सुरथ और दूत का संवाद

श्लोक 1 (padma.5.50.1)

शेष उवाच। अथ रामानुजो वेगात्समागत्य स्वसेवकान् । पप्रच्छ कुत्र वाहोऽसौ याज्ञिकः सुमनोहरः

śeṣa uvāca atha rāmānujo vegātsamāgatya svasevakān papraccha kutra vāho'sau yājñikaḥ sumanoharaḥ

शेष जी ने कहा — तब राम के अनुज ने वेगपूर्वक आकर अपने सेवकों से पूछा — वह अत्यंत मनोहर यज्ञीय अश्व कहाँ है?

श्लोक 2 (padma.5.50.2)

तदा ते वचनं प्रोचुः शत्रुघ्नं सुमहाबलाः । न जानीमो भटाः केचिद्धयं नीत्वा गताः पुरे

tadā te vacanaṁ procuḥ śatrughnaṁ sumahābalāḥ na jānīmo bhaṭāḥ keciddhayaṁ nītvā gatāḥ pure

तब उन अत्यंत बलवान् सेवकों ने शत्रुघ्न से यह कहा — हम नहीं जानते, हे वीरो! कुछ योद्धा अश्व को नगर में ले गए हैं।

श्लोक 3 (padma.5.50.3)

वयं च धिक्कृताः सर्वे बलिभी राजसेवकैः । अत्र प्रमाणं भगवानिति कर्तव्य तां प्रति

vayaṁ ca dhikkṛtāḥ sarve balibhī rājasevakaiḥ atra pramāṇaṁ bhagavāniti kartavya tāṁ prati

हम सब उस राजा के बलशाली सेवकों द्वारा धिक्कारे गए — यहाँ भगवान् ही प्रमाण हैं, ऐसा कहकर उन्होंने हमारे प्रति यह आचरण किया।

श्लोक 4 (padma.5.50.4)

तच्छ्रुत्वा वचनं तेषां शत्रुघ्नः कुपितो भृशम् । दशन्रोषात्स्वदशनाञ्जिह्वया लेलिहन्मुहुः

tacchrutvā vacanaṁ teṣāṁ śatrughnaḥ kupito bhṛśam daśanroṣātsvadaśanāñjihvayā lelihanmuhuḥ

उनका यह वचन सुनकर शत्रुघ्न अत्यंत क्रुद्ध हो उठे, क्रोधवश अपने दाँत पीसते हुए बार-बार जिह्वा से उन्हें चाटने लगे।

श्लोक 5 (padma.5.50.5)

उवाच वीरो मद्वाहं हृत्वा कुत्र गमिष्यसि । इदानीं पातये बाणैः पुरंजनसमन्वितम्

uvāca vīro madvāhaṁ hṛtvā kutra gamiṣyasi idānīṁ pātaye bāṇaiḥ puraṁjanasamanvitam

उस वीर ने कहा — मेरे अश्व को चुराकर तुम कहाँ जाओगे? अब मैं तुम्हें अपने नगर सहित बाणों से गिरा दूँगा।

श्लोक 6 (padma.5.50.6)

इत्युक्त्वा सुमतिं प्राह कस्येदं पुटभेदनम् । को वर्ततेऽस्याधिपतिर्यो मे वाहमजीहरत्

ityuktvā sumatiṁ prāha kasyedaṁ puṭabhedanam ko vartate'syādhipatiryo me vāhamajīharat

यह कहकर उन्होंने सुमति से कहा — यह नगर किसका है? इसका स्वामी कौन है, जिसने मेरे अश्व को चुराया है?

श्लोक 7 (padma.5.50.7)

शेष उवाच। इति वाक्यं समाकर्ण्य भूपतेः कोपसंयुतम् । जगाद मंत्री सुगिरा स्फुटाक्षरसमन्वितम्

śeṣa uvāca iti vākyaṁ samākarṇya bhūpateḥ kopasaṁyutam jagāda maṁtrī sugirā sphuṭākṣarasamanvitam

शेष जी ने कहा — राजा के इस क्रोधयुक्त वचन को सुनकर मंत्री ने सुंदर वाणी में स्पष्ट शब्दों में कहा —

श्लोक 8 (padma.5.50.8)

विद्धीदं कुंडलं नाम नगरं सुमनोहरम् । अस्मिन्वसति धर्मात्मा सुरथः क्षत्त्रियो बली

viddhīdaṁ kuṁḍalaṁ nāma nagaraṁ sumanoharam asminvasati dharmātmā surathaḥ kṣattriyo balī

इसे कुंडल नामक अत्यंत मनोहर नगर जानिए; यहाँ धर्मात्मा क्षत्रिय सुरथ निवास करते हैं, जो बलवान् हैं।

श्लोक 9 (padma.5.50.9)

नित्यं धर्मपरो रामचरणद्वंद्वसेवकः । मनसा कर्मणा वाचा हनूमानिव सेवकः

nityaṁ dharmaparo rāmacaraṇadvaṁdvasevakaḥ manasā karmaṇā vācā hanūmāniva sevakaḥ

वे सदा धर्मपरायण, राम के दोनों चरणों के सेवक हैं, मन-वचन-कर्म से हनुमान के समान ही सेवक हैं।

श्लोक 10 (padma.5.50.10)

चरितान्यस्य शतशो वर्तंते धर्मकारिणः । महाबलपरीवारः सुरथः सर्वशोभनः

caritānyasya śataśo vartaṁte dharmakāriṇaḥ mahābalaparīvāraḥ surathaḥ sarvaśobhanaḥ

उनके धर्मपूर्ण चरित्र सैकड़ों बार कहे जाते हैं; महाबली सेना से घिरे सुरथ सर्वप्रकार से सुशोभित हैं।

श्लोक 11 (padma.5.50.11)

महद्युद्धं भवेदत्र हृतश्चेद्वाहसत्तमः । अनेके प्रपतिष्यंति वीरा रणविशारदाः

mahadyuddhaṁ bhavedatra hṛtaścedvāhasattamaḥ aneke prapatiṣyaṁti vīrā raṇaviśāradāḥ

यदि उस श्रेष्ठ अश्व को बलपूर्वक लिया गया तो यहाँ महायुद्ध होगा; युद्धकुशल अनेक वीर गिरेंगे।

श्लोक 12 (padma.5.50.12)

एवमुक्तं समाश्रुत्य शत्रुघ्नः सचिवं प्रति । उवाच पुनरप्येवं वचनं वदतां वरः

evamuktaṁ samāśrutya śatrughnaḥ sacivaṁ prati uvāca punarapyevaṁ vacanaṁ vadatāṁ varaḥ

यह सुनकर वक्ताओं में श्रेष्ठ शत्रुघ्न ने मंत्री से पुनः यह वचन कहा —

श्लोक 13 (padma.5.50.13)

शत्रुघ्न उवाच। कथमत्र प्रकर्तव्यं रामाश्वोऽनेन चेद्धृतः । नायाति योद्धुं प्रबलं कटकं वीरसेवितम्

śatrughna uvāca kathamatra prakartavyaṁ rāmāśvo'nena ceddhṛtaḥ nāyāti yoddhuṁ prabalaṁ kaṭakaṁ vīrasevitam

शत्रुघ्न ने कहा — यदि उसने राम के अश्व को ले लिया है और वह वीरसेवित इस प्रबल सेना से युद्ध करने नहीं आता, तो यहाँ क्या करना चाहिए?

श्लोक 14 (padma.5.50.14)

सुमतिरुवाच। दूतः प्रेष्यो महाराज राजानं प्रति वाग्मिकः । यद्वाक्येन समायाति बलेन बलिनां वरः

sumatiruvāca dūtaḥ preṣyo mahārāja rājānaṁ prati vāgmikaḥ yadvākyena samāyāti balena balināṁ varaḥ

सुमति ने कहा — हे महाराज! उस राजा के पास एक वाक्पटु दूत भेजा जाना चाहिए; जिसके वचन से बलवानों में श्रेष्ठ वह सेना सहित आ जाए —

श्लोक 15 (padma.5.50.15)

नोचेदज्ञानतो वाहो धृतः केनापि मानिना । अर्पयिष्यति नः साधुमश्वं क्रतुवरं शुभम्

nocedajñānato vāho dhṛtaḥ kenāpi māninā arpayiṣyati naḥ sādhumaśvaṁ kratuvaraṁ śubham

— अथवा यदि किसी अभिमानी ने अनजाने में अश्व ग्रहण कर लिया हो, तो वह उस श्रेष्ठ, यज्ञ के लिए उत्तम, शुभ अश्व को हमें सौंप देगा।

श्लोक 16 (padma.5.50.16)

इति श्रुत्वातु तद्वाक्यं शत्रुघ्नो बुद्धिमान्बली । अंगदं प्रत्युवाचेदं वचनं विनयान्वितम्

iti śrutvātu tadvākyaṁ śatrughno buddhimānbalī aṁgadaṁ pratyuvācedaṁ vacanaṁ vinayānvitam

यह वचन सुनकर बुद्धिमान् बलवान् शत्रुघ्न ने अंगद से विनयपूर्ण वचन कहा —

श्लोक 17 (padma.5.50.17)

शत्रुघ्न उवाच। याहि त्वं निकटस्थे वै सुरथस्य महापुरे । दूतत्वेन ततो गत्वा प्रब्रूहि नृपतिं प्रति

śatrughna uvāca yāhi tvaṁ nikaṭasthe vai surathasya mahāpure dūtatvena tato gatvā prabrūhi nṛpatiṁ prati

शत्रुघ्न ने कहा — तुम समीप स्थित सुरथ की उस महान् नगरी में जाओ; वहाँ दूत के रूप में जाकर राजा से कहो —

श्लोक 18 (padma.5.50.18)

त्वया धृतो रामवाहो ज्ञानतोऽज्ञानतोपि वा । अर्पयतु न वा यातु प्रधनं वीरसंयुतम्

tvayā dhṛto rāmavāho jñānato'jñānatopi vā arpayatu na vā yātu pradhanaṁ vīrasaṁyutam

— चाहे तुमने राम के अश्व को जानते हुए लिया हो या अनजाने में, उसे अर्पित करो — अथवा वीरों सहित युद्ध के लिए आओ।

श्लोक 19 (padma.5.50.19)

रामस्य दौत्यं लंकायां रावणं प्रति यत्कृतम् । तथैव कुरु भूयिष्ठ बलसंयुतबुद्धिमन्

rāmasya dautyaṁ laṁkāyāṁ rāvaṇaṁ prati yatkṛtam tathaiva kuru bhūyiṣṭha balasaṁyutabuddhiman

राम ने लंका में रावण के प्रति जो दौत्य-कर्म किया था — हे बुद्धिमान् बलशाली! वैसा ही यहाँ भी करो।

श्लोक 20 (padma.5.50.20)

शेष उवाच। एतच्छ्रुत्वांगदो वीर ओमिति प्रोच्य भूमिपम् । जगाम संसदो मध्ये वीरश्रेणिसमन्विते

śeṣa uvāca etacchrutvāṁgado vīra omiti procya bhūmipam jagāma saṁsado madhye vīraśreṇisamanvite

शेष जी ने कहा — यह सुनकर वीर अंगद ने राजा से ऐसा ही होगा कहकर, वीरों की पंक्तियों से भरी उस सभा के मध्य में प्रवेश किया।

श्लोक 21 (padma.5.50.21)

ददर्श सुरथं भूपं तुलसीमंजरीधरम् । रामभद्रं रसनया ब्रुवंतं सेवकान्निजान्

dadarśa surathaṁ bhūpaṁ tulasīmaṁjarīdharam rāmabhadraṁ rasanayā bruvaṁtaṁ sevakānnijān

उन्होंने तुलसी की माला धारण किए हुए राजा सुरथ को देखा, जो अपने सेवकों को अपनी वाणी से रामभद्र की कथा सुना रहे थे।

श्लोक 22 (padma.5.50.22)

राजापि दृष्ट्वा प्लवगं मनोहरवपुर्धरम् । शत्रुघ्नदूतं मत्वापि वालिजं प्रत्यभाषत

rājāpi dṛṣṭvā plavagaṁ manoharavapurdharam śatrughnadūtaṁ matvāpi vālijaṁ pratyabhāṣata

राजा ने भी उस मनोहर देहधारी वानर को देखकर, उसे शत्रुघ्न का दूत जानकर, वालिपुत्र से बात की।

श्लोक 23 (padma.5.50.23)

सुरथ उवाच। प्लवगाधिप कस्मात्त्वमागतोऽत्र कथं भवान् । ब्रूहि मे कारणं सर्वं यथा ज्ञात्वा करोमि तत्

suratha uvāca plavagādhipa kasmāttvamāgato'tra kathaṁ bhavān brūhi me kāraṇaṁ sarvaṁ yathā jñātvā karomi tat

सुरथ ने कहा — हे कपिराज! आप कहाँ से यहाँ आए हैं और कैसे आए हैं? मुझे पूरा कारण बताइए, जिससे उसे जानकर मैं तदनुसार कार्य करूँ।

श्लोक 24 (padma.5.50.24)

शेष उवाच। इति संभाषमाणं तं प्रत्युवाच कपीश्वरः । विस्मयंश्चेतसि भृशं रामसेवाकरं नृपम्

śeṣa uvāca iti saṁbhāṣamāṇaṁ taṁ pratyuvāca kapīśvaraḥ vismayaṁścetasi bhṛśaṁ rāmasevākaraṁ nṛpam

शेष जी ने कहा — इस प्रकार कहते हुए उस राजा से, जो राम-सेवा में इतना तत्पर था, हृदय में अत्यंत विस्मित होकर कपीश्वर ने कहा —

श्लोक 25 (padma.5.50.25)

जानीहि मां नृपश्रेष्ठ वालिपुत्रं हरीश्वरम् । शत्रुघ्नेन च दूतत्वे प्रेषितो भवतोंऽतिकम्

jānīhi māṁ nṛpaśreṣṭha vāliputraṁ harīśvaram śatrughnena ca dūtatve preṣito bhavatoṁ'tikam

हे नृपश्रेष्ठ! मुझे वालि-पुत्र, वानर-राज जानिए; शत्रुघ्न द्वारा दूत बनाकर आपके समीप भेजा गया हूँ।

श्लोक 26 (padma.5.50.26)

सेवकैः कैश्चिदागत्य धृतोऽश्वो मम सांप्रतम् । अज्ञानतो महान्याय्यं कुर्वद्भिः सहसा नृप

sevakaiḥ kaiścidāgatya dhṛto'śvo mama sāṁpratam ajñānato mahānyāyyaṁ kurvadbhiḥ sahasā nṛpa

आपके कुछ सेवकों ने आकर अभी-अभी मेरे अश्व को ले लिया है, हे राजन्! अनजाने में ही यह बड़ा अन्याय कर दिया है।

श्लोक 27 (padma.5.50.27)

तमश्वं सह राज्येन सहपुत्रैर्मुदान्वितः । शत्रुघ्नं याहि चरणे पतित्वाशु प्रदेहि च

tamaśvaṁ saha rājyena sahaputrairmudānvitaḥ śatrughnaṁ yāhi caraṇe patitvāśu pradehi ca

राज्य और पुत्रों सहित, हर्षपूर्वक शत्रुघ्न के चरणों में गिरकर तुरंत वह अश्व दे दो।

श्लोक 28 (padma.5.50.28)

नोचेच्छत्रुघ्ननिर्मुक्तनाराचैः क्षतविग्रहः । पृथ्वीतलमलं कुर्वञ्छयिष्यसि विशीर्षकः

nocecchatrughnanirmuktanārācaiḥ kṣatavigrahaḥ pṛthvītalamalaṁ kurvañchayiṣyasi viśīrṣakaḥ

अन्यथा शत्रुघ्न द्वारा छोड़े गए बाणों से घायल शरीर के साथ तुम शिरहीन होकर पृथ्वीतल पर पड़े रहोगे।

श्लोक 29 (padma.5.50.29)

येन लंकापतिर्नाशं प्रापितो लीलया क्षणात् । तस्याश्वं यागयोग्यं तु हृत्वा कुत्र गमिष्यसि

yena laṁkāpatirnāśaṁ prāpito līlayā kṣaṇāt tasyāśvaṁ yāgayogyaṁ tu hṛtvā kutra gamiṣyasi

जिन्होंने लंकापति को लीलामात्र में क्षणभर में नाश कर दिया — उन्हीं के यज्ञ-योग्य अश्व को चुराकर तुम कहाँ जाओगे?

श्लोक 30 (padma.5.50.30)

शेष उवाच। इत्यादिभाषमाणं तं प्रत्युवाच महीश्वरः । सर्वं तथ्यं ब्रवीषि त्वं नानृतं तव भाषितम्

śeṣa uvāca ityādibhāṣamāṇaṁ taṁ pratyuvāca mahīśvaraḥ sarvaṁ tathyaṁ bravīṣi tvaṁ nānṛtaṁ tava bhāṣitam

शेष जी ने कहा — इस प्रकार कहते हुए उससे राजा ने कहा — तुम जो कुछ कहते हो सब सत्य है; तुम्हारे कथन में कोई असत्य नहीं है।

श्लोक 31 (padma.5.50.31)

परं शृणुष्व मद्वाक्यं शत्रुघ्नपदसेवक । मया धृतो महानश्वो रामचंद्रस्य धीमतः

paraṁ śṛṇuṣva madvākyaṁ śatrughnapadasevaka mayā dhṛto mahānaśvo rāmacaṁdrasya dhīmataḥ

परंतु हे शत्रुघ्न-चरण-सेवक! मेरा भी वचन सुनो: मैंने बुद्धिमान् रामचंद्र के उस महान् अश्व को ग्रहण किया है —

श्लोक 32 (padma.5.50.32)

न मोक्ष्ये सर्वथा वाहं शत्रुघ्नादिभयादहम् । चेद्रामः स्वयमागत्य दर्शनं दास्यते मम

na mokṣye sarvathā vāhaṁ śatrughnādibhayādaham cedrāmaḥ svayamāgatya darśanaṁ dāsyate mama

— और मैं शत्रुघ्न आदि के भय से किसी भी प्रकार उस अश्व को नहीं छोड़ूँगा, जब तक स्वयं राम आकर मुझे अपना दर्शन नहीं देते।

श्लोक 33 (padma.5.50.33)

तदाहं चरणौ नत्वा दास्यामि सुतसंयुतः । सर्वं राज्यं कुटुंबं च धनं धान्यं बलं बहु

tadāhaṁ caraṇau natvā dāsyāmi sutasaṁyutaḥ sarvaṁ rājyaṁ kuṭuṁbaṁ ca dhanaṁ dhānyaṁ balaṁ bahu

तब उनके चरणों में प्रणाम करके मैं अपने पुत्रों सहित संपूर्ण राज्य, कुटुंब, धन, धान्य तथा अपना समस्त बल अर्पित कर दूँगा।

श्लोक 34 (padma.5.50.34)

क्षत्त्रियाणामयं धर्मः स्वामिनापि विरुद्ध्यते। धर्मेण युद्धं तत्रापि रामदर्शनमिच्छता

kṣattriyāṇāmayaṁ dharmaḥ svāmināpi viruddhyate dharmeṇa yuddhaṁ tatrāpi rāmadarśanamicchatā

यह क्षत्रियों का धर्म है — यह स्वामी के विरुद्ध भी लागू होता है; और वहाँ भी, राम-दर्शन की इच्छा रखने वाला व्यक्ति धर्मपूर्वक युद्ध करता है।

श्लोक 35 (padma.5.50.35)

शत्रुघ्नादीन्प्रवीरांस्तानधुनाहं क्षणादपि । जित्वा बध्नामि मद्गेहे नोचेद्रामः समाव्रजेत्

śatrughnādīnpravīrāṁstānadhunāhaṁ kṣaṇādapi jitvā badhnāmi madgehe nocedrāmaḥ samāvrajet

शत्रुघ्न आदि उन महावीरों को मैं अभी क्षणभर में जीतकर अपने ही घर में बाँध दूँगा, जब तक स्वयं राम प्रकट न हों।

श्लोक 36 (padma.5.50.36)

शेष उवाच। इति श्रुत्वांगदो धीमाञ्जहास नृपतिं तदा । उवाच च महद्वाक्यं महाधैर्यसमन्वितम्

śeṣa uvāca iti śrutvāṁgado dhīmāñjahāsa nṛpatiṁ tadā uvāca ca mahadvākyaṁ mahādhairyasamanvitam

शेष जी ने कहा — यह सुनकर बुद्धिमान् अंगद उस राजा पर हँस पड़े, और महाधैर्य से युक्त एक महान् वचन कहा —

श्लोक 37 (padma.5.50.37)

अंगद उवाच। बुद्धिहीनः प्रवदसि वृद्धत्वात्सागता तव । यत्त्वं शत्रुघ्ननृपतिं धिक्करोषि धिया बली

aṁgada uvāca buddhihīnaḥ pravadasi vṛddhatvātsāgatā tava yattvaṁ śatrughnanṛpatiṁ dhikkaroṣi dhiyā balī

अंगद ने कहा — तुम बिना बुद्धि के बोल रहे हो, यह वृद्धावस्था से आई है, कि इस प्रकार सोचकर, बलवान् होते हुए भी, तुम राजा शत्रुघ्न की निंदा करते हो।

श्लोक 38 (padma.5.50.38)

यो मांधातृरिपुं दैत्यं लवणं लीलयावधीत् । येनानेके जिताः संख्ये वैरिणः प्रबलोद्धताः

yo māṁdhātṛripuṁ daityaṁ lavaṇaṁ līlayāvadhīt yenāneke jitāḥ saṁkhye vairiṇaḥ prabaloddhatāḥ

जिन्होंने मांधाता के शत्रु दैत्य लवण को लीलामात्र में मार डाला; जिनके द्वारा युद्ध में अनेक प्रबल और उद्धत शत्रु जीते गए;

श्लोक 39 (padma.5.50.39)

विद्युन्माली हतो येन राक्षसः कामगे स्थितः । त्वं तं बध्नासि वीरेंद्रं मतिहीनः प्रभासि मे

vidyunmālī hato yena rākṣasaḥ kāmage sthitaḥ tvaṁ taṁ badhnāsi vīreṁdraṁ matihīnaḥ prabhāsi me

— जिनके द्वारा इच्छानुसार गतिशील राक्षस विद्युन्माली मारा गया — उस वीरेंद्र को तुम बाँधोगे! तुम मुझे बुद्धिहीन प्रतीत होते हो।

श्लोक 40 (padma.5.50.40)

भ्रातृजो यस्य सुबली पुष्कलः परमास्त्रवित् । येन रुद्रगणः संख्ये वीरभद्रः सुतोषितः

bhrātṛjo yasya subalī puṣkalaḥ paramāstravit yena rudragaṇaḥ saṁkhye vīrabhadraḥ sutoṣitaḥ

उनके अनुज-पुत्र, महाबली पुष्कल, परमास्त्रवेत्ता; जिनके द्वारा युद्ध में रुद्रगण वीरभद्र भलीभाँति संतुष्ट हुए —

श्लोक 41 (padma.5.50.41)

वर्णयामि किमेतस्य पराक्रांतिं बलोर्जिताम् । येन नास्ति समः पृथ्व्यां बलेन यशसा श्रिया

varṇayāmi kimetasya parākrāṁtiṁ balorjitām yena nāsti samaḥ pṛthvyāṁ balena yaśasā śriyā

— उनके बल-संपन्न पराक्रम का मैं क्या वर्णन करूँ? पृथ्वी पर बल, यश और श्री में उनके समान कोई नहीं है।

श्लोक 42 (padma.5.50.42)

हनूमान्यस्य निकटे रघुनाथपदाब्जधीः । यस्यानेकानि कर्माणि भविष्यंति श्रुतानि ते

hanūmānyasya nikaṭe raghunāthapadābjadhīḥ yasyānekāni karmāṇi bhaviṣyaṁti śrutāni te

राघुनाथ के चरण-कमलों में मन लगाए हनुमान उनके समीप ही खड़े रहते हैं; उनके अनेक कार्य अभी तुम्हें सुनने को मिलेंगे।

श्लोक 43 (padma.5.50.43)

सत्रिकूटा राक्षसपूर्दग्धा येन क्षणाद्बलात् । अक्षो येन हतः पुत्रो राक्षसेंद्रस्य दुर्मतेः

satrikūṭā rākṣasapūrdagdhā yena kṣaṇādbalāt akṣo yena hataḥ putro rākṣaseṁdrasya durmateḥ

जिनके द्वारा त्रिकूट सहित राक्षस-नगरी बलपूर्वक क्षणभर में जला दी गई; जिनके द्वारा उस दुर्बुद्धि राक्षसराज के पुत्र अक्ष का वध किया गया —

श्लोक 44 (padma.5.50.44)

द्रोणोनाम गिरिर्येन पुच्छाग्रेण सदैवतः । आनीतो जीवनार्थं तु सैनिकानां मुहुर्मुहुः

droṇonāma giriryena pucchāgreṇa sadaivataḥ ānīto jīvanārthaṁ tu sainikānāṁ muhurmuhuḥ

— जिनके द्वारा द्रोण नामक पर्वत, अपने देवताओं सहित, सैनिकों के प्राणों के लिए बार-बार अपनी पूँछ के अग्रभाग से लाया गया।

श्लोक 45 (padma.5.50.45)

जानाति रामश्चारित्रं नान्यो जानाति मूढधीः । यं कपींद्रं मनाक्स्वान्तान्न विस्मरति सेवकम्

jānāti rāmaścāritraṁ nānyo jānāti mūḍhadhīḥ yaṁ kapīṁdraṁ manāksvāntānna vismarati sevakam

उसका चरित्र राम ही जानते हैं; कोई अन्य मूढ़बुद्धि नहीं जानता — उस कपींद्र को वे क्षणभर भी अपने हृदय से नहीं भुलाते, अपने सेवक के रूप में।

श्लोक 46 (padma.5.50.46)

सुग्रीवाद्याः कपींद्रा ये पृथ्वीं सर्वां ग्रसंति ये । ते शत्रुघ्नं नृपं सर्वे सेवंते प्रेक्षणोत्सुकाः

sugrīvādyāḥ kapīṁdrā ye pṛthvīṁ sarvāṁ grasaṁti ye te śatrughnaṁ nṛpaṁ sarve sevaṁte prekṣaṇotsukāḥ

सुग्रीव आदि जो वानरराज संपूर्ण पृथ्वी को घेर सकते हैं — वे सभी राजा शत्रुघ्न की सेवा उनके दर्शन की उत्सुकता से करते हैं।

श्लोक 47 (padma.5.50.47)

कुशध्वजो नीलरत्नो रिपुतापो महास्त्रवित् । प्रतापाग्र्यः सुबाहुश्च विमलः सुमदस्तथा

kuśadhvajo nīlaratno riputāpo mahāstravit pratāpāgryaḥ subāhuśca vimalaḥ sumadastathā

कुशध्वज, नीलरत्न, महाशस्त्रवेत्ता रिपुताप; प्रतापाग्र्य, सुबाहु, विमल तथा सुमद भी;

श्लोक 48 (padma.5.50.48)

राजा वीरमणिः सत्ययुतो रामस्य सेवकः । एतेऽन्येपि नृपा भूमेः पतयः पर्युपासते

rājā vīramaṇiḥ satyayuto rāmasya sevakaḥ ete'nyepi nṛpā bhūmeḥ patayaḥ paryupāsate

— राजा वीरमणि, सत्ययुक्त, राम के सेवक — ये तथा अन्य राजा, पृथ्वी के स्वामी, उनकी सेवा में उपस्थित रहते हैं।

श्लोक 49 (padma.5.50.49)

तत्र त्वं वीर जलधौ मशकः को भवानिति । तज्ज्ञात्वा गच्छ शत्रुघ्नं कृपालुं पुत्रकैर्युतः

tatra tvaṁ vīra jaladhau maśakaḥ ko bhavāniti tajjñātvā gaccha śatrughnaṁ kṛpāluṁ putrakairyutaḥ

वहाँ, हे वीर! तुम उस समुद्र के समक्ष किस मच्छर के समान हो? यह जानकर पुत्रों सहित कृपालु शत्रुघ्न के पास जाओ।

श्लोक 50 (padma.5.50.50)

वाहं समर्प्य गंतासि रामं राजीवलोचनम् । दृष्ट्वा कृतार्थी कुरुषे स्वांगानि जनुषा सह

vāhaṁ samarpya gaṁtāsi rāmaṁ rājīvalocanam dṛṣṭvā kṛtārthī kuruṣe svāṁgāni januṣā saha

अश्व अर्पित करके तुम राम के दर्शन करोगे, जो कमल-नेत्र वाले हैं; उनके दर्शन से तुम अपने शरीर तथा जन्म को भी सफल कर लोगे।

श्लोक 51 (padma.5.50.51)

शेष उवाच। राजा प्रोवाच तं दूतं प्रब्रुवंतमनेकधा । एतान्दर्शयसि क्षिप्रं सर्वे न ममगोचराः

śeṣa uvāca rājā provāca taṁ dūtaṁ prabruvaṁtamanekadhā etāndarśayasi kṣipraṁ sarve na mamagocarāḥ

शेष जी ने कहा — इस प्रकार अनेक ढंग से कहते हुए उस दूत से राजा ने कहा — तुम मुझे यह सब शीघ्रता से दिखाते हो — परंतु यह सब मेरी पहुँच से बाहर नहीं है।

श्लोक 52 (padma.5.50.52)

यादृशं मद्बलं दूत तादृशं न हनूमतः । यो रामं पृष्ठतः कृत्वा प्रागाद्यागस्य पालने

yādṛśaṁ madbalaṁ dūta tādṛśaṁ na hanūmataḥ yo rāmaṁ pṛṣṭhataḥ kṛtvā prāgādyāgasya pālane

हे दूत! मेरा जो बल है वह हनुमान से कम नहीं — जिन्होंने राम को पीछे करके यज्ञ की रक्षा में आगे प्रस्थान किया था।

श्लोक 53 (padma.5.50.53)

यद्यहं मनसा वाचा कर्मणा कुतुकान्वितः । भजामि रामं तर्ह्याशु दर्शयिष्यति स्वां तनुम्

yadyahaṁ manasā vācā karmaṇā kutukānvitaḥ bhajāmi rāmaṁ tarhyāśu darśayiṣyati svāṁ tanum

यदि मैं मन, वचन और कर्म से, उत्सुक भक्ति से युक्त होकर राम की उपासना करता हूँ — तो वे शीघ्र ही मुझे अपना स्वरूप दिखाएँगे।

श्लोक 54 (padma.5.50.54)

अन्यथा हनुमन्मुख्या वीरा बध्नंतु मां बलात् । गृह्णंतु वाहं तरसा रामभक्तिसमन्विताः

anyathā hanumanmukhyā vīrā badhnaṁtu māṁ balāt gṛhṇaṁtu vāhaṁ tarasā rāmabhaktisamanvitāḥ

अन्यथा हनुमान आदि प्रमुख वीर मुझे बलपूर्वक बाँध लें; राम-भक्ति से युक्त वे शीघ्र अश्व को ग्रहण कर लें।

श्लोक 55 (padma.5.50.55)

गच्छ त्वं नृप शत्रुघ्नं कथयस्व ममोदितम् । सज्जीभवंतु सुभटा एष यामि रणे बली

gaccha tvaṁ nṛpa śatrughnaṁ kathayasva mamoditam sajjībhavaṁtu subhaṭā eṣa yāmi raṇe balī

जाओ, हे राजन्! शत्रुघ्न से जाकर मेरा यह कथन कह दो: उनके श्रेष्ठ योद्धा सन्नद्ध हो जाएँ — मैं भी बलपूर्वक उस युद्ध में जाता हूँ।

श्लोक 56 (padma.5.50.56)

स विचार्य यथायुक्तं करिष्यति रणांगणे । मोचयंतु महावाहं न वामा मा ददंतु ते

sa vicārya yathāyuktaṁ kariṣyati raṇāṁgaṇe mocayaṁtu mahāvāhaṁ na vāmā mā dadaṁtu te

वे विचारकर रणभूमि में जो उचित हो वह करें; वे उस महान् अश्व को मुक्त करें — उसके प्रति प्रतिकूल आचरण न करें।

श्लोक 57 (padma.5.50.57)

शेष उवाच। इति श्रुत्वास्मि तं कृत्वा ययौ वीरो यतो नृपः । गत्वा निवेदयामास यथोक्तं सुरथेन वै

śeṣa uvāca iti śrutvāsmi taṁ kṛtvā yayau vīro yato nṛpaḥ gatvā nivedayāmāsa yathoktaṁ surathena vai

शेष जी ने कहा — यह सुनकर वह वीर विदा लेकर वहाँ गया जहाँ राजा थे; वहाँ जाकर उसने सुरथ के कहे अनुसार सब कुछ निवेदन किया।