अहिच्छत्रा-नगर-प्रवेश

श्लोक 1 (padma.5.13.1)

शेष उवाच। इति वाक्यं समाकर्ण्य सुमदस्य तपोनिधेः । जगदुः कामसेनास्तं रंभाद्यप्सरसो मुदा

śeṣa uvāca iti vākyaṁ samākarṇya sumadasya taponidheḥ jagaduḥ kāmasenāstaṁ raṁbhādyapsaraso mudā

शेष जी ने कहा — तपोनिधि सुमद का यह वचन सुनकर, रंभा आदि कामदेव की सेना की अप्सराएँ हर्षपूर्वक उससे कहने लगीं —

श्लोक 2 (padma.5.13.2)

त्वत्तपोभिर्वयं कांत प्राप्ताः सर्ववरांगनाः । तासां यौवनसर्वस्वं भुंक्ष्व त्यज तपःफलम्

tvattapobhirvayaṁ kāṁta prāptāḥ sarvavarāṁganāḥ tāsāṁ yauvanasarvasvaṁ bhuṁkṣva tyaja tapaḥphalam

"हे कांत! आपके तप से हम सब श्रेष्ठ सुंदरियाँ प्राप्त हुई हैं; इनके यौवन के सम्पूर्ण सुख का भोग कीजिए, तप के फल को त्याग दीजिए।

श्लोक 3 (padma.5.13.3)

इयं घृताची सुभगा चंपकाभशरीरभृत् । कर्पूरगंधललितं भुनक्तु त्वन्मुखामृतम्

iyaṁ ghṛtācī subhagā caṁpakābhaśarīrabhṛt karpūragaṁdhalalitaṁ bhunaktu tvanmukhāmṛtam

यह सौभाग्यशालिनी घृताची, चंपक के समान शरीरवर्ण वाली — कर्पूर की सुगंध से मनोहर आपके मुखामृत का पान करे।

श्लोक 4 (padma.5.13.4)

एतां महाभाग सुशोभिविभ्रमां । मनोहरांगीं घनपीनसत्कुचाम् । कांतोपभुंक्ष्वाशु निजोग्रपुण्यतः । प्राप्तां पुनस्त्वं त्यज दुःखजातम्

etāṁ mahābhāga suśobhivibhramāṁ manoharāṁgīṁ ghanapīnasatkucām kāṁtopabhuṁkṣvāśu nijograpuṇyataḥ prāptāṁ punastvaṁ tyaja duḥkhajātam

हे महाभाग! सुंदर विलास से युक्त, मनोहर अंगों वाली, सघन-पीन स्तनों वाली इसे शीघ्र भोग कीजिए, अपने ही घोर पुण्य से प्राप्त हुई इसे; अब इस समस्त दुःख-समूह को त्याग दीजिए।

श्लोक 5 (padma.5.13.5)

मामप्यनर्घ्याभरणोपशोभितां । मंदारमालापरिशोभिवक्षसम् । नानारताख्यानविचारचंचुरां । दृढं यथा स्यात्परिरंभणं कुरु

māmapyanarghyābharaṇopaśobhitāṁ maṁdāramālāpariśobhivakṣasam nānāratākhyānavicāracaṁcurāṁ dṛḍhaṁ yathā syātpariraṁbhaṇaṁ kuru

अमूल्य आभूषणों से सुशोभित, मंदार-माला से सुशोभित वक्षस्थल वाली, प्रेम-विषयक अनेक कथाओं के विचार में निपुण मुझे भी दृढ़ता से आलिंगन कीजिए।

श्लोक 6 (padma.5.13.6)

पिबामृतं मामकवक्त्रनिर्गतं । विमानमारुह्य वरं मया सह । सुमेरुशृंगं बहुपुण्यसेवितं । संप्राप्य भोगं कुरु सत्तपः फलम्

pibāmṛtaṁ māmakavaktranirgataṁ vimānamāruhya varaṁ mayā saha sumeruśṛṁgaṁ bahupuṇyasevitaṁ saṁprāpya bhogaṁ kuru sattapaḥ phalam

मेरे मुख से निकलते अमृत का पान कीजिए; मेरे साथ श्रेष्ठ विमान पर आरूढ़ होकर, अनेक पुण्यों से सेवित सुमेरु शिखर को प्राप्त करके सत्तपस्या के फल का भोग कीजिए।

श्लोक 7 (padma.5.13.7)

तिलोत्तमा यौवनरूपशोभिता । गृह्णातु ते मूर्धनि तापवारणम् । सुचामरौ संततधारयांकितौ । गंगाप्रवाहाविव सुंदरोत्तम

tilottamā yauvanarūpaśobhitā gṛhṇātu te mūrdhani tāpavāraṇam sucāmarau saṁtatadhārayāṁkitau gaṁgāpravāhāviva suṁdarottama

यौवन और सौंदर्य से सुशोभित तिलोत्तमा आपके मस्तक पर धूप निवारण करे, तथा गंगा की दो धाराओं के समान सुंदर, निरंतर धारण किए जाते दो श्रेष्ठ चँवर, हे सुंदरोत्तम!

श्लोक 8 (padma.5.13.8)

शृणुष्व भोः कामकथां मनोहरां । पिबामृतं देवगणादिवांछितम् । उद्यानमासाद्य च नंदनाभिधं । वरांगनाभिर्विहरं कुरु प्रभो

śṛṇuṣva bhoḥ kāmakathāṁ manoharāṁ pibāmṛtaṁ devagaṇādivāṁchitam udyānamāsādya ca naṁdanābhidhaṁ varāṁganābhirviharaṁ kuru prabho

हे प्रभो! इस मनोहर काम-कथा को सुनिए, देवगणों द्वारा भी अभीष्ट अमृत का पान कीजिए, नंदन नामक उद्यान को प्राप्त करके श्रेष्ठ सुंदरियों के साथ विहार कीजिए।"

श्लोक 9 (padma.5.13.9)

इत्युक्तमाकर्ण्य महामतिर्नृपो । विचारयामास कुतो ह्युपस्थिताः । मया सुसृष्टास्तपसा सुरांगनाः । प्रत्यूह एवात्र विधेयमेष किम्

ityuktamākarṇya mahāmatirnṛpo vicārayāmāsa kuto hyupasthitāḥ mayā susṛṣṭāstapasā surāṁganāḥ pratyūha evātra vidheyameṣa kim

यह वचन सुनकर महाबुद्धिमान् राजा ने विचार किया — 'ये देवांगनाएँ मेरे तप से ही उत्पन्न होकर कहाँ से आ उपस्थित हुईं? यहाँ यह क्या विघ्न उपस्थित हुआ है?'

श्लोक 10 (padma.5.13.10)

इति चिंतातुरो राजा स्वांते संचिंतयन्सुधीः । जगाद मतिमान्वीरः सुमदो देवताङ्गनाः

iti ciṁtāturo rājā svāṁte saṁciṁtayansudhīḥ jagāda matimānvīraḥ sumado devatāṅganāḥ

इस प्रकार चिंतातुर, मन ही मन विचार करता हुआ वह बुद्धिमान्, वीर राजा सुमद उन देवांगनाओं से बोला —

श्लोक 11 (padma.5.13.11)

यूयं तु ममचित्तस्था जगन्मातृस्वरूपकाः । मया संचिंत्यते या हि सापि त्वद्रूपिणी मता

yūyaṁ tu mamacittasthā jaganmātṛsvarūpakāḥ mayā saṁciṁtyate yā hi sāpi tvadrūpiṇī matā

"तुम सब मेरे चित्त में स्थित जगन्माता की ही स्वरूप हो; मैं जिसका ध्यान करता हूँ, वह भी तुम्हारे ही रूप में मानी जाती है।

श्लोक 12 (padma.5.13.12)

इदं तुच्छं स्वर्गसुखं त्वयोक्तं सविकल्पकम् । मत्स्वामिनी मया भक्त्या सेविता दास्यते वरम्

idaṁ tucchaṁ svargasukhaṁ tvayoktaṁ savikalpakam matsvāminī mayā bhaktyā sevitā dāsyate varam

तुमने जो यह विकल्पयुक्त, तुच्छ स्वर्ग-सुख बताया, उससे कहीं श्रेष्ठ वह मुझे देगी, जो मेरी स्वामिनी है, जिसकी मैं भक्तिपूर्वक सेवा करता हूँ।

श्लोक 13 (padma.5.13.13)

यत्कृपातो विधिः सत्यलोकं प्राप्तो महानभूत् । सा मे दास्यति सर्वं हि भक्तदुःखांतकारिणी

yatkṛpāto vidhiḥ satyalokaṁ prāpto mahānabhūt sā me dāsyati sarvaṁ hi bhaktaduḥkhāṁtakāriṇī

जिनकी कृपा से महान् ब्रह्मा भी सत्यलोक को प्राप्त हुए, वही मुझे सब कुछ देंगी, वे भक्तों के दुःख का अंत करने वाली हैं।

श्लोक 14 (padma.5.13.14)

किं नंदनं किं तु गिरिः कनकेन सुमण्डितः । किं सुधा स्वल्पपुण्येन प्राप्या दानवदुःखदा

kiṁ naṁdanaṁ kiṁ tu giriḥ kanakena sumaṇḍitaḥ kiṁ sudhā svalpapuṇyena prāpyā dānavaduḥkhadā

नंदन ही क्या है? स्वर्ण से मंडित पर्वत ही क्या है? दानवों को दुःख देने वाली, अल्प पुण्य से प्राप्त होने वाली अमृत ही क्या है?"

श्लोक 15 (padma.5.13.15)

इति वाक्यं समाकर्ण्य कामस्तु विविधैः शरैः । प्राहरन्नरदेवस्य कर्तुं किंचिन्न वै प्रभुः

iti vākyaṁ samākarṇya kāmastu vividhaiḥ śaraiḥ prāharannaradevasya kartuṁ kiṁcinna vai prabhuḥ

यह वचन सुनकर काम ने नाना प्रकार के बाणों से प्रहार तो किया, किन्तु उस राजा का कुछ भी बिगाड़ने में वे प्रभु समर्थ न हो सके।

श्लोक 16 (padma.5.13.16)

कटाक्षैर्नूपुरारावैः परिरंभैर्विलोकनैः । न तस्य चित्तं विभ्रांतं कर्तुं शक्ता वरांगनाः

kaṭākṣairnūpurārāvaiḥ pariraṁbhairvilokanaiḥ na tasya cittaṁ vibhrāṁtaṁ kartuṁ śaktā varāṁganāḥ

कटाक्षों, पायल की झंकार, आलिंगनों और चितवनों से भी वे श्रेष्ठ सुंदरियाँ उसके चित्त को भ्रमित करने में समर्थ न हो सकीं।

श्लोक 17 (padma.5.13.17)

गत्वा यथागतं शक्रं जगदुर्धीरधीर्नृपः । तच्छ्रुत्वा मघवा भीतः सेवामारभतात्मनः

gatvā yathāgataṁ śakraṁ jagadurdhīradhīrnṛpaḥ tacchrutvā maghavā bhītaḥ sevāmārabhatātmanaḥ

जैसी आई थीं वैसी ही लौटकर उन्होंने इंद्र से यह बात कही; यह सुनकर भयभीत इंद्र स्वयं उसकी सेवा करने लगे।

श्लोक 18 (padma.5.13.18)

अथ निश्चितमालोक्य पादपद्मे स्वकेंऽबिका । जितेंद्रियं महाराजं प्रत्यक्षाभूत्सुतोषिता

atha niścitamālokya pādapadme svakeṁ'bikā jiteṁdriyaṁ mahārājaṁ pratyakṣābhūtsutoṣitā

तब अपने चरणकमलों में उसका दृढ़ निश्चय देखकर, अंबिका उस जितेंद्रिय महाराजा के समक्ष प्रत्यक्ष प्रकट हुईं, अत्यंत संतुष्ट होकर —

श्लोक 19 (padma.5.13.19)

पंचास्यपृष्ठललिता पाशांकुशधरावरा । धनुर्बाणधरा माता जगत्पावनपावनी

paṁcāsyapṛṣṭhalalitā pāśāṁkuśadharāvarā dhanurbāṇadharā mātā jagatpāvanapāvanī

पाँच मुख वाले वाहन पर सुंदरता से विराजमान, पाश और अंकुश धारण किए, धनुष-बाण धारण करने वाली वह श्रेष्ठ माता, जगत् के पावनों को भी पवित्र करने वाली।

श्लोक 20 (padma.5.13.20)

तां वीक्ष्य मातरं धीमान्सूर्यकोटिसमप्रभाम् । धनुर्बाणसृणीपाशान्दधानां हर्षमाप्तवान्

tāṁ vīkṣya mātaraṁ dhīmānsūryakoṭisamaprabhām dhanurbāṇasṛṇīpāśāndadhānāṁ harṣamāptavān

करोड़ों सूर्यों के समान तेजस्विनी, धनुष-बाण-अंकुश-पाश धारण करने वाली उस माता को देखकर बुद्धिमान् राजा को अत्यंत हर्ष हुआ।

श्लोक 21 (padma.5.13.21)

शिरसा बहुशो नत्वा मातरं भक्तिभाविताम् । हसंतीं निजदेहेषु स्पृशंतीं पाणिना मुहुः

śirasā bahuśo natvā mātaraṁ bhaktibhāvitām hasaṁtīṁ nijadeheṣu spṛśaṁtīṁ pāṇinā muhuḥ

भक्ति से पूर्ण उस माता को बार-बार सिर झुकाकर, जो मुस्कुराती हुई अपने हाथ से बार-बार उसके शरीर को स्पर्श कर रही थीं —

श्लोक 22 (padma.5.13.22)

तुष्टाव भक्त्युत्कलितचित्तवृत्तिर्महामतिः । गद्गदस्वरसंयुक्तः कंटकांगोपशोभितः

tuṣṭāva bhaktyutkalitacittavṛttirmahāmatiḥ gadgadasvarasaṁyuktaḥ kaṁṭakāṁgopaśobhitaḥ

भक्ति से उमड़े हृदय वाले उस महाबुद्धिमान् ने, गद्गद स्वर से युक्त, रोमांचित शरीर से सुशोभित होकर उनकी स्तुति की —

श्लोक 23 (padma.5.13.23)

जय देवि महादेवि भक्तवृंदैकसेविते । ब्रह्मरुद्रादिदेवेंद्र सेवितांघ्रियुगेऽनघे

jaya devi mahādevi bhaktavṛṁdaikasevite brahmarudrādideveṁdra sevitāṁghriyuge'naghe

"जय हो, देवी! महादेवी! भक्तों के समूह द्वारा ही सेवित! हे निष्पाप! ब्रह्मा-रुद्र-इंद्र आदि देवों द्वारा सेवित चरण-युगल वाली!

श्लोक 24 (padma.5.13.24)

मातस्तव कलाविद्धमेतद्भाति चराचरम् । त्वदृते नास्ति सर्वं तन्मातर्भद्रे नमोस्तु ते

mātastava kalāviddhametadbhāti carācaram tvadṛte nāsti sarvaṁ tanmātarbhadre namostu te

हे माता! आपके ही अंश से यह सम्पूर्ण चराचर जगत् प्रकाशित होता है; आपके बिना कुछ भी नहीं — हे कल्याणकारी माता! आपको नमस्कार है!

श्लोक 25 (padma.5.13.25)

मही त्वयाऽधारशक्त्या स्थापिता चलतीह न । सपर्वतवनोद्यान दिग्गजैरुपशोभिता

mahī tvayā'dhāraśaktyā sthāpitā calatīha na saparvatavanodyāna diggajairupaśobhitā

पर्वत, वन, उद्यान और दिग्गजों से सुशोभित यह पृथ्वी आपकी आधार-शक्ति से ही स्थापित होकर यहाँ अचल है।

श्लोक 26 (padma.5.13.26)

सूर्यस्तपति खे तीक्ष्णैरंशुभिः प्रतपन्महीम् । त्वच्छक्त्या वसुधासंस्थं रसं गृह्णन्विमुंचति

sūryastapati khe tīkṣṇairaṁśubhiḥ pratapanmahīm tvacchaktyā vasudhāsaṁsthaṁ rasaṁ gṛhṇanvimuṁcati

सूर्य आकाश में तीक्ष्ण किरणों से पृथ्वी को तपाता है; आपकी ही शक्ति से वह पृथ्वी में स्थित रस को ग्रहण करके पुनः छोड़ता है।

श्लोक 27 (padma.5.13.27)

अंतर्बहिः स्थितो वह्निर्लोकानां प्रकरोतु शम् । त्वत्प्रतापान्महादेवि सुरासुरनमस्कृते

aṁtarbahiḥ sthito vahnirlokānāṁ prakarotu śam tvatpratāpānmahādevi surāsuranamaskṛte

भीतर और बाहर स्थित अग्नि आपके ही प्रताप से, हे देव-दानवों द्वारा नमस्कृत महादेवी! लोकों का कल्याण करती है।

श्लोक 28 (padma.5.13.28)

त्वं विद्या त्वं महामाया विष्णोर्लोकैकपालिनः । स्वशक्त्या सृजसीदं त्वं पालयस्यपि मोहिनि

tvaṁ vidyā tvaṁ mahāmāyā viṣṇorlokaikapālinaḥ svaśaktyā sṛjasīdaṁ tvaṁ pālayasyapi mohini

आप ही विद्या हैं, आप ही लोकों के एकमात्र रक्षक विष्णु की महामाया हैं; हे मोहिनी! आप ही अपनी शक्ति से इस जगत् की सृष्टि करती हैं और पालन भी करती हैं।

श्लोक 29 (padma.5.13.29)

त्वत्तः सर्वे सुराः प्राप्य सिद्धिं सुखमयंति वै । मां पालय कृपानाथे वंदिते भक्तवल्लभे

tvattaḥ sarve surāḥ prāpya siddhiṁ sukhamayaṁti vai māṁ pālaya kṛpānāthe vaṁdite bhaktavallabhe

आपसे ही सभी देवगण सिद्धि प्राप्त करके सुखी होते हैं; हे कृपानाथे, वंदिते, भक्तवल्लभे! मेरी रक्षा कीजिए।

श्लोक 30 (padma.5.13.30)

रक्ष मां सेवकं मातस्त्वदीयचरणारणम् । कुरु मे वांछितां सिद्धिं महापुरुषपूर्वजे

rakṣa māṁ sevakaṁ mātastvadīyacaraṇāraṇam kuru me vāṁchitāṁ siddhiṁ mahāpuruṣapūrvaje

हे माता! अपने चरणों की शरण में आए मुझ सेवक की रक्षा कीजिए; हे महापुरुषों की पूर्वजननी! मुझे अभीष्ट सिद्धि प्रदान कीजिए।"

श्लोक 31 (padma.5.13.31)

सुमतिरुवाच। एवं तुष्टा जगन्माता वृणीष्व वरमुत्तमम् । उवाच भक्तं सुमदं तपसा कृशदेहिनम्

sumatiruvāca evaṁ tuṣṭā jaganmātā vṛṇīṣva varamuttamam uvāca bhaktaṁ sumadaṁ tapasā kṛśadehinam

सुमति ने कहा — इस प्रकार प्रसन्न होकर जगन्माता ने तप से क्षीणकाय अपने भक्त सुमद से कहा — "श्रेष्ठ वर माँगो।"

श्लोक 32 (padma.5.13.32)

इत्येतद्वाक्यमाकर्ण्य प्रहृष्टः सुमदो नृपः । वव्रे निजं हृतं राज्यं हतदुर्जनकंटकम्

ityetadvākyamākarṇya prahṛṣṭaḥ sumado nṛpaḥ vavre nijaṁ hṛtaṁ rājyaṁ hatadurjanakaṁṭakam

यह वचन सुनकर अत्यंत हर्षित राजा सुमद ने अपने हरे गए राज्य को दुर्जन-कंटकों से रहित प्राप्त करने का वर माँगा,

श्लोक 33 (padma.5.13.33)

महेशीचरणद्वंद्वे भक्तिमव्यभिचारिणीम् । प्रांते मुक्तिं तु संसारवारिधेस्तारिणीं पुनः

maheśīcaraṇadvaṁdve bhaktimavyabhicāriṇīm prāṁte muktiṁ tu saṁsāravāridhestāriṇīṁ punaḥ

महेश्वरी के चरण-युगल में अव्यभिचारिणी भक्ति, तथा अंत में संसार-सागर से पार कराने वाली मुक्ति भी माँगी।

श्लोक 34 (padma.5.13.34)

कामाक्षोवाच। राज्यं प्राप्नुहि सुमद सर्वत्रहतकंटकम् । महिलारत्नसंजुष्टपादपद्मद्वयो भव

kāmākṣovāca rājyaṁ prāpnuhi sumada sarvatrahatakaṁṭakam mahilāratnasaṁjuṣṭapādapadmadvayo bhava

कामाक्षी ने कहा — "हे सुमद! सर्वत्र कंटकों से रहित अपना राज्य प्राप्त करो; श्रेष्ठ पत्नी-रत्न से सेवित चरणकमलों वाले बनो।

श्लोक 35 (padma.5.13.35)

ततवैरिपराभूतिर्माभूयात्सुमदाभिध । यदा तु रावणं हत्वा रघुनाथो महायशाः

tatavairiparābhūtirmābhūyātsumadābhidha yadā tu rāvaṇaṁ hatvā raghunātho mahāyaśāḥ

हे सुमद नामधारी! तुम्हें कभी शत्रु से पराभव न हो। जब रावण को मारकर महायशस्वी रघुनाथ —

श्लोक 36 (padma.5.13.36)

करिष्यत्यश्वमेधं हि सर्वसंभारशोभितम् । तस्य भ्राता महावीरः शत्रुघ्नः परवीरहा

kariṣyatyaśvamedhaṁ hi sarvasaṁbhāraśobhitam tasya bhrātā mahāvīraḥ śatrughnaḥ paravīrahā

सम्पूर्ण सामग्री से सुशोभित अश्वमेध यज्ञ करेंगे, तब उनका भाई महावीर, शत्रुवीरों का संहारक शत्रुघ्न —

श्लोक 37 (padma.5.13.37)

पालयन्हयमायास्यत्यत्र वीरादिभिर्वृतः । तस्मै सर्वं समर्प्य त्वं राज्यमृद्धं धनादिकम्

pālayanhayamāyāsyatyatra vīrādibhirvṛtaḥ tasmai sarvaṁ samarpya tvaṁ rājyamṛddhaṁ dhanādikam

घोड़े की रक्षा करते हुए वीरों सहित यहाँ आएगा; उसे यह समृद्ध राज्य, धन आदि सब कुछ अर्पित करके —

श्लोक 38 (padma.5.13.38)

पालयिष्यसि योधैः स्वैर्धनुर्धारिभिरुद्भटैः । ततः पृथिव्यां सर्वत्र भ्रमिष्यसि महामते

pālayiṣyasi yodhaiḥ svairdhanurdhāribhirudbhaṭaiḥ tataḥ pṛthivyāṁ sarvatra bhramiṣyasi mahāmate

तुम अपने ही श्रेष्ठ धनुर्धर योद्धाओं से अपने राज्य की रक्षा करोगे; तब हे महामते! तुम सारी पृथ्वी पर विचरण करोगे।

श्लोक 39 (padma.5.13.39)

ततो रामं नमस्कृत्य ब्रह्मेंद्रेशादिसेवितम् । मुक्तिं प्राप्स्यसि दुष्प्रापां योगिभिर्यमसाधनैः

tato rāmaṁ namaskṛtya brahmeṁdreśādisevitam muktiṁ prāpsyasi duṣprāpāṁ yogibhiryamasādhanaiḥ

तत्पश्चात् ब्रह्मा-इंद्र-ईश आदि द्वारा सेवित राम को नमस्कार करके, योगियों को भी यम-साधनों से दुर्लभ मुक्ति तुम प्राप्त करोगे।

श्लोक 40 (padma.5.13.40)

तावत्कालमिहस्थास्ये यावद्रामहयागमः । पश्चात्त्वां तु समुद्धृत्य गंतास्मि परमं पदम्

tāvatkālamihasthāsye yāvadrāmahayāgamaḥ paścāttvāṁ tu samuddhṛtya gaṁtāsmi paramaṁ padam

जब तक राम का यज्ञाश्व यहाँ न आए, तब तक मैं यहीं रहूँगी; उसके पश्चात् तुम्हें उद्धार करके मैं परमधाम को जाऊँगी।"

श्लोक 41 (padma.5.13.41)

इत्युक्त्वांतर्दधे देवी सुरासुरनमस्कृता । सुमदोऽप्यहिच्छत्रायां शत्रून्हत्वा नृपोऽभवत्

ityuktvāṁtardadhe devī surāsuranamaskṛtā sumado'pyahicchatrāyāṁ śatrūnhatvā nṛpo'bhavat

यह कहकर देव-दानवों द्वारा नमस्कृत देवी अंतर्धान हो गईं। सुमद भी अहिच्छत्रा में शत्रुओं को मारकर पुनः राजा बना।

श्लोक 42 (padma.5.13.42)

एष राजा समर्थोऽपि बलवाहनसंयुतः । न ग्रहीष्यति ते वाहं महामायासुशिक्षितः

eṣa rājā samartho'pi balavāhanasaṁyutaḥ na grahīṣyati te vāhaṁ mahāmāyāsuśikṣitaḥ

यह राजा सेना-वाहनों सहित समर्थ होते हुए भी, महामाया द्वारा भलीभाँति शिक्षित होने के कारण, तुम्हारे घोड़े को नहीं पकड़ेगा।

श्लोक 43 (padma.5.13.43)

श्रुत्वा प्राप्तं पुरी पार्श्वे हयमेधहयोत्तमम् । त्वां च सर्वैर्महाराजैः सेवितांघ्रिं महामतिम्

śrutvā prāptaṁ purī pārśve hayamedhahayottamam tvāṁ ca sarvairmahārājaiḥ sevitāṁghriṁ mahāmatim

यह सुनकर कि अश्वमेध का श्रेष्ठ घोड़ा नगर के निकट पहुँच चुका है, तथा सभी महाराजाओं द्वारा सेवित चरण वाले, महाबुद्धिमान् आप भी आ पहुँचे हैं —

श्लोक 44 (padma.5.13.44)

सर्वं दास्यति सर्वज्ञ राजा सुमदनामधृक् । अधुनातन्महाराज रामचंद्र प्रतापतः

sarvaṁ dāsyati sarvajña rājā sumadanāmadhṛk adhunātanmahārāja rāmacaṁdra pratāpataḥ

हे सर्वज्ञ! सुमद नामधारी वह राजा अभी, हे महाराज! रामचंद्र के ही प्रताप से सब कुछ अर्पित कर देगा।"

श्लोक 45 (padma.5.13.45)

शेष उवाच। इति वृत्तं समाकर्ण्य सुमदस्य महायशाः । साधुसाध्विति चोवाच जहर्ष मतिमान्बली

śeṣa uvāca iti vṛttaṁ samākarṇya sumadasya mahāyaśāḥ sādhusādhviti covāca jaharṣa matimānbalī

शेष जी ने कहा — महायशस्वी सुमद का यह वृत्तांत सुनकर बुद्धिमान्, बलशाली शत्रुघ्न ने "साधु, साधु" कहकर हर्ष प्रकट किया।

श्लोक 46 (padma.5.13.46)

अहिच्छत्रापतिः सर्वैः स्वगणैः परिवारितः । सभायां सुखमास्ते यो बहुराजन्यसेवितः

ahicchatrāpatiḥ sarvaiḥ svagaṇaiḥ parivāritaḥ sabhāyāṁ sukhamāste yo bahurājanyasevitaḥ

अहिच्छत्रा के स्वामी सुमद अपने समस्त गणों से घिरे हुए, अनेक राजकुमारों द्वारा सेवित, सभा में सुखपूर्वक विराजमान थे।

श्लोक 47 (padma.5.13.47)

ब्राह्मणा वेदविदुषो वैश्या धनसमृद्धयः । राजानं पर्युपासंते सुमदंशो भयान्वितम्

brāhmaṇā vedaviduṣo vaiśyā dhanasamṛddhayaḥ rājānaṁ paryupāsaṁte sumadaṁśo bhayānvitam

वेदविद् ब्राह्मण तथा धनसम्पन्न वैश्य उस सुमद-अंश राजा की आदरपूर्वक सेवा करते थे।

श्लोक 48 (padma.5.13.48)

वेदविद्याविनोदेन न्यायिनो ब्राह्मणा वराः । आशीर्वदंति तं भूपं सर्वलोकैकरक्षकम्

vedavidyāvinodena nyāyino brāhmaṇā varāḥ āśīrvadaṁti taṁ bhūpaṁ sarvalokaikarakṣakam

वेदविद्या के विनोद में रत, न्यायपरायण श्रेष्ठ ब्राह्मण उस समस्त लोकों के एकमात्र रक्षक राजा को आशीर्वाद देते थे।

श्लोक 49 (padma.5.13.49)

एतस्मिन्समये कश्चिदागत्य नृपतिं जगौ । स्वामिन्न जाने कस्यास्ति हयः पत्रधरोंऽतिके

etasminsamaye kaścidāgatya nṛpatiṁ jagau svāminna jāne kasyāsti hayaḥ patradharoṁ'tike

इसी समय कोई आकर राजा से बोला — "स्वामिन्! मुझे नहीं मालूम, यह किसका घोड़ा है, जो पत्र धारण किए निकट में है।"

श्लोक 50 (padma.5.13.50)

तच्छ्रुत्वा सेवकं श्रेष्ठं प्रेषयामास सत्वरः । जानीहि कस्य राज्ञोऽयमश्वो मम पुरांतिके

tacchrutvā sevakaṁ śreṣṭhaṁ preṣayāmāsa satvaraḥ jānīhi kasya rājño'yamaśvo mama purāṁtike

यह सुनकर उन्होंने तुरंत श्रेष्ठ सेवक को भेजा — "जानो, यह किस राजा का घोड़ा है, जो मेरी नगरी के निकट है।"

श्लोक 51 (padma.5.13.51)

गत्वाथ सेवकस्तत्र ज्ञात्वा वृत्तांतमादितः । निवेदयामास नृपं महाराजन्यसेवितम्

gatvātha sevakastatra jñātvā vṛttāṁtamāditaḥ nivedayāmāsa nṛpaṁ mahārājanyasevitam

सेवक वहाँ जाकर आरंभ से सारा वृत्तांत जानकर, महाराजाओं द्वारा सेवित उस राजा को सूचित किया।

श्लोक 52 (padma.5.13.52)

स श्रुत्वा रघुनाथस्य हयं नित्यमनुस्मरन् । आज्ञापयामास जनं सर्वं राजाविशारदः

sa śrutvā raghunāthasya hayaṁ nityamanusmaran ājñāpayāmāsa janaṁ sarvaṁ rājāviśāradaḥ

यह सुनकर, रघुनाथ का सदा स्मरण करने वाले, राज्य-कला में निपुण उस राजा ने अपनी सम्पूर्ण प्रजा को आज्ञा दी —

श्लोक 53 (padma.5.13.53)

लोका मदीयाः सर्वे ये धनधान्यसमाकुलाः । तोरणादीनि गेहेषु मंगलानि सृजंत्विह

lokā madīyāḥ sarve ye dhanadhānyasamākulāḥ toraṇādīni geheṣu maṁgalāni sṛjaṁtviha

"मेरे धन-धान्य से भरे सभी लोग यहाँ अपने-अपने घरों में तोरण आदि मंगल-चिह्न बनाएँ।

श्लोक 54 (padma.5.13.54)

कन्याः सहस्रशो रम्याः सर्वाभरणभूषिताः । गजोपरिसमारूढा यांतु शत्रुघ्नसंमुखम्

kanyāḥ sahasraśo ramyāḥ sarvābharaṇabhūṣitāḥ gajoparisamārūḍhā yāṁtu śatrughnasaṁmukham

सर्वाभूषणों से सुसज्जित सहस्रों सुंदर कन्याएँ हाथियों पर सवार होकर शत्रुघ्न के स्वागत में जाएँ।"

श्लोक 55 (padma.5.13.55)

इत्यादिसर्वमाज्ञाप्य ययौ राजा स्वयं ततः । पुत्रपौत्रमहिष्यादिपरिवारसमावृतः

ityādisarvamājñāpya yayau rājā svayaṁ tataḥ putrapautramahiṣyādiparivārasamāvṛtaḥ

यह सब आज्ञा देकर राजा स्वयं भी अपने पुत्र-पौत्र-रानियों आदि परिवार से घिरे हुए चल पड़े।

श्लोक 56 (padma.5.13.56)

शत्रुघ्नः सुमहामात्यैः सुभटैः पुष्कलादिभिः । संयुतो भूपतिं वीरं ददर्श सुमदाभिधम्

śatrughnaḥ sumahāmātyaiḥ subhaṭaiḥ puṣkalādibhiḥ saṁyuto bhūpatiṁ vīraṁ dadarśa sumadābhidham

महामंत्रियों तथा पुष्कल आदि श्रेष्ठ योद्धाओं सहित शत्रुघ्न ने सुमद नामक उस वीर राजा को देखा,

श्लोक 57 (padma.5.13.57)

हस्तिभिः सादिसंयुक्तैः पत्तिभिः परतापनैः । वाजिभिर्भूषितैर्वीरैः संयुतं वीरशोभितम्

hastibhiḥ sādisaṁyuktaiḥ pattibhiḥ paratāpanaiḥ vājibhirbhūṣitairvīraiḥ saṁyutaṁ vīraśobhitam

अश्वारोहियों सहित हाथियों, शत्रुओं को संतप्त करने वाले पैदल सैनिकों, तथा सुसज्जित घोड़ों पर सवार वीरों से युक्त, वीरता से सुशोभित।

श्लोक 58 (padma.5.13.58)

अथागत्य महाराजः शत्रुघ्नं नतवान्मुदा । धन्योऽस्मि कृतकृत्योऽस्मि सत्कृतं च कृतं वपुः

athāgatya mahārājaḥ śatrughnaṁ natavānmudā dhanyo'smi kṛtakṛtyo'smi satkṛtaṁ ca kṛtaṁ vapuḥ

तब आगे आकर महाराजा ने हर्षपूर्वक शत्रुघ्न को प्रणाम किया — "मैं धन्य हूँ, मैं कृतकृत्य हूँ, मेरा शरीर सत्कृत हो गया।

श्लोक 59 (padma.5.13.59)

इदं राज्यं गृहाणाशु महाराजोपशोभितम् । महामाणिक्यमुक्तादि महाधनसुपूरितम्

idaṁ rājyaṁ gṛhāṇāśu mahārājopaśobhitam mahāmāṇikyamuktādi mahādhanasupūritam

महाराज के योग्य सुसज्जित, माणिक्य-मोती आदि महाधन से परिपूर्ण यह राज्य शीघ्र ग्रहण कीजिए।

श्लोक 60 (padma.5.13.60)

स्वामिंश्चिरं प्रतीक्षेऽहं हयस्यागमनं प्रति । कामाक्षाकथितं पूर्वं जातं संप्रति तत्तथा

svāmiṁściraṁ pratīkṣe'haṁ hayasyāgamanaṁ prati kāmākṣākathitaṁ pūrvaṁ jātaṁ saṁprati tattathā

हे स्वामिन्! मैं चिरकाल से घोड़े के आगमन की प्रतीक्षा कर रहा था; कामाक्षी ने पूर्वकाल में जो कहा था, वह अब सत्य हो गया।

श्लोक 61 (padma.5.13.61)

विलोकय पुरं मह्यं कृतार्थान्कुरु मानवान् । पावयास्मत्कुलं सर्वं रामानुज महीपते

vilokaya puraṁ mahyaṁ kṛtārthānkuru mānavān pāvayāsmatkulaṁ sarvaṁ rāmānuja mahīpate

मेरे नगर को देखिए, यहाँ के मनुष्यों को कृतार्थ कीजिए; हे राम के अनुज, महीपते! हमारे सम्पूर्ण कुल को पवित्र कीजिए।"

श्लोक 62 (padma.5.13.62)

इत्युक्त्वारोहयामास कुंजरं चंद्रसुप्रभम् । पुष्कलं च महावीरं तथा स्वयमथारुहत्

ityuktvārohayāmāsa kuṁjaraṁ caṁdrasuprabham puṣkalaṁ ca mahāvīraṁ tathā svayamathāruhat

यह कहकर उन्होंने उन्हें चंद्रमा के समान कांतिवान् हाथी पर आरूढ़ कराया, महावीर पुष्कल को भी बिठाया, तथा स्वयं भी आरूढ़ हुए।

श्लोक 63 (padma.5.13.63)

भेरीपणवतूर्याणां वीणादीनां स्वनस्तदा । व्याप्नोति स्म महाराज सुमदेन प्रणोदितः

bherīpaṇavatūryāṇāṁ vīṇādīnāṁ svanastadā vyāpnoti sma mahārāja sumadena praṇoditaḥ

सुमद द्वारा प्रेरित भेरी, पणव, तूर्य तथा वीणा आदि की ध्वनि उस समय, हे महाराज! सर्वत्र व्याप्त हो गई।

श्लोक 64 (padma.5.13.64)

कन्याः समागत्य महानरेंद्रं -। शत्रुघ्नमिंद्रादिकसेवितांघ्रिम् । करिस्थिता मौक्तिकवृंदसंघै-। र्वर्धापयामासुरिनप्रयुक्ताः

kanyāḥ samāgatya mahānareṁdraṁ - śatrughnamiṁdrādikasevitāṁghrim karisthitā mauktikavṛṁdasaṁghai- rvardhāpayāmāsurinaprayuktāḥ

राजा द्वारा भेजी गई, हाथियों पर आरूढ़ कन्याएँ आकर, इंद्रादि द्वारा सेवित चरणों वाले उस महानरेंद्र शत्रुघ्न की मोतियों के समूहों से वर्धापन (मंगल-आरती) करने लगीं।

श्लोक 65 (padma.5.13.65)

शनैःशनैः समागत्य पुरीमध्ये जनैर्मुदा । वर्धापितो गृहं प्राप तोरणादिकभूषितम्

śanaiḥśanaiḥ samāgatya purīmadhye janairmudā vardhāpito gṛhaṁ prāpa toraṇādikabhūṣitam

धीरे-धीरे नगर के मध्य पहुँचकर, लोगों द्वारा हर्षपूर्वक मंगल-आरती किए जाते हुए वे तोरण आदि से सुसज्जित भवन में पहुँचे।

श्लोक 66 (padma.5.13.66)

हयरत्नेन संयुक्तस्तथा वीरैः सुशोभितः । राज्ञा पुरस्कृतो राजा शत्रुघ्नः प्राप मंदिरम्

hayaratnena saṁyuktastathā vīraiḥ suśobhitaḥ rājñā puraskṛto rājā śatrughnaḥ prāpa maṁdiram

श्रेष्ठ घोड़े सहित, अपने वीरों से सुशोभित, राजा द्वारा सम्मानपूर्वक आगे किए गए राजा शत्रुघ्न भवन में पहुँचे।

श्लोक 67 (padma.5.13.67)

अर्घादिभिः पूजयित्वा रघुनाथानुजं तदा । सर्वं समर्पयामास रामचंद्राय धीमते

arghādibhiḥ pūjayitvā raghunāthānujaṁ tadā sarvaṁ samarpayāmāsa rāmacaṁdrāya dhīmate

अर्घ्य आदि से रघुनाथ के अनुज की पूजा करके, तब उन्होंने सब कुछ बुद्धिमान् रामचंद्र को अर्पित कर दिया।