कृष्णजन्माष्टमी व्रत माहात्म्य

श्लोक 1 (padma.4.13.1)

शौनक उवाच । कृष्णजन्माष्टमी सूत तस्या माहात्म्यमुत्तमम् । कथयस्व महाप्राज्ञ चोद्धरस्व महार्णवात् ।

śaunaka uvāca kṛṣṇajanmāṣṭamī sūta tasyā māhātmyamuttamam kathayasva mahāprājña coddharasva mahārṇavāt

शौनक बोले — हे सूत, कृष्ण-जन्माष्टमी की उत्तम महिमा मुझे बताइए, हे महाप्राज्ञ, और मुझे इस महासागर (संसार) से उद्धार कीजिए।

श्लोक 2 (padma.4.13.2)

सूत उवाच । कृष्णजन्माष्टमीं ब्रह्मन्भक्त्या करोति यो नरः । अंते विष्णुपुरं याति कुलकोटियुतो द्विज ।

sūta uvāca kṛṣṇajanmāṣṭamīṁ brahmanbhaktyā karoti yo naraḥ aṁte viṣṇupuraṁ yāti kulakoṭiyuto dvija

सूत बोले — हे ब्रह्मन्, जो मनुष्य भक्तिपूर्वक कृष्ण-जन्माष्टमी करता है, वह अंत में अपने कुल की करोड़ों पीढ़ियों सहित विष्णुलोक को जाता है।

श्लोक 3 (padma.4.13.3)

अष्टमी बुधवारे च सोमे चैव द्विजोत्तम । रोहिणीऋक्षसंयुक्ता कुलकोटिविमुक्तिदा ।

aṣṭamī budhavāre ca some caiva dvijottama rohiṇīṛkṣasaṁyuktā kulakoṭivimuktidā

जब अष्टमी बुधवार या सोमवार को, हे द्विजोत्तम, रोहिणी नक्षत्र से युक्त हो, तो वह अपने कुल की करोड़ों पीढ़ियों को मुक्ति देने वाली होती है।

श्लोक 4 (padma.4.13.4)

महापातकसंयुक्तः करोति व्रतमुत्तमम् । सर्वपापविनिर्मुक्तश्चांते याति हरेर्गृहम् ।

mahāpātakasaṁyuktaḥ karoti vratamuttamam sarvapāpavinirmuktaścāṁte yāti harergṛham

महापातकों से युक्त मनुष्य भी यह उत्तम व्रत करके सब पापों से मुक्त हो जाता है और अंत में हरि के धाम को जाता है।

श्लोक 5 (padma.4.13.5)

कृष्णजन्माष्टमीं ब्रह्मन्न करोति नराधमः । इह दुःखमवाप्नोति स प्रेत्य नरकं व्रजेत् ।

kṛṣṇajanmāṣṭamīṁ brahmanna karoti narādhamaḥ iha duḥkhamavāpnoti sa pretya narakaṁ vrajet

हे ब्रह्मन्, जो नराधम कृष्ण-जन्माष्टमी नहीं करता, वह यहाँ दुःख पाता है और मरने के बाद नरक को जाता है।

श्लोक 6 (padma.4.13.6)

न करोति च या नारी कृष्णजन्माष्टमीव्रतम् । वर्षे वर्षे तु सा मूढा नरकं याति दारुणम् ।

na karoti ca yā nārī kṛṣṇajanmāṣṭamīvratam varṣe varṣe tu sā mūḍhā narakaṁ yāti dāruṇam

जो स्त्री कृष्ण-जन्माष्टमी व्रत नहीं करती, वह मूढ़ा वर्ष-वर्ष भयंकर नरक को जाती है।

श्लोक 7 (padma.4.13.7)

जन्माष्टमीदिने यो वै नरोऽश्नाति विमूढधीः । महानरकमश्नाति सत्यं सत्यं वदाम्यहम् ।

janmāṣṭamīdine yo vai naro'śnāti vimūḍhadhīḥ mahānarakamaśnāti satyaṁ satyaṁ vadāmyaham

जन्माष्टमी के दिन जो मूढ़बुद्धि मनुष्य भोजन करता है, वह मानो महानरक का ही भोजन करता है — मैं सत्य, सत्य ही कहता हूँ।

श्लोक 8 (padma.4.13.8)

दिलीपेन पुरा पृष्टो वसिष्ठो मुनिसत्तमः । तच्छृणुष्व महाप्राज्ञ सर्वपातकनाशनम् ।

dilīpena purā pṛṣṭo vasiṣṭho munisattamaḥ tacchṛṇuṣva mahāprājña sarvapātakanāśanam

पूर्वकाल में दिलीप ने मुनिश्रेष्ठ वसिष्ठ से यह पूछा था; हे महाप्राज्ञ, समस्त पापों का नाश करने वाला वह वृत्तांत सुनो।

श्लोक 9 (padma.4.13.9)

दिलीप उवाच । भाद्रे मास्यसिताष्टम्यां यस्यां जातो जनार्द्दनः । तदहं श्रोतुमिच्छामि कथयस्व महामुने ।

dilīpa uvāca bhādre māsyasitāṣṭamyāṁ yasyāṁ jāto janārddanaḥ tadahaṁ śrotumicchāmi kathayasva mahāmune

दिलीप बोले — भाद्रपद मास की कृष्ण अष्टमी को, जिस दिन जनार्दन का जन्म हुआ, वह मैं सुनना चाहता हूँ, हे महामुने, बताइए।

श्लोक 10 (padma.4.13.10)

कथं वा भगवान्जातः शंखचक्रगदाधरः । देवकीजठरे विष्णुः किं कर्तुं केन हेतुना ।

kathaṁ vā bhagavānjātaḥ śaṁkhacakragadādharaḥ devakījaṭhare viṣṇuḥ kiṁ kartuṁ kena hetunā

शंख, चक्र, गदा धारण करने वाले भगवान का जन्म कैसे हुआ? किस लिए और किस कारण विष्णु ने देवकी के गर्भ में जन्म लिया?

श्लोक 11 (padma.4.13.11)

वसिष्ठ उवाच । शृणु राजन्प्रवक्ष्यामि कस्माज्जातो जनार्द्दनः । पृथिव्यां त्रिदिवं त्यक्त्वा भवते कथयाम्यहम् ।

vasiṣṭha uvāca śṛṇu rājanpravakṣyāmi kasmājjāto janārddanaḥ pṛthivyāṁ tridivaṁ tyaktvā bhavate kathayāmyaham

वसिष्ठ बोले — हे राजन्, सुनो, मैं बताता हूँ कि जनार्दन ने त्रिलोक (स्वर्ग) को छोड़कर पृथ्वी पर किस कारण जन्म लिया; मैं तुम्हें कहता हूँ।

श्लोक 12 (padma.4.13.12)

पुरा वसुंधरा ह्यासीत्कंसादिनृपपीडिता । स्वाधिकारप्रमत्तेन कंसदूतेन ताडिता ।

purā vasuṁdharā hyāsītkaṁsādinṛpapīḍitā svādhikārapramattena kaṁsadūtena tāḍitā

पूर्वकाल में यह पृथ्वी कंस आदि राजाओं से पीड़ित थी, अपने अधिकार में उन्मत्त कंस के दूत द्वारा प्रताड़ित थी।

श्लोक 13 (padma.4.13.13)

क्रंदती क्रंदती सा तु ययौ घूर्णितलोचना । यत्र तिष्ठति देवेश उमाकांतो वृषध्वजः ।

kraṁdatī kraṁdatī sā tu yayau ghūrṇitalocanā yatra tiṣṭhati deveśa umākāṁto vṛṣadhvajaḥ

रोती-रोती, नेत्र घुमाती हुई वह वहाँ गई जहाँ देवेश, उमाकांत, वृषभध्वज (शिव) विराजमान थे —

श्लोक 14 (padma.4.13.14)

कंसेन ताडिता नाथ इति तस्मै निवेदितुम् । बाष्पवारीणि वर्षंति विवर्णा साविमानिता ।

kaṁsena tāḍitā nātha iti tasmai niveditum bāṣpavārīṇi varṣaṁti vivarṇā sāvimānitā

— यह निवेदन करने के लिए कि "हे नाथ, मैं कंस द्वारा प्रताड़ित हुई हूँ" — आँसू बहाती, फीके रंग में, अपमानित।

श्लोक 15 (padma.4.13.15)

क्रंदंतीं तां समालोक्य कोपेन स्फुरिताधरः । उमयासहितः सर्वैर्देववृंदैरनुव्रतः ।

kraṁdaṁtīṁ tāṁ samālokya kopena sphuritādharaḥ umayāsahitaḥ sarvairdevavṛṁdairanuvrataḥ

उसे रोती हुई देखकर, क्रोध से होंठ फड़फड़ाते हुए, उमा सहित और समस्त देवगणों से घिरे —

श्लोक 16 (padma.4.13.16)

आजगाम महादेवो विधातृभवनं रुषा । गत्वा चोवाच ब्रह्माणं कंसध्वंसनहेतवे ।

ājagāma mahādevo vidhātṛbhavanaṁ ruṣā gatvā covāca brahmāṇaṁ kaṁsadhvaṁsanahetave

— महादेव क्रोधपूर्वक विधाता (ब्रह्मा) के भवन को गए। जाकर उन्होंने कंस के विनाश के लिए ब्रह्मा से कहा —

श्लोक 17 (padma.4.13.17)

उपायः सृज्यतां ब्रह्मन्भवता विष्णुना सह । ऐश्वरं तद्वचः श्रुत्वा गंतुं प्राह कृतात्मभूः ।

upāyaḥ sṛjyatāṁ brahmanbhavatā viṣṇunā saha aiśvaraṁ tadvacaḥ śrutvā gaṁtuṁ prāha kṛtātmabhūḥ

"हे ब्रह्मन्, आप विष्णु के साथ मिलकर कोई उपाय रचिए।" उस ईश्वर के वचन सुनकर, स्वयंभू ब्रह्मा जाने के लिए कहकर —

श्लोक 18 (padma.4.13.18)

क्षीरोदे यत्र वैकुंठः सुप्तोऽस्ति भुजगोपरि । हंसपृष्ठं समारुह्य हरेरंतिकमाययौ ।

kṣīrode yatra vaikuṁṭhaḥ supto'sti bhujagopari haṁsapṛṣṭhaṁ samāruhya hareraṁtikamāyayau

— जहाँ क्षीरसागर में वैकुंठ (विष्णु) शेषनाग पर शयन कर रहे थे, हंस पर सवार होकर हरि के समीप पहुँचे।

श्लोक 19 (padma.4.13.19)

तत्र गत्वा च तं धाता देववृंदैर्हरादिभिः । संयुक्तः स्तूयते वाग्भिः कोमलं वाग्विदांवरः ।

tatra gatvā ca taṁ dhātā devavṛṁdairharādibhiḥ saṁyuktaḥ stūyate vāgbhiḥ komalaṁ vāgvidāṁvaraḥ

वहाँ जाकर वे धाता (ब्रह्मा), हर आदि देवगणों से युक्त होकर, वाणी में निपुणों में श्रेष्ठ होकर, कोमल वाणी से स्तुति करने लगे —

श्लोक 20 (padma.4.13.20)

नमः कमलनेत्राय हरये परमात्मने । जगतः पालयित्रे च लक्ष्मीकांत नमोऽस्तु ते ।

namaḥ kamalanetrāya haraye paramātmane jagataḥ pālayitre ca lakṣmīkāṁta namo'stu te

"कमलनेत्र, परमात्मा हरि को नमस्कार। जगत का पालन करने वाले, हे लक्ष्मीकांत, आपको नमस्कार हो।"

श्लोक 21 (padma.4.13.21)

इति तेभ्यः स्तुतिं श्रुत्वा प्रत्युवाच जनार्द्दनः । देवान्क्लिष्टमुखान्सर्वान्भवद्भिरागतं कथम् ।

iti tebhyaḥ stutiṁ śrutvā pratyuvāca janārddanaḥ devānkliṣṭamukhānsarvānbhavadbhirāgataṁ katham

उनकी यह स्तुति सुनकर जनार्दन ने उत्तर दिया — "आप सब देवगण, मलिन मुख लिए, यहाँ कैसे आए हैं?"

श्लोक 22 (padma.4.13.22)

ब्रह्मोवाच । शृणु देव जगन्नाथ यस्मादस्माकमागतम् । कथयामि सुरश्रेष्ठ तदहं लोकभावन ।

brahmovāca śṛṇu deva jagannātha yasmādasmākamāgatam kathayāmi suraśreṣṭha tadahaṁ lokabhāvana

ब्रह्मा बोले — "हे देव, हे जगन्नाथ, सुनिए, हम क्यों आए हैं; मैं बताता हूँ, हे सुरश्रेष्ठ, हे लोकों के पालनकर्ता।

श्लोक 23 (padma.4.13.23)

शूलिदत्तवरोन्मत्तः कंसो राजा दुरासदः । वसुधा ताडिता तेन करघातेन पीडिता ।

śūlidattavaronmattaḥ kaṁso rājā durāsadaḥ vasudhā tāḍitā tena karaghātena pīḍitā

शिव द्वारा दिए गए वर से उन्मत्त, दुर्जेय राजा कंस ने अपने हाथ के प्रहार से पृथ्वी को ताड़ित और पीड़ित किया है।

श्लोक 24 (padma.4.13.24)

वरं दत्वा पुराप्यग्रे मायया तु प्रवंचितः । भागिनेयं विना शंभो मरणं भविता न मे ।

varaṁ datvā purāpyagre māyayā tu pravaṁcitaḥ bhāgineyaṁ vinā śaṁbho maraṇaṁ bhavitā na me

पहले वर देकर, शिव स्वयं माया से ठगे गए — 'भांजे के अतिरिक्त मेरी मृत्यु नहीं होगी' (ऐसा वर पाकर कंस उन्मत्त हो गया)।

श्लोक 25 (padma.4.13.25)

तस्माद्गच्छ स्वयं देव कंसं हंतुं दुरासदम् । देवकीजठरे जन्म लब्ध्वा गत्वा च गोकुलम् ।

tasmādgaccha svayaṁ deva kaṁsaṁ haṁtuṁ durāsadam devakījaṭhare janma labdhvā gatvā ca gokulam

इसलिए, हे देव, आप स्वयं जाकर उस दुर्जेय कंस का वध कीजिए; देवकी के गर्भ में जन्म लेकर, फिर गोकुल जाकर —"

श्लोक 26 (padma.4.13.26)

ब्रह्मणा प्रेरितो देवः प्रत्युवाच च शूलिनम् । पार्वतीं देहि देवेश अब्दं स्थित्वा गमिष्यति ।

brahmaṇā prerito devaḥ pratyuvāca ca śūlinam pārvatīṁ dehi deveśa abdaṁ sthitvā gamiṣyati

ब्रह्मा से प्रेरित होकर भगवान ने त्रिशूलधारी शिव से कहा — "हे देवेश, पार्वती को दीजिए; एक वर्ष रहकर मैं जाऊँगा —

श्लोक 27 (padma.4.13.27)

उमया रक्षया सार्द्धं शंखचक्रगदाधरः । उद्दिश्य मथुरां चक्रे प्रयाणं कमलासनः ।

umayā rakṣayā sārddhaṁ śaṁkhacakragadādharaḥ uddiśya mathurāṁ cakre prayāṇaṁ kamalāsanaḥ

— उमा की रक्षा के साथ।" शंख-चक्र-गदाधारी वे मथुरा की ओर उद्देश्य कर प्रस्थान कर गए।

श्लोक 28 (padma.4.13.28)

देवकीजठरे जन्म लेभे तत्र गदाधरः । यशोदाकुक्षिमध्यास्ते शर्वाणी मृगलोचना ।

devakījaṭhare janma lebhe tatra gadādharaḥ yaśodākukṣimadhyāste śarvāṇī mṛgalocanā

वहाँ गदाधर ने देवकी के गर्भ में जन्म लिया; और मृगनयनी शर्वाणी (पार्वती) यशोदा के गर्भ में प्रविष्ट हुईं।

श्लोक 29 (padma.4.13.29)

नवमासांश्च विश्रम्य कुक्षौ नवदिनांतकान् । भाद्रे मास्यसिते पक्षे चाष्टमीसंज्ञका तिथिः ।

navamāsāṁśca viśramya kukṣau navadināṁtakān bhādre māsyasite pakṣe cāṣṭamīsaṁjñakā tithiḥ

नौ महीने और नौ दिन तक गर्भ में विश्राम कर, भाद्रपद मास के कृष्ण पक्ष में अष्टमी नामक तिथि पर —

श्लोक 30 (padma.4.13.30)

रोहिणीतारकायुक्ता रजनीघनघोषिता । तस्यां जातो जगन्नाथः कंसारिर्वसुदेवजः ।

rohiṇītārakāyuktā rajanīghanaghoṣitā tasyāṁ jāto jagannāthaḥ kaṁsārirvasudevajaḥ

— रोहिणी तारे से युक्त, गहरी घोर रात्रि में, उस समय वसुदेव के पुत्र, कंस के शत्रु, जगन्नाथ का जन्म हुआ।

श्लोक 31 (padma.4.13.31)

वैराटी नंदपत्नी च यशोदाऽजीजनत्सुताम् । पुत्रं पद्मकरं पद्मनाभं पद्मदलेक्षणम् ।

vairāṭī naṁdapatnī ca yaśodā'jījanatsutām putraṁ padmakaraṁ padmanābhaṁ padmadalekṣaṇam

और नंद की पत्नी वैराटी यशोदा ने एक पुत्री को जन्म दिया — कमल-सम हाथों वाला, कमलनाभि, कमल-दल के समान नेत्रों वाला पुत्र देवकी से जन्मा।

श्लोक 32 (padma.4.13.32)

तदा हर्षितुमारेभे दृष्ट्वा ह्यानकदुंदुभिः । कंसासुरभयत्रस्ता प्रोवाच देवकी तदा ।

tadā harṣitumārebhe dṛṣṭvā hyānakaduṁdubhiḥ kaṁsāsurabhayatrastā provāca devakī tadā

उसे देखकर आनकदुंदुभि (वसुदेव) हर्षित होने लगे। तब कंस-भय से त्रस्त देवकी ने कहा —

श्लोक 33 (padma.4.13.33)

वैराटीं गच्छ भो नाथ सुतं प्रत्यर्पितं किल । पुत्रं दत्वा यशोदायै सुतां तस्याः समानय ।

vairāṭīṁ gaccha bho nātha sutaṁ pratyarpitaṁ kila putraṁ datvā yaśodāyai sutāṁ tasyāḥ samānaya

"हे नाथ, वैराटी (यशोदा) के पास जाइए; पुत्र को कन्या से बदल दीजिए। यशोदा को पुत्र देकर उसकी पुत्री को ले आइए।"

श्लोक 34 (padma.4.13.34)

तस्या वचः समाकर्ण्य वसुदेवोऽपि दुःखितः । अंके कुमारमादाय वैराट्यभिमुखंययौ ।

tasyā vacaḥ samākarṇya vasudevo'pi duḥkhitaḥ aṁke kumāramādāya vairāṭyabhimukhaṁyayau

उसका यह वचन सुनकर वसुदेव भी दुखी होकर, कुमार को गोद में लेकर वैराटी की ओर चल पड़े।

श्लोक 35 (padma.4.13.35)

यमुनाजलसंपूर्णा तत्पथे मध्यवर्त्मनि । आसीद्घोरा महादीर्घा गम्भीरोदकपूरभाक् ।

yamunājalasaṁpūrṇā tatpathe madhyavartmani āsīdghorā mahādīrghā gambhīrodakapūrabhāk

मार्ग के बीच में, यमुना का जल पूर्ण भरा हुआ था — घोर, अत्यंत लंबा, गहरे जल से भरा हुआ।

श्लोक 36 (padma.4.13.36)

एवं दृष्ट्वा तटे स्थित्वा यमुनामवलोकयन् । वसुदेवोऽपि दुःखार्तो विललापातिचिंतया ।

evaṁ dṛṣṭvā taṭe sthitvā yamunāmavalokayan vasudevo'pi duḥkhārto vilalāpāticiṁtayā

यह देखकर, तट पर खड़े होकर यमुना को देखते हुए, वसुदेव भी दुःखातुर होकर अत्यंत चिंता से विलाप करने लगे —

श्लोक 37 (padma.4.13.37)

किं करोमि क्व गच्छामि विधिनापि हि वंचितः । कथमत्र गमिष्यामि वैराटीं नंदमंदिरम् ।

kiṁ karomi kva gacchāmi vidhināpi hi vaṁcitaḥ kathamatra gamiṣyāmi vairāṭīṁ naṁdamaṁdiram

"मैं क्या करूँ, कहाँ जाऊँ? विधि ने भी मुझे ठग लिया है। मैं यहाँ से वैराटी के, नंद के भवन तक कैसे जाऊँगा?"

श्लोक 38 (padma.4.13.38)

हरिणा तत्र सानंदं मायया वंचितः पिता । क्षणमात्रं तटे स्थित्वा यमुनामवलोकयन् ।

hariṇā tatra sānaṁdaṁ māyayā vaṁcitaḥ pitā kṣaṇamātraṁ taṭe sthitvā yamunāmavalokayan

वहाँ हरि की माया से ठगे गए पिता आनंदपूर्वक क्षणभर तट पर खड़े होकर यमुना को निहारते रहे।

श्लोक 39 (padma.4.13.39)

तेन दृष्टा पुनः सापि क्षणाज्जानुवहाभवत् । तां दृष्ट्वा हृष्ट उत्तस्थौ प्रस्थानमकरोद्यथा ।

tena dṛṣṭā punaḥ sāpi kṣaṇājjānuvahābhavat tāṁ dṛṣṭvā hṛṣṭa uttasthau prasthānamakarodyathā

उनके देखते ही देखते वह (यमुना) क्षणभर में घुटनों तक उथली हो गई। उसे देखकर हर्षित होकर वे उठे और आगे बढ़ने लगे।

श्लोक 40 (padma.4.13.40)

मायां कृत्वा जगन्नाथः पितुरंकाज्जलेऽपतत् । तं पुत्रं पतितं दृष्ट्वा हाहाकृत्वा सुदुःखितः ।

māyāṁ kṛtvā jagannāthaḥ pituraṁkājjale'patat taṁ putraṁ patitaṁ dṛṣṭvā hāhākṛtvā suduḥkhitaḥ

तभी माया रचकर जगन्नाथ पिता की गोद से जल में गिर पड़े। पुत्र को गिरा हुआ देखकर, हाहाकार करते हुए, अत्यंत दुखी होकर —

श्लोक 41 (padma.4.13.41)

महोपायं पुनः कर्तुं विधिना तेन वंचितः । त्राहि मां जगतां नाथ सुतं रक्ष सुरोत्तम ।

mahopāyaṁ punaḥ kartuṁ vidhinā tena vaṁcitaḥ trāhi māṁ jagatāṁ nātha sutaṁ rakṣa surottama

— विधि द्वारा पुनः इस प्रकार ठगे गए वसुदेव ने कहा — "हे जगत के नाथ, मेरी रक्षा कीजिए; हे सुरोत्तम, मेरे पुत्र की रक्षा कीजिए!"

श्लोक 42 (padma.4.13.42)

जनकक्रंदितं दृष्ट्वा कंसारिः कृपया मुहुः । जलक्रीडां समाचर्य पितुःक्रोडमगात्पुनः ।

janakakraṁditaṁ dṛṣṭvā kaṁsāriḥ kṛpayā muhuḥ jalakrīḍāṁ samācarya pituḥkroḍamagātpunaḥ

पिता का विलाप देखकर, कंस के शत्रु ने बार-बार कृपा करते हुए, जल में कुछ क्षण क्रीड़ा कर फिर से पिता की गोद में आ गए।

श्लोक 43 (padma.4.13.43)

यथा तेन यदुश्रेष्ठो जगाम नंदमंदिरम् । सुतं दत्त्वा यशोदायै सुतां तस्याः समानयत् ।

yathā tena yaduśreṣṭho jagāma naṁdamaṁdiram sutaṁ dattvā yaśodāyai sutāṁ tasyāḥ samānayat

इस प्रकार वह यदुश्रेष्ठ (वसुदेव) नंद के भवन को गया; पुत्र यशोदा को देकर उसकी पुत्री को ले आया।

श्लोक 44 (padma.4.13.44)

निजागारं ततः प्राप्य पत्न्यै प्रत्यर्पिता सुता । देवकी च प्रसूतेति वार्ता प्राप्ता सुरारिणा ।

nijāgāraṁ tataḥ prāpya patnyai pratyarpitā sutā devakī ca prasūteti vārtā prāptā surāriṇā

फिर अपने घर पहुँचकर उस पुत्री को पत्नी (देवकी) को सौंप दिया। और देवकी के प्रसूत होने का समाचार देवशत्रु कंस को मिला।

श्लोक 45 (padma.4.13.45)

आनेतुं प्रस्थिता दूताः सुतं दुहितरं तदा । आगत्य कंसदूतास्ते सुतां नेतुं प्रचक्रमुः ।

ānetuṁ prasthitā dūtāḥ sutaṁ duhitaraṁ tadā āgatya kaṁsadūtāste sutāṁ netuṁ pracakramuḥ

तब उस पुत्री को लाने के लिए दूत भेजे गए। कंस के वे दूत आकर पुत्री को ले जाने लगे।

श्लोक 46 (padma.4.13.46)

बलादेनां समाकृष्य देवकी वसुदेवयोः । कंसदूतैर्गृहीत्वा सा अर्पिता तु सुरारये ।

balādenāṁ samākṛṣya devakī vasudevayoḥ kaṁsadūtairgṛhītvā sā arpitā tu surāraye

देवकी और वसुदेव से बलपूर्वक उसे खींचकर, कंस के दूतों ने उसे पकड़ लिया और देवशत्रु (कंस) को सौंप दिया।

श्लोक 47 (padma.4.13.47)

स धृत्वा तां महाराजः सभयोऽभूद्दुरासदः । शुद्धकांचनवर्णाभां पूर्णेंदुसदृशाननाम् ।

sa dhṛtvā tāṁ mahārājaḥ sabhayo'bhūddurāsadaḥ śuddhakāṁcanavarṇābhāṁ pūrṇeṁdusadṛśānanām

उस महाराज (कंस) ने, यद्यपि दुर्जेय था, उसे पकड़ते ही भयभीत हो गया — शुद्ध सुवर्ण के समान वर्ण वाली, पूर्णचंद्र के समान मुख वाली उस कन्या को देखकर।

श्लोक 48 (padma.4.13.48)

कंसो हसंतीं तां दृष्ट्वा विद्युत्स्फुरितलोचनाम् । आदिदेशासुरश्रेष्ठो जहि नीत्वा शिलोपरि ।

kaṁso hasaṁtīṁ tāṁ dṛṣṭvā vidyutsphuritalocanām ādideśāsuraśreṣṭho jahi nītvā śilopari

उसे हँसती हुई, बिजली-सी चमकते नेत्रों वाली देखकर, असुरश्रेष्ठ कंस ने आदेश दिया — "इसे ले जाकर पत्थर पर पटककर मार डालो!"

श्लोक 49 (padma.4.13.49)

आज्ञां लब्ध्वाऽसुरास्ते वै निष्पेष्टुं तां प्रवर्तिताः । विद्युच्छीघ्रतया गौरी जगाम शंकरांतिकम् ।

ājñāṁ labdhvā'surāste vai niṣpeṣṭuṁ tāṁ pravartitāḥ vidyucchīghratayā gaurī jagāma śaṁkarāṁtikam

आज्ञा पाकर वे असुर उसे कुचलने के लिए प्रवृत्त हुए। तब बिजली की गति से वह गौरी (देवी) शंकर के समीप चली गई।

श्लोक 50 (padma.4.13.50)

गौर्युवाच । शृणु राजन्प्रवक्ष्यामि यत्रास्ते शत्रुरुत्तमः । नंदस्य निलये गुप्तस्तव हंताऽसुरोत्तम ।

gauryuvāca śṛṇu rājanpravakṣyāmi yatrāste śatruruttamaḥ naṁdasya nilaye guptastava haṁtā'surottama

गौरी बोलीं — "हे राजन् (कंस), सुनो, मैं बताती हूँ कि तुम्हारा परम शत्रु कहाँ है — हे असुरश्रेष्ठ, तुम्हारा वधकर्ता नंद के घर में छिपा हुआ है।"

श्लोक 51 (padma.4.13.51)

वसिष्ठ उवाच । एवमुक्त्वा तु सा देवी जगाम निजमंदिरम् । श्रुत्वा वाक्यं ततो देव्याः कंसो राजा सुदुःखितः ।

vasiṣṭha uvāca evamuktvā tu sā devī jagāma nijamaṁdiram śrutvā vākyaṁ tato devyāḥ kaṁso rājā suduḥkhitaḥ

वसिष्ठ बोले — यह कहकर वह देवी अपने भवन को चली गईं। देवी के वचन सुनकर राजा कंस अत्यंत दुखी हुआ,

श्लोक 52 (padma.4.13.52)

भगिनीं पूतनामाह गच्छ त्वं नंदमंदिरम् । छद्मना तं सुतं हत्वा गच्छ ते वांच्छितं बहु ।

bhaginīṁ pūtanāmāha gaccha tvaṁ naṁdamaṁdiram chadmanā taṁ sutaṁ hatvā gaccha te vāṁcchitaṁ bahu

और उसने अपनी बहन पूतना से कहा — "तुम नंद के भवन जाओ; छल से उस पुत्र को मारकर आओ, तुम्हारी बहुत-सी इच्छाएँ —

श्लोक 53 (padma.4.13.53)

दास्यामि शत्रुं हंतुं मे व्रज शीघ्रतरं शुभे । आज्ञां प्राप्य राक्षसी सा गोकुलाभिमुखं गता ।

dāsyāmi śatruṁ haṁtuṁ me vraja śīghrataraṁ śubhe ājñāṁ prāpya rākṣasī sā gokulābhimukhaṁ gatā

— मैं पूर्ण करूँगा, अपने शत्रु के वध के बदले में; हे शुभे, शीघ्र जाओ।" आज्ञा पाकर वह राक्षसी गोकुल की ओर गई।

श्लोक 54 (padma.4.13.54)

मायया सुंदरी रूपा प्रविष्टा तत्र गोकुले । पयोधरे गरं सा तु धृत्वा हंतुमुपागता ।

māyayā suṁdarī rūpā praviṣṭā tatra gokule payodhare garaṁ sā tu dhṛtvā haṁtumupāgatā

माया से सुंदर रूप धारण कर वह गोकुल में प्रविष्ट हुई। अपने स्तन पर विष लगाकर वह बालक को मारने आई —

श्लोक 55 (padma.4.13.55)

पशुपानां गृहद्वारि प्रविष्टालक्षितेति च । गत्वांतरुत्थाप्य शिशुं स्तनं दत्वापसद्गतिम् ।

paśupānāṁ gṛhadvāri praviṣṭālakṣiteti ca gatvāṁtarutthāpya śiśuṁ stanaṁ datvāpasadgatim

— गोपों के घर के द्वार में बिना पहचानी हुई प्रविष्ट होकर। भीतर जाकर उसने शिशु को उठाकर स्तनपान कराया, और स्वयं दुर्गति को प्राप्त हुई।

श्लोक 56 (padma.4.13.56)

ततस्तु शकटं क्षिप्त्वा तृणावर्तादिमर्दनम् । कालीयदमनं कृत्वा गतो मधुपुरीं ततः ।

tatastu śakaṭaṁ kṣiptvā tṛṇāvartādimardanam kālīyadamanaṁ kṛtvā gato madhupurīṁ tataḥ

फिर शकटासुर को नष्ट कर, तृणावर्त आदि का मर्दन कर, कालिय नाग का दमन कर, वे मथुरा नगरी को गए।

श्लोक 57 (padma.4.13.57)

गत्वा कंसो हतः क्रूरः कंसमल्लानजीजयत् । एतत्ते कथितं राजन्विष्णोर्जन्मदिनव्रतम् ।

gatvā kaṁso hataḥ krūraḥ kaṁsamallānajījayat etatte kathitaṁ rājanviṣṇorjanmadinavratam

वहाँ जाकर क्रूर कंस मारा गया, और कंस के मल्लों को भी उन्होंने पराजित किया। हे राजन्, यह मैंने तुम्हें विष्णु के जन्मदिन का व्रत कह सुनाया।

श्लोक 58 (padma.4.13.58)

श्रुत्वा पापानि नश्यंति कुर्यात्किं वा भविष्यति । य इदं कुरुते मर्त्यो या च नारी हरेर्व्रतम् ।

śrutvā pāpāni naśyaṁti kuryātkiṁ vā bhaviṣyati ya idaṁ kurute martyo yā ca nārī harervratam

इसे सुनने से पाप नष्ट होते हैं — इसे करने से क्या न होगा? जो कोई मनुष्य या स्त्री हरि का यह व्रत करता है,

श्लोक 59 (padma.4.13.59)

ऐश्वर्यमतुलं प्राप्य जन्मन्यत्र यथेप्सितम् । पूर्वविद्धा न कर्त्तव्या तृतीयाषष्ठिरेव च ।

aiśvaryamatulaṁ prāpya janmanyatra yathepsitam pūrvaviddhā na karttavyā tṛtīyāṣaṣṭhireva ca

वह इसी जन्म में अतुल ऐश्वर्य को जैसा चाहे प्राप्त कर लेता है। इस व्रत को तृतीया या षष्ठी से जोड़कर विस्थापित नहीं करना चाहिए —

श्लोक 60 (padma.4.13.60)

अष्टम्येकादशीभूता धर्मकामार्थवांच्छुभिः । वर्जयित्वा प्रयत्नेन सप्तमीसंयुताष्टमी ।

aṣṭamyekādaśībhūtā dharmakāmārthavāṁcchubhiḥ varjayitvā prayatnena saptamīsaṁyutāṣṭamī

— धर्म, काम और अर्थ चाहने वालों को अष्टमी को एकादशी के समान विशेष महत्व से मानना चाहिए। सप्तमी से युक्त अष्टमी को प्रयत्नपूर्वक त्यागकर —

श्लोक 61 (padma.4.13.61)

विना ऋक्षेऽपि कर्तव्या नवमीसंयुताष्टमी । उदये चाष्टमी किंचित्सकला नवमी यदि ।

vinā ṛkṣe'pi kartavyā navamīsaṁyutāṣṭamī udaye cāṣṭamī kiṁcitsakalā navamī yadi

— नवमी से युक्त अष्टमी को ग्रहण करना चाहिए, भले ही नक्षत्र (रोहिणी) न भी हो। यदि उदयकाल में अष्टमी थोड़ी हो और शेष पूरा दिन नवमी हो —

श्लोक 62 (padma.4.13.62)

मुहूर्तरोहिणीयुक्ता संपूर्णा चाष्टमी भवेत् । अष्टमी बुधवारेण रोहिणीसहिता यदि ।

muhūrtarohiṇīyuktā saṁpūrṇā cāṣṭamī bhavet aṣṭamī budhavāreṇa rohiṇīsahitā yadi

— और वह मुहूर्तमात्र भी रोहिणी से युक्त हो, तो वह अष्टमी संपूर्ण मानी जाती है। यदि अष्टमी रोहिणी सहित बुधवार को हो —

श्लोक 63 (padma.4.13.63)

सोमेनैव भवेद्राजन्किंकृतैर्व्रतकोटिभिः । नवम्यामुदयात्किंचित्सोमे सापि बुधेऽपि च ।

somenaiva bhavedrājankiṁkṛtairvratakoṭibhiḥ navamyāmudayātkiṁcitsome sāpi budhe'pi ca

— या सोमवार को हो, हे राजन्, तो फिर करोड़ों अन्य व्रतों से क्या लाभ? यदि नवमी को उदयकाल में अष्टमी थोड़ी भी हो, चाहे सोमवार हो या बुधवार —

श्लोक 64 (padma.4.13.64)

अपि वर्षशतेनापि लभ्यते वा न लभ्यते । विना ऋक्षं न कर्तव्या नवमीसंयुताष्टमी ।

api varṣaśatenāpi labhyate vā na labhyate vinā ṛkṣaṁ na kartavyā navamīsaṁyutāṣṭamī

— तो सौ वर्षों में भी वह संयोग शायद मिले, शायद न मिले। नक्षत्र (रोहिणी) के बिना नवमी से युक्त अष्टमी नहीं करनी चाहिए।

श्लोक 65 (padma.4.13.65)

कार्याविद्धापि सप्तम्यां रोहिणीसंयुताष्टमी । कलाकाष्ठामुहूर्तेऽपि यदा कृष्णाष्टमीतिथिः ।

kāryāviddhāpi saptamyāṁ rohiṇīsaṁyutāṣṭamī kalākāṣṭhāmuhūrte'pi yadā kṛṣṇāṣṭamītithiḥ

सप्तमी से विद्ध होने पर भी रोहिणी से युक्त अष्टमी कर्तव्य है, यदि कला-काष्ठा-मुहूर्तमात्र भी कृष्णाष्टमी तिथि विद्यमान हो —

श्लोक 66 (padma.4.13.66)

नवम्यां सैव वा ग्राह्या सप्तमीसंयुता न हि । किं पुनर्बुधवारेण सोमेनापि विशेषतः ।

navamyāṁ saiva vā grāhyā saptamīsaṁyutā na hi kiṁ punarbudhavāreṇa somenāpi viśeṣataḥ

— तो वही नवमी को भी ग्राह्य है, परंतु सप्तमी से युक्त अष्टमी कदापि ग्राह्य नहीं। फिर बुधवार का और विशेषतः सोमवार का तो कहना ही क्या!

श्लोक 67 (padma.4.13.67)

किं पुर्नर्नवमीयुक्ता कुलकोट्यास्तु मुक्तिदा । पलवेधेन राजेंद्र सप्तम्या अष्टमीं त्यजेत् ।

kiṁ purnarnavamīyuktā kulakoṭyāstu muktidā palavedhena rājeṁdra saptamyā aṣṭamīṁ tyajet

फिर नवमी से युक्त होने पर तो वह करोड़ों कुलों को मुक्ति देने वाली है ही! हे राजेंद्र, एक पल के अंतर के लिए भी सप्तमी से जुड़ी अष्टमी को त्याग देना चाहिए —

श्लोक 68 (padma.4.13.68)

सुरायाबिंदुनास्पृष्टं गंगांभः कलशं यथा । दिलीप उवाच । केन चादौ कृतं चेदं केन वा तत्प्रकाशितम् । किं पुण्यं किं फलं देव कथयस्व महामुने ।

surāyābiṁdunāspṛṣṭaṁ gaṁgāṁbhaḥ kalaśaṁ yathā dilīpa uvāca kena cādau kṛtaṁ cedaṁ kena vā tatprakāśitam kiṁ puṇyaṁ kiṁ phalaṁ deva kathayasva mahāmune

— जैसे गंगाजल से भरा कलश सुरा (मदिरा) की एक बूँद से भी अस्पृष्ट रहना चाहिए। दिलीप बोले — यह व्रत सबसे पहले किसने किया और किसने इसे प्रकट किया? इसका पुण्य और फल क्या है, हे देव, हे महामुने, बताइए।

श्लोक 69 (padma.4.13.69)

वसिष्ठ उवाच । चित्रसेनो महाराजा महापापपरो महान् । अगम्यागमनं कृत्वा स्वर्णस्तेयं द्विजस्य च ।

vasiṣṭha uvāca citraseno mahārājā mahāpāpaparo mahān agamyāgamanaṁ kṛtvā svarṇasteyaṁ dvijasya ca

वसिष्ठ बोले — चित्रसेन नामक एक महाराजा था, जो महापापी और महान (शक्तिशाली) था — उसने अगम्यागमन (निषिद्ध संभोग), ब्राह्मण के सुवर्ण की चोरी,

श्लोक 70 (padma.4.13.70)

सुरायां च सदा तृप्तो वृथामांसे सदा रतः । एवं पापसमायुक्तो नित्यं प्राणिवधे रतः ।

surāyāṁ ca sadā tṛpto vṛthāmāṁse sadā rataḥ evaṁ pāpasamāyukto nityaṁ prāṇivadhe rataḥ

सदा मदिरा से तृप्त रहना, सदा व्यर्थ मांसाहार में लिप्त रहना — इस प्रकार पापों से युक्त होकर, वह नित्य प्राणिवध में रत रहता था।

श्लोक 71 (padma.4.13.71)

चांडालैः पतितैः सार्द्धमालापं सर्वदाकरोत् । एतदेवं विधो राजा मृगयायां मनो दधे ।

cāṁḍālaiḥ patitaiḥ sārddhamālāpaṁ sarvadākarot etadevaṁ vidho rājā mṛgayāyāṁ mano dadhe

चांडालों और पतितों के साथ सदा वार्तालाप करता था। ऐसा वह राजा एक बार शिकार खेलने का मन बनाया।

श्लोक 72 (padma.4.13.72)

अरण्ये द्वीपिनं ज्ञात्वा वेष्टयित्वा च सर्वतः । सावधानं भटान्सर्वान्वाक्यमेतदुवाच ह ।

araṇye dvīpinaṁ jñātvā veṣṭayitvā ca sarvataḥ sāvadhānaṁ bhaṭānsarvānvākyametaduvāca ha

वन में एक बाघ को देखकर उसे चारों ओर से घेरकर, उसने अपने सभी सैनिकों को सावधान करते हुए यह वचन कहा —

श्लोक 73 (padma.4.13.73)

अहमेव निहन्म्येनं योऽन्योस्मिन्प्रहरिष्यति । स वध्यो नात्र संदेहो व्याघ्रो राज्ञः पथा ययौ ।

ahameva nihanmyenaṁ yo'nyosminprahariṣyati sa vadhyo nātra saṁdeho vyāghro rājñaḥ pathā yayau

"इसे मैं ही मारूँगा; जो कोई और इस पर वार करेगा, वह वध्य होगा, इसमें कोई संदेह नहीं।" बाघ राजा के ही मार्ग से चला गया।

श्लोक 74 (padma.4.13.74)

सलज्जोऽपि ततो राजा व्याघ्रं पश्चाज्जगाम ह । अनेकक्लेशदुःखेन व्याघ्रं हंतुं समाहितः ।

salajjo'pi tato rājā vyāghraṁ paścājjagāma ha anekakleśaduḥkhena vyāghraṁ haṁtuṁ samāhitaḥ

तब लज्जित होकर भी राजा उस बाघ के पीछे-पीछे गया। अनेक क्लेशों और दुःखों को सहते हुए बाघ को मारने के लिए तत्पर,

श्लोक 75 (padma.4.13.75)

क्षुत्पिपासाकुलक्लेशः संध्यायां यमुनातटे । अष्टमीरोहिणीयुक्ता तद्दिनं जन्मवासरम् ।

kṣutpipāsākulakleśaḥ saṁdhyāyāṁ yamunātaṭe aṣṭamīrohiṇīyuktā taddinaṁ janmavāsaram

भूख-प्यास से व्याकुल, संध्या के समय यमुना के तट पर वह पहुँचा — उस दिन रोहिणी से युक्त अष्टमी थी, जन्माष्टमी का ही दिन।

श्लोक 76 (padma.4.13.76)

श्वःकन्या यमुनायां वै व्रतं चक्रुर्नराधिप । नानोपहारैर्द्रव्यैश्च धूपदीपैः सुशोभनैः ।

śvaḥkanyā yamunāyāṁ vai vrataṁ cakrurnarādhipa nānopahārairdravyaiśca dhūpadīpaiḥ suśobhanaiḥ

हे राजन्, वहाँ कुछ कन्याएँ यमुना के प्रति व्रत कर रही थीं, नाना उपहार-द्रव्यों, धूप-दीपों से सुशोभित —

श्लोक 77 (padma.4.13.77)

गंधपुष्पं तथा द्रव्यं कुंकुमादिमनोहरम् । अन्नं बहुगुणं दृष्ट्वा भोक्तुं तन्मानसंकुलम् ।

gaṁdhapuṣpaṁ tathā dravyaṁ kuṁkumādimanoharam annaṁ bahuguṇaṁ dṛṣṭvā bhoktuṁ tanmānasaṁkulam

— गंध, पुष्प तथा कुंकुम आदि मनोहर द्रव्यों से युक्त। बहुगुणकारी अन्न को देखकर उसका मन भोजन करने के लिए व्याकुल हो उठा।

श्लोक 78 (padma.4.13.78)

राजोवाच । अन्नाभावान्ममाद्याशु प्राणा यास्यंति निश्चितम् । स्त्रिय ऊचुः । जन्माष्टम्यां हरे राजन्न भोक्तव्यं त्वयानघ ।

rājovāca annābhāvānmamādyāśu prāṇā yāsyaṁti niścitam striya ūcuḥ janmāṣṭamyāṁ hare rājanna bhoktavyaṁ tvayānagha

राजा बोला — "भोजन के अभाव में मेरे प्राण अभी शीघ्र निश्चय ही चले जाएँगे।" स्त्रियाँ बोलीं — "हे राजन्, हे अनघ, हरि की जन्माष्टमी को भोजन नहीं करना चाहिए।

श्लोक 79 (padma.4.13.79)

गृध्रमांसं खरं काकं गोमांसमन्नमेव च । भुक्तवान्नात्र संदेहो यो भुंक्ते कृष्णजन्मनि ।

gṛdhramāṁsaṁ kharaṁ kākaṁ gomāṁsamannameva ca bhuktavānnātra saṁdeho yo bhuṁkte kṛṣṇajanmani

जो कोई कृष्ण-जन्मदिवस पर भोजन करता है, वह गिद्ध, गधे, कौवे और गाय के मांस के समान अन्न ही खाता है — इसमें कोई संदेह नहीं।

श्लोक 80 (padma.4.13.80)

किं किं छिद्रं न संजातं संसारे वसतां नृणाम् । येन देहेस्थिते प्राणे जयंती न कृता नृप ।

kiṁ kiṁ chidraṁ na saṁjātaṁ saṁsāre vasatāṁ nṛṇām yena dehesthite prāṇe jayaṁtī na kṛtā nṛpa

हे राजन्, संसार में रहने वाले मनुष्यों की क्या-क्या कमियाँ न हुई हों! जिसने प्राण देह में रहते हुए भी जयंती (कृष्ण-जन्मोत्सव) नहीं मनाई —

श्लोक 81 (padma.4.13.81)

तत्राकृतोपवासस्य शासनं यममंदिरम् । यद्दत्तं पितरो नित्यं न गृह्णंति यथाविधि ।

tatrākṛtopavāsasya śāsanaṁ yamamaṁdiram yaddattaṁ pitaro nityaṁ na gṛhṇaṁti yathāvidhi

— उसके लिए, जिसने उपवास नहीं किया, दंड यमलोक है। पितरगण नित्य दिए हुए (श्राद्ध) को विधिपूर्वक ग्रहण नहीं करते,

श्लोक 82 (padma.4.13.82)

पितरः पातिताः सर्वे जयंत्यां भोजने कृते । इति श्रुत्वा ततो राजा व्रतं चक्रे नराधिप ।

pitaraḥ pātitāḥ sarve jayaṁtyāṁ bhojane kṛte iti śrutvā tato rājā vrataṁ cakre narādhipa

— यदि जयंती के दिन भोजन कर लिया जाए तो समस्त पितर पतित हो जाते हैं।" यह सुनकर राजा ने, हे नराधिप, वह व्रत किया —

श्लोक 83 (padma.4.13.83)

किंचित्पुष्पं कियद्गंधं वस्त्रं चानीय हर्षितः । एतद्व्रतं समायुक्तं तिथिभांते च पारणम् । व्रतस्यास्य प्रभावेण चित्रसेनो हरेर्गृहम् ।

kiṁcitpuṣpaṁ kiyadgaṁdhaṁ vastraṁ cānīya harṣitaḥ etadvrataṁ samāyuktaṁ tithibhāṁte ca pāraṇam vratasyāsya prabhāveṇa citraseno harergṛham

— थोड़े से पुष्प, थोड़ी सुगंध और वस्त्र लाकर, हर्षित होकर। यह व्रत विधिवत संपन्न कर तिथि के अंत में पारण किया। इस व्रत के प्रभाव से चित्रसेन —

श्लोक 84 (padma.4.13.84)

दिव्यं विमानमारुह्य गतवान्पितृभिः सह । यत्फलं मथुरां गत्वा दृष्ट्वा कृष्णमुखांबुजम् ।

divyaṁ vimānamāruhya gatavānpitṛbhiḥ saha yatphalaṁ mathurāṁ gatvā dṛṣṭvā kṛṣṇamukhāṁbujam

— दिव्य विमान पर आरूढ़ होकर अपने पितरों सहित हरि के धाम को गया। मथुरा जाकर कृष्ण के मुखकमल के दर्शन का जो फल मिलता है,

श्लोक 85 (padma.4.13.85)

तत्फलं प्राप्यते पुंसाकृष्णजन्माष्टमीव्रतात् । यत्फलं द्वारकां गत्वा दृष्टे विश्वेश्वरे हरौ । तत्फलं प्राप्यते दीनैः कृत्वा जन्माष्टमीव्रतम् ।

tatphalaṁ prāpyate puṁsākṛṣṇajanmāṣṭamīvratāt yatphalaṁ dvārakāṁ gatvā dṛṣṭe viśveśvare harau tatphalaṁ prāpyate dīnaiḥ kṛtvā janmāṣṭamīvratam

वह फल पुरुष को कृष्ण-जन्माष्टमी व्रत से प्राप्त होता है। द्वारका जाकर विश्वेश्वर हरि के दर्शन का जो फल मिलता है, वही फल दीन-दरिद्रों को भी जन्माष्टमी व्रत करने से प्राप्त होता है।