वानप्रस्थाश्रम का आचार-धर्म

श्लोक 1 (padma.3.58.1)

व्यास उवाच । एवं गृहाश्रमे स्थित्वा द्वितीयं भागमायुषः । वानप्रस्थाश्रमं गच्छेत्सदारः साग्निरेव च ।

vyāsa uvāca evaṁ gṛhāśrame sthitvā dvitīyaṁ bhāgamāyuṣaḥ vānaprasthāśramaṁ gacchetsadāraḥ sāgnireva ca

व्यास जी ने कहा — इस प्रकार गृहस्थाश्रम में आयु का दूसरा भाग बिताकर, पत्नी और अग्नि सहित वानप्रस्थाश्रम को जाना चाहिए।

श्लोक 2 (padma.3.58.2)

निक्षिप्य भार्यां पुत्रेषु गच्छेद्वनमथापि वा । दृष्ट्वापत्यस्य वापत्यं जर्जरीकृतविग्रहः ।

nikṣipya bhāryāṁ putreṣu gacchedvanamathāpi vā dṛṣṭvāpatyasya vāpatyaṁ jarjarīkṛtavigrahaḥ

अथवा पत्नी को पुत्रों को सौंपकर वन को जाए — जब वह अपने पौत्रों को देख चुका हो और उसकी देह जीर्ण हो चुकी हो।

श्लोक 3 (padma.3.58.3)

शुक्लपक्षस्य पूर्वाह्णे प्रशस्ते चोत्तरायणे । गत्वारण्यं नियमवांस्तपः कुर्यात्समाहितः ।

śuklapakṣasya pūrvāhṇe praśaste cottarāyaṇe gatvāraṇyaṁ niyamavāṁstapaḥ kuryātsamāhitaḥ

शुक्लपक्ष के पूर्वाह्न में, उत्तरायण के शुभ काल में, वन को जाकर नियमपूर्वक एकाग्रचित्त होकर तप करना चाहिए।

श्लोक 4 (padma.3.58.4)

फलमूलानि पूतानि नित्यमाहारमाहरेत् । यदाहारो भवेत्तेन पूजयेत्पितृदेवताः ।

phalamūlāni pūtāni nityamāhāramāharet yadāhāro bhavettena pūjayetpitṛdevatāḥ

उसे नित्य पवित्र फल-मूल का आहार लेना चाहिए। जो भी आहार प्राप्त हो, उससे पितरों और देवताओं की पूजा करनी चाहिए।

श्लोक 5 (padma.3.58.5)

पूजयेदतिथिं नित्यं स्नात्वा चाभ्यर्चयेत्सुरान् । गृहादादाय चाश्नीयादष्टौ ग्रासान्समाहितः ।

pūjayedatithiṁ nityaṁ snātvā cābhyarcayetsurān gṛhādādāya cāśnīyādaṣṭau grāsānsamāhitaḥ

उसे नित्य अतिथि का सत्कार करना चाहिए, स्नान करके देवताओं की अर्चना करनी चाहिए; एकाग्रचित्त होकर केवल आठ ग्रास ही खाना चाहिए।

श्लोक 6 (padma.3.58.6)

जटाश्च बिभृयान्नित्यं नखरोमाणि नोत्सृजेत् । स्वाध्यायं सर्वथा कुर्यान्नियच्छेद्वाचमन्यतः ।

jaṭāśca bibhṛyānnityaṁ nakharomāṇi notsṛjet svādhyāyaṁ sarvathā kuryānniyacchedvācamanyataḥ

उसे नित्य जटाएँ धारण करनी चाहिए, नख और केश न काटे। उसे सर्वथा स्वाध्याय करना चाहिए और अन्यथा वाणी को संयमित रखना चाहिए।

श्लोक 7 (padma.3.58.7)

अग्निहोत्रं च जुहुयात्पंचयज्ञान्समाचरेत् । उत्पन्नैर्विविधैर्मेध्यैः शाकमूलफलेन वा ।

agnihotraṁ ca juhuyātpaṁcayajñānsamācaret utpannairvividhairmedhyaiḥ śākamūlaphalena vā

उसे अग्निहोत्र का हवन करना चाहिए और पंचयज्ञ करने चाहिए, स्वाभाविक रूप से उत्पन्न विविध पवित्र वस्तुओं से, अथवा शाक-मूल-फल से।

श्लोक 8 (padma.3.58.8)

चीरवासा भवेन्नित्यं स्नायात्त्रिषवणं शुचिः । सर्वभूतानुकंपश्च प्रतिग्रहविवर्जितः ।

cīravāsā bhavennityaṁ snāyāttriṣavaṇaṁ śuciḥ sarvabhūtānukaṁpaśca pratigrahavivarjitaḥ

उसे सदा वल्कल वस्त्र धारण करना चाहिए, शुद्ध होकर दिन में तीन बार स्नान करना चाहिए। उसे समस्त प्राणियों पर दयालु होना चाहिए और दान ग्रहण से विरत रहना चाहिए।

श्लोक 9 (padma.3.58.9)

दर्शेन पौर्णमासेन यजेत नियतं द्विजः । ऋत्विष्ट्याग्रयणे चैव चातुर्मास्यानि कारयेत् ।

darśena paurṇamāsena yajeta niyataṁ dvijaḥ ṛtviṣṭyāgrayaṇe caiva cāturmāsyāni kārayet

संयमी द्विज को दर्श-पौर्णमास यज्ञ करना चाहिए; तथा ऋतु-यज्ञ, आग्रयण और चातुर्मास्य यज्ञ भी करने चाहिए।

श्लोक 10 (padma.3.58.10)

उत्तरायणं च क्रमशो दक्षिणायनमेव च । वासंतशारदैर्मेद्ध्यैरुत्पन्नैः स्वयमाहृतैः ।

uttarāyaṇaṁ ca kramaśo dakṣiṇāyanameva ca vāsaṁtaśāradairmeddhyairutpannaiḥ svayamāhṛtaiḥ

क्रमशः उत्तरायण और दक्षिणायन में, वसंत और शरद ऋतु में स्वयं संग्रहीत पवित्र वस्तुओं से —

श्लोक 11 (padma.3.58.11)

पुरोडाशांश्चरूंश्चैव विधिवन्निर्वपेत्पृथक् । देवताभ्यः पितृभ्यश्च दत्त्वा मेध्यतरं हविः ।

puroḍāśāṁścarūṁścaiva vidhivannirvapetpṛthak devatābhyaḥ pitṛbhyaśca dattvā medhyataraṁ haviḥ

देवताओं और पितरों के लिए विधिपूर्वक पृथक्-पृथक् पुरोडाश और चरु का निर्वापण करके, सबसे पवित्र हवि उन्हें अर्पित करके,

श्लोक 12 (padma.3.58.12)

शेषं समुपभुंजीत लवणं च स्वयंकृतम् । वर्ज्जयेन्मद्यमांसानि भौमानि कवकानि च ।

śeṣaṁ samupabhuṁjīta lavaṇaṁ ca svayaṁkṛtam varjjayenmadyamāṁsāni bhaumāni kavakāni ca

शेष भाग को स्वयं ग्रहण करना चाहिए, और स्वयं निर्मित नमक को भी। मद्य और मांस, तथा भूमि पर उगे कुकुरमुत्तों का त्याग करना चाहिए।

श्लोक 13 (padma.3.58.13)

भूस्तृणं शष्पकं चैव श्लेष्मातक फलानि च । न फालकृष्टमश्नीयादुत्सृष्टमपि केनचित् ।

bhūstṛṇaṁ śaṣpakaṁ caiva śleṣmātaka phalāni ca na phālakṛṣṭamaśnīyādutsṛṣṭamapi kenacit

जमीन की घास, शष्पक तथा श्लेष्मातक के फल भी त्याज्य हैं। हल से जोती गई भूमि से उपजी वस्तु न खाए, चाहे कोई उसे दे भी दे।

श्लोक 14 (padma.3.58.14)

न ग्रामजातान्यार्तोपि पुष्पाणि च फलानि च । श्रावणेनैव विधिना वह्निं परिचरेत्सदा ।

na grāmajātānyārtopi puṣpāṇi ca phalāni ca śrāvaṇenaiva vidhinā vahniṁ paricaretsadā

आपत्ति में भी गाँव में उगे पुष्प और फल न खाए। उसे सदा श्रुति में बताई गई विधि से ही अग्नि की सेवा करनी चाहिए।

श्लोक 15 (padma.3.58.15)

न द्रुह्येत्सर्वभूतानि निर्द्वंद्वो निर्भयो भवेत् । न नक्तं किंचिदश्नीयाद्रात्रौ ध्यानपरो भवेत् ।

na druhyetsarvabhūtāni nirdvaṁdvo nirbhayo bhavet na naktaṁ kiṁcidaśnīyādrātrau dhyānaparo bhavet

किसी भी प्राणी की हिंसा न करे, द्वंद्वों से मुक्त और भयरहित रहे। रात्रि में कुछ भी न खाए, और रात्रि में ध्यान में तत्पर रहे।

श्लोक 16 (padma.3.58.16)

जितेंद्रियो जितक्रोधस्तत्त्वज्ञानविचिंतकः । ब्रह्मचारी भवेन्नित्यं न पत्नीमपि संश्रयेत् ।

jiteṁdriyo jitakrodhastattvajñānaviciṁtakaḥ brahmacārī bhavennityaṁ na patnīmapi saṁśrayet

इंद्रियविजयी, क्रोधविजयी, तत्त्वज्ञान का चिंतन करने वाला, उसे सदा ब्रह्मचारी रहना चाहिए, अपनी पत्नी का भी आश्रय न ले।

श्लोक 17 (padma.3.58.17)

यस्तु पत्न्या वनं गत्वा मैथुनं कामतश्चरेत् । तद्व्रतं तस्य लुप्येत प्रायश्चित्तीयते द्विजः ।

yastu patnyā vanaṁ gatvā maithunaṁ kāmataścaret tadvrataṁ tasya lupyeta prāyaścittīyate dvijaḥ

जो पत्नी सहित वन में जाकर इच्छावश मैथुन करता है, उसका व्रत भंग हो जाता है, और उस द्विज को प्रायश्चित्त करना पड़ता है।

श्लोक 18 (padma.3.58.18)

तत्र यो जायते गर्भो न स स्पृश्यो द्विजातिभिः । न हि वेदेधिकारोस्य तद्वंशेप्येवमेव हि ।

tatra yo jāyate garbho na sa spṛśyo dvijātibhiḥ na hi vededhikārosya tadvaṁśepyevameva hi

वहाँ जो गर्भ उत्पन्न होता है, वह द्विजों द्वारा स्पर्श करने योग्य नहीं है; उसका वेद में कोई अधिकार नहीं होता, और उसके वंश में भी यही स्थिति बनी रहती है।

श्लोक 19 (padma.3.58.19)

भूमौ शयीत सततं सावित्रीजप्यतत्परः । शरण्यः सर्वभूतानां सद्विभागपरः सदा ।

bhūmau śayīta satataṁ sāvitrījapyatatparaḥ śaraṇyaḥ sarvabhūtānāṁ sadvibhāgaparaḥ sadā

उसे सदा भूमि पर सोना चाहिए, सावित्री-जप में तत्पर रहना चाहिए। वह समस्त प्राणियों की शरण हो, और सदा उचित वितरण में तत्पर रहे।

श्लोक 20 (padma.3.58.20)

परिवादं मृषावादं निद्रालस्ये च वर्जयेत् । एकाग्निरनिकेतः स्यात्प्रोक्षितां भूमिमाश्रयेत् ।

parivādaṁ mṛṣāvādaṁ nidrālasye ca varjayet ekāgniraniketaḥ syātprokṣitāṁ bhūmimāśrayet

निंदा, असत्य-भाषण, निद्रा तथा आलस्य का त्याग करे। वह एकाग्नि, गृहरहित हो, और शुद्ध की गई भूमि का आश्रय ले।

श्लोक 21 (padma.3.58.21)

मृगैः सह चरेद्दांतस्तैः सहैव च संवसेत् । शिलायां शर्करायां वा शयीत सुसमाहितः ।

mṛgaiḥ saha careddāṁtastaiḥ sahaiva ca saṁvaset śilāyāṁ śarkarāyāṁ vā śayīta susamāhitaḥ

संयमी होकर वह मृगों के साथ विचरण करे, और उन्हीं के साथ निवास करे। शिला पर या कंकड़ों पर पूर्ण एकाग्रचित्त होकर सोए।

श्लोक 22 (padma.3.58.22)

सद्यः प्रक्षालको वा स्यान्माससंचयिकोपि वा । षण्मासनिचयो वापि समानिचय एव वा ।

sadyaḥ prakṣālako vā syānmāsasaṁcayikopi vā ṣaṇmāsanicayo vāpi samānicaya eva vā

वह दैनिक भोजन-संग्राहक हो सकता है, या एक मास के लिए संग्रह करने वाला भी; अथवा छह मास के लिए, या पूरे वर्ष के लिए भी संग्रह करने वाला।

श्लोक 23 (padma.3.58.23)

नक्तं चान्नं समश्नीयाद्दिवा चाहृत्य शक्तितः । चतुर्थकालको वा स्यात्किं वाप्यष्टमकालिकः ।

naktaṁ cānnaṁ samaśnīyāddivā cāhṛtya śaktitaḥ caturthakālako vā syātkiṁ vāpyaṣṭamakālikaḥ

वह दिन में सामर्थ्यानुसार लाया हुआ अन्न रात्रि में ही खाए; अथवा चौथे समय पर, या आठवें समय पर ही भोजन करे।

श्लोक 24 (padma.3.58.24)

चांद्रायणविधानैर्वा शुक्लेकृष्णे च वर्जयेत् । पक्षेपक्षे समश्नीयाद्यवागूं क्वथितां सकृत् ।

cāṁdrāyaṇavidhānairvā śuklekṛṣṇe ca varjayet pakṣepakṣe samaśnīyādyavāgūṁ kvathitāṁ sakṛt

अथवा चांद्रायण-विधि से शुक्ल और कृष्ण पक्षों में त्याग करे; पक्ष-पक्ष में एक बार उबला हुआ यवागू (जौ का पेय) खाए।

श्लोक 25 (padma.3.58.25)

पुष्पमूलफलैर्वापि केवलैर्वर्तयेत्सदा । स्वाभाविकैः स्वयंशीर्णैर्वैखानसमते स्थितः ।

puṣpamūlaphalairvāpi kevalairvartayetsadā svābhāvikaiḥ svayaṁśīrṇairvaikhānasamate sthitaḥ

अथवा केवल पुष्प, मूल और फल पर ही सदा निर्वाह करे — स्वाभाविक रूप से स्वयं गिरे हुए, वैखानस मत में स्थित रहते हुए।

श्लोक 26 (padma.3.58.26)

भूमौ वा परिवर्तेत तिष्ठेद्वा प्रपदैर्दिनम् । स्थानासनाभ्यां विहरेन्न क्वचिद्धैर्य्यमुत्सृजेत् ।

bhūmau vā parivarteta tiṣṭhedvā prapadairdinam sthānāsanābhyāṁ viharenna kvaciddhairyyamutsṛjet

वह भूमि पर लोट सकता है, या पूरे दिन पंजों के बल खड़ा रह सकता है। स्थान और आसन में बदलाव करते हुए विहार करे, परंतु कहीं भी धैर्य न त्यागे।

श्लोक 27 (padma.3.58.27)

ग्रीष्मे पंचतपाश्च स्याद्वर्षास्वभ्रावकाशिकः । आर्द्रवासाश्च हेमंते क्रमशो वर्द्धयेत्तपः ।

grīṣme paṁcatapāśca syādvarṣāsvabhrāvakāśikaḥ ārdravāsāśca hemaṁte kramaśo varddhayettapaḥ

ग्रीष्म में पंचाग्नि-तप करे, वर्षा ऋतु में आकाश के नीचे खुले स्थान में रहे, हेमंत में गीले वस्त्र पहने — इस प्रकार क्रमशः तप को बढ़ाता जाए।

श्लोक 28 (padma.3.58.28)

उपस्पृशेत्त्रिषवणं पितृदेवांश्च तर्पयेत् । एकपादेन तिष्ठेत मरीचिं वा पिबेत्सदा ।

upaspṛśettriṣavaṇaṁ pitṛdevāṁśca tarpayet ekapādena tiṣṭheta marīciṁ vā pibetsadā

उसे दिन में तीन बार आचमन करना चाहिए, और पितरों-देवताओं को तर्पण देना चाहिए। वह एक पैर पर खड़ा रह सकता है, अथवा सदा केवल प्रकाश-किरणों पर ही निर्वाह कर सकता है।

श्लोक 29 (padma.3.58.29)

पंचाग्निधूमगो वा स्यादूष्मगः सोमपोपि वा । पयः पिबेच्छुक्लपक्षे कृष्णपक्षे तु गोमयम् ।

paṁcāgnidhūmago vā syādūṣmagaḥ somapopi vā payaḥ pibecchuklapakṣe kṛṣṇapakṣe tu gomayam

वह पंचाग्नि के धुएँ में रह सकता है, अथवा उष्ण-सहन कर सकता है, अथवा सोमपान कर सकता है। शुक्लपक्ष में दूध पिए, कृष्णपक्ष में गोमय-जल।

श्लोक 30 (padma.3.58.30)

शीर्णपर्णाशनो वा स्यात्कृच्छ्रैर्वा वर्तयेत्सदा । योगाभ्यासरतश्च स्याद्रुद्राध्यायी भवेत्सदा ।

śīrṇaparṇāśano vā syātkṛcchrairvā vartayetsadā yogābhyāsarataśca syādrudrādhyāyī bhavetsadā

वह सूखे पत्तों पर निर्वाह कर सकता है, या सदा कठोर व्रतों से जीवन-यापन कर सकता है। वह योगाभ्यास में रत रहे, और सदा रुद्राध्याय का पाठ करे।

श्लोक 31 (padma.3.58.31)

अथर्वशिरसोध्येता वेदांताभ्यासतत्परः । यमान्सेवेत सततं नियमांश्चाप्यतंद्रितः ।

atharvaśirasodhyetā vedāṁtābhyāsatatparaḥ yamānseveta satataṁ niyamāṁścāpyataṁdritaḥ

वह अथर्वशिरस् उपनिषद् का अध्येता हो, वेदांत के अभ्यास में तत्पर हो। वह सतत यमों का, और आलस्यरहित होकर नियमों का भी पालन करे।

श्लोक 32 (padma.3.58.32)

अथ चाग्नीन्समारोप्य स्वात्मनि ध्यानतत्परः ।

atha cāgnīnsamāropya svātmani dhyānatatparaḥ

फिर अपनी अग्नियों को अपने ही आत्मा में समारोपित करके, ध्यान में तत्पर होकर —

श्लोक 33 (padma.3.58.33)

अनग्निरनिकेतो वा मुनिर्मोक्षपरो भवेत् । तापसेष्वेव विप्रेषु यात्रिकं भैक्षमाहरेत् ।

anagniraniketo vā munirmokṣaparo bhavet tāpaseṣveva vipreṣu yātrikaṁ bhaikṣamāharet

अग्निरहित और गृहरहित होकर मुनि को मोक्ष में तत्पर हो जाना चाहिए। यात्री-भिक्षा केवल तपस्वी ब्राह्मणों से ही लेनी चाहिए,

श्लोक 34 (padma.3.58.34)

गृहमेधिषु चान्येषु द्विजेषु वनचारिषु । ग्रामादाहृत्य चाश्नीयादष्टौ ग्रासान्वने वसन् ।

gṛhamedhiṣu cānyeṣu dvijeṣu vanacāriṣu grāmādāhṛtya cāśnīyādaṣṭau grāsānvane vasan

तथा वन में विचरण करने वाले अन्य गृहस्थ द्विजों से भी। गाँव से भोजन लाकर, वन में निवास करते हुए, केवल आठ ग्रास ही खाए।

श्लोक 35 (padma.3.58.35)

प्रतिगृह्य पुटेनैव पाणिना शकलेन वा । विविधाश्चोपनिषद आत्मसंसिद्धये जपेत् ।

pratigṛhya puṭenaiva pāṇinā śakalena vā vividhāścopaniṣada ātmasaṁsiddhaye japet

उसे पत्ते के दोने में, हाथ की अंजलि में, या किसी टुकड़े में भोजन ग्रहण करना चाहिए। उसे आत्म-सिद्धि के लिए विविध उपनिषदों का जप करना चाहिए।

श्लोक 36 (padma.3.58.36)

विद्याविशेषान्सावित्रीं रुद्राध्यायं तथैव च । महाप्रस्थानिकं वासौ कुर्य्यादनशनं तथा । अग्निप्रवेशमन्यद्वा ब्रह्मार्पणविधौ स्थितः ।

vidyāviśeṣānsāvitrīṁ rudrādhyāyaṁ tathaiva ca mahāprasthānikaṁ vāsau kuryyādanaśanaṁ tathā agnipraveśamanyadvā brahmārpaṇavidhau sthitaḥ

विशेष विद्याओं, सावित्री तथा रुद्राध्याय का भी पाठ करे। अथवा वह महाप्रस्थान (मृत्युपर्यंत यात्रा) कर सकता है, अनशन (उपवास से प्राण-त्याग) भी, या अग्निप्रवेश भी — ब्रह्मार्पण की विधि में स्थित रहते हुए।