सुमति का निवेदन

श्लोक 1 (padma.5.65.1)

शेष उवाच। क्षणान्मूर्च्छां जहौ वीरः शत्रुघ्नः समरांगणे । अन्येऽपि वीराबलिनो मूर्च्छां प्राप्ताः सुजीविताः

śeṣa uvāca kṣaṇānmūrcchāṁ jahau vīraḥ śatrughnaḥ samarāṁgaṇe anye'pi vīrābalino mūrcchāṁ prāptāḥ sujīvitāḥ

शेष जी ने कहा — वीर शत्रुघ्न ने रणभूमि में क्षणभर में अपनी मूर्च्छा त्याग दी; अन्य बलवान् वीर भी मूर्च्छा से मुक्त होकर सजीव हो उठे।

श्लोक 2 (padma.5.65.2)

शत्रुघ्नो वाजिनां श्रेष्ठं ददर्श पुरतः स्थितम् । आत्मानं च शिरस्त्राणरहितं सैन्यजीवितम्

śatrughno vājināṁ śreṣṭhaṁ dadarśa purataḥ sthitam ātmānaṁ ca śirastrāṇarahitaṁ sainyajīvitam

शत्रुघ्न ने अपने समक्ष खड़े श्रेष्ठ अश्व को देखा, तथा स्वयं को शिरस्त्राणरहित, सेना को जीवित देखा।

श्लोक 3 (padma.5.65.3)

वीक्ष्य चित्रमिदं स्वांते चकारच जगाद ह । सुमतिं मंत्रिणां श्रेष्ठं मूर्च्छाविरहितं तदा

vīkṣya citramidaṁ svāṁte cakāraca jagāda ha sumatiṁ maṁtriṇāṁ śreṣṭhaṁ mūrcchāvirahitaṁ tadā

इस आश्चर्य को देखकर, हृदय में विस्मित होकर, उन्होंने तब मंत्रिश्रेष्ठ सुमति से, जो मूर्च्छा से मुक्त हो चुके थे, कहा।

श्लोक 4 (padma.5.65.4)

कृपां कृत्वा हयं प्रादाद्बालो यज्ञस्य पूर्तये । गच्छाम रामं तरसा हयागमनकांक्षिणम्

kṛpāṁ kṛtvā hayaṁ prādādbālo yajñasya pūrtaye gacchāma rāmaṁ tarasā hayāgamanakāṁkṣiṇam

कृपा करके उस बालक ने यज्ञ-पूर्ति के लिए अश्व दे दिया; आइए हम शीघ्रता से राम के पास चलें, जो अश्व के आगमन की उत्सुकता से प्रतीक्षा कर रहे हैं।

श्लोक 5 (padma.5.65.5)

इत्युक्त्वा स रथे स्थित्वा हयमादाय वेगतः । ययौ तदाश्रमाद्दूरं भेरीशंखविवर्जितः

ityuktvā sa rathe sthitvā hayamādāya vegataḥ yayau tadāśramāddūraṁ bherīśaṁkhavivarjitaḥ

यह कहकर, रथ पर सवार होकर, अश्व लेकर वे वेगपूर्वक उस आश्रम से दूर, ढोल-शंख के बिना ही चल पड़े।

श्लोक 6 (padma.5.65.6)

तत्पृष्ठतो महासैन्यं चतुरंगसमन्वितम् । चचाल कुर्वन्संभग्नं स्वभारेण फणीश्वरम्

tatpṛṣṭhato mahāsainyaṁ caturaṁgasamanvitam cacāla kurvansaṁbhagnaṁ svabhāreṇa phaṇīśvaram

उनके पीछे चतुरंगिणी विशाल सेना चली, अपने ही भार से शेषनाग को भी विचलित करती हुई।

श्लोक 7 (padma.5.65.7)

जवेन जाह्नवीं तीर्त्वा कल्लोलजलशालिनीम् । जगाम विषये स्वीये स्वकीयजनशोभिते

javena jāhnavīṁ tīrtvā kallolajalaśālinīm jagāma viṣaye svīye svakīyajanaśobhite

लहराते जल से सुशोभित गंगा को शीघ्रता से पार करके वे अपने ही राज्य में गए, जो अपनी ही प्रजा से सुशोभित था।

श्लोक 8 (padma.5.65.8)

पुष्कलेन युतो राजा सुरथेन समन्वितः । रथे मणिमये तिष्ठन्महत्कोदंडधारकः

puṣkalena yuto rājā surathena samanvitaḥ rathe maṇimaye tiṣṭhanmahatkodaṁḍadhārakaḥ

राजा, पुष्कल तथा सुरथ सहित, मणिमय रथ पर खड़े होकर, अपना महान् धनुष धारण किए हुए —

श्लोक 9 (padma.5.65.9)

हयं तं पुरतः कृत्वा रत्नमालाविभूषितम् । श्वेतातपत्रं तस्यैव मूर्ध्नि चामरभूषितम्

hayaṁ taṁ purataḥ kṛtvā ratnamālāvibhūṣitam śvetātapatraṁ tasyaiva mūrdhni cāmarabhūṣitam

— रत्नमाला से विभूषित उस अश्व को आगे करके, उसके मस्तक पर एक श्वेत छत्र, चँवरों से सुशोभित —

श्लोक 10 (padma.5.65.10)

अनेकरथसाहस्रैः परितो बलिभिर्नृपैः । उद्यत्कोदंडललितैर्वीरनादविभूषितैः

anekarathasāhasraiḥ parito balibhirnṛpaiḥ udyatkodaṁḍalalitairvīranādavibhūṣitaiḥ

— अनेक सहस्र रथों से, बलवान् राजाओं से घिरे हुए, उठे हुए धनुषों से सुशोभित, वीर-गर्जना से अलंकृत —

श्लोक 11 (padma.5.65.11)

क्रमेण नगरीं प्राप सूर्यवंशविभूषिताम् । अनेकैः केतुभिः श्रेष्ठैर्भूषितां दुर्गराजिताम्

krameṇa nagarīṁ prāpa sūryavaṁśavibhūṣitām anekaiḥ ketubhiḥ śreṣṭhairbhūṣitāṁ durgarājitām

— क्रमशः वे उस नगरी में पहुँचे, जो सूर्यवंश से सुशोभित थी, अनेक श्रेष्ठ ध्वजाओं से सुंदर, अपने दुर्ग से देदीप्यमान।

श्लोक 12 (padma.5.65.12)

रामः श्रुत्वा हयं प्राप्तं शत्रुघ्नेन सहामुना । पुष्कलेन च वीरेण ययौ हर्षमनेकधा

rāmaḥ śrutvā hayaṁ prāptaṁ śatrughnena sahāmunā puṣkalena ca vīreṇa yayau harṣamanekadhā

राम, अश्व के लौटने का समाचार सुनकर, शत्रुघ्न तथा वीर पुष्कल सहित, अत्यंत हर्ष को प्राप्त हुए।

श्लोक 13 (padma.5.65.13)

कटकं निर्दिदेशासौ चतुरंगं महाबलम् । लक्ष्मणं प्रेषयामास भ्रातरं बलिनां वरम्

kaṭakaṁ nirdideśāsau caturaṁgaṁ mahābalam lakṣmaṇaṁ preṣayāmāsa bhrātaraṁ balināṁ varam

उन्होंने उस महाबली चतुरंगिणी सेना को आज्ञा दी; अपने भाई, बलवानों में श्रेष्ठ लक्ष्मण को उनका स्वागत करने भेजा।

श्लोक 14 (padma.5.65.14)

लक्ष्मणः सैन्यसहितो गत्वा भ्रातरमागतम् । परिरेभे मुदाक्रांतः क्षतशोभितगात्रकम्

lakṣmaṇaḥ sainyasahito gatvā bhrātaramāgatam parirebhe mudākrāṁtaḥ kṣataśobhitagātrakam

लक्ष्मण सेना सहित गए, और हर्ष से भरकर, अपने आए हुए भाई का, जिसका शरीर घावों से सुशोभित था, आलिंगन किया।

श्लोक 15 (padma.5.65.15)

सर्वत्र कुशलं पृष्टो वार्तां चात्र चकार सः । परमं हर्षमापन्नः शत्रुघ्नः संगतो मुदा

sarvatra kuśalaṁ pṛṣṭo vārtāṁ cātra cakāra saḥ paramaṁ harṣamāpannaḥ śatrughnaḥ saṁgato mudā

सर्वत्र कुशल पूछे जाने पर उन्होंने वहाँ पूरा वृत्तांत बताया; उनसे मिलकर शत्रुघ्न अत्यंत हर्षित हो उठे।

श्लोक 16 (padma.5.65.16)

सौमित्रिः स्वरथे स्थित्वा भ्रात्रा सह महामनाः । सैन्येन महता वीरो ययौ स्वनगरीं प्रति

saumitriḥ svarathe sthitvā bhrātrā saha mahāmanāḥ sainyena mahatā vīro yayau svanagarīṁ prati

सुमित्रा-पुत्र, महामना, अपने ही रथ पर भाई सहित खड़े होकर, वह वीर, विशाल सेना सहित अपनी नगरी की ओर चल पड़े।

श्लोक 17 (padma.5.65.17)

सरयूः पुण्यसलिला पवित्रित जगत्त्रया । रामपादरजः पूता शरच्चंद्रसमप्रभा

sarayūḥ puṇyasalilā pavitrita jagattrayā rāmapādarajaḥ pūtā śaraccaṁdrasamaprabhā

वह सरयू, पुण्य जल वाली, त्रिलोक को पवित्र करने वाली, राम के चरण-रज से पावन, शरत्कालीन चंद्रमा के समान तेजस्वी —

श्लोक 18 (padma.5.65.18)

हंसकारंडवाकीर्णा चक्रवाकोपशोभिता । विचित्रतरवर्णैश्च पक्षिभिर्नादिता भृशम्

haṁsakāraṁḍavākīrṇā cakravākopaśobhitā vicitrataravarṇaiśca pakṣibhirnāditā bhṛśam

— हंसों और कारंडव पक्षियों से भरी हुई, चक्रवाक पक्षियों से सुशोभित, अत्यंत विविध वर्णों वाले पक्षियों की ध्वनि से गुंजायमान।

श्लोक 19 (padma.5.65.19)

मंडपास्तत्र बहुशो रामचंद्रेणकारिताः । ब्राह्मणानां वेदविदां पृथक्पाठनिनादकाः

maṁḍapāstatra bahuśo rāmacaṁdreṇakāritāḥ brāhmaṇānāṁ vedavidāṁ pṛthakpāṭhaninādakāḥ

वहाँ रामचंद्र द्वारा बनवाए गए अनेक मंडप थे, वेदविद ब्राह्मणों के अलग-अलग पाठ की ध्वनि से गूँजते हुए।

श्लोक 20 (padma.5.65.20)

क्षत्रियास्तत्र बहवो धनुःपाणि सुशोभिताः । ज्याटंकारेण बहुना नादयंतो महीतलम्

kṣatriyāstatra bahavo dhanuḥpāṇi suśobhitāḥ jyāṭaṁkāreṇa bahunā nādayaṁto mahītalam

वहाँ हाथों में धनुष लिए अनेक क्षत्रिय सुशोभित थे, अपनी प्रत्यंचाओं की महाध्वनि से पृथ्वी को गुँजाते हुए।

श्लोक 21 (padma.5.65.21)

भुंजते ब्राह्मणा यत्र विचित्रान्नैर्मनोहरैः । परस्परं प्रपश्यंतो वार्तां चक्रुर्मनोहराम्

bhuṁjate brāhmaṇā yatra vicitrānnairmanoharaiḥ parasparaṁ prapaśyaṁto vārtāṁ cakrurmanoharām

जहाँ ब्राह्मणगण अनेक प्रकार के मनोहर व्यंजनों को खाते हुए, एक-दूसरे को देखते हुए, परस्पर मनोहर वार्तालाप करते थे —

श्लोक 22 (padma.5.65.22)

पायसान्नानि शुभ्राणि चंद्रकांतिसमानि च । क्षीराज्यबहुयुक्तानि शर्करामिश्रितानि च

pāyasānnāni śubhrāṇi caṁdrakāṁtisamāni ca kṣīrājyabahuyuktāni śarkarāmiśritāni ca

— चंद्रमा की कांति के समान श्वेत खीरें, दूध-घी से प्रचुर, शक्कर मिश्रित —

श्लोक 23 (padma.5.65.23)

अपूपास्तत्र बहुलाश्चंद्रबिंबसमाः श्रिया । कर्पूरादिसुगंधेन वासिताः सुमनोहराः

apūpāstatra bahulāścaṁdrabiṁbasamāḥ śriyā karpūrādisugaṁdhena vāsitāḥ sumanoharāḥ

— वहाँ चंद्रमंडल के समान सुंदर अनेक रोटियाँ थीं, कर्पूर आदि की सुगंध से सुवासित, अत्यंत मनोहर —

श्लोक 24 (padma.5.65.24)

फेनिकाघटकाः स्निग्धाः शतच्छिद्रा विरंध्रकाः । शष्कुल्यो मंडकामृष्टा मधुरान्नसमन्विताः

phenikāghaṭakāḥ snigdhāḥ śatacchidrā viraṁdhrakāḥ śaṣkulyo maṁḍakāmṛṣṭā madhurānnasamanvitāḥ

— स्निग्ध फेनिका-मिठाइयाँ, सौ छिद्रों से युक्त, दोषरहित; शष्कुली तथा स्वच्छ मंडक, मधुर व्यंजनों से युक्त —

श्लोक 25 (padma.5.65.25)

भक्तं कुमुदसंकाशं मुद्गदालिविमिश्रितम् । सुगंधेन समायुक्तमत्यंतं प्रीतिदायकम्

bhaktaṁ kumudasaṁkāśaṁ mudgadālivimiśritam sugaṁdhena samāyuktamatyaṁtaṁ prītidāyakam

— कुमुद के समान भात, मूँग की दाल से मिश्रित, सुगंध से युक्त, अत्यंत प्रीति देने वाला —

श्लोक 26 (padma.5.65.26)

ओदनो दधिना युक्तो भीमसेनसमन्वितः । स्वादुपाककरैः सृष्टः पात्रे मुक्तः प्रवेषकैः

odano dadhinā yukto bhīmasenasamanvitaḥ svādupākakaraiḥ sṛṣṭaḥ pātre muktaḥ praveṣakaiḥ

— दही से युक्त भात, स्वादुपाक-कुशल रसोइयों द्वारा तैयार, पात्रों से परोसने वालों द्वारा प्रस्तुत —

श्लोक 27 (padma.5.65.27)

तत्र केचिद्द्विजाः पात्रे निक्षिप्तं वीक्ष्य पायसम् । परस्परं ते प्रत्यूचुः किमिदं दृश्यतेऽद्भुतम्

tatra keciddvijāḥ pātre nikṣiptaṁ vīkṣya pāyasam parasparaṁ te pratyūcuḥ kimidaṁ dṛśyate'dbhutam

वहाँ कुछ ब्राह्मणों ने अपने पात्रों में रखी हुई उस खीर को देखकर परस्पर कहा — यहाँ यह कैसी अद्भुत वस्तु दिखाई दे रही है?

श्लोक 28 (padma.5.65.28)

किं चंद्रबिंबं नभसः पतितं तमसो भयात् । अमृतं तु भवत्यत्र मृत्युनाशकमद्भुतम्

kiṁ caṁdrabiṁbaṁ nabhasaḥ patitaṁ tamaso bhayāt amṛtaṁ tu bhavatyatra mṛtyunāśakamadbhutam

क्या आकाश से चंद्रमंडल अंधकार के भय से गिर पड़ा है? यहाँ यह मृत्यु का नाश करने वाला अद्भुत अमृत बन गया है।

श्लोक 29 (padma.5.65.29)

तच्छ्रुत्वा रोषताम्राक्षः प्रोवाचान्यो द्विजोत्तमः । नभवत्येव चंद्रस्य बिंबं त्वमृतविप्लुतम्

tacchrutvā roṣatāmrākṣaḥ provācānyo dvijottamaḥ nabhavatyeva caṁdrasya biṁbaṁ tvamṛtaviplutam

यह सुनकर क्रोध से लाल नेत्रों वाले एक अन्य द्विजोत्तम ने कहा — यह अमृत से आप्लावित चंद्रमा का बिंब नहीं हो सकता।

श्लोक 30 (padma.5.65.30)

एकमिंदोर्वपुस्त्वेतद्दृश्यते सदृशं कथम् । ब्राह्मणानां सहस्रस्य पात्रे पात्रे पृथक्पृथक्

ekamiṁdorvapustvetaddṛśyate sadṛśaṁ katham brāhmaṇānāṁ sahasrasya pātre pātre pṛthakpṛthak

चंद्रमा का शरीर तो एक ही है — यह हजारों ब्राह्मणों के पात्र-पात्र में एक समान कैसे दिखाई दे सकता है?

श्लोक 31 (padma.5.65.31)

ततो जानीहि कुमुदं कर्पूरं वा भविष्यति । मा जानीहि मृगांकस्य बिंबं शुभ्रश्रियान्वितम्

tato jānīhi kumudaṁ karpūraṁ vā bhaviṣyati mā jānīhi mṛgāṁkasya biṁbaṁ śubhraśriyānvitam

इसलिए इसे कुमुद, अथवा शायद कर्पूर जानो; इसे मृगांक (चंद्रमा) का बिंब, शुभ्र-श्री से युक्त, मत समझो।

श्लोक 32 (padma.5.65.32)

तावदन्यो रुषाक्रांतो धुन्वन्स्वं मस्तकं तथा । न जानंति द्विजा मूढाः स्वादुज्ञाना विचक्षणाः

tāvadanyo ruṣākrāṁto dhunvansvaṁ mastakaṁ tathā na jānaṁti dvijā mūḍhāḥ svādujñānā vicakṣaṇāḥ

तब एक अन्य, क्रोध से भरकर, अपना सिर हिलाते हुए बोला — मूर्ख ब्राह्मण नहीं जानते — वे केवल स्वाद जानने में ही निपुण हैं।

श्लोक 33 (padma.5.65.33)

इदं तु क्षौद्रकंदस्यरसेन परिपाचितम् । जानीहि शतपत्रस्य पुष्पाणि मधुराणि च

idaṁ tu kṣaudrakaṁdasyarasena paripācitam jānīhi śatapatrasya puṣpāṇi madhurāṇi ca

यह तो मधु-कंद के रस से पकाया गया है; इसे कमल के मधुर पुष्प जानो।

श्लोक 34 (padma.5.65.34)

एवं परस्परं विप्राः कंदमूलफलाशिनः । तर्कयंति मुने प्रीता रसज्ञानेऽतिलोलुपाः

evaṁ parasparaṁ viprāḥ kaṁdamūlaphalāśinaḥ tarkayaṁti mune prītā rasajñāne'tilolupāḥ

हे मुने! इस प्रकार कंद-मूल-फल खाने वाले वे ब्राह्मण, प्रसन्न होकर, स्वाद-ज्ञान में अत्यंत लोलुप होकर परस्पर तर्क-वितर्क करने लगे।

श्लोक 35 (padma.5.65.35)

तावदन्यो द्विजः प्राह क्षत्त्रियाणां वरं जनुः । भोक्ष्यंते तादृशं त्वन्नं महत्पुण्यैरुपस्कृतम्

tāvadanyo dvijaḥ prāha kṣattriyāṇāṁ varaṁ januḥ bhokṣyaṁte tādṛśaṁ tvannaṁ mahatpuṇyairupaskṛtam

तब एक अन्य ब्राह्मण ने कहा — क्षत्रिय, जन्मों में श्रेष्ठ — वे ही ऐसे महापुण्य से सिद्ध अन्न को खाएँगे।

श्लोक 36 (padma.5.65.36)

तदा तं प्राब्रवीद्विप्रो दत्तस्य फलमीदृशम् । ये ददत्यग्रजन्मभ्यः प्राप्नुवंति त ईप्सितम्

tadā taṁ prābravīdvipro dattasya phalamīdṛśam ye dadatyagrajanmabhyaḥ prāpnuvaṁti ta īpsitam

तब एक ब्राह्मण ने उससे कहा — दान का ऐसा ही फल होता है; जो द्विजों को दान देते हैं, वे अपनी इच्छित वस्तु प्राप्त करते हैं।

श्लोक 37 (padma.5.65.37)

यैरर्चितो नैव हरिर्नैवेद्यैर्विविधैर्मुहुः । तेषामेतादृशं भोज्यं न भवेदक्षिगोचरम्

yairarcito naiva harirnaivedyairvividhairmuhuḥ teṣāmetādṛśaṁ bhojyaṁ na bhavedakṣigocaram

जिन्होंने बार-बार अनेक प्रकार के नैवेद्यों से हरि की पूजा नहीं की — उनके लिए ऐसा भोज्य कभी दृष्टिगोचर नहीं होता।

श्लोक 38 (padma.5.65.38)

यैर्नरैरग्रजन्मानो भोजिता विविधै रसैः । भुंजते ते स्वादुरसं पापिनां चक्षुरुज्झितम्

yairnarairagrajanmāno bhojitā vividhai rasaiḥ bhuṁjate te svādurasaṁ pāpināṁ cakṣurujjhitam

जिन मनुष्यों ने द्विजों को विविध रसों से भोजन कराया है — वे ही मधुर रस का उपभोग करते हैं; पापियों के लिए यह अदृश्य ही रहता है।

श्लोक 39 (padma.5.65.39)

एवंविधैरसैर्मिष्टैर्भोजिता द्विजसत्तमाः । मंडपे विपठंतस्ते शब्दब्रह्मविचक्षणाः

evaṁvidhairasairmiṣṭairbhojitā dvijasattamāḥ maṁḍape vipaṭhaṁtaste śabdabrahmavicakṣaṇāḥ

ऐसे मीठे व्यंजनों से भोजन किए हुए, शब्द-ब्रह्म में निपुण वे द्विजश्रेष्ठ उस मंडप में पाठ करते हुए —

श्लोक 40 (padma.5.65.40)

नृत्यंत्येके हसन्त्येके नदन्त्येके प्रहर्षिताः । उत्सवो बहुरुद्भाति तत्र शत्रुघ्न आगमत्

nṛtyaṁtyeke hasantyeke nadantyeke praharṣitāḥ utsavo bahurudbhāti tatra śatrughna āgamat

— कुछ नाचने लगे, कुछ हँसने लगे, कुछ हर्षित होकर गरजने लगे; वहाँ महान् उत्सव शोभित हो उठा, जब शत्रुघ्न आ पहुँचे।

श्लोक 41 (padma.5.65.41)

रामः शत्रुघ्नमायांतं पुष्कलेन समन्वितम् । निरीक्ष्यमुदमुद्भूतां रक्षितुं नाशकत्तदा

rāmaḥ śatrughnamāyāṁtaṁ puṣkalena samanvitam nirīkṣyamudamudbhūtāṁ rakṣituṁ nāśakattadā

शत्रुघ्न को पुष्कल सहित आते देखकर राम उस समय उत्पन्न हुए हर्ष को रोक न सके।

श्लोक 42 (padma.5.65.42)

यावदुत्तिष्ठते रामो भ्रातरं हयपालकम् । तावद्रामपदेलग्नः शत्रुघ्नो भ्रातृवत्सलः

yāvaduttiṣṭhate rāmo bhrātaraṁ hayapālakam tāvadrāmapadelagnaḥ śatrughno bhrātṛvatsalaḥ

जब तक राम अपने भाई, अश्व-रक्षक, को उठाने के लिए बढ़े, तब तक भाई-प्रेमी शत्रुघ्न राम के चरणों में गिर पड़े।

श्लोक 43 (padma.5.65.43)

पादयोः पतितं वीक्ष्य भ्रातरं विनयान्वितम् । परिरेभे दृढं प्रीतः क्षतसंशोभितांगकम्

pādayoḥ patitaṁ vīkṣya bhrātaraṁ vinayānvitam parirebhe dṛḍhaṁ prītaḥ kṣatasaṁśobhitāṁgakam

अपने विनम्र भाई को चरणों में गिरा देखकर उन्होंने उसे दृढ़ता से आलिंगन किया, प्रसन्न होकर, घावों से सुशोभित उसके अंगों को।

श्लोक 44 (padma.5.65.44)

अश्रूणि बहुधा मुंचन्हर्षाच्छिरसि राघवः । अत्यंतं परमां प्राप मुदं वचनदूरगाम्

aśrūṇi bahudhā muṁcanharṣācchirasi rāghavaḥ atyaṁtaṁ paramāṁ prāpa mudaṁ vacanadūragām

हर्ष से उसके सिर पर अनेक आँसू बहाते हुए राघव ने वाणी से परे परम आनंद प्राप्त किया।

श्लोक 45 (padma.5.65.45)

पुष्कलं स्वीयपदयोर्नम्रं विनयविह्वलः । सुदृढं भुजयोर्मध्ये विनीयापीडयद्भृशम्

puṣkalaṁ svīyapadayornamraṁ vinayavihvalaḥ sudṛḍhaṁ bhujayormadhye vinīyāpīḍayadbhṛśam

विनयविह्वल होकर अपने चरणों में झुके पुष्कल को उन्होंने दृढ़ता से अपनी दोनों भुजाओं के मध्य दबाया, बार-बार आलिंगन करते हुए।

श्लोक 46 (padma.5.65.46)

हनूमंतं तथा वीरं सुग्रीवं चांगदं तथा । लक्ष्मीनिधिं जनकजं प्रतापाग्र्यं रिपुंजयम्

hanūmaṁtaṁ tathā vīraṁ sugrīvaṁ cāṁgadaṁ tathā lakṣmīnidhiṁ janakajaṁ pratāpāgryaṁ ripuṁjayam

इसी प्रकार वीर हनुमान, सुग्रीव, अंगद, लक्ष्मीनिधि, जनक के वंशज, प्रतापाग्र्य, रिपुंजय —

श्लोक 47 (padma.5.65.47)

सुबाहुं सुमदं वीरं विमलं नीलरत्नकम् । सत्यवंतं वीरमणिं सुरथं रामसेवकम्

subāhuṁ sumadaṁ vīraṁ vimalaṁ nīlaratnakam satyavaṁtaṁ vīramaṇiṁ surathaṁ rāmasevakam

— वीर सुबाहु, सुमद, विमल, नीलरत्न, सत्यवान्, वीरमणि, राम-सेवक सुरथ —

श्लोक 48 (padma.5.65.48)

अन्यानपि महाभागान्रघुनाथः स्वयं तदा । परिरेभे दृढं स्निग्धान्पादयोः प्रणतान्नृपान्

anyānapi mahābhāgānraghunāthaḥ svayaṁ tadā parirebhe dṛḍhaṁ snigdhānpādayoḥ praṇatānnṛpān

— तथा अन्य भी महाभाग्यशाली, स्वयं रघुनाथ ने तब उन चरणों में झुके राजाओं को स्नेह से दृढ़ता से आलिंगन किया।

श्लोक 49 (padma.5.65.49)

सुमतिः श्रीरघुपतिं भक्तानुग्रहकारकम् । परिरभ्य दृढं प्रीतः संमुखे तिष्ठदुन्नतः

sumatiḥ śrīraghupatiṁ bhaktānugrahakārakam parirabhya dṛḍhaṁ prītaḥ saṁmukhe tiṣṭhadunnataḥ

सुमति ने श्रीरघुपति को, जो भक्तों पर अनुग्रह करते हैं, दृढ़ता से प्रसन्न होकर आलिंगन किया, और उनके सम्मुख उन्नत होकर खड़े रहे।

श्लोक 50 (padma.5.65.50)

तदा रामो निजामात्यं वीक्ष्य सान्निध्यमागतम् । उवाच परमप्रीत्या मंत्रिणं वदतां वरः

tadā rāmo nijāmātyaṁ vīkṣya sānnidhyamāgatam uvāca paramaprītyā maṁtriṇaṁ vadatāṁ varaḥ

तब राम ने अपने मंत्री को समीप आया देखकर, वक्ताओं में श्रेष्ठ उस मंत्री से परम स्नेह के साथ कहा —

श्लोक 51 (padma.5.65.51)

सुमते मंत्रिणां श्रेष्ठ शंश मे वाग्मिनां वर । क एते भूमिपाः सर्वे कथमत्र समागताः

sumate maṁtriṇāṁ śreṣṭha śaṁśa me vāgmināṁ vara ka ete bhūmipāḥ sarve kathamatra samāgatāḥ

हे सुमते! हे मंत्रिश्रेष्ठ! हे वाग्मियों में श्रेष्ठ! मुझे बताओ — ये सभी राजा कौन हैं, और यहाँ कैसे आ पहुँचे?

श्लोक 52 (padma.5.65.52)

कुत्रकुत्र हयः प्राप्तः केनकेन नियंत्रितः । कथं वै मोचितो भ्रात्रा महाबलसुशालिना

kutrakutra hayaḥ prāptaḥ kenakena niyaṁtritaḥ kathaṁ vai mocito bhrātrā mahābalasuśālinā

कहाँ-कहाँ अश्व पकड़ा गया, और किस-किस के द्वारा रोका गया? और मेरे उस अत्यंत बलशाली भाई द्वारा वह कैसे मुक्त कराया गया?

श्लोक 53 (padma.5.65.53)

शेष उवाच। इत्युक्तो मंत्रिणां श्रेष्ठः सुमतिः प्राह राघवम् । प्रहसन्मेघगंभीर नादेन च सुबुद्धिमान्

śeṣa uvāca ityukto maṁtriṇāṁ śreṣṭhaḥ sumatiḥ prāha rāghavam prahasanmeghagaṁbhīra nādena ca subuddhimān

शेष जी ने कहा — इस प्रकार पूछे जाने पर सुबुद्धि सुमति, मंत्रियों में श्रेष्ठ, हँसते हुए, मेघ के समान गंभीर स्वर में राघव से कहा —

श्लोक 54 (padma.5.65.54)

सुमतिरुवाच। सर्वज्ञस्य पुरस्तेऽद्य मया कथमुदीर्यते । पृच्छसि त्वं लोकरीत्या सर्वं जानासि सर्वदृक्

sumatiruvāca sarvajñasya puraste'dya mayā kathamudīryate pṛcchasi tvaṁ lokarītyā sarvaṁ jānāsi sarvadṛk

सुमति ने कहा — मैं आज आपके, सर्वज्ञ के, समक्ष कैसे कहूँ? आप लोक-रीति से पूछते हैं — आप, जो सब देखते हैं, पहले से ही सब जानते हैं।

श्लोक 55 (padma.5.65.55)

तथापि तव निर्देशं शिरस्याधाय सर्वदा । ब्रवीमि तच्छृणुष्वाद्य सर्वराजशिरोमणे

tathāpi tava nirdeśaṁ śirasyādhāya sarvadā bravīmi tacchṛṇuṣvādya sarvarājaśiromaṇe

फिर भी, आपकी आज्ञा को सदा शिरोधार्य करते हुए, मैं अब कहता हूँ — हे समस्त राजाओं के शिरोमणि! सुनिए।

श्लोक 56 (padma.5.65.56)

त्वत्प्रसादादहो स्वामिन्सर्वत्र जगतीतले । परिबभ्राम ते वाहो भालपत्रसुशोभितः

tvatprasādādaho svāminsarvatra jagatītale paribabhrāma te vāho bhālapatrasuśobhitaḥ

हे स्वामिन्! आपकी कृपा से आपका वह अश्व, भाल-पत्र से सुशोभित, इस पृथ्वीतल पर सर्वत्र विचरण करता रहा।

श्लोक 57 (padma.5.65.57)

न कश्चित्तं निजग्राह स्वनामबलदर्पितः । स्वं स्वं राज्यं समर्प्याथ प्रणेमुस्ते पदांबुजम्

na kaścittaṁ nijagrāha svanāmabaladarpitaḥ svaṁ svaṁ rājyaṁ samarpyātha praṇemuste padāṁbujam

अपने ही नाम और बल के अभिमानी किसी ने भी उसे नहीं पकड़ा; अपने-अपने राज्य अर्पित करके उन्होंने आपके चरण-कमलों में प्रणाम किया।

श्लोक 58 (padma.5.65.58)

को वा रावण दैत्येंद्र निहंतुर्वाजिसत्तमम् । गृह्णाति विजयाकांक्षी जरामरणवर्जितः

ko vā rāvaṇa daityeṁdra nihaṁturvājisattamam gṛhṇāti vijayākāṁkṣī jarāmaraṇavarjitaḥ

भला जरा-मृत्यु से रहित उस रावण-संहारक का वह श्रेष्ठ अश्व, विजय की कामना से भला कौन पकड़ेगा?

श्लोक 59 (padma.5.65.59)

अहिच्छत्रां गतस्तावत्तव वाजी मनोरमः । तद्राजा सुमदः श्रुत्वा हयं प्राप्तं तव प्रभो

ahicchatrāṁ gatastāvattava vājī manoramaḥ tadrājā sumadaḥ śrutvā hayaṁ prāptaṁ tava prabho

आपका मनोहर अश्व फिर अहिच्छत्रा को गया; हे प्रभो! वहाँ राजा सुमद ने आपका अश्व आया सुनकर —

श्लोक 60 (padma.5.65.60)

सपुत्रः प्रबलः सर्वसैन्येन बलिना वृतः । सर्वं समर्पयामास राज्यं निहतकंटकम्

saputraḥ prabalaḥ sarvasainyena balinā vṛtaḥ sarvaṁ samarpayāmāsa rājyaṁ nihatakaṁṭakam

— अपने पुत्र सहित, बलशाली, अपनी संपूर्ण बलवान् सेना से घिरे हुए, अपना संपूर्ण कंटकरहित राज्य अर्पित कर दिया।

श्लोक 61 (padma.5.65.61)

यो राजा जगतां नेत्रीं मातरं जगदंबिकाम् । प्रसाद्य चिरमायुष्यं लेभे राज्यमकंटकम्

yo rājā jagatāṁ netrīṁ mātaraṁ jagadaṁbikām prasādya ciramāyuṣyaṁ lebhe rājyamakaṁṭakam

उस राजा ने, जगत् की माता, समस्त प्राणियों की नेत्री, को प्रसन्न करके, दीर्घायु तथा निष्कंटक राज्य प्राप्त किया।

श्लोक 62 (padma.5.65.62)

स एष त्वां प्रणमति सुमदः प्रभुसेवितम् । तं गृहाण कृपादृष्ट्या चिराद्दर्शनकांक्षकम्

sa eṣa tvāṁ praṇamati sumadaḥ prabhusevitam taṁ gṛhāṇa kṛpādṛṣṭyā cirāddarśanakāṁkṣakam

वही सुमद, अपने प्रभु द्वारा सेवित, आपको प्रणाम करता है; चिरकाल से आपके दर्शन का इच्छुक, उसे कृपा-दृष्टि से स्वीकार कीजिए।

श्लोक 63 (padma.5.65.63)

ततः सुबाहुभूपस्य नगरे बलपूरिते । दमनस्तस्य वै पुत्रः प्रजग्राह हयोत्तमम्

tataḥ subāhubhūpasya nagare balapūrite damanastasya vai putraḥ prajagrāha hayottamam

तब राजा सुबाहु की बलपूर्ण नगरी में, उनके पुत्र दमन ने उस श्रेष्ठ अश्व को पकड़ लिया।

श्लोक 64 (padma.5.65.64)

तेन साकं महद्युद्धं बभूव दमनेन च । पुष्कलो जयमापेदे संमूर्छ्य सुभुजात्मजम्

tena sākaṁ mahadyuddhaṁ babhūva damanena ca puṣkalo jayamāpede saṁmūrchya subhujātmajam

उस दमन के साथ महायुद्ध हुआ; पुष्कल ने उस सुबाहु के पुत्र को मूर्च्छित करके विजय प्राप्त की।

श्लोक 65 (padma.5.65.65)

ततः सुबाहुः संक्रुद्धो रणे पवनजं बलात् । युयुधे तव पादाब्जसेवकं बलिनां वरम्

tataḥ subāhuḥ saṁkruddho raṇe pavanajaṁ balāt yuyudhe tava pādābjasevakaṁ balināṁ varam

तब सुबाहु क्रुद्ध होकर उस युद्ध में बलपूर्वक पवनसुत से, आपके चरण-कमलों के उस सेवक, बलवानों में श्रेष्ठ, से लड़े।

श्लोक 66 (padma.5.65.66)

तस्य पादाहतो ज्ञानं प्राप्य शापतिरस्कृतम् । तुभ्यं समर्प्य सकलं वाजिनः पालकोऽभवत्

tasya pādāhato jñānaṁ prāpya śāpatiraskṛtam tubhyaṁ samarpya sakalaṁ vājinaḥ pālako'bhavat

उनके पैरों की चोट से शाप-रहित ज्ञान प्राप्त करके उसने सब कुछ आपको अर्पित कर दिया, और अश्व का रक्षक बन गया।

श्लोक 67 (padma.5.65.67)

एष त्वां सुभुजो राजा प्रणमत्युन्नतांगकः । कृपादृष्ट्याभिषिंच त्वं सुबाहुं नयकोविदम्

eṣa tvāṁ subhujo rājā praṇamatyunnatāṁgakaḥ kṛpādṛṣṭyābhiṣiṁca tvaṁ subāhuṁ nayakovidam

यह राजा सुबाहु, उन्नत देहधारी, आपको प्रणाम करता है; हे नयकुशल! उसे कृपा-दृष्टि से अभिषिक्त कीजिए।

श्लोक 68 (padma.5.65.68)

ततो मुक्तो हयो रेवाह्रदे स निममज्ज ह । तत्र प्राप्तं मोहनास्त्रं शत्रुघ्नेन बलीयसा

tato mukto hayo revāhrade sa nimamajja ha tatra prāptaṁ mohanāstraṁ śatrughnena balīyasā

तब मुक्त होकर वह अश्व रेवा के जलाशय में जा घुसा; वहाँ बलवान् शत्रुघ्न ने मोहनास्त्र प्राप्त किया।

श्लोक 69 (padma.5.65.69)

ततो देवपुरे प्रागाच्छिववासविभूषिते । तत्रत्यं तु विजानासि यतस्त्वं तत्र चागतः

tato devapure prāgācchivavāsavibhūṣite tatratyaṁ tu vijānāsi yatastvaṁ tatra cāgataḥ

फिर वह देवताओं की उस नगरी में गया, जो शिव-निवास से सुशोभित थी; वहाँ जो हुआ वह आप स्वयं जानते हैं, क्योंकि आप स्वयं वहाँ गए थे।

श्लोक 70 (padma.5.65.70)

विद्युन्माली हतो दैत्यः सत्यवान्संगतस्ततः । सुरथेन समं युद्धं जानासि त्वं महामते

vidyunmālī hato daityaḥ satyavānsaṁgatastataḥ surathena samaṁ yuddhaṁ jānāsi tvaṁ mahāmate

वहाँ दैत्य विद्युन्माली मारा गया, और तब सत्यवान् हमारे साथ जुड़ गए; हे महामते! सुरथ के साथ हुए युद्ध को भी आप जानते हैं।

श्लोक 71 (padma.5.65.71)

ततः कुंडलकान्मुक्तो हयो बभ्राम सर्वतः । न कश्चित्तं निजग्राह स्ववीर्यबलदर्पितः

tataḥ kuṁḍalakānmukto hayo babhrāma sarvataḥ na kaścittaṁ nijagrāha svavīryabaladarpitaḥ

फिर कुंडलक से मुक्त होकर अश्व सर्वत्र विचरण करता रहा; अपने पराक्रम और बल के अभिमानी किसी ने भी उसे नहीं पकड़ा।

श्लोक 72 (padma.5.65.72)

वाल्मीकेराश्रमे रम्ये हयः प्राप्तो मनोरमः । तत्र यत्कुतुकं जातं तच्छृणुष्व नरोत्तम

vālmīkerāśrame ramye hayaḥ prāpto manoramaḥ tatra yatkutukaṁ jātaṁ tacchṛṇuṣva narottama

वाल्मीकि के रमणीय आश्रम में वह अत्यंत मनोहर अश्व पहुँचा; हे नरोत्तम! वहाँ जो अद्भुत घटना घटी, उसे सुनिए।

श्लोक 73 (padma.5.65.73)

तत्रार्भस्तव सारूप्यं बिभ्रत्षोडशवार्षिकः । जग्राह वीक्ष्य पत्रांकं वाजिनं बलवत्तमः

tatrārbhastava sārūpyaṁ bibhratṣoḍaśavārṣikaḥ jagrāha vīkṣya patrāṁkaṁ vājinaṁ balavattamaḥ

वहाँ आपकी ही समानता धारण करने वाले सोलह वर्षीय एक अत्यंत बलवान् बालक ने, उस पत्र को देखकर, अश्व को पकड़ लिया।

श्लोक 74 (padma.5.65.74)

तत्र कालजिता युद्धं महज्जातं नरोत्तम । निहतस्तेन वीरेण शितधारेण हेतिना

tatra kālajitā yuddhaṁ mahajjātaṁ narottama nihatastena vīreṇa śitadhāreṇa hetinā

हे नरोत्तम! वहाँ कालजित् के साथ महायुद्ध हुआ; वह उस वीर द्वारा तीक्ष्ण धार वाले शस्त्र से मारा गया।

श्लोक 75 (padma.5.65.75)

अनेके निहताः संख्ये पुष्कलाद्या महाबलाः । मूर्च्छितं चापि शत्रुघ्नं चक्रे वीरशिरोमणिः

aneke nihatāḥ saṁkhye puṣkalādyā mahābalāḥ mūrcchitaṁ cāpi śatrughnaṁ cakre vīraśiromaṇiḥ

बलशाली अनेक वीर — पुष्कल आदि — उस युद्ध में मारे गए; उस वीरशिरोमणि ने शत्रुघ्न को भी मूर्च्छित कर दिया।

श्लोक 76 (padma.5.65.76)

तदा राजा महद्दुःखं विचार्य हृदिसंयुगे । कोपेन मूर्च्छितं चक्रे वीरो हि बलिनां वरः

tadā rājā mahadduḥkhaṁ vicārya hṛdisaṁyuge kopena mūrcchitaṁ cakre vīro hi balināṁ varaḥ

तब उस युद्ध में हृदय में महान् दुःख का विचार करते हुए, वह वीर, बलवानों में श्रेष्ठ (बालक), क्रोधवश उन्हें (शत्रुघ्न को) पुनः मूर्च्छित कर दिया।

श्लोक 77 (padma.5.65.77)

स यावन्मूर्च्छितो राज्ञा तावदन्यः समागतः । तेनैतेन च संजीव्य नाशितं कटकं तव

sa yāvanmūrcchito rājñā tāvadanyaḥ samāgataḥ tenaitena ca saṁjīvya nāśitaṁ kaṭakaṁ tava

वे (शत्रुघ्न) जब तक राजा (बालक) द्वारा मूर्च्छित पड़े थे, तब तक दूसरा (कुश) भी आ पहुँचा; इन दोनों ने ही, नए उत्साह से भरकर, आपकी सेना को नष्ट कर डाला।

श्लोक 78 (padma.5.65.78)

सर्वेषां मूर्च्छितानां तु शस्त्राण्याभरणानि च । गृहीत्वा वानरौ बद्धौ जग्मतुः स्वाश्रमं प्रति

sarveṣāṁ mūrcchitānāṁ tu śastrāṇyābharaṇāni ca gṛhītvā vānarau baddhau jagmatuḥ svāśramaṁ prati

उन सभी मूर्च्छितों के शस्त्र और आभूषण लेकर, दोनों वानरों को बाँधकर वे अपने आश्रम की ओर चले गए।

श्लोक 79 (padma.5.65.79)

कृपां कृत्वा पुनस्तेन दत्तोऽश्वो यज्ञियो महान् । जीवनं प्रापितं सर्वं कटकं नष्टजीवितम्

kṛpāṁ kṛtvā punastena datto'śvo yajñiyo mahān jīvanaṁ prāpitaṁ sarvaṁ kaṭakaṁ naṣṭajīvitam

तब पुनः कृपा करके उस महान् यज्ञीय अश्व को उसके द्वारा वापस दे दिया गया; उस संपूर्ण सेना को, जिसका जीवन नष्ट हो गया था, पुनः जीवन प्राप्त हुआ।

श्लोक 80 (padma.5.65.80)

वयं गृहीत्वा तं वाहं प्राप्तास्तव समीपतः । एतदेव मया ज्ञातं तदुक्तं ते पुरोवचः

vayaṁ gṛhītvā taṁ vāhaṁ prāptāstava samīpataḥ etadeva mayā jñātaṁ taduktaṁ te purovacaḥ

उस अश्व को लेकर हम आपके समीप आ पहुँचे हैं; यही मैंने जाना है — यही मैंने आपसे, जैसा पहले घटित हुआ था, वैसा कह दिया।