प्रयाग में मृत्यु एवं गोदान का माहात्म्य

श्लोक 1 (padma.3.42.1)

मार्कंडेय उवाच । शृणु राजन्प्रयागस्य माहात्म्यं पुनरेव तु । यं गत्वा सर्वपापेभ्यो मुच्यते नात्र संशयः ।

mārkaṁḍeya uvāca śṛṇu rājanprayāgasya māhātmyaṁ punareva tu yaṁ gatvā sarvapāpebhyo mucyate nātra saṁśayaḥ

मार्कंडेय ने कहा — हे राजन्! प्रयाग का माहात्म्य पुनः सुनो; वहाँ जाकर मनुष्य समस्त पापों से मुक्त हो जाता है — इसमें संदेह नहीं।

श्लोक 2 (padma.3.42.2)

आर्तानां च दरिद्राणां निश्चितव्यवसायिनाम् । स्थानं मुक्त्वा प्रयागं तु नाक्षयं तु कदाचन ।

ārtānāṁ ca daridrāṇāṁ niścitavyavasāyinām sthānaṁ muktvā prayāgaṁ tu nākṣayaṁ tu kadācana

पीड़ितों, दरिद्रों तथा दृढ़-संकल्प वालों के लिए प्रयाग को छोड़कर कोई अन्य स्थान कभी अक्षय नहीं है।

श्लोक 3 (padma.3.42.3)

गंगायमुनमासाद्य यस्तु प्राणान्परित्यजेत् । दीप्तकांचनवर्णाभे विमाने सूर्यवर्चसि ।

gaṁgāyamunamāsādya yastu prāṇānparityajet dīptakāṁcanavarṇābhe vimāne sūryavarcasi

गंगा-यमुना के संगम को प्राप्त कर जो अपने प्राण त्यागता है, वह प्रज्वलित स्वर्ण-वर्ण वाले, सूर्य के समान तेजस्वी विमान में बैठकर —

श्लोक 4 (padma.3.42.4)

गंधर्वाप्सरसां मध्ये स्वर्गे मोदति मानवः । ईप्सिताँल्लभतेकामान्वदंति ऋषिपुंगवाः ।

gaṁdharvāpsarasāṁ madhye svarge modati mānavaḥ īpsitā~llabhatekāmānvadaṁti ṛṣipuṁgavāḥ

गंधर्वों और अप्सराओं के बीच स्वर्ग में आनंदित होता है। वह अभीष्ट कामनाओं को प्राप्त करता है — ऐसा ऋषिश्रेष्ठ कहते हैं।

श्लोक 5 (padma.3.42.5)

सर्वरत्नमयैर्दिव्यैर्नानाध्वजसमाकुलैः । वरांगना समाकीर्णैर्मोदते शुभलक्षणैः ।

sarvaratnamayairdivyairnānādhvajasamākulaiḥ varāṁganā samākīrṇairmodate śubhalakṣaṇaiḥ

वह सर्वरत्नमय दिव्य भवनों में, नाना ध्वजाओं से युक्त, शुभ लक्षणों वाली सुंदरियों से भरे स्थानों में आनंदित होता है,

श्लोक 6 (padma.3.42.6)

गीतवादित्रनिर्घोषैः प्रसुप्तः प्रतिबुध्यते । यावन्न स्मरते जन्म तावत्स्वर्गे महीयते ।

gītavāditranirghoṣaiḥ prasuptaḥ pratibudhyate yāvanna smarate janma tāvatsvarge mahīyate

और गीत-वाद्य की ध्वनियों से नींद से जागता है। जब तक वह अपने पूर्वजन्म का स्मरण नहीं करता, तब तक स्वर्ग में पूजित रहता है।

श्लोक 7 (padma.3.42.7)

तत्र स्वर्गात्परिभ्रष्टः क्षीणकर्म्मा दिवश्च्युतः । हिरण्यरत्नसंपूर्णे समृद्धे जायते कुले ।

tatra svargātparibhraṣṭaḥ kṣīṇakarmmā divaścyutaḥ hiraṇyaratnasaṁpūrṇe samṛddhe jāyate kule

फिर वहाँ स्वर्ग से भ्रष्ट होकर, कर्म-फल क्षीण हो जाने पर, आकाश से गिरकर वह स्वर्ण-रत्नों से परिपूर्ण एक समृद्ध कुल में जन्म लेता है।

श्लोक 8 (padma.3.42.8)

तदेव स्मरते तीर्थं स्मरणात्तत्र गच्छति । देशस्थो यदि वारण्ये विदेशे यदि वा गृहे ।

tadeva smarate tīrthaṁ smaraṇāttatra gacchati deśastho yadi vāraṇye videśe yadi vā gṛhe

वह उसी तीर्थ का स्मरण करता है, और उस स्मरण से वह वहाँ पहुँच जाता है — चाहे वह अपने देश में हो, वन में, विदेश में या घर में।

श्लोक 9 (padma.3.42.9)

प्रयागं स्मरमात्रोपि यस्तु प्राणान्परित्यजेत् । स ब्रह्मलोकमाप्नोति वदंति ऋषिपुंगवाः ।

prayāgaṁ smaramātropi yastu prāṇānparityajet sa brahmalokamāpnoti vadaṁti ṛṣipuṁgavāḥ

प्रयाग का केवल स्मरण करके भी जो अपने प्राण त्यागता है, वह ब्रह्मलोक को प्राप्त करता है — ऐसा ऋषिश्रेष्ठ कहते हैं।

श्लोक 10 (padma.3.42.10)

सर्वकामफलावृत्ता मही यत्र हिरण्मयी । ऋषयो मुनयः सिद्धा यत्र लोके प्रगच्छति ।

sarvakāmaphalāvṛttā mahī yatra hiraṇmayī ṛṣayo munayaḥ siddhā yatra loke pragacchati

जहाँ स्वर्णमयी पृथ्वी समस्त कामनाओं के फल से आवृत है, जहाँ ऋषि, मुनि और सिद्ध उस लोक में जाते हैं —

श्लोक 11 (padma.3.42.11)

स्त्रीसहस्रा कुले रम्ये मंदाकिन्यास्तटे शुभे । मोदते ऋषिभिः सार्द्धं स्वकृतेनेह कर्मणा ।

strīsahasrā kule ramye maṁdākinyāstaṭe śubhe modate ṛṣibhiḥ sārddhaṁ svakṛteneha karmaṇā

वहाँ सहस्रों स्त्रियों वाले रमणीय कुल में, मंदाकिनी के शुभ तट पर, वह यहाँ किए गए अपने कर्म से ऋषियों के साथ आनंदित होता है।

श्लोक 12 (padma.3.42.12)

सिद्धचारणगन्धर्वैः पूज्यते दिवि दैवतैः । ततः स्वर्गात्परिभ्रष्टो जंबुद्वीपपतिर्भवेत् ।

siddhacāraṇagandharvaiḥ pūjyate divi daivataiḥ tataḥ svargātparibhraṣṭo jaṁbudvīpapatirbhavet

वह स्वर्ग में सिद्धों, चारणों, गंधर्वों और देवताओं द्वारा पूजित होता है; फिर स्वर्ग से भ्रष्ट होकर वह जंबूद्वीप का स्वामी (राजा) बनता है।

श्लोक 13 (padma.3.42.13)

ततः शुभानि कर्माणि चिंतयानः पुनः पुनः । गुणवान्वित्तसंपन्नो भवतीह न संशयः ।

tataḥ śubhāni karmāṇi ciṁtayānaḥ punaḥ punaḥ guṇavānvittasaṁpanno bhavatīha na saṁśayaḥ

फिर बार-बार शुभ कर्मों का चिंतन करते हुए, वह इस लोक में गुणवान् और धनसंपन्न होता है — इसमें संदेह नहीं।

श्लोक 14 (padma.3.42.14)

कर्मणा मनसा वाचा सत्यधर्मप्रतिष्ठितः । गंगायमुनयोर्मध्ये यस्तु दानं प्रयच्छति ।

karmaṇā manasā vācā satyadharmapratiṣṭhitaḥ gaṁgāyamunayormadhye yastu dānaṁ prayacchati

जो कर्म, मन और वाणी से सत्य-धर्म में प्रतिष्ठित होकर गंगा-यमुना के मध्य दान देता है —

श्लोक 15 (padma.3.42.15)

सुवर्णंमणिमुक्तां वा यदि धान्यं प्रतिग्रहम् । स्वकार्ये पितृकार्ये वा देवताभ्यर्चनेऽपि वा ।

suvarṇaṁmaṇimuktāṁ vā yadi dhānyaṁ pratigraham svakārye pitṛkārye vā devatābhyarcane'pi vā

चाहे सुवर्ण, मणि, मोती या धान्य दान करे, चाहे वह अपने कार्य के लिए हो, पितृकार्य के लिए हो, या देवपूजा के लिए भी हो —

श्लोक 16 (padma.3.42.16)

निष्फलं तस्य तत्तीर्थं यावत्तत्फलमश्नुते । एवं तीर्थेन गृह्णीयात् पुण्येष्वायतनेषु च ।

niṣphalaṁ tasya tattīrthaṁ yāvattatphalamaśnute evaṁ tīrthena gṛhṇīyāt puṇyeṣvāyataneṣu ca

उस तीर्थ का फल तब तक निष्फल है, जब तक वह वास्तव में उसका फल न भोगे। इस प्रकार तीर्थ के माध्यम से पुण्य-आयतनों में भी दान लेना चाहिए,

श्लोक 17 (padma.3.42.17)

निमित्तेषु च सर्वेषु अप्रमत्तो द्विजो भवेत् । कपिलां पाटलावर्णां प्रयागे यः प्रयच्छति ।

nimitteṣu ca sarveṣu apramatto dvijo bhavet kapilāṁ pāṭalāvarṇāṁ prayāge yaḥ prayacchati

और सभी शुभ अवसरों पर द्विज को सतर्क रहना चाहिए। जो प्रयाग में पाटल-वर्ण वाली कपिला गाय का दान करता है —

श्लोक 18 (padma.3.42.18)

स्वर्णशृंगीं रौप्यखुरां चैलकंठीं पयस्विनीम् । प्रयागे श्रोत्रियं साधुं ग्राहयित्वा यथाविधि ।

svarṇaśṛṁgīṁ raupyakhurāṁ cailakaṁṭhīṁ payasvinīm prayāge śrotriyaṁ sādhuṁ grāhayitvā yathāvidhi

स्वर्ण के सींगों वाली, रजत के खुरों वाली, गले में वस्त्र बँधी, दूध देने वाली — प्रयाग में उसे विधिपूर्वक किसी श्रोत्रिय साधु ब्राह्मण से ग्रहण कराकर —

श्लोक 19 (padma.3.42.19)

शुक्लांबरधरं शांतं धर्मज्ञं वेदपारगम् । सा गौस्तस्मै च दातव्या गंगायमुनसंगमे ।

śuklāṁbaradharaṁ śāṁtaṁ dharmajñaṁ vedapāragam sā gaustasmai ca dātavyā gaṁgāyamunasaṁgame

श्वेत वस्त्रधारी, शांत, धर्मज्ञ, वेदपारंगत ब्राह्मण को — वह गाय गंगा-यमुना के संगम पर उसे देनी चाहिए।

श्लोक 20 (padma.3.42.20)

वासांसि च महार्हाणि रत्नानि विविधानि च । यावद्रोमाणि तस्या गोः संति गात्रेषु सत्तम ।

vāsāṁsi ca mahārhāṇi ratnāni vividhāni ca yāvadromāṇi tasyā goḥ saṁti gātreṣu sattama

उसके साथ बहुमूल्य वस्त्र और विविध रत्न भी। हे सत्तम! उस गाय के शरीर पर जितने रोम हैं,

श्लोक 21 (padma.3.42.21)

तावद्वर्षसहस्राणि स्वर्गलोके महीयते । यत्रासौ लभते जन्म सा गौस्तत्राभिजायते ।

tāvadvarṣasahasrāṇi svargaloke mahīyate yatrāsau labhate janma sā gaustatrābhijāyate

उतने ही हजार वर्षों तक वह स्वर्गलोक में पूजित रहता है। और जहाँ भी उसका जन्म होता है, वह गाय भी वहीं जन्म लेती है।

श्लोक 22 (padma.3.42.22)

न च पश्यत्यसौ घोरं नरकं तेन कर्मणा । उत्तरान्स कुरून्प्राप्य मोदते कालमक्षयम् ।

na ca paśyatyasau ghoraṁ narakaṁ tena karmaṇā uttarānsa kurūnprāpya modate kālamakṣayam

उस कर्म के कारण वह घोर नरक कभी नहीं देखता; उत्तर कुरु को प्राप्त कर वह अक्षय काल तक आनंदित होता है।

श्लोक 23 (padma.3.42.23)

गवां शतसहस्रेभ्यो दद्यादेकां पयस्विनीम् । पुत्रान्दारान्तथा भृत्यान्गौरेका प्रतितारयेत् ।

gavāṁ śatasahasrebhyo dadyādekāṁ payasvinīm putrāndārāntathā bhṛtyāngaurekā pratitārayet

सौ हजार गौओं के स्थान पर एक ही दूध देने वाली गाय दान करनी चाहिए; एक ही गाय पुत्रों, पत्नी और सेवकों को भी पार उतार देती है।

श्लोक 24 (padma.3.42.24)

तस्मात्सर्वेषु दानेषु गोदानं तु विशिष्यते । दुर्गमे विषमे घोरे महापातकसंभवे । गौरेव रक्षां कुरुते तस्माद्देया द्विजातये ।

tasmātsarveṣu dāneṣu godānaṁ tu viśiṣyate durgame viṣame ghore mahāpātakasaṁbhave gaureva rakṣāṁ kurute tasmāddeyā dvijātaye

इसलिए सभी दानों में गोदान ही विशिष्ट माना जाता है। दुर्गम, विषम, घोर, महापातक से उत्पन्न मार्ग में गाय ही रक्षा करती है, इसलिए वह द्विज को अवश्य देनी चाहिए।