गया आदि तीर्थों का माहात्म्य

श्लोक 1 (padma.3.38.1)

नारद उवाच । वाराणस्याश्च माहात्म्यं तस्यां तीर्थानि च प्रभो । कथितानि समासेन तीर्थान्यन्यानि संशृणु ।

nārada uvāca vārāṇasyāśca māhātmyaṁ tasyāṁ tīrthāni ca prabho kathitāni samāsena tīrthānyanyāni saṁśṛṇu

नारद जी ने कहा — हे प्रभो! वाराणसी का माहात्म्य और उसके तीर्थ संक्षेप में कहे गए; अब अन्य तीर्थों के विषय में सुनो।

श्लोक 2 (padma.3.38.2)

ततो गयां समासाद्य ब्रह्मचारी समाहितः । अश्वमेधमवाप्नोति गमनादेव भारत ।

tato gayāṁ samāsādya brahmacārī samāhitaḥ aśvamedhamavāpnoti gamanādeva bhārata

तत्पश्चात् गया को प्राप्त कर संयमी ब्रह्मचारी हे भारत! वहाँ जाने मात्र से अश्वमेध का फल पाता है।

श्लोक 3 (padma.3.38.3)

यत्राक्षय्यवटो नाम त्रिषु लोकेषु विश्रुतः । पितॄणां तत्र वै दत्तमक्षयं भवति प्रभो ।

yatrākṣayyavaṭo nāma triṣu lokeṣu viśrutaḥ pitṝṇāṁ tatra vai dattamakṣayaṁ bhavati prabho

जहाँ त्रैलोक्यविख्यात अक्षय्यवट नामक वटवृक्ष है — हे प्रभो! वहाँ पितरों को दिया गया दान अक्षय हो जाता है।

श्लोक 4 (padma.3.38.4)

महानद्यामुपस्पृश्य तर्पयेत्पितृदेवताः । अक्षयान्प्राप्नुयाल्लोकान्कुलं चैव समुद्धरेत् ।

mahānadyāmupaspṛśya tarpayetpitṛdevatāḥ akṣayānprāpnuyāllokānkulaṁ caiva samuddharet

महानदी में स्पर्श करके पितृ-देवताओं को तर्पण देना चाहिए; इससे मनुष्य अक्षय लोकों को पाता है और अपने कुल का उद्धार करता है।

श्लोक 5 (padma.3.38.5)

ततो ब्रह्मसरो गच्छेद्ब्रह्मारण्योपसेवितम् । पुंडरीकमवाप्नोति प्रभातमिव शर्वरी ।

tato brahmasaro gacchedbrahmāraṇyopasevitam puṁḍarīkamavāpnoti prabhātamiva śarvarī

तत्पश्चात् ब्रह्मारण्य से सेवित ब्रह्मसरोवर को जाना चाहिए; वहाँ मनुष्य पुंडरीक यज्ञ का फल पाता है, जैसे रात्रि प्रभात में बदल जाती है।

श्लोक 6 (padma.3.38.6)

सरसि ब्रह्मणा तत्र यूपश्रेष्ठः समुच्छ्रितः । यूपं प्रदक्षिणं कृत्वा वाजपेयफलं लभेत् ।

sarasi brahmaṇā tatra yūpaśreṣṭhaḥ samucchritaḥ yūpaṁ pradakṣiṇaṁ kṛtvā vājapeyaphalaṁ labhet

उस सरोवर में ब्रह्मा द्वारा स्थापित एक श्रेष्ठ यूप (यज्ञस्तंभ) है; यूप की प्रदक्षिणा करने से वाजपेय यज्ञ का फल मिलता है।

श्लोक 7 (padma.3.38.7)

ततो गच्छेत राजेंद्र धेनुकं लोकविश्रुतम् । एकारात्रोषितो राजन्प्रयच्छेत्तिलधेनुकाम् ।

tato gaccheta rājeṁdra dhenukaṁ lokaviśrutam ekārātroṣito rājanprayacchettiladhenukām

हे राजेंद्र! तत्पश्चात् लोकविख्यात धेनुक को जाना चाहिए; हे राजन्! एक रात्रि उपवास करके तिल की धेनु दान करनी चाहिए।

श्लोक 8 (padma.3.38.8)

सर्वपापविशुद्धात्मा सोमलोकं व्रजेद्ध्रुवम् । तत्र चिह्नं महाराज अद्यापि हि न संशयः ।

sarvapāpaviśuddhātmā somalokaṁ vrajeddhruvam tatra cihnaṁ mahārāja adyāpi hi na saṁśayaḥ

इस प्रकार सर्वपाप से विशुद्ध आत्मा होकर मनुष्य निश्चय ही सोमलोक को जाता है; हे महाराज! वहाँ आज भी उसका चिह्न विद्यमान है, इसमें संदेह नहीं।

श्लोक 9 (padma.3.38.9)

कपिला सहवत्सा वै पर्वते विचरत्युतः । सवत्सायाः पदान्यस्या दृश्यंतेऽद्यापि भारत ।

kapilā sahavatsā vai parvate vicaratyutaḥ savatsāyāḥ padānyasyā dṛśyaṁte'dyāpi bhārata

एक कपिला गाय अपने बछड़े सहित वहाँ पर्वत पर विचरण करती है; हे भारत! उस गाय और बछड़े के पैरों के निशान आज भी दिखाई देते हैं।

श्लोक 10 (padma.3.38.10)

तेषूपस्पृश्य राजेंद्र पदेषु नृपसत्तम । यत्किंचिदशुभं पापं तत्प्रणश्यति भारत ।

teṣūpaspṛśya rājeṁdra padeṣu nṛpasattama yatkiṁcidaśubhaṁ pāpaṁ tatpraṇaśyati bhārata

हे राजेंद्र, नृपसत्तम! उन पैरों के निशानों का स्पर्श करने से, हे भारत! जो भी अशुभ पाप हो, वह नष्ट हो जाता है।

श्लोक 11 (padma.3.38.11)

ततो गृध्रवटं गच्छेत्स्थानं देवस्य शूलिनः । स्नायात्तु भस्मना तत्र संगम्य वृषभध्वजम् ।

tato gṛdhravaṭaṁ gacchetsthānaṁ devasya śūlinaḥ snāyāttu bhasmanā tatra saṁgamya vṛṣabhadhvajam

तत्पश्चात् त्रिशूलधारी देव के स्थान गृध्रवट को जाना चाहिए; वहाँ वृषभध्वज (शिव) के समीप जाकर भस्म से स्नान करना चाहिए।

श्लोक 12 (padma.3.38.12)

ब्राह्मणेन भवेच्चीर्णं व्रतं द्वादशवार्षिकम् । इतरेषां तु वर्णानां सर्वपापं प्रणश्यति ।

brāhmaṇena bhaveccīrṇaṁ vrataṁ dvādaśavārṣikam itareṣāṁ tu varṇānāṁ sarvapāpaṁ praṇaśyati

ब्राह्मण के लिए यह बारह वर्षों के व्रत के समान माना गया है; अन्य वर्णों के लिए भी उसका सर्वपाप नष्ट हो जाता है।

श्लोक 13 (padma.3.38.13)

गच्छेत तत उद्यंतं पर्वतं गीतनादितम् । सावित्रं तु पदं तत्र दृश्यते भरतर्षभ ।

gaccheta tata udyaṁtaṁ parvataṁ gītanāditam sāvitraṁ tu padaṁ tatra dṛśyate bharatarṣabha

फिर संगीत-निनादित उस उन्नत पर्वत को जाना चाहिए; हे भरतर्षभ! वहाँ सावित्री का चरणचिह्न दिखाई देता है।

श्लोक 14 (padma.3.38.14)

तत्र संध्यामुपासीत ब्राह्मणः संशितव्रतः । उपास्ताहि भवेत्संध्या तेन द्वादशवार्षिकी ।

tatra saṁdhyāmupāsīta brāhmaṇaḥ saṁśitavrataḥ upāstāhi bhavetsaṁdhyā tena dvādaśavārṣikī

वहाँ संशितव्रत ब्राह्मण को संध्या-उपासना करनी चाहिए; वहाँ की गई संध्या-उपासना बारह वर्षों की संध्या के समान फलदायी होती है।

श्लोक 15 (padma.3.38.15)

योनिद्वारं च तत्रैव विश्रुतं भरतर्षभ । तत्राभिगम्य मुच्येत पुरुषो योनिसंकटात् ।

yonidvāraṁ ca tatraiva viśrutaṁ bharatarṣabha tatrābhigamya mucyeta puruṣo yonisaṁkaṭāt

हे भरतर्षभ! वहीं विख्यात योनिद्वार भी है; वहाँ जाकर मनुष्य योनि-संकट (बार-बार जन्म लेने) से मुक्त हो जाता है।

श्लोक 16 (padma.3.38.16)

शुक्लकृष्णावुभौ पक्षौ गयायां यो वसेन्नरः । पुनात्यासप्तमं राजन्कुलं नास्त्यत्र संशयः ।

śuklakṛṣṇāvubhau pakṣau gayāyāṁ yo vasennaraḥ punātyāsaptamaṁ rājankulaṁ nāstyatra saṁśayaḥ

हे राजन्! जो मनुष्य शुक्ल और कृष्ण दोनों पक्षों में गया में निवास करता है, वह सात पीढ़ियों के कुल को पवित्र कर देता है — इसमें संदेह नहीं।

श्लोक 17 (padma.3.38.17)

एष्टव्या बहवः पुत्रा यद्यप्येको गयां व्रजेत् । यजेत वाश्वमेधेन नीलं वा वृषमुत्सृजेत् ।

eṣṭavyā bahavaḥ putrā yadyapyeko gayāṁ vrajet yajeta vāśvamedhena nīlaṁ vā vṛṣamutsṛjet

बहुत पुत्रों की कामना करनी चाहिए, क्योंकि यदि एक भी पुत्र गया जाए, तो मानो अश्वमेध यज्ञ किया गया हो, अथवा नीलवृषभ का उत्सर्ग किया गया हो।

श्लोक 18 (padma.3.38.18)

ततः फल्गुं व्रजेद्राजंस्तीर्थसेवी नराधिप । अश्वमेधमवाप्नोति सिद्धिं च परमां व्रजेत् ।

tataḥ phalguṁ vrajedrājaṁstīrthasevī narādhipa aśvamedhamavāpnoti siddhiṁ ca paramāṁ vrajet

हे राजन्! तत्पश्चात् तीर्थसेवी को फल्गु नदी जाना चाहिए; वहाँ वह अश्वमेध का फल पाता है और परम सिद्धि को प्राप्त होता है।

श्लोक 19 (padma.3.38.19)

ततो गच्छेत राजेंद्र धर्मपृष्ठं समाहितः । यत्र धर्मो महाराज नित्यमास्ते युधिष्ठिर ।

tato gaccheta rājeṁdra dharmapṛṣṭhaṁ samāhitaḥ yatra dharmo mahārāja nityamāste yudhiṣṭhira

हे राजेंद्र! तत्पश्चात् एकाग्रचित्त होकर धर्मपृष्ठ जाना चाहिए, जहाँ हे महाराज युधिष्ठिर! धर्म स्वयं नित्य निवास करते हैं।

श्लोक 20 (padma.3.38.20)

धर्म्मं तत्राभिसंगम्य वाजिमेधफलं लभेत् । ततो गच्छेत राजेंद्र ब्रह्मणस्तीर्थमुत्तमम् ।

dharmmaṁ tatrābhisaṁgamya vājimedhaphalaṁ labhet tato gaccheta rājeṁdra brahmaṇastīrthamuttamam

वहाँ धर्म से मिलकर वाजिमेध का फल मिलता है। हे राजेंद्र! तत्पश्चात् ब्रह्मा के उत्तम तीर्थ को जाना चाहिए।

श्लोक 21 (padma.3.38.21)

तत्राभिगम्य ब्रह्माणमर्चयेन्नियतव्रतः । राजसूयाश्वमेधाभ्यां फलं प्राप्नोति भारत ।

tatrābhigamya brahmāṇamarcayenniyatavrataḥ rājasūyāśvamedhābhyāṁ phalaṁ prāpnoti bhārata

वहाँ जाकर नियतव्रती होकर ब्रह्मा की पूजा करनी चाहिए; हे भारत! इससे राजसूय और अश्वमेध दोनों का फल मिलता है।

श्लोक 22 (padma.3.38.22)

ततो राजगृहं गच्छेत्तीर्थसेवी नराधिप । उपस्पृश्य ततस्तत्र कक्षीवानिव मोदते ।

tato rājagṛhaṁ gacchettīrthasevī narādhipa upaspṛśya tatastatra kakṣīvāniva modate

तत्पश्चात् तीर्थसेवी नराधिप को राजगृह जाना चाहिए; वहाँ स्पर्श करने से वह कक्षीवान् मुनि के समान आनंदित होता है।

श्लोक 23 (padma.3.38.23)

यक्षिण्या नैत्यकं तत्र प्रागग्निपुरुषः शुचिः । यक्षिण्यास्तु प्रसादेन मुच्यते ब्रह्महत्यया ।

yakṣiṇyā naityakaṁ tatra prāgagnipuruṣaḥ śuciḥ yakṣiṇyāstu prasādena mucyate brahmahatyayā

वहाँ यक्षिणी के समक्ष नित्य अग्नि के सामने शुद्ध पुरुष उपासना करता है; यक्षिणी की कृपा से वह ब्रह्महत्या से मुक्त हो जाता है।

श्लोक 24 (padma.3.38.24)

मणिनागं ततो गच्छेद्गोसहस्रफलं लभेत् । नैत्यकं भुंजते यस्तु मणिनागस्य मानवः ।

maṇināgaṁ tato gacchedgosahasraphalaṁ labhet naityakaṁ bhuṁjate yastu maṇināgasya mānavaḥ

तत्पश्चात् मणिनाग जाना चाहिए, जहाँ सहस्र गौ का फल मिलता है; जो मनुष्य मणिनाग के प्रसाद का नित्य सेवन करता है,

श्लोक 25 (padma.3.38.25)

दष्टस्याशीविषेणास्य न विषं क्रमते नृप । तत्रोष्य रजनीमेकां सर्वपापैः प्रमुच्यते ।

daṣṭasyāśīviṣeṇāsya na viṣaṁ kramate nṛpa tatroṣya rajanīmekāṁ sarvapāpaiḥ pramucyate

उसे विषधर सर्प के काटने पर भी विष नहीं चढ़ता, हे राजन्! वहाँ एक रात्रि निवास करने से मनुष्य सर्वपापों से मुक्त हो जाता है।

श्लोक 26 (padma.3.38.26)

ततो गच्छेत ब्रह्मर्षेर्गौतमस्य वनं नृप । अहल्याया ह्रदे स्नात्वा व्रजेत परमां गतिम् ।

tato gaccheta brahmarṣergautamasya vanaṁ nṛpa ahalyāyā hrade snātvā vrajeta paramāṁ gatim

हे राजन्! तत्पश्चात् ब्रह्मर्षि गौतम के वन को जाना चाहिए; अहल्या के ह्रद में स्नान करके मनुष्य परम गति को प्राप्त होता है।

श्लोक 27 (padma.3.38.27)

अभिगम्य श्रियं राजन्विंदते श्रियमुत्तमाम् । तत्रोदपानो धर्म्मज्ञ त्रिषु लोकेषु विश्रुतः ।

abhigamya śriyaṁ rājanviṁdate śriyamuttamām tatrodapāno dharmmajña triṣu lokeṣu viśrutaḥ

हे राजन्! श्री देवी के समीप जाकर मनुष्य उत्तम श्री (संपत्ति) पाता है; हे धर्मज्ञ! वहाँ त्रैलोक्यविख्यात एक कुआँ है।

श्लोक 28 (padma.3.38.28)

तत्राभिषेकं कुर्वीत वाजिमेधमवाप्नुयात् । जनकस्य तु राजर्षेः कूपस्त्रिदशपूजितः ।

tatrābhiṣekaṁ kurvīta vājimedhamavāpnuyāt janakasya tu rājarṣeḥ kūpastridaśapūjitaḥ

वहाँ स्नान करने से वाजिमेध का फल मिलता है; तथा राजर्षि जनक का वह कुआँ तीसों देवताओं द्वारा पूजित है।

श्लोक 29 (padma.3.38.29)

तत्राभिषेकं कृत्वा च विष्णुलोकमवाप्नुयात् । ततोऽविनाशनं गच्छेत्सर्वपापप्रमोचनम् ।

tatrābhiṣekaṁ kṛtvā ca viṣṇulokamavāpnuyāt tato'vināśanaṁ gacchetsarvapāpapramocanam

वहाँ स्नान करके मनुष्य विष्णुलोक को प्राप्त होता है; तत्पश्चात् सर्वपापों से मुक्त करने वाले अविनाशन को जाना चाहिए।

श्लोक 30 (padma.3.38.30)

वाजिमेधमवाप्नोति सोमलोकं च गच्छति । गंडकीं च समासाद्य सर्वतीर्थजलोद्भवाम् ।

vājimedhamavāpnoti somalokaṁ ca gacchati gaṁḍakīṁ ca samāsādya sarvatīrthajalodbhavām

वहाँ वाजिमेध का फल मिलता है और मनुष्य सोमलोक को जाता है। तत्पश्चात् समस्त तीर्थों के जल से उत्पन्न गंडकी को प्राप्त कर —

श्लोक 31 (padma.3.38.31)

वाजपेयमवाप्नोति सूर्यलोकं च गच्छति । ततो ध्रुवस्य धर्मज्ञ समाविश्य तपोवनम् ।

vājapeyamavāpnoti sūryalokaṁ ca gacchati tato dhruvasya dharmajña samāviśya tapovanam

वाजपेय का फल मिलता है और मनुष्य सूर्यलोक को जाता है। हे धर्मज्ञ! तत्पश्चात् ध्रुव के तपोवन में प्रवेश करके —

श्लोक 32 (padma.3.38.32)

गुह्यकेषु महाभाग मोदते नात्र संशयः । कर्मदां तु समासाद्य नदीं सिद्धनिषेविताम् ।

guhyakeṣu mahābhāga modate nātra saṁśayaḥ karmadāṁ tu samāsādya nadīṁ siddhaniṣevitām

हे महाभाग! मनुष्य गुह्यकों के बीच आनंदित होता है, इसमें संदेह नहीं। सिद्धों से सेवित कर्मदा नदी को प्राप्त कर —

श्लोक 33 (padma.3.38.33)

पुंडरीकमवाप्नोति सोमलोकं च गच्छति । ततो विशालामासाद्य नदीं त्रैलोक्यविश्रुताम् ।

puṁḍarīkamavāpnoti somalokaṁ ca gacchati tato viśālāmāsādya nadīṁ trailokyaviśrutām

पुंडरीक यज्ञ का फल मिलता है और मनुष्य सोमलोक को जाता है। तत्पश्चात् त्रैलोक्यविख्यात विशाला नदी को प्राप्त कर —

श्लोक 34 (padma.3.38.34)

अग्निष्टोममवाप्नोति स्वर्गलोकं च गच्छति । अथ माहेश्वरीं धारां समासाद्य नराधिप ।

agniṣṭomamavāpnoti svargalokaṁ ca gacchati atha māheśvarīṁ dhārāṁ samāsādya narādhipa

अग्निष्टोम का फल मिलता है और मनुष्य स्वर्गलोक को जाता है। हे नराधिप! फिर माहेश्वरी धारा को प्राप्त कर —

श्लोक 35 (padma.3.38.35)

अश्वमेधमवाप्नोति कुलं चैव समुद्धरेत् । दिवौकसां पुष्करिणीं समासाद्य नरः शुचिः ।

aśvamedhamavāpnoti kulaṁ caiva samuddharet divaukasāṁ puṣkariṇīṁ samāsādya naraḥ śuciḥ

अश्वमेध का फल मिलता है और कुल का उद्धार होता है। शुद्ध मनुष्य देवताओं की पुष्करिणी को प्राप्त कर —

श्लोक 36 (padma.3.38.36)

न दुर्गतिमवाप्नोति वाजपेयं च विंदति । अथ माहेशपदं गच्छेद्ब्रह्मचारी समाहितः ।

na durgatimavāpnoti vājapeyaṁ ca viṁdati atha māheśapadaṁ gacchedbrahmacārī samāhitaḥ

दुर्गति को प्राप्त नहीं होता और वाजपेय का फल पाता है। फिर संयमी ब्रह्मचारी को माहेशपद जाना चाहिए।

श्लोक 37 (padma.3.38.37)

माहेश्वरपदे स्नात्वा वाजिमेधफलं लभेत् । तत्र कोटिस्तु तीर्थानां विश्रुता भरतर्षभ ।

māheśvarapade snātvā vājimedhaphalaṁ labhet tatra koṭistu tīrthānāṁ viśrutā bharatarṣabha

माहेश्वरपद में स्नान करके वाजिमेध का फल मिलता है; हे भरतर्षभ! वहाँ करोड़ों तीर्थ विख्यात हैं।

श्लोक 38 (padma.3.38.38)

कूर्मरूपेण राजेंद्र असुरेण दुरात्मना । ह्रियमाणा हृता राजन्विष्णुना प्रभविष्णुना ।

kūrmarūpeṇa rājeṁdra asureṇa durātmanā hriyamāṇā hṛtā rājanviṣṇunā prabhaviṣṇunā

हे राजेंद्र! जब उसे कूर्मरूपधारी दुरात्मा असुर हर ले जा रहा था, तब हे राजन्! उसे प्रभावशाली विष्णु ने छुड़ा लिया।

श्लोक 39 (padma.3.38.39)

तत्राभिषेकं कुर्वीत तीर्थकोट्यां नराधिप । पुंडरीकमवाप्नोति विष्णुलोकं च गच्छति ।

tatrābhiṣekaṁ kurvīta tīrthakoṭyāṁ narādhipa puṁḍarīkamavāpnoti viṣṇulokaṁ ca gacchati

हे नराधिप! उस तीर्थकोटि में स्नान करना चाहिए; वहाँ पुंडरीक का फल मिलता है और मनुष्य विष्णुलोक को जाता है।

श्लोक 40 (padma.3.38.40)

ततो गच्छेन्नरश्रेष्ठ स्थानं नारायणस्य च । सदा सन्निहितो यत्र हरिर्वसति भारत ।

tato gacchennaraśreṣṭha sthānaṁ nārāyaṇasya ca sadā sannihito yatra harirvasati bhārata

हे नरश्रेष्ठ! तत्पश्चात् नारायण के उस स्थान को जाना चाहिए, हे भारत! जहाँ हरि सदा साक्षात् निवास करते हैं।

श्लोक 41 (padma.3.38.41)

यत्र ब्रह्मादयो देवा ऋषयश्च तपोधनाः । आदित्यावसवोरुद्रा जनार्दनमुपासते ।

yatra brahmādayo devā ṛṣayaśca tapodhanāḥ ādityāvasavorudrā janārdanamupāsate

जहाँ ब्रह्मा आदि देवगण, तपोधन ऋषिगण, आदित्य, वसु और रुद्रगण जनार्दन की उपासना करते हैं।

श्लोक 42 (padma.3.38.42)

शालग्राम इति ख्यातो विष्णोरद्भुतकर्मणः । अभिगम्य त्रिलोकेशं वरदं विष्णुमच्युतम् ।

śālagrāma iti khyāto viṣṇoradbhutakarmaṇaḥ abhigamya trilokeśaṁ varadaṁ viṣṇumacyutam

यह स्थान अद्भुत कर्म करने वाले विष्णु के शालग्राम नाम से विख्यात है; त्रिलोकेश, वरदायक, अच्युत विष्णु के समीप जाकर —

श्लोक 43 (padma.3.38.43)

अश्वमेधमवाप्नोति विष्णुलोकं च गच्छति । तत्रोदपानो धर्मज्ञ सर्वपापप्रमोचनः ।

aśvamedhamavāpnoti viṣṇulokaṁ ca gacchati tatrodapāno dharmajña sarvapāpapramocanaḥ

अश्वमेध का फल मिलता है और मनुष्य विष्णुलोक को जाता है। हे धर्मज्ञ! वहाँ सर्वपापों से मुक्त करने वाला एक कुआँ है।

श्लोक 44 (padma.3.38.44)

समुद्रास्तत्रचत्वारः कूपे सन्निहिताः सदा । तत्रोपस्पृश्य राजेंद्र न दुर्गतिमवाप्नुयात् ।

samudrāstatracatvāraḥ kūpe sannihitāḥ sadā tatropaspṛśya rājeṁdra na durgatimavāpnuyāt

उस कुएँ में चारों समुद्र सदा साक्षात् उपस्थित रहते हैं; हे राजेंद्र! वहाँ स्पर्श करने से मनुष्य दुर्गति को प्राप्त नहीं होता।

श्लोक 45 (padma.3.38.45)

अभिगम्य महादेवं वरदं विष्णुमव्ययम् । विराजते यथा सोम ऋणैर्मुक्तो युधिष्ठिर ।

abhigamya mahādevaṁ varadaṁ viṣṇumavyayam virājate yathā soma ṛṇairmukto yudhiṣṭhira

वरदायक, अविनाशी महादेव विष्णु के समीप जाकर, हे युधिष्ठिर! मनुष्य ऋणों से मुक्त होकर चंद्रमा के समान शोभित होता है।

श्लोक 46 (padma.3.38.46)

जातिस्मरं उपस्पृश्य शुचिः प्रयतमानसः । जातिस्मरत्वं प्राप्नोति स्नात्वा तत्र न संशयः ।

jātismaraṁ upaspṛśya śuciḥ prayatamānasaḥ jātismaratvaṁ prāpnoti snātvā tatra na saṁśayaḥ

जातिस्मर स्थान का स्पर्श करके, शुद्ध और संयमित चित्त होकर, वहाँ स्नान करने से मनुष्य पूर्वजन्म का स्मरण पाता है — इसमें संदेह नहीं।

श्लोक 47 (padma.3.38.47)

वटेश्वरपुरं गत्वा अर्चयित्वा च केशवम् । ईप्सिताँल्लभते लोकानुपवासान्न संशयः ।

vaṭeśvarapuraṁ gatvā arcayitvā ca keśavam īpsitā~llabhate lokānupavāsānna saṁśayaḥ

वटेश्वरपुर जाकर और केशव की पूजा करके, उपवास द्वारा मनुष्य अभीष्ट लोकों को पाता है — इसमें संदेह नहीं।

श्लोक 48 (padma.3.38.48)

ततस्तु वामनं गत्वा सर्वपापप्रणाशनम् । अभिवाद्य हरिं देवं न दुर्गतिमवाप्नुयात् ।

tatastu vāmanaṁ gatvā sarvapāpapraṇāśanam abhivādya hariṁ devaṁ na durgatimavāpnuyāt

तत्पश्चात् सर्वपापनाशक वामन को जाकर और देव हरि को प्रणाम करके, मनुष्य दुर्गति को प्राप्त नहीं होता।

श्लोक 49 (padma.3.38.49)

भरतस्याश्रमं गत्वा सर्वपापप्रमोचनम् । कौशिकीं तत्र सेवेत महापातकनाशिनीम् ।

bharatasyāśramaṁ gatvā sarvapāpapramocanam kauśikīṁ tatra seveta mahāpātakanāśinīm

सर्वपापों से मुक्त करने वाले भरत के आश्रम को जाकर, वहाँ महापातकों का नाश करने वाली कौशिकी नदी का सेवन करना चाहिए।

श्लोक 50 (padma.3.38.50)

राजसूयस्य यज्ञस्य फलं प्राप्नोतिमानवः । ततो गच्छेत धर्मज्ञ चंपकारण्यमुत्तमम् ।

rājasūyasya yajñasya phalaṁ prāpnotimānavaḥ tato gaccheta dharmajña caṁpakāraṇyamuttamam

मनुष्य राजसूय यज्ञ का फल प्राप्त करता है। हे धर्मज्ञ! तत्पश्चात् उत्तम चंपकारण्य को जाना चाहिए।

श्लोक 51 (padma.3.38.51)

तत्रोष्य रजनीमेकां गोसहस्रफलं लभेत् । अथ गोविंदमासाद्य तीर्थं परमसम्मतम् ।

tatroṣya rajanīmekāṁ gosahasraphalaṁ labhet atha goviṁdamāsādya tīrthaṁ paramasammatam

वहाँ एक रात्रि निवास करने से सहस्र गौ का फल मिलता है। फिर परम सम्मानित तीर्थ गोविंद को प्राप्त कर —

श्लोक 52 (padma.3.38.52)

उपोष्य रजनीमेकामग्निष्टोमफलं लभेत् । तत्र विश्वेश्वरं दृष्ट्वा देव्या सह महाद्युतिम् ।

upoṣya rajanīmekāmagniṣṭomaphalaṁ labhet tatra viśveśvaraṁ dṛṣṭvā devyā saha mahādyutim

एक रात्रि उपवास करने से अग्निष्टोम का फल मिलता है। वहाँ देवी के साथ महातेजस्वी विश्वेश्वर का दर्शन करके —

श्लोक 53 (padma.3.38.53)

मित्रावरुणयोर्लोकान्प्राप्नुयाद्भरतर्षभ । त्रिरात्रोपोषितस्तत्र अग्निष्टोमफलं लभेत् ।

mitrāvaruṇayorlokānprāpnuyādbharatarṣabha trirātropoṣitastatra agniṣṭomaphalaṁ labhet

हे भरतर्षभ! मनुष्य मित्र और वरुण के लोकों को पाता है; वहाँ तीन रात्रि उपवास करने से अग्निष्टोम का फल मिलता है।

श्लोक 54 (padma.3.38.54)

कन्यावसथमासाद्य नियतो नियताशनः (आवसथ्य)। मनोः प्रजापतेर्लोकानाप्नोति भरतर्षभ ।

kanyāvasathamāsādya niyato niyatāśanaḥ (āvasathya) manoḥ prajāpaterlokānāpnoti bharatarṣabha

हे भरतर्षभ! नियमपूर्वक और संयमित आहार से कन्यावसथ को प्राप्त कर मनुष्य प्रजापति मनु के लोकों को पाता है।

श्लोक 55 (padma.3.38.55)

कन्यायां ये प्रयच्छंति दानमण्वपि भारत । तदक्षयमिति प्राहुरृषयः संशितव्रताः ।

kanyāyāṁ ye prayacchaṁti dānamaṇvapi bhārata tadakṣayamiti prāhurṛṣayaḥ saṁśitavratāḥ

हे भारत! जो लोग कन्या-तीर्थ में थोड़ा भी दान देते हैं, संशितव्रत ऋषि उसे अक्षय बताते हैं।

श्लोक 56 (padma.3.38.56)

निष्ठावासं समासाद्य त्रिषु लोकेषु विश्रुतम् । अश्वमेधमवाप्नोति विष्णुलोकं च गच्छति ।

niṣṭhāvāsaṁ samāsādya triṣu lokeṣu viśrutam aśvamedhamavāpnoti viṣṇulokaṁ ca gacchati

त्रैलोक्यविख्यात निष्ठावास को प्राप्त कर मनुष्य अश्वमेध का फल पाता है और विष्णुलोक को जाता है।

श्लोक 57 (padma.3.38.57)

ये तु दानं प्रयच्छंति निष्ठायाः संगमे नराः । ते यांति नरशार्दूल ब्रह्मलोकमनामयम् ।

ye tu dānaṁ prayacchaṁti niṣṭhāyāḥ saṁgame narāḥ te yāṁti naraśārdūla brahmalokamanāmayam

हे नरशार्दूल! जो लोग निष्ठा के संगम पर दान देते हैं, वे रोगरहित ब्रह्मलोक को जाते हैं।

श्लोक 58 (padma.3.38.58)

तत्राश्रमो वसिष्ठस्य त्रिषु लोकेषु विश्रुतः । तत्राभिषेकं कुर्वाणो वाजपेयमवाप्नुयात् ।

tatrāśramo vasiṣṭhasya triṣu lokeṣu viśrutaḥ tatrābhiṣekaṁ kurvāṇo vājapeyamavāpnuyāt

वहाँ त्रैलोक्यविख्यात वसिष्ठ का आश्रम है; वहाँ स्नान करने से मनुष्य वाजपेय का फल पाता है।

श्लोक 59 (padma.3.38.59)

देवकूटं समासाद्य देवर्षिगणसेवितम् । अश्वमेधमवाप्नोति कुलं चैव समुद्धरेत् ।

devakūṭaṁ samāsādya devarṣigaṇasevitam aśvamedhamavāpnoti kulaṁ caiva samuddharet

देवर्षिगणों से सेवित देवकूट को प्राप्त कर मनुष्य अश्वमेध का फल पाता है और अपने कुल का उद्धार करता है।

श्लोक 60 (padma.3.38.60)

ततो गच्छेत राजेंद्र कौशिकस्य मुनेर्ह्रदम् । तत्र सिद्धिं परां प्राप विश्वामित्रोऽथ कौशिकः ।

tato gaccheta rājeṁdra kauśikasya munerhradam tatra siddhiṁ parāṁ prāpa viśvāmitro'tha kauśikaḥ

हे राजेंद्र! तत्पश्चात् मुनि कौशिक के ह्रद को जाना चाहिए; वहीं विश्वामित्र, जिन्हें कौशिक भी कहा जाता है, ने परम सिद्धि प्राप्त की।

श्लोक 61 (padma.3.38.61)

यत्र मासं वसेद्धीरः कौशिक्यां भरतर्षभ । अश्वमेधस्य यत्पुण्यं तन्मासेनाधिगच्छति ।

yatra māsaṁ vaseddhīraḥ kauśikyāṁ bharatarṣabha aśvamedhasya yatpuṇyaṁ tanmāsenādhigacchati

हे भरतर्षभ! जो धीर पुरुष कौशिकी नदी पर एक मास निवास करता है, वह उस मास में अश्वमेध का पुण्य प्राप्त कर लेता है।

श्लोक 62 (padma.3.38.62)

सर्वतीर्थवरं चैव यो वसेत महाह्रदम् । न दुर्गतिमवाप्नोति विंद्याद्बहुसुवर्णकम् ।

sarvatīrthavaraṁ caiva yo vaseta mahāhradam na durgatimavāpnoti viṁdyādbahusuvarṇakam

जो उस समस्त तीर्थों में श्रेष्ठ महाह्रद में निवास करता है, वह दुर्गति को प्राप्त नहीं होता और प्रचुर सुवर्ण-दान का फल पाता है।

श्लोक 63 (padma.3.38.63)

कुमारमभिगम्याथ वीराश्रमनिवासिनम् । अश्वमेधमवाप्नोति शक्रलोकं स गच्छति ।

kumāramabhigamyātha vīrāśramanivāsinam aśvamedhamavāpnoti śakralokaṁ sa gacchati

वीराश्रम-निवासी कुमार (कार्तिकेय) के समीप जाकर मनुष्य अश्वमेध का फल पाता है और शक्रलोक को जाता है।

श्लोक 64 (padma.3.38.64)

नंदिन्यां च समासाद्य कूपं त्रिदशसेवितम् । नरमेधस्य यत्पुण्यं तत्प्राप्नोति कुरूद्वह ।

naṁdinyāṁ ca samāsādya kūpaṁ tridaśasevitam naramedhasya yatpuṇyaṁ tatprāpnoti kurūdvaha

हे कुरुश्रेष्ठ! नंदिनी नदी पर तीसों देवताओं द्वारा सेवित कुएँ को प्राप्त कर, मनुष्य नरमेध यज्ञ का पुण्य पाता है।

श्लोक 65 (padma.3.38.65)

कालिकासंगमे स्नात्वा कौशिक्यारुणयोर्यतः । त्रिरात्रोपोषितो विद्वान्सर्वपापैः प्रमुच्यते ।

kālikāsaṁgame snātvā kauśikyāruṇayoryataḥ trirātropoṣito vidvānsarvapāpaiḥ pramucyate

काली और अरुणा के साथ कौशिकी के संगम में स्नान करके, तीन रात्रि उपवास करने वाला विद्वान् सर्वपापों से मुक्त हो जाता है।

श्लोक 66 (padma.3.38.66)

उर्वशीतीर्थमासाद्य तथा सोमाश्रमं बुधः । कुंभकर्णाश्रमे स्नात्वा पूज्यते भुवि मानवः ।

urvaśītīrthamāsādya tathā somāśramaṁ budhaḥ kuṁbhakarṇāśrame snātvā pūjyate bhuvi mānavaḥ

उर्वशी-तीर्थ को तथा सोमाश्रम को प्राप्त कर, विद्वान् पुरुष कुंभकर्ण के आश्रम में स्नान करके पृथ्वी पर पूजित होता है।

श्लोक 67 (padma.3.38.67)

तथा कोकामुखे स्नात्वा ब्रह्मचारी समाहितः । जातिस्मरत्वं प्राप्नोति दृष्टमेतत्पुरातनैः ।

tathā kokāmukhe snātvā brahmacārī samāhitaḥ jātismaratvaṁ prāpnoti dṛṣṭametatpurātanaiḥ

इसी प्रकार कोकामुख में स्नान करके संयमी ब्रह्मचारी पूर्वजन्म का स्मरण प्राप्त करता है — यह प्राचीन जनों द्वारा देखा गया है।

श्लोक 68 (padma.3.38.68)

सकृन्नदीं समासाद्य कृतार्थो भवति द्विजः । सर्वपापविशुद्धात्मा स्वर्गलोकं च गच्छति ।

sakṛnnadīṁ samāsādya kṛtārtho bhavati dvijaḥ sarvapāpaviśuddhātmā svargalokaṁ ca gacchati

उस नदी को एक बार भी प्राप्त कर द्विज कृतार्थ हो जाता है; सर्वपाप से विशुद्ध आत्मा होकर वह स्वर्गलोक को जाता है।

श्लोक 69 (padma.3.38.69)

ऋषभद्वीपमासाद्य सेव्य क्रौंचनिषूदनम् । सरस्वत्यामुपस्पृश्य विमानस्थो विराजते ।

ṛṣabhadvīpamāsādya sevya krauṁcaniṣūdanam sarasvatyāmupaspṛśya vimānastho virājate

ऋषभद्वीप को प्राप्त कर, क्रौंच-निषूदन (कार्तिकेय) के स्थान का सेवन करके, तथा सरस्वती में स्पर्श करके मनुष्य विमान में बैठकर शोभा पाता है।

श्लोक 70 (padma.3.38.70)

औद्यानकं महाराज तीर्थं मुनिनिषेवितम् । तत्राभिषेकं कुर्वीत सर्वपापैः प्रमुच्यते ।

audyānakaṁ mahārāja tīrthaṁ muniniṣevitam tatrābhiṣekaṁ kurvīta sarvapāpaiḥ pramucyate

हे महाराज! औद्यानक मुनियों से सेवित तीर्थ है; वहाँ स्नान करने से मनुष्य सर्वपापों से मुक्त हो जाता है।

श्लोक 71 (padma.3.38.71)

ब्रह्मतीर्थं समासाद्य पुण्यं ब्रह्मर्षिसेवितम् । वाजपेयमवाप्नोति नरो नास्त्यत्र संशयः ।

brahmatīrthaṁ samāsādya puṇyaṁ brahmarṣisevitam vājapeyamavāpnoti naro nāstyatra saṁśayaḥ

ब्रह्मर्षियों से सेवित पुण्य ब्रह्म-तीर्थ को प्राप्त कर मनुष्य वाजपेय का फल पाता है — इसमें संदेह नहीं।

श्लोक 72 (padma.3.38.72)

ततश्चंपां समासाद्य भागीरथ्यां कृतोदकः । दंडार्पणं समासाद्य गोसहस्रफलं लभेत् ।

tataścaṁpāṁ samāsādya bhāgīrathyāṁ kṛtodakaḥ daṁḍārpaṇaṁ samāsādya gosahasraphalaṁ labhet

तत्पश्चात् चंपा को प्राप्त कर भागीरथी में जलदान करके, तथा दंडार्पण को प्राप्त कर मनुष्य सहस्र गौ का फल पाता है।

श्लोक 73 (padma.3.38.73)

लाविढिकां ततो गच्छेत्पुण्यां पुण्यनिषेविताम् । वाजपेयमवाप्नोति विमानस्थश्च पूज्यते ।

lāviḍhikāṁ tato gacchetpuṇyāṁ puṇyaniṣevitām vājapeyamavāpnoti vimānasthaśca pūjyate

तत्पश्चात् पुण्यजनों से सेवित पवित्र लाविढिका को जाना चाहिए; वहाँ मनुष्य वाजपेय का फल पाता है और विमान में बैठकर पूजित होता है।