राधादामोदर पूजा माहात्म्य

श्लोक 1 (padma.4.20.1)

शौनक उवाच । सुकृतं किं तथा प्राह कृत्वा संसारसागरात् । तरिष्यंति कलौ सूत तमोन्धकूपमंडुकाः ।

śaunaka uvāca sukṛtaṁ kiṁ tathā prāha kṛtvā saṁsārasāgarāt tariṣyaṁti kalau sūta tamondhakūpamaṁḍukāḥ

शौनक बोले — हे सूत, वह कौन सा सुकृत (पुण्य कर्म) है, जिसे करके कलियुग में अंधकूप के मेंढक के समान अत्यंत अधोगत जीव भी संसार-सागर से पार हो सकेंगे? यह मुझे बताइए।

श्लोक 2 (padma.4.20.2)

सूत उवाच । राधाकृष्णप्रिये चौर्जे प्रातःस्नानं समाचरेत् । राधादामोदरं भक्त्या कुर्यात्पूजां समाहिता ।

sūta uvāca rādhākṛṣṇapriye caurje prātaḥsnānaṁ samācaret rādhādāmodaraṁ bhaktyā kuryātpūjāṁ samāhitā

सूत बोले — राधा-कृष्ण को प्रिय ऊर्जा (कार्तिक) मास में प्रतिदिन प्रातःकाल स्नान करना चाहिए, और सावधान होकर भक्तिपूर्वक राधादामोदर की पूजा करनी चाहिए।

श्लोक 3 (padma.4.20.3)

त्यक्त्वामिषादिकं ब्रह्मन्पतिसेवापरायणा । सा याति श्रीहरेः स्थानं गोलोकाख्यं सुदुर्ल्लभम् ।

tyaktvāmiṣādikaṁ brahmanpatisevāparāyaṇā sā yāti śrīhareḥ sthānaṁ golokākhyaṁ sudurllabham

हे ब्रह्मन्, मांस आदि का त्याग कर, पति की सेवा में तत्पर वह स्त्री गोलोक नामक श्रीहरि के अत्यंत दुर्लभ धाम को जाती है।

श्लोक 4 (padma.4.20.4)

राधादामोदराभ्यां या धूपदीपं तु कार्तिके । दद्यात्सा भवनं विष्णोर्याति वै त्यक्तपातकाः ।

rādhādāmodarābhyāṁ yā dhūpadīpaṁ tu kārtike dadyātsā bhavanaṁ viṣṇoryāti vai tyaktapātakāḥ

जो स्त्री कार्तिक में राधादामोदर को धूप-दीप अर्पित करती है, वह पापों को त्यागकर विष्णु के भवन को जाती है।

श्लोक 5 (padma.4.20.5)

योषिद्या कार्त्तिके विप्र दद्याद्वस्त्रं निकेतने । राधादामोदराभ्यां तु वसेत्सा श्रीहरेश्चिरम् ।

yoṣidyā kārttike vipra dadyādvastraṁ niketane rādhādāmodarābhyāṁ tu vasetsā śrīhareściram

हे विप्र, जो स्त्री कार्तिक में राधादामोदर के निवास में वस्त्र अर्पित करती है, वह राधादामोदर सहित श्रीहरि के धाम में चिरकाल तक निवास करती है।

श्लोक 6 (padma.4.20.6)

राधादामोदराभ्यां सा पुष्पं माल्यं सुवासितम् । कार्तिके मासि सा दद्याद्याति वैकुंठमंदिरम् ।

rādhādāmodarābhyāṁ sā puṣpaṁ mālyaṁ suvāsitam kārtike māsi sā dadyādyāti vaikuṁṭhamaṁdiram

जो स्त्री कार्तिक मास में राधादामोदर को सुगंधित पुष्प और माला अर्पित करती है, वह वैकुंठ के मंदिर को जाती है।

श्लोक 7 (padma.4.20.7)

गंधं या चापि नैवेद्यं दद्याद्वै शर्करादिकम् । राधादामोदराभ्यां सा गच्छेद्वै विष्णुमंदिरम् ।

gaṁdhaṁ yā cāpi naivedyaṁ dadyādvai śarkarādikam rādhādāmodarābhyāṁ sā gacchedvai viṣṇumaṁdiram

और जो स्त्री सुगंध तथा शक्कर आदि सहित नैवेद्य अर्पित करती है, वह राधादामोदर के कारण विष्णु के मंदिर को जाती है।

श्लोक 8 (padma.4.20.8)

यत्किंचिद्यच्छति ब्रह्मन्कार्तिके च द्विजातये । राधादामोदरप्रीत्यै तस्याः पुण्याक्षयं भवेत् ।

yatkiṁcidyacchati brahmankārtike ca dvijātaye rādhādāmodaraprītyai tasyāḥ puṇyākṣayaṁ bhavet

हे ब्रह्मन्, कार्तिक में द्विज को कुछ भी, चाहे कितना भी छोटा हो, राधादामोदर की प्रसन्नता के लिए देने पर, उसका पुण्य अक्षय हो जाता है।

श्लोक 9 (padma.4.20.9)

या नारी कार्तिके भक्त्या राधादामोदरं द्विज । प्रातः सपर्यां सा याति न कुर्य्यान्निरयं चिरम् ।

yā nārī kārtike bhaktyā rādhādāmodaraṁ dvija prātaḥ saparyāṁ sā yāti na kuryyānnirayaṁ ciram

हे द्विज, जो स्त्री कार्तिक में प्रातःकाल भक्तिपूर्वक राधादामोदर की पूजा करती है, वह हरि के धाम को जाती है; वह चिरकाल तक नरक में नहीं जाती।

श्लोक 10 (padma.4.20.10)

कदाचिज्जन्मभूमौ सा विधवा प्रति जन्मनि । भवेच्चासाद्य पूर्व्वं वै चाप्रिया स्वामिनोऽपि च ।

kadācijjanmabhūmau sā vidhavā prati janmani bhaveccāsādya pūrvvaṁ vai cāpriyā svāmino'pi ca

कभी-कभी अपनी जन्मभूमि में, पूर्वजन्म में, वह स्त्री पहले विधवा रह चुकी होती है, अथवा अपने पति की भी अप्रिय रह चुकी होती है।

श्लोक 11 (padma.4.20.11)

पुरा त्रेतायुगे विप्र वृषलो नाम शंकरः । सौराष्ट्रदेशवासी च तस्य जाया कलिप्रिया ।

purā tretāyuge vipra vṛṣalo nāma śaṁkaraḥ saurāṣṭradeśavāsī ca tasya jāyā kalipriyā

पूर्वकाल में त्रेतायुग में, हे विप्र, शंकर नामक एक शूद्र था, जो सौराष्ट्र देश का निवासी था; उसकी पत्नी का नाम कलिप्रिया था।

श्लोक 12 (padma.4.20.12)

जाराकांक्षी सदा नाम्ना तृणवन्मन्यते पतिम् । असौ पतिर्न मे योग्यो मे स्वामी परपूरुषः ।

jārākāṁkṣī sadā nāmnā tṛṇavanmanyate patim asau patirna me yogyo me svāmī parapūruṣaḥ

वह सदा पर-पुरुष की कामना रखने वाली अपने पति को तिनके के समान मानती थी — "यह पति मेरे योग्य नहीं है; मेरा वास्तविक स्वामी तो कोई और पुरुष है" —

श्लोक 13 (padma.4.20.13)

इति मत्वा सदा तस्मै चोच्छिष्टं तु ददाति वै । नीचसंगान्महामूढा मद्यमांसं चखाद ह ।

iti matvā sadā tasmai cocchiṣṭaṁ tu dadāti vai nīcasaṁgānmahāmūḍhā madyamāṁsaṁ cakhāda ha

— ऐसा सदा सोचकर वह उसे केवल जूठा भोजन देती थी। नीच संगति से अत्यंत मूढ़ हो चुकी वह मदिरा और मांस खाती थी।

श्लोक 14 (padma.4.20.14)

स्वामिनो भर्त्सनां नित्यं कुर्यात्कामं तु निष्ठुरा । पादरज्जुर्भवेच्चासौ कस्माद्वै न मृतोऽपि च ।

svāmino bhartsanāṁ nityaṁ kuryātkāmaṁ tu niṣṭhurā pādarajjurbhaveccāsau kasmādvai na mṛto'pi ca

वह सदा इच्छानुसार अपने पति की क्रूरतापूर्वक भर्त्सना करती थी — "यह तो मेरे पैर की रस्सी के समान है, यह अब तक मरा क्यों नहीं?

श्लोक 15 (padma.4.20.15)

मृते तस्मिन्नहं भोगं करिष्यामि यदृच्छया । विचार्येति हृदा मूढा जारेणैकेन सा तदा ।

mṛte tasminnahaṁ bhogaṁ kariṣyāmi yadṛcchayā vicāryeti hṛdā mūḍhā jāreṇaikena sā tadā

इसके मरने पर मैं जैसा चाहूँगी वैसा भोग करूँगी" — ऐसा अपने मूढ़ हृदय में विचार कर वह एक जार (उपपति) के साथ —

श्लोक 16 (padma.4.20.16)

अन्यदेशं गमिष्यावः संकेतमकरोद्द्विज । सुप्तस्य स्वामिनो रात्रौ चासिना तद्गलं द्विज ।

anyadeśaṁ gamiṣyāvaḥ saṁketamakaroddvija suptasya svāmino rātrau cāsinā tadgalaṁ dvija

— "हम दोनों किसी और देश चलेंगे" ऐसा संकेत करने लगी, हे द्विज। रात में सोते हुए अपने पति के गले को तलवार से —

श्लोक 17 (padma.4.20.17)

छित्त्वा जारकृते सापि संकेतस्य स्थलं गता । आगतं जारपुरुषं द्वीपिना भक्षितं द्विज ।

chittvā jārakṛte sāpi saṁketasya sthalaṁ gatā āgataṁ jārapuruṣaṁ dvīpinā bhakṣitaṁ dvija

— काटकर, हे द्विज, वह उस उपपति के लिए संकेत-स्थल की ओर चली गई। परंतु वहाँ आया हुआ उपपति एक बाघ द्वारा खाया गया, हे द्विज।

श्लोक 18 (padma.4.20.18)

दृष्ट्वा सा रोदनं कृत्वा मूर्च्छिता निपपात ह । चिरादाश्वस्य सा मूढा करुणं विललाप ह ।

dṛṣṭvā sā rodanaṁ kṛtvā mūrcchitā nipapāta ha cirādāśvasya sā mūḍhā karuṇaṁ vilalāpa ha

यह देखकर वह रोती हुई मूर्च्छित होकर गिर पड़ी। बहुत देर बाद होश में आकर वह मूढ़ स्त्री करुणपूर्वक विलाप करने लगी।

श्लोक 19 (padma.4.20.19)

कलिप्रियोवाच । स्वकीयं स्वामिनं हत्वा चागता परपूरुषम् । तं जारं स्वामिनं दैवात्शार्दूलो भक्षयन्मम । किं करोमि क्व गच्छामि विधात्रा वंचितास्म्यहम् ।

kalipriyovāca svakīyaṁ svāminaṁ hatvā cāgatā parapūruṣam taṁ jāraṁ svāminaṁ daivātśārdūlo bhakṣayanmama kiṁ karomi kva gacchāmi vidhātrā vaṁcitāsmyaham

कलिप्रिया बोली — "अपने पति को मारकर मैं दूसरे पुरुष के पास आई थी, और वह उपपति, मेरा नया स्वामी, दैववश मेरे सामने ही बाघ द्वारा खाया गया। अब मैं क्या करूँ, कहाँ जाऊँ? विधाता ने मुझे ठग लिया है।"

श्लोक 20 (padma.4.20.20)

सूत उवाच । ततः कलिप्रिया ब्रह्मनागता स्वगृहं प्रति । लपने स्वामिनो दत्वा मुखं च विललाप सा ।

sūta uvāca tataḥ kalipriyā brahmanāgatā svagṛhaṁ prati lapane svāmino datvā mukhaṁ ca vilalāpa sā

सूत बोले — तब, हे ब्रह्मन्, कलिप्रिया अपने घर की ओर लौट आई; अपने पति के मुख को (कटे सिर को) फिर से जोड़कर वह विलाप करने लगी।

श्लोक 21 (padma.4.20.21)

कलिप्रियोवाच । हा नाथ किं कृतं कर्म्म मया हंतातिदारुणम् । कं लोकं वा गमिष्यामि वद स्वामिन्मनाग्गिरम् ।

kalipriyovāca hā nātha kiṁ kṛtaṁ karmma mayā haṁtātidāruṇam kaṁ lokaṁ vā gamiṣyāmi vada svāminmanāggiram

कलिप्रिया बोली — "हाय नाथ, मैंने यह कैसा अत्यंत भयंकर कर्म किया! अब मैं किस लोक को जाऊँगी? हे स्वामिन्, कुछ तो कहिए, थोड़ा-सा वचन ही सही।

श्लोक 22 (padma.4.20.22)

भर्त्सनां तु यथाकामं कुर्य्याच्चाहं सुनिंदिता । किंचिन्न वदसि स्वामिन्नेनो यन्मे न विद्यते ।

bhartsanāṁ tu yathākāmaṁ kuryyāccāhaṁ suniṁditā kiṁcinna vadasi svāminneno yanme na vidyate

आप जितना चाहें उतनी भर्त्सना कीजिए, मैं अत्यंत निंदनीय हूँ। हे स्वामिन्, आप कुछ नहीं कहते — क्या मेरा कोई पाप नहीं है?"

श्लोक 23 (padma.4.20.23)

सूत उवाच । ननाम चरणे तस्य गतान्यनगरं प्रति । तत्र प्रविष्टा सा योषिद्दृष्ट्वा पुण्यजनान्बहून् ।

sūta uvāca nanāma caraṇe tasya gatānyanagaraṁ prati tatra praviṣṭā sā yoṣiddṛṣṭvā puṇyajanānbahūn

सूत बोले — उसके चरणों में प्रणाम कर वह दूसरे नगर की ओर चल पड़ी। वहाँ प्रवेश करते हुए उस स्त्री ने बहुत से पुण्यजनों को देखा —

श्लोक 24 (padma.4.20.24)

ऊर्जे स्नानपरान्प्रातर्नर्मदायां च वैष्णवान् । तत्र नद्यां स्त्रियश्चापि राधादामोदरं द्विज ।

ūrje snānaparānprātarnarmadāyāṁ ca vaiṣṇavān tatra nadyāṁ striyaścāpi rādhādāmodaraṁ dvija

— ऊर्जा मास में प्रातःकाल नर्मदा में स्नान करते हुए वैष्णवों को। वहाँ नदी में स्त्रियाँ भी, हे द्विज, राधादामोदर की —

श्लोक 25 (padma.4.20.25)

सपर्यां च कृतां चैव शंखनादैर्महोत्सवैः । गंधपुष्पैर्धूपदीपैर्वस्त्रैर्नानाविधैः फलैः ।

saparyāṁ ca kṛtāṁ caiva śaṁkhanādairmahotsavaiḥ gaṁdhapuṣpairdhūpadīpairvastrairnānāvidhaiḥ phalaiḥ

— पूजा शंखनाद और महोत्सवों के साथ कर रही थीं — सुगंध, पुष्प, धूप, दीप, नाना प्रकार के वस्त्रों और फलों से,

श्लोक 26 (padma.4.20.26)

मुखवासैर्भक्तियुक्ता दृष्ट्वा सा विनयान्विता । पप्रच्छ ब्रूत यूयं मे किमेतत्क्रियते स्त्रियः ।

mukhavāsairbhaktiyuktā dṛṣṭvā sā vinayānvitā papraccha brūta yūyaṁ me kimetatkriyate striyaḥ

— और मुखवास (सुगंधित पान-सुपारी) से भक्तियुक्त होकर। यह देखकर उसने विनयपूर्वक पूछा — "हे स्त्रियों, मुझे बताओ, तुम यह क्या कर रही हो?"

श्लोक 27 (padma.4.20.27)

स्त्रिय ऊचुः । सर्वमासोत्तमे चोर्जे राधादामोदरौ शुभौ । पूजां कृत्वा वयं मातः सर्वपापहरां शुभाम् ।

striya ūcuḥ sarvamāsottame corje rādhādāmodarau śubhau pūjāṁ kṛtvā vayaṁ mātaḥ sarvapāpaharāṁ śubhām

स्त्रियाँ बोलीं — "हे माता, समस्त मासों में श्रेष्ठ इस ऊर्जा मास में, हम शुभ राधादामोदर की, समस्त पापों को हरने वाली शुभ पूजा कर रही हैं।

श्लोक 28 (padma.4.20.28)

कोटिजन्मार्जितं पापं नष्टं प्राप्तं निकेतनम् । सपर्य्यामामिषं त्यक्त्वा कृत्वा सा च हरेर्द्दिने ।

koṭijanmārjitaṁ pāpaṁ naṣṭaṁ prāptaṁ niketanam saparyyāmāmiṣaṁ tyaktvā kṛtvā sā ca harerddine

करोड़ों जन्मों का अर्जित पाप नष्ट हो जाता है, और उनका धाम प्राप्त होता है।" मांस त्यागकर उसने भी हरि के दिन यह पूजा की,

श्लोक 29 (padma.4.20.29)

निधनत्वं पौर्णमास्यां गता सा निर्मला द्विज । किंकराश्चागतास्तूर्णं यमस्य निलयं प्रति ।

nidhanatvaṁ paurṇamāsyāṁ gatā sā nirmalā dvija kiṁkarāścāgatāstūrṇaṁ yamasya nilayaṁ prati

और पूर्णिमा को, हे द्विज, वह निर्मल होकर मृत्यु को प्राप्त हुई। तब यमराज के दूत तुरंत यमलोक की ओर —

श्लोक 30 (padma.4.20.30)

नेतुं तां क्रोधसंयुक्ता बबंधुश्चर्मरज्जुभिः । तदागता विष्णुदूता विमानं स्वर्णनिर्मितम् ।

netuṁ tāṁ krodhasaṁyuktā babaṁdhuścarmarajjubhiḥ tadāgatā viṣṇudūtā vimānaṁ svarṇanirmitam

— उसे ले जाने के लिए क्रोधपूर्वक आए और चर्म-रस्सियों से उसे बाँध लिया। तभी विष्णु के दूत सुवर्णनिर्मित विमान में वहाँ आ पहुँचे,

श्लोक 31 (padma.4.20.31)

शंखचक्रगदापद्मधारिणो वनमालिनः । निजघ्नुश्चक्रधाराभिर्यमदूताः पलायिताः ।

śaṁkhacakragadāpadmadhāriṇo vanamālinaḥ nijaghnuścakradhārābhiryamadūtāḥ palāyitāḥ

— शंख-चक्र-गदा-पद्मधारी, वनमाला पहने हुए। उन्होंने अपने चक्रों की धार से यमदूतों को मार भगाया।

श्लोक 32 (padma.4.20.32)

राजहंसयुते विप्र विमाने स्वर्णनिर्मिते । आरूढा सा गता तैस्तु वेष्टिता विष्णुमंदिरम् ।

rājahaṁsayute vipra vimāne svarṇanirmite ārūḍhā sā gatā taistu veṣṭitā viṣṇumaṁdiram

हे विप्र, राजहंसों से युक्त सुवर्णनिर्मित विमान पर आरूढ़ होकर, उनसे घिरी हुई वह विष्णु के मंदिर को गई।

श्लोक 33 (padma.4.20.33)

तत्र तस्थौ चिरं भोगं कृत्वा सा वै यथेप्सितम् । या कुर्यात्कार्त्तिके विप्र राधादामोदरार्चनम् ।

tatra tasthau ciraṁ bhogaṁ kṛtvā sā vai yathepsitam yā kuryātkārttike vipra rādhādāmodarārcanam

वहाँ वह चिरकाल तक अपनी इच्छानुसार भोग भोगती हुई रही। हे विप्र, जो स्त्री कार्तिक में राधादामोदर की पूजा करती है,

श्लोक 34 (padma.4.20.34)

याति पूजा त्यक्तपापाद्गोलोकाख्यं मनोहरम् । य इदं शृणुयाद्भक्त्या या च नारी समाहिता । कोटिजन्मार्जितं पापं तस्य तस्या विनश्यति ।

yāti pūjā tyaktapāpādgolokākhyaṁ manoharam ya idaṁ śṛṇuyādbhaktyā yā ca nārī samāhitā koṭijanmārjitaṁ pāpaṁ tasya tasyā vinaśyati

वह पूजा, उसके पापों को त्यागकर, उसे गोलोक नामक मनोहर धाम को ले जाती है। जो पुरुष अथवा जो सावधान स्त्री इसे भक्तिपूर्वक सुनती है, उसके करोड़ों जन्मों का अर्जित पाप नष्ट हो जाता है।