वसिष्ठ-राक्षस कथा और पुराण-श्रवण की विधि

श्लोक 1 (padma.5.115.1)

श्रीराम उवाच- कथं पातकसंघात संक्रमे ब्राह्मणाधमे । पुराणज्ञः कथं व्याख्यां चकार द्विजसत्तम

śrīrāma uvāca- kathaṁ pātakasaṁghāta saṁkrame brāhmaṇādhame purāṇajñaḥ kathaṁ vyākhyāṁ cakāra dvijasattama

श्री राम ने कहा— उस पाप-राशि में डूबे नीच ब्राह्मण में, पापों के इस संक्रमण में, हे द्विज-श्रेष्ठ! पुराण-ज्ञाता ने व्याख्या कैसे की?

श्लोक 2 (padma.5.115.2)

शंभुरुवाच- अध्यापने चाध्ययने जायते चाथ संगमः । संगतौ वत्सरं राम याति पातकि पातकम्

śaṁbhuruvāca- adhyāpane cādhyayane jāyate cātha saṁgamaḥ saṁgatau vatsaraṁ rāma yāti pātaki pātakam

शंभु ने कहा— पढ़ाने और पढ़ने में एक संबंध बनता है; उस संबंध में, हे राम! एक वर्ष तक पापी का पाप [गुरु में] संक्रमित होता है —

श्लोक 3 (padma.5.115.3)

पुराणज्ञे तु काकुत्स्थ सर्वतत्वार्थवेदिनि । अपिपातकसंदोह चीर्णपापं प्रणश्यति

purāṇajñe tu kākutstha sarvatatvārthavedini apipātakasaṁdoha cīrṇapāpaṁ praṇaśyati

परंतु हे काकुत्स्थ! सर्व-तत्वों के अर्थ को जानने वाले पुराण-ज्ञाता में, पाप-राशि का चिरकाल से किया गया पाप भी नष्ट हो जाता है।

श्लोक 4 (padma.5.115.4)

प्रभूतवह्निनाशे हि धूमराशिर्यथैव हि । शलभो दीपनाशाय वह्निनाशाय न प्रभुः

prabhūtavahnināśe hi dhūmarāśiryathaiva hi śalabho dīpanāśāya vahnināśāya na prabhuḥ

जैसे बड़ी अग्नि के बुझने पर धुएँ का ढेर उठता है, पर पतंगा दीपक बुझा सकता है, बड़ी अग्नि को बुझाने में समर्थ नहीं होता —

श्लोक 5 (padma.5.115.5)

कृतं पापं तथान्येषां नाशनाय पुराणिकः । भूतादिग्रस्तमर्त्यानां भूतादि भयमोचकः

kṛtaṁ pāpaṁ tathānyeṣāṁ nāśanāya purāṇikaḥ bhūtādigrastamartyānāṁ bhūtādi bhayamocakaḥ

वैसे ही पुराण-वेत्ता अन्य लोगों के पाप को नष्ट करने के लिए है; भूत आदि से ग्रस्त मनुष्यों को भूत-भय से मुक्त करने वाले की भाँति —

श्लोक 6 (padma.5.115.6)

समंत्रवानपनयेद्यथा न स्वयमातुरः । पौराणिकस्तथा पापं न किंचित्प्राप्तुमर्हति

samaṁtravānapanayedyathā na svayamāturaḥ paurāṇikastathā pāpaṁ na kiṁcitprāptumarhati

जैसे मंत्रवान् व्यक्ति [भूत-बाधा] दूर करता है और स्वयं रोगी नहीं होता, वैसे ही पुराण-वेत्ता को [उस पाप का] कुछ भी प्राप्त होने योग्य नहीं है।

श्लोक 7 (padma.5.115.7)

आत्मना च कृतं पापमन्यैरपि च यत्कृतम् । पुराणज्ञो नाशयति त्वतिदुष्टं स्वकर्म्म वा

ātmanā ca kṛtaṁ pāpamanyairapi ca yatkṛtam purāṇajño nāśayati tvatiduṣṭaṁ svakarmma vā

पुराण-ज्ञाता अपने द्वारा किए गए पाप को, और दूसरों द्वारा किए गए पाप को भी, चाहे वह कितना ही दुष्ट अपना ही कर्म क्यों न हो, नष्ट कर देता है —

श्लोक 8 (padma.5.115.8)

भवानीशे हृषीकेशे समवृत्तिर्विवेकवान् । लोकवेदक्रियावेत्ता रुद्रजाप्यतिनिःस्पृहः

bhavānīśe hṛṣīkeśe samavṛttirvivekavān lokavedakriyāvettā rudrajāpyatiniḥspṛhaḥ

यदि वह भवानी के पति और हृषीकेश में समान भाव रखने वाला, विवेकवान्, लोक-वेद के आचरण का ज्ञाता, रुद्र-जप में भी अत्यंत निःस्पृह हो —

श्लोक 9 (padma.5.115.9)

तुष्टः शांतः क्रियादक्षः प्रभूतो योगकृद्वशी । यथैव ते पुराणज्ञो वसिष्ठो भगवानृषिः

tuṣṭaḥ śāṁtaḥ kriyādakṣaḥ prabhūto yogakṛdvaśī yathaiva te purāṇajño vasiṣṭho bhagavānṛṣiḥ

संतुष्ट, शांत, क्रिया-दक्ष, समृद्ध, योग-कर्ता, संयमी हो — जैसे तुम्हारे कुल के पुराण-ज्ञाता, भगवान ऋषि वसिष्ठ थे।

श्लोक 10 (padma.5.115.10)

नियोगात्तव भूपाल अयोध्यायामतिष्ठत । अपालयद्भुवं कृत्स्नां त्वां च रक्षः समापतत्

niyogāttava bhūpāla ayodhyāyāmatiṣṭhata apālayadbhuvaṁ kṛtsnāṁ tvāṁ ca rakṣaḥ samāpatat

हे भूपाल! तुम्हारी नियुक्ति से वे अयोध्या में रहते थे। उन्होंने संपूर्ण भूमि की रक्षा की, और एक बार तुम पर राक्षस आ पड़ा —

श्लोक 11 (padma.5.115.11)

स च शुक्रोपदेशेन राक्षसस्त्वामथाभ्यगात् । निद्रासक्तं हनिष्यामि नान्यथावसरस्त्विति

sa ca śukropadeśena rākṣasastvāmathābhyagāt nidrāsaktaṁ haniṣyāmi nānyathāvasarastviti

वह राक्षस, शुक्र के उपदेश से, तुम्हारे पास आया [और सोचा—] 'मैं इसे सोते हुए, असावधान अवस्था में मारूँगा, अन्यथा कोई अवसर नहीं मिलेगा।'

श्लोक 12 (padma.5.115.12)

अथ विप्रो विदित्वैतद्वसिष्ठस्त्वद्धितप्रियः । सुप्तं प्रमत्तं काकुत्स्थं रक्षो हंति न संशयः

atha vipro viditvaitadvasiṣṭhastvaddhitapriyaḥ suptaṁ pramattaṁ kākutsthaṁ rakṣo haṁti na saṁśayaḥ

यह जानकर तुम्हारे हित में तत्पर ब्राह्मण वसिष्ठ ने सोचा— यह राक्षस सोए हुए, असावधान काकुत्स्थ को अवश्य मार डालेगा, इसमें संदेह नहीं —

श्लोक 13 (padma.5.115.13)

ब्रह्मावाप्तवरं तद्धि मया कार्यं निवारणम् । इति संचिंत्य विप्रर्षिः सेनामादाय निर्गतः

brahmāvāptavaraṁ taddhi mayā kāryaṁ nivāraṇam iti saṁciṁtya viprarṣiḥ senāmādāya nirgataḥ

उसने ब्रह्मा से वर पाया है, इसलिए मुझे ही इसे रोकना होगा। ऐसा सोचकर वह ब्राह्मण-ऋषि अपनी शक्ति लेकर निकल पड़ा।

श्लोक 14 (padma.5.115.14)

रक्षो हंतुमशक्तस्तु मृत्युहीनं ततो मुनिः । स्वयं च राक्षसो भूत्वा वाक्यमाह महामुनिः

rakṣo haṁtumaśaktastu mṛtyuhīnaṁ tato muniḥ svayaṁ ca rākṣaso bhūtvā vākyamāha mahāmuniḥ

परंतु मृत्यु-रहित उस राक्षस को मारने में असमर्थ होकर, उस महामुनि ने स्वयं ही राक्षस का रूप धारण करके यह वचन कहा —

श्लोक 15 (padma.5.115.15)

किमर्थमागतोसीह वनं मुनिनिषेवितम् । स आह राजा रक्षोघ्नस्तमहं हंतुमागतः

kimarthamāgatosīha vanaṁ muniniṣevitam sa āha rājā rakṣoghnastamahaṁ haṁtumāgataḥ

तुम मुनियों से सेवित इस वन में किसलिए आए हो? उसने कहा— राक्षसों का नाश करने वाला राजा है, उसे मारने आया हूँ।

श्लोक 16 (padma.5.115.16)

मुनिरप्याह किं तेन जीवितेन मृतेन वा । भुक्त्वामिषं मदीयं तु युद्धं कृत्वा जयं व्रज

munirapyāha kiṁ tena jīvitena mṛtena vā bhuktvāmiṣaṁ madīyaṁ tu yuddhaṁ kṛtvā jayaṁ vraja

मुनि ने भी कहा— उसके जीने या मरने से क्या? मेरा ही मांस खाकर, युद्ध करके विजय प्राप्त करो।

श्लोक 17 (padma.5.115.17)

राक्षस उवाच- कथं त्वं राक्षसो मह्यं भक्षणाय भविष्यसि । वसिष्ठोऽप्यथ मानुष्यमास्थाय वियति स्थितः

rākṣasa uvāca- kathaṁ tvaṁ rākṣaso mahyaṁ bhakṣaṇāya bhaviṣyasi vasiṣṭho'pyatha mānuṣyamāsthāya viyati sthitaḥ

राक्षस ने कहा— तुम राक्षस होकर मेरे लिए भक्षण-योग्य कैसे बन सकते हो? तब वसिष्ठ ने मनुष्य-रूप धारण करके आकाश में स्थित होकर —

श्लोक 18 (padma.5.115.18)

निष्ठीव्य मस्तके तस्य मुष्टिना तमताडयत् । ताडितो राक्षसस्तेन व्यद्रावयदृषिश्च तम्

niṣṭhīvya mastake tasya muṣṭinā tamatāḍayat tāḍito rākṣasastena vyadrāvayadṛṣiśca tam

उसके सिर पर थूककर मुक्के से उसे मारा। उससे पीटे जाने पर राक्षस भाग गया, और ऋषि ने उसका पीछा किया —

श्लोक 19 (padma.5.115.19)

पलायमानावन्योन्यं जलधिं तु गतावुभौ । तत्रस्थेन ग्रहेणासौ गृहीतो राक्षसस्तदा

palāyamānāvanyonyaṁ jaladhiṁ tu gatāvubhau tatrasthena graheṇāsau gṛhīto rākṣasastadā

भागते हुए दोनों समुद्र तक जा पहुँचे। वहाँ स्थित एक ग्रह (जल-जंतु) ने तब उस राक्षस को पकड़ लिया।

श्लोक 20 (padma.5.115.20)

मुनिः पुनरयोध्यायां पूर्ववत्समतिष्ठत । शंभुरुवाच- तस्मात्स्वाभिमतं कुर्यात्पुराणज्ञो विमत्सरः

muniḥ punarayodhyāyāṁ pūrvavatsamatiṣṭhata śaṁbhuruvāca- tasmātsvābhimataṁ kuryātpurāṇajño vimatsaraḥ

मुनि फिर अयोध्या में पहले जैसे ही रहने लगे। शंभु ने कहा— इसलिए पुराण-ज्ञाता को मत्सर-रहित होकर अपनी इच्छा के अनुसार आचरण करना चाहिए —

श्लोक 21 (padma.5.115.21)

श्रवणस्य विधानं च कथयामि शुभं शृणु । शुक्लपक्षे दिने शुद्धे वारनक्षत्रयोगतः

śravaṇasya vidhānaṁ ca kathayāmi śubhaṁ śṛṇu śuklapakṣe dine śuddhe vāranakṣatrayogataḥ

अब मैं श्रवण की शुभ विधि बताता हूँ, सुनो। शुक्ल पक्ष के शुद्ध दिन में, अनुकूल वार-नक्षत्र के योग से —

श्लोक 22 (padma.5.115.22)

करणे चापि लग्ने च ग्रहताराबलान्विते । अमूढेन ग्रहे बाले न च वृद्धौ गुरौस्थिते

karaṇe cāpi lagne ca grahatārābalānvite amūḍhena grahe bāle na ca vṛddhau gurausthite

अनुकूल करण और लग्न में, ग्रह-तारा के बल से युक्त; चंद्रमा अस्पष्ट न हो, गुरु न तो बालक-अवस्था में, न वृद्ध या अस्त हो —

श्लोक 23 (padma.5.115.23)

न कृष्णपक्षे ग्रहणे न च नास्तिकसंनिधौ । पूर्वोक्तलक्षणोपेतं पुराणं शृणुयादिति

na kṛṣṇapakṣe grahaṇe na ca nāstikasaṁnidhau pūrvoktalakṣaṇopetaṁ purāṇaṁ śṛṇuyāditi

न कृष्ण पक्ष में, न ग्रहण में, न नास्तिकों की उपस्थिति में — पूर्वोक्त लक्षणों से युक्त होकर ही पुराण सुनना चाहिए।

श्लोक 24 (padma.5.115.24)

शुद्धगेहेऽथवा शुद्धवेदिकायां मठेथ वा । नदीतीरे देवगेहे सभामंडप एव च

śuddhagehe'thavā śuddhavedikāyāṁ maṭhetha vā nadītīre devagehe sabhāmaṁḍapa eva ca

शुद्ध घर में, या शुद्ध वेदी पर, या मठ में; नदी-तट पर, देव-मंदिर में, या सभा-मंडप में भी —

श्लोक 25 (padma.5.115.25)

रथ्या मठेथ वा रम्ये पुण्यशालासु राघव । स्वयं नमस्य विप्रेंद्रान्पुराणज्ञं विशेषतः

rathyā maṭhetha vā ramye puṇyaśālāsu rāghava svayaṁ namasya vipreṁdrānpurāṇajñaṁ viśeṣataḥ

सड़क के किनारे, रमणीय मठ में, या पुण्य-शालाओं में, हे राघव! स्वयं श्रेष्ठ ब्राह्मणों को, विशेषकर पुराण-ज्ञाता को प्रणाम करके —

श्लोक 26 (padma.5.115.26)

आसनं कल्पितं कुर्य्यादूर्ध्वं सर्वविशेषितम् । एहि धर्म्मासनमिति वक्तव्यं स्यादनिष्ठुरम्

āsanaṁ kalpitaṁ kuryyādūrdhvaṁ sarvaviśeṣitam ehi dharmmāsanamiti vaktavyaṁ syādaniṣṭhuram

सबसे ऊँचा, विशेष रूप से सजाया गया आसन बनाना चाहिए, और कोमल वचन से कहना चाहिए— 'आइए, धर्म के इस आसन पर विराजिए।'

श्लोक 27 (padma.5.115.27)

पुराणप्रक्रमदिने यत्कार्यं तदुदीरयेत् । व्याख्यातारं पुराणस्य वस्त्राद्यैः परिपूजयेत्

purāṇaprakramadine yatkāryaṁ tadudīrayet vyākhyātāraṁ purāṇasya vastrādyaiḥ paripūjayet

पुराण-आरंभ के दिन जो कार्य करना हो, वह बताना चाहिए। पुराण के व्याख्याता को वस्त्र आदि से पूर्ण रूप से सम्मानित करना चाहिए —

श्लोक 28 (padma.5.115.28)

शुभानि दत्वा वस्त्राणि सूक्ष्माणि च नवानि च । करकंठविभूषादि पात्रमासनमेव च

śubhāni datvā vastrāṇi sūkṣmāṇi ca navāni ca karakaṁṭhavibhūṣādi pātramāsanameva ca

शुभ, बारीक और नए वस्त्र देकर; हाथ-गले के आभूषण, पात्र और आसन भी —

श्लोक 29 (padma.5.115.29)

गंधपुष्पाक्षतैः पूज्य तांबूलं विनिवेद्य च । शुक्लांबरधरं विष्णुं शशिवर्णं चतुर्भुजम्

gaṁdhapuṣpākṣataiḥ pūjya tāṁbūlaṁ vinivedya ca śuklāṁbaradharaṁ viṣṇuṁ śaśivarṇaṁ caturbhujam

गंध-पुष्प-अक्षत से पूजा करके, ताम्बूल अर्पित करके — श्वेत वस्त्रधारी, चंद्र-वर्ण, चतुर्भुज विष्णु का —

श्लोक 30 (padma.5.115.30)

प्रसन्नवदनं ध्यायेत्सर्वविघ्नोपशांतये । सभासदश्च संपूज्य गणेशं प्रार्थयेत्ततः

prasannavadanaṁ dhyāyetsarvavighnopaśāṁtaye sabhāsadaśca saṁpūjya gaṇeśaṁ prārthayettataḥ

प्रसन्न-मुख का ध्यान करना चाहिए, सब विघ्नों की शांति के लिए। फिर सभासदों की पूजा करके गणेश से प्रार्थना करनी चाहिए —

श्लोक 31 (padma.5.115.31)

ॐनमेत्यादि मंत्रेण पूजनं भारती नुतिः । प्रातःकाले पुराणस्य प्रक्रमं प्रारभेदिति

oṁnametyādi maṁtreṇa pūjanaṁ bhāratī nutiḥ prātaḥkāle purāṇasya prakramaṁ prārabhediti

'ॐ नमः' आदि मंत्र से पूजा और सरस्वती की स्तुति करके, प्रातःकाल में ही पुराण का आरंभ करना चाहिए।

श्लोक 32 (padma.5.115.32)

उपक्रमदिने राम त्रिपंचदश वा शुभाः । श्लोका द्वितीये दिवसे ततो द्विगुणिताः शुभाः

upakramadine rāma tripaṁcadaśa vā śubhāḥ ślokā dvitīye divase tato dviguṇitāḥ śubhāḥ

हे राम! आरंभ के दिन तेरह या पंद्रह शुभ श्लोक; दूसरे दिन उससे दुगने शुभ श्लोक —

श्लोक 33 (padma.5.115.33)

तृतीये दिवसे राम ततश्चाधिकमिष्यते । दिनानामव्यवच्छेदाद्व्याख्यानं श्रवणं तथा

tṛtīye divase rāma tataścādhikamiṣyate dinānāmavyavacchedādvyākhyānaṁ śravaṇaṁ tathā

तीसरे दिन, हे राम! उससे भी अधिक चाहा जाता है; दिनों की निरंतरता बनाए रखते हुए ही व्याख्यान और श्रवण होना चाहिए —

श्लोक 34 (padma.5.115.34)

व्यवस्थितिर्यदा जाता तदा पौराणिकं गुरुम् । तांबूलादिप्रदायाथ परेद्युः शृणुयादपि

vyavasthitiryadā jātā tadā paurāṇikaṁ gurum tāṁbūlādipradāyātha paredyuḥ śṛṇuyādapi

जब यह व्यवस्था हो जाए, तब पुराण-गुरु को ताम्बूल आदि देकर, अगले दिन भी सुनना चाहिए —

श्लोक 35 (padma.5.115.35)

पुराणमेवं श्रोतव्यं दैनंदिनमिति श्रुतिः । व्रतरूपेण यः कश्चित्पुराणं शृणुयान्नरः

purāṇamevaṁ śrotavyaṁ dainaṁdinamiti śrutiḥ vratarūpeṇa yaḥ kaścitpurāṇaṁ śṛṇuyānnaraḥ

इस प्रकार प्रतिदिन पुराण सुनना चाहिए — यह श्रुति का वचन है। जो कोई मनुष्य व्रत के रूप में पुराण सुनता है —

श्लोक 36 (padma.5.115.36)

यदैवं तत्पुराणं तु तत्र याति न संशयः । पुराणं श्रोतुकामेन श्लोकश्चैकोपि चेच्छ्रुतः

yadaivaṁ tatpurāṇaṁ tu tatra yāti na saṁśayaḥ purāṇaṁ śrotukāmena ślokaścaikopi cecchrutaḥ

वह उसी पुराण [में वर्णित लोक] को जाता है, इसमें संदेह नहीं। पुराण सुनने की इच्छा रखने वाले के द्वारा यदि एक भी श्लोक सुना गया हो —

श्लोक 37 (padma.5.115.37)

तद्दिने तु कृतं पापं नाशयेत्तु न संशयः

taddine tu kṛtaṁ pāpaṁ nāśayettu na saṁśayaḥ

तो उस दिन किया गया पाप नष्ट हो जाता है, इसमें संदेह नहीं।

श्लोक 38 (padma.5.115.38)

एवं पुराणं शृणुयाच्च यस्तु स ब्रह्महत्याकृतपापबंधात् । सुरापीतिः स्वर्णहरश्च राम गुर्वंगनागश्च विमुक्तिमेति

evaṁ purāṇaṁ śṛṇuyācca yastu sa brahmahatyākṛtapāpabaṁdhāt surāpītiḥ svarṇaharaśca rāma gurvaṁganāgaśca vimuktimeti

जो इस प्रकार पुराण सुनता है, वह ब्रह्म-हत्या से बँधे पाप से भी मुक्त हो जाता है; हे राम! मदिरा पीने वाला, स्वर्ण चुराने वाला, और गुरु-पत्नी का संग करने वाला भी मुक्ति पाता है।

श्लोक 39 (padma.5.115.39)

पापानि चान्यानि कृतानि पुंभिः सर्वाणि नश्यंति पुराकृतानि । इहापि यान्यब्दशतार्जितानि श्रोतुर्विनश्यंति तथा च वक्तुः

pāpāni cānyāni kṛtāni puṁbhiḥ sarvāṇi naśyaṁti purākṛtāni ihāpi yānyabdaśatārjitāni śroturvinaśyaṁti tathā ca vaktuḥ

मनुष्यों द्वारा पूर्व-जन्मों में किए गए अन्य सब पाप भी नष्ट हो जाते हैं; और यहाँ भी सौ वर्षों में अर्जित पाप भी श्रोता और वक्ता, दोनों के, इसी प्रकार नष्ट हो जाते हैं।

श्लोक 40 (padma.5.115.40)

कलौ समस्तविप्राणां सर्वज्ञत्वं न विद्यते । विगुणापि ततो व्याख्या फलदा दानकर्मवत्

kalau samastaviprāṇāṁ sarvajñatvaṁ na vidyate viguṇāpi tato vyākhyā phaladā dānakarmavat

कलियुग में सब ब्राह्मणों में सर्वज्ञता नहीं पाई जाती; इसलिए त्रुटिपूर्ण व्याख्या भी दान-कर्म की भाँति फलदायिनी होती है।

श्लोक 41 (padma.5.115.41)

पुराणानामभिप्रायं व्यासो वेद न चापरः । अहं वेद्मि विशेषेण व्यासादपि विधेरपि

purāṇānāmabhiprāyaṁ vyāso veda na cāparaḥ ahaṁ vedmi viśeṣeṇa vyāsādapi vidherapi

पुराणों का अभिप्राय व्यास जानते हैं, और कोई नहीं; मैं तो व्यास से भी, ब्रह्मा से भी विशेष रूप से अधिक जानता हूँ।

श्लोक 42 (padma.5.115.42)

न स्वाध्यायस्तपो वापि न मंत्रो न जुहोतयः । फलंति न तथा तिष्ये पुराणश्रवणं यथा

na svādhyāyastapo vāpi na maṁtro na juhotayaḥ phalaṁti na tathā tiṣye purāṇaśravaṇaṁ yathā

न स्वाध्याय, न तप, न मंत्र, न हवन — कलियुग में उतना फल नहीं देते, जितना पुराण-श्रवण देता है।

श्लोक 43 (padma.5.115.43)

एकैकश्रवणादेव पातकं महदेव तु । नाशमाप्नोत्यसंदेहः श्रीशैले वर्तनादिव

ekaikaśravaṇādeva pātakaṁ mahadeva tu nāśamāpnotyasaṁdehaḥ śrīśaile vartanādiva

एक-एक श्लोक के श्रवण से भी बड़े-से-बड़ा पाप नष्ट हो जाता है, इसमें संदेह नहीं — जैसे श्रीशैल में निवास करने से होता है।

श्लोक 44 (padma.5.115.44)

अतो गुरुः पुराणज्ञः श्रोतृवंद्योऽघनाशनः । न तस्मादधिकः कश्चिद्गुरुरस्ति गतिप्रदः

ato guruḥ purāṇajñaḥ śrotṛvaṁdyo'ghanāśanaḥ na tasmādadhikaḥ kaścidgururasti gatipradaḥ

इसलिए पुराण-ज्ञाता ही सच्चा गुरु है, श्रोता के लिए वंदनीय, पाप-नाशक; उससे बढ़कर कोई गुरु नहीं जो गति देने वाला हो।

श्लोक 45 (padma.5.115.45)

मंत्रेषु गुरवो ये च वेदशास्त्रेषु ये मताः । नेशते सर्वविज्ञानं दातुं तस्मान्न बोधकाः

maṁtreṣu guravo ye ca vedaśāstreṣu ye matāḥ neśate sarvavijñānaṁ dātuṁ tasmānna bodhakāḥ

मंत्रों में जो गुरु हैं, और वेद-शास्त्रों में जो माने जाते हैं, वे सर्व-विज्ञान देने में समर्थ नहीं हैं, इसलिए वे [पूर्ण] बोधक नहीं हैं।

श्लोक 46 (padma.5.115.46)

पिशाचाः प्रायशो राम ब्रह्मराक्षसनामिनः । वेदमंत्रस्य वेत्तारो दृश्यंते न पुराणवित्

piśācāḥ prāyaśo rāma brahmarākṣasanāminaḥ vedamaṁtrasya vettāro dṛśyaṁte na purāṇavit

हे राम! प्रायः केवल वेद-मंत्र के ज्ञाता ही मरने के बाद पिशाच और ब्रह्म-राक्षस नाम की योनियाँ पाते हुए देखे जाते हैं, पुराण-वेत्ता नहीं।

श्लोक 47 (padma.5.115.47)

पुराणविमुखो नैव सर्वः सर्वं हि पश्यति । पुराणज्ञो हि तस्तस्मात्पापनाशकरः प्रभुः

purāṇavimukho naiva sarvaḥ sarvaṁ hi paśyati purāṇajño hi tastasmātpāpanāśakaraḥ prabhuḥ

पुराण से विमुख व्यक्ति सब कुछ नहीं देख सकता; पुराण-ज्ञाता ही सब कुछ देखता है, इसलिए वह ही पाप का महान नाशक है।

श्लोक 48 (padma.5.115.48)

तत्पूजा सर्वपूजा स्यात्सर्वद्रोहोऽस्य पीडनम् । यथा समस्तदानानां विद्यादानं प्रशस्यते

tatpūjā sarvapūjā syātsarvadroho'sya pīḍanam yathā samastadānānāṁ vidyādānaṁ praśasyate

उसकी पूजा सर्व-पूजा है, उसे कष्ट पहुँचाना सबके प्रति द्रोह है। जैसे सब दानों में विद्या-दान श्रेष्ठ माना गया है —

श्लोक 49 (padma.5.115.49)

पौराणिकस्तथा धन्यस्तत्र दानं महत्फलम् । राम उवाच-। किं वा पौराणिके देयं कियत्कीदृशमेव च

paurāṇikastathā dhanyastatra dānaṁ mahatphalam rāma uvāca- kiṁ vā paurāṇike deyaṁ kiyatkīdṛśameva ca

वैसे ही पुराण-वेत्ता धन्य है, उसे दिया गया दान महाफल देने वाला है। राम ने कहा— पुराण-वेत्ता को क्या दिया जाए, कितना और कैसा?

श्लोक 50 (padma.5.115.50)

पुराणं कीदृशं वर्ज्यं वर्ज्यः कीदृक्पुराणवित् । शंभुरुवाच- षड्रसानन्नपानानि स्नेहद्रव्याणि यानि च

purāṇaṁ kīdṛśaṁ varjyaṁ varjyaḥ kīdṛkpurāṇavit śaṁbhuruvāca- ṣaḍrasānannapānāni snehadravyāṇi yāni ca

कैसा पुराण त्याज्य है, और कैसा पुराण-वेत्ता त्याज्य है? शंभु ने कहा— छहों रसों वाले अन्न-पान, और जो भी स्नेह-द्रव्य हों —

श्लोक 51 (padma.5.115.51)

गृहं सोपस्करं राम पुराणज्ञाय दापयेत् । पर्याप्तान्येव सर्वाणि अधिकानि फलाधिकात्

gṛhaṁ sopaskaraṁ rāma purāṇajñāya dāpayet paryāptānyeva sarvāṇi adhikāni phalādhikāt

साज-सज्जा सहित घर, हे राम! पुराण-ज्ञाता को देना चाहिए; ये सब पर्याप्त मात्रा में, और अधिक फल के लिए और भी अधिक —

श्लोक 52 (padma.5.115.52)

दद्याद्द्रव्यमतो भूयः सचैलं शोभितं मृदु । भूषणानि यथार्हाणि स्वशक्त्या प्रतिपादयेत्

dadyāddravyamato bhūyaḥ sacailaṁ śobhitaṁ mṛdu bhūṣaṇāni yathārhāṇi svaśaktyā pratipādayet

इससे भी अधिक धन, और सुंदर मुलायम वस्त्र भी देने चाहिए; अपनी सामर्थ्य के अनुसार उचित आभूषण भी अर्पित करने चाहिए।

श्लोक 53 (padma.5.115.53)

गंधपुष्पं प्रतिदिनं केवलं गंधमेव च । केवलं च तथा पुष्पं फलकाले फलान्यपि

gaṁdhapuṣpaṁ pratidinaṁ kevalaṁ gaṁdhameva ca kevalaṁ ca tathā puṣpaṁ phalakāle phalānyapi

प्रतिदिन गंध-पुष्प, या केवल गंध ही; या केवल पुष्प ही, और फल-ऋतु में फल भी —

श्लोक 54 (padma.5.115.54)

तांबूलं च तथा दद्यान्नमस्कुर्याच्च भक्तितः । पुराणस्य समाप्तौ तु दद्याद्दानादिकं तथा

tāṁbūlaṁ ca tathā dadyānnamaskuryācca bhaktitaḥ purāṇasya samāptau tu dadyāddānādikaṁ tathā

ताम्बूल भी देना चाहिए, और भक्तिपूर्वक नमस्कार करना चाहिए; पुराण की समाप्ति पर दान आदि भी देना चाहिए।

श्लोक 55 (padma.5.115.55)

अधिकं तु तथा देयं भूहिरण्यादिकं नृप । न च तूष्णीमुपक्रम्य श्रोतुमर्हति कश्चन

adhikaṁ tu tathā deyaṁ bhūhiraṇyādikaṁ nṛpa na ca tūṣṇīmupakramya śrotumarhati kaścana

हे राजन्! इससे भी अधिक भूमि-स्वर्ण आदि देना चाहिए; बिना यह किए मौन रहकर कोई भी सुनने योग्य नहीं है।

श्लोक 56 (padma.5.115.56)

सभासद्भिः कृता चैव या पूजैकेन वा कृता । देवस्थाने यथाशक्ति सर्वैः पूजनमिष्यते

sabhāsadbhiḥ kṛtā caiva yā pūjaikena vā kṛtā devasthāne yathāśakti sarvaiḥ pūjanamiṣyate

सभासदों द्वारा मिलकर की गई, या किसी एक द्वारा की गई पूजा — देव-स्थान की भाँति, सबको यथाशक्ति पूजा करनी चाहिए।

श्लोक 57 (padma.5.115.57)

तीर्थेपि च यथा राम पुण्येष्वायतनेषु च । स्वशक्त्या पूजनं कुर्यात्पुराणज्ञाय राघव

tīrthepi ca yathā rāma puṇyeṣvāyataneṣu ca svaśaktyā pūjanaṁ kuryātpurāṇajñāya rāghava

हे राम! जैसे तीर्थों में और पुण्य-मंदिरों में होता है, वैसे ही हे राघव! अपनी सामर्थ्य से पुराण-ज्ञाता की पूजा करनी चाहिए।

श्लोक 58 (padma.5.115.58)

श्रोतुस्तु लक्षणं पूर्वं मयोक्तं तु भवेन्नृप । पौराणिकस्य सर्वस्य लक्षणं कथयामि ते

śrotustu lakṣaṇaṁ pūrvaṁ mayoktaṁ tu bhavennṛpa paurāṇikasya sarvasya lakṣaṇaṁ kathayāmi te

हे राजन्! श्रोता के लक्षण मैंने पहले बता दिए हैं; अब मैं तुम्हें सब अयोग्य पुराण-वक्ताओं के लक्षण बताता हूँ।

श्लोक 59 (padma.5.115.59)

कुलहीनो महाव्याधिर्महापापी तिरस्कृतः । शौचाचारविहीनश्च वेदस्मृतिविवर्जितः

kulahīno mahāvyādhirmahāpāpī tiraskṛtaḥ śaucācāravihīnaśca vedasmṛtivivarjitaḥ

कुल-हीन, महारोगी, महापापी, तिरस्कृत, शौच-आचार से रहित, वेद-स्मृति से वंचित —

श्लोक 60 (padma.5.115.60)

अन्यदेवः पूतिवचो व्यंगश्चाप्यधिकांगवान् । परपूर्वापतिः स्तेनः प्राणिहंता निराकृतिः

anyadevaḥ pūtivaco vyaṁgaścāpyadhikāṁgavān parapūrvāpatiḥ stenaḥ prāṇihaṁtā nirākṛtiḥ

अन्य देव का उपासक, दुर्गंधित वचन वाला, विकृत-अंग या अधिक अंग वाला, दूसरे की पत्नी को भ्रष्ट करने वाला, चोर, प्राणियों का हत्यारा, कुरूप —

श्लोक 61 (padma.5.115.61)

अथ वर्ज्यं पुराणं ते कथयामि नृपोत्तम । पूर्वज्ञैरुच्यमानं च यत्प्रोक्तं मुनिभिः परैः

atha varjyaṁ purāṇaṁ te kathayāmi nṛpottama pūrvajñairucyamānaṁ ca yatproktaṁ munibhiḥ paraiḥ

[ऐसा व्यक्ति वक्ता के अयोग्य है]। अब हे राजोत्तम! मैं तुम्हें त्याज्य पुराण बताता हूँ — जो पूर्वजों द्वारा नहीं कहा गया, जो अन्य श्रेष्ठ मुनियों द्वारा नहीं कहा गया —

श्लोक 62 (padma.5.115.62)

व्यासादयो मुनिवरा यत्प्रोचुस्तदुदीरयेत् । पुराणस्थं पठेद्ग्रन्थं व्याख्यायेत विचारयन्

vyāsādayo munivarā yatprocustadudīrayet purāṇasthaṁ paṭhedgranthaṁ vyākhyāyeta vicārayan

व्यास आदि श्रेष्ठ मुनियों ने जो कहा है, वही कहना चाहिए; पुराण में स्थित ग्रंथ को ही पढ़ना और विचारपूर्वक व्याख्यायित करना चाहिए।

श्लोक 63 (padma.5.115.63)

यया कयापि वा राम भाषयादेशभाषतः । न देशभाषा रचितं ग्रंथं श्रुत्वा फलं लभेत्

yayā kayāpi vā rāma bhāṣayādeśabhāṣataḥ na deśabhāṣā racitaṁ graṁthaṁ śrutvā phalaṁ labhet

हे राम! किसी भी भाषा में, यहाँ तक कि देश-भाषा में भी [समझाया जा सकता है]; परंतु केवल देश-भाषा में रचित ग्रंथ को सुनकर [पूर्ण] फल नहीं मिलता।

श्लोक 64 (padma.5.115.64)

व्याख्या या कापि काकुत्स्थ पुराणस्य हिता हि सा । तस्मात्त्वं देवयाचस्व व्याख्यास्ये यत्पुराणकम्

vyākhyā yā kāpi kākutstha purāṇasya hitā hi sā tasmāttvaṁ devayācasva vyākhyāsye yatpurāṇakam

हे काकुत्स्थ! पुराण की जो भी व्याख्या हो, वही हितकर है। इसलिए तुम देव से ही पूछो कि मैं कौन-सा पुराण सुनाऊँ।

श्लोक 65 (padma.5.115.65)

शंभुरुवाच- एवं पौराणिकेनोक्तं श्रुतवानपि गौतमः । स्वयं वस्त्रत्रयं प्रादाद्ब्राह्मणाय महात्मने

śaṁbhuruvāca- evaṁ paurāṇikenoktaṁ śrutavānapi gautamaḥ svayaṁ vastratrayaṁ prādādbrāhmaṇāya mahātmane

शंभु ने कहा— पुराण-वेत्ता का यह वचन सुनकर गौतम ने स्वयं ही उस महात्मा ब्राह्मण को तीन वस्त्र भेंट किए —

श्लोक 66 (padma.5.115.66)

कौर्मं पुराणं प्रथमं श्रुतवानिति नः श्रुतम् । दत्तवान्स्वर्णमधिकं वस्त्राणि च शुभानि च

kaurmaṁ purāṇaṁ prathamaṁ śrutavāniti naḥ śrutam dattavānsvarṇamadhikaṁ vastrāṇi ca śubhāni ca

ऐसा सुना गया है कि उसने पहले कौर्म पुराण सुना; और उसने प्रचुर स्वर्ण और शुभ वस्त्र भी दिए।

श्लोक 67 (padma.5.115.67)

अथ लैंगं च शुश्राव वैष्णवं वामनं तथा । पाद्मं च गारुडं चैव सौरं ब्राह्ममथैव च

atha laiṁgaṁ ca śuśrāva vaiṣṇavaṁ vāmanaṁ tathā pādmaṁ ca gāruḍaṁ caiva sauraṁ brāhmamathaiva ca

फिर उसने लैंग, वैष्णव और वामन पुराण भी सुने; पाद्म, गारुड़, सौर और ब्राह्म भी —

श्लोक 68 (padma.5.115.68)

एवमष्ट स शुश्राव पुराणानि स गौतमः । अथ रामायणं चैव कौर्ममेव पुनश्च सः

evamaṣṭa sa śuśrāva purāṇāni sa gautamaḥ atha rāmāyaṇaṁ caiva kaurmameva punaśca saḥ

इस प्रकार गौतम ने आठ पुराण सुने। फिर उसने रामायण सुनी, और कौर्म को भी फिर से —

श्लोक 69 (padma.5.115.69)

शिवनारायणेत्येवं जपं चक्रे सदैव हि । अवाप निधनं चापि स गतो ब्रह्मणः पदम्

śivanārāyaṇetyevaṁ japaṁ cakre sadaiva hi avāpa nidhanaṁ cāpi sa gato brahmaṇaḥ padam

और 'शिव-नारायण' का जप सदा करता रहा। अंत में मृत्यु को प्राप्त होकर वह ब्रह्मा के पद को प्राप्त हुआ।

श्लोक 70 (padma.5.115.70)

ब्रह्मा संपूज्य तं विप्रं विष्णुलोकमथागमत् । विष्णुना पूजितः सोऽथ जगाम शिवमंदिरम्

brahmā saṁpūjya taṁ vipraṁ viṣṇulokamathāgamat viṣṇunā pūjitaḥ so'tha jagāma śivamaṁdiram

ब्रह्मा ने उस ब्राह्मण का सम्मान करके उसे विष्णु-लोक भेज दिया। विष्णु द्वारा सम्मानित होकर वह फिर शिव-मंदिर गया।

श्लोक 71 (padma.5.115.71)

सर्वेषामेव वंद्योऽसौ गौतमो मुनिसत्तमः । भारतश्रवणे चापि नियमा ये मयेरिताः

sarveṣāmeva vaṁdyo'sau gautamo munisattamaḥ bhārataśravaṇe cāpi niyamā ye mayeritāḥ

वह गौतम, मुनि-श्रेष्ठ, इस प्रकार सबके द्वारा वंदनीय है। अब भारत-श्रवण के जो नियम मैंने बताए हैं, वे [इस प्रकार हैं] —

श्लोक 72 (padma.5.115.72)

पुरा व्यासेन मुनिना त्रिवर्षाद्यत्कृतं शुभम् । श्रवणात्तस्य कृत्स्नस्य व्याकर्ता भारतस्य यः

purā vyāsena muninā trivarṣādyatkṛtaṁ śubham śravaṇāttasya kṛtsnasya vyākartā bhāratasya yaḥ

वह शुभ ग्रंथ जो पहले महर्षि व्यास ने तीन वर्षों में रचा। उस संपूर्ण भारत के श्रवण से, जो उसका व्याख्याता है —

श्लोक 73 (padma.5.115.73)

न किंचित्प्रणमेद्विप्रं मुक्त्वा योगिनमुत्तमम् । सर्वेषामेव वंद्योसौ भारतं व्याकरोति यः

na kiṁcitpraṇamedvipraṁ muktvā yoginamuttamam sarveṣāmeva vaṁdyosau bhārataṁ vyākaroti yaḥ

उसे किसी ब्राह्मण को प्रणाम करने की आवश्यकता नहीं, सिवाय किसी उत्तम योगी के; जो भारत की व्याख्या करता है, वह सबके द्वारा वंदनीय है।

श्लोक 74 (padma.5.115.74)

यो महाभारतं नित्यं व्याख्यास्यति पठेच्च वा । स सर्वेभ्योधिको विप्रस्तारयेच्चैव मानवान्

yo mahābhārataṁ nityaṁ vyākhyāsyati paṭhecca vā sa sarvebhyodhiko viprastārayeccaiva mānavān

जो नित्य महाभारत की व्याख्या करेगा या पढ़ेगा, वह सब ब्राह्मणों से श्रेष्ठ है, और मनुष्यों को तार देता है।

श्लोक 75 (padma.5.115.75)

व्याकरोति च पर्वैकं सर्वाणि कतिचित्तु वा । सर्वपापविनिर्मुक्तो हव्ये कव्ये विशिष्यते

vyākaroti ca parvaikaṁ sarvāṇi katicittu vā sarvapāpavinirmukto havye kavye viśiṣyate

चाहे वह एक पर्व की व्याख्या करे या सबकी, या कुछ की — वह सब पापों से मुक्त हो जाता है, और देव-पितृ दोनों के अर्पण में विशिष्ट होता है।

श्लोक 76 (padma.5.115.76)

तमेव प्रणमेद्विप्रं तमेवार्हं च पूजयेत् । तमेव भोजयेन्नित्यं सर्वं तस्मै निवेदयेत्

tameva praṇamedvipraṁ tamevārhaṁ ca pūjayet tameva bhojayennityaṁ sarvaṁ tasmai nivedayet

उसी ब्राह्मण को प्रणाम करना चाहिए, उसी की पूजा करनी चाहिए; उसी को नित्य भोजन कराना चाहिए, उसी को सब कुछ अर्पित करना चाहिए।

श्लोक 77 (padma.5.115.77)

तस्य पूजाविधिः प्रोक्तो व्याख्यानसमये द्विजः । प्रतिपूज्योऽथ वस्त्राद्यैः पूजयेद्विधिमार्गतः

tasya pūjāvidhiḥ prokto vyākhyānasamaye dvijaḥ pratipūjyo'tha vastrādyaiḥ pūjayedvidhimārgataḥ

व्याख्यान के समय उस द्विज की पूजा-विधि पहले बताई जा चुकी है; उसे वस्त्र आदि से विधिपूर्वक सम्मानित करना चाहिए।

श्लोक 78 (padma.5.115.78)

आदिपर्वसमाप्तौ च सूक्ष्मवस्त्रत्रयं ददेत् । सुवर्णं च यथाशक्ति सभापर्वणि वाससी

ādiparvasamāptau ca sūkṣmavastratrayaṁ dadet suvarṇaṁ ca yathāśakti sabhāparvaṇi vāsasī

आदि-पर्व की समाप्ति पर तीन बारीक वस्त्र देने चाहिए; सामर्थ्य के अनुसार स्वर्ण भी; सभा-पर्व में दो वस्त्र —

श्लोक 79 (padma.5.115.79)

आनुशासनिकारण्यस्वर्गारोहेषु पर्वसु । आदिपर्वणि पूजा या सा पूजा नृपपुंगव

ānuśāsanikāraṇyasvargāroheṣu parvasu ādiparvaṇi pūjā yā sā pūjā nṛpapuṁgava

अनुशासनिक, आरण्यक और स्वर्गारोहण पर्वों में — आदि-पर्व जैसी ही पूजा करनी चाहिए, हे राजश्रेष्ठ! —

श्लोक 80 (padma.5.115.80)

कर्णाश्वमेधवैराटशल्यद्रोणेषु पर्वसु । सूक्ष्मवस्त्रत्रयं शुद्धं निष्कद्वयमथापि वा

karṇāśvamedhavairāṭaśalyadroṇeṣu parvasu sūkṣmavastratrayaṁ śuddhaṁ niṣkadvayamathāpi vā

कर्ण, अश्वमेध, विराट, शल्य और द्रोण पर्वों में — तीन शुद्ध बारीक वस्त्र, या दो स्वर्ण-मुद्राएँ —

श्लोक 81 (padma.5.115.81)

क्षुद्रपर्वस्वथान्येषु निष्कावथ समानयेत् । हरिवंशे सनिष्कं तु वस्त्रत्रितयमेव तु

kṣudraparvasvathānyeṣu niṣkāvatha samānayet harivaṁśe saniṣkaṁ tu vastratritayameva tu

अन्य छोटे पर्वों में दो स्वर्ण-मुद्राएँ लानी चाहिए; हरिवंश में एक स्वर्ण-मुद्रा सहित तीन वस्त्र भी।

श्लोक 82 (padma.5.115.82)

भारतस्याखिलस्यैव समाप्तौ क्षेत्रदो भवेत् । रामायणस्य श्रवणे कांडेकांडे प्रपूजयेत्

bhāratasyākhilasyaiva samāptau kṣetrado bhavet rāmāyaṇasya śravaṇe kāṁḍekāṁḍe prapūjayet

संपूर्ण भारत की समाप्ति पर भूमि-दाता बनना चाहिए; और रामायण के श्रवण में प्रत्येक कांड की समाप्ति पर पूर्ण पूजा करनी चाहिए —

श्लोक 83 (padma.5.115.83)

क्षेत्रं पर्याप्तमथवा सुवर्णमपि दापयेत् । व्याख्यातुर्गुरुवाक्यस्य सर्वकल्मषनाशनः

kṣetraṁ paryāptamathavā suvarṇamapi dāpayet vyākhyāturguruvākyasya sarvakalmaṣanāśanaḥ

पर्याप्त भूमि, या स्वर्ण भी उस गुरु-वचन के व्याख्याता को देना चाहिए, जो सब पापों का नाशक है।

श्लोक 84 (padma.5.115.84)

अर्थोधर्म्मश्च कामश्च मोक्षश्च नृपसत्तम । व्याख्याश्रवणतः सर्वे सिद्धयंति च सुबुद्धयः

arthodharmmaśca kāmaśca mokṣaśca nṛpasattama vyākhyāśravaṇataḥ sarve siddhayaṁti ca subuddhayaḥ

हे राजोत्तम! अर्थ, धर्म, काम और मोक्ष — ये सब, और सद्बुद्धि भी, ऐसी व्याख्या के श्रवण से सिद्ध हो जाते हैं।

श्लोक 85 (padma.5.115.85)

ब्रह्महत्यादिपापानां सर्वेषामपि नाशनम् । एकेन श्रवणेनास्य किं नरैर्न श्रुतं भुवि

brahmahatyādipāpānāṁ sarveṣāmapi nāśanam ekena śravaṇenāsya kiṁ narairna śrutaṁ bhuvi

ब्रह्म-हत्या आदि सभी पापों का नाश भी इसके एक ही श्रवण से हो जाता है, इसमें संदेह नहीं। इससे भला पृथ्वी पर मनुष्यों ने क्या नहीं पाया?

श्लोक 86 (padma.5.115.86)

यानवसुसुवर्णाद्यैर्नित्यमेनं प्रपूजयेत् । व्याख्यातारं यतः पापसंदोहस्य विनाशनम्

yānavasusuvarṇādyairnityamenaṁ prapūjayet vyākhyātāraṁ yataḥ pāpasaṁdohasya vināśanam

वाहन, धन, स्वर्ण आदि से उस व्याख्याता की नित्य पूजा करनी चाहिए, क्योंकि वह पाप-राशि का नाशक है।

श्लोक 87 (padma.5.115.87)

अन्यान्यपि पुराणानि मुनिप्रोक्तानि तान्यपि । श्रोतॄणां पापनाशाय वक्तुश्चापि विशेषतः

anyānyapi purāṇāni muniproktāni tānyapi śrotṝṇāṁ pāpanāśāya vaktuścāpi viśeṣataḥ

मुनियों द्वारा कहे गए अन्य पुराण भी, श्रोताओं के पाप-नाश के लिए और वक्ता के लिए भी विशेष रूप से फलदायी हैं।

श्लोक 88 (padma.5.115.88)

यश्च सर्वपुराणानि षट्त्रिंशत्तु प्रकीर्तयेत् । शृणोति वा न तस्यास्ति चित्तच्छेदः कदाचन

yaśca sarvapurāṇāni ṣaṭtriṁśattu prakīrtayet śṛṇoti vā na tasyāsti cittacchedaḥ kadācana

जो सभी छत्तीस पुराणों का कीर्तन करता है, या सुनता है, उसके चित्त में कभी भी कोई भेद नहीं रहता।

श्लोक 89 (padma.5.115.89)

ब्राह्मं पुराणं प्रथमं द्वितीयं पाद्ममुच्यते । तृतीयं वैष्णवं चैव चतुर्थं शैवमुच्यते

brāhmaṁ purāṇaṁ prathamaṁ dvitīyaṁ pādmamucyate tṛtīyaṁ vaiṣṇavaṁ caiva caturthaṁ śaivamucyate

ब्राह्म पुराण पहला है, दूसरा पाद्म कहलाता है; तीसरा वैष्णव है, चौथा शैव कहलाता है —

श्लोक 90 (padma.5.115.90)

अथ भागवतं प्रोक्तं पंचमं षष्ठमुच्यते । भविष्यं नारदीयं च सप्तमं परिकीर्तितम्

atha bhāgavataṁ proktaṁ paṁcamaṁ ṣaṣṭhamucyate bhaviṣyaṁ nāradīyaṁ ca saptamaṁ parikīrtitam

फिर भागवत को पाँचवाँ कहा गया है, छठा कहलाता है भविष्य; और नारदीय सातवाँ माना गया है —

श्लोक 91 (padma.5.115.91)

मार्कंडेयमिति प्रोक्तमष्टमं नवमं तथा । आग्नेयं ब्रह्मवैवर्तं दशमं परिकीर्तितम्

mārkaṁḍeyamiti proktamaṣṭamaṁ navamaṁ tathā āgneyaṁ brahmavaivartaṁ daśamaṁ parikīrtitam

मार्कंडेय आठवाँ कहा गया है, और नौवाँ आग्नेय; ब्रह्मवैवर्त दसवाँ माना गया है —

श्लोक 92 (padma.5.115.92)

लैंगं च वामनं चैव स्कांदं मात्स्यमथैव च । कौर्मं वाराहमुदितं गारुडं वाथ कीर्तितम्

laiṁgaṁ ca vāmanaṁ caiva skāṁdaṁ mātsyamathaiva ca kaurmaṁ vārāhamuditaṁ gāruḍaṁ vātha kīrtitam

लैंग, वामन, स्कांद, मत्स्य; कौर्म, वाराह और गारुड़ भी कहे गए हैं —

श्लोक 93 (padma.5.115.93)

ब्रह्मांडमित्यष्टादशपुराणानि विदुर्बुधाः । तथा चोपपुराणानि कथयिष्याम्यतः परम्

brahmāṁḍamityaṣṭādaśapurāṇāni vidurbudhāḥ tathā copapurāṇāni kathayiṣyāmyataḥ param

और ब्रह्मांड — इस प्रकार विद्वान अठारह पुराणों को जानते हैं। अब मैं उप-पुराणों को भी बताऊँगा —

श्लोक 94 (padma.5.115.94)

आद्यं सनत्कुमाराख्यं नारसिंहमतः परम् । तृतीयमांडमुद्दिष्टं दौर्वाससमथैव च

ādyaṁ sanatkumārākhyaṁ nārasiṁhamataḥ param tṛtīyamāṁḍamuddiṣṭaṁ daurvāsasamathaiva ca

पहला सनत्कुमार नामक, फिर उसके बाद नारसिंह; तीसरा अंड (नारदीय) कहा गया है, और दौर्वास भी —

श्लोक 95 (padma.5.115.95)

नारदीयमथान्यं च कापिलं मानवं तथा । तद्वदौशनस प्रोक्तं ब्रह्मांडं च ततः परम्

nāradīyamathānyaṁ ca kāpilaṁ mānavaṁ tathā tadvadauśanasa proktaṁ brahmāṁḍaṁ ca tataḥ param

फिर नारदीय, और कापिल तथा मानव भी; इसी प्रकार औशनस कहा गया है, और उसके बाद ब्रह्मांड —

श्लोक 96 (padma.5.115.96)

वारुणं कालिकाह्वानं माहेशं सांबमेव च । सौरं पाराशरं चैव मारीचं भार्गवाह्वयम्

vāruṇaṁ kālikāhvānaṁ māheśaṁ sāṁbameva ca sauraṁ pārāśaraṁ caiva mārīcaṁ bhārgavāhvayam

वारुण, कालिका नामक, माहेश्वर और साम्ब भी; सौर और पाराशर भी, मारीच और भार्गव नामक —

श्लोक 97 (padma.5.115.97)

कौमारं च पुराणानि कीर्तितान्यष्ट वै दश । अष्टादशपुराणानां व्याकर्ता तु भवेन्मनुः

kaumāraṁ ca purāṇāni kīrtitānyaṣṭa vai daśa aṣṭādaśapurāṇānāṁ vyākartā tu bhavenmanuḥ

और कौमार — इस प्रकार अठारह उप-पुराण कहे गए हैं। और अठारह [महा-]पुराणों के [भावी] व्याख्याता स्वयं मनु होंगे।