कर्मयोग — गुरु-सेवा, वेदाध्ययन एवं गायत्री-महिमा

श्लोक 1 (padma.3.53.1)

व्यास उवाच । एवं दंडादिभिर्युक्तः शौचाचारसमन्वितः । आहूतोध्यापनं कुर्याद्वीक्ष्यमाणो गुरोर्मुखम् ।

vyāsa uvāca evaṁ daṁḍādibhiryuktaḥ śaucācārasamanvitaḥ āhūtodhyāpanaṁ kuryādvīkṣyamāṇo gurormukham

व्यास जी ने कहा — इस प्रकार दंड आदि से युक्त, शौच और आचार से संपन्न शिष्य को बुलाए जाने पर गुरु के मुख को देखते हुए अध्ययन करना चाहिए।

श्लोक 2 (padma.3.53.2)

नित्यमुद्यतपाणिः स्यात्साध्वाचारः सुसंयतः । आस्यतामिति चोक्तः सन्नासीताभिमुखं गुरोः ।

nityamudyatapāṇiḥ syātsādhvācāraḥ susaṁyataḥ āsyatāmiti coktaḥ sannāsītābhimukhaṁ guroḥ

उसे सदा हाथ जोड़े हुए, सदाचारी और सुसंयत रहना चाहिए। 'बैठो' कहे जाने पर उसे गुरु के सम्मुख बैठना चाहिए।

श्लोक 3 (padma.3.53.3)

प्रतिश्रवणसंभाषे शयानो न समाचरेत् । आसीनो न च भुंजानो न तिष्ठेन्न पराङ्मुखः ।

pratiśravaṇasaṁbhāṣe śayāno na samācaret āsīno na ca bhuṁjāno na tiṣṭhenna parāṅmukhaḥ

उत्तर देते या बातचीत करते समय लेटकर आचरण न करे; न बैठे हुए, न भोजन करते हुए, न खड़े होकर, न पीठ फेरकर।

श्लोक 4 (padma.3.53.4)

नीचैः शय्यासनं चास्य सर्वदा गुरुसन्निधौ । गुरोस्तु चक्षुर्विषयेन यथेष्टासनो भवेत् ।

nīcaiḥ śayyāsanaṁ cāsya sarvadā gurusannidhau gurostu cakṣurviṣayena yatheṣṭāsano bhavet

गुरु की उपस्थिति में उसकी शय्या और आसन सदा नीचे होने चाहिए। केवल गुरु की दृष्टि से बाहर वह अपनी इच्छा के अनुसार बैठ सकता है।

श्लोक 5 (padma.3.53.5)

नोदाहरेदस्य नाम परोक्षमपि केवलम् । न चैवास्यानुकुर्वीत गतिभाषणचेष्टितम् ।

nodāharedasya nāma parokṣamapi kevalam na caivāsyānukurvīta gatibhāṣaṇaceṣṭitam

उसका केवल नाम भी परोक्ष में नहीं लेना चाहिए। उसकी चाल, वाणी या चेष्टा की नकल भी नहीं करनी चाहिए।

श्लोक 6 (padma.3.53.6)

गुरोर्यत्र परीवादो निंदा वापि प्रवर्तते । कर्णौ तत्र पिधातव्यौ गंतव्यं वा ततोऽन्यतः ।

guroryatra parīvādo niṁdā vāpi pravartate karṇau tatra pidhātavyau gaṁtavyaṁ vā tato'nyataḥ

जहाँ गुरु की निंदा या आलोचना होती हो, वहाँ कान बंद कर लेने चाहिए, या वहाँ से अन्यत्र चले जाना चाहिए।

श्लोक 7 (padma.3.53.7)

दूरस्थो नार्चयेदेनं न क्रुद्धो नांतिके स्त्रियः । न चैवास्योत्तरं ब्रूयात्स्थितो नासीत सन्निधौ ।

dūrastho nārcayedenaṁ na kruddho nāṁtike striyaḥ na caivāsyottaraṁ brūyātsthito nāsīta sannidhau

दूर खड़े होकर उनकी पूजा न करे, न क्रोधित होकर, न किसी स्त्री के समीप। खड़े होकर उन्हें उत्तर न दे, और बिना बुलाए उनकी उपस्थिति में न बैठे।

श्लोक 8 (padma.3.53.8)

उदकुंभं कुशान्पुष्पं समिधोऽस्याहरेत्सदा । मार्जनं लेपनं नित्यमंगानां वै समाचरेत् ।

udakuṁbhaṁ kuśānpuṣpaṁ samidho'syāharetsadā mārjanaṁ lepanaṁ nityamaṁgānāṁ vai samācaret

उसके लिए सदा जलपात्र, कुश, पुष्प और समिधाएँ लानी चाहिए। उसके अंगों की मालिश और लेप नित्य करना चाहिए।

श्लोक 9 (padma.3.53.9)

नास्य निर्माल्यशयनं पादुकोपानहावपि । आक्रामेदासनं चास्य च्छायादीन्वा कदाचन ।

nāsya nirmālyaśayanaṁ pādukopānahāvapi ākrāmedāsanaṁ cāsya cchāyādīnvā kadācana

उसके त्यागे हुए माल्य, शय्या, खड़ाऊँ या जूतों पर, और कभी भी उसके आसन या छाया पर पैर न रखे।

श्लोक 10 (padma.3.53.10)

साधयेद्दंतकाष्ठादींल्लब्धं चास्मै निवेदयेत् । अनापृच्छ्य न गंतव्यं भवेत्प्रियहिते रतः ।

sādhayeddaṁtakāṣṭhādīṁllabdhaṁ cāsmai nivedayet anāpṛcchya na gaṁtavyaṁ bhavetpriyahite rataḥ

दतौन आदि जुटाकर उसे प्राप्त वस्तु निवेदित करनी चाहिए। बिना पूछे कहीं न जाए, और सदा उसके हित और प्रियता में रत रहे।

श्लोक 11 (padma.3.53.11)

न पादौ सारयेदस्य सन्निधाने कदाचन । जृंभितं हसितं चैव कंठप्रावरणं तथा ।

na pādau sārayedasya sannidhāne kadācana jṛṁbhitaṁ hasitaṁ caiva kaṁṭhaprāvaraṇaṁ tathā

उसकी उपस्थिति में कभी अपने पैर न फैलाए। जँभाई लेना, हँसना, तथा गले को वस्त्र से ढकना —

श्लोक 12 (padma.3.53.12)

वर्जयेत्सन्निधौ नित्यमंगस्फोटनमेव च । यथाकालमधीयीत यावन्न विमना गुरुः ।

varjayetsannidhau nityamaṁgasphoṭanameva ca yathākālamadhīyīta yāvanna vimanā guruḥ

उसकी उपस्थिति में सदा त्याग देना चाहिए, तथा अंगुलियाँ चटकाना भी। उसे उचित समय पर अध्ययन करना चाहिए, जब तक गुरु अन्यमनस्क न हों।

श्लोक 13 (padma.3.53.13)

आसीनोऽधो गुरोः पार्श्वे सेवां च सुसमाहितः । आसने शयने याने नैव तिष्ठेत्कदाचन ।

āsīno'dho guroḥ pārśve sevāṁ ca susamāhitaḥ āsane śayane yāne naiva tiṣṭhetkadācana

गुरु के पास नीचे बैठकर, पूर्ण एकाग्रता से सेवा करनी चाहिए। आसन, शय्या या वाहन पर कभी खड़ा न हो।

श्लोक 14 (padma.3.53.14)

धावंतमनुधावेत गच्छंतमनुगच्छति । गोश्वोष्ट्रयानप्रासादे तथाधोविष्टरेषु च ।

dhāvaṁtamanudhāveta gacchaṁtamanugacchati gośvoṣṭrayānaprāsāde tathādhoviṣṭareṣu ca

यदि वे दौड़ें तो उनके पीछे दौड़े, यदि वे चलें तो उनके पीछे चले। गौ, अश्व, ऊँट, वाहन, महल पर, तथा नीचे के आसनों पर भी,

श्लोक 15 (padma.3.53.15)

आसीत गुरुणा सार्द्धं शिलाफलक नौषु च । जितेंद्रियः स्यात्सततं वश्यात्माक्रोधनः शुचिः ।

āsīta guruṇā sārddhaṁ śilāphalaka nauṣu ca jiteṁdriyaḥ syātsatataṁ vaśyātmākrodhanaḥ śuciḥ

शिला, पट्टे या नाव पर गुरु के साथ बैठ सकता है। उसे सदा इंद्रियविजयी, आत्मनियंत्रित, क्रोधरहित और पवित्र रहना चाहिए।

श्लोक 16 (padma.3.53.16)

प्रयुंजीत सदा वाचं मधुरां हितकारिणीम् । गंधमाल्यं रसं कल्पं शुक्तिं प्राणिविहिंसनम् ।

prayuṁjīta sadā vācaṁ madhurāṁ hitakāriṇīm gaṁdhamālyaṁ rasaṁ kalpaṁ śuktiṁ prāṇivihiṁsanam

उसे सदा मधुर और हितकारी वाणी का प्रयोग करना चाहिए। सुगंध, माला, रस, शृंगार-सामग्री, मादक पेय, तथा प्राणियों की हिंसा —

श्लोक 17 (padma.3.53.17)

अभ्यंजनांजनोन्मर्द्दच्छत्रधारणमेव च । कामं लोभं भयं निद्रां गीतवादित्रनर्तनम् ।

abhyaṁjanāṁjanonmarddacchatradhāraṇameva ca kāmaṁ lobhaṁ bhayaṁ nidrāṁ gītavāditranartanam

तेल-मालिश, अंजन, उबटन और छाता धारण करना — तथा काम, लोभ, भय, निद्रा, गीत-वाद्य और नृत्य —

श्लोक 18 (padma.3.53.18)

आतर्जनं परीवादं स्त्रीप्रेक्षालंभनं तथा । परोपघातं पैशुन्यं प्रयत्नेन विवर्जयेत् ।

ātarjanaṁ parīvādaṁ strīprekṣālaṁbhanaṁ tathā paropaghātaṁ paiśunyaṁ prayatnena vivarjayet

दूसरों को डराना, निंदा करना, तथा स्त्रियों को देखना या छूना — दूसरों को हानि पहुँचाना और चुगली करना — इन सबका प्रयत्नपूर्वक त्याग करना चाहिए।

श्लोक 19 (padma.3.53.19)

उदकुंभं सुमनसो गोशकृन्मृत्तिका कुशान् । आहरेद्यावदन्नानि भैक्ष्यं चाहरहश्चरेत् ।

udakuṁbhaṁ sumanaso gośakṛnmṛttikā kuśān āharedyāvadannāni bhaikṣyaṁ cāharahaścaret

जलपात्र, पुष्प, गोबर, मिट्टी और कुश लाने चाहिए, तथा जितना भोजन चाहिए, उतनी भिक्षा प्रतिदिन माँगनी चाहिए।

श्लोक 20 (padma.3.53.20)

घृतं च लवणं सर्वं वर्ज्यं पर्युषितं च यत् । अनृत्यदर्शी सततं भवेद्गीतादि निस्पृहः ।

ghṛtaṁ ca lavaṇaṁ sarvaṁ varjyaṁ paryuṣitaṁ ca yat anṛtyadarśī satataṁ bhavedgītādi nispṛhaḥ

घी और सारा नमक, तथा बासी पदार्थ त्यागने चाहिए। उसे कभी नृत्य नहीं देखना चाहिए, और गीत आदि से सदा निःस्पृह रहना चाहिए।

श्लोक 21 (padma.3.53.21)

नादित्यं वै समीहेत नाचरेद्दंतधावनम् । एकांतमशुचिस्त्रीभिः शूद्राद्यैरभिभाषणम् ।

nādityaṁ vai samīheta nācareddaṁtadhāvanam ekāṁtamaśucistrībhiḥ śūdrādyairabhibhāṣaṇam

सूर्य की ओर नहीं देखना चाहिए, न दतौन करना चाहिए (निषिद्ध समयों पर)। अशुद्ध स्त्रियों या शूद्रों आदि से एकांत में बातचीत नहीं करनी चाहिए।

श्लोक 22 (padma.3.53.22)

गुरूच्छिष्टं भेषजान्नं प्रयुंजीत न कामतः । मलापकर्षणं स्नानं नाचरेद्धि कदाचन ।

gurūcchiṣṭaṁ bheṣajānnaṁ prayuṁjīta na kāmataḥ malāpakarṣaṇaṁ snānaṁ nācareddhi kadācana

गुरु के जूठे भोजन को औषधि के अतिरिक्त इच्छापूर्वक नहीं लेना चाहिए। मैल हटाने के लिए किया गया (विलासी) स्नान कभी नहीं करना चाहिए।

श्लोक 23 (padma.3.53.23)

न कुर्यान्मानसं विप्रो गुरोस्त्यागे कथंचन । मोहाद्वा यदि वा लोभात्त्यक्त्वा तु पतितो भवेत् ।

na kuryānmānasaṁ vipro gurostyāge kathaṁcana mohādvā yadi vā lobhāttyaktvā tu patito bhavet

ब्राह्मण को मन में भी कभी गुरु के त्याग का विचार नहीं करना चाहिए। यदि मोह या लोभ से उसे त्याग दे, तो वह पतित हो जाता है।

श्लोक 24 (padma.3.53.24)

लौकिकं वैदिकं वापि तथाध्यात्मिकमेव वा । आददीत यतो ज्ञानं तं न द्रुह्येत्कदाचन ।

laukikaṁ vaidikaṁ vāpi tathādhyātmikameva vā ādadīta yato jñānaṁ taṁ na druhyetkadācana

चाहे लौकिक ज्ञान हो, वैदिक हो, या आध्यात्मिक ही क्यों न हो — जिससे भी ज्ञान प्राप्त हो, उससे कभी द्रोह नहीं करना चाहिए।

श्लोक 25 (padma.3.53.25)

गुरोरप्यवलिप्तस्य कार्याकार्यमजानतः । उत्पथप्रतिपन्नस्य न मनुस्त्यागमब्रवीत् ।

gurorapyavaliptasya kāryākāryamajānataḥ utpathapratipannasya na manustyāgamabravīt

यदि गुरु भी अभिमानी हो, कार्य-अकार्य न जानता हो, और कुमार्ग पर चला गया हो, तो भी मनु ने उसके त्याग का विधान नहीं किया है।

श्लोक 26 (padma.3.53.26)

गुरोर्गुरौ सन्निहिते गुरुवद्वृत्तिमाचरेत् । नत्वाभिसृष्टो गुरुणा स्वान्गुरूनभिवादयेत् ।

gurorgurau sannihite guruvadvṛttimācaret natvābhisṛṣṭo guruṇā svāngurūnabhivādayet

गुरु के गुरु के उपस्थित होने पर उनके प्रति भी गुरु के समान आचरण करना चाहिए। गुरु द्वारा भेजा जाने पर भी अपने कुल-गुरुओं को अभिवादन करना चाहिए।

श्लोक 27 (padma.3.53.27)

विद्यागुरुष्वेतदेवं नित्यावृत्तिषु योगिषु । प्रतिषेधत्सु चाधर्माद्धितं चोपदिशत्सु च ।

vidyāguruṣvetadevaṁ nityāvṛttiṣu yogiṣu pratiṣedhatsu cādharmāddhitaṁ copadiśatsu ca

यही आचरण विद्या-गुरुओं के प्रति, नित्य साधना करने वाले योगियों के प्रति, अधर्म से रोकने वालों के प्रति, तथा हित का उपदेश देने वालों के प्रति भी करना चाहिए।

श्लोक 28 (padma.3.53.28)

श्रेयः स्वगुरुवद्वृत्तिं नित्यमेव समाचरेत् । गुरुपुत्रेषु दारेषु गुरोश्चैव स्वबंधुषु ।

śreyaḥ svaguruvadvṛttiṁ nityameva samācaret guruputreṣu dāreṣu guroścaiva svabaṁdhuṣu

कल्याण चाहने वाले को इनके प्रति सदा अपने गुरु के समान ही आचरण करना चाहिए। गुरु के पुत्रों, पत्नियों तथा गुरु के अपने बंधुओं के प्रति —

श्लोक 29 (padma.3.53.29)

बालः संमानयेन्मान्याञ्छिष्टो वा यदि कर्म्मणि । अध्यापयन्गुरोः सूनुं गुरुवन्मानमर्हति ।

bālaḥ saṁmānayenmānyāñchiṣṭo vā yadi karmmaṇi adhyāpayanguroḥ sūnuṁ guruvanmānamarhati

बालक भी मान्य जनों को सम्मान दे, अथवा जो कार्य में निपुण हो उसे भी। गुरु के पुत्र को पढ़ाने वाला गुरु के समान सम्मान का पात्र होता है।

श्लोक 30 (padma.3.53.30)

उत्सादनं च गात्राणां स्नापनोच्छिष्टभोजनः । न कुर्याद्गुरुपुत्रस्य पादयोः शौचमेव च ।

utsādanaṁ ca gātrāṇāṁ snāpanocchiṣṭabhojanaḥ na kuryādguruputrasya pādayoḥ śaucameva ca

गुरु-पुत्र के अंगों की मालिश, स्नान कराना, उसका जूठा खाना, तथा उसके पैर धोना — ये नहीं करने चाहिए।

श्लोक 31 (padma.3.53.31)

गुरुवत्प्रतिपूज्याश्च सवर्णा गुरुयोषितः । असवर्णाश्च संपूज्याः प्रत्युत्थानाभिवादनैः ।

guruvatpratipūjyāśca savarṇā guruyoṣitaḥ asavarṇāśca saṁpūjyāḥ pratyutthānābhivādanaiḥ

गुरु की सजातीय पत्नियों की गुरु के समान पूजा करनी चाहिए; असजातीय पत्नियों को उठकर अभिवादन करके सम्मानित करना चाहिए।

श्लोक 32 (padma.3.53.32)

अभ्यंजनं स्नापनं च गात्रोत्सादनमेव च । गुरुपत्न्या न कार्याणि केशानां च प्रसाधनम् ।

abhyaṁjanaṁ snāpanaṁ ca gātrotsādanameva ca gurupatnyā na kāryāṇi keśānāṁ ca prasādhanam

गुरु-पत्नी के लिए तेल-मालिश, स्नान कराना, अंगों की मालिश, तथा केश-संवारना — ये कार्य शिष्य को नहीं करने चाहिए।

श्लोक 33 (padma.3.53.33)

गुरुपत्नी तु युवती नाभिवाद्या तु पादयोः । कुर्वीत वंदनं भूम्यामसावहमिति ब्रुवन् ।

gurupatnī tu yuvatī nābhivādyā tu pādayoḥ kurvīta vaṁdanaṁ bhūmyāmasāvahamiti bruvan

यदि गुरु-पत्नी युवती हो, तो उसके पैर छूकर अभिवादन नहीं करना चाहिए; भूमि पर 'मैं अमुक हूँ' कहते हुए प्रणाम करना चाहिए।

श्लोक 34 (padma.3.53.34)

विप्रोष्य पादग्रहणपूर्वकं चाभिवादनम् । गुरुदारेषु कुर्वीत सतां धर्म्ममनुस्मरन् ।

viproṣya pādagrahaṇapūrvakaṁ cābhivādanam gurudāreṣu kurvīta satāṁ dharmmamanusmaran

विदेश से लौटकर गुरु-पत्नियों को साधुजनों के धर्म का स्मरण करते हुए पैर छूकर अभिवादन करना चाहिए।

श्लोक 35 (padma.3.53.35)

मातृष्वसा मातुलानी श्वश्रूश्चाथ पितृष्वसा । संपूज्या गुरुपत्नीवत्समास्ता गुरुभार्यया ।

mātṛṣvasā mātulānī śvaśrūścātha pitṛṣvasā saṁpūjyā gurupatnīvatsamāstā gurubhāryayā

मौसी, मामी, सास तथा बुआ — इन्हें गुरु-पत्नी के तुल्य ही गुरु-पत्नी के साथ सम्मानित करना चाहिए।

श्लोक 36 (padma.3.53.36)

भ्रातृभार्याश्च संग्राह्या सवर्णा हन्यहन्यपि । विप्रोष्य तूपसंग्राह्या ज्ञातिसंबंधियोषितः ।

bhrātṛbhāryāśca saṁgrāhyā savarṇā hanyahanyapi viproṣya tūpasaṁgrāhyā jñātisaṁbaṁdhiyoṣitaḥ

सजातीय भाई की पत्नियों का प्रतिदिन सम्मान करना चाहिए; विदेश से लौटकर ज्ञातिजन और संबंधी स्त्रियों का भी सम्मान करना चाहिए।

श्लोक 37 (padma.3.53.37)

पितुर्भगिन्या मातुश्च जायस्यां च स्वसर्यपि । मातृवद्वृत्तिमातिष्ठेन्माता ताभ्यो गरीयसी ।

piturbhaginyā mātuśca jāyasyāṁ ca svasaryapi mātṛvadvṛttimātiṣṭhenmātā tābhyo garīyasī

पिता की बहन, माता की बहन, तथा पत्नी की बहन के प्रति माता के समान आचरण करना चाहिए; परंतु अपनी माता इन सबसे बढ़कर है।

श्लोक 38 (padma.3.53.38)

एवमाचारसंपन्नमात्मवंतमदांभिकम् । वेदमध्यापयेद्धर्म्मं पुराणांगानि नित्यशः ।

evamācārasaṁpannamātmavaṁtamadāṁbhikam vedamadhyāpayeddharmmaṁ purāṇāṁgāni nityaśaḥ

इस प्रकार आचारसंपन्न, आत्मवान् और छलरहित शिष्य को ही वेद, धर्म और पुराणों के अंगों का नित्य अध्यापन कराना चाहिए।

श्लोक 39 (padma.3.53.39)

संवत्सरोषिते शिष्ये गुरुर्ज्ञानमनिर्दिशन् । हरते दुष्कृतं तस्य शिष्यस्य वसतो गुरुः ।

saṁvatsaroṣite śiṣye gururjñānamanirdiśan harate duṣkṛtaṁ tasya śiṣyasya vasato guruḥ

एक वर्ष तक निवास करने वाले शिष्य को यदि गुरु ज्ञान न भी बताए, तो भी वे उस सेवारत शिष्य के दुष्कर्मों को हर लेते हैं।

श्लोक 40 (padma.3.53.40)

आचार्यपुत्रः शुश्रूषुर्ज्ञानदो धार्मिकः शुचिः । शक्तोन्नदोंबुदः साधुरध्याप्यादश धर्मतः ।

ācāryaputraḥ śuśrūṣurjñānado dhārmikaḥ śuciḥ śaktonnadoṁbudaḥ sādhuradhyāpyādaśa dharmataḥ

आचार्य का पुत्र, सेवाभावी, ज्ञानदाता, धार्मिक, शुद्ध, समर्थ, अन्नदाता, जलदाता तथा साधु — ये दस धर्मानुसार पढ़ाने योग्य हैं।

श्लोक 41 (padma.3.53.41)

कृतकंठस्तथाऽद्रोहः मेधावी गुरुकृन्नरः । आप्तः प्रियोऽथ विधिवत्षडध्याप्या द्विजातयः ।

kṛtakaṁṭhastathā'drohaḥ medhāvī gurukṛnnaraḥ āptaḥ priyo'tha vidhivatṣaḍadhyāpyā dvijātayaḥ

स्पष्ट कंठ वाला, द्रोहरहित, बुद्धिमान्, गुरु का हितकर्ता, विश्वासपात्र और प्रिय — ये छह द्विज भी विधिपूर्वक पढ़ाने योग्य हैं।

श्लोक 42 (padma.3.53.42)

एतेषु ब्राह्मणे दानमन्यत्र तु यथोचितम् । आचम्य संयतो नित्यमधीयीत उदङ्मुखः ।

eteṣu brāhmaṇe dānamanyatra tu yathocitam ācamya saṁyato nityamadhīyīta udaṅmukhaḥ

इनमें से ब्राह्मण को निःशुल्क दान (ज्ञान) देना चाहिए, अन्यत्र यथोचित। आचमन करके, संयमित होकर, सदा उत्तर की ओर मुख करके अध्ययन करना चाहिए।

श्लोक 43 (padma.3.53.43)

उपसंगृह्य तत्पादौ वीक्ष्यमाणो गुरोर्मुखम् । अधीष्व भो इति ब्रूयाद्विरामोऽस्त्विति चाऽरमेत् ।

upasaṁgṛhya tatpādau vīkṣyamāṇo gurormukham adhīṣva bho iti brūyādvirāmo'stviti cā'ramet

उनके चरण पकड़कर, गुरु के मुख को देखते हुए 'महोदय, पढ़ाइए' कहना चाहिए, और 'विराम हो' कहे जाने पर विश्राम करना चाहिए।

श्लोक 44 (padma.3.53.44)

प्राक्कूलान्पर्युपासीत पवित्रैश्चैव पावकः । प्राणायामैस्त्रिभिः पूतस्ततोंकारमर्हति ।

prākkūlānparyupāsīta pavitraiścaiva pāvakaḥ prāṇāyāmaistribhiḥ pūtastatoṁkāramarhati

पूर्वाग्र कुशों से घिरा हुआ बैठे, मानो अग्नि से पवित्र हुआ हो; तीन प्राणायामों से शुद्ध होकर वह ओंकार के योग्य होता है।

श्लोक 45 (padma.3.53.45)

ब्राह्मणः प्रणवं कुर्यादंतेऽपि विधिवद्द्विजाः । कुर्यादध्यापनं नित्यं सब्रह्मांजलिपूर्वतः ।

brāhmaṇaḥ praṇavaṁ kuryādaṁte'pi vidhivaddvijāḥ kuryādadhyāpanaṁ nityaṁ sabrahmāṁjalipūrvataḥ

हे द्विजो! ब्राह्मण को अंत में भी विधिपूर्वक प्रणव का उच्चारण करना चाहिए; उसे सदा वेद-पाठ सहित हाथ जोड़कर ही अध्यापन करना चाहिए।

श्लोक 46 (padma.3.53.46)

सर्वेषामेव भूतानां वेदश्चक्षुः सनातनः । अधीयीताप्ययं नित्यं ब्राह्मण्याद्धीयतेऽन्यथा ।

sarveṣāmeva bhūtānāṁ vedaścakṣuḥ sanātanaḥ adhīyītāpyayaṁ nityaṁ brāhmaṇyāddhīyate'nyathā

वेद समस्त प्राणियों की सनातन आँख है। इसका नित्य अध्ययन करना चाहिए; अन्यथा ब्राह्मणत्व से च्युत हो जाता है।

श्लोक 47 (padma.3.53.47)

अधीयीत ऋचो नित्यं क्षीराहुत्या सदेवताः । प्रीणाति तर्पयन्कालं कामैर्हूताः सदैवताः ।

adhīyīta ṛco nityaṁ kṣīrāhutyā sadevatāḥ prīṇāti tarpayankālaṁ kāmairhūtāḥ sadaivatāḥ

जो नित्य ऋचाओं का अध्ययन करता है, वह क्षीर की आहुति से देवताओं को तृप्त करता है, यथासमय काम्य वस्तुओं से बुलाए गए देवगणों को प्रसन्न करता है।

श्लोक 48 (padma.3.53.48)

यजूंष्यधीते नियतं दध्ना प्रीणाति देवताः । सामान्यधीते प्रीणाति घृताहुतिभिरन्वहम् ।

yajūṁṣyadhīte niyataṁ dadhnā prīṇāti devatāḥ sāmānyadhīte prīṇāti ghṛtāhutibhiranvaham

जो नियमित रूप से यजुर्वेद का अध्ययन करता है, वह दही से देवताओं को प्रसन्न करता है। जो सामवेद का अध्ययन करता है, वह प्रतिदिन घृताहुति से प्रसन्न करता है।

श्लोक 49 (padma.3.53.49)

अथर्वांगिरसो नित्यं मध्वा प्रीणाति देवताः । धर्मांगानि पुराणानि मांसैस्तर्पयतेसुरान् ।

atharvāṁgiraso nityaṁ madhvā prīṇāti devatāḥ dharmāṁgāni purāṇāni māṁsaistarpayatesurān

जो नित्य अथर्ववेद का अध्ययन करता है, वह मधु से देवताओं को प्रसन्न करता है। धर्मशास्त्र के अंग और पुराण देवताओं को (उपयुक्त अर्पण से) तृप्त करते हैं।

श्लोक 50 (padma.3.53.50)

प्रातश्च सायं प्रयतो नैत्यकं विधिमाश्रितः । गायत्रीं समधीयीत गत्वारण्यं समाहितः ।

prātaśca sāyaṁ prayato naityakaṁ vidhimāśritaḥ gāyatrīṁ samadhīyīta gatvāraṇyaṁ samāhitaḥ

प्रातः और सायं संयमपूर्वक नित्य विधि का पालन करते हुए, वन में जाकर, एकाग्रचित्त होकर गायत्री का अध्ययन करना चाहिए।

श्लोक 51 (padma.3.53.51)

सहस्रपरमां देवीं शतमध्यां दशावराम् । गायत्रीं वै जपेन्नित्यं जपयज्ञः प्रकीर्तितः ।

sahasraparamāṁ devīṁ śatamadhyāṁ daśāvarām gāyatrīṁ vai japennityaṁ japayajñaḥ prakīrtitaḥ

गायत्री देवी का जप अधिकतम सहस्र बार, मध्यम रूप से सौ बार, न्यूनतम दस बार नित्य करना चाहिए; इसे जप-यज्ञ कहा गया है।

श्लोक 52 (padma.3.53.52)

गायत्रीं चैव वेदांश्च तुलया तोलयत्प्रभुः । एकतश्चतुरोवेदा गायत्रीं च तथैकतः ।

gāyatrīṁ caiva vedāṁśca tulayā tolayatprabhuḥ ekataścaturovedā gāyatrīṁ ca tathaikataḥ

प्रभु ने गायत्री और वेदों को तराजू पर तौला — एक ओर चारों वेद, और दूसरी ओर गायत्री —

श्लोक 53 (padma.3.53.53)

ॐकारमादितः कृत्वा व्याहृतीस्तदनंतरम् । ततोऽधीयीत सावित्रीमेकाग्रः श्रद्धयान्वितः ।

oṁkāramāditaḥ kṛtvā vyāhṛtīstadanaṁtaram tato'dhīyīta sāvitrīmekāgraḥ śraddhayānvitaḥ

पहले ओंकार का उच्चारण करके, फिर व्याहृतियों को, उसके बाद एकाग्रचित्त होकर श्रद्धापूर्वक सावित्री (गायत्री) का अध्ययन करना चाहिए।

श्लोक 54 (padma.3.53.54)

पुराकल्पे समुत्पन्ना भूर्भुवः स्वः सनातनाः । महाव्याहृतयस्तिस्रः सर्वाशुभनिबर्हणाः ।

purākalpe samutpannā bhūrbhuvaḥ svaḥ sanātanāḥ mahāvyāhṛtayastisraḥ sarvāśubhanibarhaṇāḥ

प्राचीन कल्प में उत्पन्न भूः, भुवः, स्वः — ये सनातन तीन महाव्याहृतियाँ समस्त अशुभों का नाश करने वाली हैं।

श्लोक 55 (padma.3.53.55)

प्रधानं पुरुषः कालो विष्णुब्रह्ममहेश्वराः । सत्वंरजस्तमस्तिस्रः क्रमाद्व्याहृतयः स्मृताः ।

pradhānaṁ puruṣaḥ kālo viṣṇubrahmamaheśvarāḥ satvaṁrajastamastisraḥ kramādvyāhṛtayaḥ smṛtāḥ

प्रधान (प्रकृति), पुरुष और काल; विष्णु, ब्रह्मा और महेश्वर; सत्त्व, रज और तम — ये तीन-तीन क्रम से व्याहृतियों के रूप में स्मरण की गई हैं।

श्लोक 56 (padma.3.53.56)

ॐकारस्तत्परं ब्रह्म सावित्री स्यात्तदुत्तरम् । एष मंत्रो महायोगः सारात्सार उदाहृतः ।

oṁkārastatparaṁ brahma sāvitrī syāttaduttaram eṣa maṁtro mahāyogaḥ sārātsāra udāhṛtaḥ

ओंकार परम ब्रह्म है; सावित्री उसके बाद आती है। यह महायोगमय मंत्र सारों में सार कहा गया है।

श्लोक 57 (padma.3.53.57)

योऽधीतेऽहन्यहन्येतां गायत्रीं वेदमातरम् । विज्ञायार्थं ब्रह्मचारी स याति परमां गतिम् ।

yo'dhīte'hanyahanyetāṁ gāyatrīṁ vedamātaram vijñāyārthaṁ brahmacārī sa yāti paramāṁ gatim

जो प्रतिदिन इस वेदमाता गायत्री का अध्ययन करता है, और ब्रह्मचारी होकर उसका अर्थ जान लेता है, वह परम गति को प्राप्त होता है।

श्लोक 58 (padma.3.53.58)

गायत्री वेदजननी गायत्री लोकपावनी । गायत्र्या न परं जप्यमेतद्विज्ञायमुच्यते ।

gāyatrī vedajananī gāyatrī lokapāvanī gāyatryā na paraṁ japyametadvijñāyamucyate

गायत्री वेदों की जननी है, गायत्री लोक को पवित्र करने वाली है। गायत्री से बढ़कर कोई जप नहीं है — यह जानना ही सच्चा ज्ञान कहा जाता है।

श्लोक 59 (padma.3.53.59)

श्रावणस्य तु मासस्य पौर्णमास्यां द्विजोत्तमाः । आषाढ्यां प्रोष्ठपद्यां वा वेदोपाकरणं स्मृतम् ।

śrāvaṇasya tu māsasya paurṇamāsyāṁ dvijottamāḥ āṣāḍhyāṁ proṣṭhapadyāṁ vā vedopākaraṇaṁ smṛtam

हे द्विजोत्तमो! श्रावण मास की पूर्णिमा को, अथवा आषाढ़ या प्रोष्ठपदी की पूर्णिमा को वेदाध्ययन का उपाकर्म (आरंभ-संस्कार) माना गया है।

श्लोक 60 (padma.3.53.60)

यत्सूर्ययाम्यगमनं मासान्विप्रोर्द्धपंचमान् । अधीयीत शुचौ देशे ब्रह्मचारी समाहितः ।

yatsūryayāmyagamanaṁ māsānviprorddhapaṁcamān adhīyīta śucau deśe brahmacārī samāhitaḥ

सूर्य के दक्षिणायन गमन काल में, साढ़े चार मास तक, ब्रह्मचारी को शुद्ध स्थान में एकाग्रचित्त होकर अध्ययन करना चाहिए।

श्लोक 61 (padma.3.53.61)

पुष्ये तुच्छंदसां कुर्याद्बहिरुत्सर्जनं द्विजः । मासि शुक्लस्य वा प्राप्ते पूर्वाह्णे प्रथमेऽहनि ।

puṣye tucchaṁdasāṁ kuryādbahirutsarjanaṁ dvijaḥ māsi śuklasya vā prāpte pūrvāhṇe prathame'hani

पुष्य नक्षत्र में द्विज को बाह्य उत्सर्ग (अध्ययन-समाप्ति संस्कार) करना चाहिए, अथवा शुक्ल पक्ष के आने पर प्रथम दिन के पूर्वाह्न में।

श्लोक 62 (padma.3.53.62)

छदांसि च द्विजोऽभ्यस्येच्छुक्लपक्षे तु वै द्विजः । वेदांगानि पुराणानि कृष्णपक्षेषु मानवः ।

chadāṁsi ca dvijo'bhyasyecchuklapakṣe tu vai dvijaḥ vedāṁgāni purāṇāni kṛṣṇapakṣeṣu mānavaḥ

द्विज को शुक्ल पक्ष में छंदों का अभ्यास करना चाहिए; मनुष्य को कृष्ण पक्ष में वेदांगों और पुराणों का अध्ययन करना चाहिए।

श्लोक 63 (padma.3.53.63)

इमान्नित्यमनध्यायानधीयानो विवर्जयेत् । अध्यापनं च कुर्वाणोऽभ्यस्यन्नपि प्रयत्नतः ।

imānnityamanadhyāyānadhīyāno vivarjayet adhyāpanaṁ ca kurvāṇo'bhyasyannapi prayatnataḥ

अध्ययन करने वाले को इन अनध्याय-दिनों का सदा त्याग करना चाहिए — चाहे वह अध्यापन कर रहा हो या स्वयं प्रयत्नपूर्वक अभ्यास कर रहा हो।

श्लोक 64 (padma.3.53.64)

कर्णश्रवेऽनिले रात्रौ दिवापांसुसमूहने । विद्युत्स्तनितवर्षेषु महोल्कानां च संप्लवे ।

karṇaśrave'nile rātrau divāpāṁsusamūhane vidyutstanitavarṣeṣu maholkānāṁ ca saṁplave

रात्रि में सुनाई देने वाली तेज हवा में, दिन में धूल-आँधी में, बिजली, गर्जन और वर्षा में, तथा बड़ी उल्काओं के गिरने पर —

श्लोक 65 (padma.3.53.65)

अकालिकमनध्यायमेतेष्वाह प्रजापतिः । एतानभ्युदिनान्विद्याद्यदा प्रादुष्कृताग्निषु ।

akālikamanadhyāyameteṣvāha prajāpatiḥ etānabhyudinānvidyādyadā prāduṣkṛtāgniṣu

इनमें प्रजापति ने असामयिक अनध्याय बताया है। जब आकाश में अकस्मात् अग्नि जैसा कुछ प्रकट हो, तब भी इन्हें अनध्याय-दिन जानना चाहिए —

श्लोक 66 (padma.3.53.66)

तदा विद्यादनध्यायमनृतौ चाभ्रदर्शने । निर्घाते भूमिचलने ज्योतिषां चोपसर्जने ।

tadā vidyādanadhyāyamanṛtau cābhradarśane nirghāte bhūmicalane jyotiṣāṁ copasarjane

बेमौसम बादल दिखाई देने पर भी अनध्याय जानना चाहिए; वज्रपात, भूकंप और ज्योतिष्पिंडों के गिरने पर भी।

श्लोक 67 (padma.3.53.67)

एतानकालिकान्विद्यादनध्यायानृतावपि । प्रादुष्कृतेष्वग्निषु च विद्युत्स्तनितनिस्वने ।

etānakālikānvidyādanadhyāyānṛtāvapi prāduṣkṛteṣvagniṣu ca vidyutstanitanisvane

इन्हें असामयिक अनध्याय जानना चाहिए, चाहे मौसम में भी हों — आकाश में अकस्मात् अग्नि प्रकट होने पर, तथा बिजली-गर्जन की ध्वनि में भी।

श्लोक 68 (padma.3.53.68)

सज्योतिः स्यादनध्यायः शेषे रात्रौ यथा दिवा । नित्यानध्याय एव स्याद्ग्रामेषु नगरेषु च ।

sajyotiḥ syādanadhyāyaḥ śeṣe rātrau yathā divā nityānadhyāya eva syādgrāmeṣu nagareṣu ca

जब तक ऐसी ज्योति बनी रहे, तब तक शेष रात्रि में अनध्याय रहता है, जैसे दिन में होता है। ग्रामों और नगरों में नित्य अनध्याय ही रहता है —

श्लोक 69 (padma.3.53.69)

धर्मनैपुण्यकामानां पूतिगंधे च नित्यशः । अंतः शवगतेग्रामे वृषलस्य च सन्निधौ ।

dharmanaipuṇyakāmānāṁ pūtigaṁdhe ca nityaśaḥ aṁtaḥ śavagategrāme vṛṣalasya ca sannidhau

धर्म में निपुणता चाहने वालों के लिए, तथा दुर्गंध होने पर सदा; ग्राम के भीतर शव होने पर, और चांडाल की उपस्थिति में।

श्लोक 70 (padma.3.53.70)

अनध्यायोरुद्यमाने समये जलदस्य च । उदके चार्धरात्रे च विण्मूत्रं च विसर्जयन् ।

anadhyāyorudyamāne samaye jaladasya ca udake cārdharātre ca viṇmūtraṁ ca visarjayan

बादल उठने के समय अनध्याय रहता है, तथा जल में भी; और आधी रात में, तथा मल-मूत्र त्याग करते समय —

श्लोक 71 (padma.3.53.71)

उच्छिष्टः श्राद्धभुक्चैव मनसापि न चिंतयेत् । प्रतिगृह्य द्विजो विद्वानेकोद्दिष्टस्य वेतनम् ।

ucchiṣṭaḥ śrāddhabhukcaiva manasāpi na ciṁtayet pratigṛhya dvijo vidvānekoddiṣṭasya vetanam

जूठे होने पर, और श्राद्ध का भोजन करने पर मन में भी वेद का चिंतन न करे। जो विद्वान् द्विज एकोद्दिष्ट श्राद्ध का वेतन ग्रहण करता है,

श्लोक 72 (padma.3.53.72)

त्र्यहं न कारयेद्ब्रह्म राज्ञो राहोश्च सूतके । यावदेकान्ननिष्ठा स्यात्स्नेहालोपश्च तिष्ठति ।

tryahaṁ na kārayedbrahma rājño rāhośca sūtake yāvadekānnaniṣṭhā syātsnehālopaśca tiṣṭhati

उसे तीन दिन तक वेदाध्यापन नहीं कराना चाहिए; न राजा की जन्म-अशौच में, न राहु-ग्रहण के समय। जब तक एक ही प्रकार के अन्न पर निर्भरता हो और शरीर की स्निग्धता (मृत्यु-अशौच से) समाप्त न हुई हो,

श्लोक 73 (padma.3.53.73)

विप्रस्य विदुषो देहे तावद्ब्रह्म न कीर्तयेत् । शयानः प्रौढपादश्च कृत्वा चैवावसक्थिकाम् ।

viprasya viduṣo dehe tāvadbrahma na kīrtayet śayānaḥ prauḍhapādaśca kṛtvā caivāvasakthikām

तब तक विद्वान् ब्राह्मण के शरीर में वेद का कीर्तन नहीं करना चाहिए। लेटे हुए, पैर फैलाए हुए, अथवा पैर मोड़कर बैठे हुए —

श्लोक 74 (padma.3.53.74)

नाधीयीतामिषं जग्ध्वा शूद्रश्राद्धान्नमेव च । नीहारे बाणशब्दे च संध्ययोरुभयोरपि ।

nādhīyītāmiṣaṁ jagdhvā śūdraśrāddhānnameva ca nīhāre bāṇaśabde ca saṁdhyayorubhayorapi

अध्ययन न करे; मांस खाकर या शूद्र के श्राद्ध का अन्न खाकर भी नहीं। कोहरे में, बाण की ध्वनि में, तथा दोनों संध्याओं में भी,

श्लोक 75 (padma.3.53.75)

अमावास्या चतुर्दश्योः पौर्णमास्यष्टमीषु च । उपाकर्मणि चोत्सर्गे त्रिरात्रं क्षपणं स्मृतम् ।

amāvāsyā caturdaśyoḥ paurṇamāsyaṣṭamīṣu ca upākarmaṇi cotsarge trirātraṁ kṣapaṇaṁ smṛtam

अमावस्या, चतुर्दशी, पूर्णिमा और अष्टमी को, तथा उपाकर्म और उत्सर्ग के समय — तीन रात्रि का अनध्याय बताया गया है।

श्लोक 76 (padma.3.53.76)

अष्टकासु अहोरात्रमृत्वंतासु च रात्रिषु । मार्गशीर्षे तथा पौषे माघमासे तथैव च ।

aṣṭakāsu ahorātramṛtvaṁtāsu ca rātriṣu mārgaśīrṣe tathā pauṣe māghamāse tathaiva ca

अष्टका के दिनों में एक अहोरात्र, ऋतु-परिवर्तन की रात्रियों में, तथा मार्गशीर्ष, पौष और माघ मास में भी —

श्लोक 77 (padma.3.53.77)

तिस्रोऽष्टकाः समाख्याता कृष्णपक्षेषु सूरिभिः । श्लेष्मातकस्य च्छायायां शाल्मलेर्मधुकस्य च ।

tisro'ṣṭakāḥ samākhyātā kṛṣṇapakṣeṣu sūribhiḥ śleṣmātakasya cchāyāyāṁ śālmalermadhukasya ca

तीनों अष्टकाएँ विद्वानों द्वारा कृष्ण पक्षों में बताई गई हैं। श्लेष्मातक, शाल्मलि और मधुक वृक्ष की छाया में —

श्लोक 78 (padma.3.53.78)

कदाचिदपि नाध्येयं कोविदारकपित्थयोः । समानविद्ये च मृते तथा सब्रह्मचारिणि ।

kadācidapi nādhyeyaṁ kovidārakapitthayoḥ samānavidye ca mṛte tathā sabrahmacāriṇi

तथा कोविदार और कैथ वृक्ष की छाया में भी कभी अध्ययन नहीं करना चाहिए। समान विद्या वाले या सहपाठी की मृत्यु पर —

श्लोक 79 (padma.3.53.79)

आचार्ये संस्थिते चापि त्रिरात्रं क्षपणं स्मृतम् । छिद्राण्येतानि विप्राणामनध्यायाः प्रकीर्तिताः ।

ācārye saṁsthite cāpi trirātraṁ kṣapaṇaṁ smṛtam chidrāṇyetāni viprāṇāmanadhyāyāḥ prakīrtitāḥ

तथा आचार्य के स्वर्गवास पर भी तीन रात्रि का अनध्याय बताया गया है। ये ब्राह्मणों के लिए छिद्र (कमजोर काल) हैं, जिन्हें अनध्याय कहा गया है।

श्लोक 80 (padma.3.53.80)

हिंसंति राक्षसास्तेषु तस्मादेतान्विवर्जयेत् । नैत्यकेनास्त्यनध्यायः संध्योपासनमेव च ।

hiṁsaṁti rākṣasāsteṣu tasmādetānvivarjayet naityakenāstyanadhyāyaḥ saṁdhyopāsanameva ca

राक्षस इन समयों में हिंसा करते हैं, इसलिए इनका त्याग करना चाहिए। किंतु नित्य कर्म और संध्या-उपासना के लिए कोई अनध्याय नहीं है।

श्लोक 81 (padma.3.53.81)

उपाकर्म्मणि होमांते होममध्ये तथैव च । एकामृचमथैकं वा यजुः सामानि वा पुनः ।

upākarmmaṇi homāṁte homamadhye tathaiva ca ekāmṛcamathaikaṁ vā yajuḥ sāmāni vā punaḥ

उपाकर्म में, होम के अंत में, तथा होम के मध्य में भी; एक ऋचा, अथवा एक यजुष अथवा साम मंत्र के लिए भी अनध्याय नहीं है।

श्लोक 82 (padma.3.53.82)

नाष्टकाद्यास्वधीयीत मारुते चाभिधावति । अनध्यायस्तु नांगेषु नेतिहासपुराणयोः ।

nāṣṭakādyāsvadhīyīta mārute cābhidhāvati anadhyāyastu nāṁgeṣu netihāsapurāṇayoḥ

अष्टका आदि दिनों में और आँधी चलते समय भी अध्ययन नहीं करना चाहिए। परंतु वेदांगों तथा इतिहास-पुराणों के लिए अनध्याय नहीं है,

श्लोक 83 (padma.3.53.83)

न धर्मशास्त्रेष्वन्येषु सर्वाण्येतानि वर्जयेत् । एष धर्मः समासेन कीर्तितो ब्रह्मचारिणः ।

na dharmaśāstreṣvanyeṣu sarvāṇyetāni varjayet eṣa dharmaḥ samāsena kīrtito brahmacāriṇaḥ

और अन्य धर्मशास्त्रों के लिए भी नहीं — ये सब इससे मुक्त हैं। यह ब्रह्मचारी का धर्म संक्षेप में कहा गया,

श्लोक 84 (padma.3.53.84)

ब्रह्मणाऽभिहितः पूर्वमृषीणां भावितात्मनाम् । योऽन्यत्र कुरुते यत्नमनधीत्य श्रुतिं द्विजः ।

brahmaṇā'bhihitaḥ pūrvamṛṣīṇāṁ bhāvitātmanām yo'nyatra kurute yatnamanadhītya śrutiṁ dvijaḥ

जो पूर्वकाल में ब्रह्मा द्वारा शुद्धात्मा ऋषियों को कहा गया था। जो द्विज श्रुति का अध्ययन किए बिना अन्यत्र प्रयत्न करता है,

श्लोक 85 (padma.3.53.85)

स संमूढो न संभाष्यो वेदबाह्यो द्विजातिभिः । न वेदपाठमात्रेण संतुष्टो वै भवेद्द्विजः ।

sa saṁmūḍho na saṁbhāṣyo vedabāhyo dvijātibhiḥ na vedapāṭhamātreṇa saṁtuṣṭo vai bhaveddvijaḥ

वह मूढ़ है, और द्विजों द्वारा बात करने योग्य नहीं, वह वेद-बाह्य है। द्विज को केवल वेद-पाठ मात्र से संतुष्ट नहीं होना चाहिए —

श्लोक 86 (padma.3.53.86)

पाठमात्रावसानस्तु पंके गौरिव सीदति । योऽधीत्य विधिवद्वेदं वेदार्थं न विचारयेत् ।

pāṭhamātrāvasānastu paṁke gauriva sīdati yo'dhītya vidhivadvedaṁ vedārthaṁ na vicārayet

क्योंकि जो केवल पाठ में ही रुक जाता है, वह कीचड़ में गाय की तरह धँस जाता है। जो विधिपूर्वक वेद पढ़कर भी वेद के अर्थ का विचार नहीं करता,

श्लोक 87 (padma.3.53.87)

स संमूढः शूद्रकल्पः पात्रतां न प्रपद्यते । यदित्वात्यंतिकं वासं कर्तुमिच्छति वै गुरौ ।

sa saṁmūḍhaḥ śūdrakalpaḥ pātratāṁ na prapadyate yaditvātyaṁtikaṁ vāsaṁ kartumicchati vai gurau

वह मूढ़, शूद्र-तुल्य है, और सच्ची योग्यता को प्राप्त नहीं होता। यदि वह गुरु के पास सदा के लिए निवास करना चाहे,

श्लोक 88 (padma.3.53.88)

युक्तः परिचरेदेनमाशरीरविमोक्षणम् । गत्वा वनं च विधिवज्जुहुयाज्जातवेदसम् ।

yuktaḥ paricaredenamāśarīravimokṣaṇam gatvā vanaṁ ca vidhivajjuhuyājjātavedasam

तो उसे संयमित होकर देह-त्याग तक उनकी सेवा करनी चाहिए। अथवा वन में जाकर विधिपूर्वक अग्निदेव को हवन देना चाहिए।

श्लोक 89 (padma.3.53.89)

अधीयीत तथा नित्यं ब्रह्मनिष्ठः समाहितः । सावित्रीं शतरुद्रीयं वेदांतांश्च विशेषतः । अभ्यसेत्सततं युक्तो भिक्षाशनपरायणः ।

adhīyīta tathā nityaṁ brahmaniṣṭhaḥ samāhitaḥ sāvitrīṁ śatarudrīyaṁ vedāṁtāṁśca viśeṣataḥ abhyasetsatataṁ yukto bhikṣāśanaparāyaṇaḥ

और उसे इसी प्रकार नित्य ब्रह्मनिष्ठ, समाहित होकर सावित्री, शतरुद्रिय तथा विशेष रूप से वेदांतों का सतत अभ्यास करना चाहिए, संयमी होकर, केवल भिक्षान्न पर निर्भर रहते हुए।

श्लोक 90 (padma.3.53.90)

एतद्विधानं परमं पुराणं वेदागमे सम्यगिहोदितं वः । पुरा महर्षिप्रवराभिपृष्टः स्वायंभुवो यन्मनुराह देवः ।

etadvidhānaṁ paramaṁ purāṇaṁ vedāgame samyagihoditaṁ vaḥ purā maharṣipravarābhipṛṣṭaḥ svāyaṁbhuvo yanmanurāha devaḥ

यह परम, पुरातन विधान वेद-आगम के अनुसार यहाँ तुम्हें भलीभाँति कहा गया — जो पूर्वकाल में श्रेष्ठ महर्षियों द्वारा पूछे जाने पर स्वयंभू मनु देव ने कहा था।