शिकारी का आत्म-अर्पण और ज्वालामुख बना राजा

श्लोक 1 (padma.5.110.1)

श्रीराम उवाच- अयमग्निशिखो नाम वह्निः शिवगणश्च वै । स कथं तादृशो भूतस्तन्मे वद नमस्तव

śrīrāma uvāca- ayamagniśikho nāma vahniḥ śivagaṇaśca vai sa kathaṁ tādṛśo bhūtastanme vada namastava

श्रीराम ने कहा— यह अग्निशिख नामक अग्निस्वरूप शिवगण कैसे बना, यह मुझे बताइए; आपको नमस्कार।

श्लोक 2 (padma.5.110.2)

शंभुरुवाच- अयमासीत्पुरा कश्चित्क्षत्त्रियः क्रोधनः सदा । नष्टभार्यो नष्टसेनो नष्टराष्ट्रोतिदुःखितः

śaṁbhuruvāca- ayamāsītpurā kaścitkṣattriyaḥ krodhanaḥ sadā naṣṭabhāryo naṣṭaseno naṣṭarāṣṭrotiduḥkhitaḥ

शंभु ने कहा— यह पहले एक क्षत्रिय था, सदा क्रोधी; पत्नी, सेना और राज्य खोकर अत्यंत दुःखी हो गया था।

श्लोक 3 (padma.5.110.3)

लब्ध्वा लुलाय द्वितयं कृषिं चक्रे सहात्मजैः । ऋणेन महता युक्तः पुनश्चातीव दुःखितः

labdhvā lulāya dvitayaṁ kṛṣiṁ cakre sahātmajaiḥ ṛṇena mahatā yuktaḥ punaścātīva duḥkhitaḥ

दो भैंसे पाकर उसने पुत्रों सहित खेती करने लगा; बड़े ऋण से युक्त होकर वह फिर अत्यंत दुःखी हुआ।

श्लोक 4 (padma.5.110.4)

पुनश्च दुःखितो राजा सर्पेण सुतनाशनात् । तथाभूतो महीपालस्तत्याज कृषिमप्युत

punaśca duḥkhito rājā sarpeṇa sutanāśanāt tathābhūto mahīpālastatyāja kṛṣimapyuta

फिर सर्प द्वारा पुत्र की मृत्यु से राजा दुःखी हुआ; ऐसी दशा में उस भूपति ने खेती भी छोड़ दी।

श्लोक 5 (padma.5.110.5)

परित्यज्य सुतौ चापि त्यक्ताहारो रुरोद ह । सुतावथ समागम्य प्राहतुः पितरं त्विदम्

parityajya sutau cāpi tyaktāhāro ruroda ha sutāvatha samāgamya prāhatuḥ pitaraṁ tvidam

शेष दोनों पुत्रों को भी छोड़कर, भोजन त्यागकर वह रोने लगा। तब वे दोनों पुत्र आकर पिता से यह कहने लगे।

श्लोक 6 (padma.5.110.6)

किमर्थं रुद्यते तात नष्टो नायाति रोदनात् । शरीरशोषणायाथ शोकस्तेऽद्य भविष्यति

kimarthaṁ rudyate tāta naṣṭo nāyāti rodanāt śarīraśoṣaṇāyātha śokaste'dya bhaviṣyati

हे तात! क्यों रोते हैं? रोने से खोया हुआ वापस नहीं आता; इस शोक से आज आपका शरीर ही सूख जाएगा।

श्लोक 7 (padma.5.110.7)

शोकेन चक्षुषी नष्टे कंठो नष्टस्तथा तव । अनुष्ठानं तथा नष्टं किमर्थं परितप्यसे

śokena cakṣuṣī naṣṭe kaṁṭho naṣṭastathā tava anuṣṭhānaṁ tathā naṣṭaṁ kimarthaṁ paritapyase

शोक से आपकी दोनों आँखें भी नष्ट होंगी, कंठ भी नष्ट होगा, और अनुष्ठान भी नष्ट होगा — फिर क्यों संतप्त होते हैं?

श्लोक 8 (padma.5.110.8)

एको नष्टो न चायाति रक्ष पंचस्थितानसून् । बहूनां रक्षणं पुण्यमाश्रितानां विशेषतः

eko naṣṭo na cāyāti rakṣa paṁcasthitānasūn bahūnāṁ rakṣaṇaṁ puṇyamāśritānāṁ viśeṣataḥ

एक खो गया, वह लौटता नहीं; शेष पाँच प्राणियों की रक्षा कीजिए। आश्रितों की, विशेषकर बहुतों की, रक्षा ही पुण्य है।

श्लोक 9 (padma.5.110.9)

अन्याश्रितममुं शत्रुं कथं शोचितुमर्हसि । पितोवाच- पुत्रः शत्रुः कथं पुत्रौ युवां शत्रू तथा च मे

anyāśritamamuṁ śatruṁ kathaṁ śocitumarhasi pitovāca- putraḥ śatruḥ kathaṁ putrau yuvāṁ śatrū tathā ca me

जो अब दूसरे के आश्रय में जा चुका है, उस शत्रु के लिए आप शोक करने योग्य कैसे हैं? पिता ने कहा— पुत्र शत्रु कैसे हो सकता है? क्या तुम दोनों भी मेरे शत्रु हो?

श्लोक 10 (padma.5.110.10)

अत्यंतसुखिनं पुत्रं कथं शत्रुमभाषतम् । सुतावूचतुः जायमानो हरेद्भार्यां वर्द्धमानो हरेद्धनम्

atyaṁtasukhinaṁ putraṁ kathaṁ śatrumabhāṣatam sutāvūcatuḥ jāyamāno haredbhāryāṁ varddhamāno hareddhanam

परम सुख देने वाले पुत्र को शत्रु कैसे कह सकते हो? पुत्रों ने कहा— जन्म लेते ही वह माँ को हर लेता है, बड़ा होकर धन हर लेता है —

श्लोक 11 (padma.5.110.11)

म्रियमाणस्तथा प्राणाञ्छत्रुत्वं किमतः परम् । यत्सुखं च त्वया प्रोक्तं स्पर्शनालिंगनादिभिः

mriyamāṇastathā prāṇāñchatrutvaṁ kimataḥ param yatsukhaṁ ca tvayā proktaṁ sparśanāliṁganādibhiḥ

और मरते समय प्राण भी हर लेता है — इससे बढ़कर शत्रुता और क्या है? और आपने स्पर्श-आलिंगन आदि से जो सुख बताया —

श्लोक 12 (padma.5.110.12)

दुःखोदर्कमिदं राजन्सर्वमेतद्वदामि ते । प्रसूतिकाले पुत्रस्य भार्यानाशविचारणा

duḥkhodarkamidaṁ rājansarvametadvadāmi te prasūtikāle putrasya bhāryānāśavicāraṇā

हे राजन्! वह सब अंततः दुःख में ही परिणत होता है, यह सब मैं आपको बताता हूँ। पुत्र के जन्म के समय ही पत्नी के नाश की आशंका होती है —

श्लोक 13 (padma.5.110.13)

जीवितायामथोपत्न्यामात्मनः सुखनाशनम् । योन्यशुद्धौ तु जातायां संयोगो नोपपद्यते

jīvitāyāmathopatnyāmātmanaḥ sukhanāśanam yonyaśuddhau tu jātāyāṁ saṁyogo nopapadyate

और पत्नी जीवित रहे तो भी अपने सुख का नाश होता है। गर्भ की अशुद्धि होने पर संयोग संभव नहीं होता —

श्लोक 14 (padma.5.110.14)

आलिंगनपरे गाढं स्तन्येनांगं परिप्लुते । तथापि यदि संयोगः शिशुरोदनताः स्त्रियाः

āliṁganapare gāḍhaṁ stanyenāṁgaṁ pariplute tathāpi yadi saṁyogaḥ śiśurodanatāḥ striyāḥ

आलिंगन के समय ही दूध से शरीर भीगा होता है; फिर भी संयोग हो तो शिशु के रोने से स्त्री विचलित हो जाती है —

श्लोक 15 (padma.5.110.15)

दृढं शिशुगतं चित्तं ततो वैरस्यमेव च । अथ चेत्पतितो डिंभो मध्ये मैथुनमुद्गतिः

dṛḍhaṁ śiśugataṁ cittaṁ tato vairasyameva ca atha cetpatito ḍiṁbho madhye maithunamudgatiḥ

उसका चित्त शिशु में ही दृढ़ता से लगा रहता है, जिससे विरक्ति ही होती है। और यदि बालक बीच में जाग जाए तो मैथुन में विघ्न होता है —

श्लोक 16 (padma.5.110.16)

रतिमध्ये तु विच्छेदे दुःखं किंचिदसन्निभम् । सर्वकाले परिमिते कदाचिद्रतिसंभवः

ratimadhye tu vicchede duḥkhaṁ kiṁcidasannibham sarvakāle parimite kadācidratisaṁbhavaḥ

संभोग के बीच में यह विच्छेद अतुलनीय दुःख देता है। सीमित समय में ही कभी-कभी संभोग संभव होता है —

श्लोक 17 (padma.5.110.17)

तत्काले भोजनं नास्ति स्वापो नास्ति च भार्यया । शिशूनां रक्षणे दुःखं व्याधितर्षग्रहादिभिः

tatkāle bhojanaṁ nāsti svāpo nāsti ca bhāryayā śiśūnāṁ rakṣaṇe duḥkhaṁ vyādhitarṣagrahādibhiḥ

उस समय भोजन भी नहीं होता, पत्नी के साथ सोना भी नहीं होता। शिशुओं की रक्षा में व्याधि, प्यास, ग्रह आदि से दुःख होता है।

श्लोक 18 (padma.5.110.18)

तन्मतं यत्सुखं चित्रं यथांकारोहणं पितुः । आलिंगनकृतं तात चुंबनादिकृतं तथा

tanmataṁ yatsukhaṁ citraṁ yathāṁkārohaṇaṁ pituḥ āliṁganakṛtaṁ tāta cuṁbanādikṛtaṁ tathā

आपकी वह धारणा कि पिता की गोद में चढ़ने-जैसा अद्भुत सुख है, आलिंगन और चुंबन का सुख भी, हे तात! —

श्लोक 19 (padma.5.110.19)

अत्यन्तमधुरोक्त्यादि यत्सुखानि नरेश्वर । रतिमध्ये विरामस्य कलां नार्हंति षोडशीम्

atyantamadhuroktyādi yatsukhāni nareśvara ratimadhye virāmasya kalāṁ nārhaṁti ṣoḍaśīm

और अत्यंत मधुर बातों का सुख — हे नरेश्वर! ये सब सुख उस संभोग-विच्छेद की पीड़ा के सोलहवें अंश के भी बराबर नहीं हैं।

श्लोक 20 (padma.5.110.20)

अन्यान्यपि च दुःखानि संति पुत्रे सहस्रशः । अनेन त्वं किं क्रियसे इहामुत्र विरोधिना

anyānyapi ca duḥkhāni saṁti putre sahasraśaḥ anena tvaṁ kiṁ kriyase ihāmutra virodhinā

पुत्र से जुड़े हज़ारों अन्य दुःख भी हैं। इस लोक और परलोक दोनों के विरोधी इस शोक से आप स्वयं को क्यों पीड़ित करते हैं?

श्लोक 21 (padma.5.110.21)

त्यज शोकमिदं तस्मादावां पुत्रौ स्थिताविह । श्रीराजोवाच-। त्यजामि शोकं दुर्वारं सर्वकार्यविरोधिनम्

tyaja śokamidaṁ tasmādāvāṁ putrau sthitāviha śrīrājovāca- tyajāmi śokaṁ durvāraṁ sarvakāryavirodhinam

इसलिए यह शोक त्याग दीजिए, हम दोनों पुत्र यहीं हैं। श्रीराजा ने कहा— मैं इस दुर्निवार, सब कार्यों के विरोधी शोक को त्यागता हूँ।

श्लोक 22 (padma.5.110.22)

आत्मनश्च हितं कार्यमिहामुत्र सुतौ मम । पुरोधसं तु गच्छामि मम पूर्वं महागुरुम्

ātmanaśca hitaṁ kāryamihāmutra sutau mama purodhasaṁ tu gacchāmi mama pūrvaṁ mahāgurum

अपना हित ही अब मेरा कार्य है, यहाँ और परलोक में भी, हे मेरे पुत्रो! मैं अपने पूर्व महागुरु पुरोहित के पास जाता हूँ।

श्लोक 23 (padma.5.110.23)

वसिष्ठं मुनिवर्यं च स दास्यति गतिं मम । एवमुक्त्वा गतो विप्रं वाराणस्यां स्थितं गुरुम्

vasiṣṭhaṁ munivaryaṁ ca sa dāsyati gatiṁ mama evamuktvā gato vipraṁ vārāṇasyāṁ sthitaṁ gurum

श्रेष्ठ मुनि वसिष्ठ ही मुझे सद्गति देंगे। यह कहकर वह वाराणसी में स्थित उस गुरु के पास गया।

श्लोक 24 (padma.5.110.24)

दंडवत्प्रणनामाथ मुनिना परिपूजितः । आलिंगितशिरो घ्रातो दत्तासनपरिग्रहः

daṁḍavatpraṇanāmātha muninā paripūjitaḥ āliṁgitaśiro ghrāto dattāsanaparigrahaḥ

दंडवत् प्रणाम करके, मुनि द्वारा भलीभाँति पूजित होकर, सिर पर आलिंगन-चुंबन पाकर, आसन दिया गया।

श्लोक 25 (padma.5.110.25)

उक्तश्चागमनं किं ते किं कार्य्यं करवाणि वै । राजोवाच- गतिं प्रयच्छ मे विप्र संसारतरणाय हि

uktaścāgamanaṁ kiṁ te kiṁ kāryyaṁ karavāṇi vai rājovāca- gatiṁ prayaccha me vipra saṁsārataraṇāya hi

उससे पूछा गया— तुम्हारे आगमन का क्या कारण है, मैं तुम्हारा क्या कार्य करूँ? राजा ने कहा— हे विप्र! मुझे संसार-सागर पार करने के लिए सद्गति दीजिए।

श्लोक 26 (padma.5.110.26)

खिन्नोहं कर्मणा शश्वद्भवंतं शरणं गतः । वसिष्ठ उवाच- गतिं पश्य महालिंगं विश्वेश्वरमिति स्थितम्

khinnohaṁ karmaṇā śaśvadbhavaṁtaṁ śaraṇaṁ gataḥ vasiṣṭha uvāca- gatiṁ paśya mahāliṁgaṁ viśveśvaramiti sthitam

अपने कर्मों से खिन्न होकर मैं सदा आपकी शरण में आया हूँ। वसिष्ठ ने कहा— यह देखो, यह महालिंग, विश्वेश्वर के नाम से स्थित है —

श्लोक 27 (padma.5.110.27)

एनं पूजय राजेंद्र देवदेवं पिनाकिनम् । यमाराध्य पुरा शक्तिररुंधत्याः सुतो मुनिः

enaṁ pūjaya rājeṁdra devadevaṁ pinākinam yamārādhya purā śaktiraruṁdhatyāḥ suto muniḥ

हे राजेंद्र! इस देवाधिदेव, पिनाकधारी की पूजा करो। पहले इनकी आराधना करके अरुंधती के पुत्र, मुनि शक्ति —

श्लोक 28 (padma.5.110.28)

रक्षसा भक्षितश्चापि यमलोकं गतो न सः । किंचित्कालं गतः स्वर्गं ब्रह्मलोकमगादतः

rakṣasā bhakṣitaścāpi yamalokaṁ gato na saḥ kiṁcitkālaṁ gataḥ svargaṁ brahmalokamagādataḥ

राक्षस द्वारा खाए जाने पर भी यमलोक नहीं गए। कुछ समय स्वर्ग में रहकर वे ब्रह्मलोक को गए।

श्लोक 29 (padma.5.110.29)

ब्रह्मलोकाद्विष्णुलोके क्रीडन्नास्ते सुतो मम । अमुं पश्य महाराज लुब्धकं वनचारिणम्

brahmalokādviṣṇuloke krīḍannāste suto mama amuṁ paśya mahārāja lubdhakaṁ vanacāriṇam

ब्रह्मलोक से विष्णुलोक में मेरा वह पुत्र अब क्रीड़ा करता है। हे महाराज! अब इस वनचारी शिकारी को देखो —

श्लोक 30 (padma.5.110.30)

पूजयंतं हि विश्वेशं पत्रमात्रै स्वसंभृतैः । शमीवृक्षस्य संभूतैस्तथा पूगप्रसूनकैः

pūjayaṁtaṁ hi viśveśaṁ patramātrai svasaṁbhṛtaiḥ śamīvṛkṣasya saṁbhūtaistathā pūgaprasūnakaiḥ

जो अपने ही एकत्रित पत्तों से विश्वेश की पूजा कर रहा है — शमी वृक्ष के पत्तों से, सुपारी के फूलों से भी —

श्लोक 31 (padma.5.110.31)

कदंबकुसुमैरर्ककुसुमैर्यूथिकाभवैः । एतैरन्यैर्महेशानं पूजयंतं विलोकय

kadaṁbakusumairarkakusumairyūthikābhavaiḥ etairanyairmaheśānaṁ pūjayaṁtaṁ vilokaya

कदंब-पुष्पों, आक-पुष्पों और चमेली के फूलों से — इन्हीं और अन्य से महेश्वर की पूजा करते हुए इसे देखो।

श्लोक 32 (padma.5.110.32)

इतोर्द्धयाममात्रेण मरिष्यति तदद्भुतम् । अंतकाले समायाते लुब्धकोपि शिवाय वै

itorddhayāmamātreṇa mariṣyati tadadbhutam aṁtakāle samāyāte lubdhakopi śivāya vai

यहाँ से आधे प्रहर में ही यह मरेगा, यह अद्भुत बात है। अंत-काल आने पर वह शिकारी भी शिव के लिए —

श्लोक 33 (padma.5.110.33)

उपहारप्रदानाय दृष्टवान्पार्श्वतो घटम् । तं चूतफलसंपूर्णं शुनोच्छिष्टं विगर्हितम्

upahārapradānāya dṛṣṭavānpārśvato ghaṭam taṁ cūtaphalasaṁpūrṇaṁ śunocchiṣṭaṁ vigarhitam

उपहार अर्पित करने के लिए पास में एक घड़ा देखता है — आम के फलों से भरा, परंतु कुत्ते द्वारा जूठा किया गया, निंदनीय।

श्लोक 34 (padma.5.110.34)

संकल्पितोपहारस्य ह्यभावाल्लुब्धकस्तथा । इदं जगौ शुभं वाक्यं लोकानां भक्तिसूचकम्

saṁkalpitopahārasya hyabhāvāllubdhakastathā idaṁ jagau śubhaṁ vākyaṁ lokānāṁ bhaktisūcakam

संकल्पित उपहार के अभाव में वह शिकारी लोगों को यह शुभ, भक्ति-सूचक वचन कहने लगा।

श्लोक 35 (padma.5.110.35)

पुष्पाभावे हरिर्नेत्रं फलाभावेंगुलं रविः । लिंगविस्रंसनेकं च जमदग्नि ऋषिस्तथा

puṣpābhāve harirnetraṁ phalābhāveṁgulaṁ raviḥ liṁgavisraṁsanekaṁ ca jamadagni ṛṣistathā

पुष्प न होने पर हरि ने अपना नेत्र दिया; फल न होने पर सूर्य ने अंगुली दी; लिंग खिसकने पर ऋषि जमदग्नि ने भी —

श्लोक 36 (padma.5.110.36)

लिंगपीठविभेदे च गात्रं निर्भिद्य दत्तवान् । अन्यैर्माहैश्वरैरन्यत्साहसं परमं कृतम्

liṁgapīṭhavibhede ca gātraṁ nirbhidya dattavān anyairmāhaiśvarairanyatsāhasaṁ paramaṁ kṛtam

लिंग-पीठ के टूटने पर अपना ही शरीर चीरकर दे दिया। अन्य महेश्वर-भक्तों ने भी और परम साहसिक कार्य किए हैं।

श्लोक 37 (padma.5.110.37)

ममापि तत्तथा कार्य्यमन्यथा दोषभागहम् । एतस्मिन्नंतरे कश्चिदुन्मत्तः शिवमभ्यगात्

mamāpi tattathā kāryyamanyathā doṣabhāgaham etasminnaṁtare kaścidunmattaḥ śivamabhyagāt

मुझे भी वैसा ही करना चाहिए, अन्यथा मैं दोष का भागी बनूँगा। इसी बीच कोई उन्मत्त व्यक्ति शिव-मंदिर आ पहुँचा।

श्लोक 38 (padma.5.110.38)

अथ लुब्धकृतां पूजामाहृत्याभक्षयत्क्षणात् । वमनं च तथा चक्रे शिवपीठेथ लुब्धकः

atha lubdhakṛtāṁ pūjāmāhṛtyābhakṣayatkṣaṇāt vamanaṁ ca tathā cakre śivapīṭhetha lubdhakaḥ

शिकारी द्वारा की गई पूजा को लेकर उसने तुरंत खा लिया, और शिव-पीठ पर वमन कर दिया।

श्लोक 39 (padma.5.110.39)

शिवापकारिणं चैनं हन्मि नो वेत्यचिंतयत् । अथ स्वात्मवधायैव यत्नमास्थाय शंकरः

śivāpakāriṇaṁ cainaṁ hanmi no vetyaciṁtayat atha svātmavadhāyaiva yatnamāsthāya śaṁkaraḥ

शिकारी ने सोचा— क्या मैं शिव के इस अपकारी को मार डालूँ या नहीं? फिर स्वयं अपने ही वध का प्रयत्न करके शंकर से [यह कहा]।

श्लोक 40 (padma.5.110.40)

उन्मत्तेन यथोद्भुक्ता शिवपूजा मया कृता । लिंगप्रावरणे ह्येषा तदहं मम देहिनः

unmattena yathodbhuktā śivapūjā mayā kṛtā liṁgaprāvaraṇe hyeṣā tadahaṁ mama dehinaḥ

उन्मत्त द्वारा जैसे मेरी की गई शिव-पूजा भोग ली गई, उसी लिंग-आवरण के लिए मैं अपने ही देहधारी का —

श्लोक 41 (padma.5.110.41)

प्रावृतिस्त्वगियं त्वद्य निर्म्मोक्तव्या मया द्रुतम् । पूजाविमोचनायैतत्फलहानेर्गलं त्यजेत्

prāvṛtistvagiyaṁ tvadya nirmmoktavyā mayā drutam pūjāvimocanāyaitatphalahānergalaṁ tyajet

यह चर्म आज मुझे शीघ्र ही उतार देना चाहिए। पूजा की रक्षा के लिए, उसके फल की हानि से बचने के लिए, गला भी त्याग देना चाहिए।

श्लोक 42 (padma.5.110.42)

इत्थं संकल्प्य स तथा तीक्ष्णस्वधितिनाद्भुतम् । चक्रे त्वचं दक्षपादं त्वचं च्छित्वा कटेरधः

itthaṁ saṁkalpya sa tathā tīkṣṇasvadhitinādbhutam cakre tvacaṁ dakṣapādaṁ tvacaṁ cchitvā kaṭeradhaḥ

इस प्रकार संकल्प करके उसने तीक्ष्ण कुल्हाड़ी से अद्भुत कार्य किया — दाहिने पैर की चमड़ी काटकर, कमर के नीचे तक —

श्लोक 43 (padma.5.110.43)

वामपादं तथा चक्रे कटिपर्यंतमाशुच । हृष्टश्चावेपितश्चैव तत ऊर्ध्वमथाच्छिनत्

vāmapādaṁ tathā cakre kaṭiparyaṁtamāśuca hṛṣṭaścāvepitaścaiva tata ūrdhvamathācchinat

बाएँ पैर की भी शीघ्रता से वैसे ही कमर तक चमड़ी काट डाली। हर्षित और काँपते हुए वह फिर ऊपर की ओर काटता गया।

श्लोक 44 (padma.5.110.44)

करांसोदरहृत्कंठत्वचं निर्भिद्य लुब्धकः । मस्तकस्य त्वचं चापि निर्बिभेद प्रहृष्टवान्

karāṁsodarahṛtkaṁṭhatvacaṁ nirbhidya lubdhakaḥ mastakasya tvacaṁ cāpi nirbibheda prahṛṣṭavān

हाथ, कंधे, पेट, हृदय और गले की चमड़ी को चीरकर शिकारी ने अत्यंत हर्षित होकर सिर की चमड़ी भी चीर डाली।

श्लोक 45 (padma.5.110.45)

तयोरंतरतस्तस्माद्गात्रं निर्भिद्य वर्तुलम् । छित्त्वांगुलि समादाय देवायार्पितवांस्त्वचम्

tayoraṁtaratastasmādgātraṁ nirbhidya vartulam chittvāṁguli samādāya devāyārpitavāṁstvacam

उनके बीच से अपने शरीर से एक गोल टुकड़ा काटकर, एक अंगुल जितना भाग लेकर उसने वह चमड़ी देव को अर्पित कर दी।

श्लोक 46 (padma.5.110.46)

आरादेव तथा दिव्यरूपः स्वक्षश्चतुर्भुजः । नानाभूषणसंयुक्तः स्थितो वियति शाङ्करः

ārādeva tathā divyarūpaḥ svakṣaścaturbhujaḥ nānābhūṣaṇasaṁyuktaḥ sthito viyati śāṅkaraḥ

तत्काल ही वह दिव्यरूप, अपने ही नेत्र सहित, चतुर्भुज, नाना आभूषणों से युक्त शांकर (शिव-भक्त) आकाश में खड़ा हो गया।

श्लोक 47 (padma.5.110.47)

अथ शैवाः समायाता दूताः शतसहस्रशः । विचित्रमुकुटाकाराः सर्वाभरणभूषिताः

atha śaivāḥ samāyātā dūtāḥ śatasahasraśaḥ vicitramukuṭākārāḥ sarvābharaṇabhūṣitāḥ

तब सैकड़ों-हज़ारों शैव दूत आ पहुँचे — विचित्र मुकुटों वाले, सब आभूषणों से भूषित —

श्लोक 48 (padma.5.110.48)

त्रिशूलपाणयः सर्वे शुद्धस्फटिकसंनिभाः । चतुर्भुजाः सुरूपाश्च विमानवरसंस्थिताः

triśūlapāṇayaḥ sarve śuddhasphaṭikasaṁnibhāḥ caturbhujāḥ surūpāśca vimānavarasaṁsthitāḥ

सभी त्रिशूलधारी, शुद्ध स्फटिक-सम, चतुर्भुज, सुंदर रूप वाले, उत्तम विमानों पर स्थित।

श्लोक 49 (padma.5.110.49)

सर्वे सूर्यसमाः शांता रंभावत्प्रियया युताः । सूनुपत्नीबलोत्साह विलासस्त्रीशतान्विताः

sarve sūryasamāḥ śāṁtā raṁbhāvatpriyayā yutāḥ sūnupatnībalotsāha vilāsastrīśatānvitāḥ

सूर्य के समान तेजस्वी, शांत, रंभा-सी प्रिया सहित; पुत्र-पत्नी के बल-उत्साह और सैकड़ों विलासिनी स्त्रियों सहित —

श्लोक 50 (padma.5.110.50)

तेजसा सूर्यसदृशाः पुष्पवृष्टिमवाकिरन् । तैराहूतो लुब्धकश्च नागच्छदवदच्च तान्

tejasā sūryasadṛśāḥ puṣpavṛṣṭimavākiran tairāhūto lubdhakaśca nāgacchadavadacca tān

तेज में सूर्य-सम, उन्होंने पुष्पों की वर्षा की। उनके द्वारा बुलाए जाने पर भी शिकारी न आया, और उनसे यह कहा।

श्लोक 51 (padma.5.110.51)

भार्याबंधुजनोपेतो गच्छेहमथवा न वा । शैवास्तद्वचनं श्रुत्वा वाक्यमेतदथोचिरे

bhāryābaṁdhujanopeto gacchehamathavā na vā śaivāstadvacanaṁ śrutvā vākyametadathocire

पत्नी और बंधुजनों सहित मैं जाऊँ या न जाऊँ। शैवों ने यह वचन सुनकर यह कहा।

श्लोक 52 (padma.5.110.52)

येन पुण्यं कृतं पापं तेन भोग्यं हि तत्फलम् । लुब्धक उवाच- अशौचानां च सर्वेषां धर्माणामेककर्तृकम्

yena puṇyaṁ kṛtaṁ pāpaṁ tena bhogyaṁ hi tatphalam lubdhaka uvāca- aśaucānāṁ ca sarveṣāṁ dharmāṇāmekakartṛkam

जिसने पुण्य या पाप किया है, उसे ही उसका फल भोगना होता है। शिकारी ने कहा— सब अशौच-ग्रस्तों के लिए, और सब धर्मों के एक कर्ता के लिए भी —

श्लोक 53 (padma.5.110.53)

माहेश्वराणां धर्माणां फलं च द्विबहुष्वपि । एतस्मिन्नंतरे प्राप्तो वीरभद्रः शतार्भकः

māheśvarāṇāṁ dharmāṇāṁ phalaṁ ca dvibahuṣvapi etasminnaṁtare prāpto vīrabhadraḥ śatārbhakaḥ

महेश्वर-भक्तों के धर्मों का फल दो या अनेक को भी मिलता है। इसी बीच वीरभद्र, सैकड़ों बालकों —

श्लोक 54 (padma.5.110.54)

नानाकोटिगणोपेतो एहि लुब्धकबंधुयुक् । सर्वं त्वयोक्तं च तथा सभार्यो ज्ञातिबंधुयुक्

nānākoṭigaṇopeto ehi lubdhakabaṁdhuyuk sarvaṁ tvayoktaṁ ca tathā sabhāryo jñātibaṁdhuyuk

और करोड़ों गणों सहित आ पहुँचे — आओ, शिकारी के बंधुओं सहित; तुमने जो कहा वह सब वैसा ही होगा, पत्नी और सगे-संबंधियों सहित —

श्लोक 55 (padma.5.110.55)

आरुह्येदं विमानं च शिवं गच्छ शिवं तु वः । अथ तद्वचनात्प्राप्तः शिवलोकं विमानगः

āruhyedaṁ vimānaṁ ca śivaṁ gaccha śivaṁ tu vaḥ atha tadvacanātprāptaḥ śivalokaṁ vimānagaḥ

इस विमान पर चढ़कर शिव के पास जाओ; तुम्हारा कल्याण हो। तब उसके वचन से वह विमान पर चढ़कर शिवलोक को गया।

श्लोक 56 (padma.5.110.56)

वसिष्ठ उवाच- दृष्टवानसि सर्वं त्वमीशपूजां समाचर । विमुक्तपापबंधस्त्वं शिवलोकं गमिष्यसि

vasiṣṭha uvāca- dṛṣṭavānasi sarvaṁ tvamīśapūjāṁ samācara vimuktapāpabaṁdhastvaṁ śivalokaṁ gamiṣyasi

वसिष्ठ ने कहा— तुमने यह सब देख लिया, अब ईश-पूजा का आचरण करो। पाप-बंधन से मुक्त होकर तुम शिवलोक जाओगे।

श्लोक 57 (padma.5.110.57)

यदि राज्यं त्वया प्रार्थ्यं मार्जयेशां गणं नृप । गोमयोदकलेपं च नित्यमेव समाचर

yadi rājyaṁ tvayā prārthyaṁ mārjayeśāṁ gaṇaṁ nṛpa gomayodakalepaṁ ca nityameva samācara

यदि तुम्हें राज्य चाहिए, तो हे राजन्! ईश के गण की सफाई करो, और गोबर-जल से लेप नित्य ही किया करो।

श्लोक 58 (padma.5.110.58)

एतावता भूमिराज्यं ध्रुवं तव भविष्यति । यावदायुश्च ते राज्यमंते शिवपदं भवेत्

etāvatā bhūmirājyaṁ dhruvaṁ tava bhaviṣyati yāvadāyuśca te rājyamaṁte śivapadaṁ bhavet

इतने मात्र से तुम्हें भूमि का राज्य निश्चय ही प्राप्त होगा। जब तक तुम्हारी आयु है, राज्य रहेगा, और अंत में शिव-पद प्राप्त होगा।

श्लोक 59 (padma.5.110.59)

नैतस्मिंस्तु भवेद्राज्यसंसिद्धिरनुमृत्युतः । अतो देहांतरं प्राप्य शिवसेवाप्रभावतः

naitasmiṁstu bhavedrājyasaṁsiddhiranumṛtyutaḥ ato dehāṁtaraṁ prāpya śivasevāprabhāvataḥ

परंतु इस शरीर में मृत्यु के बाद ही राज्य की सिद्धि होगी। इसलिए दूसरा शरीर प्राप्त करके, शिव-सेवा के प्रभाव से —

श्लोक 60 (padma.5.110.60)

भविष्यति च ते राज्यं शिवभक्तिः स्थिरा तथा । शंभुरुवाच- अथ कृत्वा तथा पूजां मृतः स्वर्गं गतस्ततः

bhaviṣyati ca te rājyaṁ śivabhaktiḥ sthirā tathā śaṁbhuruvāca- atha kṛtvā tathā pūjāṁ mṛtaḥ svargaṁ gatastataḥ

तुम्हें राज्य प्राप्त होगा, और शिव-भक्ति भी स्थिर रहेगी। शंभु ने कहा— फिर उसने वैसी ही पूजा करके मृत्यु पाई और स्वर्ग गया।

श्लोक 61 (padma.5.110.61)

राजजन्मपुनः प्राप्य राज्यं चक्रे शिवेरतः । कदाचिदथ देवस्य गृहमभ्यगमन्नृपः

rājajanmapunaḥ prāpya rājyaṁ cakre śiverataḥ kadācidatha devasya gṛhamabhyagamannṛpaḥ

फिर राजा के रूप में जन्म लेकर उसने शिव में रत होकर राज्य किया। एक बार वह राजा देव के मंदिर गया —

श्लोक 62 (padma.5.110.62)

नानादीपसमोपेतं मणिभिर्नागराडिव । भटानामथ संमर्द एको दीपो पतन्नृपे

nānādīpasamopetaṁ maṇibhirnāgarāḍiva bhaṭānāmatha saṁmarda eko dīpo patannṛpe

नाना दीपकों से युक्त, मणियों से नागराज-सा वह मंदिर था। सैनिकों की भीड़ में एक दीपक राजा पर गिर पड़ा।

श्लोक 63 (padma.5.110.63)

तदासौ कुपितो राजा दीपमादाय सत्वरम् । देवालयपुरे रम्ये न्यक्षिपत्कोपसंयुतः

tadāsau kupito rājā dīpamādāya satvaram devālayapure ramye nyakṣipatkopasaṁyutaḥ

तब वह क्रोधित राजा उस दीपक को शीघ्र उठाकर, क्रोधवश उसे उस सुंदर देवालय-नगर में फेंक दिया।

श्लोक 64 (padma.5.110.64)

दग्धं देवगृहं तेन एनश्च समपद्यत । अथ तेन पुनस्तत्र दग्धं वेश्मगृहादिकम्

dagdhaṁ devagṛhaṁ tena enaśca samapadyata atha tena punastatra dagdhaṁ veśmagṛhādikam

उससे देव-गृह जल गया, और पाप लग गया। उससे फिर वहाँ अन्य घर-मकान भी जल गए।

श्लोक 65 (padma.5.110.65)

निर्मापयामास नृपो महेशानमथायजत् । अथ मृत्युदिने प्राप्ते राजाराधितशंकरः

nirmāpayāmāsa nṛpo maheśānamathāyajat atha mṛtyudine prāpte rājārādhitaśaṁkaraḥ

राजा ने उसे फिर बनवाया और महेश की पूजा की। फिर मृत्यु का दिन आने पर, शंकर के आराधक उस राजा ने —

श्लोक 66 (padma.5.110.66)

भस्मस्नायी भस्मशायी जपन्रुद्रं ममार ह । शिवलोकं गतः सोयं वीरभद्रेण भाषितः

bhasmasnāyī bhasmaśāyī japanrudraṁ mamāra ha śivalokaṁ gataḥ soyaṁ vīrabhadreṇa bhāṣitaḥ

भस्म-स्नान करते हुए, भस्म-शय्या पर, रुद्र का जप करते हुए मृत्यु पाई। वह शिवलोक गया, और वीरभद्र ने उससे कहा।

श्लोक 67 (padma.5.110.67)

भव त्वं गणशार्दूलो ममवै परिचारकः । शाङ्करान्मम निर्देशादानयस्व ममांतिकम्

bhava tvaṁ gaṇaśārdūlo mamavai paricārakaḥ śāṅkarānmama nirdeśādānayasva mamāṁtikam

तुम गणों में श्रेष्ठ बनो, मेरे ही परिचारक बनो। शांकर-अपराधियों को मेरी आज्ञा से मेरे पास लाया करो।

श्लोक 68 (padma.5.110.68)

शिरोहीनो भवांश्चापि ज्वालावक्त्रो भविष्यति । सतूवाच महात्मानं वीरभद्रं गणेश्वरम्

śirohīno bhavāṁścāpi jvālāvaktro bhaviṣyati satūvāca mahātmānaṁ vīrabhadraṁ gaṇeśvaram

और तुम सिर-रहित, ज्वाला-मुख बन जाओगे। तब उसने महात्मा गणेश्वर वीरभद्र से यह कहा।

श्लोक 69 (padma.5.110.69)

चक्षुः श्रोत्रं तथा जिह्वा नासिकास्यं शिरोगणः । एतैर्विना व्यवहृतिः कथं मे संभविष्यति

cakṣuḥ śrotraṁ tathā jihvā nāsikāsyaṁ śirogaṇaḥ etairvinā vyavahṛtiḥ kathaṁ me saṁbhaviṣyati

आँख, कान, जीभ, नाक, मुख और सिर के बिना मेरा व्यवहार कैसे संभव होगा?

श्लोक 70 (padma.5.110.70)

अभावे शिरसः किं वा मया पापं कृतं विभो । वीरभद्र उवाच- त्वयैव स्वीकृता पूर्वं देवी परमसुंदरी

abhāve śirasaḥ kiṁ vā mayā pāpaṁ kṛtaṁ vibho vīrabhadra uvāca- tvayaiva svīkṛtā pūrvaṁ devī paramasuṁdarī

हे विभो! सिर के अभाव में मैंने कौन-सा पाप किया है? वीरभद्र ने कहा— पहले तुमने ही एक परम सुंदरी देवी-सी स्त्री को अपनाया था —

श्लोक 71 (padma.5.110.71)

महेशभवनं नित्यं चार्तुवर्णकरंगकैः । स्वस्तिकं सर्वतोभद्रं नंद्यावर्तादिकं शुभम्

maheśabhavanaṁ nityaṁ cārtuvarṇakaraṁgakaiḥ svastikaṁ sarvatobhadraṁ naṁdyāvartādikaṁ śubham

वह नित्य महेश के भवन को चार रंगों की रंगोलियों से सजाती थी — स्वस्तिक, सर्वतोभद्र, नंद्यावर्त आदि शुभ चिह्नों से —

श्लोक 72 (padma.5.110.72)

पद्ममुत्पलमांदोल पादो व्यजन चामरे । त्रिशूलं शंखचक्रे च गदाधनुरथैव च

padmamutpalamāṁdola pādo vyajana cāmare triśūlaṁ śaṁkhacakre ca gadādhanurathaiva ca

कमल, नीलकमल, झूला, पादुका, पंखा-चामर; त्रिशूल, शंख-चक्र, गदा-धनुष-रथ भी —

श्लोक 73 (padma.5.110.73)

त्रिशूलं डमरुंखड्गं वृषं भृंगिरिटिं शिवम् । तथाष्टपत्रं कमलमन्यद्यंत्रादिकं तथा

triśūlaṁ ḍamaruṁkhaḍgaṁ vṛṣaṁ bhṛṁgiriṭiṁ śivam tathāṣṭapatraṁ kamalamanyadyaṁtrādikaṁ tathā

त्रिशूल, डमरू, खड्ग, वृषभ, भृंगिरिटि और शिव को भी; अष्टदल कमल और अन्य यंत्र आदि भी —

श्लोक 74 (padma.5.110.74)

कल्पयंती प्रतिदिनं सेवते वृषभध्वजम् । कदाचिदथ सा वेश्या देवसद्मन्युपस्थिता

kalpayaṁtī pratidinaṁ sevate vṛṣabhadhvajam kadācidatha sā veśyā devasadmanyupasthitā

बनाते हुए वह प्रतिदिन वृषभध्वज की सेवा करती थी। एक बार वह वेश्या देव-मंदिर में उपस्थित थी।

श्लोक 75 (padma.5.110.75)

राज्ञः कारांकिकः कश्चिद्देववेश्म समाविशत् । अथ तां दृष्टवांस्तत्र स इदं वाक्यमुक्तवान्

rājñaḥ kārāṁkikaḥ kaściddevaveśma samāviśat atha tāṁ dṛṣṭavāṁstatra sa idaṁ vākyamuktavān

राजा का कोई कारागार-अधिकारी देव-मंदिर में प्रवेश कर गया। उसे वहाँ देखकर उसने यह वचन कहा।

श्लोक 76 (padma.5.110.76)

काराङ्किक उवाच- एकांतसंस्थिता वेश्या युवाहं स्थविरश्च न । स्थविरं व्याधितं षंढमशक्तं धनवर्जितम्

kārāṅkika uvāca- ekāṁtasaṁsthitā veśyā yuvāhaṁ sthaviraśca na sthaviraṁ vyādhitaṁ ṣaṁḍhamaśaktaṁ dhanavarjitam

कारांकिक ने कहा— अकेली खड़ी वेश्या, मैं युवा हूँ, वृद्ध नहीं। स्त्री को वृद्ध, रोगी, नपुंसक, असमर्थ, धनरहित —

श्लोक 77 (padma.5.110.77)

अदीर्घमेहनं दीनं पुरुषं योषिदुत्सृजेत् । अश्मश्रुलं मलच्छन्नं जडं दुर्गंधिदूषितम्

adīrghamehanaṁ dīnaṁ puruṣaṁ yoṣidutsṛjet aśmaśrulaṁ malacchannaṁ jaḍaṁ durgaṁdhidūṣitam

अल्प-मेहन वाले, दीन पुरुष को छोड़ देना चाहिए; दाढ़ी वाले, गंदगी से ढके, जड़, दुर्गंध से दूषित को भी —

श्लोक 78 (padma.5.110.78)

स्वल्पमव्यसनं नारी दूरतः परिवर्ज्जयेत् । तस्मान्मे दीयतां वेश्ये मैथुनं जीवयाशु माम्

svalpamavyasanaṁ nārī dūrataḥ parivarjjayet tasmānme dīyatāṁ veśye maithunaṁ jīvayāśu mām

अल्प-अंग वाले, निर्व्यसनी पुरुष को स्त्री दूर से ही त्याग दे। इसलिए हे वेश्ये! मुझे संगम दो, मुझे शीघ्र जीवनदान दो।

श्लोक 79 (padma.5.110.79)

वेश्योवाच- नियतः सर्वजातीनामिहामुत्र सुखप्रदः । पातिव्रत्यं परो धर्म्मः स्त्रीणामिति हि शुश्रुम

veśyovāca- niyataḥ sarvajātīnāmihāmutra sukhapradaḥ pātivratyaṁ paro dharmmaḥ strīṇāmiti hi śuśruma

वेश्या ने कहा— सब जातियों के लिए यहाँ और परलोक में सुख देने वाला निश्चित मार्ग है। पतिव्रत ही स्त्रियों का परम धर्म है — यह मैंने सुना है।

श्लोक 80 (padma.5.110.80)

यदधीना यदा वेश्या तदा नान्येन संगता । पतिव्रतेति विख्याता तस्मात्तं परिपालयेत्

yadadhīnā yadā veśyā tadā nānyena saṁgatā pativrateti vikhyātā tasmāttaṁ paripālayet

जब तक वेश्या किसी एक के अधीन रहे, तब तक अन्य से संगम न करे तो 'पतिव्रता' कहलाती है; इसलिए उसी की रक्षा करती हूँ।

श्लोक 81 (padma.5.110.81)

कारांकिक उवाच- यदि चैवं मृतिः शीघ्रं भविष्यति न संशयः । अथ राजांतिकं गत्वा राजानमिदमुक्तवान्

kārāṁkika uvāca- yadi caivaṁ mṛtiḥ śīghraṁ bhaviṣyati na saṁśayaḥ atha rājāṁtikaṁ gatvā rājānamidamuktavān

कारांकिक ने कहा— यदि ऐसा है, तो मेरी मृत्यु शीघ्र होगी, इसमें संदेह नहीं। फिर राजा के पास जाकर उसने यह कहा।

श्लोक 82 (padma.5.110.82)

वेश्या वेश्यैव नो भार्या नेति वक्तुं च नोचितम् । इत्थं राजानमुक्त्वाथ मंडं चैवारनालजम्

veśyā veśyaiva no bhāryā neti vaktuṁ ca nocitam itthaṁ rājānamuktvātha maṁḍaṁ caivāranālajam

वेश्या तो वेश्या ही है, विवाहित पत्नी नहीं; उसे मना करना उचित नहीं। यह राजा से कहकर वह चावल के मांड (पानी) से —

श्लोक 83 (padma.5.110.83)

किंचिदादाय तस्यास्तु मंदिरं गतवानयम् । निद्रावसरमालोक्य प्रसृज्यच करं ततः

kiṁcidādāya tasyāstu maṁdiraṁ gatavānayam nidrāvasaramālokya prasṛjyaca karaṁ tataḥ

कुछ लेकर उसके घर गया। उसे सोया हुआ देखकर, हाथ फैलाकर —

श्लोक 84 (padma.5.110.84)

वस्त्रस्य विवरे तत्र मंडं चिक्षेप दुष्टधीः । एवं कृत्वा ततो गत्वा राजानमिदमुक्तवान्

vastrasya vivare tatra maṁḍaṁ cikṣepa duṣṭadhīḥ evaṁ kṛtvā tato gatvā rājānamidamuktavān

वहीं वस्त्र की तह में उस दुष्टबुद्धि ने मांड डाल दिया। ऐसा करके फिर राजा के पास जाकर उसने यह कहा।

श्लोक 85 (padma.5.110.85)

राजन्निर्गत्य गत्वाथ वेश्याग्र्यां तव योषितः । उत्थापयित्वा वेश्यां तां सर्वांगं द्रष्टुमर्हसि

rājannirgatya gatvātha veśyāgryāṁ tava yoṣitaḥ utthāpayitvā veśyāṁ tāṁ sarvāṁgaṁ draṣṭumarhasi

हे राजन्! बाहर निकलकर आपकी श्रेष्ठ वेश्या के घर जाकर, उस वेश्या को जगाकर उसका सारा शरीर देखने योग्य है —

श्लोक 86 (padma.5.110.86)

उन्मुक्तबंधमथवा वसनं पश्य यत्नतः । वेश्यावेश्माथगतवान्राजा कारांकिकं वचः

unmuktabaṁdhamathavā vasanaṁ paśya yatnataḥ veśyāveśmāthagatavānrājā kārāṁkikaṁ vacaḥ

या यत्नपूर्वक उसका बंधन खोलकर वस्त्र देखिए। राजा वेश्या के घर गया, कारांकिक के वचन सहित।

श्लोक 87 (padma.5.110.87)

इदमाह सनिद्रेयं पश्येमां यामि पश्यसि । स तूवाच नृपं तत्र न मे युक्तमिदं नृप

idamāha sanidreyaṁ paśyemāṁ yāmi paśyasi sa tūvāca nṛpaṁ tatra na me yuktamidaṁ nṛpa

उसने कहा— यह सोई हुई है, इसे देखो, मैं जाता हूँ, तुम देखो। उसने राजा से वहाँ कहा— हे राजन्! यह मेरे लिए उचित नहीं है।

श्लोक 88 (padma.5.110.88)

तन्मातरं वा पितरं दर्शनाय नियोजय । तद्दृष्टौ सर्वमेवेदं व्यक्तमाशु भविष्यति

tanmātaraṁ vā pitaraṁ darśanāya niyojaya taddṛṣṭau sarvamevedaṁ vyaktamāśu bhaviṣyati

उसकी माता या पिता को देखने के लिए नियुक्त कीजिए। उनके देखने से यह सब शीघ्र ही स्पष्ट हो जाएगा।

श्लोक 89 (padma.5.110.89)

आनीता ह्यथ राज्ञा तु माता वीक्षितुमुद्यता । वचनात्तु नृपस्यैव वस्त्रं शोधयतीव सा

ānītā hyatha rājñā tu mātā vīkṣitumudyatā vacanāttu nṛpasyaiva vastraṁ śodhayatīva sā

तब राजा द्वारा लाई गई माता देखने के लिए तत्पर हुई। राजा के ही वचन से मानो वह वस्त्र की जाँच करने लगी —

श्लोक 90 (padma.5.110.90)

तत्रस्थितं मंडमथ विज्ञायांबा ह्यमर्दयत् । मर्दनाद्वसनं क्लिन्नं किं तदित्याह पार्थिवः

tatrasthitaṁ maṁḍamatha vijñāyāṁbā hyamardayat mardanādvasanaṁ klinnaṁ kiṁ tadityāha pārthivaḥ

वहाँ स्थित मांड को जानकर माता ने उसे मला। मलने से वस्त्र गीला हो गया — 'यह क्या है?' राजा ने पूछा।

श्लोक 91 (padma.5.110.91)

न किंचिद्देव नो किंचिदिति वेश्याप्रसूरपि । बहुवाक्येन राजाथ वसनं वीक्ष्य शंकया

na kiṁciddeva no kiṁciditi veśyāprasūrapi bahuvākyena rājātha vasanaṁ vīkṣya śaṁkayā

'कुछ नहीं, हे देव! कुछ भी नहीं' — वेश्या की माता ने भी कहा। परंतु बहुत पूछने पर राजा ने वस्त्र को शंकापूर्वक देखकर —

श्लोक 92 (padma.5.110.92)

शुक्रक्लिन्नमिदं वासः प्राहैतत्पश्यतामिति । अथ दृष्ट्वा समीपस्थास्तथेत्यूचुर्वचो नृपम्

śukraklinnamidaṁ vāsaḥ prāhaitatpaśyatāmiti atha dṛṣṭvā samīpasthāstathetyūcurvaco nṛpam

कहा— यह वस्त्र शुक्र से भीगा है, सब इसे देखें। तब पास खड़े लोगों ने देखकर राजा से 'ऐसा ही है' कह दिया।

श्लोक 93 (padma.5.110.93)

राजाथ स्वगृहं गत्वा दंडाध्यक्षमभाषत । इदानीमेव वेश्यायाः शिरश्छिंध्यविचारयन्

rājātha svagṛhaṁ gatvā daṁḍādhyakṣamabhāṣata idānīmeva veśyāyāḥ śiraśchiṁdhyavicārayan

फिर राजा अपने घर जाकर दंडाधिकारी से बोला— अभी ही, बिना कोई विचार किए, वेश्या का सिर काट दो।

श्लोक 94 (padma.5.110.94)

दर्शनीयं शिरस्तस्या घटिकाभ्यंतरे मम । दंडकश्च नृपोक्त्यास्यास्तथा कृत्वा ह्यदर्शयत्

darśanīyaṁ śirastasyā ghaṭikābhyaṁtare mama daṁḍakaśca nṛpoktyāsyāstathā kṛtvā hyadarśayat

एक घटिका के भीतर मुझे उसका सिर दिखाया जाए। दंडक ने राजा के वचन से वैसा ही करके उसे दिखाया।

श्लोक 95 (padma.5.110.95)

वीरभद्र उवाच- एवं कृतं त्वया पूर्वं प्राप्तं च फलमद्य ते । ज्वालयैव हि वक्ता त्वं श्रोता द्रष्टा च जिघ्रसि

vīrabhadra uvāca- evaṁ kṛtaṁ tvayā pūrvaṁ prāptaṁ ca phalamadya te jvālayaiva hi vaktā tvaṁ śrotā draṣṭā ca jighrasi

वीरभद्र ने कहा— पहले तुमने ऐसा किया था, और आज तुम्हें वैसा ही फल मिला है। ज्वाला से ही तुम बोलोगे, सुनोगे, देखोगे, सूँघोगे —

श्लोक 96 (padma.5.110.96)

रसं जानासि मतिमानतिक्रोधी भविष्यसि । शंभुरुवाच- एवं ज्वालामुखो जातो राजा माहेश्वरोऽक्षमी

rasaṁ jānāsi matimānatikrodhī bhaviṣyasi śaṁbhuruvāca- evaṁ jvālāmukho jāto rājā māheśvaro'kṣamī

और रस भी जानोगे, हे बुद्धिमान! क्योंकि तुम अत्यंत क्रोधी हो गए थे। शंभु ने कहा— इस प्रकार वह माहेश्वर परंतु क्षमारहित राजा ज्वालामुख बना।

श्लोक 97 (padma.5.110.97)

तस्मात्तु क्षमिणा भाव्यं परत्रेह सुखेप्सुना । य इदं शृणुयान्नित्यं पुण्याख्यानमनुत्तमम्

tasmāttu kṣamiṇā bhāvyaṁ paratreha sukhepsunā ya idaṁ śṛṇuyānnityaṁ puṇyākhyānamanuttamam

इसलिए इस लोक और परलोक में सुख चाहने वाले को क्षमाशील होना चाहिए। जो कोई भी इस उत्तम पुण्य-आख्यान को नित्य सुनता है —

श्लोक 98 (padma.5.110.98)

विमुक्तपापबंधश्च शिवलोके भविष्यति

vimuktapāpabaṁdhaśca śivaloke bhaviṣyati

वह पाप-बंधन से मुक्त होकर शिवलोक को प्राप्त करेगा।