श्रीराधाष्टमी-माहात्म्य एवं राधा-जन्म

श्लोक 1 (padma.4.7.1)

शौनक उवाच । कथयस्व महाप्राज्ञ गोलोकं याति कर्मणा । सुमते दुस्तरात्केन जनः संसारसागरात् । राधायाश्चाष्टमी सूत तस्या माहात्म्यमुत्तमम् ।

śaunaka uvāca kathayasva mahāprājña golokaṁ yāti karmaṇā sumate dustarātkena janaḥ saṁsārasāgarāt rādhāyāścāṣṭamī sūta tasyā māhātmyamuttamam

शौनक ने कहा — हे महाप्राज्ञ! कहिए, किस कर्म से मनुष्य गोलोक जाता है, और हे सुमते सूत! मनुष्य दुस्तर संसार-सागर से किससे पार होता है? तथा राधा की अष्टमी और उसकी उत्तम महिमा भी कहिए।

श्लोक 2 (padma.4.7.2)

सूत उवाच । ब्रह्माणं नारदोऽपृच्छत्पुरा चैतन्महामुने । तच्छृणुष्व समासेन पृष्टवान्स इति द्विज ।

sūta uvāca brahmāṇaṁ nārado'pṛcchatpurā caitanmahāmune tacchṛṇuṣva samāsena pṛṣṭavānsa iti dvija

सूत ने कहा — हे महामुने! पूर्वकाल में नारद जी ने ब्रह्मा जी से यही पूछा था; हे द्विज! जैसा उन्होंने पूछा, वह मैं संक्षेप में कहता हूँ।

श्लोक 3 (padma.4.7.3)

नारद उवाच । पितामह महाप्राज्ञ सर्वशास्त्रविदां वर । राधाजन्माष्टमी तात कथयस्व ममाग्रतः ।

nārada uvāca pitāmaha mahāprājña sarvaśāstravidāṁ vara rādhājanmāṣṭamī tāta kathayasva mamāgrataḥ

नारद ने कहा — हे पितामह, महाप्राज्ञ, समस्त शास्त्रों के ज्ञाताओं में श्रेष्ठ! हे तात! राधा-जन्माष्टमी मेरे समक्ष कहिए।

श्लोक 4 (padma.4.7.4)

तस्याः पुण्यफलं किंवा कृतं केन पुरा विभो । अकुर्वतां जनानां हि किल्बिषं किं भवेद्द्विज ।

tasyāḥ puṇyaphalaṁ kiṁvā kṛtaṁ kena purā vibho akurvatāṁ janānāṁ hi kilbiṣaṁ kiṁ bhaveddvija

उसका पुण्य-फल क्या है, और पूर्वकाल में इसे किसने किया था, हे विभो? तथा हे द्विज! जो लोग इसे नहीं करते, उन्हें क्या पाप लगता है?

श्लोक 5 (padma.4.7.5)

केनैव तु विधानेन कर्त्तव्यं तद्व्रतं कदा । कस्माज्जाता च सा राधा तन्मे कथय मूलतः ।

kenaiva tu vidhānena karttavyaṁ tadvrataṁ kadā kasmājjātā ca sā rādhā tanme kathaya mūlataḥ

उस व्रत को किस विधि से और कब करना चाहिए? तथा वह राधा किससे उत्पन्न हुई? मुझे यह सब मूल से कहिए।

श्लोक 6 (padma.4.7.6)

ब्रह्मोवाच । राधाजन्माष्टमीं वत्स शृणुष्व सुसमाहितः । कथयामि समासेन समग्रं हरिणा विना ।

brahmovāca rādhājanmāṣṭamīṁ vatsa śṛṇuṣva susamāhitaḥ kathayāmi samāsena samagraṁ hariṇā vinā

ब्रह्मा जी ने कहा — हे वत्स! राधा-जन्माष्टमी के विषय में सावधान होकर सुनिए; मैं इसे संक्षेप में — हरि को छोड़कर सब कुछ — कहता हूँ।

श्लोक 7 (padma.4.7.7)

कथितुं तत्फलं पुण्यं न शक्नोत्यपि नारद । कोटिजन्मार्जितं पापं ब्रह्महत्यादिकं महत् ।

kathituṁ tatphalaṁ puṇyaṁ na śaknotyapi nārada koṭijanmārjitaṁ pāpaṁ brahmahatyādikaṁ mahat

हे नारद! उसका पुण्य-फल कहने में मैं भी असमर्थ हूँ। ब्रह्महत्या आदि करोड़ों जन्मों का अर्जित महापाप —

श्लोक 8 (padma.4.7.8)

कुर्वंति ये सकृद्भक्त्या तेषां नश्यति तत्क्षणात् । एकादश्याः सहस्रेण यत्फलं लभते नरः ।

kurvaṁti ye sakṛdbhaktyā teṣāṁ naśyati tatkṣaṇāt ekādaśyāḥ sahasreṇa yatphalaṁ labhate naraḥ

जो लोग भक्तिपूर्वक एक बार भी इसे करते हैं, उनका वह पाप उसी क्षण नष्ट हो जाता है। सहस्र एकादशियों से मनुष्य जो फल प्राप्त करता है,

श्लोक 9 (padma.4.7.9)

राधाजन्माष्टमी पुण्यं तस्माच्छतगुणाधिकम् । मेरुतुल्यसुवर्णानि दत्वा यत्फलमाप्यते ।

rādhājanmāṣṭamī puṇyaṁ tasmācchataguṇādhikam merutulyasuvarṇāni datvā yatphalamāpyate

उससे सौ गुना अधिक राधा-जन्माष्टमी का पुण्य है। मेरु पर्वत के समान स्वर्ण दान करने से जो फल मिलता है,

श्लोक 10 (padma.4.7.10)

सकृद्राधाष्टमीं कृत्वा तस्माच्छतगुणाधिकम् । कन्यादानसहस्रेण यत्पुण्यं प्राप्यते जनैः ।

sakṛdrādhāṣṭamīṁ kṛtvā tasmācchataguṇādhikam kanyādānasahasreṇa yatpuṇyaṁ prāpyate janaiḥ

उससे सौ गुना अधिक फल एक बार राधाष्टमी करने से मिलता है। सहस्र कन्यादानों से लोगों को जो पुण्य प्राप्त होता है,

श्लोक 11 (padma.4.7.11)

वृषभानुसुताष्टम्या तत्फलं प्राप्यते जनैः । गंगादिषु च तीर्थेषु स्नात्वा तु यत्फलं लभेत् ।

vṛṣabhānusutāṣṭamyā tatphalaṁ prāpyate janaiḥ gaṁgādiṣu ca tīrtheṣu snātvā tu yatphalaṁ labhet

वृषभानु-सुता (राधा) की अष्टमी से लोगों को वही फल प्राप्त होता है। गंगा आदि तीर्थों में स्नान करने से जो फल मिलता है,

श्लोक 12 (padma.4.7.12)

कृष्णप्राणप्रियाष्टम्याः फलं प्राप्नोति मानवः । एतद्व्रतं तु यः पापी हेलया श्रद्धयापि वा ।

kṛṣṇaprāṇapriyāṣṭamyāḥ phalaṁ prāpnoti mānavaḥ etadvrataṁ tu yaḥ pāpī helayā śraddhayāpi vā

कृष्ण-प्राण-प्रिया (राधा) की अष्टमी से मनुष्य वही फल प्राप्त करता है। जो भी पापी इस व्रत को उपेक्षापूर्वक या श्रद्धापूर्वक करता है,

श्लोक 13 (padma.4.7.13)

करोति विष्णुसदनं गच्छेत्कोटिकुलान्वितः । पुरा कृतयुगे वत्स वरनारी सुशोभना ।

karoti viṣṇusadanaṁ gacchetkoṭikulānvitaḥ purā kṛtayuge vatsa varanārī suśobhanā

वह करोड़ों कुलों सहित विष्णु-धाम को जाता है। हे वत्स! पूर्वकाल कृतयुग में एक अत्यंत सुंदर वेश्या थी,

श्लोक 14 (padma.4.7.14)

सुमध्या हरिणीनेत्रा शुभांगी चारुहासिनी । सुकेशी चारुकर्णी च नाम्ना लीलावती स्मृता ।

sumadhyā hariṇīnetrā śubhāṁgī cāruhāsinī sukeśī cārukarṇī ca nāmnā līlāvatī smṛtā

सुडौल कमर वाली, हिरणी-नेत्रा, शुभ अंगों वाली, मनोहर हास्य वाली, सुंदर केशों वाली तथा सुंदर कानों वाली — उसका नाम लीलावती था।

श्लोक 15 (padma.4.7.15)

तया बहूनि पापानि कृतानि सुदृढानि च । एकदा साधनाकांक्षी निःसृत्य पुरतः स्वतः ।

tayā bahūni pāpāni kṛtāni sudṛḍhāni ca ekadā sādhanākāṁkṣī niḥsṛtya purataḥ svataḥ

उसने बहुत से दृढ़ पाप किए थे। एक बार किसी साधन की इच्छा से वह अकेली नगर से निकली।

श्लोक 16 (padma.4.7.16)

गतान्यनगरं तत्र दृष्ट्वा सुज्ञ जनान्बहून् । राधाष्टमीव्रतपरान्सुंदरे देवतालये ।

gatānyanagaraṁ tatra dṛṣṭvā sujña janānbahūn rādhāṣṭamīvrataparānsuṁdare devatālaye

दूसरे नगर में जाकर, वहाँ उसने एक सुंदर देवालय में अनेक ज्ञानी जनों को राधाष्टमी-व्रत में तत्पर देखा।

श्लोक 17 (padma.4.7.17)

गंधपुष्पैर्धूपदीपैर्वस्त्रैर्नानाविधैः फलैः । भक्तिभावैः पूजयंतो राधाया मूर्तिमुत्तमाम् ।

gaṁdhapuṣpairdhūpadīpairvastrairnānāvidhaiḥ phalaiḥ bhaktibhāvaiḥ pūjayaṁto rādhāyā mūrtimuttamām

वे गंध, पुष्प, धूप, दीप, वस्त्र तथा नाना प्रकार के फलों से भक्तिभावपूर्वक राधा की उत्तम मूर्ति की पूजा कर रहे थे।

श्लोक 18 (padma.4.7.18)

केचिद्गायंति नृत्यंति पठंति स्तवमुत्तमम् । तालवेणुमृदंगांश्च वादयंति च के मुदा ।

kecidgāyaṁti nṛtyaṁti paṭhaṁti stavamuttamam tālaveṇumṛdaṁgāṁśca vādayaṁti ca ke mudā

कोई गा रहे थे, कोई नृत्य कर रहे थे, कोई उत्तम स्तोत्र का पाठ कर रहे थे, तथा कोई हर्षपूर्वक ताल, वेणु और मृदंग बजा रहे थे।

श्लोक 19 (padma.4.7.19)

तांस्तांस्तथाविधान्दृष्ट्वा कौतूहलसमन्विता । जगाम तत्समीपं सा पप्रच्छ विनयान्विता ।

tāṁstāṁstathāvidhāndṛṣṭvā kautūhalasamanvitā jagāma tatsamīpaṁ sā papraccha vinayānvitā

उन सबको इस प्रकार देखकर कुतूहलयुक्त होकर वह उनके समीप गई और विनयपूर्वक पूछने लगी —

श्लोक 20 (padma.4.7.20)

भोभोः पुण्यात्मानो यूयं किं कुर्वंतो मुदान्विताः । कथयध्वं पुण्यवंतो मां चैव विनयान्विताम् ।

bhobhoḥ puṇyātmāno yūyaṁ kiṁ kurvaṁto mudānvitāḥ kathayadhvaṁ puṇyavaṁto māṁ caiva vinayānvitām

'हे पुण्यात्माओ! आप लोग हर्षपूर्वक क्या कर रहे हैं? हे पुण्यवानो! मुझ विनम्र को भी बताइए।'

श्लोक 21 (padma.4.7.21)

तस्यास्तु वचनं श्रुत्वा परकार्यहितेरताः । आरेभिरे तदा वक्तुं वैष्णवा व्रततत्पराः ।

tasyāstu vacanaṁ śrutvā parakāryahiteratāḥ ārebhire tadā vaktuṁ vaiṣṇavā vratatatparāḥ

दूसरों के हित में रत उन वैष्णवों ने, जो व्रत में तत्पर थे, उसका वचन सुनकर तब कहना आरंभ किया।

श्लोक 22 (padma.4.7.22)

राधाव्रतिन ऊचुः । भाद्रे मासि सिताष्टम्यां जाता श्रीराधिका यतः । अष्टमी साद्य संप्राप्ता तां कुर्वाम प्रयत्नतः ।

rādhāvratina ūcuḥ bhādre māsi sitāṣṭamyāṁ jātā śrīrādhikā yataḥ aṣṭamī sādya saṁprāptā tāṁ kurvāma prayatnataḥ

राधा-व्रतियों ने कहा — भाद्रपद मास की शुक्ल अष्टमी को श्रीराधिका का जन्म हुआ था; आज वही अष्टमी आई है, इसलिए हम प्रयत्नपूर्वक इसे कर रहे हैं।

श्लोक 23 (padma.4.7.23)

गोघातजनितं पापं स्तेयजं ब्रह्मघातजम् । परस्त्रीहरणाच्चैव तथा च गुरुतल्पजम् ।

goghātajanitaṁ pāpaṁ steyajaṁ brahmaghātajam parastrīharaṇāccaiva tathā ca gurutalpajam

गौ-हत्या से उत्पन्न पाप, चोरी से, ब्रह्महत्या से, पराई स्त्री के हरण से, तथा गुरु-पत्नी-गमन से उत्पन्न पाप —

श्लोक 24 (padma.4.7.24)

विश्वासघातजं चैव स्त्रीहत्याजनितं तथा । एतानि नाशयत्याशु कृता या चाष्टमी नृणाम् ।

viśvāsaghātajaṁ caiva strīhatyājanitaṁ tathā etāni nāśayatyāśu kṛtā yā cāṣṭamī nṛṇām

विश्वासघात से तथा स्त्री-हत्या से उत्पन्न पाप — इन सबको मनुष्यों द्वारा की गई यह अष्टमी शीघ्र नष्ट कर देती है।

श्लोक 25 (padma.4.7.25)

तेषां च वचनं श्रुत्वा सर्वपातकनाशनम् । करिष्याम्यहमित्येव परामृष्य पुनः पुनः ।

teṣāṁ ca vacanaṁ śrutvā sarvapātakanāśanam kariṣyāmyahamityeva parāmṛṣya punaḥ punaḥ

यह सुनकर कि यह सर्वपापनाशक है, उसने बार-बार विचार करके निश्चय किया — 'मैं भी इसे करूँगी।'

श्लोक 26 (padma.4.7.26)

तत्रैव व्रतिभिः सार्द्धं कृत्वा सा व्रतमुत्तमम् । दैवात्सा पंचतां याता सर्पघातेन निर्मला ।

tatraiva vratibhiḥ sārddhaṁ kṛtvā sā vratamuttamam daivātsā paṁcatāṁ yātā sarpaghātena nirmalā

वहीं व्रतियों के साथ उसने उत्तम व्रत किया; और दैवयोग से सर्प के डसने से वह पवित्र होकर मृत्यु को प्राप्त हुई।

श्लोक 27 (padma.4.7.27)

ततो यमाज्ञया दूताः पाशमुद्गरपाणयः । आगतास्तां समानेतुं बबंधुरतिकृच्छ्रतः ।

tato yamājñayā dūtāḥ pāśamudgarapāṇayaḥ āgatāstāṁ samānetuṁ babaṁdhuratikṛcchrataḥ

तब यम की आज्ञा से पाश-मुद्गरधारी दूत उसे लाने के लिए आए और बड़ी कठिनाई से उसे बाँध लिया।

श्लोक 28 (padma.4.7.28)

यदा नेतुं मनश्चक्रुर्यमस्य सदनं प्रति । तदागता विष्णुदूताः शंखचक्रगदाधराः ।

yadā netuṁ manaścakruryamasya sadanaṁ prati tadāgatā viṣṇudūtāḥ śaṁkhacakragadādharāḥ

जब वे उसे यम के धाम की ओर ले जाने का मन बना रहे थे, तभी शंख-चक्र-गदाधारी विष्णु-दूत आ पहुँचे,

श्लोक 29 (padma.4.7.29)

हिरण्मयं विमानं च राजहंसयुतं शुभम् । छेदनं चक्रधाराभिः पाशं कृत्वा त्वरान्विताः ।

hiraṇmayaṁ vimānaṁ ca rājahaṁsayutaṁ śubham chedanaṁ cakradhārābhiḥ pāśaṁ kṛtvā tvarānvitāḥ

साथ में राजहंसों से युक्त एक शुभ स्वर्ण-विमान भी। शीघ्रता से उन्होंने चक्र की धार से पाश को काट दिया,

श्लोक 30 (padma.4.7.30)

रथे चारोपयामासुस्तां नारीं गतकिल्बिषाम् । निन्युर्विष्णुपुरं ते च गोलोकाख्यं मनोहरम् ।

rathe cāropayāmāsustāṁ nārīṁ gatakilbiṣām ninyurviṣṇupuraṁ te ca golokākhyaṁ manoharam

और उस पापरहित नारी को रथ पर बिठाया; वे उसे विष्णु-धाम, मनोहर गोलोक को ले गए।

श्लोक 31 (padma.4.7.31)

कृष्णेन राधया तत्र स्थिता व्रतप्रसादतः । राधाष्टमीव्रतं तात यो न कुर्य्याच्च मूढधीः ।

kṛṣṇena rādhayā tatra sthitā vrataprasādataḥ rādhāṣṭamīvrataṁ tāta yo na kuryyācca mūḍhadhīḥ

वहाँ वह व्रत के प्रसाद से कृष्ण और राधा के साथ निवास करती है। हे तात! जो मूढ़बुद्धि राधाष्टमी-व्रत नहीं करता,

श्लोक 32 (padma.4.7.32)

नरकान्निष्कृतिर्नास्ति कोटिकल्पशतैरपि । स्त्रियश्च या न कुर्वंति व्रतमेतच्छुभप्रदम् ।

narakānniṣkṛtirnāsti koṭikalpaśatairapi striyaśca yā na kurvaṁti vratametacchubhapradam

उसे सौ करोड़ कल्पों तक भी नरक से मुक्ति नहीं मिलती। और जो स्त्रियाँ इस शुभदायी व्रत को नहीं करतीं,

श्लोक 33 (padma.4.7.33)

राधाविष्णोः प्रीतिकरं सर्वपापप्रणाशनम् । अंते यमपुरीं गत्वा पतंति नरके चिरम् ।

rādhāviṣṇoḥ prītikaraṁ sarvapāpapraṇāśanam aṁte yamapurīṁ gatvā pataṁti narake ciram

राधा और विष्णु को प्रसन्न करने वाले, सर्वपापनाशक इस व्रत को न करने वाली वे स्त्रियाँ अंत में यमपुरी जाकर दीर्घकाल तक नरक में गिरती हैं।

श्लोक 34 (padma.4.7.34)

कदाचिज्जन्मचासाद्य पृथिव्यां विधवा ध्रुवम् । एकदा पृथिवी वत्स दुष्टसंघैश्च ताडिता ।

kadācijjanmacāsādya pṛthivyāṁ vidhavā dhruvam ekadā pṛthivī vatsa duṣṭasaṁghaiśca tāḍitā

और यदि कभी पुनः पृथ्वी पर जन्म ले भी लें, तो वे निश्चय ही विधवा होती हैं। हे वत्स! एक बार दुष्टों के समूह से पीड़ित पृथ्वी —

श्लोक 35 (padma.4.7.35)

गौर्भूत्वा च भृशं दीना चाययौ सा ममांतिकम् । निवेदयामास दुःखं रुदंती च पुनः पुनः ।

gaurbhūtvā ca bhṛśaṁ dīnā cāyayau sā mamāṁtikam nivedayāmāsa duḥkhaṁ rudaṁtī ca punaḥ punaḥ

गौ का रूप धारण करके अत्यंत दीन होकर मेरे समीप आई; रोते-रोते उसने बार-बार अपना दुःख निवेदन किया।

श्लोक 36 (padma.4.7.36)

तद्वाक्यं च समाकर्ण्य गतोऽहं विष्णुसंनिधिम् । कृष्णे निवेदितश्चाशु पृथिव्या दुःखसंचयः ।

tadvākyaṁ ca samākarṇya gato'haṁ viṣṇusaṁnidhim kṛṣṇe niveditaścāśu pṛthivyā duḥkhasaṁcayaḥ

उसका वचन सुनकर मैं विष्णु के समीप गया, और तुरंत ही कृष्ण को पृथ्वी के दुःख का सारा संचय निवेदन किया।

श्लोक 37 (padma.4.7.37)

तेनोक्तं गच्छ भो ब्रह्मन्देवैः सार्द्धं च भूतले । अहं तत्रापि गच्छामि पश्चान्ममगणैः सह ।

tenoktaṁ gaccha bho brahmandevaiḥ sārddhaṁ ca bhūtale ahaṁ tatrāpi gacchāmi paścānmamagaṇaiḥ saha

उन्होंने कहा — 'हे ब्रह्मन्! आप देवताओं सहित भूतल पर जाइए; मैं भी अपने गणों के साथ बाद में वहाँ जाऊँगा।'

श्लोक 38 (padma.4.7.38)

तच्छ्रुत्वा सहितो दैवैरागतः पृथिवीतलम् । ततः कृष्णः समाहूय राधां प्राणगरीयसीम् ।

tacchrutvā sahito daivairāgataḥ pṛthivītalam tataḥ kṛṣṇaḥ samāhūya rādhāṁ prāṇagarīyasīm

यह सुनकर मैं देवताओं सहित पृथ्वीतल पर आया। तब कृष्ण ने अपने प्राणों से भी अधिक प्रिय राधा को बुलाकर,

श्लोक 39 (padma.4.7.39)

उवाच वचनं देवि गच्छेहं पृथिवीतलम् । पृथिवीभारनाशाय गच्छ त्वं मर्त्त्यमंडलम् ।

uvāca vacanaṁ devi gacchehaṁ pṛthivītalam pṛthivībhāranāśāya gaccha tvaṁ marttyamaṁḍalam

कहा — 'हे देवी! मैं पृथ्वीतल पर जा रहा हूँ; पृथ्वी का भार दूर करने के लिए तुम भी मृत्युलोक को जाओ।'

श्लोक 40 (padma.4.7.40)

इति श्रुत्वापि सा राधाप्यागता पृथिवीं ततः । भाद्रे मासि सिते पक्षे अष्टमीसंज्ञिके तिथौ ।

iti śrutvāpi sā rādhāpyāgatā pṛthivīṁ tataḥ bhādre māsi site pakṣe aṣṭamīsaṁjñike tithau

यह सुनकर वह राधा भी तब पृथ्वी पर अवतरित हुई, भाद्रपद मास के शुक्ल पक्ष की अष्टमी नामक तिथि को।

श्लोक 41 (padma.4.7.41)

वृषभानो र्यज्ञभूमौ जाता सा राधिका दिवा । यज्ञार्थं शोधितायां च दृष्टा सा दिव्यरूपिणी ।

vṛṣabhāno ryajñabhūmau jātā sā rādhikā divā yajñārthaṁ śodhitāyāṁ ca dṛṣṭā sā divyarūpiṇī

वह राधिका दिन में वृषभानु के यज्ञ-भूमि पर प्रकट हुई, जो यज्ञ के लिए शुद्ध की गई थी; वह दिव्य-रूपिणी वहाँ दिखाई दी।

श्लोक 42 (padma.4.7.42)

राजानं दमना भूत्वा तां प्राप्य निजमंदिरम् । दत्तवान्महिषीं नीत्वा सा च तां पर्यपालयत् ।

rājānaṁ damanā bhūtvā tāṁ prāpya nijamaṁdiram dattavānmahiṣīṁ nītvā sā ca tāṁ paryapālayat

यह जानकर व्यथित हुए राजा ने उसे पाकर अपने भवन में ले जाकर अपनी रानी को सौंप दिया, और रानी ने उसका पालन किया।

श्लोक 43 (padma.4.7.43)

इति ते कथितं वत्स त्वया पृष्टं च यद्वचः । गोपनीयं गोपनीयं गोपनीयं प्रयत्नतः ।

iti te kathitaṁ vatsa tvayā pṛṣṭaṁ ca yadvacaḥ gopanīyaṁ gopanīyaṁ gopanīyaṁ prayatnataḥ

हे वत्स! जो कुछ तुमने पूछा, वह वचन मैंने तुम्हें कह दिया; यह अत्यंत गोपनीय है, गोपनीय है, प्रयत्नपूर्वक गोपनीय रखने योग्य है।

श्लोक 44 (padma.4.7.44)

सूत उवाच । य इदं शृणुयाद्भक्त्या चतुर्वर्गफलप्रदम् । सर्वपापविनिर्मुक्तश्चांतेयातिहरेर्गृहम् ।

sūta uvāca ya idaṁ śṛṇuyādbhaktyā caturvargaphalapradam sarvapāpavinirmuktaścāṁteyātiharergṛham

सूत ने कहा — जो इसे भक्तिपूर्वक सुनता है, वह चारों पुरुषार्थों का फल पाकर समस्त पापों से मुक्त होकर अंत में हरि के धाम को जाता है।