दान-धर्म का निर्णय

श्लोक 1 (padma.3.57.1)

व्यास उवाच । अथातः संप्रवक्ष्यामि दानधर्म्ममनुत्तमम् । ब्रह्मणाभिहितं पूर्वमृषीणां ब्रह्मवादिनाम् ।

vyāsa uvāca athātaḥ saṁpravakṣyāmi dānadharmmamanuttamam brahmaṇābhihitaṁ pūrvamṛṣīṇāṁ brahmavādinām

व्यास जी ने कहा — अब मैं दान का अनुपम धर्म कहूँगा, जो पूर्वकाल में ब्रह्मा ने ब्रह्मवादी ऋषियों से कहा था।

श्लोक 2 (padma.3.57.2)

अर्थानामुचितं पात्रे श्रद्धया प्रतिपादनम् । दानमित्यभिनिर्दिष्टं भुक्तिमुक्तिफलप्रदम् ।

arthānāmucitaṁ pātre śraddhayā pratipādanam dānamityabhinirdiṣṭaṁ bhuktimuktiphalapradam

श्रद्धापूर्वक योग्य पात्र को धन अर्पित करना ही दान कहलाता है, जो भुक्ति और मुक्ति दोनों का फल देने वाला है।

श्लोक 3 (padma.3.57.3)

यो ददाति विशिष्टेभ्यः श्रद्धया परया युतः । तद्वै दत्तमहं मन्ये शेषं कस्यापि रक्षति ।

yo dadāti viśiṣṭebhyaḥ śraddhayā parayā yutaḥ tadvai dattamahaṁ manye śeṣaṁ kasyāpi rakṣati

जो परम श्रद्धा से युक्त होकर विशिष्ट जनों को देता है, उसे ही मैं वास्तव में दिया गया मानता हूँ; शेष तो किसी और के लिए ही सुरक्षित रहता है।

श्लोक 4 (padma.3.57.4)

नित्यं नैमित्तिकं काम्यं त्रिविधं दानमुच्यते । चतुर्थं विमलं प्रोक्तं सर्वदानोत्तमोत्तमम् ।

nityaṁ naimittikaṁ kāmyaṁ trividhaṁ dānamucyate caturthaṁ vimalaṁ proktaṁ sarvadānottamottamam

नित्य, नैमित्तिक और काम्य — यह तीन प्रकार का दान कहा जाता है। चौथा 'विमल' दान कहा गया है, जो समस्त दानों में सर्वोत्तम है।

श्लोक 5 (padma.3.57.5)

अहन्यहनि यत्किंचिद्दीयते नुपकारिणे । अनुद्दिश्यफलं तस्माद्ब्राह्मणाय तु नित्यकम् ।

ahanyahani yatkiṁciddīyate nupakāriṇe anuddiśyaphalaṁ tasmādbrāhmaṇāya tu nityakam

जो कुछ भी प्रतिदिन बिना किसी उपकार की अपेक्षा के, फल की इच्छा किए बिना ब्राह्मण को दिया जाता है, वह नित्य दान है।

श्लोक 6 (padma.3.57.6)

यत्तु पापोपशांत्यर्थं दीयते विदुषां करे । नैमित्तिकं तदुद्दिष्टं दानं सद्भिरनुत्तमम् ।

yattu pāpopaśāṁtyarthaṁ dīyate viduṣāṁ kare naimittikaṁ taduddiṣṭaṁ dānaṁ sadbhiranuttamam

जो पाप की शांति के लिए विद्वानों के हाथ में दिया जाता है, उसे साधुजनों द्वारा नैमित्तिक दान कहा गया है, जो अनुपम है।

श्लोक 7 (padma.3.57.7)

अपत्यविजयैश्वर्य सुखार्थं यत्प्रदीयते । दानं तत्काम्यमाख्यातमृषिभिर्धर्मचिंतकैः ।

apatyavijayaiśvarya sukhārthaṁ yatpradīyate dānaṁ tatkāmyamākhyātamṛṣibhirdharmaciṁtakaiḥ

जो संतान, विजय, ऐश्वर्य या सुख के लिए दिया जाता है, उसे धर्मचिंतक ऋषियों ने काम्य दान कहा है।

श्लोक 8 (padma.3.57.8)

यदीश्वरस्य प्रीत्यर्थं ब्रह्मवित्सु प्रदीयते । चेतसा धर्मयुक्तेन दानं तद्विमलं शिवम् ।

yadīśvarasya prītyarthaṁ brahmavitsu pradīyate cetasā dharmayuktena dānaṁ tadvimalaṁ śivam

जो ईश्वर की प्रसन्नता के लिए, धर्मयुक्त मन से, ब्रह्मज्ञानियों को दिया जाता है, वह विमल और शिव (कल्याणकारी) दान है।

श्लोक 9 (padma.3.57.9)

दानधर्मं निषेवेत पात्रमासाद्य शक्तितः । उपास्यते तु तत्पात्रं यत्तारयति सर्वतः ।

dānadharmaṁ niṣeveta pātramāsādya śaktitaḥ upāsyate tu tatpātraṁ yattārayati sarvataḥ

अपनी सामर्थ्य के अनुसार योग्य पात्र पाकर दान-धर्म का सेवन करना चाहिए। वही पात्र उपासनीय है, जो सर्वथा तार देता है।

श्लोक 10 (padma.3.57.10)

कुटुंबभुक्तिवसनाद्देयं यदतिरिच्यते । अन्यथा दीयते यद्वै न तद्दानं फलप्रदम् ।

kuṭuṁbabhuktivasanāddeyaṁ yadatiricyate anyathā dīyate yadvai na taddānaṁ phalapradam

परिवार के भरण-पोषण और वस्त्र से जो अतिरिक्त बचे, वही दान देना चाहिए; अन्यथा दिया गया दान फलदायी नहीं होता।

श्लोक 11 (padma.3.57.11)

श्रोत्रियाय कुलीनाय विनीताय तपस्विने । व्रतस्थाय दरिद्राय प्रदेयं भक्तिपूर्वकम् ।

śrotriyāya kulīnāya vinītāya tapasvine vratasthāya daridrāya pradeyaṁ bhaktipūrvakam

श्रोत्रिय, कुलीन, विनम्र, तपस्वी, व्रतस्थ अथवा दरिद्र ब्राह्मण को भक्तिपूर्वक दान देना चाहिए।

श्लोक 12 (padma.3.57.12)

यस्तु दद्यान्महीं भक्त्या ब्राह्मणायाहिताग्नये । स याति परमं स्थानं यत्र गत्वा न शोचति ।

yastu dadyānmahīṁ bhaktyā brāhmaṇāyāhitāgnaye sa yāti paramaṁ sthānaṁ yatra gatvā na śocati

जो अग्निहोत्री ब्राह्मण को भक्तिपूर्वक पृथ्वी दान करता है, वह परम स्थान को प्राप्त होता है, जहाँ पहुँचकर वह फिर शोक नहीं करता।

श्लोक 13 (padma.3.57.13)

इक्षुभिः संयुतां भूमिं यवगोधूमशालिनीम् । ददाति वेदविदुषे यः स भूयो न जायते ।

ikṣubhiḥ saṁyutāṁ bhūmiṁ yavagodhūmaśālinīm dadāti vedaviduṣe yaḥ sa bhūyo na jāyate

जो ईख, जौ और गेहूँ से समृद्ध भूमि वेदवेत्ता को दान करता है, वह पुनः जन्म नहीं लेता।

श्लोक 14 (padma.3.57.14)

गोचर्ममात्रामपि वा यो भूमिं संप्रयच्छति । ब्राह्मणाय दरिद्राय सर्वपापैः प्रमुच्यते ।

gocarmamātrāmapi vā yo bhūmiṁ saṁprayacchati brāhmaṇāya daridrāya sarvapāpaiḥ pramucyate

गोचर्म बराबर भी भूमि जो दरिद्र ब्राह्मण को दान करता है, वह सर्वपापों से मुक्त हो जाता है।

श्लोक 15 (padma.3.57.15)

भूमिदानात्परं दानं विद्यते नेह किंचन । अन्नदानं तेन तुल्यं विद्यादानं ततोधिकम् ।

bhūmidānātparaṁ dānaṁ vidyate neha kiṁcana annadānaṁ tena tulyaṁ vidyādānaṁ tatodhikam

भूमिदान से बढ़कर इस लोक में कोई दान नहीं है। अन्नदान उसके तुल्य है, और विद्यादान उससे भी बढ़कर है।

श्लोक 16 (padma.3.57.16)

यो ब्राह्मणाय शांताय शुचये धर्मशीलिने । ददाति विद्यां विधिना ब्रह्मलोके महीयते ।

yo brāhmaṇāya śāṁtāya śucaye dharmaśīline dadāti vidyāṁ vidhinā brahmaloke mahīyate

जो शांत, शुद्ध, धर्मशील ब्राह्मण को विधिपूर्वक विद्या का दान करता है, वह ब्रह्मलोक में पूजित होता है।

श्लोक 17 (padma.3.57.17)

दद्यादहरहः स्वर्णं श्रद्धया ब्रह्मचारिणे । सर्वपापविनिर्मुक्तो ब्रह्मणः स्थानमाप्नुयात् ।

dadyādaharahaḥ svarṇaṁ śraddhayā brahmacāriṇe sarvapāpavinirmukto brahmaṇaḥ sthānamāpnuyāt

श्रद्धापूर्वक प्रतिदिन ब्रह्मचारी को स्वर्ण दान करना चाहिए; इससे मनुष्य समस्त पापों से मुक्त होकर ब्रह्मा के स्थान को प्राप्त करता है।

श्लोक 18 (padma.3.57.18)

गृहस्थायान्नदानेन फलमाप्नोति मानवः । अन्नमेवास्य दातव्यं दत्वाप्नोति परां गतिम् ।

gṛhasthāyānnadānena phalamāpnoti mānavaḥ annamevāsya dātavyaṁ datvāpnoti parāṁ gatim

गृहस्थ को अन्नदान से फल मिलता है। उसे केवल अन्न ही देना चाहिए; देकर मनुष्य परम गति को प्राप्त करता है।

श्लोक 19 (padma.3.57.19)

वैशाख्यां पूर्णमास्यां तु ब्राह्मणान्सप्त पंच वा । उपोष्य विधिना शांतः शुचिः प्रयतमानसः ।

vaiśākhyāṁ pūrṇamāsyāṁ tu brāhmaṇānsapta paṁca vā upoṣya vidhinā śāṁtaḥ śuciḥ prayatamānasaḥ

वैशाख की पूर्णिमा को शांतचित्त, शुद्ध, संयमित मन वाला मनुष्य विधिपूर्वक उपवास करके सात या पाँच ब्राह्मणों की पूजा करे,

श्लोक 20 (padma.3.57.20)

पूजयित्वा तिलैः कृष्णैर्मधुना च विशेषतः । प्रीयतां धर्मराजेति यदा मनसि वर्त्तते ।

pūjayitvā tilaiḥ kṛṣṇairmadhunā ca viśeṣataḥ prīyatāṁ dharmarājeti yadā manasi varttate

विशेष रूप से काले तिल और मधु से पूजा करते हुए, मन में यह भाव रखते हुए कि 'धर्मराज प्रसन्न हों' —

श्लोक 21 (padma.3.57.21)

यावज्जीवं तु यत्पापं तत्क्षणादेव नश्यति । कृष्णाजिने तिलान्कृत्वा हिरण्यं मधुसर्पिषी ।

yāvajjīvaṁ tu yatpāpaṁ tatkṣaṇādeva naśyati kṛṣṇājine tilānkṛtvā hiraṇyaṁ madhusarpiṣī

तो जीवनभर का पाप उसी क्षण नष्ट हो जाता है। कृष्णाजिन पर तिल रखकर, सुवर्ण, मधु और घृत सहित —

श्लोक 22 (padma.3.57.22)

ददाति यस्तु विप्राय सर्वं तरति दुष्कृतम् । घृतान्नमुदकुंभं च वैशाख्यां तु विशेषतः ।

dadāti yastu viprāya sarvaṁ tarati duṣkṛtam ghṛtānnamudakuṁbhaṁ ca vaiśākhyāṁ tu viśeṣataḥ

जो इसे ब्राह्मण को देता है, वह अपने समस्त दुष्कर्मों को पार कर जाता है। घृत-मिश्रित अन्न और जलपात्र, विशेष रूप से वैशाख में —

श्लोक 23 (padma.3.57.23)

निर्द्दिश्य धर्मराजाय विप्रेभ्यो मुच्यते भयात् । सुवर्णतिलयुक्तैस्तु ब्राह्मणान्सप्त पंच वा ।

nirddiśya dharmarājāya viprebhyo mucyate bhayāt suvarṇatilayuktaistu brāhmaṇānsapta paṁca vā

धर्मराज को समर्पित कर ब्राह्मणों को देने से वह भय से मुक्त हो जाता है। सुवर्ण-मिश्रित तिलों के साथ सात या पाँच ब्राह्मणों को —

श्लोक 24 (padma.3.57.24)

तर्पयेदुदपात्रैस्तु ब्रह्महत्यां व्यपोहति । माघमासे तमिस्रे तु द्वादश्यां समुपोषितः ।

tarpayedudapātraistu brahmahatyāṁ vyapohati māghamāse tamisre tu dvādaśyāṁ samupoṣitaḥ

जलपात्रों से तृप्त करना ब्रह्महत्या के पाप को दूर करता है। माघ के कृष्णपक्ष की द्वादशी को उपवास करके,

श्लोक 25 (padma.3.57.25)

शुक्लांबरधरः कृष्णैस्तिलैर्हुत्वा हुताशनम् । प्रदद्याद्ब्राह्मणेभ्यस्तु तिलानेव समाहितः ।

śuklāṁbaradharaḥ kṛṣṇaistilairhutvā hutāśanam pradadyādbrāhmaṇebhyastu tilāneva samāhitaḥ

श्वेत वस्त्र धारण कर काले तिलों से अग्नि में हवन करके, एकाग्रचित्त होकर ब्राह्मणों को तिल ही अर्पित करे;

श्लोक 26 (padma.3.57.26)

जन्मप्रभृति यत्पापं सर्वं तरति वै द्विजः । अमावास्यामनुप्राप्य ब्राह्मणाय तपस्विने ।

janmaprabhṛti yatpāpaṁ sarvaṁ tarati vai dvijaḥ amāvāsyāmanuprāpya brāhmaṇāya tapasvine

इससे द्विज जन्म से लेकर संचित समस्त पाप को पार कर जाता है। अमावस्या को प्राप्त कर, तपस्वी ब्राह्मण को जो कुछ भी दिया जाए,

श्लोक 27 (padma.3.57.27)

यत्किंचिद्देवदेवेशं दद्याच्चोद्दिश्य केशवम् । प्रीयतामीश्वरो विष्णुर्हृषीकेशः सनातनः ।

yatkiṁciddevadeveśaṁ dadyāccoddiśya keśavam prīyatāmīśvaro viṣṇurhṛṣīkeśaḥ sanātanaḥ

देवाधिदेव केशव को समर्पित करके — 'सनातन ईश्वर विष्णु हृषीकेश प्रसन्न हों' — यह भाव रखते हुए,

श्लोक 28 (padma.3.57.28)

सप्तजन्मकृतं पापं तत्क्षणादेव नश्यति । यस्तु कृष्णचतुर्दश्यां स्नात्वा देवं पिनाकिनम् ।

saptajanmakṛtaṁ pāpaṁ tatkṣaṇādeva naśyati yastu kṛṣṇacaturdaśyāṁ snātvā devaṁ pinākinam

इससे सात जन्मों का संचित पाप उसी क्षण नष्ट हो जाता है। जो कृष्ण चतुर्दशी को स्नान करके पिनाकधारी देव की —

श्लोक 29 (padma.3.57.29)

आराधयेद्द्विजमुखेन तस्यास्ति पुनर्भवः । कृष्णाष्टम्यां विशेषेण धार्मिकाय द्विजातये ।

ārādhayeddvijamukhena tasyāsti punarbhavaḥ kṛṣṇāṣṭamyāṁ viśeṣeṇa dhārmikāya dvijātaye

ब्राह्मण के माध्यम से आराधना करता है, उसका पुनर्जन्म नहीं होता। विशेष रूप से कृष्ण अष्टमी को धार्मिक द्विज को —

श्लोक 30 (padma.3.57.30)

स्नात्वाभ्यर्च्य यथान्यायं पादप्रक्षालनादिभिः । प्रीयतां मे महादेवो दद्याद्द्रव्यं स्वकीयकम् ।

snātvābhyarcya yathānyāyaṁ pādaprakṣālanādibhiḥ prīyatāṁ me mahādevo dadyāddravyaṁ svakīyakam

स्नान करके यथाविधि, पाद-प्रक्षालन आदि से पूजा करके, 'महादेव मुझसे प्रसन्न हों' कहते हुए अपना धन दान करना चाहिए।

श्लोक 31 (padma.3.57.31)

सर्वपापविनिर्मुक्तः प्राप्नोति परमां गतिम् । द्विजैः कृष्णचतुर्दश्यां कृष्णाष्टम्यां विशेषतः ।

sarvapāpavinirmuktaḥ prāpnoti paramāṁ gatim dvijaiḥ kṛṣṇacaturdaśyāṁ kṛṣṇāṣṭamyāṁ viśeṣataḥ

इससे मनुष्य सर्वपापों से मुक्त होकर परम गति को प्राप्त करता है। द्विजों द्वारा कृष्ण चतुर्दशी और विशेषतः कृष्ण अष्टमी को,

श्लोक 32 (padma.3.57.32)

अमावास्यां तथा भक्तैः पूजनीयस्त्रिविक्रमः । एकादश्यां निराहारो द्वादश्यां पुरुषोत्तमम् ।

amāvāsyāṁ tathā bhaktaiḥ pūjanīyastrivikramaḥ ekādaśyāṁ nirāhāro dvādaśyāṁ puruṣottamam

तथा अमावस्या को भक्तों द्वारा त्रिविक्रम की पूजा करनी चाहिए। एकादशी को निराहार रहकर, द्वादशी को पुरुषोत्तम की —

श्लोक 33 (padma.3.57.33)

अर्चयेद्ब्राह्मणमुखे स गच्छेत्परमं पदम् । एषा तिथिर्वैष्णवी स्याद्द्वादशी शुक्लपक्षतः ।

arcayedbrāhmaṇamukhe sa gacchetparamaṁ padam eṣā tithirvaiṣṇavī syāddvādaśī śuklapakṣataḥ

ब्राह्मण के माध्यम से पूजा करनी चाहिए; वह परम पद को प्राप्त होता है। यह द्वादशी शुक्लपक्ष की वैष्णवी तिथि है।

श्लोक 34 (padma.3.57.34)

तस्यामाराधयेद्देवं प्रयत्नेन जनार्दनम् । यत्किंचिद्देवमीशानमुद्दिश्य ब्राह्मणे शुचौ ।

tasyāmārādhayeddevaṁ prayatnena janārdanam yatkiṁciddevamīśānamuddiśya brāhmaṇe śucau

उस दिन प्रयत्नपूर्वक देव जनार्दन की आराधना करनी चाहिए। ईशान देव को उद्दिष्ट करके शुद्ध ब्राह्मण को जो कुछ भी दिया जाए,

श्लोक 35 (padma.3.57.35)

दीयते विष्णुमेवापि तदनंतफलं स्मृतम् । यो हि यां देवतामिच्छेत्समाराधयितुं नरः ।

dīyate viṣṇumevāpi tadanaṁtaphalaṁ smṛtam yo hi yāṁ devatāmicchetsamārādhayituṁ naraḥ

वही विष्णु को भी दिया गया माना जाता है, और उसका फल अनंत कहा गया है। मनुष्य जिस भी देवता की भलीभाँति आराधना करना चाहे,

श्लोक 36 (padma.3.57.36)

ब्राह्मणान्पूजयेद्यत्नात्स तस्यास्तोषयेत्ततः । द्विजानां वपुरास्थाय नित्यं तिष्ठंति देवताः ।

brāhmaṇānpūjayedyatnātsa tasyāstoṣayettataḥ dvijānāṁ vapurāsthāya nityaṁ tiṣṭhaṁti devatāḥ

उसे प्रयत्नपूर्वक ब्राह्मणों की पूजा करनी चाहिए, इससे वह उस देवता को भी संतुष्ट कर देता है। द्विजों की देह में देवता सदा निवास करते हैं।

श्लोक 37 (padma.3.57.37)

पूज्यंते ब्राह्मणा लाभे प्रतिमादिषु तैः क्वचित् । प्रतिमादिषु यत्नेन तस्मात्फलमभीप्सता ।

pūjyaṁte brāhmaṇā lābhe pratimādiṣu taiḥ kvacit pratimādiṣu yatnena tasmātphalamabhīpsatā

जैसे मूर्तियों में देवता पूजे जाते हैं, वैसे ही ब्राह्मण भी लाभ के अवसरों पर पूजे जाने चाहिए; अतः फल चाहने वाले को मूर्ति-पूजा के समान प्रयत्नपूर्वक —

श्लोक 38 (padma.3.57.38)

द्विजेषु देवता नित्यं पूजनीया विशेषतः । विभूतिकामः सततं पूजयेद्धि पुरंदरम् ।

dvijeṣu devatā nityaṁ pūjanīyā viśeṣataḥ vibhūtikāmaḥ satataṁ pūjayeddhi puraṁdaram

द्विजों में देवताओं की विशेष रूप से नित्य पूजा करनी चाहिए। ऐश्वर्य चाहने वाले को सतत पुरंदर (इंद्र) की पूजा करनी चाहिए।

श्लोक 39 (padma.3.57.39)

ब्रह्मवर्चसकामस्तु ब्रह्माणं ज्ञानकामुकः । आरोग्यकामोथ रविं धनकामो हुताशनम् ।

brahmavarcasakāmastu brahmāṇaṁ jñānakāmukaḥ ārogyakāmotha raviṁ dhanakāmo hutāśanam

ब्रह्मतेज और ज्ञान चाहने वाले को ब्रह्मा की; आरोग्य चाहने वाले को सूर्य की; धन चाहने वाले को अग्नि की पूजा करनी चाहिए।

श्लोक 40 (padma.3.57.40)

कर्म्मणां सिद्धिकामस्तु पूजयेद्वै विनायकम् । भोगकामस्तु शशिनं बलकामः समीरणम् ।

karmmaṇāṁ siddhikāmastu pūjayedvai vināyakam bhogakāmastu śaśinaṁ balakāmaḥ samīraṇam

कार्यों की सिद्धि चाहने वाले को विनायक की पूजा करनी चाहिए। भोग चाहने वाले को चंद्रमा की, बल चाहने वाले को वायु की।

श्लोक 41 (padma.3.57.41)

मुमुक्षुः सर्वसंसारात्प्रयत्नेनार्चयेद्धरिम् । यस्तु योगं तथा मोक्षमन्विच्छेऽज्ज्ञानमैश्वरम् ।

mumukṣuḥ sarvasaṁsārātprayatnenārcayeddharim yastu yogaṁ tathā mokṣamanvicche'jjñānamaiśvaram

संपूर्ण संसार से मुक्ति चाहने वाले को प्रयत्नपूर्वक हरि की अर्चना करनी चाहिए। जो योग, मोक्ष और ईश्वर के ज्ञान की इच्छा रखे,

श्लोक 42 (padma.3.57.42)

अर्चयेत विरूपाक्षं प्रयत्नेन सुरेश्वरम् । ये वांच्छंति महाभोगान्ज्ञानानि च महेश्वरम् ।

arcayeta virūpākṣaṁ prayatnena sureśvaram ye vāṁcchaṁti mahābhogānjñānāni ca maheśvaram

उसे प्रयत्नपूर्वक विरूपाक्ष सुरेश्वर की पूजा करनी चाहिए। जो महाभोग और ज्ञान की तथा महेश्वर की कामना रखते हैं,

श्लोक 43 (padma.3.57.43)

ते पूजयंति भूतेशं केशवं चापि भोगिनः । वारिदस्तृप्तिमाप्नोति जलदानं ततोधिकम् ।

te pūjayaṁti bhūteśaṁ keśavaṁ cāpi bhoginaḥ vāridastṛptimāpnoti jaladānaṁ tatodhikam

वे भोगी जन भूतेश और केशव दोनों की पूजा करते हैं। जल-दाता तृप्ति पाता है, और (सिंचाई हेतु) जलदान उससे भी बढ़कर फलदायी है।

श्लोक 44 (padma.3.57.44)

तैलप्रदः प्रजामिष्टां दीपदश्चक्षुरुत्तमम् । भूमिदः सर्वमाप्नोति दीर्घमायुर्हिरण्यदः ।

tailapradaḥ prajāmiṣṭāṁ dīpadaścakṣuruttamam bhūmidaḥ sarvamāpnoti dīrghamāyurhiraṇyadaḥ

तेल-दाता अभीष्ट संतान पाता है, दीप-दाता उत्तम नेत्र। भूमि-दाता सब कुछ पाता है, स्वर्ण-दाता दीर्घायु।

श्लोक 45 (padma.3.57.45)

गृहदाताग्र्यवेश्मानि रूप्यदो रूपमुत्तमम् । वासोदश्चंद्रसालोक्यमश्वदो यानमुत्तमम् ।

gṛhadātāgryaveśmāni rūpyado rūpamuttamam vāsodaścaṁdrasālokyamaśvado yānamuttamam

घर देने वाला उत्तम भवन पाता है, चाँदी देने वाला उत्तम रूप। वस्त्र देने वाला चंद्रलोक की समीपता पाता है, अश्व देने वाला उत्तम वाहन।

श्लोक 46 (padma.3.57.46)

अन्नदाता श्रियं स्वेष्टां गोदो ब्राह्मणविष्टपम् । यानशय्याप्रदो भार्य्यामैश्वर्यमभयप्रदः ।

annadātā śriyaṁ sveṣṭāṁ godo brāhmaṇaviṣṭapam yānaśayyāprado bhāryyāmaiśvaryamabhayapradaḥ

अन्न-दाता अभीष्ट संपत्ति पाता है, गौ-दाता ब्राह्मणलोक; वाहन या शय्या देने वाला उत्तम पत्नी पाता है, अभयदाता ऐश्वर्य।

श्लोक 47 (padma.3.57.47)

धान्यदः शाश्वतं सौख्यं ब्रह्मदो ब्रह्मशाश्वतम् । धान्यान्यपि यथाशक्ति विप्रेषु प्रतिपादयेत् ।

dhānyadaḥ śāśvataṁ saukhyaṁ brahmado brahmaśāśvatam dhānyānyapi yathāśakti vipreṣu pratipādayet

धान्य-दाता शाश्वत सुख पाता है, ब्रह्मविद्या-दाता शाश्वत ब्रह्म। अपनी सामर्थ्य के अनुसार ब्राह्मणों को धान्य भी अर्पित करना चाहिए,

श्लोक 48 (padma.3.57.48)

वेदविद्याविशिष्टेषु प्रेत्य स्वर्गं समश्नुते । गवां चान्नप्रदानेन सर्वपापैः प्रमुच्यते ।

vedavidyāviśiṣṭeṣu pretya svargaṁ samaśnute gavāṁ cānnapradānena sarvapāpaiḥ pramucyate

वेदविद्या में विशिष्ट जनों को — मृत्यु के बाद वह स्वर्ग प्राप्त करता है। गौओं को चारा देने से मनुष्य समस्त पापों से मुक्त हो जाता है।

श्लोक 49 (padma.3.57.49)

इंधनानां प्रदानेन दीप्ताग्निर्जायते नरः । फलमूलानि पानानि शाकानि विविधानि च ।

iṁdhanānāṁ pradānena dīptāgnirjāyate naraḥ phalamūlāni pānāni śākāni vividhāni ca

ईंधन के दान से मनुष्य दीप्तिमान् अग्नि-तेज पाता है। फल, मूल, पेय-पदार्थ तथा नाना प्रकार की सब्जियाँ —

श्लोक 50 (padma.3.57.50)

प्रदद्याद्ब्राह्मणेभ्यस्तु मुदायुक्तः सदा भवेत् । औषधं स्नेहमाहारं रोगिणो रोगशांतये ।

pradadyādbrāhmaṇebhyastu mudāyuktaḥ sadā bhavet auṣadhaṁ snehamāhāraṁ rogiṇo rogaśāṁtaye

प्रसन्नचित्त होकर ब्राह्मणों को सदा अर्पित करनी चाहिए। रोगी के रोग-शांति के लिए औषधि, स्नेह (तेल-घृत) और आहार —

श्लोक 51 (padma.3.57.51)

ददानो रोगरहितः सुखी दीर्घायुरेव च । असिपत्रवनं मार्गं क्षुरधारासमन्वितम् ।

dadāno rogarahitaḥ sukhī dīrghāyureva ca asipatravanaṁ mārgaṁ kṣuradhārāsamanvitam

देने वाला स्वयं रोगरहित, सुखी और दीर्घायु होता है। असि-पत्रवन का मार्ग, जो क्षुर की धार से भरा है,

श्लोक 52 (padma.3.57.52)

तीक्ष्णतापं च तरति छत्रोपानत्प्रदो नरः । यद्यदिष्टतमं लोके यच्चास्यापेक्षितं गृहे ।

tīkṣṇatāpaṁ ca tarati chatropānatprado naraḥ yadyadiṣṭatamaṁ loke yaccāsyāpekṣitaṁ gṛhe

और उसकी भीषण गर्मी को छाता और जूते देने वाला मनुष्य पार कर लेता है। संसार में जो भी सर्वाधिक प्रिय हो, और जो घर में अपेक्षित हो,

श्लोक 53 (padma.3.57.53)

तत्तद्गुणवते देयं तदेवाक्षयमिच्छता । अयने विषुवे चैव ग्रहणे चंद्रसूर्ययोः ।

tattadguṇavate deyaṁ tadevākṣayamicchatā ayane viṣuve caiva grahaṇe caṁdrasūryayoḥ

अक्षय फल चाहने वाले को वही वस्तु गुणवान् पात्र को देनी चाहिए। अयन, विषुव तथा चंद्र-सूर्य ग्रहण के समय,

श्लोक 54 (padma.3.57.54)

संक्रांत्यादिषु कालेषु दत्तं भवति चाक्षयम् । प्रयागादिषु तीर्थेषु पुण्येष्वायतनेषु च ।

saṁkrāṁtyādiṣu kāleṣu dattaṁ bhavati cākṣayam prayāgādiṣu tīrtheṣu puṇyeṣvāyataneṣu ca

तथा संक्रांति आदि कालों में दिया गया दान अक्षय हो जाता है। प्रयाग आदि तीर्थों में, पुण्य आयतनों में,

श्लोक 55 (padma.3.57.55)

दत्वा चाक्षयमाप्नोति नदीप्रस्रवणेषु च । दानधर्मात्परो धर्मो भूतानां नेह विद्यते ।

datvā cākṣayamāpnoti nadīprasravaṇeṣu ca dānadharmātparo dharmo bhūtānāṁ neha vidyate

और नदियों तथा झरनों में भी दान देकर मनुष्य अक्षय फल पाता है। दान-धर्म से बढ़कर प्राणियों के लिए इस लोक में कोई धर्म नहीं है।

श्लोक 56 (padma.3.57.56)

तस्माद्विप्राय दातव्यं श्रोत्रियाय द्विजातिभिः । स्वर्गाय भूतिकामेन तथा पापोपशांतये ।

tasmādviprāya dātavyaṁ śrotriyāya dvijātibhiḥ svargāya bhūtikāmena tathā pāpopaśāṁtaye

इसलिए द्विजों को श्रोत्रिय ब्राह्मण को दान देना चाहिए — स्वर्ग की, ऐश्वर्य की, तथा पाप-शांति की कामना से।

श्लोक 57 (padma.3.57.57)

मुमुक्षुणा तु दातव्यं ब्राह्मणेभ्यस्तथान्वहम् । दीयमानं तु यो मोहाद्गोविप्राग्निसुरेषु च ।

mumukṣuṇā tu dātavyaṁ brāhmaṇebhyastathānvaham dīyamānaṁ tu yo mohādgoviprāgnisureṣu ca

मुमुक्षु को प्रतिदिन ब्राह्मणों को दान देना चाहिए। जो अधर्मी मोहवश गौ, ब्राह्मण, अग्नि या देवताओं को दिए जा रहे दान को रोकता है,

श्लोक 58 (padma.3.57.58)

निवारयत्यधर्मात्मा तिर्यग्योनिं व्रजेत सः । यस्तु द्रव्यार्जनं कृत्वा नार्चयेद्ब्राह्मणान्सुरान् ।

nivārayatyadharmātmā tiryagyoniṁ vrajeta saḥ yastu dravyārjanaṁ kṛtvā nārcayedbrāhmaṇānsurān

वह पशु-योनि में जन्म लेता है। जो धन कमाकर भी ब्राह्मणों और देवताओं का सम्मान नहीं करता,

श्लोक 59 (padma.3.57.59)

सर्वस्वमपहृत्यैनं राजा राष्ट्रात्प्रवासयेत् । यस्तु दुर्भिक्षवेलायामन्नाद्यं न प्रयच्छति ।

sarvasvamapahṛtyainaṁ rājā rāṣṭrātpravāsayet yastu durbhikṣavelāyāmannādyaṁ na prayacchati

राजा को उसका सर्वस्व छीनकर उसे राष्ट्र से निर्वासित कर देना चाहिए। जो अकाल के समय ब्राह्मणों के भूख से मरते समय भी अन्न नहीं देता,

श्लोक 60 (padma.3.57.60)

म्रियमाणेषु विप्रेषु ब्राह्मणः स तु गर्हितः । न तस्मात्प्रतिगृह्णीयुः न वसेयुश्च तेन हि ।

mriyamāṇeṣu vipreṣu brāhmaṇaḥ sa tu garhitaḥ na tasmātpratigṛhṇīyuḥ na vaseyuśca tena hi

ऐसा ब्राह्मण निंदनीय है। उससे कोई दान न ले, न उसके साथ निवास करे;

श्लोक 61 (padma.3.57.61)

आज्ञायित्वा स्वकाद्राष्ट्राद्राजा तं विप्रवासयेत् । पश्चात्सद्भ्यो ददातीह स्वद्रव्यं धर्मसाधनम् ।

ājñāyitvā svakādrāṣṭrādrājā taṁ vipravāsayet paścātsadbhyo dadātīha svadravyaṁ dharmasādhanam

यह जानकर राजा उसे अपने राष्ट्र से निर्वासित कर दे। जो पहले (अनुचित रूप से धन कमाकर) बाद में साधुजनों को धर्म-साधन के रूप में अपना धन देता है,

श्लोक 62 (padma.3.57.62)

सपूर्वाभ्यधिकः पापी नरके पच्यते नरः । स्वाध्यायवंतो ये विप्रा विद्यावंतो जितेंद्रियाः ।

sapūrvābhyadhikaḥ pāpī narake pacyate naraḥ svādhyāyavaṁto ye viprā vidyāvaṁto jiteṁdriyāḥ

ऐसा मनुष्य पहले से भी अधिक पापी होकर नरक में पकता है। स्वाध्यायशील, विद्वान्, जितेंद्रिय ब्राह्मण,

श्लोक 63 (padma.3.57.63)

सत्यसंयमसंयुक्तास्तेभ्यो दद्याद्द्विजोत्तमाः । प्रभुक्तमपि विद्वांसं धार्मिकं भोजयेद्द्विजम् ।

satyasaṁyamasaṁyuktāstebhyo dadyāddvijottamāḥ prabhuktamapi vidvāṁsaṁ dhārmikaṁ bhojayeddvijam

सत्य और संयम से युक्त — इन्हें ही द्विजोत्तम को दान देना चाहिए। पहले से भोजन कर चुके विद्वान्, धार्मिक द्विज को भी भोजन कराना चाहिए,

श्लोक 64 (padma.3.57.64)

न च मूर्खमवृत्तस्थं दशरात्रमुपोषितम् । सन्निकृष्टमतिक्रम्य श्रोत्रियं यः प्रयच्छति ।

na ca mūrkhamavṛttasthaṁ daśarātramupoṣitam sannikṛṣṭamatikramya śrotriyaṁ yaḥ prayacchati

किंतु आचारहीन मूर्ख को नहीं, चाहे वह दस रात्रि उपवास कर चुका हो। जो निकटवर्ती श्रोत्रिय ब्राह्मण को लांघकर (कहीं और) दान देता है,

श्लोक 65 (padma.3.57.65)

स तेन कर्मणा पापी दहत्यासप्तमं कुलम् । यदि स्यादधिको विप्रः शीलविद्यादिभिः स्वयम् ।

sa tena karmaṇā pāpī dahatyāsaptamaṁ kulam yadi syādadhiko vipraḥ śīlavidyādibhiḥ svayam

वह उस कर्म से पापी होकर अपने सात पीढ़ियों के कुल को जला देता है। यदि कोई ब्राह्मण स्वयं शील-विद्या आदि में श्रेष्ठ हो,

श्लोक 66 (padma.3.57.66)

तस्मै यत्नेन दातव्यमतिक्रम्य च सन्निधिम् । योर्चितं प्रतिगृह्णीयाद्दद्यादर्चितमेव च ।

tasmai yatnena dātavyamatikramya ca sannidhim yorcitaṁ pratigṛhṇīyāddadyādarcitameva ca

तो निकटता को लांघकर भी उसे प्रयत्नपूर्वक देना चाहिए। जो सम्मानपूर्वक दिया हुआ ग्रहण करता है, और जो सम्मानपूर्वक देता है,

श्लोक 67 (padma.3.57.67)

तावुभौ गच्छतः स्वर्गं नरकं तु विपर्यये । न वार्यपि प्रयच्छेत नास्तिके हैतुकेपि च ।

tāvubhau gacchataḥ svargaṁ narakaṁ tu viparyaye na vāryapi prayaccheta nāstike haitukepi ca

वे दोनों ही स्वर्ग को जाते हैं; इसके विपरीत होने पर नरक को जाते हैं। नास्तिक को, अथवा केवल तर्कवादी को भी जल तक नहीं देना चाहिए,

श्लोक 68 (padma.3.57.68)

न पाखंडेषु सर्वेषु नावेदविदिधर्मवित् । रूप्यं चैव हिरण्यं च गामश्वं पृथिवीं तिलान् ।

na pākhaṁḍeṣu sarveṣu nāvedavididharmavit rūpyaṁ caiva hiraṇyaṁ ca gāmaśvaṁ pṛthivīṁ tilān

न किसी भी पाखंडी को, न वेद-अनभिज्ञ धर्मज्ञ को। चाँदी, सुवर्ण, गौ, अश्व, पृथ्वी, तिल —

श्लोक 69 (padma.3.57.69)

अविद्वान्प्रतिगृह्णीयाद्भस्मी भवति काष्ठवत् । द्विजातिभ्यो धनं लिप्सेत्प्रशस्तेभ्यो द्विजोतमः ।

avidvānpratigṛhṇīyādbhasmī bhavati kāṣṭhavat dvijātibhyo dhanaṁ lipsetpraśastebhyo dvijotamaḥ

इन्हें अविद्वान् जो ग्रहण करता है, वह लकड़ी की तरह भस्म हो जाता है। द्विजोत्तम को श्रेष्ठ द्विजों से ही धन की अपेक्षा करनी चाहिए,

श्लोक 70 (padma.3.57.70)

अपि राजन्यवैश्याभ्यां न तु शूद्रात्कथंचन । वृत्तिसंकोचमन्विच्छेन्नेहेत धनविस्तरम् ।

api rājanyavaiśyābhyāṁ na tu śūdrātkathaṁcana vṛttisaṁkocamanvicchenneheta dhanavistaram

यहाँ तक कि क्षत्रिय और वैश्य से भी, परंतु शूद्र से कदापि नहीं। वृत्ति के संकोच की इच्छा करनी चाहिए, धन के विस्तार की नहीं।

श्लोक 71 (padma.3.57.71)

धनलोभे प्रसक्तस्तु ब्राह्मण्यादेव हीयते । वेदानधीत्य सकलान्यज्ञांश्चावाप्य सर्वशः ।

dhanalobhe prasaktastu brāhmaṇyādeva hīyate vedānadhītya sakalānyajñāṁścāvāpya sarvaśaḥ

धन के लोभ में लगा हुआ मनुष्य ब्राह्मणत्व से ही च्युत हो जाता है। संपूर्ण वेदों का अध्ययन करके और सर्वथा यज्ञों को प्राप्त करके भी,

श्लोक 72 (padma.3.57.72)

न तां गतिमवाप्नोति संतोषाद्यामवाप्नुयात् । प्रतिग्रहरुचिर्न स्याच्छूद्रान्न तु समाहरेत् ।

na tāṁ gatimavāpnoti saṁtoṣādyāmavāpnuyāt pratigraharucirna syācchūdrānna tu samāharet

वह उस गति को प्राप्त नहीं करता, जो संतोष से प्राप्त होती है। दान-ग्रहण में रुचि न रखे, और शूद्रों से धन एकत्र न करे।

श्लोक 73 (padma.3.57.73)

स्थित्यर्थादधिकं गृह्णन्ब्राह्मणो यात्यधोगतिम् । यस्तु याति न संतोषं न स स्वर्गस्य भाजनम् ।

sthityarthādadhikaṁ gṛhṇanbrāhmaṇo yātyadhogatim yastu yāti na saṁtoṣaṁ na sa svargasya bhājanam

निर्वाह से अधिक ग्रहण करने वाला ब्राह्मण अधोगति को प्राप्त होता है। जो संतोष को प्राप्त नहीं करता, वह स्वर्ग का भागी नहीं बनता।

श्लोक 74 (padma.3.57.74)

उद्वेजयति भूतानि यथा चौरस्तथैव सः । गुरुं भृत्यांश्चोज्जिहीर्षुस्तर्पयन्देवतातिथीन् ।

udvejayati bhūtāni yathā caurastathaiva saḥ guruṁ bhṛtyāṁścojjihīrṣustarpayandevatātithīn

वह चोर की तरह ही प्राणियों को व्याकुल करता है। गुरु और सेवकों का पालन करने की इच्छा से, देवताओं और अतिथियों को तृप्त करते हुए —

श्लोक 75 (padma.3.57.75)

सर्वतः प्रतिगृह्णीयान्न तु तृप्येत्स्वयं ततः । एवं गृहस्थो युक्तात्मा देवतातिथिपूजकः ।

sarvataḥ pratigṛhṇīyānna tu tṛpyetsvayaṁ tataḥ evaṁ gṛhastho yuktātmā devatātithipūjakaḥ

वह सब ओर से दान ग्रहण कर सकता है, परंतु स्वयं उससे तृप्त न हो। इस प्रकार युक्तात्मा गृहस्थ, देवता और अतिथियों का पूजक,

श्लोक 76 (padma.3.57.76)

वर्तमानः संयतात्मा याति तत्परमं पदम् । पुत्रेषु भार्यां निक्षिप्य गत्वारण्यं तु तत्त्ववित् ।

vartamānaḥ saṁyatātmā yāti tatparamaṁ padam putreṣu bhāryāṁ nikṣipya gatvāraṇyaṁ tu tattvavit

संयमित आत्मा से रहते हुए उस परम पद को प्राप्त करता है। पुत्रों को पत्नी सौंपकर, तत्त्वज्ञ पुरुष वन में जाकर —

श्लोक 77 (padma.3.57.77)

एकाकी विचरेन्नित्यमुदासीनः समाहितः । एष वः कथितो धर्म्मो गृहस्थानां द्विजोत्तमाः । ज्ञात्वा तु तिष्ठेन्नियतं तथानुष्ठापयेद्द्विजान् ।

ekākī vicarennityamudāsīnaḥ samāhitaḥ eṣa vaḥ kathito dharmmo gṛhasthānāṁ dvijottamāḥ jñātvā tu tiṣṭhenniyataṁ tathānuṣṭhāpayeddvijān

अकेला, उदासीन, समाहित होकर सदा विचरण करे। हे द्विजोत्तमो! यह गृहस्थों का धर्म तुम्हें कहा गया; इसे जानकर संयमपूर्वक इसका पालन करे, और द्विजों से भी इसका पालन करवाए।

श्लोक 78 (padma.3.57.78)

इति देवमनादिमेकमीशं गृहधर्मेण समर्चयेदजस्रम् । समतीत्य स सर्वभूतयोनिं प्रकृतिं याति परं न याति जन्म ।

iti devamanādimekamīśaṁ gṛhadharmeṇa samarcayedajasram samatītya sa sarvabhūtayoniṁ prakṛtiṁ yāti paraṁ na yāti janma

इस प्रकार गृहस्थ-धर्म के द्वारा उस अनादि, एक, ईश्वर देव की निरंतर अर्चना करनी चाहिए। समस्त प्राणियों की योनि को लांघकर वह परम प्रकृति को प्राप्त होता है, और उसका पुनर्जन्म नहीं होता।