लोमश-आरण्यक संवाद

श्लोक 1 (padma.5.35.1)

शेष उवाच। प्राप्य तं वाजिनं राजा शत्रुघ्नो राक्षसैर्हृतम् । अत्यंतं हर्षमापेदे पुष्कलेन समन्वितः

śeṣa uvāca prāpya taṁ vājinaṁ rājā śatrughno rākṣasairhṛtam atyaṁtaṁ harṣamāpede puṣkalena samanvitaḥ

शेष जी ने कहा — राक्षसों द्वारा हरे गए उस अश्व को प्राप्त कर राजा शत्रुघ्न पुष्कल सहित अत्यंत हर्षित हुए।

श्लोक 2 (padma.5.35.2)

रुधिरैः सिक्तगात्रास्ते योधा लक्ष्मीनिधिस्तथा । रणोत्साहेन संयुक्तं प्रशशंसुर्महानृपम्

rudhiraiḥ siktagātrāste yodhā lakṣmīnidhistathā raṇotsāhena saṁyuktaṁ praśaśaṁsurmahānṛpam

रक्त से सने अंगों वाले वे योद्धा तथा लक्ष्मीनिधि ने भी रणोत्साह से युक्त उस महाराज की प्रशंसा की।

श्लोक 3 (padma.5.35.3)

हते तस्मिन्महादैत्ये विद्युन्मालिनि दुर्जये । सुराः सर्वे भयं त्यक्त्वा सुखमापुर्मुनेमहत्

hate tasminmahādaitye vidyunmālini durjaye surāḥ sarve bhayaṁ tyaktvā sukhamāpurmunemahat

उस अजेय महादैत्य विद्युन्माली के मारे जाने पर हे मुने! समस्त देवता भय त्यागकर परम सुख को प्राप्त हुए।

श्लोक 4 (padma.5.35.4)

नद्यस्तु विमला जाता रविस्तु विमलोऽभवत् । वाता ववुः सुगंधोद सिक्ता विमलशुष्मिणः

nadyastu vimalā jātā ravistu vimalo'bhavat vātā vavuḥ sugaṁdhoda siktā vimalaśuṣmiṇaḥ

नदियाँ निर्मल हो गईं, सूर्य निर्मल हो उठा, तथा सुगंधित, स्वच्छ और सशक्त पवन बहने लगे।

श्लोक 5 (padma.5.35.5)

सन्नद्धास्ते महावीरा रथस्था विमलांगकाः । राजानमूचुस्ते सर्वे जयलक्ष्म्या समन्विताः

sannaddhāste mahāvīrā rathasthā vimalāṁgakāḥ rājānamūcuste sarve jayalakṣmyā samanvitāḥ

सन्नद्ध, रथस्थ, निर्मल अंगों वाले वे महावीर, विजय-लक्ष्मी से युक्त होकर सभी राजा से बोले।

श्लोक 6 (padma.5.35.6)

वीरा ऊचुः। दिष्ट्या हतस्त्वया दैत्यो विद्युन्माली महामते । यद्भयात्त्रासमापन्नाः सुराः स्वर्गान्निराकृताः

vīrā ūcuḥ diṣṭyā hatastvayā daityo vidyunmālī mahāmate yadbhayāttrāsamāpannāḥ surāḥ svargānnirākṛtāḥ

वीरों ने कहा — "हे महामते! सौभाग्य से आपने विद्युन्माली दैत्य का वध कर दिया, जिसके भय से भयभीत होकर देवता स्वर्ग से निकाल दिए गए थे।

श्लोक 7 (padma.5.35.7)

दिष्ट्या प्राप्तो महावाजी रघुनाथस्य शोभनः । दिष्ट्या गंतासि सर्वत्र जयं तु क्षितिमंडले

diṣṭyā prāpto mahāvājī raghunāthasya śobhanaḥ diṣṭyā gaṁtāsi sarvatra jayaṁ tu kṣitimaṁḍale

सौभाग्य से रघुनाथ का वह शोभन महाश्व पुनः प्राप्त हो गया। सौभाग्य से आप समस्त पृथ्वीमंडल में सर्वत्र विजय प्राप्त करेंगे।

श्लोक 8 (padma.5.35.8)

स्वामिन्मुंचत्विमं वाहं मनोवेगं मनोरमम् । समयस्य विलंबो मा भवत्वत्र महामते

svāminmuṁcatvimaṁ vāhaṁ manovegaṁ manoramam samayasya vilaṁbo mā bhavatvatra mahāmate

हे स्वामी! इस मन के समान वेगवान, मनोरम अश्व को छोड़ दीजिए। हे महामते! यहाँ समय का विलंब न हो।"

श्लोक 9 (padma.5.35.9)

शेष उवाच। इति श्रुत्वा तु तद्वाक्यं वीराणां समयोचितम् । साधु साधु प्रशस्यैतान्मुमोच हयसत्तमम्

śeṣa uvāca iti śrutvā tu tadvākyaṁ vīrāṇāṁ samayocitam sādhu sādhu praśasyaitānmumoca hayasattamam

शेष जी ने कहा — वीरों के अवसरोचित वे वचन सुनकर उन्होंने "साधु-साधु" कहकर उनकी प्रशंसा की और उस श्रेष्ठ अश्व को मुक्त कर दिया।

श्लोक 10 (padma.5.35.10)

स मुक्तश्चोत्तरामाशां बभ्रामाथ सुरक्षितः । रथपत्तिहयश्रेष्ठैः सर्वशस्त्रास्त्रकोविदैः

sa muktaścottarāmāśāṁ babhrāmātha surakṣitaḥ rathapattihayaśreṣṭhaiḥ sarvaśastrāstrakovidaiḥ

मुक्त हुआ वह अश्व उत्तर दिशा की ओर विचरण करने लगा, समस्त शस्त्रास्त्रों में निपुण श्रेष्ठ रथियों, पैदल सैनिकों और अश्वारोहियों द्वारा भलीभाँति सुरक्षित होकर।

श्लोक 11 (padma.5.35.11)

तत्र यद्वृत्तमेतस्य शत्रुघ्नस्य मनोहरम् । वात्स्यायन शृणुष्वैतत्पापराशिप्रदाहकम्

tatra yadvṛttametasya śatrughnasya manoharam vātsyāyana śṛṇuṣvaitatpāparāśipradāhakam

हे वात्स्यायन! अब उस स्थान पर घटित शत्रुघ्न का यह मनोहर वृत्तांत सुनो, जो पापों की राशि को भी भस्म कर देने वाला है।

श्लोक 12 (padma.5.35.12)

रेवातीरमथ प्राप्तो मुनिवृंदनिषेवितम् । नीलरत्नसमूहस्य रसः किं तु पयो मिषात्

revātīramatha prāpto munivṛṁdaniṣevitam nīlaratnasamūhasya rasaḥ kiṁ tu payo miṣāt

वह तब रेवा नदी के तट पर पहुँचा, जो मुनि-समूहों द्वारा सेवित थी — मानो नीलरत्नों के समूह का सार हो, अथवा जल के बहाने कुछ और ही हो।

श्लोक 13 (padma.5.35.13)

तांस्तान्मुनिवरान्सर्वान्प्रणमञ्छूरसेवितः । जगाम हयरत्नस्य पृष्ठतः कामगामिनः

tāṁstānmunivarānsarvānpraṇamañchūrasevitaḥ jagāma hayaratnasya pṛṣṭhataḥ kāmagāminaḥ

उन समस्त श्रेष्ठ मुनियों को प्रणाम करते हुए वीरों से सेवित वह इच्छानुसार गमन करने वाले श्रेष्ठ अश्व के पीछे-पीछे चला।

श्लोक 14 (padma.5.35.14)

गच्छंस्तत्राश्रमं जीर्णं पलाशपर्णनिर्मितम् । रेवायाजलकल्लोलैः सिक्तं पापहराश्रयम्

gacchaṁstatrāśramaṁ jīrṇaṁ palāśaparṇanirmitam revāyājalakallolaiḥ siktaṁ pāpaharāśrayam

चलते-चलते वह वहाँ एक पुराने आश्रम में पहुँचा, जो पलाश के पत्तों से बना, रेवा की जल-लहरों से सिंचित, पाप-हरणकारी आवास था।

श्लोक 15 (padma.5.35.15)

तं दृष्ट्वा सुमतिं प्राह सर्वज्ञं नयकोविदम् । शत्रुघ्नः सर्वधर्मार्थकर्मकर्तव्यकोविदः

taṁ dṛṣṭvā sumatiṁ prāha sarvajñaṁ nayakovidam śatrughnaḥ sarvadharmārthakarmakartavyakovidaḥ

उसे देखकर सर्वधर्मार्थकर्म-कर्तव्य में निपुण शत्रुघ्न ने सर्वज्ञ, नीति-निपुण सुमति से कहा।

श्लोक 16 (padma.5.35.16)

राजोवाच। मंत्रिन्कथय कस्यायमाश्रमः पुण्यदर्शनः । विचारचतुरश्रेष्ठ वदैतन्मम पृच्छतः

rājovāca maṁtrinkathaya kasyāyamāśramaḥ puṇyadarśanaḥ vicāracaturaśreṣṭha vadaitanmama pṛcchataḥ

राजा ने कहा — "हे मंत्री! बताओ, यह पुण्यदर्शन आश्रम किसका है? हे विचार-चतुरश्रेष्ठ! पूछने वाले मुझे यह बताओ।"

श्लोक 17 (padma.5.35.17)

शेष उवाच। इति वाक्यं समाकर्ण्य सुमतिः प्राह तं नृपम् । विशद स्मेरया वाचा दर्शयन्नात्मसौहृदम्

śeṣa uvāca iti vākyaṁ samākarṇya sumatiḥ prāha taṁ nṛpam viśada smerayā vācā darśayannātmasauhṛdam

शेष जी ने कहा — यह वचन सुनकर सुमति ने स्पष्ट, मुस्कुराती वाणी से अपनी आत्मीयता दर्शाते हुए राजा से कहा।

श्लोक 18 (padma.5.35.18)

सुमतिरुवाच। एनं दृष्ट्वा महाराज धूतपापा वयं खलु । भविष्यामो मुनिश्रेष्ठं सर्वशास्त्रपरायणम्

sumatiruvāca enaṁ dṛṣṭvā mahārāja dhūtapāpā vayaṁ khalu bhaviṣyāmo muniśreṣṭhaṁ sarvaśāstraparāyaṇam

सुमति ने कहा — "हे महाराज! उन्हें देखकर हम निश्चय ही पाप-रहित हो जाएँगे — वे मुनिश्रेष्ठ हैं, समस्त शास्त्रों में परायण हैं।

श्लोक 19 (padma.5.35.19)

तस्मान्नत्वा तमापृच्छ सर्वं ते कथयिष्यति । रघुनाथपदांभोजमकरंदाति लोलुपः

tasmānnatvā tamāpṛccha sarvaṁ te kathayiṣyati raghunāthapadāṁbhojamakaraṁdāti lolupaḥ

उन्हें प्रणाम करके पूछिए, वे आपको सब कुछ बता देंगे; वे रघुनाथ के चरण-कमलों के मकरंद के अत्यंत लोलुप हैं।

श्लोक 20 (padma.5.35.20)

नाम्ना त्वारण्यकं ख्यातं रघुनाथांघ्रिसेवकम् । अत्युग्रतपसा पूर्णं सर्वशास्त्रार्थकोविदम्

nāmnā tvāraṇyakaṁ khyātaṁ raghunāthāṁghrisevakam atyugratapasā pūrṇaṁ sarvaśāstrārthakovidam

वे नाम से आरण्यक के रूप में विख्यात हैं, रघुनाथ के चरणों के सेवक हैं, अत्यंत उग्र तप से परिपूर्ण तथा समस्त शास्त्रार्थ में निपुण हैं।"

श्लोक 21 (padma.5.35.21)

इति श्रुत्वा तु तद्वाक्यं धर्मार्थपरिबृंहितम् । जगाम तमथो द्रष्टुं स्वल्पसेवकसंयुतः

iti śrutvā tu tadvākyaṁ dharmārthparibṛṁhitam jagāma tamatho draṣṭuṁ svalpasevakasaṁyutaḥ

यह धर्म-अर्थ से परिपूर्ण वचन सुनकर वे उन्हें देखने के लिए अल्प सेवकों सहित वहाँ गए।

श्लोक 22 (padma.5.35.22)

हनूमान्पुष्कलो वीरः सुमतिर्मंत्रिसत्तमः । लक्ष्मीनिधिः प्रतापाग्र्यः सुबाहुः सुमदस्तथा

hanūmānpuṣkalo vīraḥ sumatirmaṁtrisattamaḥ lakṣmīnidhiḥ pratāpāgryaḥ subāhuḥ sumadastathā

हनुमान, वीर पुष्कल, मंत्रिश्रेष्ठ सुमति, लक्ष्मीनिधि, प्रतापाग्र्य, सुबाहु तथा सुमद —

श्लोक 23 (padma.5.35.23)

एतैः परिवृतो राजा शत्रुघ्नः प्रापदाश्रमम् । नमस्कर्तुं द्विजवरमारण्यकमुदारधीः

etaiḥ parivṛto rājā śatrughnaḥ prāpadāśramam namaskartuṁ dvijavaramāraṇyakamudāradhīḥ

इनसे घिरे उदार बुद्धि वाले राजा शत्रुघ्न उस श्रेष्ठ ब्राह्मण आरण्यक को प्रणाम करने हेतु आश्रम पहुँचे।

श्लोक 24 (padma.5.35.24)

गत्वा तं तापसश्रेष्ठं नमस्कारमथाकरोत् । सर्वैस्तैः सहितो वीरैर्विनयानतकंधरैः

gatvā taṁ tāpasaśreṣṭhaṁ namaskāramathākarot sarvaistaiḥ sahito vīrairvinayānatakaṁdharaiḥ

उस श्रेष्ठ तपस्वी के पास जाकर, विनय से झुकी गर्दन वाले उन सभी वीरों सहित उन्होंने उन्हें प्रणाम किया।

श्लोक 25 (padma.5.35.25)

तान्दृष्ट्वा सन्नतान्सर्वाञ्छत्रुघ्नप्रमुखान्नृपान् । अर्घ्यपाद्यादिकं चक्रे फलमूलादिभिस्तदा

tāndṛṣṭvā sannatānsarvāñchatrughnapramukhānnṛpān arghyapādyādikaṁ cakre phalamūlādibhistadā

शत्रुघ्न आदि उन सभी नत राजाओं को देखकर उन्होंने तब अर्घ्य, पाद्य आदि का विधान फल-मूल आदि सहित किया।

श्लोक 26 (padma.5.35.26)

उवाच तान्नृपान्सर्वान्भवंतः कुत्र संगताः । कथमत्र समायातास्तत्सर्वं वदतानघाः

uvāca tānnṛpānsarvānbhavaṁtaḥ kutra saṁgatāḥ kathamatra samāyātāstatsarvaṁ vadatānaghāḥ

उन्होंने उन सभी राजाओं से कहा — "आप कहाँ से एकत्र हुए हैं? यहाँ कैसे पधारे हैं? हे निष्पाप! यह सब मुझे बताइए।"

श्लोक 27 (padma.5.35.27)

तच्छ्रुत्वा वाक्यमेतस्य मुनिवर्यस्य वाडव । सुमतिः कथयामास वाक्यं वादविचक्षणः

tacchrutvā vākyametasya munivaryasya vāḍava sumatiḥ kathayāmāsa vākyaṁ vādavicakṣaṇaḥ

हे विप्र! उस श्रेष्ठ मुनि के इस वचन को सुनकर वाद-विशारद सुमति ने सारा वृत्तांत सुनाया।

श्लोक 28 (padma.5.35.28)

सुमतिरुवाच। रघुवंशनृपस्यायमश्वो वै पाल्यतेऽखिलैः । यागं करिष्यते वीरः सर्वसंभारसंभृतम्

sumatiruvāca raghuvaṁśanṛpasyāyamaśvo vai pālyate'khilaiḥ yāgaṁ kariṣyate vīraḥ sarvasaṁbhārasaṁbhṛtam

सुमति ने कहा — "यह अश्व रघुवंशी राजा का है, जिसकी हम सब रक्षा कर रहे हैं; वह वीर समस्त सामग्री से युक्त यज्ञ करेंगे।

श्लोक 29 (padma.5.35.29)

तच्छ्रुत्वा वचनं तेषां जगाद मुनिसत्तमः । दंतकांत्याखिलं घोरं तमोनिर्वारयन्निव

tacchrutvā vacanaṁ teṣāṁ jagāda munisattamaḥ daṁtakāṁtyākhilaṁ ghoraṁ tamonirvārayanniva

उनके वचन सुनकर उस मुनिश्रेष्ठ ने कहा, मानो अपने दाँतों की कांति से समस्त घोर अंधकार को दूर करते हुए।

श्लोक 30 (padma.5.35.30)

आरण्यक उवाच। किं यागैर्विविधैरन्यैः सर्वसंभारसंभृतैः । स्वल्पपुण्यप्रदैर्नूनं क्षयिष्णुपददातृभिः

āraṇyaka uvāca kiṁ yāgairvividhairanyaiḥ sarvasaṁbhārasaṁbhṛtaiḥ svalpapuṇyapradairnūnaṁ kṣayiṣṇupadadātṛbhiḥ

आरण्यक ने कहा — "समस्त सामग्री से भरे अन्य नाना यज्ञों से क्या लाभ, जो निश्चय ही अल्प पुण्य देने वाले, क्षयशील पद देने वाले हैं?

श्लोक 31 (padma.5.35.31)

मूढो लोको हरिं त्यक्त्वा करोत्यन्यसमर्चनम् । रघुवीरं रमानाथं स्थिरैश्वर्यपदप्रदम्

mūḍho loko hariṁ tyaktvā karotyanyasamarcanam raghuvīraṁ ramānāthaṁ sthiraiśvaryapadapradam

मूढ़ जनता उस रघुवीर, रमानाथ को छोड़कर, जो स्थिर ऐश्वर्य-पद प्रदान करने वाले हैं, अन्य की पूजा में लगी रहती है।

श्लोक 32 (padma.5.35.32)

यो नरैः स्मृतमात्रोपि हरते पापपर्वतम् । तं मुक्त्वा क्लिश्यते मूढो यागयोगव्रतादिभिः

yo naraiḥ smṛtamātropi harate pāpaparvatam taṁ muktvā kliśyate mūḍho yāgayogavratādibhiḥ

जिनका मनुष्यों द्वारा स्मरण मात्र भी पाप के पर्वत को हर लेता है — उन्हें छोड़कर मूढ़ यज्ञ, योग, व्रत आदि में क्लेश उठाते हैं।

श्लोक 33 (padma.5.35.33)

अहो पश्यत मूढत्वं लोकानामतिवंचितम् । सुलभं रामभजनं मुक्त्वा दुर्ल्लभमाचरेत्

aho paśyata mūḍhatvaṁ lokānāmativaṁcitam sulabhaṁ rāmabhajanaṁ muktvā durllabhamācaret

अहो! देखिए लोगों की उस मूर्खता को, जो अत्यंत छली गई है — राम-भजन जैसा सुलभ साधन छोड़कर वे दुर्लभ मार्गों का आचरण करते हैं।

श्लोक 34 (padma.5.35.34)

सकामैर्योगिभिर्वापि चिंत्यते कामवर्जितैः । अपवर्गप्रदं नॄणां स्मृतमात्राखिलाघहम्

sakāmairyogibhirvāpi ciṁtyate kāmavarjitaiḥ apavargapradaṁ nṝṇāṁ smṛtamātrākhilāghaham

वे कामनासहित तथा कामनारहित योगियों — दोनों के द्वारा चिंतित किए जाते हैं — मनुष्यों को मोक्ष प्रदान करने वाले, स्मरण मात्र से समस्त पाप हरने वाले।

श्लोक 35 (padma.5.35.35)

पुराहं तत्त्ववित्सायां ज्ञानिनं सुविचारयन् । अगमं बहुतीर्थानि तत्त्वं कोपि न मेऽदिशत्

purāhaṁ tattvavitsāyāṁ jñāninaṁ suvicārayan agamaṁ bahutīrthāni tattvaṁ kopi na me'diśat

पूर्व मैं तत्त्व-ज्ञानी बनने की कामना से किसी ज्ञानी की खोज में अनेक तीर्थों में गया; किंतु किसी ने भी मुझे तत्त्व का उपदेश नहीं दिया।

श्लोक 36 (padma.5.35.36)

तदैकं हि महद्भाग्यात्प्राप्तं वै लोमशं मुनिम् । स्वर्गलोकात्समायातं तीर्थयात्राचिकीर्षया

tadaikaṁ hi mahadbhāgyātprāptaṁ vai lomaśaṁ munim svargalokātsamāyātaṁ tīrthayātrācikīrṣayā

तभी महान् सौभाग्य से मुझे लोमश नामक एक मुनि प्राप्त हुए, जो तीर्थयात्रा करने की इच्छा से स्वर्गलोक से पधारे थे।

श्लोक 37 (padma.5.35.37)

तमहं प्रणिपत्याथ पर्यपृच्छं महामुनिम् । महायुषं महायोगिसंसेवितपदद्वयम्

tamahaṁ praṇipatyātha paryapṛcchaṁ mahāmunim mahāyuṣaṁ mahāyogisaṁsevitapadadvayam

उन महामुनि को, जो दीर्घायु तथा महायोगियों द्वारा सेवित चरण-युगल वाले थे, प्रणाम करके मैंने उनसे प्रश्न किया।

श्लोक 38 (padma.5.35.38)

स्वामिन्मयाद्य मानुष्यं प्राप्तमद्भुतदुर्ल्लभम् । संसारघोरजलधिं किं कर्तव्यं तितीर्षुणा

svāminmayādya mānuṣyaṁ prāptamadbhutadurllabham saṁsāraghorajaladhiṁ kiṁ kartavyaṁ titīrṣuṇā

"हे स्वामी! आज मैंने यह अद्भुत, दुर्लभ मानव-जन्म पाया है; संसार के भीषण समुद्र को पार करने की इच्छा रखने वाले को क्या करना चाहिए?

श्लोक 39 (padma.5.35.39)

विचार्य कथय त्वं तद्व्रतं दानं जपो मखः । देवो वा विद्यते यो वै संसृत्यंभोधितारकः

vicārya kathaya tvaṁ tadvrataṁ dānaṁ japo makhaḥ devo vā vidyate yo vai saṁsṛtyaṁbhodhitārakaḥ

विचारकर मुझे बताइए — क्या वह व्रत है, दान है, जप है, यज्ञ है, अथवा कोई ऐसा देवता है, जो संसार-सागर से पार कराने वाला हो?

श्लोक 40 (padma.5.35.40)

यज्ज्ञात्वा संसृतिं घोरां तरामि त्वत्कृपाब्धितः । तन्मे कथय योगेश सर्वशास्त्रार्थपारग

yajjñātvā saṁsṛtiṁ ghorāṁ tarāmi tvatkṛpābdhitaḥ tanme kathaya yogeśa sarvaśāstrārthapāraga

जिसे जानकर मैं आपकी कृपा के सागर से इस घोर संसार को पार कर सकूँ, वह मुझे बताइए, हे योगेश! हे समस्त शास्त्रार्थ के पारगामी!"

श्लोक 41 (padma.5.35.41)

इति मद्वाक्यमाकर्ण्य जगाद मुनिसत्तमः । शृणुष्वैकमना विप्र श्रद्धया परया युतः

iti madvākyamākarṇya jagāda munisattamaḥ śṛṇuṣvaikamanā vipra śraddhayā parayā yutaḥ

मेरे इस वचन को सुनकर उस मुनिश्रेष्ठ ने कहा — "हे विप्र! एकाग्रचित्त होकर, परम श्रद्धा से युक्त होकर सुनो।

श्लोक 42 (padma.5.35.42)

संति दानानि तीर्थानि व्रतानि नियमा यमाः । योगा यज्ञास्तथानेके वर्तंते स्वर्गदायकाः

saṁti dānāni tīrthāni vratāni niyamā yamāḥ yogā yajñāstathāneke vartaṁte svargadāyakāḥ

दान, तीर्थ, व्रत, नियम, यम तथा योग और यज्ञ आदि — ये अनेक साधन विद्यमान हैं, जो स्वर्ग प्रदान करने वाले हैं।

श्लोक 43 (padma.5.35.43)

परं गुह्यं प्रवक्ष्यामि सर्वपापप्रणाशनम् । तच्छृणुष्व महाभाग संसारांभोधितारकम्

paraṁ guhyaṁ pravakṣyāmi sarvapāpapraṇāśanam tacchṛṇuṣva mahābhāga saṁsārāṁbhodhitārakam

किंतु मैं तुम्हें एक परम गुह्य रहस्य बताऊँगा, जो समस्त पापों का नाश करने वाला है — हे महाभाग! उसे सुनो, जो संसार-सागर से पार कराने वाला है।

श्लोक 44 (padma.5.35.44)

नास्तिकाय न वक्तव्यं न चाऽश्रद्धालवे पुनः । निंदकाय शठायापि न देयं भक्तिवैरिणे

nāstikāya na vaktavyaṁ na cā'śraddhālave punaḥ niṁdakāya śaṭhāyāpi na deyaṁ bhaktivairiṇe

यह किसी नास्तिक को नहीं कहना चाहिए, न श्रद्धाहीन को; निंदक, धूर्त अथवा भक्ति के शत्रु को भी नहीं देना चाहिए।

श्लोक 45 (padma.5.35.45)

रामभक्ताय शांताय कामक्रोधवियोगिने । वक्तव्यं सर्वदुःखस्य नाशकारकमुत्तमम्

rāmabhaktāya śāṁtāya kāmakrodhaviyogine vaktavyaṁ sarvaduḥkhasya nāśakārakamuttamam

यह समस्त दुःखों का नाश करने वाला सर्वोत्तम रहस्य केवल राम-भक्त, शांत, काम-क्रोध से रहित पुरुष को ही कहना चाहिए।

श्लोक 46 (padma.5.35.46)

रामान्नास्ति परो देवो रामान्नास्ति परं व्रतम् । न हि रामात्परो योगो न हि रामात्परो मखः

rāmānnāsti paro devo rāmānnāsti paraṁ vratam na hi rāmātparo yogo na hi rāmātparo makhaḥ

राम से बढ़कर कोई देवता नहीं, राम से बढ़कर कोई व्रत नहीं; राम से बढ़कर कोई योग नहीं, राम से बढ़कर कोई यज्ञ नहीं।

श्लोक 47 (padma.5.35.47)

तं स्मृत्वा चैव जप्त्वा च पूजयित्वा नरः परम् । प्राप्नोति परमामृद्धिमैहिकामुष्मिकीं तथा

taṁ smṛtvā caiva japtvā ca pūjayitvā naraḥ param prāpnoti paramāmṛddhimaihikāmuṣmikīṁ tathā

उनका स्मरण, जप और पूजन करके मनुष्य इस लोक और परलोक दोनों की परम समृद्धि प्राप्त करता है।

श्लोक 48 (padma.5.35.48)

संस्मृतो मनसा ध्यातः सर्वकामफलप्रदः । ददाति परमां भक्तिं संसारांभोधितारिणीम्

saṁsmṛto manasā dhyātaḥ sarvakāmaphalapradaḥ dadāti paramāṁ bhaktiṁ saṁsārāṁbhodhitāriṇīm

मन से स्मरण किए गए, ध्यान किए गए वे समस्त कामनाओं के फल देने वाले हैं; वे संसार-सागर से पार कराने वाली परम भक्ति प्रदान करते हैं।

श्लोक 49 (padma.5.35.49)

श्वपाकोपि हि संस्मृत्य रामं याति परां गतिम् । ये वेदशास्त्रनिरतास्त्वादृशास्तत्र किं पुनः

śvapākopi hi saṁsmṛtya rāmaṁ yāti parāṁ gatim ye vedaśāstraniratāstvādṛśāstatra kiṁ punaḥ

राम का स्मरण कर तो एक चांडाल भी परम गति को प्राप्त होता है — फिर वेद-शास्त्रों में निरत तुम्हारे जैसों की तो बात ही क्या!

श्लोक 50 (padma.5.35.50)

सर्वेषां वेदशास्त्राणां रहस्यं ते प्रकाशितम् । समाचर तथा त्वं वै यथा स्यात्ते मनीषितम्

sarveṣāṁ vedaśāstrāṇāṁ rahasyaṁ te prakāśitam samācara tathā tvaṁ vai yathā syātte manīṣitam

समस्त वेद-शास्त्रों का यह रहस्य तुम्हें प्रकट कर दिया गया है; तुम उसी के अनुसार आचरण करो, जिससे तुम्हारा मनोरथ पूर्ण हो सके।

श्लोक 51 (padma.5.35.51)

एको देवो रामचंद्रो व्रतमेकं तदर्चनम् । मंत्रोऽप्येकश्च तन्नाम शास्त्रं तद्ध्येव तत्स्तुतिः

eko devo rāmacaṁdro vratamekaṁ tadarcanam maṁtro'pyekaśca tannāma śāstraṁ taddhyeva tatstutiḥ

एक ही देवता रामचंद्र हैं, एक ही व्रत उनकी अर्चना है, एक ही मंत्र उनका नाम है; वही एकमात्र शास्त्र है, वही स्तुति है।

श्लोक 52 (padma.5.35.52)

तस्मात्सर्वात्मना रामचंद्रं भजमनोहरम् । यथा गोष्पदवत्तुच्छो भवेत्संसारसागरः

tasmātsarvātmanā rāmacaṁdraṁ bhajamanoharam yathā goṣpadavattuccho bhavetsaṁsārasāgaraḥ

अतः तुम सर्वात्मना उन मनोहर रामचंद्र का भजन करो, जिससे संसार-सागर गाय के खुर के गड्ढे के समान तुच्छ हो जाए।"

श्लोक 53 (padma.5.35.53)

श्रुत्वा मया तु तद्वाक्यं पुनः प्रश्नमकारिषम् । कथं वा ध्यायते देवः कथं वा पूज्यते नरैः

śrutvā mayā tu tadvākyaṁ punaḥ praśnamakāriṣam kathaṁ vā dhyāyate devaḥ kathaṁ vā pūjyate naraiḥ

उनके इस वचन को सुनकर मैंने पुनः प्रश्न किया — "उस देव का ध्यान कैसे किया जाए, तथा मनुष्यों द्वारा उनकी पूजा कैसे की जाए?

श्लोक 54 (padma.5.35.54)

कथयस्व महाबुद्धे सर्वज्ञ मम विस्तरात् । यज्ज्ञात्वाहं कृतार्थः स्यां त्रिलोक्यां मुनिसत्तम

kathayasva mahābuddhe sarvajña mama vistarāt yajjñātvāhaṁ kṛtārthaḥ syāṁ trilokyāṁ munisattama

हे महाबुद्धे! हे सर्वज्ञ! हे मुनिसत्तम! मुझे विस्तार से बताइए, जिसे जानकर मैं तीनों लोकों में कृतार्थ हो सकूँ।"

श्लोक 55 (padma.5.35.55)

एतच्छ्रुत्वा तु मद्वाक्यं विचार्य स तु लोमशः । कथयामास मे सर्वं रामध्यानपुरःसरम्

etacchrutvā tu madvākyaṁ vicārya sa tu lomaśaḥ kathayāmāsa me sarvaṁ rāmadhyānapuraḥsaram

मेरा यह वचन सुनकर उन लोमश ने विचारकर मुझे राम-ध्यान से आरंभ करते हुए सब कुछ बताया।

श्लोक 56 (padma.5.35.56)

शृणु विप्रेंद्र वक्ष्यामि यत्पृष्टं तु त्वयानघ । यथा तुष्येद्रमानाथः संसारज्वरदाहकः

śṛṇu vipreṁdra vakṣyāmi yatpṛṣṭaṁ tu tvayānagha yathā tuṣyedramānāthaḥ saṁsārajvaradāhakaḥ

"हे विप्रेंद्र! हे निष्पाप! सुनो, मैं तुम्हारे पूछे हुए को बताता हूँ, जिससे संसार के ज्वर को दग्ध करने वाले रमानाथ प्रसन्न हों।

श्लोक 57 (padma.5.35.57)

अयोध्यानगरे रम्ये चित्रमंडपशोभिते । ध्यायेत्कल्पतरोर्मूले सर्वकामसमृद्धिदे

ayodhyānagare ramye citramaṁḍapaśobhite dhyāyetkalpatarormūle sarvakāmasamṛddhide

सुंदर अयोध्या नगरी में, जो अद्भुत मंडपों से सुशोभित है, समस्त कामनाओं की समृद्धि देने वाले कल्पवृक्ष के मूल में ध्यान करना चाहिए —

श्लोक 58 (padma.5.35.58)

महामरकतस्वर्णनीलरत्नादिशोभितम् । सिंहासनं चित्तहरं कांत्या तामिस्रनाशनम्

mahāmarakatasvarṇanīlaratnādiśobhitam siṁhāsanaṁ cittaharaṁ kāṁtyā tāmisranāśanam

महान् पन्ना, स्वर्ण, नीलम आदि रत्नों से सुशोभित, मन को हरने वाले, अपनी कांति से अंधकार का नाश करने वाले सिंहासन पर —

श्लोक 59 (padma.5.35.59)

तस्योपरि समासीनं रघुराजं मनोरमम् । दूर्वादलश्यामतनुं देवदेवेंद्रपूजितम्

tasyopari samāsīnaṁ raghurājaṁ manoramam dūrvādalaśyāmatanuṁ devadeveṁdrapūjitam

उस पर विराजमान, दूर्वादल के समान श्यामवर्ण शरीर वाले, देवाधिदेव इंद्र द्वारा पूजित उन मनोरम रघुराज —

श्लोक 60 (padma.5.35.60)

राकायां पूर्णशीतांशुकांतिधिक्कारिवक्त्रिणम् । अष्टमीचंद्रशकलसमभालाधिधारिणम्

rākāyāṁ pūrṇaśītāṁśukāṁtidhikkārivaktriṇam aṣṭamīcaṁdraśakalasamabhālādhidhāriṇam

जिनका मुख पूर्णिमा के पूर्ण चंद्रमा की कांति को भी लज्जित करने वाला है, जिनके ललाट पर अष्टमी के चंद्र-खंड के समान तिलक शोभित है,

श्लोक 61 (padma.5.35.61)

नीलकुंतलशोभाढ्यं किरीटमणिरंजितम् । मकराकारसौंदर्यकुंडलाभ्यां विराजितम्

nīlakuṁtalaśobhāḍhyaṁ kirīṭamaṇirañjitam makarākārasaundaryakuṁḍalābhyāṁ virājitam

नीले घुँघराले केशों से शोभित, मुकुट के मणियों से रंजित, मकराकार सौंदर्यमय कुंडलों से सुशोभित,

श्लोक 62 (padma.5.35.62)

विद्रुमच्छवि सत्कांतिरदच्छदविराजितम् । तारापतिकराकार द्विजराजि सुशोभितम्

vidrumacchavi satkāṁtiradacchadavirājitam tārāpatikarākāra dvijarāji suśobhitam

मूँगे के समान लालिमायुक्त, सुंदर कांतिवाले अधरों से सुशोभित, चंद्रमा की किरणों के समान दंतपंक्ति से सुशोभित,

श्लोक 63 (padma.5.35.63)

जपापुष्पाभया माध्व्या जिह्वया शोभिताननम् । यस्यां वसंति निगमा ऋगाद्याः शास्त्रसंयुताः

japāpuṣpābhayā mādhvyā jihvayā śobhitānanam yasyāṁ vasaṁti nigamā ṛgādyāḥ śāstrasaṁyutāḥ

जपाकुसुम के समान मधुर, तेजस्वी जिह्वा से सुशोभित मुख वाले, जिस पर ऋग्वेदादि निगम शास्त्रों सहित निवास करते हैं,

श्लोक 64 (padma.5.35.64)

कंबुकांतिधरग्रीवा शोभया समलंकृतम् । सिंहवदुच्चकौ स्कन्धौ मांसलौ बिभ्रतं वरम्

kaṁbukāṁtidharagrīvā śobhayā samalaṁkṛtam siṁhavaduccakau skandhau māṁsalau bibhrataṁ varam

शंख के समान कांतिवाली ग्रीवा से सुशोभित, सिंह के समान ऊँचे तथा मांसल श्रेष्ठ स्कंधों को धारण करने वाले,

श्लोक 65 (padma.5.35.65)

बाहू दधानं दीर्घांगौ केयूरकटकांकितौ । मुद्रिकाहीरशोभाभिर्भूषितौ जानुलंबिनौ

bāhū dadhānaṁ dīrghāṁgau keyūrakaṭakāṁkitau mudrikāhīraśobhābhirbhūṣitau jānulaṁbinau

लंबी भुजाओं को धारण करने वाले, केयूर-कटकों से चिह्नित, अंगूठियों और हीरों की शोभा से भूषित, जो घुटनों तक लंबी हैं,

श्लोक 66 (padma.5.35.66)

वक्षो दधानं विपुलं लक्ष्मीवासेन शोभितम् । श्रीवत्सादिविचित्रांकैरंकितं सुमनोहरम्

vakṣo dadhānaṁ vipulaṁ lakṣmīvāsena śobhitam śrīvatsādivicitrāṁkairaṁkitaṁ sumanoharam

विशाल वक्षस्थल को धारण करने वाले, लक्ष्मी के वास से सुशोभित, श्रीवत्स आदि विचित्र चिह्नों से अंकित, अत्यंत मनोहर,

श्लोक 67 (padma.5.35.67)

महोदरं महानाभिं शुभकट्याविराजितम् । कांच्या वै मणिमत्या च विशेषेण श्रियान्वितम्

mahodaraṁ mahānābhiṁ śubhakaṭyāvirājitam kāṁcyā vai maṇimatyā ca viśeṣeṇa śriyānvitam

विशाल उदर, गहरी नाभि, शुभ कटि से सुशोभित, मणिमय करधनी से विशेष रूप से शोभायुक्त,

श्लोक 68 (padma.5.35.68)

ऊरुभ्यां विमलाभ्यां वै जानुभ्यां शोभितं श्रिया । चरणाभ्यां वज्ररेखा यवांकुशसुरेखया

ūrubhyāṁ vimalābhyāṁ vai jānubhyāṁ śobhitaṁ śriyā caraṇābhyāṁ vajrarekhā yavāṁkuśasurekhayā

निर्मल जंघाओं और घुटनों से शोभासंपन्न, तथा वज्र, यव और अंकुश की सुरेखाओं से युक्त दोनों चरणों से युक्त,

श्लोक 69 (padma.5.35.69)

युताभ्यां योगिध्येयाभ्यां कोमलाभ्यां विराजितम् । ध्यात्वा स्मृत्वा च संसारसागरं त्वं तरिष्यसि

yutābhyāṁ yogidhyeyābhyāṁ komalābhyāṁ virājitam dhyātvā smṛtvā ca saṁsārasāgaraṁ tvaṁ tariṣyasi

योगियों द्वारा ध्यान किए जाने योग्य, कोमल चरणों से सुशोभित — इस प्रकार ध्यान और स्मरण करके तुम संसार-सागर को पार कर जाओगे।

श्लोक 70 (padma.5.35.70)

तमेव पूजयन्नित्यं चंदनादिभिरिच्छया । प्राप्नोति परमामृद्धिमैहिकामुष्मिकीं पराम्

tameva pūjayannityaṁ caṁdanādibhiricchayā prāpnoti paramāmṛddhimaihikāmuṣmikīṁ parām

उन्हीं की नित्य चंदन आदि से इच्छानुसार पूजा करते हुए मनुष्य इस लोक और परलोक दोनों की परम समृद्धि प्राप्त करता है।

श्लोक 71 (padma.5.35.71)

त्वया पृष्टं महाराज रामस्य ध्यानमुत्तमम् । तत्ते कथितमेतद्वै संसारजलधिं तर

tvayā pṛṣṭaṁ mahārāja rāmasya dhyānamuttamam tatte kathitametadvai saṁsārajaladhiṁ tara

हे महाराज! आपने जो पूछा था — राम का यह उत्तम ध्यान — वह आपको बता दिया गया; अब आप संसार-सागर को पार कीजिए।"