संन्यासी का दर्शन

श्लोक 1 (padma.5.21.1)

सुमतिरुवाच। एतन्माहात्म्यमतुलं गंडक्याः कर्णगोचरम् । कृत्वा कृतार्थमात्मानममन्यत नृपोत्तमः

sumatiruvāca etanmāhātmyamatulaṁ gaṁḍakyāḥ karṇagocaram kṛtvā kṛtārthamātmānamamanyata nṛpottamaḥ

सुमति ने कहा — गंडकी की इस अनुपम महिमा को अपने कानों से सुनकर वह श्रेष्ठ राजा अपने आपको कृतार्थ मानने लगा।

श्लोक 2 (padma.5.21.2)

स्नात्वा तीर्थे पितॄन्सर्वान्संतर्प्य जहृषे महान् । शालग्रामशिलापूजां कुर्वन्वाडववाक्यतः

snātvā tīrthe pitṝnsarvānsaṁtarpya jahṛṣe mahān śālagrāmaśilāpūjāṁ kurvanvāḍavavākyataḥ

उस तीर्थ में स्नान करके, अपने समस्त पितरों को तर्पण देकर वह महान् राजा हर्षित हुआ, ब्राह्मण के कथनानुसार शालग्राम-शिला की पूजा करते हुए।

श्लोक 3 (padma.5.21.3)

चतुर्विंशच्छिलास्तत्र गृहीत्वा स नृपोत्तमः । पूजयामास प्रेम्णा च चंदनाद्युपचारकैः

caturviṁśacchilāstatra gṛhītvā sa nṛpottamaḥ pūjayāmāsa premṇā ca caṁdanādyupacārakaiḥ

वहाँ चौबीस शिलाएँ ग्रहण करके उस श्रेष्ठ राजा ने चंदन आदि उपचारों से प्रेमपूर्वक उनकी पूजा की।

श्लोक 4 (padma.5.21.4)

तत्र दानानि दत्त्वा च दीनांधेभ्यो विशेषतः । गंतुं प्रचक्रमे राजा पुरुषोत्तममंदिरम्

tatra dānāni dattvā ca dīnāṁdhebhyo viśeṣataḥ gaṁtuṁ pracakrame rājā puruṣottamamaṁdiram

वहाँ विशेष रूप से दीन-अंधों को दान देकर राजा पुरुषोत्तम के मंदिर की ओर जाने लगे।

श्लोक 5 (padma.5.21.5)

एवं क्रमेण संप्राप्तो गंगासागरसंगमम् । कृत्वाक्षिगोचरं तं च ब्राह्मणं पृष्टवान्मुदा

evaṁ krameṇa saṁprāpto gaṁgāsāgarasaṁgamam kṛtvākṣigocaraṁ taṁ ca brāhmaṇaṁ pṛṣṭavānmudā

इस प्रकार क्रमशः वे गंगा-सागर संगम पर पहुँचे; उस ब्राह्मण को दृष्टिगोचर करके उन्होंने हर्षपूर्वक पूछा —

श्लोक 6 (padma.5.21.6)

स्वामिन्वद कियद्दूरे नीलाख्यः पर्वतो महान् । पुरुषोत्तमसंवासः सुरासुरनमस्कृतः

svāminvada kiyaddūre nīlākhyaḥ parvato mahān puruṣottamasaṁvāsaḥ surāsuranamaskṛtaḥ

'हे स्वामिन्! बताइए, देव-दानवों द्वारा नमस्कृत, पुरुषोत्तम के निवास वाला वह महान् नील नामक पर्वत कितनी दूर है?'

श्लोक 7 (padma.5.21.7)

तदा श्रुत्वा महद्वाक्यं रत्नग्रीवस्य भूपतेः । उवाच विस्मयाविष्टो राजानं प्रति सादरम्

tadā śrutvā mahadvākyaṁ ratnagrīvasya bhūpateḥ uvāca vismayāviṣṭo rājānaṁ prati sādaram

तब राजा रत्नग्रीव का यह महान् वचन सुनकर, विस्मय से भरे उस ब्राह्मण ने राजा से आदरपूर्वक कहा —

श्लोक 8 (padma.5.21.8)

राजन्नेतत्स्थलं नीलपर्वतस्य नमस्कृतम् । किमर्थं दृश्यते नैव महापुण्यफलप्रदम्

rājannetatsthalaṁ nīlaparvatasya namaskṛtam kimarthaṁ dṛśyate naiva mahāpuṇyaphalapradam

'हे राजन्! यही स्थान नीलपर्वत का नमस्कृत स्थान है — फिर यह महापुण्यफल-दायक क्यों दिखाई नहीं दे रहा?'

श्लोक 9 (padma.5.21.9)

पुनःपुनरुवाचेदं स्थलं नीलस्य भूभृतः । कथं न दृश्यते राजन्पुरुषोत्तमवासभृत्

punaḥpunaruvācedaṁ sthalaṁ nīlasya bhūbhṛtaḥ kathaṁ na dṛśyate rājanpuruṣottamavāsabhṛt

उसने बार-बार यही कहा — 'यह नील पर्वत का स्थान है — फिर, हे राजन्! पुरुषोत्तम के निवास वाला वह क्यों नहीं दिखता?

श्लोक 10 (padma.5.21.10)

अत्र स्नातं मया सम्यगत्र भिल्लाक्षिगोचराः । अनेनैव पथा राजन्नारूढं पर्वतोपरि

atra snātaṁ mayā samyagatra bhillākṣigocarāḥ anenaiva pathā rājannārūḍhaṁ parvatopari

यहीं मैंने ठीक से स्नान किया था, यहीं भील दृष्टिगोचर हुए थे; इसी मार्ग से, हे राजन्! मैं पर्वत पर चढ़ा था।'

श्लोक 11 (padma.5.21.11)

इति तद्वाक्यमाकर्ण्य विव्यथे मानसे नृपः । नीलभूधरदर्शाय कुर्वन्नुत्कंठितं मनः

iti tadvākyamākarṇya vivyathe mānase nṛpaḥ nīlabhūdharadarśāya kurvannutkaṁṭhitaṁ manaḥ

यह वचन सुनकर राजा का मन व्यथित हो उठा, नीलपर्वत के दर्शन की उत्कण्ठा से भरा मन।

श्लोक 12 (padma.5.21.12)

उवाच तत्कथं विप्र दृश्येत पुरुषोत्तमः । कथं वा दृश्यते नीलस्तदुपायं वदस्व नः

uvāca tatkathaṁ vipra dṛśyeta puruṣottamaḥ kathaṁ vā dṛśyate nīlastadupāyaṁ vadasva naḥ

उन्होंने कहा — 'तो हे विप्र! पुरुषोत्तम कैसे दिखाई देंगे? नील पर्वत कैसे दिखता है? हमें उसका उपाय बताओ।'

श्लोक 13 (padma.5.21.13)

तदा वाक्यं समाकर्ण्य रत्नग्रीवस्य भूपतेः । तापसो ब्राह्मणो वाक्यमुवाच नृप विस्मितः

tadā vākyaṁ samākarṇya ratnagrīvasya bhūpateḥ tāpaso brāhmaṇo vākyamuvāca nṛpa vismitaḥ

तब राजा रत्नग्रीव का यह वचन सुनकर, स्वयं विस्मित होकर, हे राजन्! उस तापस ब्राह्मण ने यह वचन कहा —

श्लोक 14 (padma.5.21.14)

गंगासागरसंयोगे स्नात्वास्माभिर्महीपते । स्थातव्यं तावदेवात्र यावन्नीलो न दृश्यते

gaṁgāsāgarasaṁyoge snātvāsmābhirmahīpate sthātavyaṁ tāvadevātra yāvannīlo na dṛśyate

'गंगा-सागर संगम में स्नान करके हमें यहीं तब तक रहना चाहिए, जब तक नील पर्वत दिखाई न दे।

श्लोक 15 (padma.5.21.15)

गीयते पापहा देवः पुरुषोत्तमसंज्ञितः । करिष्यते कृपामाशु भक्तवत्सलनामधृक्

gīyate pāpahā devaḥ puruṣottamasaṁjñitaḥ kariṣyate kṛpāmāśu bhaktavatsalanāmadhṛk

पुरुषोत्तम-नामधारी वह पापनाशक देव गाया जाता है; भक्तवत्सल-नामधारी वे शीघ्र ही कृपा करेंगे।

श्लोक 16 (padma.5.21.16)

त्यजत्यसौ न वै भक्तान्देवदेवशिरोमणिः । अनेके रक्षिता भक्तास्तद्गायस्व महामते

tyajatyasau na vai bhaktāndevadevaśiromaṇiḥ aneke rakṣitā bhaktāstadgāyasva mahāmate

देवाधिदेव शिरोमणि वे कभी भी अपने भक्तों को नहीं त्यागते; अनेक भक्तों की रक्षा उन्होंने की है — हे महामते! उसी का गान कीजिए।'

श्लोक 17 (padma.5.21.17)

इति वाक्यं समाकर्ण्य राजा व्यथितचेतसा । स्नात्वा गंगाब्धिसंयोगे ततोनशनमादधात्

iti vākyaṁ samākarṇya rājā vyathitacetasā snātvā gaṁgābdhisaṁyoge tatonaśanamādadhāt

यह वचन सुनकर व्यथित चित्त राजा ने गंगा-सागर संगम में स्नान करके अनशन का व्रत ले लिया।

श्लोक 18 (padma.5.21.18)

करिष्यति कृपां यर्हि दर्शने पुरुषोत्तमः । पूजां कृत्वाशनं कुर्यामन्यथानशनं व्रतम्

kariṣyati kṛpāṁ yarhi darśane puruṣottamaḥ pūjāṁ kṛtvāśanaṁ kuryāmanyathānaśanaṁ vratam

'जब पुरुषोत्तम दर्शन देकर कृपा करेंगे, तभी पूजा करके मैं भोजन करूँगा; अन्यथा अनशन ही मेरा व्रत होगा।'

श्लोक 19 (padma.5.21.19)

इति कृत्वा स नियमं गंगासागररोधसि । गायन्हरिगुणग्राममुपवासमथाचरत्

iti kṛtvā sa niyamaṁ gaṁgāsāgararodhasi gāyanhariguṇagrāmamupavāsamathācarat

ऐसा नियम लेकर वे गंगा-सागर के तट पर हरि के गुण-समूह का गान करते हुए उपवास करने लगे।

श्लोक 20 (padma.5.21.20)

राजोवाच। जय दीनदयाकरप्रभो जय दुःखापह मङ्गलाह्वय । जय भक्तजनार्तिनाशन कृतवर्ष्मञ्जयदुष्टघातक

rājovāca jaya dīnadayākaraprabho jaya duḥkhāpaha maṅgalāhvaya jaya bhaktajanārtināśana kṛtavarṣmañjayaduṣṭaghātaka

राजा ने कहा — 'जय हो, दीनों पर दया करने वाले प्रभु! जय हो, दुःखहर्ता, मंगलनामधारी! जय हो, भक्तजनों की पीड़ा का नाश करने वाले, अवतार धारण करने वाले! जय हो, दुष्टों के संहारक!

श्लोक 21 (padma.5.21.21)

अंबरीषमथ वीक्ष्य दुःखितं विप्रशापहतसर्वमङ्गलम् । धारयन्निजकरे सुदर्शनं संररक्ष जठराधिवासतः

aṁbarīṣamatha vīkṣya duḥkhitaṁ vipraśāpahatasarvamaṅgalam dhārayannijakare sudarśanaṁ saṁrarakṣa jaṭharādhivāsataḥ

अंबरीष को दुःखी देखकर, विप्र-शाप से जिनका सारा मंगल नष्ट हो गया था, अपने हाथ में सुदर्शन धारण किए आपने उसकी गर्भ-निवास से भी रक्षा की।

श्लोक 22 (padma.5.21.22)

दैत्यराज पितृकारितव्यथः शूलपाशजलवह्निपातनैः । श्रीनृसिंहतनुधारिणा त्वया रक्षितः सपदि पश्यतः पितुः

daityarāja pitṛkāritavyathaḥ śūlapāśajalavahnipātanaiḥ śrīnṛsiṁhatanudhāriṇā tvayā rakṣitaḥ sapadi paśyataḥ pituḥ

हे दैत्यराज के पिता को पीड़ा देने वाले! शूल-पाश-जल-अग्नि के प्रहारों से पीड़ित उसे, श्रीनृसिंह का शरीर धारण किए आपने पिता के देखते-देखते तुरंत बचाया।

श्लोक 23 (padma.5.21.23)

ग्राहवक्त्रपतितांघ्रिमुद्भटं वारणेंद्रमतिदुःखपीडितम् । वीक्ष्य साधुकरुणार्द्रमानसस्त्वं गरुत्मति कृतारुहक्रियः

grāhavaktrapatitāṁghrimudbhaṭaṁ vāraṇeṁdramatiduḥkhapīḍitam vīkṣya sādhukaruṇārdramānasastvaṁ garutmati kṛtāruhakriyaḥ

मगर के मुख में गिरे चरण वाले, अत्यंत दुःख से पीड़ित गजराज को देखकर, करुणा से द्रवित हृदय वाले आपने गरुड़ पर आरूढ़ होकर उसकी रक्षा की।

श्लोक 24 (padma.5.21.24)

त्यक्तपक्षिपतिरात्तचक्रको वेगकंपयुतमालिकांबरः । गीयसे सुभिरमुष्य न क्रतो मोचकः सपदि तद्विनाशकः

tyaktapakṣipatirāttacakrako vegakaṁpayutamālikāṁbaraḥ gīyase subhiramuṣya na krato mocakaḥ sapadi tadvināśakaḥ

पक्षिराज को भी छोड़कर, चक्र उठाकर, वेग से काँपते वस्त्र वाले आप उसके उद्धारकर्ता तथा उसी क्षण उस मगर के संहारक के रूप में गाए जाते हैं, हे यज्ञस्वरूप!

श्लोक 25 (padma.5.21.25)

यत्रयत्र तव सेवकार्दनं तत्र तत्र बत देहधारिणा । पाल्यते च भवता निजः प्रभो पापहारिचरितैर्मनोहरैः

yatrayatra tava sevakārdanaṁ tatra tatra bata dehadhāriṇā pālyate ca bhavatā nijaḥ prabho pāpahāricaritairmanoharaiḥ

जहाँ-जहाँ आपके सेवक को पीड़ा होती है, वहाँ-वहाँ, हे प्रभो! अहो, शरीर धारण करके आप अपने पापहारी, मनोहर चरित्रों से अपने भक्त की रक्षा करते हैं।

श्लोक 26 (padma.5.21.26)

दीननाथ सुरमौलिहीरकाघृष्टपादतल भक्तवल्लभ । पापकोटिपरिदाहक प्रभो दर्शयस्व निजदर्शनं मम

dīnanātha suramaulihīrakāghṛṣṭapādatala bhaktavallabha pāpakoṭiparidāhaka prabho darśayasva nijadarśanaṁ mama

हे दीननाथ! देवताओं के मुकुटों के हीरों से घिसे हुए चरण-तल वाले, भक्तवल्लभ! करोड़ों पापों को भस्म करने वाले प्रभो! मुझे अपना दर्शन दीजिए!

श्लोक 27 (padma.5.21.27)

पापकृद्यदि जनोयमागतो मानसे तव तथा हि दर्शय । तावका वयमघौघनाशनं विस्मृतं नहि सुरासुरार्चित

pāpakṛdyadi janoyamāgato mānase tava tathā hi darśaya tāvakā vayamaghaughanāśanaṁ vismṛtaṁ nahi surāsurārcita

यदि यह आया हुआ जन आपके मन में पापी है, तो वह भी मुझे दिखा दीजिए — हम आपके ही हैं, हे पापराशि के नाशक, देव-दानवों द्वारा पूजित! आपने हमें विस्मृत नहीं किया है!

श्लोक 28 (padma.5.21.28)

ये वदंति तव नाम निर्मलं ते तरंति सकलाघसागरम् । संस्मृतिर्यदि कृता तदा मया प्राप्यतां सकलदुःखवारक

ye vadaṁti tava nāma nirmalaṁ te taraṁti sakalāghasāgaram saṁsmṛtiryadi kṛtā tadā mayā prāpyatāṁ sakaladuḥkhavāraka

जो आपके निर्मल नाम का उच्चारण करते हैं, वे सम्पूर्ण पाप-सागर से पार हो जाते हैं; यदि मैंने आपका स्मरण किया है, तो हे समस्त दुःखों को दूर करने वाले! वह मुझे प्राप्त हो।'

श्लोक 29 (padma.5.21.29)

सुमतिरुवाच। एवं गायन्गुणान्रात्रौ दिवा वापि महीपतिः । क्षणमात्रं न विश्रांतो निद्रामाप न वै सुखम्

sumatiruvāca evaṁ gāyanguṇānrātrau divā vāpi mahīpatiḥ kṣaṇamātraṁ na viśrāṁto nidrāmāpa na vai sukham

सुमति ने कहा — इस प्रकार रात-दिन गुणों का गान करते हुए राजा क्षणभर भी विश्राम नहीं लेते थे, न ही उन्हें निद्रा या सुख प्राप्त होता था।

श्लोक 30 (padma.5.21.30)

गायन्गच्छन्गृणंस्तिष्ठन्वदत्येतदहर्निशम् । दर्शयस्व कृपानाथ स्वतनुं पुरुषोत्तम

gāyangacchangṛṇaṁstiṣṭhanvadatyetadaharniśam darśayasva kṛpānātha svatanuṁ puruṣottama

गाते हुए, चलते हुए, उच्चारण करते हुए, खड़े रहते हुए वे दिन-रात यही कहते थे — 'हे कृपानाथ पुरुषोत्तम! मुझे अपना स्वरूप दिखाइए।'

श्लोक 31 (padma.5.21.31)

एवं राज्ञः पंचदिनं गतं गंगाब्धिसंगमे । तदा कृपाब्धिः कृपया चिंतयामास गोपतिः

evaṁ rājñaḥ paṁcadinaṁ gataṁ gaṁgābdhisaṁgame tadā kṛpābdhiḥ kṛpayā ciṁtayāmāsa gopatiḥ

इस प्रकार राजा के गंगा-सागर संगम में पाँच दिन बीत गए। तब करुणासागर, गोपति ने कृपा से विचार किया —

श्लोक 32 (padma.5.21.32)

असौ राजा मदीयेन गानेन विगताघकः । पश्य तान्मामकीं प्रेष्ठां सुरासुरनमस्कृताम्

asau rājā madīyena gānena vigatāghakaḥ paśya tānmāmakīṁ preṣṭhāṁ surāsuranamaskṛtām

'यह राजा मेरे ही गुणगान से पापरहित हो चुका है; देखो, मेरी उस देव-दानवों द्वारा नमस्कृत प्रिय भूमि को —

श्लोक 33 (padma.5.21.33)

इति संचिंत्य भगवान्कृपापूरितमानसः । संन्यासिवेषमास्थाय ययौ राज्ञोंऽतिकं विभुः

iti saṁciṁtya bhagavānkṛpāpūritamānasaḥ saṁnyāsiveṣamāsthāya yayau rājñoṁ'tikaṁ vibhuḥ

उसे देखने दो।' ऐसा सोचकर, करुणा से भरे हृदय वाले भगवान् ने संन्यासी का वेष धारण करके, वे विभु राजा के निकट गए।

श्लोक 34 (padma.5.21.34)

तत्र गत्वा महाराज त्रिदंडियतिवेषधृक् । भक्तानुकंपया प्राप्तो वीक्षितस्तापसेन हि

tatra gatvā mahārāja tridaṁḍiyativeṣadhṛk bhaktānukaṁpayā prāpto vīkṣitastāpasena hi

हे महाराज! वहाँ जाकर त्रिदंडी संन्यासी का वेष धारण किए, भक्त पर अनुकंपा करके आए वे उस तापस ब्राह्मण द्वारा देखे गए।

श्लोक 35 (padma.5.21.35)

ॐनमो विष्णवेत्युक्त्वा नमश्चक्रे नृपोत्तमः । अर्घ्यपाद्यासनैः पूजां चकार हरिमानसः

oṁnamo viṣṇavetyuktvā namaścakre nṛpottamaḥ arghyapādyāsanaiḥ pūjāṁ cakāra harimānasaḥ

'ॐ नमो विष्णवे' कहकर उस श्रेष्ठ राजा ने नमस्कार किया; हरि में मन लगाए उन्होंने अर्घ्य-पाद्य-आसन से पूजा की।

श्लोक 36 (padma.5.21.36)

उवाच भाग्यमतुलं यद्भवानक्षिगोचरः । अतः परं दास्यते मे गोविंदो निजदर्शनम्

uvāca bhāgyamatulaṁ yadbhavānakṣigocaraḥ ataḥ paraṁ dāsyate me goviṁdo nijadarśanam

उन्होंने कहा — 'यह अनुपम सौभाग्य है कि आप मेरी दृष्टि में आए हैं; अब इसके बाद गोविंद अवश्य मुझे अपना दर्शन देंगे।'

श्लोक 37 (padma.5.21.37)

इति श्रुत्वा तु तद्वाक्यं संन्यासी निजगाद तम् । राजञ्छृणुष्व कथितं मम वाक्यविनिःसृतम्

iti śrutvā tu tadvākyaṁ saṁnyāsī nijagāda tam rājañchṛṇuṣva kathitaṁ mama vākyaviniḥsṛtam

यह वचन सुनकर संन्यासी ने उनसे कहा — 'हे राजन्! सुनो, जो मैं अपने ही मुख से कहता हूँ।

श्लोक 38 (padma.5.21.38)

अहं ज्ञानेन जानामि भूतं भव्यं भवच्च यत् । तस्मादहं ब्रुवे किंचिच्छृणुष्वैकाग्रमानसः

ahaṁ jñānena jānāmi bhūtaṁ bhavyaṁ bhavacca yat tasmādahaṁ bruve kiṁcicchṛṇuṣvaikāgramānasaḥ

मैं ज्ञान से भूत, भविष्य और वर्तमान जानता हूँ; इसलिए मैं कुछ कहता हूँ, एकाग्रचित्त होकर सुनो।

श्लोक 39 (padma.5.21.39)

श्वो मध्याह्ने हरिर्दाता दर्शनं ब्रह्मदुर्ल्लभम् । पंचभिः स्वजनैः साकं यास्यसे परमं पदम्

śvo madhyāhne harirdātā darśanaṁ brahmadurllabham paṁcabhiḥ svajanaiḥ sākaṁ yāsyase paramaṁ padam

कल मध्याह्न में हरि तुम्हें ब्रह्मा को भी दुर्लभ दर्शन देंगे; अपने पाँच स्वजनों सहित तुम परमपद को जाओगे।

श्लोक 40 (padma.5.21.40)

त्वममात्यश्च महिला तव तापस वाडवः । पुरे तव करंबाख्यः साधुश्च तं तु वायकः

tvamamātyaśca mahilā tava tāpasa vāḍavaḥ pure tava karaṁbākhyaḥ sādhuśca taṁ tu vāyakaḥ

तुम, तुम्हारा मंत्री, तुम्हारी पत्नी, तुम्हारा तापस ब्राह्मण, तथा तुम्हारे नगर में करंब नामक एक साधु, जो बुनकर है —

श्लोक 41 (padma.5.21.41)

एतैः पंचभिरेतस्मिन्नीले पर्वतसत्तमे । यास्यसे ब्रह्मदेवेंद्र वंदितं सुरपूजितम्

etaiḥ paṁcabhiretasminnīle parvatasattame yāsyase brahmadeveṁdra vaṁditaṁ surapūjitam

इन पाँचों के साथ तुम इस श्रेष्ठ नील पर्वत को जाओगे, जो ब्रह्मा-इंद्र द्वारा वंदित, देवताओं द्वारा पूजित है।'

श्लोक 42 (padma.5.21.42)

इत्युक्त्वाऽदृश्यतां प्राप्तो यतिः क्वापि न दृश्यते । तदाकर्ण्य नृपो हर्षं प्राप चाशु सविस्मयम्

ityuktvā'dṛśyatāṁ prāpto yatiḥ kvāpi na dṛśyate tadākarṇya nṛpo harṣaṁ prāpa cāśu savismayam

यह कहकर संन्यासी अदृश्य हो गया, कहीं दिखाई नहीं दिया। यह सुनकर राजा तुरंत हर्ष और विस्मय को प्राप्त हुआ।

श्लोक 43 (padma.5.21.43)

राजोवाच। स्वामिन्कोऽसौ समागत्य संन्यासी मां यदूचिवान् । न दृश्यते पुनः कुत्र गतोऽसौ चित्तहर्षदः

rājovāca svāminko'sau samāgatya saṁnyāsī māṁ yadūcivān na dṛśyate punaḥ kutra gato'sau cittaharṣadaḥ

राजा ने कहा — 'हे स्वामिन्! यह कौन संन्यासी आकर मुझसे यह सब कह गया? वे फिर दिखाई नहीं दे रहे, कहाँ चले गए वे, जिन्होंने मेरे चित्त को हर्षित किया?'

श्लोक 44 (padma.5.21.44)

तापस उवाच। राजंस्तव महाप्रेम्णा कृष्टचित्तः समभ्यगात् । पुरुषोत्तमनामायं सर्वपापप्रणाशनः

tāpasa uvāca rājaṁstava mahāpremṇā kṛṣṭacittaḥ samabhyagāt puruṣottamanāmāyaṁ sarvapāpapraṇāśanaḥ

तापस ने कहा — 'हे राजन्! तुम्हारे महान् प्रेम से आकृष्ट चित्त होकर वे स्वयं आए थे — यह पुरुषोत्तम नामधारी, समस्त पापों का नाश करने वाले।

श्लोक 45 (padma.5.21.45)

श्वोमध्याह्ने तव पुरो भविष्यति महान्गिरिः । तमारुह्य हरिं दृष्ट्वा कृतार्थस्त्वं भविष्यसि

śvomadhyāhne tava puro bhaviṣyati mahāngiriḥ tamāruhya hariṁ dṛṣṭvā kṛtārthastvaṁ bhaviṣyasi

कल मध्याह्न में तुम्हारे सामने एक महान् पर्वत प्रकट होगा; उस पर चढ़कर, हरि का दर्शन करके तुम कृतार्थ होओगे।'

श्लोक 46 (padma.5.21.46)

इतिवाक्यसुधापूर नाशितस्वांत संज्वरः । हर्षं यमाप स नृपो ब्रह्मापि न हि वेत्ति तम्

itivākyasudhāpūra nāśitasvāṁta saṁjvaraḥ harṣaṁ yamāpa sa nṛpo brahmāpi na hi vetti tam

इस वचनामृत की धारा से जिनका मानसिक ज्वर नष्ट हो गया था, वह राजा हर्ष को प्राप्त हुआ — जिन्हें ब्रह्मा भी पूर्णतः नहीं जानते।

श्लोक 47 (padma.5.21.47)

तदा दुंदुभयो नेदुर्वीणापणवगोमुखाः । महानंदस्तदा ह्यासीद्राजराजस्य चेतसि

tadā duṁdubhayo nedurvīṇāpaṇavagomukhāḥ mahānaṁdastadā hyāsīdrājarājasya cetasi

तब वीणा, पणव और गोमुख वाद्यों सहित दुंदुभियाँ बज उठीं; तब उस राजराज के हृदय में महान् आनंद उमड़ पड़ा।

श्लोक 48 (padma.5.21.48)

गायन्हरिं क्षणं तिष्ठन्हसञ्जल्पन्ब्रुवन्नमन् । आनंदं प्राप सुघनं सर्वसंतापनाशनम्

gāyanhariṁ kṣaṇaṁ tiṣṭhanhasañjalpanbruvannaman ānaṁdaṁ prāpa sughanaṁ sarvasaṁtāpanāśanam

हरि का गान करते, क्षणभर खड़े रहते, हँसते, बातें करते, स्तुति करते, प्रणाम करते हुए उन्होंने समस्त संताप का नाश करने वाला सघन आनंद प्राप्त किया।