कालकूट विष और ज्येष्ठा का निर्वासन

श्लोक 1 (padma.4.9.1)

सूत उवाच । ततोऽमरगणास्ते च सगंधर्वाः सदानवा । उत्पाट्य मंदरं शैलं चिक्षिपुः पयसां निधौ ।

sūta uvāca tato'maragaṇāste ca sagaṁdharvāḥ sadānavā utpāṭya maṁdaraṁ śailaṁ cikṣipuḥ payasāṁ nidhau

सूत ने कहा — तब देवगण, गंधर्वों तथा दानवों सहित, मंदराचल पर्वत को उखाड़कर क्षीरसागर में डाल दिया।

श्लोक 2 (padma.4.9.2)

ततः सनातनः श्रीमान्दयालुर्जगदीश्वरः । अधारयद्गिरेर्मूलं कूर्मरूपेण पृष्ठतः ।

tataḥ sanātanaḥ śrīmāndayālurjagadīśvaraḥ adhārayadgirermūlaṁ kūrmarūpeṇa pṛṣṭhataḥ

तब सनातन, श्रीमान्, दयालु जगदीश्वर ने कूर्म-रूप धारण कर पर्वत के मूल को अपनी पीठ पर धारण किया।

श्लोक 3 (padma.4.9.3)

अनंतं तत्र संवेष्ट्य ममंथुर्दुग्धसागरम् । एकादश्यां मथ्यमाने चोद्भूतं प्रथमं द्विज ।

anaṁtaṁ tatra saṁveṣṭya mamaṁthurdugdhasāgaram ekādaśyāṁ mathyamāne codbhūtaṁ prathamaṁ dvija

वहाँ अनंत (वासुकि) को लपेटकर उन्होंने क्षीरसागर का मंथन किया। हे द्विज! एकादशी के दिन मंथन करते समय जो पहली वस्तु प्रकट हुई,

श्लोक 4 (padma.4.9.4)

कालकूटविषं ते तु दृष्ट्वा सर्वे प्रदुद्रुवुः । ततस्तान्विद्रुतान्दृष्ट्वा शंकरश्चोक्तवानिदम् ।

kālakūṭaviṣaṁ te tu dṛṣṭvā sarve pradudruvuḥ tatastānvidrutāndṛṣṭvā śaṁkaraścoktavānidam

वह कालकूट विष था; उसे देखकर सब भाग खड़े हुए। तब उन्हें भागते देख शंकर जी ने यह कहा —

श्लोक 5 (padma.4.9.5)

भोभोऽमरगणा यूयं विषं कुरुतमादरम् । वारयिष्याम्यहं तूर्णं कालकूटं महाविषम् ।

bhobho'maragaṇā yūyaṁ viṣaṁ kurutamādaram vārayiṣyāmyahaṁ tūrṇaṁ kālakūṭaṁ mahāviṣam

'हे अमरगणो! तुम विष के प्रति सावधान रहो; मैं शीघ्र ही इस महाविष कालकूट को रोक लूँगा।'

श्लोक 6 (padma.4.9.6)

इत्युक्त्वा पार्वतीनाथो ध्यायन्नारायणं हृदि । महामंत्रं समुच्चार्य विषमादद्भयंकरम् ।

ityuktvā pārvatīnātho dhyāyannārāyaṇaṁ hṛdi mahāmaṁtraṁ samuccārya viṣamādadbhayaṁkaram

यह कहकर पार्वती-नाथ ने हृदय में नारायण का ध्यान करते हुए, महामंत्र का उच्चारण करते हुए, उस भयंकर विष को ग्रहण किया।

श्लोक 7 (padma.4.9.7)

महामंत्रप्रभावेण विषं जीर्णं गतं महत् । अच्युतानंतगोविंद इति नामत्रयं हरेः ।

mahāmaṁtraprabhāveṇa viṣaṁ jīrṇaṁ gataṁ mahat acyutānaṁtagoviṁda iti nāmatrayaṁ hareḥ

महामंत्र के प्रभाव से वह महान विष पच गया और नष्ट हो गया। हरि के अच्युत, अनंत, गोविंद — ये तीन नाम,

श्लोक 8 (padma.4.9.8)

योजपेत्प्रयतो भक्त्या प्रणवाद्यं नमोंऽतिकम् । विषभोगाग्निजं तस्य नास्ति मृत्योर्भयं तथा ।

yojapetprayato bhaktyā praṇavādyaṁ namoṁ'tikam viṣabhogāgnijaṁ tasya nāsti mṛtyorbhayaṁ tathā

जो कोई पवित्र होकर भक्तिपूर्वक प्रणव तथा नमः से युक्त होकर जपता है, उसे विष, रोग, अग्नि तथा मृत्यु का भय नहीं होता।

श्लोक 9 (padma.4.9.9)

ततो हृष्टमना देवा ममंथुः क्षीरसागरम् । ततोऽलक्ष्मीः समुत्पन्ना कालास्या रक्तलोचना ।

tato hṛṣṭamanā devā mamaṁthuḥ kṣīrasāgaram tato'lakṣmīḥ samutpannā kālāsyā raktalocanā

तब प्रसन्नचित्त देवताओं ने पुनः क्षीरसागर का मंथन किया। तब काले मुख वाली, लाल नेत्रों वाली अलक्ष्मी उत्पन्न हुई,

श्लोक 10 (padma.4.9.10)

रूक्षपिंगलकेशा च जरतीं बिभ्रती तनुम् । सा च ज्येष्ठाब्रवीद्देवान्किंकर्तव्यं मयेति वै ।

rūkṣapiṁgalakeśā ca jaratīṁ bibhratī tanum sā ca jyeṣṭhābravīddevānkiṁkartavyaṁ mayeti vai

रूखे और भूरे बालों वाली, बुढ़िया के समान शरीर धारण किए हुए। उस ज्येष्ठा नामक देवी ने देवताओं से कहा — 'मुझे क्या करना चाहिए?'

श्लोक 11 (padma.4.9.11)

देवास्तथाब्रुवंस्तां च देवीं दुःखस्यभाजनम् । येषां नॄणां गृहे देवी कलहः संप्रवर्तते ।

devāstathābruvaṁstāṁ ca devīṁ duḥkhasyabhājanam yeṣāṁ nṝṇāṁ gṛhe devī kalahaḥ saṁpravartate

देवताओं ने दुःख की उस मूर्तिस्वरूप देवी से कहा — 'जिन मनुष्यों के घर में कलह होता है,

श्लोक 12 (padma.4.9.12)

तत्र स्थानं प्रयच्छामो वस ज्येष्ठे शुभान्विता । निष्ठुरं वचनं ये च वदंति येऽनृतं नराः ।

tatra sthānaṁ prayacchāmo vasa jyeṣṭhe śubhānvitā niṣṭhuraṁ vacanaṁ ye ca vadaṁti ye'nṛtaṁ narāḥ

वहाँ हम तुम्हें स्थान देते हैं; हे ज्येष्ठे! तुम अशुभताओं सहित वहीं निवास करो। जो मनुष्य कठोर वचन बोलते हैं, जो असत्य बोलते हैं,

श्लोक 13 (padma.4.9.13)

संध्यायां ये हि चाश्नंति दुःखदा तिष्ठ तद्गृहे । कपालकेशभस्मास्थि तुषांगाराणि यत्र तु ।

saṁdhyāyāṁ ye hi cāśnaṁti duḥkhadā tiṣṭha tadgṛhe kapālakeśabhasmāsthi tuṣāṁgārāṇi yatra tu

जो संध्या के समय भोजन करते हैं — हे दुःखदायिनी! उनके घर में निवास करो। जहाँ खोपड़ी, केश, राख, हड्डी, भूसी और अंगारे हों,

श्लोक 14 (padma.4.9.14)

स्थानं ज्येष्ठे तत्र तव भविष्यति न संशयः । अकृत्वा पादयोर्धौतं ये चाश्नंति नराधमाः ।

sthānaṁ jyeṣṭhe tatra tava bhaviṣyati na saṁśayaḥ akṛtvā pādayordhautaṁ ye cāśnaṁti narādhamāḥ

हे ज्येष्ठे! वहाँ निश्चय ही तुम्हारा स्थान होगा। जो नराधम पैर धोए बिना भोजन करते हैं,

श्लोक 15 (padma.4.9.15)

तद्गृहे सर्वदा तिष्ठ दुःखदारिद्रदायिनी । वालुकालवणांगारैः कुर्वंति दंतधावनम् ।

tadgṛhe sarvadā tiṣṭha duḥkhadāridradāyinī vālukālavaṇāṁgāraiḥ kurvaṁti daṁtadhāvanam

हे दुःख-दरिद्रता देने वाली! उनके घर में सदा निवास करो। जो बालू, नमक अथवा कोयले से दाँत साफ करते हैं,

श्लोक 16 (padma.4.9.16)

तेषां गेहे सदा तिष्ठ दुःखदा कलिना सह । छत्राकं श्रीफलं शिष्टं ये खादंति नराधमाः ।

teṣāṁ gehe sadā tiṣṭha duḥkhadā kalinā saha chatrākaṁ śrīphalaṁ śiṣṭaṁ ye khādaṁti narādhamāḥ

हे दुःखदायिनी! कलि के साथ उनके घर में सदा निवास करो। जो नराधम छत्रक या बचा हुआ बेल-फल खाते हैं,

श्लोक 17 (padma.4.9.17)

गेहे तेषां तव स्थानं ज्येष्ठे कलुषदायिनि । तिलपिष्टमलाबुं ये गृंजनं पोतिकादलम् ।

gehe teṣāṁ tava sthānaṁ jyeṣṭhe kaluṣadāyini tilapiṣṭamalābuṁ ye gṛṁjanaṁ potikādalam

हे कलुषदायिनी ज्येष्ठे! उनके घर में तुम्हारा स्थान है। जो तिल-पिष्ट को लौकी, गाजर-मूली अथवा पोतिका के पत्तों के साथ,

श्लोक 18 (padma.4.9.18)

कलं बुकं पलांडुं ये चाश्नंति पापबुद्धयः । तेषां गृहे तव स्थानं भविष्यति न संशयः ।

kalaṁ bukaṁ palāṁḍuṁ ye cāśnaṁti pāpabuddhayaḥ teṣāṁ gṛhe tava sthānaṁ bhaviṣyati na saṁśayaḥ

या कलंबुक अथवा प्याज खाते हैं, ऐसे पापबुद्धि लोगों के घर में निश्चय ही तुम्हारा स्थान होगा।

श्लोक 19 (padma.4.9.19)

गुरु देवातिथीनां च यज्ञदानविवर्जितम् । यत्रवेदध्वनिर्नास्ति तत्र तिष्ठ सदाऽशुभे ।

guru devātithīnāṁ ca yajñadānavivarjitam yatravedadhvanirnāsti tatra tiṣṭha sadā'śubhe

जहाँ गुरु, देव और अतिथियों का सम्मान नहीं होता, जहाँ यज्ञ-दान नहीं होता, जहाँ वेद-ध्वनि नहीं सुनाई देती — हे अशुभे! वहाँ सदा निवास करो।

श्लोक 20 (padma.4.9.20)

दंपत्योः कलहो यत्र पितृदेवार्चनं न वै । दुरोदररता यत्र तत्र तिष्ठ सदाशुभे ।

daṁpatyoḥ kalaho yatra pitṛdevārcanaṁ na vai durodararatā yatra tatra tiṣṭha sadāśubhe

जहाँ पति-पत्नी में कलह हो, जहाँ पितरों और देवताओं की पूजा न हो, जहाँ लोग जुए में रत हों — हे अशुभे! वहाँ सदा निवास करो।

श्लोक 21 (padma.4.9.21)

परदाररता यत्र परद्रव्यापहारिणः । विप्रसज्जनवृद्धानां यत्र पूजा न विद्यते । तत्र स्थाने सदा तिष्ठ पापदारिद्र्यदायिनी ।

paradāraratā yatra paradravyāpahāriṇaḥ viprasajjanavṛddhānāṁ yatra pūjā na vidyate tatra sthāne sadā tiṣṭha pāpadāridryadāyinī

जहाँ लोग पराई स्त्री में रत हों, दूसरों के धन का अपहरण करने वाले हों, जहाँ ब्राह्मणों, सज्जनों और वृद्धों की पूजा न होती हो — हे पाप-दरिद्रता देने वाली! उस स्थान में सदा निवास करो।'

श्लोक 22 (padma.4.9.22)

इत्यादिश्य सुरा ज्येष्ठां सर्वेषां कलिवल्लभाम् । क्षीराब्धेर्मथनं चक्रुः पुनस्ते सुसमाहिताः ।

ityādiśya surā jyeṣṭhāṁ sarveṣāṁ kalivallabhām kṣīrābdhermathanaṁ cakruḥ punaste susamāhitāḥ

इस प्रकार सब कलहों की प्रिय ज्येष्ठा को आदेश देकर देवताओं ने पुनः सावधानीपूर्वक क्षीरसागर का मंथन किया।