नारद का राधा-दर्शन

श्लोक 1 (padma.5.71.1)

श्रीदेव्युवाच- भगवन्सर्वभूतेश सर्वात्मन्सर्वसंभव । देवेश्वर महादेव सर्वज्ञ करुणाकर

śrīdevyuvāca- bhagavansarvabhūteśa sarvātmansarvasaṁbhava deveśvara mahādeva sarvajña karuṇākara

श्री देवी बोलीं हे भगवन्! सर्वभूतों के स्वामी, सर्वात्मा, सबके उद्गम, देवेश्वर, महादेव, सर्वज्ञ, करुणा के आगार!

श्लोक 2 (padma.5.71.2)

त्वयानुकंपितैवाहं भूयोऽप्याहानुकंपया । त्रैलोक्यमोहना मंत्रास्त्वया मे कथिताः प्रभो

tvayānukaṁpitaivāhaṁ bhūyo'pyāhānukaṁpayā trailokyamohanā maṁtrāstvayā me kathitāḥ prabho

आपकी कृपा से मैं पहले ही अनुगृहीत हूँ, फिर भी कृपापूर्वक आपने मुझे त्रैलोक्य-मोहक मंत्र बताए, हे प्रभो!

श्लोक 3 (padma.5.71.3)

तेन देवेन गोपीभिर्महामोहनरूपिणा । केन केन विशेषण चिक्रीडे तद्वदस्व मे

tena devena gopībhirmahāmohanarūpiṇā kena kena viśeṣaṇa cikrīḍe tadvadasva me

उस महामोहक रूपधारी देव ने गोपियों के साथ किस-किस विशेष रूप में क्रीड़ा की, वह मुझसे कहिए।

श्लोक 4 (padma.5.71.4)

महादेव उवाच। एकदा वादयन्वीणां नारदो मुनिपुंगवः । कृष्णावतारमाज्ञाय प्रययौ नंदगोकुलम्

mahādeva uvāca ekadā vādayanvīṇāṁ nārado munipuṁgavaḥ kṛṣṇāvatāramājñāya prayayau naṁdagokulam

महादेव बोले एक बार मुनिश्रेष्ठ नारद वीणा बजाते हुए, कृष्ण के अवतार को जानकर नंद के गोकुल गए।

श्लोक 5 (padma.5.71.5)

गत्वा तत्र महायोगमयेशं विभुमच्युतम् । बालनाट्यधरं देवदर्शनं नंदवेश्मनि

gatvā tatra mahāyogamayeśaṁ vibhumacyutam bālanāṭyadharaṁ devadarśanaṁ naṁdaveśmani

वहाँ जाकर उन्होंने महायोगेश्वर, व्यापक, अच्युत को, बालक की क्रीड़ा धारण किए, देवताओं के लिए भी दर्शनीय, नंद के घर में देखा,

श्लोक 6 (padma.5.71.6)

सुकोमलपटास्तीर्णहेमपर्यंकिकोपरि । शयानं गोपकन्याभिः प्रेक्षमाणं सदा मुदम्

sukomalapaṭāstīrṇahemaparyaṁkikopari śayānaṁ gopakanyābhiḥ prekṣamāṇaṁ sadā mudam

सुकोमल वस्त्र बिछे स्वर्ण-पर्यंक पर लेटे हुए, गोपकन्याओं द्वारा सदा हर्षपूर्वक निहारे जाते हुए,

श्लोक 7 (padma.5.71.7)

अतीव सुकुमारांगं मुग्धं मुग्धविलोकनम् । विस्रस्तनीलकुटिलकुंतलावनिमंडलम्

atīva sukumārāṁgaṁ mugdhaṁ mugdhavilokanam visrastanīlakuṭilakuṁtalāvanimaṁḍalam

अत्यंत सुकुमार अंगोंवाले, मुग्ध, मुग्ध दृष्टिवाले, बिखरे हुए नीले घुँघराले केश धरती पर फैले हुए,

श्लोक 8 (padma.5.71.8)

किंचित्स्मितांकुरव्यंजदेकद्विरदकुड्मलम् । स्वप्रभाभिर्भासयंतं समंताद्भवनोदरम्

kiṁcitsmitāṁkuravyaṁjadekadviradakuḍmalam svaprabhābhirbhāsayaṁtaṁ samaṁtādbhavanodaram

कुछ मुस्कान के अंकुर से एक-दो दाँतों की कली दिखाते हुए, अपनी ही प्रभा से घर के भीतरी भाग को चारों ओर से प्रकाशित करते हुए,

श्लोक 9 (padma.5.71.9)

दिग्वाससं समालोक्य सोऽतिहर्षमवाप ह । संभाष्य गोपतिं नंदमाह सर्वप्रभुप्रियः

digvāsasaṁ samālokya so'tiharṣamavāpa ha saṁbhāṣya gopatiṁ naṁdamāha sarvaprabhupriyaḥ

दिशाओं को ही वस्त्र मानने वाले (नग्न) उस बालक को देखकर वे अत्यंत हर्ष को प्राप्त हुए। गोपति नंद से वार्तालाप करके सर्व-प्रभु-प्रिय नारद ने कहा।

श्लोक 10 (padma.5.71.10)

नारायणपराणां तु जीवनं ह्यतिदुर्लभम् । अस्य प्रभावमतुलं न जानंतीह केचन

nārāyaṇaparāṇāṁ tu jīvanaṁ hyatidurlabham asya prabhāvamatulaṁ na jānaṁtīha kecana

नारायण में परायण होने वाला जीवन अत्यंत दुर्लभ है; इनके अतुल प्रभाव को यहाँ कोई नहीं जानता।

श्लोक 11 (padma.5.71.11)

भव ब्रह्मादयोऽप्यस्मिन्रतिं वांच्छन्ति शाश्वतीम् । चरितं चास्य बालस्य सर्वेषामेव हर्षणम्

bhava brahmādayo'pyasminratiṁ vāṁcchanti śāśvatīm caritaṁ cāsya bālasya sarveṣāmeva harṣaṇam

शिव, ब्रह्मा आदि भी इनमें शाश्वत रति की कामना करते हैं; और इस बालक का चरित्र सभी के लिए हर्षदायक है।

श्लोक 12 (padma.5.71.12)

मुदा गायंति शृण्वंति चाभिनंदंति तादृशाः । अस्मिंस्तव सुतेऽचिंत्यप्रभावे स्निग्धमानसाः

mudā gāyaṁti śṛṇvaṁti cābhinaṁdaṁti tādṛśāḥ asmiṁstava sute'ciṁtyaprabhāve snigdhamānasāḥ

वे लोग हर्ष से इसे गाते, सुनते और अभिनंदित करते हैं जिनका मन आपके इस अचिंत्य-प्रभावशाली पुत्र में स्नेहयुक्त है,

श्लोक 13 (padma.5.71.13)

नराः संति न तेषां वै भवबाधा भविष्यति । मुंचेह परलोकेच्छाः सर्वा बल्लवसत्तम

narāḥ saṁti na teṣāṁ vai bhavabādhā bhaviṣyati muṁceha paralokecchāḥ sarvā ballavasattama

ऐसे मनुष्यों को कभी संसार की बाधा नहीं होगी। हे श्रेष्ठ गोप! परलोक की सभी इच्छाओं को त्याग दो।

श्लोक 14 (padma.5.71.14)

एकांतेनैकभावेन बालेऽस्मिन्प्रीतिमाचर । इत्युक्त्वा नंदभवनान्निष्क्रांतो मुनिपुंगवः

ekāṁtenaikabhāvena bāle'sminprītimācara ityuktvā naṁdabhavanānniṣkrāṁto munipuṁgavaḥ

एकांत भाव से, एकनिष्ठ होकर इस बालक में प्रीति रखो। ऐसा कहकर मुनिश्रेष्ठ नंद के भवन से बाहर निकल गए।

श्लोक 15 (padma.5.71.15)

तेनार्चितो विष्णुबुद्ध्या प्रणम्य च विसर्जितः । अथासौ चिंतयामास महाभागवतो मुनिः

tenārcito viṣṇubuddhyā praṇamya ca visarjitaḥ athāsau ciṁtayāmāsa mahābhāgavato muniḥ

नंद ने उन्हें विष्णु-बुद्धि से पूजित करके, प्रणाम करके विदा किया। तब वह महाभागवत मुनि विचार करने लगे।

श्लोक 16 (padma.5.71.16)

अस्य कांता भगवती लक्ष्मीर्नारायणे हरौ । विधाय गोपिकारूपं क्रीडार्थं शार्ङ्गधन्वनः

asya kāṁtā bhagavatī lakṣmīrnārāyaṇe harau vidhāya gopikārūpaṁ krīḍārthaṁ śārṅgadhanvanaḥ

इनकी प्रिया, भगवती लक्ष्मी, शार्ङ्गधन्वा हरि नारायण की क्रीड़ा के लिए गोपिका का रूप धारण करके,

श्लोक 17 (padma.5.71.17)

अवश्यमवतीर्णा सा भविष्यति न संशयः । तामहं विचिनोम्यद्य गेहेगेहे व्रजौकसाम्

avaśyamavatīrṇā sā bhaviṣyati na saṁśayaḥ tāmahaṁ vicinomyadya gehegehe vrajaukasām

निश्चय ही अवतरित हुई होंगी, इसमें संदेह नहीं। आज मैं व्रजवासियों के घर-घर में उन्हें खोजता हूँ।

श्लोक 18 (padma.5.71.18)

विमृश्यैवं मुनिवरो गेहानि व्रजवासिनाम् । प्रविवेशातिथिर्भूत्वा विष्णुबुद्ध्या सुपूजितः

vimṛśyaivaṁ munivaro gehāni vrajavāsinām praviveśātithirbhūtvā viṣṇubuddhyā supūjitaḥ

ऐसा विचार करके वे मुनिश्रेष्ठ अतिथि बनकर व्रजवासियों के घरों में प्रविष्ट हुए, और विष्णु-बुद्धि से भलीभाँति पूजित हुए।

श्लोक 19 (padma.5.71.19)

सर्वेषां बल्लवादीनां रतिं नंदसुते पराम् । दृष्ट्वा मुनिवरः सर्वान्मनसा प्रणनाम ह

sarveṣāṁ ballavādīnāṁ ratiṁ naṁdasute parām dṛṣṭvā munivaraḥ sarvānmanasā praṇanāma ha

सभी गोप आदि की नंद-पुत्र में परम रति देखकर मुनिश्रेष्ठ ने मन-ही-मन सबको प्रणाम किया।

श्लोक 20 (padma.5.71.20)

गोपालानां गृहे बालां ददर्श श्वेतरूपिणीम् । स दृष्ट्वा तर्कयामास रमा ह्येषा न संशयः

gopālānāṁ gṛhe bālāṁ dadarśa śvetarūpiṇīm sa dṛṣṭvā tarkayāmāsa ramā hyeṣā na saṁśayaḥ

एक गोप के घर में उन्होंने श्वेत-वर्णा एक बालिका देखी। उसे देखकर उन्होंने अनुमान लगाया निश्चय ही यह रमा (लक्ष्मी) है।

श्लोक 21 (padma.5.71.21)

प्रविवेश ततो धीमान्नंदसख्युर्महात्मनः । कस्यचिद्गोपवर्य्यस्य भानुनाम्नो गृहं महत्

praviveśa tato dhīmānnaṁdasakhyurmahātmanaḥ kasyacidgopavaryyasya bhānunāmno gṛhaṁ mahat

तब वे बुद्धिमान मुनि महात्मा नंद के मित्र, भानु नामक किसी श्रेष्ठ गोप के महान् घर में प्रविष्ट हुए।

श्लोक 22 (padma.5.71.22)

अर्चितो विधिवत्तेन सोऽप्यपृच्छन्महामनाः । साधो त्वमसि विख्यातो धर्मनिष्ठतया भुवि

arcito vidhivattena so'pyapṛcchanmahāmanāḥ sādho tvamasi vikhyāto dharmaniṣṭhatayā bhuvi

उसने विधिपूर्वक उनकी पूजा की, और उन महामनस्वी नारद ने पूछा हे साधो! तुम धर्मनिष्ठा के लिए इस लोक में विख्यात हो।

श्लोक 23 (padma.5.71.23)

तवाहं धनधान्यादि समृद्धिं संविभावये । कच्चित्ते योग्यः पुत्रोऽस्ति कन्या वा शुभलक्षणा

tavāhaṁ dhanadhānyādi samṛddhiṁ saṁvibhāvaye kaccitte yogyaḥ putro'sti kanyā vā śubhalakṣaṇā

मैं तुम्हारे धन-धान्य आदि की समृद्धि को देखता हूँ। क्या तुम्हारा कोई योग्य पुत्र है, या शुभ लक्षणोंवाली कोई कन्या,

श्लोक 24 (padma.5.71.24)

यतस्ते कीर्तिरखिलं लोकं व्याप्य भविष्यति । इत्युक्तो मुनिवर्य्येण भानुरानीय पुत्रकम्

yataste kīrtirakhilaṁ lokaṁ vyāpya bhaviṣyati ityukto munivaryyeṇa bhānurānīya putrakam

जिससे तुम्हारी कीर्ति समस्त लोक में व्याप्त हो सके? ऐसा श्रेष्ठ मुनि द्वारा कहे जाने पर भानु ने अपने पुत्र को लाकर,

श्लोक 25 (padma.5.71.25)

महातेजस्विनं दृप्तं नारदायाभ्यवादयत् । दृष्ट्वा मुनिवरस्तं तु रूपेणाप्रतिमं भुवि

mahātejasvinaṁ dṛptaṁ nāradāyābhyavādayat dṛṣṭvā munivarastaṁ tu rūpeṇāpratimaṁ bhuvi

महातेजस्वी, दृप्त, उस बालक से नारद को प्रणाम कराया। उसे भूतल पर अनुपम रूपवाला देखकर मुनिश्रेष्ठ ने,

श्लोक 26 (padma.5.71.26)

पद्मपत्रविशालाक्षं सुग्रीवं सुंदरभ्रुवम् । चारुदंतं चारुकर्णं सर्वावयवसुंदरम्

padmapatraviśālākṣaṁ sugrīvaṁ suṁdarabhruvam cārudaṁtaṁ cārukarṇaṁ sarvāvayavasuṁdaram

कमलपत्र जैसे विशाल नेत्रों, सुंदर ग्रीवा, सुंदर भौंहों, सुंदर दाँतों, सुंदर कानों तथा सभी अंगों में सुंदर उस बालक को,

श्लोक 27 (padma.5.71.27)

तं समाश्लिष्य बाहुभ्यां स्नेहाश्रूणि विमुच्य च । ततः स गद्गद प्राह प्रणयेन महामुनिः

taṁ samāśliṣya bāhubhyāṁ snehāśrūṇi vimucya ca tataḥ sa gadgada prāha praṇayena mahāmuniḥ

दोनों भुजाओं से आलिंगन करके, स्नेह के आँसू बहाते हुए, प्रेम से गद्गद होकर उस महामुनि ने कहा।

श्लोक 28 (padma.5.71.28)

नारद उवाच-। अयं शिशुस्ते भविता सुसखा रामकृष्णयोः । विहरिष्यति ताभ्यां च रात्रिंदिवमतंद्रितः

nārada uvāca- ayaṁ śiśuste bhavitā susakhā rāmakṛṣṇayoḥ vihariṣyati tābhyāṁ ca rātriṁdivamataṁdritaḥ

नारद बोले तुम्हारा यह शिशु राम-कृष्ण का सुहृद सखा बनेगा; वह रात-दिन बिना थके उनके साथ विहार करेगा।

श्लोक 29 (padma.5.71.29)

तत आभाष्य तं गोपप्रवरं मुनिपुंगवः । यदा गंतुं मनश्चक्रे तत्रैवं भानुरब्रवीत्

tata ābhāṣya taṁ gopapravaraṁ munipuṁgavaḥ yadā gaṁtuṁ manaścakre tatraivaṁ bhānurabravīt

फिर उस श्रेष्ठ गोप से वार्तालाप करके, जब मुनिश्रेष्ठ जाने का विचार करने लगे, तब भानु ने वहाँ यह कहा।

श्लोक 30 (padma.5.71.30)

एकास्ति पुत्रिका देव देवपत्न्युपमा मम । कनीयसी शिशोरस्य जडांधबधिराकृतिः

ekāsti putrikā deva devapatnyupamā mama kanīyasī śiśorasya jaḍāṁdhabadhirākṛtiḥ

हे देव! मेरी एक और छोटी पुत्री है, देवपत्नी के समान, इस शिशु से छोटी, किंतु वह जड़, अंधी और बहरी-सी दिखती है।

श्लोक 31 (padma.5.71.31)

उत्साहाद्वृद्धये याचे त्वां वरं भगवत्तम । प्रसन्नदृष्टिमात्रेण सुस्थिरां कुरु बालिकाम्

utsāhādvṛddhaye yāce tvāṁ varaṁ bhagavattama prasannadṛṣṭimātreṇa susthirāṁ kuru bālikām

हे भगवत्तम! मैं उत्साहपूर्वक उसके उद्धार के लिए वर माँगता हूँ अपनी प्रसन्न दृष्टिमात्र से इस बालिका को सुस्थिर कर दीजिए।

श्लोक 32 (padma.5.71.32)

श्रुत्वैवं नारदो वाक्यं कौतुकाकृष्टमानसः । अथ प्रविश्य भवनं लुठंतीं भूतले सुताम्

śrutvaivaṁ nārado vākyaṁ kautukākṛṣṭamānasaḥ atha praviśya bhavanaṁ luṭhaṁtīṁ bhūtale sutām

यह सुनकर नारद का मन कौतूहल से आकर्षित हुआ; तब उन्होंने भवन में प्रवेश करके भूमि पर लोटती हुई उस पुत्री को देखा।

श्लोक 33 (padma.5.71.33)

उत्थाप्यांके निधायातिस्नेहविह्वलमानसः । भानुरप्याययौ भक्तिनम्रो मुनिवरांतिकम्

utthāpyāṁke nidhāyātisnehavihvalamānasaḥ bhānurapyāyayau bhaktinamro munivarāṁtikam

उसे उठाकर गोद में रखकर, अत्यंत स्नेह से विह्वल मनवाले होकर भानु भी भक्तिपूर्वक झुककर उस श्रेष्ठ मुनि के पास आए।

श्लोक 34 (padma.5.71.34)

अथ भागवतश्रेष्ठः कृष्णस्यातिप्रियो मुनिः । दृष्ट्वा तस्याः परं रूपमदृष्टाश्रुतमद्भुतम्

atha bhāgavataśreṣṭhaḥ kṛṣṇasyātipriyo muniḥ dṛṣṭvā tasyāḥ paraṁ rūpamadṛṣṭāśrutamadbhutam

तब उस भागवतश्रेष्ठ, कृष्ण के अत्यंत प्रिय मुनि ने उसके परम रूप को देखा, जो अदृष्ट-अश्रुत और अद्भुत था,

श्लोक 35 (padma.5.71.35)

अभूत्पूर्वसमं मुग्धो हरिप्रेमा महामुनिः । विगाह्य परमानंदसिंधुमेकरसायनम्

abhūtpūrvasamaṁ mugdho haripremā mahāmuniḥ vigāhya paramānaṁdasiṁdhumekarasāyanam

वे पूर्व की भाँति ही मुग्ध हो गए, हरि-प्रेम से भरे उस महामुनि ने मानो परमानंद के अद्वितीय सागर में डुबकी लगा दी।

श्लोक 36 (padma.5.71.36)

मुहूर्त्तद्वितयं तत्र मुनिरासीच्छिलोपमः । मुनींद्रः प्रतिबुद्धस्तु शनैरुन्मील्य लोचने

muhūrttadvitayaṁ tatra munirāsīcchilopamaḥ munīṁdraḥ pratibuddhastu śanairunmīlya locane

दो मुहूर्त तक वे मुनि वहाँ पत्थर के समान स्थिर रहे। जब मुनींद्र सचेत हुए तो धीरे-धीरे नेत्र खोले,

श्लोक 37 (padma.5.71.37)

महाविस्मयमापन्नस्तूष्णीमेव स्थितोऽभवत् । अंतर्हृदि महाबुद्धिरेवमेवं व्यचिंतयत्

mahāvismayamāpannastūṣṇīmeva sthito'bhavat aṁtarhṛdi mahābuddhirevamevaṁ vyaciṁtayat

महाविस्मय को प्राप्त होकर वे मौन ही रहे। मन-ही-मन उस महाबुद्धिमान् ने इस प्रकार विचार किया।

श्लोक 38 (padma.5.71.38)

भ्रांतं सर्वेषु लोकेषु मया स्वच्छंदचारिणा । अस्या रूपेण सदृशी दृष्ट्वा नैव च कुत्रचित्

bhrāṁtaṁ sarveṣu lokeṣu mayā svacchaṁdacāriṇā asyā rūpeṇa sadṛśī dṛṣṭvā naiva ca kutracit

स्वच्छंद विचरण करते हुए मैंने समस्त लोकों में भ्रमण किया, पर इसके रूप के समान कहीं भी कुछ देखा नहीं।

श्लोक 39 (padma.5.71.39)

ब्रह्मलोके रुद्रलोक इंद्रलोके च मे गतिः । न कोपि शोभाकोट्यंशः कुत्राप्यस्या विलोकितः

brahmaloke rudraloka iṁdraloke ca me gatiḥ na kopi śobhākoṭyaṁśaḥ kutrāpyasyā vilokitaḥ

मेरी गति ब्रह्मलोक, रुद्रलोक और इंद्रलोक तक हुई है, पर इसकी शोभा का करोड़वाँ अंश भी मैंने कहीं नहीं देखा।

श्लोक 40 (padma.5.71.40)

महामाया भगवती दृष्टा शैलेंद्रनंदिनी । यस्या रूपेण सकलं मुह्यते सचराचरम्

mahāmāyā bhagavatī dṛṣṭā śaileṁdranaṁdinī yasyā rūpeṇa sakalaṁ muhyate sacarācaram

मैंने पर्वतराज-पुत्री महामाया भगवती (पार्वती) को देखा है, जिनके रूप से सम्पूर्ण चराचर जगत मोहित होता है,

श्लोक 41 (padma.5.71.41)

साप्यस्याः सुकुमारांगी लक्ष्मीं नाप्नोति कर्हिचित् । लक्ष्मीः सरस्वती कांति विद्याद्याश्च वरस्त्रियः

sāpyasyāḥ sukumārāṁgī lakṣmīṁ nāpnoti karhicit lakṣmīḥ sarasvatī kāṁti vidyādyāśca varastriyaḥ

परंतु सुकुमार अंगोंवाली वह भी इसकी लक्ष्मी (शोभा) को कभी नहीं पाती। लक्ष्मी, सरस्वती, कांति, विद्या आदि श्रेष्ठ स्त्रियाँ भी,

श्लोक 42 (padma.5.71.42)

छायामपि स्पृशंत्यस्याः कदाचिन्नैव दृश्यते । विष्णोर्यन्मोहिनीरूपं हरो येन विमोहितः

chāyāmapi spṛśaṁtyasyāḥ kadācinnaiva dṛśyate viṣṇoryanmohinīrūpaṁ haro yena vimohitaḥ

इसकी छाया का भी कभी स्पर्श करती नहीं दिखतीं। विष्णु का जो मोहिनी-रूप था, जिससे शिव भी मोहित हुए थे,

श्लोक 43 (padma.5.71.43)

मया दृष्टं च तदपि कुतोऽस्यासदृशं भवेत् । ततोऽस्यास्तत्त्वमाज्ञातुं न मे शक्तिः कथंचन

mayā dṛṣṭaṁ ca tadapi kuto'syāsadṛśaṁ bhavet tato'syāstattvamājñātuṁ na me śaktiḥ kathaṁcana

वह भी मैंने देखा है, फिर वह इसके समान कैसे हो सकता है? इसलिए इसका तत्त्व जानने की मुझमें किसी भी प्रकार शक्ति नहीं है।

श्लोक 44 (padma.5.71.44)

अन्ये चापि न जानंति प्रायेणैनां हरेः प्रियाम् । अस्याः संदर्शनादेव गोविंदचरणांबुजे

anye cāpi na jānaṁti prāyeṇaināṁ hareḥ priyām asyāḥ saṁdarśanādeva goviṁdacaraṇāṁbuje

अन्य लोग भी प्रायः हरि की इस प्रिया को नहीं जानते। इसके दर्शनमात्र से गोविंद के चरण-कमल में,

श्लोक 45 (padma.5.71.45)

या प्रेमर्द्धिरभूत्सा मे भूतपूर्वा न कर्हिचित् । एकांते नौमि भवतीं दर्शयित्वातिवैभवम्

yā premarddhirabhūtsā me bhūtapūrvā na karhicit ekāṁte naumi bhavatīṁ darśayitvātivaibhavam

जो प्रेम-वृद्धि हुई, वह मुझमें पहले कभी नहीं हुई थी। एकांत में मैं तुम्हारी स्तुति करता हूँ, अपना अत्यंत वैभव दिखाकर,

श्लोक 46 (padma.5.71.46)

कृष्णस्य संभवत्यस्या रूपं परमतुष्टये । विमृश्यैवं मुनिर्गोपप्रवरं प्रेष्य कुत्रचित्

kṛṣṇasya saṁbhavatyasyā rūpaṁ paramatuṣṭaye vimṛśyaivaṁ munirgopapravaraṁ preṣya kutracit

निश्चय ही कृष्ण का रूप इसकी परम तुष्टि के लिए ही प्रकट होता होगा। ऐसा विचार करके मुनि ने उस श्रेष्ठ गोप को कहीं भेजकर,

श्लोक 47 (padma.5.71.47)

निभृते परितुष्टाव बालिकां दिव्यरूपिणीम् । अपि देवि महायोगमायेश्वरि महाप्रभे

nibhṛte parituṣṭāva bālikāṁ divyarūpiṇīm api devi mahāyogamāyeśvari mahāprabhe

एकांत में उस दिव्यरूपिणी बालिका की स्तुति की हे देवी! हे महायोगमायेश्वरि! हे महाप्रभे!

श्लोक 48 (padma.5.71.48)

महामोहनदिव्यांगि महामाधुर्यवर्षिणि । महाद्भुतरसानंदशिथिलीकृतमानसे

mahāmohanadivyāṁgi mahāmādhuryavarṣiṇi mahādbhutarasānaṁdaśithilīkṛtamānase

हे महामोहक दिव्यांगि! हे महामाधुर्य की वर्षा करने वाली! हे महान् अद्भुत रस-आनंद से मन को शिथिल करने वाली!

श्लोक 49 (padma.5.71.49)

महाभाग्येन केनापि गतासि मम दृक्पथम् । नित्यमंतर्मुखादृष्टिस्तव देवि विभाव्यते

mahābhāgyena kenāpi gatāsi mama dṛkpatham nityamaṁtarmukhādṛṣṭistava devi vibhāvyate

किस महाभाग्य से तुम मेरी दृष्टि के पथ में आईं! हे देवी! तुम्हारी दृष्टि सदा अंतर्मुखी दिखाई देती है,

श्लोक 50 (padma.5.71.50)

अंतरेव महानंदपरितृप्तैव लक्ष्यसे । प्रसन्नं मधुरं सौम्यमिदं सुमुखमंडनम्

aṁtareva mahānaṁdaparitṛptaiva lakṣyase prasannaṁ madhuraṁ saumyamidaṁ sumukhamaṁḍanam

मानो भीतर ही महानंद से परितृप्त हो। यह प्रसन्न, मधुर, सौम्य सुंदर मुख-मंडल,

श्लोक 51 (padma.5.71.51)

व्यनक्तिपरमाश्चर्यं कमप्यंतः सुखोदयम् । रजः संबंधिकलिका शक्तिस्तत्वातिशोभने

vyanaktiparamāścaryaṁ kamapyaṁtaḥ sukhodayam rajaḥ saṁbaṁdhikalikā śaktistatvātiśobhane

किसी परम आश्चर्यमय अंतःसुख के उदय को प्रकट करता है। तुम रज-संबंधी शक्ति-तत्त्व की कली हो, अत्यंत शोभनी,

श्लोक 52 (padma.5.71.52)

सृष्टिस्थितिसमाहाररूपिणी त्वमधिष्ठिता । तत्त्वं विशुद्धसत्वाशु शक्तिर्विद्यात्मिका परा

sṛṣṭisthitisamāhārarūpiṇī tvamadhiṣṭhitā tattvaṁ viśuddhasatvāśu śaktirvidyātmikā parā

सृष्टि और स्थिति के समाहार-स्वरूप में तुम अधिष्ठित हो। तुम वह तत्त्व हो शुद्ध सत्त्व की स्वच्छ, परम विद्या-शक्ति,

श्लोक 53 (padma.5.71.53)

परमानंदसंदोहं दधती वैष्णवं परम् । का त्वयाश्चर्यविभवे ब्रह्मरुद्रादिदुर्गमे

paramānaṁdasaṁdohaṁ dadhatī vaiṣṇavaṁ param kā tvayāścaryavibhave brahmarudrādidurgame

परमानंद के समूह को धारण करने वाली, परम वैष्णवी। ब्रह्मा-रुद्र आदि के लिए भी दुर्गम इस आश्चर्य-वैभव में तुम कौन हो?

श्लोक 54 (padma.5.71.54)

योगींद्राणां ध्यानपथं न त्वं स्पृशसि कर्हिचित् । इच्छाशक्तिर्ज्ञानशक्तिः क्रियाशक्तिस्तवेशितुः

yogīṁdrāṇāṁ dhyānapathaṁ na tvaṁ spṛśasi karhicit icchāśaktirjñānaśaktiḥ kriyāśaktistaveśituḥ

तुम योगींद्रों के ध्यान-पथ को भी कभी नहीं छूतीं। ईश्वर की इच्छा-शक्ति, ज्ञान-शक्ति, क्रिया-शक्ति भी,

श्लोक 55 (padma.5.71.55)

तवांशमात्रमित्येवं मनीषा मे प्रवर्त्तते । मायाविभूतयोऽचिंत्यास्तन्मायार्भकमायिनः

tavāṁśamātramityevaṁ manīṣā me pravarttate māyāvibhūtayo'ciṁtyāstanmāyārbhakamāyinaḥ

ऐसा मुझे लगता है, तुम्हारे अंश-मात्र हैं। मायावी की अचिंत्य माया-विभूतियाँ,

श्लोक 56 (padma.5.71.56)

परेशस्य महाविष्णोस्ताः सर्वास्ते कलाकलाः । आनंदरूपिणी शक्तिस्त्वमीश्वरि न संशयः

pareśasya mahāviṣṇostāḥ sarvāste kalākalāḥ ānaṁdarūpiṇī śaktistvamīśvari na saṁśayaḥ

परमेश्वर महाविष्णु की वे सब कला की भी कला हैं। हे ईश्वरी! तुम आनंद-स्वरूपिणी शक्ति हो, इसमें संदेह नहीं।

श्लोक 57 (padma.5.71.57)

त्वया च क्रीडते कृष्णो नूनं वृंदावने वने । कौमारेणैव रूपेण त्वं विश्वस्य च मोहिनी

tvayā ca krīḍate kṛṣṇo nūnaṁ vṛṁdāvane vane kaumāreṇaiva rūpeṇa tvaṁ viśvasya ca mohinī

तुम्हारे साथ ही कृष्ण निश्चय ही वृंदावन में क्रीड़ा करते हैं। कौमार्य-अवस्था के रूप में ही तुम विश्व को मोहने वाली हो,

श्लोक 58 (padma.5.71.58)

तारुण्यवयसा स्पृष्टं कीदृक्ते रूपमद्भुतम् । कीदृशं तव लावण्यं लीलाहासेक्षणान्वितम्

tāruṇyavayasā spṛṣṭaṁ kīdṛkte rūpamadbhutam kīdṛśaṁ tava lāvaṇyaṁ līlāhāsekṣaṇānvitam

तरुण अवस्था से स्पर्शित तुम्हारा अद्भुत रूप कैसा होगा? लीला-हास्य और दृष्टि से युक्त तुम्हारा सौंदर्य कैसा होगा?

श्लोक 59 (padma.5.71.59)

हरि मानुषलोभेन वपुराश्चर्यमंडितम् । द्रष्टुं तदहमिच्छामि रूपं ते हरिवल्लभे

hari mānuṣalobhena vapurāścaryamaṁḍitam draṣṭuṁ tadahamicchāmi rūpaṁ te harivallabhe

हे हरिवल्लभे! उस मानुष-रूप में सुशोभित अद्भुत शरीर को देखने की मुझे इच्छा है,

श्लोक 60 (padma.5.71.60)

येन नंदसुतः कृष्णो मोहं समुपयास्यति । इदानीं मम कारुण्यान्निजं रूपं महेश्वरि

yena naṁdasutaḥ kṛṣṇo mohaṁ samupayāsyati idānīṁ mama kāruṇyānnijaṁ rūpaṁ maheśvari

जिससे नंदपुत्र कृष्ण भी मोहित हो जाएँ। अब मुझ पर कृपा करके, हे महेश्वरी! अपना वह रूप,

श्लोक 61 (padma.5.71.61)

प्रणताय प्रपन्नाय प्रकाशयितुमर्हसि । इत्युक्ता मुनिवर्य्येण तदनुव्रतचेतसा

praṇatāya prapannāya prakāśayitumarhasi ityuktā munivaryyeṇa tadanuvratacetasā

प्रणत और शरणागत मुझे प्रकट करने की कृपा कीजिए। मुनिश्रेष्ठ द्वारा इस प्रकार अनुव्रत-चित्त से कहे जाने पर,

श्लोक 62 (padma.5.71.62)

महामाहेश्वरीं नत्वा महानंदमयीं पराम् । महाप्रेमतरोत्कंठा व्याकुलांगीं शुभेक्षणाम्

mahāmāheśvarīṁ natvā mahānaṁdamayīṁ parām mahāprematarotkaṁṭhā vyākulāṁgīṁ śubhekṣaṇām

उस महामाहेश्वरी, परम आनंदमयी, महाप्रेम की उत्कंठा से व्याकुल अंगोंवाली, शुभ नेत्रोंवाली देवी को प्रणाम करके,

श्लोक 63 (padma.5.71.63)

ईक्षमाणेन गोविंदमेवं वर्णयतास्थितम् । जयकृष्ण मनोहारिञ्जय वृंदावनप्रिय

īkṣamāṇena goviṁdamevaṁ varṇayatāsthitam jayakṛṣṇa manohāriñjaya vṛṁdāvanapriya

गोविंद को निहारते हुए वे इस प्रकार स्तुति करने लगे जय कृष्ण! मनोहारी! जय वृंदावन-प्रिय!

श्लोक 64 (padma.5.71.64)

जयभ्रूभंगललित जयवेणुरवाकुल । जय बर्हकृतोत्तंस जयगोपीविमोहन

jayabhrūbhaṁgalalita jayaveṇuravākula jaya barhakṛtottaṁsa jayagopīvimohana

जय ललित भ्रू-भंग वाले! जय वेणु-ध्वनि से व्याकुल करने वाले! जय मोर-पंख से सुशोभित! जय गोपी-मोहन!

श्लोक 65 (padma.5.71.65)

जय कुंकुमलिप्तांग जय रत्नविभूषण । कदाहं त्वत्प्रसादेन अनया दिव्यरूपया

jaya kuṁkumaliptāṁga jaya ratnavibhūṣaṇa kadāhaṁ tvatprasādena anayā divyarūpayā

जय कुंकुम-लिप्त अंगोंवाले! जय रत्न-विभूषित! कब तुम्हारी कृपा से इस दिव्यरूपिणी के साथ,

श्लोक 66 (padma.5.71.66)

सहितं नवतारुण्य मनोहारि वपुःश्रिया । विलोकयिष्ये कैशोरे मोहनं त्वां जगत्पते

sahitaṁ navatāruṇya manohāri vapuḥśriyā vilokayiṣye kaiśore mohanaṁ tvāṁ jagatpate

नव-तारुण्य से मनोहर शरीर-शोभा सहित, किशोर अवस्था में मोहक तुम्हें, हे जगत्पते! देख सकूँगा।

श्लोक 67 (padma.5.71.67)

एवं कीर्त्तयतस्तस्य तत्क्षणादेव सा पुनः । बभूव दधती दिव्यं रूपमत्यंतमोहनम्

evaṁ kīrttayatastasya tatkṣaṇādeva sā punaḥ babhūva dadhatī divyaṁ rūpamatyaṁtamohanam

इस प्रकार स्तुति करते हुए उनके, उसी क्षण वह बालिका पुनः दिव्य, अत्यंत मोहक रूप धारण कर उठी।

श्लोक 68 (padma.5.71.68)

चतुर्दशाब्दवयसा संमितं ललितं परम् । समानवयसश्चान्यास्तदैव व्रजबालिकाः

caturdaśābdavayasā saṁmitaṁ lalitaṁ param samānavayasaścānyāstadaiva vrajabālikāḥ

चौदह वर्ष की आयु के समान अत्यंत मनोहर; उसी समय समान आयु की अन्य व्रज-बालिकाएँ भी,

श्लोक 69 (padma.5.71.69)

आगत्य वेष्टयामासुर्दिव्यभूषांबरस्रजः । मुनींद्रः स तु निश्चेष्टो बभूवाश्चर्यमोहितः

āgatya veṣṭayāmāsurdivyabhūṣāṁbarasrajaḥ munīṁdraḥ sa tu niśceṣṭo babhūvāścaryamohitaḥ

आकर उन्हें घेर लिया, दिव्य आभूषण-वस्त्र-माला धारण किए हुए। मुनींद्र आश्चर्य से मोहित होकर स्तब्ध रह गए।

श्लोक 70 (padma.5.71.70)

बालायास्तास्तदा सख्यश्चरणांबुकणैर्मुनिम् । निषिच्य बोधयामासुरूचुश्च कृपयान्विताः

bālāyāstāstadā sakhyaścaraṇāṁbukaṇairmunim niṣicya bodhayāmāsurūcuśca kṛpayānvitāḥ

तब उस बालिका की सखियों ने चरण-जल की बूँदों से मुनि को सींचकर सचेत किया और करुणापूर्वक कहा।

श्लोक 71 (padma.5.71.71)

मुनिवर्य महाभाग महायोगेश्वरेश्वर । त्वयैव परया भक्त्या भगवान्हरिरीश्वरः

munivarya mahābhāga mahāyogeśvareśvara tvayaiva parayā bhaktyā bhagavānharirīśvaraḥ

हे श्रेष्ठ मुनि, महाभाग, महायोगेश्वरों के भी ईश्वर! आपने ही परम भक्ति से भगवान हरि ईश्वर की,

श्लोक 72 (padma.5.71.72)

नूनमाराधितो देवो भक्तानां कामपूरकः । यदियंब्रह्मरुद्राद्यैर्देवैः सिद्धमुनीश्वरैः

nūnamārādhito devo bhaktānāṁ kāmapūrakaḥ yadiyaṁbrahmarudrādyairdevaiḥ siddhamunīśvaraiḥ

निश्चय ही आराधना की है, भक्तों की कामनाएँ पूर्ण करने वाले देव की चूँकि यह, जिसे ब्रह्मा-रुद्र आदि देवताओं, सिद्धों, मुनीश्वरों,

श्लोक 73 (padma.5.71.73)

महाभागवतैश्चान्यैर्दुर्दर्शा दुर्गमापि च । अत्यद्भुतवयोरूपमोहिनी हरिवल्लभा

mahābhāgavataiścānyairdurdarśā durgamāpi ca atyadbhutavayorūpamohinī harivallabhā

तथा अन्य महाभागवतों के लिए भी दुर्दर्शा और दुर्गम्य है, वह अत्यंत अद्भुत आयु और रूप की मोहिनी, हरि की प्रिया,

श्लोक 74 (padma.5.71.74)

केनाप्यचिंत्य भाग्येन तवदृष्टिपथं गता । उत्तिष्ठोत्तिष्ठ विप्रर्षे धैर्यमालंब्य सत्वरम्

kenāpyaciṁtya bhāgyena tavadṛṣṭipathaṁ gatā uttiṣṭhottiṣṭha viprarṣe dhairyamālaṁbya satvaram

किसी अचिंत्य सौभाग्य से आपकी दृष्टि के पथ में आ गई है। उठिए, उठिए, हे विप्रर्षे! धैर्य धारण करके शीघ्र,

श्लोक 75 (padma.5.71.75)

एनां प्रदक्षिणीकृत्य नमस्कुरु पुनःपुनः । किं न पश्यसि चार्वंगीमत्यंतव्याकुलामिव

enāṁ pradakṣiṇīkṛtya namaskuru punaḥpunaḥ kiṁ na paśyasi cārvaṁgīmatyaṁtavyākulāmiva

इसकी प्रदक्षिणा करके बार-बार प्रणाम कीजिए। क्या आप इस सुंदरी को अत्यंत व्याकुल-सी नहीं देख रहे?

श्लोक 76 (padma.5.71.76)

अस्मिन्नेव क्षणे नूनमंतर्धानं गमिष्यति । नानया सह संलापः कथंचित्ते भविष्यति

asminneva kṣaṇe nūnamaṁtardhānaṁ gamiṣyati nānayā saha saṁlāpaḥ kathaṁcitte bhaviṣyati

इसी क्षण यह निश्चय ही अंतर्धान हो जाएगी। फिर इसके साथ आपका किसी भी प्रकार संलाप नहीं हो पाएगा।

श्लोक 77 (padma.5.71.77)

दर्शनं च पुनर्नास्याः प्राप्स्यसि ब्रह्मवित्तम । किंतु वृंदावने कापि भात्यशोकलता शुभा

darśanaṁ ca punarnāsyāḥ prāpsyasi brahmavittama kiṁtu vṛṁdāvane kāpi bhātyaśokalatā śubhā

हे ब्रह्मवित्तम! फिर इसका दर्शन भी आपको नहीं मिलेगा। किंतु वृंदावन में कहीं एक शुभ अशोक-लता सुशोभित है,

श्लोक 78 (padma.5.71.78)

सर्वकालेऽपि पुष्पाढ्या सर्वदिग्व्यापि सौरभा । गोवर्द्धनाददूरेण कुसुमाख्यसरस्तटे

sarvakāle'pi puṣpāḍhyā sarvadigvyāpi saurabhā govarddhanādadūreṇa kusumākhyasarastaṭe

जो सभी ऋतुओं में पुष्पों से भरी रहती है, सर्वदिशाओं में सुगंध फैलाने वाली, गोवर्धन से न दूर, कुसुम नामक सरोवर के तट पर।

श्लोक 79 (padma.5.71.79)

तन्मूले ह्यर्द्धरात्रे च द्रक्ष्यस्यस्मानशेषतः । श्रुत्वैवं वचनं तासां स्नेहविह्वलचेतसाम्

tanmūle hyarddharātre ca drakṣyasyasmānaśeṣataḥ śrutvaivaṁ vacanaṁ tāsāṁ snehavihvalacetasām

उसके मूल में आधी रात को आप हम सभी को सम्पूर्ण रूप से देखेंगे। स्नेह-विह्वल चित्तवाली उनकी यह बात सुनकर,

श्लोक 80 (padma.5.71.80)

यावत्प्रदक्षिणीकृत्य प्रणमेद्दंडवन्मुनिः । मुहूर्त्तद्वितयं बालां नानानिर्माणशोभनाम्

yāvatpradakṣiṇīkṛtya praṇameddaṁḍavanmuniḥ muhūrttadvitayaṁ bālāṁ nānānirmāṇaśobhanām

जब तक मुनि उस अनेक शृंगारों से सुशोभित बालिका की प्रदक्षिणा और दंडवत प्रणाम कर रहे थे, तब तक दो मुहूर्त बीत गए।

श्लोक 81 (padma.5.71.81)

आहूय भानुं प्रोवाच नारदः सर्वशोभनाम् । एवं प्रभावा बालेयं न साध्या दैवतैरपि

āhūya bhānuṁ provāca nāradaḥ sarvaśobhanām evaṁ prabhāvā bāleyaṁ na sādhyā daivatairapi

नारद ने भानु को बुलाकर उस सर्वशोभना बालिका के विषय में कहा इसका प्रभाव ऐसा है कि देवता भी इसकी बराबरी नहीं कर सकते।

श्लोक 82 (padma.5.71.82)

किंतु यद्गृहमेतस्याः पदचिह्नविभूषितम् । तत्र नारायणो देवः स्वयं वसति माधवः

kiṁtu yadgṛhametasyāḥ padacihnavibhūṣitam tatra nārāyaṇo devaḥ svayaṁ vasati mādhavaḥ

किंतु जिस घर में इसके चरण-चिह्न विभूषित होते हैं, वहाँ देव नारायण माधव स्वयं निवास करते हैं,

श्लोक 83 (padma.5.71.83)

लक्ष्मीश्च वसते नित्यं सर्वाभिः सर्वसिद्धिभिः । अद्य एनां वरारोहां सर्वाभरणभूषणाम्

lakṣmīśca vasate nityaṁ sarvābhiḥ sarvasiddhibhiḥ adya enāṁ varārohāṁ sarvābharaṇabhūṣaṇām

और लक्ष्मी भी वहाँ नित्य सभी सिद्धियों सहित निवास करती हैं। आज इस वरारोहा, सर्वाभरण-भूषित को,

श्लोक 84 (padma.5.71.84)

देवीमिव परां गेहे रक्ष यत्नेन सत्तम । इत्युक्त्वा मनसैवैनां महाभागवतोत्तमः

devīmiva parāṁ gehe rakṣa yatnena sattama ityuktvā manasaivaināṁ mahābhāgavatottamaḥ

हे सत्तम! घर में साक्षात् देवी के समान यत्नपूर्वक रक्षा करना। ऐसा कहकर वे महाभागवतोत्तम मन में ही,

श्लोक 85 (padma.5.71.85)

तद्रूपमेव संस्मृत्य प्रविष्टो गहनं वनम् । अशोकलतिकामूलमासाद्य मुनिसत्तमः

tadrūpameva saṁsmṛtya praviṣṭo gahanaṁ vanam aśokalatikāmūlamāsādya munisattamaḥ

उसी रूप का स्मरण करते हुए घने वन में प्रविष्ट हुए। अशोक-लता के मूल में पहुँचकर वे श्रेष्ठ मुनि,

श्लोक 86 (padma.5.71.86)

प्रतीक्षमाणो देवीं तां तत्रैवागमनं निशि । स्थितोऽत्र प्रेमविकलश्चिंतयन्कृष्णवल्लभाम्

pratīkṣamāṇo devīṁ tāṁ tatraivāgamanaṁ niśi sthito'tra premavikalaściṁtayankṛṣṇavallabhām

उस देवी की प्रतीक्षा करते हुए वहीं रात्रि में उनके आगमन की, प्रेम से व्याकुल होकर कृष्ण-प्रिया का चिंतन करते हुए ठहरे रहे।

श्लोक 87 (padma.5.71.87)

अथ मध्यनिशाभागे युवत्यः परमाद्भुताः । पूर्वं दृष्ट्वास्तथान्याश्च विचित्राभरणस्रजः

atha madhyaniśābhāge yuvatyaḥ paramādbhutāḥ pūrvaṁ dṛṣṭvāstathānyāśca vicitrābharaṇasrajaḥ

तब आधी रात के समय अत्यंत अद्भुत युवतियाँ पहले देखी गई वह और अन्य भी, विचित्र आभूषण-मालाओं से युक्त,

श्लोक 88 (padma.5.71.88)

दृष्ट्वा मनसि संभ्रांतो दंडवत्पतितो भुवि । परिवार्य मुनिं सर्वास्ताः प्रविविशुः शुभाः

dṛṣṭvā manasi saṁbhrāṁto daṁḍavatpatito bhuvi parivārya muniṁ sarvāstāḥ praviviśuḥ śubhāḥ

उन्हें देखकर मन में विस्मित होकर वे भूमि पर दंडवत गिर पड़े। उन सभी शुभाओं ने मुनि को घेरकर प्रवेश किया।

श्लोक 89 (padma.5.71.89)

प्रष्टुकामोऽपि स मुनिः किंचित्स्वाभिमतं प्रियम् । नाशकत्प्रेमलावण्यप्रियभाषाप्रधर्षितः

praṣṭukāmo'pi sa muniḥ kiṁcitsvābhimataṁ priyam nāśakatpremalāvaṇyapriyabhāṣāpradharṣitaḥ

कुछ पूछने की इच्छा रखते हुए भी वे मुनि अपनी प्रिय इच्छा प्रकट न कर सके, उनकी प्रेमपूर्ण, मधुर, प्रिय वाणी से अभिभूत होकर।

श्लोक 90 (padma.5.71.90)

अथागता मुनिश्रेष्ठं कृतांजलिमवस्थितम् । भक्तिभारानतग्रीवं सविस्मयं ससंभ्रमम्

athāgatā muniśreṣṭhaṁ kṛtāṁjalimavasthitam bhaktibhārānatagrīvaṁ savismayaṁ sasaṁbhramam

तब जो पहले आई थी, वह उस मुनिश्रेष्ठ के पास आई, जो हाथ जोड़े, भक्ति के भार से झुकी ग्रीवा लिए, आश्चर्य और संभ्रम से युक्त खड़े थे,

श्लोक 91 (padma.5.71.91)

सुविनीततमं प्राह तत्रैव करुणान्विता । अशोकमालिनी नाम्ना अशोकवनदेवता

suvinītatamaṁ prāha tatraiva karuṇānvitā aśokamālinī nāmnā aśokavanadevatā

अत्यंत विनम्रतापूर्वक करुणायुक्त होकर उसने कहा वह अशोकवन की देवता अशोकमालिनी नाम की थी।

श्लोक 92 (padma.5.71.92)

अशोकमालिन्युवाच। अशोककलिकायां तु वसाम्यस्यां महामुने । रक्तांबरधरा नित्यं रक्तमालानुलेपना

aśokamālinyuvāca aśokakalikāyāṁ tu vasāmyasyāṁ mahāmune raktāṁbaradharā nityaṁ raktamālānulepanā

अशोकमालिनी बोलीं हे महामुने! मैं इसी अशोक की कली में निवास करती हूँ, सदा लाल वस्त्र धारण किए, लाल माला से अनुलिप्त,

श्लोक 93 (padma.5.71.93)

रक्तसिंदूरकलिका रक्तोत्पलवतंसिनी । रक्तमाणिक्यकेयूर मुकुटादिविभूषिता

raktasiṁdūrakalikā raktotpalavataṁsinī raktamāṇikyakeyūra mukuṭādivibhūṣitā

लाल सिंदूर की बिंदी, लाल कमलों से सुशोभित, लाल माणिक्य के केयूर-मुकुट आदि से विभूषित।

श्लोक 94 (padma.5.71.94)

एकदा प्रियया सार्द्धं विहरंत्यो मधूत्सवे । तत्रैव मिलिता गोपबालिकाश्चित्रवाससः

ekadā priyayā sārddhaṁ viharaṁtyo madhūtsave tatraiva militā gopabālikāścitravāsasaḥ

एक बार मधु-उत्सव में प्रिया के साथ विहार करते हुए, वहीं विचित्र वस्त्रोंवाली गोप-बालिकाएँ मिलीं।

श्लोक 95 (padma.5.71.95)

अहं चाशोकमालाभिर्गोपवेषधरं हरिम् । रमारूपाश्च ताः सर्वा भक्त्या सम्यगपूजयम्

ahaṁ cāśokamālābhirgopaveṣadharaṁ harim ramārūpāśca tāḥ sarvā bhaktyā samyagapūjayam

और मैंने भी उन सबके साथ, जो रमा के ही रूप थीं, अशोक-मालाओं से गोप-वेषधारी हरि को भक्तिपूर्वक भलीभाँति पूजा।

श्लोक 96 (padma.5.71.96)

ततः प्रभृति चैतासां मध्ये तिष्ठामि सर्वदा । भूषाभिर्विविधाभिश्च तोषयित्वा रमापतिम्

tataḥ prabhṛti caitāsāṁ madhye tiṣṭhāmi sarvadā bhūṣābhirvividhābhiśca toṣayitvā ramāpatim

तब से मैं सदा उनके मध्य में रहती हूँ, नाना प्रकार के आभूषणों से रमापति को संतुष्ट करते हुए।

श्लोक 97 (padma.5.71.97)

परात्परमहं सर्वं विजानामीह सर्वतः । गोगोपगोपिकादीनां रहस्यं चापि वेद्म्यहम्

parātparamahaṁ sarvaṁ vijānāmīha sarvataḥ gogopagopikādīnāṁ rahasyaṁ cāpi vedmyaham

परे से भी परे, मैं यहाँ सब कुछ सर्वतः जानती हूँ; गौ, गोप, गोपिकाओं आदि का रहस्य भी मैं जानती हूँ।

श्लोक 98 (padma.5.71.98)

तव जिज्ञासितं सर्वं हृदि प्रत्यभिभाषितम् । तां देवीमद्भुताकारामद्भुतानंददायिनीम्

tava jijñāsitaṁ sarvaṁ hṛdi pratyabhibhāṣitam tāṁ devīmadbhutākārāmadbhutānaṁdadāyinīm

आपने हृदय में जो जिज्ञासा की है, उस सबका उत्तर वहीं दिया गया है उस अद्भुत आकारवाली, अद्भुत आनंद देने वाली,

श्लोक 99 (padma.5.71.99)

हरेः प्रियां हिरण्याभां हीरकोज्ज्वलमुद्रिकाम् । कथं पश्यामि लोलाक्षीं कथं वा तत्पदांबुजम्

hareḥ priyāṁ hiraṇyābhāṁ hīrakojjvalamudrikām kathaṁ paśyāmi lolākṣīṁ kathaṁ vā tatpadāṁbujam

हरि की प्रिया, स्वर्ण-वर्णा, हीरे से उज्ज्वल मुद्रिकावाली, चंचल नेत्रोंवाली उस देवी को मैं कैसे देखूँ, या उनके चरण-कमल को कैसे देखूँ,

श्लोक 100 (padma.5.71.100)

आराध्यतेऽतिभक्त्येति त्वया ब्रह्मन्विमर्शितम् । तत्र ते कथयिष्यामि वृत्तांतं सुमहात्मनाम्

ārādhyate'tibhaktyeti tvayā brahmanvimarśitam tatra te kathayiṣyāmi vṛttāṁtaṁ sumahātmanām

यह अत्यंत भक्ति से ही आराध्य है ऐसा हे ब्रह्मन्! आपने विचार किया है। अब मैं आपसे उन महात्माओं का वृत्तांत कहूँगी,

श्लोक 101 (padma.5.71.101)

मानसे सरसि स्थित्वा तपस्तीव्रमुपेयुषाम् । जपतां सिद्धमंत्रांश्च ध्यायतां हरिमीश्वरम्

mānase sarasi sthitvā tapastīvramupeyuṣām japatāṁ siddhamaṁtrāṁśca dhyāyatāṁ harimīśvaram

जो मानस-सरोवर में स्थित होकर तीव्र तप करते हुए, सिद्ध मंत्रों का जप करते हुए, ईश्वर हरि का ध्यान करते हुए,

श्लोक 102 (padma.5.71.102)

मुनीनां कांक्षतां नित्यं तस्या एव पदांबुजम् । एकसप्ततिसाहस्रं संख्यातानां महौजसाम्

munīnāṁ kāṁkṣatāṁ nityaṁ tasyā eva padāṁbujam ekasaptatisāhasraṁ saṁkhyātānāṁ mahaujasām

उन मुनियों की जो सदा उन्हीं देवी के चरण-कमल की कामना करते हैं इकहत्तर हजार गिने गए, महातेजस्वी,

श्लोक 103 (padma.5.71.103)

तत्तेऽहं कथयाम्यद्य तद्रहस्यं परं वने

tatte'haṁ kathayāmyadya tadrahasyaṁ paraṁ vane

वह मैं आज तुम्हें वन में वह परम रहस्य कहूँगी।