आरण्यक मुनि का विष्णुलोक-गमन

श्लोक 1 (padma.5.37.1)

शेष उवाच। ते पृष्टा मुनिवर्येण रामचारित्रमद्भुतम् । धन्यं सभाग्यं मन्वानाः प्रोचुरात्मानमादरात्

śeṣa uvāca te pṛṣṭā munivaryeṇa rāmacāritramadbhutam dhanyaṁ sabhāgyaṁ manvānāḥ procurātmānamādarāt

शेष जी ने कहा — श्रेष्ठ मुनि द्वारा राम के अद्भुत चरित्र के विषय में पूछे जाने पर, स्वयं को धन्य और सौभाग्यशाली मानते हुए उन्होंने आदरपूर्वक कहा।

श्लोक 2 (padma.5.37.2)

जना ऊचुः। पवित्रिता वयं सर्वे दर्शनेन तवाधुना । यद्रामकथयास्मान्वै पावयस्यधुना जनान्

janā ūcuḥ pavitritā vayaṁ sarve darśanena tavādhunā yadrāmakathayāsmānvai pāvayasyadhunā janān

लोगों ने कहा — "आपके दर्शन से हम सब अब पवित्र हो गए हैं, क्योंकि आप राम-कथा द्वारा हम लोगों को अभी पवित्र कर रहे हैं।

श्लोक 3 (padma.5.37.3)

शृणुष्व वचनं तथ्यं भवान्ब्रह्मर्षिसत्तमः । त्वया पृष्टं यदस्मभ्यं सर्वं तत्कथयाम वै

śṛṇuṣva vacanaṁ tathyaṁ bhavānbrahmarṣisattamaḥ tvayā pṛṣṭaṁ yadasmabhyaṁ sarvaṁ tatkathayāma vai

हे ब्रह्मर्षिसत्तम! हमारा यह सत्य वचन सुनिए। आपने हमसे जो पूछा, वह सब हम आपको बताते हैं।

श्लोक 4 (padma.5.37.4)

अगस्त्यवाक्याच्छ्रीरामो विप्रहत्यापनुत्तये । यागं करोति सुमहान्सर्वसंभारसंभृतम्

agastyavākyācchrīrāmo viprahatyāpanuttaye yāgaṁ karoti sumahānsarvasaṁbhārasaṁbhṛtam

अगस्त्य के वचन से श्रीराम ब्राह्मण-हत्या के पाप के निवारण हेतु समस्त सामग्री से युक्त एक अत्यंत महान् यज्ञ का अनुष्ठान कर रहे हैं।

श्लोक 5 (padma.5.37.5)

तं पालयानाः सर्वे वै त्वदाश्रममुपागताः । अश्वेन सहिता विप्र तज्जानीहि महामते

taṁ pālayānāḥ sarve vai tvadāśramamupāgatāḥ aśvena sahitā vipra tajjānīhi mahāmate

उसकी रक्षा करते हुए हम सब, हे विप्र! उस अश्व सहित आपके आश्रम में आए हैं; हे महामते! यह जान लीजिए।"

श्लोक 6 (padma.5.37.6)

इति वाक्यं समाकर्ण्य मनोहारि रसायनम् । अत्यंतं हर्षमापेदे ब्राह्मणो रामभक्तिमान्

iti vākyaṁ samākarṇya manohāri rasāyanam atyaṁtaṁ harṣamāpede brāhmaṇo rāmabhaktimān

यह वचन सुनकर, जो मानो एक मनोहारी रसायन था, राम-भक्त उस ब्राह्मण को अत्यंत हर्ष हुआ।

श्लोक 7 (padma.5.37.7)

अद्य मे फलितो वृक्षो मनोरथश्रियान्वितः । अद्य मे जननी धन्या जातं मां सुषुवे तु या

adya me phalito vṛkṣo manorathaśriyānvitaḥ adya me jananī dhanyā jātaṁ māṁ suṣuve tu yā

"आज मेरा वृक्ष फल गया, मनोरथ की शोभा से युक्त होकर; आज मेरी माता धन्य हैं, जिन्होंने मुझे जन्म दिया।

श्लोक 8 (padma.5.37.8)

अद्य राज्यं मया प्राप्तं कंटकेन विवर्जितम् । अद्य कोशाः सुसंपन्ना अद्य देवाः सुतोषिताः

adya rājyaṁ mayā prāptaṁ kaṁṭakena vivarjitam adya kośāḥ susaṁpannā adya devāḥ sutoṣitāḥ

आज मैंने कंटक-रहित राज्य प्राप्त किया; आज मेरे कोष सुसंपन्न हुए; आज देवता सुसंतुष्ट हुए;

श्लोक 9 (padma.5.37.9)

अग्निहोत्रफलं त्वद्य प्राप्तं मे हविषा हुतम् । यद्द्रक्ष्ये रामचंद्रस्य चरणांभोरुहोर्युगम्

agnihotraphalaṁ tvadya prāptaṁ me haviṣā hutam yaddrakṣye rāmacaṁdrasya caraṇāṁbhoruhoryugam

आज मुझे मेरे हवि से किए गए अग्निहोत्र का फल प्राप्त हुआ, क्योंकि मैं रामचंद्र के चरण-कमलों के युगल का दर्शन करूँगा।

श्लोक 10 (padma.5.37.10)

यो नित्यं ध्यायते स्वांते अयोध्यायाः पतिः प्रभुः । स मे दृग्गोचरो नूनं भविष्यति मनोहरः

yo nityaṁ dhyāyate svāṁte ayodhyāyāḥ patiḥ prabhuḥ sa me dṛggocaro nūnaṁ bhaviṣyati manoharaḥ

जिनका मैं नित्य अपने हृदय में ध्यान करता हूँ, वे अयोध्या के स्वामी प्रभु — वे मनोहर निश्चय ही मेरी दृष्टिगोचर होंगे।

श्लोक 11 (padma.5.37.11)

हनूमान्मां समालिंग्य प्रक्ष्यते कुशलं मम । भक्तिं मे महतीं दृष्ट्वा तोषं प्राप्स्यति सत्तमः

hanūmānmāṁ samāliṁgya prakṣyate kuśalaṁ mama bhaktiṁ me mahatīṁ dṛṣṭvā toṣaṁ prāpsyati sattamaḥ

हनुमान मुझे गले लगाकर मेरी कुशलक्षेम पूछेंगे; मेरी महती भक्ति देखकर वे सत्पुरुष संतोष प्राप्त करेंगे।"

श्लोक 12 (padma.5.37.12)

इति वाक्यं समाकर्ण्य हनूमान्कपिसत्तमः । जग्राह पादयुगलं मुनेरारण्यकस्य हि

iti vākyaṁ samākarṇya hanūmānkapisattamaḥ jagrāha pādayugalaṁ munerāraṇyakasya hi

यह वचन सुनकर वानरश्रेष्ठ हनुमान ने मुनि आरण्यक के दोनों चरण पकड़ लिए।

श्लोक 13 (padma.5.37.13)

स्वामिन्हनूमान्विप्रर्षे सेवकोऽहं पुरःस्थितः । जानीहि रामदासस्य रेणुकल्पं मुनीश्वर

svāminhanūmānviprarṣe sevako'haṁ puraḥsthitaḥ jānīhi rāmadāsasya reṇukalpaṁ munīśvara

"हे स्वामी! हे विप्रर्षे! मैं हनुमान, आपका सेवक, आपके समक्ष खड़ा हूँ; हे मुनीश्वर! मुझे राम के दास की धूलि के समान जानिए।"

श्लोक 14 (padma.5.37.14)

इत्युक्तवति तस्मिन्वै मुनिः परमहर्षितः । आलिलिंग हनूमंतं रामभक्त्या सुशोभितम्

ityuktavati tasminvai muniḥ paramaharṣitaḥ āliliṁga hanūmaṁtaṁ rāmabhaktyā suśobhitam

उसके ऐसा कहने पर परम हर्षित मुनि ने राम-भक्ति से सुशोभित हनुमान का आलिंगन किया।

श्लोक 15 (padma.5.37.15)

उभौ प्रेमविनिर्भिन्नावुभावपि सुधाप्लुतौ । स्थगितौ चित्रलिखिताविव तत्र बभूवतुः

ubhau premavinirbhinnāvubhāvapi sudhāplutau sthagitau citralikhitāviva tatra babhūvatuḥ

दोनों प्रेम से अभिभूत, दोनों अमृत में डूबे हुए, वहाँ मानो चित्रलिखित से स्तब्ध हो गए।

श्लोक 16 (padma.5.37.16)

उपविष्टौ कथास्तत्र चक्रतुः सुमनोहराः । रघुनाथपदांभोजप्रीतिनिर्भरमानसौ

upaviṣṭau kathāstatra cakratuḥ sumanoharāḥ raghunāthapadāṁbhojaprītinirbharamānasau

बैठकर उन्होंने वहाँ अत्यंत मनोहर बातें कीं, दोनों के मन रघुनाथ के चरण-कमलों की प्रीति से भरे हुए थे।

श्लोक 17 (padma.5.37.17)

हनूमांस्तमुवाचेदं वचो विविधशोभनम् । आरण्यकं मुनिवरं रामांघ्रिध्याननिर्भृतम्

hanūmāṁstamuvācedaṁ vaco vividhaśobhanam āraṇyakaṁ munivaraṁ rāmāṁghridhyānanirbhṛtam

हनुमान ने राम के चरणों के ध्यान में लीन उस श्रेष्ठ मुनि आरण्यक से यह नाना प्रकार से शोभन वचन कहा।

श्लोक 18 (padma.5.37.18)

स्वामिन्नयं दशरथकुलहीरांकुरो महान् । रामभ्राता महाशूरः शत्रुघ्नः प्रणमत्यसौ

svāminnayaṁ daśarathakulahīrāṁkuro mahān rāmabhrātā mahāśūraḥ śatrughnaḥ praṇamatyasau

"हे स्वामी! दशरथ-कुल के हीरे का यह महान् अंकुर, राम के भ्राता, महाशूर शत्रुघ्न — यह आपको प्रणाम करता है।

श्लोक 19 (padma.5.37.19)

लवणो येन निहतः सर्वलोकभयंकरः । कृताश्च सुखिनः सर्वे मुनयः सुतपोधनाः

lavaṇo yena nihataḥ sarvalokabhayaṁkaraḥ kṛtāśca sukhinaḥ sarve munayaḥ sutapodhanāḥ

जिसने लवण का, जो समस्त लोकों के लिए भयंकर था, वध किया, और तप-धन से संपन्न समस्त मुनियों को सुखी बनाया।

श्लोक 20 (padma.5.37.20)

एष पुष्कलनामा त्वां नमत्युद्भटसेवितः । येनाधुना महावीरा जिताः समरमंडले

eṣa puṣkalanāmā tvāṁ namatyudbhaṭasevitaḥ yenādhunā mahāvīrā jitāḥ samaramaṁḍale

यह पुष्कल नामक, प्रबल योद्धाओं द्वारा सेवित, आपको प्रणाम करता है — जिसने अभी-अभी समरभूमि में महावीरों को पराजित किया।

श्लोक 21 (padma.5.37.21)

जानीह्येनं बहुगुणं रामामात्यं महाबलम् । प्राणप्रियं रघुपतेः सर्वज्ञं धर्मकोविदम्

jānīhyenaṁ bahuguṇaṁ rāmāmātyaṁ mahābalam prāṇapriyaṁ raghupateḥ sarvajñaṁ dharmakovidam

इसे अनेक गुणों से युक्त, राम का मंत्री, महाबली, रघुपति को प्राणों के समान प्रिय, सर्वज्ञ, धर्मकुशल जानिए।

श्लोक 22 (padma.5.37.22)

सुबाहुरयमत्युग्रो वैरिवंशदवानलः । रामपादाब्जरोलंबो नमति त्वां महायशाः

subāhurayamatyugro vairivaṁśadavānalaḥ rāmapādābjarolaṁbo namati tvāṁ mahāyaśāḥ

यह अत्यंत उग्र सुबाहु, शत्रुवंश का दावानल, राम के चरण-कमलों का भ्रमर, अत्यंत यशस्वी — आपको प्रणाम करता है।

श्लोक 23 (padma.5.37.23)

सुमदोऽप्येष पार्वत्या दत्तरामांघ्रिसेवया । प्राप्तोऽधुनासौ संसारवार्धिनिस्तरणं महत्

sumado'pyeṣa pārvatyā dattarāmāṁghrisevayā prāpto'dhunāsau saṁsāravārdhinistaraṇaṁ mahat

यह सुमद भी, पार्वती द्वारा प्रदत्त राम के चरणों की सेवा से, अब संसार-सागर से पार होने का महान् साधन प्राप्त कर चुका है।

श्लोक 24 (padma.5.37.24)

सत्यवानयमश्वं यः प्राप्तमाश्रुत्य सेवकात् । राज्यं निवेदयामास स त्वां प्रणमति क्षितौ

satyavānayamaśvaṁ yaḥ prāptamāśrutya sevakāt rājyaṁ nivedayāmāsa sa tvāṁ praṇamati kṣitau

यह सत्यवान, अश्व के आगमन का समाचार सेवक से सुनकर अपना राज्य समर्पित कर चुका है — यह पृथ्वी पर आपको प्रणाम करता है।"

श्लोक 25 (padma.5.37.25)

इति वाक्यं समाकर्ण्य समालिंग्य समादरात् । चकारारण्यक ऋषिः स्वागतं फलकादिना

iti vākyaṁ samākarṇya samāliṁgya samādarāt cakārāraṇyaka ṛṣiḥ svāgataṁ phalakādinā

यह वचन सुनकर, आदरपूर्वक सबका आलिंगन करते हुए ऋषि आरण्यक ने फल-मूल आदि से उनका स्वागत किया।

श्लोक 26 (padma.5.37.26)

ते हृष्टास्तत्र वसतिं चक्रुर्मुनिवराश्रमे । प्रातर्नित्यक्रियां कृत्वा रेवायां ते महोद्यमाः

te hṛṣṭāstatra vasatiṁ cakrurmunivarāśrame prātarnityakriyāṁ kṛtvā revāyāṁ te mahodyamāḥ

प्रसन्न होकर उन्होंने उस श्रेष्ठ मुनि के आश्रम में निवास किया; प्रातःकाल रेवा में नित्यक्रिया करके वे महान् उद्यमी लोग —

श्लोक 27 (padma.5.37.27)

नरयानमथारोप्य सेवकैः सहितं मुनिम् । शत्रुघ्नः प्रापयामासायोध्यां रामकृतालयाम्

narayānamathāropya sevakaiḥ sahitaṁ munim śatrughnaḥ prāpayāmāsāyodhyāṁ rāmakṛtālayām

सेवकों सहित मुनि को नरयान पर आरूढ़ करके शत्रुघ्न ने उन्हें राम द्वारा निर्मित उस अयोध्या नगरी में पहुँचाया।

श्लोक 28 (padma.5.37.28)

स दूरान्नगरीं दृष्ट्वा सूर्यवंशनृपोषिताम् । पदातिरभवद्वेगाद्रघुनाथदिदृक्षया

sa dūrānnagarīṁ dṛṣṭvā sūryavaṁśanṛpoṣitām padātirabhavadvegādraghunāthadidṛkṣayā

सूर्यवंशी राजाओं द्वारा बसाई उस नगरी को दूर से देखकर, रघुनाथ के दर्शन की लालसा से वे शीघ्रता से पैदल चलने लगे।

श्लोक 29 (padma.5.37.29)

संप्राप्य नगरीं रम्यामयोध्यां जनशोभिताम् । मनोरथसहस्रेण संरूढो रामदर्शने

saṁprāpya nagarīṁ ramyāmayodhyāṁ janaśobhitām manorathasahasreṇa saṁrūḍho rāmadarśane

जनशोभित रमणीय अयोध्या नगरी में पहुँचकर वे मानो हज़ारों मनोरथों पर आरूढ़ होकर राम-दर्शन की ओर बढ़े।

श्लोक 30 (padma.5.37.30)

ददर्श तत्र सरयूतीरे मंडपशोभिते । रामं दूर्वादलश्यामं कंजकांतिविलोचनम्

dadarśa tatra sarayūtīre maṁḍapaśobhite rāmaṁ dūrvādalaśyāmaṁ kaṁjakāṁtivilocanam

वहाँ सरयू के तट पर, मंडप से सुशोभित स्थान में, उन्होंने दूर्वादल के समान श्यामवर्ण, कमल-सम नेत्रों वाले राम को देखा,

श्लोक 31 (padma.5.37.31)

मृगशृंगं कटौ रम्यं धारयंतं श्रियान्वितम् । ऋषिवृंदैर्व्यासमुख्यैर्वृतं शूरैः सुसेवितम्

mṛgaśṛṁgaṁ kaṭau ramyaṁ dhārayaṁtaṁ śriyānvitam ṛṣivṛṁdairvyāsamukhyairvṛtaṁ śūraiḥ susevitam

कटि में रमणीय मृगशृंग धारण किए, शोभासंपन्न, व्यास आदि ऋषि-समूहों से घिरे, वीरों द्वारा भलीभाँति सेवित,

श्लोक 32 (padma.5.37.32)

भरतेन सुमित्रायास्तनूजेन परीवृतम् । ददतं दीनसंधेभ्यो दानानि प्रार्थितानि तम्

bharatena sumitrāyāstanūjena parīvṛtam dadataṁ dīnasaṁdhebhyo dānāni prārthitāni tam

भरत तथा सुमित्रा के पुत्र से घिरे, दीनों तथा याचकों को माँगे हुए दान देते हुए उन राम को —

श्लोक 33 (padma.5.37.33)

विलोक्यारण्यकाख्योऽसौ कृतार्थ इत्यमन्यत । मल्लोचने पद्मदलसमाने रामलोकके

vilokyāraṇyakākhyo'sau kṛtārtha ityamanyata mallocane padmadalasamāne rāmaloke

— देखकर वह आरण्यक नामक ऋषि स्वयं को कृतार्थ मानने लगा — "राम के उस कमल-दल-सम रूप को देखने में मेरे नेत्र —

श्लोक 34 (padma.5.37.34)

अद्य मे सर्वशास्त्रस्य ज्ञातृत्वं बहुसार्थकम् । येन श्रीराममाज्ञाय प्राप्तोऽयोध्यापुरीमिमाम्

adya me sarvaśāstrasya jñātṛtvaṁ bahusārthakam yena śrīrāmamājñāya prāpto'yodhyāpurīmimām

आज मेरे समस्त शास्त्रों के ज्ञान की सार्थकता सिद्ध हुई, क्योंकि श्रीराम को पहचानकर मैं इस अयोध्या नगरी को प्राप्त हुआ।"

श्लोक 35 (padma.5.37.35)

इत्येवमादिवचनानि बहूनि हृष्टो रामांघ्रिदर्शनसुहर्षित गात्रशोभी । प्रायाद्रमेश्वरसमीपमगम्यमन्यै- र्योगेश्वरैरपि विचारपरैः सुदूरम्

ityevamādivacanāni bahūni hṛṣṭo rāmāṁghridarśanasuharṣita gātraśobhī prāyādrameśvarasamīpamagamyamanyaiḥ yogeśvarairapi vicāraparaiḥ sudūram

ऐसे अनेक वचन कहते हुए, हर्षित, राम के चरण-दर्शन के आनंद से देदीप्यमान अंगों वाले वे रमेश्वर के समीप गए — जो स्थान अन्य विचारशील योगेश्वरों के लिए भी दूर से भी अगम्य था।

श्लोक 36 (padma.5.37.36)

धन्योऽहमद्य रामस्य चरणावक्षिगोचरौ । करिष्यामि वचो रम्यं वदन्राममवेक्षयन्

dhanyo'hamadya rāmasya caraṇāvakṣigocarau kariṣyāmi vaco ramyaṁ vadanrāmamavekṣayan

"आज मैं धन्य हूँ, कि राम के दोनों चरण मेरी दृष्टि के गोचर हुए" — यह मनोहर वचन कहते हुए, राम को निहारते हुए —

श्लोक 37 (padma.5.37.37)

रामोऽपि वाडवश्रेष्ठं ज्वलंतं स्वेन तेजसा । तपोमूर्तिधरं वीक्ष्य प्रत्युत्थानमथाकरोत्

rāmo'pi vāḍavaśreṣṭhaṁ jvalaṁtaṁ svena tejasā tapomūrtidharaṁ vīkṣya pratyutthānamathākarot

राम ने भी उस श्रेष्ठ ब्राह्मण को, जो अपने ही तेज से प्रज्वलित, तप की साक्षात् मूर्ति के समान था, देखकर तत्क्षण उठकर उनका सत्कार किया।

श्लोक 38 (padma.5.37.38)

रामचंद्रस्तस्य पादौ सुचिरं नतवान्महान् । ब्रह्मण्यदेवपावित्र्यं कृतमद्यतनोर्मम

rāmacaṁdrastasya pādau suciraṁ natavānmahān brahmaṇyadevapāvitryaṁ kṛtamadyatanormama

उस महान् रामचंद्र ने दीर्घकाल तक उनके चरणों में नमन किया — "हे ब्राह्मण-हितैषी देव! आज आपने मेरे इस शरीर को पवित्र कर दिया।"

श्लोक 39 (padma.5.37.39)

इति वाक्यं वदंस्तस्य पादयोः पतितः प्रभुः । सुरासुरनमन्मौलिमणिनीराजितांघ्रिकः

iti vākyaṁ vadaṁstasya pādayoḥ patitaḥ prabhuḥ surāsuranamanmaulimaṇinīrājitāṁghrikaḥ

यह वचन कहते हुए, जिनके चरण देवताओं और असुरों के झुके हुए मुकुट-मणियों से आरती किए जाते हैं, वे प्रभु उनके चरणों में गिर पड़े।

श्लोक 40 (padma.5.37.40)

प्रणतं तं नृपश्रेष्ठं वाडवेंद्रो महातपाः । गृहीत्वा भुजयोर्मध्यमालिलिंग प्रियं प्रभुम्

praṇataṁ taṁ nṛpaśreṣṭhaṁ vāḍaveṁdro mahātapāḥ gṛhītvā bhujayormadhyamāliṁga priyaṁ prabhum

महातपस्वी ब्राह्मणश्रेष्ठ ने उस प्रणत नृपश्रेष्ठ को अपनी दोनों भुजाओं के मध्य लेकर अपने प्रिय प्रभु का आलिंगन किया।

श्लोक 41 (padma.5.37.41)

कौसल्यातनयस्तं वा उच्चैर्मणिमयासने । संस्थाप्य च पदोर्युग्मं जलेनाक्षालयत्प्रभुः

kausalyātanayastaṁ vā uccairmaṇimayāsane saṁsthāpya ca padoryugmaṁ jalenākṣālayatprabhuḥ

कौसल्या-नंदन प्रभु ने उन्हें एक ऊँचे मणिमय आसन पर बिठाकर उनके दोनों चरणों को जल से धो दिया।

श्लोक 42 (padma.5.37.42)

पादावनेजनोदं तु मस्तकेऽधाद्धरिः स्वयम् । पवित्रितोऽद्य सगणः सकुटुंब इति ब्रुवन्

pādāvanejanodaṁ tu mastake'dhāddhariḥ svayam pavitrito'dya sagaṇaḥ sakuṭuṁba iti bruvan

उन चरण-प्रक्षालन के जल को हरि ने स्वयं अपने मस्तक पर धारण किया, यह कहते हुए — "आज मैं अपने गण और कुटुंब सहित पवित्र हो गया।"

श्लोक 43 (padma.5.37.43)

चंदनेन विलिप्याथ गां च प्रादात्पयस्विनीम् । उवाच च वचो रम्यं देवदेवेंद्र सेवितः

caṁdanena vilipyātha gāṁ ca prādātpayasvinīm uvāca ca vaco ramyaṁ devadeveṁdra sevitaḥ

फिर चंदन से लेप करके उन्हें एक दुधारू गौ प्रदान की, तथा देवाधिदेव द्वारा सेवित उन्होंने मनोहर वचन कहे।

श्लोक 44 (padma.5.37.44)

स्वामिन्मखो मया वाजिमेधसंज्ञः क्रियेत ह । सोयं त्वच्चरणा यातादद्यपूर्णो भविष्यति

svāminmakho mayā vājimedhasaṁjñaḥ kriyeta ha soyaṁ tvaccaraṇā yātādadyapūrṇo bhaviṣyati

"हे स्वामी! मेरे द्वारा किया जा रहा वह वाजिमेध यज्ञ — वह आज आपके चरणों के आगमन से पूर्ण होगा।

श्लोक 45 (padma.5.37.45)

अद्य मे ब्रह्महत्योत्थ पापहानिं करिष्यति । अश्वमेधः क्रतुर्युष्मच्चरणेन पवित्रितः

adya me brahmahatyottha pāpahāniṁ kariṣyati aśvamedhaḥ kraturyuṣmaccaraṇena pavitritaḥ

आज आपके चरण से पवित्र हुआ यह अश्वमेध यज्ञ मेरे ब्रह्महत्या से उत्पन्न पाप का नाश करेगा।"

श्लोक 46 (padma.5.37.46)

इति वाक्यं ब्रुवाणं तं राजराजेंद्रसेवितम् । आरण्यक उवाचेदं हसन्माध्व्या गिरा मुनिः

iti vākyaṁ bruvāṇaṁ taṁ rājarājeṁdrasevitam āraṇyaka uvācedaṁ hasanmādhvyā girā muniḥ

राजाओं के राजा द्वारा सेवित, ऐसा कहते हुए उन राम से मुनि आरण्यक ने मुस्कुराते हुए मधुर वाणी में यह कहा।

श्लोक 47 (padma.5.37.47)

स्वामिंस्तव तु युक्तं हि वचो ब्रह्मण्यभूमिप । त्वन्मूर्तयो महाराज ब्राह्मणा वेदपारगाः

svāmiṁstava tu yuktaṁ hi vaco brahmaṇyabhūmipa tvanmūrtayo mahārāja brāhmaṇā vedapāragāḥ

"हे स्वामी! हे ब्राह्मण-हितैषी भूमिप! आपका यह वचन उचित है; हे महाराज! वेद-पारंगत ब्राह्मण आपकी ही मूर्तियाँ हैं।

श्लोक 48 (padma.5.37.48)

त्वं यदा ब्रह्मपूजादि शुभं कर्म करिष्यसि । ततोऽखिला नृपा विप्रं पूजयिष्यंति भूमिप

tvaṁ yadā brahmapūjādi śubhaṁ karma kariṣyasi tato'khilā nṛpā vipraṁ pūjayiṣyaṁti bhūmipa

जब आप ब्राह्मण-पूजा आदि शुभ कर्म करेंगे, तब हे भूमिप! समस्त राजा ब्राह्मणों की पूजा करेंगे।

श्लोक 49 (padma.5.37.49)

त्वयोक्तं यन्महाराज विप्रहत्यापनुत्तये । यागं करोमि विमलं तत्तु हास्यकरं वचः

tvayoktaṁ yanmahārāja viprahatyāpanuttaye yāgaṁ karomi vimalaṁ tattu hāsyakaraṁ vacaḥ

किंतु हे महाराज! आपने जो कहा कि मैं यह विमल यज्ञ ब्राह्मण-हत्या के निवारण हेतु कर रहा हूँ — यह तो हास्यजनक वचन है।

श्लोक 50 (padma.5.37.50)

त्वन्नामस्मरणान्मूढः सर्वशास्त्रविवर्जितः । सर्वपापाब्धिमुत्तीर्य स गच्छेत्परमं पदम्

tvannāmasmaraṇānmūḍhaḥ sarvaśāstravivarjitaḥ sarvapāpābdhimuttīrya sa gacchetparamaṁ padam

आपके नाम-स्मरण मात्र से मूर्ख, समस्त शास्त्रों से रहित व्यक्ति भी समस्त पापों के सागर को पार कर परम पद को प्राप्त हो जाता है।

श्लोक 51 (padma.5.37.51)

सर्ववेदेतिहासानां सारार्थोऽयमिति स्फुटम् । यद्रामनामस्मरणं क्रियते पापतारकम्

sarvavedetihāsānāṁ sārārtho'yamiti sphuṭam yadrāmanāmasmaraṇaṁ kriyate pāpatārakam

यह स्पष्टतः समस्त वेदों तथा इतिहासों का सार-तत्त्व है, कि राम-नाम का स्मरण, जो पाप से पार कराने वाला है, किया जाए।

श्लोक 52 (padma.5.37.52)

तावद्गर्जंति पापानि ब्रह्महत्यासमानि च । न यावत्प्रोच्यते नाम रामचंद्र तव स्फुटम्

tāvadgarjaṁti pāpāni brahmahatyāsamāni ca na yāvatprocyate nāma rāmacaṁdra tava sphuṭam

पाप, ब्रह्महत्या के समान पाप भी, तभी तक गरजते रहते हैं, जब तक हे रामचंद्र! आपका नाम स्पष्ट रूप से उच्चारित नहीं किया जाता।

श्लोक 53 (padma.5.37.53)

त्वन्नामगर्जनं श्रुत्वा महापातककुंजराः । पलायंते महाराज कुत्रचित्स्थानलिप्सया

tvannāmagarjanaṁ śrutvā mahāpātakakuṁjarāḥ palāyaṁte mahārāja kutracitsthānalipsayā

आपके नाम की गर्जना सुनकर महापाप-रूपी हाथी, हे महाराज! कहीं और स्थान पाने की लालसा से भाग खड़े होते हैं।

श्लोक 54 (padma.5.37.54)

तस्मात्तव कथं हत्या महापुण्यददर्शन । राम त्वत्सुकथां श्रुत्वा पूतः सद्यो भविष्यति

tasmāttava kathaṁ hatyā mahāpuṇyadadarśana rāma tvatsukathāṁ śrutvā pūtaḥ sadyo bhaviṣyati

अतः हे महापुण्यद-दर्शन! आपको हत्या का पाप कैसे लग सकता है? हे राम! आपकी सुंदर कथा को सुनकर मनुष्य तत्काल पवित्र हो जाता है।

श्लोक 55 (padma.5.37.55)

मया पूर्वं कृतयुगे गंगायास्तीरवासिनाम् । ऋषीणां मुखतो वाक्यं श्रुतमेतत्पुराविदाम्

mayā pūrvaṁ kṛtayuge gaṁgāyāstīravāsinām ṛṣīṇāṁ mukhato vākyaṁ śrutametatpurāvidām

पूर्वकाल में, कृतयुग में, गंगातट-निवासी, प्राचीन ज्ञान के ज्ञाता ऋषियों के मुख से मैंने यह वचन सुना था —

श्लोक 56 (padma.5.37.56)

तावत्पापभियः पुंसां कातराणां सुपापिनाम् । यावन्न वदते वाचा रामनाममनोहरम्

tāvatpāpabhiyaḥ puṁsāṁ kātarāṇāṁ supāpinām yāvanna vadate vācā rāmanāmamanoharam

कि पापों का भय कायर, महापापी मनुष्यों को तभी तक रहता है, जब तक उनकी वाणी राम के उस मनोहर नाम का उच्चारण नहीं करती।

श्लोक 57 (padma.5.37.57)

तस्माद्धन्योऽहमधुना मम संसृतिनाशनम् । सांप्रतं सुलभं रामचंद्र त्वद्दर्शनादभूत्

tasmāddhanyo'hamadhunā mama saṁsṛtināśanam sāṁprataṁ sulabhaṁ rāmacaṁdra tvaddarśanādabhūt

अतः मैं अब धन्य हूँ — हे रामचंद्र! आपके दर्शन से मेरे संसार-चक्र का नाश अब सुलभ हो गया।"

श्लोक 58 (padma.5.37.58)

इत्युक्तवंतं स मुनिं पूजयामास तत्र वै । सर्वे मुनिजनाः साधु साधु वाक्यमिति ब्रुवन्

ityuktavaṁtaṁ sa muniṁ pūjayāmāsa tatra vai sarve munijanāḥ sādhu sādhu vākyamiti bruvan

इस प्रकार कहने वाले उस मुनि की उन्होंने वहाँ पूजा की; तथा समस्त मुनिजन "साधु-साधु, यह वचन उत्तम है" कहने लगे।

श्लोक 59 (padma.5.37.59)

शेष उवाच। अत्याश्चर्यमभूत्तत्र तन्मे निगदतः शृणु । वात्स्यायनमुनिश्रेष्ठ रामभक्तिपरायण

śeṣa uvāca atyāścaryamabhūttatra tanme nigadataḥ śṛṇu vātsyāyanamuniśreṣṭha rāmabhaktiparāyaṇa

शेष जी ने कहा — वहाँ एक अत्यंत आश्चर्यजनक घटना घटी — हे वात्स्यायन मुनिश्रेष्ठ! हे राम-भक्तिपरायण! मुझे कहते हुए सुनो।

श्लोक 60 (padma.5.37.60)

रामं दृष्ट्वा महाराजं यादृशं ध्यानगोचरम् । अत्यंतं हर्षमापन्नो जगाद स मुनीश्वरान्

rāmaṁ dṛṣṭvā mahārājaṁ yādṛśaṁ dhyānagocaram atyaṁtaṁ harṣamāpanno jagāda sa munīśvarān

महाराज राम को, जैसा उसने ध्यान में देखा था ठीक वैसा ही देखकर, वे मुनीश्वर अत्यंत हर्षित होकर अन्य मुनियों से बोले।

श्लोक 61 (padma.5.37.61)

मुनीश्वराः संशृणुत मद्वाक्यं सुमनोहरम् । मादृशः को न भूलोके भविष्यति सुभाग्यवान्

munīśvarāḥ saṁśṛṇuta madvākyaṁ sumanoharam mādṛśaḥ ko na bhūloke bhaviṣyati subhāgyavān

"हे मुनीश्वरो! मेरा यह अत्यंत मनोहर वचन सुनो — इस पृथ्वीलोक पर मेरे जैसा सौभाग्यशाली और कौन होगा?

श्लोक 62 (padma.5.37.62)

नास्ति मत्सदृशः कोपि न जातो न भविष्यति । यद्रामभद्रो मां नत्वा स्वागतं परिपृष्टवान्

nāsti matsadṛśaḥ kopi na jāto na bhaviṣyati yadrāmabhadro māṁ natvā svāgataṁ paripṛṣṭavān

मेरे समान कोई न हुआ है, न होगा — क्योंकि स्वयं रामभद्र ने मुझे प्रणाम करके मेरा कुशल-क्षेम पूछा।

श्लोक 63 (padma.5.37.63)

यत्पादपंकजरजः श्रुतिमृग्यं सदैव हि । सोऽद्य मत्पादयोः पाथः पीत्वा पूतममन्यत

yatpādapaṁkajarajaḥ śrutimṛgyaṁ sadaiva hi so'dya matpādayoḥ pāthaḥ pītvā pūtamamanyata

जिनके चरण-कमलों की रज को वेद भी सदा खोजते हैं — उन्होंने ही आज मेरे चरणों का जल पीकर स्वयं को पवित्र माना।"

श्लोक 64 (padma.5.37.64)

एवं प्रवदतस्तस्य ब्रह्मस्फोटोऽभवत्तदा । निर्गतं तद्भवं तेजो विवेश रघुनायके

evaṁ pravadatastasya brahmasphoṭo'bhavattadā nirgataṁ tadbhavaṁ tejo viveśa raghunāyake

इस प्रकार बोलते हुए ही उन्हें तब ब्रह्म-स्फोट प्राप्त हो गया; उससे उत्पन्न तेज रघुनायक में समा गया।

श्लोक 65 (padma.5.37.65)

पश्यतां सर्वलोकानां सरयूतीरमंडपे । सायुज्यमुक्तिं संप्राप दुर्ल्लभां योगिभिर्जनैः

paśyatāṁ sarvalokānāṁ sarayūtīramaṁḍape sāyujyamuktiṁ saṁprāpa durllabhāṁ yogibhirjanaiḥ

सरयू के तट पर स्थित मंडप में, समस्त लोगों के देखते-देखते, वे योगियों द्वारा भी दुर्लभ सायुज्य-मुक्ति को प्राप्त हो गए।

श्लोक 66 (padma.5.37.66)

दिवि तूर्यनिनादोऽभूद्वीणानादोऽभवत्तदा । पुष्पवृष्टिः पपाताग्रे पश्यतां चित्रमद्भुतम्

divi tūryaninādo'bhūdvīṇānādo'bhavattadā puṣpavṛṣṭiḥ papātāgre paśyatāṁ citramadbhutam

आकाश में तुरही की ध्वनि गूँज उठी, वीणा का नाद भी हुआ; सबके देखते-देखते सामने पुष्पवृष्टि हुई — एक अद्भुत, आश्चर्यजनक दृश्य।

श्लोक 67 (padma.5.37.67)

मुनयोऽप्येतदीक्षित्वा प्रशंसंतो मुनीश्वरम् । कृतार्थोयं मुनिश्रेष्ठो यद्रामवपुषीक्षितः

munayo'pyetadīkṣitvā praśaṁsaṁto munīśvaram kṛtārthoyaṁ muniśreṣṭho yadrāmavapuṣīkṣitaḥ

यह देखकर मुनिगण भी उस मुनीश्वर की प्रशंसा करते हुए कहने लगे — "यह मुनिश्रेष्ठ कृतार्थ हुआ, कि यह राम के ही शरीर में समा गया।"