श्रवण-पाठ का पुण्यफल

श्लोक 1 (padma.5.68.1)

शेष उवाच- परिस्वादन्क्रतौ तृप्तिं न प्राप सुरसंयुतः

śeṣa uvāca- parisvādankratau tṛptiṁ na prāpa surasaṁyutaḥ

शेष बोले देवताओं सहित होकर भी उस यज्ञ में उन्हें केवल स्वाद लेने मात्र से तृप्ति नहीं हुई।

श्लोक 2 (padma.5.68.2)

नारायणो महादेवो ब्रह्मा तत्र चतुर्मुखः । वरुणश्च कुबेरश्च तथान्ये लोकपालकाः

nārāyaṇo mahādevo brahmā tatra caturmukhaḥ varuṇaśca kuberaśca tathānye lokapālakāḥ

वहाँ नारायण, महादेव, चतुर्मुख ब्रह्मा, वरुण, कुबेर तथा अन्य लोकपाल उपस्थित थे।

श्लोक 3 (padma.5.68.3)

तत्रास्वाद्य हविः स्निग्धं वसिष्ठेन परिष्कृतम् । तत्र पुनर्हि विप्रेंद्राः क्षुधार्ताइव भोजनात्

tatrāsvādya haviḥ snigdhaṁ vasiṣṭhena pariṣkṛtam tatra punarhi vipreṁdrāḥ kṣudhārtāiva bhojanāt

वहाँ वसिष्ठ द्वारा परिष्कृत स्निग्ध हविष्य का स्वाद लेकर वे श्रेष्ठ ब्राह्मण भूख से पीड़ित मनुष्यों के समान पुनः-पुनः भोजन करने लगे।

श्लोक 4 (padma.5.68.4)

सर्वान्देवांश्च संतर्प्य हविषा करुणानिधिः । वसिष्ठप्रेरितः सर्वमिति कर्तव्यमाचरत्

sarvāndevāṁśca saṁtarpya haviṣā karuṇānidhiḥ vasiṣṭhapreritaḥ sarvamiti kartavyamācarat

उस करुणानिधि राम ने हविष्य से समस्त देवताओं को तृप्त करके वसिष्ठ द्वारा प्रेरित होकर वह सब कुछ किया जो करणीय था।

श्लोक 5 (padma.5.68.5)

ब्राह्मणादानसंतुष्टा हविस्तुष्टाः सुरावराः । तृप्ताः सर्वे स्वकं भागं गृहीत्वा स्वालयं ययुः

brāhmaṇādānasaṁtuṣṭā havistuṣṭāḥ surāvarāḥ tṛptāḥ sarve svakaṁ bhāgaṁ gṛhītvā svālayaṁ yayuḥ

ब्राह्मणों को दान देने से संतुष्ट, हविष्य से तुष्ट श्रेष्ठ देवगण सभी तृप्त होकर अपना-अपना भाग लेकर अपने-अपने धाम को चले गए।

श्लोक 6 (padma.5.68.6)

ऋषिभ्यो होतृमुख्येभ्यः प्रादाद्राज्यं चतुर्दिशम् । संतुष्टास्ते द्विजाराममाशीर्भिरददुः शुभम्

ṛṣibhyo hotṛmukhyebhyaḥ prādādrājyaṁ caturdiśam saṁtuṣṭāste dvijārāmamāśīrbhiradaduḥ śubham

उन्होंने ऋषियों तथा प्रमुख होताओं को चारों दिशाओं का राज्य प्रदान किया; संतुष्ट होकर उन द्विजों ने उन्हें शुभ आशीर्वाद दिए।

श्लोक 7 (padma.5.68.7)

पूर्णाहुतिं ततः कृत्वा वसिष्ठः प्राह सुस्त्रियः । वर्धापयंतु भूमीशं यागपूर्तिकरं परम्

pūrṇāhutiṁ tataḥ kṛtvā vasiṣṭhaḥ prāha sustriyaḥ vardhāpayaṁtu bhūmīśaṁ yāgapūrtikaraṁ param

तब पूर्णाहुति करके वसिष्ठ ने उत्तम स्त्रियों से कहा वे इस भूपति का, जिसने यज्ञ को परम पूर्णता तक पहुँचाया है, अभिनंदन करें।

श्लोक 8 (padma.5.68.8)

तद्वाक्यं ताः स्त्रियः श्रुत्वा लाजैरवाकिरन्मुदा । लावण्यजितकंदर्पं महामणिविभूषितम्

tadvākyaṁ tāḥ striyaḥ śrutvā lājairavākiranmudā lāvaṇyajitakaṁdarpaṁ mahāmaṇivibhūṣitam

यह वचन सुनकर वे स्त्रियाँ हर्षपूर्वक, कामदेव को भी लज्जित करने वाले सौंदर्य और महामणियों से विभूषित उस राजा पर लाजा (भुने हुए धान) बरसाने लगीं।

श्लोक 9 (padma.5.68.9)

ततोऽवभृथस्नानार्थं प्रेरयामास भूमिपम् । ययौ रामः सहस्वीयैः सरयूतीरमुत्तमम्

tato'vabhṛthasnānārthaṁ prerayāmāsa bhūmipam yayau rāmaḥ sahasvīyaiḥ sarayūtīramuttamam

फिर उन्होंने अवभृथ-स्नान के लिए राजा को भेजा; राम अपने स्वजनों सहित सरयू के उत्तम तट की ओर गए।

श्लोक 10 (padma.5.68.10)

अनेकराजकोटीभिः परीतः पादचारिभिः । जगाम स सरिच्छ्रेष्ठां पक्षिवृंदसमाकुलाम्

anekarājakoṭībhiḥ parītaḥ pādacāribhiḥ jagāma sa saricchreṣṭhāṁ pakṣivṛṁdasamākulām

पैदल चलते हुए अनेक करोड़ राजाओं से घिरे हुए, वे उस श्रेष्ठ नदी की ओर गए जो पक्षियों के समूहों से भरी हुई थी।

श्लोक 11 (padma.5.68.11)

तारापतिरिव स्वाभिर्भार्याभिर्वृत उत्प्रभः । विरोचते तथा तद्वद्रामो राजगणैर्वृतः

tārāpatiriva svābhirbhāryābhirvṛta utprabhaḥ virocate tathā tadvadrāmo rājagaṇairvṛtaḥ

जैसे चंद्रमा अपनी पत्नियों (नक्षत्रों) से घिरा हुआ अत्यंत प्रकाशमान होता है, वैसे ही राम राजाओं के समूह से घिरे हुए सुशोभित हुए।

श्लोक 12 (padma.5.68.12)

तदुत्सवं समाज्ञाय ययुर्लोकास्त्वरायुताः । सीतापतिमुखालोकनिश्चलीभूतलोचनाः

tadutsavaṁ samājñāya yayurlokāstvarāyutāḥ sītāpatimukhālokaniścalībhūtalocanāḥ

उस उत्सव को जानकर लोग शीघ्रता से चल पड़े, उनकी आँखें सीतापति के मुख-दर्शन पर अटल हो गईं।

श्लोक 13 (padma.5.68.13)

राजेंद्रं सीतया साकं गच्छंतं सरितं प्रति । विलोक्य मुदिता लोकाश्चिरं दर्शनलालसाः

rājeṁdraṁ sītayā sākaṁ gacchaṁtaṁ saritaṁ prati vilokya muditā lokāściraṁ darśanalālasāḥ

सीता सहित नदी की ओर जाते राजेंद्र को देखकर, दर्शन के लिए चिरकाल से लालायित वे लोग हर्षित हो उठे।

श्लोक 14 (padma.5.68.14)

अनेक नटगंधर्वा गायंतो यश उज्ज्वलम् । अनुजग्मुर्महीशानं सर्वलोकनमस्कृतम्

aneka naṭagaṁdharvā gāyaṁto yaśa ujjvalam anujagmurmahīśānaṁ sarvalokanamaskṛtam

अनेक नट और गंधर्व उनके उज्ज्वल यश का गान करते हुए, सब लोकों द्वारा नमस्कृत उस महीश के पीछे-पीछे चले।

श्लोक 15 (padma.5.68.15)

नर्तक्यस्तत्र नृत्यंत्यः क्षोभयंत्यः पतेर्मनः । जलयंत्रैश्च सिंचंत्यो ययुः श्रीरामसेवनम्

nartakyastatra nṛtyaṁtyaḥ kṣobhayaṁtyaḥ patermanaḥ jalayaṁtraiśca siṁcaṁtyo yayuḥ śrīrāmasevanam

वहाँ नृत्य करती हुई नर्तकियाँ अपने स्वामियों के मन को क्षुब्ध करती हुईं तथा जल-यंत्रों से जल छिड़कती हुई श्रीराम की सेवा में चलीं।

श्लोक 16 (padma.5.68.16)

महाराजं विलिपंत्यो हरिद्रा कुंकुमादिभिः । परस्परं प्रलिपंत्यो मुदं प्रापुर्महत्तराम्

mahārājaṁ vilipaṁtyo haridrā kuṁkumādibhiḥ parasparaṁ pralipaṁtyo mudaṁ prāpurmahattarām

महाराज को हल्दी-कुंकुम आदि से लेप करती हुई तथा परस्पर एक-दूसरे को लेप करती हुई वे अत्यंत हर्ष को प्राप्त हुईं।

श्लोक 17 (padma.5.68.17)

कुचयुग्मोपरिन्यस्तमुक्ताहारसुशोभिताः । श्रवणद्वंद्वसंमृष्टस्वर्णकुंडललक्षिताः

kucayugmoparinyastamuktāhārasuśobhitāḥ śravaṇadvaṁdvasaṁmṛṣṭasvarṇakuṁḍalalakṣitāḥ

उनके दोनों वक्षों पर मोतियों की माला सुशोभित थी और उनके दोनों कानों में हिलते हुए स्वर्ण-कुंडल चमक रहे थे।

श्लोक 18 (padma.5.68.18)

अनेकनरनारीभिः संकीर्णं मार्गमाचरन् । यथावत्सरितं प्राप शिवपुण्यजलाप्लुताम्

anekanaranārībhiḥ saṁkīrṇaṁ mārgamācaran yathāvatsaritaṁ prāpa śivapuṇyajalāplutām

अनेक नर-नारियों से भरे हुए मार्ग पर चलते हुए वे यथाक्रम शिव के पुण्य जल से आप्लावित उस नदी पर पहुँचे।

श्लोक 19 (padma.5.68.19)

तत्र गत्वा स वैदेह्या रामः कमललोचनः । प्रविवेश जलं पुण्यं वसिष्ठादिभिरन्वितः

tatra gatvā sa vaidehyā rāmaḥ kamalalocanaḥ praviveśa jalaṁ puṇyaṁ vasiṣṭhādibhiranvitaḥ

वहाँ पहुँचकर कमलनयन राम वैदेही सहित वसिष्ठ आदि के साथ उस पुण्य जल में प्रविष्ट हुए।

श्लोक 20 (padma.5.68.20)

अनुप्रविविशुः सर्वे राजानो जनतास्तथा । तत्पादरजसा पूतजलं लोकैकवंदितम्

anupraviviśuḥ sarve rājāno janatāstathā tatpādarajasā pūtajalaṁ lokaikavaṁditam

उनके पीछे सभी राजा तथा समस्त प्रजा भी उस जल में प्रविष्ट हुई, जो उनके चरणों की धूलि से पवित्र और समस्त लोकों द्वारा वंदित था।

श्लोक 21 (padma.5.68.21)

परस्परं प्रसिंचंतो जलयंत्रैर्मनोरमैः । सुशोणनयनाः सर्वे हर्षं प्रापुर्मनोधिकम्

parasparaṁ prasiṁcaṁto jalayaṁtrairmanoramaiḥ suśoṇanayanāḥ sarve harṣaṁ prāpurmanodhikam

मनोहर जल-यंत्रों से परस्पर एक-दूसरे को सींचते हुए सब लोग, जिनके नेत्र (क्रीड़ा से) रक्तवर्ण हो गए थे, अत्यंत हर्ष को प्राप्त हुए।

श्लोक 22 (padma.5.68.22)

स रामः सीतया सार्धं चिरं पुण्यजलप्लवे । क्रीडित्वा जलकल्लोलैर्निरगाद्धर्मसंयुतः

sa rāmaḥ sītayā sārdhaṁ ciraṁ puṇyajalaplave krīḍitvā jalakallolairniragāddharmasaṁyutaḥ

राम सीता सहित उस पुण्य जल-प्रवाह में जल की लहरों के साथ चिरकाल तक क्रीड़ा करके, धर्मयुक्त होकर बाहर निकले।

श्लोक 23 (padma.5.68.23)

दुकूलवासाः सकिरीटकुंडलः केयूरशोभावरकंकणान्वितः । कंदर्पकोटिश्रियमुद्वहन्नृपो राजाग्र्यवर्यैरुपसंस्तुतो बभौ

dukūlavāsāḥ sakirīṭakuṁḍalaḥ keyūraśobhāvarakaṁkaṇānvitaḥ kaṁdarpakoṭiśriyamudvahannṛpo rājāgryavaryairupasaṁstuto babhau

रेशमी वस्त्र धारण किए, मुकुट और कुंडलों से युक्त, बाजूबंद तथा उत्तम कंगनों की शोभा से सज्जित, करोड़ों कामदेवों की शोभा धारण किए वह राजा श्रेष्ठ राजाओं द्वारा स्तुति किया जाता हुआ सुशोभित हुआ।

श्लोक 24 (padma.5.68.24)

सयागयूपं वरवर्णशोभितं कृत्वा सरित्तीरवरे महामनाः । त्रैलोक्यलोकश्रियमाप ह्यद्भुतामन्यैर्दुरापां नृपतिर्भुजैर्निजैः

sayāgayūpaṁ varavarṇaśobhitaṁ kṛtvā sarittīravare mahāmanāḥ trailokyalokaśriyamāpa hyadbhutāmanyairdurāpāṁ nṛpatirbhujairnijaiḥ

नदी के उत्तम तट पर सुंदर रंगों से सुशोभित यज्ञ-स्तंभ स्थापित करके, उस महामनस्वी राजा ने अपनी ही भुजाओं से त्रैलोक्य की वह अद्भुत शोभा प्राप्त की जो औरों के लिए दुर्लभ है।

श्लोक 25 (padma.5.68.25)

एवं जनकपुत्र्यासौ हयमेधत्रयं चरन् । त्रैलोक्ये कीर्तिमतुलां प्राप देवैः सुदुर्लभाम्

evaṁ janakaputryāsau hayamedhatrayaṁ caran trailokye kīrtimatulāṁ prāpa devaiḥ sudurlabhām

इस प्रकार जनकपुत्री के साथ तीन अश्वमेध यज्ञ करते हुए उस राजा ने त्रैलोक्य में अनुपम कीर्ति प्राप्त की, जो देवताओं को भी अत्यंत दुर्लभ है।

श्लोक 26 (padma.5.68.26)

एवं ते वर्णितं तात यत्पृष्टो रामसत्कथाम् । विस्तृतः कथितो मेधो भूयः किं पृच्छसे द्विज

evaṁ te varṇitaṁ tāta yatpṛṣṭo rāmasatkathām vistṛtaḥ kathito medho bhūyaḥ kiṁ pṛcchase dvija

हे तात! जो पूछा गया था, वह राम की यह उत्तम कथा मैंने तुम्हें विस्तार से सुना दी है; हे द्विज! अब और क्या पूछते हो?

श्लोक 27 (padma.5.68.27)

यः शृणोति हरेर्भक्त्या रामचंद्रस्य सन्मखम् । ब्रह्महत्यां क्षणात्तीर्त्वा ब्रह्मशाश्वतमाप्नुयात्

yaḥ śṛṇoti harerbhaktyā rāmacaṁdrasya sanmakham brahmahatyāṁ kṣaṇāttīrtvā brahmaśāśvatamāpnuyāt

जो कोई भक्तिपूर्वक रामचंद्र के इस उत्तम यज्ञ को हरि की भक्ति से सुनता है, वह क्षणभर में ब्रह्महत्या से पार होकर शाश्वत ब्रह्म को प्राप्त करता है।

श्लोक 28 (padma.5.68.28)

अपुत्रो लभते पुत्रान्निर्धनो धनमाप्नुयात् । रोगार्तो मुच्यते रोगाद्बद्धो मुच्येत बंधनात्

aputro labhate putrānnirdhano dhanamāpnuyāt rogārto mucyate rogādbaddho mucyeta baṁdhanāt

पुत्रहीन को पुत्र प्राप्त होते हैं, निर्धन धन पाता है, रोगी रोग से मुक्त होता है, बंधन में पड़ा हुआ बंधन से मुक्त होता है।

श्लोक 29 (padma.5.68.29)

यत्कथाश्रवणाद्दुष्टः श्वपचोऽपि परं पदम् । प्राप्नोति किमु विप्राग्र्यो रामभक्तिपरायणः

yatkathāśravaṇādduṣṭaḥ śvapaco'pi paraṁ padam prāpnoti kimu viprāgryo rāmabhaktiparāyaṇaḥ

जिसकी कथा सुनने मात्र से एक दुष्ट चांडाल भी परम पद को प्राप्त कर लेता है, तो रामभक्ति में तत्पर श्रेष्ठ ब्राह्मण की तो बात ही क्या!

श्लोक 30 (padma.5.68.30)

रामं स्मृत्वा महाभागं पापिनः परमं पदम् । प्राप्नुयुः परमं स्वर्गं शक्रदेवादिदुर्लभम्

rāmaṁ smṛtvā mahābhāgaṁ pāpinaḥ paramaṁ padam prāpnuyuḥ paramaṁ svargaṁ śakradevādidurlabham

महाभाग राम का स्मरण करके पापी लोग भी परम पद प्राप्त करते हैं और इंद्र आदि देवताओं को भी दुर्लभ परम स्वर्ग को प्राप्त होते हैं।

श्लोक 31 (padma.5.68.31)

ते धन्या मानवा लोके ये स्मरंति रघूत्तमम् । ते क्षणात्संसृतिं तीर्त्वा गच्छंति सुखमव्ययम्

te dhanyā mānavā loke ye smaraṁti raghūttamam te kṣaṇātsaṁsṛtiṁ tīrtvā gacchaṁti sukhamavyayam

इस लोक में वे मनुष्य धन्य हैं जो रघुश्रेष्ठ का स्मरण करते हैं; वे क्षणभर में संसार-सागर से पार होकर अविनाशी सुख को प्राप्त होते हैं।

श्लोक 32 (padma.5.68.32)

प्रत्येकमक्षरं ब्रह्महत्यावंशदवानलः । तं यः श्रावयते धीमांस्तं गुरुं संप्रपूजयेत्

pratyekamakṣaraṁ brahmahatyāvaṁśadavānalaḥ taṁ yaḥ śrāvayate dhīmāṁstaṁ guruṁ saṁprapūjayet

इसका प्रत्येक अक्षर ब्रह्महत्या रूपी बाँस के वन के लिए दावानल के समान है; जो बुद्धिमान इसे दूसरों को सुनाता है, उसे गुरु के समान पूजना चाहिए।

श्लोक 33 (padma.5.68.33)

श्रुत्वा कथां वाचकाय गवां द्वंद्वं प्रदापयेत् । सपत्नीकाय संपूज्य वस्त्रालंकारभोजनैः

śrutvā kathāṁ vācakāya gavāṁ dvaṁdvaṁ pradāpayet sapatnīkāya saṁpūjya vastrālaṁkārabhojanaiḥ

कथा सुनने के पश्चात् वाचक को उसकी पत्नी सहित वस्त्र, आभूषण और भोजन से पूजकर गौओं का जोड़ा देना चाहिए।

श्लोक 34 (padma.5.68.34)

कुंडलाभ्यां विराजंत्यौ मुद्रिकाभिरलंकृते । रामसीते स्वर्णमय्यौ प्रतिमे शोभने वरे

kuṁḍalābhyāṁ virājaṁtyau mudrikābhiralaṁkṛte rāmasīte svarṇamayyau pratime śobhane vare

कुंडलों से सुशोभित, मुद्रिकाओं से अलंकृत, स्वर्णमयी सुंदर राम-सीता की दो उत्तम प्रतिमाएँ बनवाकर,

श्लोक 35 (padma.5.68.35)

कृत्वा तु वाचकायैव दीयते भो द्विजोत्तम । तस्य देवाश्च पितरो वैकुंठं प्राप्नुयुस्तदा

kṛtvā tu vācakāyaiva dīyate bho dvijottama tasya devāśca pitaro vaikuṁṭhaṁ prāpnuyustadā

हे द्विजोत्तम! उन्हें वाचक को ही अर्पित करना चाहिए; तब उसके देवता और पितर वैकुंठ को प्राप्त होते हैं।

श्लोक 36 (padma.5.68.36)

त्वया पृष्टा रामकथा मया ते कथिता पुरा । किमन्यत्कथ्यतां ब्रह्मन्पुरतस्तव धीमतः

tvayā pṛṣṭā rāmakathā mayā te kathitā purā kimanyatkathyatāṁ brahmanpuratastava dhīmataḥ

तुमने जो राम-कथा पूछी थी, वह मैंने तुम्हें पहले ही कह सुनाई है; हे बुद्धिमान ब्रह्मन्! अब तुम्हारे सामने और क्या कहा जाए?

श्लोक 37 (padma.5.68.37)

शृण्वंति ये कथामेतां ब्रह्महत्यौघनाशिनीम् । ते यांति परमं स्थानं यच्च देवैः सुदुर्लभम्

śṛṇvaṁti ye kathāmetāṁ brahmahatyaughanāśinīm te yāṁti paramaṁ sthānaṁ yacca devaiḥ sudurlabham

जो लोग ब्रह्महत्या के समूह का नाश करने वाली इस कथा को सुनते हैं, वे उस परम स्थान को प्राप्त करते हैं जो देवताओं को भी अत्यंत दुर्लभ है।

श्लोक 38 (padma.5.68.38)

गोघ्नश्चापि सुतघ्नश्च सुरापो गुरुतल्पगः । क्षणात्पूतो भवत्येव नात्र संशयितुं क्षमम्

goghnaścāpi sutaghnaśca surāpo gurutalpagaḥ kṣaṇātpūto bhavatyeva nātra saṁśayituṁ kṣamam

गोहत्यारा, संतानहत्यारा, मद्यपायी और गुरु-पत्नीगामी भी क्षणभर में पवित्र हो ही जाता है, इसमें संदेह करने योग्य कुछ भी नहीं है।