तुलसी माहात्म्य

श्लोक 1 (padma.4.22.1)

शौनकउवाच । माहात्म्यं ब्रूहि सर्वज्ञ शृण्वतां पापनाशनम् । सर्वप्राणिहितार्थाय तुलस्या अनुकंपया ।

śaunakauvāca māhātmyaṁ brūhi sarvajña śṛṇvatāṁ pāpanāśanam sarvaprāṇihitārthāya tulasyā anukaṁpayā

शौनक बोले — हे सर्वज्ञ, समस्त प्राणियों के हित के लिए, कृपापूर्वक तुलसी की पापनाशक महिमा मुझे बताइए, जो सुनने वालों के पापों का नाश करने वाली हो।

श्लोक 2 (padma.4.22.2)

सूत उवाच । तुलस्याः परिसरे यस्य काननं तिष्ठति द्विज । गृहस्य तीर्थरूपत्वान्नायांति यमकिंकराः ।

sūta uvāca tulasyāḥ parisare yasya kānanaṁ tiṣṭhati dvija gṛhasya tīrtharūpatvānnāyāṁti yamakiṁkarāḥ

सूत बोले — हे द्विज, जिसके घर के निकट तुलसी का वन विद्यमान है, उस घर की तीर्थ के समान पवित्रता के कारण यमदूत वहाँ नहीं आते।

श्लोक 3 (padma.4.22.3)

तुलस्याः काननं विप्र सर्वपापहरं शुभम् । रोपयंति नराः श्रेष्ठास्ते न पश्यंति भास्करिम् ।

tulasyāḥ kānanaṁ vipra sarvapāpaharaṁ śubham ropayaṁti narāḥ śreṣṭhāste na paśyaṁti bhāskarim

हे विप्र, तुलसी का वन शुभ और समस्त पापों को हरने वाला है। जो श्रेष्ठ पुरुष इसे रोपते हैं, वे यम के सेवक को कभी नहीं देखते।

श्लोक 4 (padma.4.22.4)

रोपणं पालनं सेवां दर्शनं स्पर्शनं तु यः । कुर्य्यात्तस्य प्रणष्टं स्यात्सर्वपापं द्विजोत्तम ।

ropaṇaṁ pālanaṁ sevāṁ darśanaṁ sparśanaṁ tu yaḥ kuryyāttasya praṇaṣṭaṁ syātsarvapāpaṁ dvijottama

जो कोई इसका रोपण, पालन, सेवा, दर्शन अथवा स्पर्श करता है, हे द्विजोत्तम, उसके समस्त पाप नष्ट हो जाते हैं।

श्लोक 5 (padma.4.22.5)

कोमलैस्तुलसीपत्रैरर्चयंति हरिं तु ये । कालस्य सदनं विप्र ते न यांति महाशयाः ।

komalaistulasīpatrairarcayaṁti hariṁ tu ye kālasya sadanaṁ vipra te na yāṁti mahāśayāḥ

जो कोमल तुलसीदलों से हरि की पूजा करते हैं, वे महान आत्माएँ, हे विप्र, काल (यम) के धाम को नहीं जातीं।

श्लोक 6 (padma.4.22.6)

गंगाद्याः सरितः श्रेष्ठा विष्णु ब्रह्म महेश्वराः । देवैस्तीर्थैः पुष्कराद्यैस्तिष्ठंति तुलसीदले ।

gaṁgādyāḥ saritaḥ śreṣṭhā viṣṇu brahma maheśvarāḥ devaistīrthaiḥ puṣkarādyaistiṣṭhaṁti tulasīdale

गंगा आदि श्रेष्ठ नदियाँ, विष्णु, ब्रह्मा, महेश्वर, तथा पुष्कर आदि तीर्थों सहित देवगण, सभी तुलसीदल में निवास करते हैं।

श्लोक 7 (padma.4.22.7)

यो युक्तस्तुलसीपत्रैः पापी प्राणान्विमुञ्चति । विष्णोर्निकेतनं याति सत्यमेतन्मयोदितम् ।

yo yuktastulasīpatraiḥ pāpī prāṇānvimuñcati viṣṇorniketanaṁ yāti satyametanmayoditam

जो पापी भी तुलसीदल से युक्त होकर प्राण त्यागता है, वह विष्णु के धाम को जाता है — यह मैं सत्य कहता हूँ।

श्लोक 8 (padma.4.22.8)

तुलसीमृत्तिकालिप्तो युक्तः पापशतैरपि । विमुंचति नरः प्राणान्स याति हरिमन्दिरम् ।

tulasīmṛttikālipto yuktaḥ pāpaśatairapi vimuṁcati naraḥ prāṇānsa yāti harimandiram

तुलसी की मिट्टी से लिप्त, चाहे सौ पापों से युक्त भी हो, ऐसा मनुष्य प्राण त्यागकर हरि के मंदिर को जाता है।

श्लोक 9 (padma.4.22.9)

यो नरो धारयेद्विप्र तुलसीकाष्ठचंदनम् । तस्याङ्गं न स्पृशेत्पापं स याति परमं पदम् ।

yo naro dhārayedvipra tulasīkāṣṭhacaṁdanam tasyāṅgaṁ na spṛśetpāpaṁ sa yāti paramaṁ padam

हे विप्र, जो मनुष्य तुलसी की लकड़ी का चंदन धारण करता है, उसके शरीर को पाप स्पर्श नहीं करता; वह परम पद को जाता है।

श्लोक 10 (padma.4.22.10)

तुलसीकाष्ठमालां तु कण्ठस्थां वहते तु यः । अप्यशौचोप्यनाचारो भक्त्या याति हरेर्गृहम् ।

tulasīkāṣṭhamālāṁ tu kaṇṭhasthāṁ vahate tu yaḥ apyaśaucopyanācāro bhaktyā yāti harergṛham

जो अपने गले में तुलसी की लकड़ी की माला धारण करता है, चाहे वह अशौच अथवा अनाचार में हो, वह भक्तिपूर्वक हरि के धाम को जाता है।

श्लोक 11 (padma.4.22.11)

धात्रीफलकृतामाला तुलसीकाष्ठसंभवा । दृश्यते यस्य देहे तु स वै भागवतो नरः ।

dhātrīphalakṛtāmālā tulasīkāṣṭhasaṁbhavā dṛśyate yasya dehe tu sa vai bhāgavato naraḥ

जिसके शरीर पर आँवले के फल से बनी और तुलसी-काष्ठ से युक्त माला दिखाई देती है, वह मनुष्य निश्चय ही भागवत (भगवद्भक्त) है।

श्लोक 12 (padma.4.22.12)

तुलसीदलजां मालां कण्ठस्थां वहते तु यः । विष्णूच्छिष्टां विशेषेण स नमस्यो दिवौकसाम् ।

tulasīdalajāṁ mālāṁ kaṇṭhasthāṁ vahate tu yaḥ viṣṇūcchiṣṭāṁ viśeṣeṇa sa namasyo divaukasām

जो अपने गले में तुलसीदल की माला, विशेषकर विष्णु को अर्पित की गई (निर्माल्य) माला, धारण करता है, वह देवताओं के लिए भी वंदनीय है।

श्लोक 13 (padma.4.22.13)

यः पुनस्तुलसीमालां कण्ठे कृत्वा जनार्दनम् । पूजयेत्पुण्यमाप्नोति प्रतिपुष्पं गवायुतम् ।

yaḥ punastulasīmālāṁ kaṇṭhe kṛtvā janārdanam pūjayetpuṇyamāpnoti pratipuṣpaṁ gavāyutam

और जो तुलसी की माला गले में धारण कर जनार्दन की पूजा करता है, उसे प्रत्येक पुष्प पर दस हज़ार गौओं के दान के समान पुण्य प्राप्त होता है।

श्लोक 14 (padma.4.22.14)

धारयन्ति न ये मालां हैतुकाः पापबुद्धयः । नरकान्न निवर्तंते दग्धाः कोपाग्निना हरेः ।

dhārayanti na ye mālāṁ haitukāḥ pāpabuddhayaḥ narakānna nivartaṁte dagdhāḥ kopāgninā hareḥ

जो पापबुद्धि तार्किक इस माला को धारण नहीं करते, वे हरि के क्रोधाग्नि से जलकर नरक से लौटते ही नहीं।

श्लोक 15 (padma.4.22.15)

न जह्यात्तुलसीमालां धात्रीमालां विशेषतः । महापातकसंहर्त्रीं धर्मकामार्थदायिनीम् ।

na jahyāttulasīmālāṁ dhātrīmālāṁ viśeṣataḥ mahāpātakasaṁhartrīṁ dharmakāmārthadāyinīm

तुलसी की माला को, और विशेषकर आँवले की माला को, कभी नहीं त्यागना चाहिए — यह महापातकों का नाश करने वाली और धर्म-अर्थ-काम प्रदान करने वाली है।

श्लोक 16 (padma.4.22.16)

स्पृशेच्च यानि लोमानि धात्रीमाला कलौ नृणाम् । तावद्वर्षसहस्राणि वसते केशवालये ।

spṛśecca yāni lomāni dhātrīmālā kalau nṛṇām tāvadvarṣasahasrāṇi vasate keśavālaye

कलियुग में मनुष्य के शरीर के जितने रोमों को आँवले की माला स्पर्श करती है, वह उतने ही हज़ार वर्षों तक केशव के धाम में निवास करता है।

श्लोक 17 (padma.4.22.17)

निवेद्य केशवे मालां तुलसीकाष्ठसंभवाम् । वहते यो नरो भक्त्या तस्य वै नास्ति पातकम् ।

nivedya keśave mālāṁ tulasīkāṣṭhasaṁbhavām vahate yo naro bhaktyā tasya vai nāsti pātakam

जो मनुष्य केशव को तुलसी-काष्ठ की माला अर्पित कर उसे भक्तिपूर्वक धारण करता है, उसके लिए कोई पाप नहीं है।

श्लोक 18 (padma.4.22.18)

तुलसीकाष्ठमालां तु प्रेतराजस्य दूतकाः । दृष्ट्वा नश्यन्ति दूरेण वातोद्धूतं यथा दलम् ।

tulasīkāṣṭhamālāṁ tu pretarājasya dūtakāḥ dṛṣṭvā naśyanti dūreṇa vātoddhūtaṁ yathā dalam

तुलसी-काष्ठ की माला को देखकर यमराज के दूत दूर से ही ऐसे भाग जाते हैं जैसे वायु से उड़ा हुआ पत्ता।

श्लोक 19 (padma.4.22.19)

तुलस्या विपिने धात्र्याश्छायासु यो नरोत्तमः । पिण्डं ददाति पितरो मुक्तिं यान्ति द्विजोत्तम ।

tulasyā vipine dhātryāśchāyāsu yo narottamaḥ piṇḍaṁ dadāti pitaro muktiṁ yānti dvijottama

हे द्विजोत्तम, जो श्रेष्ठ मनुष्य तुलसी के वन में अथवा आँवले की छाया में पिंडदान करता है, उसके पितर मुक्ति को प्राप्त होते हैं।

श्लोक 20 (padma.4.22.20)

पाणौ मूर्ध्नि गले चैव कर्णयोश्च मुखे द्विज । धात्रीफलं यस्तु धत्ते स विज्ञेयो हरिः स्वयम् ।

pāṇau mūrdhni gale caiva karṇayośca mukhe dvija dhātrīphalaṁ yastu dhatte sa vijñeyo hariḥ svayam

हे द्विज, जो हाथ, सिर, गले, कानों और मुख पर आँवले का फल धारण करता है, उसे साक्षात् हरि ही जानना चाहिए।

श्लोक 21 (padma.4.22.21)

धात्रीपत्रैः फलैर्विप्र श्रीहरिं चार्चयेद्द्विज । कोटिजन्मार्जितं पापं पूजया नश्यति सकृत् ।

dhātrīpatraiḥ phalairvipra śrīhariṁ cārcayeddvija koṭijanmārjitaṁ pāpaṁ pūjayā naśyati sakṛt

हे विप्र, आँवले के पत्तों और फलों से श्रीहरि की पूजा करनी चाहिए; इस पूजा से करोड़ों जन्मों का अर्जित पाप एक साथ नष्ट हो जाता है।

श्लोक 22 (padma.4.22.22)

यज्ञादेवाश्च मुनयस्तीर्थानि कार्तिके द्विज । धात्रीवृक्षं समाश्रित्य तिष्ठन्ति कार्तिके सदा ।

yajñādevāśca munayastīrthāni kārtike dvija dhātrīvṛkṣaṁ samāśritya tiṣṭhanti kārtike sadā

हे द्विज, देवगण, मुनिगण और तीर्थ सभी कार्तिक मास में आँवले के वृक्ष का आश्रय लेकर सदा वहीं निवास करते हैं।

श्लोक 23 (padma.4.22.23)

धात्रीपत्रं कार्तिके च द्वादश्यां तुलसीदलम् । चिनोति यो नरो गच्छेन्निरयं यातनामयम् ।

dhātrīpatraṁ kārtike ca dvādaśyāṁ tulasīdalam cinoti yo naro gacchennirayaṁ yātanāmayam

जो मनुष्य कार्तिक की द्वादशी को आँवले का पत्ता अथवा तुलसीदल तोड़ता है, वह यातनामय नरक को जाता है।

श्लोक 24 (padma.4.22.24)

धात्रीछायासु यो विप्र चान्नं भुनक्ति कार्तिके । अन्नसंसर्गजं पापमावर्षं तस्य नश्यति ।

dhātrīchāyāsu yo vipra cānnaṁ bhunakti kārtike annasaṁsargajaṁ pāpamāvarṣaṁ tasya naśyati

हे विप्र, जो कार्तिक में आँवले की छाया में भोजन करता है, उसके अन्न-संसर्ग से उत्पन्न पाप पूरे वर्ष के लिए नष्ट हो जाता है।

श्लोक 25 (padma.4.22.25)

तुलसीवनमध्ये च धात्रीमूले च कार्तिके । कुर्याद्धर्यर्चनं विप्र वैकुण्ठं याति स ध्रुवम् ।

tulasīvanamadhye ca dhātrīmūle ca kārtike kuryāddharyarcanaṁ vipra vaikuṇṭhaṁ yāti sa dhruvam

हे विप्र, कार्तिक में तुलसी वन के मध्य में अथवा आँवले के मूल में हरि की पूजा करनी चाहिए; वह निश्चय ही वैकुंठ को जाता है।

श्लोक 26 (padma.4.22.26)

तुलसीमूलदेशेऽपि स्थितं वारि द्विजोत्तम । गृह्णाति मस्तके भक्त्या पापी याति हरेर्गृहम् ।

tulasīmūladeśe'pi sthitaṁ vāri dvijottama gṛhṇāti mastake bhaktyā pāpī yāti harergṛham

हे द्विजोत्तम, तुलसी के मूल के समीप स्थित जल को जो भक्तिपूर्वक अपने सिर पर धारण करता है, वह पापी भी हरि के धाम को जाता है।

श्लोक 27 (padma.4.22.27)

तुलसीपत्रगलितं यस्तोयं शिरसावहेत् । सर्वतीर्थेषु स स्नातश्चांते याति हरेर्गृहम् ।

tulasīpatragalitaṁ yastoyaṁ śirasāvahet sarvatīrtheṣu sa snātaścāṁte yāti harergṛham

जो तुलसीदल से टपके हुए जल को अपने सिर पर धारण करता है, वह समस्त तीर्थों में स्नान कर चुका होता है और अंत में हरि के धाम को जाता है।

श्लोक 28 (padma.4.22.28)

पुरा कश्चिद्द्विजश्रेष्ठो द्वापरेऽभून्महामुने । स्नात्वैकदा तुलस्यै स वनं दत्वा गृहं गतः ।

purā kaściddvijaśreṣṭho dvāpare'bhūnmahāmune snātvaikadā tulasyai sa vanaṁ datvā gṛhaṁ gataḥ

पूर्वकाल में द्वापर युग में, हे महामुने, एक श्रेष्ठ द्विज था। एक दिन स्नान कर उसने तुलसी वन को सींचकर घर की ओर प्रस्थान किया।

श्लोक 29 (padma.4.22.29)

आदित्यो वर्चसा नाम्ना मार्त्तंड इव पुण्यतः । तृषार्तो भक्षकः कश्चिदागतो बहुकल्मषः ।

ādityo varcasā nāmnā mārttaṁḍa iva puṇyataḥ tṛṣārto bhakṣakaḥ kaścidāgato bahukalmaṣaḥ

वर्चस नामक, तेज में सूर्य के समान, पुण्य में मार्तंड के समान, प्यास से पीड़ित एक शिकारी, बहुत पापों से युक्त, वहाँ आया।

श्लोक 30 (padma.4.22.30)

तुलस्यामूलतस्तोयं पीत्वा चासौ हतांहसः । त्वरयाप्यागतो व्याधो नाम्ना यश्चासिमर्द्दनः ।

tulasyāmūlatastoyaṁ pītvā cāsau hatāṁhasaḥ tvarayāpyāgato vyādho nāmnā yaścāsimarddanaḥ

तुलसी के मूल से जल पीकर उसके पाप नष्ट हो गए। शीघ्र ही असिमर्दन नामक एक शिकारी भी वहाँ आ पहुँचा,

श्लोक 31 (padma.4.22.31)

उवाच भुक्तं चान्नं च भुक्त्वा भग्नं गतः किमु । कृत्वा मे पाकभांडस्थं चागतो हिंसकस्य ते ।

uvāca bhuktaṁ cānnaṁ ca bhuktvā bhagnaṁ gataḥ kimu kṛtvā me pākabhāṁḍasthaṁ cāgato hiṁsakasya te

— और बोला — "मेरा अन्न खाकर तुम कहाँ चले गए हो, इसे बिगाड़कर? मेरे पाकपात्र से लेकर तुम मेरे शत्रु बनकर आए हो —"

श्लोक 32 (padma.4.22.32)

विव्याध तं गतप्राणं नेतुं वै शमनाज्ञया । आगताः किंकराः क्रुद्धाः पाशमुद्गरपाणयः ।

vivyādha taṁ gataprāṇaṁ netuṁ vai śamanājñayā āgatāḥ kiṁkarāḥ kruddhāḥ pāśamudgarapāṇayaḥ

— उसने उसे मार डाला। प्राण-रहित हुए उसे ले जाने के लिए, यमराज की आज्ञा से क्रोधित किंकर, हाथों में पाश और मुद्गर लिए, आए।

श्लोक 33 (padma.4.22.33)

बद्ध्वा नेतुं मनश्चक्रुरागता विष्णुकिंकराः । तदा छित्त्वा चर्मपाशं स्यंदने तं मनोहरे ।

baddhvā netuṁ manaścakrurāgatā viṣṇukiṁkarāḥ tadā chittvā carmapāśaṁ syaṁdane taṁ manohare

उसे बाँधकर ले जाने का उन्होंने निश्चय किया — तभी विष्णु के दूत वहाँ आ पहुँचे। चर्म-पाश को काटकर, उसे एक सुंदर रथ पर —

श्लोक 34 (padma.4.22.34)

तूर्णमारोहयामासुः पप्रच्छुर्विनयान्विताः । तेऽपि पुण्येन भोः संतः केन वै नीयतेऽप्यसौ ।

tūrṇamārohayāmāsuḥ papracchurvinayānvitāḥ te'pi puṇyena bhoḥ saṁtaḥ kena vai nīyate'pyasau

— शीघ्रता से बिठाकर, उन्होंने विनयपूर्वक पूछा — "हे सज्जनो, यह किस पुण्य के कारण, किसके द्वारा ले जाया जा रहा है?"

श्लोक 35 (padma.4.22.35)

ऊचुस्तेऽसौ पुरा राजा पुण्यं बहुतरं कृतम् । अकरोद्धरणं कांचित्सुंदरीं चांगनामयम् ।

ūcuste'sau purā rājā puṇyaṁ bahutaraṁ kṛtam akaroddharaṇaṁ kāṁcitsuṁdarīṁ cāṁganāmayam

उन्होंने (यमदूतों ने) कहा — "पूर्वकाल में यह मनुष्य एक राजा था जिसने बहुत पुण्य किया था, परंतु उसने किसी सुंदर स्त्री का अपहरण किया था —

श्लोक 36 (padma.4.22.36)

अनेन चांहसा राजा गतो वै शमनक्षयम् । तत्रक्लेशं तु युष्माभिर्दत्तं वै शमनाज्ञया ।

anena cāṁhasā rājā gato vai śamanakṣayam tatrakleśaṁ tu yuṣmābhirdattaṁ vai śamanājñayā

— इसी पाप के कारण, हे राजन्, वह राजा मृत्यु को प्राप्त हुआ। वहाँ, यमराज की आज्ञा से, हमने उसे यह कष्ट दिया —

श्लोक 37 (padma.4.22.37)

ताम्रमय्यास्त्रियासार्द्धं क्रीडां सुप्त्वा चकार सः । तप्तायां लोहशय्यायां वैक्लव्यं कर्मणा नृप ।

tāmramayyāstriyāsārddhaṁ krīḍāṁ suptvā cakāra saḥ taptāyāṁ lohaśayyāyāṁ vaiklavyaṁ karmaṇā nṛpa

— उसने सोते हुए एक ताँबे की स्त्री (प्रतिमा) के साथ क्रीड़ा की थी, हे राजन्, उसी कर्म के कारण उसे तपाई हुई लोहे की शय्या पर व्याकुलता सहनी पड़ी।

श्लोक 38 (padma.4.22.38)

तप्तायोभीषणं तप्तं लोहस्तंभं यमाज्ञया । ततः स्थितः समालिंग्य भुक्त्वा दुःखं चिरं नृपः ।

taptāyobhīṣaṇaṁ taptaṁ lohastaṁbhaṁ yamājñayā tataḥ sthitaḥ samāliṁgya bhuktvā duḥkhaṁ ciraṁ nṛpaḥ

यमराज की आज्ञा से भयंकर, तपाए हुए लोह-स्तंभ को — उसे उससे लिपटकर खड़े होकर चिरकाल तक दुःख भोगना पड़ा, हे राजन्,

श्लोक 39 (padma.4.22.39)

सिक्तः क्षारांबुधाराभिरन्यैर्वै शमनालये । ततो नरकशेषे च पापयोनौ मुहुर्मुहुः ।

siktaḥ kṣārāṁbudhārābhiranyairvai śamanālaye tato narakaśeṣe ca pāpayonau muhurmuhuḥ

— और यमलोक में क्षारयुक्त जल की धाराओं तथा अन्य कष्टों से उसे सींचा गया। फिर शेष नरक-दंड पूरा कर, बार-बार पापयोनियों में —

श्लोक 40 (padma.4.22.40)

जन्मासाद्य चिरं दुःखमनुभूतं स्वकर्मणा । तुलसीमूलकं वारि पीत्वा याति हरेर्गृहम् ।

janmāsādya ciraṁ duḥkhamanubhūtaṁ svakarmaṇā tulasīmūlakaṁ vāri pītvā yāti harergṛham

— जन्म पाकर उसने अपने ही कर्मों से चिरकाल तक दुःख भोगा। (परंतु अब) तुलसी के मूल का जल पीकर वह हरि के धाम को जा रहा है।"

श्लोक 41 (padma.4.22.41)

इदानीं तद्वचः श्रुत्वा गतादूता यथागताः । तेन सार्द्धं विष्णुदूता गता वैकुंठमंदिरम् ।

idānīṁ tadvacaḥ śrutvā gatādūtā yathāgatāḥ tena sārddhaṁ viṣṇudūtā gatā vaikuṁṭhamaṁdiram

अभी यह वचन सुनकर वे यमदूत जैसे आए थे वैसे ही लौट गए; और विष्णु के दूत उसके साथ वैकुंठ मंदिर को चले गए।

श्लोक 42 (padma.4.22.42)

माहात्म्यं कथितं ब्रह्मन्तुलस्याः पापनाशनम् । कुर्वंति सेवां ये भक्त्या न जाने किं भवेन्मुने ।

māhātmyaṁ kathitaṁ brahmantulasyāḥ pāpanāśanam kurvaṁti sevāṁ ye bhaktyā na jāne kiṁ bhavenmune

हे ब्रह्मन्, यह तुलसी की पापनाशक महिमा मैंने कह सुनाई। जो भक्तिपूर्वक इसकी सेवा करते हैं, उन्हें क्या प्राप्त होगा, यह मैं नहीं जानता, हे मुने!