पुरुषोत्तम पर्वत की महिमा

श्लोक 1 (padma.5.17.1)

शेष उवाच। शत्रुघ्नश्च्यवनस्याथ दृष्ट्वाऽचिंत्यं तपोबलम् । प्रशशंस तपो ब्राह्मं सर्वलोकैकवंदितम्

śeṣa uvāca śatrughnaścyavanasyātha dṛṣṭvā'ciṁtyaṁ tapobalam praśaśaṁsa tapo brāhmaṁ sarvalokaikavaṁditam

शेष जी ने कहा — तब च्यवन के अचिंत्य तपोबल को देखकर शत्रुघ्न ने समस्त लोकों द्वारा वंदित उस ब्राह्म तप की प्रशंसा की।

श्लोक 2 (padma.5.17.2)

अहो पश्यत योगस्य सिद्धिं ब्राह्मणसत्तमे । यः क्षणादेव दुष्प्रापं तद्विमानमचीकरत्

aho paśyata yogasya siddhiṁ brāhmaṇasattame yaḥ kṣaṇādeva duṣprāpaṁ tadvimānamacīkarat

"अहो, देखो इस श्रेष्ठ ब्राह्मण के योग की सिद्धि — जिसने क्षणभर में वह दुष्प्राप्य विमान रच दिया!

श्लोक 3 (padma.5.17.3)

क्व भोगसिद्धिर्महती मुनीनाममलात्मनाम् । क्व तपोबलहीनानां भोगेच्छा मनुजात्मनाम्

kva bhogasiddhirmahatī munīnāmamalātmanām kva tapobalahīnānāṁ bhogecchā manujātmanām

निर्मल आत्मा वाले मुनियों की भोग-सिद्धि कहाँ, और तपोबल-रहित मनुष्यों की भोग-इच्छा कहाँ!"

श्लोक 4 (padma.5.17.4)

इति स्वगतमाशंसञ्छत्रुघ्नश्च्यवनाश्रमे । क्षणं स्थित्वा जलं पीत्वा सुखसंभोगमाप्तवान्

iti svagatamāśaṁsañchatrughnaścyavanāśrame kṣaṇaṁ sthitvā jalaṁ pītvā sukhasaṁbhogamāptavān

इस प्रकार मन ही मन सोचते हुए शत्रुघ्न ने च्यवन के आश्रम में क्षणभर ठहरकर, जल पीकर सुखद विश्राम प्राप्त किया।

श्लोक 5 (padma.5.17.5)

हयस्तस्याः पयोष्ण्याख्या नद्याः पुण्यजलात्मनः । पयः पीत्वा ययौ मार्गे वायुवेगगतिर्महान्

hayastasyāḥ payoṣṇyākhyā nadyāḥ puṇyajalātmanaḥ payaḥ pītvā yayau mārge vāyuvegagatirmahān

पयोष्णी नामक उस पवित्र जल वाली नदी का जल पीकर वह घोड़ा वायु के वेग से महान् गति से मार्ग में आगे बढ़ा।

श्लोक 6 (padma.5.17.6)

योधास्तन्निर्गमं दृष्ट्वा पृष्ठतोऽनुययुस्तदा । हस्तिभिः पत्तिभिः केचिद्रथैः केचन वाजिभिः

yodhāstannirgamaṁ dṛṣṭvā pṛṣṭhato'nuyayustadā hastibhiḥ pattibhiḥ kecidrathaiḥ kecana vājibhiḥ

योद्धाओं ने उसे निकलते देखकर पीछे-पीछे अनुसरण किया — कुछ हाथियों पर, कुछ पैदल, कुछ रथों पर, कुछ घोड़ों पर।

श्लोक 7 (padma.5.17.7)

शत्रुघ्नोऽमात्यवर्येण सुमत्याख्येन संयुतः । पृष्ठतोऽनुजगामाशु रथेन हयशोभिना

śatrughno'mātyavaryeṇa sumatyākhyena saṁyutaḥ pṛṣṭhato'nujagāmāśu rathena hayaśobhinā

शत्रुघ्न भी श्रेष्ठ मंत्री सुमति सहित घोड़ों से सुशोभित रथ द्वारा शीघ्र पीछे-पीछे चले।

श्लोक 8 (padma.5.17.8)

गच्छन्वाजीपुरं प्राप्तो विमलाख्यस्य भूपतेः । रत्नातटाख्यं च जनैर्हृष्टपुष्टैः समाकुलम्

gacchanvājīpuraṁ prāpto vimalākhyasya bhūpateḥ ratnātaṭākhyaṁ ca janairhṛṣṭapuṣṭaiḥ samākulam

आगे बढ़ते हुए वे राजा विमल की वाजीपुर नगरी, तथा हृष्ट-पुष्ट लोगों से भरे रत्नातट नामक स्थान पर पहुँचे।

श्लोक 9 (padma.5.17.9)

स सेवकादुपश्रुत्य रघुनाथ हयोत्तमम् । पुरोंतिके हि संप्राप्तं सर्वयोधसमन्वितम्

sa sevakādupaśrutya raghunātha hayottamam puroṁtike hi saṁprāptaṁ sarvayodhasamanvitam

उन्होंने सेवक से सुना कि रघुनाथ का श्रेष्ठ घोड़ा समस्त योद्धाओं सहित नगर के निकट पहुँच चुका है।

श्लोक 10 (padma.5.17.10)

तदा गजानां सप्तत्या चंद्रवर्णसमानया । अश्वानामयुतैः सार्धं रथानां कांचनत्विषाम्

tadā gajānāṁ saptatyā caṁdravarṇasamānayā aśvānāmayutaiḥ sārdhaṁ rathānāṁ kāṁcanatviṣām

तब चंद्रमा के वर्ण के समान सत्तर हाथियों, दस हजार घोड़ों तथा स्वर्ण-कांति वाले —

श्लोक 11 (padma.5.17.11)

सहस्रेण च संयुक्तः शत्रुघ्नं प्रति जग्मिवान् । शत्रुघ्नं स नमस्कृत्य सर्वान्प्राप्तान्महारथान्

sahasreṇa ca saṁyuktaḥ śatrughnaṁ prati jagmivān śatrughnaṁ sa namaskṛtya sarvānprāptānmahārathān

एक हजार रथों सहित शत्रुघ्न की ओर चल पड़े। उन्होंने शत्रुघ्न को तथा वहाँ पहुँचे सभी महारथियों को नमस्कार करके —

श्लोक 12 (padma.5.17.12)

वसुकोशं धनं सर्वं राज्यं तस्मै निवेद्य च । किं करोमीति राजा तं जगाद पुरतः स्थितः

vasukośaṁ dhanaṁ sarvaṁ rājyaṁ tasmai nivedya ca kiṁ karomīti rājā taṁ jagāda purataḥ sthitaḥ

अपना सारा कोष, धन तथा राज्य उन्हें अर्पित कर दिया; और सामने खड़े राजा ने उनसे कहा — "मैं क्या करूँ?"

श्लोक 13 (padma.5.17.13)

राजापि तं स्वीयपदे प्रणम्रं । दोर्भ्यां दृढं संपरिषस्वजे महान् । जगाम साकं तनये स्वराज्यं । निक्षिप्य सर्वं बहुधन्विभिर्वृतः

rājāpi taṁ svīyapade praṇamraṁ dorbhyāṁ dṛḍhaṁ saṁpariṣasvaje mahān jagāma sākaṁ tanaye svarājyaṁ nikṣipya sarvaṁ bahudhanvibhirvṛtaḥ

उस महान् राजा ने भी अपने चरणों में झुके शत्रुघ्न को दोनों भुजाओं से दृढ़ता से आलिंगन किया; अपना पूरा राज्य पुत्र को सौंपकर वे अनेक धनुर्धारियों से घिरकर उनके साथ चल पड़े।

श्लोक 14 (padma.5.17.14)

रामचंद्राभिधां श्रुत्वा सर्वश्रुतिमनोहराम् । सर्वे प्रणम्य तं वाहं ददुर्वसुमहाधनम्

rāmacaṁdrābhidhāṁ śrutvā sarvaśrutimanoharām sarve praṇamya taṁ vāhaṁ dadurvasumahādhanam

सभी कानों को मनोहर लगने वाले रामचंद्र के नाम को सुनकर उन सबने उस घोड़े को प्रणाम किया तथा महान् धन दिया।

श्लोक 15 (padma.5.17.15)

राजानं पूजयित्वा तु शत्रुघ्नः परया मुदा । सेनया सहितोऽगच्छद्वाजिनः पृष्ठतस्तदा

rājānaṁ pūjayitvā tu śatrughnaḥ parayā mudā senayā sahito'gacchadvājinaḥ pṛṣṭhatastadā

राजा को सम्मानित करके शत्रुघ्न परम हर्ष के साथ सेना सहित घोड़े के पीछे-पीछे चले।

श्लोक 16 (padma.5.17.16)

एवं स गच्छंस्तन्मार्गे पर्वताग्र्यं ददर्श ह । स्फाटिकैः कानकै रौप्यै राजितं प्रस्थराजिभिः

evaṁ sa gacchaṁstanmārge parvatāgryaṁ dadarśa ha sphāṭikaiḥ kānakai raupyai rājitaṁ prastharājibhiḥ

इस प्रकार उस मार्ग में जाते हुए उन्होंने एक श्रेष्ठ पर्वत देखा, जो स्फटिक, स्वर्ण और चाँदी की चट्टानों की पंक्तियों से सुशोभित था,

श्लोक 17 (padma.5.17.17)

जलनिर्झरसंह्रादं नानाधातुकभूतलम् । गैरिकादिकसद्धातु लाक्षारंगविराजितम्

jalanirjharasaṁhrādaṁ nānādhātukabhūtalam gairikādikasaddhātu lākṣāraṁgavirājitam

जलप्रपातों की गर्जना से गूँजता, नाना धातुओं से युक्त भूतल वाला, गेरू आदि श्रेष्ठ धातुओं तथा लाक्षा के रंग से सुशोभित,

श्लोक 18 (padma.5.17.18)

यत्र सिद्धांगनाः सिद्धैः संक्रीडंत्यकुतोभयाः । गंधर्वाप्सरसो नागा यत्र क्रीडंति लीलया

yatra siddhāṁganāḥ siddhaiḥ saṁkrīḍaṁtyakutobhayāḥ gaṁdharvāpsaraso nāgā yatra krīḍaṁti līlayā

जहाँ सिद्ध-स्त्रियाँ सिद्धों के साथ निर्भय होकर क्रीड़ा करती थीं, जहाँ गंधर्व, अप्सराएँ तथा नाग लीलापूर्वक क्रीड़ा करते थे,

श्लोक 19 (padma.5.17.19)

गंगातरंगसंस्पर्श शीतवायुनिषेवितम् । वीणारणद्धंसशुकक्वणसुंदरशोभितम्

gaṁgātaraṁgasaṁsparśa śītavāyuniṣevitam vīṇāraṇaddhaṁsaśukakvaṇasuṁdaraśobhitam

गंगा की तरंगों के स्पर्श से शीतल वायु से सेवित, वीणा की झंकार तथा हंस-शुक की मधुर बोली से सुंदर सुशोभित।

श्लोक 20 (padma.5.17.20)

पर्वतं वीक्ष्य शत्रुघ्न उवाच सुमतिं त्विदम् । तद्दर्शनसमुद्भूत विस्मयाविष्टमानसः

parvataṁ vīkṣya śatrughna uvāca sumatiṁ tvidam taddarśanasamudbhūta vismayāviṣṭamānasaḥ

उस पर्वत को देखकर, उसके दर्शन से उत्पन्न विस्मय से भरे मन वाले शत्रुघ्न ने सुमति से यह कहा —

श्लोक 21 (padma.5.17.21)

कोऽयं महागिरिवरो विस्मापयति मे मनः । महारजतसत्प्रस्थो मार्गे राजति मेऽद्भुतः

ko'yaṁ mahāgirivaro vismāpayati me manaḥ mahārajatasatprastho mārge rājati me'dbhutaḥ

"यह कौन-सा महाश्रेष्ठ पर्वत मेरे मन को चकित कर रहा है? यह चाँदी के उत्तम शिखरों वाला अद्भुत पर्वत मेरे मार्ग में सुशोभित हो रहा है।

श्लोक 22 (padma.5.17.22)

अत्र किं देवतावासो देवानां क्रीडनस्थलम् । यदेतन्मनसः क्षोभं करोति श्रीसमुच्चयैः

atra kiṁ devatāvāso devānāṁ krīḍanasthalam yadetanmanasaḥ kṣobhaṁ karoti śrīsamuccayaiḥ

क्या यह देवताओं का निवास है, देवताओं का क्रीड़ास्थल है, कि यह श्री-समूहों से मेरे मन को इस प्रकार क्षुब्ध कर रहा है?"

श्लोक 23 (padma.5.17.23)

इति वाक्यं समाकर्ण्य जगाद सुमतिस्तदा । वक्ष्यमाणगुणागार रामचंद्र पदाब्जधीः

iti vākyaṁ samākarṇya jagāda sumatistadā vakṣyamāṇaguṇāgāra rāmacaṁdra padābjadhīḥ

यह वचन सुनकर रामचंद्र के चरणकमलों में बुद्धि लगाए, आगे कहे जाने वाले गुणों के भंडार सुमति ने तब कहा —

श्लोक 24 (padma.5.17.24)

नीलोऽयं पर्वतो राजन्पुरतो भाति भूमिप । मनोहरैर्महाशृङ्गैः स्फाटिकाग्रैः समंततः

nīlo'yaṁ parvato rājanpurato bhāti bhūmipa manoharairmahāśṛṅgaiḥ sphāṭikāgraiḥ samaṁtataḥ

"हे राजन्, भूमिप! यह नीलगिरि है, जो सामने सुशोभित है, मनोहर विशाल स्फटिक-शिखरों से सर्वत्र सुसज्जित।

श्लोक 25 (padma.5.17.25)

एनं पश्यंति नो पापाः परदाररता नराः । विष्णोर्गुणगणान्ये वै न मन्यंते नराधमाः

enaṁ paśyaṁti no pāpāḥ paradāraratā narāḥ viṣṇorguṇagaṇānye vai na manyaṁte narādhamāḥ

पराई स्त्रियों में रत पापी मनुष्य इसे नहीं देखते; विष्णु के गुण-समूहों को न मानने वाले नराधम भी इसे नहीं देखते।

श्लोक 26 (padma.5.17.26)

श्रुतिस्मृतिसमुत्थं ये धर्मं सद्भिः सुसाधितम् । न मन्यंते स्वबुद्धिस्थ हेतुवादविचारणाः

śrutismṛtisamutthaṁ ye dharmaṁ sadbhiḥ susādhitam na manyaṁte svabuddhistha hetuvādavicāraṇāḥ

जो श्रुति-स्मृति से उत्पन्न, सज्जनों द्वारा सुसाधित धर्म को नहीं मानते, केवल अपनी बुद्धि के तर्क-वितर्क में लगे रहते हैं —

श्लोक 27 (padma.5.17.27)

नीलीविक्रयकर्तारो लाक्षाविक्रयकारकाः । यो ब्राह्मणो घृतादीनि विक्रीणाति सुरापकः

nīlīvikrayakartāro lākṣāvikrayakārakāḥ yo brāhmaṇo ghṛtādīni vikrīṇāti surāpakaḥ

नील का व्यापार करने वाले, लाख का व्यापार करने वाले, घी आदि बेचने वाले ब्राह्मण, मदिरापान करने वाले,

श्लोक 28 (padma.5.17.28)

कन्यां रूपेण संपन्नां न दद्यात्कुलशीलिने । विक्रीणाति द्रव्यलोभात्पिता पापेन मोहितः

kanyāṁ rūpeṇa saṁpannāṁ na dadyātkulaśīline vikrīṇāti dravyalobhātpitā pāpena mohitaḥ

जो कुल-शीलवान् वर को रूपसम्पन्न कन्या न देकर धन के लोभ से पाप से मोहित होकर उसे बेच देता है, वह पिता,

श्लोक 29 (padma.5.17.29)

पत्नीं दूषयते यस्तु कुलशीलवतीं नरः । स्वयमेवात्ति मधुरं बंधुभ्यो न ददाति यः

patnīṁ dūṣayate yastu kulaśīlavatīṁ naraḥ svayamevātti madhuraṁ baṁdhubhyo na dadāti yaḥ

जो सत्कुलशीलवती पत्नी को दूषित करता है, जो स्वयं ही मीठा खाकर बंधुओं को नहीं देता,

श्लोक 30 (padma.5.17.30)

भोजने ब्राह्मणार्थे च पाकभेदं करोति यः । कृसरं पायसं वापि नार्थिनं दापयेत्कुधीः

bhojane brāhmaṇārthe ca pākabhedaṁ karoti yaḥ kṛsaraṁ pāyasaṁ vāpi nārthinaṁ dāpayetkudhīḥ

जो ब्राह्मणों के भोजन में पाक में भेद करता है, वह कुबुद्धि याचक को खिचड़ी या खीर तक नहीं दिलाता,

श्लोक 31 (padma.5.17.31)

अतिथीनवमन्यंते सूर्यतापादितापितान् । अंतरिक्षभुजो ये च ये च विश्वासघातकाः

atithīnavamanyaṁte sūryatāpāditāpitān aṁtarikṣabhujo ye ca ye ca viśvāsaghātakāḥ

जो सूर्य के ताप से संतप्त अतिथियों का अपमान करते हैं, जो आकाश पर जीने वालों को खाते हैं (या: जो विश्वासघाती हैं) —

श्लोक 32 (padma.5.17.32)

न पश्यंति महाराज रघुनाथ पराङ्मुखाः । असौ पुण्यो गिरिवरः पुरुषोत्तम शोभितः

na paśyaṁti mahārāja raghunātha parāṅmukhāḥ asau puṇyo girivaraḥ puruṣottama śobhitaḥ

हे महाराज! वे रघुनाथ से विमुख लोग इसे नहीं देखते। पुरुषोत्तम से सुशोभित यह पुण्यमय श्रेष्ठ पर्वत —

श्लोक 33 (padma.5.17.33)

पवित्रयति सर्वान्नो दर्शनेन मनोहरः । अत्र तिष्ठति देवानां मुकुटैरर्चितांघ्रिकः

pavitrayati sarvānno darśanena manoharaḥ atra tiṣṭhati devānāṁ mukuṭairarcitāṁghrikaḥ

अपने मनोहर दर्शन से हम सबको पवित्र करता है; यहाँ देवताओं के मुकुटों से पूजित चरण वाले वे —

श्लोक 34 (padma.5.17.34)

पुण्यवद्भिर्दर्शनार्हः पुण्यदः पुरुषोत्तमः । श्रुतयो नेतिनेतीति ब्रुवाणा न विदंति यम्

puṇyavadbhirdarśanārhaḥ puṇyadaḥ puruṣottamaḥ śrutayo netinetīti bruvāṇā na vidaṁti yam

पुण्यवानों के दर्शन के योग्य, पुण्य देने वाले पुरुषोत्तम विराजमान हैं, जिन्हें 'नेति-नेति' कहने वाले श्रुति-वाक्य भी पूर्णतः नहीं जानते —

श्लोक 35 (padma.5.17.35)

यत्पादरज इंद्रादिदेवैर्मृग्यं सुदुर्ल्लभम् । वेदांतादिभिरन्यूनैर्वाक्यैर्विदंति यं बुधाः

yatpādaraja iṁdrādidevairmṛgyaṁ sudurllabham vedāṁtādibhiranyūnairvākyairvidaṁti yaṁ budhāḥ

जिनके चरणों की धूल इंद्र आदि देवताओं द्वारा भी अत्यंत दुर्लभ रूप से खोजी जाती है; जिन्हें विद्वान् वेदांत आदि के परिपूर्ण वाक्यों से ही जानते हैं।

श्लोक 36 (padma.5.17.36)

सोऽत्र श्रीमान्नीलशैले वसते पुरुषोत्तमः । आरुह्य तं नमस्कृत्य संपूज्य सुकृतादिना

so'tra śrīmānnīlaśaile vasate puruṣottamaḥ āruhya taṁ namaskṛtya saṁpūjya sukṛtādinā

वही श्रीमान् पुरुषोत्तम यहाँ इस नीलगिरि पर निवास करते हैं। इस पर चढ़कर उन्हें नमस्कार करके, सुकृत आदि से सम्यक् पूजा करके —

श्लोक 37 (padma.5.17.37)

नैवेद्यं भक्षयित्वा वै भूप भूयाच्चतुर्भुजः । अत्राप्युदाहरंतीममितिहासं पुरातनम्

naivedyaṁ bhakṣayitvā vai bhūpa bhūyāccaturbhujaḥ atrāpyudāharaṁtīmamitihāsaṁ purātanam

हे राजन्! उनका नैवेद्य ग्रहण करके निश्चय ही मनुष्य चतुर्भुज हो जाता है। यहाँ भी यह पुरातन इतिहास कहा जाता है —

श्लोक 38 (padma.5.17.38)

तं शृणुष्व महाराज सर्वाश्चर्यसमन्वितम् । रत्नग्रीवस्य नृपतेर्यद्वृत्तं सकुटुंबिनः

taṁ śṛṇuṣva mahārāja sarvāścaryasamanvitam ratnagrīvasya nṛpateryadvṛttaṁ sakuṭuṁbinaḥ

हे महाराज! समस्त आश्चर्यों से युक्त उसे सुनिए — रत्नग्रीव नामक राजा का, अपने कुटुंब सहित, जो वृत्तांत हुआ —

श्लोक 39 (padma.5.17.39)

चतुर्भुजादिकं प्राप्तं देवदानवदुर्लभम् । आसीत्कांची महाराज पुरी लोकेषु विश्रुता

caturbhujādikaṁ prāptaṁ devadānavadurlabham āsītkāṁcī mahārāja purī lokeṣu viśrutā

जिससे उन्हें देव-दानवों को भी दुर्लभ चतुर्भुज-रूप आदि प्राप्त हुआ। हे महाराज! कांची नामक एक नगरी थी, समस्त लोकों में विख्यात,

श्लोक 40 (padma.5.17.40)

महाजनपरीवारसमृद्धबलवाहना । यस्यां वसंति विप्राग्र्याः षट्कर्मनिरता भृशम्

mahājanaparīvārasamṛddhabalavāhanā yasyāṁ vasaṁti viprāgryāḥ ṣaṭkarmaniratā bhṛśam

महाजनों के परिवार, समृद्ध सेना-वाहनों से युक्त, जिसमें अत्यंत षट्कर्मों में तत्पर श्रेष्ठ विप्र निवास करते थे,

श्लोक 41 (padma.5.17.41)

सर्वभूतहिते युक्ता रामभक्तिषु लालसाः । क्षत्रिया रणकर्तारः संग्रामेऽप्यपलायिनः

sarvabhūtahite yuktā rāmabhaktiṣu lālasāḥ kṣatriyā raṇakartāraḥ saṁgrāme'pyapalāyinaḥ

समस्त प्राणियों के हित में तत्पर, राम-भक्ति में लालायित; क्षत्रिय युद्ध करने वाले, संग्राम में भी न भागने वाले,

श्लोक 42 (padma.5.17.42)

परदार परद्रव्य परद्रोहपराङ्मुखाः । वैश्याः कुसीदकृष्यादिवाणिज्यशुभवृत्तयः

paradāra paradravya paradrohaparāṅmukhāḥ vaiśyāḥ kusīdakṛṣyādivāṇijyaśubhavṛttayaḥ

पराई स्त्री, पराए धन तथा पर-द्रोह से विमुख; वैश्य सूद, कृषि आदि उत्तम व्यापार-वृत्ति वाले,

श्लोक 43 (padma.5.17.43)

कुर्वन्ति रघुनाथस्य पदाम्भोजे रतिं सदा । शूद्रा ब्राह्मणसेवाभिर्गतरात्रिदिनान्तराः

kurvanti raghunāthasya padāmbhoje ratiṁ sadā śūdrā brāhmaṇasevābhirgatarātridināntarāḥ

सदा रघुनाथ के चरणकमलों में रति करते थे; शूद्र, ब्राह्मणों की सेवाओं में रात-दिन बिताते हुए,

श्लोक 44 (padma.5.17.44)

कुर्वंति कथनं रामरामेति रसनाग्रतः । प्राकृताः केऽपि नो पापं कुर्वंति मनसात्र वै

kurvaṁti kathanaṁ rāmarāmeti rasanāgrataḥ prākṛtāḥ ke'pi no pāpaṁ kurvaṁti manasātra vai

अपनी जिह्वा के अग्रभाग से 'राम-राम' का कथन करते थे; साधारण जन भी वहाँ कोई मन से भी पाप नहीं करते थे।

श्लोक 45 (padma.5.17.45)

दानं दया दमः सत्यं तत्र तिष्ठंति नित्यशः । वदते न पराबाधं वाक्यं कोऽपि नरोऽनघः

dānaṁ dayā damaḥ satyaṁ tatra tiṣṭhaṁti nityaśaḥ vadate na parābādhaṁ vākyaṁ ko'pi naro'naghaḥ

वहाँ दान, दया, संयम और सत्य सदा स्थित रहते थे; कोई भी निष्पाप मनुष्य दूसरों को कष्ट देने वाला वचन नहीं बोलता था।

श्लोक 46 (padma.5.17.46)

न पारक्ये धने लोभं कुर्वंति न हि पातकम् । एवं प्रजा महाराज रत्नग्रीवेण पाल्यते

na pārakye dhane lobhaṁ kurvaṁti na hi pātakam evaṁ prajā mahārāja ratnagrīveṇa pālyate

वे पराए धन में लोभ नहीं करते, न ही पाप करते थे। हे महाराज! इस प्रकार रत्नग्रीव द्वारा प्रजा पाली जाती थी।

श्लोक 47 (padma.5.17.47)

षष्ठांशं तत्र गृह्णाति नान्यं लोभविवर्जितः । एवं पालयमानस्य प्रजाधर्मेण भूपतेः

ṣaṣṭhāṁśaṁ tatra gṛhṇāti nānyaṁ lobhavivarjitaḥ evaṁ pālayamānasya prajādharmeṇa bhūpateḥ

वे वहाँ लोभरहित होकर केवल छठा भाग ग्रहण करते, अन्य कुछ नहीं। इस प्रकार धर्मपूर्वक प्रजा का पालन करने वाले उस राजा के —

श्लोक 48 (padma.5.17.48)

गतानि बहुवर्षाणि सर्वभोगविलासिनः । विशालाक्षीं महाराज एकदा ह्यूचिवानिदम्

gatāni bahuvarṣāṇi sarvabhogavilāsinaḥ viśālākṣīṁ mahārāja ekadā hyūcivānidam

समस्त भोग-विलास में लीन रहते बहुत वर्ष बीत गए। हे महाराज! एक बार उन्होंने विशालाक्षी रानी से यह कहा —

श्लोक 49 (padma.5.17.49)

पतिव्रतां धर्मपत्नीं पतिव्रतपरायणाम् । पुत्रा जाता विशालाक्षि प्रजारक्षा धुरंधराः

pativratāṁ dharmapatnīṁ pativrataparāyaṇām putrā jātā viśālākṣi prajārakṣā dhuraṁdharāḥ

अपनी धर्मपत्नी, पतिव्रतपरायणा से — 'हे विशालाक्षि! प्रजा-रक्षा का भार वहन करने में समर्थ पुत्र उत्पन्न हो चुके हैं।

श्लोक 50 (padma.5.17.50)

परीवारो महान्मह्यं वर्तते विगतज्वरः । हस्तिनो मम शैलाभा वाजिनः पवनोपमाः

parīvāro mahānmahyaṁ vartate vigatajvaraḥ hastino mama śailābhā vājinaḥ pavanopamāḥ

मेरा परिवार महान् है, किसी भी उपद्रव से रहित; मेरे हाथी पर्वत के समान, घोड़े वायु के समान हैं;

श्लोक 51 (padma.5.17.51)

रथाश्च सुहयैर्युक्ता वर्तंते मम नित्यशः । महाविष्णुप्रसादेन किंचिन्न्यूनं ममास्ति न

rathāśca suhayairyuktā vartaṁte mama nityaśaḥ mahāviṣṇuprasādena kiṁcinnyūnaṁ mamāsti na

मेरे रथ श्रेष्ठ घोड़ों से युक्त सदा उपलब्ध रहते हैं; महाविष्णु की कृपा से मुझमें कुछ भी न्यून नहीं है।

श्लोक 52 (padma.5.17.52)

एवं मनोरथस्त्वेकस्तिष्ठते मानसे मम । परं तीर्थं मया नाद्य कृतं परमशोभने

evaṁ manorathastvekastiṣṭhate mānase mama paraṁ tīrthaṁ mayā nādya kṛtaṁ paramaśobhane

हे परमशोभने! फिर भी मेरे मन में एक ही मनोरथ स्थित है — कि मैंने अभी तक श्रेष्ठ तीर्थ नहीं किया,

श्लोक 53 (padma.5.17.53)

गर्भवासविरामाय क्षमं गोविंदशोभितम् । वृद्धो जातोऽस्म्यहं तावद्वलीपलितदेहवान्

garbhavāsavirāmāya kṣamaṁ goviṁdaśobhitam vṛddho jāto'smyahaṁ tāvadvalīpalitadehavān

जो गर्भवास को समाप्त करने में समर्थ हो, गोविंद से सुशोभित। अब तक मैं वृद्ध हो चुका हूँ, शरीर झुर्रीदार और श्वेत केशों वाला;

श्लोक 54 (padma.5.17.54)

करिष्यामि मनोहारि तीर्थसेवनमादृतः । यो नरो जन्मपर्यंतं स्वोदरस्य प्रपूरकः

kariṣyāmi manohāri tīrthasevanamādṛtaḥ yo naro janmaparyaṁtaṁ svodarasya prapūrakaḥ

अब मैं आदरपूर्वक वह मनोहर तीर्थ-सेवन करूँगा। जो मनुष्य जन्मभर केवल अपना पेट भरता रहता है,

श्लोक 55 (padma.5.17.55)

न करोति हरेः पूजां स नरो गोवृषः स्मृतः । तस्माद्गच्छामि भो भद्रे तीर्थयात्रां प्रति प्रिये

na karoti hareḥ pūjāṁ sa naro govṛṣaḥ smṛtaḥ tasmādgacchāmi bho bhadre tīrthayātrāṁ prati priye

और हरि की पूजा नहीं करता, वह मनुष्य पशुओं में बैल के समान माना जाता है। इसलिए, हे भद्रे, प्रिये! अब मैं तीर्थयात्रा को जाता हूँ,

श्लोक 56 (padma.5.17.56)

सकुटुंबः सुते न्यस्य धुरं राज्यस्य निर्भृताम् । इति व्यवस्य संध्यायां हरिं ध्यायन्निशांतरे

sakuṭuṁbaḥ sute nyasya dhuraṁ rājyasya nirbhṛtām iti vyavasya saṁdhyāyāṁ hariṁ dhyāyanniśāṁtare

अपने कुटुंब सहित, राज्य का सम्पूर्ण भार पुत्र को निश्चल रूप से सौंपकर।' ऐसा निश्चय करके, संध्या के समय रात्रि में हरि का ध्यान करते हुए —

श्लोक 57 (padma.5.17.57)

अद्राक्षीत्स्वप्नमप्येकं ब्राह्मणं तापसं वरम् । प्रातरुत्थाय राजासौ कृत्वा संध्यादिकाः क्रियाः

adrākṣītsvapnamapyekaṁ brāhmaṇaṁ tāpasaṁ varam prātarutthāya rājāsau kṛtvā saṁdhyādikāḥ kriyāḥ

उन्होंने स्वप्न में भी एक श्रेष्ठ तपस्वी ब्राह्मण को देखा। प्रातः उठकर, संध्या आदि क्रियाएँ करके वह राजा —

श्लोक 58 (padma.5.17.58)

सभां मंत्रिजनैः सार्द्धं सुखमासेदिवान्महान् । तावद्विप्रं ददर्शाथ तापसं कृशदेहिनम्

sabhāṁ maṁtrijanaiḥ sārddhaṁ sukhamāsedivānmahān tāvadvipraṁ dadarśātha tāpasaṁ kṛśadehinam

मंत्रियों सहित सभा में सुखपूर्वक विराजमान हुए; तभी उन्होंने एक कृशकाय तपस्वी विप्र को देखा,

श्लोक 59 (padma.5.17.59)

जटावल्कलकौपीनधारिणं दंडपाणिनम् । अनेकतीर्थसेवाभिः कृतपुण्यकलेवरम्

jaṭāvalkalakaupīnadhāriṇaṁ daṁḍapāṇinam anekatīrthasevābhiḥ kṛtapuṇyakalevaram

जटा, वल्कल तथा कौपीन धारण किए, हाथ में दंड लिए, अनेक तीर्थों की सेवा से पुण्य-शरीर प्राप्त किए हुए।

श्लोक 60 (padma.5.17.60)

राजा तं वीक्ष्य शिरसा प्रणनाम महाभुजः । अर्घ्यपाद्यादिकं चक्रे प्रहृष्टात्मा महीपतिः

rājā taṁ vīkṣya śirasā praṇanāma mahābhujaḥ arghyapādyādikaṁ cakre prahṛṣṭātmā mahīpatiḥ

उन्हें देखकर महाबाहु राजा ने सिर झुकाकर प्रणाम किया; हर्षित हृदय वाले उस राजा ने अर्घ्य-पाद्य आदि किए।

श्लोक 61 (padma.5.17.61)

सुखोपविष्टं विश्रांतं पप्रच्छ विदितं द्विजम् । स्वामिंस्त्वद्दर्शनान्मेऽद्य गतं देहस्य पातकम्

sukhopaviṣṭaṁ viśrāṁtaṁ papraccha viditaṁ dvijam svāmiṁstvaddarśanānme'dya gataṁ dehasya pātakam

उस विख्यात द्विज को सुखपूर्वक बैठे, विश्राम किए हुए देखकर उन्होंने पूछा — 'हे स्वामिन्! आपके दर्शन से आज मेरे शरीर का पाप दूर हो गया।

श्लोक 62 (padma.5.17.62)

महांतः कृपणान्पातुं यांति तद्गेहमादरात् । तस्मात्कथय भो विप्र वृद्धस्य मम संप्रति

mahāṁtaḥ kṛpaṇānpātuṁ yāṁti tadgehamādarāt tasmātkathaya bho vipra vṛddhasya mama saṁprati

महापुरुष आदरपूर्वक दीनों की रक्षा हेतु उनके घर तक जाते हैं; इसलिए, हे विप्रवर! मुझ वृद्ध को अब बताइए —

श्लोक 63 (padma.5.17.63)

को देवो गर्भनाशाय किं तीर्थं च क्षमं भवेत् । यूयं सर्वगताः श्रेष्ठाः समाधिध्यानतत्पराः

ko devo garbhanāśāya kiṁ tīrthaṁ ca kṣamaṁ bhavet yūyaṁ sarvagatāḥ śreṣṭhāḥ samādhidhyānatatparāḥ

गर्भ-नाश (पुनर्जन्म से मुक्ति) के लिए कौन देव और कौन तीर्थ समर्थ है? आप सर्वत्र विचरण करने वाले श्रेष्ठ, समाधि-ध्यान में तत्पर हैं,

श्लोक 64 (padma.5.17.64)

सर्वतीर्थावगाहेन कृतपुण्यात्मनोऽमलाः । यथावच्छृण्वते मह्यं श्रद्दधानाय विस्तरात्

sarvatīrthāvagāhena kṛtapuṇyātmano'malāḥ yathāvacchṛṇvate mahyaṁ śraddadhānāya vistarāt

समस्त तीर्थों में स्नान से पुण्यात्मा, निर्मल हुए हैं; श्रद्धापूर्वक सुनने वाले मुझे यथावत् विस्तार से —

श्लोक 65 (padma.5.17.65)

कथयस्व प्रसादेन सर्वतीर्थविचक्षण । ब्राह्मण उवाच। शृणु राजेंद्र वक्ष्यामि यत्पृष्टं तीर्थसेवनम्

kathayasva prasādena sarvatīrthavicakṣaṇa brāhmaṇa uvāca śṛṇu rājeṁdra vakṣyāmi yatpṛṣṭaṁ tīrthasevanam

कृपा करके बताइए, हे समस्त तीर्थों के ज्ञाता!' ब्राह्मण ने कहा — 'हे राजेंद्र! सुनिए, जो तीर्थ-सेवन आपने पूछा है, वह मैं कहूँगा।

श्लोक 66 (padma.5.17.66)

कस्य देवस्य कृपया गर्भनिर्वारणं भवेत् । सेव्यः श्रीरामचंद्रोऽसौ संसारज्वरनाशकः

kasya devasya kṛpayā garbhanirvāraṇaṁ bhavet sevyaḥ śrīrāmacaṁdro'sau saṁsārajvaranāśakaḥ

किस देव की कृपा से गर्भ-निवारण होता है? श्रीरामचंद्र ही सेव्य हैं, संसार के ज्वर का नाश करने वाले।

श्लोक 67 (padma.5.17.67)

पूज्यः स एव भगवान्पुरुषोत्तमसंज्ञकः । नाना पुर्यो मया दृष्टाः सर्वपापक्षयंकराः

pūjyaḥ sa eva bhagavānpuruṣottamasaṁjñakaḥ nānā puryo mayā dṛṣṭāḥ sarvapāpakṣayaṁkarāḥ

पुरुषोत्तम नाम वाले वे भगवान् ही पूज्य हैं। मैंने अनेक नगरियाँ देखी हैं, जो समस्त पापों का क्षय करने वाली हैं —

श्लोक 68 (padma.5.17.68)

अयोध्या सरयूस्तापी तथा द्वारं हरेः परम् । अवंती विमला कांची रेवा सागरगामिनी

ayodhyā sarayūstāpī tathā dvāraṁ hareḥ param avaṁtī vimalā kāṁcī revā sāgaragāminī

अयोध्या, सरयू, तापी, तथा हरि का श्रेष्ठ द्वार द्वारका; अवंती, निर्मल कांची, समुद्र में मिलने वाली रेवा,

श्लोक 69 (padma.5.17.69)

गोकर्णं हाटकाख्यं च हत्याकोटिविनाशनम् । मल्लिकाख्यो महाशैलो मोक्षदः पश्यतां नृणाम्

gokarṇaṁ hāṭakākhyaṁ ca hatyākoṭivināśanam mallikākhyo mahāśailo mokṣadaḥ paśyatāṁ nṛṇām

गोकर्ण, तथा हाटक नामक, करोड़ों हत्याओं का नाश करने वाला; मल्लिका नामक महाशैल, देखने वालों को मोक्ष देने वाला —

श्लोक 70 (padma.5.17.70)

यत्रांगेषु नृणां तोयं श्यामं वा निर्मलं भवेत् । पातकस्यापहारीदं मया दृष्टं तु तीर्थकम्

yatrāṁgeṣu nṛṇāṁ toyaṁ śyāmaṁ vā nirmalaṁ bhavet pātakasyāpahārīdaṁ mayā dṛṣṭaṁ tu tīrthakam

जहाँ मनुष्यों के अंगों पर जल श्याम अथवा निर्मल हो जाता है, वह पाप का अपहरण करने वाला तीर्थ मैंने देखा है।

श्लोक 71 (padma.5.17.71)

मया द्वारवती दृष्टा सुरासुर निषेविता । गोमती यत्र वहति साक्षाद्ब्रह्मजला शुभा

mayā dvāravatī dṛṣṭā surāsura niṣevitā gomatī yatra vahati sākṣādbrahmajalā śubhā

मैंने द्वारवती को देखा है, जो देव-दानवों द्वारा सेवित है, जहाँ साक्षात् ब्रह्म-जल गोमती नदी बहती है, शुभ —

श्लोक 72 (padma.5.17.72)

यत्र स्वापो लयः प्रोक्तो मृतिर्मोक्ष इति श्रुतिः । यस्यां संवसतां नॄणां न कलि प्रभवेत्क्वचित्

yatra svāpo layaḥ prokto mṛtirmokṣa iti śrutiḥ yasyāṁ saṁvasatāṁ nṝṇāṁ na kali prabhavetkvacit

जहाँ सोना ही लय कहलाता है, मृत्यु ही मोक्ष कहलाती है — ऐसा श्रुति कहती है; जहाँ रहने वाले मनुष्यों को कलियुग कभी नहीं छूता।

श्लोक 73 (padma.5.17.73)

चक्रांका यत्र पाषाणा मानवा अपि चक्रिणः । पशवः कीटपक्ष्याद्याः सर्वे चक्रशरीरिणः

cakrāṁkā yatra pāṣāṇā mānavā api cakriṇaḥ paśavaḥ kīṭapakṣyādyāḥ sarve cakraśarīriṇaḥ

जहाँ के पत्थर भी चक्र-चिह्नित हैं, मनुष्य भी चक्रधारी हैं, पशु-कीट-पक्षी आदि सभी चक्र-शरीर वाले हैं —

श्लोक 74 (padma.5.17.74)

त्रिविक्रमो वसेद्यस्यां सर्वलोकैकपालकः । सा पुरी तु महापुण्यैर्मया दृग्गोचरीकृता

trivikramo vasedyasyāṁ sarvalokaikapālakaḥ sā purī tu mahāpuṇyairmayā dṛggocarīkṛtā

जिसमें समस्त लोकों के एकमात्र पालक त्रिविक्रम निवास करते हैं — वह नगरी मैंने अपने महापुण्यों से साक्षात् देखी है।

श्लोक 75 (padma.5.17.75)

कुरुक्षेत्रं मया दृष्टं सर्वहत्यापनोदनम् । स्यमंतपंचकं यत्र महापातकनाशनम्

kurukṣetraṁ mayā dṛṣṭaṁ sarvahatyāpanodanam syamaṁtapaṁcakaṁ yatra mahāpātakanāśanam

मैंने समस्त हत्याओं का निवारण करने वाला कुरुक्षेत्र देखा है, जहाँ स्यमंतपंचक महापातकों का नाश करने वाला है;

श्लोक 76 (padma.5.17.76)

वाराणसी मया दृष्टा विश्वनाथकृतालया । यत्रोपदिशते मंत्रं तारकं ब्रह्मसंज्ञितम्

vārāṇasī mayā dṛṣṭā viśvanāthakṛtālayā yatropadiśate maṁtraṁ tārakaṁ brahmasaṁjñitam

मैंने विश्वनाथ द्वारा बनवाया गया मंदिर वाली वाराणसी देखी है, जहाँ वे ब्रह्म नामक तारक मंत्र का उपदेश देते हैं —

श्लोक 77 (padma.5.17.77)

यस्यां मृताः कीटपतंगभृंगाः पश्वादयो वा सुरयोनयो वा । स्वकर्मसंभोगसुखं विहाय गच्छंति कैलासमतीतदुःखाः

yasyāṁ mṛtāḥ kīṭapataṁgabhṛṁgāḥ paśvādayo vā surayonayo vā svakarmasaṁbhogasukhaṁ vihāya gacchaṁti kailāsamatītaduḥkhāḥ

जहाँ मरने वाले कीट-पतंग-भ्रमर, पशु आदि, अथवा देव-योनि के प्राणी भी, अपने कर्मों से प्राप्त भोग-सुख को त्यागकर दुःखरहित होकर कैलास को जाते हैं।

श्लोक 78 (padma.5.17.78)

मणिकर्णिर्यत्र तीर्थं यस्यामुत्तरवाहिनी । करोति संसृतेर्बंधच्छेदं पापकृतामपि

maṇikarṇiryatra tīrthaṁ yasyāmuttaravāhinī karoti saṁsṛterbaṁdhacchedaṁ pāpakṛtāmapi

वहाँ मणिकर्णिका तीर्थ है, जहाँ गंगा उत्तर की ओर बहती है, जो पापियों के भी संसार-बंधन को काट देती है;

श्लोक 79 (padma.5.17.79)

कपर्दिनः कुंडलिनः सर्पभूषाधरावराः । गजचर्मपरीधाना वसंति गतदुःखकाः

kapardinaḥ kuṁḍalinaḥ sarpabhūṣādharāvarāḥ gajacarmaparīdhānā vasaṁti gataduḥkhakāḥ

जटाधारी, कुंडलधारी, सर्प-आभूषण धारण करने वाले श्रेष्ठ, गजचर्म पहने हुए वहाँ दुःखरहित होकर निवास करते हैं।

श्लोक 80 (padma.5.17.80)

कालभैरवनामात्र करोति यमशासनम् । न करोति नृणां वार्तां यमो दंडधरः प्रभुः

kālabhairavanāmātra karoti yamaśāsanam na karoti nṛṇāṁ vārtāṁ yamo daṁḍadharaḥ prabhuḥ

वहाँ कालभैरव नामक यम का शासन करते हैं; वहाँ दंडधारी प्रभु यम मनुष्यों की कोई परवाह नहीं करते।

श्लोक 81 (padma.5.17.81)

एतादृशी मया दृष्टा काशी विश्वेश्वरांकिता । अनेकान्यपि तीर्थानि मया दृष्टानि भूमिप

etādṛśī mayā dṛṣṭā kāśī viśveśvarāṁkitā anekānyapi tīrthāni mayā dṛṣṭāni bhūmipa

ऐसी विश्वेश्वर से अंकित काशी मैंने देखी है; हे भूमिप! और भी अनेक तीर्थ मैंने देखे हैं।

श्लोक 82 (padma.5.17.82)

परमेकं महच्चित्रं यद्दृष्टं नीलपर्वते । पुरुषोत्तमसान्निध्ये तन्न क्वाप्यक्षिगोचरम्

paramekaṁ mahaccitraṁ yaddṛṣṭaṁ nīlaparvate puruṣottamasānnidhye tanna kvāpyakṣigocaram

किंतु एक ही महान् आश्चर्य, जो मैंने नीलगिरि पर, पुरुषोत्तम के सान्निध्य में देखा — वह अन्यत्र कहीं भी नेत्रों को दिखाई नहीं देता।'"