प्रीणाति केशवः

vratairdānaistapobhiśca na tathā prīyate hariḥ tatra majjanamātreṇa yathā prīṇāti keśavaḥ

व्रतों, दानों और तपों से हरि उतने प्रसन्न नहीं होते, जितने केवल वहाँ डुबकी लगाने मात्र से केशव प्रसन्न होते हैं।

श्लोक 17 (padma.3.29.17)

न समं विद्यते किंचित्तेजः सौरेण तेजसा । तद्वन्न यमुनास्नानं समानाः क्रतुजाः क्रियाः

na samaṁ vidyate kiṁcittejaḥ saureṇa tejasā tadvanna yamunāsnānaṁ samānāḥ kratujāḥ kriyāḥ

सूर्य के तेज के समान कोई अन्य तेज नहीं है; उसी प्रकार यज्ञ से उत्पन्न क्रियाएँ यमुना-स्नान के समान नहीं हैं।

श्लोक 18 (padma.3.29.18)

प्रीतये वासुदेवस्य सर्वपापापनुत्तये । कालिंद्या मज्जनं कुर्य्यात्स्वर्गलाभाय मानवः

prītaye vāsudevasya sarvapāpāpanuttaye kāliṁdyā majjanaṁ kuryyātsvargalābhāya mānavaḥ

वासुदेव की प्रसन्नता के लिए और समस्त पापों को दूर करने के लिए, मनुष्य को स्वर्ग-प्राप्ति के लिए कालिंदी में डुबकी लगानी चाहिए।

श्लोक 19 (padma.3.29.19)

किं रक्षितेन देहेन सुपुष्टेन बलीयसा । अध्रुवेण सुदेहेन यमुना मज्जनं विना

kiṁ rakṣitena dehena supuṣṭena balīyasā adhruveṇa sudehena yamunā majjanaṁ vinā

यमुना में डुबकी लगाए बिना सुरक्षित, सुपुष्ट और बलशाली, किंतु अनित्य सुंदर शरीर से क्या लाभ?

श्लोक 20 (padma.3.29.20)

अस्थिस्तंभं स्नायुबंधं मांसक्षतज लेपनम् । चर्मावनद्ध दुर्गंधं पूर्णं मूत्रपुरीषयोः

asthistaṁbhaṁ snāyubaṁdhaṁ māṁsakṣataja lepanam carmāvanaddha durgaṁdhaṁ pūrṇaṁ mūtrapurīṣayoḥ

यह हड्डियों का खंभा है, स्नायुओं से बँधा है, मांस और रक्त से लिपा है, चमड़े से ढका दुर्गंधयुक्त है, मूत्र और मल से भरा है,

श्लोक 21 (padma.3.29.21)

जराशोक विपद्व्याप्तं रोगमंदिरमातुरम् । रागमूलमनित्यं च सर्वदोषसमाश्रयम्

jarāśoka vipadvyāptaṁ rogamaṁdiramāturam rāgamūlamanityaṁ ca sarvadoṣasamāśrayam

जरा, शोक और विपत्ति से व्याप्त, रोग का मंदिर और रोगी, राग का मूल और अनित्य, समस्त दोषों का आश्रय,

श्लोक 22 (padma.3.29.22)

परोपकारपापार्ति परद्रोहपरेर्षिकम् । लोलुपं पिशुनं क्रूरं कृतघ्नं क्षणिकं तथा

paropakārapāpārti paradrohaparerṣikam lolupaṁ piśunaṁ krūraṁ kṛtaghnaṁ kṣaṇikaṁ tathā

दूसरों को हानि पहुँचाने वाला, पापी, दूसरों से द्रोह करने वाला, दूसरों से ईर्ष्या करने वाला, लोलुप, चुगलखोर, क्रूर, कृतघ्न और क्षणिक भी,

श्लोक 23 (padma.3.29.23)

निष्ठुरं दुर्धरं दुष्टं दोषत्रयविदूषितम् । अशुचितापि दुर्गंधि तापत्रयविमोहितम्

niṣṭhuraṁ durdharaṁ duṣṭaṁ doṣatrayavidūṣitam aśucitāpi durgaṁdhi tāpatrayavimohitam

निष्ठुर, दुर्धर, दुष्ट, तीन दोषों से दूषित, अपवित्र, दुर्गंधयुक्त और तीनों तापों से मोहित,

श्लोक 24 (padma.3.29.24)

निसर्गतो ऽधर्मरतं तृष्णाशतसमाकुलम् । कामक्रोधमहालोभ नरकद्वारसंस्थितम्

nisargato 'dharmarataṁ tṛṣṇāśatasamākulam kāmakrodhamahālobha narakadvārasaṁsthitam

स्वभाव से ही अधर्म में रत, सैकड़ों तृष्णाओं से व्याकुल, काम, क्रोध और महालोभ के कारण नरक के द्वार पर स्थित,

श्लोक 25 (padma.3.29.25)

कृमिवर्चस्तु भस्मादि परिणामगुणावहम् । ईदृक्शरीरं व्यर्थं हि यमुनामज्जनं विना

kṛmivarcastu bhasmādi pariṇāmaguṇāvaham īdṛkśarīraṁ vyarthaṁ hi yamunāmajjanaṁ vinā

अंततः कीड़े, मल और भस्म में परिणत होने वाला — ऐसा शरीर यमुना-स्नान के बिना व्यर्थ ही है।

श्लोक 26 (padma.3.29.26)

बुद्बुदा इव तोयेषु प्रत्यंडा इव पक्षिषु । जायंते मरणायैव यमुनास्नान वर्जिताः

budbudā iva toyeṣu pratyaṁḍā iva pakṣiṣu jāyaṁte maraṇāyaiva yamunāsnāna varjitāḥ

जल में बुलबुलों के समान, पक्षियों के अंडों के भीतर के भ्रूणों के समान, यमुना-स्नान से वंचित लोग केवल मृत्यु के लिए ही जन्म लेते हैं।

श्लोक 27 (padma.3.29.27)

अवैष्णवो हतो विप्रो हतं श्राद्धमपिंडकम् । अब्रह्मण्यं हतं क्षत्रमनाचार हतं कुलम्

avaiṣṇavo hato vipro hataṁ śrāddhamapiṁḍakam abrahmaṇyaṁ hataṁ kṣatramanācāra hataṁ kulam

विष्णु-भक्ति रहित ब्राह्मण मृत के समान है; पिंडदान रहित श्राद्ध मृत है; ब्राह्मणों से रहित क्षत्र मृत है; सदाचार रहित कुल मृत है;

श्लोक 28 (padma.3.29.28)

सदंभश्च हतो धर्म्मः क्रोधेनैव हतं तपः । अदृढं च हतं ज्ञानं प्रमादेन हतं श्रुतम्

sadaṁbhaśca hato dharmmaḥ krodhenaiva hataṁ tapaḥ adṛḍhaṁ ca hataṁ jñānaṁ pramādena hataṁ śrutam

पाखंड से युक्त धर्म मृत है; क्रोध से ही तप मृत है; अदृढ़ ज्ञान मृत है; प्रमाद से नष्ट श्रुत (शास्त्रज्ञान) मृत है;

श्लोक 29 (padma.3.29.29)

परभक्त्या हता नारी ब्रह्मचारी स्त्रिया हतः । अदीप्तेऽग्नौ हतो होमो हता भक्तिः समायिका

parabhaktyā hatā nārī brahmacārī striyā hataḥ adīpte'gnau hato homo hatā bhaktiḥ samāyikā

पर-पुरुष में आसक्त स्त्री मृत है; स्त्री से पराजित ब्रह्मचारी मृत है; अप्रज्वलित अग्नि में किया हवन मृत है; कर्तव्य-मात्र समझकर की गई भक्ति मृत है;

श्लोक 30 (padma.3.29.30)

उपजीव्या हता कन्या स्वार्थे पाकक्रिया हता । शूद्र भक्षो हतो योगः कृपणस्य हतं धनम्

upajīvyā hatā kanyā svārthe pākakriyā hatā śūdra bhakṣo hato yogaḥ kṛpaṇasya hataṁ dhanam

आजीविका के लिए रखी गई कन्या मृत है; स्वार्थ के लिए की गई पाक-क्रिया मृत है; शूद्र-भोजन करते हुए किया योग मृत है; कंजूस का धन मृत है;

श्लोक 31 (padma.3.29.31)

अनभ्यासहता विद्या हतो बोधो विरोधकृत् । जीवितार्थं हतं तीर्थं जीवनार्थं हतं व्रतम्

anabhyāsahatā vidyā hato bodho virodhakṛt jīvitārthaṁ hataṁ tīrthaṁ jīvanārthaṁ hataṁ vratam

अभ्यासरहित विद्या मृत है; विवाद उत्पन्न करने वाला ज्ञान मृत है; जीविका के लिए किया गया तीर्थ मृत है; जीवनयापन के लिए लिया गया व्रत मृत है;

श्लोक 32 (padma.3.29.32)

असत्या च हता वाणी तथा पैशुन्यवादिनी । षट्कर्णगो हतो मंत्रो व्यग्रचित्तो हतो जपः

asatyā ca hatā vāṇī tathā paiśunyavādinī ṣaṭkarṇago hato maṁtro vyagracitto hato japaḥ

असत्य वाणी और इसी प्रकार चुगली करने वाली वाणी मृत है; छह कानों तक पहुँचा मंत्र मृत है; व्यग्र चित्त से किया जप मृत है;

श्लोक 33 (padma.3.29.33)

हतमश्रोत्रिये दानं हतो लोकश्च नास्तिकः । अश्रद्धया हतं सर्वं यत्कृतं पारलौकिकम्

hatamaśrotriye dānaṁ hato lokaśca nāstikaḥ aśraddhayā hataṁ sarvaṁ yatkṛtaṁ pāralaukikam

अवैदिक व्यक्ति को दिया दान मृत है; नास्तिक जगत मृत है; श्रद्धारहित होकर किया गया परलोक-संबंधी सब कुछ मृत है;

श्लोक 34 (padma.3.29.34)

इह लोको हतो नॄणां दरिद्राणां यथा नृप । मनुष्याणां हतं जन्म कालिदीमज्जनं विना

iha loko hato nṝṇāṁ daridrāṇāṁ yathā nṛpa manuṣyāṇāṁ hataṁ janma kālidīmajjanaṁ vinā

हे राजन! मनुष्यों के लिए यह लोक मृत है, जैसे दरिद्रों के लिए होता है; कालिंदी-स्नान के बिना मनुष्यों का जन्म मृत है।

श्लोक 35 (padma.3.29.35)

उपपातक सर्वाणि पातकानि महांति च । भस्मी भवंति सर्वाणि यमुनामज्जनान्नृप

upapātaka sarvāṇi pātakāni mahāṁti ca bhasmī bhavaṁti sarvāṇi yamunāmajjanānnṛpa

समस्त उपपातक और समस्त महापातक — हे राजन! यमुना में डुबकी लगाने से वे सब भस्म हो जाते हैं।

श्लोक 36 (padma.3.29.36)

वेपंते सर्वपापानि यमुनायां गते नरे । नाशके सर्वपापानां यदि स्नास्यति वारिणि

vepaṁte sarvapāpāni yamunāyāṁ gate nare nāśake sarvapāpānāṁ yadi snāsyati vāriṇi

मनुष्य के यमुना में जाते ही समस्त पाप काँप उठते हैं; यदि वह उस जल में स्नान करे, तो समस्त पापों का नाश निश्चित है।

श्लोक 37 (padma.3.29.37)

पावका इव दीप्यंते यमुनायां नरोत्तमाः । विमुक्ताः सर्वपापेभ्यो मेघेभ्य इव चंद्रमाः

pāvakā iva dīpyaṁte yamunāyāṁ narottamāḥ vimuktāḥ sarvapāpebhyo meghebhya iva caṁdramāḥ

यमुना में श्रेष्ठ मनुष्य अग्नि के समान चमकते हैं, समस्त पापों से मुक्त होकर, जैसे बादलों से मुक्त चंद्रमा।

श्लोक 38 (padma.3.29.38)

आर्द्र शुष्कलघुस्थूलं वाङ्मनः कर्मभिः कृतम् । तत्र स्नानं दहेत्पापं पावकः समिधो यथा

ārdra śuṣkalaghusthūlaṁ vāṅmanaḥ karmabhiḥ kṛtam tatra snānaṁ dahetpāpaṁ pāvakaḥ samidho yathā

वाणी, मन और कर्म से किया हुआ आर्द्र, शुष्क, हल्का या भारी जो भी पाप हो, वहाँ स्नान उसे उसी प्रकार जला देता है जैसे अग्नि ईंधन को।

श्लोक 39 (padma.3.29.39)

प्रामादिकं च यत्पापं ज्ञानाज्ञानकृतं च यत् । स्नानमात्रेण नश्येत यमुनायां नृपोत्तम

prāmādikaṁ ca yatpāpaṁ jñānājñānakṛtaṁ ca yat snānamātreṇa naśyeta yamunāyāṁ nṛpottama

हे राजोत्तम! प्रमाद से किया गया पाप, और जो ज्ञानपूर्वक या अज्ञानपूर्वक किया गया हो, वह सब यमुना में स्नान मात्र से नष्ट हो जाता है।

श्लोक 40 (padma.3.29.40)

निष्पापास्त्रिदिवं यांति पापिष्ठा यांति शुद्धताम् । संदेहो नात्र कर्तव्यः स्नाने वै यमुनाजले

niṣpāpāstridivaṁ yāṁti pāpiṣṭhā yāṁti śuddhatām saṁdeho nātra kartavyaḥ snāne vai yamunājale

निष्पाप लोग स्वर्ग को जाते हैं, पापी भी शुद्धता को प्राप्त होते हैं; यमुना के जल में स्नान के विषय में इसमें कोई संदेह नहीं करना चाहिए।

श्लोक 41 (padma.3.29.41)

सर्वेऽधिकारिणो ह्यत्र विष्णुभक्तौ तथा नृप । सर्वेषां सर्वदा देवी यमुना पापनाशिका

sarve'dhikāriṇo hyatra viṣṇubhaktau tathā nṛpa sarveṣāṁ sarvadā devī yamunā pāpanāśikā

हे राजन! यहाँ सभी विष्णु-भक्ति के अधिकारी हैं; सभी के लिए सदा देवी यमुना पापनाशिनी है।

श्लोक 42 (padma.3.29.42)

एष एव परो मंत्र एतच्च परमं तपः । प्रायश्चित्तं परं चैव यमुनास्नानमुत्तमम्

eṣa eva paro maṁtra etacca paramaṁ tapaḥ prāyaścittaṁ paraṁ caiva yamunāsnānamuttamam

यही परम मंत्र है, यही परम तप है, और यही परम प्रायश्चित्त है — श्रेष्ठ यमुना-स्नान।

श्लोक 43 (padma.3.29.43)

नृणां जन्मांतराभ्यासात्कालिंदी मज्जने मतिः । अध्यात्मज्ञानकौशल्यं जन्माभ्यासाद्यथा नृप

nṛṇāṁ janmāṁtarābhyāsātkāliṁdī majjane matiḥ adhyātmajñānakauśalyaṁ janmābhyāsādyathā nṛpa

हे राजन! जैसे अनेक जन्मों के अभ्यास से अध्यात्म-ज्ञान में कुशलता आती है, वैसे ही कई जन्मों के अभ्यास से मनुष्यों की बुद्धि कालिंदी में स्नान की ओर मुड़ती है।

श्लोक 44 (padma.3.29.44)

संसारकर्दमालेप प्रक्षालन विशारदम् । पावनं पावनानां च यमुनास्नानमुत्तमम्

saṁsārakardamālepa prakṣālana viśāradam pāvanaṁ pāvanānāṁ ca yamunāsnānamuttamam

संसार के कीचड़ की लिपाई को धोने में कुशल, श्रेष्ठ यमुना-स्नान पवित्रों को भी पवित्र करने वाला है।

श्लोक 45 (padma.3.29.45)

स्नातास्तत्र च ये राजन्सर्वकामफलप्रदे । शुभांश्च भुंजते भोगांश्चंद्र सूर्यग्रहोपमान्

snātāstatra ca ye rājansarvakāmaphalaprade śubhāṁśca bhuṁjate bhogāṁścaṁdra sūryagrahopamān

हे राजन! जो वहाँ स्नान करते हैं, उस समस्त कामनाओं का फल देने वाली नदी में, वे चंद्र-सूर्य ग्रहणों के समान दुर्लभ शुभ भोगों को भोगते हैं।

श्लोक 46 (padma.3.29.46)

यमुना मोक्षदा प्रोक्ता मथुरासंगता यदि । मथुरायां च कालिंदी पुण्याधिकविवर्द्धिनी

yamunā mokṣadā proktā mathurāsaṁgatā yadi mathurāyāṁ ca kāliṁdī puṇyādhikavivarddhinī

यदि मथुरा से जुड़ी हो, तो यमुना मोक्ष देने वाली कही गई है; और मथुरा में कालिंदी अधिक पुण्य को बढ़ाने वाली है।

श्लोक 47 (padma.3.29.47)

अन्यत्र यमुना पुण्या महापातकहारिणी । विष्णुभक्तिप्रदा देवी मथुरा संगता भवेत्

anyatra yamunā puṇyā mahāpātakahāriṇī viṣṇubhaktipradā devī mathurā saṁgatā bhavet

अन्यत्र भी यमुना पुण्यमयी, महापापों को हरने वाली और विष्णु-भक्ति देने वाली देवी है, विशेष रूप से मथुरा से जुड़ी होने पर।

श्लोक 48 (padma.3.29.48)

भक्तिभावेन संयुक्ता कालिंद्यां यदि मज्जयेत् । कल्पकोटिसहस्राणि वसते सन्निधौ हरेः

bhaktibhāvena saṁyuktā kāliṁdyāṁ yadi majjayet kalpakoṭisahasrāṇi vasate sannidhau hareḥ

भक्तिभाव से युक्त होकर यदि कोई कालिंदी में डुबकी लगाए, तो वह हजारों करोड़ कल्पों तक हरि के सान्निध्य में निवास करता है।

श्लोक 49 (padma.3.29.49)

मुक्तिं प्रयांति मनुजाः नूनं सांख्येन वर्जिताः । पितरस्तस्य तृप्यंति तृप्ताः कल्पशतैर्दिवि

muktiṁ prayāṁti manujāḥ nūnaṁ sāṁkhyena varjitāḥ pitarastasya tṛpyaṁti tṛptāḥ kalpaśatairdivi

मनुष्य सांख्य-साधना के बिना भी निश्चय ही मुक्ति को प्राप्त होते हैं; उसके पितर तृप्त होकर सैकड़ों कल्पों तक स्वर्ग में तृप्त रहते हैं।

श्लोक 50 (padma.3.29.50)

ये पिबंति नरा राजन्यमुनासलिलं शुभम् । पंचगव्यसहस्रैस्तु सेवितैः किं प्रयोजनम्

ye pibaṁti narā rājanyamunāsalilaṁ śubham paṁcagavyasahasraistu sevitaiḥ kiṁ prayojanam

हे राजन! जो मनुष्य यमुना के शुभ जल को पीते हैं, उनके लिए हजारों बार सेवित पंचगव्य से क्या प्रयोजन?

श्लोक 51 (padma.3.29.51)

कोटितीर्थसहस्रैस्तु सेवितैः किं प्रयोजनम् । तत्र दानं च होमश्च सर्वं कोटिगुणं भवेत्

koṭitīrthasahasraistu sevitaiḥ kiṁ prayojanam tatra dānaṁ ca homaśca sarvaṁ koṭiguṇaṁ bhavet

उनके लिए हजारों करोड़ तीर्थों के सेवन से क्या प्रयोजन? वहाँ दिया गया दान और किया गया होम — सब कुछ करोड़ गुना हो जाता है।