मानस-तीर्थ एवं संगम पर की गई कठोर तपस्याओं का फल

श्लोक 1 (padma.3.44.1)

मार्कंडेय उवाच । शृणु राजन्प्रयागस्य माहात्म्यं पुनरेव तु । यच्छ्रुत्वा सर्वपापेभ्यो मुच्यते नात्र संशयः ।

mārkaṁḍeya uvāca śṛṇu rājanprayāgasya māhātmyaṁ punareva tu yacchrutvā sarvapāpebhyo mucyate nātra saṁśayaḥ

मार्कंडेय ने कहा — हे राजन्! प्रयाग का माहात्म्य पुनः सुनो, जिसे सुनकर मनुष्य समस्त पापों से मुक्त हो जाता है — इसमें संदेह नहीं।

श्लोक 2 (padma.3.44.2)

मानसं नाम तत्तीर्थं गंगायामुत्तरे तटे । त्रिरात्रोपोषितो भूत्वा सर्वान्कामानवाप्नुयात् ।

mānasaṁ nāma tattīrthaṁ gaṁgāyāmuttare taṭe trirātropoṣito bhūtvā sarvānkāmānavāpnuyāt

गंगा के उत्तरी तट पर मानस नामक तीर्थ है; वहाँ तीन रात्रि उपवास करके मनुष्य समस्त कामनाओं को प्राप्त करता है।

श्लोक 3 (padma.3.44.3)

गोभूहिरण्यदानेन यत्फलं प्राप्नुयान्नरः । एतत्फलमवाप्नोति तत्तीर्थं स्मरते पुनः ।

gobhūhiraṇyadānena yatphalaṁ prāpnuyānnaraḥ etatphalamavāpnoti tattīrthaṁ smarate punaḥ

गौ, भूमि और सुवर्ण दान से मनुष्य जो फल पाता है, वही फल वहाँ मिलता है; वह पुनः उस तीर्थ का स्मरण करता है।

श्लोक 4 (padma.3.44.4)

अकामो वा सकामो वा गंगायां यो विपद्यते । मृतस्तु भवति स्वर्गे नरकं न च पश्यति ।

akāmo vā sakāmo vā gaṁgāyāṁ yo vipadyate mṛtastu bhavati svarge narakaṁ na ca paśyati

इच्छा से हो या अनिच्छा से, जो गंगा में देह त्यागता है, वह मृत्यु के बाद स्वर्ग में रहता है और नरक को नहीं देखता।

श्लोक 5 (padma.3.44.5)

अप्सरोगणसंगीतैः सुप्तोऽसौ प्रतिबुध्यते । हंससारसयुक्तेन विमानेन स गच्छति ।

apsarogaṇasaṁgītaiḥ supto'sau pratibudhyate haṁsasārasayuktena vimānena sa gacchati

सोया हुआ वह अप्सरागणों के गीतों से जागता है; वह हंस और सारस से युक्त विमान में यात्रा करता है।

श्लोक 6 (padma.3.44.6)

बहुवर्षाणि राजेन्द्र षट्सहस्राणि भुंजते । ततः स्वर्गात्परिभ्रष्टः क्षीणकर्मा दिवश्च्युतः ।

bahuvarṣāṇi rājendra ṣaṭsahasrāṇi bhuṁjate tataḥ svargātparibhraṣṭaḥ kṣīṇakarmā divaścyutaḥ

हे राजेंद्र! वह छह हजार वर्षों तक इसका भोग करता है; फिर स्वर्ग से भ्रष्ट होकर, कर्म-फल क्षीण होने पर, आकाश से गिरकर —

श्लोक 7 (padma.3.44.7)

सुवर्णमणिमुक्ताढ्ये जायते स महाकुले । षष्टितीर्थसहस्राणि षष्टितीर्थशतानि च ।

suvarṇamaṇimuktāḍhye jāyate sa mahākule ṣaṣṭitīrthasahasrāṇi ṣaṣṭitīrthaśatāni ca

वह स्वर्ण, मणि और मोतियों से संपन्न महान् कुल में जन्म लेता है। साठ हजार तीर्थ और छह हजार तीर्थ भी —

श्लोक 8 (padma.3.44.8)

माघेमासि गमिष्यंति गंगायमुनसंगमे । गवां शतसहस्रस्य सम्यग्दत्तस्य यत्फलम् ।

māghemāsi gamiṣyaṁti gaṁgāyamunasaṁgame gavāṁ śatasahasrasya samyagdattasya yatphalam

माघ मास में गंगा-यमुना के संगम को प्राप्त होते हैं। सौ हजार गौओं के भलीभाँति दिए गए दान का जो फल है,

श्लोक 9 (padma.3.44.9)

प्रयागे माघमासे तु त्र्यहंस्नानस्य तत्फलम् । गंगायमुनयोर्मध्ये पंचाग्निं यस्तु साधयेत् ।

prayāge māghamāse tu tryahaṁsnānasya tatphalam gaṁgāyamunayormadhye paṁcāgniṁ yastu sādhayet

वही फल प्रयाग में माघ मास में तीन दिनों के स्नान का है। गंगा-यमुना के मध्य जो पंचाग्नि-साधना करता है,

श्लोक 10 (padma.3.44.10)

अहीनांगो ह्यरोगश्च पंचेन्द्रियसमन्वितः । यावंति रोमकूपाणि तस्य गात्रस्य देहिनः ।

ahīnāṁgo hyarogaśca paṁcendriyasamanvitaḥ yāvaṁti romakūpāṇi tasya gātrasya dehinaḥ

वह अंगहीनता और रोग से रहित, पाँचों इंद्रियों से युक्त होता है; और उस प्राणी के शरीर पर जितने रोमकूप हैं,

श्लोक 11 (padma.3.44.11)

तावद्वर्षसहस्राणि स्वर्गलोके महीयते । ततः स्वर्गात्परिभ्रष्टो जंबूद्वीपपतिर्भवेत् ।

tāvadvarṣasahasrāṇi svargaloke mahīyate tataḥ svargātparibhraṣṭo jaṁbūdvīpapatirbhavet

उतने ही हजार वर्षों तक वह स्वर्गलोक में पूजित रहता है। फिर स्वर्ग से भ्रष्ट होकर वह जंबूद्वीप का स्वामी बनता है।

श्लोक 12 (padma.3.44.12)

स भुक्त्वा विपुलान्भोगांस्तत्तीर्थं भजते नरः । जलप्रवेशं यः कुर्यात्संगमे लोकविश्रुते ।

sa bhuktvā vipulānbhogāṁstattīrthaṁ bhajate naraḥ jalapraveśaṁ yaḥ kuryātsaṁgame lokaviśrute

विपुल भोगों को भोगकर वह मनुष्य पुनः उस तीर्थ का आश्रय लेता है। जो उस लोकविख्यात संगम में जल-प्रवेश करता है —

श्लोक 13 (padma.3.44.13)

राहुग्रस्तो यथा सोमो विमुक्तः सर्वपातकैः । सोमलोकमवाप्नोति सोमेन सह मोदते ।

rāhugrasto yathā somo vimuktaḥ sarvapātakaiḥ somalokamavāpnoti somena saha modate

वह राहु-ग्रस्त चंद्रमा के समान समस्त पातकों से मुक्त होकर सोमलोक को प्राप्त होता है और सोम के साथ आनंदित होता है।

श्लोक 14 (padma.3.44.14)

षष्टिवर्षसहस्राणि षष्टिवर्षशतानि च । स्वर्गलोकमवाप्नोति ऋषिगंधर्वसेवितः ।

ṣaṣṭivarṣasahasrāṇi ṣaṣṭivarṣaśatāni ca svargalokamavāpnoti ṛṣigaṁdharvasevitaḥ

साठ हजार वर्ष और छह हजार वर्ष तक वह ऋषियों और गंधर्वों द्वारा सेवित होकर स्वर्गलोक में रहता है।

श्लोक 15 (padma.3.44.15)

परिभ्रष्टस्तु राजेंद्र समृद्धे जायते कुले । अधःशिरास्तु यो ज्वालामूर्ध्वपादः पिबेन्नरः ।

paribhraṣṭastu rājeṁdra samṛddhe jāyate kule adhaḥśirāstu yo jvālāmūrdhvapādaḥ pibennaraḥ

हे राजेंद्र! फिर भ्रष्ट होकर वह समृद्ध कुल में जन्म लेता है। और जो मनुष्य सिर नीचे तथा पैर ऊपर करके अग्निशिखा का सेवन करता है,

श्लोक 16 (padma.3.44.16)

शतं वर्षसहस्राणि स्वर्गलोके महीयते । परिभ्रष्टस्तु राजेंद्र अग्निहोत्री भवेन्नरः ।

śataṁ varṣasahasrāṇi svargaloke mahīyate paribhraṣṭastu rājeṁdra agnihotrī bhavennaraḥ

वह एक लाख वर्षों तक स्वर्गलोक में पूजित रहता है। हे राजेंद्र! फिर वहाँ से भ्रष्ट होकर वह मनुष्य अग्निहोत्री बनता है।

श्लोक 17 (padma.3.44.17)

भुक्त्वा तु विपुलान्भोगांस्तत्तीर्थं भजते नरः । यस्तु देहं विकर्तित्वा शकुनिभ्यः प्रयच्छति ।

bhuktvā tu vipulānbhogāṁstattīrthaṁ bhajate naraḥ yastu dehaṁ vikartitvā śakunibhyaḥ prayacchati

विपुल भोगों को भोगकर वह मनुष्य पुनः उस तीर्थ का आश्रय लेता है। जो अपने शरीर को काटकर पक्षियों को अर्पित कर देता है,

श्लोक 18 (padma.3.44.18)

विहंगैरुपभुक्तस्य शृणु तस्यापि यत्फलम् । शतं वर्षसहस्राणां सोमलोके महीयते ।

vihaṁgairupabhuktasya śṛṇu tasyāpi yatphalam śataṁ varṣasahasrāṇāṁ somaloke mahīyate

पक्षियों द्वारा भक्षित हो जाने पर उसका भी फल सुनो — वह एक लाख वर्षों तक सोमलोक में पूजित रहता है।

श्लोक 19 (padma.3.44.19)

ततः स्वर्गात्परिभ्रष्टो राजा भवति धार्मिकः । गुणवान्रूपसंपन्नो विद्वान्सुप्रियदेहवान् ।

tataḥ svargātparibhraṣṭo rājā bhavati dhārmikaḥ guṇavānrūpasaṁpanno vidvānsupriyadehavān

फिर स्वर्ग से भ्रष्ट होकर वह धार्मिक राजा बनता है, गुणवान्, रूपसंपन्न, विद्वान् तथा सुंदर देह वाला।

श्लोक 20 (padma.3.44.20)

भुक्त्वा तु विपुलान्भोगांस्तत्तीर्थं भजते पुनः । यामुने चोत्तरे कूले प्रयागस्य तु दक्षिणे ।

bhuktvā tu vipulānbhogāṁstattīrthaṁ bhajate punaḥ yāmune cottare kūle prayāgasya tu dakṣiṇe

विपुल भोगों को भोगकर वह पुनः उस तीर्थ का आश्रय लेता है। यमुना के उत्तरी तट पर, प्रयाग के दक्षिण में —

श्लोक 21 (padma.3.44.21)

ऋणप्रमोचनं नाम तीर्थं तत्परमं स्मृतम् । एकरात्रोषितो भूत्वा ऋणैः सर्वैः प्रमुच्यते ।

ṛṇapramocanaṁ nāma tīrthaṁ tatparamaṁ smṛtam ekarātroṣito bhūtvā ṛṇaiḥ sarvaiḥ pramucyate

ऋणप्रमोचन नामक एक परम तीर्थ है; वहाँ एक रात्रि उपवास करने से मनुष्य समस्त ऋणों से मुक्त हो जाता है,

श्लोक 22 (padma.3.44.22)

सूर्यलोकमवाप्नोति अनृणी च सदा भवेत् ।

sūryalokamavāpnoti anṛṇī ca sadā bhavet

और सूर्यलोक को प्राप्त होकर सदा ऋणरहित रहता है।