पुष्कल का मोचन

श्लोक 1 (padma.5.51.1)

शेष उवाच। तच्छ्रुत्वा भाषितं तस्य सुरथस्यांगदाननात् । सज्जीभूता रणे सर्वे रथस्था रणकोविदाः

śeṣa uvāca tacchrutvā bhāṣitaṁ tasya surathasyāṁgadānanāt sajjībhūtā raṇe sarve rathasthā raṇakovidāḥ

शेष जी ने कहा — अंगद के मुख से कहे गए सुरथ के इस वचन को सुनकर युद्धकुशल वे सभी रथारूढ़ होकर युद्ध के लिए सन्नद्ध हो गए।

श्लोक 2 (padma.5.51.2)

पटहानां निनादोऽभूद्भेरीनादस्तथैव च । वीराणां गर्जनानादाः प्रादुर्भूता रणांगणे

paṭahānāṁ ninādo'bhūdbherīnādastathaiva ca vīrāṇāṁ garjanānādāḥ prādurbhūtā raṇāṁgaṇe

नगाड़ों की ध्वनि उठी, और वैसे ही भेरियों का नाद भी; रणभूमि में वीरों की गर्जना-ध्वनियाँ गूँज उठीं।

श्लोक 3 (padma.5.51.3)

रथचीत्कारशब्देन गजानां बृंहितेन च । व्याप्तं तत्सकलं विश्वं दिवं यातो महारवः

rathacītkāraśabdena gajānāṁ bṛṁhitena ca vyāptaṁ tatsakalaṁ viśvaṁ divaṁ yāto mahāravaḥ

रथों की चीत्कार तथा हाथियों की चिंघाड़ से वह संपूर्ण विश्व व्याप्त हो गया; महान् कोलाहल आकाश तक जा पहुँचा।

श्लोक 4 (padma.5.51.4)

रणोत्साहेन संयुक्ता वीरा रणविशारदाः । कुर्वंति विविधान्नादान्कातरस्य भयंकरान्

raṇotsāhena saṁyuktā vīrā raṇaviśāradāḥ kurvaṁti vividhānnādānkātarasya bhayaṁkarān

युद्धोत्साह से युक्त युद्धकुशल वीर विविध प्रकार के नाद करने लगे, जो कायरों के लिए भयंकर थे।

श्लोक 5 (padma.5.51.5)

एवं कोलाहले वृत्ते सुरथो नाम भूमिपः । स्वसुतैः सैनिकैश्चाथ वृतः प्रायाद्रणांगणे

evaṁ kolāhale vṛtte suratho nāma bhūmipaḥ svasutaiḥ sainikaiścātha vṛtaḥ prāyādraṇāṁgaṇe

इस प्रकार कोलाहल होने पर सुरथ नामक राजा अपने पुत्रों और सैनिकों से घिरे हुए रणभूमि की ओर बढ़े।

श्लोक 6 (padma.5.51.6)

गजैरथैर्हयैः पत्तिव्रजैः पूर्णां तु मेदिनीम् । कुर्वन्समुद्रइव तां प्लावयन्ददृशे भटैः

gajairathairhayaiḥ pattivrajaiḥ pūrṇāṁ tu medinīm kurvansamudraiva tāṁ plāvayandadṛśe bhaṭaiḥ

हाथियों, रथों, घोड़ों तथा पैदल सैनिकों की टुकड़ियों से पृथ्वी को भरते हुए, वे समुद्र के समान योद्धाओं से उसे आप्लावित करते हुए दिखाई दे रहे थे।

श्लोक 7 (padma.5.51.7)

शंखनादेन संघुष्टं जयनादैस्तथैव च । वीक्ष्य तं प्रधनोद्युक्तं सुमतिं प्राह भूमिपः

śaṁkhanādena saṁghuṣṭaṁ jayanādaistathaiva ca vīkṣya taṁ pradhanodyuktaṁ sumatiṁ prāha bhūmipaḥ

शंख-ध्वनि से तथा जय-जयकार से गूँजते हुए, उन्हें युद्ध के लिए उद्यत देखकर राजा ने सुमति से कहा —

श्लोक 8 (padma.5.51.8)

शत्रुघ्न उवाच। एष राजा समायातो महासैन्यपरीवृतः । अत्र यत्कृत्यमस्माकं तद्वदस्व महामते

śatrughna uvāca eṣa rājā samāyāto mahāsainyaparīvṛtaḥ atra yatkṛtyamasmākaṁ tadvadasva mahāmate

शत्रुघ्न ने कहा — यह राजा महासेना से घिरा हुआ आ पहुँचा है; यहाँ हमारा क्या कर्तव्य है — हे महामते! मुझे बताओ।

श्लोक 9 (padma.5.51.9)

सुमतिरुवाच। योद्धव्यमत्र बहुभिर्वीरै रणविशारदैः । पुष्कलादिभिरत्युग्रैः सर्वशस्त्रास्त्रकोविदैः

sumatiruvāca yoddhavyamatra bahubhirvīrai raṇaviśāradaiḥ puṣkalādibhiratyugraiḥ sarvaśastrāstrakovidaiḥ

सुमति ने कहा — यहाँ युद्धकुशल अनेक वीरों को युद्ध करना होगा — पुष्कल आदि अत्यंत उग्र, समस्त शस्त्रास्त्रों में निपुण वीरों को।

श्लोक 10 (padma.5.51.10)

राज्ञा सह समीरस्य पुत्रः परमशौर्यवान् । युद्धं करोतु सुबलः परयुद्धविशारदः

rājñā saha samīrasya putraḥ paramaśauryavān yuddhaṁ karotu subalaḥ parayuddhaviśāradaḥ

राजा के विरुद्ध पवनपुत्र, परम शौर्यवान्, शत्रु-युद्ध में निपुण बलवान् सुबल (हनुमान) युद्ध करें।

श्लोक 11 (padma.5.51.11)

शेष उवाच। इति ब्रूते महामात्यो यावत्तावन्नृपात्मजाः । रणांगणे धनूंष्यद्धा स्फारयामासुरुद्धताः

śeṣa uvāca iti brūte mahāmātyo yāvattāvannṛpātmajāḥ raṇāṁgaṇe dhanūṁṣyaddhā sphārayāmāsuruddhatāḥ

शेष जी ने कहा — जब तक महामंत्री यह कह रहे थे, तब तक राजा के पुत्रों ने उद्धत होकर रणभूमि में अपने धनुषों को पूरी तरह खींच लिया।

श्लोक 12 (padma.5.51.12)

तान्वीक्ष्य योधाः सुबलाः पुष्कलाद्या रणोत्कटाः । अभिजग्मुः स्यंदनैः स्वैर्धनुर्बाणकरा मताः

tānvīkṣya yodhāḥ subalāḥ puṣkalādyā raṇotkaṭāḥ abhijagmuḥ syaṁdanaiḥ svairdhanurbāṇakarā matāḥ

उन्हें देखकर बलवान् योद्धा — पुष्कल आदि, युद्ध में उग्र — धनुष-बाण हाथ में लिए अपने रथों पर आगे बढ़े।

श्लोक 13 (padma.5.51.13)

चंपकेन महावीरः पुष्कलः परमास्त्रवित् । द्वैरथेनैव युयुधे महावीरेण शालिना

caṁpakena mahāvīraḥ puṣkalaḥ paramāstravit dvairathenaiva yuyudhe mahāvīreṇa śālinā

चंपक के साथ महावीर पुष्कल, परमास्त्रवेत्ता, ने द्वंद्वयुद्ध किया — वह महावीर, शालीन स्वभाव वाला।

श्लोक 14 (padma.5.51.14)

मोहकं योधयामास जानकिः स कुशध्वजः । रिपुंजयेन विमलो दुर्वारेण सुबाहुकः

mohakaṁ yodhayāmāsa jānakiḥ sa kuśadhvajaḥ ripuṁjayena vimalo durvāreṇa subāhukaḥ

जानकि-पुत्र कुशध्वज ने मोहक से युद्ध किया; विमल ने दुर्निवार रिपुंजय से; सुबाहुक ने —

श्लोक 15 (padma.5.51.15)

प्रतापिना प्रतापाग्र्यो बलमोदेन चांगदः । हर्यक्षेण नीलरत्नः सहदेवेन सत्यवान्

pratāpinā pratāpāgryo balamodena cāṁgadaḥ haryakṣeṇa nīlaratnaḥ sahadevena satyavān

प्रतापाग्र्य ने प्रतापी से; अंगद ने बलमोद से; नीलरत्न ने हर्याक्ष से; सत्यवान् ने सहदेव से युद्ध किया।

श्लोक 16 (padma.5.51.16)

राजा वीरमणिर्भूरि देवेन युयुधे बली । असुतापेन चोग्राश्वो युयुधे बलसंयुतः

rājā vīramaṇirbhūri devena yuyudhe balī asutāpena cogrāśvo yuyudhe balasaṁyutaḥ

बलवान् राजा वीरमणि ने भूरिदेव से युद्ध किया; और बलशाली उग्राश्व ने असुतापन से युद्ध किया।

श्लोक 17 (padma.5.51.17)

द्वैरथं तु महद्युद्धमकुर्वन्युद्धकोविदाः । सर्वे शस्त्रास्त्रकुशलाः सर्वे युद्धविशारदाः

dvairathaṁ tu mahadyuddhamakurvanyuddhakovidāḥ sarve śastrāstrakuśalāḥ sarve yuddhaviśāradāḥ

युद्धकुशल, शस्त्रास्त्र में निपुण, युद्धविशारद वे सभी महान् द्वंद्वयुद्ध करने लगे।

श्लोक 18 (padma.5.51.18)

एवं प्रवृत्ते संग्रामे सुरथस्य सुतैस्तदा । अत्यंतं कदनं तत्र बभूव मुनिसत्तम

evaṁ pravṛtte saṁgrāme surathasya sutaistadā atyaṁtaṁ kadanaṁ tatra babhūva munisattama

हे मुनिश्रेष्ठ! इस प्रकार सुरथ के पुत्रों के साथ युद्ध चलते हुए वहाँ अत्यंत भीषण संहार हुआ।

श्लोक 19 (padma.5.51.19)

पुष्कलश्चंपकं प्राह किं नामासि नृपात्मज । धन्योसि यो मया सार्धं रणमध्यमुपेयिवान्

puṣkalaścaṁpakaṁ prāha kiṁ nāmāsi nṛpātmaja dhanyosi yo mayā sārdhaṁ raṇamadhyamupeyivān

पुष्कल ने चंपक से कहा — तुम्हारा नाम क्या है, हे राजकुमार? धन्य हो तुम, जो इस युद्ध के मध्य मेरे सम्मुख आए हो।

श्लोक 20 (padma.5.51.20)

इदानीं तिष्ठ किं यासि कथं ते जीवितं भवेत् । एहि युद्धं मया सार्धं सर्वशस्त्रास्त्रकोविद

idānīṁ tiṣṭha kiṁ yāsi kathaṁ te jīvitaṁ bhavet ehi yuddhaṁ mayā sārdhaṁ sarvaśastrāstrakovida

अब ठहरो, कहाँ जाओगे? तुम्हारा जीवन कैसे सुरक्षित रहेगा? आओ, हे समस्त शस्त्रास्त्रों में निपुण! मुझसे युद्ध करो।

श्लोक 21 (padma.5.51.21)

इत्यभिव्याहृतं तस्य श्रुत्वा राजात्मजो बली । जगाद पुष्कलं वीरो मेघगंभीरया गिरा

ityabhivyāhṛtaṁ tasya śrutvā rājātmajo balī jagāda puṣkalaṁ vīro meghagaṁbhīrayā girā

यह कथन सुनकर बलवान् राजकुमार ने मेघ के समान गंभीर वाणी में वीर पुष्कल से कहा।

श्लोक 22 (padma.5.51.22)

चंपक उवाच। न नाम्ना न कुलेनेदं युद्धमत्र भविष्यति । तथापि तव वक्ष्येऽहं स्वनामबलपूर्वकम्

caṁpaka uvāca na nāmnā na kulenedaṁ yuddhamatra bhaviṣyati tathāpi tava vakṣye'haṁ svanāmabalapūrvakam

चंपक ने कहा — यह युद्ध यहाँ नाम या कुल के आधार पर नहीं होगा; फिर भी मैं तुम्हें अपना नाम और बल बताता हूँ।

श्लोक 23 (padma.5.51.23)

मम माता राघवेशो मत्पिता राघवः स्मृतः । मम बंधू रामचंद्र स्वःजनो मम राघवः

mama mātā rāghaveśo matpitā rāghavaḥ smṛtaḥ mama baṁdhū rāmacaṁdra svaḥjano mama rāghavaḥ

मेरी माता राघवेश स्मरण की जाती है, मेरे पिता राघव हैं; मेरे बांधव रामचंद्र हैं, मेरे स्वजन राघव हैं।

श्लोक 24 (padma.5.51.24)

मन्नाम रामदासश्च सदा रामस्य सेवकः । तारयिष्यति मां युद्धे रामो भक्तकृपाकरः

mannāma rāmadāsaśca sadā rāmasya sevakaḥ tārayiṣyati māṁ yuddhe rāmo bhaktakṛpākaraḥ

मेरा नाम रामदास है, सदा राम का सेवक; भक्तों पर कृपा करने वाले राम मुझे इस युद्ध में तार देंगे।

श्लोक 25 (padma.5.51.25)

लोकानां मतमास्थाय प्रब्रवीमि तवाधुना । सुरथस्य सुतश्चाहं माता वीरवतीमम

lokānāṁ matamāsthāya prabravīmi tavādhunā surathasya sutaścāhaṁ mātā vīravatīmama

लोक के मत का आश्रय लेकर अब मैं तुम्हें बताता हूँ: मैं सुरथ का पुत्र हूँ, मेरी माता का नाम वीरवती है।

श्लोक 26 (padma.5.51.26)

मन्नामयो मधौ सर्वाञ्छोभनान्विदधाति वै । मधुपायंरसावा संत्यजंति मधुमोहिताः

mannāmayo madhau sarvāñchobhanānvidadhāti vai madhupāyaṁrasāvā saṁtyajaṁti madhumohitāḥ

वसंत ऋतु में मेरा नाम सभी शुभ वस्तुओं को प्रदान करता है; मधु-मोहित लोग उसका रस पीकर त्याग देते हैं।

श्लोक 27 (padma.5.51.27)

वर्णेन स्वर्णसदृशो मध्ये लिंगवपुर्धरः । तदाख्ययाभिधां वीर जानीहि मम मोहिनीम्

varṇena svarṇasadṛśo madhye liṁgavapurdharaḥ tadākhyayābhidhāṁ vīra jānīhi mama mohinīm

स्वर्ण के समान वर्ण वाला, मध्य में लिंग-आकृति धारण करने वाला — उसी नाम और अभिधा से, हे वीर, मुझे मोहिनी जानो।

श्लोक 28 (padma.5.51.28)

युध्यस्व बाणैः प्रधनेन को जेतुं हि मां क्षमः । इदानीं दर्शयिष्यामि स्वपराक्रममद्भुतम्

yudhyasva bāṇaiḥ pradhanena ko jetuṁ hi māṁ kṣamaḥ idānīṁ darśayiṣyāmi svaparākramamadbhutam

युद्ध में मुझसे बाणों द्वारा लड़ो — मुझे जीतने में कौन समर्थ है? अब मैं तुम्हें अपना अद्भुत पराक्रम दिखाऊँगा।

श्लोक 29 (padma.5.51.29)

शेष उवाच। इति श्रुत्वा महद्वाक्यं पुष्कलो हृदि तोषितः । तं दुर्जयं मन्यमानः शरान्मुंचन्रणेऽभवत्

śeṣa uvāca iti śrutvā mahadvākyaṁ puṣkalo hṛdi toṣitaḥ taṁ durjayaṁ manyamānaḥ śarānmuṁcanraṇe'bhavat

शेष जी ने कहा — यह महान् वचन सुनकर हृदय में संतुष्ट हुए पुष्कल ने उसे दुर्जय मानते हुए युद्ध में बाण छोड़ने आरंभ किए।

श्लोक 30 (padma.5.51.30)

शरसंघं प्रमुंचंतं कोटिधा पुष्कलं ययौ । चंपकः कोपसंयुक्तो धनुः सज्यमथाकरोत्

śarasaṁghaṁ pramuṁcaṁtaṁ koṭidhā puṣkalaṁ yayau caṁpakaḥ kopasaṁyukto dhanuḥ sajyamathākarot

पुष्कल जब चारों ओर बाणों का समूह छोड़ता हुआ आगे बढ़ा, तब क्रोध से युक्त चंपक ने अपने धनुष को प्रत्यंचाबद्ध किया।

श्लोक 31 (padma.5.51.31)

मुमोच निशितान्बाणान्वैरिवृंदविदारणान् । स्वनामचिह्नितान्स्वर्णपुंखभागसमन्वितान्

mumoca niśitānbāṇānvairivṛṁdavidāraṇān svanāmacihnitānsvarṇapuṁkhabhāgasamanvitān

उसने अपने नाम से चिह्नित, स्वर्णपंखों से युक्त, शत्रुसमूह को विदीर्ण करने वाले तीक्ष्ण बाण छोड़े।

श्लोक 32 (padma.5.51.32)

तांश्चिच्छेद महावीरः पुष्कलः प्रधनांगणे । शरांधकारं सर्वत्र मुंचन्बाणाञ्छिलाशितान्

tāṁściccheda mahāvīraḥ puṣkalaḥ pradhanāṁgaṇe śarāṁdhakāraṁ sarvatra muṁcanbāṇāñchilāśitān

महावीर पुष्कल ने उन्हें युद्धभूमि में काट डाला, तथा चारों ओर पत्थर पर तेज़ किए गए बाणों का अंधकार फैलाते हुए।

श्लोक 33 (padma.5.51.33)

स्वबाणच्छेदनं दृष्ट्वा कृतं वीरेण चंपकः । आह्वयामास बलिनं पुष्कलं कोपपूरितः

svabāṇacchedanaṁ dṛṣṭvā kṛtaṁ vīreṇa caṁpakaḥ āhvayāmāsa balinaṁ puṣkalaṁ kopapūritaḥ

उस वीर द्वारा अपने बाणों को इस प्रकार कटा देखकर चंपक, क्रोध से भरकर, पुनः बलवान् पुष्कल को ललकारा —

श्लोक 34 (padma.5.51.34)

मा प्रयाहि रणं त्यक्त्वेति ब्रुवन्समरे पुनः । पुष्कलं हृदये बाणैर्विव्याध दशभिस्त्वरन्

mā prayāhi raṇaṁ tyaktveti bruvansamare punaḥ puṣkalaṁ hṛdaye bāṇairvivyādha daśabhistvaran

युद्ध छोड़कर मत भागो! — युद्ध में यह पुनः कहते हुए उसने तुरंत पुष्कल के हृदय को दस बाणों से बींध दिया।

श्लोक 35 (padma.5.51.35)

ते बाणाः पुष्कलस्याहो हृदये तीव्रवेगिनः । आगत्य सुभृशं लग्नाः शोणितं पपुरूर्जितम्

te bāṇāḥ puṣkalasyāho hṛdaye tīvraveginaḥ āgatya subhṛśaṁ lagnāḥ śoṇitaṁ papurūrjitam

वे तीव्रवेगी बाण पुष्कल के हृदय में दृढ़ता से आ लगे, और उसका प्रचुर रक्त पी गए।

श्लोक 36 (padma.5.51.36)

तैर्बाणैर्व्यथितो वीरः शरान्पंच समाददे । सुतीक्ष्णाग्रान्महाकोपाद्वारयन्पर्वतानिव

tairbāṇairvyathito vīraḥ śarānpaṁca samādade sutīkṣṇāgrānmahākopādvārayanparvatāniva

उन बाणों से पीड़ित उस वीर ने महाक्रोध से पाँच अत्यंत तीक्ष्ण बाण उठाए, मानो पर्वतों के समान उन्हें रोकते हुए।

श्लोक 37 (padma.5.51.37)

ते बाणास्तस्य बाणाश्च परस्परमथोर्जिताः । आकाशे रचिताश्छिन्नाः शतधा राजसूनुना

te bāṇāstasya bāṇāśca parasparamathorjitāḥ ākāśe racitāśchinnāḥ śatadhā rājasūnunā

उसके और उसके शत्रु के वे परस्पर बलशाली बाण आकाश में मिलकर राजपुत्र (चंपक) द्वारा सौ टुकड़ों में काट डाले गए।

श्लोक 38 (padma.5.51.38)

छित्त्वा बाणान्सुतीक्ष्णाग्रान्सुरथांगोद्भवो बली । बाणाञ्छतं समाधत्त पुष्कलं ताडितुं हृदि

chittvā bāṇānsutīkṣṇāgrānsurathāṁgodbhavo balī bāṇāñchataṁ samādhatta puṣkalaṁ tāḍituṁ hṛdi

उन तीक्ष्ण बाणों को काटकर सुरथ-वंशी वह बलवान् पुष्कल के हृदय पर प्रहार करने के लिए सौ बाण चढ़ाने लगा।

श्लोक 39 (padma.5.51.39)

ते बाणाः शतधाच्छिन्नाः पुष्कलेन महात्मना । अपतन्समरोपांते शरवेगप्रपीडिताः

te bāṇāḥ śatadhācchinnāḥ puṣkalena mahātmanā apatansamaropāṁte śaravegaprapīḍitāḥ

उन सौ बाणों को महात्मा पुष्कल ने खंड-खंड कर डाला, और वे अपने ही बाणों के वेग से पीड़ित होकर युद्धभूमि के छोर पर गिर पड़े।

श्लोक 40 (padma.5.51.40)

तदा तत्सुमहत्कर्म दृष्ट्वा राज्ञः सुतो बली । सहस्रेण शराणां च ताडयन्वक्षसि स्फुटम्

tadā tatsumahatkarma dṛṣṭvā rājñaḥ suto balī sahasreṇa śarāṇāṁ ca tāḍayanvakṣasi sphuṭam

तब उस महान् पराक्रम को देखकर राजा का वह बलवान् पुत्र उसके वक्षस्थल पर प्रत्यक्ष रूप से एक सहस्र बाणों से प्रहार करने लगा।

श्लोक 41 (padma.5.51.41)

तानप्याशु प्रचिच्छेद पुष्कलः परमास्त्रवित् । पुनरप्याशु स्वे चापे समाधत्तायुतं शरान्

tānapyāśu praciccheda puṣkalaḥ paramāstravit punarapyāśu sve cāpe samādhattāyutaṁ śarān

उन्हें भी परमास्त्रवेत्ता पुष्कल ने तुरंत काट डाला; पुनः उसने अपने धनुष पर दस सहस्र बाण शीघ्र चढ़ा लिए।

श्लोक 42 (padma.5.51.42)

तानप्याशु प्रचिच्छेद पुष्कलः परमास्त्रवित् । ततोऽत्यतं प्रकुपितः शरवृष्टिमथाकरोत्

tānapyāśu praciccheda puṣkalaḥ paramāstravit tato'tyataṁ prakupitaḥ śaravṛṣṭimathākarot

उन्हें भी परमास्त्रवेत्ता पुष्कल ने तुरंत काट डाला; तब अत्यंत क्रुद्ध होकर उसने बाणों की वर्षा कर दी।

श्लोक 43 (padma.5.51.43)

शरवृष्टिं समायांतीं मत्वा चंपक वीरहा । साधुसाधुप्रशंसंतं पुष्कलं समताडयत्

śaravṛṣṭiṁ samāyāṁtīṁ matvā caṁpaka vīrahā sādhusādhupraśaṁsaṁtaṁ puṣkalaṁ samatāḍayat

उस आती हुई बाणवृष्टि को देखकर वीरों के संहारक चंपक ने साधु-साधु कहते हुए ही पुष्कल पर प्रहार किया।

श्लोक 44 (padma.5.51.44)

पुष्कलश्चंपकं दृष्ट्वा महावीर्यसमन्वितम् । ब्रह्मणोऽस्त्रसमाधत्त स्वे चापे सर्वशस्त्रवित्

puṣkalaścaṁpakaṁ dṛṣṭvā mahāvīryasamanvitam brahmaṇo'strasamādhatta sve cāpe sarvaśastravit

चंपक को इस प्रकार महावीर्य से युक्त देखकर सर्वशस्त्रवेत्ता पुष्कल ने अपने धनुष पर ब्रह्मास्त्र चढ़ाया।

श्लोक 45 (padma.5.51.45)

तेन मुक्तं महाशस्त्रं प्रजज्वाल दिशो दश । खं रोदसी व्याप्य विश्वं प्रलयं कर्तुमुद्यतम्

tena muktaṁ mahāśastraṁ prajajvāla diśo daśa khaṁ rodasī vyāpya viśvaṁ pralayaṁ kartumudyatam

उसके द्वारा छोड़ा गया वह महान् अस्त्र दसों दिशाओं में प्रज्वलित हो उठा, आकाश और भूमि के मध्य के लोक को व्याप्त करते हुए, प्रलय करने को उद्यत।

श्लोक 46 (padma.5.51.46)

चंपको मुक्तमस्त्रं तद्दृष्ट्वा सर्वास्त्रकोविदः । तत्संहर्तुं तदेवास्त्रं मुमोच रिपुमुद्यतम्

caṁpako muktamastraṁ taddṛṣṭvā sarvāstrakovidaḥ tatsaṁhartuṁ tadevāstraṁ mumoca ripumudyatam

उस छोड़े गए अस्त्र को देखकर समस्त अस्त्रों में निपुण चंपक ने उसका संहार करने के लिए शत्रु के विरुद्ध वही अस्त्र छोड़ा।

श्लोक 47 (padma.5.51.47)

द्वयोरेकतमं तेजः प्रलयं मेनिरे जनाः । संजहार तदास्त्रास्त्रमेकीभूतं परास्त्रकम्

dvayorekatamaṁ tejaḥ pralayaṁ menire janāḥ saṁjahāra tadāstrāstramekībhūtaṁ parāstrakam

दोनों के संयुक्त तेज को लोगों ने प्रलय ही समझा; वे दोनों प्रत्यस्त्र परस्पर एक होकर नष्ट हो गए।

श्लोक 48 (padma.5.51.48)

तत्कर्मचाद्भुतं दृष्ट्वा पुष्कलस्तिष्ठतिष्ठ च । ब्रुवञ्छरानमोघांस्तु चंपकं स क्रुधाहनत्

tatkarmacādbhutaṁ dṛṣṭvā puṣkalastiṣṭhatiṣṭha ca bruvañcharānamoghāṁstu caṁpakaṁ sa krudhāhanat

उस अद्भुत कार्य को देखकर पुष्कल ने ठहरो, ठहरो! कहते हुए, अपने अमोघ बाणों की बात करते हुए क्रोधवश चंपक पर प्रहार किया।

श्लोक 49 (padma.5.51.49)

चंपकस्ताञ्छरान्मुक्तानगणय्य महामनाः । रामास्त्रं प्रमुमोचाथ पुष्कलं प्रति दारुणम्

caṁpakastāñcharānmuktānagaṇayya mahāmanāḥ rāmāstraṁ pramumocātha puṣkalaṁ prati dāruṇam

महामना चंपक ने उस पर छोड़े गए उन बाणों की गिनती किए बिना ही पुष्कल के विरुद्ध भयंकर रामास्त्र छोड़ दिया।

श्लोक 50 (padma.5.51.50)

तन्मुक्तमस्त्रमालोक्य चंपकेन महात्मना । छेत्तुं यावन्मनश्चक्रे तावद्ग्रस्तः शरेण सः

tanmuktamastramālokya caṁpakena mahātmanā chettuṁ yāvanmanaścakre tāvadgrastaḥ śareṇa saḥ

महात्मा चंपक द्वारा छोड़े गए उस अस्त्र को देखकर, जैसे ही उसने उसे काटने का विचार किया, वह उस बाण से पकड़ा गया।

श्लोक 51 (padma.5.51.51)

बद्धश्चंपकवीरेण रथे स्वे स्थापितः पुनः । पुरं प्रेषयितुं तावन्मनश्चक्रे महामनाः

baddhaścaṁpakavīreṇa rathe sve sthāpitaḥ punaḥ puraṁ preṣayituṁ tāvanmanaścakre mahāmanāḥ

वीर चंपक ने उसे बाँधकर पुनः अपने ही रथ पर बिठा दिया; उस महामना ने तब उसे नगर भेजने का निश्चय किया।

श्लोक 52 (padma.5.51.52)

हाहाकारो महानासीद्बद्धे पुष्कलसंज्ञिके । शत्रुघ्नं प्रययुर्योधाः पलायनपरायणाः

hāhākāro mahānāsīdbaddhe puṣkalasaṁjñike śatrughnaṁ prayayuryodhāḥ palāyanaparāyaṇāḥ

पुष्कल नामक वीर के इस प्रकार बँध जाने पर महान् हाहाकार मच गया; भागने में तत्पर योद्धा शत्रुघ्न के पास गए।

श्लोक 53 (padma.5.51.53)

भग्नांस्तान्वीक्ष्य शत्रुघ्नो हनूमंतमुवाच ह । केन वीरेण मे भग्नं बलं वीरैरलंकृतम्

bhagnāṁstānvīkṣya śatrughno hanūmaṁtamuvāca ha kena vīreṇa me bhagnaṁ balaṁ vīrairalaṁkṛtam

उन्हें भागा हुआ देखकर शत्रुघ्न ने हनुमान से कहा — किस वीर द्वारा वीरों से सुशोभित मेरी सेना पराजित हुई है?

श्लोक 54 (padma.5.51.54)

तदोवाच महीनाथ पुष्कलं परवीरहा । बद्ध्वा नयति वीरोऽसौ चंपकः स्वपदोद्धुरः

tadovāca mahīnātha puṣkalaṁ paravīrahā baddhvā nayati vīro'sau caṁpakaḥ svapadoddhuraḥ

तब शत्रुवीरों के संहारक ने राजा से कहा — चंपक नामक वह वीर, अपने ही पद पर उन्नत, पुष्कल को बाँधकर ले जा रहा है।

श्लोक 55 (padma.5.51.55)

तस्येदृग्वाक्यमाकर्ण्य शत्रुघ्नः कोपसंयुतः । उवाच पवनोद्भूतं मोचयाशु नृपात्मजात्

tasyedṛgvākyamākarṇya śatrughnaḥ kopasaṁyutaḥ uvāca pavanodbhūtaṁ mocayāśu nṛpātmajāt

उसके इस वचन को सुनकर शत्रुघ्न ने क्रोध से युक्त होकर पवनपुत्र से कहा — उसे शीघ्र राजकुमार से मुक्त कराओ।

श्लोक 56 (padma.5.51.56)

महाबलः सुतश्चास्य बद्ध्वा यः पुष्कलं भटम् । तस्मान्मोचय वीराग्र्य कथं तिष्ठसि चाहवे

mahābalaḥ sutaścāsya baddhvā yaḥ puṣkalaṁ bhaṭam tasmānmocaya vīrāgrya kathaṁ tiṣṭhasi cāhave

जिस बलवान् पुत्र ने मेरे योद्धा पुष्कल को बाँधा है — हे वीराग्र्य! उससे उसे मुक्त कराओ; युद्ध में तुम क्यों खड़े हो?

श्लोक 57 (padma.5.51.57)

एतद्वाक्यं समाकर्ण्य हनूमानोमिति ब्रुवन् । जगाम तं मोचयितुं पुष्कलं चंपकाद्भटात्

etadvākyaṁ samākarṇya hanūmānomiti bruvan jagāma taṁ mocayituṁ puṣkalaṁ caṁpakādbhaṭāt

यह वचन सुनकर हनुमान हाँ कहते हुए उस योद्धा चंपक से पुष्कल को मुक्त कराने चल पड़े।

श्लोक 58 (padma.5.51.58)

हनूमंतमथालोक्य तं मोचयितुमागतम् । बाणैः शतैश्च साहस्रैर्जघान परकोपनः

hanūmaṁtamathālokya taṁ mocayitumāgatam bāṇaiḥ śataiśca sāhasrairjaghāna parakopanaḥ

तब उसे मुक्त कराने आते हुए हनुमान को देखकर, शत्रु पर क्रुद्ध हुए उस चंपक ने सैकड़ों-हजारों बाणों से उन पर प्रहार किया।

श्लोक 59 (padma.5.51.59)

बाणांस्तान्स बभंजाशु मुक्तांस्तेन महात्मना । पुनरप्येनमेवाशु बाणान्मुंचन्महानभूत्

bāṇāṁstānsa babhaṁjāśu muktāṁstena mahātmanā punarapyenamevāśu bāṇānmuṁcanmahānabhūt

उस महात्मा ने अपने ऊपर छोड़े गए उन बाणों को तुरंत तोड़ डाला; पुनः उसने शीघ्र ही उस पर फिर से बाण छोड़े, और वह क्रोध से अत्यंत प्रबल हो उठा।

श्लोक 60 (padma.5.51.60)

तान्सर्वांश्चूर्णयामास नाराचान्वैरिमोचितान् । शालं करे समाधृत्य जघान नृपनंदनम्

tānsarvāṁścūrṇayāmāsa nārācānvairimocitān śālaṁ kare samādhṛtya jaghāna nṛpanaṁdanam

शत्रु द्वारा छोड़े गए उन सभी लौह-बाणों को उसने चूर्ण कर डाला; फिर हाथ में शाल वृक्ष लेकर राजपुत्र पर प्रहार किया।

श्लोक 61 (padma.5.51.61)

शालं तेन विनिर्मुक्तं तिलशः कृतवान्बली । गजो हनूमता मुक्तो नृपनंदन मस्तके

śālaṁ tena vinirmuktaṁ tilaśaḥ kṛtavānbalī gajo hanūmatā mukto nṛpanaṁdana mastake

उस बलवान् ने उसके द्वारा छोड़े गए शाल वृक्ष को खंड-खंड कर डाला; फिर हनुमान ने एक हाथी छोड़ा, जो राजकुमार के सिर पर जा गिरा।

श्लोक 62 (padma.5.51.62)

सोऽप्याहतश्चंपकेन मृतो भूमौ पपातसः । शिलाः संमोचयामास हनूमान्परमास्त्रवित्

so'pyāhataścaṁpakena mṛto bhūmau papātasaḥ śilāḥ saṁmocayāmāsa hanūmānparamāstravit

वह हाथी भी चंपक द्वारा आहत होकर मृत होकर भूमि पर गिर पड़ा; तब परमास्त्रवेत्ता हनुमान ने शिलाएँ छोड़ीं।

श्लोक 63 (padma.5.51.63)

चंपकस्ताः शिलाः सर्वाः क्षणाच्चूर्णितवान्भृशम् । बाणयंत्रिकया ब्रह्मन्महच्चित्रमभूदिदम्

caṁpakastāḥ śilāḥ sarvāḥ kṣaṇāccūrṇitavānbhṛśam bāṇayaṁtrikayā brahmanmahaccitramabhūdidam

हे ब्रह्मन्! चंपक ने अपने बाण-यंत्र द्वारा उन सभी शिलाओं को क्षणभर में सर्वथा चूर्ण कर डाला — यह एक महान् आश्चर्य हुआ।

श्लोक 64 (padma.5.51.64)

स्वमुक्तास्ताः शिलाः सर्वाश्चूर्णिता वीक्ष्य मारुतिः । चुकोप हृदयेऽत्यतं बहुवीर्यमिति स्मरन्

svamuktāstāḥ śilāḥ sarvāścūrṇitā vīkṣya mārutiḥ cukopa hṛdaye'tyataṁ bahuvīryamiti smaran

अपनी छोड़ी हुई उन सभी शिलाओं को इस प्रकार चूर्ण हुआ देखकर मारुति हृदय में अत्यंत क्रुद्ध हो उठे, अपने विपुल पराक्रम का स्मरण करते हुए।

श्लोक 65 (padma.5.51.65)

आगत्य च करे धृत्वा नभस्युत्पतितः कपिः । तावद्ययौ नेत्रपथादुपरि क्षिप्रवेगवान्

āgatya ca kare dhṛtvā nabhasyutpatitaḥ kapiḥ tāvadyayau netrapathādupari kṣipravegavān

आगे आकर उसे हाथ में पकड़कर वानर आकाश में उछल पड़े; अत्यंत वेगवान् होकर वे दृष्टि-पथ से भी ऊपर जा उठे।

श्लोक 66 (padma.5.51.66)

चंपकस्तं हनूमंतं युयुधे नभसि स्थितः । बाहुयुद्धेन महता ताडितः कपिपुंगवः

caṁpakastaṁ hanūmaṁtaṁ yuyudhe nabhasi sthitaḥ bāhuyuddhena mahatā tāḍitaḥ kapipuṁgavaḥ

वहाँ आकाश में स्थित चंपक ने हनुमान से युद्ध किया; उस महान् बाहुयुद्ध से आहत होकर वानरश्रेष्ठ —

श्लोक 67 (padma.5.51.67)

चुकोप मानसे वीरो गर्वपर्वतदारुणः । पदा धृत्वा चंपकं तं ताडयामास भूतले

cukopa mānase vīro garvaparvatadāruṇaḥ padā dhṛtvā caṁpakaṁ taṁ tāḍayāmāsa bhūtale

— हृदय में क्रुद्ध हो उठे, वह वीर अभिमान के पर्वत के समान भयंकर था; चंपक को पैर से पकड़कर उन्होंने उसे भूमि पर पटक दिया।

श्लोक 68 (padma.5.51.68)

ताडितोऽसौ कपींद्रेण क्षणादुत्थाय वेगवान् । हनूमंतं तु लांगूले धृत्वा बभ्राम सर्वतः

tāḍito'sau kapīṁdreṇa kṣaṇādutthāya vegavān hanūmaṁtaṁ tu lāṁgūle dhṛtvā babhrāma sarvataḥ

कपींद्र द्वारा आहत होकर वह क्षणभर में वेगपूर्वक उठ खड़ा हुआ, और हनुमान की पूँछ पकड़कर उन्हें चारों ओर घुमाने लगा।

श्लोक 69 (padma.5.51.69)

कपींद्रस्तद्बलं वीक्ष्य हसन्पादेऽग्रहीत्पुनः । भ्रामयित्वा शतगुणं गजोपस्थे ह्यपातयत्

kapīṁdrastadbalaṁ vīkṣya hasanpāde'grahītpunaḥ bhrāmayitvā śataguṇaṁ gajopasthe hyapātayat

उसका बल देखकर कपींद्र ने हँसते हुए उसे पुनः पैर से पकड़ लिया; सौ बार घुमाकर उसे हाथी की पीठ पर पटक दिया।

श्लोक 70 (padma.5.51.70)

पपात भूमौ सुबलो राजसूनुः स चंपकः । मूर्च्छितो वीरभूषाढ्यमलंकुर्वन्रणांगणम्

papāta bhūmau subalo rājasūnuḥ sa caṁpakaḥ mūrcchito vīrabhūṣāḍhyamalaṁkurvanraṇāṁgaṇam

बलवान् राजपुत्र चंपक भूमि पर गिर पड़ा, मूर्च्छित होकर, अपने वीरोचित आभूषणों से रणभूमि को सुशोभित करता हुआ।

श्लोक 71 (padma.5.51.71)

तदा हाहेति वै लोकाश्चुक्रुशुश्चंपकानुगाः । पुष्कलं मोचयामास बद्धं चंपकपाशतः

tadā hāheti vai lokāścukruśuścaṁpakānugāḥ puṣkalaṁ mocayāmāsa baddhaṁ caṁpakapāśataḥ

तब चंपक के अनुयायी सभी लोग हाय-हाय कहकर पुकार उठे; और चंपक के बंधन से बँधे हुए पुष्कल को मुक्त कर दिया गया।