यज्ञ का आरम्भ

श्लोक 1 (padma.5.67.1)

शेष उवाच। अथ सौमित्रिरागत्य जानकीं नतवान्मुहुः । प्रेमगद्गदया शंसन्वाचं रामप्रणोदिताम्

śeṣa uvāca atha saumitrirāgatya jānakīṁ natavānmuhuḥ premagadgadayā śaṁsanvācaṁ rāmapraṇoditām

तदनन्तर सौमित्र (लक्ष्मण) ने आकर जानकी को बार-बार प्रणाम किया और प्रेम से गद्गद वाणी में राम द्वारा भेजा गया संदेश कहा।

श्लोक 2 (padma.5.67.2)

सीता समागतं दृष्ट्वा लक्ष्मणं विनयान्वितम् । तन्मुखाद्रामसंदेशं श्रुत्वोवाच विलज्जिता

sītā samāgataṁ dṛṣṭvā lakṣmaṇaṁ vinayānvitam tanmukhādrāmasaṁdeśaṁ śrutvovāca vilajjitā

लक्ष्मण को विनयपूर्वक आया हुआ देखकर सीता ने उनके मुख से राम का संदेश सुनकर लज्जित होकर कहा।

श्लोक 3 (padma.5.67.3)

सौमित्रे कथमागच्छे रामत्यक्ता महावने । तिष्ठामि रामं स्मरन्ती वाल्मीकेराश्रमे त्वहम्

saumitre kathamāgacche rāmatyaktā mahāvane tiṣṭhāmi rāmaṁ smarantī vālmīkerāśrame tvaham

हे सौमित्र! राम द्वारा त्यागी गई मैं महावन में कैसे आ सकती हूँ? मैं तो राम का स्मरण करती हुई वाल्मीकि के आश्रम में ही रहती हूँ।

श्लोक 4 (padma.5.67.4)

तस्या मुखोदितं वाक्यं श्रुत्वा सौमित्रिरब्रवीत् । मातः पतिव्रते रामस्त्वामाकारयते मुहुः

tasyā mukhoditaṁ vākyaṁ śrutvā saumitrirabravīt mātaḥ pativrate rāmastvāmākārayate muhuḥ

उनके मुख से निकले ये वचन सुनकर सौमित्र ने कहा हे माता, पतिव्रते! राम बार-बार आपको बुला रहे हैं।

श्लोक 5 (padma.5.67.5)

पतिव्रता पतिकृतं दोषं नानयते हृदि । तस्मादागच्छ हि मया स्थित्वा स्यंदन उत्तमे

pativratā patikṛtaṁ doṣaṁ nānayate hṛdi tasmādāgaccha hi mayā sthitvā syaṁdana uttame

पतिव्रता पति द्वारा किए गए दोष को हृदय में नहीं लाती; अतः आप आइए, इस उत्तम रथ में विराजिए।

श्लोक 6 (padma.5.67.6)

इत्यादि वचनं श्रुत्वा जानकी पतिदेवता । मनोरोषं परित्यज्य तस्थौ सौमित्रिणा रथे

ityādi vacanaṁ śrutvā jānakī patidevatā manoroṣaṁ parityajya tasthau saumitriṇā rathe

ऐसे वचन सुनकर पतिदेवता जानकी ने मन का क्रोध त्यागकर सौमित्र के साथ रथ में स्थान ग्रहण किया।

श्लोक 7 (padma.5.67.7)

तापसीः सकला नत्वा मुनींश्च निगमोज्ज्वलान् । रामं स्मरंती मनसा रथे स्थित्वागमत्पुरीम्

tāpasīḥ sakalā natvā munīṁśca nigamojjvalān rāmaṁ smaraṁtī manasā rathe sthitvāgamatpurīm

समस्त तपस्विनियों तथा वेदों से उज्ज्वल मुनियों को प्रणाम करके, मन-ही-मन राम का स्मरण करती हुई वे रथ में बैठकर नगरी की ओर चलीं।

श्लोक 8 (padma.5.67.8)

क्रमेण नगरीं प्राप्ता महार्हाभरणान्विता । सरयूं सरितं प्राप यत्र रामः स्वयं स्थितः

krameṇa nagarīṁ prāptā mahārhābharaṇānvitā sarayūṁ saritaṁ prāpa yatra rāmaḥ svayaṁ sthitaḥ

क्रमशः बहुमूल्य आभूषणों से सज्जित होकर वे नगरी में पहुँचीं और सरयू नदी के तट पर आईं, जहाँ राम स्वयं विराजमान थे।

श्लोक 9 (padma.5.67.9)

रथादुत्तीर्य ललिता लक्ष्मणेन समन्विता । रामस्य पादयोर्लग्ना पतिव्रतपरायणा

rathāduttīrya lalitā lakṣmaṇena samanvitā rāmasya pādayorlagnā pativrataparāyaṇā

लक्ष्मण के साथ रथ से उतरकर वह सुकुमारी, पतिव्रता-धर्म में तत्पर सीता राम के चरणों में लिपट गईं।

श्लोक 10 (padma.5.67.10)

रामस्तामागतां दृष्ट्वा जानकीं प्रेमविह्वलाम् । साध्वि त्वया सहेदानीं कुर्वे यज्ञसमापनम्

rāmastāmāgatāṁ dṛṣṭvā jānakīṁ premavihvalām sādhvi tvayā sahedānīṁ kurve yajñasamāpanam

प्रेम से विह्वल जानकी को आया देख राम ने कहा हे साध्वी! अब तुम्हारे साथ मैं यज्ञ को पूर्ण करूँगा।

श्लोक 11 (padma.5.67.11)

वाल्मीकिं सा नमस्कृत्य तथान्यान्विप्रसत्तमान् । जगाम मातृपदयोः सन्नतिं कर्तुमुत्सुका

vālmīkiṁ sā namaskṛtya tathānyānviprasattamān jagāma mātṛpadayoḥ sannatiṁ kartumutsukā

उन्होंने वाल्मीकि तथा अन्य श्रेष्ठ ब्राह्मणों को नमस्कार करके सासों के चरणों में प्रणाम करने हेतु उत्सुक होकर प्रस्थान किया।

श्लोक 12 (padma.5.67.12)

कौशल्या तामथायांतीं वीरसूं जानकीं प्रियाम् । आशीर्भिरभिसंयुज्य ययौ हर्षमनेकधा

kauśalyā tāmathāyāṁtīṁ vīrasūṁ jānakīṁ priyām āśīrbhirabhisaṁyujya yayau harṣamanekadhā

वीरप्रसविनी प्रिय जानकी को आती देख कौशल्या ने अनेक आशीर्वादों से युक्त होकर उन्हें गले लगाया और अत्यंत हर्ष को प्राप्त हुईं।

श्लोक 13 (padma.5.67.13)

कैकेयीपदयोर्नम्रां वीक्ष्य वैदेहपुत्रिकाम् । भर्त्रा सह चिरं जीव सपुत्रेत्याशिषं व्यधात्

kaikeyīpadayornamrāṁ vīkṣya vaidehaputrikām bhartrā saha ciraṁ jīva saputretyāśiṣaṁ vyadhāt

कैकेयी के चरणों में नत वैदेहपुत्री को देखकर कैकेयी ने आशीर्वाद दिया पुत्र सहित पति के साथ चिरकाल तक जीवित रहो।

श्लोक 14 (padma.5.67.14)

सुमित्रा स्वपदेनम्रां वीक्ष्य वैदेहपुत्रिकाम् । आशिषं व्यदधात्तस्याः पुत्रपौत्रप्रदायिनीम्

sumitrā svapadenamrāṁ vīkṣya vaidehaputrikām āśiṣaṁ vyadadhāttasyāḥ putrapautrapradāyinīm

अपने चरणों में नत वैदेहपुत्री को देखकर सुमित्रा ने उन्हें पुत्र-पौत्र प्रदान करने वाला आशीर्वाद दिया।

श्लोक 15 (padma.5.67.15)

सीता ताः सर्वतो नत्वा रामचंद्र प्रिया सती । परमं हर्षमापन्ना बभूव किल वाडव

sītā tāḥ sarvato natvā rāmacaṁdra priyā satī paramaṁ harṣamāpannā babhūva kila vāḍava

रामचंद्र की प्रिय सती सीता ने उन सबको सब ओर से प्रणाम करके, हे विप्रवर! परम हर्ष को प्राप्त किया।

श्लोक 16 (padma.5.67.16)

समागतां वीक्ष्य पत्नीं रामचंद्रस्य कुंभजः । सुवर्णपत्नीं धिक्कृत्य तामधाद्धर्मचारिणीम्

samāgatāṁ vīkṣya patnīṁ rāmacaṁdrasya kuṁbhajaḥ suvarṇapatnīṁ dhikkṛtya tāmadhāddharmacāriṇīm

रामचंद्र की पत्नी को आया देखकर कुंभज (अगस्त्य) ने स्वर्णमयी पत्नी-प्रतिमा को हटाकर उस धर्मपरायणा को उसके स्थान पर प्रतिष्ठित किया।

श्लोक 17 (padma.5.67.17)

रामस्तदा यज्ञमध्ये शुशुभे सीतया सह । तारयानुगतो यद्वच्छशीव शरदुत्प्रभः

rāmastadā yajñamadhye śuśubhe sītayā saha tārayānugato yadvacchaśīva śaradutprabhaḥ

तब राम यज्ञ के मध्य सीता के साथ ऐसे सुशोभित हुए जैसे शरद ऋतु में तारे के साथ चन्द्रमा।

श्लोक 18 (padma.5.67.18)

प्रयोगमकरोत्तत्र काले प्राप्ते मनोरमे । वैदेह्या धर्मचारिण्या सर्वपापापनोदनम्

prayogamakarottatra kāle prāpte manorame vaidehyā dharmacāriṇyā sarvapāpāpanodanam

वहाँ मनोहर काल आने पर उन्होंने धर्मपरायणा वैदेही के साथ वह प्रयोग किया जो समस्त पापों को दूर करने वाला है।

श्लोक 19 (padma.5.67.19)

सीतया सहितं रामं प्रसक्तं यज्ञकर्मणि । निरीक्ष्य जहृषुस्तत्र कौतुकेन समन्विताः

sītayā sahitaṁ rāmaṁ prasaktaṁ yajñakarmaṇi nirīkṣya jahṛṣustatra kautukena samanvitāḥ

सीता सहित यज्ञकर्म में तत्पर राम को देखकर वहाँ उपस्थित सभी लोग कौतूहल से हर्षित हुए।

श्लोक 20 (padma.5.67.20)

वसिष्ठं प्राह सुमतिं रामस्तत्र क्रतौ वरे । किं कर्तव्यं मया स्वामिन्नतः परमवश्यकम्

vasiṣṭhaṁ prāha sumatiṁ rāmastatra kratau vare kiṁ kartavyaṁ mayā svāminnataḥ paramavaśyakam

उस श्रेष्ठ यज्ञ में राम ने बुद्धिमान वसिष्ठ से पूछा हे स्वामी! अब मुझे और क्या परम आवश्यक कार्य करना है?

श्लोक 21 (padma.5.67.21)

रामस्य वचनं श्रुत्वा गुरुः प्राह महामतिः । ब्राह्मणानां प्रकर्तव्या पूजा संतोषकारिका

rāmasya vacanaṁ śrutvā guruḥ prāha mahāmatiḥ brāhmaṇānāṁ prakartavyā pūjā saṁtoṣakārikā

राम का वचन सुनकर महामति गुरु ने कहा ब्राह्मणों की संतोषकारक पूजा करनी चाहिए।

श्लोक 22 (padma.5.67.22)

मरुत्तेन क्रतुः सृष्टः पूर्वं संभारसंभृतः । ब्राह्मणास्तत्र वित्ताद्यैस्तोषिता अभवंस्तदा

maruttena kratuḥ sṛṣṭaḥ pūrvaṁ saṁbhārasaṁbhṛtaḥ brāhmaṇāstatra vittādyaistoṣitā abhavaṁstadā

पूर्वकाल में मरुत्त द्वारा सामग्री-संपन्न यज्ञ रचा गया था, जिसमें ब्राह्मण धन आदि से संतुष्ट हुए थे।

श्लोक 23 (padma.5.67.23)

अत्यंतं वित्तसंभारं नेतुं विप्राशकन्नहि । प्राक्षिपन्हिमवद्देशे वित्तभारासहा द्विजाः

atyaṁtaṁ vittasaṁbhāraṁ netuṁ viprāśakannahi prākṣipanhimavaddeśe vittabhārāsahā dvijāḥ

ब्राह्मण उस अत्यधिक धन-राशि को ले जाने में समर्थ न हो सके; धन के भार को सहन न कर पाने के कारण द्विजों ने उसे हिमालय प्रदेश में डाल दिया।

श्लोक 24 (padma.5.67.24)

तस्मात्त्वमपि राजाग्र्य लक्ष्मीवान्नृपसत्तम । देहि दानादि विप्रेभ्यो यथा स्यात्प्रीतिरुत्तमा

tasmāttvamapi rājāgrya lakṣmīvānnṛpasattama dehi dānādi viprebhyo yathā syātprītiruttamā

अतः हे राजश्रेष्ठ, लक्ष्मीवान् नृपसत्तम! आप भी ब्राह्मणों को दान आदि दीजिए जिससे उन्हें उत्तम प्रीति हो।

श्लोक 25 (padma.5.67.25)

एतच्छ्रुत्वा स राजाग्र्यः पूज्यं मत्वा घटोद्भवम् । प्रथमं पूजयामास ब्रह्मपुत्रं तपोधनम्

etacchrutvā sa rājāgryaḥ pūjyaṁ matvā ghaṭodbhavam prathamaṁ pūjayāmāsa brahmaputraṁ tapodhanam

यह सुनकर उस राजश्रेष्ठ ने घटोद्भव (अगस्त्य) को पूज्य मानकर सबसे पहले उन तपोधन ब्रह्मपुत्र की पूजा की।

श्लोक 26 (padma.5.67.26)

अनेकरत्नसंभारैः स्वर्णभारैरनेकधा । देशैर्जनैः परिवृतैरत्यंतप्रीतिदायकैः

anekaratnasaṁbhāraiḥ svarṇabhārairanekadhā deśairjanaiḥ parivṛtairatyaṁtaprītidāyakaiḥ

अनेक रत्नों के ढेरों से, अनेक प्रकार के स्वर्ण-भारों से, तथा अत्यंत प्रीतिदायक देशों और परिजनों को अर्पित करते हुए।

श्लोक 27 (padma.5.67.27)

अगस्त्यं पूजयामास सपत्नीकं मनोरमम् । तथैव रत्नैः स्वर्णैश्च देशैश्च विविधैरपि

agastyaṁ pūjayāmāsa sapatnīkaṁ manoramam tathaiva ratnaiḥ svarṇaiśca deśaiśca vividhairapi

उन्होंने मनोहर अगस्त्य की उनकी पत्नी सहित पूजा की, और उसी प्रकार रत्नों, स्वर्ण तथा अनेक देशों से भी।

श्लोक 28 (padma.5.67.28)

व्यासं सत्यवतीपुत्रं तथैव समपूजयत् । च्यवनं भार्यया साकं सुरत्नैः समपूजयत्

vyāsaṁ satyavatīputraṁ tathaiva samapūjayat cyavanaṁ bhāryayā sākaṁ suratnaiḥ samapūjayat

उन्होंने सत्यवती-पुत्र व्यास की भी उसी प्रकार पूजा की और च्यवन की उनकी पत्नी सहित उत्तम रत्नों से पूजा की।

श्लोक 29 (padma.5.67.29)

अन्यानपि मुनीन्सर्वानृत्विजस्तपसां निधीन् । पूजयामास रत्नौघैः स्वर्णभारैरनेकधा

anyānapi munīnsarvānṛtvijastapasāṁ nidhīn pūjayāmāsa ratnaughaiḥ svarṇabhārairanekadhā

उन्होंने अन्य समस्त मुनियों, ऋत्विजों, तपोनिधियों की भी रत्नों के समूहों तथा अनेक प्रकार के स्वर्ण-भारों से पूजा की।

श्लोक 30 (padma.5.67.30)

अदात्तदा क्रतौ रामो विप्रेभ्यो भूरिदक्षिणाम् । लक्षंलक्षं सुवर्णस्य प्रत्येकं त्वग्रजन्मने

adāttadā kratau rāmo viprebhyo bhūridakṣiṇām lakṣaṁlakṣaṁ suvarṇasya pratyekaṁ tvagrajanmane

तब उस यज्ञ में राम ने ब्राह्मणों को प्रचुर दक्षिणा दी प्रत्येक अग्रजन्मा को एक-एक लाख स्वर्ण-मुद्राएँ।

श्लोक 31 (padma.5.67.31)

दीनांधकृपणेभ्यश्च ददौ दानमनेकधा । यथासंतोषविहितैर्वित्तै रत्नैर्मनोहरैः

dīnāṁdhakṛpaṇebhyaśca dadau dānamanekadhā yathāsaṁtoṣavihitairvittai ratnairmanoharaiḥ

उन्होंने दीन, अंधे और दरिद्रों को भी अनेक प्रकार से दान दिया, प्रत्येक की संतुष्टि के अनुरूप मनोहर धन और रत्नों की व्यवस्था करके।

श्लोक 32 (padma.5.67.32)

वासांसि च विचित्राणि भोजनानि मृदूनि च । तत्र प्रादाद्यथाशास्त्रं सर्वेषां प्रीतिदायकम्

vāsāṁsi ca vicitrāṇi bhojanāni mṛdūni ca tatra prādādyathāśāstraṁ sarveṣāṁ prītidāyakam

वहाँ उन्होंने शास्त्रविधि के अनुसार सबको प्रसन्न करने वाले विचित्र वस्त्र और कोमल भोजन प्रदान किए।

श्लोक 33 (padma.5.67.33)

हृष्टपुष्टजनाकीर्णं सर्वसत्त्वोपबृंहितम् । अत्यंतमभवद्धृष्टं पुरं पुंस्त्रीसमावृतम्

hṛṣṭapuṣṭajanākīrṇaṁ sarvasattvopabṛṁhitam atyaṁtamabhavaddhṛṣṭaṁ puraṁ puṁstrīsamāvṛtam

हर्षित और पुष्ट लोगों से भरी हुई, समस्त प्राणियों से समृद्ध, स्त्री-पुरुषों से आवृत वह नगरी अत्यंत हर्षित हो उठी।

श्लोक 34 (padma.5.67.34)

दानं ददंतं सर्वेषां वीक्ष्य कुंभोद्भवो मुनिः । अत्यंतपरमप्रीतिं ययौ क्रतुवरे द्विजः

dānaṁ dadaṁtaṁ sarveṣāṁ vīkṣya kuṁbhodbhavo muniḥ atyaṁtaparamaprītiṁ yayau kratuvare dvijaḥ

सबको दान देते हुए राम को देखकर मुनि कुंभोद्भव (अगस्त्य) उस श्रेष्ठ यज्ञ में परम प्रीति को प्राप्त हुए।

श्लोक 35 (padma.5.67.35)

तदाभिषेकस्नानार्थं पानीयममृतोपमम् । आनेतुं च चतुःषष्टि नृपान्सस्त्रीन्समाह्वयत्

tadābhiṣekasnānārthaṁ pānīyamamṛtopamam ānetuṁ ca catuḥṣaṣṭi nṛpānsastrīnsamāhvayat

तब अभिषेक-स्नान के लिए अमृत के समान जल लाने हेतु उन्होंने अपनी-अपनी पत्नियों सहित चौंसठ राजाओं को बुलाया।

श्लोक 36 (padma.5.67.36)

रामस्तु सीतया सार्द्धमानेतुमुदकं ययौ । घटेन स्वर्णवर्णेन सर्वालंकारशोभया

rāmastu sītayā sārddhamānetumudakaṁ yayau ghaṭena svarṇavarṇena sarvālaṁkāraśobhayā

राम स्वयं सीता के साथ जल लाने गए, हाथ में स्वर्णवर्णी, सभी अलंकारों से सुशोभित कलश लिए हुए।

श्लोक 37 (padma.5.67.37)

सौमित्रिरप्यूर्मिलया मांडव्या भरतो नृपः । शत्रुघ्नः श्रुतकीर्त्या च कांतिमत्या च पुष्कलः

saumitrirapyūrmilayā māṁḍavyā bharato nṛpaḥ śatrughnaḥ śrutakīrtyā ca kāṁtimatyā ca puṣkalaḥ

सौमित्र भी ऊर्मिला के साथ, राजा भरत मांडवी के साथ, शत्रुघ्न श्रुतकीर्ति के साथ, और पुष्कल कांतिमती के साथ गए।

श्लोक 38 (padma.5.67.38)

सुबाहुः सत्यवत्या च सत्यवान्वीरभूषया । सुमदस्तत्र सत्कीर्त्या राज्ञ्या च विमलो नृपः

subāhuḥ satyavatyā ca satyavānvīrabhūṣayā sumadastatra satkīrtyā rājñyā ca vimalo nṛpaḥ

सुबाहु सत्यवती के साथ, सत्यवान वीरभूषा के साथ, सुमद सत्कीर्ति के साथ, और राजा विमल अपनी रानी के साथ वहाँ गए।

श्लोक 39 (padma.5.67.39)

राजावीरमणिस्तत्र श्रुतवत्या मनोज्ञया । लक्ष्मीनिधिः कोमलया रिपुतापोंगसेनया

rājāvīramaṇistatra śrutavatyā manojñayā lakṣmīnidhiḥ komalayā riputāpoṁgasenayā

राजा वीरमणि वहाँ मनोज्ञ श्रुतवती के साथ, लक्ष्मीनिधि कोमला के साथ, रिपुताप उंगसेना के साथ गए।

श्लोक 40 (padma.5.67.40)

विभीषणो महामूर्त्या प्रतापाग्र्यः प्रतीतया । उग्राश्वः कामगमया नीलरत्नोधिरम्यया

vibhīṣaṇo mahāmūrtyā pratāpāgryaḥ pratītayā ugrāśvaḥ kāmagamayā nīlaratnodhiramyayā

विभीषण महामूर्ति के साथ, प्रतापाग्र्य प्रतीता के साथ, उग्राश्व कामगमा के साथ, नीलरत्नोधि रम्या के साथ गए।

श्लोक 41 (padma.5.67.41)

सुरथः सुमनोहार्या तथा मोहनया कपिः । इत्यादीन्नृपतीन्विप्रो वसिष्ठः प्राहिणोन्मुनिः

surathaḥ sumanohāryā tathā mohanayā kapiḥ ityādīnnṛpatīnvipro vasiṣṭhaḥ prāhiṇonmuniḥ

सुरथ सुमनोहार्या के साथ तथा कपि (हनुमान) मोहना के साथ गए ऐसे इन राजाओं को विप्र वसिष्ठ मुनि ने भेजा।

श्लोक 42 (padma.5.67.42)

वसिष्ठः सरयूं गत्वा शिवपुण्यजलाप्लुताम् । उदकं मंत्रयामास वेदमंत्रेण मंत्रवित्

vasiṣṭhaḥ sarayūṁ gatvā śivapuṇyajalāplutām udakaṁ maṁtrayāmāsa vedamaṁtreṇa maṁtravit

वसिष्ठ शिव के पुण्य जल से आप्लावित सरयू नदी पर जाकर, मंत्रवेत्ता होने के कारण, वेदमंत्र से उस जल का अभिमंत्रण करने लगे।

श्लोक 43 (padma.5.67.43)

पयः पुनीह्यमुं वाहमुदकेन मनोहृता । यज्ञार्थं रामचंद्रस्य सर्वलोकैकरक्षितुः

payaḥ punīhyamuṁ vāhamudakena manohṛtā yajñārthaṁ rāmacaṁdrasya sarvalokaikarakṣituḥ

हे जल! समस्त लोकों के एकमात्र रक्षक रामचंद्र के यज्ञ के लिए, इस मनोहर वाहन (अश्व) को अपने जल से पवित्र करो।

श्लोक 44 (padma.5.67.44)

उदकं तन्मुनिस्पृष्टं सर्वे रामादयो नृपाः । आजह्रुर्मंडपतले विप्रवर्यैरुपस्तुते

udakaṁ tanmunispṛṣṭaṁ sarve rāmādayo nṛpāḥ ājahrurmaṁḍapatale vipravaryairupastute

मुनि द्वारा स्पर्श किए गए उस जल को राम आदि सभी राजा, श्रेष्ठ ब्राह्मणों द्वारा स्तुति किए जाते हुए, यज्ञमंडप में ले आए।

श्लोक 45 (padma.5.67.45)

पयोभिर्निर्मलैः स्नाप्य वाजिनं क्षीरसन्निभम् । मंत्रेण मंत्रयामास राम हस्तेन कुंभजः

payobhirnirmalaiḥ snāpya vājinaṁ kṣīrasannibham maṁtreṇa maṁtrayāmāsa rāma hastena kuṁbhajaḥ

निर्मल जल से क्षीर के समान श्वेत अश्व को स्नान कराकर कुंभज (अगस्त्य) ने राम के हाथ से उसे मंत्रपूर्वक अभिमंत्रित किया।

श्लोक 46 (padma.5.67.46)

पुनीहि मां महावाह अस्मिन्ब्रह्मसमाकुले । त्वन्मेधेनाखिला देवाः प्रीणंतु परितोषिताः

punīhi māṁ mahāvāha asminbrahmasamākule tvanmedhenākhilā devāḥ prīṇaṁtu paritoṣitāḥ

हे महावाह (अश्व)! इस ब्रह्मसमाज से भरी सभा में मुझे पवित्र करो; तुम्हारे मेध (यज्ञ) से समस्त देवगण परितुष्ट होकर प्रसन्न हों।

श्लोक 47 (padma.5.67.47)

इत्युक्त्वा स नृपो रामः सीतया सममस्पृशत् । तदा सर्वे द्विजाश्चित्रममन्यंत कुतूहलात्

ityuktvā sa nṛpo rāmaḥ sītayā samamaspṛśat tadā sarve dvijāścitramamanyaṁta kutūhalāt

यह कहकर राजा राम ने सीता सहित उसे स्पर्श किया; तब सभी ब्राह्मणों ने इसे कुतूहलवश आश्चर्यजनक माना।

श्लोक 48 (padma.5.67.48)

परस्परमवोचंस्ते यन्नामस्मरणान्नराः । महापापात्प्रमुच्यंते स रामः किं वदत्यहो

parasparamavocaṁste yannāmasmaraṇānnarāḥ mahāpāpātpramucyaṁte sa rāmaḥ kiṁ vadatyaho

वे परस्पर कहने लगे जिनके नाम-स्मरण मात्र से मनुष्य महापाप से मुक्त हो जाते हैं, वही राम अब यह क्या कह रहे हैं, कैसा आश्चर्य है!

श्लोक 49 (padma.5.67.49)

इत्युक्तवति भूमीशे रामे कुंभोद्भवो मुनिः । करवालं चाभिमंत्र्य ददौ रामकरे मुनिः

ityuktavati bhūmīśe rāme kuṁbhodbhavo muniḥ karavālaṁ cābhimaṁtrya dadau rāmakare muniḥ

भूपति राम के ऐसा कहने पर मुनि कुंभोद्भव ने एक तलवार का अभिमंत्रण करके उसे राम के हाथ में दे दिया।

श्लोक 50 (padma.5.67.50)

करवाले धृते स्पृष्टे रामेण स हयः क्रतौ । पशुत्वं तु विहायाशु दिव्यरूपमपद्यत

karavāle dhṛte spṛṣṭe rāmeṇa sa hayaḥ kratau paśutvaṁ tu vihāyāśu divyarūpamapadyata

तलवार के धारण और स्पर्श मात्र से राम द्वारा स्पर्श किया गया वह अश्व यज्ञ में तत्काल पशुत्व त्यागकर दिव्य रूप को प्राप्त हो गया।

श्लोक 51 (padma.5.67.51)

विमानवरमारूढश्चाप्सरोभिः समंततः । चामरैर्वीज्यमानश्च वैजयंत्या विभूषितः

vimānavaramārūḍhaścāpsarobhiḥ samaṁtataḥ cāmarairvījyamānaśca vaijayaṁtyā vibhūṣitaḥ

वह श्रेष्ठ विमान पर आरूढ़ होकर, चारों ओर अप्सराओं से घिरा हुआ, चामरों से बीजा जाता हुआ और वैजयंती माला से विभूषित हो गया।

श्लोक 52 (padma.5.67.52)

तदा तं वाजितां त्यक्त्वा दिव्यरूपधरं वरम् । वीक्ष्य लोकाः क्रतौ सर्वे विस्मयं प्राप्नुवंस्तदा

tadā taṁ vājitāṁ tyaktvā divyarūpadharaṁ varam vīkṣya lokāḥ kratau sarve vismayaṁ prāpnuvaṁstadā

तब अश्व-रूप त्यागकर उस श्रेष्ठ दिव्यरूपधारी को देखकर यज्ञ में उपस्थित सभी लोग विस्मय को प्राप्त हुए।

श्लोक 53 (padma.5.67.53)

तदा रामः स्वयं जानञ्ज्ञापयन्सर्वतो नरान् । पप्रच्छ दिव्यरूपं तं सुरं परमधार्मिकः

tadā rāmaḥ svayaṁ jānañjñāpayansarvato narān papraccha divyarūpaṁ taṁ suraṁ paramadhārmikaḥ

तब राम, स्वयं सब कुछ जानते हुए भी, सभी लोगों को अवगत कराने के लिए, परम धार्मिक होने के कारण, उस दिव्यरूप देव से पूछने लगे।

श्लोक 54 (padma.5.67.54)

कस्त्वं दिव्यवपुः प्राप्तः कस्मात्त्वं वाजितां गतः । कथं सुरस्त्रीसहितः किं चिकीर्षसि तद्वद

kastvaṁ divyavapuḥ prāptaḥ kasmāttvaṁ vājitāṁ gataḥ kathaṁ surastrīsahitaḥ kiṁ cikīrṣasi tadvada

तुम कौन हो, जिसे यह दिव्य शरीर प्राप्त हुआ है? किस कारण तुम अश्वत्व को प्राप्त हुए थे? देवांगनाओं सहित क्यों हो? तुम क्या करना चाहते हो, यह बताओ।

श्लोक 55 (padma.5.67.55)

रामस्य वचनं श्रुत्वा देवः प्रोवाच भूमिपम् । हसन्मेघरवां वाणीमवदत्सुमनोहराम्

rāmasya vacanaṁ śrutvā devaḥ provāca bhūmipam hasanmegharavāṁ vāṇīmavadatsumanoharām

राम के वचन सुनकर उस देव ने राजा को उत्तर दिया हँसते हुए मेघ के समान गंभीर, अत्यंत मनोहर वाणी में बोला।

श्लोक 56 (padma.5.67.56)

तवाज्ञातं न सर्वत्र बाह्याभ्यंतरचारिणः । तथापि पृच्छते तुभ्यं कथयामि यथातथम्

tavājñātaṁ na sarvatra bāhyābhyaṁtaracāriṇaḥ tathāpi pṛcchate tubhyaṁ kathayāmi yathātatham

भीतर-बाहर सर्वत्र विचरण करने वाले आपसे कुछ भी अज्ञात नहीं है; फिर भी आप पूछ रहे हैं तो मैं यथार्थ रूप से बताता हूँ।

श्लोक 57 (padma.5.67.57)

अहं पुराभवे राम द्विजः परमधार्मिकः । अचरं प्रतिकूलं वै वेदस्य रिपुतापन

ahaṁ purābhave rāma dvijaḥ paramadhārmikaḥ acaraṁ pratikūlaṁ vai vedasya riputāpana

हे राम! पूर्वजन्म में मैं परम धार्मिक ब्राह्मण था; हे शत्रुतापन! मैंने वेद के प्रतिकूल कभी आचरण नहीं किया।

श्लोक 58 (padma.5.67.58)

कदाचिद्धुतपापायास्तीरेऽहं गतवान्पुरा । अनेकवृक्षललिते सर्वत्रसुमनोरमे

kadāciddhutapāpāyāstīre'haṁ gatavānpurā anekavṛkṣalalite sarvatrasumanorame

एक बार मैं पहले धूतपापा नदी के तट पर गया, जो अनेक वृक्षों से सुशोभित और सर्वत्र अत्यंत मनोरम था।

श्लोक 59 (padma.5.67.59)

तत्र स्नात्वा पितॄंस्तृप्त्वा दानं दत्त्वा यथाविधि । ध्यानं तव महाबाहो कृतवान्वेदसंमितम्

tatra snātvā pitṝṁstṛptvā dānaṁ dattvā yathāvidhi dhyānaṁ tava mahābāho kṛtavānvedasaṁmitam

वहाँ स्नान करके, पितरों को तृप्त करके, विधिपूर्वक दान देकर, हे महाबाहो! मैंने वेदविहित तुम्हारा ध्यान किया।

श्लोक 60 (padma.5.67.60)

तदा जनाः समायाता बहवस्तत्र भूपते । तेषां प्रवंचनार्थाय दंभमेनमकारिषम्

tadā janāḥ samāyātā bahavastatra bhūpate teṣāṁ pravaṁcanārthāya daṁbhamenamakāriṣam

तब हे भूपते! वहाँ बहुत से लोग एकत्र हुए; उन्हें ठगने के लिए मैंने यह पाखंड किया।

श्लोक 61 (padma.5.67.61)

अनेकक्रतुसंभारैः पूर्णमजिरमुत्तमम् । वासोभिश्छादितं रम्यं चषालादियुतं महत्

anekakratusaṁbhāraiḥ pūrṇamajiramuttamam vāsobhiśchāditaṁ ramyaṁ caṣālādiyutaṁ mahat

मैंने अनेक यज्ञ-सामग्रियों से भरा हुआ उत्तम प्रांगण, वस्त्रों से ढका हुआ, रमणीय, चषाल आदि से युक्त, विशाल यज्ञस्थल बनाया।

श्लोक 62 (padma.5.67.62)

अग्निहोत्रोद्भवोधूमः सर्वतो नभसोंगणम् । चकार रम्यमतुलं चित्रकारिवपुर्धरः

agnihotrodbhavodhūmaḥ sarvato nabhasoṁgaṇam cakāra ramyamatulaṁ citrakārivapurdharaḥ

अग्निहोत्र से उत्पन्न धुआँ सब ओर आकाश-प्रांगण को अनुपम रमणीय बना रहा था, मैं चित्रकार की मूर्ति के समान रूप धारण किए हुए था।

श्लोक 63 (padma.5.67.63)

अनेकतिलकश्रीभिः शोभितांगो महत्तपाः । दर्भशोभः समित्पाणिर्दंभो मूर्तिधरः किमु

anekatilakaśrībhiḥ śobhitāṁgo mahattapāḥ darbhaśobhaḥ samitpāṇirdaṁbho mūrtidharaḥ kimu

अनेक तिलकों की शोभा से मेरा शरीर सुशोभित था, मानो मैं महातपस्वी हूँ, दर्भ से सुशोभित, समिधा हाथ में लिए मैं मानो साक्षात् पाखंड ही मूर्तिमान न हो!

श्लोक 64 (padma.5.67.64)

दुर्वासास्तत्र स्वच्छंदं पर्यटञ्जगतीतलम् । प्राप तत्र महातेजा धूतपापसरित्तटे

durvāsāstatra svacchaṁdaṁ paryaṭañjagatītalam prāpa tatra mahātejā dhūtapāpasarittaṭe

उसी समय स्वच्छंद होकर पृथ्वीतल पर विचरण करते हुए महातेजस्वी दुर्वासा उस धूतपापा नदी के तट पर वहाँ आ पहुँचे।

श्लोक 65 (padma.5.67.65)

ददर्श मां दंभकरं मौनधारिणमग्रतः । अनर्घ्यकरमुन्मत्तमस्वागतवचः करम्

dadarśa māṁ daṁbhakaraṁ maunadhāriṇamagrataḥ anarghyakaramunmattamasvāgatavacaḥ karam

उन्होंने मुझे पाखंड करते, मौन धारण किए, अतिथि-सत्कार न देते, उन्मत्त जैसा, स्वागत का एक शब्द भी न कहते हुए अपने सामने देखा।

श्लोक 66 (padma.5.67.66)

दृष्ट्वातीव क्रुधाक्रांतः समुद्र इव पर्वणि । शशापासौ मुनिस्तीव्रो दंभिनं मां महामतिः

dṛṣṭvātīva krudhākrāṁtaḥ samudra iva parvaṇi śaśāpāsau munistīvro daṁbhinaṁ māṁ mahāmatiḥ

यह देखकर, पर्व-काल के समुद्र के समान अत्यंत क्रोधाक्रांत होकर, उस तीव्र, महामति मुनि ने पाखंडी मुझे शाप दे दिया।

श्लोक 67 (padma.5.67.67)

दंभं करोषि चेत्तीरे सरितस्त्वं सुदुर्मते । तस्मात्प्राप्नुहि निर्वाच्यं पशुत्वं तापसाधम

daṁbhaṁ karoṣi cettīre saritastvaṁ sudurmate tasmātprāpnuhi nirvācyaṁ paśutvaṁ tāpasādhama

यदि तुम इस नदी के तट पर पाखंड कर रहे हो, हे दुर्बुद्धे! तो हे नीच तपस्वी! तुम निंदनीय पशुत्व को प्राप्त हो जाओ।

श्लोक 68 (padma.5.67.68)

शापं प्रदत्तं संश्रुत्य दुःखितोऽहं तदाभवम् । अग्राहिषं पदे तस्य मुनेर्दुर्वाससः किल

śāpaṁ pradattaṁ saṁśrutya duḥkhito'haṁ tadābhavam agrāhiṣaṁ pade tasya munerdurvāsasaḥ kila

यह शाप दिया गया सुनकर मैं दुःखी हो गया और उन मुनि दुर्वासा के चरणों में गिर पड़ा।

श्लोक 69 (padma.5.67.69)

तदा मे कृतवान्राम द्विजोऽनुग्रहमुत्तमम् । वाजितां प्राप्नुहि मखे राजराजस्य तापस

tadā me kṛtavānrāma dvijo'nugrahamuttamam vājitāṁ prāpnuhi makhe rājarājasya tāpasa

हे राम! तब उन ब्राह्मण ने मुझ पर उत्तम अनुग्रह किया हे तपस्वी! तुम राजाधिराज के यज्ञ में अश्वत्व को प्राप्त होगे।

श्लोक 70 (padma.5.67.70)

पश्चात्तद्धस्तसंपर्काद्याहि तत्परमं पदम् । दिव्यं वपुर्मनोहारि धृत्वा दंभविवर्जितम्

paścāttaddhastasaṁparkādyāhi tatparamaṁ padam divyaṁ vapurmanohāri dhṛtvā daṁbhavivarjitam

फिर उनके हाथ के स्पर्श से, पाखंडरहित होकर, मनोहर दिव्य शरीर धारण करके, उस परम पद को प्राप्त होगे।

श्लोक 71 (padma.5.67.71)

तेन शापोपिसंदिष्टो ममानुग्रहतां गतः । यदहं तव हस्तस्य स्पर्शं प्राप्तो मनोरमम्

tena śāpopisaṁdiṣṭo mamānugrahatāṁ gataḥ yadahaṁ tava hastasya sparśaṁ prāpto manoramam

इस प्रकार शापित होते हुए भी मैं मानो उनके अनुग्रह को ही प्राप्त हुआ, क्योंकि मुझे आपके हाथ का मनोहर स्पर्श प्राप्त हुआ।

श्लोक 72 (padma.5.67.72)

यदेव राम देवादिदुर्लभं बहुजन्मभिः । तत्तेऽहं करजस्पर्शं प्राप्तवानिह दुर्लभम्

yadeva rāma devādidurlabhaṁ bahujanmabhiḥ tatte'haṁ karajasparśaṁ prāptavāniha durlabham

हे राम! जो स्पर्श अनेक जन्मों में देवताओं को भी दुर्लभ है, वही दुर्लभ करस्पर्श मैंने यहाँ प्राप्त किया।

श्लोक 73 (padma.5.67.73)

आज्ञापय महाराज त्वत्प्रसादादहं महत् । गच्छामि शाश्वतं स्थानं तव दुःखादिवर्जितम्

ājñāpaya mahārāja tvatprasādādahaṁ mahat gacchāmi śāśvataṁ sthānaṁ tava duḥkhādivarjitam

हे महाराज! आज्ञा दीजिए; आपकी कृपा से अब मैं दुःख आदि से रहित उस शाश्वत स्थान को जाता हूँ।

श्लोक 74 (padma.5.67.74)

न यत्र शोको न जरा न मृत्युः कालविभ्रमः । तत्स्थानं देव गच्छामि त्वत्प्रसादान्नराधिप

na yatra śoko na jarā na mṛtyuḥ kālavibhramaḥ tatsthānaṁ deva gacchāmi tvatprasādānnarādhipa

जहाँ न शोक है, न जरा है, न मृत्यु है, न काल का विभ्रम है हे देव! आपकी कृपा से, हे नराधिप! मैं उसी स्थान को जाता हूँ।

श्लोक 75 (padma.5.67.75)

इत्युक्त्वा तं परिक्रम्य विमानवरमारुहत् । अनेकरत्नखचितं सर्वदेवाधिवंदितम्

ityuktvā taṁ parikramya vimānavaramāruhat anekaratnakhacitaṁ sarvadevādhivaṁditam

ऐसा कहकर उन्होंने राम की प्रदक्षिणा करके अनेक रत्नों से जड़े, सब देवताओं द्वारा वंदित उस उत्तम विमान पर आरोहण किया।

श्लोक 76 (padma.5.67.76)

गतोऽसौ शाश्वतस्थानं रामपादप्रसादतः । पुनरावृत्तिरहितं शोकमोहविवर्जितम्

gato'sau śāśvatasthānaṁ rāmapādaprasādataḥ punarāvṛttirahitaṁ śokamohavivarjitam

वह राम के चरणों की कृपा से उस शाश्वत स्थान को गया, जहाँ से पुनरावृत्ति नहीं होती और जो शोक-मोह से रहित है।

श्लोक 77 (padma.5.67.77)

तेन तत्कथितं श्रुत्वा रामं ज्ञात्वेतरे जनाः । विस्मयं प्रापिरे सर्वे परस्परमुदुन्मदाः

tena tatkathitaṁ śrutvā rāmaṁ jñātvetare janāḥ vismayaṁ prāpire sarve parasparamudunmadāḥ

उसका कहा हुआ वृत्तान्त सुनकर तथा राम को (उनके वास्तविक स्वरूप में) पहचानकर शेष सभी लोग विस्मित हो गए और परस्पर अत्यंत हर्षित हो उठे।

श्लोक 78 (padma.5.67.78)

शृणु द्विजमहाबुद्धे दंभेनापि स्मृतो हरिः । ददाति मोक्षं सुतरां किं पुनर्दंभवर्जनात्

śṛṇu dvijamahābuddhe daṁbhenāpi smṛto hariḥ dadāti mokṣaṁ sutarāṁ kiṁ punardaṁbhavarjanāt

हे महाबुद्धिमान ब्राह्मण! सुनो पाखंड से भी स्मरण किया गया हरि सहज ही मोक्ष प्रदान कर देता है, फिर पाखंड त्याग देने पर तो कहना ही क्या!

श्लोक 79 (padma.5.67.79)

यथाकथंचिद्रामस्य कर्तव्यं स्मरणं परम् । येन प्राप्नोति परमं पदं देवादिदुर्लभम्

yathākathaṁcidrāmasya kartavyaṁ smaraṇaṁ param yena prāpnoti paramaṁ padaṁ devādidurlabham

जैसे भी हो, राम का स्मरण अवश्य करना चाहिए, जिससे मनुष्य उस परम पद को प्राप्त करता है जो देवताओं को भी दुर्लभ है।

श्लोक 80 (padma.5.67.80)

तच्चित्रं वीक्ष्य मुनयः कृतार्थं मेनिरे निजम् । यद्रामचरणप्रेक्षा करस्पर्शपवित्रितम्

taccitraṁ vīkṣya munayaḥ kṛtārthaṁ menire nijam yadrāmacaraṇaprekṣā karasparśapavitritam

उस अद्भुत घटना को देखकर मुनियों ने अपने आपको कृतार्थ माना, क्योंकि राम के चरणों के दर्शन और हाथ के स्पर्श ने ही उसे पवित्र कर दिया।

श्लोक 81 (padma.5.67.81)

गते तस्मिन्सुरे स्वर्गं हयरूपधरे पुरा । उवाच रामस्तपसां निधीन्वेदविदुत्तमान्

gate tasminsure svargaṁ hayarūpadhare purā uvāca rāmastapasāṁ nidhīnvedaviduttamān

जब पहले अश्वरूपधारी वह देव स्वर्ग को चला गया, तब राम ने तपोनिधि, वेदविद्-श्रेष्ठ मुनियों से कहा।

श्लोक 82 (padma.5.67.82)

किं कर्तव्यं मयाब्रह्मन्हयो नष्टो गतः सुखम् । होमः कथं पुरोभावी सर्वदैवततर्पकः

kiṁ kartavyaṁ mayābrahmanhayo naṣṭo gataḥ sukham homaḥ kathaṁ purobhāvī sarvadaivatatarpakaḥ

हे ब्रह्मन्! अब मुझे क्या करना है? अश्व तो सुखपूर्वक जाकर नष्ट हो गया अब आगे होने वाला, सब देवताओं को तृप्त करने वाला होम कैसे संपन्न होगा?

श्लोक 83 (padma.5.67.83)

यथा स्यात्सुरसंतृप्तिर्यथा मे मख उत्तमः । तथा कुर्वंतु मुनयो यथा मे स्याद्विधिश्रुतम्

yathā syātsurasaṁtṛptiryathā me makha uttamaḥ tathā kurvaṁtu munayo yathā me syādvidhiśrutam

जिस प्रकार देवताओं की पूर्ण तृप्ति हो और मेरा यज्ञ उत्तम हो, उसी प्रकार मुनिगण कार्य करें, जैसा विधिवत मुझे सुना हुआ है।

श्लोक 84 (padma.5.67.84)

इति वाक्यं समाश्रुत्य जगाद मुनिसत्तमः । वसिष्ठः सर्वदेवानां चित्ताभिज्ञानकोविदः

iti vākyaṁ samāśrutya jagāda munisattamaḥ vasiṣṭhaḥ sarvadevānāṁ cittābhijñānakovidaḥ

यह वचन सुनकर सब देवताओं के चित्त को जानने में कुशल मुनिश्रेष्ठ वसिष्ठ ने कहा।

श्लोक 85 (padma.5.67.85)

कर्पूरमाहर क्षिप्रं येन देवाः स्वयं पुरा । प्राप्य हव्यं ग्रहीष्यंति मद्वाक्यप्रेरिताधुना

karpūramāhara kṣipraṁ yena devāḥ svayaṁ purā prāpya havyaṁ grahīṣyaṁti madvākyapreritādhunā

शीघ्र कपूर लाओ, जिससे पूर्वकाल की भाँति देवगण स्वयं मेरे वचन से प्रेरित होकर अभी हव्य प्राप्त कर उसे ग्रहण करेंगे।

श्लोक 86 (padma.5.67.86)

इति वाक्यं समाकर्ण्य रामः क्षिप्रमुपाहरत् । कर्पूरं बहुदेवानां प्रीत्यर्थं बहुशोभनम्

iti vākyaṁ samākarṇya rāmaḥ kṣipramupāharat karpūraṁ bahudevānāṁ prītyarthaṁ bahuśobhanam

यह वचन सुनकर राम ने अनेक देवताओं की प्रसन्नता के लिए शीघ्र ही अत्यंत सुंदर कपूर मंगवाया।

श्लोक 87 (padma.5.67.87)

तदा मुनिः प्रहृष्टात्मा देवानाह्वयदद्भुतान् । ते सर्वे तत्क्षणात्प्राप्ताः स्वपरीवारसंवृताः

tadā muniḥ prahṛṣṭātmā devānāhvayadadbhutān te sarve tatkṣaṇātprāptāḥ svaparīvārasaṁvṛtāḥ

तब प्रसन्नचित्त मुनि ने अद्भुत देवताओं का आवाहन किया; वे सभी अपने-अपने परिवार सहित उसी क्षण वहाँ आ पहुँचे।