च्यवन-उपाख्यान

श्लोक 1 (padma.5.14.1)

शेष उवाच। अथ स्वागतसंतुष्टं शत्रुघ्नं प्राह भूमिपः । रघुनाथकथां श्रेष्ठां शुश्रूषुः पुरुषर्षभः

śeṣa uvāca atha svāgatasaṁtuṣṭaṁ śatrughnaṁ prāha bhūmipaḥ raghunāthakathāṁ śreṣṭhāṁ śuśrūṣuḥ puruṣarṣabhaḥ

शेष जी ने कहा — तब स्वागत से संतुष्ट शत्रुघ्न से रघुनाथ की श्रेष्ठ कथा सुनने का इच्छुक वह पुरुषोत्तम राजा बोला —

श्लोक 2 (padma.5.14.2)

सुमद उवाच। कच्चिदास्ते सुखं रामः सर्वलोकशिरोमणिः । भक्तरक्षावतारोऽयं ममानुग्रहकारकः

sumada uvāca kaccidāste sukhaṁ rāmaḥ sarvalokaśiromaṇiḥ bhaktarakṣāvatāro'yaṁ mamānugrahakārakaḥ

सुमद ने कहा — "क्या समस्त लोकों के शिरोमणि राम सुखपूर्वक हैं? भक्तों की रक्षा करने वाले इस अवतार ने मुझ पर यह अनुग्रह किया है।

श्लोक 3 (padma.5.14.3)

धन्या लोका इमे पुर्यां रघुनाथमुखांबुजम् । ये पिबंत्यनिशं चाक्षिपुटकैः परिमोदिताः

dhanyā lokā ime puryāṁ raghunāthamukhāṁbujam ye pibaṁtyaniśaṁ cākṣipuṭakaiḥ parimoditāḥ

धन्य हैं उस नगरी के वे लोग, जो नेत्रों के प्याले से निरंतर, हर्षित होकर रघुनाथ के मुखकमल का पान करते हैं।

श्लोक 4 (padma.5.14.4)

अर्थजातं मदीयं च नितरां पुरुषर्षभ । कृतार्थं कुलभूम्यादि वस्तुजातं महामते

arthajātaṁ madīyaṁ ca nitarāṁ puruṣarṣabha kṛtārthaṁ kulabhūmyādi vastujātaṁ mahāmate

हे पुरुषर्षभ! मेरा सारा धन तथा हे महामते! मेरी कुल-भूमि आदि सम्पूर्ण वस्तुएँ अब सच्चे अर्थ में सफल हो गई हैं।

श्लोक 5 (padma.5.14.5)

कामाक्षया प्रसादो मे कृतः पूर्वं दयार्द्रया । रघुनाथमुखांभोजं द्रक्ष्येद्य सकुटुंबकः

kāmākṣayā prasādo me kṛtaḥ pūrvaṁ dayārdrayā raghunāthamukhāṁbhojaṁ drakṣyedya sakuṭuṁbakaḥ

पूर्वकाल में दयार्द्र कामाक्षी की मुझ पर जो कृपा हुई थी, आज मैं अपने कुटुंब सहित रघुनाथ के मुखकमल का दर्शन करूँगा।"

श्लोक 6 (padma.5.14.6)

इत्युक्तवति वीरे तु सुमदे पार्थिवोत्तमे । सर्वं तत्कथयामास रघुनाथगुणोदयम्

ityuktavati vīre tu sumade pārthivottame sarvaṁ tatkathayāmāsa raghunāthaguṇodayam

श्रेष्ठ राजा वीर सुमद के ऐसा कहने पर उन्होंने रघुनाथ के गुणों का सम्पूर्ण उदय उसे बताया।

श्लोक 7 (padma.5.14.7)

त्रिरात्रं तत्र संस्थित्य रघुनाथानुजः परम् । गंतुं चकार धिषणां राज्ञा सह महामतिः

trirātraṁ tatra saṁsthitya raghunāthānujaḥ param gaṁtuṁ cakāra dhiṣaṇāṁ rājñā saha mahāmatiḥ

वहाँ तीन रात्रि रहकर रघुनाथ के महाबुद्धिमान् अनुज ने राजा के साथ आगे जाने का विचार किया।

श्लोक 8 (padma.5.14.8)

तज्ज्ञात्वा सुमदः शीघ्रं पुत्रं राज्येऽभ्यषेचयत् । शत्रुघ्नेन महाराज्ञा पुष्कलेनानुमोदितः

tajjñātvā sumadaḥ śīghraṁ putraṁ rājye'bhyaṣecayat śatrughnena mahārājñā puṣkalenānumoditaḥ

यह जानकर सुमद ने महाराज शत्रुघ्न तथा पुष्कल की स्वीकृति से शीघ्र अपने पुत्र को राज्य पर अभिषिक्त कर दिया।

श्लोक 9 (padma.5.14.9)

वासांसि बहुरत्नानि धनानि विविधानि च । शत्रुघ्नसेवकेभ्योऽसौ प्रादात्तत्र महामतिः

vāsāṁsi bahuratnāni dhanāni vividhāni ca śatrughnasevakebhyo'sau prādāttatra mahāmatiḥ

उस महाबुद्धिमान् ने वहाँ शत्रुघ्न के सेवकों को वस्त्र, अनेक रत्न और नाना प्रकार का धन दिया।

श्लोक 10 (padma.5.14.10)

ततो गमनमारेभे मंत्रिभिर्बहुवित्तमैः । पत्तिभिर्वाजिभिर्नागैः सदश्वैरथ कोटिभिः

tato gamanamārebhe maṁtribhirbahuvittamaiḥ pattibhirvājibhirnāgaiḥ sadaśvairatha koṭibhiḥ

तत्पश्चात् महाधनी मंत्रियों, पैदल सैनिकों, घोड़ों, हाथियों तथा करोड़ों उत्तम अश्वों सहित उन्होंने प्रस्थान किया।

श्लोक 11 (padma.5.14.11)

शत्रुघ्नः सहितस्तेन सुमदेन धनुर्भृता । जगाम मार्गे विहसन्रघुनाथप्रतापभृत्

śatrughnaḥ sahitastena sumadena dhanurbhṛtā jagāma mārge vihasanraghunāthapratāpabhṛt

धनुर्धारी सुमद के साथ रघुनाथ के प्रताप से युक्त शत्रुघ्न हँसते हुए मार्ग में चल पड़े।

श्लोक 12 (padma.5.14.12)

पयोष्णीतीरमासाद्य जगाम स हयोत्तमः । पृष्ठतोऽनुययुः सर्वे योधा वै हयरक्षिणः

payoṣṇītīramāsādya jagāma sa hayottamaḥ pṛṣṭhato'nuyayuḥ sarve yodhā vai hayarakṣiṇaḥ

पयोष्णी नदी के तट पर पहुँचकर वह श्रेष्ठ घोड़ा आगे बढ़ा; घोड़े के सभी रक्षक योद्धा उसके पीछे-पीछे चलने लगे।

श्लोक 13 (padma.5.14.13)

आश्रमान्विविधान्पश्यन्नृषीणां सुतपोभृताम् । तत्रतत्र विशृण्वानो रघुनाथगुणोदयम्

āśramānvividhānpaśyannṛṣīṇāṁ sutapobhṛtām tatratatra viśṛṇvāno raghunāthaguṇodayam

उत्तम तपस्वी ऋषियों के नाना आश्रमों को देखते हुए, जहाँ-तहाँ रघुनाथ के गुणों के उदय को सुनते हुए —

श्लोक 14 (padma.5.14.14)

एष धीमान्हरिर्याति हरिणा परिरक्षितः । हरिभिर्हरिभक्तैश्च हरिवर्यानुगैर्मुहुः

eṣa dhīmānhariryāti hariṇā parirakṣitaḥ haribhirharibhaktaiśca harivaryānugairmuhuḥ

'यह बुद्धिमान् हरि, हरि से रक्षित होकर, वानरों, हरि-भक्तों तथा हरि-वर्य के अनुयायियों से घिरे हुए बार-बार जा रहे हैं' —

श्लोक 15 (padma.5.14.15)

इति शृण्वञ्छुभा वाचो मुनीनां परितः प्रभुः । तुतोष भक्त्युत्कलितचित्तवृत्तिभृतां महान्

iti śṛṇvañchubhā vāco munīnāṁ paritaḥ prabhuḥ tutoṣa bhaktyutkalitacittavṛttibhṛtāṁ mahān

इस प्रकार मुनियों की चारों ओर की शुभ वाणी सुनते हुए, भक्ति से उमड़े चित्तवृत्ति वाला वह महान् प्रभु संतुष्ट हुआ।

श्लोक 16 (padma.5.14.16)

ददर्श चाश्रमं शुद्धं जनजंतुसमाकुलम् । वेदध्वनिहताशेषा मंगलं शृण्वतां नृणाम्

dadarśa cāśramaṁ śuddhaṁ janajaṁtusamākulam vedadhvanihatāśeṣā maṁgalaṁ śṛṇvatāṁ nṛṇām

और उन्होंने एक शुद्ध आश्रम देखा, जो लोगों और जीव-जंतुओं से भरा था, जहाँ सुनने वालों के लिए मंगलकारी वेदध्वनि से सब कुछ गूँज रहा था —

श्लोक 17 (padma.5.14.17)

अग्निहोत्रहविर्धूम पवित्रितनभोखिलम् । मुनिवर्यकृतानेक यागयूपसुशोभितम्

agnihotrahavirdhūma pavitritanabhokhilam munivaryakṛtāneka yāgayūpasuśobhitam

अग्निहोत्र की हवि के धुएँ से समस्त आकाश पवित्र, श्रेष्ठ मुनियों द्वारा किए गए अनेक यज्ञ-यूपों से सुशोभित,

श्लोक 18 (padma.5.14.18)

यत्र गावस्तु हरिणा पाल्यंते पालनोचिताः । मूषका न खनंत्यस्मिन्बिडालस्य भयाद्बिलम्

yatra gāvastu hariṇā pālyaṁte pālanocitāḥ mūṣakā na khanaṁtyasminbiḍālasya bhayādbilam

जहाँ रक्षा के योग्य गायें सुरक्षित रहती थीं; जहाँ बिल्ली के भय से चूहे भी अपने बिल तक नहीं खोदते थे,

श्लोक 19 (padma.5.14.19)

मयूरैर्नकुलैः सार्द्धं क्रीडंति फणिनोनिशम् । गजैः सिंहैर्नित्यमत्र स्थीयते मित्रतां गतैः

mayūrairnakulaiḥ sārddhaṁ krīḍaṁti phaṇinoniśam gajaiḥ siṁhairnityamatra sthīyate mitratāṁ gataiḥ

जहाँ सर्प रात्रि में मोर और नेवलों के साथ खेलते थे; जहाँ हाथी और सिंह मित्रता को प्राप्त होकर सदा साथ रहते थे;

श्लोक 20 (padma.5.14.20)

एणास्तत्रत्य नीवारभक्षणेषु कृतादराः । न भयं कुर्वते कालाद्रक्षिता मुनिवृंदकैः

eṇāstatratya nīvārabhakṣaṇeṣu kṛtādarāḥ na bhayaṁ kurvate kālādrakṣitā munivṛṁdakaiḥ

जहाँ के मृग जंगली धान खाने में लीन रहकर भी मुनि-समूहों द्वारा रक्षित होने के कारण काल से भय नहीं करते थे।

श्लोक 21 (padma.5.14.21)

गावः कुंभसमोधस्का नंदिनी समविग्रहाः । कुर्वंति चरणोत्थेन रजसेलां पवित्रिताम्

gāvaḥ kuṁbhasamodhaskā naṁdinī samavigrahāḥ kurvaṁti caraṇotthena rajaselāṁ pavitritām

जहाँ घड़े के समान भरे थन वाली, सब एक-सी काया वाली गायें अपने खुरों से उठी धूल से पृथ्वी को पवित्र करती थीं।

श्लोक 22 (padma.5.14.22)

मुनिवर्याः समित्पाणि पद्मैर्धर्मक्रियोचिताम् । दृष्ट्वा पप्रच्छसुमतिं सर्वज्ञं राम मंत्रिणम्

munivaryāḥ samitpāṇi padmairdharmakriyocitām dṛṣṭvā papracchasumatiṁ sarvajñaṁ rāma maṁtriṇam

समिधा हाथ में लिए धर्मकार्य के योग्य कमलों के समान श्रेष्ठ मुनियों को देखकर उन्होंने राम के सर्वज्ञ मंत्री सुमति से पूछा —

श्लोक 23 (padma.5.14.23)

शत्रुघ्न उवाच। सुमते कस्य संस्थानं मुनेर्भाति पुरोगतम् । निर्वैरिजंतु संसेव्यं मुनिवृंदसमाकुलम्

śatrughna uvāca sumate kasya saṁsthānaṁ munerbhāti purogatam nirvairijaṁtu saṁsevyaṁ munivṛṁdasamākulam

शत्रुघ्न ने कहा — "हे सुमते! यह किस मुनि का, वैरभावरहित प्राणियों से सेवित, मुनि-समूहों से भरा स्थान सामने दिखाई दे रहा है?

श्लोक 24 (padma.5.14.24)

श्रोष्यामि मुनिवार्तां च विदधामि पवित्रताम् । निजं वपुस्तदीयाभिर्वार्ताभिर्वर्णनादिभिः

śroṣyāmi munivārtāṁ ca vidadhāmi pavitratām nijaṁ vapustadīyābhirvārtābhirvarṇanādibhiḥ

मैं इस मुनि का वृत्तांत सुनूँगा, और उनके वर्णन आदि वृत्तांतों से अपने शरीर को पवित्र करूँगा।"

श्लोक 25 (padma.5.14.25)

इति श्रुत्वा महद्वाक्यं शत्रुघ्नस्य महात्मनः । कथयामास सचिवो रघुनाथस्य धीमतः

iti śrutvā mahadvākyaṁ śatrughnasya mahātmanaḥ kathayāmāsa sacivo raghunāthasya dhīmataḥ

महात्मा शत्रुघ्न का यह महान् वचन सुनकर, बुद्धिमान् रघुनाथ के मंत्री ने उसे बताना आरंभ किया —

श्लोक 26 (padma.5.14.26)

सुमतिरुवाच। च्यवनस्याश्रमं विद्धि महातापसशोभितम् । निर्वैरिजंतुसंकीर्णं मुनिपत्नीभिरावृतम्

sumatiruvāca cyavanasyāśramaṁ viddhi mahātāpasaśobhitam nirvairijaṁtusaṁkīrṇaṁ munipatnībhirāvṛtam

सुमति ने कहा — "यह च्यवन मुनि का आश्रम है, महातपस्वियों से सुशोभित, वैरभावरहित प्राणियों से भरा, मुनि-पत्नियों से घिरा हुआ —

श्लोक 27 (padma.5.14.27)

योऽसौ महामुनिः स्वर्गवैद्ययोर्भागमादधात् । स्वायंभुवमहायज्ञे शक्रमानविभेदनः

yo'sau mahāmuniḥ svargavaidyayorbhāgamādadhāt svāyaṁbhuvamahāyajñe śakramānavibhedanaḥ

वही महामुनि, जिन्होंने स्वायंभुव के महायज्ञ में इंद्र के अभिमान को तोड़कर अश्विनीकुमारों को हविष्य का भाग दिलाया था।

श्लोक 28 (padma.5.14.28)

महामुनेः प्रभावोऽयं न केनापि समाप्यते । तपोबलसमृद्धस्य वेदमूर्तिधरस्य ह

mahāmuneḥ prabhāvo'yaṁ na kenāpi samāpyate tapobalasamṛddhasya vedamūrtidharasya ha

इस महामुनि का प्रभाव किसी से भी नापा नहीं जा सकता — तपोबल से समृद्ध, साक्षात् वेदमूर्ति धारण करने वाले।"

श्लोक 29 (padma.5.14.29)

श्रुत्वा रामानुजो वार्तां च्यवनस्य महामुनेः । सर्वं पप्रच्छ सुमतिं शक्रमानादिभंजनम्

śrutvā rāmānujo vārtāṁ cyavanasya mahāmuneḥ sarvaṁ papraccha sumatiṁ śakramānādibhaṁjanam

महामुनि च्यवन का यह वृत्तांत सुनकर राम के अनुज ने सुमति से इंद्र के अभिमान-भंग आदि का सब वृत्तांत पूछा —

श्लोक 30 (padma.5.14.30)

शत्रुघ्न उवाच। कदासौ दस्रयोर्भागं चकार सुरपंक्तिषु । किं कृतं देवराजेन स्वायंभुव महामखे

śatrughna uvāca kadāsau dasrayorbhāgaṁ cakāra surapaṁktiṣu kiṁ kṛtaṁ devarājena svāyaṁbhuva mahāmakhe

शत्रुघ्न ने कहा — "उन्होंने देवताओं की पंक्ति में कब अश्विनीकुमारों को हविष्य का भाग दिलाया था? स्वायंभुव के महायज्ञ में देवराज ने क्या किया था?"

श्लोक 31 (padma.5.14.31)

सुमतिरुवाच। ब्रह्मवंशेऽतिविख्यातो मुनिर्भृगुरिति श्रुतः । कदाचिद्गतवान्सायं समिदाहरणं प्रति

sumatiruvāca brahmavaṁśe'tivikhyāto munirbhṛguriti śrutaḥ kadācidgatavānsāyaṁ samidāharaṇaṁ prati

सुमति ने कहा — "ब्रह्मा के वंश में अत्यंत विख्यात भृगु नामक मुनि हुए; एक बार वे संध्या के समय समिधा लाने गए।

श्लोक 32 (padma.5.14.32)

तदा मखविनाशाय दमनो राक्षसो बली । आगत्योच्चैर्जगादेदं महाभयकरं वचः

tadā makhavināśāya damano rākṣaso balī āgatyoccairjagādedaṁ mahābhayakaraṁ vacaḥ

उसी समय यज्ञ का विनाश करने के लिए बलशाली दमन नामक राक्षस आकर ऊँचे स्वर में यह अत्यंत भयंकर वचन बोला —

श्लोक 33 (padma.5.14.33)

कुत्रास्ति मुनिबंधुः स कुत्र तन्महिलानघा । पुनः पुनरुवाचेदं वचो रोषसमाकुलः

kutrāsti munibaṁdhuḥ sa kutra tanmahilānaghā punaḥ punaruvācedaṁ vaco roṣasamākulaḥ

'वह मुनिपति कहाँ है? उसकी वह निष्पाप पत्नी कहाँ है?' — क्रोध से भरकर वह बार-बार यही वचन कहता रहा।

श्लोक 34 (padma.5.14.34)

तदाहुतवहो ज्ञात्वा राक्षसाद्भयमागतम् । दर्शयामास तज्जायामंतर्वत्नीमनिंदिताम्

tadāhutavaho jñātvā rākṣasādbhayamāgatam darśayāmāsa tajjāyāmaṁtarvatnīmaniṁditām

तब यज्ञ की अग्नि ने राक्षस से आया भय जानकर उसे उनकी गर्भवती, निर्दोष पत्नी दिखा दी।

श्लोक 35 (padma.5.14.35)

जहार राक्षसस्तां तु रुदंतीं कुररीमिव । भृगो रक्षपते रक्ष रक्ष नाथ तपोनिधे

jahāra rākṣasastāṁ tu rudaṁtīṁ kurarīmiva bhṛgo rakṣapate rakṣa rakṣa nātha taponidhe

राक्षस ने उसे, टिटहरी के समान रोती हुई, पकड़ लिया — 'हे भृगु, रक्षापते! रक्षा करो, रक्षा करो, हे नाथ, तपोनिधे!'

श्लोक 36 (padma.5.14.36)

एवं वदंतीमार्तां तां गृहीत्वा निरगाद्बहिः । दुष्टो वाक्यप्रहारेण बोधयन्स भृगोः सतीम्

evaṁ vadaṁtīmārtāṁ tāṁ gṛhītvā niragādbahiḥ duṣṭo vākyaprahāreṇa bodhayansa bhṛgoḥ satīm

इस प्रकार कहती हुई दुःखी उसे पकड़कर, कठोर वचनों के प्रहार से भृगु की उस सती को उपहासित करता हुआ वह दुष्ट बाहर निकल गया।

श्लोक 37 (padma.5.14.37)

ततो महाभयत्रस्तो गर्भश्चोदरमध्यतः । पपात प्रज्वलन्नेत्रो वैश्वानर इवांगजः

tato mahābhayatrasto garbhaścodaramadhyataḥ papāta prajvalannetro vaiśvānara ivāṁgajaḥ

तब महाभय से त्रस्त होकर उसके उदर से गर्भ गिर पड़ा, जिसकी आँखें अग्नि के समान प्रज्वलित थीं।

श्लोक 38 (padma.5.14.38)

तेनोक्तं मा व्रजाशु त्वं भस्मी भव सुदुर्मते । न हि साध्वी परामर्शं कृत्वा श्रेयोऽधियास्यसि

tenoktaṁ mā vrajāśu tvaṁ bhasmī bhava sudurmate na hi sādhvī parāmarśaṁ kṛtvā śreyo'dhiyāsyasi

उसने कहा — 'दुर्मते! आगे मत बढ़ो, भस्म हो जाओ! क्योंकि इस साध्वी पर हाथ डालकर तुम कभी कल्याण को प्राप्त नहीं होगे।'

श्लोक 39 (padma.5.14.39)

इत्युक्तः स पपाताशु भस्मीभूतकलेवरः । माता तदार्भकं नीत्वा जगामाश्रममुन्मनाः

ityuktaḥ sa papātāśu bhasmībhūtakalevaraḥ mātā tadārbhakaṁ nītvā jagāmāśramamunmanāḥ

ऐसा कहे जाने पर वह तुरंत भस्म-शरीर होकर गिर पड़ा। माता उस शिशु को लेकर व्याकुल मन से आश्रम की ओर चली गई।

श्लोक 40 (padma.5.14.40)

भृगुर्वह्निकृतं सर्वं ज्ञात्वा कोपसमाकुलः । शशाप सर्वभक्षस्त्वं भव दुष्टारिसूचक

bhṛgurvahnikṛtaṁ sarvaṁ jñātvā kopasamākulaḥ śaśāpa sarvabhakṣastvaṁ bhava duṣṭārisūcaka

भृगु ने अग्नि द्वारा किया गया यह सब जानकर क्रोध से भरकर शाप दिया — 'तुम सर्वभक्षी हो जाओ, हे दुष्ट, शत्रु को सूचित करने वाले!'

श्लोक 41 (padma.5.14.41)

तदा शप्तोऽतिदुःखार्तो जग्राहांघ्र्याशुशुक्षणिः । कुरु मेऽनुग्रहं स्वामिन्कृपार्णव महामते

tadā śapto'tiduḥkhārto jagrāhāṁghryāśuśukṣaṇiḥ kuru me'nugrahaṁ svāminkṛpārṇava mahāmate

तब शापित, अत्यंत दुःखी अग्नि ने उनके चरण पकड़ लिए — 'हे स्वामिन्! मुझ पर अनुग्रह कीजिए, हे कृपासागर, महामते!

श्लोक 42 (padma.5.14.42)

मयानृतं वचोभीत्या कथितं न गुरुद्रुहा । तस्मान्ममोपरि कृपां कुरु धर्मशिरोमणे

mayānṛtaṁ vacobhītyā kathitaṁ na gurudruhā tasmānmamopari kṛpāṁ kuru dharmaśiromaṇe

मैंने भय से असत्य वचन कहा, गुरु-द्रोह से नहीं; इसलिए हे धर्मशिरोमणे! मुझ पर कृपा कीजिए।'

श्लोक 43 (padma.5.14.43)

तदानुग्रहमाधाच्च सर्वभक्षो भवाञ्छुचिः । इत्युक्तवान्हुतभुजं दयार्द्रो मुनितापसः

tadānugrahamādhācca sarvabhakṣo bhavāñchuciḥ ityuktavānhutabhujaṁ dayārdro munitāpasaḥ

तब उन्होंने उस पर अनुग्रह किया — 'तुम शुद्ध, सर्वभक्षी हो जाओगे।' इस प्रकार वे दयार्द्र मुनि-तपस्वी अग्नि से बोले।

श्लोक 44 (padma.5.14.44)

गर्भाच्च्युतस्य पुत्रस्य जातकर्मादिकं शुचिः । चकार विधिवद्विप्रो दर्भपाणिः सुमंगलः

garbhāccyutasya putrasya jātakarmādikaṁ śuciḥ cakāra vidhivadvipro darbhapāṇiḥ sumaṁgalaḥ

तब गर्भ से गिरे हुए उस पुत्र के जातकर्म आदि संस्कार उस शुद्ध, अत्यंत मंगलकारी विप्र ने दर्भ हाथ में लेकर विधिपूर्वक किए।

श्लोक 45 (padma.5.14.45)

च्यवनाच्च्यवनं प्राहुः पुत्रं सर्वे तपस्विनः । शनैःशनैः स ववृधे शुक्ले प्रतिपदिंदुवत्

cyavanāccyavanaṁ prāhuḥ putraṁ sarve tapasvinaḥ śanaiḥśanaiḥ sa vavṛdhe śukle pratipadiṁduvat

सभी तपस्वियों ने गिरने (च्युत होने) के कारण उस पुत्र को 'च्यवन' कहा; वह शुक्ल पक्ष की प्रतिपदा के चंद्रमा के समान धीरे-धीरे बढ़ने लगा।

श्लोक 46 (padma.5.14.46)

स जगाम तपः कर्तुं रेवां लोकैकपावनीम् । शिष्यैः परिवृतः सर्वैस्तपोबलसमन्वितैः

sa jagāma tapaḥ kartuṁ revāṁ lokaikapāvanīm śiṣyaiḥ parivṛtaḥ sarvaistapobalasamanvitaiḥ

वे तप करने के लिए, तपोबल से युक्त अपने सभी शिष्यों से घिरे हुए, संसार को पवित्र करने वाली रेवा नदी के तट पर गए।

श्लोक 47 (padma.5.14.47)

गत्वा तत्र तपस्तेपे वर्षाणामयुतं महान् । अंसयोः किंशुकौ जातौ वल्मीकोपरिशोभितौ

gatvā tatra tapastepe varṣāṇāmayutaṁ mahān aṁsayoḥ kiṁśukau jātau valmīkopariśobhitau

वहाँ जाकर उन्होंने दस हजार वर्षों तक महान् तप किया; उनके दोनों कंधों पर बाँबी के ऊपर सुशोभित दो पलाश-पुष्प उग आए।

श्लोक 48 (padma.5.14.48)

मृगा आगत्य तस्यांगे कंडूं विदधुरुत्सुकाः । न किंचित्स हि जानाति दुर्वारतपसावृतः

mṛgā āgatya tasyāṁge kaṁḍūṁ vidadhurutsukāḥ na kiṁcitsa hi jānāti durvāratapasāvṛtaḥ

मृग आकर उत्सुकता से उनके शरीर पर खुजलाने लगे; अपने दुर्निवार तप में लीन होने के कारण उन्हें कुछ भी ज्ञात नहीं होता था।

श्लोक 49 (padma.5.14.49)

कदाचिन्मनुरुद्युक्तस्तीर्थयात्रां प्रति प्रभुः । सकुटुंबो ययौ रेवां महाबलसमावृतः

kadācinmanurudyuktastīrthayātrāṁ prati prabhuḥ sakuṭuṁbo yayau revāṁ mahābalasamāvṛtaḥ

एक बार प्रभु राजा मनु, तीर्थयात्रा के लिए उद्यत होकर, अपने परिवार सहित महाबल से घिरे हुए रेवा नदी के तट पर गए।

श्लोक 50 (padma.5.14.50)

तत्र स्नात्वा महानद्यां संतर्प्य पितृदेवताः । दानानि ब्राह्मणेभ्यश्च प्रादाद्विष्णुप्रतुष्टये

tatra snātvā mahānadyāṁ saṁtarpya pitṛdevatāḥ dānāni brāhmaṇebhyaśca prādādviṣṇupratuṣṭaye

वहाँ उस महानदी में स्नान करके, पितरों और देवताओं को तर्पण देकर, विष्णु की प्रसन्नता के लिए ब्राह्मणों को दान दिया।

श्लोक 51 (padma.5.14.51)

तत्कन्या विचरंती सा वनमध्ये इतस्ततः । सखीभिः सहिता रम्या तप्तहाटकभूषणा

tatkanyā vicaraṁtī sā vanamadhye itastataḥ sakhībhiḥ sahitā ramyā taptahāṭakabhūṣaṇā

उनकी सुंदर पुत्री, अपनी सखियों सहित, स्वर्ण-आभूषणों से सजी, वन के मध्य इधर-उधर विचरण करने लगी।

श्लोक 52 (padma.5.14.52)

तत्र दृष्ट्वाथ वल्मीकं महातरुसुशोभितम् । निमेषोन्मेषरहितं तेजः किंचिद्ददर्श सा

tatra dṛṣṭvātha valmīkaṁ mahātarusuśobhitam nimeṣonmeṣarahitaṁ tejaḥ kiṁciddadarśa sā

वहाँ एक विशाल वृक्ष से सुशोभित बाँबी को देखकर उसने उसमें अपलक कुछ तेज-सा देखा।

श्लोक 53 (padma.5.14.53)

गत्वा तत्र शलाकाभिरतुदद्रुधिरं स्रवत् । दृष्ट्वा राज्ञांगजा खेदं प्राप्तवत्यतिदुःखिता

gatvā tatra śalākābhiratudadrudhiraṁ sravat dṛṣṭvā rājñāṁgajā khedaṁ prāptavatyatiduḥkhitā

वहाँ जाकर उसने शलाका से उसे छेद दिया, जिससे रक्त बहने लगा; इसे देखकर राजकुमारी अत्यंत दुःखी होकर व्याकुल हो गई।

श्लोक 54 (padma.5.14.54)

न जनन्यै तथा पित्रे शशंसाघेन विप्लुता । स्वयमेवात्मनात्मानं सा शुशोच भयातुरा

na jananyai tathā pitre śaśaṁsāghena viplutā svayamevātmanātmānaṁ sā śuśoca bhayāturā

पाप से व्याकुल होकर उसने न माता को बताया, न पिता को; वह स्वयं ही, भय से आतुर होकर, अपने भीतर ही शोक करने लगी।

श्लोक 55 (padma.5.14.55)

तदा भूश्चलिता राजन्दिवश्चोल्का पपात ह । धूम्रा दिशो भवन्सर्वाः सूर्यश्च परिवेषितः

tadā bhūścalitā rājandivaścolkā papāta ha dhūmrā diśo bhavansarvāḥ sūryaśca pariveṣitaḥ

हे राजन्! तब पृथ्वी काँप उठी, आकाश से उल्का गिरी, सभी दिशाएँ धूम्रवर्ण हो गईं, और सूर्य के चारों ओर मंडल बन गया।

श्लोक 56 (padma.5.14.56)

तदा राज्ञो हया नष्टा हस्तिनो बहवो मृताः । धनं नष्टं रत्नयुतं कलहोभून्मिथस्तदा

tadā rājño hayā naṣṭā hastino bahavo mṛtāḥ dhanaṁ naṣṭaṁ ratnayutaṁ kalahobhūnmithastadā

तब राजा के घोड़े खो गए, अनेक हाथी मर गए, रत्नयुक्त धन नष्ट हो गया, और आपस में कलह होने लगा।

श्लोक 57 (padma.5.14.57)

तदालोक्य नृपो भीतः किंचिदुद्विग्नमानसः । जनानपृच्छत्केनापि मुनये त्वपराधितम्

tadālokya nṛpo bhītaḥ kiṁcidudvignamānasaḥ janānapṛcchatkenāpi munaye tvaparādhitam

यह देखकर भयभीत, कुछ उद्विग्न मन वाले राजा ने प्रजा से पूछा कि क्या किसी ने किसी मुनि का अपराध किया है।

श्लोक 58 (padma.5.14.58)

पारंपर्येण तज्ज्ञात्वा स्वपुत्र्याः परिचेष्टितम् । ययौ सुदुःखितस्तत्र समृद्धबलवाहनः

pāraṁparyeṇa tajjñātvā svaputryāḥ pariceṣṭitam yayau suduḥkhitastatra samṛddhabalavāhanaḥ

क्रमशः अपनी पुत्री का कृत्य जानकर वे अत्यंत दुःखी होकर, समृद्ध सेना-वाहनों सहित वहाँ गए।

श्लोक 59 (padma.5.14.59)

तं वै तपोनिधिं वीक्ष्य महता तपसायुतम् । स्तुत्वा प्रसादयामास मुनिवर्य दयां कुरु

taṁ vai taponidhiṁ vīkṣya mahatā tapasāyutam stutvā prasādayāmāsa munivarya dayāṁ kuru

उस महान् तप से युक्त तपोनिधि को देखकर उन्होंने स्तुति करके उन्हें प्रसन्न करने का प्रयत्न किया — 'हे मुनिवर! दया कीजिए।'

श्लोक 60 (padma.5.14.60)

तस्मै तुष्टो जगादायं मुनिवर्यो महातपाः । तवात्मजाकृतं सर्वमुत्पाताद्यमवेहि तत्

tasmai tuṣṭo jagādāyaṁ munivaryo mahātapāḥ tavātmajākṛtaṁ sarvamutpātādyamavehi tat

प्रसन्न होकर उन महातपस्वी, श्रेष्ठ मुनि ने उससे कहा — 'यह सब तुम्हारी ही पुत्री द्वारा किया गया उत्पात है, यह जान लो।

श्लोक 61 (padma.5.14.61)

तव पुत्र्या महाराज चक्षुर्विस्फोटनं कृतम् । बहुसुस्राव रुधिरं जानती त्वामुवाच न

tava putryā mahārāja cakṣurvisphoṭanaṁ kṛtam bahususrāva rudhiraṁ jānatī tvāmuvāca na

हे महाराज! तुम्हारी पुत्री ने आँख फोड़ दी है; बहुत रक्त बहा, और यह न जानते हुए उसने तुम्हें कुछ नहीं बताया।

श्लोक 62 (padma.5.14.62)

तस्मादियं महाभूप मह्यं देया यथाविधि । ततश्चोत्पातशमनं भविष्यति न संशयः

tasmādiyaṁ mahābhūpa mahyaṁ deyā yathāvidhi tataścotpātaśamanaṁ bhaviṣyati na saṁśayaḥ

इसलिए, हे महाभूप! उसे विधिपूर्वक मुझे दे दो; तब निःसंदेह यह उत्पात शांत हो जाएगा।'

श्लोक 63 (padma.5.14.63)

तच्छ्रुत्वा दुःखितो राजा प्रज्ञाचाक्षुष आत्मजाम् । ददौ कुलवयोरूप शीललक्षणसंयुताम्

tacchrutvā duḥkhito rājā prajñācākṣuṣa ātmajām dadau kulavayorūpa śīlalakṣaṇasaṁyutām

यह सुनकर, जिसकी बुद्धि अब खुल गई थी, वह दुःखी राजा कुल, आयु, रूप, शील और शुभ लक्षणों से युक्त अपनी पुत्री को देने लगा।

श्लोक 64 (padma.5.14.64)

दत्ता यदा नृपेणेयं कन्या कमललोचना । तदोत्पाताः शमं याताः सर्वे मुनिरुषोद्गताः

dattā yadā nṛpeṇeyaṁ kanyā kamalalocanā tadotpātāḥ śamaṁ yātāḥ sarve muniruṣodgatāḥ

जब राजा ने कमल-नेत्री उस कन्या को दे दिया, तब मुनि के क्रोध से उत्पन्न सभी उत्पात शांत हो गए।

श्लोक 65 (padma.5.14.65)

राजा दत्त्वात्मजां तस्मै मुनये तपसांनिधे । प्राप स्वां नगरीं भूयो दुःखितोऽयं दयायुतः

rājā dattvātmajāṁ tasmai munaye tapasāṁnidhe prāpa svāṁ nagarīṁ bhūyo duḥkhito'yaṁ dayāyutaḥ

अपनी पुत्री को उस तपोनिधि मुनि को देकर, दुःखी किन्तु दयायुक्त वह राजा पुनः अपनी नगरी को लौट गया।"